\id MRK
\h SAN MARCOS
\mt2 Ni Ox Chivinti yu Tsʼoqlhi
\mt1 Marcos
\c 1
\s Ni Juan yu maqchajʼavanan va laʼoxiy ixlakatin ni Jesús
\r (Mt. 3:1-12; Lc. 3:1-18, Jn. 1:19-28)
\p
\v 1 Aniy aqtayniy ni ox chivinti yu lhichiviniy Jesucristo yu Sasʼatʼa Dios.
\v 2 Ni Isaías yu ixlaqputeʼey ixchivinti Dios va tsʼoqlhi ni laka libro ni va najun ni Dios:
\q Ikmalaqachay qayntaun yu kapʼulʼaniyan ni uxintʼi,
\q para kalaʼoximanin ni lakatin taʼan kʼapʼupʼineʼe.
\q
\v 3 Qayntaun lapanaki tʼasay lakakʼavin, va najun:
\q “Kalaʼoximanitʼikcha ixlakatin ni Jalhachimoʼonuʼ.
\q Vas kʼamakʼatʼikcha para tsʼalti katapasal.”
\m
\v 4 Ex va chuncha ni Juan yu jamaqchajʼavanaʼ va chinchal anchanuʼ lakatʼun taʼan jantu tʼujuʼ chaqaʼ. Va lakjuniy ni lapanakni ni kataʼaqchajʼaul para katasulcha ni tamapaxal ixjatapastakʼatkʼan, ex ni Dios kalaqmalaqmixinil ixtalaqalhinkʼan.
\p
\v 5 Ex ni lapanakni yu machaqan xalakatʼun Judea ali yu machaqan laka putaulan Jerusalén ixtalaqminʼojoy ni Juan. Ixtalhitaulʼojoycha ixtalaqalhinkʼan ex ni Juan ixjamaʼaqchajʼavaycha xalaʼaxkan ni Jordán.
\v 6 Ixlaqchʼiti ni Juan va jamakanti xachʼauti ni camello, yu ixlhitampachʼin va jaxtaʼan. Yu ixvayti va silaqa ali xaxkan seraj yu alin lakakʼivinan.
\v 7 Ex va chuncha ni Juan ixjalaqputeʼeniy ni lapanakni, va ixlakjuniy:
\p —Astan kaminaʼ aqayntaun yu apalay ay xajantu kitʼin. Yu kitʼin tus jantu kimpaxtoqniy para kaktsoqoqtaulal y kakmusxʼoqnil xamusni ixvarachi.
\v 8 Kitʼin va kun xkan klamaʼaqchajʼavayau. Ni yucha katapumaqchajʼavayan kun ni Espíritu Santo.
\s Aqchajʼaul ni Jesús
\r (Mt. 3:13-17; Lc. 3:21-22)
\p
\v 9 Ex va chuncha ni Jesús va taxtuchal ni laka putaulan Nazaret xalakatʼun Galilea. Yu Juan va maqchajʼaval ancha xalaʼaxkan Jordán.
\v 10 Ex chuncha tejkan takukchoqol ni laʼaxkan ni Jesús va niman laqtsʼil ni laktʼiyan va talaqltiʼal. Ex chuncha yu Espíritu Santo va ixtaʼeltajuminta tacha taun palumax taʼan ixyal.
\v 11 Va qasmajkal taun chivinti ni laktʼiyan, va junkal ni Jesús:
\p —Uxintʼi, kesʼatʼa kʼatʼi, ayaj ikpaxkayan. Va ayaj klhiʼachantajuy por uxintʼi.
\s Va laqtsʼintanukal ni Jesús
\r (Mt. 4:1-11; Lc. 4:1-13)
\p
\v 12 Ex taval ni Espíritu Santo va lhaʼal lakakʼavin ni Jesús.
\v 13 Ex chuncha ni Jesús va aqtʼuy pʼuxaun julchan ixvilchal ni anchanuʼ lakakʼavin taʼan alin jatalhitsukuti yu kʼivitsukunin. Ancha ni Satanás va laqtsʼintanul ni Jesús incha lay kamaqtaqalhinil. Ex tachil ixmayulnin Dios, va taʼaqtayjul ni Jesús.
\s Ni Jesús aqtaynil ixlhitapatsa xalakatʼun Galilea
\r (Mt. 4:12-17; Lc: 4:14-15)
\p
\v 14 Tejkan manukalcha laka pachʼin ni Juan ex ni Jesús va anchoqol xalakatʼun ni Galilea. Va al laqputeʼeniʼ yu lajʼox chivinti yu masuy tacha jalhachimoʼonun ni Dios. Ni Jesús va naul:
\p
\v 15 —Chavay va lakachilcha ni julchan tejkan kalhachimoʼonunaʼ ni Dios. Kʼamapʼaxatʼikcha mijatapastakʼatkʼan, kalhakʼapʼupʼintʼikcha yu lajʼox chivinti.
\s Ni Jesús lakjuntaʼil pumatʼati lapanakni yu xachʼapanan jatanti
\r (Mt. 4:18-22; Lc: 5:1-11)
\p
\v 16 Taval ni Jesús va ixkiltaukʼaʼanta ixkilpaʼ lakamar Galilea. Ancha laqtsʼil pumatʼuy joʼakna, va Simón kun ixlaqaj, Andrés. Ni yuʼuncha va ixtatʼajun mujunun ixchʼoqxkʼan lakamar. Va xachʼapanan jatanti ixtajunita.
\v 17 Ex chuncha ni Jesús va lakjunil ni anchanuʼ pumatʼuy joʼakna:
\p —Kilatʼamiucha ni kitʼin. Chavay tʼemayatʼik va jatanti pero kitʼin kaklamakayau para kalaktʼematʼik lapanakni.
\p
\v 18 Ex ni anchanuʼ joʼakna va niman tamakaulcha ixchʼoqxkʼan, va tatʼaʼalcha ni Jesús.
\p
\v 19 Ex chuncha tejkan va ukstsʼuniykaʼ ixtaʼanta, ex ni Jesús vachu jalaktemal yu istsʼalan ni Zebedeo, yu Santiago ali Juan. Va ixtʼatʼajun laʼoxinin ixchʼoqxkʼan laka barco.
\v 20 Ni Jesús va niman lakjuntaʼil ni Santiago kun Juan. Ex tamakaulcha laka barco ixpaykʼan ali yu oqxtamatin, va tatʼaʼalcha.
\s Qayntaun lapanaki yu ixlhitʼajun taun jantu ox espíritu
\r (Lc. 4:31-37)
\p
\v 21 Ex taʼalcha, va tachaʼal laka putaulan Capernaúm. Tejkan xajulchan jastaknati val, ni Jesús niman tanul laqa chaqaʼ taʼan ixtataqxtoʼa ni israelitas, va aqtaylcha jamalaninin.
\v 22 Ex ni lapanakni yu ixtaqalasmatʼa va tus vak takʼatsal. Ni Jesús ixjamalaninin tacha qayntaun pʼas jalhachimoʼonuʼ y jantu kamalaninil tacha yu ixtamasuy ixlhachimoʼonkʼan.
\v 23 Anchanuʼ laqa chaqaʼ va ixvil qayntaun joʼati yu ixlhitʼajun taun jantu ox espíritu. Tʼasal, va naul:
\p
\v 24 —¿Valiʼiycha kilaʼakxkauyaucha ni kijnan, Jesús, machaqaʼ Nazaret kʼatʼi? ¿Va tʼantʼa para kilalaktʼilhiu? Yu kitʼin ikmispayan, ni uxintʼi va yu ixnavin Dios kʼatʼi.
\p
\v 25 Pero ni Jesús va laqʼaymal ni anchanuʼ jantu ox espíritu, va junil:
\p —¡Saqcha kaʼuntʼi! ¡Kʼamakʼaucha ni aniy joʼati!
\p
\v 26 Ex va chuncha ni anchanuʼ jantu ox espíritu va aqtaun pʼas maxkapʼiknichoqol ni anchanuʼ joʼati, va tus pʼas tʼasal, ex chuncha va makaunchoqolcha ni joʼati.
\v 27 Ex chuncha yu ancha ixtaʼalinta va tus tachun tatalhananʼol. Va aqtaylcha talalhisakmiy siya yuʼuncha, va talajuniy:
\p —¿Tis va suncha ni aniycha? ¡Va taun sastʼi jatapastakʼati yu malaniy! Tacha qayntaun yu lhitʼajun tapʼasta. Jalaklhijuniy yu jantu lajʼox espíritus, ex yuʼuncha taqalasmatʼa.
\p
\v 28 Ex chuncha ixtalhichiviniy tacha ixmakay ni Jesús va tus talakachux xalakatʼun Galilea.
\s Ni Jesús maʼayajnichoqol ixʼatinaʼ ni Simón
\r (Mt. 8:14-15; Lc. 4:38-39)
\p
\v 29 Taval tejkan tataxtuchal ni laqa chaqaʼ, ex ni Jesús ali Juan ali Santiago va tamil la ixchaqakʼan ni Simón ali Andrés.
\v 30 Ancha ixmal ixʼatinaʼ ni Simón, va ixchʼapata skakati. Tejkan tanul ni Jesús niman puteʼenikal ni va taqanʼay.
\v 31 Ex va chuncha ni Jesús talakanunil, chʼapanil ixmakaʼ, va maʼostaulnil. Ex ni xanati va makaunchoqol iskakati, aqtaylcha jalakvavay.
\s Ni Jesús jalakmaʼayajnichoqol lhuvaj taqanʼanin
\r (Mt. 8:16-17; Lc. 4:40-41)
\p
\v 32 Ex chuncha tejkan va laycha kaputsʼislhicha, tejkan anchalcha ni julchan, ni lapanakni va talhaʼanil ni Jesús qaynlhuvaj taqanʼanin vachu kun yu ixtalhitʼajun yu jantu lajʼox espíritus.
\v 33 Ex tus tachun xalapanakni ni anchanuʼ putaulan va tus tataqxtoqʼol la xamatiʼ laqa chaqaʼ.
\v 34 Ex va chuncha ni Jesús va jalakmaʼayajnichoqol lhuvaj taqanʼanin yu ixtalhitʼajun pulhuu ixtaqanʼatkʼan. Vachu jalakmaxtunil lhuvaj yu jantu lajʼox espíritus yu ixtalhitʼajun. Pero jantu kalaqxtaqnil lakatin para katachivinil ni espíritus. Yuʼuncha ixtamispaycha taʼayucha ixjunita ni Jesús.
\s Ni Jesús laqputeʼey ixchivinti Dios xalakatʼun Galilea
\r (Lc. 4:42-44)
\p
\v 35 Va chuncha yu ataun puvakuj val, va ixputsʼistakaʼ, ni Jesús ostaulal, va taxtul laka putaulan, va xʼaman al skʼiniʼ Dios lakakʼivin.
\v 36 Ex ni Simón kun yu alati ixtʼaltanan va taʼal lakxkaunan ni Jesús.
\v 37 Ex chuncha tejkan tatemal, va tajunil:
\p —Tus tachun ni tatʼaunan lakxkaunan.
\p
\v 38 Ex chuncha ni Jesús va naul:
\p —Kaʼaucha taʼan alati putaulanaxna yu lakʼukstsʼuniy. Ancha vachuʼ klaqputeʼeyaʼ ixchivinti Dios, va xlhiyucha kminta.
\p
\v 39 Ex va chuncha ni Jesús ixtiʼukxuyal taʼakapuchun xalakatʼun Galilea. Ixlaqputeʼey ixchivinti Dios laqa chaqan taʼan ixtataqxtoʼa ni israelitas. Vachuʼ jalakmaxtunil yu jantu lajʼox espíritus.
\s Ni Jesús va maʼayajnichoqol qayntaun yu lakapuchʼitʼa
\r (Mt. 8:1-4; Lc. 5:12-16)
\p
\v 40 Ex va chuncha talakanunil ni Jesús qayntaun joʼati yu ixtaqanʼay, va ixlakapuchʼita. Va taʼaqtsoqoqtal, tapayninil, va naul:
\p —Jalhachimoʼonuʼ, incha kʼinkʼuchʼupʼutʼun, lay kʼinkʼuchʼutʼi.
\p
\v 41 Ex chuncha ni Jesús mapaynil ni taqanʼan, moqslanil ixmakaʼ, va junil:
\p —Chun, kitʼin knajun palaycha kʼaʼunchʼoʼo.
\p
\v 42 Ex tejkan chuncha junkal ni taqanʼan, va niman makaxchoqolcha ni ixlakapuchʼiti.
\v 43 Ex va chuncha ni Jesús va ox chivijval, niman malaqachal yu ay lakatajtan, va junil ni taqanʼan:
\p
\v 44 —Chavay ijkunan jantu matichun kalaqpʼutʼeʼenin. Vamun kalaqpʼinchiy yu kura y kalhipʼinin milapaxkan yu tacha lhinajun ixlhachimoʼon ni Moisés, para katakʼatsaʼol ni lapanakni ni palaycha unchʼoʼotʼa mintaqanʼati.
\p
\v 45 Ex chuncha ni anchanuʼ joʼati tejkan anchoqol va aqtayl jalaqputeʼeniy ni lapanakni yu tacha palay pujunchoqol. Ex va xlhiyucha ni Jesús jantucha lay ixtanuy taʼan alin putaulan taʼan katalaqtsʼil lapanakni. Vamun laka maknan ixchaʼan taʼan jantu ixʼalin lapanakni. Tus ancha ixtalaqmin ni lapanakni yu talakachux machaqan.
\c 2
\s Yu Jesús va maʼayajnichoqol qayntaun yu ixlakanita
\r (Mt. 9:1-8; Lc. 5:17-26)
\p
\v 1 Taval ni Jesús aaqtaun chaʼanchoqol laka putaulan
Capernaúm. Ex chuncha takʼatsal ni lapanakni ni va ancha
ixvilchoqolcha laqa chaqaʼ.
\v 2 Ex taval va tataqxtoqlhi lhuvaj lapanakni laqa
chaqaʼ taʼan ixvil ni Jesús. Va tus jantucha ixtalhijunita
ni laka puchʼanan. Yucha ixlaqlhixaqalay yu la ox chivinti.
\v 3 Ex va chuncha va lhiminkal qayntaun yu lakanita,
talhimil pumatʼati lapanakni.
\v 4 Ex va jantu lay katalhachaʼal ni taqanʼan taʼan
ixvil ni Jesús, va ayaj lhuvaj lapanakni ixtaʼalinta.
Taval va tachʼixmukʼal la ixʼukxna ni chaqaʼ, va tamoqosunil
tsʼuniy xalhasaqen. Ex va ancha tapumaʼeltajul la ixputaman
ni taqanʼan taʼan ixvil ni Jesús.
\v 5 Ex chuncha ni Jesús tejkan jalaqtsʼilcha ni ayaj
talhakapuʼalcha, va junil ni taqanʼan:
\p —Kesʼatʼa kʼatʼi, yu mintalaqalhin va laqmixlhicha.
\p
\v 6 Ancha ixtavilanal vachu yu ixtamasuy ixlhachimoʼon
ni israelitas. Ex chuncha ni yuʼuncha va aqtayl tapastakʼa,
va tanaul:
\p
\v 7 “¿Valiʼiycha chuncha chiviniycha ni anu joʼati?
Va tʼajuncha akchʼintamanaʼ ni Dios. Jantu matichun
lay malaqmixiy ni talaqalhin. Yu talaqalhin vamun Dios
lay malaqmixiy.”
\p
\v 8 Ex chuncha ni Jesús va niman ixkʼatsay yu ixtatʼajun
pastaknan. Ex chuncha ni yucha va lakjunil:
\p —¿Valiʼiycha chuncha pʼastʼakʼatʼik?
\v 9 ¿Tisunchacha yu jantu lhitaʼay kaval, va kʼaʼun
ni taqanʼan: “Yu mintalaqalhin laqmixlhicha”, u va
kʼaʼun: “Kʼaʼostʼaʼulcha, kʼasakchʼoʼocha ni mimputaman,
katʼiʼukxuntʼayachʼoʼocha”?
\v 10 Chavay klamasuniyau ni kitʼin yu kval Sasʼatʼa
Lapanaki klhitʼajun lhachimoʼon aniy lakamunukpaʼ para
kakmalaqmixil ni talaqalhin.
\p Ex chuncha va junil yu ixlakanita:
\p
\v 11 —Chavay ijkunan ni uxintʼi, kaʼostʼaʼulcha, kʼasakchʼoʼocha
mimputaman, kapʼinchʼoʼocha la minchaqaʼ.
\p
\v 12 Ex chuncha ni anchanuʼ joʼati yu ixtaqanʼay ostaulchoqolcha,
chʼapachoqolcha ixputaman, va taxtuchoqolcha la ixtalakavantikʼan
tachun ni lapanakni yu ancha ixtayanal. Yuʼuncha tus
vak takʼatsal, ay tamakalcha ni Dios, va tanaul:
\p —Jantu aqtaun chuncha laqtsʼinau tacha aniy yu xalaqtsʼinau.
\s Ni Jesús juntaʼil ni Leví
\r (Mt. 9:9-13; Lc. 5:27-32)
\p
\v 13 Taval ni Jesús anchoqol aaqtaun la ixkilpaʼ lakamar
Galilea. Ancha tataqxtoqnilcha lhuvaj lapanakni, ex ni
yucha va aqtaylcha jalakmalaniy.
\v 14 Ex tejkan ancha antacha, laqtsʼil qayntaun joʼati
yu ixjunkan Leví yu istsʼal ni Alfeo, va ixvil taʼan
mapalkan impuestos. Ex ni Jesús va junil:
\p —Kʼintʼatʼatʼi.
\p Ex chuncha ni Leví va ostaulal, va tʼaʼalcha ni Jesús.
\p
\v 15 Ex va chuncha ni Jesús ali ixtʼaltanan taʼal vaynin
la ixchaqaʼ ni Leví. Ancha vachuʼ ixtavilanal laka mesa
qaynlhuu yu xachʼinin impuestos. Vachuʼ ixtaʼalinta
alati lapanakni yu jamaqtaqalhinin. Va lhuvaj yu ixtatʼaʼanta
ni Jesús.
\v 16 Ancha ixtaʼalinta lapanakni yu lakjunkan fariseos
yu ixtamasuy ixlhachimoʼonkʼan ni israelitas. Talaqtsʼil
ni Jesús va chʼantaun jalaktʼavajin yu jamaqtaqalhinin
ali yu xachʼinin impuestos. Yuʼuncha talhisakmil yu
ixtʼaltanan ni Jesús, va tanaul:
\p —¿Valiʼiycha ni mijamalaninikʼan jalaktʼavajin yu jachʼinin
impuestos ali yu alati maqtaqalhinin?
\p
\v 17 Ex tejkan chuncha qasmaklhi ni Jesús, va lakjunil:
\p —Yu taʼayajnan jantu tamaqskʼiniy kalajkʼuchʼukal, tamaqskʼiniy
va yu taqanʼanin. Kitʼin jantu ikminta laktʼasaʼin yu
lajʼoxi lapanakni, va ikminta laktʼasaʼin yu maqtaqalhinin.
\s Talhisakmil ni Jesús valiʼiycha jantu taskʼajay
\r (Mt. 9:14-17; Lc. 5:33-39)
\p
\v 18 Taval taun julchan, ixtʼaltanan ni Juan vachu kun
ni fariseos va ixtatʼajun taskʼajanin. Ex chuncha lati
lapanakni takilhisakmichil ni Jesús, va tajunil:
\p —Ixtʼaltanan ni Juan ali yu fariseos ayaj tataskʼajay.
¿Valiʼiycha jantu tataskʼajay yu mintʼaltanan?
\p
\v 19 Ex chuncha ni Jesús va naul:
\p —Tejkan lakxtuklay qayntaun tsʼal, ¿lhilay ni kataskʼajayaʼ
yu jalakjuntaʼikanta? Jantu lay taskʼajay tejkan vananaj
tatʼavilanal ni tsʼal yu lakxtuklay.
\v 20 Pero kaminaʼ julchan tejkan kamaxtukanaʼ ni anchanuʼ
tsʼal, ex ixtʼaltanan katataskʼajayaʼ.
\p
\v 21 ’Jantu matichun lhilaqpumpuy aqxtaun xkujuʼ yu
atʼaliʼ kun yu sastʼi lhalaqpumpum. Yu sastʼi lhalaqpumpum
va talaqatamiy, ex chuncha yu atʼaliʼ laqchʼiti va apalay
taʼexa.
\v 22 Vachu jantu lay kamuʼutʼi yu sastʼi xaxkan uva
laka jaxtaʼan yu atʼaliʼ. Yu xaxkan uva yu sastʼi va
matampaʼay yu atʼaliʼ jaxtaʼan. Ex chuncha yu xaxkan
uva ali yu jaxtaʼan yu putʼuy va tatsʼanqaycha. Yu xaxkan
uva yu sastʼi va kamuʼutʼi laka jaxtaʼan yu sastʼi.
\s Ixtʼaltanan ni Jesús talajʼexʼil yu xataltsʼi ni trigo mas va xajulchan jastaknati ixjunita
\r (Mt. 12:1-8; Lc. 6:1-5)
\p
\v 23 Taun julchan tejkan xajulchan jastaknati ixjunita,
ni Jesús ali ixtʼaltanan va ixtapuʼanta taʼan ixchʼankanta
trigo. Tejkan tatʼajun tapasanan, yu ixtʼaltanan taʼaqtayl
talajʼexʼiy yu xataltsʼi ni trigo.
\v 24 Ex chuncha ni fariseos va tanaul:
\p —Yu mintʼaltanan, ¿valiʼiycha tamakay lhitapatsa yu
jantu xtaqkan lakatin kʼamakʼatʼi tejkan xajulchan jastaknati?
\p
\v 25 Ex chuncha ni Jesús va lakjunil:
\p —¿Ex ni uxiknan jantu aqtaun pʼutʼeʼeyatʼik yu makal
ni jalhachimoʼonu David? Taun julchan ni yucha ali ixtʼaltanan
ixtatsʼanqaniy vayti, va ayaj tachavanil.
\v 26 Ni David tanuchal la ixchaqaʼ ni Dios, tejkan Abiatar
xaʼukxtin kura ixjunita. Ex ni David va ul ni pan yu
ixmoqslanikan Dios, mas vamun ni kuras jaxtaqnikan lakatin
kataʼul. Vachuʼ jalaqxtaqnil pan ixtʼaltanan.
\p
\v 27 Vachu jalakjunil:
\p —Dios makal xajulchan jastaknati para kaʼaqtayjukal
ni lapanaki. Ni lapanakni jantu kalakmakakal para katatoʼoyal
ni xajulchan jastaknati.
\v 28 Ni kitʼin yu kval Sasʼatʼa Lapanaki klhinajun
tisuncha lay makakan ni xajulchan jastaknati.
\c 3
\s Ni joʼati yu jantu lay ixmapuʼay ixmakaʼ
\r (Mt. 12:9-14; Lc. 6:6-11)
\p
\v 1 Ex chuncha ni Jesús va tanuchoqochal aaqtaun laqa
chaqaʼ taʼan ixtataqxtoʼa ni israelitas. Ancha ixvil
qayntaun joʼati yu ixixta ixmakaʼ.
\v 2 Va xajulchan jastaknati, xlhiyucha lati ixtamakata
kuenta incha kakʼuchʼuyaʼ ni anchanuʼ joʼatiʼ. Va chuncha
incha kakʼuchʼul ex laycha kataputislajmal ni Jesús.
\v 3 Ex chuncha ni Jesús va junil ni yu joʼati yu jantu
lay ixmapuʼay ixmakaʼ:
\p —Kaʼostʼaycha, kʼatʼanʼajtʼaycha aniy.
\p
\v 4 Ex va chuncha jalaklhisakmil, va naul:
\p —Ni xajulchan jastaknati, ¿tas lhinajun kilhachimoʼonkʼan?
¿Lhinajun kamakʼatʼi yu ox u yu jantu ox? ¿Lhinajun
kʼamalaqtʼaxtʼutʼi jatsukunti u va kamaqnitʼi?
\p Ex yuʼuncha va tus saq tataulal.
\p
\v 5 Ni lapanakni jantu ixtaqalasmakputun, xlhiyucha
ni Jesús va ixmaqanininta. Va kun lhilukujcha jalaqtsʼil.
Ex va junil ni anchanuʼ joʼati:
\p —Kaxnujtʼi mimakaʼ.
\p Ex ni joʼati va xnujlhi ixmakaʼ, va palaycha junchoqol.
\v 6 Ex chuncha ni fariseos tataxtulcha. Yuʼuncha ali
ixtʼaltanan jalhachimoʼonuʼ Herodes niman taʼaqtaylcha
talakchiviniy tacha lay katamaqnil ni Jesús.
\s Lhuvaj lapanakni tachaʼal la ixkilpaʼ lakamar
\r (Mt. 4:23-25; Lc. 6.17-19)
\p
\v 7 Ex chuncha ni Jesús kun ixtʼaltanan va taʼal la
ixkilpaʼ ni lakamar. Lhuvaj xalapanakni Galilea tatʼaʼal,
vachuʼ yu machaqan xalakatʼun Judea.
\v 8 Tejkan takʼatsal tacha makal lajʼay axtoqnuʼ ni
Jesús, ex chuncha va talaqmil ayaj lhuvaj lapanakni, yu
machaqan xalakatʼun Judea ali laka putaulan Jerusalén
ali xalakatʼun Idumea ali yu xlhiʼavintʼi ixtavilananchal
xalaʼaxkan Jordán, vachuʼ yu machaqan laka putaulan Tiro
ali Sidón.
\v 9 Ex ni Jesús jalaklhijunil ixtʼaltanan listu katamakal
laqataun barco para ancha katajul. Ex chuncha jantu
lay katapaqasajlhi ni lapanakni mas va la lhuvaj ixtaʼalinta.
\v 10 Ni Jesús va ayaj lhuvajcha lapanakni palay ixlakmakata,
va xlhiyucha ayaj lhuvaj taqanʼanin tatalakanunil, ixtachʼapaputun
ni Jesús.
\v 11 Vachuʼ yu ixtalhitʼajun yu jantu lajʼox espíritus
tejkan ixtalaqmin ni Jesús va ixtataʼaqtsoqoqtaniy la
ixlakaʼukxpu. Va pʼas ixtatʼasay, ixtanajun:
\p —¡Ni uxintʼi Sasʼatʼa Dios kʼatʼi!
\p
\v 12 Ex chuncha ni Jesús va jalaqʼaymal, jantu ixnajun
kalakmasunikal ni lapanakni taʼayucha ixjunita.
\s Ni Jesús laksaklhi yu pumakautʼuy ixtʼaltanan
\r (Mt. 10:1-4; Lc. 6:12-16)
\p
\v 13 Taval ni Jesús al taun aspajun, va lakjuntaʼil
ni lapanakni yu ixnajun katatʼaʼal. Ex chuncha talaqʼal.
\v 14 Ex ni Jesús va lakʼulal pumakautʼuy joʼakna, ixnajun
katatʼatiʼukxuntayal. Vachuʼ kalaqmalaqachayaʼ kataʼal
laqputeʼenin ixchivinti Dios.
\v 15 Vachuʼ jalaqxtaqnil tapʼasta ni lay palay katamakal
yu taqanʼanin, vachuʼ katamaxtunil yu jantu lajʼox espíritus.
\v 16 Inchineʼ lakjunkan yu jalaksaklhi ni Jesús: ni
Simón yu vachuʼ junkal Pedro,
\v 17 vachu yu Jacobo ali ixlaqaj Juan, yu istsʼalan
ni Zebedeo. Ni yuʼuncha va jalakjunil Boanerges, va naunputun
istsʼalan ni laqpaqnati.
\v 18 Yu alati va lakjunkan Andrés, Felipe, Bartolomé,
Mateo, Tomás, ali Jacobo yu istsʼal ni Alfeo, vachuʼ yu
Tadeo, ali Simón yu ixlhiyal xapartido cananista,
\v 19 vachu yu Judas Iscariote, va yucha astan maqxtaqchoqol
Jesús para katachʼapal.
\s Ixtanajun ni Jesús va ixlhitʼajun ixtapʼasta ni aqmoqxnuʼ
\r (Mt. 12:22-32; Lc. 11:14-23; 12:10)
\p
\v 20 Ex va chuncha ni Jesús anchoqol laqa chaqaʼ. Ex
yu lapanakni va lhuvaj tataqxtoqchoqol, va tus jantucha
lay tavajin ni Jesús ali ixtʼaltanan.
\v 21 Yu ixlapanakni ni Jesús tejkan takʼatsal tacha
ixtʼajun tapasanaʼ, ni yuʼuncha va taʼal lakxkaunan, va
ixtachʼapaputun. Lati ixtanajun ni Jesús val loko.
\v 22 Taval vachu yu ixtamasuy ixlhachimoʼonkʼan ni
israelitas taminchal ni Jerusalén, ixtanajun:
\p —Va laqtanuy ni Beelzebú, yu xaʼukxtin aqmoqxnuʼ. Va
yucha xtaqniy tapʼasta, xlhiyucha lay maxtuy aqmoqxnun
la ixlakatunajkʼan ni lapanakni.
\p
\v 23 Taval ni Jesús va lakjuntaʼil ni anchanuʼ lapanakni,
va jalakjunil taun chivinti yu xtaʼa jatapastakʼati,
va lakjunil:
\p —¿Lhilay ni xʼaman lay maxtuchoqokal ni Satanás?
\v 24 Mas va tisuncha lhachimoʼon kaval, incha tatalaqlvaʼa
y talaxkajiy ni lapanakni, ex jantucha lay tayaniy.
\v 25 Vachu va chun yu tavilanal aqataun chaqaʼ, incha
talaxkajiy, ex jantucha lay chʼantaun katatsukul.
\v 26 Vachu va chun yu Satanás. Incha yucha ali ixtʼaʼaqmoqxnun
talaxkajiy y talachʼapay ex jantucha lay tatayaniy, va
chuncha tapumiʼojoy ixtapʼasta.
\p
\v 27 ’Jantu matichun lay tanuyachal la ixchaqa qayntaun
laqapʼays joʼati y valiʼiy kamaxtunil yu ixnavin. Pʼunaj
maqskʼiniy kachʼiʼelal ex lay kalakmaxtunil yu ixnavin.
\p
\v 28 ’Laqsaval klajunau tachun talaqalhin yu tamakay
ni lapanakni lay kalaqmalaqmixinikal, vachu tachun yu
tanajun yu jantu lajʼox.
\v 29 Pero yu jantu lhiʼajin ni Espíritu Santo yucha
jantu lay kamalaqmixinikanaʼ ixtalaqalhin, mas va tavanancha
kaval kalhitsukuʼalhiyaʼ ixtalaqalhin.
\p
\v 30 Yuʼuncha va ixtajuniy va ixlhitʼajun taun jantu
ox espíritu, xlhiyucha va chuncha naul ni Jesús.
\s Yu ixnati ni Jesús kun yu ixtʼalaqaunin
\r (Mt. 12:46-50; Lc. 8:19-21)
\p
\v 31 Ex chuncha va tachinchal ni ixnati ali ixtʼalaqaunin
ni Jesús, va maqspaʼ tatayal, va tamalaqachanil ixjuntaʼika.
\v 32 Ex yu lapanakni yu ixtamalaqachoqoxnuta ni Jesús
va tajunil:
\p —Minati ali mintʼalaqaunin tayanal maqspaʼ, va talakxkauyan.
\p
\v 33 Ex chuncha ni yucha va lakjunil:
\p —¿Taʼayuʼunchacha ni kinati ali ketʼalaqaunin?
\v 34 Ex chuncha ni Jesús va jalaqtsʼil yu ixtamalaqachoqoxnuta,
va naul:
\p —Yu aniy taʼalinta, yuʼuncha ni kinati ali ketʼalaqaunin.
\v 35 Mas va taʼayuchacha kaval incha makay tacha lhinajun
ni Dios, ex yucha kilaqaj, yucha kintʼalapanaki, yucha
kinati.
\c 4
\s Qayntaun lapanaki yu al maman ixtʼin
\r (Mt. 13:1-9; Lc. 8:4-8)
\p
\v 1 Taval ni Jesús aaqtaun aqtaychoqol jamalaninin
la ixkilpaʼ ni lakamar. Ayaj lhuvaj lapanakni tataqxtoqlhi
ancha taʼan ixvil. Ex yu Jesús va tajul laka barco yu
ancha ixvil ni lakamar. Ex chuncha ni yucha va ancha
taulalcha, ex yu lapanakni tus an tayanal la ixkilpaʼ
ni lakamar.
\v 2 Ni Jesús va pulhuvaj axtoqnuʼ jalakmasuniy, lakjunil
chivinti yu xtaʼa jatapastakʼati. Ex chuncha tejkan
ixtʼajun lakmalaninin, va lakjunil:
\p
\v 3 —Yu chavay klajunau tus ox kaʼasmaktʼik. Qayntaun
lapanaki va al maman ixtʼin.
\v 4 Tejkan ixtʼajun maman ixtʼin, lati xatʼin va tamachal
lakatin. Ancha tachinchal ni tsʼoʼon, va taʼuniʼol.
\v 5 Yu alati xatʼin va tamachal laka chiyuxin. Ancha
va snipaqa mal yu tʼun, xlhiyucha va niman pʼunlhi.
\v 6 Jantu pulman kataknul istsʼansiviti, xlhiyucha tejkan
pʼas maknaul ni julchan va lakxixʼol, talaqxauʼol.
\v 7 Alati xatʼin tamachal laka jaltukunan. Ancha vachu
pʼunlhi pero chʼantaun tʼapʼul ni jaltukun, va maqataanul,
talakxixtanulcha yu xatʼin. Ex chuncha ni anchanuʼ xatʼin
jantu kaxtaqlhi xalhiʼuti.
\v 8 Taval yu alati xatʼin va tamachal taʼan ayaj ox
tʼun. Ancha pʼunlhi, ox aynlhi, va xtaqlhi taun ox jaxqanti.
Ex chuncha por laqataun tʼin xtaqlhi va treinta xataltsʼi,
yu ataun xtaqlhi va sesenta, vachu ataun xtaqlhi va tus
taun ciento.
\p
\v 9 Ex chuncha vachu naul:
\p —Incha alin mimpaqasmakkʼan, ex kaʼasmaktʼik.
\s Ni Jesús najun valiʼiycha jamasuniy chivinti yu xtaʼa jatapastakʼati
\r (Mt. 13:10-17; Lc. 8:9-10)
\p
\v 10 Ex va chuncha, va xʼamancha tamakaul ni Jesús ali
yu pumakautʼuy kun alati ixtʼaltanan. Yuʼuncha talhisakmil
tisuncha naunputun ni anchanuʼ chivinti yu xtaʼa jatapastakʼati.
\v 11 Ex chuncha va lakjunil:
\p —Ni uxiknankʼan ni Dios katamamispaniyan tacha lhachimoʼonun,
mas jantu ixmispakan. Yu jantu talhitanuy kun Dios, yuʼuncha
lakpumalanikan va chivinti yu xtaʼa jatapastakʼati.
\v 12 Ex chuncha mas talaqtsʼin yu ikmakay va tacha
jantu katalaqtsʼil, vachu mas taqasmatʼacha kinchivinti
va tacha jantu kataqasmaklhi. Va chuncha ni jantu lay
katamapaxal ixputsukukʼan, vachu ni jantu lay kamalaqmixinikal
ixlaqtaqalkʼan.
\s Yu Jesús masuy tisuncha naunputuncha ni tʼin yu mamakan
\r (Mt. 13:18-23; Lc. 8:11-15)
\p
\v 13 Ex vachuʼ va lakjunil:
\p —¿Jantu malaʼasiyatʼik ni aniy chivinti yu xtaʼa jatapastakʼati?
¿Ex chuncha tas kʼapʼumalaʼasiyapitikcha yu alati chivinti
yu xtaʼa jatapastakʼati?
\v 14 Yu mamay ni tʼin yucha va tacha yu laqputeʼey
ixchivinti Dios.
\v 15 Yu xatʼin yu tamachal ni lakatin ni yucha va tacha
ni lapanakni yu taqasmatʼacha ixchivinti Dios. Ex chuncha
ni Satanás va niman chin, va lakmaxtunichoqoy ni chivinti
yu tanuy la ixjalhanutkʼan.
\v 16 Yu xatʼin yu tamachal laka chiyuxin, yucha va tacha
ni lapanakni yu taqasmatʼa ixchivinti Dios ex talaqaʼiy
kun achati.
\v 17 Jantukaʼ ox tatatʼachʼatay, ex vamun taun panchʼix
tatayaniy. Tejkan talhitapasay maqanlqajnati, por ni
chivinti yu talhakapuʼan, ex tamakaunchoqoycha ixlhakapuʼatkʼan.
\v 18 Yu xatʼin yu tamachal laka ltukunan, yucha va tacha
yu alati lapanakni yu vachuʼ taqasmatʼa ixchivinti Dios.
\v 19 Ni yuʼuncha vananaj ayaj tapastakʼuy ixlhitapatskʼan
ni aniy lakamunukpaʼ. Vachu tapastakʼuy tacha katapulhitsukulcha
ixmaqalitkʼan kun tachun axtoqnuʼ. Chuncha takaukchoqoy
ixchivinti Dios y jantu aqtaun lay lhixajachal yu lajʼoxi
la ixjatsukuntikʼan.
\v 20 Chavay yu xatʼin yu tamachal taʼan ox lakatʼun,
yucha va tacha ni lapanakni yu taqasmatʼa ixchivinti
Dios, va talhakapuʼan. Ex chuncha yu xajachal la ixjatsukuntikʼan
va tacha taun ox jaxqanti, va tacha laqataun xatʼin yu
xtaʼa treinta, ataun xtaʼa sesenta, yu ataun xtaʼa va
tus taun ciento.
\s Chivinti yu lhichiviniy ni maklku
\r (Lc. 8:16-18)
\p
\v 21 Ex chuncha vachu jalakjunil:
\p —Jantu aqtaun matichun mamaqtʼayay maklku ex maqatanuy
ixqaltaʼapuʼ laka kajun nisin ixtaʼapuʼ laka putaman.
Ni maklku maqskʼiniy kʼamukʼa talman, ex lay ox kamapulkul.
\v 22 Vachu mas alin tuʼuchun yu jantu malaqasikan chavay,
astan la ox kamalaqasikanaʼ. Mas alin yu jantu kʼatsakan
chavay, astan katasuyaʼ.
\v 23 Chavay incha alin mimpaqasmakkʼan, va kaʼasmaktʼikcha.
\p
\v 24 Ex va lakjunil ni Jesús:
\p —Kamakʼatʼikcha kuenta yu klajunau. Ni papulkan yu
mapʼatsʼayatʼik ni uxiknan vachu va yu papulkan katapulkaniyan
ni Dios. Uxiknan yu asmatʼatʼik, ni Dios apalay lhuu
katamasuniyan.
\v 25 Yu lhitʼajuncha, yucha apalay lhuu kaxtaqnikanaʼ.
Yu jantu kalhitsukul mas va tsʼuniy yu lhitʼajun, yucha
kamaxtunichoqokanaʼ.
\s Jesús lhichiviniy ni xatʼin yu ajin
\p
\v 26 Ex chuncha vachu naul ni Jesús:
\p —Inchine va tacha ni Dios jalhachimoʼonun. Va tacha
qayntaun lapanaki yu mamay ixtʼin ni lakatʼun.
\v 27 Mas ltatay laka putsʼisniʼ ni joʼati, mas kujta
laka tunkunuʼ, yu xatʼin yucha pʼun, ex tsukuy aynaʼ, jantu
kʼatsay tacha puʼajin.
\v 28 Yu tʼun va xʼaman maʼayay ni jatachʼanati. Pʼunaj
pʼun ex ajin, astan xanay, ex taukʼay xataltsʼi tus aqtsaman.
\v 29 Ex chuncha tejkan katʼaycha, ni lapanaki puʼiycha,
va chil yu jaxqanti.
\s Jesús lhichiviniy xatʼin mostasa
\r (Mt. 13:31-32; Lc. 13:18-19)
\p
\v 30 Ex chuncha taval vachu naul ni Jesús:
\p —¿Tas junitacha tejkan jalhachimoʼonun ni Dios? ¿Tas
lay klamasuniyau tas junitacha?
\v 31 Yucha va tacha taun xataltsʼi ni mostasa yu vamun
yuʼ lakatʼuniy xataltsʼi yu lakchʼankan lakatʼun.
\v 32 Va chuncha tejkan chʼankantacha ni xataltsʼi, ox
ajin, tus vamun yuʼ ay jun. Tejkan aycha jun ni ixmaqlaqapʼu
ex va ancha taltilinintsukuy tsʼoʼon.
\s Tacha ni Jesús mapatsal chivinti yu xtaʼa jatapastakʼati
\r (Mt. 13:34-35)
\p
\v 33 Ex ni Jesús chuncha ixjapumalaninin ixchivinti
Dios, va pulhuvaj chivinti yu xtaʼa jatapastakʼati ixlakpumalaniy
ni lapanakni. Ixmakay tus tacha lay katapumalaqasil.
\v 34 Ni lapanakni vamun ixjalaqputeʼeniy chivinti yu
xtaʼa jatapastakʼati. Yu ixtʼaltanan, yuʼuncha va ixlakjunʼojoy
tisuncha naunputuncha tejkan xʼamankʼan ixlaktʼataulay.
\s Ni Jesús malakaʼulal ni un y vachu yu xkan tejkan ostaulal ni lakamar
\r (Mt. 8:23-27; Lc. 8:22-25)
\p
\v 35 Ex chuncha taval ni anchanuʼ julchan tejkan putsʼislhicha,
va lakjunil ixtʼaltanan:
\p —Chavay kaʼau taʼan takuktachal ni lakamar.
\p
\v 36 Ex chuncha va lakmakaulakalcha yu alati lapanakni.
Talhaʼal ni Jesús laka barco yu ixtaputajun. Vachuʼ
ixtatʼaʼanta alati lapanakni kun alati barcos.
\v 37 Taval aqtayl pʼas unilay, maʼostaulnil ni xkan,
tajuyachal ni laka barco, va ixʼaqtsamanputuncha.
\v 38 Ni Jesús va iltatata la ixtitampin ni barco, ixʼaqtsʼinta
va taun aqtsʼi. Ex yu alati va tamaqloʼol, tajunil:
\p —¡Jamalanini! ¿Jantu tuʼuchun pastakʼuyan mas tʼaunaucha
talaqtsʼanqanin?
\p
\v 39 Ex va chuncha ni Jesús ostaulal, laqʼaymal ni un,
va junil ni xkan:
\p —¡Kʼalakʼatʼaulchʼoʼocha! ¡Vakcha kʼaʼunchʼoʼo!
\p Ex ni un vakcha junchoqol. Va tus tacha aqtsʼiyajcha
ox junchoqol.
\v 40 Ex va chuncha ni Jesús va lakjunil ixtʼaltanan:
\p —¿Valiʼiychacha ayaj tʼalhananatʼikcha? ¿Jantukaʼ lhakʼapʼupʼinatʼik?
\p
\v 41 Ex yu ixtʼaltanan va ayaj tatalhanal, aqtaylcha
talakchiviniy siya yuʼuncha, talajuniy:
\p —¿Tas va ayuchacha ni anu lapanaki? Kaval un, kaval
yu lakxkan, si taqalasmatʼa.
\c 5
\s Qayntaun yu machaqaʼ Gadara ixlhitʼajun yu jantu ox espíritu
\r (Mt. 8:28-34; Lc. 8:26-39)
\p
\v 1 Ex taval tatakukchalcha yu lakamar, va tachaʼalcha
xalakatʼun Gadara.
\v 2 Tejkan taxtulcha ni Jesús ni laka barco, va laqchil
qayntaun joʼati yu taxtuchal ni kampusantu. Ixlhitʼajun
jantu ox espíritu.
\v 3 Ni anchanuʼ joʼati va ancha tʼaunachal ni kampusantu,
va jantu matichun lay ixchʼiʼulay, mas kun kadena.
\v 4 Va aqlhuucha ixtachʼiʼulay kun kadena, va ixtachʼiniy
la ixchʼajaʼ ali ixmakaʼ, pero ixlajʼexʼojoy, va tus lakatʼuniy
ixmakay. Jantu matichun lay ixmaqalhajay ni anchanuʼ
joʼati.
\v 5 Tunkuj ali tsʼis ixtʼasajtsukuy ni laka kampusantu
ali laka aspajunaxnan, va ixlakatʼalmaʼokantacha xʼaman
kun chiyux.
\p
\v 6 Ex va chuncha ni anchanuʼ joʼati laqtsʼil ni Jesús
tejkan vananaj maqati ixmintachal, ex ni yucha va takyaulaqʼal,
va taʼaqtsoqoqtanil.
\v 7 Ex va chuncha va tʼasal ni anchanuʼ joʼati, va naul:
\p —¿Valiʼiycha kintalakanuniy ni kitʼin, uxintʼi Jesús
Sasʼatʼa kʼatʼi Dios yu vilchal laktʼiyan? La ixtaqaʼuti
Dios va ktapayniniyan, jantu kʼimamaʼanlʼajnivatʼi.
\p
\v 8 Yu Jesús va ixjunitacha:
\p —Uxintʼi, yu jantu ox espíritu kʼatʼi, ¡va kʼamakʼaucha
ni aniy joʼati!
\p
\v 9 Ex va chuncha ni Jesús va lhisakmil:
\p —¿Tisuncha unkʼancha mintaqaʼuti?
\p Ex ni yucha va naul:
\p —Kitʼin ijkunkan Pumalhuu. Va kilhuvajkʼan ijkuntau.
\p
\v 10 Ex chuncha ni jantu lajʼox espíritus yu ixtalaqtanuy
anchanuʼ joʼati ixtatapayniniy ni Jesús ni jantu kalaqmalaqachal
alakataun tʼun.
\p
\v 11 Ancha ukstsʼuniy ni aspajun taʼan ixtayanal va
ixtatʼajun exvaynin lhuvaj pʼaxnin.
\v 12 Ex tachun yu jantu lajʼox espíritus tatapayninil
ni Jesús, va tanaul:
\p —Kilamalaqachaucha laka pʼaxnin, ex yuʼuncha lay kaklaqtanuucha.
\p
\v 13 Ex ni Jesús va niman xtaqlhi lakatin ni katalaqtanul
ni pʼaxnin. Ex chuncha ni jantu lajʼox espíritus va
tamakaulcha ni anchanuʼ joʼati, va talaqtanul ni pʼaxnincha.
Va tacha tʼuy mil pʼaxnin ixtaʼalinta. Va taputakyaulcha
taʼan qaltalman, va tatajuchal yu lakamar, va taʼakskajʼuʼol.
\p
\v 14 Ex chuncha yu ixtalhistakta va tatakyauʼal mapastakʼaninin
ni ay laka putaulan, vachuʼ ixlhimaqspaʼ ni putaulan.
Ex chuncha lhuvaj lapanakni taminchal laqtsʼinin yu
tacha tapasal.
\v 15 Ex chuncha tejkan tachinchal ni lapanakni taʼan
ixvil ni Jesús, va talaqtsʼil ni anchanuʼ joʼati yu ixlaqtanuy
aqmoqxnuʼ. Ni yucha va oxicha vilchoqol, ulachoqotacha
ixlaqchʼiti, va ox jalakpastaknan. Ex chuncha ni lapanakni
va ayaj tatalhanal.
\v 16 Ex chuncha yu talaqtsʼil tacha tapasal ni anchanuʼ
joʼati ali yu tatapasal ni pʼaxnin, yuʼuncha va talaqputeʼenichoqolcha
yu alati.
\v 17 Ex chuncha va aqtayl tatapayniniy ni Jesús para
kataxtuchoqochalcha la ixtʼunkʼan.
\p
\v 18 Tejkan tanuchoqolcha ni Jesús laka barco, ex yu
joʼati yu ixlaqtanuy aqmoqxnuʼ va ixtapayniniy ni Jesús
para katʼaminchalcha.
\v 19 Ex ni Jesús va jantu kaʼuyujunil, va junil:
\p —Kʼapʼinchʼoʼochiycha la minchaqaʼ. Kʼaalaqpʼutʼeʼeniyeʼe
milapanakni tachun yu makanin ni Jalhachimoʼonu Dios.
Vachu kʼalakʼun ni yucha va ayaj mapaynin.
\p
\v 20 Ex ni anchanuʼ lapanaki va anchoqolcha la xalakatʼun
yu junkan Decápolis. Va aqtaylcha jalaqputeʼeniy ni
lapanakni tacha pupalay makachoqol ni Jesús. Ex tachun
ni lapanakni va tus vak takʼatsal.
\s Istsiʼi ni Jairo ali yu xanati yu piklanil ixlaqchʼiti ni Jesús
\r (Mt. 9:18-26; Lc. 8:40-56)
\p
\v 21 Taval va takukchoqochil laka barco ni Jesús lakamar.
Tejkan tachinchal la ixkilpaʼ ni lakamar, ancha tataqxtoqlhi
qaynlhuu lapanakni.
\v 22 Ex va chil qayntaun lapanaki yu ixlhichimoʼoy
laqa chaqaʼ taʼan ixtataqxtoʼa ni israelitas, ixjunkan
Jairo. Tejkan laqtsʼil ni Jesús va tus talakaputatamanil
la ixchʼaja ni Jesús.
\v 23 Tapayninil ni Jesús, va junil:
\p —Ni kintsiʼi va laycha kanil. Va knajun katʼatʼi moqslaniniʼ
mimakaʼ, ex lay kaʼayajnanchoqol, lay katsukul.
\p
\v 24 Ex ni Jesús va tʼaʼalcha ni Jairo. Vachuʼ tatʼaʼal
lhuvaj lapanakni, va tus ixtalapatsʼiukslhaʼanta.
\v 25 Vachu ixʼalinta qayntaun xanati taqanʼan. Laqakautʼuycha
jachʼitin va si jakʼalnan ixmajʼan.
\v 26 Chuncha ni xanati va qaynlhuvaj kʼuchʼunun jalaqkilal
yu ixtamamaqanlqajnival. Va ixmaʼakxaʼojotacha tachun
yu ixlhitʼajun. Jantu tsʼuniy palay ixjun, va apalay
ixtaqanʼay.
\v 27 Ex chuncha ni anchanuʼ xanati qasmaklhi ni jakʼuchʼunun
ni Jesús. Ex talakanunil la ixlhistapuʼ ni Jesús, va
piklanil ixlaqchʼiti.
\v 28 Va ixpastakta: “Mas vamun ixlaqchʼiti kakpiklanil,
ka palaycha kajkunchoqol”.
\p
\v 29 Ex chuncha va niman tayajcha val ni ixjakʼalna
ni xanati. Va ukskʼatsalcha la ixlakatunaj ni va palaycha
junchoqol ixtaqanʼati yu ixlhitʼajun.
\v 30 Ex chuncha ni Jesús va ukskʼatsal ni la ixtapʼasta
palay makachoqol xaqayntaun. Va taspʼiklakavanal taʼan
ixtayanal ni lapanakni, va naul:
\p —¿Taʼayucha ixkimpiklaycha la kilaqchʼiti?
\p
\v 31 Yu ixtʼaltanan va tajunil:
\p —Kʼatsʼaycha ni lhuvaj lapanakni talapatsʼiukslhiminta.
¿Ex valiʼiychacha lhasakminin taʼayucha xapʼiklayancha?
\p
\v 32 Pero ni Jesús va taylhaʼal jalaqtsʼiniʼ yu lapanakni,
va mispaputun taʼayucha piklanil ixlaqchʼiti.
\v 33 Ni xanati va kʼatsaycha yu tacha tapasal. Va talhanal
tus xkapʼikninta, talakanunil ni Jesús, talakaputatamanil,
va laqputeʼeniʼol tachun yu laqsaval tapasal.
\v 34 Ex ni Jesús va junil:
\p —Kintsiʼi kʼatʼi, va kʼilhakʼapʼupʼin, xlhiyucha palaycha
xaʼunchʼoʼoy. Chavay oxamaktauncha kapʼinchʼoʼo, palaycha
kaʼunchʼoʼo mintaqanʼati.
\p
\v 35 Tejkan ni Jesús vananaj ixtʼajun chivin, va tachilcha
ixlapanakni ni Jairo yu ixlhichimoʼoy laqa chaqaʼ taʼan
tataqxtoʼa ni israelitas. Va tajunil:
\p —Yu mintsiʼi va nilcha. Jantucha apalay kamaʼanchʼapʼu
ni Jamalaniniʼ.
\p
\v 36 Tejkan qasmaklhi ni Jesús yu tanaul ni lapanakni,
va naul, junkal ni lapanaki yu ixlhichimoʼoy laqa chaqaʼ
taʼan ixtataqxtoʼa ni israelitas:
\p —Jantu katʼalhan. Vamun kʼalhakʼapʼupʼi.
\p
\v 37 Ex chuncha ni Jesús tejkan alcha va jantu matichun
kaʼuyujunil ni katʼaʼal, vamun ni Pedro ali Jacobo ali
Juan yu ixlaqaj ni Jacobo.
\v 38 Tachaʼalcha la ixchaqaʼ yu ixlhichimoʼoy taʼan
ixtataqxtoʼa ni israelitas. Ex ni Jesús va laqtsʼil
ixtalakchʼilita ni lapanakni, va ixtalajqalhunta, tus
pʼas ixtalaktʼasata.
\v 39 Taval va tanuchal ni Jesús, va lakjunil:
\p —¿Valiʼiycha ayaj pʼasnicha lajʼalhunatʼik? Ni jatsiʼi
jantu kanil, va ltatay.
\p
\v 40 Chuncha vamun talaktuʼul ni Jesús. Taval ni yucha
jalakmaxtuʼol maqspaʼ ni lapanakni yu ixtatanumanal
ixpulakna. Laklhaʼalcha vamun ixpay ali ixnati ni jatsiʼi,
vachuʼ yu pumatʼutu ixtʼaltanan. Tatanul taʼan ixmal
ni jatsiʼi.
\v 41 Ex ni Jesús va chʼapanil ixmakaʼ ni jatsiʼi, va
junil:
\p —Talita, kumi —yucha naunputun: Jatsiʼi kʼatʼi, kaʼostʼaulchʼoʼocha.
\p
\v 42 Ex ni anchanuʼ jatsiʼi va niman ostaulchoqolcha,
va tiʼukxuntayachoqolcha. Ixlhitʼajun laqakautʼuy ixjachʼitin.
Tejkan chuncha talaqtsʼitapasal ni lapanakni va tus
vak takʼatsal.
\v 43 Ni Jesús laklhijunil ni jantu matichun katalaqputeʼenil
yu tapasal. Ex lhinaul ixvavaka ni jatsiʼi.
\c 6
\s Ni Jesús anchoqol Nazaret
\r (Mt. 13:53-58; Lc. 4:16-30)
\p
\v 1 Ex va chuncha ni Jesús taxtuchoqolcha taʼan ixvil, va anchoqol la ixtʼun. Ixtʼaltanan vachu tatʼaʼal.
\v 2 Tejkan xajulchan jastaknati val, ex ni Jesús aqtayl jalakmalaniy ni lapanakni laqa chaqaʼ taʼan ixtataqxtoʼa ni israelitas. Qaynlhuvaj lapanakni tejkan taqasmaktaynil, tus vak takʼatsal, ixtanajun:
\p —¿Tas oxtaycha lanilcha ni anu joʼati yu laqputeʼey? ¿Tis va suncha ni anu jatapastakʼati yu xtaqnikal? ¿Tas pulakmakaycha lajʼay axtoqnuʼ?
\v 3 Ni yucha va karpintero, va istsʼal ni María, ixtʼalaqaunin va ni Jacobo ali José ali Judas ali Simón. Ixtʼalapanakni vachuʼ aniy taʼalinta kun kijnankʼan.
\p Ex chuncha jantu ox ixtalaqtsʼin.
\v 4 Ni Jesús va jalakjunil:
\p —Qayntaun lapanaki yu laqputeʼey ixchivinti Dios va talakachux toʼoyakan. Vamun la ixtʼun, taʼan tavilanal ixtʼalaqaunin, ancha la ixchaqaʼ, jantu toʼoyakan.
\p
\v 5 Ex ancha ni Jesús va jantu kalal kamakal yu lajʼay axtoqnuʼ. Vamun laqmoqslanil ixmakaʼ lati taqanʼanin, va palaycha jalakmakal.
\v 6 Yucha va tus vak kʼatsal ni jantu ixtalhakapuʼan ni lapanakni. Taval va ixʼanta lakmalanin taʼan ukstsʼuniy laka putaulanin.
\s Ni Jesús jamalaqachal ixpumakautʼuykʼan ni kataʼal laqputeʼenin tacha lhachimoʼonun ni Dios
\r (Mt. 10:5-15; Lc. 9:1-6)
\p
\v 7 Ex chuncha va jalakjuntaʼil pumakautʼuy ixtʼaltanan. Jamalaqachal pumatʼiyun, va jalaqxtaqnil ni lhachimoʼon para lay katamaxtul yu jantu lajʼox espíritus.
\v 8 Va jantu kalaqxtaqnil lakatin katalhaʼal tuʼuchun, mas ixvaytikʼan, mas ixmoralkʼan, nisin ixtuminkʼan. Vamun maqatamin ixpalikkʼan jaxtaqnikal lakatin katalhaʼal.
\v 9 Jalakjunil ni katachʼantanul ixvarachikʼan, vachuʼ katalhaʼal vamun aqxtaun ixlaqchʼitkʼan, jantu aqxtʼuy.
\v 10 Jalakjunil:
\p —Tejkan kʼatʼanutʼachipitik ni aqataun chaqaʼ, va ancha katʼaulʼalhiyapitikcha tus tejkan katʼaxtʼuchʼoʼoyapitik ni anchanuʼ putaulan.
\v 11 Incha jantu katalaqaʼiyan, incha jantu kataqalasmakputunan, ex katʼaxtʼuchʼoʼoyapitikcha. Kachʼankʼalapʼuxkʼanapitik ni pʼoqxni la minchʼajakʼan, chuncha lay katakʼatsal ni jantu ox yu tamakaniyan. [Laqsaval klajunau, tejkan kaminaʼ ni Dios mukʼanaʼ laqtaqal ex apalay ay kunaʼ ixmaqanlqajnatkʼan xajantu ni lapanakni yu ixtatʼajun Sodoma kun Gomorra.]
\p
\v 12 Ex chuncha ixtʼaltanan tataxtulcha laqputeʼenin ni maqskʼiniy katamapaxalcha ixjatapastakʼatkʼan ni lapanakni.
\v 13 Lhuvaj taqanʼanin talakmaxtunil yu jantu ox espíritus. Vachuʼ talhixapal lhuvaj taqanʼanin kun aceite, va tamaʼayajnichoqol.
\s Nil ni Juan yu jamaqchajʼavanaʼ
\r (Mt. 14:1-12; Lc. 9:7-9)
\p
\v 14 Ex yu lhachimoʼonuʼ Herodes va kʼatsal yu tacha ixmakay ni Jesús. Tachun ni lapanakni ixtamispaʼojoy yu ixmakay ni Jesús. Tanaul:
\p —Ka va kujchoqotacha ni Juan yu jamaqchajʼavanaʼ. Ka xlhiyucha lhitʼajun tapʼasta ni lay kamakal ay axtoqnuʼ.
\p
\v 15 Alati lapanakni va ixtanajun:
\p —Ka va Elías.
\p Yu alati ixtanajun:
\p —Va qayntaun yu ixlaqputeʼey ixchivinti Dios maqancha.
\p
\v 16 Tejkan chuncha qasmaklhi ni Herodes, va naul:
\p —Ni anchanuʼ va Juan, va yu ikmalaqachanal ixchaqxpʼuxnika ixʼaqtsul. Va tʼajunchoqoycha.
\p
\v 17 Ni Herodes ixmalaqachanantacha ixchʼika ni Juan ex manul laka pachʼin. Va chuncha ixnajun kamakal ixanati yu ixjunkan Herodías. Yucha ixjunitacha ixanati ni Felipe, yu ixlaqaj ni Herodes pero Herodes ixmaxtunitacha, va tʼatsukul.
\v 18 Ni Juan va ixjunitacha ni Herodes:
\p —Yu ixanati ni milaqaj jantu lay kʼalhitsʼukʼu tacha mixanati.
\p
\v 19 Xlhiyucha yu Herodías ayaj ixkajiy ni Juan va ixmaqniputun pero jantu lay kamaqnil.
\v 20 Yu Herodes ixtalhauniy ni Juan, ixkʼatsay va ox vas ixjunita ixjatsukunti, ixmakay yu tacha ixnajun Dios. Ex mas ni Herodías ixmaqniputun ni Juan, yu Herodes va ixlhistakta. Vachu tus ox ixʼachajqasmakniy yu ixlaqputeʼeniy ni Juan, mas jantu ox ixmalaqasiy yu ixlaqputeʼey.
\p
\v 21 Taval taun julchan ni Herodías va temal tacha pulay kamaqnil. Laqchaʼalcha ixkʼatan ni Herodes. Ni Herodes va makal taun ay lakvayti. Va laklhijunil ni lapanakni yu ixtaʼaqtayjuy ali yu xaʼukxtinin tropas, vachuʼ alati yu xalajʼay lapanakni yu ixtavilanal xalakatʼun Galilea.
\v 22 Ex chuncha yu istsiʼi ni Herodías tanuchal taʼan ixʼalinta ni kʼatan, va aqtayl jatʼinin. Va ayaj maqamal ni Herodes, vachu yu ixtatʼatʼajun vaynin ayaj tamaqamal. Ex yu jalhachimoʼonuʼ Herodes va junil ni jatsiʼi:
\p —Kʼiskʼinin va yu uxintʼicha achʼaniy. Yu kitʼin kakxtaqniyan.
\p
\v 23 Ex vachu junil:
\p —Laqsaval ijkunan ni kakxtaqniyan yu kiskʼiniy mas va tichichuncha kaval tus kaval pakltaun ni kilakamunukpaʼ taʼan klhichimoʼoy.
\p
\v 24 Taval ni jatsiʼi va al lhisakminin ixnati:
\p —¿Tisunchacha kakskʼiniyacha?
\p Yu ixnati va junil:
\p —Chavay ni uxintʼi va kaskʼiniyeʼe ixʼaqtsul ni Juan yu jamaqchajʼavanaʼ.
\p
\v 25 Ex chuncha ni jatsiʼi va taun laqatsʼalaj tanuchal taʼan ixvil ni jalhachimoʼonu, va junil:
\p —Yu kitʼin iknajun chavaycha niman kʼixtʼaqnin laqa ay plato yu ixʼaqtsul ni Juan yu jamaqchajʼavanaʼ.
\p
\v 26 Tejkan chuncha junkal ni jalhachimoʼonu Herodes, va ayaj maqaninil. Pero ixjunitacha ni laqsaval kaxtaqniyaʼ yu kaskʼinacha, vachu ni lapanakni yu lakjuntaʼitacha lakvayti va taqasmakʼol ixchivinti yu junil ni jatsiʼi. Xlhiyucha jantucha lay kamapaxal ixjatapastakʼati.
\v 27 Ex chuncha ni jalhachimoʼonuʼ Herodes niman lhijunil qayntaun ixtropa kaʼal iniʼ ixʼaqtsul ni Juan yu maqchajʼavanaʼ.
\v 28 Ex ni tropa va al ni laka pachʼin, va chaqxʼinil ixʼaqtsul ni Juan, ex lhiminil laqa ay plato, xtaqnilcha ni jatsiʼi. Ex yu jatsiʼi va maqxtaqnil ixnati ixʼaqtsul ni Juan.
\p
\v 29 Ex chuncha yu ixtʼaltanan ni Juan tejkan takʼatsalcha ni maqnikal, va takiʼinilcha ixlakatunaj. Va talhaʼalcha maknunun laka putaknun.
\s Ni Jesús va lakvaval laqakis mil joʼakna
\r (Mt. 14:13-21; Lc. 9:10-17; Jn. 6:1-14)
\p
\v 30 Ex taval yu ixjamalaqachantacha ni Jesús va talaqminchoqol ni Jesús. Va talaqputeʼel tachun yu tamakal ali yu tamalaninil.
\v 31 Ex ni Jesús va lakjunil ixtʼaltanan:
\p —Chavay ni uxiknankʼan kʼatʼantʼikcha taʼan jantu tʼujuʼ lapanakni, kaʼaucha jastaknan kilaqʼamankʼan.
\p Yuʼuncha va jantu lay katastaknal taun panchʼixcha para katavayl, va por ixtamin, ixtaʼan pumalhuu lapanakni. Xlhiyucha chuncha naul ni Jesús.
\v 32 Ex va chuncha va tatajulcha laka barco. Va taʼal jastaknan xʼamankʼan taʼan jantu tʼujuʼ lapanakni.
\v 33 Pero lhuvaj lapanakni talaqtsʼil tejkan al, va talaqmispal. Ex chuncha pumalhuu xalapanakni ni laka putaulanaxna va tatakyauʼal laka tʼun. Taval yuʼuncha pʼunaj tachaʼal, yu Jesús kun ixtʼaltanan va astan tachaʼal.
\v 34 Tejkan ni Jesús taxtulcha laka barco va jalaqtsʼil lhuvaj lapanakni. Va jalakmapaynil ni lapanakni, ixtaʼalinta tacha borregos yu jantu kaʼalil qayntaun yu kalaklhistaklhi. Ex chuncha ni Jesús aqtaylcha jalakmalaniy, va pulhuu chivinti jalakmasunil.
\v 35 Ex chuncha tejkan toqoxalcha ixtʼaltanan ni Jesús talaqmil, va tanajun:
\p —Aniy jantu tʼujuʼ chaqan, chavaycha toqoxalcha.
\v 36 Kʼalakmastʼakʼachʼoʼo ni lapanakni kataʼanchalcha inin ixvaytikʼan ukstsʼuniy taʼan alin lakstʼuniy putaulanaxna.
\p
\v 37 Ex ni Jesús va lakjunil:
\p —Uxiknankʼan kalakvavatʼik.
\p Ex yuʼuncha va tanaul:
\p —¿Ex kijnankʼan kajkʼanau inin vayti para kaklakvavayau? Maqskʼiniy lhuu tumin ni kaklhiʼiu yu kataʼul, kaval 200 julchan lhitapatsa.
\p
\v 38 Ex chuncha ni Jesús va naul:
\p —¿Tas chuncha maʼalinatʼikcha mivaytikʼan? Kʼapʼinchʼipitik laqtsʼinin.
\p Tejkan takʼatsalcha tachun ixʼalinta, tanaul:
\p —Va aqskis pan ali aqxtʼuy jatanti.
\p
\v 39 Ex ni Jesús jalaqmalaqachal katalhijunil ni lapanakni para katataulal oqxlaqtamin taʼan alin lakstakʼau jatsʼinan.
\v 40 Ex chuncha ni lapanakni tataulalcha tamin ciento, yu alati va tataulal pakltamin ciento.
\v 41 Ex chuncha ni Jesús chʼapalcha ni aqskis pan ali yu aqxtʼuy jatanti. Talaqstʼal ni laktʼiyan, va xtaqnil lhimalaqpuchuncha ni Dios. Ex chuncha laqcheʼelcha ni pan, jalaqxtaqnilcha ixtʼaltanan para katamapitsinilcha ni lapanakni. Vachu jalaqcheʼeniʼol tachun ni lapanakni ni anchanuʼ aqxtʼuy jatanti.
\v 42 Tachun tavaynʼol, va tus ox taʼotsaʼol.
\v 43 Ex chuncha tapusakchoqol yu xajchal xatalaqcheʼeniʼ ni pan kun ni jatanti. Va tus laqakautʼuy canastas tamaʼaqtsamal.
\v 44 Ni joʼakna yu tavayl va laqakis mil.
\s Ni Jesús va iltanajminta la ixʼukxna lakamar Galilea
\r (Mt. 14:22-27; Jn. 6:16-21)
\p
\v 45 Ex ni Jesús va niman laklhijunilcha katatajuchoqolcha ni laka barco ixtʼaltanan para kataʼanchoqolcha ni Betsaida. Ni Jesús jantu niman kalaktʼaʼal. Vananaj ixtʼajun lakmastakʼanaʼ ni lapanakni.
\v 46 Tejkan lakmastakʼaʼochoqolcha ni lapanakni ex ni Jesús va al tapayniniʼ Dios laka aspajun.
\v 47 Tejkan putsʼislhicha, yu ixtʼaltanan ixpakltauncha lakamar ixtaʼanta laka barco. Ni Jesús va ixʼamancha ixyal ni lakatʼun.
\v 48 Ex ni Jesús jalaqtsʼil ni ixtʼaltanan va tacha jantu kalal katamaltanal ixbarcokʼan. Yu un va ayaj pʼasni ixʼunilata taʼan ixtapuʼanta. Tejkan tunkumintacha ni Jesús va iltanajmintacha la ixʼukxna lakxkan. Va ixlaqmaqxapuʼiniputun ixtʼaltanan.
\v 49 Pero tejkan talaqtsʼil ni iltanajminta la ixʼukxna ni lakxkan talhilal va taun maqtsʼisvanaʼ. Ex va tamatʼasal.
\v 50 Tachun yu talaqtsʼil, va ayaj tatalhanal. Ex ni Jesús niman jaxaqalal, va lakjunil:
\p —¡Ay kʼamakʼatʼik melhanutkʼan! Va kitʼin. Jantu katʼalhanantʼik.
\p
\v 51 Ex ni Jesús va tajulcha laka barco taʼan ixtatajumanal. Ni un va vakcha junchoqol. Ex yuʼuncha tatalhanal, va tus vak takʼatsal.
\v 52 Vananaj ayaj pʼas ixtajunita ixjalhanutkʼan. Jantukaʼ ox ixtamalaqasiy tichichuncha lapanaki junita yu lalhaval ni pan.
\s Ni Jesús va lakmaʼayajnichoqol xataqanʼanin xalakatʼun Genesaret
\r (Mt. 14:34-36)
\p
\v 53 Tejkan tapatukukchalcha ni lakamar va tachaʼalcha xalakatʼun Genesaret, tachʼiʼulalcha ni barco.
\v 54 Tejkan tataxtul laka barco ni Jesús ali ixtʼaltanan, ex yu lapanakni va niman tamispal.
\v 55 Ex tatakyauʼal inin yu taqanʼanin tus tachun ni anchanuʼ lakatʼun. Talaklhiminil laka putaman taʼan ixtakʼatsay ni ixtaulay Jesús.
\v 56 Ni Jesús tejkan ixtiʼukxuntayay lakstʼuniy putaulan, lajʼay putaulan, laka kuxtu, mas va toʼoxtaycha kaval, va si ixtamamaniy ni lakatinixnan ni taqanʼanin. Ixtatapayniniy ni Jesús para lay katachʼapanil vamun ixpiktuʼ ni ixlaqchʼiti. Ex tachun yu tachʼapanil va si taʼayajnanʼochoqol.
\c 7
\s Toʼoxtaycha minachal yu talaqalhin
\r (Mt. 15:1-20)
\p
\v 1 Taun julchan ni fariseos ali alati yu ixtamasuy
ixlhachimoʼonkʼan ni israelitas va tatalakanunil ni
Jesús. Va taminchal ni Jerusalén.
\v 2 Talaqtsʼil lati ixtʼaltanan ni Jesús va ixtavajin
mas jantu ixtamaqchaʼay tacha lhinajun ixputsukukʼan.
Ex jantucha ox katalhilal.
\v 3 Yu fariseos ali tachun yu alati israelitas yuʼuncha
ixtamakay tacha ixputsukukʼan yu maqancha ixpayankʼan.
Jantu aqtaun lakmakxkiliu ixtavajin, va si pʼunaj ixtamaqchaʼay
tacha lhinajun ixputsukukʼan.
\v 4 Vachuʼ tejkan ixtaʼiy tuʼuchun laklhitamau, pʼunaj
ixtachaʼaʼelay ex ixtaʼuy. Vachu ayaj pulhuvaj ixtamakay
tacha ixputsukukʼan, ixtachaʼay vasos ali kasvilas, xapuvay
yu jamakanti kun tsasnati vachu yu putaman.
\v 5 Ex chuncha yu fariseos ali yu ixtamalaniy ixlhachimoʼonkʼan
va tajunil ni Jesús:
\p —¿Valiʼiycha mintʼaltanan jantu tataylhaʼan yu kimputsukukʼan
yu tacha ixtamakay yu maqancha kepayankʼan? Yu mintʼaltanan
valiʼiy tavajin mas jantu tamaqchaʼay tacha lhinaunkan.
\v 6 Ex ni Jesús va lakjunil:
\p —Ni uxiknankʼan va tʼuy ukxpuʼ makʼayatʼik. Ni Isaías
yu ixlaqputeʼey ixchivinti Dios, yucha vas ixnajun, va
inchineʼ tsʼoqlhi:
\q Ni aniy lapanakni vamun kun ixkilkʼan kintatoʼoyay.
\q Yu ixjalhanutikʼan va ayaj maqati alinta kun kitʼin.
\q
\v 7 Mas ayaj kintatoʼoyay jantu tuʼuchun ixtapal kaval,
\q jantu laqsaval yu tamalaninin, va ixjatapastakʼatkʼan
lapanakni.
\p
\v 8 Chavay uxiknankʼan va makʼauntʼijlayatʼik yu lhinajun
Dios. Tʼaylhipʼinatʼik yu talhinajun lapanakni.
\p
\v 9 Vachuʼ lakjunil:
\p —Chavay yu lhinajun Dios valiʼiy makʼauntʼijlayatʼik.
Vamun tamaqamayan katʼaylhipʼintʼik tacha uxiknankʼan
mimputsukukʼan.
\v 10 Ni Moisés yu maqancha ixlaqputeʼey ixchivinti
Dios, va naul: “Katʼoʼoyatʼi ni mimpay ali minati.”
Vachu va naul: “Yu jantu ox lhichiviniy ixpay ali ixnati
yucha maqskʼiniy kanil.”
\v 11 Pero yu uxiknankʼan naunatʼik ni qayntaun lapanaki
lay kajunil ixpay ali ixnati: “Laqsaval tachun yu klhitʼajun
va Korbán (va naunputun va ixnavin Dios). Xlhiyucha
jantu lay klaʼaqtayjuyau.”
\v 12 Incha chuncha najun, ex yu uxiknankʼan naunatʼik
jantucha maqskʼiniy kalaqʼaqtayjul ixpay ali ixnati.
\v 13 Chuncha ayaj akchʼintʼamayatʼikcha yu lhinajun
Dios. Va ayaj tʼoʼoyaniyatʼik yu tacha ixtamakalhiminta
ixputsukukʼan mimpayankʼan maqancha. Pulhuvaj axtoqnuʼ
chuncha makʼayatʼik.
\p
\v 14 Ex chuncha ni Jesús jalaktʼasaʼil yu ixtalhavaxtu
lapanakni, va jalakjunil:
\p Kilaqalasmakvi mintachunkʼan, ox kʼamalaʼasitʼik.
\v 15 Yu uy ni lapanaki, yucha jantu maqtaqalhiniy ixjatsukunti.
Yu maqtaqalhiniy va yu kiltaxtuy. [
\v 16 Chavay incha alin mimpaqasmakkʼan, va kaʼasmaktʼikcha.]
\p
\v 17 Ex chuncha ni Jesús tejkan lakmakaulcha ni lapanakni,
va tanul la ixpulakna ni laqa chaqaʼ. Ex chuncha ixtʼaltanan
va talhisakmil yu naunputun ni chivinti yu ixlakmalanita
ni lapanakni.
\v 18 Ex ni Jesús va jalakjunil:
\p —¿Chavay mas uxiknankʼan jantu malaʼasiyatʼik? ¿Jantu
malaʼasiyatʼik ni tachun yu uy qayntaun lapanaki ni
yucha jantu maqtaqalhiniy?
\v 19 Yu uy jantu tanuyachal la ixjalhanuti. Tajuyachal
la ixpuvintu ex astan taxtuchoqoy.
\p Tejkan chuncha naul ni Jesús va masul ni puchux lhiʼuti
va si ox kʼaʼutʼi.
\p
\v 20 Ex chuncha vachu naul ni Jesús:
\p —Yu maqtaqalhiniy qayntaun lapanaki va yu minachal
la ixpulakna.
\v 21 La ixpulakna ni lapanakni, la ixjalhanutikʼan, ancha
minachal yu jantu lajʼox jatapastakʼati, xlhiyucha tatʼatamay
lapanakni yu jantu ixnavinkʼan kaval, tamaqamaʼojoy tachun
yu jantu lajʼox, jamaqninin,
\v 22 taʼalhavanan, taʼaqspʼuknin, talaktuʼunun, tamakanunun,
taputʼajuncha la ixjatsukuntikʼan, taʼakchaʼanan, tamanuy
jalaklkanti, ixʼamankʼan ay lakmakakan, jantu lakpastaknan.
\v 23 Tachun ni anchanuʼ axtoqnuʼ yu jantu lajʼox, yucha
minachal la ixpulakna ni lapanaki, ex chuncha maqtaqalhiniy.
\s Qayntaun xanati yu jantu israelita kaval, lhakapuʼal ni Jesús
\r (Mt. 15:21-28)
\p
\v 24 Ex chuncha ni Jesús taxtuchalcha, va al xalakaputaulanin
ni Tiro ali Sidón. Ex chuncha tejkan chaʼal, tanul aqataun
chaqaʼ, va ixnajun jantu matichun kakʼatsal taʼan taulal.
Pero jantu lay katamaqsaqlhi.
\v 25 Qayntaun xanati ixlhitʼajun qayntaun lakatʼuniy
ixjatsiʼi yu ixlhitʼajun yu jantu ox espíritu. Tejkan
kʼatsal ni ancha vil ni Jesús, va niman laqʼal, va talakaputatamanil
la ixchʼajaʼ.
\v 26 Ni xanati jantu israelita kaval, va ixchiviniy
lhigriego, tsukuchal xalakatʼun Sirofenicia. Yucha tapayninil
ni Jesús ni kamaxtunil yu jantu ox espíritu ni istsiʼi.
\v 27 Pero ni Jesús va junil:
\p —Pʼunaj maqskʼiniy kaklakvavaʼelal ni kintʼaʼisraelitas.
Jantu ox ni kʼalakmaxtʼunin ixvaytikʼan ni jasʼatʼan
para kʼalaqxtʼaqnin yu xʼoyun.
\p
\v 28 Ex chuncha ni xanati va naul:
\p —Ka chun, Jalhachimoʼonuʼ. Pero mas yu xʼoyun yu tavilanal
ixtaʼapuʼ laka mesa talaksakʼuycha ixtalaqcheʼekʼan
ni jasʼatʼan yu talakamakajun.
\p
\v 29 Ex chuncha ni Jesús va junil:
\p —Ka chun, la ox tacha xanaʼun. Laycha kapʼinchʼoʼo.
Yu mintsiʼi makaunchoqolcha yu jantu ox espíritu.
\p
\v 30 Ex chuncha ni xanati va anchoqolcha. Tejkan chaʼanchoqol
la ixchaqaʼ, yu ixjatsiʼi va makaunchoqotacha yu jantu
ox espíritu. Va saqcha machoqol la ixputaman.
\s Ni Jesús kʼuchʼul qayntaun lapanaki yu aqatapa y jantu lay ixchiviniy
\p
\v 31 Taval ni Jesús va minchoqochalcha xalakatʼun Tiro,
va pumil Sidón, tapasal lakamar Galilea, va chinchal xalakatʼun
Decápolis.
\v 32 Ancha talhiminil ni Jesús qayntaun joʼati aqatapa,
vachu jantu lay vas ixchiviniy. Ex chuncha va tatapayninil
ni Jesús para kamoqslanil ixmakaʼ la ixlakatunaj ni
anchanuʼ aqatapa.
\v 33 Ex ni Jesús va lhilhaʼal ni aqatapa taʼan jantu
katatayal ni lapanakni. Ex ancha akatutamaknul kun ixmakaʼ
la ixʼaqaxqol. Vachu chujval ixmakaʼ ni Jesús va moqslanil
la isimaʼati ni aqatapa.
\v 34 Ex ni Jesús talaqstʼal ni laktʼiyan, va tus pulmaniyaʼil
ni ixaniti, va naul:
\p —¡Efata! (Va naunputun ¡Katalaqltiʼal!)
\p
\v 35 Ex niman laycha qasmaknal, yu isimaʼati va oxicha
junchoqol, ox ixchiviniy.
\v 36 Ni Jesús laklhijunil ni jantu matichun katalaqputeʼenil
pero mas chuncha ixlakjunkan va apalay ixtalaqputeʼey.
\v 37 Ex chuncha ni lapanakni tus taun talhilal ni Jesús,
va ixtanajun:
\p —Tachun yu lajʼox lay makay. Chavay yu aqatapanin jamaqasmaknichoqoy,
vachuʼ yu janunun lakmachivinichoqoy.
\c 8
\s Ni Jesús lakvaval laʼatʼati mil lapanakni
\r (Mt. 15:32-39)
\p
\v 1 Ex chuncha taun julchan va lhuvaj lapanakni ixtaʼaqxtoqnun,
ex chuncha yu ixvaytikʼan jantu tʼujucha ixjunita. Ex
chuncha ni Jesús va lakjuntaʼil ni ixtʼaltanan va lakjunil:
\p
\v 2 —Va ayaj klakmapayniy ni lapanakni. Paqtʼutucha
kintatʼaʼalinta ni kitʼin, jantu katalhitsukul tuʼuchun
yu kataʼul.
\v 3 Incha kaklaqmalaqachachoqol la ixchaqakʼan sin
vayti ka va lay katalaqavitil ni lakatin. Lati va la
maqati machaqan.
\p
\v 4 Ex tanaul ixtʼaltanan:
\p —Ni aniy jantu matichun kataulal. ¿Tas oxtay lay kalaqxtaqnikal
ixvaytikʼan ni anchanuʼ lapanakni aniy taʼan jantu matichun
kataulal?
\p
\v 5 Ex ni Jesús laklhisakmil ixtʼaltanan, va lakjunil:
\p —¿Tas chuncha pan maʼalinatʼik ni uxiknankʼan?
\p Ex tanaul:
\p —Va aqxtujuncha alin.
\p
\v 6 Ex ni Jesús laklhijunilcha ni lapanakni katataulalcha
lakatʼun. Chʼapalcha ni anchanuʼ aqxtujun pan, va tapayninil
ni Dios. Taval laqcheʼelcha ni pan, va jalaqxtaqnilcha
ni ixtʼaltanan. Ex yuʼuncha tamaqpitsinil ni lapanakni.
\v 7 Vachu ixtamaqalin tsʼuniy yu lakstʼuniy jatanti.
Ex yu Jesús xtaqnil lhimalaqpuchuncha ni Dios, va laqcheʼelcha,
ex vachu lhinaul ixmapitsika.
\v 8 Ex chuncha tus tachun tavaynʼol va tus ox taʼotsal.
Taval tamaqxtoqlhi yu xatalaqcheʼeniʼ yu xajchal. Laqchaʼal
laqatujun qaychʼi.
\v 9 Ni lapanakni yu tavayl va laycha laʼatʼati mil.
Ex chuncha ni Jesús va lakmastakʼachoqolcha ni lapanakni.
\v 10 Ex va jalaktʼatajuchoqolcha ixtʼaltanan laka barco.
Va taʼal xalakatʼun Dalmanuta.
\s Yu fariseos taskʼin ni Jesús kamakal taun ay axtoqnuʼ
\r (Mt. 16:1-4; Lc. 12:54-56)
\p
\v 11 Ex chuncha tachinchal ni yu fariseos va taʼaqtayl
talakchiviniy kun Jesús. Ixtalaqtsʼintanuputun, tanajun
kalakmasunil taun ay axtoqnuʼ yu minachal laktʼiyan.
\v 12 Pero ni Jesús tus pulmaniyaʼil ixaniti, va naul:
\p —Ni uxiknan yu chavaycha tʼaunatʼik, ¿valiʼiycha skʼinatʼikcha
taun ay axtoqnuʼ yu lay kilapumispau? Laqsaval klajunau
ni jantu klamasuniyau.
\p
\v 13 Taval ni Jesús lakmakaulcha ni lapanakni, tajuchoqolcha
laka barco, va alcha tukuktachal lakamar.
\s Ixjatapastakʼatkʼan ni fariseos va tacha levadura
\r (Mt. 16:5-12)
\p
\v 14 Yu ixtʼaltanan ni Jesús va takauklhi katalhaʼal
ixtiyutkʼan, vamun aqxtaun pan ixtalhaʼanta taʼan ixtapuʼanta
laka barco.
\v 15 Ex chuncha ni Jesús jalaqxaqalal ixtʼaltanan, va
lakjunil:
\p —Kʼalhistʼajkʼantʼik kun yu ixlevadurajkʼan ni fariseos
ali Herodes.
\p
\v 16 Ex chuncha ixtʼaltanan taʼaqtayl talaxaqalay siya
yuʼuncha, va talajuniy:
\p —Jantu kalhimiu ni kintiyutkʼan, va xlhiyucha chuncha
najun.
\p
\v 17 Ni Jesús lajkʼatsanil yu ixtatʼajun lhilakchivinin,
va lakjunil:
\p —¿Valiʼiycha naunatʼikcha ni jantu maʼalinatʼik mimpankʼan?
¿Jantukaʼ malaʼasiyatʼik? ¿Va ayaj laqpʼasnin miʼaqtsulkʼan?
\v 18 Mas alin milaqchulkʼan va tacha jantu pʼalakʼavananatʼik.
Mas alin mimpaqasmakkʼan va tacha jantu asmaknanatʼik.
¿Jantucha pʼastʼakʼatʼik yu tapasal?
\v 19 Tejkan klakmapitsinil ni anchanuʼ aqskis pan yu
laqakis mil lapanakni, ¿tas chuncha canasta maqxtʼoqtʼikcha
yu xatalaqcheʼeniʼ?
\p Ex yuʼuncha va tanaul:
\p —Laqakautʼuy canasta.
\p
\v 20 Ex lakjunchoqol:
\p —Tejkan klakmapitsinil ni anchanuʼ aqxtujun pan yu
laʼatʼati mil joʼakna, ¿tas chuncha qaychʼicha maʼaqtsʼamatʼik?
\p Ex va tanaul:
\p —Laqatujun qaychʼi.
\p
\v 21 Ex chuncha ni Jesús va lakjunil:
\p —¿Ex jantukaʼ malaʼasiyatʼik?
\s Ni Jesús palay makal qayntaun laʼachʼix
\p
\v 22 Ex chuncha tejkan ni Jesús ali ixtʼaltanan tachaʼal
laka putaulan Betsaida, va lhiminikal qayntaun laʼachʼix.
Va tapayninikal kamoqslanil ixmakaʼ.
\v 23 Ex chuncha ni Jesús maqchʼapal ni laʼachʼix va
lhaʼal ixlhimaqspaʼ ni putaulan. Ancha lhixapanil ixchujʼuti
la ixlaqchul ni laʼachʼix, vachu moqslanil ixmakaʼ. Ex
va lhisakmil incha laycha laqtsʼin tuʼuchun.
\v 24 Ni laʼachʼix va lakavananchoqolcha, ex naul:
\p —Chun, klaqlaqtsʼin ni lapanakni. Tatasuy tacha jakʼivinancha
yu taltananta.
\p
\v 25 Ex ni Jesús va aqtaun moqslanichoqol ixmakaʼ la
ixlaqchul. Ex chuncha ni joʼati va laycha lakavanal,
va tus maqati tachun ox jalaqtsʼil.
\v 26 Ex ni Jesús malaqachachoqol la ixchaqaʼ, va junil:
\p —Jantucha kapʼinchʼoʼo ixpulakna ni laka putaulan, vachuʼ
jantu matichun kʼaʼun yu ancha kataulal.
\s Ni Pedro vas junil ni Jesús yucha va ni Cristo yu Dios naul kamalaqachayaʼ
\r (Mt. 16:13-20; Lc. 9:18-21)
\p
\v 27 Taval ni Jesús ali ixtʼaltanan taʼal yu xaputaulanin
taʼan ukstsʼuniy yu ay laka putaulan Cesarea de Felipo.
Tejkan taʼantacha lakatin, ni Jesús jalaklhisakmil ixtʼaltanan,
va lakjunil:
\p —¿Tas ayuchacha talhilay ni lapanakni ni kitʼin ijkunita?
\p
\v 28 Ex ixtʼaltanan va tajunil:
\p —Lati lapanakni tanajun va Juan kʼatʼi yu jamaqchajʼavanaʼ.
Alati tanajun va Elías kʼatʼi. Yu alati tanajun va xaqayntaun
kʼatʼi yu maqancha ixlaqputeʼey ixchivinti Dios.
\p
\v 29 Ex chuncha ni Jesús va lakjunil ni ixtʼaltanan:
\p —Chavay yu uxiknankʼan, ¿tasʼayucha naunatʼik ijkunita
ni kitʼin?
\p Ex chuncha yu Pedro va junil:
\p —Uxintʼi va Cristo kʼatʼi yu malaqachatan ni Dios.
\p
\v 30 Ex ni Jesús va jalaqxaqalal ixtʼaltanan para jantu
matichun katalaqputeʼenil ni va yucha ni Cristo.
\s Ni Jesús lhilaqputeʼel ni ixlhinin
\r (Mt. 16:21-28; Lc. 9:22-27)
\p
\v 31 Ex chuncha ni Jesús va aqtaynilcha jalakmalaniy
ixtʼaltanan, lakjunil ni yucha yu Sasʼatʼa Lapanakni
kamaqanlqajnanaʼ. Naul ni yu lajʼay xapaynin ali yu
xaʼukxtinin kuras vachu yu tamalaninin ixlhachimoʼonkʼan,
yuʼuncha katalaktanchaniyaʼ. Vachuʼ naul ni katamaqniyaʼ
pero yu laʼatʼutunuʼ julchan kakujchoqoyaʼ.
\p
\v 32 Vas lakjunil ni chuncha kunaʼ. Ex ni Pedro va
tumpaj lhaʼal ni Jesús, aqtayl laqʼaymay por yu naul.
\v 33 Ex ni Jesús talaqaspʼiklhi, jalaqtsʼil yu alati
ixtʼaltanan, laqʼaymachoqol ni Pedro, va junil:
\p —¡Tumpajcha kaʼuntʼi kun kitʼin, Satanás kʼatʼi! Jantu
pʼastʼakʼa tacha pastakʼa ni Dios, va pʼastʼakʼa tacha
tapastakʼa ni lapanakni.
\p
\v 34 Ex ni Jesús lakjuntaʼil ni ixtʼaltanan ali yu
alati lapanakni yu ancha ixtavilanal, va jalakjunil:
\p —Incha matichun kintʼatiʼukxuntayaputun, yucha jantucha
lay makay yu makaputun. Kaval tacha kalhaʼal ixkurus,
ex chuncha lay kintʼatiʼukxuntayalcha.
\v 35 Chavay ni lapanaki yu ayaj lhitsukuputun ixjatsukunti,
ni yucha kamaqatsʼanqayaʼ. Pero yu maqatsʼanqay ixjatsukunti
por kitʼin y por laqputeʼey yu ox chivinti, yucha kalhitsukuchoqoyaʼ.
\v 36 ¿Tisuncha lhajaycha qayntaun lapanaki incha kalhitsukuʼol
tachun yu alin lakamunukpaʼ pero va maqatsʼanqay ixjatsukunti?
\v 37 ¿Tas kapulhitsukuchoqoyaʼ ixjatsukunti?
\v 38 Ni lapanakni yu chavaycha tatʼajun va tamaqtaqalhinin
y talaktuʼunun. Incha qayntaun lapanaki kilhimaxanan
ni kitʼin kun kinchivinti, ex ni kitʼin yu kval Sasʼatʼa
Lapanaki vachu kaklhimaxananaʼ ni yucha, tejkan kakminchoqotachal
la ixtapʼasta kimPay kun ixmayulnin.
\c 9
\p
\v 1 Ex chuncha vachuʼ lakjunil ni Jesús:
\p —Laqsaval klajunau, lati lapanakni yu chavay aniy taʼalinta,
jantu kataniyaʼ tus katalaqtsʼinʼelayaʼ tacha kunaʼ
tejkan ni Dios kalhachimoʼonunaʼ aniy lakamunukpaʼ kun
tachun ixtapʼasta.
\s Tapaxal tacha ixtasuta ni Jesús
\r (Mt. 17:1-13; Lc. 9:28-36)
\p
\v 2 Ex tejkan laqachaxan julchan val, ni Jesús va al
taun ay aspajun. Vamun jalaklhaʼal ni Pedro ali Jacobo
ali Juan. Ex chuncha la ixlakaʼukxpukʼan ni yuʼuncha,
ni Jesús va tapaxal tacha ixtasuta.
\v 3 Yu ixlaqchʼiti va tus kʼuliksnaʼ val, tus ox yaqaq
val. Ixyaqaqaxtu va tus jantu matichun lay temaniy ixchaʼaka
tacha val.
\v 4 Ex vachu yu Elías ali yu Moisés tatasul, va ixtatʼajun
lakchivinin kun Jesús.
\v 5 Ex chuncha ni Pedro va junil ni Jesús:
\p —Jamalaniniʼ, ¡La ox kʼalintau aniy! Chavay klamakaniyau
aqatʼutu moqltaʼ. Aqataun para uxintʼi, yu aqataun para
Moisés yu aqataun para Elías.
\p
\v 6 Yu Pedro jantucha ixkʼatsay yu ixnajun. Yucha ali
ixtʼaltanan va ayaj ixtatalhananta.
\v 7 Ex chil laqataun taputsʼi, va laqʼoqxtʼaqyaukal.
Chivinkal laka taputsʼi, va naunkal:
\p —Ni aniy kintsʼal yu kʼachaniy. La ox kʼaʼalasmaktʼik.
\p
\v 8 Ex va chuncha, va tus xvilin talakavananʼol, va jantucha
matichun katatʼatayal. Vamuncha ni Jesús xʼaman ixyal.
\v 9 Tejkan taminchoqochalcha ni aspajun ni Jesús va
lakjunil ixtʼaltanan ni jantu matichun katalaqputeʼenil
yu talaqtsʼil tus tejkan kakujchoqoyaʼ laka janinin
ni yucha, yu Sasʼatʼa Lapanaki.
\v 10 Ex chuncha valiʼiycha vak taval, jantu matichun
kataputeʼenil. Pero siya yuʼuncha va ixtalalhisakmiy
tisuncha naunputuncha ni kakujchoqoyaʼ laka janinin.
\v 11 Ex va chuncha va talhisakmil ni Jesús:
\p —¿Valiʼiycha yu xajamalaninin yuʼuncha tanajun ni pʼunaj
kaminʼelayaʼ ni Elías ex astan kaminaʼ ni Cristo yu
kamalaqachayaʼ Dios?
\p
\v 12 Ex ni Jesús va naul:
\p —Chun, laqsaval, ixchivinti Dios najun ni Elías pʼunaj
kaminʼelayaʼ, kalaqlaʼoxiyaʼ tachun. ¿Ex tacha lhitsʼoqkanta
la ixchivinti Dios yu Sasʼatʼa Lapanaki? Najun ni tejkan
kaminaʼ, va jantu ox katalaqtsʼinaʼ, ayaj kamaqanlqajnanaʼ.
\v 13 Kitʼin klajunau qayntaun tacha Elías kilatachilcha.
Ni lapanakni jantu katalaqaʼil, va tamakaʼol tachun yu
yuʼuncha tamakaniputulcha, va xajchal tacha maqancha
tsʼoqkanta la ixchivinti Dios.
\s Ni Jesús va kʼuchʼul qayntaun tsʼal yu ixlhitʼajun yu jantu ox espíritu
\r (Mt. 17:14-21; Lc. 9:37-43)
\p
\v 14 Taval taminchoqolcha taʼan ixtavilanal yu alati
ixtʼaltanan. Laqtsʼil qaynlhuu lapanakni tus xvilin
ixtamalaqachoqoxnuta. Vachu ancha ixtaʼalinta yu ixtamalaniy
ixlhachimoʼonkʼan. Yuʼuncha ixtatʼajun lalaqʼaymanin
kun ixtʼaltanan ni Jesús.
\v 15 Tejkan talaqtsʼil ni Jesús va tus tachun vak takʼatsal,
tatakyaulaqʼalcha mastakʼanan ni Jesús.
\v 16 Ex ni Jesús va lakjunil ixtʼaltanan:
\p —¿Tisuncha tʼaunatʼik lalhilaqʼaymanin?
\p
\v 17 Ex qayntaun xapay yu ancha ixyal, va naul:
\p —Jamalaniniʼ, yu kitʼin klhiminitan ni kesʼatʼa, va lhitʼajun
yu jantu ox espíritu, va janunuʼ makay.
\v 18 Mas va toʼoxtaycha chʼapayachalcha ni anchanuʼ
jantu ox espíritu tus maqtay lakatʼun. Aqtayniycha qalpuputamay
ni lakatʼun, tus kʼatʼuj kʼatʼuj lakmakaniy ixtatsalati,
tus ox evij jun ixlakatunaj. Chavay yu mintʼaltanan
klaklhijunil ni palay katamakal pero jantu lay palay
katamakal.
\p
\v 19 Ex ni Jesús va naul:
\p —¡Yu uxiknan jantu lay lhakʼapʼupʼinatʼik! ¿Tus tavanancha
kaktamakaunaʼ kun uxiknan? ¿Tus tavanancha kaklatayaniyaucha?
Kʼalhitʼantʼikcha aniy ni tsʼal.
\p
\v 20 Ex va lhiminkalcha ni tsʼal. Yu jantu ox espíritu
tejkan laqtsʼilcha ni Jesús, va aaqtaun chʼapachoqolcha.
Va maqtal lakatʼun, maxkapʼiknil, va qalpuputamalcha.
\v 21 Ex ni Jesús va naul:
\p —¿La maqancha aqtaynita?
\p Yu japay va naul:
\p —Vananajcha tus ixpulakatʼunixtucha.
\v 22 Yu jantu ox espíritu tsaj maqtay laka jikmi, vachu
lakxkan, va laycha kamaqnilcha. Incha lay makʼay tuʼuchun,
va knajun kilamapayniu, kilaʼaqtayjuu.
\p
\v 23 Ex chuncha ni Jesús va naul:
\p —Incha lay lhakʼapʼupʼin. Yu lhakapuʼanan tus tachun
lay makaniʼokan.
\p
\v 24 Ex chuncha yu ixpay va tus pʼas tʼasal va naul:
\p —¡Chun! ¡Klhakapuʼan! ¡Va knajun kʼiʼaqtʼayʼutʼi para
apalay ox kaklhakapuʼal!
\p
\v 25 Ex chuncha ni Jesús tejkan jalaqtsʼil ni tatakyauminta
alati lapanakni va aqtaynil laqʼaymay yu jantu ox espíritu,
va naul:
\p —¡Uxintʼi janunuʼ aqatapa espíritu kʼatʼi, kitʼin kunan
kʼamakʼaunchʼoʼocha ni aniy tsʼal. Jantucha aaqtaun
kachʼapʼachʼoʼo!
\p
\v 26 Ex va chuncha ni espíritu tus sqau tʼasal, va aqtaun
maxkapʼiknil ni tsʼal, ex chuncha va taxtunichoqolcha
la ixlakatunaj. Va makaul tacha janinicha. Ex chuncha
yu alati lapanakni va ixtanajun:
\p —¡Ka va nilcha!
\p
\v 27 Pero yu Jesús maqchʼapal, va maʼostaulnil, ex ni
tsʼal va tayachoqolcha.
\v 28 Ex chuncha ni Jesús va tatʼatanul ixtʼaltanan
laqa chaqaʼ. Ex yuʼuncha va saq talhisakmil ni Jesús,
va tajunil:
\p —¿Valiʼiycha ni kijnankʼan jantu lay kakmaxtuu ni anchanuʼ
jantu ox espíritu?
\p
\v 29 Ni Jesús va jalakjunil:
\p —Incha maxtʼupʼutʼun tacha anchanuʼ jantu ox espíritu,
ex maqskʼiniy kaskʼin Dios [kun taskʼajati].
\s Ni Jesús aaqtaun laqputeʼechoqol ixlhinin
\r (Mt. 17:22-23; Lc. 9:43-45)
\p
\v 30 Ex chuncha tejkan taminchoqochalcha va tatapasal
xalakatʼun Galilea. Ni Jesús va ixnajun jantu matichun
kakʼatsal ni toʼoxtay taʼal.
\v 31 Va ixtʼajun jalakmalaniniʼ ixtʼaltanan ixlaqʼamankʼan,
va ixlakjuniy:
\p —Kitʼin yu Sasʼatʼa Lapanakni kakmaqxtaqnikanaʼ la
ixtamakakʼan ni lapanakni. Kintamaqniyaʼ pero tejkan
katapasayaʼ paqtʼutu ex kaktakukchoqoyaʼ.
\p
\v 32 Yu ixtʼaltanan va jantu ixtamalaqasiy yu ixlakjunkan.
Va ayaj ixtatalhauniy xlhiyucha jantu katalhisakmil
tisuncha ixnaunputuncha ni anchanuʼ chivinti.
\s ¿Tasʼayuchacha yu apalay ay?
\r (Mt. 18:1-5; Lc. 9:46-48)
\p
\v 33 Ex tachaʼalcha ni laka putaulan Capernaúm. Tejkan
ixtavilanal laqataun chaqaʼ, ex ni Jesús va laklhisakmil,
va lakjunil:
\p —¿Tis va suncha ni lhilakchʼivinatʼikcha ni lakatin?
\p
\v 34 Yuʼuncha va tus saq taval. Yu lakatin va ixtalhilakchivijminta
taʼayucha yu apalay ay.
\v 35 Ni Jesús va taulalcha, va lakjuntaʼil yu pumakautʼuy
ixtʼaltanan, va lakjunil:
\p —Incha matichun junputun yu apalay ay, ex maqskʼiniy
kaval yu apalay lakatʼuniy, tacha qayntaun oqxtamati
yu kalaqʼaqtayjuʼol tachun yu alati.
\p
\v 36 Ex ni Jesús va maqchʼapaʼil qayntaun jasʼatʼa,
va ancha maqayaul la ixtalakaʼukxpukʼan. Va chʼixtaulal
ni jasʼatʼa, va lakjunil ixtʼaltanan:
\p
\v 37 —Yu laqaʼiy qayntaun jasʼatʼa tacha yu aniy va
por chuncha klhinajun ni kitʼin, yucha vachu kilaqaʼiy
ni kitʼin. Yucha kilaqaʼiy jantu vamun ni kitʼin, vachu
laqaʼiy yu kimalaqachata.
\s Yu jantu kintaxkayyan va kintʼaltanakʼan
\r (Mt. 10:42; Lc. 9:49-50)
\p
\v 38 Ni Juan va junil ni Jesús:
\p —Jamalaniniʼ, ni kijnankʼan klaqtsʼiu qayntaun lapanaki
vachu maxtuy yu jantu ox espíritu, va mapaqaʼuy mintaqaʼuti.
Pero ni yucha jantu kintʼaltanakʼan kaval, ex yu kijnankʼan
klaktanchaniu.
\p
\v 39 Ni Jesús va naul:
\p —Jantu maqskʼiniy kʼalaktʼanchʼanitʼik. Taʼayucha yu
mapaqaʼuy ni kintaqaʼuti ex chuncha pulay makay yu lajʼay
axtoqnuʼ, yucha chʼantaun kun kitʼin. Yucha jantu lay
kilaktuʼuy.
\v 40 Yu jantu kintaxkayyan yuʼuncha va kintaʼaqtayjuyan.
\v 41 Laqsaval klajunau yu kataxtaqnin mas va taun tasa
xkan va por kilapanakni untʼatʼik, yucha kalaqaʼiyaʼ
ixlhilhajati.
\s La lhitaʼay kunaʼ para yu maqtaqalhinin
\r (Mt. 18:6-9; Lc. 17:1-2)
\p
\v 42 ’Mas va taʼayuchacha kaval incha kamakal para
kamaqtaqalhinil qayntaun kilapanaki tacha yu aniy lakatʼuniy
jasʼatʼa, ex ni yucha ayaj lhitaʼay katapasayaʼ. Apalay
ox kaval ni kapixtuchʼiʼulakalcha kun xachiyux pachʼikni,
ex kaʼankalcha ixmajʼanka lakamar.
\v 43 Chavay incha makʼapʼutʼun talaqalhin kun mimakaʼ,
apalay ox kaval ni kʼachʼaqxmajʼacha. Apalay ox kʼatʼanuchiy
makltʼul taʼan alin yu ox jatsukunti y jantu ox kʼatʼanuchiy
ni laqnin kun maktʼuy laka jikmi taʼan maqtajita yu
jantu aqtaun mixa. [
\v 44 Ancha jantu aqtaun miʼojoy ni lakstʼuniy tsapul
vachuʼ jantu aqtaun mixa ni jikmi.]
\v 45 Vachuʼ incha kaʼuxipʼi makanaʼ talaqalhin la minchʼajaʼ,
apalay ox kaval ni kachʼaqxmajʼacha. Apalay ox mas va
chʼanltʼul kʼatʼanuchiy taʼan alin yu ox jatsukunti.
Jantu ox kʼatʼanuchiy ni laqnin kun minchʼantʼuy taʼan
maqtayvil ni jikmi yu jantu aqtaun mixa. [
\v 46 Ancha jantu aqtaun miʼojoy ni lakstʼuniy tsapul
vachuʼ jantu aqtaun mixa ni jikmi.]
\v 47 Vachuʼ incha kʼamakʼapʼutʼu talaqalhin por yu
laqtsʼin la milaqchul, apalay ox kaval ni kʼalakpʼumaxtʼukʼa
milaqchul. Apalay ox mas vamun milakputaun kʼatʼanuchiy
taʼan lhachimoʼonun ni Dios y jantu kʼatʼanuchiy ni
laqnin kun milakputʼuy.
\v 48 Ancha jantu aqtaun miʼojoy ni lakstʼuniy tsapul
vachuʼ jantu aqtaun mixa ni jikmi.
\v 49 Tachun kalaqlaʼoxikanaʼ kun jikmi, vachu va tacha
tachun lapaxkan laʼoxikan kun matsati.
\v 50 Ni matsati va ox. Pero tejkan jantucha sʼoʼo jun
ex jantucha lay sʼoʼo junchoqoy. Ox katʼiʼukxuntʼayatʼik
ex kaxajtachal tacha kʼalhitsʼukʼutʼik matsati. Chuncha
lay oxamaktaun kalatʼatʼiʼukxuntʼayatʼik.
\c 10
\s Ni Jesús najun jantu ox katalamakaunchoqol yu talatʼatʼajuncha
\r (Mt. 19:1-12; Lc. 16:18)
\p
\v 1 Taval ni Jesús taxtuchoqolcha laka putaulan Capernaúm,
al tus xalakatʼun ni Judea, vachuʼ al taʼan ixlhiputakuktachal
xalaʼaxkan Jordán. Ni lapanakni aaqtaun tataqxtoqchoqol
taʼan ixvil. Ex chuncha va aqtayl jalakmasuniy tacha
jalakmasuniʼalhiycha.
\v 2 Ex chuncha va tatalakanunil lati yu fariseos. Talaqtsʼintanul,
va talhisakmil incha qayntaun lapanaki lay kamakaunchoqol
ixanati.
\p
\v 3 Ex chuncha ni Jesús va lakjunil:
\p —¿Tas talhijunincha ni Moisés?
\p
\v 4 Ex chuncha yu fariseos va tanaul:
\p —Ni Moisés yucha chun ixtaqta lakatin para kalaʼoxitʼi
aqxtaun jalhiki yu kʼapʼulamakʼau.
\p
\v 5 Ex ni Jesús va lakjunil:
\p —Chun, laqsaval. Va ayaj pʼas melhanutkʼan, xlhiyucha
ni Moisés chuncha lhinaul.
\v 6 Maqancha tejkan puʼaqtaynil tachun, ni Dios makal
joʼati ali xanati.
\v 7 Xlhiyucha ni joʼati makajun ixpay ali ixnati, va
tʼatsukuycha ixanati.
\v 8 Ex chuncha yu pumatʼuy va qayntauncha lapanaki
jun. Jantucha qayntʼuy kataval, va qayntauncha.
\v 9 Ex chuncha yu malaqxtoqta ni Dios, jantu maqskʼiniy
katalaqlvaqlhi ni lapanakni.
\p
\v 10 Tejkan ixtavilananchoqolcha ni laqa chaqaʼ, ixtʼaltanan
va aaqtaun talhisakmichoqol ni anchanuʼ chivinti yu
jalakjunil ni lapanakni.
\v 11 Ex ni Jesús va naul:
\p —Incha qayntaun joʼati makajun ixanati ex tʼatsukuchoqoy
aqayntaun, yucha makaniy laqtaqal ixanati.
\v 12 Vachu incha qayntaun xanati makajun ixapay ex
tʼatsukuchoqoy aqayntaun, yucha makaniy laqtaqal ixapay.
\s Ni Jesús jalakpaxkay ni jasʼatʼan
\r (Mt. 19:13-15; Lc. 18:15-17)
\p
\v 13 Taval talhiminil ni Jesús jasʼatʼan para kalaqmoqslanil
ixmakaʼ. Ixtʼaltanan va talaqʼaymal yu ixtalhimin yu
jasʼatʼan.
\v 14 Ex ni Jesús tejkan chuncha jalaqtsʼil, va jalaqtalqaunil
ixtʼaltanan, va naul:
\p —Kalakmakʼauntʼikcha ni jasʼatʼan chaqx kintalaqmilcha
ni kitʼin. Jantu kalaqʼaymatʼik. Ni lapanakni yu katanuyaʼ
taʼan jalhachimoʼonun ni Dios maqskʼiniy kataval tacha
yu aniy jasʼatʼan.
\v 15 Laqsaval klajunau, qayntaun lapanaki maqskʼiniy
kalaqaʼil ni kalhichimoʼol ni Dios vachu va tacha qayntaun
jasʼatʼa laqaʼiy kalhichimoʼokal. Incha jantu, ex jantu
aqtaun katanuyaʼ taʼan lhachimoʼonun ni Dios.
\p
\v 16 Ex ni Jesús jalakchʼixlhi, va jalaqmoqslanil ixmakaʼ
ni jasʼatʼan. Lakskʼinil Dios para ox kataval ixjatsukuntikʼan.
\s Qayntaun tsʼal maqaliʼ tʼachiviniy ni Jesús
\r (Mt. 19:16-30; Lc. 18:18-30)
\p
\v 17 Ex tejkan ixʼanchoqotacha lakatin ni Jesús, takyaulaqminta
qayntaun joʼati, taʼaqtsoqoqtanil la ixtalakaʼukxpuʼ
ni Jesús, va junil:
\p —Oxi jamalaniniʼ kʼatʼi, ¿tas kakmakalcha para kaklhitsukul
ni jatsukunti yu jantu aqtaun kamiʼoyaʼ?
\p
\v 18 Ex ni Jesús va naul:
\p —¿Valiʼiychacha kʼiʼuniycha ni kʼoxi kunita? Jantu
matichun yu ox kaval, yu ox vamun Dios.
\v 19 Uxintʼi ka mispʼaycha tacha lhinaunkan: “Jantu
kʼatʼatsʼukʼu aqayntaun yu jantu minavin, jantu kʼamaqnin,
jantu kaʼalhavan, jantu kʼamanunin jalaklkanti matichun,
jantu kʼamakʼanun, ox katʼoʼoyatʼi yu mimpay ali minati.”
\p
\v 20 Ex chuncha ni anchanuʼ joʼati va naul:
\p —Jamalaniniʼ, tus tsʼal xajkunita tus chavaycha vananaj
chuncha kmakaʼojoy.
\p
\v 21 Ex ni Jesús laqtsʼil y mapaynil, va junil:
\p —Ni uxintʼi va taun tuʼuchun tsʼanqaniyan. Chavay kapʼinchʼiycha
lakstʼanaʼ tachun mimaqaliti, ex yu xatapal kalaqxtʼaqniyeʼecha
yu kilpatanin. Chuncha mimaqaliti kʼalhitsʼukʼutʼachiycha
ni laktʼiyan. Ex katʼatʼicha, kʼintʼatʼiʼukxuntʼaycha
ni kitʼin.
\p
\v 22 Tejkan chuncha qasmaklhi ni anchanuʼ joʼati va
tus xiyan lal, va ay maqaliʼ ixjunita, xlhiyucha va maqaninijʼanchoqolcha.
\v 23 Ex chuncha ni Jesús va talaqaspʼiklaqtsʼinʼol
ixtʼaltanan, va lakjunil:
\p —¡Laqsaval yu maqalinin va ayaj lhitaʼay ni katatanuchal
taʼan jalhachimoʼonun ni Dios!
\p
\v 24 Ex yu ixtʼaltanan tejkan chuncha taqasmaklhi ni
anchanuʼ chivinti va tus vak takʼatsal, pero ni Jesús
va aaqtaun lakjunchoqol:
\p —Kesʼatʼanin, laqsaval va ayaj lhitaʼay katatanul taʼan
lhachimoʼonun ni Dios yu talhiʼajin vamun ixmaqalitkʼan.
\v 25 Jantu lay kapulaqpuslhi laqataun camello taʼan
tisalal ni makskati. Apalay lhitaʼay katanuchal qayntaun
maqaliʼ taʼan jalhachimoʼonun ni Dios.
\p
\v 26 Tejkan chuncha taqasmaklhi ixtʼaltanan, va tus
vak tamaqatsʼanqanal. Ex chuncha taʼaqtaylcha talalhisakmiy,
va talajuniy:
\p —¿Tasʼayucha lay kalaqtaxtuyaʼ?
\p
\v 27 Ex ni Jesús jalaqtsʼil, va lakjunil:
\p —Jantu lay tamakay ni lapanakni pero Dios lay. Ni Dios
tus tachun lay makay.
\p
\v 28 Ni Pedro va naul:
\p —Ni kijnankʼan klakmakaunʼotaucha tachun yu xaklhitʼaunau,
ex klatʼaltanantaucha.
\p
\v 29 Ex ni Jesús va lakjunil:
\p —Laqsaval klajunau qayntaun lapanaki incha makajun
ixchaqaʼ, ixtʼun, ixtʼalaqaunin, ixtʼalapanakni, ixpay ali
ixnati ali sasʼatʼan va por kilapanaki kaval vachu por
kalaqputeʼel yu ox chivinti,
\v 30 yucha apalay lhuu kaxtaqnikanaʼ aniy lakamunukpaʼ.
Ni Dios kaxtaqnichoqoyaʼ apalay lhuu ixchaqan, ixtʼun,
ixtʼalaqaunin, ixtʼalapanakni, ixnatin, sasʼatʼan, mas kamaqanlqajnanaʼ.
Ex astan, tejkan kaʼalinaʼ yu ataun lakamunukpaʼ, kalaqaʼiyaʼ
jatsukunti yu jantu aqtaun kamiʼoyaʼ.
\v 31 Qaynlhuu yu chavay xalajʼaynin tajunita astan
katajunaʼ xalakstʼuninin. Yu chavay xalakstʼuninin tajunita
astan katajunaʼ xalajʼaynin.
\s Ni Jesús aqtaun puteʼechoqoy ni va kaniyaʼ
\r (Mt. 20:17-19; Lc. 18:31-34)
\p
\v 32 Taval ni Jesús ali ixtʼaltanan va ixtaʼantacha
lakatin, ixtaʼanta laka putaulan Jerusalén. Ni Jesús
va ixlakmapʼulata. Ni yuʼuncha va tus vak ixtakʼatsan,
yu alati ixtatalhanan. Ex ni Jesús va lakjuntaʼil yu
pumakautʼuy ixtʼaltanan, va aqtayl jalaqputeʼenin tacha
kalhitapasayaʼ.
\v 33 Va naul:
\p —Chavay teʼenaucha ni Jerusalén. Ni kitʼin yu Sasʼatʼa
Lapanaki kakmaqxtaqkanaʼ la ixtamakakʼan yu xaʼukxtinin
kuras ali yu tamalaniy kilhachimoʼonkʼan. Kintamukʼaniyaʼ
laqtaqal para kintamaqnil, ex kintamaqxtaqniyaʼ la ixtamakakʼan
lapanakni yu jantu tamispay Dios.
\v 34 Ex ni yuʼuncha va kintalaktuʼuyaʼ, kintalakachujvayaʼ,
ayaj pʼas kintalaqanaqmayaʼ, tus kintamaqniyaʼ. Mas kakniyaʼ,
yu laʼatʼutunu julchan kajkujchoqoyaʼ.
\s Yu Jacobo ali Juan va taskʼiniy taun jatapayniti ni Jesús
\r (Mt. 20:20-28)
\p
\v 35 Ex chuncha ni Jacobo ali Juan yu istsʼalan ni
Zebedeo va tatalakanunil ni Jesús, va tajunil:
\p —Jamalaniniʼ, ni kijnankʼan va knaunau kilamakaniu taun
jamapayninti yu klaskʼiniyau.
\p
\v 36 Ex ni Jesús va lakjunil:
\p —¿Tisuncha naunatʼikcha kaklamakaniu?
\p
\v 37 Ex yuʼuncha va tanaul:
\p —Tejkan kʼalhachʼimoʼonuneʼe kun tachun miʼayaxtu, va
knaunau kilaʼulau qayntaun la milhijakanaj, yu aqayntaun
la milhijamaqxu ex klatʼalhachimoʼonunau.
\p
\v 38 Ex ni Jesús va lakjunil:
\p —Ni uxiknankʼan jantu malaʼasiyatʼik yu skʼinatʼik.
¿Kalayaʼ kapʼaʼoqnunapitik yu xavaso jamaqanlqajnati
yu kakpaʼoqnunaʼ? ¿Kalayaʼ kʼapʼuʼaqchʼajʼauyapitik
yu jamaqanlqajnati tacha kitʼin kakpuʼaqchajʼauyaʼ?
\p
\v 39 Yuʼuncha va tanaul:
\p —Chun, kalayaʼ.
\p Ex ni Jesús va lakjunil:
\p —Laqsaval kʼapʼuʼoqnunapitik ni vaso yu ikpaʼoqnunaʼ.
Vachuʼ kʼapʼuʼaqchʼajʼauyapitik tacha ni kitʼin ikpuʼaqchajʼauyaʼ.
\v 40 Pero yu kintʼalhachimoʼonunaʼ la kilhijakanaj
ali kilhijamaqxu, yucha jantu kimpaxtoqniy kitʼin kakxtaqlhi.
Kaxtaqnikanaʼ yu jalaklhilkanikanta.
\p
\v 41 Yu alati pumakau ixtʼaltanan, tejkan takʼatsal
yu taskʼinil Jacobo ali Juan, va tatalqaunil.
\v 42 Ex chuncha ni Jesús va lakjuntaʼiʼol, va naul:
\p —Ni uxiknan ox kʼatsʼayatʼik yu xalhachimoʼonun aniy
lakamunukpaʼ talhichimoʼoy laqatapʼasta yu valiʼiy lapanakni.
Yu lajʼaynin talhitʼajun tapʼasta para kalaklhijunil
tas katamakal ni yuʼuncha.
\v 43 Yu uxiknankʼan jantu chun kʼaʼuntʼik. Incha matichun
ay junputun, yucha maqskʼiniy kalaqʼaqtayjul yu alati.
\v 44 Siya uxiknan, incha matichun junputun yu apalay
ay, yucha maqskʼiniy kaval ixʼoqxtamatkʼan tachun yu
alati.
\v 45 Ni kitʼin yu Sasʼatʼa Lapanaki jantu kakmil para
kaktapatsanikal. Kitʼin kminta para kaklaqʼaqtayjul
yu alati. Vachu kakmaqxtaʼaʼ ketsukunti para chuncha
katapulaqtaxtul pumalhuu lapanakni.
\s Ni Jesús kʼuchʼul qayntaun laʼachʼix yu junkan Bartimeo
\r (Mt. 20:29-34; Lc. 18:35-43)
\p
\v 46 Taval ni Jesús ali ixtʼaltanan va tachaʼalcha
laka putaulan Jericó. Tejkan tataxtuchoqol ixtatʼaʼanta
lhuvaj lapanakni. Ancha la ixkilpaʼ lakatin ixvil qayntaun
laʼachʼix yu ixjunkan Bartimeo yu istsʼal ni Timeo.
Va ixtʼajun puskʼiniʼ tumin.
\v 47 Tejkan kʼatsalcha ni va ukstsʼuniycha minta ni
Jesús yu machaqaʼ Nazaret, ex aqtaylcha tʼasaniy, va juniy:
\p —¡Jesús, sasʼatʼa ni ay jalhachimoʼonuʼ David, kitʼin
va knajun kʼimapʼaynitʼi!
\p
\v 48 Yu alati va talaqʼaymal, ixtajuniy ni vak kavalcha
pero va taylhaʼal tʼasanaʼ. Va ixnajun:
\p —¡Sasʼatʼa ni ay jalhachimoʼonu David. Kitʼin va knajun
ni kʼimapʼaynitʼi!
\p
\v 49 Ex ni Jesús va tayal, lhinaul ixtʼasanika. Ex ni
lapanakni tajuntaʼil ni laʼachʼix, va tajunil:
\p —Kaʼachʼacha. Kaʼostʼaycha. Ni Jesús tʼasaniyancha.
\p
\v 50 Ex ni laʼachʼix tanqalhulcha ixkutun. Va xliu
jakʼiuklnil, va laqchaʼal ni Jesús taʼan ixyal.
\v 51 Ni Jesús va junil ni laʼachʼix:
\p —¿Tis va suncha naʼuncha ni kakmakanin?
\p Ex va naul ni laʼachʼix:
\p —Jamalaniniʼ, kitʼin klakavananputun.
\p
\v 52 Ni Jesús va junil:
\p —Kʼapʼinchʼoʼocha. Va kʼilhakʼapʼupʼi, xlhiyucha palaycha
xaʼunchʼoʼoy.
\p Ex ni laʼachʼix va niman lakavananchoqolcha, ex tʼaʼal
ni Jesús lakatin.
\c 11
\s Ni Jesús tanuchal laka ay putaulan Jerusalén
\r (Mt. 21:1-11; Lc. 19:28-40; Jn. 12:12-19)
\p
\v 1 Ex chuncha va ukstsʼuniycha ixtatʼajun yu ay laka putaulan Jerusalén. Ixtaʼantacha yu lakstʼuniy putaulanin yu junkan Betfagé ali Betania ancha taʼan alin yu xaʼaspajun Olivos. Ni Jesús va jalaqmalaqachal pumatʼuy ixtʼaltanan.
\v 2 Jalakjunil:
\p —Kʼapʼinchʼipitik ni avintʼi lakatʼuniy putaulan. Tejkan kachʼipʼinapitik ancha katʼemayapitik laqataun sasʼatʼa burro jachʼiʼulanti yu jantukaʼ matichun putaukʼay. Kaxʼoqʼiyapitik, kʼalhitʼanapitik aniy.
\v 3 Chavay incha matichun katajunan: “¿Valiʼiycha tʼilhipʼinatʼikcha ni burro?”, ex ni uxiknankʼan kaʼunapitik: “Maqskʼiniy ni Jalhachimoʼonuʼ, va niman katamalaqachanichoqoyan”, chuncha kaʼunapitik.
\p
\v 4 Ex chuncha ni yuʼuncha va taʼalcha. Tejkan tachaʼal laqsaval tatemal ni laqataun sasʼatʼa burro jachʼiʼulanti taʼan puchaankan lakatin ukstsʼuniy ni laka matiʼ. Ex va taxʼoqʼilcha ni burro.
\p
\v 5 Lati lapanakni yu ancha machaqan va ancha ixtayanal. Va tanaul:
\p —¿Tisuncha makʼayatʼik? ¿Valiʼiycha xʼoqʼiyatʼikcha ni burro?
\p
\v 6 Ex yuʼuncha va tajunil yu tacha ni Jesús ixlakjunita. Ex chuncha va lakmakaunikalcha ni katalhaʼalcha ni sasʼatʼa burro.
\v 7 Ex chuncha va talhaanilcha ni sasʼatʼa burro ni Jesús, va tamukʼaniʼolcha yu ixlhimaqapaqakankʼan. Ex ni Jesús va putaukʼalcha.
\v 8 Lhuvaj lapanakni tapuxnujtaynil ixlaqchʼitkʼan lakatin. Alati va talaqchaqxʼil ixmaqlaqapʼun ni kʼivinan, va tamamalhaʼanil ni lakatin.
\p
\v 9 Ex va chuncha ni lapanakni yu ixtapʼulanan, vachu yu astan ixtaminta va tus tachun ixtalaktʼasaʼanta, ixtanajun:
\p —¡Hosana! ¡Katoʼoyakal yu minta la ixtaqaʼuti ni Jalhachimoʼonu Dios!
\v 10 ¡Va ayaj ox tacha lhachimoʼonun, tacha yu maqaniya kimpaykʼan David! ¡Hosana kanaunkal laktʼiyan!
\p
\v 11 Chuncha ni Jesús va tanuchalcha ni ay laka putaulan Jerusalén. Kitanul yu ay lakatajtan, laqtsʼinʼol tachun yu ancha taʼalin, va toqoxalcha. Ex ni Jesús kun yu pumakautʼuy ixtʼaltanan va taʼalcha laka putaulan Betania.
\s Ni Jesús maxixil xakʼiu ni higo yu jantu xtaʼa xaʼunikan
\r (Mt. 21:18-19)
\p
\v 12 Ataun julchan val, tejkan tataxtuchoqochal ni Betania ni Jesús va chavanilcha.
\v 13 Va laqtsʼil aqataun xakʼiu ni higo, pumaqati, va la ox ixlaqajunta. Va laqʼal taʼan ixyal ni higo. Lhilal ni kataukʼal xaʼunikan pero yu higo va nisin kataukʼal, vamun xaxqoy ixlhitʼajun. Jantu ixputaukʼan kaval ni higos.
\v 14 Ex ni Jesús va junil ni xakʼiu ni higo:
\p —Chavay ni uxintʼi ijkunan tus jantucha aqtaun matichun kaʼuniyan ni miʼunikan.
\p Ex chuncha yu ixtʼaltanan va taqasmaklhi.
\s Ni Jesús jalakxkauxtul jastʼanan yu ay lakatajtan
\r (Mt. 21:12-17; Lc. 19:45-48; Jn. 2:13-22)
\p
\v 15 Ex chuncha tachanchoqolcha ni Jerusalén, ni Jesús va tanuchoqochal ni ay lakatajtan. Va aqtaynil jalakxkauxtuy yu ancha ixtatʼajun jastʼanan vachu yu ixtatʼajun jaʼinin. Va jalaqtanqalhuʼol ixmesaskʼan taʼan ixtapumapaxaniy tumin ni lapanakni, vachu ixputaulankʼan yu ixtastʼay ni tukunun.
\v 16 Jantu kaxtaqlhi lakatin matichun katapasal ixpulakna yu ay lakatajtan incha kalhaʼal tuʼuchun lhistʼati.
\v 17 Ex chuncha ni Jesús aqtayl jalakmalaniy, va naul:
\p —Yu tsʼoqkanta la ixchivinti Dios najun: “Ni kinchaqaʼ yucha va xachaqaʼ yu puskʼinkan Dios para oqxlaqchux lapanakni.” Pero yu uxiknankʼan va lhimapʼatsʼatʼatʼik xachaqaʼ paʼalhavanti.
\p
\v 18 Va taqasmaklhi yu xaʼukxtinin ni kuras ali yu ixtamasuy ixlhachimoʼonkʼan ni israelitas. Ex ni yuʼuncha va tapuxkaulaqtsʼilcha tacha pulay katamaqnil ni Jesús. Va ayaj ixtatalhauniy. Ni lapanakni vamuncha tus taun talhilal yu tacha ixjamalaninin.
\v 19 Tejkan putsʼislhicha, ex ni Jesús ali ixtʼaltanan va tataxtul ni ay putaulan.
\s Xixlhi ni xakʼiu higo
\r (Mt. 21:20-22)
\p
\v 20 Ex va chuncha tejkan tunkunchoqol puvakuj, va ancha tatapasal taʼan ixyal ni xakʼiu ni higo. Va talaqtsʼil ni va tus ox xixta vachu tus tachun ni xatisiviki.
\v 21 Ex va chuncha yu Pedro va pastaklhi, va junil ni Jesús:
\p —Jamalaniniʼ, yu xakʼiu ni higo yu laqʼaymatʼi chavay xixyalcha.
\p
\v 22 Ex yu Jesús va naul:
\p —Kʼalhakʼapʼupʼintʼik ni Dios.
\v 23 Laqsaval klajunau, qayntaun lay kajunil ni aniy aspajun: “Kaʼostʼicha ni aniy, kapʼinchʼiycha ni lakamar”. Incha jantu tʼuy jatapastakʼati kalhitsukul, incha ox kalhakapuʼalcha ni katapasayaʼ yu najun, ex chuncha kunaʼ tacha najun.
\v 24 Xlhiyucha klajunau tejkan tʼachʼivinanatʼik Dios, tachun yu skʼinatʼik, kalhakʼapʼupʼintʼik ni kalaʼaʼiyapitik, ex chuncha kunaʼ.
\v 25 Tejkan tʼachʼivinanatʼik Dios, incha matichun tamakanitan taun laqtaqal maqskʼiniy kamalaqmixinitʼik. Ex chuncha mimPaykʼan yu alintachal laktʼiyan vachu katamalaqmixiniyan milaqtaqalkʼan. [
\v 26 Incha jantu kʼamalaqmixiniyapitik yu tamakaniyan laqtaqal, ex vachu yu mimPay Dioskʼan jantu katamalaqmixiniyan mintalaqalhinkʼan ni uxiknankʼan.]
\s Ixtapʼasta ni Jesús yu palhachimoʼonun
\r (Mt. 21:23-27; Lc. 20:1-8)
\p
\v 27 Taval va tachanchoqol aaqtaun Jerusalén. Ni Jesús va ixtiʼukxuyal ni ay lakatajtan. Ancha yu xaʼukxtinin ni kuras ali yu ixtamasuy ixlhachimoʼonkʼan ni israelitas ali yu xalajʼaynin lapanakni, yuʼuncha va tatalakanunil ni Jesús.
\v 28 Ex ni yuʼuncha va tajunil ni Jesús:
\p —¿Taʼayucha xtaqnin lhachimoʼon ni kʼamakʼatʼi yu aniy axtoqnu? ¿Taʼayuchacha lhijunan ni chuncha kʼamakʼatʼi?
\p
\v 29 Jesús va lakjunil:
\p —Kitʼin vachuʼ klalhisakmiyau taun jalhisakminti. Incha kilajunau, ex yu kitʼin vachu klajunau taʼayucha kixtaqniy lakatin ni klakmakay yu axtoqnuʼ.
\p
\v 30 Ex chuncha va lakjunil:
\p —¿Tas ayucha malaqachalcha ni Juan jamaqchajʼavanaʼ? ¿Va Dios u va lapanaki? Chavay kilajuniu.
\p
\v 31 Ex ni yuʼuncha va taʼaqtaylcha talakchiviniy siya yuʼuncha, va tanaul:
\p —Incha kajunau va Dios malaqachal, ex chuncha kintajunin: “¿Ex valiʼiycha jantu kalhakʼapʼupʼintʼik?”
\v 32 Pero incha kajunau va lapanakni tamalaqachal, ¿ex tas kaval?
\p Jantu ixtanaunputun ni va lapanakni yu tamalaqachal ni Juan. Ixtatalhauniy yu alati lapanakni, yu yuʼuncha va ixtalhakapuʼaniʼojota ni Juan va laqsaval ixlaqputeʼey ixchivinti Dios.
\v 33 Ex chuncha tajunil ni Jesús:
\p —Jantu ijkʼatsayau.
\p Ex chuncha ni yucha va lakjunil:
\p —Ex ni kitʼin vachuʼ jantu kaklajunau tas ayucha kixtaqnil lhachimoʼon yu ikpumakay ni aniy axtoqnuʼ.
\c 12
\s Yu talaktuʼunun oqxtamatin
\r (Mt. 21:33-46; Lc. 20:9-19)
\p
\v 1 Taval ni Jesús va aqtaylcha jalaqlhixaqalay, jalakjunil
taun chivinti yu xtaʼa jatapastakʼati:
\p —Ixʼalin qayntaun joʼati, ixchʼanta uvas la ixtʼun.
Ex chuncha va korrarnul y vachu va makal ay kanuvaj
taʼan tachʼikmujul yu xaxkan ni uva. Makal taun ay torre
yu lay kapulhistakʼokal ixtʼun. Ex va laqxtaqnil amedias
ixtʼun ni tapatsanin, ex va alcha tiʼukxuntayan maqati.
\v 2 Ex chuncha va lakachilcha ixpupʼuxkan ni uvas.
Yu xaʼukxtin va malaqachal qayntaun ixʼoqxtamati para
kalaqaʼil yu kapaxtoqniyaʼ ni xamanavin.
\v 3 Yu tapatsanin va tamaqchʼapaʼil ni anchanuʼ oqxtamati
va talakasamal. Valiʼiy tamalaqachachoqol, jantu tuʼuchun
kataxtaqnil.
\v 4 Ex yu xamanavin tʼun va malaqachachoqol aqayntaun
ixʼoqxtamati. Ex anchanuʼ oqxtamati va talakatʼalmal
va talaqpacheʼel, ayaj talaktuʼul.
\v 5 Ex yu xamanavin va aaqtaun malaqachachoqol ataun
ixʼoqxtamati. Ni yucha va tamaqnilcha. Taval yu manavin
va jalaqmalaqachachoqol pumalhuu alati. Lati vamun laqanaqmakal,
alati va jalaqmaqnikal.
\p
\v 6 ’Yu jamanavin tʼun va ixlhitʼajun qayntaun istsʼal,
vamun yuʼ. Ayaj ixʼachaniy. Ex taval va malaqachal yu
istsʼal, va ixnajun:
\p —Ka katatoʼoyayacha kintsʼal.
\p
\v 7 Ex yu tapatsanin va aqtayl talajuniy siya yuʼuncha:
“Ni anu lapanaki ka yucha yu kapaxtoqniyacha ni lhitapatsa.
Chavay ni yucha vachuʼ kamaqniyau. Ex chuncha yu lhitapatsa
kijnanchkʼan kintapaxtoqniyan.”
\v 8 Ex tachʼapachalcha ni tapatsanin, va tamaqnil. Tejkan
tamaqnil va tamaxtul ixlakatunaj ixlhimaqspa taʼan ixchʼankanta
ni uvas.
\p
\v 9 Ex chuncha yu Jesús va naul:
\p —¿Tas kamakayacha yu manavin lakatʼun? Va kaminaʼ jalaqmaqniniʼ
yu tapatsanin ex kalaqxtaqniyaʼ yu lakatʼun alati lapanakni.
\p
\v 10 Ex ni Jesús vachu lakjunil:
\p —¿Jantu pʼutʼeʼeyatʼik taʼan tsʼoqkanta la ixchivinti
Dios yu najun inchineʼ?
\q Ni chiyux yu jantu kamapatsaputul yu tamakay chaqaʼ
\q chavay yucha yu apalay maqskʼiniy.
\q
\v 11 Chuncha makal ni Jalhachimoʼonuʼ,
\q xlhiyucha tus taun kʼatsanau.
\p
\v 12 Ex va chuncha ni xalajʼaynin va tamalaqasil ni
lhichivinil ixputsukukʼan ni yuʼuncha. Xlhiyucha va
ixtachʼapaputun ni Jesús. Pero va tatalhaunichoqol ni
lapanakni, ex va chuncha tamakaulcha, va taʼanchoqolcha.
\s Lhisakmikal ni Jesús incha maqskʼiniy kʼamapʼaltʼi impuestos
\r (Mt. 22:15-22; Lc. 20:20-26)
\p
\v 13 Taval jamalaqachakal lati yu fariseos ali lati
yu chʼantaun ixtajunita kun yu lhachimoʼonuʼ Herodes.
Talaqʼal ni Jesús, va talhisakmil taun chivinti para
lay kataputislajmal.
\v 14 Ex chuncha ni anchanuʼ lapanakni va talaqʼal ni
Jesús:
\p —Jamalaniniʼ, laqsaval ni kijnankʼan ijkʼatsayau ni
uxintʼi laqpʼutʼeʼey vamun yu laqsaval, jantu pastakʼuyan
yu katanaul ni lapanakni. Uxintʼi jantu makʼay kuenta
taʼayucha ni lapanaki, va laqsaval jamalaninin tacha
junita ixlakatin ni Dios. Chavay klalhisakmiyau, ¿maqskʼiniy
kamapalniu impuestos yu ay jalhachimoʼonu Roma? ¿Kamapalau
u jantu kamapalau?
\p
\v 15 Ex va chuncha ni Jesús va ixkʼatsaycha ni tʼuy
ukxpuʼ ixtamakaniy. Ex va lakjunil:
\p —¿Valiʼiycha ni kilalaqtsʼintanuyaucha? Kilalhiminiu
aqxtaun tumin para kaklaqtsʼil.
\p
\v 16 Ex chuncha va talhiminil aqxtaun tumin, va lakjunil:
\p —¿Ni aniy tumin tasʼayuchacha ixʼukxpucha y tasʼayucha
ixtaqaʼuti tsʼoqmukʼanikanta?
\p Ex ni yuʼuncha va tanaul:
\p —Va yu ay jalhachimoʼonuʼ Roma.
\p
\v 17 Ex ni Jesús va lakjunil:
\p —Kaxtʼaqnitʼik yu ay jalhachimoʼonuʼ Roma va yu paxtoqniycha
ni yucha. Vachu kaxtʼaqnitʼik ni Dios va yu paxtoqniycha
ni yucha.
\p Ex chuncha ni anchanuʼ lapanakni va tus tauncha talhilal
tacha naul ni Jesús.
\s Talhisakmil incha laqsaval katakujchoqoyaʼ yu janinin
\r (Mt. 22:23-33; Lc. 20:27-40)
\p
\v 18 Ex va chuncha lati ni saduceos va talaqʼal ni
Jesús. Yuʼuncha ixtanajun ni jantu takujchoqoy yu janinin.
Ex va xlhiyucha talhisakmil ni aniy chivinti.
\v 19 Va tajunil ni Jesús:
\p —Jamalaniniʼ, ni Moisés kintamakaunin jatsʼoqnuti yu
inchine najun. Incha kanil qayntaun lapanaki, va kanimakaul
ixanati, incha jantu kalhitsukunil sasʼatʼa, ex ixlaqaj,
yu ixpʼisaqa, maqskʼiniy katʼatsukuchoqol ixqol para
kalhitsukunil sasʼatʼa yu xajayaʼ.
\v 20 Ex va chuncha, taun julchan ixʼalin qayntujun tʼalaqaunin.
Yu xajayaʼ va lakxtuklal, taval nilcha pero va jantu
kamakaul ni sasʼatʼan.
\v 21 Ex chuncha yu xapʼisaqa tʼatsukul ni ixqol. Taval
vachu nil pero vachu jantu kamakaul ni sasʼatʼan. Chavay
yu xapumatʼutunuʼ tʼalaqajun va tʼatsukul ni ixqol vachu
va chun tapasal. Va jantu kamakaunil ni sasʼatʼan.
\v 22 Va chuncha ni anchanuʼ pumatujun tʼalaqaunin va
tus laktʼatsukuʼol ni anchanuʼ xanati, pero jantu matichun
kalhitsukunil sasʼatʼa. Taval vachu va nil ni anchanuʼ
xanati.
\v 23 Chavay ni kijnankʼan ijkʼatsaputunau tejkan katakujchoqoyaʼ
ni janinin ¿Taʼayuchacha yu ixanaticha kunaʼ? Yu anchanuʼ
pumatujun si talhitsukul tacha ixanatikʼan.
\p
\v 24 Ex chuncha ni Jesús va lakjunil:
\p —Ni uxiknankʼan jantu pʼastʼakʼatʼik yu naunatʼik.
Jantu mispʼayatʼik tacha tsʼoqkanta la ixchivinti Dios.
Vachu jantu mispʼayatʼik tacha junita ixtapʼasta ni
Dios.
\v 25 Tejkan katakujchoqoyaʼ ni janinin, ex ni yuʼuncha
jantucha katalakxtuklayaʼ. Va katajunaʼ tacha ixmayulnin
Dios laktʼiyan.
\v 26 Chavay naunatʼik ni jantu katakujchoqoyaʼ ni janinin.
¿Ex jantu aqtaun pʼutʼeʼeyatʼik taʼan tsʼoqkanta la
ixlibro ni Moisés taʼan lhichivinkan laqa qalapʼu yu
ixmaqtajita? Ancha ni Dios va junil ni Moisés: “Ni
kitʼin va ixDios ni Abraham, vachu ni ixDios ni Isaac
vachu ni ixDios ni Jacob.”
\v 27 Ex chuncha ni Dios jantu ixDios kaval yu janinin,
va ixDios yu takujta. Ni uxiknan oqspʼalatʼik la mijatapastakʼatkʼan.
\s Yu lhinaunkan yu apalay maqskʼiniy
\r (Mt. 22:34-40)
\p
\v 28 Ex vachuʼ chinchal qayntaun xajamalaniniʼ ixlhachimoʼonkʼan
ni israelitas. Ni yucha va ixqasmaktacha ni la ox ixjaqaltayanan
ni Jesús. Yucha lhisakmil ni Jesús va junil:
\p —¿Tachun yu lhinaunkan la kilhachimoʼonkʼan, tisuncha
yu apalay maqskʼiniy kʼamakʼatʼi?
\p
\v 29 Ni Jesús va naul:
\p —Yu apalay maqskʼiniy kamakʼatʼi va yu inchine najun.
“Kaʼalasmaktʼik, israelitas untʼatʼik, ni kiJalhachimoʼonukʼan
ni Dios va taun.
\v 30 Kaʼachʼanincha ni Dios miJalhachimoʼonuʼ kun tachun
melhanuti, ali tachun ni mijatsukunti, ali tachun mijatapastakʼati,
ali tachun ni mintapʼasta.” Yucha yu apalay maqskʼiniy
kʼamakʼatʼi.
\v 31 Yu ataun lhinaunkan va laycha vachu va chun. Va
inchine najun: “Kʼapʼaxkʼatʼi mintʼamachaqaʼ tacha
pʼaxkʼakʼan milaqʼaman.” Ni anchanuʼ laʼatʼuy chivinti
yu lhinaunkan va yuʼuncha yu apalay maqskʼiniy kamakʼatʼi.
\p
\v 32 Ex va chuncha yu xajamalaniniʼ ixlhachimoʼonkʼan
ni israelitas va naul, junkal ni Jesús:
\p —Jamalaniniʼ, laqsaval tacha naʼun ni Dios va taun, jantu
kaʼalil ataun.
\v 33 Maqskʼiniy kaʼachanin ni Dios kun tachun mejalhanuti
ali tachun mijatapastakʼati ali tachun ni mijatsukunti
ali tachun mintapʼasta. Vachuʼ maqskʼiniy kʼapʼaxkʼatʼi
mintʼamachaqaʼ tacha pʼaxkʼakʼan milaqʼaman. Apalay
ixtapal chuncha kʼamakʼatʼi xajantu kamoqslatʼi tachun
lapaxkan para kalaqxavatʼi.
\p
\v 34 Ni Jesús makal kuenta ni anchanuʼ lapanaki la
ox qaltayanal, va junil:
\p —Jantucha lhuu tsʼanqaniyan para kalhichimoʼon ni Dios.
\p Ex jantucha matichun katalhisakmiputul taun chivinti
yu lay kataputislajmal.
\s ¿Tas ayucha junita istsʼal ni jalhachimoʼonuʼ David?
\r (Mt. 22:41-46; Lc. 20:41-44)
\p
\v 35 Tejkan ni Jesús va ixtʼajun lakmalaniniʼ ni lapanakni
ni ay lakatajtan va laklhisakmil, va naul:
\p —¿Valiʼiycha tanajun yu xajamalaninin ni va ixpapanti
David ni Cristo yu ixtanajun kaminaʼ?
\v 36 Ni Espíritu Santo xtaqnil jatapastakʼati ni David
tejkan yucha naul inchineʼ:
\q Ni Jalhachimoʼonu Dios va naul, va junkal kiJalhachimoʼonuʼ:
\q “Aniycha kʼintʼatʼaʼul la kilhijakanaj tus tejkan
kakmaqalhajaʼoyaʼ tachun yu taxkayyan.”
\m
\v 37 Ex chuncha ni David yucha junil ni Cristo ixJalhachimoʼonuʼ.
¿Tas lay kaval ni Cristo istsʼal ni David?
\p Ayaj ixtalhavaxtu lapanakni va tus ox achaj ixtaqalasmatʼa
ni Jesús.
\s Ni Jesús mukʼanil ixlaqtaqalkʼan ni xalajʼaynin
\r (Mt. 23:1-36; Lc. 11:37-54; 20:45-47)
\p
\v 38 Ex chuncha ni Jesús ixjalakmalaniy ni lapanakni,
va naul:
\p —Jantu katamakanun yu tamalaninin kilhachimoʼonkʼan.
Yuʼuncha va ayaj tamaqamay katatiʼukxuntayal kun yu
laqlman laqchʼiti yu tacha taʼulay ni xalajʼaynin lapanakni.
Vachu tejkan paxtoqkan laklhitamau tanajun ni ox kʼalakmastʼakʼatʼi
kun tachun jatoʼoyanti.
\v 39 Tataulputun taʼan tataulay yu xalajʼaynin laqa
chaqan taʼan tataqxtoʼa ni lapanakni vachu taʼan alin
lakvayti.
\v 40 Talakmaxtuniy ixchaqakʼan yu tiyaunin. Vachu la
panij tatapayniy Dios para katatoʼoyal ni lapanakni.
Yuʼuncha katalaqaʼiyaʼ apalay lhuu jamaqanlqajnati, naul
ni Jesús.
\s Ixlimosna ni tiyau yu kilpataniʼ
\r (Lc. 21:1-4)
\p
\v 41 Ex ni Jesús va taulal la ixʼukxpulakapuʼ ni kajun
yu taʼan ixtamujuy ixlimosnajkʼan. Ex chuncha ni Jesús
va ixlaqtsʼin ni lapanakni ixtamujuy ni tumin. Yu maqalinin
va la laqlhuvin ixtamujuy ni tumin.
\v 42 Ex va chuncha taval va chinchal qayntaun xanati,
kilpataniʼ tiyau, va mujul laka kajun laʼatʼuy lakstʼuniy
tumin tsasnati yu va tsʼuniy xtapal.
\p
\v 43 Ex ni Jesús lakjuntaʼil ixtʼaltanan, va lakjunil:
\p —Laqsaval klajunau, yu aniy kilpatani tiyau, yucha apalay
laqlhuu xaxtaʼa xajantu yu alati yu ixtamujuy tumin
laka kajun.
\v 44 Yu alati ixtamujuy va yu ixtaxajniyachal, pero
yu anchanuʼ xanati tiyau tachun yu ixlhitʼajun para
kaputapasal, va mujuʼol laka kajun.
\c 13
\s Ni Jesús najun ni kalaqcheʼeʼokanaʼ yu ay lakatajtan
\r (Mt. 24:1-2; Lc. 21:5-6)
\p
\v 1 Tejkan ixtataxtuta ni Jesús kun ixtʼaltanan, ex
qayntaun ixtʼaltanaʼ va junil:
\p —¡Jamalaniniʼ! ¡Kalaqtsʼi ni kilakatajtankʼan, va ayaj
laqpʼas chiyux makakanta!
\p
\v 2 Ex ni Jesús va naul:
\p —¿Laqtsʼin ni aniy lajʼay jachaqan? Kaminaʼ julchan
tejkan jantu laqataun chiyux kaxajtachal, tus tachun
katalaqcheʼeʼoyaʼ, naul ni Jesús.
\s Tisuncha katasuʼelayaʼ tejkan tachun kamiʼoyaʼ
\r (Mt. 24:3-28; Lc. 21:7-24; 17:22-24)
\p
\v 3 Ex taʼal xaʼaspajun Olivos la ixʼukxpulakapuʼ ni
ay lakatajtan. Ancha taulchal ni Jesús. Yu Pedro ali
Juan ali Jacobo ali Andrés va ixlaqʼamankʼan talhisakmil
ni Jesús, tajunil:
\p
\v 4 —Kilajuniucha. ¿Tas vanancha katapasayaʼ ni anchanuʼ
axtoqnu? ¿Tas kakpukʼatsayaucha tejkan va laycha katapasaputunaʼ
ni anchanuʼ axtoqnuʼ?
\p
\v 5 Ni Jesús va lakjunil:
\p —Kalhistʼajkʼantʼikcha ni jantu matichun katamakanun.
\v 6 Kataminaʼ pumalhuu, katanaunaʼ: “Va kitʼin yu Cristo.”
Chuncha lhuvaj lapanakni katamakanuyaʼ.
\p
\v 7 ’Kaʼasmatʼapitik ni alincha lachʼapati aniy ali
lhilukuj avintʼi, pero jantu katʼalhanantʼik. Va chuncha
maqskʼiniy pʼunaj katapasaʼelal. Pero jantukaʼ katamaktayaʼ.
\v 8 Yu oqxlaqtaun lapanakni katalachʼapayaʼ kun aʼoqxlaqtaun
lapanakni. Yu laqataun pais katalachʼapayaʼ kun ataun
pais. Va lakalhuu kaxkapʼikninaʼ ni lakatʼun, vachuʼ
kaʼalinaʼ ay chavan. Tejkan chuncha katapasayaʼ va kaʼaqtayakaʼ
ni maqanlqajnati.
\p
\v 9 ’Chavay yu uxiknankʼan ayaj kʼalhistʼajkʼantʼikcha.
Katamaqxtaqniyan la ixtamakakʼan ni jalhachimoʼonun.
Vachuʼ katalakasamayan laqa chaqan taʼan tataqxtoʼa
ni lapanakni. Chuncha katʼayapitik taʼan tavilanal yu
lajʼay jalhachimoʼonun ex ancha kʼanaunapitik tacha
kunita ni kitʼin.
\v 10 Yu lajʼox chivinti pʼunaj maqskʼiniy kaputeʼeʼokal
ni oqxlaqchux lapanakni.
\v 11 Chavay ni uxiknankʼan tejkan katamaqxtaʼan la
ixtamakakʼan ni jalhachimoʼonun, jantu maqskʼiniy katapastakʼun
yu kʼanaunapitik. Kʼanauntʼik va yu exnicha kataxtaqniyan
la mijatapastakʼatkʼan ni Espíritu Santo. Ex jantu kunaʼ
minchivintikʼan, kunaʼ ixchivinti ni yucha.
\v 12 Ex lati lapanakni katamaqxtaqyaʼ ixtʼalaqauninkʼan
para kalaqmaqnikal. Vachu yu japayan katamaqxtaqyaʼ
sasʼatʼankʼan. Vachuʼ yu sasʼatʼan kataxkayyaʼ ixpayankʼan,
katamaqniyaʼ.
\v 13 Tachun ni lapanakni katalhixkayyan por kilapanakni
untʼatʼik, pero yu vas kataylhaʼanaʼ la ixlhakapuʼati
tus kalaʼoyacha, yucha kalaqtaxtuyaʼ.
\p
\v 14 ’Kalaqtsʼinapitik qayntaun yu xkiliu yu kalaqtʼilhiʼoyaʼ
ni chaqaʼ taʼan toʼoyakan Dios. Yucha lhichivinil Daniel
yu maqancha ixlaqputeʼey ixchivinti Dios. Katayayaʼ
taʼan jantu paxtoqniy katayal. (Chavay yu puteʼey tsʼanqay
kamalaqasil.) Ex yu tavilanal xalakatʼun Judea maqskʼiniy
kataʼal laka aspajunaxnan qosnin.
\v 15 Yu kataulaʼ la ixʼukxna ixchaqaʼ jantucha kataʼeltajul
maxtunuʼ tuʼuchun la chaqaʼ.
\v 16 Vachuʼ yu kaʼalintachal la ixkuxtu va jantu maqskʼiniy
kaminchoqol iniʼ ixlaqchʼiti.
\v 17 ¡Payniʼincha xanatin yu jaʼaynan katajunaʼ anchanuʼ
julchan, vachuʼ yu katalhitsukuyaʼ lakstʼuniy sasʼatʼakʼan
yu lhimatsʼikʼiti!
\v 18 Kʼatʼapʼayninitʼik ni Dios para jantu kapaxtoqnil
tejkan lhikʼasnin.
\v 19 Yu anchanu julchan kaʼalinaʼ ay maqanlqajnati
yu jantu aqtaun kaʼalil tus tejkan puʼaqtaynil ni lakamunukpaʼ
tus chavaycha y astan jantucha kaʼalinchoqoyaʼ.
\v 20 Yu Jalhachimoʼonu Dios jantu xtaqniy lakatin para
maqan kaval ni anchanuʼ maqanlqajnati. Incha maqan kaval,
ex jantu matichun kaxajchal. Yucha lakpaxkay ixlapanakni
yu jalaksakta, xlhiyucha jantu najun maqan kaval.
\p
\v 21 ’Ni anchanuʼ julchan incha matichun katajunin
ni uxiknankʼan: “Aniy alinta ni Cristo” u “Kalaqtsʼintʼik,
avintʼi vilchal”, jantu kalhakʼapʼupʼintʼik.
\v 22 Ni anchanuʼ julchan kataminaʼ yu jamakanunun.
Lati katanaunaʼ va yuʼuncha ni Cristo. Yu alati katanaunaʼ
va yuʼuncha yu ixtalaqputeʼey ixchivinti Dios maqancha.
Katamakayaʼ yu lajʼay axtoqnuʼ kun tapʼasta para katapumakanun
mas va yu jalaksakta ni Dios, incha kalal.
\v 23 ¡Kʼalhistʼajkʼantʼikcha! Klajuntaucha yu katapasayakaʼ.
\s Yu tejkan kaminchoqoyaʼ ni Sasʼatʼa Lapanakni
\r (Mt. 24:29-35, 42-44; Lc. 21:25-36)
\p
\v 24 ’Exnicha tejkan katapasaʼoyaʼ ni anchanuʼ maqanlqajnati,
ni julchan kaʼukxputsʼisaʼ, vachu yu malkuyuʼ jantucha
kamapulkuyaʼ.
\v 25 Yu jastʼakun katapatajuyaʼ. Yu talhitʼajun tapʼasta
ni laktʼiyan, yuʼuncha kataxkapʼiknanaʼ.
\p
\v 26 ’Ex kintalaqtsʼinacha ni kitʼin yu kval Sasʼatʼa
Lapanaki kakmintachal laka taputsʼi ni kun tachun kintapʼasta
ali tachun kiʼayaxtu.
\v 27 Ex kakmalaqachayaʼ ni kimayulnin ex yuʼuncha katamaqxtoʼaʼ
yu klaklaksakta talakachux ni lakamunukpaʼ tus yu ixpiktutʼati
ni lakamunukpaʼ, tus taʼan maktayachalcha ni laktʼiyan.
\p
\v 28 ’Kʼamakʼatʼikcha kuenta tacha junita tejkan maqlaqapʼun
ni xakʼiu higo, yucha va naunputun ni taʼukstsʼuniycha
tejkan kapʼasnanaʼ.
\v 29 Vachu va chun tejkan kalaqtsʼinapitikcha ni tsukuy
tapasanaʼ ni anchanuʼ axtoqnuʼ yu klajuntau, ex chun
kakʼatsʼayapitikcha ni va laycha kakchinchoqoyaʼ ni
kitʼin yu kval Sasʼatʼa Lapanakni.
\v 30 Laqsaval klajunau, ni lapanakni yu chavay tatʼajun,
jantukaʼ kataniʼoyaʼ tus katapasaʼoʼelayaʼ yu klajuntau.
\v 31 Yu lakatʼun kun laktʼiyan katamiʼoyaʼ pero yu
kinchivinti jantu aqtaun kamiʼoyaʼ.
\p
\v 32 ’Jantu matichun kʼatsay tisuncha hora u tisuncha
julchan chuncha katapasayaʼ. Ixmayulnin Dios laktʼiyan
jantu takʼatsay, vachuʼ jantu ijkʼatsay ni kitʼin yu
Sasʼatʼa Dios. Vamun kʼatsay kimPay.
\p
\v 33 ’Xlhiyucha maqskʼiniy kʼalakpʼukʼujtʼikcha, kalhistʼakkʼantʼikcha,
kaskʼintʼik Dios. Jantu kʼatsʼayatʼik tas vanancha kalakachinaʼ
ni anchanuʼ julchan.
\v 34 Ni anchanuʼ julchan kunaʼ va tacha qayntaun joʼati
yu maqati an tiʼukxuntayan. Yucha pʼunaj jalakmakauniy
ixchaqaʼ ni ixʼoqxtamatin para katalhistaknal. Qayntamin
si tumpajcha jalaqxtaqniy ixlhitapatskʼan. Yu xalhistaknaʼ
kiltalakxtuti va lhijunkan kalakpukujlhi.
\v 35 Xlhiyucha klajunau ni kʼalakpʼukʼujtʼikcha. Jantu
kʼatsʼayatʼik tavanancha kakchinacha kitʼin yu jamanavin
chaqaʼ, u laka tatsʼisin u va pakltaun tsʼis u va tejkan
katʼasayacha ni puyux u va puvakuj.
\v 36 Tejkan laqatsʼalaj kakminchoqoyaʼ jantu kaltʼatʼatʼik
la mijatsukuntikʼan.
\v 37 Yu klajunau ni uxiknankʼan, klakjuniy tachun ni
lapanakni: ¡Kʼalakpʼukʼujtʼikcha!
\c 14
\s Va tapastakʼa ni lhachimoʼonun tas kalalcha katapuchʼil ni Jesús
\r (Mt. 26:1-5; Lc. 22:1-2; Jn. 11:45-53)
\p
\v 1 Ex chuncha va istsʼanqay paqtʼuy tejkan kaʼalinaʼ ni Paxku yu ay ixkʼatankʼan ni israelitas, tejkan taʼuy pan yu jantu lhiyaukan levadura. Yu xaʼukxtinin ni kuras kun yu ixtamasuy ixlhachimoʼonkʼan ni israelitas va tapuxkaulaqtsʼil tacha saq katapumanul lakapachʼin ni Jesús para katamaqnil.
\v 2 Ixtanajun:
\p —Jantu maqskʼiniy tejkan alin kʼatan, va lay katalakchʼilil ni lapanakni.
\s Qayntaun xanati lhilakpaxapal sʼejenʼe xkan ni Jesús
\r (Mt. 26:6-13; Jn. 12:1-8)
\p
\v 3 Ixvilchal ni Jesús laka putaulan Betania la ixchaqaʼ ni Simón yu ixlakapuchʼitacha. Tejkan ixvil laka mesa ni Jesús va chinchal qayntaun xanati yu ixlhiminta taun lameta yu jamakanti chiyux yu junkan alabastro. Va putajun yu sʼejenʼe yu junkan nardo yu la laqlhuu xtapal. Ex va oqxcheʼelcha ni lameta va laqxtaqemukʼanil la ixʼaqtsul ni Jesús.
\v 4 Lati ni yuʼuncha yu ancha ixtaʼalinta ayaj tatalqamal, va aqtayl talajuniy siya yuʼuncha:
\p —¿Valiʼiycha laqamanancha anchanuʼ xanati yu sʼejenʼe?
\v 5 Va jantu ixlaqamanal, ka la ox istʼal. Ixtapal va tacha ixlhilhajati qayntaun lapanaki yu tapatsay 300 julchan. Ixlhilaqʼaqtayjuu ni kilpatanin.
\p Chuncha talhilaqʼaymal ni xanati.
\p
\v 6 Ex ni Jesús va lakjunil:
\p —Kʼamakʼauntʼikcha ni aniy xanati. ¿Valiʼiycha maʼanchʼapʼuyatʼikcha? Tacha ixkimakaniy yucha la ox.
\v 7 Yu kilpatanin va tacha kaʼalinacha kun uxiknankʼan. Lay kʼamakʼaniyapitik yu lajʼox va tavanancha yu kʼanaunapitikcha. Pero yu kitʼin jantucha maqan kaklatʼaʼalinau.
\v 8 Ni aniy xanati va makal yu lay xamakay. Chavay mas jantukaʼ ikniy pero tejkan ixkilakpaxapay yu sʼejenʼe, yucha va para kilhitaknun.
\v 9 Laqsaval klajunau, mas va toʼoxtaycha lakamunukpaʼ kaputeʼekanaʼ yu ox chivinti vachu ancha kaputeʼekanaʼ yu makal ni aniy xanati, ni lapanakni katapastakchoqoyaʼ.
\s Ni Judas najun ni kamaqxtaʼaʼ ni Jesús
\r (Mt. 26:14-16; Lc. 22:3-6)
\p
\v 10 Ex ni Judas Iscariote yu xaqayntaun ixtʼaltanaʼ ni Jesús, va jalaqʼal yu xaʼukxtinin kuras. Va al laklhijuniniʼ ni kalaqmaqxtaqniyacha ni Jesús la ixtamakakʼan.
\v 11 Yu xaʼukxtinin ni kuras tejkan chuncha taqasmaklhi va ayaj talhiʼachantajul. Va tajunil kataxtaqniyaʼ tumin ni Judas. Ex ni Judas va aqtaylcha puxkaulaqtsʼin tas pulay kapumaqxtaqlhi ni Jesús.
\s KiJalhachimoʼonukʼan jalaktʼavayl ixtʼaltanan
\r (Mt. 26:17-29; Lc. 22:7-23; Jn. 13:21-30; I Co. 11:23-26)
\p
\v 12 Ex chuncha va chilcha yu xapʼunaj julchan ixkʼatankʼan ni israelitas, tejkan taʼuy ni pan yu jantu lhiyaukan levadura, tejkan ixtamoqslay ixborregoskʼan tacha lapaxkan. Yu ixtʼaltanan ni Jesús va tajunil:
\p —¿Toʼoxtaycha naʼuncha kaklalaʼoxiniu xavayti ni kʼatan Paxku?
\p
\v 13 Ex jamalaqachal pumatʼuy ixtʼaltanan, va lakjunil:
\p —Kʼapʼinchʼipitik ni laqaʼay putaulan. Ancha kapʼaxtʼoqyapitik qayntaun joʼati yu lhaʼanta taun aqxau xkan. Katʼapʼinapitikcha ni yucha.
\v 14 Taʼan katanutachal katʼachʼivinintʼik yu jamanavin chaqaʼ. Kaʼunapitik ni Jamalaniniʼ kʼatsaputun toʼoxtaycha alinta yu cuarto taʼan kalaktʼavaynaʼ ixtʼaltanan yu xavayti Paxku.
\v 15 Ex ancha katamasuniyan taun ay cuarto taʼan alinʼojoy xoqta yu kʼamapʼatsʼatʼi. Ancha kʼalaʼoxiyapitik ni kivaytikʼan.
\p
\v 16 Ex yu ixtʼaltanan va taʼalcha. Tejkan tachaʼal va tatemaʼol va chuncha tacha lakjunil ni Jesús. Ex va ancha talaʼoxilcha ixvaytikʼan xakʼatan Paxku.
\p
\v 17 Tejkan putsʼislhicha, ex ni Jesús va jalaktʼachinchalcha yu pumakautʼuy ixtʼaltanan.
\v 18 Taval tejkan tatʼajuncha vaynin ni lakamesa yu Jesús va lakjunil:
\p —Laqsaval klajunau ni xaqayntaun ni uxiknankʼan yu kintʼatʼajun vayaʼ, yucha kimaqxtaqyaʼ.
\p
\v 19 Ex yuʼuncha va la tamaqaninilcha. Taʼaqtaylcha talhisakmiy qayntamin por qayntamin, va tajuniy:
\p —¿Ex va kitʼin?
\p
\v 20 Ni Jesús va lakjunil:
\p —Yu mimpumakautʼuykʼan, xaqayntaun ni uxiknan yu kintʼatamajqoy laka plato tejkan kaʼavayau kimpankʼan, va yucha kimaqxtaqyaʼ.
\v 21 Ni kitʼin yu Sasʼatʼa Lapanaki kakniyacha tacha kilhitsʼoqkanta la ixchivinti Dios. Pero payniycha yu kimaqxtaqyaʼ. ¡Apalay ox jantu istsukul!
\p
\v 22 Ex tejkan ixtatʼajuncha vaynin, ni Jesús chʼapal la ixmakaʼ aqxtaun pan, va xtaqnil lhimalaqpuchuncha ni Dios. Ex chuncha laqcheʼelcha ni pan, jalaqxtaqnilcha ni ixtʼaltanan, va lakjunil:
\p —Kaʼutʼikcha, yu aniy va kilakatunaj.
\p
\v 23 Ex vachu chʼapal laqataun vaso, va xtaqnil lhimalaqpuchuncha ni Dios. Va jalaqxtaqnil ixtʼaltanan, tus tachun taʼoqʼol.
\p
\v 24 Ex chuncha ni Jesús jalakjunil:
\p —Ni aniy va kijakʼalna yu masuy ni Dios va taun sastʼi chivinti jatʼatamakajun ixlapanakni, kalakataxtuyaʼ para kamalaqmixinikal ixtalaqalhinkʼan lhuvaj lapanakni.
\v 25 Laqsaval klajunau, jantucha kajkʼotʼaʼ ni xaxkan uva, tus tejkan kajkʼoqchoqoyaʼ aaqtaun taʼan kalhachimoʼonunaʼ ni Dios.
\s Ni Jesús najun ni Pedro kanaunaʼ ni jantu mispay ni yucha
\r (Mt. 26:30-35; Lc. 22:31-34; Jn. 13:36-38)
\p
\v 26 Ex va chuncha tejkan tamilpal titaun milpati, va taʼalcha laka aspajun yu junkan Olivos.
\v 27 Ancha ni Jesús va lakjunil:
\p —Chavay ni aniy laka tatsʼisin tus mintachunkʼan kilamakaunau. Yu tsʼoqkanta la ixchivinti Dios najun: “Kaksayaʼ yu xalhistaknaʼ, ex yu ixborregos tus tʼikl kataputaukʼaʼoyaʼ”.
\v 28 Pero tejkan kajkujchoqoyaʼ ex ni kitʼin pʼunaj kakchaʼanaʼ xalakatʼun Galilea, ex yu uxiknankʼan astan kachʼipʼinapitik.
\p
\v 29 Ex va chuncha ni Pedro va naul:
\p —Mas tachun katamakaunan, yu kitʼin jantu aqtaun ni kakmakaunan.
\p
\v 30 Pero ni Jesús va junil ni Pedro:
\p —Laqsaval ijkunan, chavay apanchʼix tsʼis tejkan jantukaʼ aqtʼuycha tʼasay ni puyux, uxintʼi aqtʼutucha kanauneʼe ni jantu kʼimispʼay.
\p
\v 31 Pero yu Pedro va pʼas naul:
\p —Mas maqskʼiniy kaknil kun uxintʼi jantu kakmakaunan.
\p Ex yu alati vachu va chun tanaunʼol.
\s Ni Jesús skʼin Dios laka Getsemaní
\r (Mt. 26:36-46; Lc. 22:39-46)
\p
\v 32 Ex chuncha taval va taʼal lakataun taʼan junkan Getsemaní. Ex chuncha ni Jesús va jalakjunil ixtʼaltanan:
\p —Katʼaulatʼikcha aniy. Yu kitʼin va ikteʼen skʼiniʼ ni Dios.
\p
\v 33 Ex laklhaʼal vamun ni Pedro ali Jacobo ali Juan. Ex ni Jesús va aqtaynilcha pʼays jamaqaninin la ixjalhanuti.
\p
\v 34 Ex chuncha va lakjunil:
\p —Ayaj ikmaqaninin la kelhanuti, va tacha kaknil kʼatsan. Aniycha katʼaulatʼik, kilapakxaucha, kʼalakpʼukʼujtʼik.
\p
\v 35 Ex ni Jesús va stal tiʼal aʼukstsʼuniy, va talakapuʼaqtsoqoqtatamal lakatʼun, va aqtayl tʼachiviniy ni Dios. Skʼinlhi incha kalal ni jantu kachil ni anchanuʼ maqanlqajnati.
\p
\v 36 Va naul:
\p —KimPay kʼatʼi, uxintʼi lay makʼay tachun axtoqnuʼ. Va iknajun kʼimalaqtʼaxtʼutʼi ni aniy ay maqanlqajnati. Pero jantu kaval yu tacha kitʼin iknajun. Kamakʼatʼi yu tacha uxintʼi naʼun.
\p
\v 37 Taval va jalaqʼal ni ixtʼaltanan. Laklhitajul, va taltatanan. Va naul, junkal ni Pedro:
\p —Simón, ¿Ni uxintʼi va ltʼatʼatʼa? ¿Tus va jantucha kalal kʼintʼaʼalkʼujtʼi mas va tauncha hora?
\v 38 Maqskʼiniy kʼalakpʼukʼujtʼikcha, va kaskʼintʼik Dios para jantu kʼamakʼanukʼantʼik y kamakʼatʼik yu jantu lajʼox. Ayaj ox yu lakʼanaunatʼik pero jantu laqapʼaysnin kʼaʼuntʼik.
\p
\v 39 Ex va chuncha aaqtaun anchoqol tʼachivin ni Dios. Vanaj va chun naunchoqol yu iskʼintʼa.
\v 40 Taval va aaqtaun minchoqol ni Jesús. Yu ixtʼaltanan va aaqtaun laklhitajuchoqol taltatanan. Va lakʼukstsʼinkʼi ixtajunita ixlaqchulkʼan, ayaj ixtaltataputun. Jantu ixtakʼatsay tisuncha katanaulcha.
\p
\v 41 Ex chuncha va aqtʼutunucha val ni minchoqol aaqtaun ni Jesús, va naul:
\p —Vananaj ltʼatʼayatʼik, vananaj stʼaknanatʼik. Ka oxicha. Chilcha ni hora tejkan ni kitʼin yu Sasʼatʼa Lapanaki kakmaqxtaqkanacha la ixtamakakʼan yu talaktuʼunun lapanakni.
\v 42 Kaʼostʼaʼulatʼikcha, kaʼaucha. Va ukstsʼuniycha minta yu kimaqxtaqyaʼ.
\s Tachʼilhaʼal ni Jesús
\r (Mt. 26:47-56; Lc. 22:47-53; Jn. 18:2-11)
\p
\v 43 Tejkan vananaj ixtʼajun chivin ni Jesús, va chinchal ni Judas, xaqayntaun yu pumakautʼuy ixtʼaltanan. Va ixlaktʼaminta lhuvaj lapanakni yu ixtalhiminta espada ali kʼiu. Va jalaqmalaqachal yu xaʼukxtinin kuras ali yu ixtamasuy ixlhachimoʼonkʼan ni israelitas ali yu xalajʼaynin lapanakni.
\p
\v 44 Ni Judas, yu akchʼintamanan va ixlakjunitacha tacha katapumispal, va naul:
\p —Tejkan kakmastakʼayaʼ, kakiltastukyaʼ. Yucha kachʼiyapitik, ox kʼalhistʼaklhipʼinapitik.
\p
\v 45 Ex va chuncha ni Judas va talakanunil ni Jesús, va junil:
\p —Jamalaniniʼ.
\p Taval va kiltastuklhi.
\p
\v 46 Ex tachʼapalcha ni Jesús, va tachʼilcha.
\v 47 Qayntaun yu ixtʼaltanaʼ ni Jesús va xaqaxtul ixʼespada. Va aqatuchaqxmajʼal akatutaun ixʼaqaxqol ixʼoqxtamati ni xaʼukxtin ni kuras.
\v 48 Ni Jesús va lakjunil ni lapanakni:
\p —¿Valiʼiycha lhitʼantʼatʼikcha kʼiu ali espada para kilachʼiyau? ¿Va tacha qayntaun alhavanaʼ kakval?
\v 49 Lhilhiy xaklatsukuyau malaninin ni ay lakatajtan, jantu aqtaun kilachʼiu. Pero maqancha tsʼoqkantacha la ixchivinti Dios ni chuncha katapasal, xlhiyucha chuncha tapasay.
\p
\v 50 Ex chuncha ixtʼaltanan va tatakyauʼol, va xʼamancha tamakaul ni Jesús.
\s Ni tsʼal yu qoslhi
\p
\v 51 Qayntaun tsʼal vananaj ixtʼaʼanta ni Jesús. Vamun sábana ixlhipamilkanta. Ni yucha vachu tachʼapal,
\v 52 pero makaumalcha isábana, va tiʼasas qoslhi.
\s Talhachaʼal ni Jesús taʼan tataqxtoʼa yu xalajʼaynin israelitas
\r (Mt. 26:57-68; Lc. 22:54-55, 63-71; Jn. 18:12-14, 19-24)
\p
\v 53 Ex talhachaʼal ni Jesús yu xaʼay xaʼukxtin kura. Va tus tataqxtoqʼol tachun ni xaʼukxtinin kuras, vachuʼ yu ixtamasuy ixlhachimoʼonkʼan ni israelitas, vachu tachun yu xalajʼaynin lapanakni.
\v 54 Yu Pedro vananaj ixkaulhaʼanta pumaqati ni Jesús tus tachaʼal la ixpulakna xapuchʼanan ixchaqaʼ yu ay xaʼukxtin kura. Jalaktʼataulalcha yu policias. Va aqtaylcha jalaktʼasʼon chʼantaun kun yuʼuncha laka jikmi.
\p
\v 55 Yu xaʼukxtinin kuras kun tachun yu ixtaʼaqxtoqnun ni laka ay junta si ixtalakxkauniy matichun yu lay kanaul taun laqtaqal yu makal ni Jesús tacha lay katalhimaqnil. Pero jantu matichun katatemal.
\v 56 Lhuvaj lapanakni ixtalaklkaniy ni Jesús pero jantu lay chʼantaun ixtamakay ixlakchivintikʼan.
\v 57 Lati taʼaqtayl tatislajmay yu jantu laqsaval kaval, va tanaul:
\p
\v 58 —Yu kijnankʼan ijqalasmakvi ixnajun: “Ni kitʼin kaklakpujʼoyaʼ ni aniy ay lakatajtan yu tamakata lapanakni, ex yu laʼatʼutunu julchan kakmaqayauchoqoyaʼ ataun sastʼi lakatajtan pero jantu kunaʼ yu katamakayaʼ lapanakni.”
\p
\v 59 Pero mas chuncha ixtanajun va jantu lay chʼantaun ixtamakay ixlakchivintikʼan.
\p
\v 60 Ex va chuncha ni ay xaʼukxtin kura va ancha ostayal. Va lhisakmil ni Jesús, va junil:
\p —¿Jantu tuʼuchun kʼanauneʼe? ¿Valiʼiycha chuncha talhitislajmayan?
\p
\v 61 Pero yu Jesús vamun saq val, jantu tsij kanaul. Ex yu xaʼukxtin kura va aaqtaun lhisakmichoqol ni Jesús, va junil:
\p —¿Uxintʼicha ni Cristo kʼatʼi yu Dios naul kamalaqachayaʼ? ¿Va uxintʼi yu Sasʼatʼa Dios yu toʼoyakan?
\p
\v 62 Ex chuncha ni Jesús va naul:
\p —Va kitʼincha. Ni uxiknankʼan kilalaqtsʼinau ni kitʼin yu Sasʼatʼa Lapanaki, kaktaultachal la ixlhijakanaj ni Dios yu lhitʼajun tachun tapʼasta. Kilalaqtsʼinau ni kakminchoqotachal laktʼiyan laka taputsʼi.
\p
\v 63 Ex va chuncha yu xaʼukxtin kura talqamal, tus chʼapal ixlaqchʼiti, va lajʼexlhi, ex naul:
\p —Jantucha apalay kmaqskʼiniyau alati chivinti.
\v 64 Ni uxiknankʼan asmaktʼatʼik ixchivinti, va akchʼintamay ni Dios. ¿Tas lhilayatʼik?
\p Ex chuncha chʼantauncha taval, va tamukʼanilcha ixlaqtaqal, talhinaul kanilcha.
\p
\v 65 Yu alati taʼaqtaynilcha talakpuchujvay, ex talaqpuchʼilcha, taʼaqtayl talakasamay, va tajuniy:
\p —Chavay kʼanau taʼayucha sayan.
\p Ex chuncha yu policias va taʼaqtaylcha talakapusay ni Jesús.
\s Ni Pedro naul ni jantu mispay ni Jesús
\r (Mt. 26:69-75; Lc. 22:56-62; Jn. 18:15-18, 25-29)
\p
\v 66 Ni Pedro va ancha ixvil maqspaʼ laqa chaqaʼ, la ixpulakna ni ex. Taval va chinchal qayntaun ixmaqtsukuʼ ni xaʼukxtin kura.
\v 67 Tejkan laqtsʼil ni Pedro tʼajun sʼon, aqtaylcha laqastay, va junil:
\p —Ni uxintʼi vachu ixtʼatʼiʼukxuyatʼi ni Jesús yu machaqaʼ Nazaret.
\p
\v 68 Pero ni Pedro va jantu kalhitaulal, va naul:
\p —Kitʼin jantu ikmispay ni anchanuʼ joʼati. Jantu ikmalaqasiy yu kintʼaʼun lhixaqalan.
\p Ex va taxtulcha maqspaʼ taʼan putanukanachal, va tʼasalcha laqataun puyux.
\p
\v 69 Ex chuncha yu maqtsukuʼ aaqtaun laqtsʼinchoqol ni Pedro, lakjunil ni alati yu ancha ixtaʼalinta, va naul:
\p —Ni anchanuʼ joʼati vachu va xaqayntaun ni yuʼuncha.
\p
\v 70 Pero yu Pedro aqtalaqtaun jantu kalhitaulal.
\p Ex taun panchʼix val, yu ancha ixtaʼalinta va aaqtaun tajunchoqol ni Pedro, va tanaul:
\p —Laqsaval ni uxintʼi vachu va xaqayntaun ni yuʼuncha. Uxintʼi vachu machaqa kʼatʼi xalakatʼun Galilea.
\p
\v 71 Ex ni yucha vas jalakmasavalanil y laqxtoqnuʼ naul:
\p —¡Jantu kmispay ni anchanuʼ joʼati yu tʼaunatʼik lhichivinin!
\p
\v 72 Ex va niman aaqtaun tʼasachoqol ni puyux. Ex chuncha ni Pedro va pastaklhicha tacha junil ni Jesús. Va ixjunkanta: “Tejkan jantukaʼ tʼasay aqtʼuy ni puyux, uxintʼi va aqtʼutucha kʼanauneʼe ni jantu kʼimispʼay.”
\p Ex ni Pedro va aqtaylcha pʼas qalhun.
\c 15
\s Ni Jesús lhaʼankal la ixlakaʼukxpuʼ ni jalhachimoʼonuʼ Pilato
\r (Mt. 27:1-2, 11-14; Lc. 28:1-5; Jn. 18:28-38)
\p
\v 1 Ex tejkan tunkulcha va tataqxtoqlhi yu xaʼukxtinin ni kuras, ali yu xalajʼaynin ali yu ixtamasuy ixlhachimoʼonkʼan ni israelitas kun yu ixtalhichimoʼoy ixputsukkʼan. Tachʼilhaʼalcha ni Jesús, tamaqxtaqnilcha ni Pilato.
\p
\v 2 Ex chuncha ni Pilato va junil ni Jesús:
\p —¿Uxintʼi ni xalhachimoʼonuʼ kʼatʼi ni israelitas?
\p Ex yu Jesús va naul:
\p —Chun, va tacha uxintʼi xanaʼun.
\p
\v 3 Ex yu xaʼukxtinin kuras va pulhuu yu ixtaputislajmay ni Jesús.
\v 4 Yu Pilato va aaqtaun lhisakmichoqol, va junil:
\p —¿Jantu tuʼuchun kanauneʼe? Va ayaj pulhuvaj tatʼaunan tislajmanan.
\p
\v 5 Pero ni Jesús va tus jantu kaqaltayanal. Ex chuncha ni Pilato tus vak kʼatsal.
\s Yu Pilato maqxtaqlhicha para kamaqnikalcha ni Jesús
\r (Mt. 27:15-31; Lc. 23:13-25; Jn. 18:38–19:16)
\p
\v 6 Taun taun jachʼitin tejkan xakʼatan Paxku yu Pilato ixtamaxtuchoqoy qayntaun lapanaki laka pachʼin, va yu ixtaskʼin ni lapanakni para kamaxtuchoqol.
\v 7 Va ixtanun ni laka pachʼin qayntaun joʼati yu ixjunkan Barrabás. Chʼantaun ixlaktʼatanun kun alati yu tamakal lachʼapati, va tamaqninil.
\v 8 Ex va chuncha ni lapanakni talaqmil ni Pilato, va tajunil ni kamakachoqol yu tacha ixmakay.
\p
\v 9 Ex chuncha ni Pilato va naul:
\p —¿Ex ni uxiknankʼan yu israelitas untʼatʼik naunatʼik ni kakmakaunchoqolcha oxamaktaun mijalhachimoʼonukʼan?
\p
\v 10 Ni Pilato ixkʼatsay ni yu xaʼukxtinin kuras va por akchaʼati ixtamaqxtaqnita ni Jesús, xlhiyucha va chuncha naul.
\v 11 Pero yu xaʼukxtinin ni kuras va ayaj tamalukujlal ni lapanakni tus tatalakchʼilil. Ex chuncha ni yuʼuncha va taskʼiniy para oxamaktaun kamakaunchoqokal yu Barrabás.
\v 12 Ex ni Pilato laklhisakmil ni lapanakni, va lakjunil:
\p —¿Tisuncha naunatʼik kakmakanil yu unatʼik xaJalhachimoʼonuʼ ni israelitas?
\p
\v 13 Ex ni lapanakni tanaulcha kun laktʼasati:
\p —¡Kʼamakxtʼukmukʼacha laka kurus!
\p
\v 14 Ex chuncha yu Pilato va naul:
\p —¿Pero tisuncha laqtaqalcha makata?
\p Ex yu lapanakni apalay pʼas ixtalaktʼasay, va tanaul:
\p —¡Kamakxtukmukʼakalcha!
\p
\v 15 Ex yu Pilato para ox kalaktʼaʼal ni lapanakni va oxamaktauncha makaunchoqol ni Barrabás. Malaqachanal ixlaqanaqmaka ni Jesús, vachuʼ lhinaul para kamakxtukmukʼakal laka kurus.
\p
\v 16 Ex ni tropas va talhaʼalcha ni Jesús la xapuchʼanan ixpulakchivin ni Pilato. Tus tachun ni tropas ancha tataqxtoqlhi.
\v 17 Ex va taʼulanil aqxtaun laqchʼiti yu pʼas xlapul. Vachu tamaʼaqtanul laqataun korona jamakanti kun jaltukun.
\v 18 Ex taval ni lapanakni va talaktuʼul, taʼaqtaylcha talaktʼasay:
\p —¡Katsukul ixlhachimoʼonukʼan ni israelitas!
\p
\v 19 Ex chuncha va taʼaqtaylcha talaqpanaʼa kun kʼiu la ixʼaqtsul. Vachu talakapuchujval. Tamaʼaqtsoqoqtal, tamakal va tacha katatoʼoyal.
\v 20 Tejkan talaktuʼuʼol ni Jesús, ex va tamaxtunichoqol ni laqchʼiti yu ixtaʼulanita yu ox xlapul. Taʼulanichoqolcha ixlaqchʼiti ni yucha, va tamaxtulcha ixlhimaqspaʼ para kaxtukmukʼakalcha laka kurus.
\s Taxtukmukʼal laka kurus ni Jesús
\r (Mt. 27:32-44; Lc. 23:26-43; Jn. 19:17-27)
\p
\v 21 Ex chuncha tejkan ixtaʼanta ni lakatin va tapaxtoqlhi qayntaun joʼati yu ixjunkan Simón yu machaqaʼ Cirene, yu ixpay Alejandro ali Rufo. Chuncha tejkan ancha ixtʼajun tapasanaʼ, talhijunil ni kaʼaqtayjulhaʼal ixkurus ni Jesús.
\v 22 Ex talhaʼal ni Jesús lakataun taʼan junkan Gólgota (va naunputun xajalukuti aqtsul).
\v 23 Ex chuncha taxtaqnil lhiʼotʼati laqlhiyaunti kun mirra, pero yu Jesús jantu kaʼoqlhi.
\v 24 Ex va chuncha va taxtukmukʼal laka kurus ni Jesús. Yu ixlaqchʼiti va tamakal taun suerte ni tropas, taʼayucha kapaxtoqnil ixlaqchʼiti.
\p
\v 25 Tejkan taxtukmukʼal ni Jesús va laqanajatsi puvakuj ixjunita.
\v 26 Va tatsʼoqmukʼanil taun chivinti la ixʼaqtsul ni ixkurus, va najun: “Ixjalhachimoʼonukʼan ni israelitas”. Va yucha talhimaqnil.
\v 27 Va taxtukmukʼal qayntʼuy alhavanan kun Jesús. Qayntaun taxtukmukʼal la ixlhijakanaj, yu aqayntaun taxtukmukʼal la ixlhijamaqxu.
\v 28 Ex chuncha va taqayntsalcha ni jatsʼoqnuti yu najun: “Va mispakal tacha chʼantaun kun yu talaktuʼunun.”
\p
\v 29 Yu ancha ixtatapasay va laqxtoqnuʼ chivinti ixtajuniy, ixtamalaklay ixʼaqtsulkʼan, va ixtajuniy:
\p —¡Joj! ¡Uxintʼi yu ixmaqtʼatʼi ni ay kilakatajtankʼan y kun paqtʼutu julchan ixmaʼayauchʼoʼoʼ!
\v 30 ¡Chavay kʼalaqtʼaxtʼu meʼeman, kapʼatʼaʼutʼi laka kurus!
\p
\v 31 Vachu va chuncha yu xaʼukxtinin kuras ali yu ixtamalaninin ixlhachimoʼonkʼan ixtalaktuʼuy ni Jesús, va ixtalajuniy siya yuʼuncha:
\p —Ixmalaqtaxtuy yu alati pero jantu lay laqtaxtuy ixlaqʼaman.
\v 32 Incha laqsaval yucha ni Cristo, ni xajalhachimoʼonuʼ kintʼunkʼan Israel, ex kapatajul laka kurus chavay. Ex chuncha kalhakapuʼanaucha.
\p Ex chuncha mas yu ixlaktʼaxtukmukʼakanta, yuʼuncha vachu ixtalaktuʼuy.
\s Nil ni Jesús
\r (Mt. 27:45-56; Lc. 23:44-49; Jn. 19:28-30)
\p
\v 33 Ex chuncha tejkan atunkulcha, va talakachux ni lakatʼun tus tʼalaj putsʼislhi, tus laʼatʼutu putoqoxata ixputsʼista.
\v 34 Ex chuncha laʼatʼutu putoqoxata, ni Jesús va pʼays tʼasal, va naul:
\p —Eloi, Eloi, ¿lama sabactani? —va naunputun: KiDios kʼatʼi, kiDios kʼatʼi, ¿valiʼiycha ni kʼilakʼamakʼauntʼacha?
\p
\v 35 Ex chuncha yu alati lapanakni yu ancha ixtayanal taqasmaklhi, va tanaul:
\p —¡Kaʼasmaktʼik! Va tʼasaʼiniy ni Elías yu maqancha ixlaqputeʼey ixchivinti Dios.
\p
\v 36 Ex chuncha xaqayntaun ni yuʼuncha va takyauʼal iniʼ taun sponja, va aval kun xaxkan uva yu skajtacha. Akchʼimukʼal kun maqataun akltiyati. Ex va malakanunilcha ni Jesús para kamaʼotʼul. Va lakjunil yu alati:
\p —Kʼamakʼaucha. Kalaqtsʼinaucha incha kalaqminaʼ ni Elías para kʼapʼuxlhi ni laka kurus.
\p
\v 37 Taval va sqau tʼasal ni Jesús, va nilcha.
\p
\v 38 Ex chuncha va taʼexpakltʼiyul yu xaʼay kortina ni ay lakatajtan, va taʼexminchal xʼakpuʼ tus xtuntaun.
\v 39 Ex yu xaʼukxtin ni tropas, va ancha ixyal la ixlakaʼukxpu ni Jesús. Tejkan laqtsʼilcha ni nilcha, va naul:
\p —Laqsaval ni anu joʼati yucha ni Sasʼatʼa Dios ixjunita.
\p
\v 40 Vachuʼ ancha ixtayanal lati xanatin va pumaqati ixtatʼajun laqtsʼinin. Ancha ixtaʼalinta ni María Magdalena vachuʼ ni María yu ixnatikʼan ni José ali Santiago yu lakatʼuniy. Vachuʼ ancha yal ni Salomé.
\v 41 Ni anchanuʼ xanatin ixtatʼaʼanta ni Jesús. Ixtaʼaqtayjuy ni Jesús tejkan ixtavilananchal xalakatʼun Galilea. Vachuʼ pumalhuu alati xanatin tatʼaʼal ni Jesús laka putaulan Jerusalén.
\s Tamaknul ni Jesús
\r (Mt. 27:57-61; Lc. 23:50-56; Jn. 19:38-42)
\p
\v 42 Va chuncha ixtʼajuncha putsʼisniʼ va laycha kachil ni xajulchan jastaknati.
\v 43 Taval mil qayntaun joʼati, ixjunkan José yu machaqaʼ Arimatea. Yucha vachuʼ va xaqayntaun ay lapanaki kun yu ixtamakay laqaʼay junta. Ni yucha vachu ixpakxanʼiy ni ixlhachimoʼon ni Dios. Ex chuncha kun tachun ixjaʼayajnati, va laqʼal ni Pilato. Va skʼinil ixlakatunaj ni Jesús.
\v 44 Ni Pilato va jantu ixlhakapuʼan incha kanilcha. Juntaʼil ni kapitan va lhisakmil incha ixnitacha ni Jesús.
\v 45 Chuncha pukʼatsal ni Pilato va ixnitacha ni Jesús. Taval xtaqnil lakatin ni José para kalhaʼal ixlakatunaj ni Jesús.
\v 46 Ex chuncha ni José va il taun laqchʼiti yu kʼus yu la laqlhuu xtapal. Taval va pʼuxlhicha ixlakatunaj ni Jesús laka kurus. Ex pupamililcha ni anchanuʼ laqchʼiti ni ixlakatunaj, va manulcha laka putaknun taʼan tapuʼajnil laktalpa. Ex milchaunil kun laqataun ay chiyux ni putaknun.
\v 47 Ex chuncha yu María Magdalena kun María yu ixnati ni José, va talaqtsʼil taʼan maknunikal ixlakatunaj ni Jesús.
\c 16
\s Takukchoqol ni Jesús
\r (Mt. 28:1-10; Lc. 24:1-12; Jn. 20:1-10)
\p
\v 1 Taval tejkan tapasalcha ni xajulchan jastaknati, ex yu María Magdalena, ali María yu ixnati Jacobo, ali Salomé va taʼil taun sʼejenʼe para kataʼal mukʼaninin ixlakatunaj ni Jesús.
\v 2 Ex chuncha tejkan laktuminku val, va puvakuj taʼal ni laka putaknun. Va ixtakuktacha ni julchan.
\v 3 Ex tejkan taʼanta lakatin va talajuniy siya yuʼuncha:
\p —¿Tas ayucha lhilayatʼikcha kamoqosunil ni chiyux yu ixpumalakchaunikanta laka putaknun?
\p
\v 4 Ex taval tejkan tachaʼal, talaqtsʼil va ixmoqosunikantacha yu ay chiyux.
\v 5 Taval tatanuchal ni laka putaknun, talaqtsʼil qayntaun tsʼal va ixvil yu laka kanaj ni putaknun. Ixʼulata ixlaqchʼiti lman y va ayaj yaqaq. Ex chuncha yu xanatin va la tatalhanal.
\p
\v 6 Ex yu tsʼal va lakjunil:
\p —Jantu katʼalhanantʼik. Ni uxiknankʼan lakxkʼauyatʼik ni Jesús yu machaqaʼ Nazaret, yu taxtukmukʼal laka kurus. Yucha takukchoqotacha, jantucha matiʼ aniy. Kalaqtsʼintʼik aniy yu taʼan ixtamaknuta, jantucha matiʼ.
\v 7 Chavay kapʼinchʼoʼotʼikcha, kaʼunapitik ni Pedro kun yu alati ixtʼaltanan: “Ni Jesús kaʼanaʼ pʼunaj ni Galilea. Ancha kʼalaqtsʼinapitik, vachu va chun tacha ixnajun.”
\p
\v 8 Ex chuncha yu xanatin va tatakyauminchoqochalcha ni laka putaknun. Va ayaj tatalhanal, tus ixtaxkapʼikninta ixtalhantikʼan. Va jantu matichun katajunil yu tacha lakjunkal, va ayaj tatalhanal.
\s Ni Jesús tasunil ni María Magdalena
\r (Jn. 20:11-18)
\p [
\v 9 Vananaj vakuj ni anchanuʼ laktuminku tejkan takukchoqol ni Jesús. Ex chuncha va pʼunaj tasunil ni María Magdalena yu ixmaxtunikanta laqatujun yu jantu lajʼox espíritus.
\v 10 Ex ni María Magdalena va jalaqʼal mapastakʼanin yu ixtatʼatiʼukxuyanal ni Jesús. Tejkan jalaqchaʼal, ni yuʼuncha va ayaj ixtamaqanininta, vamun ixtatʼajun lajqalhunin.
\v 11 Ex chuncha mas taqasmaklhi ni va tʼajun ni Jesús, y va laqtsʼil ni María, pero yuʼuncha va jantu katalhakapuʼal.
\s Ni Jesús laktasunil pumatʼuy ixtʼaltanan
\r (Lc. 24:13-35)
\p
\v 12 Taval ni Jesús va laktasunil pumatʼuy ixtʼaltanan yu ixtaʼanta lakatin ixlhimaqspaʼ ni putaulan. Pero va ixtapaxata yu tacha ixtasuy ni Jesús.
\v 13 Ex yu anchanuʼ pumatʼuy talaqʼal mapastakʼaninin yu alati, pero mas chuncha va jantu katalhakapuʼal.
\s Ni Jesús jalakchivijtijlay yu pumakautaun yu jamalaqachal
\r (Mt. 28:16-20; Lc. 24:36-49; Jn. 20:19-23)
\p
\v 14 Taval ni Jesús va laktasunil yu pumakautaun ixtʼaltanan. Yuʼuncha va chʼantaun ixtavilanal lakamesa. Ex ni Jesús va jalaqʼaymal por jantu katalhakapuʼal. Va ayaj pʼas ixtamakachoqota ixjalhanutikʼan y jantu ixtalhakapuʼaniy ixchivintikʼan yu ixtalaqtsʼinta ni Jesús ni takukchoqotacha.
\p
\v 15 Ex chuncha ni Jesús va lakjunil:
\p —Kʼapʼinchʼipitikcha talakachux ni lakamunukpaʼ, kʼalaqpʼutʼeʼenichipitikcha yu ox chivinti tachun ni lapanakni
\v 16 Taʼayuʼ yu kalhakapuʼanaʼ yu ox chivinti y kaʼaqchajʼauyaʼ, ni yucha kalaqtaxtuyacha. Pero yu jantu kalhakapuʼanaʼ, yucha kalaqaʼiyaʼ lhuu maqanlqajnati.
\v 17 Kaklaqxtaqniyaʼ kintapʼasta yu kintalhakapuʼan para lay katamakal yu ay axtoqnuʼ. La kintaqaʼuti katamaxtuyaʼ yu jantu lajʼox espíritus, y katachivinanaʼ laqsastʼi lhichivin.
\v 18 Katachʼapayaʼ la ixmakakʼan ni tsapulin y mas kataʼotaʼ yu lhinin, jantu tuʼuchun kamakaniyaʼ. Tejkan katalaqmaqchʼapayaʼ ni taqanʼanin ex kataʼayajnanchoqoyaʼ.
\s Yu tejkan tantʼaqstʼal ni Jesús laktʼiyan
\r (Lc. 24:50-53)
\p
\v 19 Taval ni Jalhachimoʼonu Jesús tejkan jaxaqalaʼol, ex tantʼaqstʼalcha ni laktʼiyan, va taulchalcha la ixlhijakanaj ni Dios.
\v 20 Ex yu ixtʼaltanan va taʼalcha laqputeʼenin ixchivinti Dios tus talakachux. Yu Jalhachimoʼonu Jesús ayaj ixlaqʼaqtayjuy, por yu lajʼay axtoqnu ixtamakay va chuncha tasul ni va laqsaval yu ixtalaqputeʼey. Va chuncha kaval.]