\id REV
\h Apocalipsis
\toc1 Apocalipsis
\mt Apocalipsis
\c 1
\s Jesucristo māsuꞌyulh tū tatzoꞌkniꞌ huāꞌmāꞌ nac libro
\p
\v 1 Tatzoꞌkniꞌ huāꞌmāꞌ nac libro tū māsuꞌyulh Jesucristo. Dios huanli tzamāꞌ, ixpālacata ixlacasquiꞌn Jesucristo ixcāmāsuꞌyuniꞌlh ixtachiꞌxcuhuīꞌt Dios tū palaj naꞌaꞌkspula. Nā quit, Juan, nā ictapaꞌksīniꞌ Dios. Jesucristo quilakmacamilh ixángel naquimācaꞌtzīnī tzamāꞌ tū naꞌaꞌkspula.
\v 2 Quit icmāsuꞌyukōꞌ ixlīpōꞌktu tū iclaktzīꞌnīꞌt. Āꞌtzāꞌ naꞌictzoꞌka tū Dios quimācaꞌtzīnīlh. Ūꞌtzaꞌ tū Jesucristo māsuꞌyulh.
\p
\v 3 Līpāxuhua tī natalīkelhtahuaꞌkaꞌ tzamāꞌ tachihuīn tū tatzoꞌkniꞌ nac huāꞌmāꞌ libro. Līpāxuhua tī takexmata ē takexmatniꞌ huāꞌmāꞌ tachihuīn tū līmāsuꞌyukōꞌca tū naꞌaꞌkspula. Jātzaꞌ aꞌklhūhuaꞌ quilhtamacuj aꞌcxniꞌ naꞌaꞌkspula huāꞌmāꞌ.
\s Juan cātzoꞌknuniꞌlh xalanīꞌn nac aꞌktojon cāꞌlacchicniꞌ
\p
\v 4 Quit, Juan, iccātzoꞌknuniꞌyān huiꞌxinaꞌn tī ixtachiꞌxcuhuīꞌt Dios xalanīꞌn nac aꞌktojon cāꞌlacchicniꞌ nac Asia. Dios cacāsicuaꞌlanātlahuan huiꞌxinaꞌn ē tzej calatapāꞌtit. Dios, ūꞌtzaꞌ tī huīꞌlh ē pōꞌktu quilhtamacuj ixuīꞌlh ē pōꞌktu quilhtamacuj natahuiꞌla. Nā cacāsicuaꞌlanātlahuan huiꞌxinaꞌn Espíritu Santo. Ūꞌtzaꞌ tī tasuꞌyu huaꞌchi aꞌktojon pūmaksko na ixlacatīn laclhtahuīꞌlh tū ixpūmāpaꞌksīn Dios.
\v 5 Cacāsicuaꞌlanātlahuan huiꞌxinaꞌn Jesucristo, tī māsuꞌyu tū ixlīcānaꞌ. Ūꞌtzaꞌ tī xapūla lacastālancuanaꞌnli. Xlaꞌ cāmāpaꞌksī xanapuxcuꞌnuꞌ xalanīꞌn nac cāꞌquilhtamacuj. Xlaꞌ quincāpāxquīꞌyān ē xlaꞌ nīlh naquincāxapaniꞌyān ixlīpōꞌktu quincuentacaꞌn.
\v 6 Xlaꞌ quincālacsacuiꞌlīnīꞌtaꞌn natāꞌmāpaꞌksīniꞌnāuj. Quincāmaxquīꞌnīꞌtaꞌn aꞌktin quintascujūtcaꞌn ē chuntzaꞌ nalaktaquilhpūtayāuj Dios tī ixTātaꞌ. Calakachiꞌxcuhuīꞌca Jesucristo. Xlaꞌ camāpaꞌksīniꞌlh pōꞌktu quilhtamacuj. Amén.
\p
\v 7 Nalaktzīꞌncan chī xlaꞌ nayujāchi nac aꞌkapūn ē namin nac poklhnuꞌ. Ixlīpōꞌktucaꞌn natalaktzīꞌn. Nā natalaktzīꞌn pōꞌktu tī taxtokohuaꞌcaꞌlh nac cruz. Ixlīpōꞌktucaꞌn tachiꞌxcuhuīꞌt xalanīꞌn nac cāꞌquilhtamacuj natalīpuhuan ixpālacata. Chuntzaꞌ naꞌaꞌkspula. Amén.
\p
\v 8 Chihuīnaꞌnli Māpaꞌksīniꞌ Dios tī kaꞌlhīkōꞌ ixlīpōꞌktu lītliꞌhuiꞌqui, ē ūꞌtzaꞌ tī huīꞌlh ē pōꞌktu quilhtamacuj ixuīꞌlh ē pōꞌktu quilhtamacuj natahuiꞌla. Xlaꞌ huanli: “Quit huaꞌchi letra A tū lītzucu alfabeto ē huaꞌchi letra Z tū ixlīꞌaꞌksputniꞌ, ixpālacata quit xalītzucuniꞌ ē ixlīꞌaꞌksputniꞌ.”
\s Juan lakachuyalh
\p
\v 9 Quit, Juan, mintāꞌtincaꞌn huiꞌxinaꞌn. Quinaꞌn tapaꞌksīniꞌyāuj Jesucristo. Quit iccātāꞌpātīniꞌmāꞌn ē iccātāꞌtāyaniꞌyān huiꞌxinaꞌn ixpālacata Jesucristo. Quit quimacaminca naꞌictachoko chī tachīꞌn nac Patmos tū pītzunaꞌj tiꞌyaꞌt na ixpuꞌnan mar. Quinchiꞌpacanīꞌt ixpālacata xaꞌicmāsuꞌyumāꞌlh ixtachihuīn Dios ē tū ixlīcānaꞌ ixpālacata Jesucristo.
\v 10 Aꞌktin quilhtamacuj tū pūjāxcan ixpālacata Jesucristo, icmakcaꞌtzīlh ixlītliꞌhuiꞌqui Espíritu Santo. Ickexmatli aꞌktin palhaꞌ tachihuīn na quinchakēn. Ūꞌtzaꞌ huaꞌchi aꞌktin līskoliꞌ tū palhaꞌ macasāꞌnan
\v 11 ē quihuanilh:
\p ―Quit xapūla ē āꞌxmān, chī letra A tū lītzucu alfabeto, ē chī letra Z tū ixlīꞌaꞌksputniꞌ. Catzoꞌkti tū nalaktzīꞌnaꞌ ē nacāmacapiniꞌyaꞌ caꞌpsnap ixtachiꞌxcuhuīꞌt Dios nac aꞌktojon cāꞌlacchicniꞌ nac Asia. Cacāmacapi nac Efeso ē nac Esmirna ē nac Pérgamo ē nac Tiatira ē nac Sardis ē nac Filadelfia ē nac Laodicea ―quihuanica.
\p
\v 12 Ictalakspiꞌtli naꞌiclaktzīꞌn tīchu quintāꞌchihuīnaꞌnli. Iccālaktzīꞌlh tayānaꞌlh aꞌktojon pūmaksko tū xaꞌoro.
\v 13 Na ixlacpuꞌnaꞌiꞌtāt pūmaksko, ixyālh chāꞌtin tī ixtasuꞌyu huaꞌchi chiꞌxcuꞌ. Ixluꞌxuꞌ pūlhmāꞌn ixuanīꞌt ē ixchāꞌn na ixtujan. Ixkaꞌlhī kentin ixlīchīꞌcān tū xaꞌoro na ixcuꞌxan.
\v 14 Ixyaꞌj stalaꞌnkaꞌ ixuanīꞌt chī ixchiꞌxit purecu ē chī miqui. Ixlakastapun ixtasuꞌyu chī xalamanaꞌt macscut.
\v 15 Ixtujan īꞌxkaka chī līcāꞌn tū ixcāxtlahuacanīꞌt nac pūlhcuyun. Aꞌcxniꞌ ixchihuīnaꞌn, ixmacasāꞌnan huaꞌchi lhūhuaꞌ xcān.
\v 16 Na ixmacapekcānaꞌj ixcālēꞌmāꞌlh aꞌktojon staꞌcu. Na ixquilhniꞌ taxtulh kentin espada staꞌyaꞌncaꞌ kēstītuꞌ. Nā ixlacan īꞌxkaka chī chiꞌchiniꞌ aꞌcxniꞌ chī huaꞌchi tastuꞌnūt.
\p
\v 17 Aꞌcxniꞌ iclaktzīꞌlh quit icaꞌkāꞌlh na ixtujan chī chāꞌtin nīn. Xlaꞌ quilīxaꞌmalh ixmacapekcānaꞌj ē quihuanilh:
\p ―Jā cajicuaꞌnti. Quit xapūla ē āꞌxmān.
\v 18 Quit xalakahuan. Quit xaꞌicnīnīꞌt ē chuhuaꞌj icstālancuanaꞌnli ē naꞌictahuiꞌla pōꞌktu quilhtamacuj. Quit ickaꞌlhī līmāpaꞌksīn līnīn ē cāꞌlīnīn.
\v 19 Catzoꞌkti tū huiꞌx laktzīꞌnīꞌtaꞌ ē tū aꞌkspulamāꞌlh ē tū naꞌaꞌkspula.
\v 20 Tatzēꞌknīꞌt tū huanicuꞌtun aꞌktojon staꞌcu tū huiꞌx laꞌktziꞌ na quimacapekcānaꞌj. Nā tatzēꞌknīꞌt tū huanicuꞌtun aꞌktojon pūmaksko tū xaꞌoro. Tū huanicuꞌtun, ūꞌtzaꞌ huāꞌmāꞌ: aꞌktojon staꞌcu, ūꞌtunuꞌn xanapuxcuꞌnuꞌ aꞌktojon templo. Aꞌktojon pūmaksko ūꞌtzaꞌ quintachiꞌxcuhuīꞌt nac aꞌktojon cāꞌlacchicniꞌ.
\c 2
\s Tū Jesucristo cāmācaꞌtzīnīlh xalanīꞌn nac Efeso
\p
\v 1 Nā quihuanilh:
\p ―Chuntzaꞌ catzoꞌknuꞌniꞌ xapuxcuꞌ xalanīꞌn nac Efeso tī tatapaꞌksīniꞌ Dios: “Ūꞌtzaꞌ huāꞌmāꞌ tū cāhuaniyān tī cālēꞌmāꞌlh aꞌktojon staꞌcu na ixmacapekcānaꞌj, ē latlāꞌhuan na ixlacpuꞌnaꞌiꞌtātcaꞌn aꞌktojon pūmaksko tū xaꞌoro. Xlaꞌ huan:
\v 2 Quit iccaꞌtzī ixlīpōꞌktu tū tlahuanīꞌtaꞌntit huiꞌxinaꞌn. Quit iccaꞌtzī scujnīꞌtaꞌntit ē tāyaniꞌnīꞌtaꞌntit ē jā jiclhuaꞌnīꞌtaꞌntit. Quit iccaꞌtzī huiꞌxinaꞌn jā cālīpātīyāꞌtit tī jā lactze chiꞌxcuhuīꞌn. Cuenta tlahuaꞌyāꞌtit tī tahuan xlacaꞌn apóstoles masqui jā apóstoles. Chuntzaꞌ huiꞌxinaꞌn cālīlakapasnīꞌtaꞌntit tī xmān taꞌaꞌkskāhuīꞌnin.
\v 3 Huiꞌxinaꞌn tāyaniꞌnīꞌtaꞌntit ē pātīniꞌnīꞌtaꞌntit quimpālacata ē jā jiclhuaꞌnīꞌtaꞌntit.
\v 4 Masqui tlahuakōꞌyāꞌtit ixlīpōꞌktu huāꞌmāꞌ, aꞌnan tū jā iclakatī chī tlahuaꞌyāꞌtit huiꞌxinaꞌn. Ūꞌtzaꞌ huāꞌmāꞌ: Huiꞌxinaꞌn jātzaꞌ quilāpāxquīꞌyāuj chī xapūla.
\v 5 Calacapāstacnaꞌntit chī tzej ixquilāpāxquīꞌyāuj huiꞌxinaꞌn xapūla. Chuhuaꞌj jātzaꞌ quilāpāxquīꞌyāuj chuntzaꞌ. Chuhuaꞌj calakpalīꞌtit mintalacapāstacniꞌcaꞌn ē catlahuaꞌtit chī ixtlahuaꞌyāꞌtit xapūla. Palh jā nalakpalīꞌyāꞌtit mintalacapāstacniꞌcaꞌn, quit naꞌiccālakminān huiꞌxinaꞌn ē naꞌicmāpānū pūmaksko na mimpuꞌnancaꞌn.
\v 6 Chuntzaꞌ chī huiꞌxinaꞌn quiclh laktzīꞌnāꞌtit tū tatlahua āꞌmakapitzīn tī cāhuanican nicolaítas chuntzaꞌ chī quit quiclh iclaktzīꞌn.
\v 7 Tī kexpaꞌtāꞌtit, tzej cakexpaꞌttit tū Espíritu Santo cāhuani ixtachiꞌxcuhuīꞌt Dios. Tī tatlajanaꞌn, quit naꞌiccāmakxteka natahuaꞌ ixtahuaꞌcaꞌt quiꞌhuiꞌ tū māstāꞌ xasāstiꞌ latamat. Ūꞌtzaꞌ tū yālh jā māpaꞌksīniꞌn Dios.”
\s Tū Jesucristo cāmācaꞌtzīnīlh xalanīꞌn nac Esmirna
\p
\v 8 Nā Espíritu Santo quihuanilh:
\p ―Chuntzaꞌ catzoꞌknuꞌniꞌ xapuxcuꞌ xalanīꞌn nac Esmirna tī tatapaꞌksīniꞌ Dios: “Ūꞌtzaꞌ huāꞌmāꞌ tū cāhuaniyān tī xapūla ē āꞌxmān, tī nīlh ē lacastālancuanaꞌnli. Xlaꞌ huan:
\v 9 Quit iccaꞌtzī chī līpātīniꞌmpāꞌnaꞌntit huiꞌxinaꞌn. Quit iccaꞌtzī huiꞌxinaꞌn lacxcamanīnīꞌn. Masqui jā lacricujnuꞌ huiꞌxinaꞌn, kaꞌlhīꞌyāꞌtit tū ixtapalh. Quit iccaꞌtzī cātalīꞌaꞌksaꞌnān huiꞌxinaꞌn tī tahuan xlacaꞌn israelitas ē xmān taꞌaꞌkskāhuīꞌnin. Xlacaꞌn tatapaꞌksīniꞌ skāhuīꞌniꞌ.
\v 10 Jā cajicuaꞌniꞌtit huiꞌxinaꞌn tū nacāꞌaꞌkspulayān. Skāhuīꞌniꞌ nacāmāchīꞌnīniꞌnān huiꞌxinaꞌn, ixpālacata xlaꞌ lacasquiꞌn huiꞌxinaꞌn nataxtutāyayāꞌtit na ixtej Dios. Huiꞌxinaꞌn napātīniꞌnāꞌtit aꞌkcāuj quilhtamacuj. Naquilāꞌaꞌkaꞌīꞌniꞌyāuj xmān quit hasta aꞌcxniꞌ nanīꞌyāꞌtit. Ē quit naꞌiccāmaxquīꞌyān xasāstiꞌ latamat.
\v 11 Tī kexpaꞌtāꞌtit, tzej cakexpaꞌttit tū Espíritu Santo cāhuani ixtachiꞌxcuhuīꞌt Dios. Tī tatlajanaꞌn, xlacaꞌn jā catitapātīniꞌlh nac pūpātīn.”
\s Tū Jesucristo cāmācaꞌtzīnīlh xalanīꞌn nac Pérgamo
\p
\v 12 Nā Espíritu Santo quihuanilh:
\p ―Chuntzaꞌ catzoꞌknuꞌniꞌ xapuxcuꞌ xalanīꞌn nac Pérgamo tī tatapaꞌksīniꞌ Dios: “Ūꞌtzaꞌ huāꞌmāꞌ tū cāhuaniyān tī kaꞌlhī espada staꞌyaꞌncaꞌ kēstītuꞌ. Xlaꞌ huan:
\v 13 Quit iccaꞌtzī ixlīpōꞌktu tū tlahuanīꞌtaꞌntit huiꞌxinaꞌn. Iccaꞌtzī huiꞌlāꞌnaꞌntit jā māpaꞌksīniꞌn skāhuīꞌniꞌ. Masqui huiꞌlāꞌnaꞌnchipitit aꞌntzaꞌ, quilākexmatniꞌyāuj. Na mincāꞌlacchicniꞌcaꞌn aꞌntzaꞌ huīꞌlh skāhuīꞌniꞌ. Aꞌntzaꞌ maknīca Antipas tī tzej ixmāsuꞌyu quimpālacata. Huiꞌxinaꞌn jā makxteknīꞌtaꞌntit chī aꞌkaꞌīꞌnīꞌtaꞌntit.
\v 14 Masqui chuntzaꞌ tlahuaꞌyāꞌtit tū tze, aꞌnampala tū tlahuaꞌyāꞌtit huiꞌxinaꞌn ē quit jā quiminīꞌniꞌ. Makapitzīn huiꞌxinaꞌn aꞌkaꞌīꞌyāꞌtit tū ixmāsuꞌyu Balaam. Xlaꞌ huanilh Balac cacāmātlahuīlh israelitas tū jā tze. Balac cāhuanilh tzē natahuaꞌ catūhuālh tū cāmaxquīꞌcanīꞌttzaꞌ ídolos. Nā cāhuanilh tzē natakaꞌlhī ixtāꞌlāpāxquīꞌncaꞌn.
\v 15 Nā makapitzīn chī huiꞌxinaꞌn jā makxtekcuꞌtunāꞌtit tū tamāsuꞌyu nicolaítas tū quit iclakmakaꞌn.
\v 16 Calakpalīꞌtit mintalacapāstacniꞌcaꞌn. Palh jā nalakpalīꞌyāꞌtit, quit naꞌiccālakmimpalayān ē naꞌiccātāꞌlātlahua xlacaꞌn tī taꞌaꞌkaꞌīꞌ chī nicolaítas. Naꞌiccātāꞌlālītucsa tū nataxtu na quinquilhniꞌ tū huaꞌchi espada.
\v 17 Tī kexpaꞌtāꞌtit, tzej cakexpaꞌttit tū Espíritu Santo cāhuani ixtachiꞌxcuhuīꞌt Dios. Tī tatlajanaꞌn, quit naꞌiccāmaxquīꞌ macstiꞌnaꞌj ixlīhuaꞌtcaꞌn maná tū jā lakapascan. Nā naꞌiccāmaxquīꞌ chāꞌtunuꞌ xlacaꞌn xastalaꞌnkaꞌ chihuix jā tatzoꞌkniꞌ aꞌktin xasāstiꞌ tacuhuīniꞌ. Nūn chāꞌtin caꞌtzī tzamāꞌ tacuhuīniꞌ, xmān ūꞌtunuꞌn tī natamaktīniꞌn huāꞌmāꞌ chihuix.”
\s Tū Jesucristo cāmācaꞌtzīnīlh xalanīꞌn nac Tiatira
\p
\v 18 Espíritu Santo quihuanilh:
\p ―Chuntzaꞌ catzoꞌknuꞌniꞌ xapuxcuꞌ xalanīꞌn nac Tiatira tī tatapaꞌksīniꞌ Dios: “Ūꞌtzaꞌ huāꞌmāꞌ tū cāhuaniyān īꞌSkaꞌtaꞌ Dios tī kaꞌlhī ixlakastapun chī xalamanaꞌt macscut ē ixtujan taxkaka huaꞌchi līcāꞌn tū xaslamama. Xlaꞌ huan:
\v 19 Quit iccaꞌtzī tū tlahuaꞌyāꞌtit huiꞌxinaꞌn. Quit iccaꞌtzī chī lāpāxquīꞌyāꞌtit ē chī quilālakachiꞌxcuhuīꞌyāuj ē chī quilātāꞌscujāuj ē chī tāyaꞌniꞌyāꞌtit. Quit iccaꞌtzī chuhuaꞌj huiꞌxinaꞌn tlahuaꞌyāꞌtit āꞌchulāꞌ xatze ē jā chī xapūla.
\v 20 Masqui chuntzaꞌ tlahuaꞌyāꞌtit aꞌnampala catūhuālh tū tlahuaꞌpalayāꞌtit huiꞌxinaꞌn tū jā quiminīꞌniꞌ. Ūꞌtzaꞌ huāꞌmāꞌ: Huiꞌxinaꞌn tamakxtekāꞌtit cāmāsuꞌyuniꞌyān puscāt tī huanican Jezabel. Huāꞌmāꞌ puscāt cāhuaniyān xlaꞌ māsuꞌyu ixtachihuīn Dios. Jā ixlīcānaꞌ tū māsuꞌyu. Chuntzaꞌ cālīꞌaꞌkskāhuīꞌmāꞌn tū cāmāsuꞌyuniꞌyān. Ūꞌtzaꞌ lītlahuaꞌyāꞌtit tū jā tze huiꞌxinaꞌn tī quilātapaꞌksīniꞌyāuj quit. Ē kaꞌlhīꞌyāꞌtit mintāꞌlāpāxquīꞌncaꞌn ē huaꞌyāꞌtit tū cāmaxquīꞌcanīꞌt ídolos.
\v 21 Quit xaꞌickaꞌlhīmāꞌlh palh tzamāꞌ puscāt nalakpalī ixtalacapāstacniꞌ. Xlaꞌ jā makxtekcuꞌtun tū jā tze.
\v 22 Ūꞌtzaꞌ quit naꞌiclīmaxquīꞌ aꞌktin taꞌjatat tzamāꞌ puscāt. Xlaꞌ natamāꞌ na ixtamaꞌ ē napātīniꞌn. Ixtāꞌlāpāxquīꞌnīꞌn nā xlacaꞌn natapātīniꞌn. Chuntzaꞌ naꞌictlahua palh xlacaꞌn jā tamakxteka tatlahua tū jā tze.
\v 23 Nā naꞌiccāmaknī ixlacstīn tzamāꞌ puscāt. Chuntzaꞌ natacaꞌtzīkōꞌ ixlīpōꞌktucaꞌn tī quintatapaꞌksīniꞌ quit iclakapaskōꞌ ixtalacapāstacniꞌcaꞌn chiꞌxcuhuīꞌn. Quit naꞌiccāmaxquīꞌyān mintatlajcaꞌn chāꞌtunuꞌ huiꞌxinaꞌn chuntzaꞌ chī tlahuanīꞌtaꞌntit.
\v 24 Chuhuaꞌj macstiꞌnaꞌj naꞌiccāhuaniyān āꞌmakapitzīn huiꞌxinaꞌn xalanīꞌn nac Tiatira. Naꞌiccāhuaniyān macstiꞌnaꞌj huiꞌxinaꞌn tī jā stālaniꞌnīꞌtaꞌntit tū māsuꞌyu puscāt Jezabel ē jā makscaꞌtnīꞌtaꞌntit tū ixtalacasquiꞌnīn skāhuīꞌniꞌ. Quit jā iccāhuaniyān huiꞌxinaꞌn palh catlahuaꞌpalaꞌtit āꞌchulāꞌ tū xatze.
\v 25 Xmān iccāhuaniyān huiꞌxinaꞌn jā maktin camakxtektit tū ixlīcānaꞌ hasta aꞌcxniꞌ naꞌicmimpala quit.
\v 26 Tī tatlajanaꞌn ē quintakexmatniꞌ hasta aꞌcxniꞌ nasputa ixlatamatcaꞌn, quit naꞌiccāmaxquīꞌ līmāpaꞌksīn. Xlacaꞌn natamāpaꞌksī ixlīpōꞌktu cāꞌlacchicniꞌ.
\v 27 Naꞌiccāmaxquīꞌ līmāpaꞌksīn tū quimaxquīꞌnīꞌt quinTātaꞌ. Xlacaꞌn palhaꞌ natamāpaꞌksī cāꞌlacchicniꞌ. Natamālaksputū tī jā takexmatcuꞌtun, chuntzaꞌ chī chāꞌtin aꞌcxniꞌ paꞌklha pātin tlaꞌmaꞌnc hasta lacpītzun taxtu.
\v 28 Nā xlacaꞌn naꞌiccāmaxquīꞌ tū huaꞌchi aꞌktin mātuncuīnīꞌ staꞌcu.
\v 29 Tī kexpaꞌtāꞌtit, tzej cakexpaꞌttit tū Espíritu Santo cāhuani ixtachiꞌxcuhuīꞌt Dios.”
\c 3
\s Tū Jesucristo cāmācaꞌtzīnīlh xalanīꞌn nac Sardis
\p
\v 1 Espíritu Santo quihuanilh:
\p ―Chuntzaꞌ catzoꞌknuꞌniꞌ xapuxcuꞌ xalanīꞌn nac Sardis tī tatapaꞌksīniꞌ Dios: “Ūꞌtzaꞌ huāꞌmāꞌ tū cāhuaniyān tī macāꞌn Espíritu Santo nac aꞌktojon cāꞌlacchicniꞌ ē tī cālēꞌmāꞌlh aꞌktojon staꞌcu. Xlaꞌ huan: Quit iccaꞌtzī tū tlahuaꞌyāꞌtit huiꞌxinaꞌn. Masqui huancan huiꞌxinaꞌn lakahuaꞌnāꞌtit, quit iccālaktzīꞌnān chī xanīnīꞌn.
\v 2 Skalalh catahuiꞌlaꞌtit. Āꞌchulāꞌ cakexpaꞌtniꞌtit Dios. Palh jā nakexpaꞌtniꞌyāꞌtit āꞌchulāꞌ, huiꞌxinaꞌn palhāsāꞌ xamaktin napātzaꞌnkāyāꞌtit Dios. Jā mākentaxtūnīꞌtaꞌntit ixlīmāpaꞌksīn Dios.
\v 3 Calacapāstactit tū cātamāsuꞌyuniꞌn ē tū kexpaꞌtnīꞌtaꞌntit. Cakexpaꞌttit ē calakpalīꞌtit mintalacapāstacniꞌcaꞌn. Palh jā skalalh natahuiꞌlayāꞌtit, quit naꞌicmin xamaktin huaꞌchi chāꞌtin kaꞌlhānaꞌ. Jā caꞌtzīcan aꞌcxniꞌ namin. Ē jā caticaꞌtzītit aꞌcxniꞌ naꞌicchin quit.
\v 4 Xmān makapitzīn huiꞌxinaꞌn tī jā makahuasnīꞌtaꞌntit. Xlacaꞌn naquintatāꞌlatāꞌkchoko. Natalhakāꞌ xastalaꞌnkaꞌ luꞌxuꞌ. Chuntzaꞌ ixlacasquiꞌnca ixpālacata xlacaꞌn tatlahua tū xatze na ixlacatīn Dios.
\v 5 Tī tatlajanaꞌn, xlacaꞌn natalhakāꞌ xastalaꞌnkaꞌ luꞌxuꞌ. Quit jā icticāxapaniꞌlh ixtacuhuīniꞌcaꞌn nac libro jā cātzoꞌkcanīꞌt ixtacuhuīniꞌcaꞌn tī takaꞌlhī xasāstiꞌ ixlatamatcaꞌn. Naꞌiclīchihuīnaꞌn na ixlacatīn quinTātaꞌ ē na ixlacatīncaꞌn ixángeles chī xlacaꞌn quintatapaꞌksīniꞌ quit.
\v 6 Tī kexpaꞌtāꞌtit, tzej cakexpaꞌttit tū Espíritu Santo cāhuani ixtachiꞌxcuhuīꞌt Dios.”
\s Tū Jesucristo cāmācaꞌtzīnīlh xalanīꞌn nac Filadelfia
\p
\v 7 Espíritu Santo quihuanilh:
\p ―Chuntzaꞌ catzoꞌknuꞌniꞌ xapuxcuꞌ xalanīꞌn nac Filadelfia tī tatapaꞌksīniꞌ Dios: “Ūꞌtzaꞌ huāꞌmāꞌ tū cāhuaniyān tī xmān ixlīcānaꞌ tū huan ē ūꞌtzaꞌ Dios. Xlaꞌ ūꞌtzaꞌ kaꞌlhī llave tū ixkaꞌlhī rey David. Tū xlaꞌ mālaquīꞌ, jāla tī namālacchō. Tū xlaꞌ mālacchō, nā jāla tī namālaquīꞌ. Xlaꞌ huan:
\v 8 Quit iccaꞌtzī tū tlahuaꞌyāꞌtit huiꞌxinaꞌn. Quit iccaꞌtzī huiꞌxinaꞌn kaꞌlhīꞌyāꞌtitcus macstiꞌnaꞌj tahuixcān. Huiꞌxinaꞌn stālaniꞌnīꞌtaꞌntit tū iccāmāsuꞌyuniꞌn ē quilākexmatniꞌnīꞌtaꞌuj. Quit icmālaquīꞌnīꞌt aꞌktin mākelhcha na milacatīncaꞌn ē jā tī tzē namālacchō.
\v 9 Ūꞌtzaꞌ huāꞌmāꞌ tū naꞌictlahua: Quit naꞌiccāmātzokostī, na milacatīncaꞌn, xlacaꞌn tī tatāꞌscuja skāhuīꞌniꞌ. Xlacaꞌn tahuan israelitas masqui jā israelitas. Xmān taꞌaꞌkskāhuīꞌnin. Xlacaꞌn natacaꞌtzī quit iccāpāxquīꞌyān huiꞌxinaꞌn.
\v 10 Quit iccāmāpaꞌksīn huiꞌxinaꞌn natāyaniꞌyāꞌtit macstiꞌnaꞌj. Huiꞌxinaꞌn lakachiꞌxcuhuīꞌyāꞌtit huāꞌmāꞌ līmāpaꞌksīn, ē tāyaniꞌnīꞌtaꞌntit, ē quit naꞌiccāmaktāyayān aꞌcxniꞌ namin tū natapūpātīniꞌn ixlīpōꞌktucaꞌn xalanīꞌn nac cāꞌquilhtamacuj. Aꞌcxniꞌ naꞌaꞌkspula huāꞌmāꞌ, nacaꞌtzīcan tī ixlīcānaꞌ taꞌaꞌkaꞌīꞌ.
\v 11 Quit palaj naꞌicmimpala. Jā camakxtektit tū maktīniꞌnīꞌtaꞌntit. Chuntzaꞌ jā tī caticāmāmakchuyīn namaktīniꞌnāꞌtit mintatlajcaꞌn.
\v 12 Xlacaꞌn tī tatlajanaꞌn, quit naꞌiccātlahua huaꞌchi xatantūnīꞌn ixtemplo quinDios. Jā maktin catitataxtulh nac templo. Nac tzamāꞌ tantūnīꞌn naꞌiccātzoꞌkuiꞌlī ixtacuhuīniꞌ quinDios ē ixtacuhuīniꞌ ixcāꞌlacchicniꞌ quinDios. Ūꞌtzaꞌ tū huanican Jerusalén xasāstiꞌ tū nayujāchi nac aꞌkapūn jā huiꞌlachaꞌ Dios. Ē xasāstiꞌ quintacuhuīniꞌ nā naꞌiccātzoꞌkuiꞌlī nac tzamāꞌ tantūnīꞌn.
\v 13 Tī kexpaꞌtāꞌtit, tzej cakexpaꞌttit tū Espíritu Santo cāhuani ixtachiꞌxcuhuīꞌt Dios.”
\s Tū Jesucristo cāmācaꞌtzīnīlh xalanīꞌn nac Laodicea
\p
\v 14 Espíritu Santo quihuanilh:
\p ―Chuntzaꞌ catzoꞌknuꞌniꞌ xapuxcuꞌ xalanīꞌn nac Laodicea tī tatapaꞌksīniꞌ Dios: “Ūꞌtzaꞌ huāꞌmāꞌ tū cāhuaniyān tī pōꞌktu quilhtamacuj chihuīnaꞌn tū ixlīcānaꞌ. Xlaꞌ pōꞌktu quilhtamacuj māsuꞌyu tū ixlīcānaꞌ. Ūꞌtzaꞌ tī mālacatzuculh ixlīpōꞌktu tū Dios ixlacasquiꞌn naꞌaꞌnan. Xlaꞌ huan:
\v 15 Quit iccaꞌtzī tū tlahuanīꞌtaꞌntit huiꞌxinaꞌn. Huiꞌxinaꞌn jā quilākexmatniꞌcuꞌtunāuj ē jā makxtekcuꞌtunkōꞌyāꞌtit quintachihuīn. Quit iclacasquiꞌn nalīhuiꞌlīyāꞌtit naquilākexmatniꞌyāuj o xamaktin namakxtekkōꞌyāꞌtit quintachihuīn.
\v 16 Huiꞌxinaꞌn jā līhuiꞌlīꞌnīꞌtaꞌntit tū natlahuaꞌyāꞌtit, ē ūꞌtzaꞌ iccālīmakxtekcuꞌtunān.
\v 17 Huiꞌxinaꞌn huaꞌnāꞌtit: Quinaꞌn lacricujnuꞌ. Pōꞌktu tzej quincātaꞌaꞌnīꞌnaniꞌyān ē jā tū quincāsputniꞌyān. Chuntzaꞌ huaꞌnāꞌtit. Huiꞌxinaꞌn jā caꞌtzīyāꞌtit. Huiꞌxinaꞌn huiꞌlāꞌnaꞌntit xatalakmakaꞌniꞌ ē cāꞌlīlakalhuꞌmanat huiꞌxinaꞌn. Quit iccālaktzīꞌnān huiꞌxinaꞌn chī xcamanīnīꞌn ē maclhpiꞌmpiꞌliꞌn ē lakatzīꞌnīꞌn.
\v 18 Quit iccāhuaniyān: Caquilāmaktamāhuáuj oro tū xacāxlanīꞌttzaꞌ. Chuntzaꞌ nalītaxtuyāꞌtit lacricujnuꞌ. Nā caquilāmaktamāhuáuj miluꞌxuꞌcaꞌn xastalaꞌnkaꞌ tū nalhakāꞌyāꞌtit ixpālacata jā naꞌiccālaktzīꞌnān palh maclhpiꞌmpiꞌliꞌn huiꞌxinaꞌn ē chuntzaꞌ jā catimāxanaꞌntit. Caquilāmaktamāhuáuj līcuꞌchuꞌ ē nacātalīlacatlahuayān ē chuntzaꞌ tzej nalacahuānaꞌnāꞌtit.
\v 19 Ixlīpōꞌktucaꞌn tī iccāpāxquīꞌ, quit iccālacaquilhnī ē iccāmakapātīnīn aꞌcxniꞌ xlacaꞌn tatlahua tū jā tze. Nā lacxtim nacāꞌaꞌkspulayān palh natlahuaꞌyāꞌtit tū jā tze. Tzej calacapāstactit ē calakpalīꞌtit mintalacapāstacniꞌcaꞌn.
\v 20 Quit icyālh nac mākelhcha ē ictoklhmāꞌlh. Palh chāꞌtin nakexmata quintachihuīn ē namālaquīꞌ, quit naꞌictanū na ixchic. Quinaꞌn naꞌictāꞌhuāꞌyānāuj.
\v 21 Tī tatlajanaꞌn, quit naꞌiccāmakxteka xlacaꞌn naquintatāꞌmāpaꞌksīniꞌn chuntzaꞌ chī quit ictlajanaꞌlh ē chuhuaꞌj ictāꞌmāpaꞌksīniꞌn quinTātaꞌ.
\v 22 Tī kexpaꞌtāꞌtit, tzej cakexpaꞌttit tū Espíritu Santo cāhuani ixtachiꞌxcuhuīꞌt Dios.”
\c 4
\s Chī lakachiꞌxcuhuīꞌcan Dios nac aꞌkapūn
\p
\v 1 Āꞌlīstān quit, Juan, iclaktzīꞌmpālh aꞌktin talakahuān. Quit iclaktzīꞌlh aꞌktin mākelhcha laquīꞌyālh nac aꞌkapūn. Ickexmatpālh tachihuīn chuntzaꞌ chī ickexmatli xapūla ē tū huaꞌchi aꞌktin līskoliꞌ. Huāꞌmāꞌ tachihuīn quihuanilh:
\p ―Catahuaꞌcaꞌ huāꞌtzāꞌ. Quit naꞌicmāsuꞌyuniꞌyān tū naꞌaꞌkspula āꞌlīstān.
\p
\v 2 Palaj tunca Espíritu Santo quilēꞌlh nac aꞌkapūn. Nac aꞌkapūn ixyālh aꞌktin laclhtahuīꞌlh tū ixpūmāpaꞌksīn Dios ē aꞌntzaꞌ ixuīꞌlh chāꞌtin.
\v 3 Tī ixuīꞌlh nac pūtahuīꞌlh, ixlacan īꞌxkaka chī aꞌktin chihuix tū tzēhuanīꞌt ē tū xkaka chī jaspe ē chī cornalina. Na ixmacniꞌ pūtahuīꞌlh ixyālh aꞌktin macxculiꞌncāꞌt chī aꞌktin chihuix xascaꞌyāꞌhuaꞌ tū huanican esmeralda ē tū xatapalaxlaꞌ.
\v 4 Na ixmacniꞌ pūtahuīꞌlh ixtayānaꞌmpālh puꞌxamatāꞌtiꞌ laclhtahuīꞌlh. Aꞌntzaꞌ ixtahuiꞌlānaꞌlh puꞌxamatāꞌtiꞌ lakōluꞌn. Stalaꞌnkaꞌ ixtalhakāꞌncaꞌn. Ixtacucuiꞌlānaꞌlh ixcoronacaꞌn tū xaꞌoro.
\v 5 Ē taxtulh nac pūtahuīꞌlh makliꞌpit ē jiliniꞌ ē tachihuīn. Na ixlacatzunaꞌj kentojon kaꞌtlaꞌ macscut ixtalamayānaꞌlh. Ixtayānaꞌlh na ixlacatzunaꞌj pūtahuīꞌlh. Xlaꞌ ūꞌtzaꞌ tū huanicuꞌtun Espíritu Santo.
\v 6 Na ixlacatzunaꞌj pūtahuīꞌlh ixmāꞌlh huaꞌchi aꞌktin mar tū huaꞌchi vidrio.
\p Na ixlacatzunaꞌj pūtahuīꞌlh ixtayānaꞌlh kelhatāꞌtiꞌ na ixaꞌkatzāꞌstūtāꞌtiꞌ. Xlacaꞌn ixtakaꞌlhī lhūhuaꞌ ixlakastapuncaꞌn ē chuntzaꞌ tzē ixtalaktzīꞌn tū ixuīꞌlh na ixlacatīncaꞌn ē tū ixuīꞌlh na ixchakēncaꞌn.
\v 7 Chāꞌtin ixtasuꞌyu chī león. Ixlīchāꞌtuꞌ xlaꞌ ixtasuꞌyu chī lakatin huācax. Ixlīkelhatuꞌtun huampala, xlaꞌ ixkaꞌlhī ixlacan chī ixlaꞌ chiꞌxcuꞌ. Ixlīkelhatāꞌtiꞌ xlaꞌ ixtasuꞌyu chī lakatin pīchāhuaꞌ ixkosnūꞌntlāꞌhuan.
\v 8 Chāꞌtunuꞌ chī kelhatāꞌtiꞌ ixtakaꞌlhī kenachāxanāꞌn ixlīkosnuꞌcaꞌn. Ixlīkosnuꞌcaꞌn pōꞌktu lakastapun ixtakaꞌlhī na ixchakēn ē na ixlacapūn. Xlacaꞌn ixtapixtlīꞌ cāꞌcuhuīniꞌ ē tzīꞌsa. Jā maktin ixtamakxteka palh jā natahuan:
\q Calakachiꞌxcuhuīꞌca Māpaꞌksīniꞌ Dios tī kaꞌlhīkōꞌ lītliꞌhuiꞌqui
\q ē ūꞌtzaꞌ tī huīꞌlh, ē pōꞌktu quilhtamacuj ixuīꞌlh, ē pōꞌktu quilhtamacuj natahuiꞌla.
\p
\v 9 Chuntzaꞌ kelhatāꞌtiꞌ ixtamakapāxuī Dios ē ixtalakachiꞌxcuhuīꞌ ē ixtamaxquīꞌ tapāxcatcaꞌtzīn Dios tī ixuīꞌlh nac pūtahuīꞌlh ē tī huīꞌlh pōꞌktu quilhtamacuj.
\v 10 Aꞌcxniꞌ kelhatāꞌtiꞌ ixtahuan chuntzaꞌ, kelhapuꞌxamatāꞌtiꞌ lakōluꞌn ixtalaktatzokosta Dios aꞌntzaꞌ jā ixuīꞌlh na ixpūtahuīꞌlh. Chuntzaꞌ ixtamakapāxuī Dios tī huīꞌlh pōꞌktu quilhtamacuj. Ixtahuiꞌlī ixcoronacaꞌn na ixlacatīn Dios ē ixtahuan:
\q      
\v 11    QuinDioscaꞌn, huiꞌx Māpaꞌksīniꞌ ē ixlacasquiꞌnca namakapāxuīcaꞌnaꞌ ē nalakachiꞌxcuhuīꞌcaꞌnaꞌ.
\q Nā ixlacasquiꞌnca nakaꞌlhīꞌyaꞌ lhūhuaꞌ lītliꞌhuiꞌqui ixpālacata huiꞌx cāmālacatzucunīꞌtaꞌ ixlīpōꞌktu.
\q Mintalacapāstacniꞌ lakōꞌnīꞌt ixlīpōꞌktu tū aꞌnan.
\c 5
\s Caꞌpsnap ē Cordero
\p
\v 1 Quit iclaktzīꞌlh aꞌktin caꞌpsnap tū ixtapāsmilinīꞌt. Ixchiꞌpahuīꞌlh na ixmacapekcānaꞌj Dios jā ixuīꞌlh na ixpūmāpaꞌksīn. Ixtatzoꞌkniꞌ na ixchakēn ē na ixpūlacniꞌ. Caꞌpsnap ixpāsmilicanīꞌt ē ixlīlhcāꞌcanīꞌt aꞌktojon sellos.
\v 2 Quit iclaktzīꞌlh chāꞌtin ángel tliꞌhuiꞌqui. Palhaꞌ chihuīnaꞌnli ē kelhasquiꞌnīniꞌlh:
\p ―¿Tīchu kaꞌlhī līmāpaꞌksīn nalacxtīꞌta sellos jā lhcāꞌcanīꞌt ē namālakapitzi xatapāsmili caꞌpsnap?
\p
\v 3 Jā maclaca nūn chāꞌtin tī ixkaꞌlhī līmāpaꞌksīn napūxcuta caꞌpsnap ē nalaktzīꞌn na ixpūlacniꞌ. Jā maclaca nūn chāꞌtin nac aꞌkapūn ē nūn nac cāꞌtiꞌyaꞌtnaꞌ ē nūn nac cāꞌlīnīn.
\v 4 Quit xaꞌiclīcalhuan ixpālacata jā maclaca nūn chāꞌtin tī ixkaꞌlhī līmāpaꞌksīn napūxcuta tzamāꞌ caꞌpsnap ē nalaktzīꞌn na ixpūlacniꞌ tzamāꞌ caꞌpsnap.
\v 5 Chāꞌtin kōluꞌ quihuanilh:
\p ―Jā cacalhuaꞌnti. Tī ixtacuhuīniꞌ León xalaꞌ tribu ixlaꞌ Judá ē xlaꞌ ūꞌtzaꞌ īꞌxūꞌnātāꞌnat David, xlaꞌ tlajanaꞌnīꞌt. Xlaꞌ kaꞌlhī līmāpaꞌksīn nalacxtīꞌta aꞌktojon sellos ē namālakapitzi caꞌpsnap.
\p
\v 6 Āꞌlīstān iclaktzīꞌlh chāꞌtin tī ixuanican Cordero tī ixyālh na ixlacpuꞌnaꞌiꞌtātcaꞌn kelhatāꞌtiꞌ tī ixtayānaꞌlh na ixaꞌkatzāꞌstūtāꞌtiꞌ ē lakōluꞌn tī ixtahuiꞌlānaꞌlh. Cordero ixyālh masqui ixtasuꞌyu xlaꞌ ixmaknīcanīꞌttzaꞌ. Cordero ixkaꞌlhī kentojon ixaꞌkalokot ē aꞌktojon ixlakastapun. Aꞌktojon lakastapun ūꞌtzaꞌ huanicuꞌtun Espíritu Santo tī Dios macaminīꞌt na ixlīpōꞌktu nac cāꞌtiꞌyaꞌtnaꞌ.
\v 7 Xatapāsmili caꞌpsnap ixchiꞌpahuīꞌlh na ixmacapekcānaꞌj Dios jā ixuīꞌlh na ixpūmāpaꞌksīn. Tī ixtacuhuīniꞌ Cordero lakaꞌlh ē maktīniꞌlh xatapāsmili caꞌpsnap.
\v 8 Aꞌcxniꞌ maktīniꞌlh, kelhatāꞌtiꞌ tī ixtayānaꞌlh na ixaꞌkatzāꞌstūtāꞌtiꞌ ē kelhapuꞌxamatāꞌtiꞌ lakōluꞌn talaktatzokostalh Cordero. Chāꞌtunuꞌ chī lakōluꞌn ixtakaꞌlhī aꞌkatunuꞌ arpa. Ixtakaꞌlhī aꞌktin copa tū xaꞌoro jā ixmojōcan siyentzu. Ūꞌtzaꞌ ixoracioncaꞌn tī tatapaꞌksīniꞌ Dios.
\v 9 Xlacaꞌn ixtapixtlīꞌ xasāstiꞌ tapixtlīꞌn:
\q Huiꞌx minīꞌniꞌ namaktīniꞌnaꞌ caꞌpsnap ē nalacxtīꞌtaꞌ sellos tū līlhcāꞌcanīꞌt ixpālacata huiꞌx līmacamāstāꞌnaꞌncaꞌ.
\q Minkaꞌlhniꞌ ūꞌtzaꞌ līxokoꞌ ixcuentacaꞌn xalanīꞌn na ixlīpōꞌktu cāꞌquilhtamacuj ē tī tachihuīnaꞌn xtum tachihuīn ē xalanīꞌn ixlīpōꞌktu cāꞌlacchicniꞌ.
\q Chuntzaꞌ xlacaꞌn tzē natatapaꞌksīniꞌ Dios.
\q      
\v 10    Huiꞌx cālacsacuiꞌlīnīꞌtaꞌ natamāpaꞌksīniꞌn ē natatāꞌscuja Dios.
\q Xlacaꞌn natamāpaꞌksīniꞌn nac cāꞌtiꞌyaꞌtnaꞌ.
\p
\v 11 Quit iclaktzīꞌmpālh ē ickexmatli ixtachihuīncaꞌn aꞌklhūhuaꞌ millón ángeles tī ixtalītamacstiꞌliꞌnīꞌt pūtahuīꞌlh ē kelhatāꞌtiꞌ tī ixtayānaꞌlh na ixaꞌkatzāꞌstūtāꞌtiꞌ ē lakōluꞌn.
\v 12 Xlacaꞌn palhaꞌ tahuanli:
\q Minīꞌniꞌ namaxquīꞌcan lītliꞌhuiꞌqui Cordero tī maknīca.
\q Minīꞌniꞌ namaxquīꞌcan ixlīpōꞌktu.
\q Xlaꞌ kaꞌlhī ixlīpōꞌktu talacapāstacniꞌ ē tahuixcān.
\q Minīꞌniꞌ xmān ūꞌtzaꞌ nalakachiꞌxcuhuīꞌcan ē nalaktaquilhpūtacan ē namākaꞌtlīꞌcan.
\p
\v 13 Ē nā ickexmatli chī tachihuīnaꞌnli ixlīpōꞌktu tū Dios cāmālacatzuculh nac aꞌkapūn ē nac cāꞌtiꞌyaꞌtnaꞌ ē nac cāꞌlīnīn ē nac mar. Tahuanli:
\q Dios tī huīꞌlh na ixpūmāpaꞌksīn ē nā Cordero cacālaktaquilhpūtaca ē cacālakachiꞌxcuhuīꞌca ē cacāmakapāxuīca.
\q Catakaꞌlhīlh lhūhuaꞌ lītliꞌhuiꞌqui chī pōꞌktu quilhtamacuj ē chī tihuaꞌnaꞌ.
\p
\v 14 Tahuanli kelhatāꞌtiꞌ tī ixtayānaꞌlh nac aꞌkatzāꞌstūtāꞌtiꞌ:
\p ―¡Ē chuntzaꞌ calalh!
\p Kelhapuꞌxamatāꞌtiꞌ lakōluꞌn talaktaquilhpūtalh ē tamakapāxuīlh Dios tī huīꞌlh pōꞌktu quilhtamacuj ē chī tihuaꞌnaꞌ.
\c 6
\s Aꞌktojon sellos
\p
\v 1 Āꞌlīstān iclaktzīꞌlh aꞌcxniꞌ xtīꞌtli Cordero chūꞌcus xaꞌaꞌktojon sellos. Ickexmatli chī chihuīnaꞌnli chāꞌtin chī kelhatāꞌtiꞌ tī ixtayānaꞌlh na ixaꞌkatzāꞌstūtāꞌtiꞌ. Ixtachihuīn ickexmatli chī jiliniꞌ. Quihuanilh:
\p ―¡Cataꞌt laktzīꞌnaꞌ!
\p
\v 2 Quit iclaktzīꞌlh lakatin cahuāyuj xastalaꞌnkaꞌ. Tī ixkēhuīꞌlh ixkaꞌlhī aꞌktin ixaꞌksmūt. Maxquīꞌca aꞌktin corona. Xlaꞌ ixtasuꞌyu chī chāꞌtin tī ixtlajanaꞌnīꞌt ē aꞌmpālh tlajanaꞌmpala.
\p
\v 3 Āꞌlīstān Cordero xtīꞌtpālh ixlīꞌaꞌktuꞌ sello. Ickexmatli chī chihuīnaꞌnli ixlīchāꞌtuꞌ chī kelhatāꞌtiꞌ tī ixtayānaꞌlh na ixaꞌkatzāꞌstūtāꞌtiꞌ. Quihuanilh:
\p ―¡Cataꞌt laktzīꞌnaꞌ!
\p
\v 4 Taxtupālh āꞌlakatin cahuāyuj xatzuꞌtzoꞌko. Tī ixkēhuīꞌlh maxquīꞌca līmāpaꞌksīn natlahua lātaꞌlan nac cāꞌtiꞌyaꞌtnaꞌ. Maxquīꞌca līmāpaꞌksīn natalāmaknī tachiꞌxcuhuīꞌt. Maxquīꞌca kentin kaꞌtlaꞌ espada.
\p
\v 5 Āꞌlīstān Cordero xtīꞌtpālh ixlīꞌaꞌktuꞌtun sello. Ickexmatli chī chihuīnaꞌnli ixlīkelhatuꞌtun. Quihuanilh:
\p ―¡Cataꞌt laktzīꞌnaꞌ!
\p Iclaktzīꞌlh lakatin cahuāyuj xapūtzeꞌnke. Tī ixkēhuīꞌlh ixchiꞌpatēlha aꞌktin pūpūlhcān.
\v 6 Ickexmatpālh aꞌktin tachihuīn tū taxtulh ixpuꞌnancaꞌn kelhatāꞌtiꞌ tī ixtayānaꞌlh na ixaꞌkatzāꞌstūtāꞌtiꞌ. Huanli:
\p ―Aꞌktin kilo trigo ixtapalh tū tlajacan aꞌktin quilhtamacuj. Aꞌktuꞌtun kilo cebada ixtapalh tū tlajacan aꞌktin quilhtamacuj. Jā pāxcat catilīlaca aceite ē vino.
\p
\v 7 Āꞌlīstān Cordero xtīꞌtpālh ixlīꞌaꞌktāꞌtiꞌ sello. Ickexmatli chī huanli ixlīkelhatāꞌtiꞌ. Quihuanilh:
\p ―¡Cataꞌt laktzīꞌnaꞌ!
\p
\v 8 Iclaktzīꞌlh lakatin cahuāyuj xasmucucu. Tī ixkēhuīꞌlh ixmāpācuhuīcan Līnīn. Na ixchakēn ixmimāꞌchaꞌ chāꞌtin tī ixmāpācuhuīcan Cāꞌlīnīn. Xlacaꞌn cāmacamaxquīꞌca lītliꞌhuiꞌqui natamāpaꞌksīniꞌn ixlīꞌaꞌktāꞌtiꞌ cāꞌquilhtamacuj. Cāmaxquīꞌca lītliꞌhuiꞌqui tzē natalīmaknīniꞌn espada ē tatziꞌncstat ē taꞌjatat ē animalh tū tahuaꞌnan.
\p
\v 9 Āꞌlīstān Cordero xtīꞌtpālh ixlīꞌaꞌkquitzis sello. Quit iclaktzīꞌlh, na ixtampīn pūmacamāstāꞌn, tī ixcāmaknīcanīꞌttzaꞌ ixpālacata xlacaꞌn ixtamāsuꞌyunīꞌt ixtachihuīn Dios ē jā maktin tamakxtekli.
\v 10 Xlacaꞌn palhaꞌ ixtachihuīnaꞌn ē tahuanli:
\p ―QuinDioscaꞌn, huiꞌx tze ē pōꞌktu tze tū tlahuanīꞌtaꞌ. Huiꞌx pōꞌktu mākentaxtūyaꞌ tū huaꞌnaꞌ. ¿Jāꞌcxniꞌ nacāputzānaꞌniꞌyaꞌ tachiꞌxcuhuīꞌt xalanīꞌn nac cāꞌtiꞌyaꞌtnaꞌ? ¿Jāꞌcxniꞌ nacāmakapātīniꞌnaꞌ tī quincātamaknīnīꞌtaꞌn?
\p
\v 11 Xlacaꞌn ixlīpōꞌktucaꞌn cāmaxquīꞌca ixtalhakāꞌncaꞌn xastalaꞌnkaꞌ. Cāhuanica: “Cakaꞌlhīꞌtit āꞌmacstiꞌnaꞌj aꞌcxniꞌ nataketzīkōꞌ ixlīpōꞌktucaꞌn mintāꞌtimīncaꞌn tī tatāꞌscuja Cristo ē nacāmaknīcan chuntzaꞌ chī huiꞌxinaꞌn.”
\p
\v 12 Quit iclaktzīꞌlh chī Cordero xtīꞌtpālh ixlīꞌaꞌkchāxan sello. Palhaꞌ tzuculh tachiqui tiꞌyaꞌt. Chiꞌchiniꞌ xapūtzeꞌnke lakōꞌlh chī pūtin luꞌxuꞌ xapūtzeꞌnke ē lhtululu. Mālhcuyuꞌ tzuꞌtzoꞌko lakōꞌlh huaꞌchi kaꞌlhniꞌ.
\v 13 Staꞌcu taminchaꞌ nac aꞌkapūn ē tayujli nac cāꞌtiꞌyaꞌtnaꞌ chuntzaꞌ chī xastaka higos yuja aꞌcxniꞌ ūꞌnun lacachiqui xaquiꞌhuiꞌ.
\v 14 Aꞌkapūn jātzaꞌ ixtasuꞌyu. Chī aꞌktin kaꞌtlaꞌ caꞌpsnap tū xatapāsmili. Tatapekpānūlh ixlīpōꞌktu kēstīnīꞌn ē pītzunaꞌj tiꞌyaꞌt na ixpuꞌnan mar.
\v 15 Tatatzēꞌkli napuxcuꞌnuꞌ xalanīꞌn nac cāꞌquilhtamacuj ē nā tī ixtamāpaꞌksīniꞌn ē generales ē lacricujnuꞌ ē tachiꞌxcuhuīꞌt tī āꞌchulāꞌ ixtasquiꞌnī ē pōꞌktu tachiꞌxcuhuīꞌt tī xatastāꞌmaka ē nā tī jā xatastāꞌmaka. Ixlīpōꞌktucaꞌn tatatzēꞌkkōꞌlh nac lhuꞌcuꞌ ē nac cāꞌtalhpānnaꞌ nac kēstīnīꞌn.
\v 16 Ixtataꞌsa ē ixtahuani kēstīnīꞌn ē talhpānīꞌn:
\p ―Cayujtit ē caquilāꞌaꞌklhtaꞌlauj ē chuntzaꞌ tzē naꞌictatzēꞌkāuj na ixlacatīn Dios tī huīꞌlh nā ixpūmāpaꞌksīn. Caquilāmātzēꞌkui na ixlacatīn tī huanican Cordero ixpālacata xlaꞌ naquincāmakapātīnīnān tū ictlahuanīꞌtauj.
\p
\v 17 Chilhtzaꞌ quilhtamacuj tū napūxokoniꞌcan Dios. Nūn chāꞌtin tī tzē natāyaniꞌ.
\c 7
\s Cātankāhuiꞌlīca ixsello Dios īꞌxūꞌnātāꞌnatnaꞌ Israel
\p
\v 1 Āꞌlīstān iccālaktzīꞌlh kelhatāꞌtiꞌ ángeles ixtayānaꞌlh ixaꞌkatzāꞌstūtāꞌtiꞌ cāꞌtiꞌyaꞌtnaꞌ. Xlacaꞌn ixtataxtoktīmāꞌnalh aꞌktāꞌtiꞌ ūꞌniꞌ. Chuntzaꞌ jā ixūꞌnun nūn macstiꞌnaꞌj nac cāꞌtiꞌyaꞌtnaꞌ ē nac mar ē nūn na ixaꞌkān quiꞌhuiꞌ.
\v 2 Iclaktzīꞌmpālh āꞌchāꞌtin ángel tī minchaꞌ jā tāꞌcxtuyāchi chiꞌchiniꞌ. Xlaꞌ ixlēꞌmāꞌlh ixsello Dios xalakahuan. Huāꞌmāꞌ ángel palhaꞌ cātāꞌchihuīnaꞌnli kelhatāꞌtiꞌ ángeles tī ixcāmaxquīꞌcanīꞌt lītliꞌhuiꞌqui natahuiꞌlī tasakāꞌlīn nac cāꞌtiꞌyaꞌtnaꞌ ē nac mar.
\v 3 Cāhuanilh:
\p ―Jā tū catlahuaniꞌtit tiꞌyaꞌt nūn nac mar ē nūn quiꞌhuiꞌ hasta aꞌcxniꞌ naꞌiccātankāhuiꞌlīyāuj sello tī tatapaꞌksīniꞌ Dios.
\p
\v 4 Quihuanica chī kelhalāꞌt ixlīpōꞌktucaꞌn tī cātankāhuiꞌlīca ixsello Dios. Xlacaꞌn aꞌktin ciento āꞌtuꞌpuꞌxamatāꞌtiꞌ mil ixtahuanīꞌt īꞌxūꞌnātāꞌnatnaꞌcaꞌn ixcamanaꞌ Israel.
\v 5 Aꞌkacāujtuꞌ mil īꞌxūꞌnātāꞌnatnaꞌ Judá tī ixtalēꞌntzaꞌ sello, ē aꞌkacāujtuꞌ mil īꞌxūꞌnātāꞌnatnaꞌ Rubén, ē aꞌkacāujtuꞌ mil ixlaꞌ Gad,
\v 6 ē aꞌkacāujtuꞌ mil ixlaꞌ Aser, ē aꞌkacāujtuꞌ mil ixlaꞌ Neftalí, ē aꞌkacāujtuꞌ mil ixlaꞌ Manasés,
\v 7 ē aꞌkacāujtuꞌ mil ixlaꞌ Simeón, ē aꞌkacāujtuꞌ mil ixlaꞌ Leví, ē aꞌkacāujtuꞌ mil ixlaꞌ Isacar,
\v 8 ē aꞌkacāujtuꞌ mil ixlaꞌ Zabulón, ē aꞌkacāujtuꞌ mil ixlaꞌ José, ē aꞌkacāujtuꞌ mil ixlaꞌ Benjamín.
\s Tachiꞌxcuhuīꞌt tī ixtalhakāꞌnīꞌt xastalaꞌnkaꞌ ixluꞌxuꞌcaꞌn
\p
\v 9 Āꞌlīstān iccālaktzīꞌlh lhūhuaꞌ tachiꞌxcuhuīꞌt ē jāla ixcāpūtleꞌkecan ixpālacata ixlīlhūhuaꞌcaꞌn xalanīꞌn nac cāꞌlacchicniꞌ ē xalanīꞌn ixlīpōꞌktu nac cāꞌquilhtamacuj ē ixlīpōꞌktucaꞌn ixlīkempālhūhuaꞌ tachihuīn. Ixtayānaꞌlh na ixlacatzunaꞌj pūtahuīꞌlh ē nā ixlacatīn Cordero. Ixtalhakāꞌncaꞌn stalaꞌnkaꞌ ixuanīꞌt. Ixtachiꞌpatēlha ixpekniꞌ palma.
\v 10 Xlacaꞌn palhaꞌ tahuanli:
\q Quincāmakapūtaxtūn quinDioscaꞌn tī huīꞌlh na ixpūmāpaꞌksīn ē nā Cordero.
\m
\v 11 Ixlīpōꞌktucaꞌn ángeles ixtalītamacstiꞌliꞌnīꞌt pūtahuīꞌlh ē lakōluꞌn ē kelhatāꞌtiꞌ tī ixtayānaꞌlh na ixaꞌkatzāꞌstūtāꞌtiꞌ. Ángeles tataquilhpūtalh na ixlacatzunaꞌj pūtahuīꞌlh ē tamakapāxuīlh Dios.
\v 12 Tahuanli:
\q Chuntzaꞌ calalh.
\q Camakapāxuīca ē camākaꞌtlīꞌca Dios.
\q Xmān ūꞌtzaꞌ kaꞌlhīkōꞌ talacapāstacniꞌ.
\q Camaxquīꞌca tapāxcatcaꞌtzīn ē calakachiꞌxcuhuīꞌca ixpālacata xmān ūꞌtzaꞌ kaꞌlhī ixlīpōꞌktu lītliꞌhuiꞌqui ē līmāpaꞌksīn.
\q Chuntzaꞌ pōꞌktu quilhtamacuj calalh.
\p
\v 13 Chāꞌtin chī lakōluꞌn quinkelhasquiꞌnīlh:
\p ―¿Tīchu tzamāꞌ tī talhakāꞌnanīꞌttzaꞌ xastalaꞌnkaꞌ? ¿Jāchu taminchaꞌ?
\p
\v 14 Quit ickelhtīlh:
\p ―Quit jā iccaꞌtzī. Huiꞌx caꞌtzīyaꞌ.
\p Xlaꞌ quihuanilh:
\p ―Ūꞌtzaꞌ tzamāꞌ tī tatāyaniꞌlh kaꞌtlaꞌ tapātīn. Xlacaꞌn talīcheꞌkēꞌlhtzaꞌ ixluꞌxuꞌcaꞌn ixkaꞌlhniꞌ Cordero. Ūꞌtzaꞌ stalaꞌnkaꞌtzaꞌ līlalh ixluꞌxuꞌcaꞌn.
\v 15 Ūꞌtzaꞌ talīyānaꞌlh na ixlacatīn ixpūmāpaꞌksīn Dios. Tatāꞌscuja Dios na ixtemplo cāꞌcuhuīniꞌ ē tzīꞌsa. Dios tī huīꞌlh nac pūtahuīꞌlh, xlaꞌ cāmaktakaꞌlha xlacaꞌn.
\v 16 Chuntzaꞌ xlacaꞌn jātzaꞌ maktin catitatziꞌncsli. Jātzaꞌ maktin catitakelhpūtīlh pōꞌktu quilhtamacuj. Chiꞌchiniꞌ jātzaꞌ caticāmacchālh ē jātzaꞌ maktin caticājicsmāhuīꞌlh.
\v 17 Jātzaꞌ tū caticāꞌaꞌkspulalh, ixpālacata Cordero tī huīꞌlh na ixpuꞌnan pūtahuīꞌlh, ūꞌtzaꞌ nacāmaktakaꞌlha. Nacālēꞌn jā taxtuhuīꞌlh xcān tū māstāꞌ xasāstiꞌ latamat. Dios nacāmākoꞌxamākaꞌtlīꞌ ē jātzaꞌ catitacalhuanli.
\c 8
\s Xtīꞌtca ixlīꞌaꞌktojon sello
\p
\v 1 Cordero xtīꞌtli ixlīꞌaꞌktojon sello. Caꞌcs āꞌhuāꞌnaꞌlh nac aꞌkapūn chī iꞌtāt hora.
\v 2 Āꞌlīstān iccālaktzīꞌlh kelhatojon ángeles tī ixtayānaꞌlh na ixlacatīn Dios. Xlacaꞌn cāmaxquīꞌca kentojon līskoliꞌ.
\v 3 Āꞌlīstān chimpālh āꞌchāꞌtin ángel ē ixlīmin aꞌktin pūquilhcu tū xaꞌoro. Tāyalh na ixlacatzunaꞌj pūmacamāstāꞌn. Xlaꞌ maxquīꞌca lhūhuaꞌ siyentzu tū namaxquīꞌcan Dios nac pūmacamāstāꞌn tū xaꞌoro na ixlacatzunaꞌj pūtahuīꞌlh. Macamāstāꞌlh tzamāꞌ siyentzu ē nā ixoracioncaꞌn ixtachiꞌxcuhuīꞌt Dios.
\v 4 Xajiniꞌ siyentzu taxtulh na ixmacan ángel ē tāꞌkayāhualh. Chāꞌlh na ixlacatīn Dios. Nā aꞌntzaꞌ chāꞌlh ixoracioncaꞌn ixtachiꞌxcuhuīꞌt Dios.
\v 5 Ángel chiꞌpalh pūquilhcu ē līmātzumalh jalaꞌnat nac pūmacamāstāꞌn ē pūxtekelh nac cāꞌtiꞌyaꞌtnaꞌ. Tzuculh jili ē makliꞌpli ē macasāꞌnalh ē tachiquilh tiꞌyaꞌt.
\s Līskoliꞌ
\p
\v 6 Āꞌlīstān kelhatojon ángeles tatacāxli nataskoliꞌ.
\p
\v 7 Xapūla ángel skoliꞌlh. Yujli chejet ē macscut ixtāꞌlacxtuca kaꞌlhniꞌ. Palhaꞌ minchaꞌ nac cāꞌtiꞌyaꞌtnaꞌ. Ixlīquilhmactuꞌtun tiꞌyaꞌt lhculh. Ixlīquilhmactuꞌtun quiꞌhuiꞌ lhculh. Ixlīpōꞌktu seket xastaka lhcukōꞌlh.
\p
\v 8 Ixlīchāꞌtuꞌ ángel skoliꞌlh. Makaꞌnca nac mar tū huaꞌchi aꞌktin kaꞌtlaꞌ sipej tū īꞌlhcumāꞌlh. Ixlīꞌaꞌktuꞌtun mar kaꞌlhniꞌ lakōꞌlh.
\v 9 Tanīkōꞌlh ixlīquilhmactuꞌtun ixlīpōꞌktu tū ixuīꞌlh nac mar. Cāmālakuanīca ixlīquilhmactuꞌtun barcos.
\p
\v 10 Āꞌlīstān ixlīkelhatuꞌtun ángel skoliꞌlh. Minchaꞌ nac aꞌkapūn aꞌktin staꞌcu xakaꞌtlaꞌ ē ixlamatēlha chī aꞌktin kaꞌtlaꞌ lamanat. Xlaꞌ yujli na ixlīkentuꞌtun kaꞌtlaꞌ xcān ē muꞌsniꞌ.
\v 11 Staꞌcu ixtacuhuīniꞌ Xaxūꞌniꞌ. Ixlīquilhmactuꞌtun xcān taxūꞌyankōꞌlh. Lhūhuaꞌ tachiꞌxcuhuīꞌt talaknīlh aꞌcxniꞌ tahuaꞌlh xaxūꞌniꞌ xcān.
\p
\v 12 Āꞌlīstān ixlīkelhatāꞌtiꞌ ángel nā skoliꞌpālh. Lactlahuaca ixlīquilhmactuꞌtun chiꞌchiniꞌ ē nā ixlīquilhmactuꞌtun mālhcuyuꞌ ē staꞌcu. Cālactlahuaca ē jātzaꞌ ixtamāxkakēniꞌn. Jā īꞌxkaka aꞌktāꞌtiꞌ hora cāꞌcuhuīniꞌ. Jā īꞌxkaka aꞌktāꞌtiꞌ hora tzīꞌsa.
\p
\v 13 Āꞌlīstān quit iclaktzīꞌlh ángel tī ixkosnūꞌntlāꞌhuan nac cāꞌūꞌnīꞌn. Ickexmatli chī palhaꞌ huanli:
\p ―¡Koxatī tala ixlīpōꞌktucaꞌn tī tahuiꞌlānaꞌlh nac cāꞌtiꞌyaꞌtnaꞌ aꞌcxniꞌ nataskoliꞌ āꞌxmān kelhatuꞌtun ángeles!
\c 9
\p
\v 1 Āꞌlīstān ixlīkelhaquitzis ángel skoliꞌlh. Quit iclaktzīꞌlh aꞌktin staꞌcu tū minchaꞌ nac aꞌkapūn ē chilh nac cāꞌtiꞌyaꞌtnaꞌ. Staꞌcu maxquīꞌca llave ixlaꞌ lhuꞌcuꞌ xapūlhmāꞌn ē tū jā kaꞌlhī ixtampūn.
\v 2 Staꞌcu mālaquīꞌlh xapūlhmāꞌn lhuꞌcuꞌ. Tāꞌcxtuchi lhūhuaꞌ jiniꞌ huaꞌchi jā huīꞌlh lhūhuaꞌ macscut. Lhūhuaꞌ jiniꞌ tamacatalh ē ūꞌniꞌ xapūtzeꞌnke lakōꞌlh. Jātzaꞌ tasuꞌyulh chiꞌchiniꞌ.
\v 3 Tzamāꞌ jiniꞌ tataxtulh xtuꞌquiꞌ ē tachilh nac cāꞌtiꞌyaꞌtnaꞌ. Cāmaxquīꞌca talacasquiꞌnīn nataxcanaꞌn huaꞌchi aꞌcaculūtl.
\v 4 Cāhuanica jā tū natatlahuaniꞌ seket nūn quiꞌhuiꞌ ē nūn tachaꞌnān. Xmān tzē natamātakāhuīꞌ tachiꞌxcuhuīꞌt tī jā takaꞌlhī na ixtankāncaꞌn sello tū ixlaꞌ Dios.
\v 5 Cāmakxtekca xtuꞌquiꞌ natamakapātīnīn tzamāꞌ tachiꞌxcuhuīꞌt xmān aꞌkquitzis mālhcuyuꞌ. Taxcanaꞌlh huaꞌchi aꞌcaculūtl ē chuntzaꞌ cāmakapātīnīnca. Jā cāmakxtekca natamaknī tachiꞌxcuhuīꞌt.
\v 6 Aꞌcxniꞌ naꞌaꞌkspula huāꞌmāꞌ, tachiꞌxcuhuīꞌt nataputza ixlīnīncaꞌn ē jā catitamaclalh. Xlacaꞌn natanīcuꞌtun ē jāla catitanīlh.
\p
\v 7 Xtuꞌquiꞌ ixtahuanīꞌt chī cahuāyuj tacāxyānaꞌlhtzaꞌ chī aꞌcxniꞌ nataꞌaꞌn natalātaꞌla. Na ixaꞌkxākcaꞌn ixtakaꞌlhī huaꞌchi coronas tū xaꞌoro. Ixlacancaꞌn chī ixlacan chāꞌtin chiꞌxcuꞌ ixtahuanīꞌt.
\v 8 Ixyaꞌjcaꞌn ixtasuꞌyu chī ixyaꞌj chāꞌtin puscāt. Ixtatzancaꞌn chī ixtatzan león.
\v 9 Ixtacuꞌxahuaꞌcaꞌnalh huaꞌchi līcāꞌn. Chī ixtamacasāꞌnan ixpekencaꞌn chī macasāꞌnan lhūhuaꞌ carreta aꞌcxniꞌ taꞌaꞌn tatuꞌjnuntēlha natalātaꞌla.
\v 10 Ixtalīxcanaꞌn īꞌstajancaꞌn huaꞌchi aꞌcaculūtl xcanaꞌn. Īꞌstajancaꞌn tzē ixtalīmātakāhuīꞌ tachiꞌxcuhuīꞌt xmān aꞌkquitzis mālhcuyuꞌ.
\v 11 Xtuꞌquiꞌ ixtakaꞌlhī chāꞌtin ixpuxcuꞌcaꞌn. Xlaꞌ ūꞌtzaꞌ ángel tī ixmacamaxquīꞌcanīꞌt xapūlhmāꞌn lhuꞌcuꞌ. Huāꞌmāꞌ ángel ixtacuhuīniꞌ Abadón ixtachihuīncaꞌn hebreos, ē Apolión ixtachihuīncaꞌn griegos. Huāꞌmāꞌ huanicuꞌtun Mālaksputūnuꞌ.
\v 12 Chuntzaꞌ aꞌkspulalh chūꞌcus lakuat. Sputacus āꞌaꞌktuꞌ lakuat.
\p
\v 13 Ixlīkelhachāxan ángel nā skoliꞌlh. Ickexmatli aꞌktin tachihuīn tū minchaꞌ ixaꞌkatzāꞌstūtāꞌtiꞌ pūmacamāstāꞌn tū xaꞌoro tū ixyālh na ixlacatīn Dios.
\v 14 Huanilh ixlīkelhachāxan ángel tī ixkaꞌlhī ixlīskoliꞌ:
\p ―Cacāmakxtekti kelhatāꞌtiꞌ ángeles tī cāchīꞌcanīꞌt na ixquilhtūn kaꞌtlaꞌ xcān tū ixtacuhuīniꞌ Eufrates.
\p
\v 15 Cāmakxtekca kelhatāꞌtiꞌ ángeles. Xlacaꞌn ixtacāxuiꞌlānaꞌlhtzaꞌ ixpālacata ixtakaꞌlhīmāꞌnalh huāꞌmāꞌ cāꞌta ē huāꞌmāꞌ mālhcuyuꞌ ē huāꞌmāꞌ quilhtamacuj ē huāꞌmāꞌ hora aꞌcxniꞌ nacāmaknīcan ixlīquilhmactuꞌtun tachiꞌxcuhuīꞌt.
\v 16 Ixuancan ixuīꞌlh aꞌktuꞌ ciento millón tropas kētahuiꞌlānaꞌnīꞌn.
\p
\v 17 Aꞌcxniꞌ quit xaꞌiclakachuyamāꞌlh, iccālaktzīꞌlh tzamāꞌ cahuāyuj ē nā tī ixtakētahuiꞌlānaꞌlh. Ixtacuꞌxahuaꞌcaꞌnalh huaꞌchi lamanat ē xasmataka ē lhmucucu chī azufre. Ūꞌtzaꞌ tū ixtalītamaktāya. Cahuāyuj ixtakaꞌlhī ixaꞌkxākcaꞌn chī ixlaꞌ león. Tū taquilhtaxtulh pōꞌktu macscut ē jiniꞌ ē azufre.
\v 18 Tzamāꞌ cālīmaknīca ixlīquilhmactuꞌtun tachiꞌxcuhuīꞌt. Cālīmaknīca macscut ē jiniꞌ ē azufre tū taquilhtaxtulh cahuāyuj.
\v 19 Cahuāyuj tzē ixtalīxcanaꞌn ixquilhniꞌcaꞌn ē tzē ixtalīmātakāhuīꞌnin īꞌstajancaꞌn. Īꞌstajancaꞌn chī lūhuaꞌ ixuanīꞌt ē ixtakaꞌlhī ixaꞌkxākcaꞌn. Chuntzaꞌ īꞌstajancaꞌn tzē ixtalīmātakāhuīꞌnin.
\p
\v 20 Ē makapitzīn tī jā talaknīlh lakuat, xlacaꞌn jā tamakxtekli tamakapāxuī ídolos tū ūꞌtunuꞌn ixtatlahuanīꞌt. Jā tamakxtekli tamakapāxuī ixlacscujnīꞌn skāhuīꞌniꞌ ē ídolos tū xaꞌoro ē plata ē bronce ē chihuix, masqui ídolos jā talacahuānaꞌn ē jā takexmata ē jā tatlāꞌhuan.
\v 21 Huāꞌmāꞌ tachiꞌxcuhuīꞌt jā tamakxtekli tamaknīniꞌn ē jā tamakxtekli taxantilhniꞌn. Jā tamakxtekli takaꞌlhī ixtāꞌlāpāxquīꞌncaꞌn ē jā tamakxtekli takaꞌlhānaꞌn.
\c 10
\s Ángel tī ixchiꞌpanīꞌt libro
\p
\v 1 Āꞌlīstān iclaktzīꞌmpālh chāꞌtin ángel tī ixkaꞌlhī lhūhuaꞌ lītliꞌhuiꞌqui. Yujchi nac aꞌkapūn. Ixlītamacstiꞌliꞌ aꞌktin poklhnuꞌ. Na ixaꞌkxāk ixlītamacstiꞌliꞌ aꞌktin macxculiꞌncāꞌt. Ixlacan ixmāxkakēniꞌn chī chiꞌchiniꞌ. Ixtujanīꞌn ixtatasuꞌyu huaꞌchi tantūnīꞌn tū īꞌlhcuyumāꞌlh.
\v 2 Ixchiꞌpanīꞌt aꞌktin xamacstiꞌnaꞌj libro tū ixmālakapitzicanīꞌt. Yāhualh ixtantūpekcānaꞌj nac mar ē ixtantūpekxuqui ixyāhuanīꞌt nac cāꞌtiꞌyaꞌtnaꞌ.
\v 3 Palhaꞌ taꞌsalh chī taꞌsa lakatin león. Aꞌcxniꞌ taꞌsalh, takelhtīniꞌlh kelhatojon jiliniꞌnīꞌn.
\v 4 Aꞌcxniꞌ kelhatojon jiliniꞌnīꞌn ixtachihuīnaꞌnīꞌttzaꞌ, quit xaꞌictzoꞌknuncuꞌtun. Ickexmatli aꞌktin tachihuīn tū minchaꞌ nac aꞌkapūn. Quihuanilh:
\p ―Jā catzoꞌkti. Tzēꞌk nacaꞌtzīyaꞌ tū tahuanli kelhatojon jiliniꞌnīꞌn.
\p
\v 5 Āꞌlīstān ángel tī iclaktzīꞌlh ixyālh nac mar ē nac tiꞌyaꞌt, xlaꞌ makayāhualh ixpekcānaꞌj nac aꞌkapūn.
\v 6 Huanli ixlīcānaꞌ por Dios tī huīꞌlh pōꞌktu quilhtamacuj ē tlahuanīꞌt aꞌkapūn ē tiꞌyaꞌt ē mar ē ixlīpōꞌktu tū aꞌnan. Huanli:
\p ―Jātzaꞌ catitamakapalīlh.
\v 7 Aꞌcxniꞌ ixlīkelhatojon ángel naskoliꞌ aꞌcxniꞌ namākentaxtūcan tū ixtalacasquiꞌnīn Dios tū chuhuaꞌj tzēꞌk huīꞌlh. Chuntzaꞌ Dios cāhuanilh aꞌkchihuīnaꞌnīꞌn xalanīꞌn makāstzaꞌ tī ixtatāꞌscuja Dios.
\p
\v 8 Āꞌlīstān ickexmatpālh tachihuīn xalaꞌ nac aꞌkapūn tū xaꞌickexmatnīꞌttzaꞌ pūla. Quihuanilh:
\p ―Capit ē camaktīniꞌ libro tū mālakapitzicanīꞌt tū chiꞌpayālh ángel tī yālh nac mar ē nac tiꞌyaꞌt.
\p
\v 9 Iclakaꞌlh ángel ē icsquiꞌniꞌlh libro xamacstiꞌnaꞌj. Quihuanilh:
\p ―Caquimakti ē cahuaꞌt. Nalīpūlakxūꞌyaꞌnaꞌ ē masqui seꞌksiꞌ chī xaxcān cera nakelhuaꞌnaꞌnaꞌ na minquilhniꞌ.
\p
\v 10 Icmaktīniꞌlh xamacstiꞌnaꞌj libro tū ixchiꞌpayālh ángel ē icuaꞌlh. Seꞌksiꞌ icquilhmakcaꞌtzīlh, chī taꞌxcāt. Aꞌcxniꞌ xaꞌicuaꞌnīꞌttzaꞌ, iclīpūlakxūꞌyaꞌnkōꞌlh.
\v 11 Quihuanica:
\p ―Ixlacasquiꞌnca nalīꞌaꞌkchihuīnaꞌmpalaꞌyaꞌ āꞌmaktin tū Dios huan ixpālacata lhūhuaꞌ tachiꞌxcuhuīꞌt xalanīꞌn lhūhuaꞌ cāꞌlacchicniꞌ ē xalanīꞌn kempālhūhuaꞌ tachihuīn ē nā napuxcuꞌnuꞌ.
\c 11
\s Chāꞌtuꞌ aꞌkchihuīnaꞌnīꞌn
\p
\v 1 Quimaxquīꞌca kentin aꞌctzunaꞌj quiꞌhuiꞌ tū līpūlhcān. Quihuanica:
\p ―Capit ē calaclhcaꞌ ixtemplo Dios ē pūmacamāstāꞌn. Cacāpūtleꞌke ixlīpōꞌktucaꞌn tī tamakapāxuī Dios aꞌntzaꞌ.
\v 2 Jā tilaclhcāyaꞌ ixtanquilhtīn templo. Jā tilhcāyaꞌ ixpālacata xlaꞌ cāmacamaxquīꞌcanīꞌttzaꞌ xalaꞌ āꞌlacatin. Ūꞌtunuꞌn natalacchiꞌntatēlhakōꞌ ixcāꞌlacchicniꞌ Dios tuꞌpuꞌxamatuꞌ mālhcuyuꞌ.
\v 3 Quit iccākaꞌlhī chāꞌtuꞌ quinaꞌkchihuīnaꞌnīꞌn. Naꞌiccāmaxquīꞌ līmāpaꞌksīn ixpālacata nataꞌaꞌkchihuīnaꞌn xlacaꞌn chuntzaꞌ chī iclacasquiꞌn ixlīpōꞌktu aꞌktin mil ē aꞌktuꞌ ciento ē tuꞌtumpuꞌxam quilhtamacuj. Natalhakāꞌ xapūtzeꞌnke luꞌxuꞌ tū nalītasuꞌyu chī talīpuhuan.
\p
\v 4 Chāꞌtuꞌ aꞌkchihuīnaꞌnīꞌn xlacaꞌn kentuꞌ xaquiꞌhuiꞌ oliva ē nā aꞌktuꞌ pūmaksko tū tayānaꞌlh na ixlacatīn Dios tī māpaꞌksīkōꞌ cāꞌquilhtamacuj.
\v 5 Palh tī nacātlahuaniꞌcuꞌtun tū jā tze, xlacaꞌn nataquilhtaxtu lamanaꞌ tū nacālīlhcuyukōꞌ ixtāꞌlāquiclhlaktziꞌcaꞌn. Chuntzaꞌ natanī catīxcuhuālh tī nacātlahuaniꞌcuꞌtun tū jā tze.
\v 6 Tzamāꞌ chāꞌtuꞌ aꞌkchihuīnaꞌnīꞌn takaꞌlhī lītliꞌhuiꞌqui natahuan ē jā catimilh xcān aꞌcxniꞌ xlacaꞌn taꞌaꞌkchihuīnaꞌmāꞌnalhcus ixpālacata Dios. Takaꞌlhī lītliꞌhuiꞌqui natalakpalī xcān ē kaꞌlhniꞌ nalītaxtu. Takaꞌlhī lītliꞌhuiꞌqui natamacamin ixlīpōꞌktu lakuat ē līnīn nac cāꞌquilhtamacuj pōꞌktu aꞌcxniꞌ xlacaꞌn natalacasquiꞌn.
\p
\v 7 Aꞌcxniꞌ natahuankōꞌ tū natahuan ixpālacata Dios, animalh tū nataxtu xapūlhmāꞌn lhuꞌcuꞌ, xlaꞌ ūꞌtzaꞌ nacātāꞌla xlacaꞌn. Nacāskāhuīꞌ ē nacāmaknī.
\v 8 Ixmacniꞌcaꞌn natatamāꞌ nac cāꞌtejen nac cāꞌlacchicniꞌ jā quiMāpaꞌksīniꞌcaꞌn Jesucristo xtokohuaꞌcaꞌca. Ūꞌtzaꞌ tzē līmāpācuhuīcan huāꞌmāꞌ cāꞌlacchicniꞌ Sodoma ē nā Egipto masqui jā chuntzaꞌ ixtacuhuīniꞌ.
\v 9 Natamāꞌ ixmacniꞌcaꞌn aꞌktuꞌtun quilhtamacuj āꞌiꞌtāt. Natalaktzīꞌn līlhūhuaꞌ tachiꞌxcuhuīꞌt xalanīꞌn ixlīpōꞌktu cāꞌlacchicniꞌ ē chī kempālhūhuaꞌ tachihuīn. Jā caticāmakxtekca nacāmāꞌcnūcan.
\v 10 Tī tahuiꞌlānaꞌlh nac cāꞌquilhtamacuj, xlacaꞌn natalīpāxuhua aꞌcxniꞌ nacālaktzīꞌncan xanīn. Natatlahua cāꞌtaniꞌ ē natapāxuhua ē natalāmaxquīꞌ talakalhuꞌmān. Chuntzaꞌ natatlahua ixpālacata jā tze tamakcaꞌtzīlh aꞌcxniꞌ tzamāꞌ chāꞌtuꞌ aꞌkchihuīnaꞌnīꞌn ixtachihuīnaꞌn ixpālacata Dios.
\p
\v 11 Āꞌlīstān chī ixlīꞌaꞌktuꞌtun quilhtamacuj āꞌiꞌtāt Dios cāmālacastālancuanīlh ē tatāꞌkaquīꞌlh. Ixlīpōꞌktucaꞌn tī talaktzīꞌlh tajicuaꞌnli.
\v 12 Āꞌlīstān tzamāꞌ chāꞌtuꞌ aꞌkchihuīnaꞌnīꞌn takexmatli aꞌktin tachihuīn xalaꞌ nac aꞌkapūn. Cāhuanilh:
\p ―Cataꞌntit āꞌtzāꞌ.
\p Tatahuaꞌcaꞌlh nac poklhnuꞌ hasta nac aꞌkapūn. Ixtāꞌlāquiclhlaktziꞌcaꞌn talaktzīꞌlh chī tatāꞌkayāhualh.
\v 13 Palaj tunca tzuculh tachiqui tiꞌyaꞌt. Ixlīquilhmaccāuj cāꞌlacchicniꞌ mālakuanīca. Aꞌntzaꞌ tanīlh aꞌktojon mil tachiꞌxcuhuīꞌt ixpālacata tachiquilh tiꞌyaꞌt. Tī jā tanīlh, tajicuaꞌnli ē tamākaꞌtlīꞌlh Dios tī xalaꞌ nac aꞌkapūn.
\v 14 Ixlīꞌaꞌktuꞌ lakuat aꞌksputnīꞌt ē palaj namimpala ixlīꞌaꞌktuꞌtun.
\s Ixlīꞌaꞌktojon līskoliꞌ
\p
\v 15 Ixlīkelhatojon ángel skoliꞌpālh. Palhaꞌ tzuculh tachihuīnaꞌn makapitzīn nac aꞌkapūn ē ixtahuan:
\q Chuhuaꞌj quinDioscaꞌn māpaꞌksī ixlīpōꞌktu cāꞌquilhtamacuj.
\q Ē nā chuntzaꞌ Cristo nā māpaꞌksī.
\q Xlaꞌ namāpaꞌksīniꞌn pōꞌktu quilhtamacuj.
\m
\v 16 Kelhapuꞌxamatāꞌtiꞌ lakōluꞌn tī ixtahuiꞌlānaꞌlh na ixpūtahuīꞌlhcaꞌn na ixlacatīn Dios, xlacaꞌn talaktaquilhpūtalh Dios ē tamakapāxuīlh.
\v 17 Xlacaꞌn tahuanli:
\q Huiꞌx quiMāpaꞌksīniꞌcaꞌn Dios ē huiꞌx kaꞌlhīkōꞌyaꞌ līmāpaꞌksīn.
\q Huiꞌx huiꞌlaꞌ ē pōꞌktu quilhtamacuj ixuiꞌlaꞌ ē pōꞌktu quilhtamacuj natahuiꞌlaꞌyaꞌ.
\q Iccāmaxquīꞌyān tapāxcatcaꞌtzīn ixpālacata quilāmāsuꞌyuniꞌnīꞌtaꞌuj chī kaꞌlhīꞌyaꞌ milītliꞌhuiꞌqui ē chī māpaꞌksīniꞌnaꞌ.
\q      
\v 18    Xalanīꞌn nac cāꞌlacchicniꞌ ē nac cāꞌquilhtamacuj pōꞌktu tasītzīꞌlh.
\q Chilhtzaꞌ quilhtamacuj tū natapūxokoniꞌyān huiꞌx tī quinDioscaꞌn.
\q Huiꞌx nacāputzānaꞌniꞌyaꞌtzaꞌ nīnīꞌn.
\q Huiꞌx nacāmaxquīꞌyaꞌ ixtatlajcaꞌn xlacaꞌn tī tatāꞌscujnīꞌtaꞌn minaꞌkchihuīnaꞌnīꞌn ē ixlīpōꞌktu mintachiꞌxcuhuīꞌt
\q ē ixlīpōꞌktucaꞌn tī talaktaquilhpūtayān, palh xalakaꞌtlaꞌ chiꞌxcuhuīꞌn o palh jā xalakaꞌtlaꞌ.
\q Chilhtzaꞌ quilhtamacuj tū huiꞌx nacāpūmālaksputūyaꞌ tī tamālaksputūcuꞌtun tzamāꞌ cāꞌquilhtamacuj.
\p
\v 19 Āꞌlīstān talaquīꞌlh ixtemplo Dios nac aꞌkapūn ē ixtasuꞌyu nac templo aꞌktin caja jā ixmojōcanīꞌt talacāxtlahuan tū Dios ixtāꞌtlahuanīꞌt ixtachiꞌxcuhuīꞌt. Tzuculh makliꞌpa ē jililh ē taꞌsakōꞌca ē tachiquilh tiꞌyaꞌt. Yujli lakaꞌtlaꞌ chejet.
\c 12
\s Puscāt ē dragón
\p
\v 1 Āꞌlīstān tasuꞌyulh nac aꞌkapūn aꞌktin kaꞌtlaꞌ līmāsuꞌyun. Ē chāꞌtin puscāt ixtalhakāꞌn huaꞌchi ixlīmāxkakēn chiꞌchiniꞌ. Ixyālh nac mālhcuyuꞌ. Ixcucuīꞌlh aꞌktin corona tū ixkaꞌlhī aꞌkcāujtuꞌ staꞌcu.
\v 2 Xlaꞌ ixkaꞌlhīniꞌn ē ixtaꞌsa ixpālacata ixcaꞌtzānaꞌjuan ixpālacata īꞌskaꞌtaꞌ ixtahuiꞌlacuꞌtumāꞌlhtzaꞌ.
\v 3 Ixlīꞌaꞌktuꞌ līmāsuꞌyun tasuꞌyulh nac aꞌkapūn. Lakatin tzuꞌtzoꞌko animalh kaꞌtlaꞌ ē lījicuaꞌ ixuanīꞌt. Huāꞌmāꞌ animalh, dragón huanican. Ixkaꞌlhī aꞌktojon ixaꞌkxāk ē kencāuj ixaꞌkalokot. Aꞌkatunuꞌ ixaꞌkxāk ixkaꞌlhī ixcorona.
\v 4 Līsakalēꞌlh īꞌstajan ixlīquilhmactuꞌtun staꞌcu ē cāmacaminchaꞌ nac cāꞌtiꞌyaꞌtnaꞌ. Aꞌntzaꞌ tāyachi dragón na ixlacatīn puscāt tī ixaꞌmāꞌlh mālacatuncuhuīniꞌn. Ē dragón ixuaꞌcuꞌtun skaꞌtaꞌ xmān chī ixtahuīꞌlh.
\v 5 Puscāt tahuiꞌlalh īꞌskaꞌtaꞌ kaꞌhuaꞌcha. Ūꞌtzaꞌ tī palhaꞌ namāpaꞌksīniꞌn na ixlīpōꞌktu cāꞌlacchicniꞌ. Palaj tunca tzamāꞌ skaꞌtaꞌ lēꞌniꞌca Dios jā ixuīꞌlh na ixpūmāpaꞌksīn.
\v 6 Puscāt tzāꞌlalh, ē aꞌlh nac cāꞌtzayaꞌnca tiꞌyaꞌt jā ixcāxuiꞌlīniꞌnīꞌt Dios. Aꞌntzaꞌ tzē natachoko, ē namaktakaꞌlhcan aꞌktin mil ē aꞌktuꞌ ciento āꞌtuꞌtumpuꞌxam quilhtamacuj.
\p
\v 7 Āꞌlīstān tzuculh aꞌktin kaꞌtlaꞌ lāmaknīn nac aꞌkapūn. Miguel tī xapuxcuꞌ ángeles, xlaꞌ ē ixángeles tatāꞌlātucsli dragón ē ixángeles.
\v 8 Dragón skāhuīꞌca ē jātzaꞌ makxtekca natahuiꞌlayāchaꞌ nac aꞌkapūn ē nā ixángeles.
\v 9 Tamacxtuca kaꞌtlaꞌ dragón. Ūꞌtzaꞌ tzamāꞌ lūhuaꞌ xalaꞌ makāstzaꞌ ē ūꞌtzaꞌ tī cāꞌaꞌkskāhuīꞌkōꞌlh ixlīpōꞌktucaꞌn xalanīꞌn nac cāꞌquilhtamacuj. Xlaꞌ ūꞌtzaꞌ ixtacuhuīniꞌ skāhuīꞌniꞌ tī huanican Satanás. Cāmacamincanchaꞌ ē chilh nac cāꞌtiꞌyaꞌtnaꞌ dragón ē ixángeles.
\v 10 Āꞌlīstān ickexmatli aꞌktin palhaꞌ tachihuīn nac aꞌkapūn ē huanli:
\p ―Chuhuaꞌj quinDioscaꞌn cāmakapūxtaxtūlhtzaꞌ ixtachiꞌxcuhuīꞌt. Xlaꞌ ūꞌtzaꞌ puxcuꞌ. Māsuyukōꞌnīꞌttzaꞌ ixlītliꞌhuiꞌqui. Chuhuaꞌj Cristo namāpaꞌksīniꞌn. Tamacxtucatzaꞌ nac aꞌkapūn tī ixcāmālacsuꞌyu tzamāꞌ quintāꞌtimīncaꞌn. Xlaꞌ ixcāmālacsuꞌyu cāꞌcuhuīniꞌ ē tzīꞌsa na ixlacatīn quinDioscaꞌn.
\v 11 Quintāꞌtimīncaꞌn talīskāhuīꞌnīꞌttzaꞌ ixkaꞌlhniꞌ Cordero ē ixtachihuīn Dios tū xlacaꞌn talīmālactzeyīlh. Xlacaꞌn jā ixtajicuaꞌniꞌ līnīn tū ixpālacata ixtachihuīn Dios.
\v 12 Tzētzaꞌ natapāxuhua xlacaꞌn tī tahuiꞌlānaꞌlh nac aꞌkapūn. Koxatī tala xlacaꞌn tī tahuiꞌlānaꞌlh nac cāꞌtiꞌyaꞌtnaꞌ ē nac mar. Skāhuīꞌniꞌ cālakyujnīꞌttzaꞌ xlacaꞌn. Sītzīꞌnīꞌt ixpālacata xlaꞌ caꞌtzītzaꞌ jātzaꞌ makās namakxtekcan nascuja ―huanli.
\p
\v 13 Aꞌcxniꞌ dragón caꞌtzīlh ixmacamincanīꞌttzaꞌ nac cāꞌtiꞌyaꞌtnaꞌ, tzuculh putzastālaniꞌ puscāt tī mālacatuncuhuīꞌnīlh ixkaꞌhuaꞌcha.
\v 14 Puscāt maxquīꞌca kentuꞌ ixpeken chī ixlaꞌ lakatin kaꞌtlaꞌ pīchāhuaꞌ. Chuntzaꞌ xlaꞌ tzē nalīkosnūꞌn nac cāꞌtzayaꞌnca tiꞌyaꞌt tū ixcāxtlahuaniꞌcanīꞌt ē aꞌntzaꞌ namaktakaꞌlhcan aꞌktuꞌtun cāꞌta āꞌiꞌtāt. Chuntzaꞌ tzāꞌlaniꞌlh dragón.
\v 15 Dragón quilhtaxtulh lhūhuaꞌ xcān chī aꞌktin kaꞌtlaꞌ xcān na ixchakēn puscāt. Ixlīmakamūxtucuꞌtun.
\v 16 Tiꞌyaꞌt maktāyalh puscāt. Tacheꞌkelh ē chuꞌhuaꞌkōꞌlh xcān tū ixquilhtaxtunīꞌt dragón.
\v 17 Ūꞌtzaꞌ līsītzīꞌniꞌlh dragón tzamāꞌ puscāt. Aꞌlh cātāꞌlātucsa āꞌmakapitzīn ixcamanaꞌ puscāt. Xlacaꞌn ūꞌtunuꞌn tī takexmatniꞌ ixlīmāpaꞌksīn Dios ē jā tamakxteka ixtamāsuꞌyun Jesucristo.
\c 13
\s Lakatuꞌ animalh xalakoꞌhuaꞌjuaꞌ
\p
\v 1 Āꞌlīstān ictāyalh na ixquilhtūn mar ē iclaktzīꞌlh lakatin animalh tū tacutli nac mar. Ixkaꞌlhī kencāuj ixaꞌkalokot ē aꞌktojon ixaꞌkxāk. Aꞌkatunuꞌ corona ixkaꞌlhī na ixaꞌkalokot. Aꞌkatunuꞌ ixaꞌkxāk ixtatzoꞌkniꞌ aꞌktin tacuhuīniꞌ tū ixuanicuꞌtun xlaꞌ ixmālakchāꞌniꞌcuꞌtun chī Dios.
\v 2 Huāꞌmāꞌ animalh tū iclaktzīꞌlh, xlaꞌ ixuanīꞌt chī misin. Ixtujanīꞌn chī ixlaꞌ oso ixtahuanīꞌt. Ixquilhniꞌ ixkaꞌlhī chī ixquilhniꞌ león. Dragón maxquīꞌlh ixlītliꞌhuiꞌqui animalh tū tacutli nac mar. Chuntzaꞌ animalh ixkaꞌlhī lhūhuaꞌ līmāpaꞌksīn.
\v 3 Aꞌktin ixaꞌkxāk animalh ixtasuꞌyu chī ixmātakāhuīꞌcanīꞌt ē āꞌmacstiꞌnaꞌj īꞌsputniꞌtzaꞌ ixnīlh ē chuhuaꞌj tzeyanlitzaꞌ jā ixtakāhuīꞌnīꞌt. Ixlīpōꞌktucaꞌn tachiꞌxcuhuīꞌt xalanīꞌn nac cāꞌquilhtamacuj talīꞌaꞌcnīlh animalh ē tastālaniꞌlh.
\v 4 Tamakapāxuīlh dragón ixpālacata ixmaxquīꞌnīꞌttzaꞌ lītliꞌhuiꞌqui tzamāꞌ animalh. Nā tamakapāxuīlh animalh ē ixtahuan:
\p ―Jā tū āꞌnampala āꞌlakatin chī huāꞌmāꞌ animalh. ¿Tīchu tzē natāꞌlātlahua?
\p
\v 5 Makxtekca animalh nalīchihuīnaꞌn Dios tū jā tze tachihuīn. Makxtekca nakaꞌlhī lītliꞌhuiꞌqui tuꞌpuꞌxamatuꞌ mālhcuyuꞌ.
\v 6 Xlaꞌ jā tze tzuculh līchihuīnaꞌn Dios ē ixtacuhuīniꞌ ē aꞌkapūn ē ixlīpōꞌktucaꞌn tī tahuiꞌlānaꞌnchaꞌ nac aꞌkapūn.
\v 7 Makxtekca nacātāꞌlātucsa ixtachiꞌxcuhuīꞌt Dios ē nacāskāhuīꞌkōꞌ. Makxtekca nacāmāpaꞌksī ixlīpōꞌktucaꞌn tachiꞌxcuhuīꞌt xalanīꞌn ixlīpōꞌktu tribus ē ixlīpōꞌktucaꞌn xalanīꞌn pūlaclhūhuaꞌ tachihuīn ē ixlīpōꞌktucaꞌn cāꞌlacchicniꞌ.
\v 8 Ixlīpōꞌktucaꞌn tī tahuiꞌlānaꞌlh nac cāꞌquilhtamacuj natalakachiꞌxcuhuīꞌ animalh. Xlacaꞌn xmān tī jā ixtatzoꞌkniꞌ ixtacuhuīniꞌcaꞌn nac libro jā cātzoꞌkcanīꞌt ixtacuhuīniꞌcaꞌn tī takaꞌlhī xasāstiꞌ ixlatamatcaꞌn. Ixtatzoꞌkniꞌ ixtacuhuīniꞌcaꞌn aꞌcxniꞌ tzuculh cāꞌquilhtamacuj. Huāꞌmāꞌ libro māpaꞌksī xmān ūꞌtzaꞌ Cordero tī maknīca.
\p
\v 9 Tī kexpaꞌtāꞌtit, tzej cakexpaꞌttit tū naꞌicuan.
\v 10 Tī tachīꞌ āꞌmakapitzīn, nā xlacaꞌn nacāchīꞌcan. Tī talīmaknīniꞌn ixespadacaꞌn, nā xlacaꞌn nacālīmaknīcan espada. Ixlacasquiꞌnca ixtachiꞌxcuhuīꞌt Dios natatāyaniꞌ tū nacāꞌaꞌkspula ē jā maktin natamakxteka natakexmatniꞌ Dios.
\p
\v 11 Āꞌlīstān iclaktzīꞌmpālh āꞌlakatin animalh tū tāꞌcxtuchi na ixtampīn cāꞌtiꞌyaꞌtnaꞌ. Xlaꞌ ixkaꞌlhī kentuꞌ ixaꞌkalokot chī ixaꞌkalokot purecu. Chihuīnaꞌlh chī lakatin dragón.
\v 12 Xlaꞌ ixkaꞌlhīkōꞌ ixlīmāpaꞌksīn xapūla animalh na ixlacatīn. Ixlīpōꞌktu tiꞌyaꞌt ē ixlīpōꞌktucaꞌn tī tahuiꞌlānaꞌlh nac tiꞌyaꞌt, xlaꞌ ixcāhuani catalakachiꞌxcuhuīꞌlh xapūla animalh. Xapūla animalh, xlaꞌ ūꞌtzaꞌ tū ixtakāhuīꞌnīꞌt ē tzeyanli jā ixtakāhuīꞌnīꞌt.
\v 13 Ixlīlakatuꞌ animalh tlahualh lakaꞌtlaꞌ līꞌaꞌcnīn. Na ixlacatīncaꞌn tachiꞌxcuhuīꞌt xlaꞌ macaminchaꞌ macscut nac aꞌkapūn ē macachilh nac cāꞌtiꞌyaꞌtnaꞌ.
\v 14 Xlaꞌ tzē ixtlahua līꞌaꞌcnīn na ixlacatīn xapūla animalh, nā chuntzaꞌ cālīꞌaꞌkskāhuīꞌlh tachiꞌxcuhuīꞌt xalanīꞌn nac cāꞌquilhtamacuj. Cāmātlahuīlh aꞌktin ídolo tū ixtasuꞌyu chī xapūla animalh ixpālacata ūꞌtzaꞌ ixlacasquiꞌn nalakachiꞌxcuhuīꞌcan. Xapūla animalh ūꞌtzaꞌ tū tzē tahuiꞌlapālh masqui ixlīmātakāhuīꞌcanīꞌt espada.
\v 15 Ixlīlakatuꞌ animalh maxquīꞌca lītliꞌhuiꞌqui namālakahuanī ídolo tū ixtasuꞌyu chī xapūla animalh. Chuntzaꞌ ídolo tzē ixchihuīnaꞌn ē tzē ixcāmāmaknīnīniꞌn ixlīpōꞌktucaꞌn tī jā talakachiꞌxcuhuīꞌlh.
\v 16 Ídolo cāmāmacahuiꞌlīnīniꞌlh aꞌktin sello na ixmacapekcānaꞌjcaꞌn o na ixtankāncaꞌn ixlīpōꞌktucaꞌn tachiꞌxcuhuīꞌt. Chuntzaꞌ ixcāmātlahuī ixlīpōꞌktucaꞌn tachiꞌxcuhuīꞌt xalakaꞌtlaꞌ ē tī jā xalakaꞌtlaꞌ, ē lacricujnuꞌ ē xcamanīnīꞌn, ē tī ixtamakscuja ē nā tī jā ixtamakscuja.
\v 17 Tzē ixtatamāhuanaꞌn ē tzē ixtastāꞌnan xmān tī ixtakaꞌlhī na ixtankāncaꞌn o na ixmacancaꞌn ixtacuhuīniꞌ animalh o ixnúmero animalh.
\v 18 Natacaꞌtzī tū huanicuꞌtun huāꞌmāꞌ xmān tī xalakskalalhnaꞌ. Natacaꞌtzī tū huanicuꞌtun ixnúmero animalh. Ixnúmero xlaꞌ chī lītalacsuꞌyu aꞌktin tacuhuīniꞌ. Ixnúmero xlaꞌ aꞌkchāxan ciento āꞌtuꞌtumpuꞌxamachāxan.
\c 14
\s Tapixtlīꞌlh lhūhuaꞌ tachiꞌxcuhuīꞌt
\p
\v 1 Āꞌlīstān iclaktzīꞌlh tī huanican Cordero ixyālh na ixaꞌcpūn aꞌktin sipej tū ixtacuhuīniꞌ Sión. Xlaꞌ ixcātāꞌlahuīꞌlh aꞌktin ciento āꞌtuꞌpuꞌxamatāꞌtiꞌ mil tachiꞌxcuhuīꞌt. Xlacaꞌn ixtakaꞌlhī na ixtankāncaꞌn ixtacuhuīniꞌ Cordero ē nā ixtacuhuīniꞌ ixTātaꞌ.
\v 2 Ickexmatli aꞌktin tachihuīn xalaꞌ nac aꞌkapūn ē ixmacasāꞌnan chī lhūhuaꞌ xcān ē chī aꞌcxniꞌ palhaꞌ jili. Ickexmatli ixtapixtlīꞌncaꞌn arpajnaꞌnīꞌn ixtaꞌarpajnaꞌmāꞌnalh.
\v 3 Xlacaꞌn tī ixtapixtlīꞌmāꞌnalh ixtayānaꞌlh na ixlacatīn ixpūmāpaꞌksīn Dios ē na ixlacatīncaꞌn kelhatāꞌtiꞌ tī ixtayānaꞌlh na ixaꞌkatzāꞌstūtāꞌtiꞌ ē na ixlacatīncaꞌn lakōluꞌn. Tū ixtapixtlīꞌmāꞌnalh xlaꞌ ūꞌtzaꞌ xasāstiꞌ. Nūn chāꞌtin tzē īꞌscaꞌta, xmān aꞌktin ciento āꞌtuꞌpuꞌxamatāꞌtiꞌ mil tachiꞌxcuhuīꞌt. Xlacaꞌn tī cāmakapūtaxtūcanīꞌt ixlīpōꞌktucaꞌn xalanīꞌn nac cāꞌquilhtamacuj.
\v 4 Tzamāꞌ tachiꞌxcuhuīꞌt jā ixtakaꞌlhīnīꞌt ixtāꞌlāpāxquīꞌncaꞌn. Lactze xlacaꞌn. Xlacaꞌn tastālaniꞌ Cordero jā aꞌn xlaꞌ. Xlacaꞌn tī xapūla cāmakapūtaxtūca na ixlacpuꞌnaꞌiꞌtātcaꞌn tachiꞌxcuhuīꞌt xalanīꞌn nac cāꞌquilhtamacuj. Xlacaꞌn chī aꞌktin talakalhuꞌmān na ixlacatīn Dios ē na ixlacatīn Cordero.
\v 5 Xlacaꞌn jā maktin tahuanli nūn aꞌktin tāꞌksaꞌnīn. Xlacaꞌn lactze na ixlacatīn Dios.
\s Tū tahuanli kelhatuꞌtun ángeles
\p
\v 6 Āꞌlīstān iclaktzīꞌlh āꞌchāꞌtin ángel tī ixkosnūꞌntlāꞌhuan tālhmāꞌn. Xlaꞌ ūꞌtzaꞌ ixmācaꞌtzīnīniꞌn xatze tachihuīn tū jā catisputli ē tū ixlaꞌ Jesucristo. Xlaꞌ ūꞌtzaꞌ ixcāhuani ixlīpōꞌktucaꞌn tī xalanīꞌn nac cāꞌquilhtamacuj ē ixlīpōꞌktucaꞌn cāꞌlacchicniꞌ ē xalanīꞌn ixlīpōꞌktucaꞌn xalacxtuncnuꞌ tachihuīn.
\v 7 Xlaꞌ palhaꞌ huanli:
\p ―Cajicuaꞌniꞌtit Dios ē camākaꞌtlīꞌtit xmān ūꞌtzaꞌ. Chilhtzaꞌ quilhtamacuj tū nacāpūputzānaꞌnīkōꞌcan tachiꞌxcuhuīꞌt. Camakapāxuīꞌtit Dios ixpālacata ūꞌtzaꞌ tlahualh aꞌkapūn ē tiꞌyaꞌt ē mar ē ixlīpōꞌktu muꞌsniꞌ.
\p
\v 8 Mimpālh āꞌchāꞌtin ángel, ixlīchāꞌtuꞌ, ē huanli:
\p ―Chuhuaꞌj sputli ixlīmāpaꞌksīn xakaꞌtlaꞌ cāꞌlacchicniꞌ tū huanican Babilonia. Xalanīꞌn huāꞌmāꞌ cāꞌlacchicniꞌ, xlacaꞌn talītalakaspiꞌtniꞌnīꞌt Dios ē chuhuaꞌj tamakapāxuī āꞌmakapitzīn diosnuꞌ. Nā chuntzaꞌ tamakscaꞌtxtulh xalanīꞌn āꞌlacatin cāꞌlacchicniꞌ. Ūꞌtzaꞌ Dios līsītzīꞌlh ē ūꞌtzaꞌ nacālīmakapātīnīncan.
\p
\v 9 Mimpālh ixlīkelhatuꞌtun ángel ē palhaꞌ huanli:
\p ―Chuhuaꞌj Dios nacāmakapātīnīn ixlīpōꞌktucaꞌn tī talakachiꞌxcuhuīꞌ animalh ē ixlakmāxtu, ē tī tatamakxteka nacāhuiꞌlīniꞌcan sello ixlaꞌ animalh na ixtankāncaꞌn o na ixmacancaꞌn.
\v 10 Dios sītzīꞌnīꞌt ē nacāmakapātīnīn. Ixlīpōꞌktucaꞌn natapātīniꞌn nac azufre tū lhcumāꞌlh. Natapātīniꞌn xlacaꞌn na ixlacatīncaꞌn ixángeles Dios ē na ixlacatīn Cordero.
\v 11 Pōꞌktu quilhtamacuj natāꞌkayāhua tālhmāꞌn xajiniꞌ aꞌntzaꞌ jā natapātīniꞌn pōꞌktu quilhtamacuj. Xlacaꞌn jā maktin catitajaxli nūn tzīꞌsa ē nūn cāꞌcuhuīniꞌ. Chuntzaꞌ natapātīniꞌn tī talakachiꞌxcuhuīꞌ animalh ē ixlakmāxtu. Chuntzaꞌ natapātīniꞌn tī takaꞌlhī na ixtankāncaꞌn ixtacuhuīniꞌ animalh.
\v 12 Chuntzaꞌ ixlacasquiꞌnca natatāyaniꞌ ixtachiꞌxcuhuīꞌt Dios ē nā ixlacasquiꞌnca natakexmatniꞌ ixlīmāpaꞌksīn Dios ē nā ixlacasquiꞌnca jā maktin natamakxteka nataꞌaꞌkaꞌīꞌniꞌ Jesucristo.
\p
\v 13 Ickexmatli aꞌktin tachihuīn nac aꞌkapūn tū huanli:
\p ―Catzoꞌkti huāꞌmāꞌ: “Pōꞌktu quilhtamacuj natalīpāxuhua xlacaꞌn tī nataꞌaꞌkaꞌīꞌniꞌcus Jesucristo aꞌcxniꞌ natanī.” Nā Espíritu Santo huan: “Ixlīcānaꞌ natapāxuhua xlacaꞌn ixpālacata chuhuaꞌj natajaxa ē jātzaꞌ catitapātīniꞌlh ixpālacata lactze tū tatlahualh.”
\s Māꞌkaquīꞌca ixtahuaꞌcaꞌt tachaꞌnān
\p
\v 14 Āꞌlīstān iclaktzīꞌlh aꞌktin stalaꞌnkaꞌ poklhnuꞌ. Nac poklhnuꞌ aꞌntzaꞌ ixuīꞌlh chāꞌtin chiꞌxcuꞌ ē ixcucuīꞌlh aꞌktin corona tū xaꞌoro. Ixchiꞌpanīꞌt kentin machīta xastaꞌyaꞌncaꞌ.
\v 15 Taxtupālh nac templo āꞌchāꞌtin ángel. Palhaꞌ tāꞌchihuīnaꞌnli tī ixuīꞌlh nac poklhnuꞌ ē huanilh:
\p ―Namāꞌkaquīꞌyaꞌ ixtahuaꞌcaꞌt tachaꞌnān ixpālacata chilhtzaꞌ quilhtamacuj tū napūmāꞌkaquīꞌcan tachaꞌnān. Caꞌtlaꞌnlitzaꞌ tachaꞌnān nac cāꞌquilhtamacuj.
\v 16 Tī ixuīꞌlh nac poklhnuꞌ māꞌkaquīꞌlh tachaꞌnān nac cāꞌquilhtamacuj.
\p
\v 17 Āꞌlīstān iclaktzīꞌmpālh āꞌchāꞌtin ángel taxtulh nac templo nac aꞌkapūn. Nā xlaꞌ ixchiꞌpanīꞌt ixmachīta xastaꞌyaꞌncaꞌ.
\v 18 Āꞌlīstān minchaꞌ nac pūmacamāstāꞌn āꞌchāꞌtin huampala ángel tī ixmacamaxquīꞌcanīꞌt macscut. Xlaꞌ palhaꞌ taꞌsaniꞌlh ángel tī ixchiꞌpanīꞌt ixmachīta xastaꞌyaꞌncaꞌ ē huanilh:
\p ―Calīchuꞌcu mimachīta xamayāc uvas jā stacnīꞌt nac cāꞌtiꞌyaꞌtnaꞌ ixpālacata chuhuaꞌj pōꞌktutzaꞌ xachān.
\p
\v 19 Ángel līchuꞌculh ixmachīta xamayāc uvas nac cāꞌtiꞌyaꞌtnaꞌ. Cāmojōlh uvas aꞌntzaꞌ jā tzej nalacchiꞌtcan ixpālacata nataxtuniꞌkōꞌ xaxcān. Chuntzaꞌ natalīcaꞌtzī Dios sītzīꞌnīꞌt ē nacāmakapātīnīn tī quiclh tacaꞌtzan.
\v 20 Lacchiꞌtca uvas na ixquilhtūn cāꞌlacchicniꞌ. Taxtulh lhūhuaꞌ kaꞌlhniꞌ chī aꞌktin xakaꞌtlaꞌ xcān. Pūlhmāꞌn ixuanīꞌt ē chāꞌlh na ixpixniꞌ cahuāyuj ē aꞌktuꞌtun ciento kilómetros ixlīlhmāꞌn ixuanīꞌt
\c 15
\s Ángeles ixtalēꞌn aꞌktojon lakuat
\p
\v 1 Āꞌlīstān iclaktzīꞌmpālh aꞌktin kaꞌtlaꞌ līꞌaꞌcnīn nac aꞌkapūn. Iccālaktzīꞌlh kelhatojon ángeles ē chāꞌtunuꞌ xlacaꞌn ixtalēꞌn aꞌktin lakuat. Huāꞌmāꞌ lakuat, ūꞌtzaꞌ āꞌxmān. Aꞌcxniꞌ nalatzaꞌ huāꞌmāꞌ lakuat aꞌcxniꞌ nasputa ixtasītziꞌ Dios.
\p
\v 2 Āꞌlīstān iclaktzīꞌmpālh aꞌktin mar tū huaꞌchi vidrio. Tzuꞌtzoꞌko ixuanīꞌt chī jalaꞌnat. Nā iccālaktzīꞌlh tī ixtaskāhuīꞌnīꞌttzaꞌ tzamāꞌ animalh ixpālacata jāla cāmāquilhpūtīca na ixlacatīn ixlakmāxtu. Xlacaꞌn jā tatamakxtekli nacātankāhuiꞌlīcan ixnúmero tū ixtacuhuīniꞌ. Xlacaꞌn ixtayānaꞌlh na ixquilhtūn nac mar tū huaꞌchi vidrio. Ixtachiꞌpayānaꞌlh arpas tū ixcāmaxquīꞌnīꞌt Dios.
\v 3 Xlacaꞌn ixtapixtlīꞌyānaꞌlh tū ixlīpixtlīꞌ Moisés tī ixtāꞌscuja Dios. Ixtapixtlīꞌ ixpālacata Cordero. Tū talīpixtlīꞌlh, ūꞌtzaꞌ huāꞌmāꞌ:
\q Māpaꞌksīniꞌ quinDioscaꞌn, huiꞌx kaꞌlhīkōꞌyaꞌ ixlīpōꞌktu lītliꞌhuiꞌqui.
\q Kaꞌtlaꞌ ē tzēhuanīꞌt pōꞌktu tū tlahuaꞌyaꞌ huiꞌx.
\q Xmān huiꞌx māpaꞌksīkōꞌyaꞌ ixlīpōꞌktu cāꞌlacchicniꞌ.
\q Pōꞌktu tū tlahuaꞌyaꞌ tze ē ūꞌtzaꞌ ixlīcānaꞌ.
\q      
\v 4     Ixlīpōꞌktucaꞌn tachiꞌxcuhuīꞌt natajicuaꞌniꞌyān huiꞌx, Māpaꞌksīniꞌ.
\q Ixlīpōꞌktucaꞌn natamākaꞌtlīꞌyān.
\q Xmān huiꞌx tlahuaꞌyaꞌ pōꞌktu tū tze.
\q Ixlīpōꞌktucaꞌn tachiꞌxcuhuīꞌt xalanīꞌn nac cāꞌquilhtamacuj natamin ē natalaktaquilhpūtayān xmān huiꞌx,
\q ixpālacata ixlīpōꞌktucaꞌn talaktzīꞌn tū huiꞌx tlahuaꞌyaꞌ tze ixlīpōꞌktu.
\p
\v 5 Āꞌlīstān iclaktzīꞌlh templo ixlaquīꞌyālh nac aꞌkapūn. Na ixpūlacniꞌ ixuiꞌlachaꞌ chihuixniꞌ jā tatzoꞌkniꞌ līmāpaꞌksīn tū maxquīꞌcanīꞌt Moisés.
\v 6 Tataxtulh nac templo kelhatojon ángeles tī ixtalēꞌmāꞌnalh aꞌktojon lakuat. Ixluꞌxuꞌcaꞌn xatze ē stalaꞌnkaꞌ ē xatacheꞌkēꞌn. Ē ixtakaꞌlhī ixlīchīꞌcāncaꞌn tū xaꞌoro na ixcuꞌxancaꞌn.
\v 7 Āꞌlīstān chāꞌtin ixlīkelhatāꞌtiꞌ tī ixtayānaꞌlh na ixaꞌkatzāꞌstūtāꞌtiꞌ cāmaxquīꞌlh chāꞌtunuꞌ ángeles aꞌkatunuꞌ copa tū xaꞌoro. Copa ixtalītzuma ixtasītziꞌ Dios tū nacālīmakapātīnīn tachiꞌxcuhuīꞌt. Dios, xlaꞌ huīꞌlh pōꞌktu quilhtamacuj.
\v 8 Templo ixlītzumakōꞌ jiniꞌ ixpālacata kaꞌtlaꞌ Dios ē kaꞌlhī lītliꞌhuiꞌqui. Nūn chāꞌtin tzē ixtanū nac templo aꞌcxniꞌ jānaꞌj īꞌsputkōꞌ aꞌktojon lakuat tū ixtalēꞌmāꞌnalh kelhatojon ángeles.
\c 16
\s Pātojon copa jā ixtojōmāꞌlh tū nalīmakapātīnīniꞌn Dios
\p
\v 1 Āꞌlīstān ickexmatli aꞌktin tachihuīn palhaꞌ tū ixtaxtumāꞌlh nac templo. Cāhuanilh kelhatojon ángeles:
\p ―Capinchipitit ē capūxteketit nac cāꞌtiꞌyaꞌtnaꞌ aꞌktojon copa tū cātamaxquīꞌnīꞌtaꞌn ē aꞌntzaꞌ jā tatojōmāꞌnalh tū Dios nacālīmakapātīnīn tachiꞌxcuhuīꞌt.
\p
\v 2 Xapūla ángel aꞌlh ē pūxtekelh ixcopa nac cāꞌtiꞌyaꞌtnaꞌ. Cātaxtuniꞌlh ē cātapuꞌnukōꞌlh tziꞌtziꞌ tū ixcācaꞌtzaniꞌ tī ixtakaꞌlhī na ixtankāncaꞌn ixsello animalh ē tī ixtalaktaquilhpūta ixlakmāxtu animalh.
\p
\v 3 Ixlīchāꞌtuꞌ ángel nā pūxtekelh ixcopa nac mar. Xcān kaꞌlhniꞌ taxtulh chī ixlaꞌ nīn. Ē tanīkōꞌlh ixlīpōꞌktu tū ixaꞌnan nac mar.
\p
\v 4 Ixlīkelhatuꞌtun ángel pūxtekepālh ixcopa nac kaꞌtlaꞌ xcān ē jā huīꞌlh muꞌsniꞌ. Kaꞌlhniꞌ taxtukōꞌlh.
\v 5 Ickexmatli chī huanli ángel tī pūxtekelh ixcopa nac xcān. Huanli:
\p ―QuinDioscaꞌn, huiꞌx tze. Huiꞌx huiꞌlaꞌ ē pōꞌktu quilhtamacuj huiꞌlaꞌ. Tze chī talīxokonuꞌniꞌn.
\v 6 Xlacaꞌn tī cāmakapātīnīmpāꞌt tamaknīlh mintachiꞌxcuhuīꞌt ē minaꞌkchihuīnaꞌnīꞌn. Chuhuaꞌj huiꞌx cālīmākoꞌtnīpāꞌt kaꞌlhniꞌ. Chuntzaꞌ cāminīꞌniꞌ.
\p
\v 7 Āꞌlīstān ickexmatpālh aꞌktin tachihuīn nac pūmacamāstāꞌn tū huanli:
\p ―Dios Māpaꞌksīniꞌ, huiꞌx kaꞌlhīꞌkōꞌyaꞌ ixlīpōꞌktu lītliꞌhuiꞌqui. Tze huiꞌx chī cālīputzānaꞌniꞌyaꞌ.
\p
\v 8 Ixlīkelhatāꞌtiꞌ ángel pūxtekelh ixcopa nac chiꞌchiniꞌ. Chuntzaꞌ chiꞌchiniꞌ cālīlhcuyulh tachiꞌxcuhuīꞌt ixlīchiꞌchi.
\v 9 Xlacaꞌn talhcukōꞌlh. Ē cachīhuālh tatzuculh tahuani Dios ixpālacata xlaꞌ macamilh huāꞌmāꞌ lakuat ixpālacata kaꞌlhī lītliꞌhuiꞌqui. Xlacaꞌn jā maktin talakpalīcuꞌtunli ixtalacapāstacniꞌcaꞌn. Jā maktin talaktaquilhpūtacuꞌtunli Dios.
\p
\v 10 Āꞌlīstān ixlīkelhaquitzis ángel pūxtekepālh ixcopa na ixpūtahuīꞌlh animalh. Tzīꞌsuanli jā ixmāpaꞌksīniꞌn animalh. Tachiꞌxcuhuīꞌt ixtaxcā ixsīꞌmaꞌkāꞌtcaꞌn ixpālacata ixtapātīniꞌmāꞌnalh.
\v 11 Cachīhuālh talīchihuīnaꞌnli Dios xalaꞌ nac aꞌkapūn ixpālacata ixtapātīniꞌmāꞌnalh chī ixcājicsmāhuīꞌ ixtziꞌtziꞌcaꞌn. Jā tamakxtekli natatlahua tū jā tze.
\p
\v 12 Ixlīkelhachāxan ángel pūxtekelh ixcopa nac kaꞌtlaꞌ xcān tū huanican Eufrates. Ē tzamāꞌ xcān pūtīlh ē chuntzaꞌ tzē tatētaxtulh napuxcuꞌnuꞌ tī ixtamimāꞌnaꞌnchaꞌ jā tāꞌcxtuyāchi chiꞌchiniꞌ.
\p
\v 13 Āꞌlīstān iclaktzīꞌmpālh tataxtulh kelhatuꞌtun tū jā tzeya ūꞌniꞌ na ixquilhniꞌ dragón ē ixquilhniꞌ animalh ē nā ixquilhniꞌ tī jā tze aꞌkchihuīnaꞌ. Tzamāꞌ jā tzeya ūꞌniꞌ ixtatasuꞌyu chī chachakatnaꞌ.
\v 14 Tzamāꞌ ūꞌniꞌ ixlaꞌ skāhuīꞌniꞌ ixtahuanīꞌt. Xlacaꞌn ixtatlahua līꞌaꞌcnīn. Tataxtulh natamākēstoka ixlīpōꞌktucaꞌn napuxcuꞌnuꞌ xalanīꞌn nac cāꞌquilhtamacuj. Chuntzaꞌ napuxcuꞌnuꞌ tatzuculh talātucsa tzamāꞌ quilhtamacuj tū lacsacnīꞌt Dios tī kaꞌlhīkōꞌ lītliꞌhuiꞌqui.
\v 15 Ūꞌtzaꞌ huāꞌmāꞌ tū huan Jesucristo:
\p ―Quit naꞌicmin chī chāꞌtin kaꞌlhānaꞌ ixpālacata jā tī tī tacaꞌtzī. Līpāxuhua natatahuiꞌla xlacaꞌn tī tzej natamaktakaꞌlha ixluꞌxuꞌcaꞌn ē jā natalhtata. Chuntzaꞌ jā maklhpiꞌmpiꞌliꞌ catitalatāꞌkchokolh xlacaꞌn ē jā catitamāxanaꞌlh na ixlacatīncaꞌn tachiꞌxcuhuīꞌt.
\p
\v 16 Napuxcuꞌnuꞌ cāmākēstokca jā ixuanican Armagedón tachihuīn hebreo.
\p
\v 17 Āꞌlīstān ixlīkelhatojon ángel pūxtekelh ixcopa nac ūꞌniꞌ. Ē chihuīnaꞌnli chāꞌtin tī ixuīꞌlh nac pūtahuīꞌlh nac templo nac aꞌkapūn. Huanli:
\p ―Chuhuaꞌj lakōꞌnīꞌttzaꞌ ixlīpōꞌktu.
\p
\v 18 Ē tzuculh makliꞌpa ē palhaꞌ jililh ē taꞌsakōꞌca. Tachiquilh tiꞌyaꞌt. Chī tachiquilh tiꞌyaꞌt, jā maktin ixlanīꞌt ixtāꞌchuntzaꞌ aꞌcxniꞌ tachiꞌxcuhuīꞌt tatzuculh tatahuiꞌla nac cāꞌquilhtamacuj.
\v 19 Kaꞌtlaꞌ cāꞌlacchicniꞌ, jā ixuanican Babilonia, tacheꞌkelh tiꞌyaꞌt ē lakapektuꞌtun taxtulh. Cāꞌlacchicniꞌ xalaꞌ ixlīpōꞌktu cāꞌquilhtamacuj, talakuankōꞌlh. Dios cāpāstacli tzamāꞌ xalanīꞌn nac Babilonia chī ixtatlahuanīꞌt tū jā tze. Dios cāmakapātīnīnli ixpālacata xlaꞌ ixsītzīꞌnīꞌt.
\v 20 Ixlīpōꞌktu lacpītzunaꞌj tiꞌyaꞌt nac mar talakuankōꞌlh. Ē nā talakuankōꞌlh sipejniꞌ. Jātzaꞌ ixtatasuꞌyu.
\v 21 Yujli chejet lakaꞌtlaꞌ. Aꞌktin chejet ixtzincan tuꞌpuꞌxam kilos. Cāꞌaꞌkpūtahuīꞌlh tachiꞌxcuhuīꞌt. Xlacaꞌn āꞌchulāꞌ cachīhuālh talīchihuīnaꞌnli Dios ixpālacata chejet chī ixtapātīmāꞌnalh xalījicuaꞌniꞌ lakuat.
\c 17
\s Makapātīnīnca puscāt tī xamaklaniꞌ
\p
\v 1 Quilakmilh chāꞌtin ixlīkelhatojon ángeles tī ixtakaꞌlhī aꞌktojon copa. Quihuanilh:
\p ―Cataꞌt. Naꞌicmāsuꞌyuniꞌyān chī namakapātīnīncan puscāt tī xamaklaniꞌ tī huīꞌlh jā huīꞌlh kaꞌtlaꞌ mar.
\v 2 Māpaꞌksīniꞌnīꞌn xalanīꞌn ixlīpōꞌktu cāꞌquilhtamacuj tatāꞌtlahuanīꞌt tū jā tze huāꞌmāꞌ puscāt. Tachiꞌxcuhuīꞌt xalanīꞌn nac cāꞌquilhtamacuj, xlacaꞌn huaꞌchi kaꞌchīnīꞌn ixpālacata jā tze ixtalacapāstacniꞌcaꞌn ixpālacata huāꞌmāꞌ puscāt ―quihuanica.
\p
\v 3 Ē ángel quilīlēꞌlh ixlītliꞌhuiꞌqui Espíritu Santo nac aꞌktin cāꞌtzayaꞌnca tiꞌyaꞌt. Aꞌntzaꞌ iclaktzīꞌlh chāꞌtin puscāt ixkēhuīꞌlh lakatin animalh xatzuꞌtzoꞌko. Ixlīpōꞌktu na ixmacniꞌ animalh ixtamaktzoꞌknīꞌt xalakoꞌhuaꞌjuaꞌ tacuhuīniꞌ. Animalh ixkaꞌlhī aꞌktojon ixaꞌkxāk ē kencāuj ixaꞌkalokot.
\v 4 Ē puscāt ixlhakāꞌnīꞌt ixluꞌxuꞌ xasmataka ē xatzuꞌtzoꞌko. Ixluꞌxuꞌ līcāxlalh oro ē lhūhuaꞌ tū huaꞌchi chihuix xalactzēhuanīꞌt ē xatapalaxlaꞌ, ē nā chihuix tū huanican perla. Ixchiꞌpatēlha aꞌktin copa tū xaꞌoro. Tzamāꞌ copa ixlītzumakōꞌ tū xalakoꞌhuaꞌjuaꞌ ixpālacata xlaꞌ xamaklaniꞌ.
\v 5 Na ixtankān ixtatzoꞌknīꞌt aꞌktin tacuhuīniꞌ tū jā ixcaꞌtzīcan tū ixuanicuꞌtun. Tū ixtatzoꞌkniꞌ ūꞌtzaꞌ huāꞌmāꞌ: “Xakaꞌtlaꞌ Babilonia, xlaꞌ ūꞌtzaꞌ xatzīꞌ ixlīpōꞌktucaꞌn puscan tī xamaklaniꞌ ē xatzīꞌ ixlīpōꞌktu tū jā tze.”
\v 6 Iclaktzīꞌlh tzamāꞌ puscāt ixlīkaꞌchīnīꞌt ixkaꞌlhniꞌcaꞌn ixtachiꞌxcuhuīꞌt Dios. Xlacaꞌn cāmaknīca ixpālacata jā tamakxtekli takexmatniꞌ Jesús. Aꞌcxniꞌ quit iclaktzīꞌlh huāꞌmāꞌ, icaꞌcnīlh.
\v 7 Ángel quinkelhasquiꞌnīlh:
\p ―¿Tū līꞌaꞌcnīꞌyaꞌ? Naꞌicuaniyān tū līlakatzēꞌk ixpālacata puscāt ē tzamāꞌ animalh tū kēhuīꞌlh, ē tū kaꞌlhī aꞌktojon ixaꞌkxāk ē kencāuj ixaꞌkalokot.
\v 8 Animalh tū laꞌktziꞌ, ixuīꞌlh xapūla, ē chuhuaꞌj jātzaꞌ huīꞌlh. Xlaꞌ natāꞌcxtuyāchi nac xapūlhmāꞌn lhuꞌcuꞌ. Āꞌlīstān xlaꞌ naꞌaꞌn jā namālakuanīcan. Aꞌcxniꞌ nalaktzīꞌncan animalh, natalīꞌaꞌcnīkōꞌ tachiꞌxcuhuīꞌt xalanīꞌn nac cāꞌquilhtamacuj. Natalīꞌaꞌcnī animalh tū ixuīꞌlh makāstzaꞌ ē jātzaꞌ huīꞌlh ē natahuiꞌlapala. Natalīꞌaꞌcnīniꞌn ixlīpōꞌktucaꞌn tī jā tatzoꞌkniꞌ ixtacuhuīniꞌcaꞌn nac libro aꞌcxniꞌ tzuculh cāxtahuiꞌla cāꞌquilhtamacuj. Nac libro aꞌntzaꞌ jā cātzoꞌkcanīꞌt ixtacuhuīniꞌcaꞌn tī takaꞌlhī xasāstiꞌ ixlatamatcaꞌn.
\p
\v 9 Nā ángel quihuanilh:
\p ―Chuhuaꞌj naꞌicuaniyān tū huanicuꞌtun huāꞌmāꞌ ē tū takexmata tī lakskalalh. Aꞌktojon ixaꞌkxāk animalh, xlaꞌ ūꞌtzaꞌ aꞌktojon sipej jā tahuiꞌla puscāt.
\v 10 Aꞌktojon aꞌkxāk, ūꞌtzaꞌ huanicuꞌtun kelhatojon napuxcuꞌnuꞌ. Kelhaquitzis xlacaꞌn jātzaꞌ tamāpaꞌksīniꞌn. Chāꞌtin māpaꞌksīniꞌncus. Chāꞌtin jā āꞌmin. Xlaꞌ aꞌcxniꞌ namin, jā makās catimāpaꞌksīniꞌlh.
\v 11 Animalh tū ixuīꞌlh xapūla ē tū jātzaꞌ huīꞌlh, xlaꞌ ūꞌtzaꞌ ixlīkelhatzayan puxcuꞌ. Xlaꞌ lacxtim chī kelhatojon. Āꞌlīstān xlaꞌ namālakuanīcan.
\p
\v 12 Kencāuj aꞌkalokot tū laꞌktziꞌ, xlaꞌ ūꞌtzaꞌ kelhacāuj napuxcuꞌnuꞌ. Xlacaꞌn tī jānaꞌj talītzucu tamāpaꞌksīniꞌn. Xlacaꞌn natatāꞌmāpaꞌksīniꞌn animalh xmān aꞌktin hora.
\v 13 Tzamāꞌ kelhacāuj napuxcuꞌnuꞌ tachihuīnaꞌnīꞌt ē natamaxquīꞌ animalh ixlītliꞌhuiꞌquicaꞌn ē ixlīmāpaꞌksīncaꞌn.
\v 14 Xlacaꞌn natatāꞌlātlahua Cordero. Cordero nacāskāhuīꞌ ixpālacata xlaꞌ ūꞌtzaꞌ Māpaꞌksīniꞌ tī cāmāpaꞌksī ixlīpōꞌktucaꞌn tī tamāpaꞌksīniꞌn, ē xlaꞌ ūꞌtzaꞌ Xapuxcuꞌ napuxcuꞌnuꞌ. Ixtachiꞌxcuhuīꞌt Cordero xlacaꞌn tī Dios cātaꞌsaniꞌnīꞌt ē cālacsacnīꞌt ē takexmatniꞌ xmān Dios.
\p
\v 15 Nā quihuanipalh ángel:
\p ―Tzamāꞌ mar, tū laꞌktziꞌ jā lacahuahuīꞌlh puscāt tī xamaklaniꞌ, huanicuꞌtun lhūhuaꞌ tachiꞌxcuhuīꞌt xalanīꞌn lhūhuaꞌ cāꞌlacchicniꞌ tī tachihuīnaꞌn kempālhūhuaꞌ tachihuīn.
\v 16 Kencāuj aꞌkalokot tū cālaꞌktziꞌ ē tū kelhacāuj napuxcuꞌnuꞌ, xlacaꞌn ē animalh natalāquiclhlaktzīꞌn puscāt tī xamaklaniꞌ. Puscāt namaktīkōꞌcan tū kaꞌlhī. Maklhpiꞌmpiꞌliꞌ natamakxteka. Xlacaꞌn natahuaꞌ ixquinīt puscāt. Ē nalhcuyukōꞌcan.
\v 17 Dios cāmālacpuhuanīlh natatlahua tū Dios ixlacasquiꞌn. Ūꞌtzaꞌ xlacaꞌn talīchihuīnaꞌnli natamaxquīꞌ ixlīmāpaꞌksīncaꞌn animalh hasta aꞌcxniꞌ namākentaxtūkōꞌcan ixlīpōꞌktu tū Dios ixuanīꞌt.
\v 18 Puscāt tī laꞌktziꞌ, xlaꞌ ūꞌtzaꞌ xakaꞌtlaꞌ cāꞌlacchicniꞌ tū cāmāpaꞌksīkōꞌ napuxcuꞌnuꞌ xalanīꞌn nac cāꞌquilhtamacuj.
\c 18
\s Mālakuanīca Babilonia
\p
\v 1 Āꞌlīstān iclaktzīꞌmpālh āꞌchāꞌtin ángel tī ixyujmāꞌchi nac aꞌkapūn. Xlaꞌ ixkaꞌlhī lītliꞌhuiꞌqui. Māxkakēkōꞌlh cāꞌtiꞌyaꞌtnaꞌ.
\v 2 Palhaꞌ huanli:
\p ―Chuhuaꞌj mālakuanīkōꞌcanīꞌttzaꞌ xakaꞌtlaꞌ cāꞌlacchicniꞌ Babilonia. Chuhuaꞌj tahuiꞌlānaꞌlh aꞌntzaꞌ xmān tū jā tzeya ūꞌniꞌ, ē ixlīpōꞌktu spūnīꞌn xalakoꞌhuaꞌjuaꞌ.
\v 3 Babilonia cāmātlahuīlh tū jā tze xalanīꞌn na ixlīpōꞌktu cāꞌlacchicniꞌ. Napuxcuꞌnuꞌ xalanīꞌn na ixlīpōꞌktu cāꞌquilhtamacuj tatlahualh tū jā tze ixpālacata huāꞌmāꞌ cāꞌlacchicniꞌ. Stāꞌnaꞌnīꞌn xalanīꞌn nac cāꞌquilhtamacuj rico talītaxtulh, ixpālacata xalanīꞌn nac Babilonia ixtaxaꞌma ixtumīncaꞌn natatamāhua ixlīpōꞌktu tū ixtalacasquiꞌn.
\p
\v 4 Āꞌlīstān ickexmatpālh aꞌktin tachihuīn nac aꞌkapūn tū huanli:
\p ―Cataxtutit nac Babilonia, huiꞌxinaꞌn tī quintachiꞌxcuhuīꞌt. Jā natāꞌtlahuaꞌyāꞌtit tū jā tze xalanīꞌn aꞌntzaꞌ. Chuntzaꞌ jā catimakpātīniꞌntit huiꞌxinaꞌn aꞌcxniꞌ nacāmakapātīnīncan xlacaꞌn.
\v 5 Lhūhuaꞌ ixcuentacaꞌn xlacaꞌn. Cāmākēstokuiꞌlīniꞌcanīꞌt ē chāꞌnīꞌt nac aꞌkapūn. Dios cāpāstacniꞌnīꞌt ixcuentacaꞌn.
\v 6 Chuhuaꞌj cacātlahuaniꞌca xlacaꞌn tū cātlahuaniꞌlh āꞌmakapitzīn. Tzej cataxokolh hasta maktuꞌ tū tatlahuaniꞌlh āꞌmakapitzīn. Chuhuaꞌj tzej catapātīniꞌlh xlacaꞌn hasta maktuꞌ.
\v 7 Rico ixtahuanīꞌt ē tapāxuhualh ē kaꞌtlaꞌ ixtamakcaꞌtzī. Chuhuaꞌj tzej catapātīniꞌlh ē tzej catalīpuhuanli. Xlacaꞌn chī chāꞌtin puscāt tī huan: “Quit chāꞌtin reina ē icmāpaꞌksīniꞌn. Quit jā tī quinīmakaꞌnīꞌt. Jā maktin ictilīlakaputzalh.”
\v 8 Ūꞌtzaꞌ nalīmin lakuat. Naminkōꞌ ixlīpōꞌktu aꞌktin quilhtamacuj: līnīn ē talakaputzīt ē tatziꞌncstat. Nā nalhcuyukōꞌcan huāꞌmāꞌ cāꞌlacchicniꞌ. Tī namacamin huāꞌmāꞌ lakuat, xlaꞌ ūꞌtzaꞌ Dios. Xlaꞌ kaꞌlhī lītliꞌhuiꞌqui.
\p
\v 9 Napuxcuꞌnuꞌ xalanīꞌn nac cāꞌquilhtamacuj tatāꞌtlahualh tū jā tze xalanīꞌn nac Babilonia. Ūꞌtunuꞌn ixcātāꞌtlahua ixlīpōꞌktu tū ixtalacasquiꞌn. Xlacaꞌn natalīpuhuan ē natacalhuan aꞌcxniꞌ natalaktzīꞌn cāꞌlacchicniꞌ Babilonia lhcumāꞌlh ē xajiniꞌ tāꞌkayāhuamāꞌlh nahuan.
\v 10 Napuxcuꞌnuꞌ natalacaꞌaꞌntāya makat ixpālacata nā natajicuaꞌn chī natapātīniꞌn xalanīꞌn nac Babilonia. Natalāhuani:
\p ―¡Līlakalhuꞌmānat Babilonia, kaꞌtlaꞌ cāꞌlacchicniꞌ! Ixkaꞌlhī lītliꞌhuiꞌqui. Ē xamaktin xokomāꞌlh ixlīpōꞌktu tū jā tze tū tatlahuanīꞌt aꞌntzaꞌ ―chuntzaꞌ natahuan.
\p
\v 11 Stāꞌnaꞌnīꞌn xalanīꞌn nac cāꞌquilhtamacuj nā xlacaꞌn natacalhuan ē natalīpuhuan tū naꞌaꞌkspula Babilonia. Natacalhuan ixpālacata jātzaꞌ catitaꞌaꞌnalh tī nacāmaktamāhua ixlīstāꞌtcaꞌn.
\v 12 Jātzaꞌ catiꞌaꞌnalh tī nacāmaktamāhua ixlīstāꞌtcaꞌn: oro ē plata ē perlas ē xatapalaxlaꞌ chihuix ē luꞌxuꞌ tū xatze ixlaꞌ lino ē ixlaꞌ seda tū smataka ē tzuꞌtzoꞌko. Jātzaꞌ catitamāhuaca quiꞌhuiꞌ tū xamuꞌcsu. Jātzaꞌ caticāmaktamāhuaca tū cālītlahuacan marfil ē quiꞌhuiꞌ xatapalaxlaꞌ ē bronce ē līcāꞌn ē mármol.
\v 13 Jātzaꞌ catitamāhuaca canela ē nūn tū muꞌcsu tū mojōniꞌcan līhuaꞌt. Jātzaꞌ caticāmaktamāhuaca siyentzu ē mirra ē perfume ē vino ē aceite ē harina ē trigo. Jātzaꞌ caticāmaktamāhuaca huācax ē borregos ē cahuāyuj ē carretas ē tasācuaꞌ.
\v 14 Stāꞌnaꞌnīꞌn natahuani xalanīꞌn nac Babilonia:
\p ―Cāsputniꞌkōꞌnīꞌtaꞌn tū ixtapalh tumīn tū ixkaꞌlhīcuꞌtunāꞌtit. Nā cāsputniꞌkōꞌnīꞌtaꞌn ixlīpōꞌktu tū xalactze ē xatapalaxlaꞌ. Jātzaꞌ maktin catikaꞌlhīꞌtit.
\p
\v 15 Stāꞌnaꞌnīꞌn lacricujnuꞌ ixtahuanīꞌt ixpālacata ixtalāmaktamāhuanaꞌn xalanīꞌn nac Babilonia. Nā xlacaꞌn natalacaꞌaꞌntāya makat ixpālacata natajicuaꞌn chī natapātīniꞌn xalanīꞌn nac Babilonia. Natalīpuhuan ē natacalhuan.
\v 16 Ē natahuan:
\p ―¡Līlakalhuꞌmānat Babilonia! Xapūla xalanīꞌn aꞌntzaꞌ ixtalhakāꞌ pōꞌktu lino xatze ē xasmataka luꞌxuꞌ ē xatzuꞌtzoꞌko. Ixtakaꞌlhī ixlīcāxtlahuancaꞌn pōꞌktu tū xaꞌoro ē chihuix xatapalaxlaꞌ ē perlas.
\v 17 Xamaktin cāsputniꞌkōꞌlh ixlīricocaꞌn ―natahuan.
\p Ixlīpōꞌktucaꞌn marineros ē xanapuxcuꞌnuꞌ barcos ē ixlīpōꞌktucaꞌn tī tapūꞌaꞌn barcos ē ixlīpōꞌktucaꞌn tī tamakscuja nac mar, ixlīpōꞌktucaꞌn makat natalacaꞌaꞌntāya.
\v 18 Aꞌcxniꞌ natalaktzīꞌn chī nalhcu cāꞌlacchicniꞌ Babilonia ē chī nataxtu xajiniꞌ, xlacaꞌn natahuan:
\p ―Nūn maktin aꞌnanīꞌt aꞌktin cāꞌlacchicniꞌ chī huāꞌmāꞌ kaꞌtlaꞌ cāꞌlacchicniꞌ.
\p
\v 19 Natalīpuhuan ē natataya pokxniꞌ ē nacāꞌaꞌcpūmāhuaꞌcaꞌcan. Natacalhuan ē palhaꞌ natahuan:
\p ―¡Līlakalhuꞌmānat huāꞌmāꞌ xakaꞌtlaꞌ cāꞌlacchicniꞌ! Rico ixtahuanīꞌt xalanīꞌn aꞌntzaꞌ. Lacricujnuꞌ talītaxtulh ixlīpōꞌktucaꞌn ixtēcuꞌnīꞌn barcos ixpālacata īꞌstāꞌnancan nac Babilonia. ¡Līlakalhuꞌmānat cāꞌlacchicniꞌ! Xamaktin sputli.
\p
\v 20 Nā nahuancan:
\p ―Catalīpāxualh ixlīpōꞌktucaꞌn xalanīꞌn nac aꞌkapūn ixpālacata lakuanīꞌt cāꞌlacchicniꞌ Babilonia. Calīpāxuaꞌtit huiꞌxinaꞌn tī ixtachiꞌxcuhuīꞌt Dios ē nā huiꞌxinaꞌn apóstoles ē ixaꞌkchihuīnaꞌnīꞌn Dios. Xlacaꞌn xalanīꞌn nac Babilonia taxokoniꞌmāꞌnalhtzaꞌ Dios tū cātatlahuaniꞌnīꞌtaꞌn huiꞌxinaꞌn.
\p
\v 21 Āꞌlīstān chāꞌtin ángel xatliꞌhuiꞌqui chiꞌpalh aꞌktin kaꞌtlaꞌ chihuix chī aꞌktin xuāꞌtiꞌ ixlīkaꞌtlaꞌ. Mojōlh nac mar ē huanli:
\p ―Chuntzaꞌ namāyujūcan kaꞌtlaꞌ cāꞌlacchicniꞌ Babilonia. Jātzaꞌ maktin catitasuꞌyulh.
\v 22 Jātzaꞌ catikexmatca aꞌntzaꞌ tī taslaꞌknan. Jātzaꞌ catikexmatca arpa nūn līskoliꞌ. Jātzaꞌ maktin catitasuꞌyulh tī tatlahua catūhuālh tascujūt. Jātzaꞌ catimacasāꞌnalh xuāꞌtiꞌ ixpālacata jā tī tī natasquiti.
\v 23 Jātzaꞌ tū catiꞌaꞌnalh pūmaksko tū namāxkakēniꞌn. Jātzaꞌ catikexmatca ixtachihuīncaꞌn tī tatamakaxtoknīꞌtcus. Stāꞌnaꞌnīꞌn tī xapūla tamilh nac Babilonia, xlacaꞌn āꞌchulāꞌ ixtakaꞌlhī lītliꞌhuiꞌqui ē jā āꞌmakapitzīn xalanīꞌn nac cāꞌquilhtamacuj. Xalanīꞌn nac Babilonia talīꞌaꞌkskāhuīꞌninli ixlīxantilhcaꞌn. Cāꞌaꞌkskāhuīꞌca xalanīꞌn calhāxcuhuālh nac cāꞌquilhtamacuj ―huanli ángel.
\p
\v 24 Chuntzaꞌ naꞌaꞌkspula Babilonia ixpālacata aꞌntzaꞌ cāmaknīca ixaꞌkchihuīnaꞌnīꞌn Dios ē nā cāmaknīca ixtachiꞌxcuhuīꞌt Dios. Nā talēꞌn cuenta xalanīꞌn nac Babilonia chī cāmaknīca ixtachiꞌxcuhuīꞌt Dios ixlīpōꞌktu nac cāꞌquilhtamacuj.
\c 19
\p
\v 1 Āꞌlīstān ickexmatli chī palhaꞌ ixtataꞌsa lhūhuaꞌ tachiꞌxcuhuīꞌt nac aꞌkapūn. Ē xlacaꞌn ixtahuan:
\q ¡Aleluya!
\q QuinDioscaꞌn quincāmakapūtaxtūyān.
\q Calakachiꞌxcuhuīꞌca xmān ūꞌtzaꞌ.
\q Xlaꞌ kaꞌlhīkōꞌ lītliꞌhuiꞌqui.
\q      
\v 2     Xlaꞌ putzānaꞌn chuntzaꞌ chī tū ixlīcānaꞌ.
\q Tze chī xlaꞌ putzānaꞌn.
\q Xlaꞌ putzānaꞌnīnīꞌt Babilonia ixpālacata xalanīꞌn aꞌntzaꞌ tamātlahuīlh tū jā tze ixlīpōꞌktucaꞌn xalanīꞌn nac cāꞌquilhtamacuj, chu lacxtim chī xlacaꞌn.
\q Dios makapātīnīnīꞌt Babilonia ixpālacata xalanīꞌn aꞌntzaꞌ tamaknīlh tī ixtatāꞌscuja Dios.
\p
\v 3 Chihuīnaꞌmpalaca palhaꞌ ē tahuanli:
\p ―¡Aleluya! Xajiniꞌ nac Babilonia taꞌaꞌkayāhuamāꞌlh pōꞌktu quilhtamacuj.
\p
\v 4 Ē puꞌxamatāꞌtiꞌ lakōluꞌn ē kelhatāꞌtiꞌ tī ixtayānalh, xlacaꞌn tatalaktzokostalh Dios tī ixuīꞌlh na ixpūmāpaꞌksīn. Xlacaꞌn tamakapāxuīlh ē tahuanli:
\p ―¡Chuntzaꞌ calalh! ¡Aleluya!
\p
\v 5 Ē kexmatpalaca aꞌktin tachihuīn na ixpūmāpaꞌksīn Dios ē huanli:
\q Camākaꞌtlīꞌtit Dios milīpōꞌktucaꞌn huiꞌxinaꞌn tī tapaꞌksīniꞌyāꞌtit Dios
\q ē milīpōꞌktucaꞌn huiꞌxinaꞌn tī lakachiꞌxcuhuīꞌyāꞌtit Dios,
\q tī xalakaꞌtlaꞌ ē tī jā xalakaꞌtlaꞌ.
\s Tamakaxtokli tī huanican Cordero
\p
\v 6 Ickexmatpālh chī ixtachihuīnaꞌmāꞌnalh lhūhuaꞌ tachiꞌxcuhuīꞌt ē chī macasāꞌnan lhūhuaꞌ xcān, ē chī aꞌcxniꞌ palhaꞌ jili ē tahuanli:
\q ¡Aleluya!
\q Māpaꞌksīniꞌntzaꞌ quiMāpaꞌksīniꞌcaꞌn quinDioscaꞌn tī kaꞌlhīkōꞌ lītliꞌhuiꞌqui.
\q      
\v 7     Līpāxuhua catahuiꞌlauj ē cataꞌsauj cāꞌtapāxuhuān.
\q Camākaꞌtlīꞌuj Dios.
\q Chinīꞌttzaꞌ quilhtamacuj tū napūtamakaxtoka tī huanican Cordero.
\q Ixtasquiꞌniꞌ tacāxnīꞌttzaꞌ huīꞌlh.
\q      
\v 8     Xatasquiꞌniꞌ makxtekcanīꞌt nalhakāꞌ xatze xastalaꞌnkaꞌ luꞌxuꞌ ē xatacheꞌkēꞌn.
\m Xatze luꞌxuꞌ huanicuꞌtun tze chī talatāꞌkchoko ixtachiꞌxcuhuīꞌt Dios.
\p
\v 9 Āꞌlīstān ángel quihuanilh:
\p ―Catzoꞌkti huāꞌmāꞌ: “Līpāxuhua tahuiꞌlānaꞌlh tī cāhuanicanīꞌt catamilh nac cāꞌtaniꞌ ixlaꞌ Cordero aꞌcxniꞌ natamakaxtoka.”
\p Nā quihuanilh ángel:
\p ―Ūꞌtzaꞌ ixlīcānaꞌ huāꞌmāꞌ tachihuīn tū ixlaꞌ Dios.
\p
\v 10 Quit iclaktatzokostalh ángel ē ictimakapāxuīcuꞌtunli. Xlaꞌ quihuanilh:
\p ―Jā catlaꞌhuaꞌ chuntzaꞌ. Quit ictāꞌscuja Dios chuntzaꞌ chī huiꞌx ē chī mintāꞌtimīn tī taꞌaꞌkaꞌīꞌ tū ixlīcānaꞌ tū Jesús māsuꞌyulh. Xmān Dios namakapāxuīꞌyaꞌ. Tī tamāsuꞌyu ixtachihuīn Jesucristo, ixlīpōꞌktucaꞌn xlacaꞌn ixaꞌkchihuīnaꞌnīꞌn Dios ―quihuanica.
\s Xastalaꞌnkaꞌ cahuāyuj ē tī ixkēhuīꞌlh
\p
\v 11 Āꞌlīstān iclaktzīꞌlh aꞌkapūn laquīꞌyālh. Iclaktzīꞌlh lakatin cahuāyuj xastalaꞌnkaꞌ. Tī ixkēhuīꞌlh huāꞌmāꞌ cahuāyuj, līmāpācuhuīca Ixlīcānaꞌ ē Mākentaxtūnuꞌnkōꞌ. Xlaꞌ tze chī putzānaꞌn. Tze chī lātucsa.
\v 12 Ixlakastapun huaꞌchi ixtaxkaka chī xalamanaꞌt macscut. Ixcucuīꞌlh lhūhuaꞌ corona na ixaꞌkxāk. Ixtzoꞌkniꞌcanīꞌt aꞌktin tacuhuīniꞌ. Nūn chāꞌtin ixcaꞌtzī tū ixuanicuꞌtun tzamāꞌ tacuhuīniꞌ. Xmān ūꞌtzaꞌ ixcaꞌtzī.
\v 13 Ixluꞌxuꞌ ixpasakōꞌnīꞌt kaꞌlhniꞌ. Ixtacuhuīniꞌ Ixtachihuīn Dios ixuanīꞌt.
\v 14 Ixtastālaniꞌ lhūhuaꞌ ixchiꞌxcuꞌ xalanīꞌn nac aꞌkapūn. Xlacaꞌn ixtakētahuiꞌlānaꞌlh xalakstalaꞌnkaꞌn cahuāyuj. Ixluꞌxuꞌcaꞌn xatze ē xalakstalaꞌnkaꞌn ē xatacheꞌkēꞌn ixtahuanīꞌt.
\v 15 Tī ixpasakōꞌnīꞌt kaꞌlhniꞌ ixluꞌxuꞌ, quilhtaxtulh kentin espada tū staꞌyaꞌncaꞌ. Huāꞌmāꞌ nacālīskāhuīꞌ tachiꞌxcuhuīꞌt nac cāꞌquilhtamacuj. Līpalhaꞌ nacāmāpaꞌksī. Xlaꞌ nacāmakapātīnīn ixpālacata Dios tī kaꞌlhīkōꞌ pōꞌktu līmāpaꞌksīn, xlaꞌ līsītzīꞌ tū tatlahuanīꞌt ūꞌtunuꞌn. Chī xlacaꞌn natapātīniꞌn huaꞌchi uvas natalītaxtu tū cālacchiꞌntacan aꞌcxniꞌ māxtuniꞌcan xaxcān.
\v 16 Na ixluꞌxuꞌ ē na ixchēkēn ixtatzoꞌkniꞌ aꞌktin tacuhuīniꞌ: “Xapuxcuꞌ napuxcuꞌnuꞌ ē Māpaꞌksīniꞌ tī cāmāpaꞌksī ixlīpōꞌktucaꞌn tī tamāpaꞌksīniꞌn.”
\p
\v 17 Āꞌlīstān iclaktzīꞌlh chāꞌtin ángel tī ixyālh nac chiꞌchiniꞌ. Xlaꞌ palhaꞌ cāhuanilh ixlīpōꞌktucaꞌn spūnīꞌn tū ixtakosnūꞌntlāꞌhuan nac cāꞌūꞌnīꞌn:
\p ―Cataꞌntit. Catakēstoktit ē cahuaꞌtit tū Dios nacāmaxquīꞌyān.
\v 18 Cataꞌntit ē cahuaꞌtit ixquinītcaꞌn napuxcuꞌnuꞌ ē xalactliꞌhuiꞌquin chiꞌxcuhuīꞌn. Cahuaꞌtit ixquinītcaꞌn cahuāyuj ē ixquinītcaꞌn tī ixtakētahuiꞌlānaꞌlh. Cahuaꞌtit ixquinītcaꞌn ixlīpōꞌktucaꞌn tachiꞌxcuhuīꞌt, masqui tī ixtamakscuja ē masqui tī jā ixtamakscuja, ē masqui chiꞌxcuhuīꞌn tī xalakaꞌtlaꞌ ē masqui tī jā xalakaꞌtlaꞌ ―huanli ángel.
\p
\v 19 Āꞌlīstān iclaktzīꞌlh chī ixtatakēstoknīꞌt tū jā tze animalh ē napuxcuꞌnuꞌ xalanīꞌn nac cāꞌquilhtamacuj ē ixchiꞌxcuhuīꞌtcaꞌn. Ixtatakēstoknīꞌt natatāꞌlātucsa tī ixkēhuīꞌlh cahuāyuj ē ixchiꞌxcuhuīꞌn.
\v 20 Tū jā tze animalh chiꞌpaca ē nā aꞌkchihuīnaꞌ tī ixaꞌkskāhuīꞌnin. Xlaꞌ ixtlahuanīꞌt līꞌaꞌcnīn na ixlacatīn huāꞌmāꞌ animalh. Chuntzaꞌ ixcāꞌaꞌkskāhuīꞌnīꞌt tī ixtalēꞌn na ixtankāncaꞌn ixsello animalh ē tī ixtalaktaquilhpūta ixlakmāxtu animalh. Animalh ē aꞌkchihuīnaꞌ tī ixaꞌkskāhuīꞌnin, xalakahuan cāmacāꞌnca nac cāꞌmacscutnuꞌ jā huīꞌlh pūpātīn ē jā lhcuyucan azufre.
\v 21 Ixlīpōꞌktucaꞌn āꞌmakapitzīn ixtachiꞌxcuhuīꞌt tū jā tze animalh, xlacaꞌn cālīmaknīkōꞌca espada tū quilhtaxtulh na ixquilhniꞌ tī ixkēhuīꞌlh cahuāyuj. Spūnīꞌn tzej talīkaꞌsli ixquinītcaꞌn.
\c 20
\s Aꞌktin mil cāꞌta
\p
\v 1 Āꞌlīstān iclaktzīꞌlh chāꞌtin ángel tī ixyujmāꞌchi nac aꞌkapūn. Ixlīmin ixlīmālaquīꞌcaꞌn xapūlhmāꞌn lhuꞌcuꞌ. Nā ixlīmin kaꞌtlaꞌ cadena.
\v 2 Xlaꞌ chiꞌpalh dragón. Ūꞌtzaꞌ lūhuaꞌ tū xalaꞌ makāstzaꞌ ē nā ūꞌtzaꞌ skāhuīꞌniꞌ ē nā huanican Satanás. Ángel chīꞌhuiꞌlīlh dragón aꞌktin mil cāꞌta.
\v 3 Ángel mojōlh nac xapūlhmāꞌn lhuꞌcuꞌ ē mālacchahuanūlh ē huiꞌlīniꞌlh aꞌktin sello nac mākelhcha. Chuntzaꞌ jātzaꞌ caticāꞌaꞌkskāhuīꞌlh tachiꞌxcuhuīꞌt xalanīꞌn nac cāꞌquilhtamacuj hasta aꞌcxniꞌ nasputa aꞌktin mil cāꞌta. Aꞌcxniꞌ nasputa mil cāꞌta, namakxtekcan. Jā makās catimakxtekca.
\p
\v 4 Āꞌlīstān iccālaktzīꞌlh makapitzīn pūtahuīꞌlhniꞌ jā ixtapūmāpaꞌksīniꞌn. Nā iccālaktzīꞌlh āꞌmakapitzīn tī ixtahuiꞌlānaꞌlh aꞌntzaꞌ. Xlacaꞌn ixcāmaxquīꞌcanīꞌt līmāpaꞌksīn nataputzānaꞌn. Nā iccālaktzīꞌlh xlacaꞌn tī ixcāꞌaꞌcchuꞌcucanīꞌt. Cāmaknīca ixpālacata ixtamāsuꞌyu ixtachihuīn Dios ē tū ixlīcānaꞌ ixlaꞌ Jesús. Xlacaꞌn jā ixtatatzokostaniꞌnīꞌt animalh, ē jā ixtalaktaquilhpūtanīꞌt ixlakmāxtu. Jā ixtatamakxteknīꞌt nacāhuiꞌlīniꞌcan sello na ixtankāncaꞌn ē na ixmacancaꞌn. Iccālaktzīꞌlh talacastālancuanaꞌnli ē tatāꞌmāpaꞌksīniꞌlh Cristo aꞌktin mil cāꞌta.
\v 5 Xlacaꞌn ūꞌtunuꞌn tī xapūla talacastālancuanaꞌnli. Āꞌmakapitzīn nīnīꞌn natalacastālancuanaꞌn aꞌcxniꞌ nasputa aꞌktin mil cāꞌta.
\v 6 Līpāxuhua tī natalacastālancuanaꞌn xapūla. Xlacaꞌn natatāꞌmāpaꞌksīniꞌn Dios. Xlacaꞌn jātzaꞌ catitanīlh ixlīmaktuꞌ chī āꞌmakapitzīn. Xlacaꞌn natatāꞌscuja Dios ē Cristo. Natatāꞌmāpaꞌksīniꞌn Cristo aꞌktin mil cāꞌta.
\p
\v 7 Aꞌcxniꞌ nasputa aꞌktin mil cāꞌta, namakxtekcan skāhuīꞌniꞌ. Xlaꞌ nataxtu jā ixchīꞌcanīꞌt.
\v 8 Nataxtu ē nacāꞌaꞌkskāhuīꞌ tachiꞌxcuhuīꞌt na ixlīpōꞌktu cāꞌquilhtamacuj. Nacāꞌaꞌkskāhuīꞌ xalanīꞌn nac Gog ē Magog. Nacāmākēstoka natalātucsa. Xlacaꞌn lhūhuaꞌ chī cucuj tū huīꞌlh na ixquilhtūn mar.
\v 9 Iclaktzīꞌlh ixchiꞌxcuꞌcaꞌn Gog ē Magog na ixlīkaꞌtlaꞌ cāꞌtiꞌyaꞌtnaꞌ ē tatāꞌtamacxtiꞌliꞌlh jā ixtahuiꞌlānaꞌlh ixtachiꞌxcuhuīꞌt Dios ē tzamāꞌ cāꞌlacchicniꞌ tū Dios pāxquīꞌ. Nac aꞌkapūn minchaꞌ macscut ē cālhcuyukōꞌlh ixlīpōꞌktucaꞌn ixtachiꞌxcuhuīꞌt skāhuīꞌniꞌ.
\v 10 Skāhuīꞌniꞌ tī ixcāꞌaꞌkskāhuīꞌnīꞌt macāꞌnca nac cāꞌmacscutnuꞌ jā huīꞌlh pūpātīn ē jā lhcuyucan azufre. Nā aꞌntzaꞌ ixcāmacāꞌncanīꞌt tū jā tze animalh ē aꞌkchihuīnaꞌ tī ixaꞌkskāhuīꞌnin. Aꞌntzaꞌ nacāmakapātīnīncan cāꞌcuhuīniꞌ ē cāꞌtzīꞌsa pōꞌktu quilhtamacuj.
\s Dios nacāputzānaꞌniꞌ jā huīꞌlh na ixpūmāpaꞌksīn
\p
\v 11 Āꞌlīstān iclaktzīꞌlh aꞌktin pūtahuīꞌlh kaꞌtlaꞌ ē stalaꞌnkaꞌ. Iclaktzīꞌlh tī ixuīꞌlh aꞌntzaꞌ. Cāꞌquilhtamacuj ē aꞌkapūn cāmālakuanīca na ixlacatīn Dios. Jātzaꞌ tatasuꞌyulh.
\v 12 Iccālaktzīꞌlh nīnīꞌn, lakaꞌtlaꞌ ē xalacstīn. Xlacaꞌn ixtayānaꞌlh na ixlacatīn Dios. Cāmālakakēꞌca libros. Āꞌlīstān mālakakēꞌpalaca āꞌaꞌktin libro. Ūꞌtzaꞌ huāꞌmāꞌ libro aꞌntzaꞌ jā cātzoꞌkcanīꞌt ixtacuhuīniꞌcaꞌn tī takaꞌlhī xasāstiꞌ ixlatamatcaꞌn. Cāputzānaꞌniꞌca nīnīꞌn chuntzaꞌ chī ixtalatāꞌkchokonīꞌt chuntzaꞌ chī ixtatzoꞌkniꞌ ixlīpōꞌktu tū ixtatlahuanīꞌt.
\v 13 Āꞌlīstān mar cāmacamāstāꞌlh tī ixtanīnīꞌt aꞌntzaꞌ. Nā tachilh xlacaꞌn tī ixtahuiꞌlānaꞌlh nac cāꞌlīnīn. Cāputzānaꞌniꞌkōꞌca ixlīpōꞌktucaꞌn, chāꞌtunuꞌ chuntzaꞌ chī ixtalatlāꞌhuan.
\v 14 Āꞌlīstān līnīn ē cāꞌlīnīn cāmacāꞌnca nac cāꞌmacscutnuꞌ jā huīꞌlh pūpātīn. Huāꞌmāꞌ ixlīmaktuꞌtzaꞌ līnīn xlaꞌ.
\v 15 Nā cāmacāꞌnca nac cāꞌmacscutnuꞌ ixlīpōꞌktucaꞌn tī jā ixcātzoꞌkniꞌcanīꞌt ixtacuhuīniꞌcaꞌn nac libro jā tatzoꞌkniꞌ ixtacuhuīniꞌcaꞌn tī takaꞌlhī xasāstiꞌ ixlatamatcaꞌn.
\c 21
\s Xasāstiꞌ aꞌkapūn ē xasāstiꞌ cāꞌquilhtamacuj
\p
\v 1 Āꞌlīstān iclaktzīꞌlh āꞌaꞌktin xasāstiꞌ aꞌkapūn ē xasāstiꞌ cāꞌquilhtamacuj. Xapūla aꞌkapūn ē xapūla cāꞌquilhtamacuj ixcāmālakuanīcanīꞌt. Jātzaꞌ ixaꞌnan mar.
\v 2 Quit, Juan, iclaktzīꞌlh xatasicuaꞌlanātlahuan cāꞌlacchicniꞌ. Huāꞌmāꞌ cāꞌlacchicniꞌ ūꞌtzaꞌ tū xasāstiꞌ Jerusalén. Nā iclaktzīꞌlh chī ixyujmāꞌchi nac aꞌkapūn jā huiꞌlachaꞌ Dios. Cāꞌlacchicniꞌ tzej ixcāxtlahuacanīꞌt chī chāꞌtin tasquiꞌniꞌ tī tzej lhakāꞌnan aꞌcxniꞌ natāꞌtamakaxtoka īꞌsquiꞌnīniꞌ.
\v 3 Āꞌlīstān ickexmatli aꞌktin tachihuīn tū minchaꞌ nac aꞌkapūn. Palhaꞌ huanli:
\p ―Chuhuaꞌj Dios cātāꞌlahuīꞌlh ixtachiꞌxcuhuīꞌt. Xlacaꞌn natalītaxtu ixtachiꞌxcuhuīꞌt. Ē xlaꞌ nalītaxtu ixDioscaꞌn xlacaꞌn.
\v 4 Dios nacāmāscāquīniꞌ ixlakaxtaꞌjatcaꞌn. Jātzaꞌ catitanīlh. Jātzaꞌ catitalīpuhuanli. Jātzaꞌ catitacalhuanli. Jātzaꞌ catitapātīniꞌnli. Jātzaꞌ tū caticāꞌaꞌnaniꞌlh nūn tū xapūla.
\p
\v 5 Āꞌlīstān chihuīnaꞌnli Dios jā ixuīꞌlh na ixpūmāpaꞌksīn ē huanli:
\p ―Chuhuaꞌj quit naꞌiccāsāstīꞌtlahuakōꞌ ixlīpōꞌktu.
\p Quihuanilh:
\p ―Huāꞌmāꞌ catzoꞌkti. Tzamāꞌ tachihuīn ūꞌtzaꞌ tū ixlīcānaꞌ ē tzē aꞌkaꞌīꞌcan.
\p
\v 6 Nā quihuanilh:
\p ―Lakōꞌnīꞌttzaꞌ. Quit chī letra A tū lītzucu alfabeto ē chī letra Z tū ixlīꞌaꞌksputniꞌ, ixpālacata quit xalītzucuniꞌ ē xalīꞌaꞌksptuniꞌ. Tī takelhpūtī, quit naꞌiccāmāhuīꞌ xcān xalaꞌ nac muꞌsniꞌ jā taxtu xcān tū cāmaxquīꞌ xasāstiꞌ ixlatamatcaꞌn. Jā icticāmātāꞌjīlh.
\v 7 Chuntzaꞌ quit naꞌiccātlahuaniꞌ ixlīpōꞌktucaꞌn tī tatlajanaꞌnli. Quit ixDioscaꞌn naꞌicuan, ē xlacaꞌn quilacstīn natalītaxtu.
\v 8 Jā chuntzaꞌ āꞌmakapitzīn tī jā quintalīstālaniꞌ ixpālacata tajicuaꞌn. Xlacaꞌn nacāmacāꞌncan nac cāꞌmacscutnuꞌ. Nā chuntzaꞌ tī jā taꞌaꞌkaꞌīꞌ, ē tī taquiclhcaꞌtzan, ē tī tamaknīniꞌn, ē tī takaꞌlhī ixtāꞌlāpāxquīꞌncaꞌn, ē xantilhniꞌnīꞌn, ē tī talaktaquilhpūta ídolos, ē ixlīpōꞌktucaꞌn aꞌksaꞌnīniꞌnīꞌn. Xlacaꞌn nacāmacāꞌncan nac cāꞌmacscutnuꞌ jā lhcuyucan azufre. Huāꞌmāꞌ ūꞌtzaꞌ ixlīmaktuꞌ līnīn.
\s Xasāstiꞌ Jerusalén
\p
\v 9 Āꞌlīstān quilakmilh chāꞌtin chī ixlīkelhatojon ángeles tī ixtakaꞌlhī āꞌaꞌktojon lakuat tū āꞌxmān. Quihuanilh:
\p ―Cataꞌt, ē quit naꞌicmāsuꞌyuniꞌyān xatasquiꞌniꞌ tī ixpuscāt Cordero.
\p
\v 10 Espíritu Santo quimāsuꞌyuniꞌlh aꞌktin talakahuān. Ángel quilēꞌlh nac aꞌktin tālhmāꞌn sipej kaꞌtlaꞌ. Aꞌntzaꞌ quimāsuꞌyuniꞌlh cāꞌlacchicniꞌ jā ixlaꞌ Dios ē jā huanican Jerusalén. Ixyujmāꞌchi nac aꞌkapūn jā huiꞌlachaꞌ Dios.
\v 11 Cāꞌlacchicniꞌ īꞌxkaka. Ixlīxkaka ixlītliꞌhuiꞌqui Dios. Īꞌxkaka chī aꞌktin chihuix tū xatapalaxlaꞌ, chī aꞌktin chihuix tū huanican jaspe tū xatzēhuanīꞌt ē tū xkaka.
\v 12 Ixlīkelhkaꞌtlaꞌ cāꞌlacchicniꞌ ixyālh aꞌktin talhtaꞌm kaꞌtlaꞌ ē tālhmāꞌn. Ixkaꞌlhī aꞌkcāujtuꞌ xamākelhcha. Kelhacāujtuꞌ ángeles ixtamaktakaꞌlhmāꞌnalh tzamāꞌ mākelhcha. Nac mākelhcha ixcātzoꞌkcanīꞌt ixtacuhuīniꞌcaꞌn kelhacāujtuꞌ ixkaꞌhuaꞌchan Israel.
\v 13 Ixtayānaꞌlh aꞌktuꞌtun mākelhcha nac este, ē nac norte aꞌktuꞌtun, ē nac sur aꞌktuꞌtun, ē nā aꞌktuꞌtun nac oeste.
\v 14 Ixlītzucuniꞌ talhtaꞌm aꞌkcāujtuꞌ chihuix. Nac chihuixniꞌ ixcātzoꞌkcanīꞌt ixtacuhuīniꞌcaꞌn kelhacāujtuꞌ apóstoles, ixlaꞌ tī huanican Cordero.
\p
\v 15 Ángel tī ixquintāꞌchihuīnaꞌnīꞌt ixlēꞌmāꞌlh kentin chī aꞌctzunaꞌj quiꞌhuiꞌ tū xaꞌoro. Tzamāꞌ ixpūlaclhcā cāꞌlacchicniꞌ, ē xamākelhcha ē talhtaꞌm.
\v 16 Cāꞌlacchicniꞌ aꞌcxtim ixlīlhmāꞌn ē ixlīpīkaꞌtlaꞌ. Ángel līpūlhcālh cāꞌlacchicniꞌ ixquiꞌhuiꞌ tū xaꞌoro. Ixlīpōꞌktu lhcākōꞌlh ē chāꞌlh aꞌktuꞌ mil āꞌaꞌktuꞌ ciento kilómetros ixlīlhmāꞌn. Aꞌcxtim ixlīpīkaꞌtlaꞌ ē ixlītālhmāꞌn.
\v 17 Ángel lhcālh talhtaꞌm chuntzaꞌ chī talaclhcānaꞌn chiꞌxcuhuīꞌn. Ixlītālhmāꞌn chāꞌlh tuꞌtumpuꞌxamatāꞌtiꞌ metros.
\p
\v 18 Talhtaꞌm ixlītlahuacanīꞌt chihuix jaspe. Cāꞌlacchicniꞌ pōꞌktu xaꞌoro xastalaꞌnkaꞌ chī vidrio.
\v 19 Ixlītzucuniꞌ talhtaꞌm tzēhuanīꞌt ixuanīꞌt ixpālacata ixlītlahuacanīꞌt kempālhūhuaꞌ chihuix tū xatapalaxlaꞌ. Xapūla chihuix ixlītzucuniꞌ, xlaꞌ jaspe. Ixlīꞌaꞌktuꞌ chihuix zafiro, ē ixlīꞌaꞌktuꞌtun ágata, ē ixlīꞌaꞌktāꞌtiꞌ esmeralda.
\v 20 Ixlīꞌaꞌkquitzis chihuix ónice, ē ixlīꞌaꞌkchāxan cornalina, ē ixlīꞌaꞌktojon crisólito, ē ixlīꞌaꞌktzeyan berilo, ē ixlīꞌaꞌknaꞌjās topacio, ē ixlīꞌaꞌkcāuj crisoprasa, ē ixlīꞌaꞌkcāujtin jacinto, ē ixlīꞌaꞌkcāujtuꞌ amatista.
\v 21 Aꞌkcāujtuꞌ mākelhcha xlaꞌ aꞌkcāujtuꞌ chihuixniꞌ tū cāhuanican perlas. Aꞌkatunuꞌ mākelhcha ixtlahuacanīꞌt aꞌkatunuꞌ perla. Xatej cāꞌlacchicniꞌ pōꞌktu xaꞌoro xastalaꞌnkaꞌ chī vidrio.
\p
\v 22 Jā iclaktzīꞌlh nūn aꞌktin templo nac cāꞌlacchicniꞌ, ixpālacata na ixlīpōꞌktu cāꞌlacchicniꞌ huīꞌlh Dios tī kaꞌlhīkōꞌ lītliꞌhuiꞌqui ē nā aꞌntzaꞌ huīꞌlh Cordero.
\v 23 Aꞌntzaꞌ jātzaꞌ tī catimaclacasquiꞌnli chiꞌchiniꞌ nūn mālhcuyuꞌ. Cāꞌlacchicniꞌ māxkakē īꞌxkakanaꞌ Dios ē nā īꞌxkakanaꞌ Cordero.
\v 24 Tachiꞌxcuhuīꞌt nac cāꞌquilhtamacuj nacāmāxkakē īꞌxkakanaꞌ Dios. Napuxcuꞌnuꞌ xalanīꞌn nac cāꞌquilhtamacuj natalakachiꞌxcuhuīꞌ Dios.
\v 25 Xamākelhcha cāꞌlacchicniꞌ natatalaquīꞌtāya pōꞌktu quilhtamacuj. Jā maktin caticāmālacchōca ixpālacata aꞌntzaꞌ jā catiꞌaꞌnalh cāꞌtzīꞌsniꞌ.
\v 26 Ixlīpōꞌktucaꞌn tachiꞌxcuhuīꞌt natamin natalakachiꞌxcuhuīꞌ.
\v 27 Jā catitanūlh aꞌntzaꞌ tū jā tze. Jā catitatanūlh tī tatlahua tū līmāxanaꞌ. Jā catitatanūlh tī tahuan tāꞌksaꞌnīn. Natatanū aꞌntzaꞌ xmān tī cātzoꞌkcanīꞌt ixtacuhuīniꞌcaꞌn na ixlibro Cordero tī takaꞌlhī xasāstiꞌ ixlatamatcaꞌn.
\c 22
\p
\v 1 Āꞌlīstān ángel quimāsuꞌyuniꞌlh aꞌktin kaꞌtlaꞌ xcān tū xatzēhuanīꞌt. Tzamāꞌ xcān ūꞌtzaꞌ tū māstāꞌ xasāstiꞌ latamat. Kaꞌtlaꞌ xcān ixtaxtumāꞌlh na ixpūmāpaꞌksīncaꞌn Dios ē Cordero.
\v 2 Kaꞌtlaꞌ xcān ixtētaxtu ixpuꞌnan nac xatej cāꞌlacchicniꞌ. Na ixquilhtūnīꞌn kaꞌtlaꞌ xcān ixtayānaꞌlh quiꞌhuiꞌ tū tamāstāꞌ xasāstiꞌ latamat. Tzamāꞌ quiꞌhuiꞌ tamāstāꞌ ixtahuaꞌcaꞌt makcāujtuꞌ aꞌktin cāꞌta. Tahuaꞌcaꞌ ixtahuaꞌcaꞌt aꞌkatunuꞌ mālhcuyuꞌ. Xapaꞌlhmaꞌ huāꞌmāꞌ quiꞌhuiꞌ tze cālīmātzeyīcan tachiꞌxcuhuīꞌt xalanīꞌn nac cāꞌquilhtamacuj.
\v 3 Jā catiꞌaꞌnalh aꞌntzaꞌ tū jā tze ixpālacata aꞌntzaꞌ huīꞌlh ixpūmāpaꞌksīncaꞌn Dios ē Cordero. Natamakapāxuī Dios tī tatapaꞌksīniꞌ.
\v 4 Cāꞌlacan natalaktzīꞌn Dios. Nacātankāhuiꞌlīcan ixtacuhuīniꞌ Dios tī tatapaꞌksīniꞌ.
\v 5 Nac huāꞌmāꞌ cāꞌlacchicniꞌ jā catiꞌaꞌnalh cāꞌtzīꞌsniꞌ. Jātzaꞌ catimaclacasquiꞌnca pūmaksko. Jātzaꞌ catimaclacasquiꞌnca chiꞌchiniꞌ. Māpaꞌksīniꞌ Dios nacāmāxkakē ixtachiꞌxcuhuīꞌt. Xlacaꞌn natamāpaꞌksīniꞌn pōꞌktu quilhtamacuj.
\s Palaj namimpala Jesucristo
\p
\v 6 Āꞌlīstān ángel quihuanilh:
\p ―Huāꞌmāꞌ tachihuīn ixlīcānaꞌ. Tzē aꞌkaꞌīꞌcan. Māpaꞌksīniꞌ Dios ixcāmālacapāstaquī ixaꞌkchihuīnaꞌnīꞌn tū natahuan. Xlaꞌ macaminīꞌt ixángel nacāmāsuꞌyuniꞌ tī tatapaꞌksīniꞌ Dios tū palaj naꞌaꞌkspula.
\p
\v 7 Jesús huanli:
\p ―Palaj naꞌicmin.
\p Līpāxuhua tī takexmatniꞌ tū tatzoꞌkniꞌ nac huāꞌmāꞌ libro tū māsuꞌyu tū naꞌaꞌkspula.
\p
\v 8 Quit, Juan, ickexmatnīꞌt ē iclaktzīꞌnīꞌt ixlīpōꞌktu huāꞌmāꞌ. Aꞌcxniꞌ xaꞌickexmatkōꞌnīꞌt ē xaꞌiclaktzīꞌnkōꞌnīꞌt, iclaktatzokostalh ángel tī ixquimāsuꞌyuniꞌnīꞌt huāꞌmāꞌ.
\v 9 Xlaꞌ quihuanilh:
\p ―Jā chuntzaꞌ catlaꞌhuaꞌ. Jā caquilaktatzokosta. Nā quit ictāꞌscuja Dios chuntzaꞌ chī huiꞌx ē chī mintāꞌtimīn tī ixaꞌkchihuīnaꞌnīꞌn Dios ē ixlīpōꞌktucaꞌn tī takexmatniꞌ tū tatzoꞌkniꞌ nac huāꞌmāꞌ libro. Xmān Dios nalaktatzokostayaꞌ.
\p
\v 10 Nā quihuanilh:
\p ―Jā caꞌcs caticaꞌtzi huāꞌmāꞌ tachihuīn tū tatzoꞌkniꞌ nac huāꞌmāꞌ libro ē tū tahuan tū naꞌaꞌkspula, ixpālacata palaj namākentaxtūcan chuntzaꞌ chī tatzoꞌkniꞌ.
\v 11 Tī tatlahua tū jā tze, catatlahualhcus. Tī tapuhuan tū jā tze, catapuhualhcus chuntzaꞌ. Tī lactze, pōꞌktu quilhtamacuj catatlahualh tū tze. Tī takexmatniꞌ Dios, pōꞌktu quilhtamacuj catakexmatniꞌlh Dios.
\p
\v 12 Nā Jesús chihuīnaꞌmpālh:
\p ―Palaj naꞌicmin. Naꞌiclīmin tū naꞌiccālīxoko chāꞌtunuꞌ. Naꞌiccāxoko tī tatlahuanīꞌt tū tze ē nā tī tatlahuanīꞌt tū jā tze.
\v 13 Quit xapūla ē āꞌxmān, chī letra A tū lītzucu alfabeto ē chī letra Z tū ixlīꞌaꞌksputniꞌ. Quit xalītzucuniꞌ ē xalīꞌaꞌksputniꞌ.
\p
\v 14 Līpāxuhua tī cāmātzaꞌnkēnaꞌniꞌcanīꞌttzaꞌ ixcuentacaꞌn. Ūꞌtzaꞌ tzē natalīhuaꞌ xatahuaꞌcaꞌt quiꞌhuiꞌ tū māstāꞌ xasāstiꞌ latamat. Nā tzē natatanū nac cāꞌlacchicniꞌ.
\v 15 Jā cāmakxtekcan natatanū nac cāꞌlacchicniꞌ tī jā taꞌaꞌkaꞌīꞌcuꞌtun ixtachihuīn Dios. Jā catitatanūlh xantilhniꞌ, ē nūn tī takaꞌlhī ixtāꞌlāpāxquīꞌncaꞌn, ē nūn maknīniꞌnīꞌn, ē nūn tī talaktaquilhpūta ídolos, ē nūn tī taꞌaꞌksaꞌnan ixpālacata talakatī tahuan tū jā ixlīcānaꞌ.
\p
\v 16 Jesús chihuīnaꞌmpālh:
\p ―Quit, Jesús, icmacāꞌnīꞌt quinángel. Xlaꞌ nacāhuaniyān ixlīpōꞌktu huāꞌmāꞌ huiꞌxinaꞌn tī tapaꞌksīniꞌyāꞌtit Dios na ixlīpōꞌktu cāꞌlacchicniꞌ. Quit īꞌxūꞌnātāꞌnat rey David. Quit mātuncuīnīꞌ staꞌcu tū xkaka ―huanli Jesús.
\p
\v 17 Espíritu Santo ē ixtasquiꞌniꞌ Cordero, xlacaꞌn tahuan:
\p ―Cataꞌntit.
\p Ixlīpōꞌktucaꞌn tī takexmata catahualh:
\p ―Cataꞌntit.
\p Cataminkōꞌlh ixlīpōꞌktucaꞌn tī takelhpūtī, ē catahuaꞌlh xcān tū māstāꞌ xasāstiꞌ latamat. Cāmaxquīꞌcan chī talakalhuꞌmān tī tamaktīniꞌncuꞌtun.
\p
\v 18 Ixlīpōꞌktucaꞌn tī takexmata ixtachihuīn huāꞌmāꞌ libro jā tatzoꞌkniꞌ tū naꞌaꞌkspula, iccāhuani: Palh catīhuālh mālhmāꞌnī huāꞌmāꞌ tachihuīn, Dios namakapātīnīn. Napātī lakuat tū tatzoꞌkniꞌ nac huāꞌmāꞌ libro.
\v 19 Palh catīhuālh namāpānū macstiꞌnaꞌj tachihuīn tū tatzoꞌkniꞌ nac huāꞌmāꞌ libro, Dios jā catimakxtekli nahuaꞌ ixtahuaꞌcaꞌt quiꞌhuiꞌ tū māstāꞌ xasāstiꞌ latamat. Dios jā catimakxtekli natanū nac xatasicuaꞌlanātlahuan cāꞌlacchicniꞌ tū tzoꞌkcanīꞌt nac huāꞌmāꞌ libro.
\p
\v 20 Tī huan tzamāꞌ tachihuīn, xlaꞌ huan:
\p ―Ixlīcānaꞌ. Quit palaj naꞌicmin.
\p Chuntzaꞌ calalh. Cataꞌt quiMāpaꞌksīniꞌ Jesús.
\p
\v 21 QuiMāpaꞌksīniꞌcaꞌn Jesucristo cacāsicuaꞌlanātlahuan milīpōꞌktucaꞌn huiꞌxinaꞌn. Amén.