\id MAT
\h SAN MATEO
\mt2 Ni Ox Chivinti yu Tsʼoqlhi
\mt1 Mateo
\c 1
\s Yu ixtaqaʼutikʼan yu maqancha ixpayankʼan ni Jesucristo
\r (Lc. 3:23-38)
\p
\v 1 Aniy tsʼoqkanta ixtaqaʼutikʼan yu maqancha ixpayankʼan
ni Jesucristo. Jesucristo va ixpapanti ni David yu ixpapanti
ni Abraham.
\p
\v 2 Ni Abraham lhitsukul istsʼal Isaac, Isaac lhitsukul
Jacob, Jacob lhitsukul Judá ali ixtʼalaqaunin.
\v 3 Judá lhitsukul ni Fares ali Zara. Ixnatikʼan va
Tamar. Fares lhitsukul Esrom, Esrom lhitsukul Aram.
\v 4 Aram lhitsukul Aminadab, Aminadab lhitsukul Naasón,
Naasón lhitsukul Salmón.
\v 5 Salmón lhitsukul Booz, yu ixnati va Rahab. Booz
kun ixanati Rut talhitsukul Obed. Obed lhitsukul Isaí.
Isaí lhitsukul ni David yu ay jalhachimoʼonuʼ ixjunita.
\v 6 David lhitsukul Salomón tejkan tʼatsukul ixanati
aqayntaun xapay yu ixjunkan Urías.
\p
\v 7 Salomón lhitsukul Roboam, Roboam lhitsukul Abías,
Abías lhitsukul Asa.
\v 8 Asa lhitsukul Josafat, Josafat lhitsukul Joram, Joram
lhitsukul Uzías.
\v 9 Uzías lhitsukul Jotam, Jotam lhitsukul Akaz, Akaz
lhitsukul Ezequías.
\v 10 Ezequías lhitsukul Manasés, Manasés lhitsukul Amón,
Amón lhitsukul Josías.
\v 11 Josías lhitsukul Jeconías kun ixtʼalaqaunin. Yucha
tejkan ni israelitas va laklhaʼankal tachʼinin tus laka
putaulan Babilonia.
\p
\v 12 Tejkan ancha ixlaklhaʼankantacha ex ni Jeconías
lhitsukul Salatiel. Salatiel lhitsukul Zorobabel.
\v 13 Zorobabel lhitsukul Abiud, Abiud lhitsukul Eliaquim,
Eliaquim lhitsukul Azor.
\v 14 Azor lhitsukul Sadoc, Sadoc lhitsukul Akim, Akim
lhitsukul Eliud.
\v 15 Eliud lhitsukul Eleazar, Eleazar lhitsukul Matán,
Matán lhitsukul Jacob.
\v 16 Jacob lhitsukul José yu ixapay ni María. Yucha
va ixnati ni Jesús yu mispakan tacha Cristo, yu Dios
lakʼulata tacha Jalhachimoʼonuʼ.
\p
\v 17 Ex chuncha tapasal tampajkautʼati lapanakni yu
Abraham tus tejkan tsukul David. Vachuʼ tapasal tampajkautʼati
lapanakni yu David tus jalaklhaʼankal tachʼinin ni israelitas
laka putaulan Babilonia. Vachuʼ tapasal tampajkautʼati
lapanakni tejkan jalaklhaʼankal laka Babilonia tus tejkan
tsukul ni Cristo.
\s Tacha putsukul Jesús
\r (Lc. 2:1-7)
\p
\v 18 Tejkan tsukul ni Jesucristo va inchine val. María
yu ixnati va ixtalaxaqalatacha para katalatʼatsukul
kun José. Ex chuncha mas jantukaʼ ixtalatʼatsukuy yu
María va jaʼaynaʼ val kun ixtapʼasta ni Espíritu Santo.
\v 19 Ni José yu ixapay ni María va qalʼox lapanaki
ixjunita, va jantu ixjamakʼatsaniputun ni lapanakni.
Ex ni yucha va saq ixmakaunputunchoqoy.
\v 20 Ex va chuncha ixpastaktacha tas ixpumakaunlhi.
Taval ixmayul ni Jalhachimoʼonu Dios tasunil la ixʼaqlaqavanti,
va junil:
\p —José, ixpapanti kʼatʼi ni David, jantu katʼalhan para
kalaʼaʼitʼi ni María tacha mixanati. Yu jasʼatʼa kalhitsukuyaʼ
va ixnavin ni Espíritu Santo.
\v 21 Yu María kalhitsukuyaʼ qayntaun tsʼal, kʼaʼuneʼe
ixtaqaʼuti Jesús. Chuncha kajunkanaʼ va por kalaqmalaqtaxtuyaʼ
ni lapanakni la ixtalaqalhinkʼan.
\p
\v 22 Chuncha tapasal va para laqsaval kaval yu maqancha
naul ni Jalhachimoʼonu Dios por ni lapanakni yu ixtalaqputeʼey
ixchivinti, va naul:
\q
\v 23 Qayntaun jatsiʼi jaʼaynaʼ kunaʼ, kalhitsukuyaʼ qayntaun
jasʼatʼa.
\q Ni yucha kajunkanaʼ Emanuel.
\m Anchanu taqaʼuti va naunputun: Ni Dios alinta kun
kijnankʼan.
\p
\v 24 Ex tejkan lakpukujchoqolcha ni José, va chuncha
makal tacha junil ixmayul ni Jalhachimoʼonu Dios, va
laqaʼilcha ni María tacha ixanati.
\v 25 Pero jantukaʼ ixtalatʼatamay tus tejkan lhitsukul
istsʼal ni María. Ex chuncha ni José va mukʼanil ixtaqaʼuti
JESÚS.
\c 2
\s Talaqkilachil Jesús yu taminchal taʼan putakʼutʼa julchan
\p
\v 1 Ni Jesús tsukul ni Belén yu xalakatʼun Judea tejkan
ixlhachimoʼonun ni Herodes ni anchanu lakamunukpaʼ.
Ex va chuncha tachil xaputaulan Jerusalén lapanakni
yu machaqan taʼan putakʼutʼa julchan. Va lakjunkan magos.
\v 2 Va talhasakminil:
\p —¿Toʼoxtaycha vil ni jasʼatʼa yu tsukul para kalhichimoʼol
ni israelitas? Va klaqtsʼiniyaucha ni ixjastʼaku ex
kmintau toʼoyanan.
\p
\v 3 Ex tejkan chuncha qasmaklhi ni Herodes, jantu ox
kakʼatsal, vachuʼ kun tachun xalapanakni Jerusalén.
\v 4 Va chuncha ni jalhachimoʼonuʼ Herodes va jalakjuntaʼiʼol
tachun xaʼukxtinin kuras kun yu ixtamasuy ixlhachimoʼonkʼan.
Jalaklhisakmil toʼoxtaycha katsukul ni Cristo.
\v 5 Yuʼuncha tanaul:
\p —Va laka putaulan Belén xalakatʼun Judea. Va chuncha
tsʼoqlhi qayntaun yu maqancha ixlaqputeʼey ixchivinti
Dios, va naul:
\q
\v 6 Putaulan Belén xalakatʼun Judea,
\q uxintʼi jantu lakatʼuniy kʼaʼuntʼi, apalay ay kʼatʼi
xajantu yu talhachimoʼonun xalakatʼun Judea.
\q Kataxtuniyan qayntaun ay lapanaki
\q yu kalhichimoʼoyaʼ kilapanakni yu israelitas.
\p
\v 7 Ex va chuncha ni Herodes va saq lakjuntaʼil ni
magos y jalaklhisakmil tavanancha tasul ni jastʼaku.
\v 8 Ex chuncha jalaqmalaqachalcha ni Belén, va lakjunil:
\p —Kʼapʼinchʼipitikcha lakxkaunan ni jasʼatʼa, ox kʼalakxkʼauyapitik
ni anchanuʼ jasʼatʼa. Ex tejkan katʼemayapitik kilajunau
para vachuʼ lay kajkʼal toʼoyanaʼ.
\p
\v 9 Tejkan chuncha taqasmaklhi ni jalhachimoʼonuʼ ex
va taʼalcha. Ex yu jastʼaku yu ixtalaqtsʼinta taʼan
putakʼutʼa julchan va xapʼulʼanta kun yuʼuncha. Tejkan
va laycha katachaʼal yu jastʼaku va saq tayal taʼan
ixmal ni jasʼatʼa.
\v 10 Tejkan chuncha talaqtsʼil ni jastʼaku ex ni magos
ayaj talhiʼachantajul.
\v 11 Tejkan tatanuchal laqa chaqaʼ va talaqtsʼil ni
jasʼatʼa kun María yu ixnati. Ex va chuncha tataʼaqtsoqoqtanilcha
va taʼaqtaylcha ni tatamoʼoniy ni jasʼatʼa. Ex va taʼaqmixʼalcha
ixkajajkʼan taʼan maʼakan ixmaqalitkʼan, taxtaqnil oro
ali pun ali mirra.
\v 12 Ex va chuncha taval ni anchanu lapanakni va taʼaqlaqavanal,
va lakjunkal para jantucha katapuʼanchoqol ni taʼan
ixvil ni Herodes, va para katapuʼanchoqolcha alakataun
tin ni la ixtʼunkʼan. Ex va atauncha tin tapuʼanchoqol
la ixtʼunkʼan.
\s Taqosʼal xalakatʼun Egipto
\p
\v 13 Taval tejkan taʼanchoqolcha ni magos, qayntaun
ixmayul ni Jalhachimoʼonuʼ Dios tasunil la ixʼaqlaqavanti
ni José, va junil:
\p —Kaʼostʼaʼulcha, kʼasaktʼicha ni jasʼatʼa kun ixnati.
Kʼapʼintʼikcha xalakatʼun Egipto. Ancha katʼaultʼachipitik
tus tejkan kitʼin klamapastakʼanichoqoyau. Yu Herodes
kalaxkauyaʼ ni jasʼatʼa para kamaqnil.
\p
\v 14 Va chuncha ni José ostaulalcha, va saklhicha ni
jasʼatʼa kun ixnati. Ex ni yuʼuncha va taʼalcha ni Egipto
mas vananaj ixputsʼista.
\v 15 Va ancha ixtavilananchal tus tejkan nilcha ni
Herodes. Va chuncha tapasal para kataqayntsal yu naul
ni Jalhachimoʼonu Dios. Va qayntaun yu maqancha ixlaqputeʼey
ixchivinti naul: “La xalakatʼun Egipto ijkuntaʼil kesʼatʼa.”
\s Ni Herodes lhinaul ixmaqnika ni tsʼalan
\p
\v 16 Tejkan kʼatsal ni Herodes ni tamakanul yu magos
ex va ayaj talqaunlhi, va jamalaqachanal ixjamaqnika
ni tsʼalan yu lakstʼuniykaʼ. Va yu ixtalhitʼajun laʼatʼiyun
jachʼitin kun yu apalay lakstʼuniykaʼ laka putaulan
Belén ali yu ukstsʼuniy ixtavilanal. Va pastaklhi tacha
tajunil ni magos tisuncha julchan talaqtsʼil ni jastʼaku.
\v 17 Ex laqsaval va chuncha val tacha istsʼoqta ni
Jeremías yu maqancha ixlaqputeʼey ixchivinti Dios:
\q
\v 18 Va qasmajkal yu talajqalhun laka putaulan Ramá,
\q va alil taun ay jamaqaniti y lajqalhuti,
\q va yucha ni Raquel yu ixqalhun.
\q Jantucha lay ixlakataulay, va jalaqmaqnikalcha ni sasʼatʼan.
\p
\v 19 Ex taval tejkan ixnitacha ni Herodes, qayntaun
ixmayul ni Jalhachimoʼonu Dios va tasunichoqol ni José
la ixʼaqlaqavanti ancha lakatʼun Egipto, va junil:
\p
\v 20 —Kaʼostʼaʼulcha, kʼasaktʼicha ni jasʼatʼa kun ixnati,
kapʼinchʼoʼotʼikcha xalakatʼun Israel. Yu ixtamaqniputun
ni jasʼatʼa va tanilcha.
\p
\v 21 Va chuncha ni José ostaulalcha, va laklhaanchoqolcha
ni jasʼatʼa kun ixnati xalakatʼun Israel.
\v 22 Kʼatsal ni José ixtʼajuncha lhachimoʼon ni Arkelas
ancha Judea tacha ixlhachimoʼonun ixpay Herodes. Ex
va talhanal, jantucha kaʼanchoqol ancha. Va makʼatsanichoqokal
aaqtaun la ixʼaqlaqavanti, ex va alcha xalakatʼun Galilea.
\v 23 Tejkan chaʼalcha ex va ancha tsukuchal xaputaulan
Nazaret. Va chuncha tapasal para laqsaval chuncha kaval
tacha tanaul yu maqancha ixtalaqputeʼey ixchivinti Dios,
tanaul: “Ni yucha kajunkanaʼ qayntaun yu machaqaʼ Nazaret.”
\c 3
\s Ni Juan yu jamaqchajʼavanaʼ laqputeʼey ixchivinti Dios
\r (Mr. 1:1-8; Lc. 3:1-9, 15-17; Jn. 1:19-28)
\p
\v 1 Va chuncha taval ni anchanu julchan ni Juan yu jamaqchajʼavanaʼ al laqputeʼeniʼ ixchivinti Dios lakakʼavin xalakatʼun Judea.
\v 2 Va ixnajun:
\p —Kʼamapʼaxatʼikcha mijatapastakʼatkʼan. Va taʼukstsʼuniycha ixlhachimoʼon Dios.
\p
\v 3 Ni Juan va yu lhichivinil ni Isaías yu maqancha ixlaqputeʼey ixchivinti Dios. Ni Isaías naul:
\q Qasmakkan taun tʼasati lakakʼavin yu najun:
\q “Kalaʼoximanitʼikcha ixlakatin ni Jalhachimoʼonuʼ.
\q Vas kʼamakʼatʼikcha para tsʼalti katapasal.”
\p
\v 4 Yu ixlaqchʼiti ni Juan va jamakanti xachʼauti ni camello, yu ixlhitampachʼikan va jaxtaʼan, yu ixvayti va silaqa kun xaxkan seraj yu alin lakakʼavin.
\v 5 Ni lapanakni yu machaqan xalakatʼun Judea ali yu machaqan laka putaulan Jerusalén ali yu ixtavilanal ukstsʼuniy xalaʼaxkan Jordán, va ixtalaqminʼojoy ni Juan.
\v 6 Ixtalhitaulʼojoycha ni ixtalaqalhinkʼan, ex yu Juan va ixjamaʼaqchajʼavaycha xalaʼaxkan Jordán.
\p
\v 7 Yu Juan tejkan jalaqtsʼilcha ixtamincha aqchajʼaunin pumalhuu fariseos kun saduceos, va jalakjunil:
\p —¡Sasʼatʼan tsapulin yu xaʼox untʼatʼik! ¿Taʼayucha xatajunancha ni uxiknankʼan para kʼaxajchipitik ni aniy lhitaʼay jamaqanlqajnati yu kaʼalina?
\v 8 Kʼamakʼatʼikcha yu lajʼox para ex chuncha katasulcha ni mapʼaxatʼatʼikcha mijatapastakʼatkʼan.
\v 9 Jantu lajʼay kakʼatsʼantʼik para kanauntʼik meʼemankʼan: “Ni Abraham yucha kimpaykʼan.” Kitʼin klajunau yu Dios lay kalakmapaxal ni aniy chiyux para kataval sasʼatʼan Abraham.
\v 10 Chavaycha va tacha taun hacha yu va laycha kachaqxtal ni kʼiu la ixtitakxiyati. Yu jantu makay yu lajʼox, yucha kachaqxtakal, va kamapʼukalcha ni laka jikmi.
\v 11 Kitʼin va kun xkan klamaʼaqchajʼavayau para katasul ni mapʼaxatʼatʼikcha mijatapastakʼatkʼan. Astan kaminaʼ aqayntaun yu apalay ay xajantu kitʼin. Yu kitʼin tus jantu kimpaxtoqniy kaklhaʼanil ixvarachi. Yucha katapumaʼaqchajʼavayan kun ni Espíritu Santo ali jikmi.
\v 12 Yucha va tacha kalhitsukul la ixmakaʼ ixpatankʼalhan para kalaktankʼalhal ni lapanakni tacha trigo. Yu lajʼox kalakmaʼayaʼ la ixpakʼatsa pero yu tacha pʼoqxni kalaqxavayaʼ laka jikmi yu jantu aqtaun kamixaʼ.
\s Aqchajʼaul ni Jesús
\r (Mr. 1:9-11; Lc. 3:21-22)
\p
\v 13 Ex va chuncha taval ni Jesús minchal xalakatʼun Galilea. Va al xalaʼaxkan Jordán taʼan xamaʼaqchajʼavanan ni Juan para ancha ni Juan kamaʼaqchajʼaval ni Jesús.
\v 14 Ex chuncha yu Juan va jantu ixʼuyujnajun, va junil ni Jesús:
\p —Yu kitʼin va kmaqskʼiniy kʼimaʼaqchʼajʼavatʼi ni uxintʼi. ¿Chavay va kitʼin kilaqtʼantʼa para kakmaqchajʼavan?
\p
\v 15 Pero yu Jesús va junil:
\p —Chavay va chuncha kʼamakʼaucha. Maqskʼiniy chuncha kamakau tacha yu lhinajun ni Dios.
\p Ex ni Juan xtaqkalcha para kamaqchajʼaval.
\v 16 Ex tejkan aqchajʼaulcha ni Jesús va niman takukchoqol yu lakxkan. Yu laktʼiyan va talaqltiʼal y laqtsʼil ixʼEspíritu ni Dios ixtaʼeltajuminta taʼan ixyal ni yucha, ixtasuy tacha laqataun palumax.
\v 17 Ex chivinkal laktʼiyan, va naunkal:
\p —Ni aniy yucha va kesʼatʼa yu ayaj kʼachaniy. Va ayaj iklhiʼachantajuy.
\c 4
\s Laqtsʼintanukal ni Jesús
\r (Mr. 1:12-13; Lc. 4:1-13)
\p
\v 1 Ex va chuncha ni Espíritu va lhaʼalcha lakakʼavin
ni Jesús para ancha ni xaʼukxtin aqmoqxnuʼ kalaqtsʼintanul
ni Jesús.
\p
\v 2 Ex ni Jesús jantu kavayl aqtʼuy pʼuxaun julchan
kun aqtʼuy pʼuxaun jatatsʼisin. Taval va chavanilcha.
\v 3 Ex ni aqmoqxnuʼ va talakanunil ni Jesús para kalaqtsʼintanul,
va junil:
\p —Incha laqsaval Sasʼatʼa Dios kʼatʼi ex ni aniy chiyux
kʼamakʼatʼi pan.
\p
\v 4 Ex ni Jesús qaltayl, va naul:
\p —Yu tsʼoqkanta la ixchivinti Dios najun: “Qayntaun
lapanaki, jantu vamun ixvayti kaputsukul. Va maqskʼiniy
kaputsukul tachun ni chivinti yu najun ni Dios.”
\p
\v 5 Ex va chuncha ni aqmoqxnuʼ va lhaʼal ni Jesús laka
putaulan Jerusalén yu taʼan ixnavin Dios, va mukʼal ixʼaqstiʼ
ni ay lakatajtan,
\v 6 va junil:
\p —Incha laqsaval Sasʼatʼa kʼatʼi ni Dios, va kʼaltʼujnu
ni aniy. La ixchivinti Dios yu tsʼoqkanta va najun:
\q Ni Dios kalaklhijunaʼ ni ixmayulnin para katalhistakni.
\q Yuʼuncha katatsʼapastukkʼan la ixmakakʼan,
\q va para jantu kʼatʼaʼalhitʼi la minchʼajaʼ laka chiyux.
\p
\v 7 Ex chuncha ni Jesús va junil:
\p —Vachuʼ najun la ixchivinti Dios: “Jantu aqtaun kalaqtsʼintʼanutʼi
ni Dios miJalhachimoʼonuʼ incha laqsaval kamakayaʼ yu
najun.”
\p
\v 8 Ex va chuncha ni aqmoqxnuʼ va aaqtaun lhaʼanchoqol
ni Jesús lakataun aspajun taʼan ayaj talman. Ancha masuniʼol
tachun oqxlaqlhuu yu taʼalinta lakamunukpaʼ kun tachun
ixkʼusixtukʼan.
\v 9 Ex ni aqmoqxnuʼ va junil ni Jesús:
\p —Ni kitʼin incha kʼintʼaʼaqtsʼoʼoqtʼaniyeʼe y kʼintʼoʼoyayeʼe
tus kakxtaqniʼoyan tachun ni aniy yu kmasuniyan.
\p
\v 10 Ex ni Jesús va junil:
\p —Uxintʼi Satanás, va kapiticha. La ixchivinti Dios najun:
“Kʼatʼoʼoyatʼi vamun miJalhachimoʼonu Dios yu alintachal
laktʼiyan, y vamun yuʼ kʼatʼapʼatsʼanin.”
\p
\v 11 Ex va chuncha ni aqmoqxnuʼ va makaul ni Jesús.
Taminchal ixmayulnin Dios, va taʼaqtayjulcha ni Jesús.
\s Ni Jesús aqtaynil laqputeʼeniʼ ixchivinti Dios xalakatʼun Galilea
\r (Mr. 1:14-15; Lc. 4:14-15)
\p
\v 12 Va manukal laka pachʼin ni Juan. Tejkan kʼatsal
ni Jesús va anchoqol xalakatʼun Galilea.
\v 13 Astan makaul ixputaulan Nazaret, va al tsukunuʼ
Kapernaum, taun putaulan yu va ukstsʼuniy ixkilpaʼ lakamar.
Ancha va xalakatʼun ni Zabulón ali Neftalí.
\v 14 Laqsaval chuncha tapasal va para laqsaval kaval
yu tacha istsʼoqta ni Isaías yu maqancha ixlaqputeʼey
ixchivinti Dios, va naul:
\q
\v 15 Yu xalakatʼun Zabulón kun Neftalí,
\q yu ukstsʼuniy lakamar, yu tukuktachal ni laʼaxkan Jordán,
\q yu ancha laka Galilea, va taʼan tavilanal yu jantu Israelitas
kataval.
\q
\v 16 Ni lapanakni yu ixtatiʼukxuyanal ni laka putsʼisniʼ
va laktasunil taun ay maklku,
\q Ni anchanu lapanakni yu ixtavilanal taʼan ixmalkʼiknitacha
ni lhinin,
\q va yuʼuncha jalakmapulkunilcha ni anchanu maklku.
\p
\v 17 Ex va chuncha ni anchanu julchan va exnicha aqtaychal
laqputeʼey ixchivinti Dios ni Jesús. Va ixnajun:
\p —Kʼamapʼaxatʼikcha mijatapastakʼatkʼan, ixlhachimoʼon
ni Dios va ukstsʼuniycha lakaminta.
\s Ni Jesús va jalakjuntaʼil pumatʼati lapanakni yu xachʼapanan jatanti
\r (Mr. 1:16-20; Lc. 5:1-11)
\p
\v 18 Ex va chuncha ni Jesús va ixkiltaukʼajʼanta ixkilpaʼ
lakamar Galilea, ancha laktemal pumatʼuy tʼalaqaunin.
Yu qayntaun va Simón vachu va yuʼ yu ixjunkan Pedro,
yu aqayntaun va Andrés ixjunkan. Yu anchanuʼ tʼalaqaunin
va xachʼapanan jatanti ixtajunita. Va ixtatʼajun mujunun
ixchʼoqxkʼan lakxkan.
\v 19 Ex Jesús va lakjunil ni anchanu joʼakna:
\p —Chavay kilatʼamiucha ni kitʼin. Chavay tʼemayatʼik
va jatanti pero kitʼin kaklamakayau para kalaktʼematʼik
lapanakni.
\p
\v 20 Ex ni anchanu joʼakna va niman tamakaulcha ixchʼoqxkʼan,
va tatʼaʼalcha ni Jesús.
\p
\v 21 Taval tejkan va ukstsʼuniykaʼ ixtaʼanta, ni Jesús
va aaqtaun jalaktemachoqol pumatʼuy tʼalaqaunin, yu istsʼalan
ni Zebedeo ixtajunita. Yu qayntaun va Jacobo ixjunkan,
yu ixpʼisaqa ixjunkan va Juan. Va ixtʼatʼajumanal ni
laka barco kun ixpaykʼan. Va ixtatʼajun laʼoxinin ni
ixchʼoqxkʼan. Ex ni Jesús vachuʼ lakjuntaʼil.
\v 22 Ex ni yuʼuncha vachucha tamakaul ixpaykʼan kun
ixlhitapatsakʼan, va tatʼaʼalcha ni Jesús.
\s Ni Jesús va lhuvaj lapanakni jalakmalanil
\r (Lc. 6:17-19)
\p
\v 23 Ni Jesús va tus tiʼukxuntayaʼol ni talakachux
xalakatʼun Galilea, yu taʼan laka putaulanaxna, va ixjamalaninin
taʼan ixtataqxtoʼa ni Israelitas. Va ixlaqputeʼey yu
ox chivinti yu masuy tacha lhachimoʼonun ni Dios. Vachuʼ
yu tapuchux taqanʼati yu ixtalhitʼajun ni lapanakni
va tus ixlajkʼuchʼuʼojoy.
\v 24 Ex yu xalakatʼun Asiria va tus talakachux takʼatsaniʼol
yu lajʼay lhitapatsa makal ni Jesús. Ex ni yuʼuncha
va talhiminil yu tapuchux ni ixtamaqanlqajnan ixtaqanʼatikʼan
tacha yu lakaxkati ali yu ixtalhitʼajun yu jantu lajʼox
espíritus ali yu lokos ali yu niy panchʼix y kujchoqoy,
ex ni anchanu taqanʼanin va tus ixlajkʼuchʼuʼojoy ni
Jesús.
\v 25 Ex chuncha lhuvaj lapanakni tatʼaʼal yu machaqan
xalakatʼun Galilea, ali yu xalakatʼun Decápolis ali yu
laka putaulan Jerusalén vachu yu xalakatʼun Judea, vachu
yu machaqan takuktachal ni xalaʼaxkan Jordán.
\c 5
\s Ni Jesús lakmalaniy lapanakni lakataun aspajun
\p
\v 1 Taval ni Jesús tejkan laqtsʼil tachun ni lapanakni
va alcha la ixʼukxni lakataun aspajun. Ex ancha va taulalcha.
Ex chuncha ixtʼaltanan yu ixlakmalaniy tachinchal qasmaknan
ixchivinti.
\v 2 Ex chuncha ni Jesús aqtayl jalakmalaniy, va naul:
\s Ni Jesús lhilaqputeʼey tasʼayuʼuncha yu oxamaktamincha
\r (Lc. 6:20-23)
\p
\v 3 —Lajʼox kaxajtachal ixjatsukuntikʼan ni lapanakni
yu takʼatsan tacha kilpatanin. Ni yuʼuncha tapaxtoqniy
katatanul taʼan lhachimoʼonun Dios.
\p
\v 4 ’Lajʼox kaxajtachal ixjatsukuntikʼan ni lapanakni
yu tamaqaninin. Ni yuʼuncha Dios kalakmalakaʼulayaʼ.
\p
\v 5 ’Lajʼox kaxajtachal ixjatsukuntikʼan ni lapanakni
yu lakstʼuniy takʼatsan. Ni yuʼuncha ixnavinkʼan kunaʼ
ni lakamunukpaʼ.
\p
\v 6 ’Lajʼox kaxajtachal ixjatsukuntikʼan yu ayaj tanajun
kamakakal yu Dios lhinajun tus va tacha katachavanil
takʼatsan. Dios kalaqxtaqniʼoyaʼ yu tapuxkajuy tus va
tacha kataʼotsalcha katakʼatsanaʼ.
\p
\v 7 ’Lajʼox kaxajtachal ixjatsukuntikʼan yu tamapaynininta.
Ni yuʼuncha Dios kalakmapayniyaʼ.
\p
\v 8 ’Lajʼox kaxajtachal ixjatsukuntikʼan yu ox svaq
tajunita la ixjalhanutkʼan. Ni yuʼuncha katalaqtsʼinaʼ
ni Dios.
\p
\v 9 ’Lajʼox kaxajtachal ixjatsukuntikʼan yu tamaʼoxamaktamincha
taʼan alin jaxkayanti. Ni yuʼuncha kalakjunkanaʼ sasʼatʼancha
ni Dios.
\p
\v 10 ’Lajʼox kaxajtachal ixjatsukuntikʼan yu jalhilakxkaykan
por tamakay yu lajʼox. Ni yuʼuncha tapaxtoqniy katatanul
taʼan lhachimoʼonun ni Dios laktʼiyan.
\p
\v 11 ’Lajʼox kaxajtachal mijatsukuntikʼan ni uxiknan
tejkan ni lapanakni katalaktuʼuyan y katamukʼaniyan
ni jalaklkanti y katalhimaqchapuyan por kilapanakni
untʼatʼik.
\v 12 Ayaj kalhiʼachʼantʼaʼutʼik kun lhuu achati ni
anchanu julchan tejkan chuncha katamakaniyan. Ay kunaʼ
milhilhajatkʼan ni laktʼiyan. Yu maqancha ixtalaqputeʼey
ixchivinti Dios vachu va chun jalaklhixkaykal.
\s Yu tatʼaʼan ni Jesús va tacha yu xamatsati ali yu xamaklku ni lakamunukpaʼ
\r (Mr. 9:50; Lc. 14:34-35)
\p
\v 13 ’Uxiknankʼan va tacha matsati para tachun ni lapanakni
para ox kaval lakamunukpaʼ. Pero incha jantu ox katʼaylhipʼintʼik
ex xajachipitik tacha matsati yu jantucha ox. ¿Tas pulaycha
kan kajunchoqol? Jantucha tuʼuchun xtapal kaval. Va
kamajʼankalcha lakatin para ancha katachʼintaxapalcha
ni lapanakni.
\p
\v 14 ’Vachuʼ ni uxiknankʼan va xamaklku ni lakamunukpaʼ
untʼatʼik. Laqataun ay putaulan incha alinta laka aspajun
ex yucha jantu lay tamaqsaʼa.
\v 15 Vachuʼ jantu matichun mamaqtayay maklku ex maqatanuy
ixqaltaʼapuʼ laqataun kajun. Ni maklku maqskʼiniy kʼamukʼa
talman ex tus kamapulkuʼol ixpulakna laqa chaqaʼ.
\v 16 Yu uxiknankʼan vachu va chun ni mimputsukukʼan
maqskʼiniy kaval tacha maklku yu ox lay talaqtsʼin ni
lapanakni. Ex chuncha para ox katalaqtsʼil yu uxiknankʼan
makʼayatʼik. Ex tachun ay katamakal mimPaykʼan yu alintachal
laktʼiyan.
\s Ni Jesús jamalaninin jalhachimoʼon
\p
\v 17 ’Jantu kʼalhakʼapʼupʼintʼik ni kakmil mamaktanaʼ
ixlhachimoʼon Moisés kun ixchivintikʼan yu maqancha
ixtalaqputeʼey ixchivinti Dios. Ni kitʼin va ikminta
laqentsanaʼ yu taʼan tsʼanqaniy para laqsavalcha vas
kavalcha.
\v 18 Laqsaval klajunau, tejkan vananaj tiʼalin ni laktʼiyan
kun lakatʼun jantu lay kamaxtunikal xalhachimoʼon ni
Moisés mas va laqatauncha punto ni laqatauncha letra.
Ni yucha kataylhaʼanaʼ tus katapasaʼol tachun yu maqskʼiniy
katapasal.
\v 19 Vachuʼ klajunau incha matichun lapanaki jantu
kamakal kuenta mas va lakatsʼuniy yu lhiminta laqa xalhachimoʼon
ni Moisés vachu incha chuncha kalakmasunil lapanakni
para jantu katamakal kuenta ex ni yucha lakatʼuniy kunaʼ
taʼan lhachimoʼonun ni Dios. Pero yu qalasmaknan y jalakmalaniy
yu alati para katamakal kuenta ex ni yucha ayaj ay kunaʼ
taʼan lhachimoʼonun ni Dios.
\v 20 Ni lapanakni yu tamasuy ixlhachimoʼonkʼan ni israelitas
y vachuʼ yu fariseos, yuʼuncha la ixputsukukʼan tasuy
vas katatiʼukxuntayal. Pero kitʼin klajunau ni maqskʼiniy
apalay vas kataval metsukuntikʼan xajantu yuʼuncha para
kʼatʼanutʼachipitik taʼan lhachimoʼonun ni Dios.
\s Ni Jesús lhichiviniy tas junitacha yu lhilukuj
\r (Lc. 12:57-59)
\p
\v 21 ’Uxiknankʼan asmaktʼatʼik tacha jalakjunkal yu
maqancha mimpayankʼan, va jalakjunkal: “Jantu kʼamaqnin.
Yu kamaqnininaʼ ni yucha kamukʼanikanaʼ ixlaqtaqal.”
\v 22 Ni yu kitʼin iklajunau yu kalukujlayaʼ kun ixlaqaj,
yucha kamukʼanikanaʼ ixlaqtaqal. Mas va taʼayuchacha
lapanaki kaval incha va kaxkayl ixlaqaj y kajunil laqxtoqnuʼ
chivinti, yucha kamukʼanikanaʼ ixlaqtaqal u incha kajunil:
“¡Uxintʼi nitacha mijatapastakʼati!”, ex ni yucha kapaxtoqniyaʼ
ixmaqanlqajnati la xajikmi laqnin.
\p
\v 23 ’Ex incha lhitʼan milapaxkan laka altar, incha
kʼapʼastakʼel ni lhitʼaʼun laqtaqal kun milaqaj,
\v 24 ex ancha kʼamakʼaunʼel milapaxkan laka altar.
Maqskʼiniy pʼunaj kʼalaqpinʼel milaqaj para ox kalalaqtsʼinchʼoʼotʼik.
Ex laycha kʼapʼinchʼoʼo ni laka altar para kʼamaqxtʼaqtʼicha
milapaxkan.
\p
\v 25 ’Chavay incha matichun chivintanuputun laka machʼalkʼati
por makʼanin laqtaqal, ex tejkan pʼintʼatʼik lakatin
oxi kaxaʼalatʼi tacha milaqaj, para jantu kamaqxtaqnin
kun machʼalkʼati. Incha jantu, ex yu machʼalkʼati kamaqxtaqniyan
ixpolisia, ex kʼatʼanuyeʼe laka pachʼin.
\v 26 Laqsaval ijkunan ni ancha jantu katʼaxtʼuchʼoʼoyeʼe
incha jantu kamapʼalʼoyeʼe tachun ni tumin.
\s Ni Jesús lhichiviniy yu talatʼatamay yu jantu ixnavinkʼan
\p
\v 27 ’Uxiknankʼan asmaktʼatʼik tacha jalakjunkal yu
maqancha mimpayankʼan: “Jantu katʼatʼamatʼi qayntaun
yu jantu minavin kaval.”
\v 28 Pero kitʼin klajunau incha matichun kalaqtsʼil
qayntaun xanati yu jantu ixnavin tus katʼatamaputul
ex ni yucha jamaqtaqalhinincha la ixjalhanuti.
\p
\v 29 ’Chavay incha kʼamakʼapʼutʼu talaqalhin por yu
laqtsʼin la milaqchul, apalay ox kaval ni kʼalakpʼumaxtʼukʼa
milaqchul y kamajʼacha. Apalay ox kamaʼatsʼanʼatʼi laqataun
la milakatunaj xajantu kʼatʼanʼalhuʼokʼa kun tachun
milakatunaj ni laqnin.
\v 30 Chavay incha makʼapʼutʼun talaqalhin kun milhijakanaj
mimakaʼ, apalay ox kaval ni kʼachʼaqxmajʼacha. Apalay
ox kamaʼatsʼanʼatʼi laqataun la milakatunaj xajantu
kʼatʼanʼalhukʼa kun tachun milakatunaj ni laqnin.
\s Ni Jesús lhichiviniy tejkan talamakaunchoqoy xapay kun xanati
\r (Mt. 19:9; Mr. 10:11-12; Lc. 16:18)
\p
\v 31 ’Vachu va naunkal ni mas va taʼayucha kamakaunchoqol
ni ixanati maqskʼiniy kaxtaqnil aqxtaun karta yu pulamakaunkan.
\v 32 Pero yu kitʼin klajunau incha qayntaun joʼati
makajun ixanati mas jantu kamaqtaqalhinil, ex va ixlaqtaqal
ni xapay incha ixanati kamaqtaqalhinil por katʼatsukuchoqol
aqayntaun. Vachuʼ yu tʼatsukuy qayntaun xanati yu valiʼiy
makaunkal, ni yucha maqtaqalhinin.
\s Ni Jesús lhichiviniy yu pumasavalay por Dios ni kamakal tuʼuchun
\p
\v 33 ’Vachu asmaktʼik tacha lakjunkal ni lapanakni
maqancha: “Jantu aqtaun kʼanau ni va laqsaval minchivinti
incha jantu laqsaval kaval. Tachun yu uniy ni Dios miJalhachimoʼonuʼ
ni kamakʼayeʼe yucha kamakʼayeʼe.”
\v 34 Pero kitʼin iklajunau jantu aqtaun kʼapʼuchʼivintʼapʼasutʼik
tuʼuchun por kʼamasavalatʼik. Jantu kʼapʼuchʼivintʼapʼasutʼik
ni laktʼiyan, porke ancha va taʼan lhachimoʼonun Dios.
\v 35 Ni por lakatʼuncha, va ancha chʼintay Dios. Ni
por yu laka putaulan Jerusalén, va ancha ixputaulan ni
ay Jalhachimoʼonu Dios.
\v 36 Vachu jantu kʼapʼuchʼivintʼapʼasutʼik miʼaqtsulkʼan.
Jantu aqtaun lay kamakʼayapitik laqxnapapa nisin jantu
lay kamakʼayapitik laqtsʼiti mas va maqataun miʼaji.
\v 37 Incha laqsaval kʼamakʼayapitik yu talhisakmiy
ex vamun kanauntʼik “Chun”. Incha jantu, ex kʼanauntʼik
“Jantu”. Chavay matichun incha jantu makay tacha aniy,
ex makay talaqalhin.
\s Ni Jesús lhichiviniy ni jantucha kamaktʼaukʼachʼoʼo
\r (Lc. 6:29-30)
\p
\v 38 ’Vachu asmaktʼik ni va maqancha naunkal: “Incha
matichun kalaqalhinil ixlaqchul aqayntaun ex vachuʼ
tsʼanqay kamaxtunikal ixlaqchul. Incha matichun kalaqalhinil
ixtatsalati aqayntaun ex vachuʼ tsʼanqay kamaxtunikal
ixtatsalati.”
\v 39 Pero kitʼin klajunau ni jantu aqtaun kamaktʼaukʼanichʼoʼo
qayntaun lapanaki yu makaniyan laqtaqal. Chavay incha
matichun palaqstisayan, va kaxtʼaqnin aminpalaqxtitaun.
\v 40 Chavay incha matichun lhichivintanuputunan laka
pulakchivin por maxtuniputunan mixkujuʼ, kʼamakʼaunincha
para kalhaʼalcha y vachu kaxtʼaqnin yu minkutun.
\v 41 Chavay incha matichun makaniyan laqatapʼasta para
kalhipʼi ixmachʼapati taun kilometro, ex kʼalhipʼi tʼuy
kilometro.
\v 42 Vachu incha matichun skʼiniyan taun tuʼuchun kaxtʼaqnin,
incha va matsiskʼiniyan ex kʼamachʼixtʼaqnincha.
\s Kʼalakpʼaxkʼatʼi yu mintʼalaxkayan
\r (Lc. 6:27-28, 32-36)
\p
\v 43 ’Vachu asmaktʼatʼik yu maqancha naunkal: “Kʼapʼaxkʼatʼi
yu mintʼamachaqaʼ y kʼaxkʼay yu mintʼalaxkayaʼ.”
\v 44 Pero yu kitʼin klajunau ni kapʼaxkʼatʼik yu mintʼalaxkayankʼan
y ox kalhichʼivinitʼik yu jantu ox talhichivinanan, ox
kalakmakʼanitʼik yu taxkayyan, kaskʼintʼik Dios por yu
talaktuʼuyan y jantu ox tamakaniyan.
\v 45 Ex chuncha ni uxiknan sasʼatʼan kʼunapitik ni
mimpaykʼan yu vilchal laktʼiyan. Yucha jalakmapulkuniʼojoy
ixjulchan mas yu jalaktuʼunun kun yu lajʼoxin lapanakni,
y vachu jalakmamaniy ni xkan yu vas tatiʼukxuyanal y
vachu yu talaktuʼunun.
\v 46 Chavay ni uxiknankʼan incha vamun pʼaxkʼayatʼik
ni lapanakni yu tapaxkayan, ¿ex tisuncha xtapal kaval?
Vachu va chun talapaxkay ni laktuʼunun lapanakni yu
tachʼinin impuestos.
\v 47 Vachuʼ incha vamun ox mastʼakʼayatʼik metʼalaqauninkʼan
ex jantu tuʼuchun xtapal kaval. Vachu va chun talamastakʼay
ni lapanakni yu jantu ixnavin Dios kataval.
\v 48 Vas katʼiʼukxuntʼayatʼik vachu va tacha yu mimPay
Dioskʼan yu vilchal laktʼiyan. Yucha jantu tuʼuchun
tsʼanqay la ixjapaxkanti.
\c 6
\s Ni Jesús lhichiviniy tacha kʼamakʼatʼi yu lajʼox lhitapatsa
\p
\v 1 ’Tejkan tʼoʼoyayatʼik Dios y kamakʼatʼik yu lajʼox,
jantu kamakʼatʼik la ixtalakavantikʼan ni lapanakni
para katalaqtsʼin yu alati. Incha va chuncha makʼayatʼik
ex yu mimPaykʼan yu vilchal laktʼiyan jantu tuʼuchun
lhilhajati kataxtaqniyan.
\v 2 Xlhiyucha tejkan aqtʼayʼuy yu kilpatanin jantu
maqskʼiniy tus va kʼalaqpʼutʼeʼeniʼocha ni lapanakni.
Ni lapanakni yu tʼuy ukxpuʼ tamakay, tejkan taʼaqtayjuy
kilpatanin, yuʼuncha talhinajun kasunkal ni sqol laklhitamau
u laqa chaqan taʼan tataqxtoʼa ni lapanakni para katakʼatsal
tachun ni lapanakni y para katatoʼoyal. Pero laqsaval
klajunau ni ixtoʼoyakkʼan vamun yuʼ ixlhilhajatkʼan
katalaqaʼiyaʼ.
\v 3 Chavay uxintʼi tejkan jalaqʼaqtʼayʼuy yu kilpatanin
jantu maqskʼiniy kakʼatsal matichun mas yu ox milaqaj
kaval.
\v 4 Tejkan aqtʼayʼuy matichun va saqcha kʼaʼuntʼi.
Yu mimPay yucha laqtsʼiniyan yu makʼay, yucha kaxtaqniyan
milhilhajati.
\s Ni Jesús masuy tas kaskʼintʼicha Dios
\r (Lc. 11:2-4)
\p
\v 5 ’Chavay ni uxiknankʼan tejkan skʼinatʼik Dios, jantu
kʼaʼuntʼik tacha ni lapanakni yu tʼuy ukxpuʼ tamakay.
Yuʼuncha ayaj tamaqamay kataskʼil Dios laqa chaqan taʼan
tataqxtoʼa ni lapanakni y vachu taʼan la ixpiktunuxnan
ni laklhitamau. Tanajun katalaqtsʼil tachun ni lapanakni
y katatoʼoyal. Laqsaval klajunau vamun yuʼ ixlhilhajatkʼan.
\v 6 Pero yu uxintʼi tejkan skʼin ni Dios kʼatʼanutʼi
la minkuarto ex kʼamalakchʼaucha ni mimatiʼ ex kʼatʼapʼayninincha
mimPay Dios yu ancha tʼaʼalintan laqatamaqsaq. Ex yu
mimPay Dios laqtsʼiniyan yu makʼay laqatamaqsaq, ex ni
yucha kaxtaqniyan ni milhilhajati.
\p
\v 7 ’Tejkan kʼatʼapʼayninin Dios, jantu kʼanau aqlhuvaj
chivinti yu jantu ixtapal tacha tamakay yu valiʼiy lapanakni.
Yuʼuncha talhilay tejkan ayaj lhuu tachiviniy va apalay
ox makay kuenta ni Dios.
\v 8 Ni uxiknan jantu kaʼuntʼik tacha yuʼuncha. Yu mimPay
Dioskʼan tejkan jantukaʼ skʼinatʼik, yucha kʼatsaycha
tisuncha maqltʼaskʼiniyatʼik.
\v 9 Yu uxiknankʼan tejkan skʼinatʼik Dios maqskʼiniy
kʼanauntʼik inchine:
\q KimPay Dios kʼatʼi yu alintʼachiy laktʼiyan,
\q katatoʼoyan ni lapanakni mintaqaʼuti.
\q
\v 10 Kʼalhachʼimoʼon aniy,
\q chuncha kamakakal yu lhinaʼun aniy lakamunukpaʼ vachu
va tacha makakan yu lhinaʼun laktʼiyan.
\q
\v 11 Lhilhiy kilaxtaqniu yu vayti yu kmaqskʼiniyau.
\q
\v 12 Kilamalaqmixiniu ni laqtaqal yu klamakaniyau, vachu
va chun tacha kijnan kmalaqmixiniyau ni lapanakni yu
kintamakaniyan laqtaqal.
\q
\v 13 Jantu kilalhilhaʼau taʼan kakmapastaknikau yu talaqalhin,
va kilamalaqtaxtuu laqa talaqalhin.
\q Va chuncha kavalcha.
\p
\v 14 ’Chavay incha ni uxiknankʼan lamalaqmixiniyatʼik
ni lapanakni yu tamakaniyan laqtaqal, ex yu mimPay Dioskʼan
yu vilchal ni laktʼiyan vachu katamalaqmixiniyan ni
uxiknankʼan.
\v 15 Incha jantu kʼamalaqmixiniyapitik ni lapanakni
yu tamakaniyan laqtaqal, ex vachu yu mimPay Dioskʼan
jantu katamalaqmixiniyan mintalaqalhinkʼan ni uxiknankʼan.
\s Ni Jesús lhichiviniy ni taskʼajati
\p
\v 16 ’Tejkan tʼaskʼaʼayatʼik ni uxiknan, jantu kamaqaninil
miʼukxpukʼan, tacha ni valiʼiy lapanakni yu tʼuy ukxpuʼ
tamakay. Ni yuʼuncha tejkan tataskʼajay va tamamaqanixvay
ixʼukxpukʼan para katalaqtsʼil ni lapanakni ni va tataskʼajay
y katatoʼoyal. Laqsaval klajunau vamun yuʼ ixlhilhajatikʼan
katalhitsukuyaʼ.
\v 17 Ni uxintʼi tejkan tʼaskʼaʼay maqskʼiniy ox kaʼoqxpʼuchʼaʼa
y ox kalaʼoxikʼa.
\v 18 Ex yu lapanakni jantu katakʼatsanin incha tʼaʼun
taskʼajan, vamun kakʼatsal mimPay Dios yu ancha tʼaʼalintan
laqatamaqsaq. Ex chuncha mimPay Dios yu laqtsʼinʼojoy
mas yu jantu tasuy, yucha kaxtaqniyan milhilhajati.
\s Yu xamaqaliti ni laktʼiyan
\r (Lc. 12:33-34)
\p
\v 19 ’Jantu maqskʼiniy kʼalalhavatʼik maqaliti yu aniy
lakamunukpaʼ. Aniy va laqlvajiy ni tsapul y masʼojoy,
va talaqalhiʼojoy. Aniy vachuʼ yu alhavanaʼ tanuy para
kaʼalhaul.
\v 20 Mas apalay ox kʼalalhavatʼik ni maqaliti ni laktʼiyan,
ex ancha ni alhavanaʼ jantucha lay katanutachal para
kaʼalhaul, y vachu yu tsapulin kun yu mamasay jantucha
lay katatanutachal para katalaqalhil.
\v 21 Taʼan maʼalinatʼik mimaqalitkʼan, va ancha pʼastʼakʼatʼik
la mejalhanutikʼan.
\s Yu vamun makaputun yu Dios lhinajun yucha va tacha qayntaun yu lhitʼajun ox ixlaqchul
\r (Lc. 11:34-36)
\p
\v 22 ’Yu milaqchul va tacha taun xamaklku la milakatunaj;
incha lajʼox milaqchul, ex alin maklku para taʼakchun
milakatunaj.
\v 23 Chavay incha milaqchul jantu lajʼoxin kataval,
ex tachun yu milakatunaj kaputsʼisʼoyaʼ. Mas tunkujunta
la milakatunaj pero lhiʼakxajyachal putsʼisniʼ. Ex chuncha
apalay sqoyaq lhiʼakxajyachal ni putsʼisniʼ la milakatunaj.
\s Ni Dios ali yu maqaliti
\r (Lc. 16:13)
\p
\v 24 ’Jantu matichun lay oxi katapatsanil qayntaun
jaʼukxtin y vachuʼ aqtauncha katapatsanil aqayntaun.
Kaʼachaniyaʼ yu qayntaun y kaxkayyaʼ yu aqayntaun. Va
katʼaʼanaʼ yu qayntaun y jantu kamakayaʼ kuenta yu lhinajun
yu aqayntaun. Vachu va chuncha jantu lay tʼapʼatsʼaniy
ni Dios incha tʼoʼoyay yu maqaliti.
\s Ni Dios jalhistakʼa sasʼatʼan
\r (Lc. 12:22-31)
\p
\v 25 ’Xlhiyucha kitʼin klajunau jantu katapastakʼun
la metsukuntikʼan tisuncha kʼaʼuyapitik y kaʼoqyapitikcha,
vachu jantu katapastakʼun la milakatunajkʼan suncha
kʼaʼulayapitik. ¿Jantu kʼatsʼayatʼik ni metsukuntikʼan
apalay xtapal xajantu yu vayti? Vachu yu milakatunajkʼan
apalay xtapal xajantu yu laqchʼiti.
\v 26 Chavay kalaqtsʼintʼik yu tsʼoʼon yu taltʼilhinijtʼajun
ni laka unin. Yuʼuncha jantu tachʼan y jantu taxqanan
y jantu tamaʼay ixlhiʼutkʼan laka pakʼatsa. Yu mimPaykʼan
yu alintachal laktʼiyan yucha jalaqxtaqniy ixvaytikʼan.
Yu uxiknankʼan apalay ixtapal metsukuntikʼan xajantu
yu tsʼoʼon.
\v 27 ¿Taʼayucha siya uxiknankʼan lay apalay putanʼay
kʼaʼunaʼ vamun por pastakʼuy?
\p
\v 28 ’Ex ni uxiknan ¿valiʼiychacha ayaj tapastakʼuyan
ni milaqchʼitkʼan? Chavay kʼalaqtsʼintʼik tacha taʼajin
ni xanti. Jantu tatapatsay, jantu tamakay isijuntikʼan.
\v 29 Pero kitʼin klajunau ixlaqchʼiti yu ay lhachimoʼonuʼ
Salomón mas ayaj ox ixlakatayay, jantu kalaqchaʼal tacha
ixʼoxixtu laqataun xanti.
\v 30 Ni javan yu chavay alinta lakakʼavin, lhiy kalaqxauyacha
laka horno pero ni Dios ayaj kʼus jamalaqchʼiniy. Ex
apalay ox katamalaqchʼiniyan ni uxiknan mas va lakatsʼuniy
milhakapuʼatkʼan.
\v 31 Chuncha jantu maqskʼiniy katapastakʼun, jantu kanauntʼik:
“¿Tisuncha kaʼuyaucha? u ¿Tisuncha kaʼotʼaucha? u ¿Tisuncha
kalhimalaqchʼininaucha?”
\v 32 Yu valiʼiy lapanakni, yuʼuncha ayaj tapastakʼuy
yu aniy axtoqnuʼ. Pero mimPaykʼan yu vilchal laktʼiyan,
yucha kʼatsay ni maqskʼiniyatʼik tachun ni anchanu axtoqnuʼ.
\v 33 Va kʼalhipʼuxkʼauyapitik ni kalhachimoʼonul Dios
para kamakakal tachun yu lhinajun, ex kaʼalinaʼ tachun
yu maqskʼiniyatʼik.
\v 34 Xlhiyucha jantu aqtaun katapastakʼun yu katapasayaʼ
lhiy. Taun taun julchan alin yu lhitaʼay, oxicha vamun
kapʼastʼaktʼik yu chavaycha.
\c 7
\s Jantu kamukʼanin laqtaqal yu ataun lapanaki
\r (Lc. 6:37-38, 41-42)
\p
\v 1 ’Jantu kʼalakmukʼanitʼik laqtaqal yu alati lapanakni
ex ni uxiknan jantu katamukʼaniyan laqtaqal ni Dios.
\v 2 Chavay yu tacha pʼumukʼaniyatʼik laqtaqal yu alatin
yu Dios vachu va chun katapumukʼaniyan laqtaqal ni uxiknankʼan.
Chavay yu papulkan yu mapʼatsʼayatʼik uxiknan vachu
va yuʼ ni papulkan katapulkaniyan ni Dios.
\v 3 ¿Valiʼiycha makʼay kuenta yu lakatʼuniy laqtaqal
yu makay qayntaun milaqaj pero jantu makʼay kuenta yu
la ay laqtaqal yu makʼay uxintʼi? Va tacha laqtsʼiniy
xatalvayanti kʼiu yu lakputanun la ixlaqchul milaqaj,
pero jantu makʼay kuenta yu la milaqchul va lakputanun
maqaʼay kʼiu.
\v 4 Chavay incha lakputanun ni maqaʼay kʼiu la milaqchul,
¿ex valiʼiycha uniy milaqaj: “Kakmaxtuniyan yu xatalvayanti
kʼiu yu lakputanun la milaqchul”?
\v 5 Va tʼuy ukxpuʼ makʼay. Maqskʼiniy pʼunaj kʼamaxtʼuʼel
ni maqaʼay kʼiu yu lakputanun la milaqchul, ex chuncha
apalaycha ox kʼalakʼavananeʼe para kʼamaxtʼunin xatalvayanti
kʼiu yu lakputanun la ixlaqchul milaqaj.
\p
\v 6 ’Yu lajʼox jantu kʼalakmasunitʼik ni lapanakni
yu taxkajiy, yuʼuncha va tacha laktuʼunun xʼoyun yu va
lay katatalqamal y katalaktuʼuyan. Vachu jantu kʼaxtʼaqnitʼik
jatapastakʼati ni lapanakni yu jantu tamakay kuenta,
yuʼuncha va tacha pʼaxnin yu valiʼiy katalaqamanal chiyux
yu laqlhuu xtapal.
\s Kʼaskʼinin Dios yu maqskʼiniy la metsukunti y yucha kaxtaqniyan
\r (Lc. 11:9-13; 6:31)
\p
\v 7 ’Kaskʼinitʼik Dios yu maqskʼiniyatʼik, yucha kataxtaqniyan.
Kʼalakxkʼautʼik ex katʼemayapitik. Katʼaylhipʼi makasanaʼ
laka matiʼ, ex katalaqltiʼayaʼ.
\v 8 Yu skʼin tuʼuchun, va laqaʼiy. Yu puxkajuy, va temay.
Yu makasay laka matiʼ, ni yucha malaqltiʼanikan.
\p
\v 9 ’¿Xaqayntaun ni uxiknan incha kataskʼinin ni pan
mesʼatʼakʼan, va kʼaxtʼaqnitʼik chiyux?
\v 10 ¿Incha kataskʼinin jatanti, kʼaxtʼaqnitʼik tsapul?
\v 11 Chuncha ni uxiknankʼan mas va jalaktuʼunun untʼatʼik
lay xtʼaqniyatʼik laqxoqta yu lajʼox ni mesʼatʼankʼan.
Ex laqsaval mimPaykʼan yu vilchal laktʼiyan kalaqxtaqniyaʼ
yu apalay ox yu taskʼin.
\p
\v 12 ’Kʼalakmakʼanitʼik yu alati vachu va tacha naunatʼik
katamakanin. Va yucha yu lhinajun ixlhachimoʼon Moisés
kun yu maqancha ixtalaqputeʼey ixchivinti Dios.
\s Va putʼuniy ni kiltalakxtuti taʼan kʼapʼuchʼipʼi ox jatsukunti
\r (Lc. 13:24)
\p
\v 13 ’Kʼatʼanutʼikcha taʼan putʼuniy ni kiltalakxtuti.
Yu puʼay kiltalakxtuti taʼan jantu lhitaʼay ni lakatin,
ancha puʼankanta laka lhinin. Yu anchanuʼ tin, ancha
apalay qaynlhuu tapuʼanta.
\v 14 Pero yu xatin yu puʼankanta taʼan ox jatsukunti,
ancha va putʼuniy y ayaj lhitaʼay, ancha va lakatsʼuniy
yu tapuʼanta.
\s Aqataun kʼiu va pumispakan yu xaʼunikan
\r (Lc. 6:43-44)
\p
\v 15 ’Kʼalhistʼajkʼantʼikcha kun yu tamakanunun mas
tanajun talaqputeʼey ixchivinti Dios. Ni yuʼuncha tejkan
talaqminan tatasuy tacha qalʼoxin tacha valiʼiy borregos.
Pero laqsaval talaktuʼunun, va tacha maqtalin yu taʼuputunan.
\v 16 Lay kʼalakpʼumispʼatʼik va por yu tamakay, vachu
va tacha lay pumispakan aqataun kʼiu por yu xaʼunikan.
Jantu lay kʼapʼuxtʼi ni uvas laka jaltukun y vachu jantu
lay kʼapʼuxtʼi higos taʼan valiʼiy jakʼivinan.
\v 17 Tachun ox kʼiu xtaʼa yu lajʼox xaʼunikan. Yu jantu
ox kʼiu kaval ni yucha xtaʼa yu jantu lajʼox xaʼunikan.
\v 18 Yu ox kʼiu jantu lay xtaʼa yu jantu ox xaʼunikan.
Vachu yu kʼiu yu jantu ox jantu lay xtaʼa yu lajʼox
xaʼunikan.
\v 19 Tachun kʼivinan yu jantu xtaʼa lajʼox xaʼunikan
yucha kachaqxtakalcha y kamapʼukalcha laka jikmi.
\v 20 Ex chuncha ni uxiknan kʼalakpʼumispʼayapitik ni
lapanakni, va por ixlhitapatskʼan yu tamakay.
\s Jantu tachun katatanutachal taʼan lhachimoʼonun ni Dios
\r (Lc. 13:25-27)
\p
\v 21 ’Jantu tachun yu kintajuniy: “Jalhachimoʼonuʼ,
Jalhachimoʼonuʼ”, katatanutachal taʼan lhachimoʼonun
ni Dios. Vamun yu tamakay tacha lhinajun ni kimPay yu
vilchal laktʼiyan.
\v 22 Ni anchanu julchan ayaj qaynlhuvaj lapanakni kintajunaʼ:
“Jalhachimoʼonuʼ, Jalhachimoʼonuʼ, klhichiviniu kun ixtapʼasta
mintaqaʼuti ex ayaj lhuu aqmoqxnun iklakmaxtuniu lapanakni,
y la mintaqaʼuti lajʼay axtoqnuʼ ikpumakau.”
\v 23 Pero ex kaklakjunaʼ: “Jantu aqtaun ni iklamispau.
Kaʼostʼikcha kun kitʼin yu uxiknan maqtaqalhinin untʼatʼik.”
\s Yu maʼatʼuy xaputayan
\r (Lc. 6:47-49; Mr. 1:22)
\p
\v 24 ’Taʼayu yu kinqalasmatʼa y makay tacha yu klhinajun,
yucha va ayaj jalakpastaknan tacha qayntaun yu makal
ixchaqaʼ kun xaputayan chiyux.
\v 25 Ex chuncha tamachil lajʼay xkan y taʼaynlhi yu
laʼaxkan y yu pʼas un talakanunil ni anchanuʼ chaqaʼ.
Pero jantu kamaqtal, yu xaputayan va si chiyux ixjunita.
\v 26 Yu kinqalasmatʼa y jantu makay tacha kitʼin klhinajun,
yucha lhiʼakxajyachal va tacha qayntaun tontoj lapanaki
yu makal ixchaqa kun xaputayan kukuj.
\v 27 Ex chuncha tamachil lajʼay xkan y talajʼaynl ni
laʼaxkan, y vachu yu pʼas un talakanunil ni anchanu chaqaʼ,
tus tachun lakpujʼol y va aqtaun tachun lhaʼanʼol.
\p
\v 28 Ex va chuncha tejkan mamaktalcha ixchivinti ni
Jesús, ex yu lapanakni va tus vak takʼatsal por yu tacha
ixjamalaninin.
\v 29 Va ixjamalaninin tacha qayntaun pʼas jalhachimoʼonuʼ
y jantu kamalaninil tacha yu ixtamasuy ixlhachimoʼonkʼan.
\c 8
\s Ni Jesús maʼayajnil qayntaun lakapuchʼiniʼ
\r (Mr. 1:40-45; Lc. 5:12-16)
\p
\v 1 Ex va chuncha tejkan tajuminchoqochalcha ni Jesús
laka aspajun va lhuvaj lapanakni tatʼaʼal.
\v 2 Ex ancha va talakanunil qayntaun joʼati taqanʼan
yu lakapuchʼita, ex ni yucha va taʼaqtsoqoqtanil taʼan
ixyal ni Jesús, va junil:
\p —Jalhachimoʼonuʼ, incha kʼinkʼuchʼupʼutʼun, lay kʼinkʼuchʼutʼi.
\p
\v 3 Ex ni Jesús va moqslanil ixmakaʼ, va junil:
\p —Chun, kitʼin knajun palaycha kʼaʼunchʼoʼo.
\p Ex va niman lakmamakaxanichoqolcha ni ixlakapuchʼiti.
\v 4 Ex ni Jesús va junil:
\p —Chavay ijkunan jantu matichun kalaqpʼutʼeʼenin. Vamun
kalaqpʼinchiy yu kura y kalhipʼinin milapaxkan yu tacha
lhinajun ixlhachimoʼon ni Moisés, para katakʼatsaʼol
ni lapanakni ni palaycha unchʼoʼotʼa mintaqanʼati.
\s Ni Jesús va maʼayajnichoqol ixʼoqxtamati yu xakapitan Romano
\r (Lc. 7:1-10)
\p
\v 5 Ex va chuncha tejkan tanuchal ni Jesús ni xaputaulan
Kapernaum, ex qayntaun kapitan Romano va talakanunil
ni Jesús va aqtayl tapaynini.
\v 6 Va junil:
\p —Jalhachimoʼonuʼ, yu kiʼoqxtamati yucha mal la kinchaqaʼ.
Ayaj pʼas lakanita, tʼajun majkʼatsan taun pʼas maqanlqajnati.
\p
\v 7 Ex chuncha ni Jesús va naul:
\p —Kajkʼantachal ni kʼuchʼunuʼ.
\p
\v 8 Ex yu kapitan Romano va naul:
\p —Jalhachimoʼonuʼ, kitʼin jantu ox kakval, jantu kimpaxtoqniy
para kʼintʼatʼanuchʼiy la kinchaqaʼ. Maqskʼiniy vamun
ni uxintʼi kʼanau, ex yu kiʼoqxtamati laycha palay kajunchoqol.
\v 9 Kitʼin klhitʼajun kiʼukxtin, vachuʼ la kintamakaʼ
alin tropas yu kintaʼaqtayjuyan. Tejkan xaqayntaun ijkuniy
kaʼal avintʼi, ex ni yucha va niman an. Yu aqayntaun
tejkan ijkuniy kamil, va niman min. Yu kiʼoqxtamati tejkan
ijkuniy kamakal tuʼuchun, yucha va niman makay. Uxintʼi
vachu chun lay kʼalhinau palay kajunchoqol ni kiʼoqxtamati.
\p
\v 10 Tejkan qasmaklhi ni Jesús va tus saq tayal. Va
lakjunil ni lapanakni:
\p —Laqsaval klajunau jantu matichun israelita kaktemal
yu chuncha lhakapuʼanan tacha yu aniy lapanaki.
\v 11 Klajunau ayaj lhuvaj katamintachal taʼan putakʼutʼa
ni julchan y vachu taʼan puʼanachal, va katatʼavaynacha
ni Abraham ali Isaac ali Jacob taʼan lhachimoʼonun ni
Dios laktʼiyan.
\v 12 Chavay yu ixtapaxtoqnil katataulal taʼan lhachimoʼonun
ni Dios, yuʼuncha va kalaqtanqalhukanaʼ yu ixlhimaqspaʼ
taʼan putsʼista. Ancha katalajqalhutsukutachal y katalaktsakʼalhitsukutachal
ixtatsalatikʼan.
\p
\v 13 Ex junil ni Jesús ni kapitan:
\p —Chavay kʼapʼinchʼoʼocha la minchaqaʼ y chuncha kavalcha
tacha ixlhakʼapʼuʼpʼin.
\p Ex va chuncha ni ixʼoqxtamati va palaycha junchoqol.
\s Ni Jesús maʼayajnichoqol ixʼatinaʼ ni Pedro
\r (Mr. 1:29-31; Lc. 4:38-39)
\p
\v 14 Ex ni Jesús va al la ixchaqaʼ ni Pedro, va laqtsʼil
yu ixʼatinaʼ, va ixtaqanʼay, ixmal la isaqati, va ixchʼapata
skakati.
\v 15 Ex chuncha ni Jesús va chʼapanil ixmakaʼ, ex ni
xanati va makaunchoqolcha iskakati, ostaulchoqol, aqtaylcha
jalakvavay.
\s Ni Jesús lakmaʼayajnichoqol lhuvaj taqanʼanin
\r (Mr. 1:32-34; Lc. 4:40-41)
\p
\v 16 Ex va chuncha tejkan ixtʼajuncha putsʼisniʼ, va
laklhaʼanikal ni Jesús ayaj lhuvaj taqanʼanin yu ixtalhitʼajun
yu jantu lajʼox espíritus. Ex chuncha va kun taun chivinti
yu naul ni Jesús tus tachun yu jantu lajʼox espíritus
tataxtuniʼochoqol y tachun ni taqanʼanin taʼayajnanʼochoqol.
\v 17 Va chuncha tapasal para kataqayntsal yu tacha
tsʼoqlhi ni Isaías yu maqancha ixlaqputeʼey ixchivinti
Dios tejkan naul: “Yucha lhaʼanʼol tachun ni kilakaxkatkʼan
y tʼikukʼalhaʼanʼol kintaqanʼatkʼan.”
\s Yu ixtatʼaʼuxaʼan ni Jesús
\r (Lc. 9:57-62)
\p
\v 18 Ex ni Jesús tejkan jalaqtsʼilcha ayaj lhuvaj taval
ni lapanakni va laklhijunil ixtʼaltanan para katatʼaʼal
yu ixlhiputakuktachal ni ay lakxkan.
\v 19 Ex qayntaun lapanaki yu ixmasuy ixlhachimoʼonkʼan
ni israelitas va talakanunil, va junil:
\p —Jamalaniniʼ, kitʼin kaktʼaʼanan mas va toʼoxtaychacha
kapʼineʼe.
\p
\v 20 Ex yu Jesús va junil:
\p —Yu xanixʼoyun, yuʼuncha tamaqalin ixchaqakʼan taʼan
poqapaj laktalpa. Yu tsʼoʼon, yuʼuncha tamaqalin ixpaqtamankʼan
ni lakakʼiu. Pero ni kitʼin yu Sasʼatʼa Lapanaki, jantu
kakmaqalil toʼoxtaycha kakmastaknil ni kiʼaqtsul.
\p
\v 21 Aqayntaun ixtʼaltanaʼ ni Jesús va junil:
\p —Jalhachimoʼonuʼ, va knajun kʼimakʼaunʼel para kajkʼal
maknunuʼ ni kimpay.
\p
\v 22 Ex ni Jesús va junil:
\p —Kʼintʼatʼatʼicha. Kʼalakmakʼaucha ni janinin katalamaknulcha
siya yuʼuncha ni janinin.
\s Ni Jesús malakaʼulachoqol ni uniyaxkan
\r (Mr. 4:35-41; Lc. 8:22-25)
\p
\v 23 Ex ni Jesús tajulcha laka barco. Yu ixtʼaltanan
vachuʼ tatajul.
\v 24 Ex va chuncha va ostaulal taun pʼas un ni lakamar.
Yu xkan va tus talman tantʼaqstʼay, va laycha kaʼaqxtaqmal
makay ni barco, pero ni Jesús va iltatay, jantu makay
kuenta mas va laycha katatalaqtsʼanqal.
\v 25 Ex yu ixtʼaltanan va taʼal maqloʼonun, va tajunil:
\p —Jalhachimoʼonuʼ, ¡kilaʼaqtayjuu! ¡Aniy tʼaunaucha talaqtsʼanqanin!
\p
\v 26 Ex ni Jesús va lakjunil:
\p —¿Valiʼiycha ayaj tʼalhananatʼikcha? Va lakatsʼuniy
milhakapuʼatkʼan.
\p Ex ostaulal, laqʼaymal ni un kun yu ay xkan yu ixtatantʼaqstʼata.
Ex chuncha ni un kun yu xkan va talakataulchoqolcha,
va saq junchoqol.
\v 27 Ex yu ixtʼaltanan va tus vak takʼatsal ixtachunkʼan.
Taʼaqtaylcha talalhisakmiy siya yuʼuncha, va talajuniy:
\p —¿Tas va ayuchacha ni anu lapanaki? Mas kaval un kun
xkan, si taqalasmakʼojoy.
\s Pumatʼuy yu machaqan Gadara ixtalhitʼajun yu jantu lajʼox espíritus
\r (Mr. 5:1-20; Lc. 8:26-39)
\p
\v 28 Ex chuncha ni Jesús tatakukchalcha ni lakamar,
la xalakatʼun Gadara. Ex ancha taxajchil pumatʼuy lapanakni
yu ixtalhitʼajun yu jantu lajʼox espíritus. Va taminchal
taʼan mamakan janinin taʼan poqapaj laktalpa, va tatalakanunil
ni Jesús. Va laktaxtujcha ixtajunita, va ayaj laklhitalhaunita,
va tus jantu matichun lay ixtapasay anchanu lakatin.
\v 29 Ex ni anchanu lapanakni va taʼaqtayl pʼas tatʼasay,
va tanajun:
\p —Jesús, jantu kilalaqltalakanuu ni kijnan, ni uxintʼi
Sasʼatʼa Dios unitʼa. ¿Chavay va tʼantʼacha para kilamamaqanlqajniu,
mas jantukaʼ lakachin ni julchan?
\p
\v 30 Ancha, jantu maqati, ixtaʼalin lhuvaj pʼaxnin, va
ixtatʼajun exvaynin.
\v 31 Ex yu jantu lajʼoxin espíritus va tatapayninil
ni Jesús, va tajunil:
\p —Incha kilamaxtuyau, kilamakajuu para kaklaqtanuu yu
anu pʼaxnin.
\p
\v 32 Ex ni Jesús jalakjunil:
\p —Kapʼintʼikcha.
\p Ex ni jantu lajʼox espíritus va tataxtuchoqolcha ni
anchanu pumatʼuy lapanakni, va talaqltanulcha ni pʼaxnin.
Ex ni pʼaxnin va taputakyaulcha taʼan qaltalman, va tatajuchal
yu lakxkan, va taʼakskajʼuʼol.
\p
\v 33 Ex yu ixtalhistakʼa ni pʼaxnin va tus tatakyauʼol.
Tejkan tachaʼal ni laka putaulan, taʼaqtaylcha talaqputeʼey
tachun yu tapasal ni anchanu pumatʼuy yu ixtalhitʼajun
yu jantu lajʼox espíritus.
\v 34 Ex chuncha tus tachun yu xalapanakni ni anchanu
putaulan talaqmil ni Jesús. Tejkan talaqtsʼil ni ancha
vil, va tatapayninil para kataxtuchoqol la ixtʼunkʼan.
\c 9
\s Ni Jesús palay makachoqol qayntaun yu ixlakanita
\r (Mr. 2:1-12; Lc. 5:17-26)
\p
\v 1 Va chuncha taval ni Jesús va tajuchoqolcha laka
barco. Ex tejkan takukchoqochil yu ay lakxkan, va anchoqol
la ixputaulan.
\v 2 Ex ancha talhaanil qayntaun yu ixlakanita, va ixtapulhaʼanta
putaman. Tejkan ni Jesús jalaqtsʼil ni yuʼuncha va ayaj
talhakapuʼan, va junil ni taqanʼan:
\p —Kesʼatʼa kʼatʼi, kʼalhiʼachʼantʼaʼutʼi. Yu mintalaqalhin
laqmixlhicha.
\p
\v 3 Yu alati lapanakni yu ixtamasuy ixlhachimoʼonkʼan
vachu ancha ixtaʼalinta. Ex ni yuʼuncha tapastaklhi:
“Por ixchivinti xʼaman makakan tacha Dios kaval y chuncha
akchʼintamay ni Dios.”
\v 4 Ni Jesús yucha va ixlakkʼatsaniycha yu ixtatʼajun
pastaknan, ex ni yucha va lakjunil:
\p —¿Valiʼiycha ni uxiknan lhitʼaunatʼik yu jantu lajʼox
jatapastakʼati?
\v 5 ¿Suncha yu mas apalay jantu lhitaʼay kaval, va kʼaʼun:
“Yu mintalaqalhin laqmixlhicha”, u va kʼaʼun: “Kʼaʼostʼaʼulcha,
katʼiʼukxuntʼayachʼoʼocha”?
\v 6 Chavay klamasuniyau ni kitʼin yu kval Sasʼatʼa
Lapanaki klhitʼajun lhachimoʼon aniy lakamunukpaʼ para
kakmalaqmixil ni talaqalhin.
\p Ex va junil ni lapanaki yu ixlakanita:
\p —Chavay ijkunan, kʼaʼostʼaʼulchʼoʼocha. Kasakchʼoʼocha
mimputaman y kapʼinchʼoʼocha la minchaqaʼ.
\p
\v 7 Ex yu ixlakanita va ostaulchoqolcha, va anchoqolcha
la ixchaqaʼ.
\v 8 Tejkan chuncha talaqtsʼintayal ni lapanakni, va
ayaj tatalhanal. Ex ay tamakal ni Dios por yu ay tapʼasta
jalaqxtaqnikal ni lapanakni.
\s Ni Jesús tʼasaʼil ni Mateo
\r (Mr. 2:13-17; Lc. 5:27-32)
\p
\v 9 Ex anchoqol ni Jesús, va laqtsʼil qayntaun joʼati
ixjunkan Mateo. Va ixvil taʼan mapalkan impuestos. Ex
ni Jesús va junil:
\p —Kʼintʼatʼatʼicha.
\p Ex ni Mateo va ostayal, va tʼaʼalcha ni Jesús.
\p
\v 10 Va chuncha taval, ni Jesús va al vayaʼ la ixchaqa
ni Mateo. Va tachil lhuvaj yu ixtachʼinin impuestos
y vachu tamil yu alati maqtaqalhinin. Vachu tatʼataulal
chʼantaun ni Jesús kun ixtʼaltanan lakamesa.
\v 11 Yu fariseos tejkan chuncha talaqtsʼil, va taʼaqtayl
talhisakmiy, va lakjunkan ixtʼaltanan ni Jesús:
\p —¿Valiʼiycha yu mijamalaninikʼan yucha jalaktʼavajin
yu xachʼinin impuestos kun yu alati jamaqtaqalhinin?
\p
\v 12 Ni Jesús va qasmaklhi. Ex va lakjunil:
\p —Yu taʼayajnan jantu tamaqskʼiniy kalajkʼuchʼukal, yu
tamaqskʼiniy va yu taqanʼanin.
\v 13 Kʼapʼinchʼoʼotʼikcha y kalaniyapitik para kamalaʼasitʼik
tisuncha naunputuncha yu aniy tsʼoqkanta la ixchivinti
Dios: “Kitʼin klhinajun va kʼalamapʼaynitʼik, jantu
klhinajun kʼamoqslatʼik lapaxkan.” Chuncha tsʼoqkanta.
Kitʼin jantu ikminta laktʼasaʼin yu lajʼoxi lapanakni,
va ikminta laktʼasaʼin yu maqtaqalhinin.
\s Talhasakminin yu taskʼajati
\r (Mr. 2:18-22; Lc. 5:33-39)
\p
\v 14 Ex ni lapanakni yu ixtatʼaʼan ni Juan yu ixlakmalaniy,
yuʼuncha tatalakanunil ni Jesús, va tajunil:
\p —Kijnan kun ni fariseos ayaj iktaskʼajayau. ¿Chavay
yu mintʼaltanan, valiʼiycha jantu tataskʼajay?
\p
\v 15 Ex ni Jesús va lakjunil:
\p —Tejkan alin lakxtuklati, ¿lhilay ni katamaqaninanaʼ
yu jalakjuntaʼikanta? Jantu lay taskʼajay tejkan vananaj
tatʼavilanal ni tsʼal yu lakxtuklay. Pero kaminaʼ julchan
tejkan kamaxtukanaʼ ni anchanuʼ tsʼal, ex ixtʼaltanan
katataskʼajayaʼ.
\p
\v 16 ’Jantu matichun lhilaqpumpuy aqxtaun xkujuʼ yu
atʼaliʼ kun yu sastʼi lhalaqpumpum. Yu sastʼi lhalaqpumpum
va talaqatamiy, ex chuncha yu atʼaliʼ laqchʼiti va apalay
taʼexa.
\v 17 Vachu jantu paxtoqniy kʼamuʼutʼi yu sastʼi xaxkan
uva laka atʼaliʼ jaxtaʼan. Yu atʼaliʼ jaxtaʼan va taʼexa,
ex yu xaxkan uva kun yu jaxtaʼan putʼuy tatsʼanqay.
Yu sastʼi xaxkan uva maqskʼiniy kamujukal laka sastʼi
jaxtaʼan, chuncha lay pumaʼakan yu jaxtaʼan.
\s Qayntaun jatsiʼi yu ixnitacha ali qayntaun xanati yu ixtaqanʼay
\r (Mr. 5:21-43; Lc. 8:40-56)
\p
\v 18 Tejkan chuncha ixtʼajun lhichivin ni Jesús, ex
chinchal qayntaun xalhachimoʼonuʼ ni israelitas. Va
taʼaqtsoqoqtanil la ixtalakaʼukxpuʼ ni Jesús, va junil:
\p —Ni kintsiʼi va aniykaʼ ixniy. Chavay kʼatʼatʼi kamoqslanin
mimakaʼ ex kalakpukujchoqol.
\p
\v 19 Ex va chuncha ni Jesús kun ixtʼaltanan va taʼostaulal
y tatʼaʼalcha.
\v 20 Va chuncha, qayntaun xanati va talakanunil ni Jesús.
Anchanuʼ xanati ixtaqanʼaycha laqakautʼuy jachʼitin,
va ixtaxtuniy jakʼalnan. Yucha talakanunil ni Jesús
la ixlhistapuʼ, va piklanil la ixkiltuʼ ixlaqchʼiti kun
ixmakaʼ.
\v 21 Va ixpastakʼa: “Incha vamun kakpiklanil la ixkiltuʼ
ixlaqchʼiti, ex palaycha kajkunchoqol ni kintaqanʼati.”
\v 22 Ex ni Jesús talaqaspʼiklhi, laqtsʼil ni anchanu
xanati, va junil:
\p —Kintsiʼi kʼatʼi, kʼalhiʼachʼantʼaʼutʼi. Va kʼilhakʼapʼupʼin,
xlhiyucha palaycha xaʼunchʼoʼoy.
\p Ex va niman palaycha junchoqol ni xanati.
\p
\v 23 Ex ni Jesús chaʼalcha la ixchaqaʼ yu anchanu jalhachimoʼonuʼ.
Va jalaqtsʼil ni jasanan yu ixtalaqsqoliy para ixmaknuka
ni jatsiʼi ali vachu ni lapanakni va tus pʼasni talajqalhun.
\v 24 Ex va jalakjunil:
\p —Kʼatʼaxtʼutʼikcha. Yu jatsiʼi jantu kanil, ni yucha
va ltatay.
\p Ex yu lapanakni vamun talhiʼachan ni Jesús tacha ni
naul.
\v 25 Ex tejkan jalakmaxtulcha, tanuchalcha, va chʼapanil
ixmakaʼ ni jatsiʼi, va maʼostaulnichoqolcha.
\v 26 Ex ni anchanu xalakatʼun va tus takʼatsaʼol yu
tacha tapasal.
\s Ni Jesús malakavanil pumatʼuy laʼachʼixin
\p
\v 27 Tejkan taxtuchoqol ni Jesús, pumatʼuy laʼachʼixin
va tatʼamil, va tajunil:
\p —¡Istsʼal David kʼatʼi, kilamapayniu ni kijnan!
\p
\v 28 Ex tejkan tanul laqa chaqaʼ ni Jesús, yu laʼachʼixin
va tatalakanunil. Ex ni yucha va lakjunil:
\p —¿Lhakʼapʼupʼinatʼik ni uxiknan ni lay kaklamalakavaniu?
\p Ex ni laʼachʼixin va tanaul:
\p —Chun, Jalhachimoʼonu, kalayaʼ.
\p
\v 29 Ex ni Jesús jalaqpuchʼapal la ixlaqchulkʼan, va
lakjunil:
\p —Chuncha kaval tacha lhakʼapʼupʼinatʼik.
\p
\v 30 Ex ni yuʼuncha va talakavananchoqolcha. Pero ni
Jesús va lakjunil:
\p —Jantu matichun kʼalaqpʼutʼeʼenitʼik.
\p
\v 31 Pero yuʼuncha mas va ankaʼ tataxtuchal va niman
talaqputeʼeʼol talakachux ni anchanu xalakatʼun yu tacha
lakmakanil ni Jesús.
\s Ni Jesús machivinichoqol qayntaun janunuʼ
\p
\v 32 Ex va chuncha tejkan va ankaʼ tataxtuchoqol ni
laʼachʼixin, ex lati lapanakni talhiminil ni Jesús qayntaun
janunuʼ. Va ixlhitʼajun taun aqmoqxnuʼ.
\v 33 Ex tejkan ni Jesús maxtunichoqol ni anchanu aqmoqxnuʼ,
ex ni janunuʼ va aqtaylcha chiviniy. Yu lapanakni va
tus vak takʼatsal, va tanajun:
\p —Ni aniy lakatʼun Israel jantu aqtaun tuʼuchun kalaqtsʼiu
tacha yu aniy ixlaqtsʼinau.
\p
\v 34 Pero yu fariseos va tanaul:
\p —Ni yucha va yu xaʼukxtin aqmoqxnun xtaqnichoqoy tapʼasta
para lay kalakmaxtuchoqol ni aqmoqxnun.
\s Ni Jesús va ayaj jalakmapayniy ni lapanakni
\p
\v 35 Ni Jesús va tus kilaʼol ni talakachux putaulanin,
mas yu lakstʼunin, va ixjalakmalaniy taʼan ixtataqxtoʼa
ni lapanakni. Va ixjalaqputeʼeniy yu ox chivinti yu
masuy tacha lhachimoʼonun ni Dios. Vachu ixlajkʼuchʼuʼojoy
tapuchux jataqanʼati kun jalakaxkati.
\v 36 Ex chuncha tejkan jalaqtsʼil ni lapanakni, va jalakmapaynil,
va ixtamaqanlqajnan y ixʼamankʼan ixtajunita, va tacha
borregos yu jantu kaʼalil qayntaun yu kalaklhistaklhi.
\v 37 Ex va lakjunil ixtʼaltanan yu ixlakmalaniy:
\p —Alin pumalhuu lapanakni yu va tacha ixlhijaxqanati
Dios pero tsʼanqay oqxtamatin yu kataxqanal.
\v 38 Xlhiyucha kʼatʼapʼayninitʼik ni Dios para kajamalaqachal
oqxtamatin la ixlhijaxqanati.
\c 10
\s Ni Jesús jalaksaklhi pumakautʼuy yu kalaqmalaqachayaʼ
\r (Mr. 3:13-19; Lc. 6:12-16)
\p
\v 1 Ex ni Jesús lakjuntaʼil yu pumakautʼuy ixtʼaltanan.
Va jalaqxtaqnil ni lhachimoʼon para katamaxtul ni jantu
lajʼox espíritus, y para lay katakʼuchʼuʼol tapuchux
taqanʼati kun tapuchux lakaxkati.
\p
\v 2 Ni aniy va yu ixtaqaʼutikʼan yu pumakautʼuy ixjamalaqachanti
ni Jesús. Yu xapʼunaj va Simón yu vachu ixjunkan Pedro,
ali Andrés yu ixlaqaj, ali Jacobo kun Juan yu istsʼalan
Zebedeo,
\v 3 ali Felipe ali Bartolomé ali Tomás ali Mateo yu
ixchʼinin impuestos, ali Jacobo yu istsʼal Alfeo, ali
Lebeo yu vachu ixjunkan Tadeo,
\v 4 ali yu aqayntaun Simón yu ixlhiyal xapartido cananista,
ali yu Judas Iscariote yu astan maqxtaqlhi ni Jesús.
\s Ni Jesús jamalaqachal ixpumakautʼuykʼan ni kataʼal laqputeʼenin tacha lhachimoʼonun ni Dios
\r (Mr. 6:7-13; Lc. 9:1-6)
\p
\v 5 Ex ni Jesús va jalaqmalaqachalcha ni anchanu pumakautʼuy,
pero jalaqxaqalaʼelal, va lakjunil:
\p —Jantu kʼapʼintʼik la ixputaulankʼan yu valiʼiy lapanakni
y vachu jantu kapʼintʼik la xaputaulanin Samaria.
\v 6 Apalay ox kajalaqpʼintʼik ni xalapanakni Israel
yu tatiʼukxuyanal tamaqatsʼanqatacha ixjatapastakʼatikʼan.
\v 7 Kapʼintʼikcha kʼalaqpʼutʼeʼeniyapitikcha ni xalhachimoʼon
laktʼiyan va lakachilcha.
\v 8 Vachu kalajkʼuchʼuyapitik yu talakapuchʼita, vachu
kʼalakmajkʼuʼuchʼoʼotʼikcha yu janinin, vachu kamaxtʼuyapitik
yu jantu lajʼox espíritus. Ni uxiknan va valiʼiy laʼaʼitʼik
ni aniy tapʼasta, ex chuncha yu milhitapatsakʼan vachu
va valiʼiy kamakʼayapitik.
\p
\v 9 ’Jantu maqskʼiniy kalhipʼintʼik oro ali plata ali
cobre
\v 10 nisin moral jantu kalhipʼintʼik. Milaqchʼitkʼan
jantu maqskʼiniy kalhipʼintʼik yu para milamapaxankʼan
nisincha yu mivarachikʼan nisincha yu mimpalikkʼan.
Yu tapatsay ni yucha lhitʼajun lakatin para kavavakal.
\p
\v 11 ’Tejkan kachʼipʼinapitik taʼan lajʼay putaulanin
kun yu lakstʼunin putaulanin, ex ancha kalhisakmiyapitik
taʼayucha ox lapanaki kaval. Katʼaulapitik la ixchaqa
tus tejkan katʼaxtʼuchʼoʼoyapitikcha.
\v 12 Tejkan kʼatʼanutʼachipitik ni laqa chaqaʼ, kamastʼakʼayapitik
kun achati tachun ni lapanakni yu ancha tavilanal.
\v 13 Incha qalʼoxin lapanakni taʼalinta ni anchanu
chaqaʼ, ex yu lamastakʼan ancha katamakaunaʼ. Pero incha
jantu qalʼoxin lapanakni kataval ex yu lamastakʼan kataxtuchoqotachal
kun uxiknankʼan.
\v 14 Incha jantu katalaqaʼiyan y jantu kataqalasmakputunan,
ex katʼaxtʼuchʼoʼoyapitikcha ni anchanu laqa chaqaʼ
u putaulan. Va kʼachʼankʼalapʼuxkʼanapitik ni pʼoqxni
la minchʼajakʼan.
\v 15 Laqsaval klajunau tejkan Dios kalaʼoxiyaʼ tachun
laqtaqal, ex ni anchanu putaulan apalay ay kunaʼ ixmaqanlqajnati
xajantu yu xaputaulanin Sodoma kun Gomorra.
\s Kalakxkaykanaʼ ixlapanakni Jesús
\p
\v 16 ’Klamalaqachayau taʼan kʼaʼunapitik tacha sasʼatʼan
borregos taʼan alin maqtalin. Ayaj listuj kʼunapitik
tacha ni tsapul, pero vachu kʼunapitik tacha tukunuʼ
yu jantu lakatsʼajmanan.
\v 17 Ayaj kʼalhistʼakkʼanapitik. Yu lapanakni katamaqxtaqniyan
ni jalhachimoʼonun, vachuʼ katalaqanaqmayan laqa chaqan
taʼan tataqxtoʼa ni israelitas.
\v 18 Katamalakanuniyan jalhachimoʼonun va por kilapanakni
untʼatʼik. Ex chuncha laycha kilalhichivinau ni kitʼin
kun yuʼuncha y vachu kun yu jantu israelitas kataval.
\v 19 Pero mas katamaqxtaʼan kun jalhachimoʼonun jantu
katapastakʼun yu kʼanaunapitik u yu tacha kʼanauntʼik.
Tejkan kachʼivinapitik Dios kataxtaqniyan yu jatapastakʼati
ni chivinti yu kʼanaunapitik.
\v 20 Jantu va uxiknankʼan kachʼivinapitik, yu kachivinaʼ
va ixʼEspíritu ni mimPaykʼan yu tatʼaʼalintan uxiknankʼan.
\p
\v 21 ’Ex lati lapanakni katamaqxtaqyaʼ ixtʼalaqauninkʼan
para kalaqmaqnikal. Vachu yu japayan katamaqxtaqyaʼ
sasʼatʼankʼan. Vachuʼ yu sasʼatʼan kataxkayyaʼ ixpayankʼan,
katamaqniyaʼ.
\v 22 Tachun ni lapanakni katalhixkayyan por kilapanakni
untʼatʼik, pero yu vas kataylhaʼanaʼ la ixlhakapuʼati,
yucha kalaqtaxtuyaʼ.
\v 23 Chavay taun putaulan incha jantu ox katalaqtsʼinan,
kaʼospʼinapitik yu alakataun putaulan. Vas klajunau,
tejkan jantukaʼ kʼamakʼaʼotʼik ni xaputaulanin ni israelitas,
va kachinaʼ yu Sasʼatʼa Lapanaki.
\p
\v 24 ’Jantu matichun yu malanikanta apalay ay xajantu
yu jamalaniy, vachu jantu matichun oqxtamati apalay ay
xajantu xaʼukxtin.
\v 25 Yu malanikanta oxamaktauncha kaval incha chaʼantacha
laniniʼ tacha ixjamalaniniʼ. Yu oqxtamati vachu oxamaktauncha
kaval incha chaʼantacha mispanaʼ tacha ixʼukxtin. Chavay
incha yu xaʼukxtin ni laqa chaqaʼ va kajunkal yu aqmoqxnuʼ
Beelzebú, ¿ex tas kalakjunkanaʼ yu ixlapanakni?
\s Tas ayucha yu katʼalhaunincha
\r (Lc. 12:2-7)
\p
\v 26 ’Jantu maqskʼiniy matichun lapanaki katʼalhaunitʼik.
Tachun yu chavay aqxtaqmanti kamispakanaʼ y tachun yu
makakan laqatamaqsaq, kamispakanaʼ.
\v 27 Yu tacha klajunau chavay taʼan putsʼista, ni uxiknan
kalakʼunitʼik laka julchan. Yu iklamasuniyau laqatamaqsaq,
yucha katʼaukʼatʼik la ixʼaqstʼiʼ ni chaqan tus pʼas
kʼanaunatʼik.
\v 28 Jantu kalaktʼalhaunitʼik yu lay tamaqniy vamun
milakatunajkʼan pero yu milhitsukunukʼan jantu lay tamaqniy.
Apalay ox katʼalhaunitʼik yu lay maqniy milakatunajkʼan
y vachu milhitsukunukʼan lay malaqachay ni laqnin.
\p
\v 29 ’Laʼatʼuy tsʼoʼon yucha stʼakan por taun tsʼuniy
tumin pero mas yucha jantu lay patajuy lakatʼun incha
jantukaʼ najun mimPaykʼan.
\v 30 Mas miʼajikʼan yu alin la miʼaqtsulkʼan tus taputeʼeniʼotan
ni maqatamin por maqatamin.
\v 31 Xlhiyucha jantu maqskʼiniy katʼalhanantʼik. Uxiknankʼan
apalay xtapal untʼatʼik xajantu lhuvajcha tsʼoʼon.
\s Yu lakxkaykan por talhakapuʼan ni Jesús
\r (Lc. 12:8-9)
\p
\v 32 ’Incha qayntaun najun la ixtalakaʼukxpukʼan ni
lapanakni ni va kilapanaki junita, ex kitʼin vachuʼ kajkunaʼ
ni kimPay yu alintachal laktʼiyan ni va kilapanaki junita.
\v 33 Pero incha najun la ixtalakaʼukxpukʼan ni lapanakni
ni jantu kilapanaki junita, ex kitʼin vachuʼ kajkunaʼ
ni kimPay yu alintachal laktʼiyan ni jantu kilapanaki
junita.
\s Tatalaqlvaʼa ni lapanakni por Jesús
\r (Lc. 12:51-53; 14:26-27)
\p
\v 34 ’Jantu kalhakʼapʼupʼintʼik ni va ikminta ni kitʼin
para oxamaktaun kaval ni lakamunukpaʼ. Yu kitʼin klhiminta
va lhilukuj ni lakamunukpaʼ.
\v 35 Kitʼin va kminta para katalaxkayl qayntaun lapanaki
kun ixpay, y katalaxkayl yu jatsiʼi kun ixnati, y katalaxkayl
yu japʼutʼi kun ixʼatinaʼ.
\v 36 Chuncha ixtʼalaxkaynin qayntaun lapanaki katajunaʼ
yu tavilanal la ixchaqaʼ.
\p
\v 37 ’Chavay yu apalay achaniy ixpay kun ixnati xajantu
kiʼachaniy ni kitʼin, jantu paxtoqniy kilapanaki kaval.
Yu apalay achaniy istsʼal u istsiʼi xajantu kiʼachaniy
vachuʼ jantu paxtoqniy kilapanaki kaval.
\v 38 Chavay yu jantu kintʼamin mas ayaj maqanlqajnan
tacha kalhaʼal ixkurus, yucha jantu paxtoqniy kilapanaki
kaval.
\v 39 Ni lapanaki yu ayaj lhitsukuputun ixjatsukunti,
yucha kamaqatsʼanqayaʼ. Yu kamaqatsʼanqayaʼ ixjatsukunti
por kitʼin yucha kalhitsukuyaʼ.
\s Yu lhilhajati
\r (Mr. 9:41)
\p
\v 40 ’Taʼayucha yu katalaqaʼiyan ni uxiknan va kitʼin
kintalaqaʼiy. Yu kilaqaʼiy ni kitʼin, yucha laqaʼiy yu
kimalaqachata.
\v 41 Yu laqaʼiy qayntaun yu laqputeʼey ixchivinti Dios
por kʼatsay va minchal kun Dios, ex ni yucha vachu chun
kalaqaʼiyaʼ ixlhilhajati tacha laqaʼiy yu laqputeʼey
ixchivinti Dios. Vachu yu laqaʼiy qayntaun qalʼox lapanaki
por ox junita, ex ni yucha vachu chun kalaqaʼiyaʼ ixlhilhajati
tacha laqaʼiy anchanu qalʼox lapanaki.
\v 42 Chavay va taʼayucha kaval kaxtaqnil mas va taun
vaso xkan yu tsukʼunkʼu yu aniy lakstʼuniy tapatsanin,
incha va por kintʼaltanaʼ junita, ex laqsaval klajunau,
ni yucha vachuʼ kalaqaʼiyaʼ ixlhilhajati.
\c 11
\s Yu ixtamalaqachan ni Juan yu jamaqchajʼavanaʼ
\r (Lc. 7:18-35)
\p
\v 1 Tejkan jaxaqalaʼol ni Jesús yu pumakautʼuy ixtʼaltanan,
ex taxtulcha taʼan ixvil, va alcha laqputeʼeniʼ ixchivinti
Dios la xaputaulanin ni anchanu lakatʼun.
\p
\v 2 Ni Juan va ixtanun lakapachʼin, ex yucha va kʼatsal
yu ixtʼajun makan ni Jesús. Va chuncha ni Juan va malaqachal
lati yu ixtʼaltanan.
\v 3 Talhisakmil ni Jesús:
\p —¿Laqsaval ni uxintʼi va Cristo kʼatʼi yu ixtanajun
kaminaʼ, u va kakpakxanʼiu aqayntaun?
\p
\v 4 Ex ni Jesús va lakjunil:
\p —Kʼapʼinchʼoʼotʼikcha y kaʼunapitik ni Juan yu tacha
tʼaunatʼik qasmaknan y laqtsʼinin.
\v 5 Talakavananchoqoycha yu laʼachʼixin, yu lakchʼanltʼul
taltananchoqoycha, yu lakapuchʼinin palaycha tajunchoqoy,
yu aqatapan taqasmaknanchoqoycha, yu janinin takujchoqoycha.
Vachuʼ yu kilpatanin jalaqputeʼenikancha ni ox chivinti
yu masuy tacha lay katapulaqtaxtul.
\v 6 Ox kaxajtachal ixjatsukunti ni lapanaki yu jantu
aqtaun kimakajun.
\p
\v 7 Tejkan taʼanchoqolcha yu ixtamalaqachan ni Juan,
ex ni Jesús aqtaylcha lhichiviniy ni Juan, va lakjunil
ni lapanakni:
\p —Tejkan kʼilaqtsʼintʼik ni Juan lakakʼavin, ¿tisuncha
ixpʼintʼatʼik laqtsʼinin? ¿Va qaltaun akltiyati yu lajkʼalhata
ni un?
\v 8 ¿Suncha kʼilaqtsʼintʼik? ¿Va qayntaun lapanaki
yu ayaj kʼus lakatayal? Ox kʼatsʼayatʼik yu ayaj lajkʼus
talakayanal tavilanal la ixchaqakʼan yu maqalinin.
\v 9 ¿Ex tisuncha kʼilaqtsʼintʼikcha? ¿Va qayntaun yu
ixlaqputeʼey ixchivinti Dios? Laqsaval klajunau chuncha
ixjunita pero apalay ay ixjunita.
\v 10 Ni Juan va yucha yu lhitsʼoqkanta la ixchivinti
Dios taʼan najun inchine:
\q Kitʼin kakmalaqachayaʼ qayntaun yu kapʼulʼaniyan,
\q yu kalaʼoximanin ni lakatin taʼan kʼapʼupʼineʼe.
\m
\v 11 Laqsaval klajunau ni tachun lapanaki yu maqlaqavanal
xanati jantu matichun yu laqputeʼey ixchivinti Dios
apalay ay kaval. Vamun yuʼ ay ni Juan yu jamaqchajʼavanaʼ.
Pero yu apalay lakatʼuniy lapanaki yu Dios lhichimoʼoy
yucha apalay ay xajantu ni Juan.
\p
\v 12 ’Chavay tejkan milcha ni Juan yu jamaqchajʼavanaʼ
tus chavaycha vananaj jantu ox talaqtsʼin tacha lhachimoʼonun
Dios, vananaj tapuxkaulaqtsʼin tas katamakal para katamamaqtanil.
\v 13 Tachun yu maqancha ixtalaqputeʼey ixchivinti Dios
vachuʼ ixlhachimoʼon Moisés ixtanajun yu katapasayaʼ
tus tejkan chil ni Juan.
\v 14 Chavay ni uxiknan incha laʼaʼipʼutʼunatʼik kinchivinti,
klajunau ni Juan va yucha ni Elías yu maqancha ixlaqputeʼey
ixchivinti Dios, yu ixtanajun kaminaʼ.
\v 15 Incha alin mimpaqasmakkʼan, kaʼasmaktʼik.
\p
\v 16 ’¿Tas tajunitacha ni lapanakni yu chavay tatʼajun?
Va tacha sʼatʼan yu taqamanan laklhitamau yu talatʼasaniy,
talajuniy:
\v 17 “Klasqolniu yu maʼachajunu jasanti, pero jantu
kʼatʼininatʼik. Klamilpaniu milpati yu mamaqanixvanan
pero jantu kʼaʼalhuntʼik.”
\v 18 Va kilachil ni Juan. Yucha jantu ox vajin vachu
jantu oqnun. Xlhiyucha tanajun ni lhitʼajun taun aqmoqxnuʼ.
\v 19 Ex chuncha kminta kitʼin yu kval Sasʼatʼa Lapanaki,
kvajin, kʼoqnun. Chavaycha tanajun ni kitʼin javaynʼoj
y puqalʼoqnuʼ. Tanajun va klaktʼatiʼukxuntayay yu tachʼinin
impuestos ali alati yu tamaqataqalhinin. Pero tachun
yu lhixajyachal la ixjatapastakʼati ni Dios yucha masuy
ni va ox ixjatapastakʼati.
\s Yu putaulanin yu jantu taqalasmaknan
\r (Lc. 10:13-15)
\p
\v 20 Ex va chuncha taval ni Jesús va aqtayl jalaqʼaymay
xalapanakni yu putaulanin taʼan jantu katamapaxal ixjatapastakʼatkʼan,
mas va anchacha kimakal Jesús apalay lhuu yu lajʼay
axtoqnuʼ. Ex ni Jesús va naul:
\p
\v 21 —¡Payniʼincha ni uxiknan yu vilanantʼik laka putaulan
Corazín! ¡Vachu ni uxiknan laka putaulan Betsaida! Ni
maqtaqalhinin lapanakni yu maqancha ixtavilanal laka
putaulanin Tiro kun Sidón jantu katalaqtsʼil yu chavay
klamasuniu. Incha ixtalaqtsʼil, ex va niman ixtamakaul
ixtalaqalhinkʼan. Ixtaʼulalcha ixkujukʼan yu pumaqanininkʼan
y ixjalaklkʼakʼalakalcha para katasul ni talhimaqaninin.
\v 22 Laqsaval klajunau tejkan kamukʼanikanaʼ ixmaqanlqajnatkʼan
ni lapanakni ex ni uxiknan apalay ay kunaʼ mimaqanlqajnatkʼan
xajantu yu xalapanakni ni Tiro kun Sidón.
\v 23 Chavay uxiknan xalapanakni Kapernaum, ¿lhakʼapʼupʼinatʼikcha
ni kapʼinapitik laktʼiyan? Yu uxiknan kʼatʼanʼalhukʼanapitik
laqnin. Va xakmakal laka putaulan Sodoma yu lajʼay axtoqnuʼ
yu tacha ikmakal la mimputaulankʼan, ex ni anchanu putaulan
Sodoma tus chavaycha ka vananaj ixʼalil.
\v 24 Laqsaval iklajunau, ni anchanu julchan tejkan kaʼalinaʼ
maqanlqajnati, ni uxiknan apalay ay kunaʼ mimaqanlqajnatkʼan
xajantu xalapanakni laka putaulan Sodoma.
\s Kʼatʼantʼik kun kitʼin para kʼastʼaknantʼik
\r (Lc. 10:21-22)
\p
\v 25 Ex va chuncha ni anchanu julchan ni Jesús naul:
\p —KimPay kʼatʼi, xajalhachimoʼonuʼ kʼatʼi laktʼiyan kun
lakamunukpaʼ, kitʼin ktoʼoyayan. Va lakmalanitʼa minchivinti
ni lakstʼuniy lapanakni y jamaqsaqnitʼa yu talakpastaknan,
yu lhuu ixtalanitkʼan.
\v 26 Chun, kimPay kʼatʼi, va chuncha jalakmapʼaynipʼutʼun
ni lapanakni.
\p
\v 27 ’Ni kimPay va tachun kimaqxtaqniʼojota. Jantu
matichun kimispay taʼayucha ni kitʼin yu sasʼatʼa, vamun
kimPay kimispay. Vachu va chun jantu matichun mispay
taʼayucha ni kimPay, vamun ni kitʼin, vachu ni lapanakni
yu klakmasuniputun.
\v 28 Chavay kʼatʼantʼikcha kun kitʼin tachun ni uxiknan
yu laʼalhoʼontʼatʼikcha istsʼinkʼixtu milhitapatsakʼan
yu makʼayatʼik. Kitʼin kaklamastakniyau.
\v 29 Kalaʼaʼitʼikcha ni ox putsuku yu klaxtaqniyau.
Kilalaqtsʼiu ni kitʼin la ox lapanaki ijkunita y kilpataniʼ
ijkʼatsan la kelhanuti, ex chuncha lay kastaknanaʼ metsukuntikʼan.
\v 30 Ni putsuku yu klalhijunau kʼalhipʼintʼik yucha
jantu tsʼinkʼi, va xapau junita para kʼalhipʼi.
\c 12
\s Tisuncha yu lay kʼamakʼatʼi tejkan xajulchan jastaknati
\r (Mr. 2:23-28; Lc. 6:1-5)
\p
\v 1 Ex chuncha taun xajulchan jastaknati ixjunita, ni
Jesús kun ixtʼaltanan yu ixlakmalaniy va ixtapuʼanta
taʼan ixchʼankanta trigo. Yuʼuncha va ayaj ixtachavanita,
taʼaqtayl talajʼexʼiy yu xataltsʼi ni trigo, va taxapʼiʼulhaʼalcha.
\v 2 Tejkan yu fariseos talaqtsʼil yu tamakal, ex tajunil
ni Jesús:
\p —Yu mintʼaltanan tatʼajun makanan taun tuʼuchun yu
jantu maqskʼiniy kamakʼatʼi tejkan xajulchan jastaknati.
\p
\v 3 Ex ni Jesús va lakjunil:
\p —¿Ex ni uxiknankʼan jantu aqtaun pʼutʼeʼeyatʼik yu
tacha makal ni David kun ixtʼaltanan taun julchan tejkan
ayaj tachavanil?
\v 4 Yucha tanul la ixchaqa ni Dios ex taʼul ni pan
yu moqslanikantacha ni Dios mas jantu ixtapaxtoqniy
kataʼul, vamun ni kuras ixtapaxtoqniy kataʼul.
\v 5 ¿Jantukaʼ pʼutʼeʼeyatʼik ixlhachimoʼon ni Moisés
taʼan najun xtaqkan lakatin ni kuras para katatapatsal
laka ay lakatajtan mas va xajulchan jastaknati? Y jantu
matichun najun ni va tamakay jatalaqalhin.
\v 6 Pero kitʼin klajunau ni aniy alin taun tuʼuchun
apalay ay xajantu yu ay lakatajtan.
\v 7 Ka jantu malaʼasiyatʼik tis va suncha naunputun
ixchivinti Dios yu tsʼoqkanta, yu inchine najun: “Kitʼin
va knajun kʼapaxkʼanantʼik. Jantu knajun kʼamoqslatʼik
lapaxkan.” Va ixmalaʼasitʼik yu klajunau, ex ka jantu
ixlakmukʼanitʼik laqtaqal yu kintʼaltanan yu laqsaval
vas tajunita la ixjatsukuntikʼan.
\v 8 Ni kitʼin yu kval Sasʼatʼa Lapanaki klhinajun tisuncha
lay makakan ni xajulchan jastaknati.
\s Palay junchoqol qayntaun yu jantu lay ixmapuʼay ixmakaʼ
\r (Mr. 3:1-6; Lc. 6:6-11)
\p
\v 9 Ex taxtulcha ni Jesús, va al laqa chaqaʼ taʼan ixtataqxtoʼa
ni israelitas, ancha tanuchal.
\v 10 Ancha ixʼalinta qayntaun lapanaki yu jantu lay
ixmapuʼay ixmakaʼ. Lati ni fariseos vachu ancha ixtaʼalinta,
yuʼuncha va ixtatʼajuncha lakxkaunan tacha kataputislajmal
ni Jesús. Va chuncha talhisakmil ni Jesús, va tajunil:
\p —¿Xtaqkan lakatin para palay kʼamakʼachʼoʼo qayntaun
taqanʼan tejkan xajulchan jastaknati?
\p
\v 11 Ex ni Jesús va lakjunil:
\p —Xaqayntaun ni uxiknan, va kalhitsʼukʼu laqataun borrego
y katajul lakxkan, ¿jantu niman kapʼiti makutunuʼ mas
va xajulchan jastaknati?
\v 12 Qayntaun joʼati apalay ixtapal junita xajantu
laqataun borrego. Ex chuncha alin lakatin para kamakʼatʼi
yu lajʼox tejkan xajulchan jastaknati.
\p
\v 13 Ex ni Jesús va junil ni anchanu taqanʼan:
\p —Kʼaxnujtʼi mimakaʼ.
\p Chuncha va xnujlhi, va oxicha junchoqol tacha yu amaqataun.
\v 14 Ex chuncha ni fariseos taʼanchoqol, va taʼaqtaylcha
tapuxkaulaqtsʼin tas lay katapumaqnil ni Jesús.
\s Ni Jesús va ixʼoqxtamati Dios yu laksakta
\p
\v 15 Tejkan chuncha kʼatsal ni Jesús, ex taxtul taʼan
ixvil. Lhuvaj lapanakni tatʼaʼal. Ni Jesús lajkʼuchʼuʼol
ni taqanʼanin,
\v 16 pero ixlakchivijvay para jantu katalhitaulal ni
yucha.
\v 17 Va chuncha taqayntsal ixchivinti Isaías yu maqancha
ixlaqputeʼey ixchivinti Dios, yu inchine naul:
\q
\v 18 Aniy alinta kiʼoqxtamati yu klaksakta.
\q Ikpaxkay kun tachun kilhitsukunuʼ.
\q Kakxtaqniyaʼ kiʼEspíritu ni yucha.
\q Ex yucha kalakmasuniyaʼ tapuchux lapanakni ni lakamunukpaʼ
ni alin ixlaqtaqalkʼan.
\q
\v 19 Yucha jantu kakiltaukʼayaʼ,
\q jantu pʼasni katʼasayaʼ.
\q Tus jantu matichun kaqasmakniyaʼ ixtʼasati lakatinixnan.
\q
\v 20 Ni yucha jantu kateʼeyaʼ mas maqataun makatʼuniy
kʼiu yu lkʼavil.
\q Yucha jantu kamamixiyaʼ mas va laqataun mecha yu va
tsʼuniy maqtʼayjiy.
\q Tus tejkan pʼasni y vas kunaʼ ixlhachimoʼon.
\q
\v 21 Tus tapuchux lapanakni ni lakamunukpaʼ katapakxanʼiyaʼ.
\s Tanajun ni Jesús lhitʼajun ixtapʼasta aqmoqxnuʼ
\r (Mr. 3:20-30; Lc. 11:14-23; 12:10)
\p
\v 22 Ex va chuncha talhaanil ni Jesús qayntaun joʼati
yu laʼachʼix y janunuʼ. Va ixlhitʼajun aqmoqxnuʼ. Ni
Jesús va malakavanichoqol y machivinichoqol.
\v 23 Tus tachun ni lapanakni tus vak takʼatsal, va talalhisakmil:
\p —¿Lhilay ni Jesús va istsʼal David junita?
\p
\v 24 Tejkan chuncha taqasmaklhi ni fariseos, va tanaul:
\p —Va Beelzebú, yu xaʼukxtin aqmoqxnuʼ yu xtaqniy tapʼasta
para lay kalakmaxtul aqmoqxnun.
\p
\v 25 Ni Jesús ixkʼatsʼaycha yu ixtatʼajun pastaknan,
va lakjunil:
\p —Mas va tisuncha lhachimoʼon incha va tatalaqlvaʼa
y talaxkajiy ni lapanakni, ex xʼamankʼan tatalaktʼilhiy.
Vachu incha taun putaulan u tʼalaqaunin tatalvaqta, ex
jantu lay maqan tatsukuy va talamamiʼoniy.
\v 26 Vachu chun incha xʼaman kamaxtuchoqokal ni Satanás,
¿ex tas kaputaqnilcha ixtapʼasta?
\v 27 Naunatʼik va klakmaxtuy aqmoqxnun kun ixtapʼasta
Beelzebú yu xaʼukxtin ni aqmoqxnun. ¿Ex tas ayucha jaxtaqniycha
tapʼasta mintʼaltanankʼan para katalakmaxtul aqmoqxnun?
Mintʼaltanankʼan va tamasuchoqoy ni uxiknan va alʼoqspʼalatʼik.
\v 28 Yu kitʼin klakmaxtuy aqmoqxnun va kun ixtapʼasta
ni ixʼEspíritu Dios. Yucha naunputun yu ixlhachimoʼon
ni Dios va talaqchintancha ni uxiknankʼan.
\p
\v 29 ’¿Tas kapulalcha matichun katanuchal la ixchaqaʼ
qayntaun lapanaki yu pʼasni para kamaxtunil ixʼaxtoqnuʼ
incha jantu pʼunaj kachʼiʼulaʼelal?
\p
\v 30 ’Yu jantu chʼantaun kintʼaval, yucha va kixkajiy.
Yu jantu jalaqmaqxtoʼa lapanakni para kintatʼaʼal, yucha
va jalakmaputaukʼay.
\p
\v 31 ’Xlhiyucha klajunau, tachun talaqalhin yu tamakay
ni lapanakni lay malaqmixiniʼokan, mas va tuʼuchun yu
jantu ox kanaul, yucha lay malaqmixiniʼokan. Pero yu
va kalaktuʼul ni Espíritu Santo ex ni yucha jantu lay
malaqmixinikan.
\v 32 Chavay yu kinkiltaukʼaniy ni kitʼin yu Sasʼatʼa
Lapanaki, yucha lay kamalaqmixinikanaʼ. Pero incha jantu
oxi lhichiviniy ni Espíritu Santo, ex ni yucha jantu
lay kamalaqmixinikanaʼ, mas ni aniy lakamunukpaʼ, mas
yu kaʼalinakaʼ.
\s Va por xaʼunikan va yucha pumispakan aqataun kʼiu
\r (Lc. 6:43-45)
\p
\v 33 ’Yu ox kʼiu xtaʼa ox xaʼunikan, yu jantu ox kʼiu
yucha jantu lajʼox xaʼunikan. Ex chuncha va por xaʼunikan
va yucha pumispakan ni kʼiu.
\v 34 ¡Ixlapanakni tsapulin untʼatʼik! ¿Tas kapulayacha
kʼanaunapitik yu lajʼox axtoqnuʼ incha va laktuʼunun
untʼatʼik? Yu naunatʼik la minkilkʼan yucha minachal
la melhanutkʼan.
\v 35 Yu ox lapanaki, la ixjalhanuti maʼata yu lajʼoxi,
ancha maxtuy yu lajʼoxi chivinti. Yu laktuʼunuʼ lapanaki
la ixjalhanuti maʼata yu jantu lajʼoxi kaval, ancha maxtuy
chivinti yu jantu lajʼox.
\v 36 Pero yu kitʼin klajunau, tejkan kachina julchan
tejkan kalakmukʼanikanaʼ ixlaqtaqalkʼan ni lapanakni,
ex kataxtaqʼoyaʼ kuenta tachun laqxtoqnuʼ chivinti yu
tanajunta.
\v 37 Va por minchivinti katasuyaʼ incha va ox unitʼa
u incha va lhitʼaʼun laqtaqal.
\s Yu talaktuʼunun lapanakni taskʼiniy Jesús kamakal ay axtoqnuʼ yu lay katapumispal
\r (Mr. 8:12; Lc. 11:29-32)
\p
\v 38 Va chuncha taval ni fariseos kun yu ixtamasuy
ixlhachimoʼonkʼan va talaqltalakatanul ni Jesús, va tajunil:
\p —Jamalaniniʼ, kijnan klalaqtsʼinputunau kamakʼatʼi taun
ay axtoqnuʼ yu lay klapumispau.
\p
\v 39 Ex ni Jesús va lakjunil:
\p —Yu jalaktuʼunun ali maqtaqalhinin lapanakni kintaskʼinin
para kaklakmakanil taun ay axtoqnuʼ yu lay kintapumispal.
Pero jantucha apalay tuʼuchun kaklakmasuniyaʼ, vamun
yuʼ yu tacha tapasal ni Jonás yu maqancha ixlaqputeʼey
ixchivinti Dios.
\v 40 Yu Jonás ixtajumachal laʼatʼutu julchan kun laʼatʼutu
jatatsʼisin la ixpulakna laqataun ay jatanti. Ex yu
Sasʼatʼa Lapanaki vachu chun katapasayaʼ, yucha katajuyaʼ
laʼatʼutu julchan kun laʼatʼutu tatsʼisin la ixpulakna
ni lakatʼun.
\v 41 Tejkan kachinaʼ ni julchan tejkan kalakmukʼanikanaʼ
ixlaqtaqalkʼan ni lapanakni, katatayayaʼ ni lapanakni
yu maqancha machaqan Nínive. Katamukʼayaʼ laqtaqal, kalakmukʼanikana
ixlaqtaqalkʼan yu chavay tatʼajun lapanakni. Yu maqancha
ixtavilanal lakaputaulan Nínive va tamakaul ixtalaqalhinkʼan
tejkan taqasmaknil ixchivinti Jonás. Pero chavay aniy
alin qayntaun yu apalay pʼas xajantu ni Jonás.
\v 42 Vachu tejkan kalakmukʼanikanaʼ ixlaqtaqalkʼan
ni lapanakni, ni xanati yu ixlhachimoʼonun maqancha ixlhisur
ni lakamunukpaʼ, va ancha katayayaʼ y kalaktislajmayaʼ
ni lapanakni yu chavay tatʼajun. Yucha la maqati minchal
para kaqasmaknil ixchivinti Salomón yu ayaj lhuu ixjatapastakʼati.
Pero chavay aniy alin qayntaun yu apalay lhuu jatapastakʼati
lhitʼajun xajantu Salomón.
\s Tejkan minchoqoy yu jantu ox espíritu
\r (Lc. 11:24-26)
\p
\v 43 Tejkan taun jantu ox espíritu taxtuniy qayntaun
lapanaki, ex tiʼukxuntayay mas taʼan jaxixninta taʼan
jantu tuʼuchun alin, lakxkajuycha toʼoxtaycha kastaknal.
Tejkan jantucha temay toʼoxtaychacha kastaknal, va pastakchoqoy:
\v 44 “Kajkʼanchoqoyacha laqa chaqaʼ taʼan ikmintachal.”
Tejkan chinchoqoy la ixlakatunaj ni lapanaki va tacha
taun chaqaʼ yu tus ox japʼalnankanta y ox jalaʼoxikanta.
\v 45 Ex taxtuchoqoy y lhiminchoqoy pumatujun ixtʼaʼespíritus
yu apalay talaktuʼunun. Tus tachun chʼantaun tatanuy
la ixlakatunaj ni anchanu lapanaki. Ex ni anchanu lapanaki
va apalay lhitaʼay jun la ixjatsukunti xajantu tacha
ixjunita pʼunaj. Vachu va chun kʼatʼapʼasayapitik yu
chavaycha jalaktuʼunun lapanakni untʼatʼik.
\s Ixnati ni Jesús ali ixtʼalaqaunin
\r (Mr. 3:31-35; Lc. 8:19-21)
\p
\v 46 Tejkan vananaj ixtʼajun jalaqxaqalanaʼ ni lapanakni
ni Jesús, ex tachinchal yu ixnati kun ixtʼalaqaunin, va
ixtatʼachivinputun ni Jesús pero va maqspaʼ ixtayanal.
\v 47 Ex qayntaun lapanaki va junil ni Jesús:
\p —Yu minati kun mintʼalaqaunin tayanal maqspaʼ. Va tatʼachivinputunan.
\p
\v 48 Ex ni Jesús va naul:
\p —¿Tas ayucha ni kinati y tas ayuʼuncha ni ketʼalaqaunin?
\p
\v 49 Ex va jalakmajkunil yu ixtʼaltanan, va naul:
\p —Ni yu aniy taʼalinta, yuʼuncha ni kinati ali ketʼalaqaunin.
\v 50 Chavay mas va taʼayucha yu makay tacha lhinajun
kimPay yu alintachal ni laktʼiyan, ex yucha kintʼalaqajun
y yucha kintʼalapanaki y yucha kinati.
\c 13
\s Qayntaun lapanaki al maman ixtʼin
\r (Mr. 4:1-9; Lc. 8:4-8)
\p
\v 1 Anchanu julchan taxtuchal laqa chaqaʼ ni Jesús
va al taul taʼan ixkilpaʼ ni lakamar.
\v 2 Va lhuvaj lapanakni tataqxtoqniy, ex ni yucha va
tajul laka barco, va ancha taulal. Ex ni lapanakni va
tataulal la ixkilpaʼ ni lakamar.
\v 3 Chuncha va aqtaynilcha jalakmasuniy pulhuvaj axtoqnuʼ
kun chivinti yu xtaʼa jatapastakʼati. Va jalakjunil:
\p —Qayntaun lapanaki al mamanaʼ ni ixtʼin.
\v 4 Tejkan ixtʼajun maman ni ixtʼin lakataun tamachal
va lakatin, ex ancha tamil tsʼoʼon va niman taʼuʼol.
\v 5 Yu alati xatʼin va tamachal laka chiyuxin. Ancha
va snipaqa mal yu tʼun, xlhiyucha va niman pʼunlhi.
\v 6 Jantu pulman kataknul istsʼansiviti, xlhiyucha tejkan
pʼas maknaul ni julchan va lakxixʼol, talaqxauʼol.
\v 7 Alati xatʼin tamachal laka jaltukunan. Ancha vachu
pʼunlhi pero chʼantaun tʼapʼul ni jaltukun, va maqataanul,
talakxixtanulcha yu xatʼin.
\v 8 Chavay yu alati tʼin, yucha tatamachal taʼan ox
ni lakatʼun, ex ancha va xtaqlhi taun ox jaxqanti. Por
laqatamin ni xatʼin, lati taxtaqlhi taun ciento xataltsʼi,
lati xtaqlhi setenta y lati treinta taxtaqlhi.
\v 9 Incha alin mimpaqasmakkʼan, ex kaʼasmaktʼikcha.
\s Valiʼiycha Jesús mapatsay chivinti yu xtaʼa jatapastakʼati
\r (Mr. 4:10-12; Lc. 8:9-10)
\p
\v 10 Ex yu ixtʼaltanan ni Jesús yu ixlakmalaniy va
tatalakanunil ni Jesús, va tajunil:
\p —¿Valiʼiycha jalaqlhixaʼalaycha ni lapanakni kun chivinti
yu xtaʼa jatapastakʼati?
\p
\v 11 Ex ni Jesús va lakjunil:
\p —Uxiknankʼan Dios tamasuniyan tacha lhachimoʼonun laktʼiyan
yu jantu takʼatsay alati lapanakni. Jantu jamasuniy
yu alati lapanakni.
\v 12 Yu lhitʼajuncha yucha apalay lhuu kaxtaqnikanaʼ
para apalay lhuu kalhitsukul. Yu jantu kalhitsukul mas
yu tsʼuniy yu lhitʼajun, yucha kamaxtunichoqokanaʼ.
\v 13 Xlhiyucha klhilaqxaqalay ni lapanakni kun chivinti
yu xtaʼa jatapastakʼati. Ni yuʼuncha talaqtsʼincha pero
va tacha jantu katalaqtsʼil, ex va tacha jantu kataqasmaklhi.
\v 14 Ex laqsaval lhiʼakxajyachal ni yuʼuncha tacha
naul ni Isaías yu maqancha ixputeʼey ixchivinti Dios,
va naul:
\q Ni uxiknan laqsaval kaʼasmatʼapitik pero jantu kamalaʼasiyapitik;
\q kʼalaqtsʼinapitikcha pero va tacha jantu kalaqtsʼintʼik.
\q
\v 15 Yu ixjalhanutikʼan ni aniy lapanakni va ayaj pʼasni
tamakata.
\q Tus jantu ox taqasmaknan.
\q Ixlaqchulkʼan talhitʼajun pero tus ox lakchajuy.
\q Chuncha jantu lay talakavanan,
\q jantu lay taqasmaknan,
\q jantu lay tamalaqasinin,
\q jantu chʼantaun kintatʼaʼan para kaklakmaʼayajnil.
\p
\v 16 ’Pero ni uxiknankʼan, kaʼachʼantʼikcha, va pʼalakʼavanantʼikcha
milaqchulkʼan y paʼasmaknanantʼikcha miʼaqaxqolkʼan.
\v 17 Laqsaval klajunau, maqancha qaynlhuvaj lapanakni
yu lajʼoxin kun qaynlhuvaj yu maqancha ixtalaqputeʼey
ixchivinti Dios ayaj ixtalaqtsʼinputun tacha yu chavay
laqtsʼinatʼik, pero yuʼuncha jantu katalaqtsʼil. Ayaj
ixtaqasmakputun vachu yu tacha uxiknan asmaktʼatʼik,
pero jantu kataqasmaklhi.
\s Ni Jesús laqxʼotʼa yu naunputun ni chivinti yu xtaʼa jatapastakʼati
\r (Mr. 4:13-20; Lc. 8:11-15)
\p
\v 18 ’Chavay ox kaʼasmaktʼik yu naunputun ni chivinti
yu lhichiviniy ni lapanaki yu ixmamay ni ixtʼin.
\v 19 Qayntaun lapanaki tejkan qasmatʼacha tacha lhachimoʼonun
Dios pero jantu malaqasiy, yucha va tacha xatʼin yu tamachal
lakatin. Taval laqtanul yu jantu ox, ex chuncha ni anchanu
lapanaki va makaunchoqolcha ixchivinti Dios yu ixʼalintacha
la ixjalhanuti.
\v 20 Chavay yu xatʼin yu tamachal laka chiyuxin, yucha
va yu taqasmatʼacha ixchivinti Dios ex talaqaʼiy kun
achati.
\v 21 Pero jantukaʼ ox tatʼachʼatay, ex vamun taun panchʼix
tayaniy. Tejkan lhitapasay maqanlqajnati, por ni chivinti
yu lhakapuʼan, ex makaunchoqoycha ixlhakapuʼati.
\v 22 Chavay yu xatʼin yu tamachal laka ltukunan, yucha
va ni lapanakni yu taqasmatʼacha ixchivinti Dios, pero
vananaj ayaj tapastakʼuy yu xajamaqaliti ni aniy lakamunukpaʼ.
Chuncha takaukchoqoy ixchivinti Dios y jantu aqtaun
lay lhixajachal yu lajʼoxi la ixjatsukuntikʼan.
\v 23 Chavay yu xatʼin yu tamachal taʼan ox lakatʼun
yucha va ni lapanakni yu taqasmatʼa y ox tamalaqasiy,
ex chuncha yuʼuncha lhixajyachal taun ox jaxqanti. Lati
taxtaʼa taun ciento xataltsʼi por qaltaun, alati taxtaʼa
sesenta, alati taxtaʼa treinta.
\s Jesús lhichiviniy yu jantu lajʼox javanan yu chʼantaun tʼavil ni trigo
\p
\v 24 Ni Jesús jalaqlhixaqalachoqol ataun chivinti yu
xtaʼa jatapastakʼati, va naul:
\p —Yu xalhachimoʼon ni laktʼiyan va tacha qayntaun lapanaki
yu mamal ox xatʼin la ixtʼun.
\v 25 Taval tejkan ixtaltataʼojotacha tachun, ex chil
ixtʼalaxkayakʼan, va mamal xataltsʼi javan taʼan ixmamakanta
ni trigo, ex chuncha va anchoqol.
\v 26 Chavay tejkan alilcha ni trigo y tapalalcha xapaʼati,
ex vachuʼ tasul yu jantu ox javan.
\v 27 Ex va chuncha yu tapatsanin va taʼal mapastakʼaninin
yu manavin, va tajunil: “Jalhachimoʼonuʼ, uxintʼi mamatʼi
yu lajʼox tʼin ni lakatʼun. ¿Tas oxtaycha lhilay minchalcha
yu jantu ox javan?”
\v 28 Ex yu manavin va naul: “Ka va lay matichun kintʼalaxkayakʼan
chun xamakay.” Ex yu tapatsanin va talhisakmil ni manavin,
va tajunil: “¿Lhinaʼun ni kajkʼau tipatʼanan yu jantu
lajʼox javan?”
\v 29 Ex yu jamanavin va naul: “¡Ka jantu! Yu va katʼipʼatʼatʼik
yu jantu ox javan kavalay vachu katʼipʼatʼatʼik ni trigo.
\v 30 Apalay ox kamakaunau para chʼantaun katalajʼaynlhi
tus tejkan kapuʼiyaucha. Ex kakmalaqachayaʼ kataʼanaʼ
puʼinin ni javan. Katapʼixchʼiyaʼ por pastamin para
kalaqxavakalcha, ex astan katapuʼiyacha ni trigo y katamaʼayacha
laka pakʼatsa.”
\s Jesús lhichiviniy xataltsʼi mostasa
\r (Mr. 4:30-32; Lc. 13:18-19)
\p
\v 31 Jesús vachu jalaqputeʼenil ataun chivinti yu xtaʼa
jatapastakʼati, va jalakjunil:
\p —Yu xalhachimoʼon ni laktʼiyan va tacha xataltsʼi ni
mostasa yu chʼal la ixtʼun qayntaun lapanaki.
\v 32 Yucha laqsaval apalay lakatʼuniy taltsʼi xajantu
yu alati xataltsʼi tachʼanati pero tejkan ajin ex ni
yucha apalay ay jun xajantu yu alati jatachʼanati. Yucha
jun aqataun kʼiu, ex yu tsʼoʼon ancha tachinachilcha,
tamakaycha ixpaqtamankʼan la ixmaqlaqapʼun.
\s Jesús lhichiviniy ni levadura
\r (Lc. 13:20-21)
\p
\v 33 Ni Jesús vachu jalaqputeʼenil ataun chivinti yu
xtaʼa jatapastakʼati va jalakjunil:
\p —Yu xalhachimoʼon ni laktʼiyan, yucha va tacha levadura
yu qayntaun xanati xʼotʼilhiyajuy kun laʼatʼutu kualtil
harina. Makay tus tachun kalhitayaʼol ni skititi para
la lhuu kaval.
\s Valiʼiycha ni Jesús mapatsay chivinti yu xtaʼa jatapastakʼati
\r (Mr. 4:33-34)
\p
\v 34 Ni Jesús ixlakmasuniy ni lapanakni kun chivinti
yu xtaʼa jatapastakʼati. Vamun yuʼ ixlakpumasuniy ni
lapanakni.
\v 35 Chuncha laqsaval taqayntsal yu maqancha ixtalaqputeʼey
ixchivinti Dios yu inchine tatsʼoqlhi:
\q Kaklakmasuniyaʼ chivinti yu xtaʼa jatapastakʼati,
\q kaknaunaʼ axtoqnuʼ yu maksakkanta vananaj tus tejkan
puʼaqtaynil ni lakamunukpaʼ.
\s Ni Jesús laqxʼotʼa yu lhichiviniy yu jantu ox javan ali yu trigo
\p
\v 36 Ex chuncha ni Jesús va lakmastakʼachoqolcha ni
lapanakni, va tanulcha la ixpulakna taun chaqaʼ. Yu ixtʼaltanan
va tatalakanunil, va tajunil:
\p —Kilalaqputeʼeniu tisuncha naunputuncha ni chivinti
yu lhichiviniy yu jantu ox javan yu tatʼaʼaynlhi ni
trigo.
\p
\v 37 Ex va chuncha ni Jesús va jalakjunil:
\p —Yu mamal ni la ox tʼin, yucha va Sasʼatʼa Lapanaki.
\v 38 Yu lakatʼun yucha va yu lakamunukpaʼ. Chavay yu
lajʼox xatʼin yucha va yu lapanakni yu tatiʼukxuyanalcha
taʼan lhachimoʼonun Dios. Yu jantu lajʼox javan yucha
va yu lapanakni yu talhiyanal kun ni aqmoqxnuʼ.
\v 39 Chavay yu tʼalaxkayaʼ yu mamal xatʼin yu jantu
lajʼox javan, yucha va yu aqmoqxnuʼ. Yu jaxqanti yucha
tejkan xapumiʼonucha kunaʼ ni lakamunukpaʼ. Yu kataminaʼ
japuʼinin ni jaxqanti yucha va ixmayulnin ni Dios.
\p
\v 40 Chavay yu jantu lajʼox javan yucha chaqxʼikan,
mapʼukan laka jikmi para kalaqxaul, yucha vachu va chun
kunaʼ tejkan kamiʼoyaʼ ni lakamunukpaʼ.
\v 41 Yu Sasʼatʼa Lapanaki ni yucha kamalaqachayaʼ ixmayulnin
taʼan jalhachimoʼonun para kataminaʼ jaxqanan yu talamakanin
talaqalhin kun yu tamakay tachun yu jantu lajʼox.
\v 42 Ex ni yuʼuncha kalaqtanqalhumujukanaʼ la xaʼorno
ni jikmi taʼan katalajqalhunaʼy katalaktsakʼayaʼ ixtatsalatikʼan.
\v 43 Pero yu tamakay tacha lhinajun ni Dios, yuʼuncha
tus kʼaluks katatunkunaʼ tacha ni julchan taʼan lhachimoʼonun
ni ixPaykʼan. Chavay incha alin mimpaqasmakkʼan, ex kʼaʼasmaktʼikcha.
\s Jesús lhichiviniy yu maqsaqnati jamaqaliti
\p
\v 44 ’Yu xalhachimoʼon ni laktʼiyan va tacha taun maqaliti
yu kamaqsaqkal taun lakatʼun. Qayntaun lapanaki temay
ni maqaliti ancha lakatʼun pero va ancha maqsaqchoqoy.
Ex ayaj lhiʼachantajuycha ex minchoqoyachalcha, anʼojoy
stʼanaʼ tachun yu maqalin ni ixlhitapatsa. Ex chuncha
iycha yu anchanu lakatʼun yu taʼan temal ni maqaliti.
\s Jesús lhichiviniy yu laqspututu chiyux yu laqlhuu xtapal
\p
\v 45 ’Vachu yu xalhachimoʼon ni laktʼiyan, yucha va
tacha qayntaun jastʼanaʼ yu lakxkajuy ni laqspututu
chiyux yu laqlhuu xtapal.
\v 46 Tejkan temayachalcha mas va laqataun pero la laqlhuu
xtapal, ex chuncha ni yucha anchoqoycha, lakstʼay tachun
yu lhitʼajuncha ex ancha iniʼ yu anchanu laqspututu
chiyux yu laqlhuu xtapal.
\s Jesús lhichiviniy ni chʼoqxu
\p
\v 47 ’Vachu yu xalhachimoʼon ni laktʼiyan va tacha
ni chʼoqxu yu mujukan lakxkan, ex ni yucha chʼapaʼojoy
tapuchux jatantin.
\v 48 Tejkan aqtsamancha ni chʼoqxu ex yu xachʼapanan
tamakutuycha ixchʼoqxkʼan, talhaʼancha la ixkilpaʼ ni
laʼaxkan. Ex ancha tataulaycha jalaksaknan ni jatanti.
Yu lajʼay tamaʼaycha la ixqaychʼikʼan. Yu jantu lajʼox
ni yucha talakmajʼancha.
\v 49 Vachu chun kunaʼ tejkan xapumiʼonuʼ ni lakamunukpaʼ.
Kataminaʼ ni ixmayulnin Dios, tumpaj katamakayaʼ yu lajʼoxin.
Yu jantu lajʼoxin vachu tumpaj kalakmakakanaʼ.
\v 50 Chavay yu jantu lajʼoxin, ni yuʼuncha kalaqtanqalhumujukanaʼ
la xaʼorno jikmi, taʼan katalajqalhujtajuyaʼ y katalaktsakʼalhitsukuyacha
ixtatsalatkʼan.
\s Yu xalaqsastʼi kun xamaqaniyaʼ maqaliti
\p
\v 51 Ex chuncha ni Jesús va lakjunil:
\p —¿Ni uxiknan malaʼasiʼoyatʼik tachun ni aniy?
\p Ex yuʼuncha tanaul:
\p —Chun, Jalhachimoʼonuʼ.
\p
\v 52 Ex chuncha va jalakjunil:
\p —Tejkan qayntaun yu masuy ixlhachimoʼonkʼan ni israelitas
laniy tacha xajalhachimoʼon laktʼiyan, ex yucha jun tacha
qayntaun manavin laqataun chaqaʼ taʼan maʼakan ox axtoqnuʼ.
Ex chuncha la ox mispay lakmaxtunuʼ yu laqsastʼi y vachu
yu maqaniyaʼ.
\s Ni Jesús laka putaulan Nazaret
\r (Mr. 6:1-6; Lc. 4:16-30)
\p
\v 53 Taval tejkan mamaktal ni Jesús ixlaqputeʼeka ni
chivinti yu xtaʼa jatapastakʼati, ex anchoqolcha,
\v 54 va chaanchoqolcha la ixtʼun. Ex ancha aqtaynil
jamalaninin laqa chaqaʼ taʼan ixtataqxtoqta ni israelitas,
ex yu lapanakni tus taun talhilal, ixtanajun:
\p —¿Tas oxtaycha lanilcha yu laklaniy? ¿Tas pulakmakaycha
ni anchanu lajʼay axtoqnu?
\v 55 ¿Jantu yuʼ kaval yu istsʼal ni karpintero, yu ixnati
ni María? ¿Jantu yuʼ kaval ixlaqaj ni Santiago ali José
ali Simón ali Judas?
\v 56 ¿Jantu yuʼ ixtʼalapanakni yu tataulay aniy la
kinputaulankʼan? ¿Tas oxtaycha pulanil anchanu axtoqnuʼ?
\p
\v 57 Va xlhiyucha jantu ixtamakaniputun kuenta ni Jesús.
\p Pero ni Jesús va lakjunil:
\p —Qayntaun lapanaki yu laqputeʼey ixchivinti Dios va
talakachux toʼoyakan, vamun la ixtʼun jantu toʼoyakan.
\p
\v 58 Ex ancha la ixputaulan ni Jesús jantu katalhakapuʼanil
ni lapanakni xlhiyucha jantu lhuu kamakal yu lajʼay
axtoqnuʼ.
\c 14
\s Nil ni Juan yu jamaqchajʼavanaʼ
\r (Mr. 6:14-29; Lc. 9:7-9)
\p
\v 1 Ex chuncha yu xagobernador ni Galilea, yu ixjunkan Herodes, ni yucha vachu kʼatsal yu ixtʼajun makan ni Jesús.
\v 2 Ex yucha va lakjunil yu ixtaʼaqtayjuy:
\p —Ka va Juan yu jamaqchajʼavanaʼ ni kujchoqota. Ka xlhiyucha lhitʼajun tapʼasta para kamakal yu lajʼay axtoqnuʼ.
\p
\v 3 Va yucha ni Herodes yu ixmalaqachananta ixlakachʼimaka ni Juan, ex va maqanul lakapachʼin. Va chuncha makal va por ixanati yu Herodías junkan, yu ixanati ixjunita ixlaqaj Felipe.
\v 4 Yu Juan va ixjunita:
\p —Jantu lay kʼamakʼatʼi mixanati yu ixanati milaqaj.
\p
\v 5 Ex va chuncha ni Herodes ayaj ixmaqniputun ni Juan, pero va ixlaktalhauniy ni lapanakni. Yuʼuncha ox ixtalhakapuʼan ni Juan va ixlaqputeʼey ixchivinti Dios.
\v 6 Pero tejkan lakachil ixkʼatan ni Herodes, ex yu istsiʼi ni Herodías va aqtaynil jatʼinin la ixtalakaʼukxpukʼan yu ixlakjuntaʼikanta. Ex ayaj maqamal ni Herodes.
\v 7 Chuncha yucha va junil ni laqsaval kaxtaqniyaʼ va tuʼuchun yu kaskʼinilcha.
\v 8 Va chuncha ixnati va chivijval yu jatsiʼi. Ex yucha va junil ni Herodes:
\p —Va knajun kʼixtʼaqnin ixʼaqtsul ni Juan yu jamaqchajʼavanaʼ kun laqataun ay plato.
\p
\v 9 Ex ni ay jalhachimoʼonu Herodes va maqaninil, pero va por ixjunitacha la ixtalakaʼukxpukʼan ni ixlakjuntaʼita, ex mas jantu kaʼuyujnaul, va lhinaul kaxtaqnikal.
\v 10 Va malaqachanalcha ixchaqxpʼuxnika ixʼaqtsul ni Juan taʼan ixtanun lakapachʼin.
\v 11 Chuncha talhiminil ixʼaqtsul laqa ay plato ni jatsiʼi, ex yu jatsiʼi va maqxtaqnilcha ni ixnati.
\p
\v 12 Ex tachinchal yu ixtʼaltanan ni Juan, va talhaʼalcha maknunun ixlakatunaj. Ex astan va taʼal mapastakʼanin ni Jesús.
\s Ni Jesús jalakvaval laqakis mil joʼakna
\r (Mr. 6:30-44; Lc. 9:10-17; Jn. 6:1-14)
\p
\v 13 Ex tejkan qasmaklhi ni Jesús yu tapasalcha, va taxtulcha taʼan ixvil, va ixʼaman al, tajul laqataun barco va puʼal lakamar, va chaʼal lakatʼun taʼan jantu alin lapanakni. Pero tejkan chuncha takʼatsal ni lapanakni ex tataxtul ni putaulanin y tatixkaulhaʼal pero yuʼuncha va lakatʼun tapuʼal.
\v 14 Tejkan patajul laka barco ni Jesús va jalaqtsʼil lhuvaj lapanakni. Ex ni yucha va ayaj lakmapaynil, y va jalajkʼuchʼul tachun yu taqanʼanin.
\v 15 Taval va putsʼisputuncha. Ex yu ixtʼaltanan tatalakanunil, va tajunil:
\p —Ayaj toqoxalcha y aniy va xʼaman ni lakatʼun, jantu tʼujuʼ jataulanti. Kalakmakʼaucha ni lapanakni para kataʼalcha lakxkaunan ixvaytikʼan taʼan alin jataulanti.
\p
\v 16 Ni Jesús va lakjunil:
\p —Jantu maqskʼiniy kataʼal lakxkaunan. Ni uxiknan kʼalakvavatʼikcha.
\p
\v 17 Ex ni yuʼuncha va tanaul:
\p —Pero jantu lhuu kaklhimiu ni vayti. Va ikmaqalinau aniy va aqskis pan kun aqxtʼuy jatanti.
\p
\v 18 Ex ni Jesús va naul:
\p —Kilalhiminiu aniy.
\p
\v 19 Ex va lakjunil ni lapanakni para katataulal ni laka jatsʼinan. Ex chuncha va chʼapalcha la ixmakaʼ ni anchanu aqskis pan kun aqxtʼuy jatanti, ex va talaqstʼal laktʼiyan, va xtaqnil lhimalaqpuchuncha ni Dios. Ex va laqcheʼelcha ni pan, va jalaqxtaqnilcha ixtʼaltanan. Ex yuʼuncha va taʼaqtaynilcha talaqmapitsiniy ni lapanakni.
\v 20 Ex tus tachun ox tavayl y tus ox taʼotsaʼol. Vananaj tamaʼaqtsamachoqol laqakautʼuy canastas yu xatalaqcheʼeniʼ yu xajchal.
\v 21 Yu tavayl va laqakis mil joʼakna y tumpaj yu xanatin kun jasʼatʼan.
\s Ni Jesús iltananta la ixʼukxni ni lakxkan
\r (Mr. 6:45-52; Jn. 6:15-21)
\p
\v 22 Ex va chuncha ni Jesús va niman lakjunil ixtʼaltanan para katatajuchoqolcha ni laka barco. Pʼunaj kataminchoqochalcha apaʼextaun lakxkan. Yu Jesús vananaj tamakaul jalakmastakʼanaʼ ni lapanakni.
\v 23 Tejkan lakmastakʼaʼolcha ex ni Jesús va al skʼiniʼ Dios ixʼaman lakataun aspajun. Taval tejkan putsʼislhicha ex ni yucha va ancha ixʼaman ixʼalinta.
\v 24 Ex va chuncha ni barco va la maqati anta, va laycha ixpakltaun lakamar. Va ixʼunilata la ixʼukxpulakapu ni barco, yu xkan ixtantʼaqstʼay y vachu ixqalnaqlhaʼanta ni barco.
\v 25 Ex va chuncha tejkan tunkumintacha, ni Jesús va ltanajʼal la ixʼukxni lakamar, va taʼan ixtapuʼanta yuʼuncha.
\v 26 Tejkan chuncha talaqtsʼil yu ixtʼaltanan ni Jesús va ltanajʼanta ni yucha la ixʼukxni lakamar, tus pʼas talaktʼasal kun ixtalhantikʼan:
\p —¡Va qayntaun maqtsʼisvanaʼ!
\p
\v 27 Pero ni Jesús jalakkilʼanil, va jalakjunil:
\p —¡Kaʼayajnantʼik! Jantu maqskʼiniy katʼalhanantʼik, va kitʼin.
\p
\v 28 Ex yu Pedro va naul:
\p —Jalhachimoʼonuʼ, incha laqsaval va uxintʼi, ex kʼiʼun para kakltanajʼanchal la ixʼukxni ni lakxkan.
\p
\v 29 Ex naul ni Jesús:
\p —Kʼatʼatʼicha.
\p Ex ni Pedro va takuklhicha laka barco, va ltanajʼalcha ni lakxkan taʼan ixpuminta ni Jesús.
\v 30 Yu un va la pʼasnicha talakanuniy, ex ni Pedro va talhanalcha, ex va aqtaylcha talaqtsʼanqay, va tus sqau tʼasal, va naul:
\p —¡Jalhachimoʼonu, kʼiʼaqtʼayʼutʼi!
\p
\v 31 Ni Jesús va tsʼalaj maqchʼapachoqol, va junil:
\p —Ayaj lakatsʼuniy milhakapuʼati. ¿Valiʼiycha jantu kʼalhakʼapʼupʼi?
\p
\v 32 Tejkan tataukʼachoqolcha laka barco ni Jesús kun Pedro, ex yu un va vak junchoqolcha.
\v 33 Ex yu ixtatʼajumanal laka barco va tataʼaqtsoqoqtanil ni Jesús, va tajunil:
\p —Laqsaval ni uxintʼi va Sasʼatʼa kʼatʼi ni Dios.
\s Ni Jesús lajkʼuchʼul ni taqanʼanin xalakatʼun Genesaret
\r (Mr. 6:53-56)
\p
\v 34 Va chuncha va tapatakuklhi ni lakamar, ex tachaʼal xalakatʼun Genesaret.
\v 35 Yu xalapanakni ni anchanu putaulan va tamispalcha ni Jesús, ex tus tamapastakʼanininʼol talakachux xaputaulanin ni anchanu jalakatʼun. Ex ni yuʼuncha va talhiminil tachun ixtaqanʼaninkʼan.
\v 36 Ixtatapayniniy ni Jesús para lay katachʼapanil vamun ixpiktuʼ ni ixlaqchʼiti. Ex tachun yu tachʼapanil va si taʼayajnanʼochoqol.
\c 15
\s Yu lakxkiliu jamakay ni lapanakni
\r (Mr. 7:1-23)
\p
\v 1 Va chuncha lati ni fariseos kun yu ixtamasuy ixlhachimoʼonkʼan
taminchal ni Jerusalén. Va tatalakanunil ni Jesús, ex
talhisakmil, va tajunil:
\p
\v 2 —¿Valiʼiycha ni mintʼaltanan ayaj taʼakchʼintamay
yu ixputsukukʼan yu maqaniyaʼ kepayankʼan? Jantu tamaqchaʼay
tejkan tavajin tacha lhinaunkan.
\p
\v 3 Ex ni Jesús jalakjunil:
\p —Yu uxiknan ¿valiʼiycha akchʼintʼamayatʼik yu lhinajun
ni Dios para katʼaylhipʼintʼik mimputsukkʼan?
\v 4 Ni Dios naul: “Katʼoʼoyatʼi ni mimpay ali minati.”
Vachu va naul: “Yu jantu ox lhichiviniy ixpay ali ixnati
yucha maqskʼiniy kanil.”
\v 5 Pero yu uxiknankʼan naunatʼik ni qayntaun lapanaki
lay kajunil ixpay ali ixnati: “Ka jantu lay klaʼaqtayjuyau,
tachun yu klhitʼajun va ikmaqxtaqnitacha ni Dios.”
Ex uxiknan naunatʼik va ox tacha makay anchanu lapanaki
\v 6 y naunatʼik jantucha maqskʼiniy kaʼaqtayjul ixpay
kun ixnati. Ex makʼayatʼik tacha jantu ixtapal kaval
yu lhinajun ni Dios, vamun tʼaylhipʼinatʼik mimputsukkʼan.
\v 7 Ni uxiknankʼan va tʼuy ukxpuʼ makʼayatʼik. Ni Isaías
yu ixlaqputeʼey ixchivinti Dios, yucha vas ixnajun tejkan
naul:
\q
\v 8 Ni aniy lapanakni vamun kun ixkilkʼan kintatoʼoyay.
\q Yu ixjalhanutkʼan va ayaj maqati alinta kun kitʼin.
\q
\v 9 Chavay mas ayaj kintatoʼoyay jantu tuʼuchun ixtapal
kaval,
\q jantu laqsaval yu tamalaniy, va ixjatapastakʼatkʼan
lapanakni.
\p
\v 10 Ex ni Jesús lakjuntaʼil ni lapanakni va lakjunil:
\p —Tus ox kaʼasmaktʼik y kamalaʼasitʼik.
\v 11 Chavay yu talakʼuy ni lapanakni jantu yuʼ xkilivay.
Yu xkilivay ni lapanakni va yu takiltaxtuy yu jantu
ox chivinti.
\p
\v 12 Va chuncha yu ixtʼaltanan va tatalakanunil ni
Jesús, va talhisakmil:
\p —¿Kʼatsʼaycha ni fariseos jantu katalhipaʼinil tejkan
chuncha nau?
\p
\v 13 Ex ni yucha lakjunil:
\p —Mas va taʼayucha jatachʼanati kaval yu jantu kachʼal
ni kimPay yu vilchal laktʼiyan, yucha va katʼipatʼayaʼ
kun tachun xatisiviki.
\v 14 Kalakmakʼauntʼikcha ni yuʼuncha, va laʼachʼixin
yu tamapʼulay ixtʼalaʼachʼixinkʼan. Chuncha incha qayntaun
laʼachʼix mapʼulay yu aqayntaun, ex taʼan pusanjan, va
chʼantaun katalaqpaʼaʼ ni pumatʼuy.
\p
\v 15 Ex ni Pedro va junil ni Jesús:
\p —Kilalaqxʼoqnichoqoo yu ixnaʼun.
\p
\v 16 Va chuncha naul ni Jesús:
\p —¿Mas uxiknankʼan jantukaʼ malaʼasiyatʼik?
\v 17 ¿Jantu malaʼasiyatʼik ni yu kʼaʼutʼi la kinkilkʼan
ni yucha tajuyachal la kinpajankʼan? Ex astan taxtuchoqoy
la kilakatunajkʼan.
\v 18 Pero yu tanajun la ixkilkʼan ni lapanakni yucha
minachal tus la ixjalhanutikʼan, va yucha lakxkilivay
ni lapanakni.
\v 19 La ixjalhanutikʼan ni lapanakni ancha minachal
yu jantu lajʼox jatapastakʼati, yu jamaqninti, yu jamaqtʼatamanan,
yu tamaqamaʼojoy tachun yu jantu lajʼox, yu alhavanti,
yu jalaklkanti, y yu jamakanunti.
\v 20 Yu anchanu laqxoqta va yucha yu xkilivay ni lapanakni.
Mas jantu kʼamaqchʼaʼa tejkan kʼavay, jantu yuʼ yu xkilivay
ni lapanakni.
\s Ixlhakapuʼati qayntaun xanati yu jantu israelita kaval
\r (Mr. 7:24-30)
\p
\v 21 Tejkan taxtulcha ancha ni Jesús ex alcha taun
lakatʼun ixlhiʼukstsʼuniy xaputaulanin ni Tiro kun Sidón.
\v 22 Ancha ixvilchal qayntaun xanati yu machaqaʼ Kananea
ixjunita. Talakanunil ni Jesús kun pʼas tʼasati, va junil:
\p —¡Jalhachimoʼonu, yu istsʼal kʼatʼi ni David, va knajun
kʼimapʼaynitʼi ni kitʼin! Yu kintsiʼi va laqtanun yu
aqmoqxnuʼ.
\p
\v 23 Pero ni Jesús jantu tuʼuchun kajunil. Ex yu ixtʼaltanan
va tatalakanunil, tatapayninil, va tajunil:
\p —Kʼaʼun ni anu xanati kaʼanchoqol vamuncha ayaj tʼasajminta
la kinpulakankʼan.
\p
\v 24 Ex ni Jesús va naul:
\p —Ni Dios kilhimalaqachata vamun yu kintʼaʼisraelitas,
yuʼuncha tajunita tacha borregos yu tatsʼanqatacha.
\p
\v 25 Pero yu xanati taʼukstsʼuninil, ex taʼaqtsoqoqtanil
ni Jesús, va junil:
\p —¡Jalhachimoʼonu, kʼiʼaqtʼayʼutʼi!
\p
\v 26 Ex ni Jesús va junil:
\p —Jantu ox kʼalakmaxtʼunin ixpankʼan yu jasʼatʼan para
kʼalaqxtʼaqnin yu xʼoyun.
\p
\v 27 Ex yu xanati va naul:
\p —Ka chun, Jalhachimoʼonu. Pero mas va yu xʼoyun vachu
taʼuy yu patajuy laka mesa yu ixtalaqcheʼeniʼ ixvayti
ixʼukxtin.
\p
\v 28 Ex chuncha va naul ni Jesús:
\p —¡Xanati, va ayaj ay milhakapuʼati! Va chuncha kaval
tacha ni uxintʼi naʼun.
\p Ex ni anchanu hora va palaycha junchoqol istsiʼi.
\s Ni Jesús palay lakmakachoqol qaynlhuvaj taqanʼanin
\p
\v 29 Ex minchoqochalcha ni Jesús, va chaʼal yu xakilpaʼ
lakamar Galilea. Ex taukʼal taun aspajun y va ancha
taulal.
\v 30 Va chuncha lhuvaj lapanakni tataqxtoqlhi taʼan
ixvil ni Jesús. Va ixtalhaʼanta yu lakchʼanlkʼavil ali
yu lakchʼanltʼul, vachu yu lakmaklkʼavil ali yu lakmakltʼul,
vachu yu laʼachʼixin ali yu janunun, ali alati lhuvaj
taqanʼanin. Va tamamanil la ixchʼaja taʼan ixvil ni
Jesús. Ex ni yucha va palay lakmakaʼol tachun.
\v 31 Ex ni lapanakni va tus vak takʼatsal tejkan talaqtsʼil
yu janunun tachivinilcha, vachu yu lakmaklkʼavil ali
yu lakmakltʼul va tataʼoxilcha ixmakakʼan, y yu lakchʼanlkʼavil
ali yu lakchʼanltʼul vachuʼ tataʼoxilcha ixchʼajakʼan,
y yu laʼachʼixin vachucha talakavanalcha. Ex chuncha
ni lapanakni va taʼaqtaylcha ay tamakay xaDios ni Israel.
\s Ni Jesús jalakvaval laʼatʼati mil joʼakna
\r (Mr. 8:1-10)
\p
\v 32 Ex chuncha ni Jesús va lakjuntaʼil ixtʼaltanan,
va jalakjunil:
\p —Va ayaj klakmapayniy ni aniy lapanakni, va laʼatʼutucha
julchan kintatʼaʼalinta ni kitʼin y jantu katamaqalil
tuʼuchuncha yu kataʼul. Jantu knajun kataʼanchoqol la
ixchaqakʼan incha jantu kun vayti, va lay katalaqavitil
lakatin.
\p
\v 33 Yu ixtʼaltanan va tajunil:
\p —¿Tas oxtaycha katemaucha ni vayti yu lay kalakvavau
yu aniy lhuvaj lapanakni? Aniy jantu tʼujuʼ jataulanti.
\p
\v 34 Ex ni Jesús laklhisakmil, va lakjunil:
\p —¿Tachuncha pan maʼalinatʼik ni uxiknan?
\p Ex tanaul ixtʼaltanan:
\p —Va aqxtujuncha pan ali tsʼuniy yu lakstʼuniy jatanti.
\p
\v 35 Ex chuncha ni Jesús lakjunilcha ni lapanakni para
katataulalcha ni lakatʼun.
\v 36 Ex chʼapalcha la ixmakaʼ ni aqxtujun pan kun yu
lakstʼuniy jatanti, ex skʼinil lhimalaqpuchuncha ni Dios.
Ex laqcheʼelcha, va jalaqxtaqnilcha ixtʼaltanan. Ex yu
yuʼuncha va tamaqpitsinilcha ni lapanakni.
\v 37 Tus tachun tavaynʼol va tus ox taʼotsal. Ex yu
xatalaqcheʼeniʼ yu xajchal va tus laqatujun lajʼay canastas
talaqtsamal.
\v 38 Ex yu tavayl va laʼatʼati mil joʼakna y mas alati
yu xanatin kun jasʼatʼan.
\v 39 Ex va chuncha ni Jesús lakmastakʼachoqolcha ni
lapanakni, taukʼachoqolcha ni laka barco, va al xalakatʼun
ni Magdala.
\c 16
\s Yu fariseos ali saduceos va taskʼiniy ni Jesús va kalakmasunil taun ay axtoqnuʼ yu la katapumispal
\r (Mr. 8:11-13; Lc. 12:54-56)
\p
\v 1 Ex va chuncha ni fariseos ali ni saduceos talaqʼal
ni Jesús, talaqtsʼintanul, va taskʼinil para kalakmasunil
taun ay axtoqnu yu minachal laktʼiyan.
\v 2 Ex ni Jesús va lakjunil:
\p —Tejkan toqoxata, ex ni uxiknankʼan naunatʼik: “Chavay
ka la lhiʼacha kunchoqoyaʼ, ni laktʼiyan ayaj xlapul.”
\v 3 Tejkan puvakuj, ex naunatʼik: “Yu chavay ka jantu
lhiʼacha kunaʼ, ni laktʼiyan ayaj xlapul, chuncha aqapuchajuy.”
Ex chuncha ni uxiknan ox mispʼayatʼik tacha kunaʼ ni
julchan, ¿ex valiʼiycha jantu malaʼasiyatʼik yu tapasay
chavaycha aniy taʼan tʼaunatʼik?
\v 4 Yu aniy jalaktuʼunun ali maqtaqalhinin lapanakni
taskʼin para kakmakal taun ay axtoqnu pero jantu tuʼuchun
kaklakmasuniyaʼ, vamun yu tacha tapasal ni Jonás yu maqancha
ixlaqputeʼey ixchivinti Dios.
\p Ex chuncha ni Jesús jamakaulcha, va anchoqolcha.
\s Ixlevadurajkʼan ni fariseos
\r (Mr. 8:14-21)
\p
\v 5 Tejkan taʼal ixlhiputakuktachal ni lakamar yu ixtʼaltanan
ni Jesús, va jantu katalhaʼal ixtiyutkʼan, va takauklhi.
\v 6 Chuncha ni Jesús va lakjunil:
\p —Kʼalhistʼajkʼantʼik kun yu ixlevadurajkʼan ni fariseos
kun yu saduceos.
\p
\v 7 Ex yuʼuncha taʼaqtaychal talaxaqalay, va talajuniy:
\p —¡Chuncha najun por jantu kalhimiu kintiyutkʼan!
\p
\v 8 Ni Jesús kʼatsal yu ixtapastakʼacha, va lakjunil:
\p —¿Valiʼiycha naunatʼikcha ni jantu kʼalhitsʼukʼutʼik
mintiyutkʼan? Jantu ox kilalhakapuʼanau.
\v 9 ¿Jantukaʼ malaʼasiyatʼik? ¿Jantu pʼastʼakʼatʼik
ni aqskis pan iklaqmaqpitsinil laqakis mil joʼakna?
¿Tas chuncha canastajcha laksakchʼoʼotʼikcha?
\v 10 ¿Jantu pʼastʼakʼatʼik yu aqxtujun pan yu iklaqmaqpitsinil
laʼatʼati mil joʼakna? ¿Tas chuncha canasta laksakchʼoʼotʼikcha?
\v 11 Jantukaʼ malaʼasiyatʼik ni kitʼin jantu kaklalhixaqalau
pan. Yu klajunau va kalhistʼakkʼantʼik ixlevadurajkʼan
ni fariseos kun yu saduceos.
\p
\v 12 Taval tamalaqasilcha yu lakjunil ni Jesús. Jantu
ixlhichiviniy xalevadura ni pan, va ixlhichiviniy yu
ixtamalaniy ni fariseos kun saduceos.
\s Ni Pedro najun ni Jesús va ni Cristo yu ixtanajun kaminaʼ
\r (Mr. 8:27-30; Lc. 9:18-21)
\p
\v 13 Tejkan chaʼal ni Jesús ixlhiʼukstsʼuniy ni putaulan
Cesarea Filipo, ex laklhisakmil ixtʼaltanan, va lakjunil:
\p —¿Ni lapanakni tas ayucha talhilaycha ni kitʼin yu
Sasʼatʼa Lapanaki?
\p
\v 14 Yuʼuncha va tanaul:
\p —Lati tanajun uxintʼi va Juan yu jamaqchajʼavanaʼ.
Lati tanajun uxintʼi va Elías. Lati tanajun va Jeremías
kʼatʼi u matichun yu maqancha ixtalaqputeʼey ixchivinti
Dios.
\p
\v 15 Ex naul ni Jesús:
\p —Ex uxiknan, ¿tas ayucha naunatʼikcha ijkunita ni kitʼin?
\p
\v 16 Ex yu Simón Pedro va junil:
\p —Ni uxintʼi va yucha ni Cristo kʼatʼi, istsʼal kʼatʼi
ni Dios yu kujta.
\p
\v 17 Ex ni Jesús va junil ni Pedro:
\p —Simón, yu istsʼal kʼatʼi ni Jonás, ayaj achʼantʼacha
ni uxintʼi. Jantu matichun lapanaki kamamispanin yu
nau pero yu kimPay yu alintachal laktʼiyan, yucha mamispanin.
\v 18 Kitʼin ijkunan ni uxintʼi va Pedro kʼatʼi, y kun
aniy chiyux kapuʼaqtayniyaʼ kilapanakni y mas ixtapʼasta
ni lhinin jantu lay kaamaqalhajayaʼ.
\v 19 Kakxtaqniyan xapalhachimoʼon laktʼiyan. Yu kʼachʼiʼulayeʼe
aniy lakamunukpaʼ vachu jachʼiʼulanti kunaʼ laktʼiyan.
Yu kaxʼotʼeʼe aniy lakamunukpaʼ, vachu jaxʼoqnuti kunaʼ
laktʼiyan.
\p
\v 20 Ex ni Jesús va lakjunil ni ixtʼaltanan para jantu
matichun katajunil ni yucha va yu Cristo.
\s Va laqputeʼey ixlhinin ni Jesús
\r (Mr. 8:31—9:1; Lc. 9:22-27)
\p
\v 21 Anchanu julchan ni Jesús aqtaynil jalaqputeʼeniʼ
ixtʼaltanan ni yucha maqskʼiniy kaʼal Jerusalén. Chuncha
katamamaqanlqajnivayaʼ yu xalajʼay xapaynin, ni xaʼukxtinin
kuras, y vachuʼ yu ixtamasuy ixlhachimoʼonkʼan. Va katamaqniyaʼ,
pero yu laʼatʼutu julchan va katakukchoqoyaʼ.
\v 22 Chuncha ni Pedro va alakataun ixʼaman lhaʼal ni
Jesús, va aqtayl laqʼaymay, va juniy:
\p —Jalhachimoʼonuʼ, kamapʼaynikʼa meʼeman. Apalay ox jantu
chuncha kʼatʼapʼasʼa.
\p
\v 23 Chuncha ni Jesús talaqaspʼiklhi, va junil ni Pedro:
\p —Yu uxintʼi, Satanás, tumpajcha kʼaʼuntʼi kun kitʼin.
Uxintʼi vamun makʼay para kʼimapʼutsʼanʼanitʼi. Uxintʼi
mejatapastakʼati jantu chun tacha ixjatapastakʼati Dios,
va pastakʼa tacha yu valiʼiy lapanakni.
\p
\v 24 Ex ni Jesús va lakjunil ixtʼaltanan:
\p —Incha matichun kintʼatiʼukxuntayaputun, yucha jantucha
lay makay yu makaputun. Kaval tacha kalhaʼal ixkurus,
ex chuncha lay kintʼatiʼukxuntayalcha.
\v 25 Ni lapanaki yu ayaj lhitsukuputun ixjatsukunti,
yucha kamaqatsʼanqayaʼ. Pero yu kamaqatsʼanqayaʼ ixjatsukunti
por kitʼin, yucha kalhitsukuchoqoyaʼ.
\v 26 ¿Tisuncha lhajaycha qayntaun lapanaki incha kalhitsukuʼol
tachun yu alin lakamunukpaʼ pero va maqatsʼanqay ixjatsukunti?
¿Tas kapulhitsukuchoqoyaʼ ixjatsukunti?
\v 27 Yu kitʼin ni Sasʼatʼa Lapanaki kakmintachal kun
ixtapʼasta kimPay, y kun ixmayulnin. Ex chuncha kaklakmapalacha
ni lapanakni por qayntamin va yu tamakata.
\v 28 Laqsaval klajunau, aniy taʼalin lati lapanakni
yu jantukaʼ kataniyaʼ tus katalaqtsʼinʼelayaʼ ni kitʼin
yu Sasʼatʼa Lapanaki tejkan kakmintachal la kilhachimoʼon.
\c 17
\s Tapaxal yu tacha ixtasuta ni Jesús
\r (Mr. 9:2-13; Lc. 9:28-36)
\p
\v 1 Ex va chuncha astan tejkan laqachaxancha julchan
val, ni Jesús va tumpaj lhaʼal ni Pedro ali Santiago
ali Juan yu ixlaqaj Santiago. Va laklhaʼal taun ay aspajun.
\v 2 Ancha la ixtalakaʼukxpukʼan ni yuʼuncha, va tapaxal
yu tacha ixtasuta ni Jesús. Yu ixʼukxpuʼ va tus kʼuliksnaʼ
val, tacha julchan. Yu ixlaqchʼiti va yaqaq val, va tacha
jatunkunaʼ.
\v 3 Talaqtsʼil ni Moisés ali Elías. Va ixtatʼajun laxaqalanin
kun Jesús.
\v 4 Ex yu Pedro va junil ni Jesús:
\p —Jalhachimoʼonuʼ, ¡ayaj ox ijkʼalintau ni aniy! Incha
uxintʼi naʼun, kakmakayau aqatʼutu moqltaʼ. Aqataun para
uxintʼi, aqataun para Moisés y aqataun para Elías.
\p
\v 5 Ex tejkan ixtʼajun chivin ni Pedro va laqmaqatanul
kun xajalkʼikniʼ laqataun taputsʼi kʼuliksnaʼ, ex yu
laka taputsʼi va taqasmaklhi taun chivinti, va naul:
\p —Ni aniy yucha ni kintsʼal yu ikmalaqachata; va ayaj
ijkʼachaniy. La ox kaʼalasmaktʼik ni yucha.
\p
\v 6 Tejkan chuncha taqasmaklhi ixtʼaltanan va tus tatalakaputatamal
la ixʼukxpukʼan ni lakatʼun, va tus ox ixtalaktalhananta.
\v 7 Ex ni Jesús laktalakanunil, jalakchʼapal, va lakjunil:
\p —Kaʼostʼaulatʼikcha, jantu katʼalhanantʼik.
\p
\v 8 Ex chuncha tejkan talaqtsʼinchoqol va jantucha
matichun katalaqtsʼil. Va ixʼamancha yachoqol ni Jesús.
\p
\v 9 Tejkan taminchoqochalcha ni aspajun, ex ni Jesús
va lakjunil ni ixtʼaltanan:
\p —Jantu matichun kʼaʼunitʼik yu ixlaqtsʼinatʼik tus
tejkan kaktakukchoqoyaʼ ni kitʼin yu Sasʼatʼa Lapanaki
ex kʼanaunapitik.
\p
\v 10 Ex chuncha ixtʼaltanan ni Jesús talhisakmil, va
tajunil:
\p —¿Valiʼiychacha yu tamasuy ixlhachimoʼonkʼan ni israelitas
tanajun ni Elías va yucha pʼunaj kaminaʼ?
\p
\v 11 Ex ni Jesús va naul:
\p —Chun, ni Elías pʼunaj kaminaʼ, va yucha ni kalaqlaʼoxiʼoyaʼ
tachun.
\v 12 Pero yu kitʼin klajunau, ni Elías kilatachilcha,
pero yuʼuncha jantu katamispal. Tamakanil ni yucha va
tacha ni yuʼuncha tamakaniputulcha. Vachu va chun ni
kitʼin yu Sasʼatʼa Lapanaki ayaj kakmaqanlqajnanaʼ la
ixtamakakʼan ni yuʼuncha.
\p
\v 13 Ex ixtʼaltanan ni Jesús va tamalaqasil ixtʼajun
lhichiviniʼ Juan yu ixjamaqchajʼavanaʼ.
\s Ni Jesús va maʼayajnichoqol qayntaun tsʼal yu ixlhitʼajun yu jantu ox espíritu
\r (Mr. 9:14-29; Lc. 9:37-43)
\p
\v 14 Ex va chuncha tejkan tachinchal taʼan ixtaʼalinta
lhuvaj lapanakni, va talakanunil ni Jesús qayntaun lapanaki,
va taʼaqtsoqoqtanil la ixtalakaʼuxkpu ni yucha, va junil:
\p
\v 15 —Jalhachimoʼonu, kitʼin va knajun kʼamapʼaynitʼi
ni kintsʼal. Va chʼapay yu ixlhinin, chuncha maqanlqajnan
va taxtujcha. Ayaj aqlhuvajcha taqtay laka jikmi, aqtamixna
taqtay ni lakxkan.
\v 16 Yu mintʼaltanan xaklaklhiminitacha ni aniy pero
jantu kalal ni katamaʼayajnichoqol.
\p
\v 17 Ex ni Jesús va naul:
\p —¡Yu uxiknan jantu lay lhakʼapʼupʼinatʼik, va jalaktuʼunun
untʼatʼik! ¿Tus tavanancha kaktamakaunaʼ kun uxiknan?
¿Tus tavanancha kaklatayaniyaucha? Kʼalhitʼantʼikcha
aniy ni tsʼal.
\p
\v 18 Ex chuncha ni Jesús va laqʼaymal yu jantu ox espíritu.
Va taxtunichoqol ni tsʼal. Ex va taun panchʼix va ayajnanchoqolcha.
\p
\v 19 Taval yu ixtʼaltanan va tatʼachivinil ixʼaman
ni Jesús, va tajunil:
\p —¿Valiʼiychacha ni kijnan jantu kalal ikmaxtuu ni anchanu
jantu ox espíritu?
\p
\v 20 Ex ni Jesús va lakjunil:
\p —Ni uxiknan va ayaj tsʼuniy milhakapuʼatkʼan. Chavay
vas klajunau, mas milhakapuʼatikʼan va lakstʼuniy tacha
yu lakatʼuniy xataltsʼi mostasa, incha kaʼunitʼik ni
aniy aspajun: “Kaʼostʼicha ni aniy, kʼapʼinchʼiycha
alakataun.” Ex yu aspajun va niman kaqosaʼ. Chuncha
jantu kaʼalil tuʼuchun yu jantu kalal.
\v 21 Incha maxtʼupʼutʼun tacha anchanuʼ jantu ox espíritu,
ex maqskʼiniy kaskʼin Dios kun taskʼajati.
\s Ni Jesús aaqtauncha puteʼey tacha kapuniyacha
\r (Mr. 9:30-32; Lc. 9:43-45)
\p
\v 22 Ex va chuncha tejkan chʼantaun ixtatiʼukxuyananchal
xalakatʼun ni Galilea, ex ni Jesús lakjunil ixtʼaltanan,
va naul: “Ni kitʼin yu Sasʼatʼa Lapanaki kintamaqxtaʼaʼ
la ixtamakakʼan ni lapanakni,
\v 23 ex chuncha kintamaqniyaʼ, pero yu laʼatʼutunuʼ
julchan kajkujchoqoyaʼ.”
\p Ex chuncha yu ixtʼaltanan va ayaj tamaqaninilcha.
\s Yu xalhimapalkan ni ay lakatajtan
\p
\v 24 Ex chuncha ni Jesús kun ixtʼaltanan va tachaʼal
Kapernaum. Ex yu ixtachʼinin ixlhimapalkan ni ay lakatajtan
va talaqʼal ni Pedro, va talhisakmil:
\p —¿Yu mijamalaninikʼan jantu mapalay yu xalhimapalkan
ni ay lakatajtan?
\p
\v 25 Ex ni Pedro qaltayanal, va naul:
\p —Chun, mapalay.
\p Ex tejkan tanuchalkaʼ laqa chaqaʼ ni Pedro, ni Jesús
va xaqalal, va junil:
\p —Simon, ¿uxintʼi sun chivinticha naʼun? Yu xajalhachimoʼonun
ni lakamunukpaʼ, ¿tas ayuʼunchacha chʼikan yu xalhimapalkan?
¿Va yu sasʼatʼan? u ¿va yu alakataun machaqan?
\p
\v 26 Ex ni Pedro va naul:
\p —Va yu alakataun machaqan.
\p Ex ni Jesús va naul:
\p —Ex yu ancha machaqan jantu maqskʼiniy tuʼuchun katamapalal.
\v 27 Pero para jantu katatalqaul ni lapanakni, kapʼinchʼiy
ni lakamar, kʼamuʼuyeʼe mimpamaqlhavan, va kʼamakʼutʼuyeʼe
ni jatanti yu pʼunaj katsakʼayaʼ. La ixkil ancha kʼatʼemaniyeʼe
aqxtaun tumin. Ex ni anchanu kalaqchaanacha para kʼalhimapʼalʼoyeʼe
yu klaninin y vachu kun yu uxintʼi lhipʼininin. Kʼalhipʼinchʼiycha,
kʼamapʼaltʼicha.
\c 18
\s ¿Taʼayucha yu apalay xaʼay?
\r (Mr. 9:33-37; Lc. 9:46-48)
\p
\v 1 Ex va chuncha ni anchanu julchan ixtʼaltanan ni
Jesús va tatalakanunil, va talhisakmil va tanaul:
\p —Taʼan lhachimoʼonun ni Dios, ¿tas ayuchacha yu xaʼay
junita?
\p
\v 2 Ex ni Jesús va tʼasaʼil qayntaun sʼatʼa, va maqayaul
la ixtalakaʼukxpukʼan ni yuʼuncha.
\v 3 Ex va lakjunil:
\p —Vas klajunau, incha uxiknan jantu lakstʼuniy kakʼatsʼantʼik
tacha jasʼatʼan, ex jantu lay kʼatʼanutʼachipitik taʼan
jalhachimoʼonun ni Dios.
\v 4 Yu apalay ay junita taʼan jalhachimoʼonun ni Dios,
yucha yu vamun lakatʼuniy makakan tacha yu aniy jasʼatʼa.
\v 5 Yu laqaʼiy ni aniy jasʼatʼa por chuncha klhinajun
ni kitʼin, ex vachu kilaqaʼiy ni kitʼin.
\s La lhitaʼay kunaʼ para yu maqtaqalhinin
\r (Mr. 9:42-48; Lc. 17:1-2)
\p
\v 6 ’Mas va taʼayuchacha kaval incha kamakal para kamaqtaqalhinil
qayntaun kilapanaki tacha yu aniy lakatʼuniy jasʼatʼa,
ex ni yucha ayaj lhitaʼay katapasayaʼ. Apalay ox kaval
ni kapixtuchʼiʼulakalcha kun xachiyux pachʼikni, ex kaʼankalcha
ixmajʼanka lakamar y kaʼakskʼajʼul.
\v 7 Ayaj lhitaʼay yu aniy lakamunukpaʼ, va pumalhuvaj
alin yu talhinajun katamaqtaqalhinil. Ni yuʼuncha va
tacha taʼalincha, pero ¡paynicha ni lapanaki yu lhinajun
katamaqtaqalhinil yu alati!
\p
\v 8 ’Xlhiyucha incha makʼapʼutʼun talaqalhin kun mimakaʼ
u minchʼajaʼ, apalay ox kaval ni kʼachʼaqxmajʼacha, va
kamajʼacha. Apalay ox kʼatʼanuchiy makltʼul u chʼanltʼul
taʼan alin ox jatsukunti y jantu kamujun kun maktʼuy
u chʼantʼuy laka jikmi taʼan maqtajita mas va tavanancha.
\v 9 Vachuʼ incha kʼamakʼapʼutʼu talaqalhin por yu laqtsʼin
la milaqchul, apalay ox kaval ni kʼalakpʼumaxtʼukʼa milaqchul.
Apalay ox mas vamun milakputaun kʼatʼanuchiy taʼan alin
ox jatsukunti y jantu kʼatʼanuchiy milakputʼuy milaqchul
la xajikmi ni laqnin.
\s Ni borrego yu istsʼanqata
\r (Lc. 15:3-7)
\p
\v 10 ’Jantu kʼanau ni jantu xtapal kataval yu aniy
lakstʼuniy jasʼatʼan. Laqsaval klajunau yu ixmayulnin
Dios yu jalaklhistakʼa, yuʼuncha taʼalintacha la ixtalakaʼukxpuʼ
ni kimPay yu alintachal laktʼiyan.
\v 11 Ni kitʼin yu Sasʼatʼa Lapanaki va klaqkimalaqtaxtuchil
yu ixtatsʼanqatacha.
\p
\v 12 ’¿Tas lhilayatʼikcha? Incha qayntaun lapanaki
lhitʼajun taun ciento ixborregos pero incha tsʼanqay
laqataun, ¿ex tisuncha kamakayaʼ? Va kalakmakaunaʼ yu
noventa y nueve laka aspajun y kaʼanaʼ lakxkaunaʼ yu
laqataun borrego yu tsʼanqata.
\v 13 Chavay incha katemachoqol ni anchanu laqataun
borrego yu istsʼanqata ex apalay lhiʼachantajuy xajantu
yu anchanu noventa y nueve yu jantu katatsʼanqal.
\v 14 Vachu chun yu mimPaykʼan yu vilchal laktʼiyan
jantu najun matichun katsʼanqal mas va qayntaun yu aniy
lakstʼuniy.
\s Kʼamalaqmixinin milaqaj ali mintʼalapanaki
\r (Lc. 17:3)
\p
\v 15 ’Chavay incha milaqaj makaniyan taun tuʼuchun
yu jantu ox, maqskʼiniy kʼatʼalaqlaʼoxitʼi ixʼaman. Incha
makanincha kuenta yu tacha un ex ox junchoqoy tacha
milaqaj.
\v 16 Chavaycha incha jantu kamakanin kuenta yu un ex
maqskʼiniy kʼaʼuntʼaʼitʼi qayntaun u qayntʼuy para vachuʼ
kataqasmaktayl yu lhichʼivinatʼik, chuncha para yuʼuncha
katamasavalal tachun yu naʼuntʼik.
\v 17 Chavay incha jantu kamakayaʼ kuenta kun yuʼuncha,
ex maqskʼiniy katʼachʼivincha la ixtalakaʼukxpukʼan
yu talhakapuʼan ni Dios taʼan tataqxtoʼa. Chavay incha
jantu kamakanin kuenta mas kun yuʼuncha, ex tsʼanqay
kʼalaqtsʼi tacha qayntaun yu jantu lhakapuʼanan u tacha
qayntaun yu chʼinin impuestos.
\p
\v 18 ’Laqsaval klajunau, tachun yu kʼachʼiʼulayapitik
aniy lakamunukpaʼ ex vachu va chun kachʼiʼulakantachal
laktʼiyan. Vachu tachun yu kaxʼoqtʼapitik ni aniy lakamunukpaʼ,
vachu va chun kaxʼoqkantachal laktʼiyan.
\p
\v 19 ’Vachu klajunau incha pumatʼuy ni uxiknankʼan
aniy lakatʼun kʼaskʼinitʼik ni Dios, incha va chʼantaun
kaʼuntʼik yu kaskʼinpʼutʼuntʼik, ex kataxtaqniyan yu
kimPay yu alintachal laktʼiyan.
\v 20 Chavay yu taʼan tataqxtoʼa pumatʼuy u pumatʼutu
la kintaqaʼuti, ex kitʼin ancha ijkʼalinta la ixtaʼajna
ni yuʼuncha.
\p
\v 21 Ex chuncha ni Pedro laqʼal ni Jesús, lhisakmil,
va naul:
\p —Jalhachimoʼonu, ¿tas aqchuxicha kakmalaqmixinil kilaqaj
tejkan kimakanil taun tuʼuchun yu jantu ox? ¿Tus aqtujun?
\p
\v 22 Ex ni Jesús va naul:
\p —Jantu ijkunan va aqtujun, mas va tavanancha kaval kʼamalaqmixinin,
mas aqlhuucha kaval, mas setenta por siete.
\s Qayntaun jalhachimoʼonuʼ yu jantu ixmalaqmixiputun
\p
\v 23 ’Yu xalhachimoʼon ni laktʼiyan va tacha qayntaun
jalhachimoʼonu yu ixmasavalaputun ixkuentajkan ixʼoqxtamatin.
\v 24 Ex va chuncha tejkan taʼaqtaynilcha puteʼenin
ixkuentajkʼan, ex va talhiminil qayntaun yu ixlhaaniy
lhuvaj tumin, tus miyones.
\v 25 Chuncha yu ixʼoqxtamati va jantu kalhitsukul yu
kalhimapalnil, ex yu ixʼukxtin va lhijunilcha para kastʼakal
kun ixanati ali sasʼatʼan y vachu kun tachun yu ixlhitʼajuncha
va para kalaqchaanil ni kalhimapalal tachun ixlhaaninti.
\p
\v 26 ’Ex va chuncha yu oqxtamati taʼaqtsoqoqtanil la
ixtalakaʼukxpuʼ ni ixʼukxtin, tapayninil, va junil: “Jalhachimoʼonu,
va knajun kʼimaʼantʼaulnin ataun panchʼix, kakmapalniʼoyan
laksniy tachun yu iklhaaniyan.”
\v 27 Ex yu ixʼukxtin va mapaynil, va maqantaulniʼolcha
tachun ni ixlhaaniy. Va oxamaktauncha makaunchoqol.
\p
\v 28 ’Ex tejkan taxtuchoqolcha ni oqxtamati va temal
qayntaun ixtʼatapatsan, ni yucha ixlhaaniy lakatsʼuniy
tumin. Ex ni yucha va niman chʼapanil la ixpixtu, va
aqtaynilcha pixtulhita para kamaʼakskajval, ex va juniy:
“¡Kʼimapʼalnincha laqatapʼastʼa yu kʼilhipʼiniy!”
\v 29 Ex ni anchanu ixtʼatapatsan taʼaqtsoqoqtanil la
ixtalakaʼukxpuʼ yu ixlhaaniy, ex tapayninil, va junil:
“Kʼimaʼantʼaulnin ataun panchʼix. Kakmapalniʼoyan laksniy
yu iklhaaniyan.”
\v 30 Pero ixtʼaʼoqxtamati yu ixlhaaniy va jantu kamaqantaulnil,
va manul laka pachʼin tus kamapalal ixlhaaninti.
\v 31 Ex tejkan chuncha talaqtsʼil yu alati ixtʼatapatsanin
yu tacha tapasal va tus jantu katalhipaʼinil, va la taxkanil.
Ex va taʼal laqputeʼeninin ni ixʼukxtinkʼan yu tapasal.
\v 32 Ex chuncha yu jalhachimoʼonu va malaqachanal ixjuntaʼika,
va junil: “Uxintʼi jalaktuʼunuʼ oqxtamati kʼatʼi, kitʼin
ikmaqantaulnin tachun yu ixkʼilhipʼinin, va por kʼintʼapʼayninin.
\v 33 Apalay ox ixlhitsʼukʼunin mapayninti mintʼatapatsan
chuncha tacha kitʼin ikmapaynin ni uxintʼi.”
\v 34 Ex ni jalhachimoʼonuʼ va ayaj talqaul, va malaqachanal
ixmanuka laka pachʼin ni anchanu oqxtamati, va tus kamapalniʼokal
tachun yu ixlhaanikan.
\p
\v 35 Ex va chuncha ni Jesús taylhaʼal ixchivinti, va
naul:
\p —Yu kimPay laktʼiyan vachu va chun katamakaniyan ni
uxiknan incha jantu laqsaval malaqmixiniyatʼik mintʼalaqauninkʼan.
\c 19
\s Ni Jesús masuy ni jantu ox katalamakaunchoqol
\r (Mr. 10:1-12; Lc. 16:18)
\p
\v 1 Chuncha tejkan laqputeʼeʼolcha ni Jesús, va alcha
xalakatʼun Galilea, chaʼal yu xalakatʼun Judea taʼan
putakʼutʼa ni julchan, xlhiʼavintʼi xalaʼaxkan Jordán.
\v 2 Ex chuncha va lhuvaj lapanakni tatʼaʼal y va jalajkʼuchʼuchal
ni taqanʼanin.
\p
\v 3 Ex chuncha lati ni fariseos tatalakanunil ni Jesús,
talaqtsʼintanul, va tanaul:
\p —¿Lay kamakaunchoqol ixanati qayntaun lapanaki mas
va tuʼuchun kaval yu kamakanil?
\p
\v 4 Ex ni Jesús va lakjunil:
\p —¿Jantu aqtaun pʼutʼeʼeyatʼik uxiknan la ixchivinti
Dios taʼan tsʼoqkanta, va najun, “tejkan pʼunaj lakmakal
ni Dios ni lapanakni, va lakmakal qayntaun joʼati ali
qayntaun xanati”?
\v 5 Vachu naul ni Dios: “Xlhiyucha ni joʼati makajun
ni ixpay ali ixnati, tʼatsukuy ixanati, ex yu pumatʼuy
va qayntauncha lapanaki tapalay.”
\v 6 Ex chuncha jantucha pumatʼuy tajunita, va qayntauncha
jun. Ex chuncha ni lapanakni jantu maqskʼiniy katalaqlvaqlhi
yu malaqxtoʼa ni Dios.
\p
\v 7 Ex chuncha ni fariseos talhisakmil, va tajunil:
\p —¿Valiʼiycha ni Moisés lhinaul kaxtaqnikal aqxtaun
acta qayntaun xanati para kapumakaunchoqokal?
\p
\v 8 Ex ni Jesús va naul:
\p —Va por pʼays melhanutkʼan va chuncha lhinaul ni Moisés
para kalamakʼauntʼik, pero yu maqancha tejkan aqtaynichal
ni lakamunukpaʼ jantu chuncha ixjunita.
\v 9 Pero yu kitʼin iklajunau, incha qayntaun joʼati
makajun ixanati mas jantu kamaqtaqalhinil, ex tʼatsukuchoqoy
aqayntaun xanati, ex chuncha ni yucha makay talaqalhin.
Vachu incha qayntaun joʼati tʼatsukuchoqoy yu makaunkanta,
ex ni yucha vachu makay talaqalhin.
\p
\v 10 Ex ixtʼaltanan va tanaul:
\p —Incha va ay laqtaqal makay yu makajun ixanati, ex ka
apalay ox jantu katʼatsukul.
\p
\v 11 Ex ni Jesús va naul:
\p —Jantu lay katamalaqasil tachun ni lapanakni, vamun
lati yu laksakta Dios lay tamalaqasiy.
\v 12 Taʼalin lapanakni yu jantu lay talakxtuklay va
por chuncha tatsukul. Vachu lati lapanakni jantu lay
talakxtuklay va por chuncha lakmakanikan. Vachu lati
lapanakni jantu talakxtuklay, vamun tapatsaniputun xalhachimoʼon
ni laktʼiyan.
\s Ni Jesús lakskʼiniy Dios ni jasʼatʼan
\r (Mr. 10:13-16; Lc. 18:15-17)
\p
\v 13 Ex va chuncha ni lapanakni va talhaanil ni jasʼatʼan
ni Jesús va para kalaqmoqslanil ixmakaʼ y para kalakskʼinil
Dios. Pero yu ixtʼaltanan ni Jesús va taʼaqtayl talaqʼaymay
yu ixtalhaʼan ni sasʼatʼaninkʼan.
\v 14 Ex ni Jesús va naul:
\p —Kʼalakmakʼauntʼikcha ni jasʼatʼan, chaqx katamil kun
kitʼin. Jantu maqskʼiniy kalaqʼaymatʼik, yu tatanuyachal
taʼan lhachimoʼonun Dios yuʼuncha tajunita tacha yu
aniy jasʼatʼan.
\p
\v 15 Ex chuncha va laqmoqslanil ixmakaʼ ni jasʼatʼan
ex taval anchoqolcha alakataun.
\s Qayntaun tsʼal yu maqaliʼ va tʼachiviniy ni Jesús
\r (Mr. 10:17-31; Lc. 18:18-30)
\p
\v 16 Ex chuncha qayntaun tsʼal laqʼal ni Jesús, lhisakmil,
va naul:
\p —Ox jamalaniniʼ, ¿tisuncha yu lajʼox kakmakal para kaklhitsukul
ni jatsukunti yu jantu aqtaun kamiʼoyaʼ?
\p
\v 17 Ex va naul ni Jesús:
\p —¿Valiʼiycha kʼiʼuniy ox kunita? Yu ox vamun Dios.
Incha tʼanupʼutʼunachiy taʼan alin ox jatsukunti, ex
maqskʼiniy katʼoʼoyatʼi yu lhinajun Dios.
\p
\v 18 Ex yu tsʼal va naul:
\p —¿Taʼayuchacha?
\p Ex junil ni Jesús:
\p —Jantu kʼamaqnin, jantu kʼatʼatʼamatʼi aqayntaun yu
jantu minavin kaval, jantu kʼaʼalhavan, vachuʼ jantu kalaklkʼan
y jantu kalhichʼivin aqayntaun yu jantu laqsaval.
\v 19 Kʼatʼoʼoyatʼi mimpay kun minati, vachuʼ kʼaʼachʼanin
mintʼamachaqaʼ tacha uxintʼi achʼanikʼan.
\p
\v 20 Ex va naul ni tsʼal:
\p —Tachuncha ni anchanu va kmakaʼojotacha. ¿Ex tisuncha
apalay kintsʼanqaniy?
\p
\v 21 Ex va naul ni Jesús:
\p —Incha vas ni unpʼutʼun, kapʼinchʼiycha lakstʼanaʼ yu
lhitʼaʼun. Ex yu xatapal kalaqxtʼaqnincha ni kilpatanin.
Ex kʼalhitsʼukʼutʼachiy mimaqaliti laktʼiyan. Ex chuncha
kʼintʼatʼatʼicha.
\p
\v 22 Tejkan chuncha qasmaklhi ni tsʼal, va tus maqaninijʼanchoqolcha.
Va ayaj maqaliʼ ixjunita.
\p
\v 23 Ex ni Jesús va lakjunil ixtʼaltanan:
\p —Laqsaval klajunau, la lhitaʼay para katanuchal qayntaun
maqaliʼ taʼan lhachimoʼonun ni Dios.
\v 24 Laqsaval klajunau, apalay va tsʼalti kapulaqpuslhi
laqataun camello taʼan puxalal la ixtʼitʼampʼin ni makskati
xajantu katanuchal qayntaun maqaliʼ taʼan lhachimoʼonun
ni Dios.
\p
\v 25 Ex tejkan chuncha taqasmaklhi ixtʼaltanan ni Jesús,
va tus vak takʼatsal, va tanaul:
\p —¿Ex tas ayucha lay kalaqtaxtuyacha?
\p
\v 26 Ex ni Jesús laqtsʼil ixtʼaltanan, va lakjunil:
\p —Alin yu jantu lay tamakay ni lapanakni pero ni Dios
tus tachun lay makay.
\p
\v 27 Ex ni Pedro va junil:
\p —Yu kijnankʼan ikmakaunʼotaucha tachun yu klhitʼaunau
y klatʼatiʼukxuyanaucha. ¿Ex tisuncha klaqaʼiyau?
\p
\v 28 Ex ni Jesús va naul:
\p —Laqsaval klajunau, kaminaʼ julchan tejkan laqsastʼi
kunaʼ tachun, y kaktaultachal ni kitʼin yu Sasʼatʼa Lapanaki
la kimpalhachimoʼon taʼan kaklhitsukuyaʼ kintapʼasta.
Ex uxiknan yu kilatʼaltananau vachu va katʼaultʼachipitik
milaqakautʼuykʼan laka japalhachimoʼon para kalaqlaʼoxiniyapitik
yu oqxlaqkautʼuy xalapanakni Israel.
\v 29 Chavay taʼayucha yu makajun ixchaqaʼ, u ixlaqaj,
u ixtʼalapanaki u ixpay u ixnati, u sasʼatʼan u ixtʼun
por kitʼin, ex ni yucha kalaqaʼichoqoyaʼ apalay lhuu,
tus taun ciento. Y vachu kalaqaʼiyaʼ ni jatsukunti yu
jantu aqtaun kamiʼoyaʼ.
\v 30 Chavay ayaj lhuvaj taʼalin yu ayaj lajʼaynin takʼatsan,
pero astan ni yuʼuncha va lakstʼuniy katajunaʼ. Chavay
ayaj lhuvaj taʼalin yu lakstʼuniy takʼatsan pero astan
ni yuʼuncha va xalajʼaynin katajunaʼ.
\c 20
\s Yu tatapatsay taʼan chʼankanta uvas
\p
\v 1 Ex vachu va lakjunil ni Jesús:
\p —Yu xalhachimoʼon laktʼiyan va tacha qayntaun lapanaki
yu ayaj maqalin ixtʼun para kʼatʼapʼatsʼatʼi. Taun puvakuj
al jalakxkaunaʼ oqxtamatin para katatapatsal la ixtʼun
taʼan ixchʼanta uvas.
\v 2 Ex tejkan laktemal va talaqlaʼoxil yu tacha katalhajayaʼ
por paqtamin ixlhitapatsakʼan. Ex chuncha laqmalaqachalcha
tapatsanin la ixtʼun.
\v 3 Taval tejkan laqanajatsicha puvakuj val, va aaqtaun
anchoqol laklhitamau, va laqtsʼil alati lapanakni yu
valiʼiy ixtayanal.
\v 4 Ex va lakjunil ni maqaliʼ: “Ni uxiknan valiʼiy
ukxuyanantʼik. Vachu kapʼinchʼipitik tapatsanin la kilhitapatsa.
Ox klamapalau.” Ex va chuncha va taʼalcha tapatsanin
ni yuʼuncha.
\v 5 Taval ni maqaliʼ aaqtaun lajkilakxkauchoqol oqxtamatin
va tejkan atunkulcha, ex vachu tejkan laʼatʼutu putoqoxata
val. Vachu va chun laklhijunil alati yu valiʼiy ixtatiʼukxuyanal.
\v 6 Ex chuncha tejkan va laycha kalaqchaanputul laqakis
putoqoxata ni maqaliʼ va anchoqol aaqtaun laklhitamau.
Ex va laktemachoqol yu alati lapanakni yu valiʼiy ixtatiʼukxuyanal.
Ex va lakjunil: “¿Valiʼiycha alintʼatʼikcha aniy tus
taun julchan y jantu katsʼukʼutʼik tapatsanin?”
\v 7 Ex ni yuʼuncha va tanaul: “Jantu matichun kintalhijunan
lhitapatsa.” Ex ni yucha va lakjunil: “Kʼapʼinchʼipitik
tapatsanin la kintʼun. Ox klamapalau.”
\v 8 Taval tejkan putsʼislhicha ex ni maqaliʼ va junil
yu xaʼay ixʼoqxtamati, va naul: “Kʼalakjuntʼaʼitʼicha
ni oqxtamatin. Kʼalakmapʼaltʼicha. Kʼapʼuʼaqtʼayniy
yu astan taʼaqtaynil ni lhitapatsa, y kʼapʼuxajchʼiy
yu pʼunaj taʼaqtaynil ni lhitapatsa.”
\v 9 Ex va aqtayl lakmapalkan. Pʼunaj tatalakanulcha
yu taʼaqtaynil lhitapatsa yu laqakis putoqoxata, va lakmapalkal
qayntamin por qayntamin yu lhajakan paqtaun.
\v 10 Ex taval tatalakanul yu pʼunaj taʼaqtaynil tapatsanin.
Ni yuʼuncha ixtalhilay kalakmapalkanaʼ apalay lhuu pero
por qayntamin vachu talaqaʼil va yu lhajakan paqtaun.
\v 11 Ex tejkan talaqaʼiʼolcha va taʼaqtaynil talhilakchiviniy
por yu anchanuʼ xamanavin ni tʼun.
\v 12 Va tajunil ni manavin: “Yu alati, va laycha katoqoxal
ixtachin, va tauncha hora tatapatsal, chavay yuʼuncha
vachu va chun talhajal tacha kijnan klhajau. Chuncha
tus va tauncha julchan xaktayaniyau laka lhiʼicha.”
\v 13 Ex ni maqaliʼ va junil xaqayntaun ni yuʼuncha:
“Kintʼalaqajun, kitʼin jantu tuʼuchun laqtaqal iktsukun
makanin. Laqlaʼoxiu ni va chuncha kʼalhaʼayeʼe tacha
lhajakan paqtaun.
\v 14 Chavay kʼalaʼaʼitʼicha milhilhajati. Kʼapʼinchʼoʼocha.
Incha kitʼin iknajun chuncha kmapalputun yu astan aqtaynil
tapatsan, va chuncha kaval.
\v 15 Ni kintumin yucha kinavin, va kitʼin kimpaxtoqniy
kakmakal yu ikmakaputun. U ¿va akchʼipʼin va por ikqalʼox
lapanaki kunita?”, va naul ni maqaliʼ.
\p
\v 16 Vachu va naul ni Jesús:
\p —Ex chuncha, yu chavaycha xaʼastanin tajunita, yuʼuncha
xapʼunajnin katajunaʼ. Pero yu chavaycha xapʼunajnin
tajunita, yuʼuncha xaʼastanin katajunchoqoyaʼ.
\s Ni Jesús aqtʼutunucha puteʼey ixlhinin
\r (Mr. 10:32-34; Lc. 18:31-34)
\p
\v 17 Ex chuncha tejkan ixʼantacha ni Jesús xalakatin
Jerusalén, va tumpaj lakjuntaʼil ixtʼaltanan yu pumakautʼuy.
Va lakjunil:
\p
\v 18 —Chavay teʼenaucha Jerusalén. Ni kitʼin yu Sasʼatʼa
Lapanaki kakmaqxtaqkanaʼ la ixtamakakʼan yu xaʼukxtinin
kuras ali yu tamalaniy kilhachimoʼonkʼan. Kintamukʼaniyaʼ
laqtaqal para kintamaqnil.
\v 19 Ex chuncha kintamaqxtaʼaʼ kun yu jantu israelitas
kataval para kintalaktuʼul ni kitʼin. Ex kintalakasamayaʼ
y kintaxtukmukʼayaʼ laka kurus. Pero yu laʼatʼutunuʼ
julchan kajkujchoqoyaʼ.
\s Yu skʼil ixnati ni Juan ali Santiago
\r (Mr. 10:35-45)
\p
\v 20 Ex va talakanunil ni Jesús ixanati ni Zebedeo,
va laktʼamil istsʼalan, yu Juan kun Santiago. Ni anchanu
xanati va taʼaqtsoqoqtanil la ixtalakaʼukxpuʼ ni Jesús,
va skʼinil taun jatapayniti.
\v 21 Ex ni Jesús va junil:
\p —¿Tisuncha maqskʼiniycha?
\p Ex va naul ni xanati:
\p —Va knajun kʼalhinau kataulal la mipalhachimoʼon yu
qayntaun kintsʼal la milhijakana y yu aqayntaun kataulal
la milhijamaqxu.
\p
\v 22 Ex ni Jesús va lakjunil:
\p —Uxiknan jantu malaʼasiyatʼik yu skʼinatʼik. ¿Lhilayatʼik
kalayaʼ kʼapʼuʼoqnunapitik yu xavaso maqanlqajnati yu
kitʼin kakpuʼoqnunaʼ? ¿Lhilayatʼik kalayaʼ kʼapʼuʼaqchʼajʼauyapitik
yu lhitaʼay aqchajʼauti yu kitʼin kakpuʼaqchajʼauyaʼ?
\p Ex tanaul ni Juan kun Santiago:
\p —Chun, kalayaʼ.
\p
\v 23 Ex ni Jesús va lakjunil:
\p —Laqsaval kʼapʼuʼoqyapitik ni kivaso, y vachu kʼapʼuʼaqchʼajʼauyapitik
chuncha tacha kitʼin ikpuʼaqchajʼajuta. Pero yu katʼaulatʼik
la kilhijakanaj kun la kilhijamaqxu, yucha jantu kimpaxtoqniy
para kaklaxtaqniu. Va paxtoqniy kimPay kaxtaqnil yu
ixtalaksaknati.
\p
\v 24 Ex tejkan chuncha taqasmaklhi ni alati yu pumakau
va la tatalqaunil yu anchanu pumatʼuy jatʼalaqaunin.
\v 25 Ex ni Jesús va lakjuntaʼiʼol ixtʼaltanan, va lakjunil:
\p —Ni uxiknankʼan ox kʼatsʼayatʼik ni xalhachimoʼonun
aniy lakamumukpaʼ va pʼas laklhichimoʼoy ixlapanaknikʼan.
Yu xalajʼaynin apalay pʼas ixlhachimoʼonkʼan.
\v 26 Pero jantu maqskʼiniy chuncha kaʼuntʼik ni uxiknankʼan.
Yu xaqayntaun ni uxiknankʼan yu junputun xaʼay, yucha
maqskʼiniy kalaqʼaqtayjuʼol tachun yu alati.
\v 27 Vachu yu taʼayucha ni uxiknankʼan yu junputun
xapʼunaj, yucha maqskʼiniy kaval tacha qayntaun oqxtamati
yu jantu mapalkan.
\v 28 Ni kitʼin yu Sasʼatʼa lapanaki jantu kakmil para
kaktapatsanikal. Kitʼin kminta para kaklaqʼaqtayjul
yu alati. Vachu kakmaqxtaʼaʼ ketsukunti para chuncha
katapulaqtaxtul pumalhuu lapanakni.
\s Ni Jesús lakmalakavanichoqol pumatʼuy laʼachʼixin
\r (Mr. 10:46-52; Lc. 18:35-43)
\p
\v 29 Ex chuncha tejkan tataxtuchoqolcha laka putaulan
Jericó, va lhuvaj lapanakni tatʼaʼal ni Jesús kun ixtʼaltanan.
\v 30 Ancha lakatin ixtavilanal pumatʼuy laʼachʼixin.
Taval tejkan taqasmaklhi ni ancha ixtʼajun tapasanaʼ
ni Jesús, tatʼasal, va tanaul:
\p —¡Jalhachimoʼonuʼ, istsʼal kʼatʼi ni ay jalhachimoʼonu
David, kilamapayniu ni kijnan!
\p
\v 31 Yu lapanakni va talaqʼaymal ni laʼachʼixin para
saqcha kataval, pero yuʼuncha apalay tataylhaʼal ixtʼasatikʼan.
\p —¡Jalhachimoʼonuʼ, yu istsʼal kʼatʼi ni ay jalhachimoʼonuʼ
David, kilamapayniu ni kijnan!
\p
\v 32 Ex va chuncha ni Jesús va tayal, va lakjuntaʼil
ni laʼachʼixin, va lakjunil:
\p —¿Tisuncha naunatʼikcha kaklamakaniu ni kitʼin?
\p
\v 33 Ex ni yuʼuncha tanaul:
\p —Jalhachimoʼonuʼ, va iklakavananputunau.
\p
\v 34 Ex chuncha ni Jesús jalakmapaynil, va lakchʼapanil
ixlaqchulkʼan. Ex niman talakavananchoqolcha, va tatʼaʼal
ni Jesús.
\c 21
\s Tanuchal ni Jesús laka putaulan Jerusalén
\r (Mr. 11:1-11; Lc. 19:28-40; Jn. 12:12-19)
\p
\v 1 Ex chuncha tejkan ixtatʼajuncha taʼukstsʼuninin ni Jerusalén, tachaʼal laka putaulan Betfagé, yu xalakaʼaspajun Olivos. Taval ni Jesús va jamalaqachal pumatʼuy ixtʼaltanan,
\v 2 va lakjunil:
\p —Kʼapʼinchʼipitik yu avintʼi lakatʼuniy putaulan. Ancha katʼemayapitik laqataun burra jachʼiʼulanti kun sasʼatʼa. Va kʼaxʼoqʼiyapitik y kilalhiminiyau.
\v 3 Incha matichun katalhisakmin valiʼiycha lhipʼinapitik, ex kaʼunapitik: “Va maqskʼiniy ni Jalhachimoʼonuʼ. Va niman kamalaqachachoqoyaʼ.”
\p
\v 4 Ni aniy chuncha val para kataqayntsal yu maqancha tsʼoqlhi yu ixlaqputeʼey ixchivinti Dios, yu ixnajun:
\q
\v 5 Kaʼunitʼik yu tavilanal laka putaulan Jerusalén:
\q “MiJalhachimoʼonukʼan va talaqmintan ni uxiknankʼan.
\q Va tacha kilpataniʼ pumin laqataun burra,
\q putaukʼal laqataun sasʼatʼa yu machʼapanan.”
\p
\v 6 Ex chuncha ni ixtʼaltanan va taʼalcha, va chuncha tamakal tacha lakjunil ni Jesús.
\v 7 Chuncha talhimilcha ni burra kun sasʼatʼa. Ex tamukʼanil laqchʼiti la ixpulakankʼan. Ex ni Jesús va putaukʼalcha.
\v 8 Yu lapanakni va ayaj lhuvaj ixtajunita. Lati talakmamal ixlaqchʼitkʼan lakatin. Alati va talakmamal javanan yu talaqchʼaqxpʼuxnil ixmaqlaqapʼu ni kʼiu.
\v 9 Ex yu ixtapʼulʼanta kun yu astan ixtaʼanta talaktʼasal, va tanaul:
\p —¡Hosana! ¡Ay kaval istsʼal ni jalhachimoʼonu David! ¡Katoʼoyakal yu minta la ixtaqaʼuti ni Jalhachimoʼonu Dios! ¡Hosana kanaunkal laktʼiyan!
\p
\v 10 Ex chuncha tejkan tanuchal ni Jesús ni Jerusalén, va talakchʼilil tachun xalapanakni ni anchanu ay putaulan. Ayaj ixtalalhisakmin siya yuʼuncha, va ixtanajun:
\p —¿Tas ayuchacha ni aniy?
\p
\v 11 Ex yu alati lapanakni va tanaul:
\p —Va Jesús yu laqputeʼey ixchivinti Dios, yu machaqaʼ Nazaret yu xaʼestado Galilea.
\s Ni Jesús jalakxkaumaxtul jastʼanan ni ay lakatajtan
\r (Mr. 11:15-19; Lc. 19:45-48; Jn. 2:13-22)
\p
\v 12 Ex taval ni Jesús tanuchal yu ay ixlakatajtan Dios. Tus tachun lakxkaumaxtuʼol maqspaʼ yu ixtatʼajun jastʼanan kun yu ixtatʼajun jaʼinin ni ancha. Va laqmapuʼaqstaʼol yu mesas taʼan ixtamapaxay ixtuminkʼan ni lapanakni y vachu yu ixtʼantsʼikʼan ni xastʼanan palumax.
\v 13 Ex va lakjunil:
\p —Ixchivinti Dios yu tsʼoqkanta va najun: “Ni kinchaqaʼ junkan xachaqaʼ taʼan puskʼinkan Dios”, pero ni uxiknankʼan makʼatʼatʼik yu ixputamaqsaqna alhavanan.
\p
\v 14 Ex ancha yu ay lakatajtan tatalakanunil ni Jesús lati laʼachʼixin kun lati yu lakchʼanltʼul, ex va lajkʼuchʼul.
\v 15 Ni xaʼukxtinin ni kuras kun yu ixtamasuy ixlhachimoʼonkʼan ni israelitas va ayaj tatalqamal tejkan talaqtsʼil yu lajʼay axtoqnu ixmakay ni Jesús y taqasmaknil yu ixtʼasatkʼan yu jasʼatʼanin laka ay lakatajtan yu inchine ixtanajun: “¡Ay kamakakal yu sasʼatʼa ni ay jalhachimoʼonu David!”
\v 16 Va tajunil ni Jesús:
\p —¿Asmatʼa yu tatʼajun naunan?
\p Va lakjunil ni Jesús:
\p —Chun, ijqasmatʼa. ¿Jantu pʼutʼeʼeyatʼik ixchivinti Dios taʼan tsʼoqkanta yu lhichiviniy ni aniy? Inchine najun:
\q Uxintʼi laqxtaqniy jatapastakʼati yu lakstʼuniy jasʼatʼan mas yu vananaj tatsʼikʼiy
\q para ay katamakan kun kʼus milpati.
\p
\v 17 Ex chuncha va lakmakaulcha, va alcha laka putaulan Betania. Ancha loqojchalcha.
\s Ni Jesús maxixil xakʼiu ni higo yu jantu xtaʼa xaʼunikan
\r (Mr. 11:12-14, 20-26)
\p
\v 18 Chuncha tejkan puvakuj val, va minchoqochal ni Jesús ni Jerusalén, va chavanilcha.
\v 19 Ex laqtsʼil aqataun xakʼiu ni higo yu ancha ixyal ni lakatin. Ex ni Jesús va aqtayl lakxkajuy ni xaʼunikan pero jantu tuʼuchun katemanil. Vamun va xaxqoy ixjukʼal. Ex chuncha ni Jesús va junil ni anchanu xakʼiu ni higo:
\p —¡Chavaycha ijkunan tus jantucha aqtaun kʼaxtʼaqyeʼe mijataukʼati!
\p Ex va chuncha va niman xixtayal ni kʼiu.
\v 20 Tejkan chuncha talaqtsʼil yu ixtʼaltanan tus vak takʼatsal. Talhisakmil ni Jesús, va tajunil:
\p —¿Valiʼiycha niman xaxixa ni xakʼiu ni higo?
\p
\v 21 Ex ni Jesús va naul:
\p —Laqsaval klajunau. Ni uxiknankʼan incha lhakʼapʼupʼinatʼik y jantu putʼuy jatapastakʼati makʼayatʼik ex jantu vamun yuʼ lay kamakʼatʼik tacha kmakanil xakʼiu ni higo. Vachu lay kʼaʼunitʼik ni aniy aspajun: “Kʼaʼostʼicha ni ancha, kʼapʼinchʼicha lakamar”, y laqsaval chuncha kunaʼ.
\v 22 Incha lhakʼapʼupʼinatʼik ni laqsaval kalaʼaʼiyapitik yu skʼinatʼik ni Dios, ex mas tisuncha kaval kalaʼaʼiyapitik.
\s Lhisakmikal ni Jesús taʼayucha xtaqnilcha ixlhachimoʼon
\r (Mr. 11:27-33; Lc. 20:1-8)
\p
\v 23 Ex va chuncha ni Jesús tanuchal laka ay lakatajtan. Tejkan ancha ixtʼajun malaniniʼ, ex talakanunil ni xaʼukxtinin ni kuras kun yu xalajʼaynin lapanakni ni israelitas. Ex ni yuʼuncha talhisakmil, va tajunil:
\p —¿Taʼayucha xtaqnin lhachimoʼon ni kʼamakʼatʼi yu aniy axtoqnu? ¿Taʼayuchacha lhijunan ni chuncha kʼamakʼatʼi?
\p
\v 24 Ex ni Jesús lajqaltayl, va lakjunil:
\p —Kitʼin vachuʼ klalhisakmiyau taun jalhisakminti. Incha kilajunau, ex yu kitʼin vachu klajunau taʼayucha kixtaqniy lakatin ni klakmakay yu axtoqnuʼ.
\v 25 ¿Tas ayucha malaqachalcha ni Juan jamaqchajʼavanaʼ? ¿Va Dios u va lapanaki?
\p Ex chuncha va taʼaqtaynilcha talalhisakmiy siya yuʼuncha, va talajuniy:
\p —Chavay incha kajunau va Dios, ex ni yucha va lay kintajunin: “¿Ex valiʼiycha jantu kalhakʼapʼupʼintʼik?”
\v 26 Chavay incha kajunau va lapanaki yu xtaqnil ixlhachimoʼon ni Juan para kamaqchajʼavanal, ex talhauniyau ni lapanakni, yuʼuncha va talhilay ixlaqputeʼey ixchivinti Dios.
\p
\v 27 Ex chuncha tajunil ni Jesús:
\p —Jantu ijkʼatsayau.
\p Ex chuncha ni yucha va lakjunil:
\p —Ex ni kitʼin vachuʼ jantu kaklajunau tas ayucha kixtaqnil lhachimoʼon yu ikpumakay ni aniy axtoqnuʼ.
\s Yu pumatʼuy tsʼalan
\p
\v 28 Ex astan ni Jesús va lakjunil:
\p —¿Tas lhilayatʼikcha ni aniy? Qayntaun joʼati ixlhitʼajun qayntʼuy istsʼalan. Ex va junil yu qayntaun istsʼal: “Chavay, kintsʼal, kʼapʼinchʼiycha tapatsan la kiʼuvaskʼan.”
\v 29 Ex istsʼal va naul: “Jantu kʼuxaʼan.” Pero taval va mapaxachoqol ixjatapastakʼati, va al tapatsan.
\v 30 Taval ni xapay va laqʼal yu aqayntaun istsʼal, vachu va chun junil. Ex ni yucha va naul: “Chun, kajkʼanaʼ.” Pero mas chuncha naul, va jantu kaʼal tapatsan.
\v 31 Ex chuncha ¿Tasʼayucha yu pumatʼuy makal yu tacha lhinaul yu ixpaykʼan?
\p Ex ni yuʼuncha va tanaul:
\p —Yu xapʼunaj.
\p Chuncha ni Jesús va lakjunil:
\p —Laqsaval iklajunau. Yu xachʼinin impuestos kun yu maqtaqalhinin xanatin ni yuʼuncha pʼunaj katatanutachal taʼan lhachimoʼonun ni Dios xajantu ni uxiknankʼan.
\v 32 Ni Juan yu jamaqchajʼavanaʼ, yucha kilachil jamalaniniʼ yu tacha lay vas kʼapʼutsʼukʼutʼik, pero yu uxiknankʼan jantu kʼalhakʼapʼupʼintʼik. Chavay yu jachʼinin ni impuestos kun yu jamaqtaqalhinin xanatin, ni yuʼuncha talhakapuʼal. Chavay uxiknan mas laqtsʼintʼik yu tapasal, jantu kamapʼaxatʼik mimputsukukʼan y jantu kalhakʼapʼupʼintʼik.
\s Yu jalaktuʼunun oqxtamatin
\r (Mr. 12:1-12; Lc. 20:9-19)
\p
\v 33 ’Chavay kaʼasmaktʼik yu aniy chivinti yu xtaʼa jatapastakʼati. Qayntaun joʼati ixlhitʼajun aqxtaun ixtʼun. Va ancha chʼal uvas. Va tus ox korrarnul, ex chuncha makal aqataun xapachʼikni. Vachu makal aqataun talman chaqaʼ taʼan katataulal yu xalhistaknan.
\p ’Ex va laqxtaqnil amedias lati ixʼoqxtamatin, va al tiʼukxuntayan maqati.
\v 34 Taval va lakachilcha ixpupʼuxkan. Ex ni yucha va laqmalaqachalcha lati ixʼoqxtamatin para kataskʼinilcha yu paxtoqniycha ni yucha.
\v 35 Pero yu oqxtamatin yu ixtalhistakta ni tʼun jantu katalhipaʼinil. Tachʼapal ixtʼaʼoqxtamatinkʼan. Qayntaun talaqanaqmal, yu aqayntaun tamaqnil, y yu aqayntaun va talakatʼalmaqnil kun chiyux.
\v 36 Ex chuncha yu manavin ni tʼun va aaqtaun laqmalaqachachoqol yu alati ixʼoqxtamatin, va apalay pumalhuu laqmalaqachal. Pero yu xalhistaknan vachu va chun tamakachoqol tacha yu alati.
\p
\v 37 ’Ex chuncha taval astan yu xamanavin ni lakatʼun malaqachal yu istsʼal. Va ixnajun: “Yucha katatoʼoyal.”
\v 38 Pero tejkan talaqtsʼil ni tsʼal, va talajunil siya yuʼuncha: “Ni anu, ka yucha kapaxtoqniyacha ni lhitapatsa, chavay kaʼau maqniniʼ. Chuncha kijnankʼan kachʼapaʼojoo tachun yu yucha kapaxtoqnil.”
\v 39 Ex chuncha tachʼapal, va tamaxtul ixlhimaqspaʼ ni lakatʼun, va tamaqnilcha.
\p
\v 40 Ex chuncha ni Jesús laklhisakmil, va lakjunil:
\p —Chavay tejkan kaminaʼ yu xamanavin ni tʼun, ¿tas kalakmakayacha ni anchanuʼ oqxtamatin?
\p
\v 41 Ex tanaul:
\p —Kalakchʼapayaʼ, va niman kalaqmaqniyaʼ tus jantu tsʼuniy kalakmapayniyaʼ ni anchanu jalaktuʼunun, ex kalaqxtaqniyaʼ amedias ixtʼun alati oqxtamatin yu achaj kataxtaqnil ni jaxqanti yu kapaxtoqniyaʼ ni yucha.
\p
\v 42 Ex ni Jesús va lakjunil:
\p —¿Jantu aqtaun pʼutʼeʼeyatʼik ixchivinti Dios taʼan tsʼoqkanta? Inchine najun:
\q Ni chiyux yu jantu kamapatsaputul ni yu tamakay chaqaʼ
\q chavay yucha yu apalay maqskʼiniy.
\q Chuncha makal ni Jalhachimoʼonuʼ,
\q xlhiyucha tus taun kʼatsanau.
\m
\v 43 Xlhiyucha klajunau ni uxiknan kʼalakmaxtʼunikʼanapitik ixlhachimoʼon ni Dios. Kalaqxtaqnikanaʼ yu alati yu katamaqxtaʼaʼ ox jaxqanti tacha ni yucha lhinajun.
\v 44 Chavay incha matichun kaputaqalqoslhi ni anchanu chiyux, ex tus katalaqateʼeʼoyaʼ. Vachu incha kʼapʼatʼalmal matichun ni anchanu chiyux ex tus pʼoqxni kajunaʼ.
\p
\v 45 Ex tejkan taqasmaklhi yu xaʼukxtinin ni kuras kun yu fariseos ni anchanu chivinti yu xtaʼa jatapastakʼati, ex tamalaqasil ni va yuʼuncha ixtʼaunkan laklhichivinka.
\v 46 Ex chuncha ni yuʼuncha va ayaj ixtachʼiputun ni Jesús, pero va tatalhaunichoqol ni lapanakni, yuʼuncha ixtalhakapuʼan ni Jesús ixlaqputeʼey ixchivinti Dios.
\c 22
\s Ixlhachimoʼon Dios va tacha xakʼatan lakxtuklati
\r (Lc. 14:15-24)
\p
\v 1 Ex va chuncha ni Jesús va aaqtaun aqtaychoqol jalaqlhixaqalay
kun chivinti yu xtaʼa jatapastakʼati, va lakjunil:
\p
\v 2 —Yu xalhachimoʼon ni laktʼiyan va tacha qayntaun
ay jalhachimoʼonuʼ yu malakxtuklay istsʼal, va makaniy
kʼatan.
\v 3 Ex ni yucha jalaqmalaqachal ixʼoqxtamatin para
kataʼal juntaʼinin yu kataxkavaʼil. Pero mas lajkijuntaʼikal,
va jantu kataʼuxamil ni laka kʼatan.
\v 4 Ex taval va aaqtaun jamalaqachachoqol yu alati
ixʼoqxtamatin, va lakjunil: “Kʼaʼunapitik yu jalaqxaqalakantacha
katamilcha. Yu vayti alinʼojotacha. Klhinaulcha ixmaqnika
ni vakax kun alati jatalhitsukukna yu ayaj talajʼonta
y tachun alinʼojota. Katamilcha ni laka kʼatan. Kaʼalinacha
ni jalakxtuklati.”
\v 5 Taval yu ixlakjunkan ixtamil ni kʼatan va jantu
katamakal kuenta para katamil, va taʼal la ixlhitapatsakʼan.
Qayntaun va al laqtsʼiniʼ ixtʼun, yu aqayntaun va al
makanaʼ ixlhitapatsa yu pulhajay.
\v 6 Yu alati va talachʼapachal kun ixʼoqxtamatin ni
maqaliʼ. Va tus ox talaqalhil y tamaqnil.
\v 7 Ex tejkan chuncha kʼatsal ni ay jalhachimoʼonuʼ
va ayaj talqamal. Va laqmalaqachal ixtropas para kalaqmaqnil
ni anchanu jamaqninin, ex chuncha va jalaqxavanil ixputaulankʼan.
\v 8 Ex chuncha va lakjunil ni ixʼoqxtamatin: “Tachun
alinʼojotacha para yu xakʼatan ni lakxtuklati pero yu
ixlakjuntaʼikan ixtamil jantucha paxtoqniy katamil.
\v 9 Chavay kʼapʼinchʼipitik taʼan talapaxtoqta ni lajʼay
lakatinixnan. Kʼalakʼunapitik tachun yu kʼatʼematʼik
para katamil ni xakʼatan lakxtuklati.”
\v 10 Ex chuncha ni oqxtamatin va taʼal tiʼukxuntayanin
ni jalakatinixnan. Talhijunil va taʼayuʼuncha yu tatemal,
mas kaval laktuʼunun, mas kaval yu jalajʼoxin. Ex chuncha
yu ixpulakna ni laqa chaqa va tus taʼaqtsamal ni lapanakni.
\p
\v 11 Chuncha ni ay jalhachimoʼonuʼ va tanuchal ixpulakna
va para kalaqlaqtsʼil yu jalakjuntaʼikanta. Ex va laqtsʼil
qayntaun lapanaki yu jantu kaʼulal xalaqchʼiti ni xakʼatan
lakxtuklati.
\v 12 Ex ni yucha va junil: “Laqaj, ¿valiʼiycha ixtʼanuyachʼitʼa
ni aniy mas jantu kʼaʼulatʼi xalaqchʼiti ni xakʼatan
lakxtuklati?” Ex ni anchanu lapanaki va jantu tsij
kanaul, vamun saq ixjunita.
\v 13 Ex chuncha ni ay jalhachimoʼonu va jalakjunil
yu ixtatʼajun jamunun laka mesa, va naul: “Ni anchanu
lapanaki kʼachʼanchʼitʼik y kʼamaqchʼitʼik. Kʼamaxtʼutʼikcha
ixlhimaqspaʼ taʼan putsʼista. Ex ancha kaqalhujtsukutachal
y ancha kalaktsakʼayaʼ ixtatsalati.”
\v 14 Laqsaval ayaj qaynlhuu yu jalakjuntaʼiy pero va
lakatsʼuniy yu jalaksaknan.
\s Ni Jesús lhisakmikan incha maqskʼiniy katamapalal xaʼimpuestos Roma
\r (Mr. 12:13-17; Lc. 20:20-26)
\p
\v 15 Ex chuncha ni fariseos taʼanchoqolcha. Taʼaqtaylcha
tamalakchʼantamiy ixchivintikʼan para katajunil taun
jalhisakminti, para kalal kataputislajmal kun ixchivinti
ni yucha.
\v 16 Ex chuncha tamalaqachalcha lati ixtʼaltanankʼan,
chʼantaun kun lati ixlapanakni ni Herodes, va para kataʼal
juninin ni Jesús. Tajunil:
\p —Jamalaniniʼ, ni kijnan ijkʼatsayau ni uxintʼi laqpʼutʼeʼey
yu laqsaval, y vachuʼ jamalaninin yu laqsaval ixlakatin
Dios, y jantu makʼay kuenta yu tanajun ni lapanakni, y
jantu matichun tʼalhauniy.
\v 17 Ex chuncha va knaunau kilaxtaqniu mijatapastakʼati:
¿tas lhilaycha ni uxintʼi? ¿Maqskʼiniy kakmapalniu impuestos
yu ay jalhachimoʼonu Roma, u jantu?
\p
\v 18 Pero ni Jesús va niman xtaqnil kuenta va taun
jalaqtsʼintanunti yu talhisakmil. Ex ni yucha va jalakjunil:
\p —Tʼuy ukxpuʼ makʼayatʼik, ¿valiʼiycha kilalaqtsʼintanuyaucha?
\v 19 Kilamasuniu ni tumin yu lhimapalkan impuestos.
\p Ex chuncha tamasunil aqxtaun tumin.
\v 20 Tejkan laqtsʼil ni Jesús laklhisakmil, va lakjunil:
\p —Yu aniy ukxpuʼ, ¿tas ayucha lapanaki ixʼukxpu? ¿Tas
ayucha ixtaqaʼuti aniy tsʼoqmukʼanikanta?
\p
\v 21 Ex ni anchanu lapanakni va tanaul:
\p —Va yu ay jalhachimoʼonuʼ Roma.
\p Ex va chuncha ni Jesús va lakjunil:
\p —Ex kʼaxtʼaqnitʼikcha yu ay jalhachimoʼonuʼ Roma yu
yucha paxtoqniy. Kʼaxtʼaqnitʼikcha ni Dios yu Dios paxtoqniy.
\p
\v 22 Tejkan chuncha taqasmaklhi ni anchanu lapanakni,
va tus vak takʼatsal, tamakaulcha ni Jesús, va taʼanchoqolcha.
\s Talhisakmiy yu tejkan katakujchoqoyaʼ janinin
\r (Mr. 12:18-27; Lc. 20:27-40)
\p
\v 23 Anchanu julchan va talaqʼal ni Jesús lati saduceos.
Yuʼuncha ixtanajun ni jantu takujchoqoy yu janinin.
Ex chuncha talhisakmil ni Jesús, va tajunil:
\p
\v 24 —Jamalaniniʼ, ni Moisés kintajunin yu tejkan niy
qayntaun joʼati yu lakxtuklatacha y jantu makajun sasʼatʼan,
ex yu ixlaqaj katʼatsukuchoqol ni anchanu tiyau para
kalaklhitsukunil sasʼatʼan ixlaqaj yu nitacha.
\v 25 Ex chuncha, taun julchan ixʼalin pumatujun tʼalaqaunin.
Yu xajayaʼ va lakxtuklal, pero niman nil. Jantu kalhitsukul
sasʼatʼan. Ex chuncha yu ixanati va tamakaunichoqolcha
ixpʼisaqa.
\v 26 Taval ixpʼisaqa vachu va chun xajchal. Ex yu xapumatʼutunuʼ
vachu va chun lhitapasal. Tus talaqatapasaʼol ni anchanu
pumatujun tʼalaqaunin. Va taniʼol. Jantu matichun kalhitsukul
sasʼatʼan.
\v 27 Ex taval vachucha nil ni xanati.
\v 28 Ex va chuncha, tejkan katakujchoqoyaʼ ni janinin,
¿ex tasʼayucha kunaʼ ixapay ni anchanu xanati? Ni anchanu
xanati tus laktʼalakxtuklaʼol.
\p
\v 29 Ex ni Jesús lajqaltayl, va lakjunil:
\p —Ni uxiknankʼan jantu pʼastʼakʼatʼik yu naunatʼik.
Jantu mispʼayatʼik tacha tsʼoqkanta la ixchivinti Dios.
Vachu jantu mispʼayatʼik tacha junita ixtapʼasta ni
Dios.
\v 30 Tejkan katakujchoqoyaʼ ni janinin, ex ni yuʼuncha
jantucha katalakxtuklayaʼ. Va katajunaʼ tacha ixmayulnin
Dios laktʼiyan.
\v 31 Chavay tacha lhichʼivinanatʼik incha ni janinin
katakujchoqoyaʼ, ¿Jantu aqtaun pʼutʼeʼeyatʼik la ixchivinti
Dios yu naul ni yucha? Va inchine naul:
\v 32 “Kitʼin va ixDios kunita ni Abraham, vachu ixDios
kunita ni Isaac, vachuʼ ixDios kunita ni Jacob.” Chuncha
ni yucha jantu ixDioskʼan kaval ni janinin. Va ixDioskʼan
junita yu takujta.
\p
\v 33 Tejkan chuncha taqasmaklhi ni lapanakni va tus
vak takʼatsal por yu ixmalaniy ni Jesús.
\s Yu lhinaunkan yu apalay maqskʼiniy
\r (Mr. 12:28-34; Lc. 10:25-28)
\p
\v 34 Ex chuncha tejkan takʼatsal ni fariseos ni Jesús
va tus vak lakmakal ni saduceos, ex ni yuʼuncha va tataqxtoqlhi.
\v 35 Qayntaun ni yuʼuncha va ixmasuy ixlhachimoʼonkʼan.
Ex ni yucha va ixlaqtsʼintanuputun ni Jesús, va lhisakmil:
\p
\v 36 —Jamalaniniʼ, ¿tas ayucha yu apalay ay yu lhinaunkan?
\p
\v 37 Ex ni Jesús va junil:
\p —“Kʼaʼachʼanin miJalhachimoʼonuʼ Dios kun tachun melhanuti
ali tachun mijatsukunti ali tachun mijatapastakʼati.”
\v 38 Ni aniy yu apalay maqskʼiniy y yucha va yu xapʼunaj
lhinaunkan.
\v 39 Yu ataun lhinaunkan va laycha vachu va chun. Va
inchine najun: “Kʼapʼaxkʼatʼi mintʼamachaqaʼ tacha
pʼaxkʼakʼan milaqʼaman.”
\v 40 Yu aniy laʼatʼuy chivinti yu lhinaunkan, yuʼuncha
va tacha xaputayan tachun ixlhachimoʼon ni Moisés, ali
tachun yu maqancha ixtalaqputeʼey ixchivinti Dios.
\s ¿Kun taʼayucha lapanaki mintachal ni Cristo?
\r (Mr. 12:35-37; Lc. 20:41-44)
\p
\v 41 Ex chuncha tejkan ancha ixtataʼaqxtoqnun ni fariseos,
laklhisakmil ni Jesús,
\v 42 va lakjunil:
\p —Ni uxiknan, ¿tisuncha lhipʼastʼakʼatʼikcha ni Cristo?
¿Kun taʼayucha mintachal?
\p Ex ni yuʼuncha va tajunil:
\p —Va kun David mintachal.
\p
\v 43 Ex ni Jesús va lakjunil:
\p —¿Ex valiʼiycha va machivinil ni Espíritu Santo ni
David para kamapaqaʼul ni Cristo tacha ixJalhachimoʼonu?
Ni David va naul:
\q
\v 44 Ni Jalhachimoʼonu Dios junil kiJalhachimoʼonuʼ:
\q “Kʼatʼaʼulcha aniy la kilhijakanaj,
\q tus tejkan kaklaqmaqalhajaʼoyaʼ mintʼalaxkayan.”
\m
\v 45 Chuncha incha ni David va mapaqaʼuy Jalhachimoʼonuʼ
yu Cristo, ¿ex tas pulaycha kaval qayntaun yu kaminchal
kun yucha?
\p
\v 46 Jantu matichun lay kaqaltayl. Ex ni anchanu julchan
jantucha matichun katapujul katalhisakmil tuʼuchun.
\c 23
\s Ni Jesús lakmukʼaniy laqtaqal ni fariseos ali yu ixtamasuy ixlhachimoʼonkʼan ni israelitas
\r (Mr. 12:38-40; Lc. 11:37-54; 20:45-47)
\p
\v 1 Taval ni Jesús va lakjunil ni lapanakni y vachu ixtʼaltanan:
\p
\v 2 —Ni fariseos kun yu tamasuy ixlhachimoʼon Moisés ni yuʼuncha ixlhitapatsakʼan va katalakmasunil ni lapanakni ixlhachimoʼonkʼan ni israelitas.
\v 3 Chuncha uxiknan kʼatʼoʼoyatʼik y kʼamakʼanitʼik yu talhijunancha pero jantu maqskʼiniy kamakʼanitʼik tacha ixputsukkʼan. Ni yuʼuncha jantu chun tamakay tacha yu tanajun.
\v 4 Ni yuʼuncha talakpʼachʼiy yu machʼapati yu ayaj laktsʼinkʼi, ayaj lhitaʼay para kʼamaqchʼixtʼi. Chuncha talakmatʼikʼukʼay yu alati lapanakni pero jantu taʼaqtayjuy mas va kun yu maktaun yu lakatʼuniy ixmakakʼan.
\v 5 Ayaj tamaqamay katamakaʼol tapuchux para katalaqtsʼil ni lapanakni. Vachu ayaj tamaqamay kalaklhimuntichʼikal aqxtaun listun taʼan tsʼoqmukʼakanta ixchivinti Dios. Vachuʼ ayaj tamaqamay kataʼulal ixlaqchʼitkʼan yu laqlman xakiltulaxaj.
\v 6 Vachu tejkan kʼatan jun ayaj tamaqamay katataulal laka mesa taʼan laktoʼoyakan. Vachu tejkan tataqxtoʼa ni israelitas ayaj tamaqamay katataulal taʼan tavilanal yu laktoʼoyakan.
\v 7 Vachuʼ ayaj tanajun kalakmastakʼakal tejkan tapaxtoʼa lapanakni lakatinixnan, va tanajun kalaqlhimapaqaʼukal “Jamalaninin.”
\p
\v 8 ’Pero yu uxiknankʼan jantu maqskʼiniy kalakʼunkʼantʼik jamalaninin. Ni uxiknan va si tʼalaqaunin untʼatʼik, y va qayntaun yu miJamalaninikʼan.
\v 9 Vachu jantu paxtoqniy kʼaʼunitʼik matichun mimpay aniy lakamunukpaʼ. Yu mimPaykʼan va qayntaun, y yucha alintachal laktʼiyan.
\v 10 Vachu jantu maqskʼiniy kʼalakʼunkʼantʼik ukxtinin. Va qayntaun miʼukxtinkʼan, yucha va Cristo.
\v 11 Yu xalajʼaynin ni uxiknan maqskʼiniy kalaqʼaqtayjul yu alati.
\v 12 Yu ay makakan ixʼaman, yucha va lakatʼuniy kamakakanaʼ. Y yu lakatʼuniy makakan ixʼaman, yucha ay kamakakanaʼ.
\p
\v 13 ’Payniʼincha ni uxiknankʼan yu fariseos untʼatʼik y vachuʼ yu masuyatʼik ixlhachimoʼonkʼan ni israelitas. Va tʼuy ukxpuʼ makʼayatʼik. Uxiknankʼan va malakchʼauniyatʼik xapuerta taʼan ixlhachimoʼon laktʼiyan para jantu lay katatanuchal yu alati lapanakni. Ni uxiknankʼan jantu tʼanuyatʼik y vachu jantu xtʼaqniyatʼik lakatin katatanuchal yu alati.
\p
\v 14 ’Payniʼincha ni uxiknankʼan yu fariseos untʼatʼik y vachu yu masuyatʼik ixlhachimoʼonkʼan ni israelitas. Va tʼuy ukxpuʼ makʼayatʼik. Lajʼalhaumaxtʼuniyatʼik tus ixchaqakʼan ni tiyaunin ex panij skʼinatʼik Dios para kamakʼanutʼik ni lapanakni. Xlhiyucha kʼalaʼaʼiyapitik lhuvaj maqanlqajnati.
\p
\v 15 ’¡Payniʼincha ni uxiknankʼan yu fariseos untʼatʼik y vachu yu masuyatʼik ixlhachimoʼonkʼan ni Moisés! Va tʼuy ukxpuʼ makʼayatʼik. Va tʼapʼutsʼoʼotsʼukʼuyatʼik taʼakchun ni lakatʼun mas tus xlhiʼavintʼi ni lakamar para katʼematʼik qayntaun yu kalhakapuʼal tacha uxiknankʼan. Ex maxajniyatʼik tacha qayntaun yu kapaxtoqniyaʼ ixmaqanlqajnati va aqtʼuycha chuncha tacha uxiknankʼan.
\p
\v 16 ’Payniʼincha ni uxiknankʼan yu lakmapʼulayatʼik yu alati mas yu uxiknankʼan va laʼachʼixin untʼatʼik. Va naunatʼik: “Yu masavalay ixchivinti por yu ay kilakatajtankʼan, ex jantu laqtaqal kaval mas jantu kataqayntsal yu najun. Pero incha tamasavalay ixchivinti por xaʼoro kilakatajtankʼan, ex chun maqskʼiniy kataqayntsal yu najun.”
\v 17 Va laʼachʼixin y tontos untʼatʼik. ¿Taʼayucha yu apalay xtapal lhilayatʼik? ¿Va yu oro u va yu ay lakatajtan taʼan lhimapatsakan ni oro?
\v 18 Vachuʼ inchine naunatʼik ni uxiknankʼan: “Yu masavalay ixchivinti por xaʼaltar kilakatajtankʼan, yucha jantu laqtaqal kaval mas jantu kataqayntsal yu najun. Pero incha masavalay ixchivinti por yu lapaxkan yu moqslakan la xaʼaltar kilakatajtankʼan, ex chun maqskʼiniy kataqayntsal yu najun.”
\v 19 Va laʼachʼixin y tontos untʼatʼik. ¿Taʼayucha yu apalay xtapal lhilayatʼik? ¿Va yu lapaxkan u va yu xaʼaltar kilakatajtankʼan taʼan moqslakan ni lapaxkan?
\v 20 Yu masavalay ixchivinti por ni xaʼaltar kilakatajtankʼan, vachu masavalay ixchivinti por tachun yu ancha moqslakanta.
\v 21 Vachuʼ yu masavalay ixchivinti por ni ay lakatajtan, ex ni yucha vachu masavalay ixchivinti por Dios yu ancha alinta.
\v 22 Vachuʼ yu masavalay ixchivinti por ni laktʼiyan, ni yucha vachu masavalay ixchivinti por ixputaulan ni Dios y vachu por Dios yu ancha taulay.
\p
\v 23 ’Payniʼincha ni uxiknankʼan yu fariseos untʼatʼik y vachu yu masuyatʼik ixlhachimoʼonkʼan ni israelitas. Va tʼuy ukxpuʼ makʼayatʼik. Xtʼaqniyatʼik lakatsʼuniy milalhaʼoxin, ali mimuvis, ali miʼanís chuncha tacha tapaxtoqniyan kaxtʼaqtʼik la kilakatajtankʼan. Pero jantu makʼayatʼik kuenta yu apalay maqskʼiniy ixlhachimoʼon ni Dios. Yu apalay maqskʼiniy va ox vas kaʼukxuntʼay la mejatsukunti, va kʼamapʼaynin y jantu kʼamakʼau milhakapuʼati. Va yucha yu maqskʼiniy kʼamakʼatʼik pero vachu jantu kʼamakʼau yu alati.
\v 24 Uxiknankʼan lakmapʼulayatʼik yu alati mas va laʼachʼixin untʼatʼik. Va tacha kʼamaxtʼu lakatʼuniy xqan la mivaso pero jantu laqtsʼin ni ancha karran tajun laqataun juki y valiʼiy katʼaloqtʼi.
\p
\v 25 ’Payniʼincha ni uxiknan yu fariseos untʼatʼik y vachu yu masuyatʼik ixlhachimoʼonkʼan ni israelitas. Va tʼuy ukxpuʼ makʼayatʼik. Ox chʼaʼayatʼik ixlhimaqspaʼ mivasoskʼan kun mimplatoskʼan, pero la ixpulakna tus ox taputajita yu xkiliu por miʼakchaʼatikʼan y miʼalhavantikʼan.
\v 26 ¡Fariseos yu laʼachʼixin untʼatʼik! Maqskʼiniy pʼunaj kʼachʼaʼanitʼik yu ixpulakna mivasoskʼan ex chuncha yu ixlhimaqspaʼ vachucha kʼus jun.
\p
\v 27 ’Payniʼincha ni uxiknan yu fariseos untʼatʼik y vachu yu masuyatʼik ixlhachimoʼonkʼan ni israelitas. Va tʼuy ukxpuʼ makʼayatʼik. Untʼatʼik va tacha putaknun yu kʼus maqayaqaq manikanta ixlhimaqspaʼ pero yu ixpulakna tus ox aqtsamanta xalukuti ni janinin kun tachun yu jantu ox.
\v 28 Va chuncha untʼatʼik. Yu tacha talaqtsʼinan ni lapanakni, va ayaj ox talhilay, pero yu ixpulakna melhanutikʼan va aqtsamanta kun yu jantu lajʼox. Valiʼiy ox makʼakʼanatʼik mas jantu laqsaval kaval.
\p
\v 29 ’Payniʼincha ni uxiknan yu fariseos untʼatʼik y vachu yu masuyatʼik ixlhachimoʼonkʼan ni israelitas. Va tʼuy ukxpuʼ makʼayatʼik. Jalakmakʼaniyatʼik ixputaknunkʼan yu maqancha ixtalaqputeʼey ixchivinti Dios. Vachu maxantilaniyatʼik ixpanteonkʼan yu lajʼoxin ixtajunita.
\v 30 Ex naunatʼik: “Ni kijnan va istsukuu maqancha tejkan ixtatʼajun yu maqaniya kepayankʼan, jantu ixlaqʼaqtayjuu ixlaqmaqnika yu maqancha ixtalaqputeʼey ixchivinti Dios.”
\v 31 Chuncha lakpʼumispʼakʼanatʼik tacha ixpapanaknikʼan yu maqancha tamaqnil yu ixtalaqputeʼey ixchivinti Dios.
\v 32 Chuncha kʼamamaktʼatʼikcha yu maqancha taʼaqtaynil mimpayankʼan.
\p
\v 33 ’¡Va xalapanakni tsapulin untʼatʼik! ¿Tas va kʼapʼuxajtʼachipitikcha yu xamaqanlqajnati ni laqnin?
\v 34 Xlhiyucha ni kitʼin kaklamalaqachaniyau yu katalaqputeʼeniyan ixchivinti Dios y vachu yu ayaj talakpastaknan y vachu yu tamasuy ixlhachimoʼonkʼan ni israelitas. Pero yu uxiknan va kʼalaqmaqniyapitik, lati kalakxtukmukʼayapitik laka kurus, lati kʼalaqnaqmayapitik taʼan tʼaqxtʼoʼatʼik, y lati kalakxkʼaylhitsʼukʼuyapitik putaulan por putaulan.
\v 35 Ex chuncha tachun kajunʼoyaʼ milaqtaqalkʼan yu ixlhininkʼan tachun yu lajʼoxin lapanakni ixtajunita yu laqmaqnikantacha. Mas tus yu Abel yu vas ixjunita ixjatsukunti, tus Zacarías yu istsʼal Berekías, yu maqnitʼik la kilakatajtankʼan la ixtaʼajna taʼan toʼoyakan Dios ali laka altar.
\v 36 Laqsaval klajunau, tachun ni aniy laqtaqal katalaqchanʼoyaʼ yu xalapanakni yu chavay taʼalinta.
\s Ni Jesús lhiqalhun ni Jerusalén
\r (Lc. 13:34-35)
\p
\v 37 ’¡Jerusalén, xalapanakni Jerusalén! Jamaqniyatʼik yu talaqputeʼey ixchivinti Dios y laktʼalmaqniyatʼik yu tamalaqachaniyan Dios. Tacha ni piyuʼ jamaqxtoʼa sasʼatʼan la ixpaqachuj, va chuncha ni kitʼin aqlhuvaj xaklalhistakputunau pero jantu aqtaun kʼaʼuyujnauntʼik.
\v 38 Kʼalaqtsʼintʼikcha, minchaqakʼan kamakaunkanacha, jantucha lhistakkan.
\v 39 Chavay klajunau, jantucha aqtaun kilalaqtsʼinchoqoyau tus tejkan inchine kʼanaunapitik: “Ay kamakakal yu mintacha la ixtaqaʼuti ni Jalhachimoʼonu Dios.”
\c 24
\s Ni Jesús najun ni kalaqcheʼeʼokanaʼ yu ay lakatajtan
\r (Mr. 13:1-2; Lc. 21:5-6)
\p
\v 1 Ex chuncha ni Jesús taxtuchal laka ay lakatajtan.
Tejkan ixʼantacha lakatin ex yu ixtʼaltanan tatalakanunil
y va tajunil para kalaqtsʼil tas junitacha ixkʼusixtu
yu ay lakatajtan.
\v 2 Ex ni Jesús va lakjunil:
\p —¿Laqtsʼinʼoyatʼik tachun yu aniy tayanal? Laqsaval
klajunau, ni aniy tus jantu katamakaunaʼ nisin laqataun
chiyux yu katalaputoqslal, tus tachun katalaqcheʼeʼoyaʼ.
\s Tisuncha katasuʼelayaʼ tejkan tachun kamiʼoyaʼ
\r (Mr. 13:3-23; Lc. 21:7-24; 17:22-24)
\p
\v 3 Ex va chuncha taʼalcha laka aspajun yu junkan Olivos.
Ancha taulchal ni Jesús, ex yu ixtʼaltanan tatalakanunil
y saq talhisakmil, va tanaul:
\p —Va knaunau kilajuniu tas vanancha chuncha katapasayaʼ
yu nau. Tejkan xaputamaktanacha ni lakamunukpaʼ y kʼatʼanchʼoʼoyeʼe,
¿tas kakpukʼatsayaucha?
\p
\v 4 Ex chuncha ni Jesús va lakjunil:
\p —Kʼalhistʼajkʼantʼikcha para jantu matichun katamakanun.
\v 5 Ayaj lhuvaj kataminaʼ yu katanaunaʼ: “Ni kitʼin
va Cristo kunita.” Kalakmakanukanaʼ qaynlhuvaj lapanakni.
\v 6 Uxiknankʼan kʼaʼasmakyapitik ni alinta lachʼapati
aniy kun avintʼi pero jantu maqskʼiniy katʼalhanantʼik.
Va chuncha maqskʼiniy katapasaʼelayaʼ pero jantukaʼ
xaputamaktanacha ni lakamunukpaʼ.
\v 7 Yu oqxlaqtaun lapanakni katalachʼapayaʼ kun aʼoqxlaqtaun
lapanakni. Yu lakataun lhachimoʼon katalachʼapayaʼ kun
ataun lhachimoʼon. Vachu kaʼalinaʼ ay chavan kun taqanʼati
y laka lhuvaj kaxkapʼikninaʼ ni lakatʼun.
\v 8 Pero kun tachun ni anchanuʼ, yucha vamun xapuʼaqtaykan
ni maqanlqajnati.
\p
\v 9 ’Ex chuncha ni uxiknankʼan va kʼamaqxtʼaqkʼanapitik
para kʼalhimaqchʼapʼukʼantʼik y tus tachun ni lapanakni
kataxkayyan por kilapanakni untʼatʼik.
\v 10 Ex chuncha ni anchanu julchan qaynlhuvaj lapanakni
katamakaunchoqoyaʼ ixlhakapuʼatikʼan, katalaxkayyaʼ y
katalalhimaqchapuyaʼ siya yuʼuncha.
\v 11 Ex chuncha kataʼalinaʼ qaynlhuvaj jalaklkanan
yu katanaunaʼ ni talaqputeʼey ixchivinti Dios. Katalakmakanuyaʼ
lhuu lapanakni.
\v 12 Ex chuncha kaʼalinaʼ lhuvaj laxkayti, y qaynlhuvaj
jantucha katalaʼachaniyaʼ siya yuʼuncha.
\v 13 Pero yu vas kataylhaanaʼ la ixlhakapuʼati tus
kalaʼoyacha, ni yucha kalaqtaxtuyaʼ.
\v 14 Yu ox chivinti yu masuy tacha lhachimoʼonun Dios
yucha kalaqputeʼeʼokanaʼ yu talakachux ni lakamunukpaʼ
y tus katakʼatsaʼoyaʼ yu oqxlaqtamin lapanakni.
\p
\v 15 ’Ni Daniel yu maqancha ixlaqputeʼey ixchivinti
Dios, va tsʼoqlhi, va naul: “Kʼalaqtsʼinapitik yu jantu
ox, yu ayaj xkiliu taʼan tʼoʼoyatʼik Dios” (yu puteʼey
ni aniy chivinti tsʼanqay ox kamalaqasil).
\v 16 Ex yu tavilanal laka estado Judea maqskʼiniy kataqoslhi,
katatamaqsaqlhicha laka aspajunaxnan.
\v 17 Yu kataulaʼ la ixʼukxna ixchaqaʼ jantu maqskʼiniy
kataʼeltajul maxtunuʼ ixlaqxoqta.
\v 18 Yu alintachal la ixkuxtu jantu maqskʼiniy kaminchoqol
iniʼ ixlaqchʼiti.
\v 19 Payniʼincha yu xanatin ni anchanu julchan yu jaʼaynan
katajunaʼ kun yu tamatsʼikʼinin.
\v 20 Kʼatʼapʼayninitʼik ni Dios para jantu kaval xajulchan
jastaknati vachu jantu kaval xamalkuyuʼ lhikʼasniy tejkan
kʼaʼosnunapitik.
\v 21 Yu anchanu julchan kaʼalinaʼ ay maqanlqajnati
yu jantu aqtaun kaʼalil tus tejkan puʼaqtaynil ni lakamunukpaʼ
tus chavaycha y astan jantucha kaʼalinchoqoyaʼ.
\v 22 Chavay incha ayaj maqan kaval ni anchanu julchan
ex jantu matichun kaxajtachal. Pero ni Dios lakmapayniy
yu jalaksakta xlhiyucha jantu kamakaunaʼ maqan kataylhaʼal
ni maqanlqajnati.
\p
\v 23 ’Ex va chuncha ni anchanu julchan, incha matichun
katajunin: “Ni, kʼalaqtsʼintʼik, aniycha alinta ni Cristo”,
u katajunin “Avintʼi yachal”. Pero jantu maqskʼiniy
kʼalhakʼapʼupʼinitʼik.
\v 24 Ni anchanuʼ julchan kataminaʼ yu jamakanunun.
Lati katanaunaʼ va yuʼuncha ni Cristo. Yu alati katanaunaʼ
va yuʼuncha yu ixtalaqputeʼey ixchivinti Dios maqancha.
Katamakayaʼ yu lajʼay axtoqnuʼ kun tapʼasta para katapumakanun
mas va yu jalaksakta ni Dios, incha kalal.
\v 25 Chavaycha klajuntaucha yu katapasayakaʼ.
\v 26 Xlhiyucha mas katajunin: “Ancha vilchal ni Cristo
taʼan xixninta ni lakatʼun”, pero jantu maqskʼiniy kʼapʼintʼik.
Mas katajunin: “Avintʼi alintachal apulaktaun kuarto”,
pero jantu maqskʼiniy kʼalhakʼapʼupʼintʼik.
\v 27 Tejkan kakminchoqoyaʼ ni kitʼin yu Sasʼatʼa Lapanaki,
ex tachun ni lapanakni kintalaqtsʼinan. Kunaʼ tacha
taun makaliukniti yu tus slauk mapulkuy taʼan puminachal
julchan y vachu tus taʼan puʼanachal.
\v 28 Ex taʼan kaʼalinaʼ yu janinin, va ancha katataqxtoʼaʼ
ni lajʼay tsʼoʼon.
\s Tejkan kaminchoqoyaʼ yu Sasʼatʼa Lapanaki
\r (Mr. 13:24-37; Lc. 21:25-33; 17:26-30, 34-36)
\p
\v 29 ’Ex tejkan chuncha katapasalhitsukuyaʼ ni anchanuʼ
xajulchan maqanlqajnati, ex ni julchan kaʼukxputsʼisaʼ,
vachu yu malkuyuʼ jantucha kamapulkuyaʼ. Yu jastʼakun
katapatajuyaʼ. Yu talhitʼajun tapʼasta ni laktʼiyan,
yuʼuncha kataxkapʼikninaʼ.
\v 30 Ex chuncha laktʼiyan katasuyaʼ tuʼuchun yu masuy
ni mintacha yu Sasʼatʼa Lapanaki. Ex talakachux ni lakamunukpaʼ
kataqajlhutsukuyaʼ ni lapanakni por ixtalhantikʼan.
Ex katalaqtsʼinacha ni kitʼin yu Sasʼatʼa Lapanaki kamintachal
laktʼiyan, laka taputsʼi kun ay tapʼasta y tachun kiʼayaxtu.
\v 31 Vachuʼ pʼas kaqoxanankanaʼ. Dios kalaqmalaqachayaʼ
ixmayulnin para katamaqxtoqlhi yu jalaksakta, tus lakatʼati
ixkankatinixnan ni lakamunukpaʼ, mas va toʼoxtaycha kaval
xtuntaun ni laktʼiyan.
\s Yu kintamasuniyan xakʼiu ni higo
\r (Mr. 13:28-31; Lc. 21:29-33)
\p
\v 32 ’Kʼamakʼatʼikcha kuenta tacha junita tejkan maqlaqapʼun
ni xakʼiu higo, yucha va naunputun ni taʼukstsʼuniycha
tejkan kapʼasnanaʼ.
\v 33 Vachu va chun tejkan kʼalaqtsʼintʼayaʼoyapitikcha
ni tʼajun tapasanaʼ tacha klajunau, ex chuncha kʼakʼatsʼayapitikcha
ni Sasʼatʼa Lapanaki va lakxtuyalcha laka matiʼ.
\v 34 Laqsaval klajunau, ni lapanakni yu chavay tatʼajun,
jantukaʼ kataniʼoyaʼ tus katapasaʼoʼelayaʼ yu klajuntau.
\v 35 Yu lakatʼun kun laktʼiyan katamiʼoyaʼ pero yu
kinchivinti jantu aqtaun kamiʼoyaʼ.
\s Jantu matichun kʼatsay tavanancha kaminchoqoyaʼ ni Sasʼatʼa Lapanaki
\p
\v 36 ’Jantu matichun kʼatsay tisuncha hora u tisuncha
julchan chuncha katapasayaʼ. Ixmayulnin Dios laktʼiyan
jantu takʼatsay, vachuʼ jantu ijkʼatsay ni kitʼin yu
Sasʼatʼa Dios. Vamun kʼatsay kimPay.
\p
\v 37 ’Tejkan kakminchoqoyaʼ ni kitʼin yu Sasʼatʼa Lapanaki,
ex vachu chun kunaʼ tacha maqancha tejkan ixtʼajun ni
Noé.
\v 38 Maqancha tejkan ixtʼajun ni Noé, tejkan jantukaʼ
ixtaʼaqmuxtuy, ex ni lapanakni vamun ixtaʼoqnun, ixtavajin,
ixtalakxtuklay, tus tejkan tanul ni Noé laka ay barco.
\v 39 Ex jantu ixtakʼatsay incha kaʼalinaʼ tuʼuchun,
tus tejkan chil ni laqmixniti y laklhaʼanʼol tachun
ni yuʼuncha. Vachu va chun kunaʼ tejkan kakminchoqoyaʼ
ni kitʼin yu Sasʼatʼa Lapanaki.
\p
\v 40 ’Ni anchanu julchan pumatʼuy joʼakna katatsukutachal
kuxtunin laka kuxtu. Yu qayntaun yucha kalhaʼankanacha,
y yu aqayntaun yucha kamakaunkanacha.
\v 41 Pumatʼuy xanatin katatsukuyaʼ skitinin. Yu qayntaun
yucha kalhaʼankanacha, y yu aqayntaun yucha kamakaunkanacha.
\p
\v 42 ’Chavay kʼalakpʼukʼujtʼikcha. Jantu kʼatsʼayatʼik
tisuncha horacha kaminchoqoyaʼ miJalhachimoʼonukʼan.
\v 43 Kʼakʼatsʼatʼik yu klajunau, incha kakʼatsal qayntaun
xamanavin ni chaqaʼ tavanancha kaminaʼ ni alhavanaʼ,
ex kakujtamal y jantu kamakaul katanul matichun la ixchaqaʼ.
\v 44 Vachu chun ni uxiknankʼan listujcha katsʼukʼutʼik.
Jantu kʼatsʼayatʼikcha tavanancha kakminchoqoyaʼ ni
kitʼin yu Sasʼatʼa Lapanaki.
\s Ni maqtsukuʼ yu jalakpastaknan ali yu laktuʼunuʼ maqtsukuʼ
\r (Lc. 12:41-48)
\p
\v 45 ’¿Taʼayucha ni xalhistaknaʼ oqxtamati yu lhiʼaynkan
y mispay lhitapatsa? Va yucha ni ixʼukxtin kamakaunaʼ
para kalaklhistaklhi oqxtamatin y para kalakvaval tejkan
tachavaniy.
\v 46 Ayaj lhiʼachantajuycha yu oqxtamati yu tʼajuncha
makaʼonaʼ yu ixlhijunkanta tejkan chinchoqoy ixʼukxtin.
\v 47 Laqsaval klajunau ni ixʼukxtin kamakauniyaʼ kalaklhistaklhi
tachun ixmaqaliti.
\v 48 Pero incha laktuʼunuʼ maqtsukuʼ kaval, ex va kapastaklhi
va kataqmaqayaʼ ixʼukxtin para kaminchoqol.
\v 49 Ex kaʼaqtaynilcha laqlhimaqchapunuʼ yu alati ixtʼamaqtsukunin.
Vachu kalaktʼatsukulcha vayaʼ y oqnuʼ kun taʼapʼanin.
\v 50 Incha va chuncha katapasayaʼ, ex yu xaʼukxtin ni
anchanu maqtsukuʼ kaminchoqoyaʼ taun julchan u taun
hora tejkan jantu kapakxanʼil.
\v 51 Ex chuncha ni anchanu maqtsukuʼ kaxtaqnikanaʼ
ay maqanlqajnati vachu chun tacha kaxtaqnikanaʼ yu alati
yu tʼuy ukxpuʼ tamakay. Ancha kaqalhutsukuyaʼ y kalaktsakʼalhitsukuyaʼ
ixtatsalati.
\c 25
\s Pumakau jatsiʼin
\p
\v 1 ’Va inchine junita yu xalhachimoʼon ni laktʼiyan.
Taun julchan pumakau jatsiʼin taʼalcha pakxanʼinin qayntaun
tsʼal yu kalakxtuklayaʼ. Va talhaʼalcha ixmaklkukʼan
yu pumaqtajiy aceite.
\v 2 Pumakis ni anchanu jatsiʼin va listujcha ixtajunita,
y yu ataun pumakis va jantu listuj kataval.
\v 3 Ex chuncha yu anchanu yu jantu listuj kataval va
talhaʼal vamun ixmaklkukʼan, jantu katalhaʼal alati aceite.
\v 4 Chavay yu laklistus yuʼuncha va tumpajcha talhaʼal
alati aceite para katamaʼaqtsamachoqol ixmaklkukʼan
tejkan kamiʼol.
\p
\v 5 ’Chuncha ni tsʼal yu kalakxtuklayaʼ va jantu niman
kachinchal, ex taval va tus tachun taltataʼol.
\v 6 Ex tejkan pakltaun tsʼis val, va qasmakkal taun
tʼasati, va naul: “¡Mintacha ni tsʼal yu kalakxtuklayaʼ!
¡Kʼatʼaxtʼutʼikcha laqaʼinin!”
\v 7 Ex taʼostaulʼol tus tachun ni anchanu pumakau jatsiʼin,
ex taʼaqtaynil talaqlaʼoxiy ixmaklkukʼan.
\v 8 Ex chuncha yu pumakis jatsiʼin yu jantu listujcha
kataval, va tajunil yu alati: “Kilaxtaqniu lakatsʼuniy
miʼaceitekʼan ni kimaklkukʼan va laycha katamixlhi.”
\v 9 Ex yu anchanu yu laklistujcha va tanaul: “Jantu
kalayaʼ, va jantucha kintalaqchaanan kintachunkʼan. Apalay
ox kʼapʼintʼikcha inin taʼan stʼakan.”
\v 10 Pero tejkan taʼalcha inin ni aceite yu anchanu
jatsiʼin yu jantu laklistus kataval, exnicha chinchal
yu tsʼal yu kalakxtuklayaʼ. Chuncha yu pumakis jatsiʼin
yu laklistus tatʼatanuchalcha ni yucha laqa chaqa taʼan
kaʼalinaʼ lakxtuklati. Ex talakchaulcha ni puerta.
\v 11 Ex taval tachinchoqochalcha yu alati jatsiʼin,
va tanajun: “¡Jalhachimoʼonu, Jalhachimoʼonu! ¡Kilamalaqltiʼaniu!”
\v 12 Ex yu tsʼal yu kalakxtuklayaʼ va lakjunil: “Vas
klajunau, jantu klamispayau.”
\p
\v 13 Ex ni Jesús va naul:
\p —Kʼalakpʼukʼujtʼikcha ni uxiknan. Jantu lhikʼatsan
tisuncha julchan u tisuncha hora kakminchoqoyaʼ ni kitʼin
yu Sasʼatʼa Lapanaki.
\s Chivinti yu xtaʼa jatapastakʼati yu lhichiviniy tumin
\p
\v 14 ’Chavay yu xalhachimoʼon ni laktʼiyan va tacha
qayntaun joʼati yu ixʼuxaʼan maqati tus yu alakataun
lakamunukpaʼ. Pʼunaj jalaktʼasaʼil ixʼoqxtamatin y jalakmakaunil
talhistakʼati ixtumin.
\p
\v 15 ’Chavay yu qayntaun va xtaqnil laqakis mil, yu
aqayntaun va xtaqnil tʼuy mil, y yu aqayntaun va xtaqnil
taun mil. Ex chuncha laqxtaqnil por qayntamin va tacha
ixtalhitʼajun ixjatalanitkʼan. Ex ni yucha taxtulcha,
va alcha.
\v 16 Chavay yu laqaʼil ni laqakis mil, yucha mapatsal
ni tumin y lhajanichoqol ataun laqakis mil.
\v 17 Yu laqaʼil tʼuy mil, vachu chun makal y va lhajanichoqol
ataun tʼuy mil.
\v 18 Pero yu oqxtamati yu laqaʼil taun mil, yucha va
pukutul ni lakatʼun y va maqsaqnil ni ixtumin ixʼukxtin.
\p
\v 19 ’Tejkan maqancha val ex ni jaʼukxtin va jalaqminchoqolcha
ixʼoqxtamatin. Va aqtayl puteʼeniʼ ixkuentajkʼan.
\v 20 Pʼunaj chil yu laqaʼil laqakis mil, va naul: “Kiʼukxtin,
ni uxintʼi kʼixtʼaqnin laqakis mil y chavay aniy alinchoqota
alaqakis mil yu klhajanil.”
\v 21 Ex yu xaʼukxtin va junil: “¡Ayaj ox! ¡Uxintʼi
va ox oqxtamati kʼatʼi y ayaj ox jalakpastaknan! Uxintʼi
la ox makʼatʼi mas va kun tsʼuniy, xlhiyucha chavay kakxtaqniyan
apalay lhuu jatalhistakʼati. Kʼatʼanutʼicha y kʼatʼaʼachʼaʼutʼicha
kun kitʼin.”
\v 22 Ex taval chil yu ixlaqaʼita tʼuy mil, va naul:
“Kiʼukxtin, ni uxintʼi kʼixtʼaqnin tʼuy mil y chavay
aniy alinchoqota alaʼatʼuy mil yu klhajanil.”
\v 23 Ex yu xaʼukxtin va junil: “¡Ayaj Ox! ¡Uxintʼi
va ox oqxtamati kʼatʼi y ayaj ox jalakpastaknan! Jalakpastaknancha
lakatsʼuniy yu tacha ixmakʼay, xlhiyucha chavay kakxtaqniyan
apalay lhuu jatalhistakʼati. Kʼatʼanutʼicha y kʼatʼaʼachʼaʼutʼicha
kun kitʼin.”
\v 24 Taval chinchal yu ixlaqaʼita taun mil, va naul:
“Kiʼukxtin, kitʼin kʼatsaycha ni uxintʼi va pʼays joʼati
kʼatʼi. Xʼaʼiy taʼan jantu kʼachʼantʼi y laksakʼa taʼan
jantu kʼamamatʼi xatʼin.
\v 25 Xlhiyucha ni kitʼin va iktalhaunin. Yu mintumin
va kmaqsaqlhi lakatʼun. Chavay aniycha alinchoqota yu
mintumin.”
\v 26 Ex yu jaʼukxtin va naul: “¡Uxintʼi va malhaqniʼ
y jalaktuʼunuʼ oqxtamati unitʼa! Uxintʼi kʼatsʼay va
kxqaʼiy taʼan jantu ikchʼan y klaksakʼa taʼan jantu
kmamay xatʼin.
\v 27 Incha va ixlhipʼi laka banco ni kintumin, ex tejkan
xakminchoqol ka xaklaqaʼichoqol kintumin kun sasʼatʼa.”
\v 28 Ex ni jaʼukxtin va lakjunil yu ancha ixtayanal:
“Kʼamaxtʼunitʼikcha yu taun mil, kʼaxtʼaqnitʼikcha yu
lhitʼajun laqakau mil.
\v 29 Yu talhitʼajun, apalay kalaqxtaqnikanaʼ para lhuvaj
katamaqalil. Yu jantu tamaqalin, mas va lakatsʼuniycha
talhitsukuy, yucha kalakmaxtuniʼokanaʼ.
\v 30 Chavay kʼamaxtʼuchʼipitikcha maqspaʼ yu aniy oqxtamati
yu jantu ixtapal kaval. Kʼamajʼanchʼipitikcha taʼan
putsʼista ex ancha kaqalhujtsukutachalcha y kalaktsʼakʼalhitsukutachalcha
ixtatsalati.”
\s Tejkan jamukʼanikanaʼ ixlaqtaqalkʼan xalapanakni lakamunukpaʼ
\p
\v 31 ’Tejkan kaminchoqoyaʼ yu Sasʼatʼa Lapanaki kun
tachun ixtapʼasta, vachu kun tachun ixmayulnin Dios, ex
ancha kataulaʼ la ixpalhachimoʼon kun tachun ixʼayaxtu.
\v 32 Ex yu xalapanaki yu talakachux ni lakamunukpaʼ
katataqxtoʼaʼ la ixlakaʼukxpuʼ ni yucha. Kalaqlvaʼacha
siya tumpaj, tacha ni jalhistaknaʼ jalaqlvaʼa ni borregos
kun chivos.
\v 33 Kalakmulayaʼ la ixlhijakanaj yu borregos y la
ixlhijamaqxu yu chivos.
\v 34 Ex chuncha ni jalhachimoʼonuʼ kalakjunaʼ yu taʼalinta
la ixlhijakanaj: “Kʼatʼantʼikcha yu uxiknankʼan yu
ayaj ox tamakanitan kimPay. Kalaʼaʼitʼikcha yu jalhachimoʼon
yu laʼoxikanta para uxiknan, tus tejkan puʼaqtaynil ni
lakamunukpaʼ.
\v 35 Tejkan kitʼin xakchavanita, uxiknan kilavavau.
Tejkan xakʼoqputun xkan, vachu kilamaʼotʼuu. Vachuʼ tejkan
xaktijuyal tacha jachiniʼ, uxiknankʼan kilaxtaqniu taʼan
ikloqojlhi.
\v 36 Vachu tejkan maqaʼasasa xakʼukxuyal, uxiknankʼan
kilaxtaqniu milaqchʼitikʼan. Vachu tejkan xaktaqanʼay
ixkilaʼanau laqtsʼinin, tejkan xaktanun lakapachʼin ixkilaʼanau
laqtsʼinin.”
\p
\v 37 Ex yu lajʼoxin va katanaunaʼ: “Jalhachimoʼonuʼ,
¿tavanancha xaklalaqtsʼinau ixchʼavaniy y iklavavau?
¿Tavanancha ixʼoqpʼutʼun xkan y iklamaʼotuu?
\v 38 ¿Tavanancha xaklalaqtsʼinau ixʼukxuyatʼi tacha
jachiniʼ, y klaxtaqniu taʼan ixloʼojya? ¿Tavanancha maqaʼasasa
ixʼukxuyatʼi y iklaxtaqniu kilaqchʼitikʼan?
\v 39 ¿Tavanancha ixtʼaʼanʼay u ixmanukʼantʼa lakapachʼin
ex ixlhaʼanau laqtsʼinin?”
\v 40 Ex yu jalhachimoʼonu va kanaunaʼ: “Laqsaval iklajunau,
incha chuncha makʼatʼik mas kun qayntaun lakatʼuniy
yu kintʼalaqajun ex va tacha kilamakaniu ni kitʼin.”
\p
\v 41 ’Ex chuncha ni jalhachimoʼonuʼ va kalakjunaʼ yu
taʼalinta la ixlhimaqxu: “Kilajqosmajʼaucha ni uxiknankʼan
yu maqtaqalhinin untʼatʼik. Kʼapʼinchʼipitikcha laqnin
taʼan laʼoxikantacha para xaʼukxtin ni aqmoqxnun kun
ixmayulnin.
\v 42 Tejkan xakchavaniy, jantu aqtaun kilavavau. Tejkan
xakʼoqputun xkan, jantu aqtaun kilamaʼotuu.
\v 43 Tejkan xaktiʼukxuyal tacha jachiniʼ, jantu aqtaun
kilamaloqojniu. Tejkan maqaʼasasacha xakʼukxuyal, jantu
kilaxtaqniu milaqchʼitikʼan. Tejkan xaktaqanʼay y tejkan
xakmanukanta laka pachʼin, jantu aqtaun ixkilaʼanau laqtsʼinin.”
\p
\v 44 ’Ex chuncha yuʼuncha katanaunaʼ: “Jalhachimoʼonuʼ,
¿tavanancha ixchʼavaniycha, u ixʼoqpʼutʼun xkan, u ixʼukxuyatʼi
tacha jachiniʼ, u maqaʼasasa ixʼunita, u ixtʼaʼanʼay, u
ixtʼanun laka pachʼin, y jantu tuʼuchun klamakaniu?”
\v 45 Ex yu Jalhachimoʼonu va kalakjunaʼ: “Laqsaval
klajunau, tejkan jantu chuncha kʼamakʼatʼik, mas va kun
qayntaun lakatʼuniy yu kintʼalaqajun ex va tacha jantu
kilamakaniu ni kitʼin.”
\v 46 Ex vachu naul ni Jesús:
\p —Ex ni anchanu lapanakni kataʼanacha laqa pamaqanlqajnivan
yu jantu aqtaun miʼojoy mas va tavanancha. Pero yu lajʼoxin
lapanakni kataʼanacha laka jatsukunti yu jantu aqtaun
kamiʼoyaʼ mas va tavanancha.
\c 26
\s Ni lajʼay lapanakni tachʼiputun ni Jesús
\r (Mr. 14:1-2; Lc. 22:1-2; Jn. 11:45-53)
\p
\v 1 Ex taval tejkan laqputeʼeʼolcha ni Jesús ni anchanuʼ chivinti, ex va lakjunil ixtʼaltanan yu ixlakmalaniy:
\p
\v 2 —Uxiknan kʼatsʼayatʼikcha va tʼuxaun kaʼalinaʼ xakʼatan Paxku. Ex yu kitʼin Sasʼatʼa Lapanaki kakmaqxtaqkanacha para kakxtukmukʼakal laka kurus.
\p
\v 3 Taval yu xaʼukxtinin ni kura ali yu ixtamasuy ixlhachimoʼonkʼan ni israelitas, vachuʼ yu xalajʼaynin ni israelitas, ixtataqxtoʼa la xapuchʼanan ixchaqa ni Caifás, yu xaʼay xaʼukxtin kura.
\v 4 Va tamachʼantamil ixjatapastakʼatikʼan yu tacha lay katamakanuchʼapal ni Jesús y katamaqnil.
\p
\v 5 Pero ixtanajun:
\p —Ka jantu kamakayau tejkan yu mero kʼatan jun, va lay katalakchʼilil ni lapanakni.
\s Qayntaun xanati lhilakpaxapal sʼejenʼe ni Jesús
\r (Mr. 14:3-9; Jn. 12:1-8)
\p
\v 6 Ex chuncha ni Jesús ixvilchal ni Betania, la ixchaqaʼ ni Simón yu ixlakapuchʼiʼojota.
\v 7 Ex va laqchinchal qayntaun xanati, va lhiminta taun lakatʼuniy lameta yu jamakanti kun chiyux yu junkan alabastro. Va ixmaʼaqtsamata kun yu sʼejenʼe yu ayaj laqlhuu xtapal. Va laqxtaqemukʼanil la ixʼaqtsul ni Jesús tejkan ixvil laka mesa.
\v 8 Ex chuncha yu ixtʼaltanan yu ixlakmalaniy tejkan chuncha talaqtsʼil ayaj tatalqamal va aqtayl talajuniy:
\p —¿Valiʼiycha xalaqamanancha ni anchanuʼ?
\v 9 Ka la ox ixval va istʼakal, va laqlhuu ixtapal y lay ixlhiʼaqtayjukal yu kilpatanin.
\p
\v 10 Ex ni Jesús qasmaklhi y laklhisakmil:
\p —¿Valiʼiycha maʼanchʼapʼuyatʼikcha ni anchanu xanati? Ayaj ox yu ixkimakaniy.
\v 11 Yu kilpatanin va tacha kaʼalinacha kun uxiknankʼan, pero yu kitʼin jantucha maqan kaklatʼaʼalinau.
\v 12 Tacha ixkimakaniy ni xanati, ixkilhilakaxapay la kilakatunaj yu sʼejenʼe ni yucha listujcha xamakay para kilhitaknun.
\v 13 Laqsaval klajunau, mas toʼoxtaycha xalakatʼun ni lakamunukpaʼ taʼan kaputeʼekanaʼ yu ox chivinti, vachuʼ kalhichivinkanaʼ yu tacha makal ni aniy xanati, para kalhipupastakkal.
\s Ni Judas va jalaqʼan xaʼukxtinin ni kuras
\r (Mr. 14:10-11; Lc. 22:3-6)
\p
\v 14 Xaqayntaun yu pumakautʼuy ixtʼaltanan ni Jesús va ixjunkan Judas Iscariote. Yucha va jalaqʼal xaʼukxtinin ni kuras.
\v 15 Va laklhisakmil y lakjunil:
\p —¿Tas chuncha kilaxtaqniyau para ni kitʼin klamaqxtaqniu ni Jesús?
\p Ex ni yuʼuncha tamapalal va pʼuxaunkau xatumin plata.
\v 16 Tus exnicha aqtaynil puxkaulaqtsʼin tas kalal kapumaqxtaqlhi ni Jesús.
\s Laktʼavayl ni Jesús yu pumakautʼuy ixtʼaltanan yu xavayti ni Paxku
\r (Mr. 14:12-25; Lc. 22:7-23; Jn. 13:21-30; 1 Cor. 11:23-26)
\p
\v 17 Tejkan ixjun yu xapʼunaj julchan xakʼatan tejkan ixtaʼuy pan yu jantu kalhitayal levadura, ex yu pumakautʼuy ixtʼaltanan ni Jesús va tatalakanunil, va talhisakmil:
\p —¿Tas oxtaycha lhinaʼun para kaklalaʼoxiniu yu xavayti Paxku?
\p
\v 18 Ex yucha lakjunil:
\p —Kʼapʼinchʼipitikcha laka ay putaulan, kʼatʼemayapitik qayntaun lapanaki, y kaʼunapitik: “Va najun ni kiJamalaninikʼan, yu kihora va ukstsʼuniycha. Va klapasayaʼ ni xakʼatan Paxku la minchaqaʼ kun kintʼaltanan.”
\p
\v 19 Ex yu ixtʼaltanan ni Jesús va chuncha tamakal tacha laklhijunkal. Talaʼoxilcha xatoqoxajvayti ni xakʼatan Paxku.
\p
\v 20 Ex chuncha tejkan putsʼislhicha, ni Jesús ixlaktʼavil laka mesa yu pumakautʼuy ixtʼaltanan.
\v 21 Tejkan ixtatʼajuncha vaynin, ex va lakjunil:
\p —Laqsaval klajunau, xaqayntaun ni uxiknankʼan kimaqxtaqyaʼ la ixtamakakʼan yu kintaxkajiy.
\p
\v 22 Ex yuʼuncha va ayaj tamaqaninil. Taʼaqtaylcha talhisakmiy por qayntaminin ni Jesús, va tanaul:
\p —Jalhachimoʼonu, ¿ex va kitʼin?
\p
\v 23 Ex ni Jesús va naul:
\p —Yu kintʼatamajqoyaʼ laka plato kaʼavayaʼ ixpan, va yucha ni kimaqxtaqyaʼ.
\v 24 Ni kitʼin yu Sasʼatʼa Lapanaki kakniyacha tacha lhitsʼoqkanta la ixchivinti Dios. Pero payniycha yu kimaqxtaqyaʼ. ¡Apalay ox jantu istsukul!
\p
\v 25 Va chuncha yu Judas yu astan kamaqxtaqyaʼ ni Jesús, va lhisakmil:
\p —Jamalaniniʼ, ¿ex va kitʼin?
\p Ex ni Jesús junil:
\p —Chun, va tacha naʼuncha ni uxintʼi.
\p
\v 26 Ex va chuncha tejkan ixtatʼajuncha vaynin, ni Jesús chʼapal ni pan va aqtayl xtaqniy lhimalaqpuchuncha ni Dios, ex cheʼel y jalaqxtaqnil ni ixtʼaltanan. Va lakjunil:
\p —Kʼaʼutʼikcha yu aniy, yucha kilakatunaj.
\p
\v 27 Ex vachu chʼapal ni vaso, va xtaqnil lhimalaqpuchuncha ni Dios, ex jalakmapasanil ni yuʼuncha y lakjunil:
\p —Kaʼoqtʼik mintachunkʼan ni uxiknan.
\v 28 Ni aniy va kijakʼalna yu masuy ni Dios va taun sastʼi chivinti jatʼatamakajun ixlapanakni, kalakataxtuyaʼ para kamalaqmixinikal ixtalaqalhinkʼan lhuvaj lapanakni.
\v 29 Vachu klajunau, jantucha aaqtaun kajkʼotaʼ ni aniy xaxkan ni uva, tus tejkan kaklatʼaʼoqchoqoyau yu sastʼi xaxkan uva taʼan lhachimoʼonun kimPay.
\s Ni Jesús najun ni Pedro va kanaunaʼ ni jantu mispay ni yucha
\r (Mr. 14:26-31; Lc. 22:31-34; Jn. 13:36-38)
\p
\v 30 Tejkan tamilpaʼol titaun milpati, va taʼalcha laka aspajun yu junkan Olivos.
\v 31 Ex ni Jesús lakjunil:
\p —Chavay apanchʼix tsʼis, tachun ni uxiknankʼan kilamakaunʼoyau kilaqʼaman. Chuncha tsʼoqkanta la ixchivinti Dios yu najun inchine: “Kaksayaʼ yu xalhistaknaʼ, ex yu ixborregos tus tʼikl kataputaukʼaʼoyaʼ.”
\v 32 Pero tejkan kajkujchoqoyaʼ, ex kitʼin pʼunaj kakchaanaʼ ni Galilea y uxiknan astan kachʼipʼinapitik.
\p
\v 33 Ex yu Pedro va junil:
\p —Mas tus tachun katamakaunʼoyan, pero yu kitʼin jantu aqtaun kakmakaunan.
\p
\v 34 Ex yu Jesús junil:
\p —Laqsaval ijkunan, chavay apanchʼix tsʼis tejkan va laycha katʼasal ni puyux, uxintʼi aqtʼutu kʼanauneʼe ni jantu kʼimispʼay.
\p
\v 35 Ex yu Pedro aaqtaun naunchoqol:
\p —Mas maqskʼiniy kaknil kun uxintʼi jantu kakmakaunan.
\p Ex tachun ni ixtʼaltanan vachu chun tanaunʼol tacha naul ni Pedro.
\s Ni Jesús kitapaynil laka Getsemaní
\r (Mr. 14:32-42; Lc. 22:39-46)
\p
\v 36 Taval ni Jesús kun ixtʼaltanan va tatʼaʼal alakataun yu junkan Getsemaní. Ex va lakjunil:
\p —Kʼatʼaulatʼikcha aniy. Yu kitʼin ikteʼen tapaynin avintʼi.
\p
\v 37 Va laklhaʼal yu Pedro kun yu pumatʼuy istsʼalan ni Zebedeo. Ex chuncha va aqtaynilcha jamaqaninin,
\v 38 va lakjunil:
\p —Ayaj ikmaqaninin la kijalhanuti, va tacha kaknil kʼatsan. Aniycha katʼaulatʼik, kilapakxaucha, kʼalakpʼukʼujtʼik.
\p
\v 39 Ex chuncha ni Jesús va stal tiʼal lakatsʼuniy, talakaputʼatamal lakatʼun, aqtayl tapaynin, va naul:
\p —KimPay kʼatʼi, incha kalal, va knajun jantu kʼimakʼau kaklhitapasal yu aniy lhitaʼay maqanlqajnati. Pero jantu kaval tacha yu kitʼin knajun, va kʼamakʼatʼi tacha yu uxintʼi naʼun.
\p
\v 40 Taval va jalaqminchoqol yu ixtʼaltanan taʼan ixtavilanal, va jalaklhitajul ixtaltatanancha. Ex ni Jesús va junil ni Pedro:
\p —¿Ex tus jantucha lay ixʼalkʼujyatʼik mas va taun hora kun kitʼin?
\v 41 Kaʼalkʼujtʼikcha, kaskʼintʼik Dios para jantu kʼamakʼanukʼantʼik y kamakʼatʼik yu jantu lajʼox. La melhanutkʼan ox lakʼanaunatʼik pero jantu laqapʼasnin kaʼuntʼik.
\p
\v 42 Ex chuncha va xaʼaqtʼiyunucha anchoqol skʼiniʼ ni Dios va naul:
\p —KimPay kʼatʼi, incha jantucha tuʼuchun lay makʼay para kitʼin jantu kaklhitapasal ni maqanlqajnati, ex kamakʼatʼi yu uxintʼi makʼapʼutʼun.
\p
\v 43 Ex chuncha va aaqtaun jalaqminchoqol va laklhitajul vananaj ixtʼaltatanan. Yu ixlaqchulkʼan ixtalakchajuy, va ayaj ixtaltataputunta.
\v 44 Lakmakaumal y anchoqol tapayniniʼ Dios por aqtʼutunuʼucha y vachu va chun naunchoqol ni anchanuʼ chivinti yu ixnajuntacha.
\v 45 Ex va minchoqol taʼan ixtavilanal ixtʼaltanan, va lakjunil:
\p —¿Vananaj stʼaknantʼatʼik y ltʼatʼatʼatʼik? Chilcha ni hora tejkan ni kitʼin yu Sasʼatʼa Lapanaki kakmaqxtaqkanacha la ixtamakakʼan yu talaktuʼunun lapanakni.
\v 46 Kaʼostʼaulatʼikcha, kaʼaucha, yu kimaqxtaʼaʼ va ukstsʼuniycha minta.
\s Chʼikal ni Jesús
\r (Mr. 14:43-50; Lc. 22:47-53; Jn. 18:2-11)
\p
\v 47 Ex tejkan vananaj ixtʼajun chivin ni Jesús, chinchal ni Judas yu xaqayntaun yu pumakautʼuy ixtʼaltanan. Chinchal kun pumalhuvaj lapanakni tus ox talakayanal kun espada y vachuʼ kun kʼiu, va ixtamalaqachan yu xaʼukxtinin kuras y vachuʼ kun yu lajʼay xalapanakni ni israelitas.
\v 48 Ni Judas, yu akchʼintamanan va ixlakjunitacha tacha katapumispal, va naul:
\p —Tejkan kakmastakʼayaʼ, kakiltastukyaʼ. Yucha kachʼiyapitik.
\p
\v 49 Ex chuncha va talakanunil ni Jesús, va junil:
\p —¡Maqltoʼoxay, Jamalaniniʼ!
\p Ex chuncha kiltastuklhicha.
\p
\v 50 Ex ni Jesús junil:
\p —Amigo, va yu tʼantʼacha makanaʼ, kamakʼatʼicha.
\p Ex yu alati va tatalakanunilcha, tachʼapal y tachʼilcha.
\v 51 Ex yu xaqayntaun ixtʼaltanaʼ ni Jesús va maxtul ixʼespada, va aqatuchaqxpʼuxlhi xaqayntaun ixʼoqxtamati yu xaʼukxtin kura.
\v 52 Ex chuncha ni Jesús junil:
\p —Kʼamanuchʼoʼocha miʼespada taʼan ixtanun. Yu talachʼapay kun espada, kun espada kataniyaʼ.
\v 53 ¿Jantu kʼatsʼay incha va kakskʼinil ni kimPay, ni yucha lay kimalaqachanil oqxlaqkautʼuy ixmayulnin?
\v 54 Pero incha va chuncha kaval, ¿ex tas pulaycha kataqayntsal ixchivinti Dios yu tsʼoqkanta? Va najun maqskʼiniy katapasal chuncha tacha tʼajun tapasanaʼ.
\p
\v 55 Ex chuncha ni Jesús jalaklhisakmil ni lapanakni, va lakjunil:
\p —¿Valiʼiycha tʼantʼatʼik kun espadas ali kʼiu para kilachʼiu va tacha qayntaun alhavanaʼ kakval? Lhilhiy xakmalaninin yu ay lakatajtan y jantu aqtaun kilachʼiu.
\v 56 Pero tachun yu aniy tapasay va para kataqayntsal yu maqancha tatsʼoqlhi yu ixtalaqputeʼey ixchivinti Dios.
\p Ex taval va tus taqosʼol ni ixtʼaltanan, va ixʼamancha tamakaul ni Jesús.
\s Talhachaʼal ni Jesús taʼan tataqxtoʼa yu xalajʼaynin
\r (Mr. 14:53-65; Lc. 22:54-55, 63-71; Jn. 18:12-14, 19-24)
\p
\v 57 Ex yu tachʼapal ni Jesús va talhaʼal la ixchaqaʼ ni Caifás, yu ay xaʼukxtin ni kura. Ancha ixtaʼaqxtoqnun yu ixtamasuy ixlhachimoʼonkʼan ni israelitas vachu kun yu xalajʼaynin lapanakni.
\v 58 Ni Pedro paqmaqati ixtixkaulhaʼanta, tus tachaʼal la ixpulakna xapuchʼanan ixchaqaʼ yu ay xaʼukxtin ni kura. Tejkan tanuchal laktʼataulal xalhistaknan lakatajtan, para kalaqtsʼil tisuncha yu kalhitapasayaʼ.
\v 59 Ex yu xaʼukxtinin kuras ali tachun yu ixtaʼalinta laqaʼay junta va tapuxkaulaqtsʼil taun jalaklkanti yu kataputislajmal ni Jesús para katamaqnil.
\v 60 Mas va lhuvajcha jalaklkanan ixtaʼalinta pero jantu kalal katatislajmal kun jalaklkanti. Ex taval astan tachinchal apumatʼuy.
\v 61 Va tanaul:
\p —Najun ni aniy joʼati: “Kitʼin lay kakmaqtal ni aniy ay lakatajtan, ex laʼatʼutu julchan lay kakmaqayauchoqol.”
\p
\v 62 Ex yu ay xaʼukxtin ni kura ostayal, lhisakmil ni Jesús va junil:
\p —¿Ex jantu tuʼuchun kanauneʼe? ¿Tisuncha ni anchanuʼ yu tatʼaunan lhitislajmanan?
\p
\v 63 Pero yu Jesús jantu tuʼuchun kanaul, vamun saq tayal. Ex yu ay xaʼukxtin ni kura va junil:
\p —Va ijkunan la ixtaqaʼuti ni Dios yu kujta, kʼanau yu laqsaval. Kilajuniu incha laqsaval ni Cristo kʼatʼi, yu Sasʼatʼa Dios.
\p
\v 64 Ex ni Jesús naul:
\p —Chun, yucha ni kitʼin, tacha ni uxintʼi nau. Ni uxiknankʼan kilalaqtsʼinau ni kitʼin yu Sasʼatʼa Lapanaki, kaktaultachal la ixlhijakanaj ni Dios yu lhitʼajun tachun tapʼasta. Kilalaqtsʼinau ni kakminchoqotachal laktʼiyan laka taputsʼi.
\p
\v 65 Ex va chuncha yu ay xaʼukxtin ni kura exlhi ixlaqchʼiti, va naul:
\p —¡Ni aniy lapanaki tʼajuncha akchʼintaman ni Dios kun ixchivinti! Jantucha apalay maqskʼiniyau alati lapanakni para katatislajmal. Ni uxiknan asmaktʼikcha va puʼakchʼintamay ni Dios kun ixchivinti.
\v 66 ¿Tas lhilayatʼik?
\p Ex ni yuʼuncha tanaul:
\p —Yucha lhitʼajun laqtaqal. Maqskʼiniy kanil.
\p
\v 67 Ex chuncha talakapuchujval y talaqanaqmal. Yu alati va talakapusal.
\v 68 Ex tajunil:
\p —¡Uxintʼi naʼun ni Cristo kʼatʼi! Chavay kʼamispʼatʼi taʼayucha ixlakapusayancha.
\s Ni Pedro najun ni jantu ixmispay ni Jesús
\r (Mr. 14:66-72; Lc. 22:56-62; Jn. 18:15-18, 25-27)
\p
\v 69 Chavay yu Pedro ixvil maqspaʼ laka puchʼanan, ex qayntaun maqtsukuʼ va talakanunil, va junil:
\p —Uxintʼi vachuʼ ixtʼaʼukxuyatʼi ni Jesús yu machaqaʼ Galilea.
\p
\v 70 Pero ancha la ixtalhavaxtu ni lapanakni ni Pedro va naul:
\p —Jantu laqsaval kaval. Jantu ijkʼatsay tisuncha tʼaʼuncha lhichivin.
\p
\v 71 Ex tejkan alcha laka kiltalakxtuti, ex laqtsʼil aqayntaun maqtsukuʼ va lakjunil yu alati yu ancha ixtayanal:
\p —Ni anuʼ joʼati vachuʼ ixtʼatiʼukxuyal ni Jesús yu machaqaʼ Nazaret.
\p
\v 72 Pedro aaqtalaqtaun va lakmasavalanil ni jantu mispay, va naul:
\p —Laqsaval klajunau jantu kmispay ni anchanuʼ joʼati.
\p
\v 73 Ex va panchʼixkaʼ val, yu ancha ixtayanal va tatalakanunil ni Pedro, va tajunil:
\p —Laqsaval ni uxintʼi vachu kʼatʼi xaqayntaun ni yuʼuncha, por chuncha tʼasuy y chuncha kʼiltʼaʼun chʼiviniy.
\p
\v 74 Ex ni yucha vas jalakmasavalanil y laqxtoqnuʼ naul:
\p —Jantu kmispay ni anchanuʼ joʼati.
\p Ex chuncha va tʼasalcha ni puyux.
\v 75 Taval ni Pedro va pastaklhi yu ixjunita ni Jesús: “Tejkan va laycha katʼasal ni puyux uxintʼi aqtʼutu kʼanauneʼe ni jantu kʼimispʼay.” Ex ni Pedro tus pʼas qalhujtaxtulcha maqspaʼ va ayaj maqaninil.
\c 27
\s Ni Jesús lhaʼankal la ixpulakchivin ni Pilato
\r (Mr. 15:1; Lc. 23:1-2; Jn. 18:28-32)
\p
\v 1 Ex va chuncha tejkan tunkulcha, tachun yu xaʼukxtinin ni kuras kun yu xalajʼaynin lapanaki va tamachʼantamilcha ni ixchivintikʼan para katamaqnil ni Jesús.
\v 2 Ex chuncha tachʼilhaʼalcha, va tamaqxtaqnilcha ni Pilato yu xagobernador romano.
\s Nil ni Judas
\r (Hch. 1:18,19)
\p
\v 3 Ex va chuncha ni Judas tejkan kʼatsal ni kamaqnikanaʼ ni Jesús yu ixmaqxtaqta va mapaxal ixjatapastakʼati. Laqmaqxtaqnichoqol yu treinta xatumin plata ni xaʼukxtinin kuras kun yu xalajʼaynin lapanakni.
\v 4 Va lakjunil:
\p —Ni kitʼin ikmaqtaqalhinil tejkan ikmaqxtaqlhi para kamaqnikal qayntaun lapanaki yu jantu kalhitsukul laqtaqal.
\p Ex ni yuʼuncha va tanaul:
\p —Yucha jantu kintapaxtoqniyan ni kijnankʼan. ¡Yucha ka minkuentajcha ni uxintʼi!
\p
\v 5 Ex ni Judas laqtanqalhul ni tumin laka ay lakatajtan, taxtul va ankal ixpixtuchʼikiltaka ixlaqʼaman.
\p
\v 6 Yu xaʼukxtinin kuras tasakchoqol ni tumin, va tanaul:
\p —Ni aniy tumin va tsamantacha jakʼalnan, va yucha yu lhimapalkal ixmaqnika qayntaun lapanaki. Jantu lay mujuyau taʼan mujukan xatumin lakatajtan.
\p
\v 7 Ex va tamachʼantamil ixjatapastakʼatkʼan para kataʼil aqxtaun tʼun yu ixnavin qayntaun xamakanaʼ aqchoqoxna, chuncha para ancha katamaknul lapanakni yu alakataun machaqan.
\v 8 Xlhiyucha ni anchanu lakatʼun vananaj tajuniy va Xatʼun Jakʼalnan.
\v 9 Va chuncha val tacha maqancha tsʼoqlhi ni Jeremías yu ixlaqputeʼey ixchivinti Dios, yu najun inchine: “Tachʼapal ni treinta xatumin plata, yu xatapal yu ixtamukʼanita ni israelitas,
\v 10 kun yucha taʼinil ixtʼun qayntaun xamakanaʼ aqchoqoxna, chuncha tacha kilhijunil ni Jalhachimoʼonuʼ Dios.”
\s Ni Jesús lhaʼanikal Pilato
\r (Mr. 15:2-5; Lc. 23:3-5; Jn. 18:33-38)
\p
\v 11 Ex chuncha va lhaʼankal ni Jesús kun ni gobernador. Yucha va lhisakmil:
\p —¿Uxintʼi va yu ay xajalhachimoʼonuʼ kʼatʼi ni israelitas?
\p Ex va naul ni Jesús:
\p —Va tacha ni uxintʼicha nau.
\p
\v 12 Pero tejkan ixtatʼajuncha tislajmanan ni Jesús yu xaʼukxtinin ni kuras kun yu xalajʼaynin ni lapanakni, ex ni yucha va valiʼiy saq ixjunita.
\p
\v 13 Xlhiyucha ni Pilato va lhisakmil:
\p —¿Jantu kʼaʼasmaktʼi tachun yu tatʼaunan lhitislajmanan?
\p
\v 14 Pero ni Jesús mas va laqataun chivinti jantu kaqaltayl. Ex tus taun lhilal ni gobernador.
\s Lhinaunkancha ixmaqnika ni Jesús
\r (Mr. 15:6-20; Lc. 23:13-25; Jn. 18:38–19:16)
\p
\v 15 Tejkan xakʼatan Paxku ixjun, ex yu gobernador va si ixxʼotʼa qayntaun tachʼin yu ixtalaksakʼa ni lapanakni.
\v 16 Exnicha ixʼalin qayntaun tachʼin yu ayaj ixmispakan, va ixjunkan Barrabás.
\v 17 Ex chuncha tejkan ixtaʼaqxtoqnun ni lapanakni, ni Pilato va laklhisakmil, va naul:
\p —¿Taʼayucha naunatʼik oxamaktaun kakmakaul? ¿U va Barrabás u va Jesús yu junkan Cristo?
\p
\v 18 Ni Pilato ixkʼatsay va ixtamaqxtaqta ni Jesús por ixʼakchaʼatikʼan.
\p
\v 19 Tejkan vananaj ixvil la ixpulakchivin, ex yu ixanati va malaqachanil chivinti, va junil: “Jantu tuʼuchun kʼamakʼanin ni anchanu lapanaki yu jantu kalhitsukul laqtaqal. Kutancha tsʼis va taxtuj klhiʼaqlaqavanal ni anchanu lapanaki.”
\p
\v 20 Pero yu xaʼukxtinin kuras kun yu xalajʼaynin ni lapanakni va taxaqalal ixtalhavaxtu lapanakni para kataskʼinil kaxʼoqkal ni Barrabás y para kamaqnikal ni Jesús.
\v 21 Ex chuncha yu gobernador va aaqtaun jalaklhisakmil ni lapanakni, va lakjunil:
\p —¿Taʼayucha naunatʼik kakmakaul oxamaktaun ni aniy pumatʼuy lapanakni?
\p Va tanaul:
\p —¡Va Barrabás!
\p
\v 22 Ex yu gobernador va laklhisakmichoqol, va naul:
\p —¿Ex tisuncha kakmakayacha kun ni Jesús, yu junkan Cristo?
\p Ex va taqaltayanal, va tamatʼasal:
\p —¡Kamakxtukmukʼakal laka kurus!
\p
\v 23 Pero yu Pilato va lakjunchoqol, va naul:
\p —¿Tisuncha laqtaqal makata?
\p Pero ni yuʼuncha aaqtalaqtaun tamatʼasachoqol, va tanaul:
\p —¡Kʼamakxtʼukmukʼacha laka kurus!
\p
\v 24 Ex laqtsʼil ni Pilato ni jantucha lay tuʼuchun makay. Yu lapanakni va apalaycha ixtalakchiviniy y ixtatʼasay kun lhilukuj. Chuncha ni Pilato va malaqachanil ixʼika xkan, va makchaʼal la ixlakaʼukxpukʼan ni lapanakni y lakjunil:
\p —Ni kitʼin jantu kilaqtaqal kunaʼ ixmaqnika ni aniy ox lapanaki. Tapaxtoqniyan ni uxiknan.
\p
\v 25 Chuncha tus tachun ni lapanakni va tanaul:
\p —Chun, ni kijnan y vachuʼ kesʼatʼankʼan va kilaqtaqalchkʼan kunaʼ ni ixlhinin.
\p
\v 26 Ex chuncha ni Pilato va oxamaktaun makaulcha ni Barrabás. Ex lhinaul ixmaqanaqka ni Jesús y maqxtaqlhi para kamakxtukmukʼakal.
\s Ni tropas talaktuʼuy ni Jesús
\r (Mr. 15:16-20; Jn. 19:2,3)
\p
\v 27 Ex chuncha yu ixtropas ni gobernador va talhaʼal ni Jesús la ixchaqa ni gobernador. Ancha laqmaqxtoqkal yu alati tropas tus xvilhin tamalaqachoqoxnul.
\v 28 Tamajʼanil ixlaqchʼiti y tamulanil aqxtaun laqchʼiti yu xlapul.
\v 29 Tamalakpatanul taun korona yu ixlhimakakanta jaltukun, y tamachʼapal laqataun palik la ixlhimajkanaj. Ex taʼaqtsoqoqtanil la ixlakaʼukxpu, talaktuʼul, va tajunil:
\p —¡Katsukuʼalil yu ay xalhachimoʼonuʼ ni israelitas!
\p
\v 30 Va talakapuchujval, ex kun ni anchanu palik yu ixlhaʼanta, va talhilaqapanaqchoqol.
\v 31 Tejkan talaktuʼuʼolcha ex tamaxtunichoqol ni xlapul laqchʼiti, tamulanichoqol yu ixlaqchʼiti y talhaʼalcha para kataxtukmukʼal laka kurus.
\s Taxtukmukʼal ni Jesús laka kurus
\r (Mr. 15:21-32; Lc. 23:26-43; Jn. 19:17-27)
\p
\v 32 Tejkan ancha tataxtul, tapaxtoqlhi qayntaun joʼati yu junkan Simón yu machaqaʼ Cirene. Talhijunil laqatapʼasta kalhaʼal ixkurus ni Jesús.
\p
\v 33 Tachaʼal lakataun aspajun yu ixjunkan Gólgota (va naunputun xajalukuti aqtsul).
\v 34 Ancha tamaʼotul ni Jesús xaxkan uvas yu skajtacha yu lhiyaukanta taun kʼuchʼu para jantu ayaj kaʼukskʼatsal. Pero tejkan kilkʼatsal ni Jesús ex jantu kaʼoqlhi.
\p
\v 35 Tejkan tamakxtukmukʼaʼol laka kurus, ex aqtayl tamakay suerte para taʼayucha katamakaunil ixlaqchʼiti. Ex va chuncha taqayntsal tacha maqancha istsʼoqta yu ixlaqputeʼey ixchivinti Dios, najun: “Talaqlvaqlhi kilaqchʼiti y tamakanil suerte yu xakʼulata.”
\v 36 Ex chuncha ancha tataulalcha para katalhistaklhi.
\v 37 Va tatsʼoqmukʼanil taun chivinti la ixʼaqtsul ni ixkurus, va najun: “Aniy va Jesús, ixJalhachimoʼonukʼan ni israelitas”. Va yucha talhimaqnil.
\v 38 Ancha vachuʼ laktʼaxtukmukʼakal kun Jesús pumatʼuy alhavanan. Qayntaun la ixlhijakanaj y yu aqayntaun la ixlhimaqxu.
\p
\v 39 Yu ancha ixtatapasay va laqxtoqnuʼ chivinti ixtajuniy, ixtamalaklay ixʼaqtsulkʼan,
\v 40 va ixtajuniy:
\p —¡Uxintʼi yu ixmaqtʼatʼi ni ay kilakatajtankʼan ex paqtʼutu julchan ixmaʼayauchʼoʼoʼ! Incha laqsaval va Sasʼatʼa Dios unitʼa, chavay kʼalaqtʼaxtʼu meʼeman y kapʼatʼaʼutʼi laka kurus.
\p
\v 41 Yu xaʼukxtinin ni kuras ali yu xalajʼaynin ni lapanakni ali yu ixtamasuy ixlhachimoʼonkʼan ni israelitas, vachu va chun talaktuʼul ni Jesús, va tanaul:
\p
\v 42 —Ixjamalaqtaxtuy yu alati pero jantu lay laqtaxtuy ixlaqʼaman. Incha yucha va yu ay xajalhachimoʼonuʼ israelitas, ex kapatajul la ixkurus y kaklhakapuʼaniyau ni yucha.
\v 43 Yucha lhakapuʼan ni Dios. Chavay va Dios kamalaqtaxtul incha laqsaval achaniy. Yucha kintajuntan va Sasʼatʼa Dios junita.
\p
\v 44 Yu pumatʼuy alhavanan yu ancha ixlaktʼaxtukmukʼakanta vachu chun laqxtoqnuʼ chivinti tajunil ni Jesús.
\s Nil ni Jesús
\r (Mr. 15:33-41; Lc. 23:44-49; Jn. 19:28-30)
\p
\v 45 Ex atunkuj va aqtaynil putsʼisa, y taylhaʼal tus laʼatʼutu putoqoxata ixputsʼista.
\v 46 Ex chuncha anchanu hora va pʼaysni tʼasal ni Jesús, va naul:
\p —Eli, Eli ¿lema sabactani? (va naunputun: “KiDios kʼatʼi, kiDios kʼatʼi, ¿valiʼiycha ni kʼilakʼamakʼauntʼacha?”)
\p
\v 47 Yu ancha ixtayanal taqasmaklhi, va tanaul:
\p —Va tʼajun tʼasaʼiniʼ ni Elías yu maqancha ixlaqputeʼey ixchivinti Dios.
\v 48 Ex yu qayntaun va takyauʼal iniʼ laqataun sponja. Va matajul laka xaxkan uva yu skajtacha, ex akatachʼimukʼal laka maqataun kʼiu ex va malakanunil para kaʼoqlhi ni Jesús.
\p
\v 49 Pero lati tanaul:
\p —Kʼamakʼaucha. Kalaqtsʼinaucha incha kaminaʼ malaqtaxtunuʼ ni Elías.
\p
\v 50 Taval aaqtaun tʼasachoqol ni Jesús, ex va nilcha.
\p
\v 51 Ex chuncha va taʼexpakltʼiyul yu xaʼay kortina ni ay lakatajtan, va taʼexminchal xʼakpuʼ tus xtuntaun. Vachu xkapʼiknil ni lakatʼun y tatampacheʼeʼol yu ay chiyux.
\v 52 Vachu lati yu putaknun va talaqltiʼaʼol y pumalhuvaj ixlapanakni Dios va takujchoqol la ixlhininkʼan.
\v 53 Astan tejkan takujchoqol ni Jesús la ixlhinin, ex ni yuʼuncha tataxtul la ixputaknunkʼan y tatanul laka ay putaulan Jerusalén yu ixnavin Dios y pumalhuu talaqtsʼil.
\p
\v 54 Yu kapitan kun yu ixtropas yu ixtalhistakta ni Jesús va talaqtsʼil y taʼukskʼatsal ni xkapʼikniti y talaqtsʼil tachun yu ixtʼajun tapasanaʼ. Ex tus ayaj tatalhanal, va tanaul:
\p —¡Laqsaval ni aniy joʼati va Sasʼatʼa Dios ixjunita!
\p
\v 55 Ancha vachu ixtayanal lhuvaj xanatin, va paqmaqati ixtatʼajun laqtsʼinin ni Jesús. Yuʼuncha ixtatixkaulhimintachal tus Galilea y va ixtaʼaqtayjulhiminta.
\v 56 Lati ni yuʼuncha va yu María Magdalena ali María yu ixnatikʼan ni Santiago kun José, ali ixnatikʼan yu istsʼalan Zebedeo.
\s Maknukal ni Jesús
\r (Mr. 15:42-47; Lc. 23:50-56; Jn. 19:38-42)
\p
\v 57 Va chuncha ixtʼajuncha putsʼisniʼ tejkan chaʼal qayntaun maqaliʼ yu ixjunkan José yu xamachaqaʼ Arimatea ixjunita. Yucha vachuʼ ixtʼaltanaʼ ni Jesús ixjunita.
\v 58 Ni José va laqʼal ni Pilato y va skʼinil ixlakatunaj ni Jesús. Chuncha yu Pilato lhinaul kaxtaqnikal.
\v 59 Ex ni José va pʼuxlhi ixlakatunaj ni Jesús y pamilil kun aqxtaun kʼus laqchʼiti.
\v 60 Kiimaʼanil ixlakatunaj taʼan sastʼi ixpukutunuta taun talpa yu yucha ixnavin. Malakchaunilcha xakiltalakxtuti kun aqxtaun ay chiyux. Taval anchoqolcha.
\v 61 Pero yu María Magdalena kun yu aqayntaun María va ancha ukstsʼuniy ixtavilanal taʼan maʼakal ixlakatunaj ni Jesús.
\s Yu ixtalhistakta taʼan ixmaʼakanta ixlakatunaj ni Jesús
\p
\v 62 Ex va chuncha ataun julchan val, va xajulchan jastaknati. Ex yu xaʼukxtinin ni kuras ali yu fariseos va talaqʼal ni Pilato.
\v 63 Va tajunil:
\p —Jalhachimoʼonuʼ, kijnan ikpastakchoqoyau tejkan vananaj ixtʼajun ni anchanuʼ makanunuʼ lapanaki, va ixnajun yu laʼatʼutunuʼ julchan kakujchoqoyaʼ la ixlhinin.
\v 64 Xlhiyucha, klaskʼiniyau kamalaʼachʼan ixlhistakka taʼan maʼakanta ixlakatunaj tus laʼatʼutunuʼ julchan. Incha jantu, ex lay kataʼal alhaumaxtunun ixlakatunaj yu ixtʼaltanan. Ex astan katajunil ni lapanakni ni va kujchoqotacha la ixlhinin. Incha va chuncha kaval, ex va apalaycha ay kaval ni anchanuʼ jalaklkanti xajantu yu pʼunaj.
\p
\v 65 Ex lakjunil ni Pilato:
\p —Kʼalhipʼintʼikcha ni tropas yu katalhistakʼaʼ. Kʼapʼinchʼipitikcha y kʼalhistʼaktʼik taʼan maʼakanta ixlakatunaj tacha lhilayatʼik yu ox lhistaknati.
\p
\v 66 Ex taʼalcha, ox tamakal kuenta taʼan ixmaʼakanta ixlakatunaj, va tamukʼanil taun sello ni chiyux yu ixpumalakchaukanta. Ancha tamakaulalcha ni tropas para katalhistaknal.
\c 28
\s Takukchoqol ni Jesús la ixlhinin
\r (Mr. 16:1-8; Lc. 24:1-12; Jn. 20:1-10)
\p
\v 1 Ixtapasatacha yu xajulchan jastaknati. Va tunkumintacha yu xapʼunaj julchan laka semanaj. Ni María Magdalena kun yu aqayntaun María taʼal laqtsʼinin taʼan ixmaʼakanta ixlakatunaj ni Jesús.
\v 2 Exnicha alil taun pʼaysni xkapʼikniti, va taʼeltajul laktʼiyan qayntaun ixmayul Dios. Taʼukstsʼuninil taʼan ixmaʼakanta ixlakatunaj ni Jesús. Va xtay moqosunil ni chiyux yu ixpumalakchaukanta y va ancha putaulal.
\v 3 Yu ixmayul Dios tus olaqlnaʼ ixtasuy tacha makaliukniti y ixlaqchʼiti tus pʼays yaqaq ixtasuy tacha miki.
\v 4 Tejkan chuncha talaqtsʼil yu ixtatʼajun lhistaknan, tus taxkapʼiknil ixtalhantikʼan, tataqtal y tatamakaul tacha katanilcha ixtajunita.
\v 5 Ex chuncha yu ixmayul Dios va lakjunil ni xanatin:
\p —¡Jantu kʼatʼalhanantʼik! Kitʼin kʼatsay va tʼaunatʼik lakxkaunan ni Jesús yu xtukmukʼakal laka kurus.
\v 6 ¡Jantucha aniy katamal! Va kujchoqol la ixlhinin, chuncha tacha naul ni yucha. ¡Kʼatʼantʼik laqtsʼinin taʼan ixmamakanta!
\v 7 Tsʼalaj kapʼinchʼipitik y kalakʼunchʼipitikcha ixtʼaltanan ni va kujchoqotacha la ixlhinin y yucha kapʼulʼanaʼ Galilea. Ancha kʼalaqtsʼinapitik. Va yucha yu klalhilaqmintau juninin.
\p
\v 8 Ex chuncha ni xanatin va tsʼalaj tataspʼikchoqol taʼan ixmaʼakanta ixlakatunaj pero kun talhanti y vachuʼ kun achati. Tatakyauʼal makʼatsaninin ixtʼaltanan ni Jesús.
\v 9 Ex chuncha va niman laktasunil ni Jesús y lakmastakʼal. Yuʼuncha va tatalakanunil ni Jesús y talaqatanuʼinil ixchʼaja y tatoʼoyal.
\v 10 Ex chuncha ni Jesús lakjunil:
\p —¡Jantu kʼatʼalhanantʼik! Kʼapʼinchʼipitik juninin kintʼaltanan ni kataʼal Galilea y ancha kintalaqtsʼinaʼ.
\s Yu talaqputeʼel ni tropas
\p
\v 11 Tejkan ixtaʼantacha ni xanatin, lati ni tropas yu ixtalhistaknanta taʼal laka ay putaulan. Talaqputeʼeniʼol yu xaʼukxtinin ni kuras tachun yu ixlhitapasata.
\v 12 Ex chuncha yu xaʼukxtinin kuras va talaqʼal yu xalajʼaynin para katamachʼantamil ixjatapastakʼatikʼan kun yuʼuncha. Lhuu tumin taxtaqnil yu tropas.
\v 13 Va taxaqalal, va tajunil:
\p —Uxiknankʼan kʼalaqpʼutʼeʼeyapitik ni tejkan tsʼis ixjunita va iltʼatʼatʼatʼik ex yu ixtʼaltanan ni Jesús va kitaʼalhaumaxtul ixlakatunaj.
\v 14 Incha kakʼatsayaʼ yu tapasal ni gobernador ex ni kijnankʼan kakxaqalayau. Ex jantucha tuʼuchun katalhitaqmukʼaniyan.
\p
\v 15 Ex ni tropas talaqaʼil ni tumin y tamakal tacha laklhijunkanta. Vanaj va yucha talalaqputeʼeniy ni israelitas tus chavaycha.
\s Yu laklhijunil ni Jesús ixlapanakni yu ixjamalaqachay
\r (Mr. 16:14-18; Lc. 24:36-49; Jn. 20:19-23; Hch. 1:6-8)
\p
\v 16 Ex taval, yu pumakautaun ixtʼaltanan ni Jesús va taʼal taun aspajun xaʼestado Galilea taʼan lhinaul ni Jesús.
\v 17 Tejkan talaqtsʼil ni Jesús, ex tatoʼoyal pero lati jantu ox ixtalhakapuʼan.
\p
\v 18 Ex ni Jesús talakanul kun yuʼuncha, va lakjunil:
\p —Ni Dios kixtaqnil tachun palhachimoʼon mas laktʼiyan y vachu lakatʼun.
\v 19 Kʼalaqpʼinchipitikcha yu oqxlaqchux ni lapanakni yu taʼalinta aniy lakamunukpaʼ, kʼalakmakʼatʼik kintʼaltanan. Kʼalaqmaqchʼajʼavatʼik la ixtaqaʼuti ni kimPay ali yu isTsʼal ali yu Espíritu Santo.
\v 20 Kʼalakmalanitʼik katatoʼoyal tachun yu klajuntau. Ni kitʼin kaklatʼaʼalinau mas va tavanancha kaval, tus tejkan kamiʼoyaʼ ni lakamunukpaʼ. Va chuncha kaval.