1
00:00:05,000 --> 00:00:09,640
Meori paa no suguna teo hum to dao riori bona Getsemani,

2
00:00:09,640 --> 00:00:13,240
me Jisu paa sue kiri bono disaepol teve,

3
00:00:13,240 --> 00:00:14,820
“Hio nom en,

4
00:00:14,820 --> 00:00:16,880
benaa nao tea vaneanava.”

5
00:00:16,880 --> 00:00:19,180
Meve paa mee bene Piitaa,

6
00:00:19,180 --> 00:00:20,520
Jemis ae Jon,

7
00:00:20,520 --> 00:00:22,340
meori paa pate nao.

8
00:00:22,340 --> 00:00:25,940
Mea vuhanae paa ponisi bara tamaka kurusu.

9
00:00:25,940 --> 00:00:28,640
Me Jisu paa sue kiri bari,

10
00:00:28,640 --> 00:00:31,220
“A vuhanaa na ponisi kurusu nana,

11
00:00:31,220 --> 00:00:32,980
menaa haraa vo nom en,

12
00:00:32,980 --> 00:00:35,560
enaa kahi mate ni nom a tamaka.

13
00:00:35,560 --> 00:00:39,020
Tei nom en beam vakiikira nom.”

14
00:00:39,020 --> 00:00:42,220
Eove he vaapita oha va sihum koa,

15
00:00:42,220 --> 00:00:44,560
mepaa vatokono teo kasuana,

16
00:00:44,560 --> 00:00:51,400
mepaa vaneanava be Hunavaan ante nana tea vaa-oha bono vuri taminoto vai to nomaa batana.

17
00:00:51,400 --> 00:00:53,840
Me Jisu paa boha voen,

18
00:00:53,840 --> 00:00:55,540
“Abaa,

19
00:00:55,540 --> 00:00:56,680
Tetee!

20
00:00:56,680 --> 00:00:59,520
Ean na ante nom tea paku a maamihu taba.

21
00:00:59,520 --> 00:01:03,060
Gono vaavaha kahi anaa a kaapu va tea maa siitore.

22
00:01:03,060 --> 00:01:05,600
Evehee ean toro paku o manin tean.

23
00:01:05,600 --> 00:01:07,840
Saka o manin tenaa haana.”

24
00:01:07,840 --> 00:01:11,820
Me Jisu paa nao vahaa tea kukan a disaepol teve,

25
00:01:11,820 --> 00:01:15,300
mepaa no vuriha ribari eori he o goroho.

26
00:01:15,300 --> 00:01:18,980
Meve paa sue ki bene Saemon Piitaa,

27
00:01:18,980 --> 00:01:20,800
“Saemon!

28
00:01:20,800 --> 00:01:22,740
Ean bene a goroho?

29
00:01:22,740 --> 00:01:28,340
Ean bene saka ante haa nom tea pate tagune me kanaa ta peha aoa rova koa?

30
00:01:28,340 --> 00:01:31,380
Eam toro vakiikira bara vaneanava,

31
00:01:31,380 --> 00:01:34,460
eam re goe tea kuu tea maa taba harehare.

32
00:01:34,460 --> 00:01:36,180
A taun na manin nana,

33
00:01:36,180 --> 00:01:38,680
o suini he na venevene nana.”

34
00:01:38,680 --> 00:01:42,460
Me Jisu paa nao vaha bana tea vaneanava,

35
00:01:42,460 --> 00:01:46,400
mepaa no paku vaha bana bono peho kaku vaneanava.

36
00:01:46,400 --> 00:01:49,760
Eove he vaakaku vaha bana vo nao teori,

37
00:01:49,760 --> 00:01:52,340
mepaa no vuriha haabana koa ribari,

38
00:01:52,340 --> 00:01:53,860
eori he o goroho,

39
00:01:53,860 --> 00:01:58,820
tea tabae a matariori na ponisi kurusu vai roho nana teo iki.

40
00:01:58,820 --> 00:02:00,860
Eori he tagune,

41
00:02:00,860 --> 00:02:04,020
meori paa toku toro boha meori bari.

42
00:02:04,020 --> 00:02:06,760
Eove he vaakaku vaakukan nao,

43
00:02:06,760 --> 00:02:08,860
mepaa sue kiri bari,

44
00:02:08,860 --> 00:02:12,180
“Eam bene na goroho vaavuriha vakisi nom?

45
00:02:12,180 --> 00:02:13,600
Ante vai,

46
00:02:13,600 --> 00:02:15,720
o vuri paa suguna vaevuru.

47
00:02:15,720 --> 00:02:16,820
Tara ham!

48
00:02:16,820 --> 00:02:21,140
A Baiko tea Aba paa hee vaevuru niori teo aba hata.

49
00:02:21,140 --> 00:02:22,540
Sun!

50
00:02:22,540 --> 00:02:24,560
Are nao tea tatana riori.

51
00:02:24,560 --> 00:02:30,160
A aba vai to paa hee ni ka mau anaa to nomaa batanai.”

52
00:02:30,160 --> 00:02:34,040
E Jisu na ato ori

53
00:02:34,040 --> 00:02:36,980
Me Jisu moroko vakisi nana,

54
00:02:36,980 --> 00:02:37,900
e Judas,

55
00:02:37,900 --> 00:02:41,580
a peha va tea peha saavun buaku (12) a disaepol te Jisu,

56
00:02:41,580 --> 00:02:44,300
he pahin pita tavusu koa nao.

57
00:02:44,300 --> 00:02:47,040
O vaagum to pate nao me nao bari,

58
00:02:47,040 --> 00:02:51,620
na ato bata ni naori bona maa rapisi puana ae amaa pakoo.

59
00:02:51,620 --> 00:02:56,900
A tau vamee teo pris bara o siisia va tea lo ae amaa naba bebeera,

60
00:02:56,900 --> 00:02:59,100
to vaanao ri nao bari.

61
00:02:59,100 --> 00:03:04,240
E Judas na sue varaba kiri nao bari bono peho vakikimana,

62
00:03:04,240 --> 00:03:07,380
“A aba to pasi tomo unaa a pananae,

63
00:03:07,380 --> 00:03:10,000
eove a aba vai to rake bata nomeam,

64
00:03:10,000 --> 00:03:11,020
atoi,

65
00:03:11,020 --> 00:03:12,960
eam repaa mee vaavahae,

66
00:03:12,960 --> 00:03:15,300
beam kikira bata nom ee.”

67
00:03:15,300 --> 00:03:18,660
Me Judas paa pahin nao vo koa te Jisu,

68
00:03:18,660 --> 00:03:20,120
mepaa sue,

69
00:03:20,120 --> 00:03:21,980
“Raabae!”

70
00:03:21,980 --> 00:03:24,860
Mepaa tomo bona pananae.

71
00:03:24,860 --> 00:03:28,840
Meori paa ato vakikisi kurusu bene Jisu.

72
00:03:28,840 --> 00:03:32,020
Mea peha vai to sun vai roho nana teebona,

73
00:03:32,020 --> 00:03:34,780
paa rahi tavusu bono rapisi puana teve,

74
00:03:34,780 --> 00:03:40,320
mepaa mosi hape bona tainana too kiu kokoraa tea too vamee teo pris.

75
00:03:40,320 --> 00:03:43,260
Me Jisu paa hivi ribari,

76
00:03:43,260 --> 00:03:47,620
“Enaa bene a aba va tea vaasuasun ae kavekaveru,

77
00:03:47,620 --> 00:03:52,640
meam paa dee mau amaa rapisi puana ae amaa pakoo tea ato anaa?

78
00:03:52,640 --> 00:03:54,360
Tea maamihu boni,

79
00:03:54,360 --> 00:03:59,080
enaa na pate tei me kanom ameam tea veeveo va tea inu penapena,

80
00:03:59,080 --> 00:04:01,800
benaa vaasusu bata ri nom amaa tavaan.

81
00:04:01,800 --> 00:04:04,680
Ahiki he beam ato anaa teebona.

82
00:04:04,680 --> 00:04:10,560
Evehee amaa taba vai toro tapaku voen to sue vo nana a koara te Hunavaan.”

83
00:04:10,560 --> 00:04:14,580
Mea kavara rio disaepol teve paa kaokahi bari,

84
00:04:14,580 --> 00:04:16,780
meori paa rosin.

85
00:04:16,780 --> 00:04:21,240
A peha visoasi na murina bata nao bene Jisu,

86
00:04:21,240 --> 00:04:25,680
eove he tea ravarava bata koa ni bono ravarava o mataa.

87
00:04:25,680 --> 00:04:28,200
Mea maa abana paa ato bari,

88
00:04:28,200 --> 00:04:31,220
meo ravarava teve paa tarigaha kahi bona,

89
00:04:31,220 --> 00:04:32,420
mepaa rosin,

90
00:04:32,420 --> 00:04:35,600
eove he a kao kokoraa.

91
00:04:35,600 --> 00:04:39,820
E Jisu na sun matario kansol

92
00:04:39,820 --> 00:04:47,180
Mea maa abana to ato nao bene Jisu paa mee nao bari inu tea too vamee teo pris.

93
00:04:47,180 --> 00:04:49,980
Mea kavara na tau vamee teo pris,

94
00:04:49,980 --> 00:04:55,760
bara a naba bebeera ae o siisia va tea lo paa taonun vo nao teebona.

95
00:04:55,760 --> 00:04:59,440
E Piitaa na murina bata nao bene Jisu,

96
00:04:59,440 --> 00:05:02,740
eve he tea vaatei bata nao bona mahan.

97
00:05:02,740 --> 00:05:08,600
Mepaa murina hovo bona tea veeveo va tea inu tea too vamee teo pris.

98
00:05:08,600 --> 00:05:11,860
Mepaa pate hio meri bono poolis,

99
00:05:11,860 --> 00:05:15,720
eove he tea maagisi bata teo suraa.

100
00:05:15,720 --> 00:05:28,340
Mea tau vamee teo pris ae a kavara no kansol tea ta Jiu na butara vai roho rori tea rake to aba vai toro sue ta taba vai to vahahaon e Jisu bona lo teori,

101
00:05:28,340 --> 00:05:31,860
eori repaa asun vamate mana bari.

102
00:05:31,860 --> 00:05:37,240
Evehee ahiki beori vuriha to moroko vai toro tahi sue suku ori bari,

103
00:05:37,240 --> 00:05:40,680
tea tabae a bero a aba to piku ni bari,

104
00:05:40,680 --> 00:05:44,380
evehee amaa moroko teori saka vaapeha haa.

105
00:05:44,380 --> 00:05:46,660
Mea meha papana paa sun,

106
00:05:46,660 --> 00:05:48,280
meori piku ni bari.

107
00:05:48,280 --> 00:05:51,200
Meori paa boha voen,

108
00:05:51,200 --> 00:05:54,080
“Enam na baitono roho,

109
00:05:54,080 --> 00:05:55,700
eove he boha voen,

110
00:05:55,700 --> 00:06:01,020
‘Enaa pasi teki nom a inu penapena vai to vigu roho amaa abana bona kuririori.

111
00:06:01,020 --> 00:06:04,980
Enaa repaa vigu vahaa a meha bono kukan o boni.

112
00:06:04,980 --> 00:06:09,400
A inu bona saka min vigu haa nom naa bona kurinaa.’”

113
00:06:09,400 --> 00:06:15,400
Evehee amaa moroko to paku amaa abana vai saka vaapeha vakisi haana.

114
00:06:15,400 --> 00:06:19,480
Mea too vamee teo pris paa sun matario kansol,

115
00:06:19,480 --> 00:06:21,900
mepaa hivi bene Jisu,

116
00:06:21,900 --> 00:06:26,440
“Sovee mean goe nom tea pau amaa moroko to tahi unoman ori?

117
00:06:26,440 --> 00:06:28,900
Havee to boha vo noman?”

118
00:06:28,900 --> 00:06:32,180
Evehee Jisu na vaaroomii koa,

119
00:06:32,180 --> 00:06:34,620
ahiki beve pau ribari.

120
00:06:34,620 --> 00:06:38,780
Mea too vamee teo pris paa hivi haabana koa,

121
00:06:38,780 --> 00:06:41,620
“Ean kasi e Karisito a Sipoana,

122
00:06:41,620 --> 00:06:45,040
a Baiko te Hunavaan vai to vaasunano raara?”

123
00:06:45,040 --> 00:06:47,680
Me Jisu paa sue,

124
00:06:47,680 --> 00:06:49,240
“Aige,

125
00:06:49,240 --> 00:06:50,600
enaa.

126
00:06:50,600 --> 00:06:57,280
Eam pasi ma tarau a Baiko tea Aba beve hio nana tea papa matau te Hunavaan vai a Kikisi Oha.

127
00:06:57,280 --> 00:07:03,060
Eam mee repaa tarae beve nomaa batana teo unuunu va teo suviri.”

128
00:07:03,060 --> 00:07:08,400
Mea too vamee teo pris paa siri bono hobohoboo teve tea vataaree voen,

129
00:07:08,400 --> 00:07:12,140
eve na hevee kurusu ni nana bono moroko te Jisu.

130
00:07:12,140 --> 00:07:14,360
Mepaa boha voen,

131
00:07:14,360 --> 00:07:21,080
“Sovee meara rake vaha rara to meho aba ore ma sue tavusu karaara bono matapaku tea aba vai?

132
00:07:21,080 --> 00:07:26,200
Eam paa kavara baitonou to paa suu vinaoku me vee bene Hunavaan,

133
00:07:26,200 --> 00:07:27,720
eove he boha voen,

134
00:07:27,720 --> 00:07:29,800
na vaapeha me nana bona.

135
00:07:29,800 --> 00:07:32,300
Havee to upehe vo nomeam?”

136
00:07:32,300 --> 00:07:35,260
Mea kavara riori paa sue,

137
00:07:35,260 --> 00:07:37,960
“Paa pakuu bono matapaku vahata,

138
00:07:37,960 --> 00:07:40,080
toro asun vamate ara.”

139
00:07:40,080 --> 00:07:43,620
Mea meha papana paa taneo tea dovi bari,

140
00:07:43,620 --> 00:07:46,860
meori paa kisi pina ni bona bua matanae.

141
00:07:46,860 --> 00:07:47,840
Rerau,

142
00:07:47,840 --> 00:07:49,420
meori paa sugu bari,

143
00:07:49,420 --> 00:07:51,840
eori he tea boha bata voen,

144
00:07:51,840 --> 00:07:54,000
“Bean a poropita mamana,

145
00:07:54,000 --> 00:07:55,400
sue kamanam,

146
00:07:55,400 --> 00:07:57,700
eteie to paa asunu vuan?”

147
00:07:57,700 --> 00:08:00,080
Mea tau kiu paa mee bari,

148
00:08:00,080 --> 00:08:03,520
eori he tapana batari bari.

149
00:08:03,520 --> 00:08:09,240
E Piitaa na piku voen, na toku ni nana bene Jisu

150
00:08:09,240 --> 00:08:13,280
E Piitaa he tea tei vakisi putaa tea veeveo,

151
00:08:13,280 --> 00:08:14,340
mea moon,

152
00:08:14,340 --> 00:08:17,560
a too kiu tea too vamee teo pris paa nomaa.

153
00:08:17,560 --> 00:08:19,700
Mepaa tara bene Piitaa,

154
00:08:19,700 --> 00:08:22,440
eove he tea maagisi teo suraa.

155
00:08:22,440 --> 00:08:26,000
Mea moon vai paa tara suusuu bene Piitaa,

156
00:08:26,000 --> 00:08:27,800
mepaa sue,

157
00:08:27,800 --> 00:08:32,700
“Ean kou to teitei bata me ma roho e Jisu vai a too Nasaret?”

158
00:08:32,700 --> 00:08:35,600
Evehee Piitaa na voonihi,

159
00:08:35,600 --> 00:08:37,060
“Ahiki!

160
00:08:37,060 --> 00:08:39,860
Enaa na toku ni nom a taba to sue noman.”

161
00:08:39,860 --> 00:08:42,520
Meve paa pita vo teo matavusu,

162
00:08:42,520 --> 00:08:45,100
me toa paa kekeresiko.

163
00:08:45,100 --> 00:08:50,120
Mea too kiu moon vai paa tara vaha bana bona matano matavusu,

164
00:08:50,120 --> 00:08:54,540
mepaa sue kiri bona meha papana vai to sun vai roho rori,

165
00:08:54,540 --> 00:08:58,940
“E taan va rerau a peha va teo vaagum teori.”

166
00:08:58,940 --> 00:09:02,920
Me Piitaa paa voonihi haabana koa ribari.

167
00:09:02,920 --> 00:09:04,500
Murinae vareko,

168
00:09:04,500 --> 00:09:09,540
mea maa tavaan vai to sun vahusu vai roho rori paa sue ki bene Piitaa,

169
00:09:09,540 --> 00:09:11,140
“Omana karana,

170
00:09:11,140 --> 00:09:12,820
ean a peha va teori,

171
00:09:12,820 --> 00:09:15,880
tea tabae ean mee a too Galilii.”

172
00:09:15,880 --> 00:09:18,600
Me Piitaa paa sue,

173
00:09:18,600 --> 00:09:21,140
“Na mana kurusu nana teo suviri,

174
00:09:21,140 --> 00:09:24,540
enaa na toku ni nom a aba to moroko ni nomeam.

175
00:09:24,540 --> 00:09:26,200
Benaa piku nom,

176
00:09:26,200 --> 00:09:29,000
e Hunavaan repaa vaherehereke anaa.”

177
00:09:29,000 --> 00:09:33,100
Me toa paa pahin kekeresiko vaabuaku koa.

178
00:09:33,100 --> 00:09:38,060
Me Piitaa paa upehe bono moroko to paku ki roho e Jisu bona:

179
00:09:38,060 --> 00:09:41,900
“E toa pasi mei nom tea kekeresiko vaabuaku,

180
00:09:41,900 --> 00:09:44,380
bean voonihi kukan ni kanaa.”

181
00:09:44,380 --> 00:09:50,140
Meve paa taneo tea oga viravira kurusu.