1
00:00:05,000 --> 00:00:06,960
«Ɓɛshɛ ɓyin ta mûn yili,

2
00:00:06,960 --> 00:00:09,680
ɓyin kà lwinnzakàꞌ ǹzæ̌ꞌ lɛꞌ yɛ mùn tà ɓyin shɛ̌.

3
00:00:09,680 --> 00:00:11,360
Mùn yɛ̌ Ce nyɛ̀m cibbi lɛ à fyiì ɓyin Ci-mkpaꞌ nyɛ̌ ɗin ndɔꞌ tì,

4
00:00:11,360 --> 00:00:15,160
ɓǎ nun ton kwan hwæn lɛ̀ ɓyin.

5
00:00:15,160 --> 00:00:18,960
Ci-mkpaꞌ màzwùm nɛ ɗyi M̀pùn nyɛ̌ tǎ ɓwum mbyi lɛŋkæ̀m lìsea,

6
00:00:18,960 --> 00:00:21,400
M̀pùn nyɛ̌ lan wan wòli kan ɓɛ yê,

7
00:00:21,400 --> 00:00:23,200
ntwiꞌ sɛ ɓɛ tà ka nun yɛnni,

8
00:00:23,200 --> 00:00:24,800
shìkì ɓɛ limmì kuꞌ nun.

9
00:00:24,800 --> 00:00:25,520
Ti lɛ̀ ɓyin,

10
00:00:25,520 --> 00:00:26,480
ɓyin limmi nun,

11
00:00:26,480 --> 00:00:28,520
ntwiꞌ sɛ à ni ɓyin nywi.

12
00:00:28,520 --> 00:00:29,960
À tǎ tòn lɛ̀ ɓyin m̀ban.

13
00:00:29,960 --> 00:00:31,560
«Kɛ à si li,

14
00:00:31,560 --> 00:00:34,160
mùn ɓà ɓyin ɗonnzi kyi wɛ̌ mɛ̀ nduꞌ,

15
00:00:34,160 --> 00:00:36,320
mùn yɛ̌ tì kònndi kìn ɓe cì shin.

16
00:00:36,320 --> 00:00:38,120
Kɛ kwan kwæꞌ nun,

17
00:00:38,120 --> 00:00:39,760
lan wan ɓa tî mùn yɛnni,

18
00:00:39,760 --> 00:00:40,560
son,

19
00:00:40,560 --> 00:00:41,440
ti lɛ̀ ɓyin,

20
00:00:41,440 --> 00:00:42,880
ɓyin yɛ tì mùn yɛnni ɓe,

21
00:00:42,880 --> 00:00:43,920
ntwiꞌ sɛ,

22
00:00:43,920 --> 00:00:45,120
kɛ mùn ni ǹzison,

23
00:00:45,120 --> 00:00:46,000
ɓyin kuꞌ,

24
00:00:46,000 --> 00:00:47,240
ɓyin yɛ ɓɛ ǹzison.

25
00:00:47,240 --> 00:00:49,160
Kwan sɛ ŋ̀gyìn màzwǔm kà wòlàkàꞌ,

26
00:00:49,160 --> 00:00:51,680
ɓyin yɛ lìmmì lɛ ɓwiꞌ lɛ̀ Ce nyɛ̀m,

27
00:00:51,680 --> 00:00:52,800
ɓwiꞌ ɓi swum fɔꞌ,

28
00:00:52,800 --> 00:00:55,440
ɓyin limmi tì kuꞌ lɛ ɓyin ɓi ɓæti lɛ̀ mùn,

29
00:00:55,440 --> 00:00:56,280
mùn kuꞌ,

30
00:00:56,280 --> 00:00:57,560
mùn ɓɛ m̀ɓæti lɛ̀ ɓyin.

31
00:00:57,560 --> 00:01:00,480
«Mwum nɛ tǎ ǹzæ̌ꞌ lɛꞌ yɛ̂m ɓænni kɛ mwu,

32
00:01:00,480 --> 00:01:01,640
à ɗwonnzi yon,

33
00:01:01,640 --> 00:01:02,760
nun nɛ ta mun yili.

34
00:01:02,760 --> 00:01:04,120
Mwum nɛ tà mun yili,

35
00:01:04,120 --> 00:01:05,520
Ce nyɛ̀m yɛ̌ kuꞌ nun yili,

36
00:01:05,520 --> 00:01:06,600
mùn kuꞌ,

37
00:01:06,600 --> 00:01:07,840
mùn yili tì kuꞌ nun,

38
00:01:07,840 --> 00:01:09,080
mùn ɓwùmnì nun swiꞌ.»

39
00:01:09,080 --> 00:01:14,360
Judà (ɓa kì nyɛ̌ ɓɛ ɓe lon lɛ Judà Ìskàrìô) ɗyi,

40
00:01:14,360 --> 00:01:15,600
à shɛ̀ lɛ̀ nun lɛ:

41
00:01:15,600 --> 00:01:16,960
«Nyɛli nyɛꞌ,

42
00:01:16,960 --> 00:01:18,040
sɛ ci lɛ,

43
00:01:18,040 --> 00:01:20,320
wù yɛ̌ suꞌ ɓwùmnì kɛ swiꞌ shɛꞌ,

44
00:01:20,320 --> 00:01:22,960
shìkì wù ɓwùmnì kuꞌ kɛ swiꞌ lan wan?»

45
00:01:22,960 --> 00:01:25,120
Yesù fyònnzì lɛ̀ nun lɛ:

46
00:01:25,120 --> 00:01:27,160
«Ɓɛshɛ mwum ndɔꞌ tà mun yili,

47
00:01:27,160 --> 00:01:30,320
à yɛ̌ ǹzæ̌ꞌ lɛꞌ yɛ̂m ɗwonnzi.

48
00:01:30,320 --> 00:01:31,480
Ce nyɛ̀m yɛ̌ nun yili,

49
00:01:31,480 --> 00:01:32,720
ɓwiꞌ lɛ̀ Ce nyɛ̀m,

50
00:01:32,720 --> 00:01:34,200
ɓwiꞌ yɛ kǐn tòn kɛ cì shon.

51
00:01:34,200 --> 00:01:36,160
Mwum nɛ tà ka mûn yili,

52
00:01:36,160 --> 00:01:37,880
ǎ tà ka ǹzæ̌ꞌ lɛꞌ yɛ̂m ɗwonnzi.

53
00:01:37,880 --> 00:01:41,800
Ǹzæ̌ꞌ lɛꞌ yɛ ɓyin ta ywɔꞌ yɛ ta mun kwean ŋwum yɛ,

54
00:01:41,800 --> 00:01:43,080
yɛ tà ka waꞌ kɛ ŋwum yɛ̂m nun,

55
00:01:43,080 --> 00:01:44,000
son,

56
00:01:44,000 --> 00:01:45,400
Ce nyɛ̀m nɛ fyii mùn,

57
00:01:45,400 --> 00:01:46,920
nun nɛ ta mun yon fyi.

58
00:01:46,920 --> 00:01:50,520
«Mùn shɛ̀â ɓyin ǹzæ̌ꞌ lɛꞌ yi kwan sɛ ɓwiꞌ kɛ tòn lɛ̀ ɓyin sɛ.

59
00:01:50,520 --> 00:01:55,160
Ce nyɛ̀m yɛ̌ ɓyin M̀pùn Nsanmi fyi kɛ jin shɛ̂m nun ɓǎ nun kpaꞌ ɓyin.

60
00:01:55,160 --> 00:01:56,160
Nun,

61
00:01:56,160 --> 00:01:58,080
à yɛ̌ ɓyin ywum hwæn pæꞌ lìsea,

62
00:01:58,080 --> 00:02:01,600
à cì ɓyin ɓunŋgàꞌ ywum hwæn yɛ mùn shɛ̀â ɓyin.

63
00:02:01,600 --> 00:02:04,240
«Ɓa ɓyin ton lɛ̀ mɛ̀ mfyonŋgaꞌ kɛ mɛ nlim nun,

64
00:02:04,240 --> 00:02:05,600
shìkì yi kwɛn ɓyin.

65
00:02:05,600 --> 00:02:07,480
Mùn tà ɓyin ǹlim flɔsi.

66
00:02:07,480 --> 00:02:11,560
M̀flɔsi nlim yɛ̂m ɓa wɛ̌ ye lan wan ta ɓyin flɔsi,

67
00:02:11,560 --> 00:02:14,480
flɔa nɛ mùn kɛ nywi nɛ mùn tà ɓyin fɛ.

68
00:02:14,480 --> 00:02:18,440
Ɓyin ywɔâ kǎn she mùn shɛ̀e ɓyin lɛ mùn kɛ̀nmɛ,

69
00:02:18,440 --> 00:02:18,880
son,

70
00:02:18,880 --> 00:02:20,280
mùn yɛ̌ tì fyòìn ɓe kɛ cì shin?

71
00:02:20,280 --> 00:02:22,640
Ɓɛshɛ ɓyin yilè mùn,

72
00:02:22,640 --> 00:02:26,000
ǹlim lwukaè ɓyin lɛ̀ she mùn kɛ̀nmɛ kɛ ke Ce nyɛ̀m,

73
00:02:26,000 --> 00:02:27,440
ntwiꞌ sɛ Ce nyɛ̀m nɛ ɗyi ǹdwun,

74
00:02:27,440 --> 00:02:28,600
à làn mùn.

75
00:02:28,600 --> 00:02:31,040
Mùn sannzâ tì ɓyin ywum màzwùm jenɛ lɛ̀ yɛ kà ɓɛ̌n,

76
00:02:31,040 --> 00:02:33,400
ɓǎ kwan sɛ yon yɛ ɓɛ̌n,

77
00:02:33,400 --> 00:02:37,280
ɓyin twɛꞌ ǹzæ̌ꞌ lɛꞌ yɛ̂m lɛ̀ lɛꞌ lɛŋkæ̀m.

78
00:02:37,280 --> 00:02:38,720
Kwan nzwonmɛ kwæꞌ,

79
00:02:38,720 --> 00:02:40,200
lɛ̀ mùn ɓà tî sèàn shɛ̌ lɛ̀ ɓyin,

80
00:02:40,200 --> 00:02:41,520
ntwiꞌ sɛ m̀vɛ̀n nɛ ŋgyɔ̂ꞌ wan ɓɛ̀nmɛ.

81
00:02:41,520 --> 00:02:45,240
Ǎ cinni kan ŋ̀kimmɔꞌ ndɔꞌ kɛ nywi yɛ̂m,

82
00:02:45,240 --> 00:02:46,040
son,

83
00:02:46,040 --> 00:02:50,160
sɛ yili lɛ lan wan limmì lɛ mùn yili Ce nyɛ̀m,

84
00:02:50,160 --> 00:02:52,800
mùn cì tì kuꞌ wɛ̌ tà shɛ nun shɛ̀e mùn.

85
00:02:52,800 --> 00:02:53,440
Weànì zwô,

86
00:02:53,440 --> 00:02:56,560
ɓwiꞌ kɛnnènì.»