1
00:00:05,000 --> 00:00:09,060
Yesǔ kà shɛ̌ lɛ̀ mɛ̀ Yudà ɓye kɛe ǹlim lɛ̀ nun ɓi lɛ:

2
00:00:09,060 --> 00:00:13,780
«Ɓɛshɛ ɓyin kɛ mwù kɛ ywum yɛ mùn lìsàꞌ ɓyin nun,

3
00:00:13,780 --> 00:00:14,620
ɓyin yɛ ɓɛ ɓwɛsɔꞌ ɓyɛ̂m lɛ̀ lɛŋkæ̀m.

4
00:00:14,620 --> 00:00:14,740
Li,

5
00:00:14,740 --> 00:00:16,020
ɓyin yɛ lɛŋkæ̀m lìmmi,

6
00:00:16,020 --> 00:00:18,900
lɛŋkæ̌m màzwùm yɛ ɓyin fyɔ̀si mgbonmgbon.»

7
00:00:18,900 --> 00:00:20,700
Ɓɛ kà fyònnzi ɓe lɛ̀ nun lɛ:

8
00:00:20,700 --> 00:00:24,140
«Ɓwiꞌ ɓi ɓwum ɓɛ kɛ mvu ɓwum Abràhæ̂m nun.

9
00:00:24,140 --> 00:00:25,700
Kwo fɛꞌ ŋ̀gyìn m̀bɔꞌ,

10
00:00:25,700 --> 00:00:27,580
ɓwiꞌ ɗun kifɛꞌ son kɛ nye mwum ndɔꞌ.

11
00:00:27,580 --> 00:00:27,780
Ti,

12
00:00:27,780 --> 00:00:32,020
sɛ ci lɛ wù lɛꞌ lɛ ɓwiꞌ yɛ fyònnì mgbonmgbon?»

13
00:00:32,020 --> 00:00:33,740
Yesù fyònnzì ɓe lɛ̀ ɓon lɛ:

14
00:00:33,740 --> 00:00:37,620
«Mùn tà ɓyin shɛ̌ lɛ̀ lɛŋkæ̀m lɛ mwum nɛ tǎ ɓyɛbbi cǐ hwæn,

15
00:00:37,620 --> 00:00:39,060
à ni son ɓyɛbbi.

16
00:00:39,060 --> 00:00:42,180
Son tà ka tòn kwan hwæn kɛ nye m̀bɔꞌ nun,

17
00:00:42,180 --> 00:00:42,740
son,

18
00:00:42,740 --> 00:00:45,300
mwɛn ci-nye ni kwan hwæn kɛ ɗwon nyan.

19
00:00:45,300 --> 00:00:48,540
Ɓɛshɛ Mwɛn Mvɛ̀nnswæ̀b fyɔ̀sì ɓyin mgbonmgbon,

20
00:00:48,540 --> 00:00:51,300
lɛ̀ lɛŋkæ̀m ɓyin yɛ ɓɛ kwan hwæn mgbonmgbon.

21
00:00:51,300 --> 00:00:55,340
Mùn lìmmi lìmmi lwɛn lɛ ɓyin ɓi kɛ mvu ɓwum Abràhæ̂m nun.

22
00:00:55,340 --> 00:00:56,180
Son,

23
00:00:56,180 --> 00:00:58,180
ɓyin ta kæb lɛ̀ ɓyin wu mùn,

24
00:00:58,180 --> 00:01:01,500
ntwiꞌ sɛ ɓyin kɛ̀ kan mwù kɛ ywum yɛ mùn lìsaꞌ ɓyin nun.

25
00:01:01,500 --> 00:01:03,860
Mùn tǎ lɛli kɛ nywi ywum yɛ Ce nyɛ̀m lìsaꞌ mun,

26
00:01:03,860 --> 00:01:04,260
son,

27
00:01:04,260 --> 00:01:04,500
ti lɛ̀ ɓyin,

28
00:01:04,500 --> 00:01:07,020
ɓyin ta ywum yɛ ce nyin shɛ̀e ɓyin cǐ.»

29
00:01:07,020 --> 00:01:09,820
Ɓɛ kà fyònnzi ɓe lɛ̀ nun lɛ:

30
00:01:09,820 --> 00:01:11,860
«Ce nyɛꞌ nɛ Abràhæ̂m.»

31
00:01:11,860 --> 00:01:13,740
Yesù shɛ̀ lɛ̀ ɓon lɛ:

32
00:01:13,740 --> 00:01:16,620
«Ɓɛshɛ ɓyin ɓê ɓwɛn Abràhæ̂m lɛŋkæ̀m,

33
00:01:16,620 --> 00:01:18,860
ɓyin cinnê mɛ̀ kìkæ̀n nɛ nun cinne kuꞌ.

34
00:01:18,860 --> 00:01:19,980
Son jenɛ,

35
00:01:19,980 --> 00:01:24,220
kwo fɛꞌ she mùn shɛ̀e ɓyin lɛŋkæ̀m she mùn ywɔe cǐ Mvɛ̀nnswæ̀b si,

36
00:01:24,220 --> 00:01:26,860
ɓyin ta mbyi kæbbi lɛ ɓyin wu mùn.

37
00:01:26,860 --> 00:01:29,220
Abràhæ̂m fɔ̀e kǎn swum màzwùm cǐ.

38
00:01:29,220 --> 00:01:31,980
Ɓyin ta fyǒn mɛ̀ kìkæ̀n ce nyin ɗwon.»

39
00:01:31,980 --> 00:01:34,460
Ɓɛ kà fyònnzi lɛ̀ nun lɛ:

40
00:01:34,460 --> 00:01:36,420
«Ɓɛ ye kan ɓwiꞌ wan.

41
00:01:36,420 --> 00:01:37,540
Ɓwiꞌ cinni kan ce ndɔꞌ mbyî,

42
00:01:37,540 --> 00:01:39,380
sukuꞌ M̀vɛ̀nnswæ̀b.»

43
00:01:39,380 --> 00:01:40,940
Yesù shɛ̀ lɛ̀ ɓon lɛ:

44
00:01:40,940 --> 00:01:43,860
«M̀vɛ̀nnswæ̀b ɓê Ce nyin lɛŋkæ̀m,

45
00:01:43,860 --> 00:01:45,020
ɓyin yilê mùn,

46
00:01:45,020 --> 00:01:46,260
ntwiꞌ sɛ mùn wai cì shon,

47
00:01:46,260 --> 00:01:47,900
mùn ni kɛ cɛ̌ ntwiꞌ yon.

48
00:01:47,900 --> 00:01:50,620
Mǔn kǐn kǎn cɛ̌ lɛ̀ mwù yɛ̂m,

49
00:01:50,620 --> 00:01:51,220
son,

50
00:01:51,220 --> 00:01:52,740
nun nɛ fyii mùn.

51
00:01:52,740 --> 00:01:56,380
Yɛn sɛ ci ɓyin tà ka swum sɛ mùn tà ɓyin shɛ̌ ywo?

52
00:01:56,380 --> 00:02:01,020
À si ntwiꞌ sɛ ɓyin wòli kan lɛ ɓyin nonnzì mɛ̀ ywiꞌ kɛ nzæ̌ꞌ lɛꞌ yɛ̂m nun.

53
00:02:01,020 --> 00:02:02,740
Ce nyin ni Satæ̀n.

54
00:02:02,740 --> 00:02:03,220
Li,

55
00:02:03,220 --> 00:02:05,940
ɓyin yili ɓyin ci swum sɛ nun yili.

56
00:02:05,940 --> 00:02:09,820
À ɓe ɓwum wukea ǹdìkǎꞌ nɗunmi ŋgyɔ̂ꞌ wan.

57
00:02:09,820 --> 00:02:11,540
Ǎ tà ka lɛŋkæ̀m lɛli,

58
00:02:11,540 --> 00:02:13,620
ntwiꞌ sɛ lɛꞌ lɛŋkæ̀m ndɔꞌ ɓa nun nywi.

59
00:02:13,620 --> 00:02:17,700
She shon si she mɛ mɓwɛ̀ꞌ ntwiꞌ sɛ nun nɛ ɗyi ci-mɛ mɓwɛ̀ꞌ,

60
00:02:17,700 --> 00:02:19,900
mɛ̀ mɓwɛ̀ꞌ hwæn ta wai cì shon.

61
00:02:19,900 --> 00:02:21,060
Ti lɛ̀ mǔn,

62
00:02:21,060 --> 00:02:22,580
mùn tǎ lɛŋkæ̀m lɛli.

63
00:02:22,580 --> 00:02:23,540
Son sɛ ci,

64
00:02:23,540 --> 00:02:26,380
ɓyin tà ka mwù kɛ̌ kɛ nzæ̌ꞌ lɛꞌ yɛ̂m nun.

65
00:02:26,380 --> 00:02:31,980
Wɛn nɛ kɛ nyinnìm shin nun nyɛ̌ cinni ŋ̀kimmɔꞌ lɛ nun lisàꞌ mùn ɓyɛbbi m̀bɔꞌ ndɔꞌ nɛ mùn cìâ?

66
00:02:31,980 --> 00:02:33,900
Ɓɛshɛ mùn tǎ lɛŋkæ̀m lɛli,

67
00:02:33,900 --> 00:02:36,060
yɛn sɛ ci ɓyin tà ka mwù kɛ̌ kɛ nzæ̌ꞌ lɛꞌ yɛ̂m nun?

68
00:02:36,060 --> 00:02:37,260
Mwum nɛ ɗyi mwum Mvɛ̀nnswæ̀b,

69
00:02:37,260 --> 00:02:40,060
à tǎ ǹzæ̌ꞌ lɛꞌ yon ywo.

70
00:02:40,060 --> 00:02:40,780
Son ɓyin,

71
00:02:40,780 --> 00:02:42,860
ɓyin tà ka ǹzæ̌ꞌ lɛꞌ yon ywo,

72
00:02:42,860 --> 00:02:44,180
ntwiꞌ sɛ ɓyin ɓa ɓwum ɓyon.»

73
00:02:44,180 --> 00:02:46,180
Mɛ̀ Yudǎ kà shɛ̌ lɛ̀ nun lɛ:

74
00:02:46,180 --> 00:02:51,020
«À si lɛŋkæ̀m kɛ nshɛ̀ yɛ ɓwiꞌ ta shɛ̀ lɛ wù ni mwum nɛ wai Sàmàrî,

75
00:02:51,020 --> 00:02:52,860
m̀pùn mɓyɛbbi ndɔꞌ ni wù nywi.»

76
00:02:52,860 --> 00:02:54,900
Yesù fyònnzì lɛ̀ ɓon lɛ:

77
00:02:54,900 --> 00:02:57,780
«Mǔn cinni kan mûn m̀pùn mɓyɛbbi ndɔꞌ nywi yɛ̂m,

78
00:02:57,780 --> 00:02:58,860
son,

79
00:02:58,860 --> 00:03:00,460
mùn tǎ Ce nyɛ̀m twuli.

80
00:03:00,460 --> 00:03:01,500
Ti lɛ̀ ɓyin,

81
00:03:01,500 --> 00:03:04,020
ɓyin ta mûn twɛli wɛ̌ swum ɗin.

82
00:03:04,020 --> 00:03:06,140
Mǔn tà ka ǹtwu yɛ̂m nɛꞌ kæbbi.

83
00:03:06,140 --> 00:03:08,060
Mwum ndɔꞌ ni kwe nyɛ̌ tà mûn yon kæbbi,

84
00:03:08,060 --> 00:03:09,660
lɛ̀ à tǎ ŋ̀gìm yɛ̂m ɗyi.

85
00:03:09,660 --> 00:03:13,260
Mùn tà ɓyin shɛ̌ lɛ̀ lɛŋkæ̀m lɛ mwum nɛ tǎ mwù kɛ̌ kɛ nzæ̌ꞌ lɛꞌ yɛ̂m nun,

86
00:03:13,260 --> 00:03:14,140
ywi ɓà nun ɓænni.»

87
00:03:14,140 --> 00:03:16,220
Mɛ̀ Yudà shɛ lɛ̀ nun lɛ:

88
00:03:16,220 --> 00:03:16,940
«Jenɛ,

89
00:03:16,940 --> 00:03:21,340
ɓwiꞌ limmâ lwɛn lɛ wù cinni m̀pùn mɓyɛbbi ndɔꞌ mwu.

90
00:03:21,340 --> 00:03:22,140
Cɛ fɛꞌ,

91
00:03:22,140 --> 00:03:23,060
Abràhæ̂m ywiâ,

92
00:03:23,060 --> 00:03:25,620
mɛ̀ ci-nlɛli kɛ ŋwum Mvɛ̀nnswæ̀b nun,

93
00:03:25,620 --> 00:03:27,020
ɓɛ ywi tì nùn.

94
00:03:27,020 --> 00:03:28,020
Son wǔ,

95
00:03:28,020 --> 00:03:31,980
wù tǎ lɛꞌ lɛ mwum nɛ tǎ mwù kɛ̌ kɛ nzæ̌ꞌ lɛꞌ ywû nun,

96
00:03:31,980 --> 00:03:33,660
ywi ɓà nun ɓænni.

97
00:03:33,660 --> 00:03:35,980
Mbibea nyɛꞌ Abràhæ̂m ywiâ.

98
00:03:35,980 --> 00:03:37,340
Wù nɛ cinni ǹtwu,

99
00:03:37,340 --> 00:03:38,540
wù làn nun?

100
00:03:38,540 --> 00:03:41,220
Mɛ̀ ci-nlɛli kɛ ŋwum Mvɛ̀nnswæ̀b nun ywiâ tì kuꞌ nùn.

101
00:03:41,220 --> 00:03:43,780
Wù tà kuꞌ wù nɛꞌ twɛli lɛ̀ wɛn?»

102
00:03:43,780 --> 00:03:45,940
Yesù fyònnzì lɛ̀ ɓon lɛ:

103
00:03:45,940 --> 00:03:49,300
«Mǔn twulè mǔn nɛꞌ lɛ̀ mwù yɛ̂m,

104
00:03:49,300 --> 00:03:50,900
ǹtwu yɛ̂m ɓê swum ɗinɗin.

105
00:03:50,900 --> 00:03:53,300
Mwum nɛ tà mûn twuli ni Ce nyɛ̀m,

106
00:03:53,300 --> 00:03:57,020
nun nɛ ɓyin ta shɛ̀ lɛ nun nɛ ɗyi M̀vɛ̀nnswæ̀b nyin.

107
00:03:57,020 --> 00:03:57,860
Son,

108
00:03:57,860 --> 00:03:59,420
ɓyin lìmmi kan nun.

109
00:03:59,420 --> 00:04:00,460
Mǔn,

110
00:04:00,460 --> 00:04:01,900
mùn lìmmi nun.

111
00:04:01,900 --> 00:04:04,380
Mǔn shɛè lɛ mǔn lìmmi kan nun,

112
00:04:04,380 --> 00:04:06,940
mǔn ɓê kuꞌ ci-mɛ mɓwɛ̀ꞌ wɛ̌ ɓyin.

113
00:04:06,940 --> 00:04:07,420
Son,

114
00:04:07,420 --> 00:04:08,340
mùn lìmmi nun,

115
00:04:08,340 --> 00:04:11,300
mùn tǎ mwù kɛ̌ kɛ nzæ̌ꞌ lɛꞌ yon nun.

116
00:04:11,300 --> 00:04:16,060
Ǹlim lwukae mbibea nyin Abràhæ̂m zwum lɛ̀ she nun yɛ̌ ŋ̀gyìn nyɛ̌ mùn yɛ̌ ɓɛ̀n nun yɛnni.

117
00:04:16,060 --> 00:04:16,540
À yɛnne nun,

118
00:04:16,540 --> 00:04:18,420
à ɓe ǹlwinni lɛ̀ ǹdàli.»

119
00:04:18,420 --> 00:04:20,100
Mɛ̀ Yudǎ kà shɛ̌ lɛ̀ nun lɛ:

120
00:04:20,100 --> 00:04:25,900
«Wǔ wòli kifɛꞌ ɗwǔm mwum shæ̂n,

121
00:04:25,900 --> 00:04:30,540
sɛ ci lɛ wù shɛ̀ lɛ wù yɛnnâ Abràhæ̂m?»

122
00:04:30,540 --> 00:04:32,020
Yesù shɛ̀ lɛ̀ ɓon lɛ:

123
00:04:32,020 --> 00:04:34,060
«Mùn tà ɓyin shɛ̌ lɛ̀ lɛŋkæ̀m lɛ,

124
00:04:34,060 --> 00:04:36,900
lɛ̀ ɓɛ kà ye Abràhæ̂m,

125
00:04:36,900 --> 00:04:38,540
ɓe lɛ̀ mùn ti kwe.»

126
00:04:38,540 --> 00:04:40,740
Mɛ̀ Yudà ywɔmɛ li,

127
00:04:40,740 --> 00:04:43,380
ɓɛ sheli mɛ̀ ŋgwɔ̀ꞌ lɛ ɓon yɛ nyǐ ywummɔa nun,

128
00:04:43,380 --> 00:04:44,460
son,

129
00:04:44,460 --> 00:04:45,460
Yesù gwùmnì nun,

130
00:04:45,460 --> 00:04:47,420
à kwan nyenswæ̀b ndwun,

131
00:04:47,420 --> 00:04:50,580
à kɛ̀n nun.