\id ROM
\h Romanos
\toc1 Romanos
\mt Romanos
\c 1
\s Pablo cāmacāꞌniꞌlh saludos xalanīꞌn nac Roma
\p
\v 1 Quit, Pablo, ictzoꞌkmāꞌlh huāꞌmāꞌ carta. Quit ictāꞌscuja Jesucristo. Dios quilīhuiꞌlīlh quilīꞌapóstol. Quimacamaxquīꞌlh naꞌicmāsuꞌyu xatze tachihuīn tū Dios mācaꞌtzīnīniꞌlh.
\p
\v 2 Tatzoꞌkniꞌ na ixtachihuīn Dios, jā huanican profetas, chī Dios huanli tū naꞌaꞌkspula.
\v 3 Tatzoꞌkniꞌ ixpālacata quiMāpaꞌksīniꞌcaꞌn Jesucristo tī īꞌSkaꞌtaꞌ Dios. Jesucristo xlaꞌ īꞌxūꞌnātāꞌnat rey David.
\v 4 Nā Jesucristo, nā xlaꞌ īꞌSkaꞌtaꞌ Dios. Jesucristo lacastālancuanaꞌnli ē chuntzaꞌ līmāsuꞌyu xlaꞌ īꞌSkaꞌtaꞌ Dios ē kaꞌlhī lītliꞌhuiꞌqui. Xlaꞌ chuntzaꞌ chī Dios ixlītze.
\v 5 Cristo quilakalhuꞌmanli ē quilīhuiꞌlīlh quilīꞌapóstol ixpālacata ūꞌtzaꞌ ixlīmāpaꞌksīn Dios. Xlaꞌ lacasquiꞌn naꞌiccāmāsuꞌyuniꞌ tachiꞌxcuhuīꞌt xalanīꞌn calhāxcuhuālh nac cāꞌquilhtamacuj. Chuntzaꞌ xlacaꞌn tzē nataꞌaꞌkaꞌīꞌniꞌ Jesucristo ē tzē natakexmatniꞌ Dios. Chuntzaꞌ Jesucristo nalakachiꞌxcuhuīꞌcan.
\v 6 Nā chuntzaꞌ huiꞌxinaꞌn xalanīꞌn nac Roma. Dios cātaꞌsatīnīꞌtaꞌn ē chuntzaꞌ tapaꞌksīniꞌyāꞌtittzaꞌ Jesucristo.
\p
\v 7 Quit iccātzoꞌknuniꞌyān milīpōꞌktucaꞌn xalanīꞌn nac Roma tī Dios cāpāxquīꞌyān ē cātaꞌsatīnīꞌtaꞌn ē ūꞌtzaꞌ līlītaxtuyāꞌtit ixtachiꞌxcuhuīꞌt Dios. Cacāsicuaꞌlanātlahuan huiꞌxinaꞌn Dios tī quinTātaꞌcaꞌn ē quiMāpaꞌksīniꞌcaꞌn Jesucristo. Cacāmaxquīꞌn tze latamat.
\s Pablo ixaꞌncuꞌtun nac Roma
\p
\v 8 Pūla icmaxquīꞌ tapāxcatcaꞌtzīn Dios ixpālacata Jesucristo, ixpālacata huiꞌxinaꞌn tzej aꞌkaꞌīꞌyāꞌtit. Calhāxcuhuālh līchihuīnaꞌncan huiꞌxinaꞌn chī tzej aꞌkaꞌīꞌyāꞌtit.
\v 9 Dios caꞌtzī palh ixlīcānaꞌ tū naꞌiccāhuaniyān. Xlaꞌ ūꞌtzaꞌ tī iclītāꞌscuja ixlīpōꞌktu quilīstacnaꞌ, ixpālacata quit icmāsuꞌyu xatze tachihuīn ixlaꞌ īꞌSkaꞌtaꞌ Dios. Dios caꞌtzī palh pōꞌktu quilhtamacuj iccālacapāstacān huiꞌxinaꞌn aꞌcxniꞌ icorarla.
\v 10 Quit icsquiꞌniꞌ Dios tzē naꞌiccālakaꞌnāchāꞌn huiꞌxinaꞌn palh chuntzaꞌ ixtalacasquiꞌnīn Dios.
\v 11 Quit iccālaktzīꞌncuꞌtunān huiꞌxinaꞌn ixpālacata iccāmāsuꞌyuniꞌcuꞌtunān tū quimācaꞌtzīnīlh Espíritu Santo. Chuntzaꞌ huiꞌxinaꞌn tzē naꞌaꞌkaꞌīꞌyāꞌtit āꞌchulāꞌ.
\v 12 Chuntzaꞌ tzē nalāmaktāyayāuj chāꞌtunuꞌ chī aꞌkaꞌīꞌyāuj.
\p
\v 13 Quit iclacasquiꞌn cacaꞌtzītit huiꞌxinaꞌn, tāꞌtimīn, maklhūhuaꞌ xaꞌiccālakaꞌncuꞌtunāchāꞌn. Jā icaꞌnīꞌtaꞌnchaꞌ ixpālacata jālanaꞌj icaꞌnchaꞌ. Quit iccāmaktāyacuꞌtunān āꞌchulāꞌ naꞌaꞌkaꞌīꞌyāꞌtit. Chuntzaꞌ aꞌnanīꞌt āꞌlacatin jā iccāmāsuꞌyuniꞌnīꞌt ixtachihuīn Dios tī jā israelitas.
\v 14 Ixlacasquiꞌnca naꞌiccāmāsuꞌyuniꞌ ixlīpōꞌktucaꞌn tachiꞌxcuhuīꞌt. Ixlacasquiꞌnca naꞌiccāmāsuꞌyuniꞌ tī catīxcuhuālh tachiꞌxcuhuīꞌt ē nā tī jā catīxcuhuālh tachiꞌxcuhuīꞌt, ē tī tacaꞌtzī ē nā tī jā tacaꞌtzī.
\v 15 Chuntzaꞌ iccāmāsuꞌyuniꞌcuꞌtunān chī līꞌaꞌkapūtaxtucan huiꞌxinaꞌn xalanīꞌn nac Roma.
\s Aꞌkapūtaxtucan aꞌcxniꞌ aꞌkaꞌīꞌcan xatze tachihuīn
\p
\v 16 Jā iclīmāxanaꞌn icmāsuꞌyu xatze tachihuīn ixlaꞌ Jesucristo. Aꞌcxniꞌ māsuꞌyucan huāꞌmāꞌ tachihuīn, Dios cāmāꞌaꞌkapūtaxtūkōꞌ ixlīpōꞌktucaꞌn tī talīpāhuan Dios, ixpālacata xlaꞌ kaꞌlhī lītliꞌhuiꞌqui. Pūla cāmāsuꞌyuniꞌca tī israelitas ē āꞌlīstān tī jā israelitas.
\v 17 Ixtachihuīn Dios quincāmāsuꞌyuniꞌyān chī Dios cāmāpānūniꞌ ixcuentacaꞌn ixlīpōꞌktucaꞌn tī talīpāhuan Dios. Tatzoꞌkniꞌ na ixtachihuīn Dios: “Ixlīpōꞌktucaꞌn tī Dios cāmāpānūniꞌ ixcuentacaꞌn ixpālacata talīpāhuan Dios, xlacaꞌn pōꞌktu quilhtamacuj natakaꞌlhī xasāstiꞌ ixlatamatcaꞌn.”
\s Ixlīpōꞌktucaꞌn tachiꞌxcuhuīꞌt talaclēꞌn
\p
\v 18 Caꞌtzīyāuj Dios huiꞌlachaꞌ nac aꞌkapūn ē xlaꞌ nacāmakapātīnīn tī tatlahua tū jā tze. Xlacaꞌn tatlahuacuꞌtun tū jā tze, ē ūꞌtzaꞌ jā talīlacapāstaccuꞌtun tū ixlīcānaꞌ ixlaꞌ Dios.
\v 19 Xlacaꞌn tzē natacaꞌtzī macstiꞌnaꞌj chī Dios, chuntzaꞌ chī quilīpōꞌktucaꞌn nā tzē caꞌtzīyāuj. Ūꞌtzaꞌ Dios cāmāsuꞌyuniꞌnīꞌt.
\v 20 Aꞌcxniꞌ ixlītzucuniꞌ cāꞌquilhtamacuj tachiꞌxcuhuīꞌt talaktzīꞌn tū tlahuanīꞌt Dios. Chuntzaꞌ tzē natalīcaꞌtzī chī Dios. Masqui jāla talaktzīꞌn Dios, xlacaꞌn tacaꞌtzī huīꞌlh Dios ē xlaꞌ kaꞌlhī ixlītliꞌhuiꞌqui tū jā maktin catilaksputli. Ūꞌtzaꞌ talīlēꞌn cuenta.
\v 21 Masqui xlacaꞌn tacaꞌtzī Dios huīꞌlh, xlacaꞌn jā talakachiꞌxcuhuīꞌ chī ixlacasquiꞌnca nalakachiꞌxcuhuīꞌcan. Jā tamaxquīꞌ tapāxcatcaꞌtzīn Dios. Āꞌchulāꞌ talacapāstaca tū jā tze. Chuntzaꞌ ixtalacapāstacniꞌcaꞌn jā tze takaꞌlhī.
\v 22 Xlacaꞌn tahuan lakskalalhnaꞌ, ē āꞌchulāꞌ talalh xalaclhkēntin.
\v 23 Jā tamakapāxuīcuꞌtun Dios tī pōꞌktu quilhtamacuj huīꞌlh. Talaktaquilhpūta ídolos tū tatasuꞌyu chī chiꞌxcuhuīꞌn. Chiꞌxcuhuīꞌn, xlacaꞌn natanīkōꞌ. Nā xlacaꞌn talaktaquilhpūta xtum ídolos xatamacanīꞌtlahua tū tatasuꞌyu huaꞌchi spūnīꞌn ē lūhuaꞌ ē animalh.
\p
\v 24 Ūꞌtzaꞌ Dios cālīlakmakaꞌlh ē cālīmakxtekli natatlahua tū jā tze. Chuntzaꞌ talātlahuaniꞌ tū jā tze chuntzaꞌ chī ixtalacasquiꞌnīncaꞌn.
\v 25 Xlacaꞌn jā taꞌaꞌkaꞌīꞌcuꞌtun tū ixlīcānaꞌ ixlaꞌ Dios; xmān taꞌaꞌkaꞌīꞌcuꞌtun aꞌktin tāꞌksaꞌnīn. Talakachiꞌxcuhuīꞌ ē talaktaquilhpūta tū tlahuanīꞌt Dios. Jā tamakapāxuī tī ixlīcānaꞌ Dios. Ūꞌtzaꞌ tī tlahuakōꞌnīꞌt ixlīpōꞌktu tū aꞌnan nac cāꞌquilhtamacuj. Ixlacasquiꞌnca ūꞌtzaꞌ namakapāxuīyāuj quilīpōꞌktucaꞌn pōꞌktu quilhtamacuj. Amén.
\p
\v 26 Ūꞌtzaꞌ Dios cālīmakxtekli natatlahua tū līmāxanaꞌ chuntzaꞌ chī tatlahuacuꞌtun. Chuntzaꞌ puscan jātzaꞌ takaꞌlhīcuꞌtun ixkōluꞌcaꞌn chī talacasquiꞌn. Talātāꞌtahuiꞌlalh chī ixlīpuscancaꞌn. Chuntzaꞌ talātlahuaniꞌ puscan tū līmāxanaꞌ.
\v 27 Nā chuntzaꞌ chiꞌxcuhuīꞌn. Jā taputza ixpuscātcaꞌn chī talacasquiꞌn. Talātāꞌtahuiꞌlalh chī ixlīchiꞌxcuhuīꞌncaꞌn. Chuntzaꞌ talātlahuaniꞌ chiꞌxcuhuīꞌn tū līmāxanaꞌ. Ūꞌtzaꞌ talīlaclatāyalh.
\p
\v 28 Jā talacapāstaccuꞌtun tū ixlaꞌ Dios, chuntzaꞌ Dios cālakmakaꞌlh ē cāmakxtekli natalacapāstaca tū jā tze. Ūꞌtzaꞌ talītlahua tū jā tze.
\v 29 Tatlahua kempālhūhuaꞌ tū jā tze. Taputza ixtāꞌlāpāxquīꞌncaꞌn. Tatlahua tū jā tze. Xlacaꞌn talālakcaꞌtzaniꞌ tū takaꞌlhī āꞌmakapitzīn. Jā talaktzīꞌncuꞌtun āꞌmakapitzīn. Talālakcaꞌtzaniꞌ. Tamaknīniꞌn. Talālīsītzīꞌniꞌ. Taꞌaꞌkskāhuīꞌnin. Talālacpuhuaniꞌ tū jā tze āꞌmakapitzīn. Taꞌaꞌksaꞌnīniꞌn.
\v 30 Talīchihuīnaꞌn āꞌmakapitzīn tū jā tze, ē tasītzīꞌniꞌ Dios. Talacatāquīꞌnin. Kaꞌtlaꞌ tamakcaꞌtzī. Tahuan palh xlacaꞌn lakaꞌtlaꞌ. Tapuhuan chī natalītlahua āꞌchulāꞌ tū jā tze. Jā takexmatniꞌ ixtātaꞌcaꞌn ē ixtzīꞌcaꞌn.
\v 31 Jā tacaꞌtzī tū xatze. Jā tamākentaxtū tū tahuan. Jā tapāxquīꞌ āꞌmakapitzīn. Jā tamātzaꞌnkēnaꞌniꞌ āꞌmakapitzīn. Nūn talakalhuꞌmanīniꞌn.
\v 32 Ixlīpōꞌktucaꞌn tī tatlahua chuntzaꞌ, xlacaꞌn nacāmakapātīnīncan. Chuntzaꞌ huanīꞌt Dios. Masqui xlacaꞌn tacaꞌtzī huāꞌmāꞌ, jā tamakxteka tatlahua tū jā tze. Āꞌchulāꞌ tamālacpuhuanī āꞌmakapitzīn nā natatlahua tū jā tze.
\c 2
\s Dios nacāputzānaꞌnī tachiꞌxcuhuīꞌt
\p
\v 1 Palh chāꞌtin ixuanli āꞌmakapitzīn talaclēꞌn, chuntzaꞌ xaꞌcstu huanimāꞌca ūꞌtzaꞌ laclēꞌn ixpālacata nā xlaꞌ tlahua tū jā tze.
\v 2 Caꞌtzīyāuj Dios nacāputzānaꞌnī chī ixlīcānaꞌ xlacaꞌn tī jā tze tū tatlahua.
\v 3 Tī natahuan Dios nacāputzānaꞌnī āꞌmakapitzīn ixpālacata talaclēꞌn, nā xlacaꞌn nā nacāputzānaꞌnīcan ixpālacata xlacaꞌn nā takaꞌlhī ixcuentacaꞌn.
\v 4 Masqui Dios quincālakalhuꞌmanān, ē masqui jā palaj quincāmakapātīnīnān, xlacaꞌn jā takexmata. Huaꞌchi talakmakaꞌn Dios chī cālīpātīmāꞌlh. Dios tzej lakalhuꞌmanīniꞌn ixpālacata xlaꞌ lacasquiꞌn natalakpalī ixtalacapāstacniꞌcaꞌn xalanīꞌn nac cāꞌquilhtamacuj.
\v 5 Xlacaꞌn xalīlacxumpin. Jā talakpalīcuꞌtun ixtalacapāstacniꞌcaꞌn. Ūꞌtzaꞌ āꞌchulāꞌ natalīxoko na ixlacatīn Dios aꞌcxniꞌ Dios nacāputzānaꞌnī xlacaꞌn tī talaclēꞌn.
\v 6 Dios naputzānaꞌnī chāꞌtunuꞌ chuntzaꞌ chī tlahuanīꞌt.
\v 7 Nacāmaxquīꞌ ixlatamatcaꞌn tū jā catilaksputli xlacaꞌn tī tatlahua tū tze. Tatlahua tū tze ixpālacata xlacaꞌn taꞌaꞌncuꞌtun nac aꞌkapūn, ē talacasquiꞌn Dios nacālaktzīꞌn lactze, ē takaꞌlhīcuꞌtun xasāstiꞌ ixlatamatcaꞌn tū jā catilaksputli.
\v 8 Dios tamakasītzīꞌ xlacaꞌn tī lacxumpin ē jā tatlahuacuꞌtun ixtalacasquiꞌnīn Dios, ē xmān tatlahuacuꞌtun tū jā tze. Dios nacāmakapātīnīn.
\v 9 Natapātīniꞌn ixlīpōꞌktucaꞌn tī tatlahua tū jā tze. Natapātīniꞌn israelitas xapūla ē nā natapātīniꞌn tī jā israelitas.
\v 10 Ixlīpōꞌktucaꞌn tī tatlahua tū tze, Dios nacālaktzīꞌn lactze. Dios nacāmaxquīꞌ tze latamat. Nataꞌaꞌn nac aꞌkapūn. Nā chuntzaꞌ xapūla nacāꞌaꞌkspula tī israelitas ē nā chuntzaꞌ nacāꞌaꞌkspula tī jā israelitas.
\p
\v 11 Chuntzaꞌ nacāꞌaꞌkspula tī israelitas ē nā tī jā israelitas, ixpālacata Dios chu lacxtim cālaktzīꞌn.
\v 12 Ixlīpōꞌktucaꞌn tachiꞌxcuhuīꞌt takaꞌlhī ixcuentacaꞌn. Makapitzīn xlacaꞌn jā talakapasa līmāpaꞌksīn tū Dios cāmaxquīꞌlh israelitas. Xlacaꞌn nacāputzānaꞌnīcan chuntzaꞌ chī tacaꞌtzī xlacaꞌn. Āꞌmakapitzīn talakapasa ixlīmāpaꞌksīn Dios. Xlacaꞌn nacāputzānaꞌnīcan chī huan ixlīmāpaꞌksīn Dios.
\v 13 Dios lactze cālaktzīꞌn xlacaꞌn tī takexmatniꞌ huāꞌmāꞌ līmāpaꞌksīn. Tī tacaꞌtzī ixlīmāpaꞌksīn Dios ē jā takexmatꞌcuꞌtun, xlacaꞌn jā tze cālaktzīꞌncan.
\v 14 Xlacaꞌn tī jā talakapasa ixlīmāpaꞌksīn Dios, ē palh xlacaꞌn lacatejtin tahuiꞌlānaꞌlh chuntzaꞌ chī ixtalacapāstacniꞌcaꞌn, chuntzaꞌ tatlahua chī ixlīmāpaꞌksīn Dios masqui jā talakapasa. Chuntzaꞌ lītasuꞌyu palh xlacaꞌn tacaꞌtzī tū tze ē tū jā tze.
\v 15 Huaꞌchi ixtalakapasli ixlīmāpaꞌksīn Dios, ixpālacata ixlīmāncaꞌn tacaꞌtzī palh tze o palh jā tze tū tatlahuamāꞌnalh.
\v 16 Namin quilhtamacuj aꞌcxniꞌ Dios nalīhuiꞌlī Jesucristo naputzānaꞌn. Jesucristo nacāputzānaꞌnī tachiꞌxcuhuīꞌt ixpālacata ixcuentacaꞌn ē ixtalacapāstacniꞌcaꞌn tū jā tze tū lakatzēꞌk tacaꞌtzī. Ūꞌtzaꞌ icmāsuꞌyu aꞌcxniꞌ icaꞌkchihuīnaꞌn xatze tachihuīn ixlaꞌ Jesucristo.
\s Israelitas ixtalīpāhuan līmāpaꞌksīn tū maxquīꞌca Moisés
\p
\v 17 Xlacaꞌn tī israelitas, xlacaꞌn kaꞌtlaꞌ talīmakcaꞌtzī. Talīpāhuan līmāpaꞌksīn tū Dios cāmaxquīꞌlh. Kaꞌtlaꞌ talīmakcaꞌtzī ixcālacsacnīꞌt Dios.
\v 18 Xlacaꞌn talakapasa ixtalacasquiꞌnīn Dios. Cāmāsuꞌyuniꞌcanīꞌt huāꞌmāꞌ līmāpaꞌksīn ē chuntzaꞌ tzētzaꞌ tacaꞌtzī tū tze ē tū jā tze.
\v 19 Xlacaꞌn tapuhuan tzē natamāsuꞌyuniꞌ tī jā tū talakapasa. Nā tapuhuan xlacaꞌn huaꞌchi tamāxkakēniꞌmāꞌnalh tī talatlāꞌhuan nac cāꞌpucsuaꞌ.
\v 20 Tapuhuan tzē tamāsuꞌyuniꞌ tī xalaclhkēntin ē tī huaꞌchi lacstīn ixpālacata jānaꞌj tū tacaꞌtzī. Talakapasa ixlīmāpaꞌksīn Dios. Tapuhuan tacaꞌtzītzaꞌ ixlīpōꞌktu tū ixlīcānaꞌ ē ixlīpōꞌktu tū caꞌtzīcan.
\v 21 Xlacaꞌn tamāscaꞌtī āꞌmakapitzīn, ē jā tamākentaxtū tū tamāsuꞌyu. Tahuani āꞌmakapitzīn jā tze palh kaꞌlhānaꞌncan, ē xlacaꞌn takaꞌlhānaꞌn.
\v 22 Xlacaꞌn tahuani āꞌmakapitzīn jā tze palh taputza ixtāꞌlāpāxquīꞌncaꞌn, ē xlacaꞌn taputza ixtāꞌlāpāxquīꞌncaꞌn. Xlacaꞌn talakmakaꞌn ídolos, ē xlacaꞌn takaꞌlhānaꞌn nac templo jā tahuiꞌlānaꞌlh ídolos.
\v 23 Xlacaꞌn kaꞌtlaꞌ talīmakcaꞌtzī cāmaxquīꞌcanīꞌt ixlīmāpaꞌksīn Dios, ē xlacaꞌn jā takexmatniꞌ huāꞌmāꞌ līmāpaꞌksīn. Ūꞌtzaꞌ talīlakmakaꞌn Dios āꞌmakapitzīn.
\v 24 Chuntzaꞌ tatzoꞌkniꞌ na ixtachihuīn Dios:
\q Huiꞌxinaꞌn israelitas āꞌchulāꞌ līpināꞌtit cuenta ixpālacata talakmakaꞌn Dios āꞌmakapitzīn tī jā israelitas.
\p
\v 25 Tze israelita huancan xmān palh natamākentaxtū ixlīmāpaꞌksīn Dios. Palh jā tamākentaxtū, chuntzaꞌ jā tū līmacuan huanican israelitas.
\v 26 Xlacaꞌn tī jā israelitas, palh xlacaꞌn tamākentaxtū ixlīmāpaꞌksīn Dios, chuntzaꞌ Dios cālaktzīꞌn huaꞌchi israelitas.
\v 27 Palh xlacaꞌn tī jā israelitas tamākentaxtū ixlīmāpaꞌksīn Dios, chuntzaꞌ lītasuꞌyu huiꞌxinaꞌn tī israelitas kaꞌlhīꞌyāꞌtit mincuentacaꞌn, ixpālacata huiꞌxinaꞌn jā mākentaxtūyāꞌtit huāꞌmāꞌ līmāpaꞌksīn, masqui kaꞌlhīꞌyāꞌtit jā tatzoꞌkniꞌ.
\v 28 Chāꞌtin jā catitaxtulh ixkaꞌhuaꞌcha Dios xmān ixpālacata chuꞌcucanīꞌt chuntzaꞌ chī ixtahuiꞌlatcaꞌn israelitas.
\v 29 Tī ixlīcānaꞌ ixtachiꞌxcuhuīꞌt Dios, ūꞌtunuꞌn tī talakpalīnīꞌt ixtalacapāstacniꞌcaꞌn. Chuntzaꞌ talakpalīnīꞌt nā ixpūlacniꞌcaꞌn ē jā xmān na ixmacniꞌcaꞌn. Xlacaꞌn tī talakpalīnīꞌt ixtalacapāstacniꞌcaꞌn, Dios cālaktzīꞌn lactze masqui jā cālaktzīꞌncuꞌtuncan na ixlacatīncaꞌn tachiꞌxcuhuīꞌt.
\c 3
\p
\v 1 Palhāsāꞌ huiꞌxinaꞌn puhuaꞌnāꞌtit palh jā tū ixtapalh huancan israelita ē palh jā tū ixtapalh chuꞌcucan.
\v 2 Quit icuan jā ixlīcānaꞌ. Israelitas lhūhuaꞌ takaꞌlhī tū jā takaꞌlhī āꞌmakapitzīn. Aꞌcxniꞌ Dios cāmaxquīꞌlh tachiꞌxcuhuīꞌt ixtachihuīn tū tatzoꞌkniꞌ, israelitas ūꞌtunuꞌn tī Dios cāmacamaxquīꞌlh ixtachihuīn.
\v 3 Masqui āꞌmakapitzīn jā taꞌaꞌkaꞌīꞌcuꞌtun palh ixlīcānaꞌ tū huan Dios, Dios namākentaxtū tū huan.
\v 4 Masqui ixlīpōꞌktucaꞌn tachiꞌxcuhuīꞌt taꞌaꞌkskāhuīꞌnin, Dios namākentaxtū tū huan. Chuntzaꞌ tatzoꞌkniꞌ na ixtachihuīn Dios:
\q Chuntzaꞌ lītasuꞌyu pōꞌktu quilhtamacuj huiꞌx huaꞌnaꞌ tū ixlīcānaꞌ.
\q Nūn chāꞌtin tzē nahuan jā tze tū huaꞌnaꞌ.
\m Chuntzaꞌ huanica Dios.
\p
\v 5 Palh quinaꞌn natlahuayāuj tū jā tze, chuntzaꞌ āꞌchulāꞌ lītasuꞌyu palh Dios pōꞌktu quilhtamacuj tlahua tū tze. Palhāsāꞌ chāꞌtin nakelhasquiꞌnīniꞌn: “¿Tū ixpālacata naquincātamakapātīnīnān? Ixpālacata quincuentacaꞌn, āꞌchulāꞌ nacaꞌtzīcan Dios āꞌchulāꞌ xatze. ¿Chā naquincātamakapātīnīnān ixpālacata tū māsuꞌyu Dios xatze?” Chuntzaꞌ tapuhuan tachiꞌxcuhuīꞌt.
\v 6 Jā tze talacapāstaca. Palh Dios jā nacāmakapātīnīn xlacaꞌn tī talaclēꞌn, ¿chī nacālīputzānaꞌnī tachiꞌxcuhuīꞌt xalanīꞌn nac cāꞌquilhtamacuj?
\p
\v 7 Palhāsāꞌ chāꞌtin nahuan: “Palh quintāꞌksaꞌnīn māsuꞌyu Dios xatze, ixpālacata xlaꞌ jā maktin aꞌksaꞌnīniꞌn, ¿chā naquilīmakapātīnīn Dios? Ixpālacata quincuenta āꞌchulāꞌ nalakachiꞌxcuhuīꞌcan Dios.”
\v 8 Palh tze cahuālh huāꞌmāꞌ talacapāstacniꞌ, chuntzaꞌ tzē ixuanui: “Āꞌchulāꞌ catlahuáuj tū jā tze ē chuntzaꞌ āꞌchulāꞌ nalakachiꞌxcuhuīꞌcan Dios.” Jāla huancan huāꞌmāꞌ tachihuīn. Makapitzīn tahuan quit chuntzaꞌ icmāsuꞌyu. Jā ixlīcānaꞌ. Dios nacāmakapātīnīn tī tahuan chuntzaꞌ.
\s Nūn chāꞌtin tī jā laclēꞌn
\p
\v 9 Jāla huanāuj israelitas āꞌchulāꞌ lactze. Icuanīꞌttzaꞌ kēxtim jāla tamakxteka tū jā tze, xlacaꞌn tī israelitas ē nā xlacaꞌn tī jā israelitas.
\v 10 Nā huāꞌmāꞌ tatzoꞌkniꞌ na ixtachihuīn Dios huan:
\q Nūn chāꞌtin tī tze.
\q 	
\v 11 	 Nūn chāꞌtin tī kexmata tū ixlaꞌ Dios.
\q Nūn chāꞌtin tī lacapāstaccuꞌtun Dios.
\q 	
\v 12 	 Ixlīpōꞌktucaꞌn tatamakatīniꞌlh Dios.
\q Talaclakōꞌlh ixlīpōꞌktucaꞌn.
\q Nūn tī chāꞌtin tlahua tū tze.
\q 	
\v 13 	 Aꞌcxniꞌ tatakelhpitzi, huaꞌchi mālaquīꞌcan aꞌktin pūtāꞌcnūn jā tojōmālhꞌ nīn, ixpālacata jā tze chī tachihuīnaꞌn.
\q Taꞌaꞌkskāhuīꞌnin ē taꞌaꞌksaꞌnīniꞌn.
\q Ixtachihuīncaꞌn tū taxtu na ixquilhniꞌcaꞌn huaꞌchi ixlīcuꞌchu lūhuaꞌ tū xcanaꞌn.
\q 	
\v 14 	 Taquiclhlaktzīꞌn āꞌmakapitzīn.
\q 	
\v 15 	 Masqui jā tū ixpālacata, palaj tunca tamaknīniꞌn.
\q 	
\v 16 	 Aꞌntzaꞌ jā talatāꞌkchoko xlacaꞌn tamālaksputūnuꞌn ē tamālakalīpuhuanīniꞌn.
\q 	
\v 17 	 Jā tacaꞌtzī chī tze natalīlatama.
\q 	
\v 18 	 Nūn talacapāstaca natalakachiꞌxcuhuīꞌ Dios.
\p
\v 19 Quinaꞌn caꞌtzīyāuj tū tatzoꞌkniꞌ na ixtachihuīn Dios aꞌntzaꞌ jā tatzoꞌkniꞌ līmāpaꞌksīn, ūꞌtzaꞌ cāhuani xlacaꞌn tī cāmacamaxquīꞌcanīꞌt līmāpaꞌksīn. Chuntzaꞌ ixlīpōꞌktucaꞌn talaclēꞌn na ixlacatīn Dios. Nūn chāꞌtin tzē catihuanli palh jā laclēꞌn.
\v 20 Nūn chāꞌtin mākentaxtūkōꞌnīꞌt ixlīmāpaꞌksīn Dios. Ūꞌtzaꞌ jā tī chāꞌtin lītasuꞌyu palh tze na ixlacatīn Dios. Ixlīmāpaꞌksīn Dios xmān tzē naquincāmāsuꞌyuniꞌyān palh quinaꞌn kaꞌlhīyāuj quincuentacaꞌn.
\s Taꞌaꞌkapūtaxtu xlacaꞌn tī taꞌaꞌkaꞌīꞌniꞌ Jesucristo
\p
\v 21 Chuhuaꞌj caꞌtzīyāuj Dios jā catimāpānūniꞌlh ixcuenta chāꞌtin chiꞌxcuꞌ tī xmān mākentaxtūcuꞌtun līmāpaꞌksīn. Xtum chī Dios cālīmāpānūniꞌ ixcuentacaꞌn tachiꞌxcuhuīꞌt. Chuntzaꞌ tatzoꞌkniꞌ na ixtachihuīn Dios jā tatzoꞌkniꞌ līmāpaꞌksīn ē jā huanican profetas.
\v 22 Dios cāmāpānūniꞌ ixcuentacaꞌn ixlīpōꞌktucaꞌn tī taꞌaꞌkaꞌīꞌniꞌ Jesucristo. Catīxcuhuālh tī aꞌkaꞌīꞌniꞌ Jesucristo, ūꞌtzaꞌ Dios namakapūtaxtū palh xlaꞌ israelita ē palh jā israelita.
\v 23 Quilīpōꞌktucaꞌn tlahuanīꞌtaꞌuj tū jā tze. Nūn chāꞌtin tī līlacatejtin latāꞌkchoko chuntzaꞌ chī Dios lacasquiꞌn.
\v 24 Dios lakalhuꞌmanīniꞌn. Cristo Jesús xokolh quincuentacaꞌn. Chuntzaꞌ Dios quincāmāpānūniꞌnīꞌtaꞌn quincuentacaꞌn.
\v 25 Chī ixtalacasquiꞌnīn Dios, Jesucristo xtokohuaꞌcaꞌca. Xlaꞌ nīlh ē chuntzaꞌ xlaꞌ xapakōꞌlh ixcuentacaꞌn ixlīpōꞌktucaꞌn tī taꞌaꞌkaꞌīꞌniꞌ Jesucristo. Chuntzaꞌ lītasuꞌyu Dios pōꞌktu tze tū tlahua. Aꞌcxniꞌ jānaꞌj ixnī Cristo, Dios ixcālīpātī chī ixtlahuacan tū jā tze.
\v 26 Chuhuaꞌj Cristo nīnīꞌt ē cāmāpānūniꞌnīꞌt ixcuentacaꞌn ixlīpōꞌktucaꞌn tī taꞌaꞌkaꞌīꞌniꞌ Jesucristo. Chuntzaꞌ lītasuꞌyu ūꞌtzaꞌ Dios tlahua tū tze.
\p
\v 27 Jā tī tī kaꞌtlaꞌ nalīmakcaꞌtzī na ixlacatīn Dios. Palh chāꞌtin cahuālh ixmākentaxtūkōꞌlh ixlīmāpaꞌksīn Dios, chuntzaꞌ tzē kaꞌtlaꞌ ixlīmakcaꞌtzīlh. Jāla kaꞌtlaꞌ makcaꞌtzīyāuj, ixpālacata Cristo ūꞌtzaꞌ tī quincāmakapūtaxtūnīꞌtaꞌn ixpālacata līpāhuanāuj xlaꞌ.
\v 28 Dios quincāmāpānūniꞌn quincuentacaꞌn ixpālacata aꞌkaꞌīꞌyāuj Jesucristo quincāmakapūtaxtūyān, ē masqui quinaꞌn jā mākentaxtūkōꞌnīꞌtaꞌuj ixlīmāpaꞌksīn.
\p
\v 29 Ixlacstīn Dios, xlacaꞌn jā xmān israelitas. Nā xlacaꞌn tī jā israelitas nā xlacaꞌn ixlacstīn Dios.
\v 30 Dios xmān chāꞌtin. Xlaꞌ cāmāpānūniꞌ ixcuentacaꞌn ixlīpōꞌktucaꞌn tī taꞌaꞌkaꞌīꞌniꞌ Jesucristo ē masqui xlacaꞌn israelitas ē masqui jā ūꞌtzaꞌ.
\v 31 Jā māpānūmāꞌnauj ixlīmāpaꞌksīn Dios. Aꞌkaꞌīꞌyāujtzaꞌ Jesucristo quincāmakapūtaxtūyān, āꞌchulāꞌ tzej natlahuayāuj tū tze chuntzaꞌ chī ixlīmāpaꞌksīn Dios.
\c 4
\s Abraham ixlīpāhuan Dios
\p
\v 1 Chuhuaꞌj naꞌiclīchihuīnaꞌn Abraham, quimpapcaꞌn quinaꞌn israelitas. ¿Chī līmātzaꞌnkēnaꞌniꞌca ixcuenta?
\v 2 Palh Abraham tzē ixmākentaxtūkōꞌlh cahuālh tū Dios ixuani ē palh chuntzaꞌ Dios ixlīmāpānūniꞌlh ixcuenta, chuntzaꞌ tzē kaꞌtlaꞌ ixlīmakcaꞌtzīlh Abraham. Jā chuntzaꞌ lalh. Ūꞌtzaꞌ jāla kaꞌtlaꞌ līmakcaꞌtzīlh.
\v 3 Ixtachihuīn Dios huan Abraham ixlīpāhuan Dios. Ūꞌtzaꞌ Dios līlaktzīꞌlh tze Abraham.
\v 4 Aꞌcxniꞌ chāꞌtin chiꞌxcuꞌ makscuja, xlaꞌ maxquīꞌcan ixtatlaj. Ixtatlaj xlaꞌ jātzaꞌ talakalhuꞌmān. Xokocan ixpālacata makscuja. Ūꞌtzaꞌ tū laclēꞌniꞌcan.
\v 5 Dios cāmāpānūniꞌ ixcuentacaꞌn xlacaꞌn tī talīpāhuan Dios, ē masqui jā tū tatlahuanīꞌt tū xatze na ixlacatīn Dios. Tū Dios māstāꞌ huāktzaꞌ talakalhuꞌmān.
\v 6 Nā David līchihuīnaꞌnli huāꞌmāꞌ. Līchihuīnaꞌnli chī talīpāxuhua tī Dios cāmāpānūniꞌlh ixcuentacaꞌn xmān huaꞌchi talakalhuꞌmān ē jā ixpālacata tatlahuanīꞌt tū tze.
\v 7 Tatzoꞌkniꞌ na ixtachihuīn Dios tū huanli David:
\q Tapāxuhua xlacaꞌn tī Dios cāmātzaꞌnkēnaꞌniꞌlh ē cāxapaniꞌlh ixcuentacaꞌn.
\q 	
\v 8 	 Tapāxuhua xlacaꞌn tī Dios jā caticāmāxokonīlh ixcuentacaꞌn.
\p
\v 9 Naꞌiccākelhasquiꞌnīyān catūhuālh. ¿Ē huiꞌxinaꞌn puhuaꞌnāꞌtit Dios cāmātzaꞌnkēnaꞌniꞌ xmān tī cāchuꞌcucanīꞌt chuntzaꞌ chī ixtahuiꞌlatcaꞌn israelitas? Jā chuntzaꞌ. Nā Dios cāmātzaꞌnkēnaꞌniꞌ tī jā cāchuꞌcucanīꞌt. Iccāhuaninīꞌtaꞌntzaꞌ Abraham ixlīpāhuan Dios, ē ūꞌtzaꞌ Dios līlaktzīꞌlh Abraham tze.
\v 10 Aꞌcxniꞌ aꞌkspulalh huāꞌmāꞌ, Abraham jānaꞌj ixchuꞌcucanīꞌt.
\v 11 Āꞌlīstān chuꞌcuca. Huāꞌmāꞌ līlakapascan Abraham tze na ixlacatīn Dios ixpālacata ixlīpāhuan Dios, masqui jānaꞌj ixchuꞌcucan. Chuntzaꞌ Abraham huaꞌchi ixtātaꞌcaꞌn ixlīpōꞌktucaꞌn tī Dios cāmāpānūniꞌlh ixcuentacaꞌn ixpālacata talīpāhuan Dios, masqui jā cāchuꞌcucanīꞌt.
\v 12 Nā Abraham huaꞌchi ixtātaꞌcaꞌn tī cāchuꞌcucanīꞌt. Jā ixpālacata cāchuꞌcucanīꞌt. Huaꞌchi ixtātaꞌcaꞌn ixpālacata taꞌaꞌkaꞌīꞌ xlacaꞌn chuntzaꞌ huaꞌchi quimpapcaꞌn Abraham aꞌkaꞌīꞌlh aꞌcxniꞌ jānaꞌj ixchuꞌcucanīꞌt.
\s Dios mākentaxtūlh tū ixuanīꞌt
\p
\v 13 Dios huanilh Abraham namaxquīꞌ cāꞌquilhtamacuj, xlaꞌ ē nā īꞌxūꞌnātāꞌnatnaꞌ. Huanilh huāꞌmāꞌ jā ixpālacata Abraham kexmatniꞌlh līmāpaꞌksīn. Jā chuntzaꞌ. Dios huanilh huāꞌmāꞌ ixpālacata Abraham ixaꞌkaꞌīꞌnīꞌt ixlīcānaꞌ tū Dios ixuaninīꞌt ē ūꞌtzaꞌ līlaktzīꞌlh palh tze.
\v 14 Dios huanli nacāsicuaꞌlanātlahua tachiꞌxcuhuīꞌt. Jā ixpālacata tamākentaxtū līmāpaꞌksīn. Jā ūꞌtzaꞌ cālīsicuaꞌlanātlahuacan. Palh chuntzaꞌ cahuālh, palh Dios ixcāsicuaꞌlanātlahualh xmān xlacaꞌn tī tamākentaxtū līmāpaꞌksīn, chuntzaꞌ jā tī chāꞌtin ixsicuaꞌlanātlahuaca, ixpālacata jā tī tzē mākentaxtūkōꞌ līmāpaꞌksīn. Nā jā ixcāsicuaꞌlanātlahuaca nūn xlacaꞌn tī taꞌaꞌkaꞌīꞌ.
\v 15 Ixlīmāpaꞌksīn Dios quincāmāsuꞌyuniꞌyān palh laclēꞌnāuj ē ūꞌtzaꞌ nalīpātīniꞌnāuj. Palh jā ixaꞌnalh līmāpaꞌksīn, jā ixcaꞌtzīuj palh laclēꞌnāuj.
\p
\v 16 Tī Dios cāsicuaꞌlanātlahua, ūꞌtunuꞌn tī taꞌaꞌkaꞌīꞌ. Dios cātlahuaniꞌ huāꞌmāꞌ talakalhuꞌmān ixlīpōꞌktucaꞌn tī taꞌaꞌkaꞌīꞌ chuntzaꞌ huaꞌchi Abraham, masqui xlacaꞌn israelitas ē masqui jā israelitas. Abraham aꞌkaꞌīꞌlh ixlīcānaꞌ tū huan Dios. Chuntzaꞌ Abraham huaꞌchi quintātaꞌcaꞌn quilīpōꞌktucaꞌn tī aꞌkaꞌīꞌyāuj.
\v 17 Tatzoꞌkniꞌ na ixtachihuīn Dios chī Dios huanilh Abraham:
\q Quit iclacsacnīꞌtaꞌn ē chuntzaꞌ nalītaxtuyaꞌ huaꞌchi ixtātaꞌcaꞌn lhūhuaꞌ tachiꞌxcuhuīꞌt.
\m Abraham aꞌkaꞌīꞌlh tū Dios huanilh namākentaxtū. Dios ūꞌtzaꞌ tī tzē nacāmālacastālancuanī nīnīꞌn ē xlaꞌ nā cāmaxquīꞌ ixlatamatcaꞌn tī jānaꞌj talacatuncuhuīꞌ.
\p
\v 18 Dios ixuaninīꞌt Abraham nakaꞌlhī chāꞌtin ixkaꞌhuaꞌcha. Abraham aꞌkaꞌīꞌlh tū ixuaninīꞌt Dios. Puhuanli ixlīcānaꞌ, ē masqui ixtasuꞌyu palh jāla ixlītaxtulh ixtātaꞌcaꞌn lhūhuaꞌ tachiꞌxcuhuīꞌt. Abraham aꞌkaꞌīꞌlh chī ixuanicanīꞌt:
\q Mixūꞌnātāꞌnatnaꞌ lhūhuaꞌ natahuan.
\m
\v 19 Abraham kōluꞌtzaꞌ ixuanīꞌt. Ixkaꞌlhī chī aꞌktin ciento cāꞌta. Sara, tī ixpuscāt, tētaxtunīꞌttzaꞌ chī namālacatuncuhuīꞌnīniꞌn. Masqui kōluꞌtzaꞌ ixtahuanīꞌt, Abraham jā pātzaꞌnkālh tū ixuaninīꞌt Dios.
\v 20 Jā puhuanli palh Dios jā namākentaxtū tū ixuanicanīꞌt. Xlaꞌ āꞌchulāꞌ ixaꞌkaꞌīꞌ ē ixmakapāxuī Dios.
\v 21 Xlaꞌ ixcaꞌtzī palh Dios tzē natlahua tū ixmālacnūniꞌnīꞌt.
\v 22 Abraham aꞌkaꞌīꞌlh naꞌaꞌkspula chī Dios ixuaninīꞌt ē ūꞌtzaꞌ Dios līmāpānūniꞌlh ixcuenta.
\p
\v 23 Ūꞌtzaꞌ jā tzoꞌkca xmān ixpālacata Abraham.
\v 24 Nā tzoꞌkcanīꞌt ixpālacata quinaꞌn tzē nacaꞌtzīyāuj Dios nā quincāmāpānūniꞌyān quincuentacaꞌn quinaꞌn tī līpāhuanāuj Dios. Xlaꞌ ūꞌtzaꞌ tī mālacastālancuanīlh quiMāpaꞌksīniꞌcaꞌn Jesucristo.
\v 25 Dios macamilh Jesucristo nanī ixpālacata quincuentacaꞌn. Āꞌlīstān mālacastālancuanīlh. Ūꞌtzaꞌ Dios quincālīmāpānūniꞌyān quincuentacaꞌn.
\c 5
\s Jā caticāmakapātīnīnca xlacaꞌn tī Dios cāmāpānūniꞌlh ixcuentacaꞌn
\p
\v 1 Quinaꞌn aꞌkaꞌīꞌnīꞌtaꞌuj Jesucristo. Ūꞌtzaꞌ Dios quincālīmāpānūniꞌnīꞌtaꞌn quincuentacaꞌn. Chuntzaꞌ jātzaꞌ ixtāꞌlāquiclhlaktziꞌ Dios quinaꞌn, ixpālacata Dios quincāmāsputūnuꞌniꞌnīꞌtaꞌn quincuentacaꞌn ixpālacata quiMāpaꞌksīniꞌcaꞌn Jesucristo.
\v 2 Aꞌkaꞌīꞌyāuj Jesucristo quincāmakapūtaxtūyān, ē chuntzaꞌ Dios quincālakalhuꞌmanān. Chuhuaꞌj pāxuhuayāuj ixpālacata caꞌtzīyāuj naꞌaꞌnāuj nac aꞌkapūn jā huiꞌlachaꞌ Dios.
\v 3 Nā līpāxuhua huiꞌlānaꞌuj masqui pātīniꞌmāꞌnauj, ixpālacata caꞌtzīyāuj chuntzaꞌ nalīcaꞌtzīyāuj līlacatzucu napātīniꞌnāuj.
\v 4 Palh līlacatzucu napātīniꞌnāuj, chuntzaꞌ Dios nalīpāxuhua. Chuntzaꞌ līcaꞌtzīyāuj palh nalakchāꞌnāuj Dios.
\v 5 Jā catitaꞌaꞌkskāhuīꞌuj. Ixlīcānaꞌ nalakchāꞌnāuj Dios. Huāꞌmāꞌ tzej caꞌtzīyāuj, ixpālacata makcaꞌtzīyāuj na quilīstacnaꞌcaꞌn chī Dios quincāpāxquīꞌyān. Huāꞌmāꞌ quincāmāmakcaꞌtzīnīyān Espíritu Santo. Ūꞌtzaꞌ tī Dios quincālakmacaminīꞌtaꞌn.
\p
\v 6 Quinaꞌn jāla catiꞌaꞌkapūtaxtūj quinaꞌcstucaꞌn. Chuntzaꞌ aꞌcxniꞌ chilh quilhtamacuj tū Dios īꞌlhcāꞌnīꞌt, Cristo nīlh ixpālacata quincuentacaꞌn.
\v 7 Jā tī chāꞌtin nīcuꞌtun ixpālacata āꞌchāꞌtin masqui xlaꞌ chāꞌtin chiꞌxcuꞌ tī jā tū tlahuanīꞌt. Palhāsāꞌ nanī ixpālacata āꞌchāꞌtin tī tzeya chiꞌxcuꞌ.
\v 8 Cristo nīlh quimpālacatacaꞌn quinaꞌn masqui jā tze ixuanīꞌtaꞌuj. Chuntzaꞌ Dios līmāsuꞌyulh palh quincāpāxquīꞌyān.
\v 9 Chuhuaꞌj Cristo nīlh quimpālacatacaꞌn, ē chuntzaꞌ Dios quincāmāpānūniꞌnīꞌtaꞌn quincuentacaꞌn. Ūꞌtzaꞌ līcaꞌtzīyāuj jā quinticāmakapātīnīn aꞌcxniꞌ nachin āꞌxmān quilhtamacuj.
\v 10 Quinaꞌn ixtāꞌlāquiclhlaktziꞌ Dios ixuanīꞌtaꞌuj. Dios ixamigo quincātlahuan ixpālacata Cristo, īꞌSkaꞌtaꞌ Dios, nīlh quimpālacatacaꞌn. Quinaꞌn ixamigo Dios ē ixpālacata Cristo lacastālancuanaꞌnli, āꞌchulāꞌ caꞌtzīyāuj Cristo quincāmaktāyayān ē chuntzaꞌ jā quinticāmakapātīnīn.
\v 11 Ūꞌtzaꞌ līpāxuhuayāuj Dios jātzaꞌ quinticāmakapātīnīn. Nā līpāxuhuayāuj Dios ixamigo quincātlahuanīꞌtaꞌn ixpālacata quiMāpaꞌksīniꞌcaꞌn Jesucristo.
\s Adán ē Cristo
\p
\v 12 Xapūla ixuīꞌlh chāꞌtin chiꞌxcuꞌ tī ixuanican Adán. Ūꞌtzaꞌ tī xapūla ē chūꞌcus tlahualh tū jā tze. Ixcuenta ūꞌtzaꞌ līnīlh. Chuhuaꞌj ūꞌtzaꞌ talīnīkōꞌ tachiꞌxcuhuīꞌt ixpālacata ixlīpōꞌktucaꞌn tatlahualh tū jā tze.
\v 13 Aꞌcxniꞌ jānaꞌj ixmaxquīꞌcan ixlīmāpaꞌksīn Dios, tachiꞌxcuhuīꞌt ixtatlahuamāꞌnalh tū jā tze. Masqui jāla ixuancan xlacaꞌn ixtalactlahuanīꞌttzaꞌ līmāpaꞌksīn, ixpālacata jānaꞌj ixcāmaxquīꞌcanīꞌt līmāpaꞌksīn, xlacaꞌn ixtalaclēꞌn na ixlacatīn Dios.
\v 14 Chuntzaꞌ talīnīlh masqui xlacaꞌn jā tatlahualh chu lacxtim chī tlahualh Adán. Ixcuenta Adán talīlaclalh ixlīpōꞌktucaꞌn tachiꞌxcuhuīꞌt. Cristo jā chuntzaꞌ chī Adán. Xlaꞌ tze tū cātlahuaniꞌlh ixlīpōꞌktucaꞌn tachiꞌxcuhuīꞌt.
\p
\v 15 Xtum Adán ē xtum Cristo; jā chu chāꞌtin talītaxtulh. Adán tlahualh tū jā tze. Ūꞌtzaꞌ ixlīpōꞌktucaꞌn tachiꞌxcuhuīꞌt talīnī. Dios cālakalhuꞌmankōꞌ tachiꞌxcuhuīꞌt. Chuhuaꞌj tzē nataꞌaꞌkapūtaxtu ixpālacata Jesucristo. Ūꞌtzaꞌ huaꞌchi aꞌktin talakalhuꞌmān tū Dios māstāꞌ.
\v 16 Xtum tū tlahualh Adán. Xtum tū tlahualh Dios. Adán tlahualh tū jā tze, ē ūꞌtzaꞌ nacālīmakapātīnīnkōꞌcan ixlīpōꞌktucaꞌn tachiꞌxcuhuīꞌt. Dios cālakalhuꞌmanli, ē chuntzaꞌ lhūhuaꞌ cāmāpānūniꞌcanīꞌttzaꞌ ixcuentacaꞌn.
\v 17 Chāꞌtin tī xapūla ē chūꞌcus tlahualh tū jā tze. Ūꞌtzaꞌ Adán. Ūꞌtzaꞌ talīnīkōꞌ ixlīpōꞌktucaꞌn tachiꞌxcuhuīꞌt. Xtum tū tlahualh āꞌchāꞌtin chiꞌxcuꞌ tī huanican Jesucristo. Ixpālacata Jesucristo, Dios cālakalhuꞌmanli tachiꞌxcuhuīꞌt ē Dios cāmāpānūniꞌ ixcuentacaꞌn ē nā cāmaxquīꞌ xasāstiꞌ ixlatamatcaꞌn.
\p
\v 18 Chuntzaꞌ ixlīpōꞌktucaꞌn nacāmakapātīnīnkōꞌcan ixpālacata aꞌktin tū jā tze tū tlahualh Adán. Jesucristo tlahualh tū tze, ē chuntzaꞌ ixlīpōꞌktucaꞌn tzē nacālīmāpānūniꞌcan ixcuentacaꞌn ē tzē natalīkaꞌlhī xasāstiꞌ ixlatamatcaꞌn.
\v 19 Adán jā kexmatniꞌlh Dios ē ūꞌtzaꞌ talīlaclēꞌn ixlīpōꞌktucaꞌn tachiꞌxcuhuīꞌt. Jesucristo, xlaꞌ kexmatniꞌlh Dios ē ūꞌtzaꞌ ixlīpōꞌktucaꞌn tzē nacālīmāpānūniꞌkōꞌcan ixcuentacaꞌn.
\p
\v 20 Dios māstāꞌlh līmāpaꞌksīn ixpālacata namāsuꞌyu palh quinaꞌn tlahuayāuj tū jā tze. Masqui āꞌchulāꞌ ixtlahuayāuj tū jā tze, āꞌchulāꞌ Dios quincālakalhuꞌmanān.
\v 21 Xapūla quilīpōꞌktucaꞌn ixtlahuayāuj tū jā tze. Ūꞌtzaꞌ ixpālacata nalīnīkōꞌyāuj. Chuhuaꞌj Dios lakalhuꞌmanīniꞌn, ē chuntzaꞌ tzē nakaꞌlhīyāuj xasāstiꞌ quilatamatcaꞌn tū jā catilaksputli. Dios quincāmāpānūniꞌyān quincuentacaꞌn ixpālacata quiMāpaꞌksīniꞌcaꞌn Jesucristo.
\c 6
\s Tī tatapaꞌksīniꞌ Cristo, xlacaꞌn jātzaꞌ cāmāpaꞌksī tū jā tze
\p
\v 1 Jāla huanāuj natlahuayāuj āꞌchulāꞌ tū jā tze ē āꞌchulāꞌ Dios naquincālakalhuꞌmanān.
\v 2 Quinaꞌn jāla catihuáuj chuntzaꞌ. Quinaꞌn makxteknīꞌtaꞌujtzaꞌ tū jā tze. Jātzaꞌ la natlahuatāꞌkchokoyāuj tū jā tze.
\v 3 Huiꞌxinaꞌn caꞌtzīyāꞌtit quilīpōꞌktucaꞌn tī tapaꞌksīniꞌyāuj Cristo, chu chāꞌtin lītaxtuyāuj. Huaꞌchi ixtāꞌnīnīꞌtaꞌuj Cristo.
\v 4 Aꞌcxniꞌ aꞌkpaxāuj, huaꞌchi tāꞌtāꞌcnūyāuj Cristo. Huaꞌchi tāꞌlacastālancuanaꞌnāuj Cristo. Xlaꞌ līlacastālancuanaꞌnli ixlītliꞌhuiꞌqui Dios quinTātaꞌcaꞌn. Chuhuaꞌj kaꞌlhīyāuj xasāstiꞌ quilatamatcaꞌn.
\p
\v 5 Cristo huaꞌchi ixtāꞌnīnīꞌtaꞌuj ē tāꞌlacastālancuanaꞌnui, ē chuntzaꞌ quinaꞌn nā kaꞌlhīyāuj xasāstiꞌ quilatamatcaꞌn.
\v 6 Caꞌtzīyāuj talakpalīnīꞌtaꞌujtzaꞌ. Xapūla ixtlahuatlāꞌhuanāuj tū jā tze. Chuhuaꞌj huaꞌchi ixquincātāꞌtaxtokohuaꞌcaꞌnīꞌtaꞌn Cristo. Chuntzaꞌtzaꞌ tze nalīlatāꞌkchokoyāujtzaꞌ. Jātzaꞌ quincāmāpaꞌksīyān tū jā tze.
\v 7 Chāꞌtin tī xanīntzaꞌ jātzaꞌ tlahua tū jā tze. Nā quinaꞌn jātzaꞌ quincāmāpaꞌksīyān tū jā tze.
\v 8 Huaꞌchi ixtāꞌnīnīꞌtaꞌuj Cristo, ē chuhuaꞌj tāꞌlacastālancuanaꞌnīꞌtaꞌujtzaꞌ Cristo.
\v 9 Caꞌtzīyāuj Cristo lacastālancuanaꞌnli. Jātzaꞌ maktin catinīlh. Xlaꞌ natahuiꞌla ixlīpōꞌktu quilhtamacuj.
\v 10 Cristo xmān maktin līnīlh ixcuentacaꞌn tachiꞌxcuhuīꞌt. Chuhuaꞌj Cristo huīꞌlh. Xlaꞌ tlahuamāꞌlh ixtalacasquiꞌnīn Dios.
\v 11 Calīhuiꞌlīꞌtit jātzaꞌ natlahuaꞌyāꞌtit tū jā tze. Kaꞌlhīꞌyāꞌtittzaꞌ xasāstiꞌ milatamatcaꞌn ixpālacata quiMāpaꞌksīniꞌcaꞌn Jesucristo. Chuhuaꞌj calatāꞌkchokotit chuntzaꞌ chī Dios lacasquiꞌn.
\p
\v 12 Jātzaꞌ catamakxtektit nacāmāpaꞌksīyān tū jā tze. Jātzaꞌ catlahuaꞌtit tū lacasquiꞌn mimacniꞌcaꞌn tū jā tze.
\v 13 Jā catamakxtektit mintalacapāstacniꞌcaꞌn nacāmātlahuīyān tū jā tze. Catamakxtektit Dios nacāmāpaꞌksīyān. Kaꞌlhīꞌyāꞌtittzaꞌ xasāstiꞌ milatamatcaꞌn, ē catlahuaꞌtit ixtalacasquiꞌnīn Dios.
\v 14 Jātzaꞌ nacāmāpaꞌksīyān tū jā tze. Jātzaꞌ līpāhuanāuj līmāpaꞌksīn. Līpāhuanāuj xmān ixtalakalhuꞌmān Dios.
\s Tī tatlahua tū tze
\p
\v 15 Masqui jātzaꞌ līpāhuanāuj līmāpaꞌksīn, quinaꞌn jāla tlahuayāuj tū jā tze.
\v 16 Huiꞌxinaꞌn caꞌtzīyāꞌtit palh kaꞌlhīꞌyāꞌtit chāꞌtin xapuxcuꞌ, natlahuaꞌyāꞌtit tū nahuan xlaꞌ. Nā chuntzaꞌ xlacaꞌn tī tatamakxteka nacāmāpaꞌksī tū jā tze, xlacaꞌn chu līcuesa natatlahua tū jā tze. Tī tatlahua tū jā tze natanī. Xlacaꞌn tī tatamakxteka nacāmāpaꞌksī Dios, xlacaꞌn natatlahua tū Dios lacasquiꞌn.
\v 17 Quit icmaxquīꞌ Dios tapāxcatcaꞌtzīn mimpālacatacaꞌn. Chuhuaꞌj huiꞌxinaꞌn tlahuaꞌpāꞌnaꞌntit tū cātamāsuꞌyuniꞌn ē tū maktīniꞌnīꞌtaꞌntit. Jātzaꞌ cāmāpaꞌksīyān tū jā tze.
\v 18 Makxteknīꞌtaꞌntittzaꞌ tū jā tze; chuhuaꞌj tlahuaꞌcuꞌtunāꞌtit tū xatze.
\v 19 Chuntzaꞌ iclīchihuīnaꞌn quit ixpālacata huiꞌxinaꞌn nakexpaꞌtāꞌtit. Xapūla huiꞌxinaꞌn tamakxtektit ixcāmāpaꞌksīyān tū jā tze. Āꞌchulāꞌ ixtlahuaꞌpāꞌnaꞌntit tū jā tze. Chuhuaꞌj catamakxtektit Dios nacāmāpaꞌksīyān. Āꞌchulāꞌ natlahuatēlhaꞌyāꞌtit tū tze.
\p
\v 20 Xapūla aꞌcxniꞌ ixcāmāpaꞌksīyān tū jā tze, huiꞌxinaꞌn jāla ixtlahuaꞌyāꞌtit tū tze.
\v 21 Chuhuaꞌj līmāxanaꞌnāꞌtit tū ixtlahuaꞌyāꞌtit xapūla. Tū ixtlahuaꞌyāꞌtit xapūla, jā tū līmacuan. Tī tatlahua huāꞌmāꞌ, xlacaꞌn natanī.
\v 22 Chuhuaꞌj Dios cāmāpaꞌksīyān huiꞌxinaꞌn, ē chuntzaꞌ talakpalīnīꞌtaꞌntit tū jā tze. Chuhuaꞌj tzētzaꞌ natlahuaꞌyāꞌtit tū tze. Kaꞌlhīꞌyāꞌtittzaꞌ xasāstiꞌ milatamatcaꞌn tū jā catilaksputli.
\v 23 Xlacaꞌn tī cāmāpaꞌksī tū jā tze, xlacaꞌn natamaktīniꞌn ixtatlajcaꞌn. Ūꞌtzaꞌ līnīn. Dios quincāmaxquīꞌyān xasāstiꞌ quilatamatcaꞌn tū jā catilaksputli. Ixlīpōꞌktucaꞌn tī taꞌaꞌkaꞌīꞌniꞌ quiMāpaꞌksīniꞌcaꞌn Jesucristo, xlacaꞌn cāmaxquīꞌcan xasāstiꞌ ixlatamatcaꞌn tū jā catilaksputli.
\c 7
\s Tū līcaꞌtzīcan tī tamakaxtoklitzaꞌ
\p
\v 1 Huiꞌxinaꞌn tāꞌtimīn, lakapasāꞌtit ixlīmāpaꞌksīncaꞌn chiꞌxcuhuīꞌn. Caꞌtzīyāꞌtit chāꞌtin chiꞌxcuꞌ natlahua tū talīmāpaꞌksīniꞌn līhuan lamāꞌlh nac cāꞌquilhtamacuj. Aꞌcxniꞌ xlaꞌ nīnīꞌttzaꞌ, huāꞌmāꞌ līmāpaꞌksīn jātzaꞌ māpaꞌksī.
\v 2 Chāꞌtin puscāt tī tamakaxtoknīꞌttzaꞌ, xlaꞌ kaꞌlhī ixkōluꞌ līhuan huīꞌlh ixkōluꞌ nac cāꞌquilhtamacuj. Chuntzaꞌ huan ixlīmāpaꞌksīncaꞌn chiꞌxcuhuīꞌn. Palh nanī ixkōluꞌ puscāt jātzaꞌ māpaꞌksī.
\v 3 Palh puscāt kaꞌlhī ixtāꞌlāpāxquīꞌn ē palh kaꞌlhīcus ixkōluꞌ, chuntzaꞌ xlaꞌ tlahua tū jā tze. Palh ixkōluꞌ nī, xlaꞌ tzē natamakaxtokpala. Xlaꞌ masqui tamakaxtokpala, chuntzaꞌ jā tlahua tū jā tze.
\p
\v 4 Huiꞌxinaꞌn tāꞌtimīn, huaꞌchi tāꞌnīnīꞌtaꞌntit Cristo. Ūꞌtzaꞌ lītaxokolh tū ixlaclīpināꞌtit chuntzaꞌ chī līmāpaꞌksīn. Chuhuaꞌj tzamāꞌ līmāpaꞌksīn jātzaꞌ cāmāpaꞌksīyān. Chuhuaꞌj tapaꞌksīniꞌyāꞌtit Cristo. Xlaꞌ lacastālancuanaꞌnīꞌttzaꞌ. Tzētzaꞌ nalatapāyāꞌtit chuntzaꞌ chī Dios lacasquiꞌn.
\v 5 Aꞌcxniꞌ jānaꞌj tapaꞌksīniꞌyāuj Dios, quinaꞌn ixlatlāꞌhuanāuj chuntzaꞌ chī quintalacapāstacniꞌcaꞌn tū jā tze. Aꞌcxniꞌ lakapasui ixlīmāpaꞌksīn Dios, āꞌchulāꞌ ixtlahuayāuj tū jā tze. Tī chuntzaꞌ tatlahua, xlacaꞌn natanī.
\v 6 Chuhuaꞌj līmāpaꞌksīn jātzaꞌ quincāmāpaꞌksīyān, ixpālacata huaꞌchi tāꞌnīnīꞌtaꞌujtzaꞌ Cristo. Xapūla ixquincāmāpaꞌksīyān līmāpaꞌksīn. Chuhuaꞌj kexmatniꞌyāuj Dios ixpālacata kaꞌlhīyāuj xasāstiꞌ quilatamatcaꞌn. Ūꞌtzaꞌ lītlahuacuꞌtunāuj ixtalacasquiꞌnīn Dios.
\s Tachiꞌxcuhuīꞌt ixaꞌcstucaꞌn jāla tamakxteka tū jā tze
\p
\v 7 Palhāsāꞌ huiꞌxinaꞌn nahuaꞌnāꞌtit jā tze līmāpaꞌksīn. Jā ixlīcānaꞌ. Tzamāꞌ līmāpaꞌksīn quincāmāsuꞌyuniꞌyān chī aꞌnaniꞌ tū jā tze. Chuntzaꞌ huan līmāpaꞌksīn:
\q Jā tilakcaꞌtzanaꞌ tū ixlaꞌ āꞌchāꞌtin.
\m Ūꞌtzaꞌ līcaꞌtzīyāuj tzamāꞌ tū jā tze.
\v 8 Aꞌcxniꞌ iccaꞌtzīlh huāꞌmāꞌ līmāpaꞌksīn, āꞌchulāꞌ xaꞌiclakcaꞌtzan tū ixlaꞌ āꞌchāꞌtin. Aꞌcxniꞌ jānaꞌj ixlakapascan līmāpaꞌksīn, jā ixcaꞌtzīcan tū jā tze.
\v 9 Aꞌcxniꞌ jānaꞌj xaꞌiccaꞌtzī tū huan ixlīmāpaꞌksīn Dios, quit xaꞌicpuhuan tzej xaꞌiclatlāꞌhuan. Aꞌcxniꞌ iccaꞌtzīlh tū huan huāꞌmāꞌ līmāpaꞌksīn, iccaꞌtzīlh palh xaꞌiclaclēꞌn na ixlacatīn Dios ē chuntzaꞌ Dios naquimakapātīnīn.
\v 10 Tzamāꞌ līmāpaꞌksīn quincāmāsuꞌyuniꞌnīꞌtaꞌn līlacatejtin natahuiꞌlayāuj. Quit quimāsuꞌyuniꞌlh xaꞌiclaclēꞌn ē ūꞌtzaꞌ Dios ixquilīmālaksputūlh.
\v 11 Iclītaꞌaꞌkskāhuīꞌlh quinaꞌcstu ixpālacata tū jā tze. Ūꞌtzaꞌ iclīlacpuhualh quit tzē xaꞌicmākentaxtūkōꞌ ixlīmāpaꞌksīn Dios. Tzamāꞌ līmāpaꞌksīn quimāsuꞌyuniꞌlh Dios naquilīmālaksputū ixpālacata quincuenta.
\p
\v 12 Ixlīmāpaꞌksīn Dios tze. Pōꞌktu tze.
\v 13 Masqui tze ixlīmāpaꞌksīn Dios, ūꞌtzaꞌ quimāsuꞌyuniꞌlh xaꞌiclaclēꞌn. Nā quimāsuꞌyuniꞌlh jā tze tū xaꞌictlahuamāꞌlh ē ūꞌtzaꞌ tū ixquilīmakapātīnīlh Dios.
\p
\v 14 Caꞌtzīyāuj tzamāꞌ līmāpaꞌksīn ixlaꞌ Dios ē tze. Quit jā tze xaꞌicuanīꞌt ixpālacata xaꞌictlahua tū jā tze, chuntzaꞌ chī tatlahua ixlīpōꞌktucaꞌn tachiꞌxcuhuīꞌt.
\v 15 Quit jā iccaꞌtzī tū quinaꞌkspula. Masqui quit jā ictlahuacuꞌtun tū jā tze, ūꞌtzaꞌ ictlahua. Masqui quit ictlahuacuꞌtun tū tze, jā ictlahua.
\v 16 Quit jā ictlahuacuꞌtun tū jā tze, ūꞌtzaꞌ lītasuꞌyu palh quit icpuhuan xatze līmāpaꞌksīn.
\v 17 Masqui quit jā ictlahuacuꞌtun tū jā tze, jā tze quintalacapāstacniꞌ ē ūꞌtzaꞌ quimātlahuī tū jā tze.
\v 18 Iccaꞌtzī quit quinaꞌcstu jāla ictlahua tū tze. Ūꞌtzaꞌ jāla iclītlahua tū tze, masqui chuntzaꞌ ictlahuacuꞌtun tū xatze.
\v 19 Masqui ictlahuacuꞌtun tū tze, jāla ictlahua. Masqui jā ictlahuacuꞌtun tū jā tze, chuntzaꞌ ictlahua.
\v 20 Huaꞌchi quintalacapāstacniꞌ jā tze. Ūꞌtzaꞌ quimātlahuī tū jā tze, ē jā quit. Quit jā ictlahuacuꞌtun tū jā tze.
\p
\v 21 Pōꞌktu quilhtamacuj chuntzaꞌ quinaꞌkspula. Aꞌcxniꞌ quit ictlahuacuꞌtun tū tze, xmān tzē ictlahua tū jā tze.
\v 22 Quit tzej iccaꞌtzī tze ixlīmāpaꞌksīn Dios. Iclīpāxuhua aꞌcxniꞌ iclacapāstaca huāꞌmāꞌ līmāpaꞌksīn.
\v 23 Masqui ictlahuacuꞌtun tū huan ixlīmāpaꞌksīn Dios, huaꞌchi āꞌaꞌktin līmāpaꞌksīn lītapaꞌksī quimacniꞌ. Huāꞌmāꞌ līmāpaꞌksīn ixtāꞌlāquiclhlaktziꞌ ixlīmāpaꞌksīn Dios. Quit huaꞌchi xatachīꞌn ixpālacata jāla icmakxteka ictlahua tū jā tze.
\p
\v 24 Līlakalhuꞌmānat quit. Jāla ictapānūniꞌ huāꞌmāꞌ līmāpaꞌksīn tū jā tze. ¿Tīchu tzē naquimakapūtaxtū huāꞌmāꞌ līmāpaꞌksīn tū jā tze?
\v 25 Dios ūꞌtzaꞌ tī tzē namakapūtaxtūnuꞌn ixpālacata quiMāpaꞌksīniꞌcaꞌn Jesucristo. Quimacniꞌ tlahuacuꞌtun tū jā tze, masqui quit icmākentaxtūcuꞌtun ixlīmāpaꞌksīn Dios. Chuhuaꞌj Dios quimakapūtaxtūnīꞌt huāꞌmāꞌ līmāpaꞌksīn. Ūꞌtzaꞌ iclīmaxquīꞌ Dios tapāxcatcaꞌtzīn.
\c 8
\s Espíritu Santo cāmaxquīꞌ xasāstiꞌ ixlatamatcaꞌn tī taꞌaꞌkaꞌīꞌ
\p
\v 1 Chuhuaꞌj jātzaꞌ caticāmakapātīnīlh Dios xlacaꞌn tī talīpāhuan Cristo ē talatlāꞌhuan chuntzaꞌ chī ixtalacasquiꞌnīn Espíritu Santo ē jātzaꞌ talatlāꞌhuan chuntzaꞌ chī ixtalacapāstacniꞌcaꞌn tū jā tze.
\v 2 Espíritu Santo kaꞌlhī lītliꞌhuiꞌqui. Ūꞌtzaꞌ tzē cālīmaxquīꞌ xasāstiꞌ ixlatamatcaꞌn tī taꞌaꞌkaꞌīꞌniꞌ Cristo Jesús. Quilakmāxtulh huāꞌmāꞌ līmāpaꞌksīn tū ixquimātlahuī tū jā tze. Chuntzaꞌ Dios jātzaꞌ quintimakapātīnīlh.
\v 3 Ixlīmāpaꞌksīn Dios jāla catimakapūtaxtūnuꞌlh, ixpālacata jā tī tī tzē mākentaxtūkōꞌ tzamāꞌ līmāpaꞌksīn. Dios tlahualh tū jāla tlahua līmāpaꞌksīn. ĪꞌSkaꞌtaꞌ macamilh naquincāmāpānūniꞌyān tū jā tze. Aꞌcxniꞌ milh, ixtasuꞌyu chāꞌtin chī quinaꞌn. Masqui ixtasuꞌyu chī quinaꞌn, xlaꞌ jā tlahualh tū jā tze. Xlaꞌ xokolh tū quinaꞌn ixlaclēꞌnāuj. Chuntzaꞌ quincālīmakapūtaxtūnīꞌtaꞌn chī ixlītliꞌhuiꞌqui tū ixquincāmātlahuīyān tū jā tze.
\v 4 Chuntzaꞌ līlatlāꞌhuanāujtzaꞌ chuntzaꞌ chī ixlīmāpaꞌksīn Dios ixpālacata tlahuayāuj tū quincāmāsuꞌyuniꞌyān Espíritu Santo. Jātzaꞌ līlatlāꞌhuanāuj tū jā tze quintalacapāstacniꞌcaꞌn.
\p
\v 5 Tī tatlahuacuꞌtun tū jā tze ixtalacapāstacniꞌcaꞌn, xmān ūꞌtzaꞌ talacapāstaca xlacaꞌn. Tī tatlahuacuꞌtun tū cāmāsuꞌyuniꞌ Espíritu Santo, xlacaꞌn talacapāstaca chī lacasquiꞌn Dios.
\v 6 Tī talatlāꞌhuan chuntzaꞌ chī jā tze ixtalacapāstacniꞌcaꞌn, xlacaꞌn nacāmakapātīnīncan. Tī talatlāꞌhuan chuntzaꞌ chī lacasquiꞌn Dios, xlacaꞌn takaꞌlhī xasāstiꞌ ixlatamatcaꞌn ē tzej talamāꞌnalh.
\v 7 Ixlīpōꞌktucaꞌn ixtāꞌlāquiclhlaktziꞌ Dios tī jā tze ixtalacapāstacniꞌcaꞌn. Jā tatlahua tū ixlīmāpaꞌksīn Dios. Masqui ixtatlahuacuꞌtunli, jāla ixtitatlahualh.
\v 8 Tī talatlāꞌhuan chuntzaꞌ chī jā tze ixtalacapāstacniꞌcaꞌn, xlacaꞌn jāla tamakapāxuī Dios.
\p
\v 9 Huiꞌxinaꞌn jātzaꞌ latlāꞌhuaꞌnāꞌtit chuntzaꞌ. Huiꞌxinaꞌn latlāꞌhuaꞌnāꞌtittzaꞌ chuntzaꞌ chī lacasquiꞌn Espíritu Santo, ixpālacata Espíritu Santo cātāꞌlatlāꞌhuanān huiꞌxinaꞌn. Tī jā takaꞌlhī Espíritu Santo, xlacaꞌn jā tatapaꞌksīniꞌ Cristo.
\v 10 Quinaꞌn, Cristo quincātāꞌlahuiꞌlān. Quimacniꞌcaꞌn natanī, ixpālacata quilīpōꞌktucaꞌn tlahuanīꞌtaꞌuj tū jā tze. Masqui quimacniꞌcaꞌn natanī, quinaꞌn kaꞌlhīyāuj xasāstiꞌ quilatamatcaꞌn, ixpālacata Dios quincāmātzaꞌnkēnāniꞌnīꞌtaꞌn quincuentacaꞌn.
\v 11 Dios mālacastālancuanīnīꞌt Jesús. Masqui nanīyāuj, Dios naquincāmālacastālancuanīyān quinaꞌn ixpālacata Espíritu Santo quincātāꞌlahuiꞌlān.
\p
\v 12 Chuhuaꞌj tāꞌtimīn, jātzaꞌ catlahuáuj chī xapūla quintalacapāstacniꞌcaꞌn tū jā tze.
\v 13 Tī tatlahua tū jā tze ixtalacapāstacniꞌcaꞌn, Dios nacāmakapātīnīn. Tī tamakxteknīꞌttzaꞌ tatlahua tū jā tze ixtalacapāstacniꞌcaꞌn, ixpālacata Espíritu Santo cāmaktāya, xlacaꞌn natakaꞌlhī ixlatamatcaꞌn tū jā catilaksputli.
\p
\v 14 Ixlīpōꞌktucaꞌn tī tatlahua tū cāmālacapāstaquī Espíritu Santo, xlacaꞌn ixlacstīn Dios.
\v 15 Chuhuaꞌj kaꞌlhīyāuj Espíritu Santo. Jātzaꞌ jicuaꞌniꞌyāuj Dios, huaꞌchi chāꞌtin tasācuaꞌ tī tamāhuacanīꞌt. Caꞌtzīyāuj quinaꞌn ixlacstīn Dios. Ūꞌtzaꞌ tzē nalīhuaniyāuj: “Dios quinTātaꞌcaꞌn.”
\v 16 Espíritu Santo quincāmācaꞌtzīnīyān quinaꞌn ixlacstīn Dios.
\v 17 Quinaꞌn ixlacstīn Dios, ē chuntzaꞌ namaktīniꞌnāuj tū Dios cāmālacnūniꞌ ixlacstīn. Tū maxquīꞌcan Cristo nā quinaꞌn quilacaꞌn nahuan. Cristo pātīniꞌlh. Nā chuntzaꞌ quinaꞌn napātīniꞌnāuj. Chuntzaꞌ tū namaxquīꞌcan Cristo, ē nā ūꞌtzaꞌ naquincātamaxquīꞌyān.
\p
\v 18 Chuhuaꞌj pātīniꞌmāꞌnauj. Āꞌlīstān nakaꞌlhīyāuj tapāxuhuān nac aꞌkapūn ē jātzaꞌ catitlahuáuj cuenta tū pātīnīꞌmāꞌnauj. Chuntzaꞌ icpuhuan quit.
\v 19 Ixlīpōꞌktu tū aꞌnan nac cāꞌquilhtamacuj takaꞌlhīmāꞌnalh chī namāsuꞌyu tī ixlacstīn Dios.
\v 20 Ixlīpōꞌktu tū aꞌnan nac cāꞌquilhtamacuj nalaksputa. Chuntzaꞌ Dios māpaꞌksīniꞌlh. Ē huīꞌlh tū kaꞌlhīmāꞌnauj.
\v 21 Dios namāsāstīꞌkōꞌ ixlīpōꞌktu tū aꞌnan nac cāꞌquilhtamacuj aꞌcxniꞌ nacāmaxquīꞌ ixlacstīn tū cāmālacnūniꞌnīꞌt.
\v 22 Caꞌtzīyāuj ixlīpōꞌktu cāꞌquilhtamacuj huaꞌchi ixtacaꞌtzanaꞌjuāꞌt huaꞌchi chāꞌtin puscāt aꞌcxniꞌ namālacatuncuhuīꞌnī īꞌskaꞌtaꞌ.
\v 23 Masqui quinaꞌn kaꞌlhīꞌyāujtzaꞌ Espíritu Santo, huaꞌchi nā makcaꞌtzīyāuj tacaꞌtzanaꞌjuāꞌt ixpālacata kaꞌlhīmāꞌnauj aꞌcxniꞌ Dios naquincāmaxquīꞌyān xasāstiꞌ quimacniꞌcaꞌn ē nā namāsuꞌyu quinaꞌn ixlacstīn Dios. Kaꞌlhīmāꞌnauj aꞌcxniꞌ Dios nacāmaxquīꞌ ixlacstīn tū cāmālacnūniꞌnīꞌt.
\v 24 Quinaꞌn quincātamakapūtaxtūnīꞌtaꞌntzaꞌ. Kaꞌlhīmāꞌnauj tū Dios naquincāmaxquīꞌpalayān. Jātzaꞌ kaꞌlhīmāꞌnauj tū kaꞌlhīyāujtzaꞌ.
\v 25 Caꞌtzīyāuj Dios naquincāmaxquīꞌyān tū jānaꞌj kaꞌlhīyāuj, chuntzaꞌ līlacatzucu kaꞌlhīmāꞌnauj.
\p
\v 26 Espíritu Santo quincāmaktāyayān aꞌcxniꞌ jāla tlahuayāuj tū talacasquiꞌn natlahuayāuj. Aꞌcxniꞌ orarlīyāuj, quinaꞌn jā caꞌtzīyāuj tū ixlacasquiꞌnca nasquiꞌniꞌyāuj Dios. Espíritu Santo quincāmāsuꞌyuniꞌyān nasquiꞌniꞌyāuj chuntzaꞌ chī xlaꞌ lacasquiꞌn. Nā quincāmāmakcaꞌtzīnīyān tū jāla līchihuīnaꞌnāuj.
\v 27 Dios lakapasa quilīstacnaꞌcaꞌn. Xlaꞌ caꞌtzī tū squiꞌn Espíritu Santo, ixpālacata Espíritu Santo squiꞌn chī lacasquiꞌn Dios. Espíritu Santo squiꞌniꞌ Dios quimpālacatacaꞌn, ixpālacata quinaꞌn tapaꞌksīniꞌyāuj Dios.
\s Quinaꞌn tzē skāhuīꞌyāuj
\p
\v 28 Quinaꞌn caꞌtzīyāuj tzej nalītaxtuyāchaꞌ ixlīpōꞌktu tū quincāꞌaꞌkspulayān quinaꞌn tī pāxquīꞌyāuj Dios. Dios quincālacsacnīꞌtaꞌn chuntzaꞌ chī ixtalacasquiꞌnīn.
\v 29 Xapūla Dios ixquincālakapasān quinaꞌn huaꞌchi ixlacstīn. Chuhuaꞌj quincālīmāxtucuꞌtunān chī ixlītze Jesucristo, īꞌSkaꞌtaꞌ Dios. Chuntzaꞌ Jesucristo xlaꞌ chī quimpuxcuꞌcaꞌn quilīpōꞌktucaꞌn tāꞌtimīn.
\v 30 Dios quincālacsacnīꞌtaꞌn ē quincāmāpānūniꞌnīꞌtaꞌn quincuentacaꞌn. Xlaꞌ natāꞌtahuiꞌlachāuj nac aꞌkapūn.
\p
\v 31 Dios quincātlahuaniꞌnīꞌtaꞌn ixlīpōꞌktu huāꞌmāꞌ, ē ūꞌtzaꞌ līcaꞌtzīyāuj jāla quinticāskāhuīꞌn tī quincātāꞌlātlahuayān, ixpālacata pōꞌktu quilhtamacuj Dios quincāmaktāyamāꞌn.
\v 32 Dios māstālh īꞌSkaꞌta ē macamilh nanī quimpālacatacaꞌn. Ūꞌtzaꞌ līcaꞌtzīyāuj Dios naquincāmaxquīꞌyān ixlīpōꞌktu tū maclacasquiꞌnāuj.
\v 33 Dios quincālacsacnīꞌtaꞌn ē xapakōꞌnīꞌttzaꞌ quincuentacaꞌn. Chuntzaꞌ jā tī chāꞌtin tzē naquincālīmālacsuꞌyuyān.
\v 34 Jā tī chāꞌtin tzē naquincāmakapātīnīnān, ixpālacata Cristo xokokōꞌlh quincuentacaꞌn aꞌcxniꞌ nīlh. Nā xlaꞌ lacastālancuanaꞌnli. Huiꞌlachaꞌ na ixpekxtūcānaꞌj Dios. Squiꞌniꞌmāꞌlh Dios quimpālacatacaꞌn.
\v 35 Cristo pōꞌktu quilhtamacuj quincāpāxquīꞌyān. Masqui pātīniꞌnāuj, ē masqui tētamakchuyīyāuj, ē masqui quincātaputzatokokeyān, ē masqui tziꞌncsāuj, ē masqui jā tū quiluꞌxuꞌcaꞌn, ē masqui nac cāꞌlījicuaꞌ latlāꞌhuanāuj, ē masqui quincātamaknīcuꞌtunān, Cristo pōꞌktu quilhtamacuj quincāpāxquīꞌyān.
\v 36 Tatzoꞌkniꞌ na ixtachihuīn Dios:
\q Mimpālacata huiꞌx, pōꞌktu quilhtamacuj quincātamaknīcuꞌtunān.
\q Quinaꞌn huaꞌchi borregos tū nacāmaknīcan.
\m
\v 37 Masqui quincāꞌaꞌkspulayān ixlīpōꞌktu huāꞌmāꞌ, quinaꞌn naskāhuīꞌyāuj, ixpālacata Cristo quincāpāxquīꞌyān ē quincāmaktāyayān.
\v 38 Quit iccaꞌtzī Dios pōꞌktu quilhtamacuj quincāpāxquīꞌyān masqui xanīntzaꞌ ē masqui xalakahuancus. Jā tī chāꞌtin tzē naquincāmāmakxtekēyān Dios, nūn ángeles, ē nūn tī takaꞌlhī lītliꞌhuiꞌqui, ē nūn tū huīꞌlh chuhuaꞌj, ē nūn tū namin.
\v 39 Jā tū tū tzē naquincāmāmakxtekēyān Dios nūn tū huīꞌlh nac aꞌkapūn, ē nūn tū huīꞌlh nac cāꞌquilhtamacuj. Caꞌtzīyāuj Dios pōꞌktu quilhtamacuj quincāpāxquīꞌyān ixpālacata ūꞌtzaꞌ huāꞌmāꞌ tū quincāmāsuꞌyuniꞌnīꞌtaꞌn quiMāpaꞌksīniꞌcaꞌn Jesucristo.
\c 9
\s Dios cālacsacli israelitas natalītaxtu ixtachiꞌxcuhuīꞌt Dios
\p
\v 1 Ixlīcānaꞌ tū naꞌiccāhuaniyān. Jā iccāꞌaꞌkskāhuīꞌmāꞌn, ixpālacata quit ictapaꞌksīniꞌ Cristo. Espíritu Santo laktzīꞌn quilīstacnaꞌ ē caꞌtzī ixlīcānaꞌ tū naꞌicuan.
\v 2 Quit iccālaclīpuhuan quintāꞌisraelitas hasta quincaꞌtzaniꞌ quilīstacnaꞌ, ixpālacata xlacaꞌn jā taꞌaꞌkaꞌīꞌniꞌ Jesucristo.
\v 3 Quit xaꞌicpātīniꞌlh ixpālacatacaꞌn quintāꞌisraelitas ē xaꞌiclītapekpānūniꞌlh Cristo palh chuntzaꞌ tzē cahuālh ixtalīꞌaꞌkapūtaxtulh quintāꞌisraelitas.
\v 4 Israelitas xlacaꞌn īꞌxūꞌnātāꞌnatnaꞌ Israel. Dios cālacsacli ixtachiꞌxcuhuīꞌt nacātlahua. Dios cāmāsuꞌyuniꞌlh ixlīmāpaꞌksīn. Dios chuntzaꞌ līlacāxuiꞌlīlh aꞌktin talacāxtlahuan. Cāmaxquīꞌlh līmāpaꞌksīn. Cāmāsuꞌyuniꞌlh chī natalīmakapāxuī. Cāhuanilh nacāmaxquīꞌ tū mālacnūniꞌ.
\v 5 Xlacaꞌn ixnapapanaꞌcaꞌn israelitas tī tahuiꞌlānaꞌlh chuhuaꞌj. Cristo, aꞌcxniꞌ milh nac cāꞌquilhtamacuj, lacatuncuhuīꞌlh israelita. Cristo ūꞌtzaꞌ Dios tī māpaꞌksīkōꞌ. Ūꞌtzaꞌ makapāxuīcan pōꞌktu quilhtamacuj. Amén.
\p
\v 6 Jāla huanāuj palh Dios jā mākentaxtūlh tū cāhuanilh israelitas makāstzaꞌ. Jā ixlīpōꞌktucaꞌn israelitas taꞌaꞌkaꞌīꞌnīꞌt Cristo. Chuntzaꞌ jā ixlīpōꞌktucaꞌn israelitas ixlacstīn Dios.
\v 7 Jā ixlīpōꞌktucaꞌn īꞌxūꞌnātāꞌnatnaꞌ Abraham, jā pōꞌktu ixlacstīn Dios. Makāstzaꞌ Dios huanilh Abraham:
\q Ixlacstīn Dios natala tī ixlacstīn minkaꞌhuaꞌcha Isaac, ē nā īꞌxūꞌnātāꞌnatnaꞌ Isaac.
\m
\v 8 Tū iccāhuanimāꞌn ūꞌtzaꞌ huāꞌmāꞌ: israelitas jā ixlīpōꞌktucaꞌn ixlacstīn Dios, xmān tī takaꞌlhī ixlatamatcaꞌn chuntzaꞌ chī huanli Dios.
\v 9 Ūꞌtzaꞌ tū Dios huanilh Abraham makāstzaꞌ:
\q Huāꞌ quilhtamacuj tū talhcān, quit naꞌicmākentaxtū tū icuaniyān.
\q Mimpuscāt, Sara, nakaꞌlhī chāꞌtin īꞌskaꞌtaꞌ kaꞌhuaꞌcha.
\p
\v 10 Chuhuaꞌj xtum naꞌiccāhuaniyān. Jacob ē Esaú tī ixlacstīn Rebeca xmān chāꞌtin ixtātaꞌcaꞌn. Ūꞌtzaꞌ Isaac, quimpapcaꞌn.
\v 11 Aꞌcxniꞌ jānaꞌj ixtalacatuncuhuīꞌ lacstīn, Dios lacsacli chāꞌtin chuntzaꞌ chī lacasquiꞌnli. Jā lacsacli chī tatlahualh lacstīn, ixpālacata jānaꞌj tū ixtatlahua tū jā tze nūn tū tze.
\v 12 Dios huanilh Rebeca:
\q Xastancu namāpaꞌksī ixpuxcuꞌ.
\m
\v 13 Nā tatzoꞌkniꞌ na ixtachihuīn Dios:
\q Quit xaꞌicpāxquīꞌ Jacob.
\q Esaú jā xaꞌicpāxquīꞌ.
\p
\v 14 Jāla huanāuj jā tze chī līlacsacnaꞌn Dios, ixpālacata xmān chāꞌtin lacsacli ē āꞌchāꞌtin jā lacsacli. Iccāhuaniyān tū tlahua Dios ūꞌtzaꞌ pōꞌktu tze.
\v 15 Dios huanilh Moisés:
\q Naꞌiccālakalhuꞌman tī naꞌiccālakalhuꞌmancuꞌtun.
\m
\v 16 Āꞌmakapitzīn tapuhuan Dios nacālakalhuꞌman xlacaꞌn chi talacasquiꞌn. Āꞌmakapitzīn tapuhuan Dios nacālakalhuꞌman ixpālacata xlacaꞌn tze tū tatlahua. Jā chuntzaꞌ. Dios cālakalhuꞌman tī cālakalhuꞌmancuꞌtun.
\v 17 Nā tatzoꞌkniꞌ na ixtachihuīn Dios chī huanica rey Faraón:
\q Quit iclīhuiꞌlīn milīrey, ixpālacata quit xaꞌicmāsuꞌyucuꞌtun quilītliꞌhuiꞌqui aꞌcxniꞌ huiꞌx quintāꞌlātlahuaꞌyaꞌ.
\q Chuntzaꞌ tachiꞌxcuhuīꞌt xalanīꞌn na ixlīpōꞌktu cāꞌquilhtamacuj, xlacaꞌn natacaꞌtzī tū quit tzē naꞌictlahua.
\m
\v 18 Chuntzaꞌ tasuꞌyu Dios cālakalhuꞌman tī cālakalhuꞌmancuꞌtun. Makapitzīn tī jā takexmatniꞌcuꞌtun Dios, Dios cāmakxteka āꞌchulāꞌ lacxumpin catahuanli.
\p
\v 19 Ē palh chāꞌtin nahuan: “Palh Dios chuntzaꞌ lacasquiꞌn, ¿chī quincāputzānaꞌnīyan? Palh chuntzaꞌ chī Dios nahuan, chuntzaꞌ nalatāꞌkchoko chāꞌtin chiꞌxcuꞌ. Jāla catitalakpalīlh.”
\v 20 Palh chāꞌtin chuntzaꞌ ixquihuanilh, quit xaꞌicuanilh: “Huiꞌx xmān chāꞌtin chiꞌxcuꞌ. ¿Ē tzē huiꞌx natāꞌlāhuaꞌyaꞌ Dios?” Aꞌktin tlaꞌmaꞌnc jā chuntzaꞌ kelhasquiꞌnī tī tlahualh tlaꞌmaꞌnc: “¿Tū ixpālacata chuntzaꞌ quilītlaꞌhuaꞌ?”
\v 21 Chāꞌtin tī tlahua tlaꞌmaꞌnc tzē natlahua chī ūꞌtzaꞌ lacasquiꞌn. Ūꞌtzaꞌ pūtlūꞌn tzē nalītlahua aꞌktin tlaꞌmaꞌnc tū tzēhuanīꞌt ē aꞌktin tlaꞌmaꞌnc tū jā tzēhuanīꞌt.
\p
\v 22 Nā chuntzaꞌ Dios līlacatzucu ixcālīpātīmāꞌlh xlacaꞌn tī ixtatlahuamāꞌnalh tū jā tze. Masqui Dios ixmāsuꞌyucuꞌtun ixtasītziꞌ, ē masqui ixmāsuꞌyucuꞌtun palh kaꞌlhī līmāpaꞌksīn nacāmakapātīnīn, ē masqui ixlacasquiꞌnca natapātīniꞌn, Dios ixcālīpātīmāꞌlh xlacaꞌn.
\v 23 Nā Dios ixmāsuꞌyucuꞌtun palh xlaꞌ tze. Dios quincālakalhuꞌmanān ē quincālakpalīyān chī tzē nalīchāꞌnāuj nac aꞌkapūn.
\v 24 Dios quincātaꞌsatīnīꞌtaꞌn quinaꞌn tī israelitas ē nā xlacaꞌn tī jā israelitas.
\v 25 Tatzoꞌkniꞌ na ixtachihuīn Dios jā tzoꞌkli Oseas tū huanli Dios:
\q Tī jā quintachiꞌxcuhuīꞌt ixtahuanīꞌt, naꞌiccāmāpācuhuī quintachiꞌxcuhuīꞌt.
\q Tachiꞌxcuhuīꞌt tī jā ixcāpāxquīꞌcan quit naꞌiccāpāxquīꞌ xlacaꞌn.
\q 	
\v 26 	 Aꞌntzaꞌ jā cāhuanica: “Huiꞌxinaꞌn jā quintachiꞌxcuhuīꞌt”,
\q xlacaꞌn nacāmāpācuhuīcan ixlacstīn Dios xalakahuan.
\m
\v 27 Tatzoꞌkniꞌ na ixtachihuīn Dios tū huanli Isaías ixpālacatacaꞌn israelitas. Xlaꞌ huanli:
\q Masqui israelitas xlacaꞌn lhūhuaꞌ huaꞌchi cucuj tū huīꞌlh ixquilhtūn nac mar,
\q jā ixlīpōꞌktucaꞌn catitaꞌaꞌkapūtaxtulh.
\q 	
\v 28 	 Dios nacāmakapātīnīnkōꞌ aꞌcxniꞌ āꞌxmān quilhtamacuj.
\q Ē palaj natlahua.
\m
\v 29 Nā Isaías chuntzaꞌ chihuīnaꞌmpālh:
\q Dios kaꞌlhī ixlītliꞌhuiꞌqui.
\q Palh xlaꞌ jā ixcāmakxtekli natatahuiꞌla makapitzīn,
\q quilīpōꞌktucaꞌn quinaꞌn ixnīkōꞌuj chuntzaꞌ chī tanīkōꞌlh xalanīꞌn nac Sodoma ē Gomorra.
\s Israelitas jā ixtaꞌaꞌkaꞌīꞌcuꞌtun
\p
\v 30 Nā chuntzaꞌ xlacaꞌn tī jā israelitas. Masqui xapūla jā ixtaputza chī tze natalītaxtu na ixlacatīn Dios, chuhuaꞌj Dios cāmāpānūniꞌlh ixcuentacaꞌn ixpālacata xlacaꞌn taꞌaꞌkaꞌīꞌniꞌlh Jesucristo.
\v 31 Israelitas talīhuiꞌlīlh taꞌaꞌkaꞌīꞌ ixlīmāpaꞌksīn Dios ixpālacata tapuhuanli chuntzaꞌ Dios nacālīlaktzīꞌn tze. Xlacaꞌn jāla tatlahualh tū tzē natalītaxtu lactze na ixlacatīn Dios.
\v 32 ¿Tū ixpālacata? Ixpālacata xlacaꞌn talītaxtucuꞌtunli tze na ixlacatīn Dios ixpālacata tū xlacaꞌn ixtatlahua. Jāla chuntzaꞌ. Xlacaꞌn jā ixtaꞌaꞌkaꞌīꞌniꞌcuꞌtun Jesucristo. Xmān ūꞌtzaꞌ tī tzē makapūtaxtūnuꞌn. Huaꞌchi talīꞌaꞌkcheꞌkxlalh aꞌktin chihuix, ixpālacata Jesucristo huaꞌchi aꞌktin chihuix tū līꞌaꞌkcheꞌkxlacan.
\v 33 Chuntzaꞌ tatzoꞌkniꞌ na ixtachihuīn Dios jā huan Dios:
\q Quit icuiꞌlī nac Sión chāꞌtin tī huaꞌchi chihuix jā aꞌkcheꞌkxlacan ē huaꞌchi chihuix jā pūtamakahuascan.
\q Xlacaꞌn tī talīpāhuan xlaꞌ, jā chu tlakaj catitalīpāhuanli.
\q Ē chuntzaꞌ jā catitamāxanaꞌniꞌlh.
\c 10
\p
\v 1 Tāꞌtimīn, quit iclacasquiꞌn cataꞌaꞌkapūtaxtulh quintāꞌisraelitas. Ūꞌtzaꞌ iclīsquiꞌniꞌ Dios huāꞌmāꞌ.
\v 2 Quit iccaꞌtzī xlacaꞌn tamakapāxuīcuꞌtun Dios. Xlacaꞌn jā tacaꞌtzī chī līmakapāxuīcan Dios.
\v 3 Xlacaꞌn jā tacaꞌtzī chī Dios cālīmāpānūniꞌ ixcuentacaꞌn tachiꞌxcuhuīꞌt. Chuntzaꞌ ixlīmāncaꞌn taputza xtum chī nacālīmāpānūniꞌcan ixcuentacaꞌn. Ē jā takexmatniꞌ Dios.
\v 4 Dios nacāmāpānūniꞌ ixcuentacaꞌn ixlīpōꞌktucaꞌn tī taꞌaꞌkaꞌīꞌniꞌ Cristo, ixpālacata Cristo xlaꞌ mākentaxtūkōꞌlh ixlīpōꞌktu ixlīmāpaꞌksīn Dios.
\p
\v 5 Āꞌmakapitzīn tamākentaxtūcuꞌtun līmāpaꞌksīn ixpālacata chuntzaꞌ tapuhuan nacālīmāpānūniꞌcan ixcuentacaꞌn. Makāstzaꞌ Moisés līchihuīnaꞌnli huāꞌmāꞌ. Xlaꞌ huanli:
\q Palh chāꞌtin mākentaxtūkōꞌ ixlīpōꞌktu līmāpaꞌksīn, xlaꞌ naꞌaꞌkapūtaxtu.
\m
\v 6 Masqui Moisés huanli chuntzaꞌ, quinaꞌn Dios quincāmāpānūniꞌnīꞌtaꞌn quincuentacaꞌn ixpālacata aꞌkaꞌīꞌniꞌyāuj Cristo. Ūꞌtzaꞌ māsuꞌyucan na ixtachihuīn Dios jā tatzoꞌkniꞌ jā ixlacasquiꞌnca chāꞌtin naꞌaꞌn nac aꞌkapūn nalīmin Cristo.
\v 7 Jā ixlacasquiꞌnca chāꞌtin naꞌaꞌn jā tahuiꞌlānaꞌnchaꞌ nīnīꞌn ē nalīmin Cristo, ixpālacata xlaꞌ lacastālancuanaꞌnīꞌttzaꞌ.
\v 8 ¿Chī huan ixtachihuīn Dios?
\q Lacatzunaꞌj kaꞌlhīꞌyaꞌ ixtachihuīn Dios, aꞌntzaꞌ na minquilhniꞌ ē na milīstacnaꞌ.
\m Ūꞌtzaꞌ huāꞌmāꞌ tachihuīn ixlīcānaꞌ tū icmāsuꞌyu.
\v 9 Chuntzaꞌ palh huanāuj Jesús ūꞌtzaꞌ quiMāpaꞌksīniꞌcaꞌn ē palh aꞌkaꞌīꞌyāuj ixlīcānaꞌ Dios mālacastālancuanīlh, chuntzaꞌ Dios naquincāmakapūtaxtūyān.
\v 10 Palh aꞌkaꞌīꞌyāuj Jesucristo makapūtaxtūnuꞌn ē palh cāhuaniyāuj āꞌmakapitzīn aꞌkaꞌīꞌyāuj, chuntzaꞌ Dios quincāmakapūtaxtūyān.
\p
\v 11 Chuntzaꞌ ixlīcānaꞌ. Ixtachihuīn Dios huan:
\q Xlacaꞌn tī talīpāhuan xlaꞌ, jā chu tlakaj catitalīpāhuanli ē jā catitamāxanaꞌniꞌlh.
\m
\v 12 Lacxtim chī natalīꞌaꞌkapūtaxtu xlacaꞌn tī israelitas ē nā tī jā israelitas. Dios xmān chāꞌtin. Xlaꞌ cālakalhuꞌman ixlīpōꞌktucaꞌn tī tasquiꞌniꞌ Dios nacāmaktāya.
\v 13 Tatzoꞌkniꞌ na ixtachihuīn Dios:
\q Ixlīpōꞌktucaꞌn tī natasquiꞌniꞌ Māpaꞌksīniꞌ nataꞌaꞌkapūtaxtukōꞌ.
\m
\v 14 ¿Chī tzē nalīsquiꞌniꞌ Cristo palh jānaꞌj aꞌkaꞌīꞌ? ¿Ē chī nalīꞌaꞌkaꞌīꞌ palh jānaꞌj kexmata? ¿Ē chī līkexmata palh jā tī tī lītāꞌchihuīnaꞌn?
\v 15 Nūn chāꞌtin tzē naꞌaꞌnāchaꞌ namāsuꞌyu palh jā Dios namacāꞌnāchaꞌ. Tatzoꞌkniꞌ na ixtachihuīn Dios:
\q Tze aꞌcxniꞌ min chāꞌtin tī namāsuꞌyu xatze tachihuīn tū ixlaꞌ Dios.
\p
\v 16 Masqui cāmāsuꞌyuniꞌcanīꞌt xatze tachihuīn ixlaꞌ Jesucristo, āꞌmakapitzīn jā taꞌaꞌkaꞌīꞌ. Tatzoꞌkniꞌ na ixtachihuīn Dios jā Isaías huanilh Dios:
\q QuiMāpaꞌksīniꞌ, jā tī chāꞌtin aꞌkaꞌīꞌcuꞌtun tū icmāsuꞌyu.
\m
\v 17 Aꞌkaꞌīꞌcan xmān palh pūla kexmatcan ixtachihuīn Dios.
\p
\v 18 Quit iccākelhasquiꞌnīyān: ¿Ē ixlīcānaꞌ israelitas jā takexmatnīꞌt xatze tachihuīn? Ixlīcānaꞌ takexmatnīꞌt. Tatzoꞌkniꞌ na ixtachihuīn Dios:
\q Calhāxcuhuālh taxtumāꞌlh ixtachihuīncaꞌn tī Dios cāmacāꞌnīꞌt ixlīpōꞌktu nac cāꞌquilhtamacuj.
\m
\v 19 Nā quit icuan: ¿Ē jā talakapasa huāꞌmāꞌ israelitas? Moisés cāhuanilh israelitas chī Dios ixmāsuꞌyunīꞌt:
\q Naꞌiccāsicuaꞌlanātlahua tī jā israelitas.
\q Ūꞌtzaꞌ nacālīlakcaꞌtzaniꞌyāꞌtit huiꞌxinaꞌn israelitas.
\q Naꞌiccālīmakasītzīꞌyān huiꞌxinaꞌn ixpālacata tachiꞌxcuhuīꞌt tī jā tacaꞌtzī.
\m
\v 20 Nā Isaías tzej huanli chī Dios huanli:
\q Xlacaꞌn chuhuaꞌj tacaꞌtzīlhtzaꞌ tī jā ixquintaputza.
\q Cāmāsuꞌyuniꞌca xlacaꞌn quimpālacata xlacaꞌn tī jā ixtakelhaꞌsquiꞌnīniꞌn tū quimpālacata.
\m
\v 21 Dios huampālh ixpālacata israelitas:
\q Lakalīyān xaꞌiccātaꞌsaniꞌ tachiꞌxcuhuīꞌt tī xalacxumpin ē jā ixquintakexmatniꞌcuꞌtun.
\c 11
\s Makapitzīn israelitas cāmakapūtaxtūcanīꞌttzaꞌ
\p
\v 1 Huiꞌxinaꞌn jā capuhuaꞌntit palh Dios cālakmakaꞌnkōꞌnīꞌt israelitas. Quit israelita. Abraham quimpap. Quit ixquilhtzucut Benjamín tī xalaꞌ makāstzaꞌ ixuanīꞌt.
\v 2 Dios jā cālakmakaꞌnīꞌt ixtachiꞌxcuhuīꞌt tī cālacsacli makāstzaꞌ. Huiꞌxinaꞌn caꞌtzīyāꞌtit tū tatzoꞌkniꞌ na ixtachihuīn Dios chī Elías cālīmālacsuꞌyulh israelitas aꞌcxniꞌ īꞌsquiꞌniꞌmāꞌlh Dios.
\v 3 Xlaꞌ huanli:
\q QuiMāpaꞌksīniꞌ Dios, cāmaknīkōꞌcanīꞌt ixlīpōꞌktucaꞌn minaꞌkchihuīnaꞌnīꞌn.
\q Cāmāmakahuasīkōꞌcanīꞌt ixlīpōꞌktu altares.
\q Āꞌxmān quit iclatlāꞌhuan.
\q Nā quimaknīcuꞌtuncan quit.
\m
\v 4 Dios kelhtīlh ē huanilh:
\q Āꞌlakatojon mil chiꞌxcuhuīꞌn jā quintamakxtekniꞌ.
\q Xlacaꞌn jā talaktaquilhpūtanīꞌt ídolo Baal.
\m
\v 5 Chuhuaꞌj aꞌkspulamāꞌlh chu aꞌcxtim. Xmān makapitzīn israelitas taꞌaꞌkaꞌīꞌnīꞌt. Dios cālacsacnīꞌt ixpālacata xlaꞌ lakalhuꞌmanīniꞌn.
\v 6 Dios cālacsacli ē jā ixpālacata tū ixtatlahuanīꞌt. Dios cātlahuaniꞌlh aꞌktin talakalhuꞌmān. Aꞌktin talakalhuꞌmān jā huaꞌchi tatlaj. Dios ixcālakalhuꞌmanīꞌt ē ūꞌtzaꞌ cālīlacsacli.
\p
\v 7 Israelitas ixtaputza chī nacālīmāpānūniꞌcan ixcuentacaꞌn. Jā lhūhuaꞌ xlacaꞌn tī Dios cāmāpānūniꞌlh ixcuentacaꞌn. Xlacaꞌn ūꞌtunuꞌn tī Dios cālacsacnīꞌt. Āꞌmakapitzīn āꞌchulāꞌ lacxumpin tataxtulh.
\v 8 Chuntzaꞌ tatzoꞌkniꞌ na ixtachihuīn Dios:
\q Huaꞌchi Dios cāmālhtatīlh ixpālacata xlacaꞌn jā takexmatcuꞌtun tū ixlīcānaꞌ.
\q Huaꞌchi jā tze ixlakastapuncaꞌn ē ixaꞌkaꞌxkoꞌlhcaꞌn ixpālacata jā takexmata tū cāhuanican ē tū talaktzīꞌn.
\q Nā chuntzaꞌ hasta chuhuaꞌj.
\m
\v 9 Nā tatzoꞌkniꞌ na ixtachihuīn Dios jā David huanli:
\q Tū talīpāhuan xlacaꞌn, ūꞌtzaꞌ nalītaxtu huaꞌchi aꞌktin aꞌksuj tū nacāpūchiꞌpacan.
\q Ē nalītaxtu huaꞌchi aꞌktin chihuix tū natalīꞌaꞌkcheꞌkxla.
\q Dios nacāmakapātīnīn.
\q 	
\v 10 	 Natatalakatzīꞌ ē chuntzaꞌ jā catitalacahuānaꞌlh.
\q Natapātīniꞌn huaꞌchi tī talēꞌn tzinca ixtacuꞌcaꞌcaꞌn.
\s Tī jā israelitas nā xlacaꞌn nā tzē nacāmakapūtaxtūcan
\p
\v 11 Iccāhuaniyān huiꞌxinaꞌn Dios jā cālakmakaꞌnīꞌt israelitas pōꞌktu quilhtamacuj. Israelitas jā taꞌaꞌkaꞌīꞌcuꞌtunli. Chuntzaꞌ Dios cāmakapūtaxtūlh tī jā israelitas. Dios lacasquiꞌn palh israelitas natalakcaꞌtzaniꞌ xlacaꞌn tī jā israelitas ixpālacata xlacaꞌn ixtachiꞌxcuhuīꞌttzaꞌ Dios. Chuntzaꞌ israelitas nā nataꞌaꞌkaꞌīꞌcuꞌtun.
\v 12 Aꞌcxniꞌ israelitas jā takexmatniꞌcuꞌtunli Dios, chuntzaꞌ Dios cāsicuaꞌlanātlahualh xlacaꞌn tī jā israelitas. Aꞌcxniꞌ israelitas natakexmatniꞌpala, Dios āꞌchulāꞌ nacāsicuaꞌlanātlahua ixlīpōꞌktucaꞌn tachiꞌxcuhuīꞌt.
\p
\v 13 Chuhuaꞌj naꞌiccāhuaniyān catūhuālh huiꞌxinaꞌn tī jā israelitas. Dios quimacamaxquīꞌnīꞌt naꞌiccāmāsuꞌyuniꞌyān xatze tachihuīn. Quit ictlahuacuꞌtun tū quimacamaxquīꞌcanīꞌt.
\v 14 Quit iclacasquiꞌn quintāꞌisraelitas natalaktzīꞌn chī Dios cāsicuaꞌlanātlahuamāꞌlh āꞌmakapitzīn ē ūꞌtzaꞌ natalīꞌaꞌkapūtaxtucuꞌtun nā xlacaꞌn.
\v 15 Aꞌcxniꞌ Dios cālakmakaꞌlh israelitas, ixamigo cātlahualh tī jā israelitas. Aꞌcxniꞌ israelitas natatapaꞌksīniꞌpala Dios, huaꞌchi xlacaꞌn natalacastālancuanaꞌmpala.
\v 16 Palh macstiꞌnaꞌj tasquit tze ē chuntzaꞌ ixlīpōꞌktu nā tze. Palh ixtankēxēꞌk aꞌktin quiꞌhuiꞌ tze, nā ixpekenīꞌn tze. Nā chuntzaꞌ israelitas. Quinapapanaꞌcaꞌn quinaꞌn israelitas ixtatapaꞌksīniꞌ Dios, ē nā chuntzaꞌ īꞌxūꞌnātāꞌnatnaꞌcaꞌn nā natatapaꞌksīniꞌ Dios.
\p
\v 17 Israelitas huaꞌchi ixpekenīꞌn aꞌktin quiꞌhuiꞌ. Ixpekenīꞌn tū cācāꞌtayacanīꞌt, xlacaꞌn huaꞌchi israelitas tī cālakmakaꞌlh Dios. Huiꞌxinaꞌn tī jā israelitas, huiꞌxinaꞌn huaꞌchi ixpekenīꞌn aꞌktin quiꞌhuiꞌ tū aꞌcstun puꞌn. Huaꞌchi cālāchāꞌmānūcanīꞌt ixpekenīꞌn quiꞌhuiꞌ tū aꞌcstun puꞌn jā cācāꞌtayacanīꞌt. Ixpekenīꞌn tū cālāchāꞌmānūcanīꞌt talīstaca ixtankēxēꞌk jā lāchāꞌmānūcanīꞌt. Nā chuntzaꞌ huiꞌxinaꞌn tī jā israelitas. Dios cāsicuaꞌlanātlahuayān huiꞌxinaꞌn aꞌcxtim chī israelitas.
\v 18 Huiꞌxinaꞌn tī jā israelitas, jā kaꞌtlaꞌ calīmakcaꞌtzītit ixpekenīꞌn tū cācāꞌtayacanīꞌt. ¿Ē jā caꞌtzīyāꞌtit ixtankēxēꞌk quiꞌhuiꞌ ūꞌtzaꞌ tū makastaca ixpekenīꞌn? Ixpekenīꞌn tū cālāchāꞌmānūcanīꞌt jāla makastaca ixtankēxēꞌk quiꞌhuiꞌ.
\p
\v 19 Jā tze palh nahuanāꞌtit huiꞌxinaꞌn tī jā israelitas: “Dios ixlacasquiꞌn natapaꞌksīniꞌyāuj xlaꞌ. Ūꞌtzaꞌ cālīlakmakaꞌlh israelitas.” Huāꞌmāꞌ huaꞌchi ixcācāꞌtayaniꞌkōꞌlh ixpekenīꞌn quiꞌhuiꞌ, ixpālacata cālāchāꞌmānūcuꞌtunli āꞌmakapitzīn.
\v 20 Jā chuntzaꞌ. Xlacaꞌn jā taꞌaꞌkaꞌīꞌlh ē ūꞌtzaꞌ cālīlakmakaꞌlh Dios. Huiꞌxinaꞌn aꞌkaꞌīꞌyāꞌtit ē ūꞌtzaꞌ Dios jā cālīlakmakaꞌnīꞌtaꞌn huiꞌxinaꞌn. Ūꞌtzaꞌ jā kaꞌtlaꞌ calīmakcaꞌtzītit. Tzej calatāꞌkchokotit.
\v 21 Dios cālakmakaꞌlh israelitas tī huaꞌchi ixpekenīꞌn tū ixaꞌnan xapūla. Dios nā tzē nacālakmakaꞌnān huiꞌxinaꞌn tī huaꞌchi ixpekenīꞌn tū cālāchāꞌmānūcanīꞌt.
\v 22 Chuntzaꞌ tasuꞌyu Dios lakalhuꞌmanīniꞌn ē nā nacāmakapātīnīn xlacaꞌn tī tatlahua tū jā tze. Cāmakapātīnīnli israelitas tī jā taꞌaꞌkaꞌīꞌlh. Huiꞌxinaꞌn cālakalhuꞌmanān līhuan aꞌkaꞌīꞌyāꞌtit. Palh makxtekāꞌtit naꞌaꞌkaꞌīꞌyāꞌtit, Dios nacālakmakaꞌnān chuntzaꞌ huaꞌchi chāꞌtin chiꞌxcuꞌ tī pekecāꞌyujū ixpeken quiꞌhuiꞌ.
\v 23 Israelitas, palh nataꞌaꞌkaꞌīꞌcuꞌtun, Dios nacālaktzīꞌmpala chī ixtachiꞌxcuhuīꞌt. Chuntzaꞌ huaꞌchi Dios cālāchāꞌmānūpala jā ixtayānaꞌnchaꞌ xapūla.
\v 24 Jā jicslīhuaꞌ cālāchāꞌmānūpalacan ixpekenīꞌn tū ixcācāꞌtayacanīꞌttzaꞌ. Āꞌchulāꞌ jicslīhuaꞌ cālāchāꞌmānūcan ixpekenīꞌn āꞌmakapitzīn quiꞌhuiꞌ. Israelitas, xlacaꞌn huaꞌchi ixpekenīꞌn quiꞌhuiꞌ tū ixaꞌnan xapūla.
\s Israelitas nataꞌaꞌkaꞌīꞌniꞌ Cristo
\p
\v 25 Tāꞌtimīn iclacasquiꞌn nacaꞌtzīyāꞌtit tū jānaꞌj lakapascan. Chuntzaꞌ aꞌcxniꞌ nacaꞌtzīyāꞌtit huāꞌmāꞌ, jā kaꞌtlaꞌ nalīmakcaꞌtzīyāꞌtit. Ūꞌtzaꞌ huāꞌmāꞌ tū iccāhuanicuꞌtunān: Āꞌmakapitzīn israelitas lacxumpin ē jā takexmatniꞌ Dios. Namin quilhtamacuj natatalakpalī. Aꞌcxniꞌ nataꞌaꞌkaꞌīꞌ lhūhuaꞌ tī jā israelitas, israelitas nataꞌaꞌkaꞌīꞌ nā xlacaꞌn.
\v 26 Dios nacāmakapūtaxtūkōꞌ ixlīpōꞌktucaꞌn israelitas tī nataꞌaꞌkaꞌīꞌ. Tatzoꞌkniꞌ na ixtachihuīn Dios:
\q Makapūtaxtūnuꞌ namināchaꞌ nac Sión.
\q Nacāxapaniꞌ ixcuentacaꞌn israelitas, īꞌxūꞌnātāꞌnatnaꞌ Jacob.
\q 	
\v 27 	 Quit naꞌiccāmātzaꞌnkēnaꞌniꞌ ixcuentacaꞌn
\q ē chuntzaꞌ naꞌicmākentaxtū tū iccāhuanilh makāstzaꞌ.
\m Chuntzaꞌ huanli Dios.
\p
\v 28 Israelitas jā taꞌaꞌkaꞌīꞌcuꞌtunli xatze tachihuīn ixlaꞌ Jesucristo, ē chuntzaꞌ talītaxtulh ixtāꞌlāquiclhlaktziꞌ Dios. Xlacaꞌn jā takexmatniꞌcuꞌtun Jesucristo, chuntzaꞌ cātamācaꞌtzīnīn huiꞌxinaꞌn tī jā israelitas. Dios cāpāxquīꞌcus israelitas, ixpālacata makāstzaꞌ ixcālacsacnīꞌt īꞌxūꞌnāpapnaꞌcaꞌn natalītaxtu ixtachiꞌxcuhuīꞌt.
\v 29 Dios jā lakpalī ixtalacapāstacniꞌ. Ixlīpōꞌktucaꞌn tī cālacsacnīꞌt xlaꞌ nacāsicuaꞌlanātlahua.
\v 30 Israelitas jā taꞌaꞌkaꞌīꞌcuꞌtunli, ē chuntzaꞌ huiꞌxinaꞌn cātamāsuꞌyuniꞌn ixtachihuīn Dios. Masqui xapūla huiꞌxinaꞌn jā aꞌkaꞌīꞌtit, chuhuaꞌj cālakalhuꞌmanān Dios ē cāmakapūtaxtūnīꞌtaꞌn.
\v 31 Chuntzaꞌ chī Dios cālakalhuꞌmanān huiꞌxinaꞌn, nā chuntzaꞌ nacālakalhuꞌman israelitas masqui chuhuaꞌj jānaꞌj taꞌaꞌkaꞌīꞌ.
\v 32 Dios māsuꞌyunīꞌt ixlīpōꞌktu tachiꞌxcuhuīꞌt takaꞌlhī ixcuentacaꞌn. Dios ixcāmāsuꞌyuniꞌcuꞌtun chī cālakalhuꞌmankōꞌ ixlīpōꞌktucaꞌn.
\p
\v 33 Dios tzej lacapāstaca ē caꞌtzīkōꞌ ixlīpōꞌktu. Quinaꞌn jāla caꞌtzīyāuj chī ixtalacapāstacniꞌ ē tū tlahua.
\v 34 Jā tī chāꞌtin caꞌtzī chī lacpuhuan Dios. Jā tī chāꞌtin tzē namālacapāstaquī Dios.
\v 35 Palh namaxquīꞌyāuj Dios catūhuālh, jāla catihuanui Dios quincāmaklaclēꞌnān.
\v 36 Dios tlahuakōꞌnīꞌt ixlīpōꞌktu. Pōꞌktu ixlaꞌ. Camākaꞌtlīꞌca Dios pōꞌktu quilhtamacuj. Amén.
\c 12
\s Ixlacasquiꞌnca natamacamāstāꞌniꞌyāuj Dios
\p
\v 1 Tāꞌtimīn, Dios quincālakalhuꞌmanīꞌtaꞌn. Ūꞌtzaꞌ iccālīsquiꞌniꞌyān catamacamāstāꞌniꞌtit Dios. Chuntzaꞌ huiꞌxinaꞌn nalītaxtuyāꞌtit huaꞌchi aꞌktin talakalhuꞌmān tū huiꞌlīcan nac pūmacamāstāꞌn, masqui xalakahuancus huiꞌxinaꞌn. Ūꞌtzaꞌ huāꞌmāꞌ talakalhuꞌmān tū līpāxuhua Dios. Chuntzaꞌ nalīmakapāxuīꞌyāꞌtit Dios.
\v 2 Jā calatāꞌkchokotit chī talatlāꞌhuan tī xalanīꞌn nac cāꞌquilhtamacuj. Catamakxtekniꞌtit Dios nalakpalī mintalacapāstacniꞌcaꞌn. Chuntzaꞌ tzē nacaꞌtzīyāꞌtit tū Dios lacasquiꞌn natlahuaꞌyāꞌtit. Chuntzaꞌ tzē natlahuaꞌyāꞌtit tū tze ē tū nalīpāxuhua Dios.
\p
\v 3 Dios lakalhuꞌmanīniꞌn ē quimacamaxquīꞌlh naꞌiccāmāsuꞌyuniꞌyān huiꞌxinaꞌn. Ūꞌtzaꞌ tzē naꞌiccālīhuaniyān huāꞌmāꞌ. Jā kaꞌtlaꞌ tilīmakcaꞌtzīyāꞌtit. Calacapāstactit huiꞌxinaꞌn, chī Dios cāmaktāyayān naꞌaꞌkaꞌīꞌyāꞌtit chāꞌtunuꞌ huiꞌxinaꞌn.
\v 4 Quimacniꞌcaꞌn lhūhuaꞌ lātāstuca masqui aꞌktin macniꞌ. Chāꞌtunuꞌ xlacaꞌn xtum ixtascujūtcaꞌn.
\v 5 Nā chuntzaꞌ quinaꞌn tī aꞌkaꞌīꞌniꞌyāuj Cristo. Quinaꞌn quilhūhuaꞌcaꞌn ē quilīpōꞌktucaꞌn chu chāꞌtin lītaxtuyāuj chī Cristo. Ixlacasquiꞌnca chāꞌtunuꞌ quinaꞌn nalāmaktāyayāuj.
\p
\v 6 Chāꞌtunuꞌ chī quinaꞌn kaꞌlhīyauj quintascujūtcaꞌn chuntzaꞌ chī Dios quincāmaxquīꞌnīꞌtaꞌn chāꞌtunuꞌ. Xlacaꞌn tī ixaꞌkchihuīnaꞌnīꞌn Dios, catamāsuꞌyulh xmān tū Dios cāhuanī.
\v 7 Tī tamaktāya āꞌmakapitzīn tī taꞌaꞌkaꞌīꞌ, tzej catatlahualh. Tī tamāsuꞌyuniꞌ āꞌmakapitzīn nā tzej catamāsuꞌyulh.
\v 8 Tī tahuanilēꞌn āꞌmakapitzīn nā tzej catatlahualh. Tī tamāstāꞌ tumīn, jā catatampiꞌlhīniꞌlh. Tī xanapuxcuꞌnuꞌ tāꞌtimīn, catamākentaxtūlh tū cāmacamaxquīꞌcanīꞌt. Tī tamaktāya āꞌmakapitzīn tī talīpuhuan catatlahualh nac cāꞌtapāxuhuān.
\s Ixlacasquiꞌnca līlacatejtin natalatāꞌkchoko tī taꞌaꞌkaꞌīꞌ
\p
\v 9 Milīpōꞌktucaꞌn huiꞌxinaꞌn tzej cacāpāxquīꞌtit āꞌmakapitzīn. Camāpānūꞌtit tū jā tze. Catlahuaꞌtit tū tze.
\v 10 Calāpāxquīꞌtit ixpālacata huiꞌxinaꞌn lītāꞌtimīn. Cacālakachiꞌxcuhuīꞌtit āꞌmakapitzīn ē jā calaꞌtit huaꞌchi xlacaꞌn tī xmān talacasquiꞌn nacālakachiꞌxcuhuīꞌcan.
\p
\v 11 Tzej cascujtit ē jā tilhquititniꞌnāꞌtit. Catāꞌscujtit quiMāpaꞌksīniꞌcaꞌn Jesucristo nac cāꞌtapāxuhuān.
\p
\v 12 Capāxuaꞌtit ixpālacata caꞌtzīyāꞌtit Dios nacāsicuaꞌlanātlahuayān. Capātīniꞌntit masqui nacāꞌaꞌkspulayān tū jā tze. Jā timakxtekāꞌtit naꞌorarlayāꞌtit.
\p
\v 13 Palh tāꞌtimīn cāsputniꞌ catūhuālh, cacāmaktāyaꞌtit. Cacāmānūꞌtit na minchiccaꞌn tī tamināchaꞌ makat.
\p
\v 14 Casquiꞌniꞌtit Dios nacāsicuaꞌlanātlahua xlacaꞌn tī cātaputzastālaniꞌyān. Jā tisquiꞌnāꞌtit tū nacāꞌaꞌkspula xlacaꞌn tū jā tze.
\p
\v 15 Cacātāꞌpāxuhuaꞌtit xlacaꞌn tī tapāxuhua. Cacātāꞌcalhuaꞌntit tī tacalhuan.
\p
\v 16 Chu aꞌktin talacapāstacniꞌ nakaꞌlhīꞌyāꞌtit. Jā kaꞌtlaꞌ timakcaꞌtzīyāꞌtit. Capāxquīꞌtit tī catīhuālh tachiꞌxcuhuīꞌt. Jā tipuhuaꞌnāꞌtit palh huiꞌxinaꞌn caꞌtzīyāꞌtit āꞌchulāꞌ.
\p
\v 17 Palh chāꞌtin nacātlahuaniꞌyān tū jā tze, huiꞌxinaꞌn jā titlahuaꞌniꞌyāꞌtit tū jā tze. Calīhuiꞌlīꞌtit natlahuaꞌyāꞌtit tū tze na ixlacatīncaꞌn ixlīpōꞌktucaꞌn tachiꞌxcuhuīꞌt.
\v 18 Tzej nalīputzayāꞌtit chī amigos nacālītāꞌlaꞌyāꞌtit āꞌmakapitzīn.
\v 19 Tāꞌtimīn, jā ticātlahuaniꞌyāꞌtit tū jā tze palh chuntzaꞌ huiꞌxinaꞌn cātatlahuaniꞌyān tū jā tze. Namakxtekāꞌtit xmān Dios nacāmakapātīnīn xlacaꞌn. Tatzoꞌkniꞌ na ixtachihuīn Dios:
\q Xmān quit tzē naꞌiccāmakapātīnīn tī tatlahua tū jā tze.
\q Naquintaxokonuꞌniꞌ quit, huanli quiMāpaꞌksīniꞌcaꞌn Dios.
\m
\v 20 Nā tatzoꞌkniꞌ na ixtachihuīn Dios:
\q Palh mintāꞌlāquiclhlaktziꞌ tziꞌncsa, catāꞌhuāꞌyaꞌ.
\q Palh kelhputī, camaꞌxquiꞌ xcān.
\q Chuntzaꞌ xlaꞌ nalīmāxanaꞌn.
\m
\v 21 Jā titamakxtekāꞌtit nacāskāhuīꞌyān tū jā tze. Catlahuaꞌtit xmān tū tze ē chuntzaꞌ nalīskāhuīꞌyāꞌtit tū jā tze.
\c 13
\p
\v 1 Ixlacasquiꞌnca milīpōꞌktucaꞌn nacākexpaꞌtniꞌyāꞌtit māpaꞌksīniꞌnīꞌn na mincāꞌlacchicniꞌcaꞌn. Dios cāhuiꞌlīnīꞌt natamāpaꞌksīniꞌn xlacaꞌn. Palh jā cahuālh Dios ixcāmaxquīꞌlh līmāpaꞌksīn, xlacaꞌn jāla ixtamāpaꞌksīniꞌlh.
\v 2 Tī tatāꞌlāhuani māpaꞌksīniꞌnīꞌn, xlacaꞌn chuntzaꞌ tatāꞌlāhuani Dios. Xlacaꞌn nataxokonuꞌniꞌ Dios.
\v 3 Tī tatlahua tū tze, xlacaꞌn jā catitajicuaꞌniꞌlh māpaꞌksīniꞌnīꞌn. Xmān xlacaꞌn tī tatlahua tū jā tze, xlacaꞌn tajicuaꞌniꞌ māpaꞌksīniꞌnīꞌn. Palh huiꞌxinaꞌn jā cājicuaꞌniꞌcuꞌtunāꞌtit māpaꞌksīniꞌnīꞌn, līlacatejtin nalatāꞌkchokoyāꞌtit ē chuntzaꞌ nacātalīlaktzīꞌnān huiꞌxinaꞌn lactze.
\v 4 Māpaꞌksīniꞌnīꞌn takaꞌlhī līmāpaꞌksīn ixpālacata Dios cāmaxquīꞌnīꞌt nacāmaktāyayān huiꞌxinaꞌn. Palh huiꞌxinaꞌn tlahuaꞌyāꞌtit tū jā tze, nacājicuaꞌniꞌyāꞌtit ixpālacata xlacaꞌn tzē nacātamakapātīnīnān. Dios cāmaxquīꞌnīꞌt līmāpaꞌksīn natamakapātīnīn xlacaꞌn tī tatlahua tū jā tze.
\v 5 Ūꞌtzaꞌ lītalacasquiꞌn nacākexpaꞌtniꞌyāꞌtit māpaꞌksīniꞌnīꞌn. Jā xmān ixpālacata xlacaꞌn nacātamakapātīnīnān. Ixlacasquiꞌnca nacākexpaꞌtniꞌyāꞌtit ixpālacata caꞌtzīyāꞌtit chuntzaꞌ ixlacasquiꞌnca natlahuaꞌyāꞌtit.
\v 6 Nā ixlacasquiꞌnca naxokoyāꞌtit impuestos. Māpaꞌksīniꞌnīꞌn tī tamākentaxtū ixtascujūtcaꞌn, xlacaꞌn chuntzaꞌ tatlahua tū Dios lacasquiꞌn.
\p
\v 7 Chuntzaꞌ caxokotit ixlīpōꞌktu tū laclīpināꞌtit. Caxokonuꞌntit tū cātasquiꞌniꞌyān. Cacākexpaꞌtniꞌtit ē cacālakachiꞌxcuhuīꞌtit tī tamāpaꞌksīniꞌn.
\v 8 Palh cālaclīpiniꞌyāꞌtit āꞌmakapitzīn, cacāxokonuꞌniꞌtit. Calāpāxquīꞌtit. Tī tapāxquīꞌ āꞌmakapitzīn, chuntzaꞌ talīmākentaxtū ixlīmāpaꞌksīn Dios.
\v 9 Ixlīmāpaꞌksīn Dios chuntzaꞌ huan:
\q Jā tikaꞌlhīꞌyaꞌ mintāꞌlāpāxquīꞌn.
\q Jā timaknīniꞌnaꞌ.
\q Jā tikaꞌlhānaꞌnaꞌ.
\q Jā tilīchihuīnaꞌnaꞌ āꞌchāꞌtin tū jā ixlīcānaꞌ.
\q Jā tilakcaꞌtzanaꞌ tū ixlaꞌ āꞌchāꞌtin.
\m Huīꞌlh āꞌaꞌktin līmāpaꞌksīn tū huan:
\q Chuntzaꞌ chī minaꞌcstu pāxquīꞌcaꞌnaꞌ, nā chuntzaꞌ cacāpāxquiꞌ āꞌmakapitzīn.
\m Chāꞌtin tī tlahua huāꞌmāꞌ līmāpaꞌksīn, chuntzaꞌ mākentaxtū pōꞌktu huāꞌmāꞌ līmāpaꞌksīn ē nā āꞌmakapitzīn līmāpaꞌksīn tū aꞌnan.
\v 10 Palh chāꞌtin chiꞌxcuꞌ pāxquīꞌ āꞌchāꞌtin, chuntzaꞌ jāla tlahuaniꞌ tū jā tze. Chuntzaꞌ tī tapāxquīꞌ āꞌmakapitzīn, chuntzaꞌ talīmākentaxtūkōꞌ ixlīmāpaꞌksīn Dios.
\p
\v 11 Ixlīpōꞌktu huāꞌmāꞌ natlahuaꞌyāꞌtit ixpālacata caꞌtzīyāꞌtit chuhuaꞌj āꞌchulāꞌ ixlacasquiꞌnca nakexpaꞌtniꞌyāꞌtit Dios. Skalalh natahuiꞌlaꞌyāꞌtit ixpālacata namin quilhtamacuj aꞌcxniꞌ Cristo naquincālēꞌnān nac aꞌkapūn. Tzamāꞌ quilhtamacuj jātzaꞌ makās chī puhuanīꞌtaꞌuj xapūla.
\v 12 Palaj namin quilhtamacuj aꞌcxniꞌ nalakaꞌnāuj Dios nac aꞌkapūn. Huaꞌchi xkakamāꞌlhtzaꞌ. Ūꞌtzaꞌ calīmakxtekui natlahuayāuj tū jā tze. Jā catlahuáuj chī tatlahua tī xalanīꞌn nac cāꞌpucsuaꞌ. Catlahuáuj tū tze chuntzaꞌ chī tī xalanīꞌn nac cāꞌxkaka.
\v 13 Tzej nalatāꞌkchokoyāuj chī talacasquiꞌn. Jā tū natlahuayāuj tū nalīmāxanaꞌnāuj palh naquincātalaktzīꞌnān. Jā ticālīpāxuhuayāuj tī tatlahua tū jā tze. Jā tikaꞌchīyāuj. Jā tikaꞌlhīyāuj quintāꞌlāpāxquīꞌncaꞌn. Jā titlahuayāuj tū jā tze. Jā tilālīsītzīꞌniꞌyāuj. Jā tilakcaꞌtzanaꞌnāuj.
\v 14 Calīlatāꞌkchokotit chī quiMāpaꞌksīniꞌcaꞌn Jesucristo. Jā catlahuaꞌtit mintalacapāstacniꞌcaꞌn tū jā tze.
\c 14
\s Jā tze nacālīchihuīnaꞌnāuj āꞌmakapitzīn tāꞌtimīn
\p
\v 1 Masqui makapitzīn jānaꞌj tzej taꞌaꞌkaꞌīꞌ ixpālacata jānaꞌj tū tacaꞌtzī, līpāxuhua cacāmakamaktīniꞌntit. Jā ticātāꞌlāhuaniꞌyāꞌtit xlacaꞌn ixpālacata tū jānaꞌj tū tacaꞌtzī.
\v 2 Āꞌmakapitzīn tapuhuan tzē natahuaꞌ ixlīpōꞌktu tū aꞌnan. Āꞌmakapitzīn tī jānaꞌj tzej taꞌaꞌkaꞌīꞌ, xlacaꞌn tapuhuan jā tze huaꞌcan quinīt.
\v 3 Huiꞌxinaꞌn tī huaꞌyāꞌtit ixlīpōꞌktu tū aꞌnan, jā cālakmakaꞌntit tī jā tahuaꞌ quinīt. Huiꞌxinaꞌn tī jā huaꞌyāꞌtit quinīt, jā ticālīchihuīnaꞌnāꞌtit xlacaꞌn tī tahuaꞌ quinīt. Dios cāmaktīniꞌnān milīpōꞌktucaꞌn.
\v 4 Jā quincuentacaꞌn chī scuja ixtasācuaꞌ āꞌchāꞌtin chiꞌxcuꞌ. Xmān tī māpaꞌksī tzē nahuan chī scuja ixtasācuaꞌ palh tze o palh jā tze. Nā chuntzaꞌ tī tatapaꞌksīniꞌ Dios, xmān Dios caꞌtzī chī talīlatlāꞌhuan. Dios cāmaktāya, ē chuntzaꞌ xlacaꞌn jā catitatamakahuasli.
\p
\v 5 Āꞌmakapitzīn tāꞌtimīn talakachiꞌxcuhuīꞌ aꞌktin quilhtamacuj. Āꞌmakapitzīn tapuhuan ixlīpōꞌktu quilhtamacuj chu aꞌktin. Calacapāstactit chāꞌtunuꞌ huiꞌxinaꞌn tū xatze ē ūꞌtzaꞌ catlahuaꞌtit.
\v 6 Tī talakachiꞌxcuhuīꞌ aꞌktin quilhtamacuj, xlacaꞌn ūꞌtzaꞌ talīlakachiꞌxcuhuīꞌcuꞌtun Dios. Nā tī tahuaꞌ quinīt, xlacaꞌn ūꞌtzaꞌ talīlakachiꞌxcuhuīꞌcuꞌtun Dios ixpālacata tamaxquīꞌ tapāxcatcaꞌtzīn Dios ixpālacata līhuaꞌt. Tī jā tahuaꞌ quinīt, nā xlacaꞌn chuntzaꞌ talakachiꞌxcuhuīꞌcuꞌtun Dios, ē nā tamaxquīꞌ tapāxcatcaꞌtzīn Dios.
\p
\v 7 Līhuan huiꞌlānaꞌuj nac cāꞌquilhtamacuj, jā tlahuayāuj xmān tū quinaꞌn puhuanāuj. Jā nīyāuj aꞌcxniꞌ quinaꞌn nīcuꞌtunāuj.
\v 8 Līhuan huiꞌlānaꞌuj, tlahuayāuj ixtalacasquiꞌnīn quiMāpaꞌksīniꞌcaꞌn Jesucristo. Nīyāuj chuntzaꞌ aꞌcxniꞌ ixtalacasquiꞌnīn. Masqui lakahuancus quinaꞌn ē masqui xanīntzaꞌ, tapaꞌksīniꞌyāuj Cristo.
\v 9 Cristo nīlh ē nā lacastālancuanaꞌnli. Chuntzaꞌ tzē nacāmāpaꞌksī xlacaꞌn tī xalakahuancus ē nā tī tanīnīꞌttzaꞌ.
\p
\v 10 Chuntzaꞌ jā tze palh chāꞌtin nacālīchihuīnaꞌn āꞌmakapitzīn tāꞌtimīn. Jā tze palh chāꞌtin nacālakmakaꞌn āꞌmakapitzīn tāꞌtimīn. Quilīpōꞌktucaꞌn nachāꞌnāuj na ixlacatīn Cristo ē xlaꞌ ūꞌtzaꞌ tī naquincāputzānaꞌnīyān.
\v 11 Tatzoꞌkniꞌ na ixtachihuīn Dios:
\q QuiMāpaꞌksīniꞌcaꞌn huan: Ixlīcānaꞌ tū icuan.
\q Ixlīpōꞌktucaꞌn naquintatatzokostaniꞌkōꞌ.
\q Ē naquintahuani quit Dios.
\m
\v 12 Chuntzaꞌ quilīpōꞌktucaꞌn nakelhtīyāuj Dios tū tlahuanīꞌtaꞌuj.
\s Jā tze namāmakahuasīyāuj āꞌchāꞌtin quintāꞌtincaꞌn
\p
\v 13 Chuntzaꞌ jātzaꞌ calālēꞌksaꞌntit. Xatze calīhuiꞌlīꞌtit jā natlahuaꞌyāꞌtit tū nalītamakahuasa āꞌchāꞌtin.
\v 14 Quit ictapaꞌksīniꞌ Māpaꞌksīniꞌ Jesús, ē quit tzej iccaꞌtzī ixlīpōꞌktu līhuaꞌt pōꞌktu tze. Masqui chuntzaꞌ icpuhuan, quit icuan āꞌchāꞌtin tlahua tū jā tze palh huaꞌ quinīt, masqui lacpuhuan jā tze na ixlacatīn Dios.
\v 15 Huiꞌxinaꞌn jā cahuaꞌtit quinīt palh ūꞌtzaꞌ nalīmāmakchuyīꞌyāꞌtit chāꞌtin quintāꞌtincaꞌn, ixpālacata xlaꞌ napuhuan jā tze tū tlahuaꞌyāꞌtit. Palh pāxquīꞌyāꞌtit quintāꞌtincaꞌn, xatze jā natlahuaꞌyāꞌtit tū xlaꞌ napuhuan jā tze. Cristo nīlh ixpālacata, ē jā xmān mimpālacatacaꞌn. Ūꞌtzaꞌ jā tilīhuaꞌyāꞌtit huiꞌxinaꞌn tū nalītalakspiꞌta āꞌchāꞌtin na ixtej Dios.
\v 16 Masqui huiꞌxinaꞌn caꞌtzīyāꞌtit pōꞌktu tze tū tlahuaꞌyāꞌtit, jā catlahuaꞌtit tū āꞌmakapitzīn tahuan jā tze.
\v 17 Quinaꞌn tapaꞌksīniꞌyāuj Dios, jā āꞌchulāꞌ lacapāstacāuj tū huaꞌcan. Tū āꞌchulāꞌ talacasquiꞌn ūꞌtzaꞌ huāꞌmāꞌ: Līlacatejtin nalatāꞌkchokoyāuj ē tze nalatahuiꞌlayāuj ē nakaꞌlhīyāuj tapāxuhuān ixpālacata Espíritu Santo quincātāꞌlahuiꞌlān.
\v 18 Tī chuntzaꞌ takexmatniꞌ Cristo, chuntzaꞌ talīmakapāxuī Dios ē nahuancan tzej talatlāꞌhuan.
\p
\v 19 Lacatancs natahuiꞌlayāuj. Nalāmaktāyayāuj ē āꞌchulāꞌ nakexmatniꞌyāuj Dios.
\v 20 Jā nalactlahuaꞌyāꞌtit tū Dios tlahualh. Palhāsāꞌ chuntzaꞌ tlahuaꞌyāꞌtit aꞌcxniꞌ huaꞌyāꞌtit tū tahuan āꞌmakapitzīn jā tze. Ixlīpōꞌktu līhuaꞌt tze na ixlacatīn Dios. Tzē nahuaꞌyāuj ixlīpōꞌktu. Jāla xmān nahuaꞌyāuj tū nalīmāmakahuasīyāuj chāꞌtin quintāꞌtincaꞌn.
\v 21 Xatze jā nahuaꞌyāuj quinīt ē jā nahuaꞌyāuj vino, ē jā natlahuayāuj tū nalīmāmakahuasīyāuj chāꞌtin quintāꞌtincaꞌn.
\v 22 Palh chāꞌtin chī huiꞌxinaꞌn lacpuhuan palh tze na ixlacatīn Dios nahuaꞌ ixlīpōꞌktu tū aꞌnan, xlaꞌ tzēꞌk cacaꞌtzīlh. Līpāxuhua tahuiꞌlānaꞌlh tī tacaꞌtzī tzej talatlāꞌhuan chuntzaꞌ chī Dios lacasquiꞌn.
\v 23 Tī tahuaꞌ quinīt, masqui tapuhuan jā tze huaꞌcan, ē chuntzaꞌ xlacaꞌn tatlahua tū jā tze. Palh chāꞌtin chiꞌxcuꞌ tlahua tū xlaꞌ lacpuhuan jā tze na ixlacatīn Dios, chuntzaꞌ tlahua tū jā tze.
\c 15
\s Ixlacasquiꞌnca natlahuayāuj tū natalīpāxuhua āꞌmakapitzīn tāꞌtimīn
\p
\v 1 Quinaꞌn tī tzejtzaꞌ aꞌkaꞌīꞌyāuj, nacāmaktāyayāuj tāꞌtimīn tī jānaꞌj tacaꞌtzīkōꞌ. Jā xmān napuhuanāuj tū quinaꞌn lacasquiꞌnāuj.
\v 2 Quinaꞌn natlahuayāuj tū natalīpāxuhua āꞌmakapitzīn quintāꞌtimīncaꞌn ē chuntzaꞌ nacāmaktāyayāuj ē āꞌchulāꞌ nataꞌaꞌkaꞌīꞌ.
\v 3 Nūn Cristo jā ixtlahua xmān tū ixlacasquiꞌn. Ūꞌtzaꞌ līpātīniꞌlh. Tatzoꞌkniꞌ na ixtachihuīn Dios tū huanica Dios:
\q Tī talakmakaꞌnān huiꞌx, nā quit quintalakmakaꞌn.
\m
\v 4 Ixlīpōꞌktu tū tzoꞌkca makāstzaꞌ na ixtachihuīn Dios, quincāmāsuꞌyuniꞌyān tū Dios lacasquiꞌn nacaꞌtzīyāuj. Ixtachihuīn Dios quincāmākoꞌxamākaꞌtlīꞌyān. Quincāmaktāyayān natāyaniꞌyāuj tū quincāꞌaꞌkspulayān. Quincāmācaꞌtzīnīyān naꞌaꞌnāuj nac aꞌkapūn.
\v 5 Dios ūꞌtzaꞌ tī quincāmākoꞌxamākaꞌtlīꞌyān ē quincāmaktāyayān natāyaniꞌyāuj. Dios cacāmaktāyan huiꞌxinaꞌn aꞌktin nala mintalacapāstacniꞌcaꞌn chuntzaꞌ chī ixtalacasquiꞌnīn Cristo Jesús.
\v 6 Chuntzaꞌ milīpōꞌktucaꞌn tzē kēxtim namakapāxuīꞌyāꞌtit Dios, ixTātaꞌ quiMāpaꞌksīniꞌcaꞌn Jesucristo.
\s Xatze tachihuīn cāmācaꞌtzīnīca tī jā israelitas
\p
\v 7 Huiꞌxinaꞌn calālaktzīꞌntit huaꞌchi lītāꞌtimīn ixpālacata tapaꞌksīniꞌyāꞌtit Cristo. Chuntzaꞌ nalakachiꞌxcuhuīꞌcan Dios.
\v 8 Jesucristo aꞌcxniꞌ milh nac cāꞌquilhtamacuj, ixcāmāsuꞌyuniꞌ israelitas Dios mākentaxtū tū huan. Chuntzaꞌ māsuꞌyulh Cristo, ixpālacata xlaꞌ mākentaxtūlh tū Dios ixcāhuaninīꞌt makāstzaꞌ quinapapanaꞌcaꞌn. Chuntzaꞌ lītasuꞌyu Dios mākentaxtū tū huan.
\v 9 Nā Cristo ixlacasquiꞌn natatapaꞌksīniꞌ Dios nā xlacaꞌn tī jā israelitas ē nā xlacaꞌn natamaxquīꞌ tapāxcatcaꞌtzīn Dios. Tatzoꞌkniꞌ na ixtachihuīn Dios chī huanica Dios:
\q Quit naꞌicmākaꞌtlīꞌyān na ixpuꞌnancaꞌn tī jā israelitas.
\q Naꞌicpixtlīꞌ chī milīkaꞌtlaꞌ.
\m
\v 10 Nā tatzoꞌkniꞌ na ixtachihuīn Dios:
\q Cacātāꞌpāxuaꞌtit ixtachiꞌxcuhuīꞌt Dios, huiꞌxinaꞌn tī jā israelitas.
\m
\v 11 Nā tatzoꞌkniꞌ na ixtachihuīn Dios:
\q Camākaꞌtlīꞌtit Māpaꞌksīniꞌ milīpōꞌktucaꞌn tī jā israelitas.
\q Catamākaꞌtlīꞌlh ixlīpōꞌktucaꞌn tachiꞌxcuhuīꞌt.
\m
\v 12 Nā tatzoꞌkniꞌ jā Isaías huan:
\q Namin chāꞌtin īꞌxūꞌnātāꞌnat Isaí.
\q Xlaꞌ nacāmāpaꞌksī tī jā israelitas.
\q Xlacaꞌn nataꞌaꞌkaꞌīꞌ chī nacāmakapūtaxtū.
\p
\v 13 Dios ūꞌtzaꞌ tī quincāmācaꞌtzīnīyān xlaꞌ naquincāmakapūtaxtūyān. Huiꞌxinaꞌn līpāhuaꞌnāꞌtit Dios. Dios āꞌchulāꞌ cacāmaxquīꞌn tapāxuhuān ē tzej calatapāꞌtit. Espíritu Santo cacāmācaꞌtzīnīn chī Dios namākentaxtū tū huanīꞌt.
\p
\v 14 Quit tzej iccaꞌtzī, tāꞌtimīn, huiꞌxinaꞌn tzej līhuiꞌlāꞌnaꞌntit na ixlacatīn Dios ē tzejtzaꞌ caꞌtzīyāꞌtit ixtachihuīn Dios. Nā tzē nalāmāsuꞌyuniꞌyāꞌtit chāꞌtunuꞌ huiꞌxinaꞌn.
\v 15 Xmān xaꞌiccāmāpāstaquīcuꞌtunān huiꞌxinaꞌn tū ictzoꞌknīꞌt. Dios quimacamaxquīꞌlh huāꞌmāꞌ tascujūt. Ūꞌtzaꞌ quit jā iclījicuaꞌn naꞌiccātzoꞌknuniꞌyān tū lacatejtin.
\v 16 Dios quilacsacli naꞌictāꞌscuja Jesucristo. Quimacamaxquīꞌlh naꞌiccāmāsuꞌyuniꞌ tī jā israelitas xatze tachihuīn. Āꞌmakapitzīn taꞌaꞌkaꞌīꞌnīꞌt. Espíritu Santo cālīmāxtulh ixtachiꞌxcuhuīꞌt Dios. Xlacaꞌn huaꞌchi aꞌktin talakalhuꞌmān tū icmaxquīꞌ Dios. Dios chuntzaꞌ līpāxuhua.
\p
\v 17 Quit icmaxquīꞌ tapāxcatcaꞌtzīn Cristo Jesús, ixpālacata quimaktāyanīꞌt ē naꞌicmākentaxtū tū Dios quimacamaxquīꞌlh.
\v 18 Quit naꞌiccāhuaniyān xmān tū Cristo quimaktāyalh naꞌictlahua. Quit iccāmāsuꞌyuniꞌlh tī jā israelitas. Chuhuaꞌj xlacaꞌn tatlahua ixtalacasquiꞌnīn Dios.
\v 19 Ixlītliꞌhuiꞌqui Espíritu Santo ixlītlahuacan līꞌaꞌcnīn. Chuhuaꞌj icmākentaxtūnīꞌt tū Dios quimacamaxquīꞌlh. Iccāmāsuꞌyuniꞌnīꞌt xalanīꞌn nac Jerusalén xatze tachihuīn ixpālacata Cristo. Calhāxcuhuālh icmāsuꞌyunīꞌt hasta nac Ilírico.
\v 20 Quit xaꞌiccāmāsuꞌyuniꞌ xatze tachihuīn tī jānaꞌj ixtacaꞌtzī tū ixlaꞌ Cristo. Chuntzaꞌ xaꞌictlahua quit ixpālacata xaꞌicmāsuꞌyucuꞌtun jā jānaꞌj ixmāsuꞌyucan.
\v 21 Chuntzaꞌ ictlahuamāꞌlh chī tatzoꞌkniꞌ na ixtachihuīn Dios:
\q Tī jānaꞌj cāmāsuꞌyuniꞌcan chī xlaꞌ, natacaꞌtzī xlacaꞌn.
\q Tī jānaꞌj takexmata, natakexmata xlacaꞌn.
\s Pablo ixaꞌncuꞌtun nac Roma
\p
\v 22 Quit xaꞌicmāsuꞌyutlāꞌhuan, ē ūꞌtzaꞌ jāla xaꞌiccālīlakaꞌnāchāꞌn, masqui maklhūhuaꞌ xaꞌicaꞌncuꞌtunāchaꞌ.
\v 23 Chuhuaꞌj naꞌicaꞌnāchaꞌ. Jātzaꞌ la jā icmāsuꞌyu huāꞌtzāꞌ, ē lhūhuaꞌtzaꞌ cāꞌta xaꞌiccālakaꞌncuꞌtunāchāꞌn.
\v 24 Aꞌcxniꞌ quit naꞌicaꞌn nac España naꞌiccātēlaktzīꞌnān huiꞌxinaꞌn. Quit ickaꞌlhī tapāxuhuān iccātāꞌchihuīnaꞌncuꞌtunān macstiꞌnaꞌj. Iclacasquiꞌn naquilāmaktāyayāuj ē chuntzaꞌ tzē naꞌicaꞌmpalachaꞌ.
\v 25 Pūla naꞌicaꞌn nac Jerusalén. Naꞌiccālēꞌniꞌ macstiꞌnaꞌj tumīn tāꞌtimīn xalanīꞌn aꞌntzaꞌ.
\v 26 Tāꞌtimīn xalanīꞌn nac Macedonia ē nac Acaya, xlacaꞌn tamāstāꞌnīꞌt tumīn, ē tamacāꞌniꞌcuꞌtun tāꞌtimīn xalanīꞌn nac Jerusalén tī lacpobres.
\v 27 Huāꞌmāꞌ ūꞌtzaꞌ tū tatlahuacuꞌtunli xlacaꞌn xalanīꞌn nac Macedonia ē nac Acaya. Chuntzaꞌ tī jā israelitas tamaktāyacuꞌtun tī israelitas. Chuntzaꞌ tze ixpālacata israelitas tamācaꞌtzīnīnīꞌt chī natalīꞌaꞌkapūtaxtu. Chuhuaꞌj, tī jā israelitas tzē natamaxquīꞌ tū takaꞌlhī.
\v 28 Quit, aꞌcxniꞌ naꞌicmāstāꞌ huāꞌmāꞌ tumīn, quit naꞌicaꞌn nac España ē naꞌiccātēlaktzīꞌnān huiꞌxinaꞌn.
\v 29 Aꞌcxniꞌ naꞌiccālakchāꞌnān quit iccaꞌtzī Cristo nacāsicuaꞌlanātlahuayān ixpālacata tū Cristo quimacamaxquīꞌ naꞌiccāhuaniyān.
\p
\v 30 Chuhuaꞌj tāꞌtimīn, huiꞌxinaꞌn nā tapaꞌksīniꞌyāꞌtit Cristo, ē Espíritu Santo quincāmaktāyayān nalāpāxquīꞌyāuj. Chuhuaꞌj iccāsquiꞌniꞌyān naquilāmaktāyayāuj nac oración.
\v 31 Casquiꞌniꞌtit Dios caquimaktakaꞌlhli ē jā tū naquintatlahuaniꞌ xalanīꞌn nac Judea tī jā taꞌaꞌkaꞌīꞌ. Nā casquiꞌniꞌtit Dios caquintamaktīlh tumīn tū naꞌiccālēꞌniꞌ tāꞌtimīn xalanīꞌn nac Jerusalén.
\v 32 Chuntzaꞌ, palh Dios lacasquiꞌn, quit naꞌiccālakaꞌnāchāꞌn huiꞌxinaꞌn. Chuntzaꞌ quit naꞌiclīpāxuhua. Chuntzaꞌ nalālīmākoꞌxamākaꞌtlīꞌyāuj.
\v 33 Chuhuaꞌj Dios cacātāꞌtahuiꞌlan milīpōꞌktucaꞌn. Xlaꞌ ūꞌtzaꞌ tī quincāmaxquīꞌyān tze latamat. Amén.
\c 16
\s Pablo cāmacāꞌniꞌlh saludos xalanīꞌn nac Roma
\p
\v 1 Iccālakmacāꞌnāchāꞌn huiꞌxinaꞌn quintāꞌtincaꞌn Febe. Huāꞌmāꞌ puscāt cātāꞌscuja xlacaꞌn tī tatapaꞌksīniꞌ Cristo nac Cencrea.
\v 2 Aꞌcxniꞌ xlaꞌ nacālakchāꞌnān, calaktzīꞌntit chī mintāꞌtincaꞌn. Chuntzaꞌ ixlītlahuatcaꞌn tī taꞌaꞌkaꞌīꞌ ixtachihuīn Dios. Calīmaktāyaꞌtit tū xlaꞌ namaclacasquiꞌn. Xlaꞌ lhūhuaꞌ tī cāmaktāyanīꞌt. Nā quit quimaktāyanīꞌt.
\p
\v 3 Casaludarlīꞌtit Priscila ē Aquila. Xlacaꞌn tamāsuꞌyu chī Cristo Jesús, chuntzaꞌ chī quit.
\v 4 Xlacaꞌn cāꞌaꞌkspulalh tū lījicuaꞌ aꞌcxniꞌ quintamaktāyalh. Ūꞌtzaꞌ iccālīmaxquīꞌ tapāxcatcaꞌtzīn. Nā tamāstāꞌ tapāxcatcaꞌtzīn ixlīpōꞌktucaꞌn tī jā israelitas tī tatapaꞌksīniꞌ Cristo.
\v 5 Nā iccāmacāꞌniꞌ saludos tāꞌtimīn tī tatakēstoka na ixchiccaꞌn Priscila ē Aquila. Nā icmacāꞌniꞌ saludos Epeneto. Xlaꞌ quinamigo ē icpāxquīꞌ. Xlaꞌ ūꞌtzaꞌ tī xapūla aꞌkaꞌīꞌniꞌlh Cristo nac Acaya.
\v 6 Nā icmacāꞌniꞌ saludos María. Xlaꞌ scujnīꞌt mimpālacatacaꞌn.
\v 7 Nā iccāmacāꞌniꞌ saludos quintāꞌisraelitas tī Andrónico ē Junias. Ūꞌtunuꞌn xaꞌiccātāꞌchīꞌnīꞌt. Apóstoles nā talakachiꞌxcuhuīꞌ xlacaꞌn. Nā xlacaꞌn ixtaꞌaꞌkaꞌīꞌniꞌnīꞌttzaꞌ Cristo xapūla aꞌcxniꞌ quit jānaꞌj xaꞌicaꞌkaꞌīꞌ.
\p
\v 8 Nā icmacāꞌniꞌ saludos Amplias. Icpāxquīꞌ ixpālacata xlaꞌ nā aꞌkaꞌīꞌniꞌ quiMāpaꞌksīniꞌcaꞌn.
\v 9 Nā icmacāꞌniꞌ saludos Urbano tī quincāmaktāyayān quinaꞌn tī tāꞌscujāuj Cristo. Nā icmacāꞌniꞌ saludos Estaquis tī icpāxquīꞌ.
\v 10 Nā icmacāꞌniꞌ saludos Apeles. Tasuꞌyu xlaꞌ tzej aꞌkaꞌīꞌniꞌ Cristo. Nā iccāmacāꞌniꞌ saludos tī tahuiꞌlānaꞌnchaꞌ na ixchic Aristóbulo.
\v 11 Nā icmacāꞌniꞌ saludos quintāꞌisraelita Herodión ē nā xalanīꞌn na ixchic Narciso tī taꞌaꞌkaꞌīꞌniꞌ quiMāpaꞌksīniꞌcaꞌn.
\v 12 Nā iccāmacāꞌniꞌ saludos Trifena ē Trifosa. Xlacaꞌn tatāꞌscuja quiMāpaꞌksīniꞌcaꞌn. Nā icmacāꞌniꞌ saludos Pérsida tī pāxquīꞌcan. Huāꞌmāꞌ puscāt tāꞌscujnīꞌt quiMāpaꞌksīniꞌcaꞌn.
\v 13 Nā icmacāꞌniꞌ saludos Rufo. Tasuꞌyu xlaꞌ tzej aꞌkaꞌīꞌniꞌ quiMāpaꞌksīniꞌcaꞌn. Nā icmacāꞌniꞌ saludos ixtzīꞌ Rufo, tī huaꞌchi quintzīꞌ iccaꞌtzīniꞌ.
\v 14 Nā iccāmacāꞌniꞌ saludos Asíncrito ē Flegonte ē Hermas ē Patrobas ē Hermes ē nā tāꞌtimīn tī tatāꞌhuiꞌlānaꞌnchaꞌ.
\v 15 Nā iccāmacāꞌniꞌ saludos Filólogo ē Julia ē Nereo ē nā ixtāꞌtin xapuscāt ē Olimpas ē ixlīpōꞌktucaꞌn ixtachiꞌxcuhuīꞌt Dios tī tatāꞌhuiꞌlānaꞌnchaꞌ.
\p
\v 16 Calāsaludarlīꞌtit ixpālacata lāpāxquīꞌyāꞌtit. Xalanīꞌn calhāxcuhuālh tī taꞌaꞌkaꞌīꞌ, xlacaꞌn cātamacāꞌniꞌyān saludos.
\p
\v 17 Tāꞌtimīn, iccāsquiꞌniꞌyān huiꞌxinaꞌn nacaꞌtzīyāꞌtit tī tataxtumlī ē chuhuaꞌj tamāsuꞌyu tū jā tze ē jā chuntzaꞌ chī cātamāsuꞌyuniꞌnīꞌtaꞌn xapūla. Cacātapekpānūniꞌtit xlacaꞌn.
\v 18 Xlacaꞌn jā tatāꞌscujmāꞌnalh quiMāpaꞌksīniꞌcaꞌn Jesucristo. Tatlahua xmān tū xlacaꞌn talacasquiꞌn. Tasuꞌyu huaꞌchi tze tū tahuan ē huaꞌchi tzēhuanīꞌt ixtachihuīncaꞌn. Xmān taꞌaꞌkskāhuīꞌ tī taꞌaꞌkaꞌīꞌ tū cāhuanican.
\v 19 Calhāxcuhuālh caꞌtzīcantzaꞌ chī huiꞌxinaꞌn aꞌkaꞌīꞌyāꞌtit xatze tachihuīn ixlaꞌ Cristo. Huāꞌmāꞌ iclīpāxuhua. Quit iclacasquiꞌn huiꞌxinaꞌn tzejtzaꞌ nacaꞌtzīyāꞌtit chī natlahuaꞌyāꞌtit tū tze. Iclacasquiꞌn jā tipuhuaꞌnāꞌtit natlahuaꞌyāꞌtit tū jā tze.
\v 20 Dios tī quincāmaxquīꞌyān tze latamat. Dios palaj naskāhuīꞌ skāhuīꞌniꞌ chī cāscujniꞌcuꞌtunān huiꞌxinaꞌn. QuiMāpaꞌksīniꞌcaꞌn Jesucristo cacāsicuaꞌlanātlahuan huiꞌxinaꞌn.
\p
\v 21 Cāmacāꞌniꞌyāchāꞌn saludos Timoteo tī quintāꞌscuja, ē nā quintāꞌisraelitas Lucio ē Jasón ē Sosípater.
\p
\v 22 Quit, Tercio, quimātzoꞌknīca huāꞌmāꞌ carta. Iccāmacāꞌniꞌyāchāꞌn saludos huiꞌxinaꞌn tī aꞌkaꞌīꞌyāꞌtit chī quit.
\p
\v 23 Cāmacāꞌniꞌyāchāꞌn saludos Gayo. Quit Pablo icmaklahuīꞌ na ixchic. Nā āꞌtzāꞌ tatakēstoka tī taꞌaꞌkaꞌīꞌ. Nā cāmacāꞌniꞌyāchāꞌn saludos Erasto tī tesorero huāꞌmāꞌ cāꞌlacchicniꞌ. Nā cāmacāꞌniꞌyāchāꞌn saludos quintāꞌtincaꞌn Cuarto.
\p
\v 24 Cacāsicuaꞌlanātlahuachāꞌn milīpōꞌktucaꞌn quiMāpaꞌksīniꞌcaꞌn Jesucristo. Amén.
\s Pablo ixmākaꞌtlīꞌ Dios
\p
\v 25 Chuhuaꞌj camākaꞌtlīꞌuj Dios. Xlaꞌ tzē cāmaktāyayān tzej naꞌaꞌkaꞌīꞌyāꞌtit chī xatze tachihuīn tū icmāsuꞌyu, ē tū ixlaꞌ Jesucristo. Xatze tachihuīn, xapūla jā tī chāꞌtin ixcaꞌtzī. Chuhuaꞌj Dios quincāmācaꞌtzīnīnīꞌtaꞌn.
\v 26 Chuhuaꞌj māsuꞌyucan. Nā chuntzaꞌ māsuꞌyucan nā ixtachihuīn Dios jā huanican profetas. Dios līmāpaꞌksīniꞌlh nacāmācaꞌtzīnīkōꞌcan ixlīpōꞌktucaꞌn tachiꞌxcuhuīꞌt ixpālacata Dios lacasquiꞌn nataꞌaꞌkaꞌīꞌniꞌ ē natakexmatniꞌ Dios. Dios ūꞌtzaꞌ tī huīꞌlh pōꞌktu quilhtamacuj.
\p
\v 27 Xmān Dios caꞌtzīkōꞌ ixlīpōꞌktu. Calakachiꞌxcuhuīꞌca Dios pōꞌktu quilhtamacuj ixpālacata Jesucristo. Amén.