1
00:00:05,000 --> 00:00:06,960
Yesù ɗyi,

2
00:00:06,960 --> 00:00:09,320
à kònndì tì shɛ̀ ɓe lɛ̀ ŋ̀kwìn ɓwum lɛ:

3
00:00:09,320 --> 00:00:13,720
«Mùn nɛ ɗyi ŋ̀wanni she ta ɗwùm kɛ nyinnìm ɓwum ɓɛ ŋgyɔ̂ꞌ wan nun.

4
00:00:13,720 --> 00:00:17,800
Mwum nyɛ̌ tà mun ɗwon nyè yɛ̌ ŋ̀wanni she ta ǹzison ŋkæ̀mŋkæm fɛ cinni.

5
00:00:17,800 --> 00:00:19,960
À ɓà tî kɛ̀nni kɛ njimmi nun.»

6
00:00:19,960 --> 00:00:21,720
Mɛ̀ Fàrìzìɛ̂n ywɔmɛ li,

7
00:00:21,720 --> 00:00:23,120
ɓɛ shɛ lɛ̀ nun lɛ:

8
00:00:23,120 --> 00:00:24,880
«Wù tǎ shìtàkwù swû ɗyi lɛ̀ wǔ nɛꞌ.

9
00:00:24,880 --> 00:00:25,000
Li,

10
00:00:25,000 --> 00:00:26,840
swum sɛ wù tǎ lɛli,

11
00:00:26,840 --> 00:00:30,160
ɓwiꞌ wòli kan ɓwiꞌ twɛꞌ son lɛ̀ lɛŋkæ̀m.»

12
00:00:30,160 --> 00:00:33,120
Yesù fyònnzì ɓe lɛ̀ ɓon lɛ:

13
00:00:33,120 --> 00:00:35,320
«Mun ɗyi fɛꞌ shìtàkwù shɛ̂m lɛ̀ mǔn nɛꞌ,

14
00:00:35,320 --> 00:00:37,640
swum sɛ mùn tǎ lɛli à si lɛŋkæ̀m,

15
00:00:37,640 --> 00:00:41,160
ntwiꞌ sɛ mùn lìmmi cìcì sɛ mùn wai nun,

16
00:00:41,160 --> 00:00:43,520
mùn lìmmi tî cɛ̌ mùn kɛ̀nmɛ nun,

17
00:00:43,520 --> 00:00:44,320
son ɓyin,

18
00:00:44,320 --> 00:00:45,600
ɓyin lìmmi kan cɛ̌ mùn wai nun,

19
00:00:45,600 --> 00:00:48,000
shìkì ɓyin limmì kuꞌ cɛ̌ mùn kɛ̀nmɛ nun.

20
00:00:48,000 --> 00:00:51,560
Ɓyin ta mɛ̀ kæ̀ꞌ linni kɛ nlìmmì yɛ ɓwum wan limmi nun.

21
00:00:51,560 --> 00:00:52,200
Ti lɛ̀ mǔn,

22
00:00:52,200 --> 00:00:54,720
mǔn tà ka mwum ndɔꞌ mɛ̀ kæ̀ꞌ linni.

23
00:00:54,720 --> 00:00:55,640
Son,

24
00:00:55,640 --> 00:00:58,160
ɓɛshɛ a ta ɓɛ lɛ̀ mùn lin mɛ̀ kæ̀ꞌ,

25
00:00:58,160 --> 00:01:00,200
ǹlin mɛ kæ̀ꞌ yɛ̂m yi kɛ mbyi nun,

26
00:01:00,200 --> 00:01:02,560
ntwiꞌ sɛ mǔn tà ka mɛ̀ kæ̀ꞌ linni mùn kyishɛ̂m,

27
00:01:02,560 --> 00:01:03,440
son,

28
00:01:03,440 --> 00:01:05,520
ɓwiꞌ ɓi ɓwiꞌ lɛ̀ Ce nyɛ̀m nɛ fyii mùn.

29
00:01:05,520 --> 00:01:11,400
Ɓɛ kɔꞌ kɛ ɗèwà mɛ lwuà shin nun lɛ ɓɛshɛ ɓwum ɓî ndɔꞌ ɗyi shìtàkwù kɛ swum fɔꞌ nun,

30
00:01:11,400 --> 00:01:13,840
lɛ̀ shìtàkwǔ màzwùm si she lɛŋkæ̀m.

31
00:01:13,840 --> 00:01:15,520
Mùn tǎ shìtàkwù shɛ̂m nɛꞌ ɗyi.

32
00:01:15,520 --> 00:01:20,720
Ce nyɛ̀m nɛ fyii mùn tà tî kònndì shìtàkwù ɗyi kɛ nywi yɛ̂m.»

33
00:01:20,720 --> 00:01:22,640
Ɓɛ cibbi lɛ̀ nun lɛ:

34
00:01:22,640 --> 00:01:23,760
«Ti lɛ̀ Ce nywù,

35
00:01:23,760 --> 00:01:25,200
à ni fɛn?»

36
00:01:25,200 --> 00:01:27,400
Yesù fyònnzì lɛ̀ ɓon lɛ:

37
00:01:27,400 --> 00:01:28,600
«Ɓyin lìmmi kan mûn,

38
00:01:28,600 --> 00:01:29,680
shìkì ɓyin limmì kuꞌ Ce nyɛ̀m.

39
00:01:29,680 --> 00:01:30,840
Ɓyin limmè mǔn,

40
00:01:30,840 --> 00:01:32,320
ɓyin limmè tì kuꞌ Ce nyɛ̀m.»

41
00:01:32,320 --> 00:01:39,560
Yesù ɓe ɓon ǹzæ̌ꞌ lɛꞌ yi shɛ̌ kwan sɛ nun ɓe ɓon ywum lìsea kɛ nyenswæ̀b ndwun.

42
00:01:39,560 --> 00:01:44,160
À ɓe ǹtònmi kɛ moan mɛ̀ ŋgwǔm lòn ye ɓɛ ɓe mbe Mvɛ̀nnswæ̀b kɛ̌ kɛ nlim.

43
00:01:44,160 --> 00:01:46,480
Mwum ndɔꞌ ɓæn kan nun,

44
00:01:46,480 --> 00:01:48,480
ntwiꞌ sɛ ɓe lɛ̀ kwan mɓæn shon wòli kifɛꞌ.

45
00:01:48,480 --> 00:01:50,360
Yesù kònndì ɓon shɛ̌ lɛ:

46
00:01:50,360 --> 00:01:51,840
«Mùn yɛ̌ kɛ̀n,

47
00:01:51,840 --> 00:01:53,360
ɓyin yɛ mùn kæbbi ɓe,

48
00:01:53,360 --> 00:01:54,200
son,

49
00:01:54,200 --> 00:01:54,920
ɓyin ɓa mûn cinni,

50
00:01:54,920 --> 00:01:57,160
ɓyin yɛ ywi kɛ ɓyɛbbi nyin nun.

51
00:01:57,160 --> 00:02:00,200
Ɓyin wòli kan kim ɓyin kɛn cɛ̌ mùn kɛ̀nmɛ nun.»

52
00:02:00,200 --> 00:02:02,120
Mɛ̀ Yudà ywɔmɛ li,

53
00:02:02,120 --> 00:02:04,400
ɓɛ ɗunmi lɛli nyinnìm shan nun lɛ:

54
00:02:04,400 --> 00:02:06,360
«À yɛ̌ nun nɛꞌ wu?

55
00:02:06,360 --> 00:02:10,480
Kɛ nun shɛ̌ lɛ ɓwiꞌ wòli kan kim ɓwiꞌ kɛn cɛ̌ nun kɛ̀nmɛ nun?»

56
00:02:10,480 --> 00:02:12,960
Yesù ywɔmɛ li,

57
00:02:12,960 --> 00:02:14,960
à fyònnzì lɛ̀ ɓon lɛ:

58
00:02:14,960 --> 00:02:15,160
«Ɓyin,

59
00:02:15,160 --> 00:02:17,920
ɓyin ɓi ɓwum ɓɛ waꞌ kɛ cɛ̌ ŋgyɔ̂ꞌ wan nun,

60
00:02:17,920 --> 00:02:18,800
son,

61
00:02:18,800 --> 00:02:19,680
ti lɛ̀ mǔn,

62
00:02:19,680 --> 00:02:21,160
mùn wai kɛ ɗɛb.

63
00:02:21,160 --> 00:02:22,080
Ɓyin,

64
00:02:22,080 --> 00:02:23,440
ɓyin ɓi ɓwum ɓɛ cɛ̌ ŋgyɔ̂ꞌ wan nun,

65
00:02:23,440 --> 00:02:27,000
mùn ɓà mun mwum nɛ cɛ̌ ŋgyɔ̂ꞌ wan nun.

66
00:02:27,000 --> 00:02:27,960
Son sɛ ci,

67
00:02:27,960 --> 00:02:30,320
mùn shɛ̌ lɛ̀ ɓyin lɛ,

68
00:02:30,320 --> 00:02:32,480
ɓyin yɛ ywi kɛ ɓyɛbbi nyin nun.

69
00:02:32,480 --> 00:02:34,920
Ɓyin shi mùn twɛli wɛ̌ tà shɛ mùn tòn sɛ,

70
00:02:34,920 --> 00:02:36,240
lɛ̀ ɓyin yɛ ywi ɓyɛbbi nyin nun.»

71
00:02:36,240 --> 00:02:38,800
Mɛ̀ Yudǎ kà cibbi ɓe lɛ̀ nun lɛ:

72
00:02:38,800 --> 00:02:40,000
«Yǎ mwum nɛ wù?»

73
00:02:40,000 --> 00:02:41,280
Yesù fyònnzi lɛ̀ ɓon lɛ:

74
00:02:41,280 --> 00:02:47,400
«Mùn shɛ̀kàꞌ ɓyin son ǹdìkàꞌ nɗunmi yɛ mùn ɗunme ɓyin ywum sannzi.

75
00:02:47,400 --> 00:02:51,120
Mùn cinni mɛ̀ lɛꞌ mèan nyɛ̌ mùn yɛ̌ shɛ̀ kɛ nywi yin,

76
00:02:51,120 --> 00:02:54,200
nyɛ̌ mùn yɛ̌ ɓyin mɛ̀ kæ̀ꞌ linni nlim.

77
00:02:54,200 --> 00:02:54,560
Son,

78
00:02:54,560 --> 00:02:55,840
mwum nɛ fyii mùn,

79
00:02:55,840 --> 00:02:57,000
à ni ci-lɛŋkæ̀m,

80
00:02:57,000 --> 00:03:02,000
mùn tǎ sukuꞌ lan ŋgyɔ̂ꞌ wan swum sɛ mùn ywɔe ŋwum yon shɛ̌.»

81
00:03:02,000 --> 00:03:02,880
Kɛ nlɛli yɛ Yesù lɛle li,

82
00:03:02,880 --> 00:03:07,640
ǹzæ̌ꞌ lɛꞌ yon lean ŋgyɔꞌ ɗin.

83
00:03:07,640 --> 00:03:11,000
Ɓwum ɓɛ ɓe ŋgyɔꞌ lìmmi kan lɛ à tǎ lɛli kɛ nywi Ce nyon.

84
00:03:11,000 --> 00:03:11,040
Li,

85
00:03:11,040 --> 00:03:13,040
Yesǔ kà shɛ̌ lɛ̀ ɓon lɛ:

86
00:03:13,040 --> 00:03:15,560
«Kwan sɛ ɓyin kà wasakàꞌ mùn,

87
00:03:15,560 --> 00:03:16,120
Mwɛn Mwum,

88
00:03:16,120 --> 00:03:18,520
ɓyin kà twɛkàꞌ mùn wɛ̌ tà shɛ mùn tǒn,

89
00:03:18,520 --> 00:03:22,440
ɓyin kà lìmmàkàꞌ lɛ mǔn tà ka swum ndɔꞌ cǐ lɛ̀ mwù yɛ̂m,

90
00:03:22,440 --> 00:03:25,640
mùn tǎ sukuꞌ swum sɛ Ce nyɛ̀m lìsaꞌ mun shɛ̌.

91
00:03:25,640 --> 00:03:27,480
Ɓwiꞌ ɓi ɓæti lɛ̀ mwum nɛ fyii mùn,

92
00:03:27,480 --> 00:03:29,080
ǎ ɗonnzi kan mûn kyi,

93
00:03:29,080 --> 00:03:32,640
ntwiꞌ sɛ mùn tǎ suꞌ swum sɛ ta nun ǹlim lwukea cǐ.»

94
00:03:32,640 --> 00:03:34,920
M̀bɔ̀kì nɛ Yesù ɓe lɛli li,

95
00:03:34,920 --> 00:03:37,380
ɓwum mèan tɛle zwùm lɛ̀ nun.