1
00:00:05,000 --> 00:00:07,400
Lan Yèrusàlɛ̀m ndɔꞌ ɓe lɛli lɛ:

2
00:00:07,400 --> 00:00:11,520
«Mwum nɛ tòn ni nɛ ɓɛ ta ka kæb lɛ̀ ɓɛ wu nun?

3
00:00:11,520 --> 00:00:12,280
Cɛênì fɛꞌ,

4
00:00:12,280 --> 00:00:13,720
à tǎ lɛli kɛ pisean,

5
00:00:13,720 --> 00:00:15,600
shìkì mwum ndɔꞌ shɛ̀ kuꞌ nun lɛꞌ ndɔꞌ.

6
00:00:15,600 --> 00:00:19,640
Mɛ̀ ci-zwiꞌ ɓyɛꞌ ta lɔꞌ mwù kɛ̌ lɛ̀ lɛŋkæ̀m lɛ mwum tòn nɛ ni Kristò,

7
00:00:19,640 --> 00:00:22,800
mwum nɛ M̀vɛ̀nnswæ̀b yɛ̌ fyii?

8
00:00:22,800 --> 00:00:22,920
Ɓwiꞌ,

9
00:00:22,920 --> 00:00:25,080
ɓwiꞌ limmi cɛ̌ mwum nɛ tòn nɛ wai nun.

10
00:00:25,080 --> 00:00:25,680
Son,

11
00:00:25,680 --> 00:00:27,560
kwan sɛ Kristò yɛ̌ ɓɛ̌n,

12
00:00:27,560 --> 00:00:29,640
mwum ndɔꞌ ɓǎ lìmmì cɛ̌ nun wai nun.»

13
00:00:29,640 --> 00:00:31,720
Kɛ kwan màzwùm nun,

14
00:00:31,720 --> 00:00:34,320
Yesù ɓe ywum lìsea kɛ nyenswæ̀b ndwun.

15
00:00:34,320 --> 00:00:36,320
À ywɔmɛ she ɓwum màzwùm ɓe lɛꞌ si,

16
00:00:36,320 --> 00:00:38,560
à shɛ̀ lɛ̀ ŋ̀kwu kimmi lɛ:

17
00:00:38,560 --> 00:00:39,920
«Lɛŋkæ̀m sɛ,

18
00:00:39,920 --> 00:00:42,000
ɓyin limmi mûn.

19
00:00:42,000 --> 00:00:43,440
Ɓyin limmì tì kuꞌ cɛ̌ mùn wai nun.

20
00:00:43,440 --> 00:00:44,120
Son,

21
00:00:44,120 --> 00:00:48,200
ɓyin lìmmi kan lɛ mǔn ɓɛ̀n kan cɛ̌ lɛ̀ ŋ̀kimmɔꞌ yɛ̂m,

22
00:00:48,200 --> 00:00:48,480
son,

23
00:00:48,480 --> 00:00:50,040
mwum ndɔꞌ nɛ fyii mùn.

24
00:00:50,040 --> 00:00:51,840
Nun nɛ ɗyi ci-lɛŋkæ̀m.

25
00:00:51,840 --> 00:00:53,000
Ɓyin lìmmi kan nun.

26
00:00:53,000 --> 00:00:53,360
Son,

27
00:00:53,360 --> 00:00:53,800
mǔn,

28
00:00:53,800 --> 00:00:54,800
mùn lìmmi nun,

29
00:00:54,800 --> 00:00:56,360
ntwiꞌ sɛ mùn wai moan ke shon,

30
00:00:56,360 --> 00:00:57,600
nun nɛ fyii mùn.»

31
00:00:57,600 --> 00:00:58,960
Kwan sɛ ɓon ywɔe li,

32
00:00:58,960 --> 00:01:02,440
ɓɛ ɗunmi mbyi kæbbi lɛ̀ ɓɛ ɓæn nun,

33
00:01:02,440 --> 00:01:03,480
son,

34
00:01:03,480 --> 00:01:05,520
mwum ndɔꞌ yìnndi kan nun lɛ̀ fyàꞌ,

35
00:01:05,520 --> 00:01:08,160
ntwiꞌ sɛ ɓe lɛ̀ kwan mɓæn shon wòli kifɛꞌ.

36
00:01:08,160 --> 00:01:09,280
Kwo fɛꞌ li,

37
00:01:09,280 --> 00:01:11,560
kɛ nyinnìm ɓwum ɓɛ ɓe kwe,

38
00:01:11,560 --> 00:01:13,800
ɓye tɛle zwùm lɛ̀ nun ɓe mèan.

39
00:01:13,800 --> 00:01:14,880
Ɓɛ ɓe lɛꞌ lɛ:

40
00:01:14,880 --> 00:01:17,440
«Kwan sɛ Kristò yɛ̌ ɓɛ̌n,

41
00:01:17,440 --> 00:01:21,480
à yɛ̌ hìlea cǐ a lan ye mwum tòn nɛ cì?»

42
00:01:21,480 --> 00:01:24,960
Mɛ̀ Fàrìzìɛ̂n ndɔꞌ ywɔꞌ swum sɛ ɓwum ɓe lɛli kɛ ŋgun nji kɛ nywi Yesù.

43
00:01:24,960 --> 00:01:28,520
Ɓɛ pyie ŋwum fɔꞌ ɓon lɛ̀ mɛ̀ ci-zwiꞌ mɛ ci-mfɛ sàtìkæ̀ꞌ,

44
00:01:28,520 --> 00:01:28,880
li,

45
00:01:28,880 --> 00:01:34,120
ɓɛ fyiɔ̀ꞌ mɛ̀ ci-mɓòn nyenswæ̀b ndwun lɛ ɓɛ kɛn Yesù ɓænni.

46
00:01:34,120 --> 00:01:35,480
Yesù ywɔmɛ li,

47
00:01:35,480 --> 00:01:37,800
à shɛ̀ lɛ̀ ɓon lɛ:

48
00:01:37,800 --> 00:01:39,120
«Ɓwiꞌ kɛ tòn ɓwiꞌ lɛ̀ ɓyin nùn,

49
00:01:39,120 --> 00:01:39,680
son,

50
00:01:39,680 --> 00:01:41,320
kɛ kwan kwæꞌ nun,

51
00:01:41,320 --> 00:01:42,560
mùn yɛ̌ ɓyin ɗonnzi,

52
00:01:42,560 --> 00:01:45,000
mùn kɛ̀n ɓe cɛ̌ mwum nɛ fyii mùn.

53
00:01:45,000 --> 00:01:45,920
Ɓyin yɛ mùn kæbbi,

54
00:01:45,920 --> 00:01:47,080
son,

55
00:01:47,080 --> 00:01:48,440
ɓyin ɓa mûn cinni,

56
00:01:48,440 --> 00:01:52,000
ntwiꞌ sɛ ɓyin wòli kan kim ɓyin ɓɛn cɛ̌ mùn yɛ̌ ɓɛ nun.»

57
00:01:52,000 --> 00:01:57,280
Mɛ̀ Yudà ɗunmi lɛli nyinnìm shan nun lɛ:

58
00:01:57,280 --> 00:01:59,240
«Yǎ cìcì sɛ nun yɛ̌ kɛ̀n ɗyě nun,

59
00:01:59,240 --> 00:02:01,520
ɓwiꞌ shi nun cinni?

60
00:02:01,520 --> 00:02:08,320
À yili nun kɛn ɗyě kɛ cɛ̌ mɛ̀ ŋgyinni mɛ Yudà ɓye nywæleâ kɛ nyinnìm ɓwum ɓɛ ɓa mɛ̀ Yudà nun,

61
00:02:08,320 --> 00:02:11,560
lɛ̀ nun lisàꞌ mɛ̀ kyǐn màzwùm ywum?

62
00:02:11,560 --> 00:02:13,600
À shɛ̀ tì lɛ ɓwiꞌ yɛ nun kæbbi,

63
00:02:13,600 --> 00:02:14,320
son,

64
00:02:14,320 --> 00:02:15,840
ɓwiꞌ ɓa nun cinni,

65
00:02:15,840 --> 00:02:19,600
ntwiꞌ sɛ ɓwiꞌ wòli kan kim ɓwiꞌ kɛn ɓɛ̌n cɛ̌ nun yɛ̌ ɓɛ nun.

66
00:02:19,600 --> 00:02:21,520
Sù nzæ̀ꞌ lɛꞌ màzwùm ni kuꞌ lɛ?»

67
00:02:21,520 --> 00:02:24,520
Nywɔꞌ nɛ ŋ̀gwìn mlɔ̀e,

68
00:02:24,520 --> 00:02:28,640
ŋ̀gyìn màzwùm nɛ ɓe ŋ̀gyìn ndwun,

69
00:02:28,640 --> 00:02:31,600
à làn mɛ̀ ŋgyìn ɓye fɔꞌ.

70
00:02:31,600 --> 00:02:33,680
Nywɔꞌ màzwùm,

71
00:02:33,680 --> 00:02:36,520
Yesù waꞌ zwô kɛ nyinnìm ɓwum,

72
00:02:36,520 --> 00:02:37,040
à shɛ̀ lɛ̀ ŋ̀kwu kimmi lɛ:

73
00:02:37,040 --> 00:02:38,200
«Ɓɛshɛ ǹjè mlǎꞌ tǎ mwum ndɔꞌ kwɛ̀nni,

74
00:02:38,200 --> 00:02:39,720
à kiìn cì shɛ̂m lɛ̀ nun nwi mlǎꞌ.

75
00:02:39,720 --> 00:02:42,040
A si wɛ̌ tà shɛ ɓɛ lɛli kɛ ɗèwǎ Mvɛ̀nnswæ̀b nun lɛ:

76
00:02:42,040 --> 00:02:44,960
“Mwum nɛ tǎ zwùm tɛ̀li lɛ̀ mǔn,

77
00:02:44,960 --> 00:02:49,040
mlǎꞌ ye ta ǹzison ŋkæ̀mŋkæm fɛ yɛ kwain kɛ zwum shon nun.” »

78
00:02:49,040 --> 00:02:50,960
Kɛ nlɛli yɛ Yesù ɓe lɛli li,

79
00:02:50,960 --> 00:02:55,480
à ɓe lɛli kɛ nywi Mpùn Nsanmi nɛ ɓwum ɓɛ yɛ zwùm tɛ̀li lɛ̀ nun yɛ cinni.

80
00:02:55,480 --> 00:02:57,440
Kɛ kwan màzwùm nun,

81
00:02:57,440 --> 00:02:59,520
ɓe lɛ̀ M̀vɛ̀nnswæ̀b fyii kifɛꞌ M̀pùn nyon,

82
00:02:59,520 --> 00:03:03,040
ntwiꞌ sɛ ɓe lɛ̀ M̀vɛ̀nnswæ̀b fɛ kifɛꞌ Yesù ǹtwu yon.

83
00:03:03,040 --> 00:03:05,240
Kɛ nyè yɛ ɓɛ ywɔꞌ ǹzæ̌ꞌ lɛꞌ yi,

84
00:03:05,240 --> 00:03:10,760
ɓyindɔꞌ lɛ̀ ɓwum ɓye ɓe kɛ ŋkwìn ɓwum nun ɗunmi lɛli kɛ nyinnìm shan nun lɛ:

85
00:03:10,760 --> 00:03:11,840
«Lɛ̀ lɛŋkæ̀m,

86
00:03:11,840 --> 00:03:17,360
mwum nɛ tòn nɛ ni ci-nlɛli kɛ ŋwum Mvɛ̀nnswæ̀b nun nyɛ̌ ɓɛ lɛkàꞌ lɛ M̀vɛ̀nnswæ̀b yɛ̌ fyiì.»

87
00:03:17,360 --> 00:03:18,960
Ɓyindɔꞌ,

88
00:03:18,960 --> 00:03:19,840
ɓon lɛ:

89
00:03:19,840 --> 00:03:20,080
nyǐ ni Kristò,

90
00:03:20,080 --> 00:03:21,720
mwum nɛ M̀vɛ̀nnswæ̀b fyii.

91
00:03:21,720 --> 00:03:22,360
Son,

92
00:03:22,360 --> 00:03:25,240
ɓyindɔꞌ lɛꞌ kuꞌ làn nyan lɛ:

93
00:03:25,240 --> 00:03:27,800
«Lɛŋkæ̀m sɛ lɛ Kristò yɛ̌ wai kɛ ŋgyɔꞌ Gàlìlê nun?

94
00:03:27,800 --> 00:03:36,440
Ɓɛ kɔꞌ kan kɛ ɗèwǎ Mvɛ̀nnswæ̀b nun lɛ Kristò yɛ̌ ɓɛ mwum nyɛ̌ kɛ mvu ɓwum mvɛ̀n Dàvîd nun?

95
00:03:36,440 --> 00:03:37,080
Lɛ à yɛ̌ waì kɛ Bɛ̀tlèhɛ̂m,

96
00:03:37,080 --> 00:03:38,200
yɛ ɓe myi mvɛ̀n Dàvîd?»

97
00:03:38,200 --> 00:03:41,280
Kɛ ŋkwùm yɛ ŋ̀kwìn ɓwum màzwùm kwùm ŋgyi li,

98
00:03:41,280 --> 00:03:42,920
ŋ̀kyììli ɓɛn kɛ nyinnìm shan nun.

99
00:03:42,920 --> 00:03:45,600
Ɓyindɔꞌ lɛ̀ ɓwum yili lɛ ɓon ɓæn Yesù,

100
00:03:45,600 --> 00:03:46,600
son,

101
00:03:46,600 --> 00:03:48,200
mwum ndɔꞌ yìnndi kan nun lɛ̀ fyàꞌ.

102
00:03:48,200 --> 00:03:54,080
Mɛ̀ ci-mɓòn nyenswæ̀b ndwun fyoìn ɓe kɛ cɛ̌ mɛ̀ ci-zwiꞌ mɛ ci-mfɛ sàtìkæ̀ꞌ ɓon lɛ̀ mɛ̀ Fàrìzìɛ̂n,

103
00:03:54,080 --> 00:03:56,160
fyàꞌ pwìn.

104
00:03:56,160 --> 00:03:57,520
Ɓɛ ɓɛnmɛ kwe,

105
00:03:57,520 --> 00:03:59,920
mɛ̀ ci-zwiꞌ màzwǔm kà cibbi lɛ̀ ɓon lɛ:

106
00:03:59,920 --> 00:04:01,360
«Yɛn sɛ ci ɓyin kɛ̀nnzi kǎn Yesù cɛ̌?»

107
00:04:01,360 --> 00:04:05,120
Mɛ̀ ci-mɓòn nyenswæ̀b ndwun màzwǔm kà fyònnzi ɓe lɛ̀ ɓon lɛ:

108
00:04:05,120 --> 00:04:09,280
«Mwum ɗin ndɔꞌ lɛli kifɛꞌ mbyî wɛ̌ mwum nɛ tòn ni.»

109
00:04:09,280 --> 00:04:11,400
Mɛ̀ Fàrìzìɛ̂n kà cibbi lɛ̀ ɓon lɛ:

110
00:04:11,400 --> 00:04:13,240
«Ɓyin tì kuꞌ,

111
00:04:13,240 --> 00:04:15,320
ɓyin ti tì mɛ̀ mɓwɛ̀ꞌ ɓyon ɓi ɗwon?

112
00:04:15,320 --> 00:04:20,120
Ɓyin ywɔâ nywɔꞌ ndɔꞌ lɛ ci-zwiꞌ nyɛꞌ ndɔꞌ m̀bɔꞌ kɛ̀â ǹlim kɛ nywi yon?

113
00:04:20,120 --> 00:04:21,040
Kɛ̀ shindɔꞌ,

114
00:04:21,040 --> 00:04:23,280
ɓyin ywɔâ lɛ Fàrìzìɛ̂n ndɔꞌ kɛ̀â tì ǹlim lɛ̀ nun?

115
00:04:23,280 --> 00:04:25,800
Ɓwum ɗinɗin ɓɛ ta ǹlim kɛ̌ lɛ̀ nun,

116
00:04:25,800 --> 00:04:27,440
ntwiꞌ sɛ ɓon lìmmi kan lwuà Mòîzɛ̀.

117
00:04:27,440 --> 00:04:29,680
M̀vɛ̀nnswæ̀b yɛ̌ ɓon vɛ̀nɛ̀ꞌ yɛnnzi.»

118
00:04:29,680 --> 00:04:33,360
Nìkòdɛ̂m ɓe kwe ŋkwìn mɛ Fàrìzìɛ̂n màzwùm nun.

119
00:04:33,360 --> 00:04:35,760
Nun nɛ kìen Yesù yɛnni nywɔꞌ ndɔꞌ.

120
00:04:35,760 --> 00:04:36,440
À ɗyi,

121
00:04:36,440 --> 00:04:37,960
à shɛ̀ lɛ̀ ɓon lɛ:

122
00:04:37,960 --> 00:04:40,240
«Kɛ ɓɛ̀ꞌ lwuà shɛꞌ nun,

123
00:04:40,240 --> 00:04:45,440
ɓwiꞌ wòli kan kim ɓwiꞌ yɛnnzi mwum ndɔꞌ vɛ̀nɛ̀ꞌ ɗin,

124
00:04:45,440 --> 00:04:47,200
shìkì ɓwiꞌ limmì swum ndɔꞌ sɛ nun cǐ.»

125
00:04:47,200 --> 00:04:50,280
Mɛ̀ Fàrìzìɛ̂n ɓye fɔꞌ ywɔmɛ swum sɛ Nìkòdɛ̂m lɛli li,

126
00:04:50,280 --> 00:04:52,040
ɓɛ kà cibbi lɛ̀ nun lɛ:

127
00:04:52,040 --> 00:04:53,560
«Wù hwæn,

128
00:04:53,560 --> 00:04:55,680
wù ni tì mwum Gàlìlê?

129
00:04:55,680 --> 00:04:56,680
Kɛ̀nne,

130
00:04:56,680 --> 00:04:59,200
wù cɛ kɛ ɗèwǎ Mvɛ̀nnswæ̀b nun,

131
00:04:59,200 --> 00:05:05,960
wù yɛ̌ yɛn lɛ kwo fɛꞌ ci-nlɛli kɛ ŋwum Mvɛ̀nnswæ̀b nun ndɔꞌ m̀bɔꞌ ɓǎ wai kɛ ŋgyɔꞌ Gàlìlê.» [

132
00:05:05,960 --> 00:05:07,720
Kɛ nyě màzwùm,

133
00:05:07,720 --> 00:05:11,880
wɛn nɛ hwæn yè mbyi ɗwòn nyon ɓe.