\id PHM
\h Filemón
\toc1 Filemón
\mt Filemón
\c 1
\s Pablo tzoꞌknuniꞌlh Filemón
\p
\v 1 Quit Pablo tī ictachīꞌnīꞌt ixpālacata Jesucristo. Nā huīꞌlh huāꞌtzāꞌ quintāꞌtincaꞌn Timoteo. Ictzoꞌknuniꞌmāꞌn huiꞌx, Filemón, tī quintāꞌscujaꞌ ē icpāxquīꞌyān.
\v 2 Icmacāꞌnāuj saludos quit ē Timoteo. Iccāmacāꞌniꞌyāuj saludos ixlīpōꞌktucaꞌn āꞌmakapitzīn tī taꞌaꞌkaꞌīꞌniꞌ Jesucristo ē tatakēstoka na minchic. Nā iccāmacāꞌniꞌyāuj saludos quintāꞌtincaꞌn Apia ē Arquipo tī huaꞌchi quintāꞌsoldadocaꞌn ixpālacata Jesucristo.
\v 3 QuinTātaꞌcaꞌn Dios ē quiMāpaꞌksīniꞌcaꞌn Jesucristo cacātasicuaꞌlanātlahuan huiꞌxinaꞌn ē tzej calatapāꞌtit.
\s Chī ixpāxquīꞌnin ē ixaꞌkaꞌīꞌ Filemón
\p
\v 4 Pōꞌktu quilhtamacuj icmaxquīꞌ tapāxcatcaꞌtzīn Dios aꞌcxniꞌ icorarlī mimpālacata.
\v 5 Icmaxquīꞌ tapāxcatcaꞌtzīn ixpālacata quimācaꞌtzīnīcatzaꞌ tzej aꞌkaꞌīꞌniꞌyaꞌ Māpaꞌksīniꞌ Jesús ē pāxquīꞌyaꞌ xlaꞌ ē nā cāpāxquīꞌyaꞌ āꞌmakapitzīn tī tatapaꞌksīniꞌ Dios.
\v 6 Huiꞌx cāhuaniꞌnīꞌtaꞌ ē cāmāsuꞌyuniꞌnīꞌtaꞌ āꞌmakapitzīn tū huiꞌx aꞌkaꞌīꞌyaꞌ, ē ūꞌtzaꞌ iclīsquiꞌniꞌ Dios nacāmākexmatī xlacaꞌn ixlīpōꞌktu tū tze ē tū quilacaꞌn ixpālacata Cristo.
\v 7 Tāꞌtin, iclīpāxuhua ē iclītakoꞌxamākaꞌtlīꞌ ixpālacata mintapāxquīꞌn ē chī huiꞌx cāmāhuixcānīnīꞌtaꞌ xlacaꞌn tī taꞌaꞌkaꞌīꞌ.
\s Pablo squiꞌnli talakalhuꞌmān ixpālacata Onésimo
\p
\v 8 Quit jā ictimāpaꞌksīn masqui tzē naꞌicmāpaꞌksīyān natlahuaꞌyaꞌ tū ixlacasquiꞌnca, ixpālacata Cristo quilīhuiꞌlīlh quilīꞌapóstol.
\v 9 Xatze naꞌicsquiꞌniꞌyān ixpālacata mintapāxquīꞌn. Quit Pablo tī icsquiꞌniꞌyān ē quit kōluꞌtzaꞌ. Chuhuaꞌj ictachīꞌnīꞌt quit ixpālacata Jesucristo.
\v 10 Icsquiꞌniꞌyān ixpālacata Onésimo tī icmāꞌaꞌkaꞌīꞌnīlh līhuan ictachīꞌnīꞌt quit. Chuntzaꞌ lītaxtuyāchaꞌ huaꞌchi quinkaꞌhuaꞌcha.
\p
\v 11 Masqui xapūla Onésimo jā tzej maktāyan, chuhuaꞌj tzej quimaktāya ē nā tzej namaktāyayān.
\v 12 Xlaꞌ icmāspiꞌtniꞌpalayān ē huaꞌchi xaꞌicmacāꞌniꞌn pītzunaꞌj quilīstacnaꞌ. Huiꞌx camāꞌnuꞌ na minchic.
\v 13 Quit xaꞌicmakxtekcuꞌtun huāꞌtzāꞌ ē ixquimaktāyalh. Ixtahuīꞌlh huaꞌchi milakxoko līhuan ictachīꞌnīꞌt ixpālacata xatze tachihuīn.
\v 14 Iclīhuiꞌlīlh jā tū naꞌictlahua ixpālacata huiꞌx jā ixcaꞌtzīyaꞌ ē jā ixquimaxquīꞌnīꞌtaꞌ talacasquiꞌnīn. Jā xaꞌiclacasquiꞌn līcuesa quintlahuaniꞌyaꞌ talakalhuꞌmān.
\v 15 Onésimo tamakatīniꞌn huiꞌx masqui jā makās ē chuhuaꞌj nataspiꞌta ē natachoko pōꞌktu quilhtamacuj. Palhāsāꞌ chuntzaꞌ xalītze nalītaxtuyāchaꞌ
\v 16 ixpālacata chuhuaꞌj xlaꞌ jā xmān xatastāꞌmaka mintasācuaꞌ. Nā xlaꞌ mintāꞌtin huanīꞌt tī pāxquīꞌcanīꞌt. Quit icpāxquīꞌ ē ixlacasquiꞌnca huiꞌx āꞌchulāꞌ napāxquīꞌyaꞌ ixpālacata xlaꞌ mintasācuaꞌ ē nā chuhuaꞌj mintāꞌtin huanīꞌt ixpālacata aꞌkaꞌīꞌniꞌnīꞌt Jesús.
\p
\v 17 Chuntzaꞌ palh huiꞌx puhuaꞌnaꞌ lātāꞌscujmāꞌnāuj, camāꞌnuꞌ na minchic Onésimo huaꞌchi quit ixquimāꞌnuꞌ.
\v 18 Palh tlahuaniꞌnīꞌtaꞌn catūhuālh tū jā tze o palh maklaclēꞌnān catūhuālh, naquimātāꞌjīꞌyaꞌ quit.
\v 19 Quit, Pablo, ictzoꞌkniꞌyān huāꞌmāꞌ: Naꞌicxokonuniꞌkōꞌyān, masqui tzē naꞌicmāpāstaquīyān tū quilaclīpiniꞌyaꞌ. Ūꞌtzaꞌ huāꞌmāꞌ: Quit icmāꞌaꞌkaꞌīꞌnīnīꞌtaꞌn tū ixlaꞌ Jesús.
\v 20 Chuhuaꞌj, tāꞌtin, caquintlahuaꞌniꞌ huāꞌmāꞌ talakalhuꞌmān ixpālacata quinaꞌn aꞌkaꞌīꞌniꞌyāuj Māpaꞌksīniꞌ. Naquimakapāxuīꞌyaꞌ chī namānūꞌyaꞌ na minchic Onésimo ixpālacata Jesucristo.
\p
\v 21 Ictzoꞌknuniꞌmāꞌn ē tzej iclakapasān ē iccaꞌtzī namākentaxtūyaꞌ tū icsquiꞌniꞌmāꞌn ē āꞌchulāꞌ natlahuaꞌyaꞌ.
\v 22 Nā icsquiꞌniꞌyān naquincāxuiꞌlīꞌyaꞌ jā naꞌictahuiꞌla. Ickaꞌlhīmāꞌlh Dios nakexmata tū huiꞌxinaꞌn squiꞌniꞌpāꞌnaꞌntit aꞌcxniꞌ orarlīyāꞌtit. Chuntzaꞌ naquimakxteka naꞌicaꞌnāchaꞌ.
\s Cāmacāꞌniꞌca saludos ē squiꞌniꞌca Dios cacāsicuaꞌlanātlahualh
\p
\v 23 Epafras tī quintāꞌtachīꞌn ixpālacata Jesucristo macāꞌniꞌyān saludos.
\v 24 Nā tamacāꞌniꞌyān saludos Marcos ē Aristarco ē Demas ē Lucas tī quintatāꞌscuja.
\p
\v 25 QuiMāpaꞌksīniꞌ Jesucristo cacāsicuaꞌlanātlahuan. Amén.