1
00:00:05,000 --> 00:00:06,720
Mwum ndɔꞌ ɓe kwe,

2
00:00:06,720 --> 00:00:08,920
jin shon ɓe lɛ Làzâ.

3
00:00:08,920 --> 00:00:12,580
À ɓe tòn kɛ Bètànî ɓon lɛ̀ mɛ̀ ŋgyinni ɓyon ɓye mɛ̀ yib,

4
00:00:12,580 --> 00:00:14,040
Matà ɓon lɛ̀ Màrî.

5
00:00:14,040 --> 00:00:19,040
Màrî màzwùm nɛ swie Nyɛli nyɛꞌ Yesù mlǎꞌ ŋgwɔ̂ꞌ mɛ nwùm lwɛn kɛ mɛ kwù,

6
00:00:19,040 --> 00:00:20,800
à kwon ɓe lɛ̀ ǹnywùn yon.

7
00:00:20,800 --> 00:00:22,800
A kien ɓɛ̀n nywɔꞌ ndɔꞌ,

8
00:00:22,800 --> 00:00:23,920
Làzâ pyìsì ŋ̀gwɛ̀nŋgwɛ̀n.

9
00:00:23,920 --> 00:00:30,920
Mɛ̀ ŋgyinni ɓyon fyi mwum ndɔꞌ kɛ cǐ Yesù ɓǎ nyǐ ni shɛ nyǐ lɛ:

10
00:00:30,920 --> 00:00:32,680
«Nyɛli nyɛꞌ,

11
00:00:32,680 --> 00:00:36,640
ŋwè nlim nywù ni ŋ̀gwɛ̀nŋgwɛ̀n.»

12
00:00:36,640 --> 00:00:39,120
Kwan sɛ Yesù ywɔꞌ ǹtwum yi,

13
00:00:39,120 --> 00:00:39,920
à shɛ̀ lɛ:

14
00:00:39,920 --> 00:00:42,080
«Ŋ̀gwɛ̀nŋgwɛ̌n ywi sɛ ɓan.

15
00:00:42,080 --> 00:00:46,280
Mwǔ ŋgwɛ̀nŋgwɛ̌n màzwùm yi lɛ ɓǎ yɛ lisàꞌ ǹtwu Mvɛ̀nnswæ̀b,

16
00:00:46,280 --> 00:00:47,800
kɛ nyě màzwùm tì kuꞌ,

17
00:00:47,800 --> 00:00:50,400
ɓwum yɛ Mwɛn Mvɛ̀nnswæ̀b twuli.»

18
00:00:50,400 --> 00:00:51,640
Yesù yile Matà,

19
00:00:51,640 --> 00:00:55,880
ŋgyinni nyon Màrî lɛ̀ tì lɛ̀ Làzâ ǹzwɔnzwɔ̀ꞌ.

20
00:00:55,880 --> 00:00:58,280
Kwo fɛꞌ she nun ywɔe lɛ Làzâ ni ŋ̀gwɛ̀nŋgwɛ̀n si,

21
00:00:58,280 --> 00:01:02,560
à nòen tì ɓe ŋ̀gyìn ɓî kɛ cìcì sɛ nun ɓe nun.

22
00:01:02,560 --> 00:01:03,800
Kɛ nyě yi,

23
00:01:03,800 --> 00:01:06,280
ǎ kà shɛ̌ lɛ̀ ɓwɛsɔꞌ ɓyon lɛ:

24
00:01:06,280 --> 00:01:07,240
«Ɓwiꞌ fyoènnì ɓe kɛ Jùdê.»

25
00:01:07,240 --> 00:01:10,000
Ɓwɛsɔꞌ ɓyon ywɔꞌ li,

26
00:01:10,000 --> 00:01:11,360
ɓɛ fyonnzì lɛ̀ nun lɛ:

27
00:01:11,360 --> 00:01:12,640
«Ǹlìsàꞌ,

28
00:01:12,640 --> 00:01:17,120
kwan læ̀b kifɛꞌ she mɛ̀ Yudà ɓye kwe ɓe yili ɓon wu wù lɛ̀ mɛ̀ ŋgwɔ̀ꞌ,

29
00:01:17,120 --> 00:01:19,640
wù yili wù fyôn tì ɓe kwe?»

30
00:01:19,640 --> 00:01:21,360
Yesù fyònnzì lɛ̀ ɓon lɛ:

31
00:01:21,360 --> 00:01:23,320
«Nywɔꞌ tà ka ɗwùm ŋ̀wasi ye shikpon,

32
00:01:23,320 --> 00:01:25,000
a kɛn ɓɛ̀n kwæ̀bbi nun?

33
00:01:25,000 --> 00:01:27,920
Mwum nyɛ̌ tǎ kɛ̀nkɛ̀n kwan sɛ nywɔꞌ tǎ ɗwùm,

34
00:01:27,920 --> 00:01:30,000
m̀bǎꞌ tà ka nun swi,

35
00:01:30,000 --> 00:01:31,920
ntwiꞌ sɛ nun tǎ ŋ̀wanni shɛ cɛ̌ ŋgyɔꞌ zwɛm yɛnni.

36
00:01:31,920 --> 00:01:32,880
Son,

37
00:01:32,880 --> 00:01:34,560
ti lɛ̀ mwum nyɛ̌ tǎ kɛ̀nkɛ̀n kpon nun,

38
00:01:34,560 --> 00:01:36,280
m̀bàꞌ yɛ̌ nun swi,

39
00:01:36,280 --> 00:01:37,840
ntwiꞌ sɛ ŋ̀wanni ɓa tî.»

40
00:01:37,840 --> 00:01:39,800
Yesù mlɔ̀ꞌ ǹzæ̌ꞌ lɛꞌ yi,

41
00:01:39,800 --> 00:01:41,000
à kònndì shɛ̀ lɛ:

42
00:01:41,000 --> 00:01:43,440
«Ŋwè nyɛꞌ Làzâ ti ɗye ɗye,

43
00:01:43,440 --> 00:01:44,480
son,

44
00:01:44,480 --> 00:01:46,160
mùn kɛ̀nmɛ ɓǎ mùn yimnzì nun.»

45
00:01:46,160 --> 00:01:48,200
Ɓwɛsɔꞌ ɓyon ywɔꞌ li,

46
00:01:48,200 --> 00:01:49,720
ɓɛ kà shɛ̌ lɛ̀ nun lɛ:

47
00:01:49,720 --> 00:01:51,040
«Nyɛli,

48
00:01:51,040 --> 00:01:52,480
ɓɛshɛ nun ɗyeâ,

49
00:01:52,480 --> 00:01:53,080
à yɛ̌ kimmɔꞌ.»

50
00:01:53,080 --> 00:01:58,080
Yesù ɓe yili nun shɛ lɛ Làzâ ywiâ kɛ nzæ̌ꞌ lɛꞌ yɛ nun ɓe lɛꞌ yi nun,

51
00:01:58,080 --> 00:02:00,040
son,

52
00:02:00,040 --> 00:02:04,320
ɓwɛsɔꞌ ɓyon ɓe ɓàkàꞌ lɛ à lɛꞌ lɛ ɗye sɛ ɓɛ ta ɗye gbaꞌ sɛ.

53
00:02:04,320 --> 00:02:04,720
Li,

54
00:02:04,720 --> 00:02:07,320
Yesù pwæ̀lɔ̀ꞌ ɓon son mɛꞌ lɛ:

55
00:02:07,320 --> 00:02:09,080
«Làzâ ywiâ.»

56
00:02:09,080 --> 00:02:11,640
À kònndì shɛ̀ ɓe lɛ:

57
00:02:11,640 --> 00:02:15,880
«Ǹlim ta mûn lwukea she Làzâ pyìsi ŋ̀gwɛ̀nŋgwɛ̀n lɛ̀ mùn ɓǎ kwe.

58
00:02:15,880 --> 00:02:18,360
M̀vɛ̀nnswæ̀b cìi son li ntwiꞌ yin,

59
00:02:18,360 --> 00:02:20,680
ɓǎ ɓyin tɛꞌ zwùm lɛ̀ mùn.

60
00:02:20,680 --> 00:02:22,320
Ɓwiꞌ kɛnnènì lɛ kwe cì shon.»

61
00:02:22,320 --> 00:02:24,240
Mwɛn fæꞌ ndɔꞌ ɓe kwe,

62
00:02:24,240 --> 00:02:25,720
jin shon ɓe lɛ Tòmasì,

63
00:02:25,720 --> 00:02:27,960
à shɛ̀ lɛ̀ ɓwùlu ɓwɛsɔꞌ Yesù lɛ:

64
00:02:27,960 --> 00:02:29,760
«Ɓwiꞌ kɛnnènì kuꞌ,

65
00:02:29,760 --> 00:02:33,160
ɓǎ ɓwiꞌ ywiènì ɓwiꞌ lɛ̀ ǹlìsàꞌ nyɛꞌ m̀ban.»

66
00:02:33,160 --> 00:02:37,360
Yesù ɓɛ̀n kɛ Bètànî lɛ̀ ɓɛ gwummâ Làzâ kɛ mbyûꞌ nun,

67
00:02:37,360 --> 00:02:38,440
ŋ̀gyìn ti nyî.

68
00:02:38,440 --> 00:02:41,040
Bètànî ɓe kǎn læ̀bbi lɛ̀ Yèrusàlɛ̀m,

69
00:02:41,040 --> 00:02:43,720
a wòli kan a ci mɛ̀ kilòmɛtà lê.

70
00:02:43,720 --> 00:02:45,360
Kɛ nye mɛ̀ Matà,

71
00:02:45,360 --> 00:02:46,880
mɛ̀ Yudà ɓe kwe mèan,

72
00:02:46,880 --> 00:02:51,000
ɓye kien ɓon ǹlim flɔsi zwum ntwiꞌ ywi ŋgyinni nyan.

73
00:02:51,000 --> 00:02:54,000
Kwan sɛ Matà ywɔꞌ lɛ Yesù ni ɓɛ̀nnâ,

74
00:02:54,000 --> 00:02:54,880
à waꞌ,

75
00:02:54,880 --> 00:02:57,120
à kɛ̀n nun ɓònŋgea mbyi nun,

76
00:02:57,120 --> 00:02:57,720
son,

77
00:02:57,720 --> 00:03:00,640
Màrî lwæ̀b ɓe næm nun ǹtònmi.

78
00:03:00,640 --> 00:03:02,280
Matà yɛnmɛ Yesǔ,

79
00:03:02,280 --> 00:03:06,800
à shɛ̀ lɛ̀ nun lɛ:

80
00:03:06,800 --> 00:03:08,800
«Nyɛli,

81
00:03:08,800 --> 00:03:10,800
wǔ ɓê kɛ fɛ,

82
00:03:10,800 --> 00:03:14,400
ŋgyinni nyɛ̌m ywiè kǎn.

83
00:03:14,400 --> 00:03:15,300
Son,

84
00:03:15,300 --> 00:03:19,300
mùn lìmmi lɛ kwo fɛꞌ jenɛ,

85
00:03:19,300 --> 00:03:24,600
M̀vɛ̀nnswæ̀b yɛ̌ wù ywum hwæn yɛ wù yɛ̌ nun cibbi fɛ.»

86
00:03:24,600 --> 00:03:26,700
Yesù shɛ̀ lɛ̀ nun lɛ:

87
00:03:26,700 --> 00:03:28,700
«Ŋgyinni nywù yɛ̌ ywi yìmni.»

88
00:03:28,700 --> 00:03:30,100
Matà ywɔꞌ li,

89
00:03:30,100 --> 00:03:32,700
à fyònnzì lɛ̀ nun lɛ:

90
00:03:32,700 --> 00:03:36,700
«Mùn lìmmi lɛ kɛ mmlɔ̀kàꞌ ŋgyɔ̂ꞌ wan nun,

91
00:03:36,700 --> 00:03:39,300
à yɛ̌ ywi yìmni,

92
00:03:39,300 --> 00:03:44,300
ɓon lɛ̀ ɓwum ɓye ywiâ hwæn m̀ban.»

93
00:03:44,300 --> 00:03:46,700
Yesǔ kà shɛ̌ lɛ̀ nun lɛ:

94
00:03:46,700 --> 00:03:51,100
«Ŋ̀kimmɔꞌ nyìmnǐ ɓwum ywi lɛ̀ m̀fɛ yan ǹzison ta mun waì kɛ fyaꞌ.

95
00:03:51,100 --> 00:03:52,960
Mwum nyɛ̌ tǎ zwùm tɛ̀li lɛ̀ mùn,

96
00:03:52,960 --> 00:03:54,380
kwo fɛꞌ nun ywi fɛꞌ,

97
00:03:54,380 --> 00:03:56,360
à yɛ̌ ǹzison ŋkæ̀mŋkæm cinni.

98
00:03:56,360 --> 00:03:58,880
Mwum nyɛ̌ tǎ zwùm tɛ̀li lɛ̀ mùn,

99
00:03:58,880 --> 00:04:00,880
à tǎ tǒn nzison ŋkæ̀mŋkæm tǒn,

100
00:04:00,880 --> 00:04:03,200
à ɓà tî kuꞌ ywi nyɛ̌ ɗwùmɗwùm ywi.

101
00:04:03,200 --> 00:04:05,880
Wù tǎ ǹlim kɛ̌ lɛ̀ lɛꞌ màzwùm?»

102
00:04:05,880 --> 00:04:07,880
Matà fyònnzì lɛ̀ nun lɛ:

103
00:04:07,880 --> 00:04:09,800
«À si li Nyɛli nyɛ̀m,

104
00:04:09,800 --> 00:04:12,160
mùn tǎ ǹlim kɛ̌ lɛ wù ni Kristò,

105
00:04:12,160 --> 00:04:13,800
Mwɛn Mvɛ̀nnswæ̀b,

106
00:04:13,800 --> 00:04:16,400
mwum nɛ ɓe lɛ̀ à yɛ̌ ɓɛ̀n kɛ ŋgyɔ̂ꞌ wan.»

107
00:04:16,400 --> 00:04:18,440
Kwan sɛ Matà lɛle li,

108
00:04:18,440 --> 00:04:20,600
à kɛ̀n ɓe næm.

109
00:04:20,600 --> 00:04:21,280
À ɓɛ̌n,

110
00:04:21,280 --> 00:04:23,840
à lon ŋgyinni nyon Màrî kɛ kwiꞌ nun,

111
00:04:23,840 --> 00:04:24,840
à shɛ̀ lɛ̀ nun lɛ:

112
00:04:24,840 --> 00:04:27,040
«Ǹlìsàꞌ ni kɛ fi,

113
00:04:27,040 --> 00:04:29,280
à tà wû lon lɛ wù kiìn.»

114
00:04:29,280 --> 00:04:31,760
Kwan sɛ Màrî ywɔꞌ ǹzæ̌ꞌ lɛꞌ yi,

115
00:04:31,760 --> 00:04:32,920
à waꞌ zwô m̀byìmmi,

116
00:04:32,920 --> 00:04:36,640
à ɗunmi kɛ̀nnɔ̀ꞌ kɛ cǐ Yesù.

117
00:04:36,640 --> 00:04:38,920
(Ɓe lɛ̀ Yesù ɗun kifɛꞌ myi,

118
00:04:38,920 --> 00:04:41,760
à ɓi kuꞌ kwe cìcì sɛ Matà cinne nun kwe.)

119
00:04:41,760 --> 00:04:47,320
Mɛ̀ Yudà ɓye ɓe næm nun ɓon lɛ̀ Màrî ɓǎ ɓɛ ɓonnzàꞌ nun yɛnmɛ lɛ à waꞌ zwô,

120
00:04:47,320 --> 00:04:48,760
à kwan wan m̀byìmmi li,

121
00:04:48,760 --> 00:04:51,400
ɓɛ ɗunmi nun ɗwon nyè.

122
00:04:51,400 --> 00:04:55,400
Ɓɛ ɓe ɓàkàꞌ lɛ à kɛ̀nmɛ kwe kɛ mbyùꞌ ŋgyinni nyon zwɛm.

123
00:04:55,400 --> 00:04:58,640
Kɛ mɓɛ̀n yɛ Màrî ɓɛ̀n kɛ cìcì sɛ Yesù ɓe kwe,

124
00:04:58,640 --> 00:04:59,800
à yɛn nun,

125
00:04:59,800 --> 00:05:03,000
à swìtì nun mɛ kwù,

126
00:05:03,000 --> 00:05:04,080
à shɛ̀ lɛ̀ nun lɛ:

127
00:05:04,080 --> 00:05:05,620
«Nyɛli,

128
00:05:05,620 --> 00:05:06,620
wǔ ɓê fɛ,

129
00:05:06,620 --> 00:05:10,240
ŋgyinni nyɛ̌m ywiè kǎn.»

130
00:05:10,240 --> 00:05:13,760
Yesù yɛn m̀bɔ̀kì nɛ Màrî ɓon lɛ̀ mɛ̀ Yudà ta kwe,

131
00:05:13,760 --> 00:05:16,600
ǹlim kpanndi Yesù zwum han,

132
00:05:16,600 --> 00:05:18,400
kon ɓwu nun mwu.

133
00:05:18,400 --> 00:05:20,180
À cibbi lɛ̀ ɓon lɛ:

134
00:05:20,180 --> 00:05:22,920
«Yǎ cìcì sɛ ɓyin gwum nun nun?»

135
00:05:22,920 --> 00:05:26,880
Ɓɛ fyonnzì lɛ̀ nun lɛ:

136
00:05:26,880 --> 00:05:27,220
«Mwumŋkæ̀m,

137
00:05:27,220 --> 00:05:28,840
kìîn,

138
00:05:28,840 --> 00:05:30,600
wù yɛn cìcǐ màzwùm.»

139
00:05:30,600 --> 00:05:33,360
Kɛ kwan màzwùm nun,

140
00:05:33,360 --> 00:05:34,440
Yesù ɗunmi kwe.

141
00:05:34,440 --> 00:05:36,040
Mɛ̀ Yudà yɛnmɛ li,

142
00:05:36,040 --> 00:05:38,080
ɓɛ ɗunmi shɛ̀ lɛ:

143
00:05:38,080 --> 00:05:41,240
«Cɛênì fɛꞌ m̀bɔ̀kì nɛ nun yile nun.»

144
00:05:41,240 --> 00:05:42,080
Son,

145
00:05:42,080 --> 00:05:45,740
ɓyindɔꞌ kɛ nyinnìm shan nun shɛ lɛ:

146
00:05:45,740 --> 00:05:52,440
«Mwum nyɛ̌ cinni ŋ̀kimmɔꞌ ŋwèlì mɛ ci-ɓwubè mɛꞌ wòle kan kim,

147
00:05:52,440 --> 00:05:55,920
à cì ywi ɓæn kan Làzâ?»

148
00:05:55,920 --> 00:05:58,800
Ǹlim konndì tì Yesù kpanndi ɓe zwum,

149
00:05:58,800 --> 00:06:00,960
à waꞌ kɛ̀n kɛ mbyûꞌ nun.

150
00:06:00,960 --> 00:06:03,560
Cìcì sɛ ɓɛ gwumme Làzâ kwe,

151
00:06:03,560 --> 00:06:04,920
mvù ndɔꞌ sɛ ɓe,

152
00:06:04,920 --> 00:06:07,880
ɓɛ ɗwɔke ŋwum mvǔ màzwùm ɓe lɛ̀ gan ŋgwɔ̀ꞌ.

153
00:06:07,880 --> 00:06:09,080
Yesù yɛnmɛ li,

154
00:06:09,080 --> 00:06:10,400
à shɛ̀ lɛ:

155
00:06:10,400 --> 00:06:12,640
«Ywùnnzênì gan ŋgwɔ̀ꞌ ni.»

156
00:06:12,640 --> 00:06:14,040
Matà,

157
00:06:14,040 --> 00:06:16,000
ŋgyinni ci-ywi ywɔmɛ li,

158
00:06:16,000 --> 00:06:17,600
à shɛ̀ lɛ̀ nun lɛ:

159
00:06:17,600 --> 00:06:19,160
«Nyɛli nyɛ̀m,

160
00:06:19,160 --> 00:06:23,280
ɓɛ gwumme nun a ti ɗyě ŋ̀gyìn nyî,

161
00:06:23,280 --> 00:06:25,920
à ti nwùm jenɛ nùn.»

162
00:06:25,920 --> 00:06:27,000
Son,

163
00:06:27,000 --> 00:06:28,720
Yesù fyònnzì lɛ̀ nun lɛ:

164
00:06:28,720 --> 00:06:33,760
«Mùn shǐ kàn wu lɛ wu kɛ̀ ǹlim lɛ̀ mùn lɛ̀ wù yɛ̌ ǹtwu Mvɛ̀nnswæ̀b yɛnni?»

165
00:06:33,760 --> 00:06:34,760
Li,

166
00:06:34,760 --> 00:06:36,800
ɓɛ ywunnzì gan ŋgwɔ̀ꞌ ni.

167
00:06:36,800 --> 00:06:37,920
Kɛ nyě yi,

168
00:06:37,920 --> 00:06:39,640
Yesù wasi mɛꞌ zwô,

169
00:06:39,640 --> 00:06:40,840
à shɛ̀ lɛ:

170
00:06:40,840 --> 00:06:42,040
«Ce nyɛ̀m,

171
00:06:42,040 --> 00:06:46,200
mùn tà wu osɔ̀kɔ̀ꞌ yili ntwiꞌ sɛ wù ywɔâ ŋ̀keli yɛ̂m.

172
00:06:46,200 --> 00:06:46,880
Mǔn,

173
00:06:46,880 --> 00:06:50,880
mùn lìmmi lìmmi lɛ wù tǎ ŋ̀keli yɛ̂m ywo kwan hwæn,

174
00:06:50,880 --> 00:06:51,280
son,

175
00:06:51,280 --> 00:06:54,200
mùn tǎ lɛli jenɛ ntwiꞌ ɓwum ɓɛ kanndi mùn ɓɛ,

176
00:06:54,200 --> 00:06:56,680
ɓǎ ɓon limmì lɛ wù nɛ fyii mùn.»

177
00:06:56,680 --> 00:06:58,400
À lɛli hwæn,

178
00:06:58,400 --> 00:07:00,320
à kun lɛ̀ ŋ̀kwu kimmi lɛ:

179
00:07:00,320 --> 00:07:01,920
«Làzâ,

180
00:07:01,920 --> 00:07:03,040
kwaìn fi.»

181
00:07:03,040 --> 00:07:04,320
Li,

182
00:07:04,320 --> 00:07:06,560
mwum nɛ ɓe lɛ̀ à ywiâ nùn kwaìn,

183
00:07:06,560 --> 00:07:08,800
mɛ̀ fyǎꞌ lɛ̀ mɛ̀ kwù nun ɓwili lɛ̀ kwokwo,

184
00:07:08,800 --> 00:07:11,680
ŋwum ɓɛ tì kuꞌ nun kpæmmi lɛ̀ swum plê.

185
00:07:11,680 --> 00:07:13,400
Yesǔ kà shɛ̌ lɛ̀ ɓon lɛ:

186
00:07:13,400 --> 00:07:15,200
«Sùleànì nun,

187
00:07:15,200 --> 00:07:17,080
ɓyin ɗonnzi nun à kɛ̀n nun.»

188
00:07:17,080 --> 00:07:19,960
Mɛ̀ Yudǎ mèan ɓye kien kɛ cǐ Màrî,

189
00:07:19,960 --> 00:07:22,600
ɓɛ yɛn tì kuꞌ swum sɛ Yesù cìe,

190
00:07:22,600 --> 00:07:24,720
ɓɛ kɛ ǹlim kɛ nywi yon.

191
00:07:24,720 --> 00:07:25,440
Son,

192
00:07:25,440 --> 00:07:27,640
ɓyindɔꞌ kɛ nyinnìm shan nun,

193
00:07:27,640 --> 00:07:29,840
ɓɛ kɛn mɛ̀ Fàrìzìɛ̂n cinni,

194
00:07:29,840 --> 00:07:31,880
ɓɛ shɛ ɓon swum sɛ Yesù cìe.

195
00:07:31,880 --> 00:07:37,240
Mɛ̀ Fàrìzìɛ̂n ɓon lɛ̀ mɛ̀ ci-zwiꞌ mɛ ci-mfɛ sàtìkæ̀ꞌ ywɔmɛ li,

196
00:07:37,240 --> 00:07:39,200
ɓɛ lon mɛ̀ ci-ŋkɛ̀nnzì nyenswæ̀b,

197
00:07:39,200 --> 00:07:40,320
ɓɛ shɛ lɛ̀ ɓon lɛ:

198
00:07:40,320 --> 00:07:44,160
«Mwum tòn nɛ ti yì hìlea cǐ mèan.

199
00:07:44,160 --> 00:07:45,400
Ɓwiꞌ yɛ cìènì lɛ?

200
00:07:45,400 --> 00:07:47,200
Ɓwiꞌ ɗonnzi nun ɗinɗin,

201
00:07:47,200 --> 00:07:50,160
lɛ̀ ɓwum hwæn yɛ ǹlim kɛ̌ kɛ nywi yon.

202
00:07:50,160 --> 00:07:50,960
Kɛ nyě yi,

203
00:07:50,960 --> 00:07:53,200
mɛ̀ ci-zwiꞌ mɛ suzæ̀n ɓye Rɔ̂m yɛ ɓɛ̌n,

204
00:07:53,200 --> 00:07:55,680
ɓɛ twukàꞌ nyenswæ̀b ndwun nyɛꞌ ŋgyɔꞌ,

205
00:07:55,680 --> 00:07:57,680
ɓɛ kyasì tì ɓwum ɓye ŋgyɔꞌ nyɛꞌ nun.»

206
00:07:57,680 --> 00:08:00,560
Mwum ndɔꞌ ɓe kwe nyinnìm shan nun,

207
00:08:00,560 --> 00:08:01,800
jin shon ɓe lɛ Kàifì,

208
00:08:01,800 --> 00:08:06,600
nun nɛ ɓe mwumŋkæ̀m mɛ̀ ci-mfɛ sàtìkæ̀ꞌ nyenswæ̀b kɛ ɗwǔm màzwùm nun.

209
00:08:06,600 --> 00:08:07,240
À ɗyi,

210
00:08:07,240 --> 00:08:08,760
à shɛ̀ lɛ̀ ɓon lɛ:

211
00:08:08,760 --> 00:08:10,960
«Mɛ̀ mwù nyin kɛ ǹshimmea.

212
00:08:10,960 --> 00:08:16,520
Ɓyin yɛn kan lɛ à si lɛꞌ lwɛn kɛ cì shin lɛ mwum m̀bɔꞌ ywi kɛ ntwiꞌ ɓwum ɓye ŋgyɔꞌ nyɛꞌ nun hwæn,

213
00:08:16,520 --> 00:08:17,880
lɛ̀ ɓɛ læ̀kì ɓwiꞌ hwæn kyàsi?»

214
00:08:17,880 --> 00:08:22,720
(Ǹzæ̌ꞌ lɛꞌ yɛ nun lɛli yi ɓe kǎn nun kwean ŋwum kɛ nyili yon nun.

215
00:08:22,720 --> 00:08:26,680
Kɛ nun ɓe mwumŋkæ̀m mɛ̀ ci-mfɛ sàtìkæ̀ꞌ kɛ ɗwǔm màzwùm nun,

216
00:08:26,680 --> 00:08:31,760
M̀vɛ̀nnswæ̀b fɛe nun ŋ̀kimmɔꞌ nlɛli kɛ mbyî lɛ Yesù yɛ̌ ywi kɛ ntwiꞌ ɓwum mɛ Yudà.

217
00:08:31,760 --> 00:08:32,440
Son,

218
00:08:32,440 --> 00:08:35,120
ǎ sue kǎn ywi ntwiꞌ ɓwum mɛ Yudà,

219
00:08:35,120 --> 00:08:41,120
à ywi tì kuꞌ ɓǎ nun ci ɓwum Mvɛ̀nnswæ̀b ɓye cìcì hwæn kɛ ŋgyɔ̂ꞌ wan nun ɓɛ fyonni swum fɔꞌ.)

220
00:08:41,120 --> 00:08:43,080
Ǹdìkàꞌ nywɔꞌ màzwǔm,

221
00:08:43,080 --> 00:08:46,840
mɛ̀ ci-zwiꞌ mɛ Yudà sunndi ŋwum fɔꞌ lɛ̀ ɓɛ yɛ Yesù wu.

222
00:08:46,840 --> 00:08:47,760
Li nɛ ci,

223
00:08:47,760 --> 00:08:51,560
Yesù ɓe kǎn tî kɛ̀nkɛ̀n kɛ nyinnìm mɛ Yudà nun.

224
00:08:51,560 --> 00:08:54,760
À kɛ̀n kɛ nsòn ndɔꞌ yɛ ɓɛ ta lon lɛ Èfràyîm.

225
00:08:54,760 --> 00:08:56,320
Ǹsǒn màzwùm ɓe kɛ nlim kyɔꞌ.

226
00:08:56,320 --> 00:09:00,400
Cìcǐ màzwùm sɛ nun tòen kwe ɓon lɛ̀ ɓwɛsɔꞌ ɓyon.

227
00:09:00,400 --> 00:09:04,760
Ɓe lɛ̀ ŋ̀gyìn nɛ mɛ̀ Yudà yɛ Ŋ̀gwìn-ŋkwan-Èjîb ji ti kwukwæꞌ.

228
00:09:04,760 --> 00:09:06,240
Lɛ̀ ŋ̀gyìn màzwǔm kà wòli,

229
00:09:06,240 --> 00:09:08,920
ɓwum ɗunmi waꞌ kɛ mɛ nsòn nyan,

230
00:09:08,920 --> 00:09:10,840
lɛ̀ ɓɛ kɛn kɛ Yèrusàlɛ̀m,

231
00:09:10,840 --> 00:09:13,600
ɓǎ ɓon sannzi ɓon nɛꞌ wɛ̌ tà shɛ ɓɛ̀ꞌ shan yili.

232
00:09:13,600 --> 00:09:15,200
Ɓɛ ɓe Yesù kæbbi.

233
00:09:15,200 --> 00:09:17,360
Kwan sɛ ɓon ɓɛn kɛ nyenswæ̀b ndwun,

234
00:09:17,360 --> 00:09:19,400
ɓɛ ɗunmi cibbaꞌ lɛ̀ ɓwùlu lɛ:

235
00:09:19,400 --> 00:09:21,280
«Ɓyin ɓakaꞌ lɛ à yɛ̌ ŋ̀gwìn ɓɛ̀nni?»

236
00:09:21,280 --> 00:09:26,520
Ɓe lɛ̀ mɛ̀ ci-zwiꞌ mɛ ci-mfɛ sàtìkæ̀ꞌ lɛ̀ mɛ̀ Fàrìzìɛ̂n shɛâ lɛ:

237
00:09:26,520 --> 00:09:29,280
«Ɓɛshɛ mwum ndɔꞌ lìmmi cìcì sɛ Yesù ni kwe,

238
00:09:29,280 --> 00:09:33,840
à ci ɓwiꞌ ǹlìmmì ɓǎ ɓwiꞌ kɛn nun ɓænni.»