\id JHN
\h SAN JUAN
\mt2 Ni Ox Chivinti yu Tsʼoqlhi
\mt1 Juan
\c 1
\s Ixchivinti Dios val qayntaun lapanaki
\p
\v 1 Pʼunaj tejkan tachun puʼaqtaynil, va tavanancha
ixlhiʼalin qayntaun yu junkan ni Chivinti. Ni Chivinti
va chʼantaun ixtʼaʼalinta ni Dios, vachu ni anchanuʼ
Chivinti yucha va Dios ixjunita.
\v 2 Yucha va chʼantaun ixtʼaʼalinta ni Dios tejkan
tachun puʼaqtaynil.
\v 3 Va por yucha Dios makal tachun yu alin. Incha jantu
kaʼalil ni yucha, ex jantu ixmakakal tuʼuchun yu alin.
\v 4 Va kun yucha minchal ni jatsukunti. Ni jatsukunti
va tacha taun maklku yu jalakmasuniy ni lapanakni yu
ox tin.
\v 5 Chuncha yu maklku tʼoqx mapulkuy laka putsʼisniʼ.
Ixtapʼasta ni putsʼisniʼ jantu lay kamaqalhajal.
\p
\v 6 Ni Dios malaqachal qayntaun lapanaki yu ixjunkan
Juan.
\v 7 Yucha mil va para kalhichivinil ni anchanu maklku
para chuncha lay katalhakapuʼal tachun ni lapanakni.
\v 8 Pero ni Juan yucha jantu ni maklku kaval. Yucha
malaqachakal va para kalhichivinil yu anchanuʼ maklku
para katamispal ni lapanakni.
\v 9 Ni anchanuʼ maklku va yu laqsaval mapulkuy la ixjatsukuntikʼan
tachun ni lapanakni. Va yucha ixminta aniy lakamunukpaʼ.
\p
\v 10 Yucha makal ni lakamunukpaʼ, ex aniy kilachil, pero
ni lapanakni yu ixtavilanal aniy jantu katamispal.
\v 11 Kilachil la ixtʼun pero ixlapanakni jantu katalaqaʼil.
\v 12 Pero ni lapanakni yu ox talaqaʼil, yu talhakapuʼal,
yuʼuncha jalaqxtaqnil ixtapʼasta para kataval sasʼatʼan
Dios.
\v 13 Va Dios yu jalakmakal sasʼatʼan. Jantu chuncha
katatsukul la ixlakatunajkʼan. Vachuʼ jantu por yu ixtanajun
lapanakni. Va Dios yu chuncha jalakmakal.
\p
\v 14 Ni anchanu yu junkan ni Chivinti yucha kiilhitsukuchil
ixlakatunaj y val lapanaki, ex taulal chʼantaun kun kijnan.
Vamun yuʼ minchal kun Dios. Xlhiyucha klaqtsʼiu ni laqsaval
la ay ixjunita. Va ayaj qalʼox y tachun yu masuy va
laqsaval.
\v 15 Ni Juan lhichivinil ni yucha, va pʼays naul: “Va
yucha yu kitʼin xaklajunau kaminaʼ astan. Pero mas kamil
astan, yucha ixlhiʼalin tejkan kitʼin jantukaʼ xaktsukuy.
Xlhiyucha yucha apalay ay xajantu kitʼin.”
\p
\v 16 Ex yu kijnan tachun laqaʼiniu yu lajʼay ixmaqaliti,
yucha kintaxtaqlhaanitan yu lajʼoxi.
\v 17 Ni ixlhachimoʼon Dios lhimil qayntaun lapanaki
yu ixjunkan Moisés. Va Jesucristo lhimil yu ay japaxkanti
ali ni chivinti yu laqsaval kintamasuniyan Dios.
\v 18 Jantu matichun kalaqtsʼil ni Dios. Ni istsʼal
yu achaniy yucha va chʼantaun tʼavil ixPay. Va yucha
kintamasunin tacha junitacha ni Dios.
\s Ni Juan yu jamaqchajʼavanaʼ lhichiviniy ni Cristo
\r (Mt. 3:11-12; Mr. 1:7-8; Lc. 3:15-17)
\p
\v 19 Ni israelitas yu machaqan Jerusalén tamalaqachanil
kuras ali levitas ni Juan ni katalhisakmil tasʼayucha
ixjunita.
\v 20 Tejkan talhisakmil, niman jalakjunil:
\p —Ni kitʼin jantu ni Cristo kakval.
\p
\v 21 Ex astan tajunchoqol:
\p —¿Ex tasʼayucha kʼatʼi? ¿Uxintʼicha kʼatʼi ni Elías
yu maqancha ixlaqputeʼey ixchivinti Dios?
\p Ex yu Juan naul:
\p —Jantu yuʼ kakval.
\p Ex aaqtaun tajunil:
\p —¿Ex tasʼayucha unitʼa ni uxintʼi? ¿Uxintʼicha ni lapanaki
yu maqancha ixtanajun tsʼanqay kamil astan laqputeʼeniʼ
ixchivinti Dios?
\p Ex qaltayanal:
\p —Jantu yuʼ kakval.
\p
\v 22 Aaqtaun tajunchoqol:
\p —Kilajuniu tasʼayucha kʼatʼi ni uxintʼi. Tsʼanqay kajkunchoqoo
yu kintamalaqachan. ¿Tas naʼuncha uxintʼi ni taʼayucha
kʼatʼi?
\p
\v 23 Ex jalakjunil ni Juan:
\p —Kitʼin kunita ni lapanaki yu ixnaunkan kaminaʼ, yu
pʼays tʼasay lakakʼavinan taʼan jaxixninta, yu najun:
“Kʼamalaqltʼiʼatʼikcha maqataun tin taʼan kapuminaʼ
ni Jalhachimoʼonuʼ.”
\p
\v 24 Ni fariseos tamalaqachal ni anchanu lapanakni
ni chuncha katalhisakmil ni Juan.
\v 25 Ex aaqtaun talhisakmichoqol, tajunil:
\p —Uxintʼi naʼun ni jantu Cristo kaʼuntʼi, nisin Elías,
vachu jantu kaʼuntʼi ni anchanu lapanaki yu maqancha
ixtanajun kaminaʼ laqputeʼeniʼ ixchivinti Dios. ¿Ex
valiʼiycha maqchʼajʼavanancha?
\p
\v 26 Ex ni Juan va jalajqaltayl:
\p —Ni kitʼin va xkan kpumaqchajʼavanan. Pero alin qayntaun
siya uxiknan yu jantu mispʼayatʼik.
\v 27 Yucha kaminaʼ astan. Kitʼin tus jantu kimpaxtoqniy
kakmusxʼoqnil xamusni ixvarachi.
\p
\v 28 Tachun yu aniy tapasal xalakatʼun yu junkan Betania
takuktachal xalaʼaxkan Jordán. Ancha ixtʼajun jamaqchajʼavan
ni Juan.
\s Ni Dios maqxtaqlhi ni Jesús tacha taun borrego
\p
\v 29 Tejkan atauncha julchan val ex ni Juan laqtsʼil
ni Jesús ixminta taʼan ixyal. Ex naul ni Juan:
\p —¡Kʼalaqtsʼintʼik! Yucha ni Sasʼatʼa borrego yu Dios
maqxtaqlhi tacha taun lapaxkan. Va yucha maqosuy ni
talaqalhin yu alin lakamunukpaʼ.
\v 30 Yucha yu klhichivinil ni kitʼin tejkan knaul ni
minta qayntaun yu apalay ay xajantu yu kitʼin.
\v 31 Jantu xakmispay taʼayucha ixjunita. Pero xlhiyucha
kitʼin kminta jamaqchajʼavanaʼ ni lay katamispal kintʼaʼisraelitas.
\p
\v 32 Ni Juan vachu naul:
\p —Kitʼin klaqtsʼil ni Espíritu Santo taʼeltajuminchal
tus laktʼiyan tacha laqataun palumax, ex kiitoqslachil
la ixkuktan ni yucha.
\v 33 Ni kitʼin jantukaʼ xajkʼatsay maticha ixjunita
pero yu kimalaqachal kakmil jamaqchajʼavanaʼ kun xkan,
yucha kijunil: “Kʼalaqtsʼineʼe ni Espíritu Santo kataʼeltajuminaʼ,
katoqslayanta la ixkuktan. Va yucha yu kamaqchajʼavananaʼ
kun ni Espíritu Santo.”
\v 34 Ni kitʼin klaqtsʼil. Chavay klhichivininta ni
va yucha laqsaval Sasʼatʼa Dios.
\s Ni Jesús jalaksaklhi lapanakni para katatʼaʼal
\p
\v 35 Tejkan atauncha julchan val ex ni Juan ancha ixlaktayachoqol
pumatʼuy yu ixtatʼaʼan.
\v 36 Tejkan laqtsʼil ni ixtʼajun tapasanaʼ ni Jesús
ex ni Juan naul:
\p —Kʼalaqtsʼintʼik ni anchanu lapanaki. Yucha ni Sasʼatʼa
borrego yu Dios malaqachal tacha taun lapaxkan.
\p
\v 37 Tejkan chuncha taqasmaklhi yu pumatʼuy tacha naul
ni Juan ex nimancha tatʼaʼal ni Jesús.
\v 38 Ex ni Jesús niman talaqaspʼiklhi tejkan jalaqtsʼil
ni ixtatixkaulhaʼanta. Va jalaklhisakmil:
\p —¿Tisuncha tʼaunatʼikcha lakxkaunan ni uxiknan?
\p Ex ni yuʼuncha talhisakmil:
\p —Jamalaniniʼ, ¿tas ancha viltʼi ni uxintʼi?
\p
\v 39 Ni Jesús jalajqaltayl:
\p —Kʼatʼantʼik laqtsʼinin taʼan kvil.
\p Ex taʼal, talaqtsʼil taʼan ixvil. Ex ancha tamaqltoqoxalcha,
va laʼatʼaticha putoqoxata ixjunita.
\p
\v 40 Xaqayntaun ni yuʼuncha yu taqasmaklhi ixchivinti
ni Juan y tatʼamil ni Jesús va ixjunkan Andrés, yucha
ixlaqaj ni Simón Pedro ixjunita.
\v 41 Ni Andrés niman kiilakxkaul yu ixlaqaj Simón, va
junil:
\p —Chavay ktemaucha ni Mesías. (Yucha naunputun Cristo,
yu ixtanajun kamalaqachayaʼ ni Dios.)
\p
\v 42 Taval ni Andrés lhaʼal ni Simón taʼan ixyal ni
Jesús. Tejkan laqtsʼil Jesús ni Simón, va junil:
\p —Uxintʼi va Simón kʼatʼi, yu istsʼal Jonás. Pero chavaycha
kaʼunkʼaneʼe Cefas (yucha naunputun Pedro, yu naunputun
Chiyux).
\s Ni Jesús juntaʼil Felipe ali Natanael
\p
\v 43 Tejkan tunkunchoqolcha ex ni Jesús pastaklhi kaʼal
la xaʼestado Galilea. Ancha temal ni Felipe, va junil:
\p —Kʼintʼatʼatʼicha ni kitʼin.
\p
\v 44 Ni Felipe va machaqaʼ Betsaida ixjunita, la ixtʼunkʼan
ni Andrés ali Pedro.
\v 45 Ni Felipe al lakxkaunaʼ ni Natanael. Tejkan temalcha
va junil:
\p —Chavaycha ktemaucha ni anchanu lapanaki yu maqancha
lhitsʼoqʼulal ni Moisés la ixlhachimoʼon Dios, vachuʼ
yu talhitsʼoqʼulal ni lapanakni yu ixtalaqputeʼey ixchivinti
Dios maqancha. Yucha va Jesús istsʼal José yu machaqaʼ
Nazaret.
\p
\v 46 Ex ni Natanael va niman naul:
\p —¿Lay kaʼalil matichun ox yu machaqaʼ Nazaret?
\p Ni Felipe junchoqol:
\p —Kʼatʼatʼi y kʼalaqtsʼineʼecha tas junita.
\p
\v 47 Tejkan laqtsʼil ni Jesús va ukstsʼuniy ixminta
ni Natanael va junil:
\p —Aniy minta qayntaun israelita yu jantu aqtaun jamakanunun.
\p
\v 48 Ex ni Natanael lhisakmil:
\p ¿Tas kʼimpʼumispʼaycha ni kitʼin?
\p Ex ni Jesús va junil:
\p —Tejkan jantukaʼ ixjuntaʼiyan ni Felipe, tejkan ixyatʼi
la ixtaʼapuʼ xakʼiu higuera, kitʼin xaklhilaqtsʼintancha.
\p
\v 49 Ni Natanael junil:
\p —Uxintʼi jamalaniniʼ kʼatʼi, va Sasʼatʼa Dios unitʼa,
vachu uxintʼi va yu ay xaJalhachimoʼonuʼ Israel.
\p
\v 50 Ex ni Jesús junil:
\p —Chavay ni uxintʼi ox kʼilhakʼapʼupʼin vamun por kunin
ni klaqtsʼin la ixqaltaʼapuʼ higuera. Astan kʼalaqtsʼineʼe
yu apalay lajʼay axtoqnu xajantu yu aniy.
\p
\v 51 Vachuʼ jalakjunil ni Jesús:
\p —Laqsaval klajunau, kaminaʼ julchan tejkan kʼalaqtsʼinapitik
ni laktʼiyan katalaqltiʼayaʼ, vachu yu ixmayulnin Dios
katataʼeltajuyaʼ y katapataxtuyaʼ tejkan kintalaqminacha
ni kitʼin yu kval Sasʼatʼa Lapanaki.
\c 2
\s Alin lakxtuklati laka putaulan Kaná
\p
\v 1 Tejkan paqtʼutucha val, alil taun lakxtuklati ancha
laka putaulan Kaná, la xaʼestado Galilea. Chuncha yu
ixnati ni Jesús vachuʼ ancha ixvil.
\v 2 Ni Jesús kun ni lapanakni yu ixtatʼaʼanta vachuʼ
ixjalakjuntaʼikanta taʼan ixʼalinta ni lakxtuklati.
\v 3 Ex chuncha va miʼol ni xaxkan uva. Ex yu ixnati
ni Jesús va junil:
\p —Chavay jantucha katalhitsukul xaxkan uva.
\p
\v 4 Ex ni Jesús va junil:
\p —Kinati, ¿valiʼiycha chuncha kʼiʼuncha? Tus chavaycha
jantukaʼ lakachin kijulchan.
\p
\v 5 Ex ni ixnati jalakjunil yu ixtatʼajun tapatsanin:
\p —Yu katajunan ni yucha, uxiknan kʼamakʼayapitik.
\p
\v 6 Chuncha va ancha ixvil laqachaxan aqxau yu jamakanti
chiyux. Yucha va yu ixputajuy xkan yu ixtamapatsay ni
israelitas, chuncha tacha yu ixputsukukʼan ixjunita yu
maqancha ixjapayankʼan. Va si tsʼanqay katachaʼal kun
xkan para ox kaval ixjatsukuntikʼan.
\v 7 Ex ni Jesús jalakjunil:
\p —Kʼalaqtsʼamaʼotʼik kun xkan ni aniy aqxavin.
\p Ex chuncha tamakal ni yuʼuncha tus talaqtsamaʼol tachun.
\p
\v 8 Ni Jesús jalakjunil:
\p —Chavay kʼamakʼutʼutʼik lakatsʼuniy ex kʼalhipʼinitʼik
yu jamakʼatan.
\p
\v 9 Tejkan talhaanil ex ni makʼatan kilkʼatsal ni xkan
pero va ixtapalata xaxkan uva. Yucha jantu kaxtaqnil
kuenta toʼoxtaycha ixmintachal. Pero yu tamujul, yuʼuncha
ixtakʼatsay toʼoxtay ixmintachal. Ex ni makʼatan nimancha
juntaʼil ni tsʼal,
\v 10 va junil:
\p —Tachun ni lapanakni pʼunaj tamujuy yu ox xaxkan uva.
Astan tejkan oxicha talhiʼotsay ni lapanakni yu jalakjuntaʼikan
ex jamunikan ni xaxkan uva yu jantu la ox. Pero uxintʼi
tus chavaycha vananaj maʼatʼa ni xaxkan uva yu apalay
ox.
\p
\v 11 Chuncha tacha yu aniy xamakay ni Jesús, va yucha
yu skutsajkaʼ xamasuy lajʼay axtoqnu, va makal laka putaulan
Kaná taʼan xaʼestado Galilea. Va yucha pumasul ixʼayaxtu.
Ex ni lapanakni yu ixtatʼaʼanta talhakapuʼal ni yucha.
\p
\v 12 Ex taval taʼal laka putaulan Capernaúm chʼantaun
kun ixnati ali ixtʼalaqaunin ali ni lapanakni yu ixtatʼaʼanta.
Ancha tataqmaqal tsʼuniy.
\s Ni Jesús jalakxkauxtul jastʼanan yu ay lakatajtan
\r (Mt. 21:12-13; Mr. 11:15-18; Lc. 19:45-46)
\p
\v 13 Va laycha kalakachil ni Paxku yu ay ixkʼatankʼan
ni israelitas. Ex ni Jesús alcha laka putaulan Jerusalén.
\v 14 Ex jalaktemal laka ay lakatajtan yu ixtastʼay
vakaxna ali borregos ali tukunuʼ. Vachu jalaktemal taʼan
ixtavilanal yu ixtamapaxaniy ixtuminkʼan ni lapanakni
yu maqati ixtaminachal.
\v 15 Tejkan chuncha laqtsʼil ni Jesús va chʼapal maqataun
cuarta y laqxoqxtuʼol tachun yu ixʼalin laka ay lakatajtan,
chʼantaun kun ni lapanakni ali ixborregoskʼan ali ixvakaxkʼan.
Vachu yu ixtamapaxay tumin lakpumajʼaniʼol ixtuminkʼan,
vachuʼ yu mesas jalaqmapuʼaqstal.
\v 16 Jalakjunil yu xastʼanan palumax:
\p —Kʼalhipʼintʼikcha yu aniy axtoqnuʼ. Yu aniy va ixchaqaʼ
ni kimPay. ¡Jantu kʼamakʼatʼik taun ay pastʼan!
\p
\v 17 Ex yu ixjalakmalaniy, yuʼuncha tapastaklhi tacha
ixnajunta taʼan istsʼoqʼulakanta la ixchivinti Dios
yu inchineʼ najun: “Kitʼin va kxiyax kunita por minchaqaʼ
tus va tacha taun jikmi yu kimpulakxavay.”
\p
\v 18 Va chuncha ni israelitas talhisakmil:
\p —¿Tis va suncha lajʼay axtoqnuʼ kʼamakʼayeʼe yu kilamasuniyau
incha alin mimpalhachimoʼon para chuncha kʼamakʼatʼi
tachun yu aniy xamakʼay?
\p
\v 19 Ex ni Jesús jalakjunil:
\p —Kʼalakpʼujtʼik ni aniy ay lakatajtan, ex ni kitʼin
va laʼatʼutu julchan kakmaqayauchoqoyaʼ.
\p
\v 20 Ni israelitas tajunil:
\p —Ni aniy ay lakatajtan va cuarenta y seis jachʼitin
lal ixmaqayauka. ¿Ex lhilay yu uxintʼi va laʼatʼutu
julchan lay kʼamaʼayauchʼoʼoyeʼe?
\p
\v 21 Pero ni ay lakatajtan yu lhichivinil ni Jesús
yucha naunputun va ixlakatunaj ni yucha.
\v 22 Xlhiyucha astan tejkan ixnitacha y takukchoqotacha
ni Jesús ex yu ixjalakmalaniy tapastakchoqol tacha ixnajunta.
Ex talhakapuʼal chuncha tacha istsʼoqkanta la ixchivinti
Dios, vachu talhakapuʼanil yu naul ni Jesús.
\s Ni Jesús jalakmispaʼojoy tachun ni lapanakni
\p
\v 23 Exnicha alil ni Paxku yu ay ixkʼatankʼan ni israelitas.
Ni Jesús vananaj ixvil laka putaulan Jerusalén. Ni lapanakni
ixtalaqtsʼin ni lajʼay axtoqnuʼ yu ixmakay, xlhiyucha
qaynlhuvaj talhakapuʼal.
\v 24 Pero ni Jesús ox ixjalakmispay ni yuʼuncha tacha
ixtajunita, xlhiyucha ixkʼatsay ni lati jantu laqsaval
katalhakapuʼal.
\v 25 Jantu ixmaqskʼiniy matichun kajunil tacha ixtajunita
ni lapanakni. Yucha ixjalakmispaniy ixjalhanutkʼan, tisuncha
jatapastakʼati ixtalhitʼajun.
\c 3
\s Ni Jesús kun Nicodemo
\p
\v 1 Ixʼalin qayntaun lapanaki, va fariseo ixjunita yu
ixjunkan Nicodemo, yucha va qayntaun yu ixjalaklhichimoʼoy
ni israelitas.
\v 2 Va laqkilal ni Jesús tejkan tsʼis ixjunita, va junil:
\p —Jamalaniniʼ, kijnan kʼatsayau ni va Dios malaqachatan
para kilamiu masuninin. Yu va matichun kaval incha jantu
chʼantaun katʼataulal ni Dios jantu lay kamakal lajʼay
axtoqnuʼ chun tacha uxintʼi makʼay.
\p
\v 3 Ex ni Jesús va junil:
\p —Laqsaval kunan ni matichun lapanaki yu jantu katsukuchoqoyaʼ,
yucha jantu lay katanuyanta taʼan lhachimoʼonun ni Dios.
\p
\v 4 Ex ni Nicodemo lhisakmil ni Jesús, va naul:
\p —¿Tas laycha kʼapʼutsʼukʼuchʼoʼo tejkan xapaycha kaʼuntʼi?
¿Incha qayntaun lapanaki lay katanuchoqol la ixpajan
ixnati y astan katsukuchoqol?
\p
\v 5 Ex ni Jesús junil:
\p —Kitʼin kunan, ni matichun lapanaki yu jantu kalhitsukuchoqoyaʼ
saystʼi ixjatsukunti kun ni Espíritu ali xkan yucha
jantu katanuyanta taʼan lhachimoʼonun Dios.
\v 6 Taʼayuʼ yu vamun tsukuy aniy yucha va valiʼiy lapanaki.
Yu tsukuy la ixtapʼasta ni Espíritu, yucha lhitsukuy
sastʼi jatsukunti.
\v 7 Jantu vak kakʼatsʼa mas kunan ni maqskʼiniy katsʼukʼuchʼoʼo
saystʼi.
\v 8 Ni un unilay taʼan yucha najun. Mas kʼaʼasmaktʼi
ni makatʼajun, jantu kʼatsʼay toʼoxtay puminta nisin
toʼoxtaycha kapuʼanaʼ. Vachu va chuncha tajunita ni
lapanakni yu tatsukuy la ixtapʼasta ni Espíritu.
\p
\v 9 Ni Nicodemo aaqtaun lhisakmichoqol ni Jesús, va
junil:
\p —¿Tas laycha kaval?
\p
\v 10 Ex ni Jesús junil:
\p —Uxintʼi mas ay jamalaniniʼ kʼatʼi aniy xalakatʼun
Israel, ¿jantu malaʼasiy yu tacha kunan?
\v 11 Kitʼin laqsaval kunan ni kijnan klhichivinanau
yu laqsaval ijkʼatsayau. Kijnankʼan klhitaulau yu laqsaval
klaqtsʼiu. Mas chuncha jantu kilalhakapuʼaniyau yu klajunau.
\v 12 Tejkan klalhixaqalayau axtoqnu yu alin aniy lakamunukpaʼ
jantu kilalhakapuʼaniyau. ¿Ex tas kʼapʼulhakʼapʼupʼintʼikcha
incha kaklalhixaqalau yu alinachal laktʼiyan?
\p
\v 13 ’Jantu matichun kapataxtul laktʼiyan, vamun yu
minchal laktʼiyan. Yucha ni kitʼin yu kval Sasʼatʼa
Lapanaki.
\v 14 Chuncha tacha Moisés maʼostaulnil maqataun tsapul
taʼan ixjaxixninta lakatʼun, vachu chun kakmaʼostaulnichoqokanaʼ
ni kitʼin yu kval Sasʼatʼa Lapanaki.
\v 15 Ex chuncha tachun yu kintalhakapuʼanan jantu katatsʼanqayaʼ,
va katalhitsukuyaʼ jatsukunti yu jantu aqtaun kamiʼoyaʼ.
\s Ni Dios jalakpaxkay tachun ni lapanakni aniy lakamunukpaʼ
\p
\v 16 ’Ni Dios va por ayaj ixjalakpaxkay xalapanakni
aniy lakamunukpaʼ, va maqxtaqlhi yu vamun yuʼ istsʼal.
Ex chuncha tachun yu katalhakapuʼanaʼ ni yucha jantu
katatsʼanqayaʼ, va katalhitsukuyaʼ jatsukunti yu jantu
aqtaun kamiʼoyaʼ.
\v 17 Ni Dios jantu kamalaqachal istsʼal para kalaqxtaqnil
maqanlqajnati ni lapanakni. Va para kaamalaqtaxtul.
\p
\v 18 ’Taʼayuʼ yu lhakapuʼan ni Sasʼatʼa Dios, yucha
jantu kamukʼanikanaʼ laqtaqal. Pero taʼayu yu jantu
lhakapuʼan, yucha mukʼanikantacha laqtaqal, va jantu kalhakapuʼal
yu vamun yuʼ Sasʼatʼa Dios.
\v 19 Jalakmukʼanikantacha ixlaqtaqalkʼan. Jantu talhakapuʼan
mas chil ni maklku yu mapulkuy ni lakamunukpaʼ. Vamun
tamaqamay yu japutsʼisniʼ, jantu tamaqamay yu jatunkunuʼ.
\v 20 Yu tʼajun makan laqtaqal jantu maqamay katalakanul
taʼan alin ixmaklku ni Dios, jantu najun katasul yu tʼajun
makan.
\v 21 Pero yu vas makay yu lajʼox, yucha talakanuy taʼan
alin ixmaklku ni Dios para katasul ni tʼajun makan tacha
yu Dios najun.
\s Ni Juan yu jamaqchajʼavanaʼ lhichivinchoqoy ni Jesús
\p
\v 22 Ex chuncha astan ni Jesús alcha taʼan xaʼestado
Judea, chʼantaun jalaktʼaʼal yu ixjalakmalaniy. Ancha
tataqmaqal, ixtʼajun jamaqchajʼavan.
\v 23 Vachu ni Juan ixtʼaunachal jamaqchajʼavan ancha
xalakatʼun Enón, ixlhiʼukstsʼuniy Salim, ancha ixʼalin
lhuu xkan. Ni lapanakni ixtalaqchaʼan, ex ancha ixjalaqmaqchajʼavakan.
\v 24 Jantukaʼ ixtamanuy laka pachʼin ni Juan.
\p
\v 25 Taval lati lapanakni yu ixjalakmalaniy ni Juan
taʼaqtayl tatʼachiviniy aqayntaun israelita. Taʼaqtayl
talhilakchiviniy tacha ixputsukukʼan ni yuʼuncha yu
maqskʼiniy kachʼaʼamajʼa tachun yu jantu ox para ox
kalaqaʼin ni Dios.
\v 26 Ex talaqʼal ni Juan, va tajunil:
\p —Jamalaniniʼ, chavaycha yu ixyal chʼantaun kun uxintʼi
takuktachal ni laka Jordán, yucha tʼajun jamaqchajʼavan.
Va Jesús yu kilalhixaqalau pʼunaj. Tachun ni lapanakni
jantucha kintalaqʼanan, va tatʼaʼan ni yucha.
\p
\v 27 Ex ni Juan jalakjunil:
\p —Jantu matichun lay laqaʼiy tuʼuchun incha Dios jantu
kaxtaqnil.
\v 28 Uxiknan ox kilaqalasmakvi ni vas klajuniu ni kitʼin
jantu yu Cristo kakval. Kitʼin kunita va qayntaun yu
malaqachakal, yu japʼulminta, ex astan ni yucha.
\v 29 Taʼan alin lakxtuklati yu laqsaval lhitʼajun la
ixtamakaʼ ni jatsiʼi va yu tsʼal. Tejkan chiviniy ex
ixʼamigo ni tsʼal vamun qasmatʼa y lhiʼachantajuy. Ex
vachu chun klhiʼachantajuy ni kitʼin, va taqayntsay yu
ixkintsʼanqaniy.
\v 30 Yucha minta para kalalhaval ixtapʼasta. Yu kintapʼasta
ni kitʼin, yucha maqskʼiniy kataʼeltajul.
\s Yu mintachal talman
\p
\v 31 Yu mintachal talman yucha lhichimoʼoy tachun yu
alin. Pero yu valiʼiy lapanaki yu minchal aniy lakamunukpaʼ,
yucha vamun lay lhichiviniy yu alin aniy. Yu mintachal
laktʼiyan lhichimoʼoy tachun.
\v 32 Yucha mas lhichiviniy tachun yu laqtsʼintacha
ali yu qasmakta pero jantu matichun lhakapuʼan tacha
yu yucha najun.
\v 33 Pero yu lhakapuʼan yucha masuy ni va laqsaval
yu najun ni Dios.
\v 34 Ni lapanaki yu Dios malaqachal yucha vachuʼ xtaqnikal
ixʼEspíritu, xlhiyucha lhichiviniy ixchivinti Dios.
\v 35 Yu ixPay ayaj achaniy isTsʼal xlhiyucha yucha
maqxtaqnil lhuu tapʼasta para kalhichimoʼol tachun yu
alin.
\v 36 Chuncha taʼayuʼ yu kalhakapuʼanaʼ ni isTsʼal yucha
lhitʼajun jatsukunti yu jantu aqtaun kamiʼoyaʼ. Yu jantu
lhakapuʼan ni isTsʼal yucha jantu kalhitsukuyaʼ ni anchanuʼ
jatsukunti, va paxtoqniy yu ay maqanlqajnati yu xtaʼa
ni Dios.
\c 4
\s Ni Jesús tʼachivinil qayntaun xanati yu machaqaʼ Samaria
\p
\v 1 Ni fariseos taqasmaklhi ni apalay lhuu lapanakni
ixtatʼaʼan ni Jesús xajantu ni Juan. Vachuʼ taqasmaklhi
ni apalay lhuu yu ixjamaqchajʼavay,
\v 2 mas jantu Jesús kamaqchajʼavanal, va yu lapanakni
yu ixjalakmalaniy.
\v 3 Xlhiyucha ni Jesús nimancha taxtul xaʼestado Judea,
va anchoqolcha xaʼestado Galilea.
\p
\v 4 Para kachaʼal maqskʼiniy kapuʼal xaʼestado Samaria.
\v 5 Tejkan tanuchal xalakatʼun Samaria va chaʼal taun
putaulan yu junkan Sikar. Ancha va ixlhiʼukstsʼuniy
ni lakatʼun yu maqancha ixlhitʼajun Jacob, ixpaykʼan
tachun yu israelitas, va xtaqnil istsʼal yu José ixjunkan.
\v 6 Ancha ixvil taun lakxkan yu ixlhimapaqaʼukan ixlakxkan
ni Jacob. Ancha chinchal ni Jesús. Oxicha ixlaqalhoqonta
ixjaltanti ex ancha taulalcha. Pero va laycha atunkuj
ixjunita.
\v 7,8 Ex ixtʼaltanan yu ixjalakmalaniy, ixtaʼanta inin
laka putaulan yu kataʼul. Ex nimancha chinchal qayntaun
xanati yu machaqaʼ Samaria va ixminta makutunuʼ xkan.
Chuncha ni Jesús va junil:
\p —Kʼintʼaʼoqtʼi tsʼuniy mixkan.
\p
\v 9 Ni israelitas jantu ox ixtalalhaʼan kun yu machaqan
Samaria, xlhiyucha ni xanati va junil:
\p —Uxintʼi va israelita kʼatʼi. ¿Valiʼiycha kʼiskʼiniycha
xkan? Kitʼin va aniy machaqaʼ Samaria kunita.
\p
\v 10 Ex junil ni Jesús:
\p —Incha uxintʼi kʼamispʼatʼi yu xtaʼa ni Dios, vachuʼ
incha kʼimispʼatʼi ni kitʼin yu iktʼaunan skʼininin
xkan, ex yu uxintʼi kʼiskʼinin kitʼin ex kakxtaqnin xkan
yu xtaʼa jatsukunti.
\p
\v 11 Ex yu xanati va junil:
\p —Ni uxintʼi jantu kʼalhitsʼukʼu yu kʼapʼumakʼutʼu ni
xkan. Ni lakxkan ayaj pulman. ¿Ex tas ancha kaʼiyeʼe
ni xkan yu kʼixtʼaqniyeʼe yu lhitʼajun jatsukunti?
\v 12 Yu maqancha kimpaykʼan Jacob yucha kintamakaunin
aniy lakxkan taʼan ixʼotʼa ni yucha, y vachu kun tachun
sasʼatʼan y tachun ixtalhitsukukna, va si aniy ixtaʼotʼa.
¿Ex ni uxintʼi apalaycha ay lapanaki kʼatʼi xajantu
yu Jacob?
\p
\v 13 Chuncha ni Jesús va junil:
\p —Tachun yu taʼotʼa ni aniy xkan yuʼuncha aqtsʼiyaj
va kataʼoqputunchoqoyaʼ.
\v 14 Pero matichun yu kaʼoqlhi ni xkan yu kitʼin kakxtaqyaʼ,
yucha jantucha aqtaun kapukikxixaʼ. Ni xkan yu kxtaʼa
ni kitʼin yucha kunaʼ va tacha taʼan mukxi xajachil
xkan laktalpa. Kalhixajtachal taun jatsukunti yu jantu
aqtaun kamiʼoyaʼ.
\p
\v 15 Ex ni anchanuʼ xanati va junchoqol ni Jesús:
\p —Kʼixtʼaqnin ni anchanuʼ xkan para jantucha aqtaun
kajkʼoqputunchoqol, vachu jantucha kakmil uchuʼ.
\p
\v 16 Chuncha ni Jesús va junil:
\p —Kʼapʼinchʼiy juntaʼin ni mixapay ex kʼatʼanchʼoʼo
aniy.
\p
\v 17 Ex ni anu xanati qaltaychoqol, va junil:
\p —Jantu kaklhitsukul kixapay.
\p Ex ni Jesús junchoqol:
\p —Uxintʼi ox xaʼaltʼayanan ni naʼun jantu kʼalhitsʼukʼu
mixapay.
\v 18 Laqsaval ni uxintʼi ixlhitʼaʼun pumakis mixapaynin.
Vachu yu chavaycha lhitʼaʼun jantu laqsaval mixapay
kaval. Va laqsaval yu uxintʼi naʼun.
\p
\v 19 Tejkan chuncha qasmaklhi ni xanati, va junil:
\p —Chavaycha klaqtsʼinan tacha qayntaun yu laqputeʼey
ixchivinti Dios.
\v 20 La maqancha aniy ixtamin yu kepayankʼan ni kijnan
yu aniy machaqan Samaria kuntau. Yuʼuncha ixtamin aniy
laka aspajun para katatoʼoyal ni Dios. Pero yu uxiknankʼan
israelitas untʼatʼik kilalhijunau ni va maqskʼiniy kaktoʼoyau
Dios vamun laka putaulan Jerusalén.
\p
\v 21 Ex ni Jesús junil:
\p —Uxintʼi, xanati kʼatʼi, kʼilhakʼapʼupʼinincha yu kunan.
Kaminaʼ ni julchan tejkan uxiknankʼan jantucha katʼoʼoyayapitik
ni kimPay Dioskʼan mas aniy laka aspajun, mas kaval laka
putaulan Jerusalén.
\v 22 Ni uxiknan tʼoʼoyayatʼik yu jantu mispʼayatʼik.
Kijnankʼan ktoʼoyayau yu kmispayau. Ni Jamalaqtaxtunuʼ
mintachal kun yu israelitas.
\v 23 Ni julchan yu istsʼanqay kalakachil yucha chavaycha
lakachin, tejkan ni lapanakni yu laqsaval katatoʼoyayaʼ
kimPay Dioskʼan, katatoʼoyayacha chuncha tacha lhinajun
ixʼEspíritu. KimPay Dioskʼan yucha lakxkajuy lapanakni
para chuncha katatoʼoyal.
\v 24 Ni Dios yucha va Espíritu junita xlhiyucha yu
tatoʼoyay tsʼanqay katatoʼoyal tacha lhinajun ixʼEspíritu
yu laqsaval masuy tacha junita.
\p
\v 25 Ex ni anchanuʼ xanati va junil:
\p —Kitʼin ox ijkʼatsay ni kaminaʼ ni Mesías (va naunputun
Cristo yu ixtanajun kaminaʼ). Tejkan kaminaʼ ex yucha
ox kintamasuniʼoyan tachun.
\p
\v 26 Ni Jesús junil:
\p —Va yucha ni kitʼin yu ktʼaunan tʼachivinin ni uxintʼi.
\p
\v 27 Tejkan chuncha ixtʼajun chivin ex tachinchoqolcha
ixtʼaltanan yu ixjalakmalaniy. Ni yuʼuncha tus taun
talhilal tejkan talaqtsʼil ixtʼachivijyal qayntaun xanati.
Pero jantu matichun kalhisakmil yu ixmaqskʼiniy, vachu
jantu katalhisakmil tisuncha ixtatʼajun lhilakchivinin.
\v 28 Ex ni anchanu xanati makaulalcha ni ixʼaqxau, va
anchoqolcha la ixchaqaʼ. Tejkan chaʼal va lakjunil ni
lapanakni katatʼaʼal, va naul:
\p
\v 29 —Kʼatʼantʼikcha laqtsʼinin qayntaun lapanaki yu
tus kijunʼol tachun yu kitʼin kmakata. Ka va lay va
yucha ni Cristo yu ixtanajun kaminaʼ.
\p
\v 30 Chuncha nimancha tataxtul ni laka putaulan, va
taʼalcha taʼan ixyachal ni Jesús.
\v 31 Tejkan jantukaʼ ixtalaqchaʼan ex ni ixtʼaltanan
ixtatʼajun lhijuninin para kavayl pero mas ixtalhijuniy
jantu ixchavaniy.
\p
\v 32 Ni Jesús jalakjunil:
\p —Ni kitʼin klhitʼajun vayti yu uxiknankʼan jantu mispʼayatʼik.
\p
\v 33 Ex ixtʼaltanan yu ixjalakmalaniy, taʼaqtayl talakchiviniy,
ixtakʼatsaputun incha va matichun kalhiminil ixvayti.
\p
\v 34 Ni Jesús jalakjunil:
\p —Alin aputaun kivayti. Kitʼin kmakay yu lhipaʼiniy
ni Dios yu kimalaqachal tus kakmakaniʼol ixlhitapatsa
yu kilhijuniy. Anchanu lhitapatsa va tacha kivayti.
\v 35 Uxiknan naunatʼik: “Ni chavaycha vananaj tsʼanqay
laʼatʼati malkuyuʼ para kalakachil ni jaxqanti.” Pero
kitʼin klajunau tsʼanqay kʼamakʼatʼik kuenta ni taʼan
jachʼananti va oxicha para kaxqaʼikal.
\v 36 Chuncha qayntaun lapanaki yu jaxqanan yucha laqaʼiy
ixlhilhajati, ex yu xqaʼikal yucha xtaʼa jatsukunti.
Ex pumatʼuy talhiʼachantajuy, yu chʼal ali yu jaxqanal.
\v 37 Laqsaval chuncha junita tacha klajunau: “Qayntaun
tapatsay para kachʼanlhi, aqayntaun para kaxqanal.”
\v 38 Kitʼin klamalaqachau jaxqanan taʼan jantu kachʼantʼik.
Jalakxkʼauyatʼik lapanakni yu kintalhakapuʼal por yu
tajunilcha alati lapanakni yu talaqtapatsatacha. Uxiknankʼan
chavaycha aqchʼapʼatʼatʼik la ixlhitapatsakʼan.
\p
\v 39 Ni anu xanati ixjalakjunita ixtʼamachaqan ni ixnajunta
Jesús tachun yu ixmakatacha, xlhiyucha ayaj lhuu lapanakni
yu machaqan Samaria talhakapuʼal ni Jesús.
\v 40 Ex tejkan tachil ni machaqan Samaria taʼaqtayl
tatapayniniy ni Jesús para katamakaul kun yuʼuncha.
Ex ni yucha ancha loqojlhi paqtʼuy.
\v 41 Chuncha apalay lhuu talhakapuʼal tejkan taqasmaklhi
yu ixnajun ni yucha.
\v 42 Ex va tajunil ni xanati:
\p —Chavaycha klhakapuʼanau pero jantucha vamun por yu
kilajuniu. Va kijnankʼan ijqasmakvi ixchivinti, xlhiyucha
klhakapuʼanau. Vachu ijkʼatsayau ni yucha va yu laqsaval
ni Cristo, yu Jamalaqtaxtunuʼ aniy lakamunukpaʼ.
\s Ni Jesús palay makal istsʼal qayntaun jalhachimoʼonuʼ
\p
\v 43 Chuncha tejkan paqtʼuy val, va taxtuchal ancha
Samaria ni Jesús, ex al tus xaʼestado Galilea.
\v 44 Ni yucha ixnajunta ni qayntaun lapanaki yu laqputeʼey
ixchivinti Dios jantu toʼoyakan la ixtʼun.
\v 45 Ex tejkan chaʼal Galilea ni lapanakni yu ancha
machaqan va ox talaqaʼil. Ni yuʼuncha vachuʼ ixtaʼanta
Jerusalén tejkan alil ni xakʼatan Paxku. Ancha talaqtsʼinʼol
tachun lajʼox yu makal ni Jesús.
\p
\v 46 Ex astan anchoqol laka putaulan Caná ancha xalakatʼun
Galilea taʼan yu valiʼiy xkan maxajnichal xaxkan uva.
Ancha ixʼalin qayntaun yu ay jalhachimoʼonu yu ixtapatsaniy
ni rey. Yucha ixlhitʼajun qayntaun istsʼal yu ixtaqanʼay
laka putaulan Capernaúm.
\v 47 Ni anchanu lapanaki kʼatsal ni Jesús va taxtul
Judea, va chinchal Galilea. Ex niman al tapaynininiʼ
ni katʼaʼal la ixchaqaʼ. Ixnajun palay kamakanichoqol
istsʼal yu va laycha kanil.
\v 48 Chuncha yu Jesús va niman naul:
\p —Uxiknankʼan jantu kilalhakapuʼaniyau kinchivinti incha
jantu pʼunaj laqtsʼinʼelayatʼik lajʼay axtoqnu yu kitʼin
kmakay.
\p
\v 49 Pero yu jalhachimoʼonuʼ va naul:
\p —Kʼintʼatʼatʼicha niman laqtsʼiniʼ kintsʼal ni jantukaʼ
niy.
\p
\v 50 Chuncha ni Jesús va junil:
\p —Kʼapʼinchʼoʼocha la minchaqaʼ, mintsʼal palay junchoqota.
\p Ex ni yucha lhakapuʼal tacha junil ni Jesús y va anchoqolcha.
\v 51 Tejkan va ixʼantakaʼ la ixchaqaʼ ex takipaxtoqʼil
ixʼoqxtamatin, va tajunil:
\p —Mintsʼal oxicha vilchoqol.
\p
\v 52 Ex laklhisakmil:
\p —¿Tisuncha hora aqtaynil ox kʼatsanchoqoy?
\p Ex tanaul ni yuʼuncha:
\p —Va kutancha laqataun putoqoxata tejkan taʼeltajunichoqol
iskakati.
\p
\v 53 Ex chuncha ni japay makal kuenta ni anchanu hora
va exnicha tejkan junil ni Jesús: “Mintsʼal va palaycha
junchoqota.” Ex ni anchanu japay kun tachun ixlapanakni
talhakapuʼal ni Jesús.
\v 54 Ex chuncha kun yu aniy, va aqtʼuycha makal ni Jesús
yu lajʼay axtoqnuʼ tejkan minchal Judea, chinchal Galilea.
\c 5
\s Ni Jesús palay makachoqoy qayntaun yu ixlakanita
\p
\v 1 Ex astan tejkan tapasaʼol tachun yu aniy va ixjunita
aputaun ixkʼatankʼan ni israelitas. Chuncha ni Jesús
anchoqol Jerusalén.
\v 2 Ancha Jerusalén ixlhiʼukstsʼuniy laka puerta yu
lhimapaqaʼukan Borregos, ancha ixʼalin taun ay japuʼan
yu junkan Betesda laka lhihebreo. Ixlhitʼajun laqakis
xacorredor.
\v 3 Ancha ixtamanal lhuu taqanʼanin. Ixtaʼalinta laʼachʼixin,
vachu ixtaʼalin yu lakchʼanlkʼavil ali yu jantu lay
ixtapiklay xantaʼan ixlakatunajkʼan. Yuʼuncha ixtapakxanʼita
kalaklal ni xkan.
\v 4 [Aqtamixna ixtaʼeltajuy ixmayul ni Dios ni laqapuʼan
ex yucha ixlaqxaʼamuy ni xkan. Ex chuncha tejkan ixlaqxaʼamuʼojoy
ni xkan ex taʼayu yu pʼunaj ixtataʼanuy, niman palay
ixjunchoqoy mas va tuʼuchuncha taqanʼati yu kalhitsukul.]
\v 5 Vachu ancha ixʼalin qayntaun lapanaki yu ixlhitʼajuncha
ixtaqanʼati 38 jachʼitin.
\v 6 Ex ni Jesús tejkan laqtsʼil ni ancha ixmal va makal
kuenta ni ayaj maqancha ixtaqanʼay, va lhisakmil, va junil:
\p —¿Palay unpʼutʼunchʼoʼoy?
\p
\v 7 Chuncha ni taqanʼan va naul:
\p —Jalhachimoʼonuʼ, kitʼin kunan tejkan laklay ni xkan,
ni jantu alin matichun kimataʼanul ni laqapuʼan. Tejkan
kitʼin ktaʼanuputun, aqayntaun niman kilhajay.
\p
\v 8 Ex junil ni Jesús:
\p —Kʼaʼostʼaycha. Kʼasaktʼicha ni mimputaman y kʼapiticha.
\p
\v 9 Ex chuncha ni anchanu lapanaki va nimancha palay
junchoqol, saklhicha ixputaman, aqtaylcha jaltanan. Ni
anchanu julchan va xajulchan jastaknati ixjunita.
\v 10 Ex ni israelitas tajunil ni lapanaki yu palaycha
ixjunchoqota:
\p —Chavaycha va xajulchan jastaknati. Ex jantu paxtoqniy
kʼalhipʼi mimputaman.
\p
\v 11 Ex ni yucha jalakjunil:
\p —Yu palay kimakachoqol va yucha kijunil: “Kʼasaktʼicha
ni mimputaman y kapʼinchʼoʼocha.”
\p
\v 12 Ex talhisakmil:
\p —¿Tasʼayucha xalhijunan kʼasaktʼicha ni mimputaman
y kapʼinchʼoʼocha?
\p
\v 13 Pero ni lapanaki yu palaycha ixjunchoqota jantu
ixkʼatsay taʼayucha palay makal. Yu Jesús ixlaqmaqayauchoqotacha
ni pumalhuu lapanakni yu ancha ixtayanal.
\v 14 Ex taval ni Jesús paxtoqlhi ni anuʼ lapanaki taʼan
ay lakatajtan, va junil:
\p —Chavay palaycha unchʼoʼotʼa ni uxintʼi. Kitʼin kunan
ni jantucha apalay kʼamaqtʼaʼalhin para jantu tuʼuchun
kapʼaxtʼoqtʼay yu apalay pʼays maqanlqajnati.
\p
\v 15 Ex chuncha alcha ni anchanu lapanaki, jalakjunil
ni israelitas ni va Jesús yu palay ixmakachoqota.
\v 16 Xlhiyucha ni israelitas ixtaxkajiy ni Jesús por
ixmakay lajʼay lhitapatsa xajulchan jastaknati, xlhiyucha
ixtamaqniputun.
\v 17 Ex ni Jesús jalakjunil:
\p —Yu kimPay va si tapatsay ex kitʼin vachuʼ ktapatsay.
\p
\v 18 Chuncha ni israelitas takʼatsal ni jantucha vamun
xajulchan jastaknati ixtʼajun tapasaniniʼ. Vachuʼ naul
ni yucha ixPay va Dios. Chuncha ixmakakan xʼaman tacha
Dios kaval, xlhiyucha apalay ixtamaqniputun.
\s Ni Jesús xtaʼa jatsukunti
\p
\v 19 Ni Jesús jalakjunil:
\p —Kitʼin klajunau ni kitʼin yu Sasʼatʼa Dios jantu lay
kmakay tuʼuchun keʼeman. Kitʼin vachu va chun kmakay
tacha klaqtsʼin makay kimPay. Ex tachun yu makay ni
kimPay va yucha kmakay ni kitʼin yu Sasʼatʼa.
\v 20 Yu kimPay yucha kiʼachaniy y kimasuniy tachun
yu makay. Vachuʼ kimasuniyaʼ alati axtoqnuʼ yu apalay
lajʼay yu kʼalaqtsʼinapitik, tus vak kakʼatsʼanapitik.
\v 21 Chuncha tacha yu jaPay jalakmajkujuchoqoy janinin
y jalaqxtaqniy jatsukunti, vachuʼ kitʼin yu isTsʼal kxtaqniy
jatsukunti va yu kitʼin kxtaqniputun.
\v 22 Yu kimPay jantu matichun mukʼaniy laqtaqal. Va
kixtaqnil kitʼin yu isTsʼal kunita tachun tapʼasta para
kakmukʼal laqtaqal.
\v 23 Ex chuncha tachun kintatoʼoyayaʼ kitʼin yu isTsʼal
vachu chun tacha tatoʼoyay ni kimPay. Ni lapanakni yu
jantu kintatoʼoyay ni kitʼin yu isTsʼal, yuʼuncha vachu
jantu tatoʼoyay ni kimPay yu kimalaqachal.
\p
\v 24 ’Laqsaval klajunau ni uxiknan: Taʼayu yu qasmatʼa
ni kinchivinti y vachu lhakapuʼan yu kimalaqachal, yucha
lhitʼajun jatsukunti yu jantu aqtaun kamiʼoyaʼ. Jantu
aqtaun kaxtaqnikanaʼ maqanlqajnati, ni yucha tapasatacha
laka lhinin y lhitʼajuncha jatsukunti.
\v 25 Laqsaval klajunau, ni lapanakni yu tacha janinin
tajunita por jantu talhakapuʼan, kaminaʼ julchan tejkan
yuʼuncha kintaqasmakniyaʼ kinchivinti kitʼin yu Sasʼatʼa
Dios. Anchanu julchan va yu chavaycha lakachin. Yu taqalasmatʼa,
yuʼuncha katatsukuyaʼ.
\v 26 Yu jatsukunti minchal kun kimPay Dios. Vachu kimaqxtaqnil
tapʼasta ni kitʼin yu isTsʼal kunita para lay kakxtaqlhi
jatsukunti.
\v 27 Vachuʼ ni kitʼin yu kval Sasʼatʼa Lapanaki, kimaqxtaqnil
lhachimoʼon para kaklakmukʼanil ixlaqtaqalkʼan ni lapanakni.
\v 28 Jantu vak kakʼatsʼantʼik por tachun yu aniy klajunau.
Kaminaʼ julchan tejkan tachun ni janinin yu taʼaknunun
kintaqasmakniyaʼ kinchivinti.
\v 29 Ex tachun yu tamakal yu lajʼoxi la ixjatsukuntikʼan
katakujchoqoyaʼ para katalhitsukul yu ox jatsukunti.
Yu tamaqtaqalhinin yuʼuncha kalaqxtaqnikanaʼ maqanlqajnati.
\s Ni Dios masuy ni laqsaval ni Jesús va yu ay Jalhachimoʼonuʼ
\p
\v 30 ’Yu kitʼin jantu tuʼuchun lay kmakay kilaqʼaman,
kmukʼay laqtaqal vamun tacha kilhijuniy kimPay. Xlhiyucha
vas kmakay tejkan kmukʼay laqtaqal, va kmakay tacha najun
kimPay yu kimalaqachal aniy.
\v 31 Incha vamun kitʼin kaklhichivinkal kilaqʼaman
ex ka jantu laqsaval kaval kinchivinti.
\v 32 Klajunau ni alin qayntaun yu lay kilhichiviniy
ni kitʼin. Kitʼin ijkʼatsay ni va laqsaval yu najun.
\v 33 Laqsaval uxiknankʼan jamalaʼachʼanantʼik para
kataʼal lhisakminin ni Juan taʼayucha kunita ni kitʼin.
Yucha jaqaltayanal yu laqsaval.
\v 34 Ni kitʼin jantu kmaqskʼiniy ixchivinti qayntaun
lapanaki. Va klajunau taʼayuʼ kilhichiviniy para lay
kʼalhakʼapʼupʼintʼik y kʼalaqtʼaxtʼutʼik.
\p
\v 35 ’Yu Juan ixjunita va tacha laqataun maklku yu
ixmaqtajiy y ixmapulkuy. Taun panchʼix yu uxiknan ixtamaqamayan
ixchivinti.
\v 36 Pero yu kmakay ni kitʼin yucha apalay ox masuy
taʼayucha kunita xajantu ixchivinti ni Juan. Ni lhitapatsa
yu kixtaqnil kimPay va yucha yu kmakay. Chuncha ox masuy
taʼayucha kunita ni kitʼin y masuy ni va kimPay kimalaqachal.
\v 37 Ni kimPay yu kimalaqachal ni kitʼin yucha kilhichiviniy,
mas jantu aqtaun kʼaʼasmaktʼik ixchivinti y vachu jantu
aqtaun kʼalaqtsʼintʼik tacha junita.
\v 38 Yucha kimalaqachal pero jantu kilalhakapuʼaniyau
kinchivinti. Xlhiyucha uxiknan jantu kalhitsʼukʼutʼik
ixchivinti la melhanutkʼan.
\v 39 Uxiknankʼan laka laksniy lhitʼamoʼoyatʼik ixchivinti
Dios taʼan tsʼoqkanta, lhilayatʼik ni va ancha katʼemayapitik
ni jatsukunti yu jantu aqtaun kamiʼoyaʼ. Ni anchanu
chivinti va yu kilhichiviniy ni kitʼin.
\v 40 Pero jantu kilalaqʼuxaminau para kʼalhitsʼukʼutʼik
ni anchanu jatsukunti.
\p
\v 41 ’Kitʼin jantu knajun ni kintatoʼoyal ni lapanakni.
\v 42 Ox klamispayau ni uxiknankʼan jantu laqsaval tʼoʼoyayatʼik
Dios.
\v 43 Kitʼin kmil kun ixpalhachimoʼon ni kimPay pero
uxiknan jantu kilalaqaʼiyau. Yu va kamil aqayntaun lapanaki
yu vamun la ixtapʼasta ni yucha, ka tus laqa achati kʼalaʼaʼitʼik.
\v 44 Xlhiyucha jantu lay lhakʼapʼupʼinatʼik. Ayaj tamaqamayan
tejkan lajʼay tamakayan ni lapanakni, jantu lakxkʼauyatʼik
para lajʼay katamakan ni Dios.
\v 45 Kitʼin jantu kaklaslajau kun kimPay. Yu laqsaval
kataslajan va Moisés mas va yucha yu pʼakxanʼiyatʼik
para kataʼaqtayjun.
\v 46 Incha laqsaval kʼalhakʼapʼupʼintʼik chuncha tacha
yu naul ni Moisés ex vachuʼ ixkilalhakapuʼau ni kitʼin.
Taʼan jatsʼoqnul ni Moisés yucha kilhichiviniy.
\v 47 Incha jantu lhakʼapʼupʼinatʼik ni chivinti yu
tsʼoqlhi ni Moisés ex yu kinchivinti vachu jantu lay
lhakʼapʼupʼinatʼik.
\c 6
\s Ni Jesús jalakvavay laqakis mil lapanakni
\r (Mt. 14:13-21; Mr. 6:30-44; Lc. 9:10-17)
\p
\v 1 Ex astan ni Jesús va alcha takukchal lakamar Galilea
yu vachuʼ ixjunkan lakamar Tiberias.
\v 2 Tatʼaʼal pumalhuu lapanakni, va talaqtsʼil ni palay
jalakmakal taqanʼanin.
\v 3 Taval ni Jesús taukʼal laqataun aspajun, ancha jalaktʼataulal
yu ixjalakmalaniy.
\v 4 Va laycha kalakachil ni Paxku yu ay ixkʼatankʼan
ni israelitas.
\p
\v 5 Tejkan Jesús laqtsʼil ni qaynlhuu lapanakni ixtatixkaulhaʼanta,
ex lhisakminil, va junkal ni Felipe:
\p —¿Tas ancha kaʼiyaucha vayti para kalaqchaʼal tachun
yu aniy lapanakni?
\p
\v 6 Chuncha junkal ni Felipe va para kalaqtsʼintanukal
tisuncha chivinti kaqaltayanal. Ni Jesús yucha ixkʼatsaycha
yu maqskʼiniy kamakal.
\v 7 Chuncha ni Felipe va junil:
\p —Mas laʼatʼuy ciento julchan katsʼukʼu tapatsan jantu
kalaqchaʼal para kʼalakvavatʼi tachun ni lapanakni mas
va laktsʼuninin pan.
\p
\v 8 Ex aqayntaun yu ixtʼaltanaʼ yu junkan Andrés yu
ixlaqaj yu Simón Pedro va naul:
\p
\v 9 —Aniy alin qayntaun tsʼal. Yucha lhitʼajun aqskis
pan yu lhiyal cebada, vachu lhitʼajun aqxtʼuy jatanti.
Pero jantu kalaqchaanaʼ por tachun yu aniy lapanakni.
\p
\v 10 Ex chuncha ni Jesús laklhijunil:
\p —Kʼaʼunitʼik katataulal ni lapanakni.
\p Ancha ayaj ixʼalin lhuu jatsʼin. Tejkan tataulʼol
va laqchaʼal tus laqakis mil joʼakna.
\v 11 Chuncha ni Jesús chʼapal ni pan, aqtayl xtaqniy
lhimalaqpuchuncha ni Dios. Ex jalaqxtaqnil ni lapanakni.
Vachu chun makal kun yu jatanti. Jalaqxtaqnil tacha
yu yuʼuncha ixtaʼuputun.
\v 12 Tejkan oxicha talhiʼotsaʼol ex ni Jesús jalaklhijunil
ixtʼaltanan katapusakchoqol tachun yu xajchal para jantu
valiʼiy katalaqamanal.
\p
\v 13 Chuncha tapusaklhi ni yuʼuncha tachun yu xatalaqcheʼeniʼ,
tus laqakautʼuy canasta talaqtsamal vamun por yu anuʼ
aqskis pan yu jalakvaval ni lapanakni.
\v 14 Ni lapanakni por talaqtsʼil yu aniy ay axtoqnu
yu makal ni Jesús aqtayl talajuniy siya yuʼuncha:
\p —Laqsaval ni aniy ka yucha yu laqputeʼey ixchivinti
Dios yu ixtanajun kaminaʼ aniy lakamunukpaʼ.
\p
\v 15 Ni Jesús kʼatsal ni va kataminaʼ inin para katalhaʼal
taʼan katamakayaʼ ixjalhachimoʼonukʼan. Xlhiyucha taʼeltajuchoqol
laka aspajun, va qoslhi para ixlaqʼaman katiʼukxuntayal.
\s Ni Jesús jaltanajʼan la ixʼukxna lakxkan
\r (Mt. 14:22-27; Mr. 6:45-52)
\p
\v 16 Tejkan putsʼislhicha ex ixtʼaltanan ni Jesús yu
ixjalakmalaniy tataʼeltajulcha, va taʼalcha lakamar.
\v 17 Ex ancha tataukʼal laka barco para katapalaqpuslhi
ni lakamar para katachaʼal laka putaulan Capernaúm.
Anchanuʼ hora oxicha tʼalaj ixputsʼista, yu Jesús jantukaʼ
ixminchoqoy.
\v 18 Chuncha ni lakamar aqtayl laklay kun taun pʼas
un yu ostaulal.
\v 19 Tejkan maqaqcha ixtaʼanta va tachaʼal laqakis,
laqachaxan kilometro ex talaqtsʼil ni Jesús ixtʼajun
taʼukstsʼunin laka barco, ixjaltanajʼanta la ixʼukxna
lakxkan. Ex ayaj tatalhanal.
\v 20 Ni Jesús jalakjunil:
\p —Va kitʼin kunita. Jantu katʼalhanantʼik.
\p
\v 21 Va laqa achati talaqaʼil laka barco. Ex yu barco
nimancha talakanuchal lakatʼun taʼan yuʼuncha ixtachaanputun.
\s Yu lapanakni talakxkajuy ni Jesús
\p
\v 22 Tejkan atauncha julchan junchoqol, ni lapanakni
ixtayanal tus takuktachal lakamar. Tapastakchoqol ni
vamun ixʼalin laqataun barco, va yucha yu tapuʼal ixtʼaltanan
ni Jesús, pero ni Jesús jantu kalaktʼaʼal ni yuʼuncha.
\v 23 Pero exnicha tachinchal alati barcos yu taminchal
laka putaulan Tiberias. Tachinchal ixlhiʼukstsʼuniy
taʼan taʼul yu pan tejkan ni Jesús xtaqnil lhimalaqpuchuncha
ni Dios.
\v 24 Pero tejkan taxtaqnil kuenta ni Jesús jantu an
katayal y vachu ixtʼaltanan jantu sik ixtalay, ex tachun
ni lapanakni tataukʼal ni laka barcos, taʼal lakxkaunan
tus laka putaulan Capernaúm.
\s Ni Jesús va tacha vayti yu xtaʼa jatsukunti
\p
\v 25 Chuncha tejkan tapalaqpuslhi ni lakamar ancha
tatemal ni Jesús, talhisakmil, va tajunil:
\p —Jamalaniniʼ, ¿tasvanancha chʼitʼi aniy?
\p
\v 26 Ex ni Jesús jalakjunil:
\p —Kitʼin vas klajunau ni uxiknankʼan vayntʼik tus ox
otsʼatʼik. Va xlhiyucha kilalakxkauyau, mas jantu kʼamalaʼasitʼik
yu ay axtoqnuʼ yu xaklamasuniyau.
\v 27 Jantu kʼatʼapʼatsʼatʼik por mivaytkʼan yu niman
miʼojoy. Tsʼanqay kʼatʼapʼatsʼatʼik por ni vayti yu
kataxtaqniyan jatsukunti yu jantu aqtaun kamiʼoyaʼ.
Va yucha yu klaxtaqniyau ni kitʼin yu kval Sasʼatʼa
Lapanaki, va kitʼin kilakʼulal kimPay Dios.
\p
\v 28 Chuncha talhisakmil ni Jesús:
\p —¿Ex tisuncha tsʼanqay kakmakau para kakmakau ni lhitapatsa
yu Dios lhinajun?
\p
\v 29 Ni Jesús jalajqaltaychoqol, va jalakjunil:
\p —Ni lhitapatsa yu lhinajun Dios va inchineʼ. Yucha
kimalaqachal aniy, va talhijunan ni maqskʼiniy kilalhakapuʼaniu
yu klajunau.
\p
\v 30 Chuncha talhisakmil ni Jesús:
\p —¿Suncha kilamasuniyau yu ay kaval para kaklaqtsʼiu?
Ex lay kaklalhakapuʼaniu minchivinti. ¿Suncha lay makʼay?
\v 31 Ni kimpaykʼan yu maqancha ixtatiʼukxuntayay lakakʼivinan
yuʼuncha taʼul ni vayti yu junkan maná. Chuncha tapasal
tacha tsʼoqkanta taʼan najun: “Ni yucha jalaqxtaqnil
ixvaytkʼan yu minchal laktʼiyan.”
\p
\v 32 Ni Jesús jalakjunil:
\p —Ni kitʼin klajunau. Ni Moisés jantu kataxtaqnin vayti
yu minchal laktʼiyan. Chavay kimPay taxtaqniyan ni anchanu
vayti yu laqsaval yu minachal laktʼiyan.
\v 33 Ni vayti yu xtaʼa Dios minachal laktʼiyan, va yucha
jaxtaqniy ixjatsukuntikʼan ni lapanakni lakamunukpaʼ.
\p
\v 34 Ex ni lapanakni tajunil:
\p —Jalhachimoʼonuʼ, kilaxtaqniʼalhiu ni anchanuʼ vayti.
\p
\v 35 Ex ni Jesús jalakjunil:
\p —Kitʼin kunita yu vayti yu xtaʼa jatsukunti. Taʼayuʼ
yu kilaqmil ni kitʼin yucha jantucha aqtaun kachavanaʼ.
Vachu yu kilhakapuʼanil kinchivinti yucha jantucha aqtaun
kapukikxixaʼ.
\v 36 Xaklajunaucha ni uxiknankʼan mas kilalaqtsʼinaucha
jantu lhakʼapʼupʼinatʼik.
\v 37 Tachun ni lapanakni yu kimaqxtaqniy kimPay yuʼuncha
kintalaqminaʼ ni kitʼin. Tachun yu kintalaqminaʼ kitʼin
jantu klakmaspʼitʼaʼ.
\v 38 Ni kitʼin va kminchal laktʼiyan para kakmakal
yu najun kimPay, jantu yu knajun ni kitʼin. Va yucha
kimalaqachal.
\v 39 Yu kimalaqachal va najun ni jantu kakmaqatsʼanqal
mas va qayntaun yu kimaqxtaqnil. Va najun kaklakmajkujuʼochoqol
ni anchanuʼ julchan tejkan tachun katamaktayaʼ.
\v 40 Yu kimPay va najun ni katalhitsukul jatsukunti
yu jantu aqtaun kamiʼoyaʼ tachun ni lapanakni yu kintalaqtsʼil
y kintalhakapuʼal ni kitʼin yu isTsʼal. Ex kitʼin astan
kaklakmajkujuchoqoyaʼ tejkan tachun katamaktayaʼ.
\p
\v 41 Tejkan chuncha naul ni Jesús va vayti junita yu
minchal laktʼiyan, ex yu israelitas taʼaqtayl talhichiviniy
ni Jesús, taqaltaʼestuklhi por chuncha naul.
\v 42 Va tanaul:
\p —Ni aniy lapanaki va Jesús yu istsʼal José. Ni kijnan
ox mispayau ixpay ali ixnati. ¡Chavaycha kintajunan
ni yucha taʼeltajuminchal laktʼiyan!
\p
\v 43 Ex chuncha ni Jesús jalakjunil:
\p —Jantucha kilaqaltaʼestukvi.
\v 44 Jantu matichun lay kilaqmin ni kitʼin incha kimPay
yu kimalaqachal jantu kilhiminil. Ex kitʼin kakmajkujuchoqoyaʼ
tejkan tachun katamaktayacha.
\v 45 Yu maqancha ixtalaqputeʼey ixchivinti Dios va
inchine tatsʼoqʼulal: “Ni Dios kalakmasuniyaʼ tachun
ni lapanakni.” Tachun yu taqalasmatʼa ni kimPay y talaniy
yu najun, yuʼuncha kintalaqmin ni kitʼin.
\p
\v 46 ’Yu kimPay yucha jantu aqtaun kalaqtsʼinkal pero
ni kitʼin yu kminchal kun Dios va klaqtsʼil.
\v 47 Laqsaval klajunau incha matichun lapanaki ox kilhakapuʼan
ex ni yucha lhitʼajun jatsukunti yu jantu aqtaun kamiʼoyaʼ.
\v 48 Ni kitʼin kunita ni vayti yu xtaʼa jatsukunti.
\v 49 Ni mimpaykʼan yu maqancha ixtatʼajun, taʼul ni
vayti yu patajul talman ancha lakakʼivinan pero ex astan
tanil.
\v 50 Kitʼin klhichiviniy ni vayti yu minchal laktʼiyan,
matichun lapanaki yu kaʼul yu aniy vayti, yucha jantu
aqtaun kaniyaʼ.
\v 51 Kitʼin kunita ni vayti yu kujta yu minchal laktʼiyan.
Taʼayu yu kaʼuyaʼ aniy vayti yucha katsukuyaʼ mas va
tavanancha kaval. Ni anchanu vayti yu kitʼin kxtaʼa
yucha va kilakatunaj yu kmaqxtaʼa para katalhitsukul
jatsukunti tachun ni lapanakni.
\p
\v 52 Ex chuncha ni israelitas aqtayl talhilakchiviniy
siya yuʼuncha, ixtanajun:
\p —¿Ex tas laycha kintapuxtaqnin ixlakatunaj para kaʼuu?
\p
\v 53 Ex ni Jesús naul:
\p —Kitʼin vas klajunau ni uxiknankʼan incha jantu kilaʼuniyau
kilakatunaj ni kitʼin yu kval Sasʼatʼa Lapanaki, vachu
incha jantu kilaʼoqniyau kijakʼalnan, ex jantu lay kʼalhitsʼukʼuyapitik
jatsukunti.
\v 54 Ex chuncha taʼayuʼ yu kaʼuyaʼ kilakatunaj, vachuʼ
incha kaʼoqyaʼ kijakʼalnan, ex ni yucha lhitʼajuncha
jatsukunti yu jantu aqtaun kamiʼoyaʼ. Ex astan tejkan
kamiʼoyacha ni lakamunukpaʼ ex kakmajkujuchoqoyaʼ.
\v 55 Yu kilakatunaj va yucha yu laqsaval lhiʼuti para
kaʼutʼi, vachu yu kijakʼalnan va yu laqsaval xkan para
kaʼoqtʼi.
\v 56 Xlhiyucha ni lapanaki yu uy kilakatunaj y vachuʼ
yu otʼa kijakʼalnan, yucha chʼantaun junita kun kitʼin
y kitʼin vachuʼ chʼantaun kunita kun yucha.
\v 57 Ni kimPay yu kimalaqachal yucha lhitʼajun jatsukunti
y yu kitʼin va yucha kputsukuy. Ex chuncha vachuʼ matichun
lapanaki yu kiʼuyaʼ ni kitʼin, yucha vachuʼ kimputsukuyaʼ
ni kitʼin.
\v 58 Kitʼin klhichiviniy vayti yu minchal laktʼiyan.
Yucha jantu va aqstanchun kaval tacha yu junkan maná
yu maqancha taʼul mepayankʼan. Yuʼuncha tejkan taʼul
astan tanil. Pero yu kaʼuyaʼ ni aniy vayti yucha katsukuyaʼ
mas va tavanancha kaval.
\p
\v 59 Ni Jesús va chuncha laqputeʼel laka putaulan Capernaúm
laqa chaqaʼ taʼan ixtataqxtoʼa ni israelitas.
\s Ni jatsukunti yu jantu aqtaun kamiʼoyaʼ
\p
\v 60 Tejkan chuncha taqasmaklhi tacha yu jalakmasunil
ni Jesús ex lati lapanakni va tanaul:
\p —Tacha najun ni yucha ayaj lhitaʼay para kʼalaʼaʼitʼi.
¿Tasʼayucha lapanaki lay kamakaniyaʼ kuenta yu najun?
\p
\v 61 Pero ni Jesús niman xtaqnil kuenta ni va ixtatʼajun
pastaknan y ixtatʼajun jakiltaynan. Ex jalhisakmil, va
jalakjunil:
\p —¿Ex jantu katamaqaman yu xaklajunau?
\v 62 ¿Tas kʼalhilatʼikcha ni uxiknan incha kilalaqtsʼinau
ni kitʼin yu kval Sasʼatʼa Lapanaki kakpataxtuchoqol
taʼan pʼunaj xakvilchal?
\v 63 Ni Espíritu yucha xtaʼa jatsukunti, ixtapʼasta
lapanaki jantu tuʼuchun ixtapal kaval. Tachun kinchivinti
yu kitʼin kiltaxtuy va minachal kun ni Espíritu yu xtaʼa
jatsukunti.
\v 64 Pero vananaj alin lati uxiknankʼan yu jantukaʼ
lhakʼapʼupʼinatʼik.
\p Ni Jesús yucha ixkʼatsay mas tejkan aqtaynil ixlhitapatsa
tasʼayuʼuncha yu jantu katalhakapuʼanaʼ. Vachu ox ixkʼatsay
tasʼayucha yu kamaqxtaʼaʼ para kamaqnikal.
\v 65 Ex jalakjunil:
\p —Jantu matichun lapanaki lay kilaqmin ni kitʼin incha
yu kimPay jantu xtaqniy lakatin.
\p
\v 66 Tejkan chuncha naunʼol ex lhuvaj lapanakni yu
ixtatʼaʼanta tamakauntijlal, jantucha apalay katatijuntayal
kun yucha.
\v 67 Ex chuncha ni Jesús vachuʼ jalaklhisakmil yu pumakautʼuy
yu ixjalakmalaniy va jalakjunil:
\p —¿Uxiknan vachuʼ kilamakauntijlayau?
\p
\v 68 Ex ni Simón Pedro va liman qaltayl, va junil:
\p —Jalhachimoʼonuʼ, ¿tasʼayucha lay kaktʼaʼau? Kijnan
kʼatsayau ni laqsaval vamun uxintʼi kʼiltʼaxtʼuy chivinti
yu xtaʼa jatsukunti yu jantu aqtaun kamiʼoyaʼ.
\v 69 Chavay kijnan klalhakapuʼantaucha, vachuʼ ijkʼatsayau
ni uxintʼi va yu ixnavin Dios kʼatʼi, jantu tuʼuchun
laqtaqal kʼalhitsʼukʼu.
\p
\v 70 Ni Jesús jaqaltaychoqol, va jalakjunil:
\p —Kitʼin klalaksakvi pumakautʼuy pero xaqayntaun ni
uxiknankʼan va lhitʼajun aqmoqxnuʼ.
\p
\v 71 Va Judas yu ixtʼajun lhichivin. Yucha istsʼal
ixjunita qayntaun joʼati yu junkan Simón Iscariote.
Ni Judas va yucha yu kamaqxtaqyaʼ ni Jesús para kamaqnikal
mas yucha va xaqayntaun ixtʼaltanaʼ yu ixjamalaniy.
\c 7
\s Ixtʼalaqaunin ni Jesús jantu ixtalhakapuʼan yu ixnajun ni yucha
\p
\v 1 Ex taval ni Jesús ixtiʼukxuyal la xalakatʼun Galilea.
Jantu ixtaulputun Judea, ancha ixtatʼajun lakxkaunan
niisraelitas para katamaqnil.
\v 2 Pero ni anchanu julchan va laycha kalakachil ixkʼatankʼan
ni israelitas tejkan ixtamakay ixmoqltakʼan ixlhimaqspaʼ
ixchaqakʼan.
\v 3 Yu ixtʼalaqaunin va tajunil:
\p —Apalay ox kaval kʼapiti Judea. Ex ancha katalaqtsʼil
mintʼaltanan ni lajʼay axtoqnuʼ yu makʼay.
\v 4 Qayntaun lapanaki tejkan najun kamispakal ex yucha
jantu makay axtoqnuʼ laqatamaqsaq. Ex uxintʼi incha
makʼay lajʼay axtoqnuʼ ex apalay ox kʼamakʼatʼi taʼan
lay katalaqtsʼin tachun ni lapanakni.
\p
\v 5 Ixtʼalaqaunin ni Jesús yu chuncha tanaul, yuʼuncha
vachuʼ jantu ixtalhakapuʼan.
\v 6 Xlhiyucha ni Jesús jalakjunil:
\p —Kitʼin jantukaʼ lakachin julchan para kakmakal yu
maqskʼiniy pero yu uxiknan mas va tisuncha hora kaval
lay makʼayatʼik yu makʼapʼutʼunatʼik.
\v 7 Aniy lakamunukpaʼ ni lapanakni jantu lay taxkayyan
ni uxiknan pero yu kitʼin ayaj kintalhixkajiy va por
klakjuniy ni yuʼuncha tamaqtaqalhinin.
\v 8 Uxiknankʼan kapʼintʼik laka kʼatan pero kitʼin
jantukaʼ. Jantukaʼ lakachin julchan yu kimpaxtoqniy.
\p
\v 9 Tejkan chuncha jalakjunil ex yucha tamakaul laka
estado Galilea.
\s Ni Jesús ixtiʼukxuyal la ixkʼatankʼan ni israelitas taʼan ixtamakay ixmoqltakʼan
\p
\v 10 Astan tejkan taʼalcha ixtʼalaqaunin ni Jesús laka
kʼatan ex ni yucha vachuʼ al. Jantu ixtakʼatsay ni lapanakni,
valiʼiy ixtamaqsaqʼanta.
\v 11 Ni israelitas yuʼuncha ayaj ixtatʼajun lakxkaunan
ni laka kʼatan. Ixtalalhisakmiy:
\p —¿Toʼoxtaycha katijuntayal ni anuʼ lapanaki?
\p
\v 12 Ni lapanakni va si ixtalhilakchiviniy ni yucha.
Va saq ixtalajuniy: “Ni yucha va qayntaun yu ox lapanaki
junita.” Yu alati ixtanajun: “Ni yucha va qayntaun
yu tʼajun jalakmakanun lhuu lapanakni.”
\p
\v 13 Ni lapanakni va si ixtatamaqsaqchiviniy, ixtatalhauniy
ixjalhachimoʼonunkʼan ni israelitas.
\p
\v 14 Tejkan ixpakltauncha ixʼanta ni kʼatan ex ni Jesús
tanuchal ni ay lakatajtan. Aqtayl jalakmalaniy ni lapanakni.
\v 15 Ni israelitas tus taun talhilal, va ixtalajuniy
siya yuʼuncha:
\p —¿Tas junitacha ni aniy lapanaki? Yucha ayaj lhuu jatalaniti
lhitʼajun mas jantu katamoʼol.
\p
\v 16 Chuncha ni Jesús jalajqaltayl, va jalakjunil:
\p —Tachun yu kitʼin kmasuy jantu vamun kinchivinti kaval.
Va yu masuy ni kimPay yu kimalaqachal.
\v 17 Taʼayu yu makaputun yu Dios lhinajun ex yucha
kakʼatsayaʼ ni chivinti yu kmasuy incha va kun Dios
mintachal u incha va por kitʼin kilaqʼaman.
\v 18 Qayntaun lapanaki yu ixlaqʼaman chiviniy va najun
katatoʼoyal ni lapanakni. Pero kitʼin va knajun katoʼoyakal
ni Dios yu kimalaqachal. Klhichiviniy yu laqsaval, jantu
kaklhitsukul talaqalhin.
\p
\v 19 ’Ni Moisés taxtaqnin ni uxiknan yu ixlhachimoʼon
Dios pero jantu makʼayatʼik yu lhinajun ni anchanu lhachimoʼon.
¿Ex valiʼiycha kilamaqniputunau?
\p
\v 20 Ex taqaltayl ni lapanakni, va tajunil:
\p —¿Tasʼayucha maqniputunan? Ka va lay lhitʼaʼun aqmoqxnuʼ.
\p
\v 21 Ex ni Jesús va jajunil:
\p —Va aqtauncha kmakal yu ay lhitapatsa la xajulchan
jastaknati, va xlhiyucha uxiknankʼan tus tumpaj lhilatʼik.
\v 22 Laqsaval ni Moisés talhijunin kʼaxvililichʼukʼupʼuxnikʼantʼik
pero jantu kaminchal kun Moisés. Yu laqsaval minchal
va kun yu apalay maqancha kepayankʼan ixtatʼajun. Pero
uxiknan mas xajulchan jastaknati vachuʼ xvililichʼukʼupʼuxniyatʼik
mintsʼalankʼan.
\v 23 Ayaj makʼapʼutʼunatʼik tacha yu lhinajun Moisés
xlhiyucha mas xajulchan jastaknati xvililichʼukʼupʼuxniyatʼik
qayntaun jasʼatʼa. ¿Ex valiʼiycha kilalukujlaniyau por
kʼuchʼul qayntaun lapanaki tejkan xajulchan jastaknati?
\v 24 Jantu kʼamukʼanitʼik laqtaqal matichun lapanaki
vamun por yu laqtsʼinatʼik. Incha kʼamukʼanitʼik laqtaqal
kaval yu laqsaval.
\s Ni Jesús lhichiviniy toʼoxtaycha minchal
\p
\v 25 Lati lapanakni yu ixtavilanal Jerusalén taʼaqtayl
talalhisakmiy, va tanaul:
\p —¿Jantu kaval yu aniy lapanaki yu tatʼajun lakxkaunan
para katamaqnil?
\v 26 Chavay mas tʼajun chivin la ixlakaʼukxpukʼan ni
lapanakni, yu lhachimoʼonun jantu tuʼuchun tajuniy. ¿Ex
vachu talhakapuʼan ni yucha va Cristo yu Dios lakʼulata?
\v 27 Ni kijnan ox kʼatsayau taʼan laqsaval minchal
ni yucha. Pero yu Cristo tejkan kaminaʼ jantu matichun
kamispayaʼ toʼoxtaycha kaminanta, ex ka jantu yucha.
\p
\v 28 Tejkan qasmaklhi ni Jesús tacha ixtatʼajun juninin,
ex aqtayl jalaqxaqalay pʼaysni ancha ixpulakna laka
ay lakatajtan, va jalakjunil:
\p —Uxiknan ox kilamispayau, ox kʼatsʼayatʼik toʼoxtaycha
kminchal. Pero jantu kilaqʼaman kakmil. Va kimPay kimalaqachal.
Yucha najun yu laqsaval pero yu uxiknan jantu mispʼayatʼik.
\v 29 Ni kitʼin ox kmispay. Kmintachal kun yucha, va
yucha yu kimalaqachal kakmil aniy.
\p
\v 30 Ex astan lati ixtalaqxaqamaputun pero jantu matichun
kachʼapal. Jantukaʼ ixlakachin julchan yu Dios laksaklhi
para katalhimaqchapul.
\v 31 Qaynlhuu lapanakni talhakapuʼal. Vachuʼ ixtanajun:
\p —¿Tas kunacha tejkan kaminaʼ ni Cristo? ¿Kamakayaʼ
ni yucha apalay lajʼay axtoqnu xajantu yu aniy lapanaki?
\s Ni fariseos talaqxaqamaputun ni Jesús
\p
\v 32 Ni fariseos takʼatsal ni lapanakni va chuncha
ixtalhilakchiviniy ni Jesús. Chuncha ni yuʼuncha ali
yu xaʼukxtinin kuras talhijunil yu xapolicias ni ay
lakatajtan para kataʼal laqxaqamanan.
\p
\v 33 Ex ni Jesús naul:
\p —Kitʼin jantucha paqlhuu kaktaulaʼ kun uxiknan. Niman
kaklaqʼanchoqoyaʼ yu kimalaqachal.
\v 34 Astan uxiknan kilalakxkauyau pero jantu lay kilatemayau.
Jantu lay kapʼinapitik taʼan kitʼin kaktaulanta.
\p
\v 35 Chuncha ni israelitas aqtayl talalhisakmiy, va
tanaul:
\p —¿Tas ancha kaʼanacha ni yucha ni jantu lay katemayau?
¿Kalaqʼanaʼ taʼan tavilanal yu jantu israelitas kataval
y kalakmalaniyaʼ?
\v 36 Kintajunan “Kilalakxkauyau pero jantu kilatemayau.”
Vachu najun “Jantu lay kapʼinapitik taʼan kitʼin kaktaulanta.”
¿Tis va suncha naunputun?
\s Ni Jesús lhichiviniy xkan yu lhitʼajun jatsukunti
\p
\v 37 Tejkan va paqtauncha para kalal ni kʼatan, tayal
ni Jesús, va pʼays chivinil, va naul:
\p —Incha matichun oqputun xkan, kilaqmilcha ni kitʼin
ex kaʼoqlhicha.
\v 38 Yu kilhakapuʼan yucha kunaʼ tacha najun la ixchivinti
Dios: “La xalhanuti kaxajtachal xkan yu xtaʼa jatsukunti.”
\p
\v 39 Tejkan chuncha naul ni Jesús va ixlhichiviniy
ni Espíritu Santo yu katalaqaʼiyaʼ ni lapanakni yu katalhakapuʼanaʼ
ni yucha. Pero ni Jesucristo jantukaʼ ay ixmakakan xlhiyucha
ni Espíritu Santo jantukaʼ ixmin.
\s Ni lapanakni si putamin ixtanajun
\p
\v 40 Ixʼalin lati lapanakni tejkan chuncha taqasmaklhi,
va ixtajuniy:
\p —Laqsaval, yucha va yu xalaqputeʼeniʼ ixchivinti Dios.
\p
\v 41 Y yu alati ixtajuniy:
\p —Yucha ni Cristo yu lakʼulata Dios.
\p Pero lati ixtanajun:
\p —Jantu yuʼ kaval ni Cristo. Ni Cristo jantu kamintachal
Galilea.
\v 42 La ixchivinti Dios najun ni Cristo yu kaminaʼ
va ixpapanti David kunaʼ. Najun kaminaʼ tsukunuʼ laka
putaulan Belén taʼan la ixputaulan ixjunita ni David
yu maqancha ixlhachimoʼonun.
\p
\v 43 Chuncha ni lapanakni tatapulvaqlhi va por Jesús.
\v 44 Lati ixtalhiʼuxaʼan laka pachʼin pero jantu matichun
kachʼapal.
\s Ni jalhachimoʼonun yuʼuncha jantu ixtalhakapuʼan ni Jesús
\p
\v 45 Ex yu xapolicias laka ay lakatajtan taminchoqolcha
taʼan ixtayanal ni fariseos ali ni xaʼukxtinin kuras.
Va talhisakmil:
\p —¿Valiʼiycha jantu kʼalhitʼantʼik?
\p
\v 46 Chuncha ni policias taqaltayanal, va tanaul:
\p —Jantu aqtaun matichun lapanaki chiviniy tacha yu aniy
lapanaki.
\p
\v 47 Ex ni fariseos tanaul:
\p —¿Ex yu uxiknankʼan vachucha tamakanutan ni yucha?
\v 48 Jantu matichun jalhachimoʼonuʼ lhakapuʼan. Vachuʼ
ni kijnan yu fariseos kuntau jantu klhakapuʼanau.
\v 49 Vamun talhakapuʼan ni valiʼiy lapanakni yu jantu
tamispay ixlhachimoʼon ni Moisés. Yuʼuncha kalakmukʼanikanaʼ
maqanlqajnati.
\p
\v 50 Ex ni Nicodemo yu aqtauncha laqkilal ni Jesús
lakaputsʼisni va jalakjunil:
\p
\v 51 —La kilhachimoʼonkʼan najun ni jantu lay valiʼiy
kʼamukʼanin laqtaqal qayntaun lapanaki. Pʼunaj maqskʼiniy
kaʼasmaktʼi yu najun ex kʼalaqtsʼintʼanuyeʼe incha makal
laqtaqal.
\p
\v 52 Ex tanaul ni ixtʼafariseos:
\p —¿Ex yu uxintʼi vachu va machaqaʼ Galilea kʼatʼi? Kʼalanin
ixchivinti Dios ex ancha kʼalaqtsʼineʼe ni jantu matichun
yu xalaqputeʼeniʼ ixchivinti Dios kaminchal Galilea.
\p [
\v 53 Ex astan tataxtul lakapulakchivin, va taʼanchoqol
por qayntamin la ixchaqakʼan.
\c 8
\s Qayntaun maqtaqalhiniʼ xanati
\p
\v 1 Ex astan ni Jesús alcha lakataun aspajun yu junkan
Xaʼaspajun Olivos.
\v 2 Tejkan ixtunkuminta ni Jesús al laka ay lakatajtan,
ancha tachun ni lapanakni talaqʼanʼol. Taulalcha la
ixpulakna ni laka ay lakatajtan ex aqtaylcha jalakmalaniy.
\p
\v 3 Ex yu fariseos ali ni lapanakni yu ixtamasuy ixlhachimoʼonkʼan
ni israelitas, yuʼuncha talhiminil qayntaun xanati yu
tatemal makanaʼ laqtaqal, tʼatamal qayntaun yu jantu
ixapay kaval. Tamaqayaul ixtanʼajna taʼan ixtayanal
ni lapanakni.
\v 4 Ex tajunil ni Jesús:
\p —Jamalaniniʼ, ni aniy xanati yucha temakal makanaʼ laqtaqal
kun yu jantu ixapay kaval.
\v 5 La ixlhachimoʼon ni Moisés ancha lhinajun kalaklakatʼalmakal
xanatin yu chuncha talay. Yu uxintʼi, ¿tas naʼuncha?
\p
\v 6 Chuncha tamakal va para lay katatislajmal ni Jesús.
Pero yucha taqayntal, aqtayl jatsʼoqnun lakatʼun kun
ixmakaʼ.
\v 7 Vananaj ixtataylhaanita lhisakminin, ex tayal ni
Jesús jalakjunil:
\p —Xaqayntaun uxiknan yu jantu kalhitsukul talaqalhin
yucha pʼunaj katanqalhunil chiyux y katʼalal.
\p
\v 8 Ex aqtaun taqayntachoqol ni Jesús, taylhaʼal jatsʼoqnuʼ
lakatʼun la ixmakaʼ.
\v 9 Tejkan chuncha taqasmaklhi tacha jalakjunil ni
Jesús ex taʼaqtaylcha taʼan por qayntamin. Yu tapʼulʼal
va yu xapaynincha ixtajunita tus taʼanʼolcha. Ex ni
Jesús laqtsʼil ni va xʼamancha tamakaul ni xanati.
\v 10 Chuncha tayal, va junil ni xanati:
\p —¿Tas ancha tayanal ni lapanakni? ¿Jantucha matichun
kamukʼanin laqtaqal?
\p
\v 11 Ex naul ni xanati:
\p —Jantucha matichun.
\p Ex naul ni Jesús:
\p —Kitʼin vachu jantu kakmukʼaniyan laqtaqal. Kʼapiticha.
Jantucha kʼamaqtʼaʼalhin.]
\s Ni Jesús yucha va ixmaklkukʼan ni lapanakni aniy lakamunukpaʼ
\p
\v 12 Astan ni Jesús aaqtaun jalaqxaqalachoqol ni lapanakni,
va jalakjunil:
\p —Kitʼin va ixmaklkukʼan ni lapanakni kunita. Ex yu
kintʼaminaʼ kalhitsukuyaʼ ni maklku yu kaxtaqniyaʼ jatsukunti.
Ex jantucha aqtaun katijuntayayaʼ laka putsʼisni.
\p
\v 13 Ex tajunil ni fariseos:
\p —Va milaqʼaman tʼaunkʼan lhichivinka. Jantu laqsaval
kaval yu naʼun.
\p
\v 14 Ni Jesús jaqaltaychoqol, jalakjunil:
\p —Mas va kilaqʼaman klhichivinkan, pero yucha laqsaval
yu knajun. Kitʼin ox ijkʼatsay toʼoxtaycha kmintachal,
vachuʼ toʼoxtaycha kajkʼanchoqoyaʼ. Yu uxiknan jantu
kʼatsʼayatʼik.
\v 15 Uxiknan mukʼayatʼik laqtaqal tacha tamukʼay yu
valiʼiy lapanakni. Ni kitʼin jantu matichun kmukʼaniy
laqtaqal.
\v 16 Incha kitʼin kakmukʼal laqtaqal yucha kaval yu
laqsaval, jantu kilaqʼaman kakmukʼal. Ni kimPay yu kimalaqachal,
yucha va chʼantaun kun kitʼin.
\v 17 La milhachimoʼonkʼan ancha najun incha qayntʼuy
talhitaulay tuʼuchun, y va taun tanajun, ex chun lay kʼalhakʼapʼupʼi.
\v 18 Chuncha kitʼin va klhitaulay yu knajun y vachuʼ
alin aqayntaun yu lhitaulay kun kitʼin. Yucha va kimPay
yu kimalaqachal.
\p
\v 19 Ex tajunil:
\p —¿Tas ancha vil ni mimpay?
\p Ex ni Jesús jaqaltayanal, jalakjunil:
\p —Uxiknan jantu kilamispayau ni kitʼin, vachu jantu mispʼayatʼik
yu kimPay. Incha kilamispau ni kitʼin ex vachu kʼamispʼatʼik
ni kimPay.
\p
\v 20 Ni Jesús tejkan chuncha naul va ixtʼajun masun
laka ay lakatajtan taʼan maqxtaqkan ofrenda. Jantu matichun
kalhaʼal laka pachʼin, jantukaʼ ixlakachin ixjulchan
tejkan Dios kanaunaʼ.
\s Ni Jesús najun ni taʼan kaʼanaʼ, yuʼuncha jantu lay kataʼal
\p
\v 21 Ni Jesús jajunchoqol:
\p —Kitʼin kajkʼanacha. Yu uxiknan kilalakxkauyau pero
kʼaniyapitik la mintalaqalhinkʼan. Taʼan kitʼin kajkʼanaʼ
uxiknankʼan jantu lay kapʼinapitik.
\p
\v 22 Ex ni israelitas talajunil siya yuʼuncha:
\p —¿Ex va maqniputunkan ixlaqʼaman? Ka va lay xlhiyucha
najun: “Taʼan kitʼin kajkʼanaʼ uxiknankʼan jantu lay
kapʼinapitik”.
\p
\v 23 Ex ni Jesús jalakjunchoqol:
\p —Uxiknan untʼatʼik xalapanakni yu aniy lakamunukpaʼ,
pero kitʼin kminchal laktʼiyan. Uxiknan va aniy lakamunukpaʼ
aqtʼaynitʼik tsukunun, pero kitʼin jantu aniy kajkʼaqtaynil.
\v 24 Xlhiyucha klajuniu ni uxiknan kʼaniyapitik la
mintalaqalhinkʼan. Incha jantu kilalhakapuʼaniyau tejkan
klajunau taʼayucha kunita ex kʼaniyapitik la mintalaqalhinkʼan.
\p
\v 25 Ex tajunil ni Jesús:
\p —¿Tasʼayucha kʼatʼi ni uxintʼi?
\p Ex ni Jesús jalakjunil:
\p —Kitʼin kunita vachu chun tacha klajunau.
\v 26 Ni kitʼin ayaj lhuu chivinti lay kaklalhichiviniu
ni uxiknan vachu pulhuu milaqtaqalkʼan lay klamukʼaniyau.
Yu kimalaqachal yucha jantu aqtaun jalaklkanan y yu
kijunil va yucha klajunchoqoyau. Xlhiyucha yu klajunau
kitʼin, yucha jantu jalaklkanti kaval.
\p
\v 27 Ni lapanakni jantu katamalaqasil ni va ixPay Dios
ixtʼajun lhichivin ni Jesús.
\v 28 Ex naul ni Jesús:
\p —Tejkan kilamukʼayau talman ni kitʼin yu kval Sasʼatʼa
Lapanaki, exnicha kilamispayau taʼayucha kunita. Ni kitʼin
jantu aqtaun kmakay tuʼuchun kilaqʼaman. Vamun knajun
ni chivinti yu kimPay Dios kimasunil.
\v 29 Ni kimPay yu kimalaqachal yucha alinta kun kitʼin.
Kitʼin si kmakay yu lakanajun ni yucha, xlhiyucha jantu
aqtaun kimakajun keʼeman.
\s Yu sasʼatʼan Dios ali yu tatapatsaniy talaqalhin
\p
\v 30 Tejkan ni Jesús chuncha naunʼol ex ayaj qaynlhuu
talhakapuʼal ni yucha.
\p
\v 31 Ni Jesús jalakjunil ni israelitas yu talhakapuʼal:
\p —Incha uxiknan ox katʼaylhipʼiniyapitik chuncha tacha
chavay xaʼasmatʼatʼik kinchivinti, ex laqsaval kilapanakni
kaʼunapitik, kʼalaniyapitik yu klamasuniyau.
\v 32 Chuncha kʼamispʼayapitik ni chivinti yu laqsaval,
ex yucha oxamaktaun katamakayan.
\p
\v 33 Chuncha taqaltayl ni yuʼuncha, tajunil:
\p —Kijnan va lapanakni kuntau yu kminchaʼau kun Abraham.
Oxamaktaun kuntau, jantu aqtaun kaʼalil kiʼukxtinkʼan.
¿Valiʼiycha naʼun ni oxamaktaun kajkunau?
\p
\v 34 Ex ni Jesús jaqaltaychoqol, va jalakjunil:
\p —Vas klajunau ni lapanakni yu tamaqtaqalhinin, yuʼuncha
ixʼukxtinkʼan va yu talaqalhin.
\v 35 Qayntaun oqxtamati yu ixnavin ixʼukxtin yucha
jantu lay tsukuʼalhiy la ixchaqaʼ ixʼukxtin tacha ixlapanaki
kaval. Pero yu sasʼatʼan ni ukxtin yuʼuncha chun lay
ancha tataulʼalhiy mas va tavanancha kaval.
\v 36 Chavay incha yu istsʼal miʼukxtinkʼan oxamaktaun
katamakan ex laqsaval oxamaktaun kaʼunapitik.
\v 37 Kitʼin ox ijkʼatsay ni va kun Abraham tʼanchʼipitik
pero jantu laʼaʼiyatʼik kinchivinti, xlhiyucha kilamaqniputunau.
\v 38 Tachun yu kchiviniy va si yu kimasunil kimPay.
Yu uxiknan makʼayatʼik va yu tamasunin mimpaykʼan.
\p
\v 39 Ex tanaul ni israelitas:
\p —Kijnan va Abraham yu maqancha kimpaykʼan junita.
\p Ex ni Jesús jalakjunil:
\p —Incha laqsaval ni Abraham maqancha mimpaykʼan ixval,
ex kʼatʼiʼukxuntʼayatʼik tacha ixtiʼukxuntayay ni yucha.
\v 40 Pero uxiknan mas klajuntaucha ni va Dios yu laqsaval
kimasunil, aqtsʼiyaj kilamaqniputunau. Ni Abraham jantu
aqtaun chun kamakal.
\v 41 Uxiknan vananaj chun makʼayatʼik tacha yu makay
mimpaykʼan.
\p Ex tanaul ni yuʼuncha:
\p —Kijnan jantu aqchunan kajkuu, va qayntaun yu kimPaykʼan
yucha va Dios.
\p
\v 42 Ex ni Jesús jalakjunil:
\p —Incha laqsaval ni Dios mimPaykʼan kaval ex kilaʼachaniu
ni kitʼin, ni kitʼin va kun Dios kmintachal. Chavaycha
aniy kvil pero jantu kakmil kilaqʼaman, va Dios kimalaqachal.
\v 43 ¿Valiʼiycha jantu malaʼasiyatʼik yu klajunau?
Va jantu tamaqamayan kaʼasmaktʼik, va xlhiyucha.
\v 44 Yu mimpaykʼan va aqmoqxnuʼ junita, va makʼayatʼik
yu yucha maqamay. Yucha junita jamaqniniʼ tus tejkan
puʼaqtaynichal lakamunukpaʼ. Yucha vamun lhipaʼiniy
yu jalaklkanti, jantu lay najun yu laqsaval. Tejkan jalaklkanan
yucha va ixkilchuncha. Yucha va jalaklkanaʼ junita y
va yucha xajapay tachun yu jalaklkanti.
\v 45 Kitʼin klhichiviniy yu laqsaval, xlhiyucha uxiknan
jantu kilalhakapuʼaniyau.
\v 46 Ni uxiknan jantu matichun lay kalhitaulal ni kitʼin
klhitʼajun talaqalhin. Chavay incha kitʼin klhichiviniy
yu laqsaval, ¿ex valiʼiycha jantu kilalhakapuʼaniyau
yu knajun?
\v 47 Yu laqsaval ixnavin Dios yucha qasmatʼa ixchivinti
Dios. Uxiknan jantu ixnavin Dios kaʼuntʼik, xlhiyucha
jantu asmakpʼutʼunatʼik ixchivinti Dios.
\s Ni Cristo aqtsʼiyajcha ixʼalin
\p
\v 48 Ex chuncha tajunil ni israelitas:
\p —Kijnan klajuniu ni uxintʼi va qayntaun machaqa kʼatʼi
Samaria. Klajuniu ni uxintʼi va laqtanuyan laqataun
aqmoqxnuʼ y va laqsaval.
\p
\v 49 Ex naul ni Jesús:
\p —Kitʼin jantu kaklhitsukul aqmoqxnuʼ. Kitʼin yu kmakay
va ktoʼoyay ni kimPay, pero uxiknan jantu kilatoʼoyayau
ni kitʼin.
\v 50 Jantu klalhijunau kilatoʼoyau ni kitʼin pero alin
qayntaun yu lhinajun kaktoʼoyakal. Yucha va Dios yu
lay mukʼay laqtaqal.
\v 51 Kitʼin vas klajunau. Matichun lapanaki yu makay
kuenta kinchivinti yucha jantu aqtaun kaniyaʼ.
\p
\v 52 Ex tajunil ni israelitas:
\p —Chavay ox ijkʼatsayau ni uxintʼi laqsaval lhitʼaʼun
aqmoqxnuʼ. Ni Abraham ali yu ixtalaqputeʼey ixchivinti
Dios maqancha yuʼuncha si tanil. Ex uxintʼi, ¿valiʼiycha
naʼuncha ni yu kamakayaʼ kuenta minchivinti yucha jantu
aqtaun kaniyaʼ?
\v 53 ¿Apalaycha ay kʼatʼi ni uxintʼi xajantu yu kimpaykʼan
Abraham yu maqancha nil? Vachu yu maqancha ixtalaqputeʼey
ixchivinti Dios tanitacha. ¿Tasʼayucha lhilakʼan ni
uxintʼi?
\p
\v 54 Ni Jesús jaqaltaychoqol, jalakjunil:
\p —Yu va kitʼin kilaqʼaman kaktoʼoyakal ex jantu tuʼuchun
xtapal kaval kintoʼoyaka. Pero yu kintoʼoyay kitʼin
va kimPay. Yucha naunatʼik va miDioskʼan junita.
\v 55 Yucha jantu mispʼayatʼik pero kitʼin ox kmispay.
Incha kitʼin kaklajuniu jantu kmispay ex kakval tacha
qayntaun jalaklkanaj lapanaki vachu va chun tacha uxiknan.
Pero kitʼin laqsaval kmispay y kmakay kuenta ixchivinti.
\v 56 Ni mimpaykʼan Abraham yu maqancha ixtʼajun ayaj
lhiʼachantajul tejkan kʼatsal ni kalaqtsʼinaʼ ni julchan
tejkan kitʼin kakminaʼ. Tejkan chuncha laqtsʼil ayaj
lhiʼachantajul.
\p
\v 57 Ex tajunil ni israelitas:
\p —Jantukaʼ malaqchʼipʼiniy cincuenta mijachʼitin. ¿Valiʼiycha
naʼuncha uxintʼi mispʼay ni Abraham?
\p
\v 58 Ex ni Jesús jalakjunchoqol:
\p —Kitʼin ktʼajun mas va tavanancha, mas tejkan jantukaʼ
istsukuy ni Abraham.
\p
\v 59 Ex nimancha tasaklhi chiyux para katalakatʼalmal
ni Jesús. Pero ni yucha niman tsʼalaj tamaqsaqlhi. Astan
chʼapal ixlakatin, taxtulcha ni laka ay lakatajtan, va
alcha.
\c 9
\s Ni Jesús malakavanil qayntaun laʼachʼix yu chuncha tsukul
\p
\v 1 Chuncha taʼan ixtʼajun tapasanaʼ ni Jesús ancha
laqtsʼil qayntaun laʼachʼix yu chuncha tsukul.
\v 2 Ex ixtʼaltanan yu ixjalakmalaniy talhisakmil, tajunil:
\p —Jamalaniniʼ, ¿valiʼiycha tsukulcha laʼachʼix ni aniy
lapanaki? ¿Va por ixtalaqalhin ixpay ali ixnati o va
por ixtalaqalhin ni yucha?
\p
\v 3 Chuncha ni Jesús jalakjunil:
\p —Jantu por ixtalaqalhinkʼan ixpay ali ixnati kaval,
nisin por ixtalaqalhin ni yucha. Va para lay kamasukal
ixlhitapatsa ni Dios.
\v 4 Tejkan vananaj tunkujunta ex lay tapatsakan pero
tejkan putsʼista jantucha lay. Vachu va chun chavaycha
maqskʼiniy kamakau ixlhitapatsa yu kimalaqachal. Astan
kaminaʼ ni japutsʼisniʼ tejkan jantucha matichun lay
katapatsayaʼ.
\v 5 Chavaycha vananaj ktijuyal aniy lakamunukpaʼ ex
chuncha kalakmapulkulnita xalapanakni lakamunukpaʼ.
\p
\v 6 Tejkan chuncha naunʼol ni Jesús, ex aqchujʼul lakatʼun.
Aqtayl makay pulʼan kun ixchujʼuti ex lhilakpuxapal
ni laʼachʼix.
\p
\v 7 Ex junil ni laʼachʼix:
\p —Chavay kapʼinchʼiycha oqxpuchaʼaʼ lakxkan yu junkan
Siloé (yucha naunputun yu malaqachakanta).
\p Ex ni laʼachʼix alcha oqxpuchaʼaʼ. Tejkan minchoqolcha
va oxicha ixjalakavanan.
\v 8 Chuncha ni ixtʼamachaqan ali tachun yu ixtalaqtsʼin
taʼan ixtaulay ixpuskʼin limosna, yuʼuncha si ixtalalhisakmiy
siya yuʼuncha:
\p —¿Ni aniy lapanaki jantu yuʼ yu ixtaulay ixpuskʼin
limosna?
\p
\v 9 Lati ixtanajun:
\p —Va yucha junita.
\p Pero lati ixtanajun:
\p —Tasuy tacha yucha pero jantu yuʼ kaval.
\p Pero ni laʼachʼix yucha ixnajun:
\p —Chun, va kitʼin kunita.
\p
\v 10 Ex talhisakmil va tajunil:
\p —¿Ex tas laycha pʼalakʼavanan?
\p
\v 11 Ex ni laʼachʼix jaqaltayanal, va jalakjunil:
\p —Qayntaun lapanaki yu junkan Jesús makal pulʼan y kilhilakpuxapal
la kilaqchul, ex astan kijunil: “Kʼapʼinchʼiy laqapuʼan
la xalakxkan Siloé, ancha kʼaʼoqxpʼuchʼaʼayeʼe.” Ex
kitʼin niman kʼal. Tejkan kʼoqxpuchaʼal ex klakavanalcha.
\p
\v 12 Chuncha aqtaun talhisakmichoqol, va tajunil:
\p —¿Toʼoxtaycha yal ni anchanu lapanaki?
\p Ex yucha naul:
\p —Jantu ijkʼatsay toʼoxtaycha yal.
\s Yu fariseos talhisakmil ni laʼachʼix taʼayucha malakavanil
\p
\v 13 Ex astan ni lapanaki yu laʼachʼix ixjunita, talhaʼal
taʼan ixtayanal ni fariseos.
\p
\v 14 Ni anchanu julchan tejkan ni Jesús laʼoxinil kun
pulʼan ixlaqchul ni laʼachʼix va xajulchan jastaknati
ixjunita.
\v 15 Ex ni fariseos talhisakmichoqol tas palakavanalcha.
Ex jalakjunil ni laʼachʼix:
\p —Ni lapanaki yu kimalakavanil yucha kimukʼanil pulʼan
la kilaqchul, ex kimalaqachal oqxpuchaʼaʼ, ex kʼaqtayl
klakavanan.
\p
\v 16 Lati ni fariseos tanaul:
\p —Yu malakavanil ni aniy lapanaki yucha jantu kaminchal
kun Dios, jantu toʼoyay xajulchan jastaknati.
\p Chuncha yu alati vachu tanaul:
\p —Pero incha va maqtaqalhini lapanaki junita, ¿ex tas
laycha kapumakal lajʼay axtoqnuʼ?
\p Chuncha alil laʼatʼuy jatapastakʼati siya yuʼuncha.
\p
\v 17 Ex aqtaun talhisakmil ni lapanaki yu laʼachʼix
ixjunita, va tajunil:
\p —Chavay ni lapanaki yu malakavanin, ¿tas lhilaycha ni
uxintʼi?
\p Ex jaqaltayanal yu laʼachʼix ixjunita, va naul:
\p —Kitʼin knajun ni yucha va qayntaun yu laqputeʼey ixchivinti
Dios.
\p
\v 18 Ni anchanu israelitas jantu ixtalhakapuʼan ni
yucha yu laʼachʼix ixjunita y chavay laycha lakavanan.
Xlhiyucha tajuntaʼinil ixpay ali ixnati.
\v 19 Ixtalhisakmin ni yuʼuncha, va tajunil:
\p —¿Yucha ni aniy ni mintsʼalkʼan? Naunatʼik ni va laʼachʼix
tsukul. ¿Ex tas pulaycha lakavanan?
\p
\v 20 Yu ixpay ali ixnati tanaul:
\p —Kijnan ox ijkʼatsayau ni va yucha ni kintsʼalkʼan
y yucha va laʼachʼix tsukul.
\v 21 Pero jantu kʼatsayau tas laycha palakavanal. Vachu
jantu kʼatsayau taʼayucha laʼoxinil ixlaqchul. Lay kʼalhisakmitʼik
ni yucha. Yucha jantucha sʼatʼa kaval. Yucha lay katajunan
tas laycha palakavanal.
\p
\v 22 Yuʼuncha ixtatalhanan, xlhiyucha chuncha tanaul.
Ni xalajʼaynin israelitas chʼantauncha ixtamakata ixjatapastakʼatkʼan.
Ixtanajun incha matichun kalhakapuʼal ni Jesús va yu
Cristo junita, yucha katatinaqxtul laqa chaqaʼ taʼan
ixtataqxtoʼa ni lapanakni.
\v 23 Xlhiyucha tanaul ni ixpay ali ixnati: Jantucha
sʼatʼa kaval y lay kʼalhisakmitʼik ni yucha.
\p
\v 24 Ni israelitas aqtaun tajuntaʼichoqol ni lapanaki
yu laʼachʼix ixjunita, va tajunil:
\p —La ixlakaʼukxpuʼ ni Dios kilalhitaulniu yu laqsaval.
Kijnan ox kmispayau ni anchanu lapanaki yu palay makan,
yucha ayaj maqtaqalhini lapanaki junita.
\p
\v 25 Ex jaqaltayl ni lapanaki yu laʼachʼix ixjunita,
va jalakjunil:
\p —Kitʼin jantu ijkʼatsay incha va maqtaqalhini lapanaki
junita. Vamun ijkʼatsay ni kitʼin va laʼachʼix xajkunita
y chavay laycha klakavanan.
\p
\v 26 Chuncha aaqtaun talhisakmichoqol, va tajunil:
\p —¿Tas makancha? ¿Tas pumalakavanincha?
\p
\v 27 Ex naul ni laʼachʼix:
\p —Kitʼin klajuntaucha pero jantu kilalhakapuʼaniu kinchivinti.
¿Valiʼiycha naunatʼik aaqtaun klajunchoqoo? ¿Vachu va
tʼaʼuxapʼinatʼik ni yucha?
\p
\v 28 Chuncha ox talaktuʼul, va tajunil:
\p —Uxintʼi maqamayan katʼapiti ni anchanu lapanaki. Kijnan
vamun Moisés kintamaqamayan kaktʼaʼau.
\v 29 Ni Moisés yucha ijkʼatsayau ni laqsaval tʼachivinil
Dios pero ni anchanu lapanaki yucha jantu kʼatsayau
toʼoxtaycha minchal.
\p
\v 30 Chuncha ni laʼachʼix jaqaltayl, va jalakjunil:
\p —Tus vak ijkʼatsan. Naunatʼik ni uxiknankʼan jantu
kʼatsʼayatʼik toʼoxtaycha minchal, pero ni kitʼin kimalakavanil.
\v 31 Laqsaval ox kʼatsayau ni Dios yucha jantu qalasmakputun
yu maqtaqalhinin. Yucha jaqalasmatʼa vamun yu tatoʼoyay
y tamakay yu lhinajun.
\v 32 Jantu aqtaun kʼatsayau matichun yu lay kakʼuchʼul
yu laʼachʼix katsukul.
\v 33 Ex chuncha yu anu lapanaki incha jantu kaminchal
kun Dios ex jantu lay tuʼuchun kamakal.
\p
\v 34 Ex tajunil ni laʼachʼix:
\p —Uxintʼi tsʼukʼu kun lhuu talaqalhin, ex chavay ¿va
uxintʼi kilamalaniputunau ni kijnan?
\p Ex chuncha va nimancha tatinaqxtul ni laqa chaqaʼ
taʼan ixtataqxtoʼa ni israelitas para jantucha katanuchoqol.
\s Ni lapanakni yu jantu tamispay Dios va tacha laʼachʼixin tajunita
\p
\v 35 Ni Jesús niman kʼatsal ni lapanaki yu laʼachʼix
ixjunita ixtatinaqxtutacha laqa chaqaʼ taʼan ixtataqxtoʼa
ni israelitas. Ex tejkan paxtoqlhi va lhisakmil:
\p —¿Uxintʼi lhakʼapʼupʼin yu val Sasʼatʼa Lapanaki?
\p
\v 36 Ex qaltayl, va junil:
\p —Jalhachimoʼonuʼ, kʼiʼun tasʼayucha junita para lay
kaklhakapuʼal.
\p
\v 37 Ex junil ni Jesús:
\p —Uxintʼi mispʼaycha y laqtsʼintʼacha. Va kitʼin kunita
yu chavaycha ktʼaʼun tʼachivin uxintʼi.
\p
\v 38 Ex ni laʼachʼix va taʼaqtsoqoqtalcha taʼan ixyal
ni Jesús, va junil:
\p —Ox klhakapuʼanan ni uxintʼi, Jalhachimoʼonu kʼatʼi.
\p
\v 39 Ex naul ni Jesús:
\p —Kitʼin kchil ni aniy lakamunukpaʼ va para lay kamukʼanikal
ixlaqtaqalkʼan yu tapaxtoqniy. Chuncha kmil para kaklaqlaʼoxinil
ixlaqchulkʼan yu laʼachʼixin. Vachu yu ox talakavanan
para kataʼakxajchal tacha laʼachʼixin por jantu kintalhakapuʼan.
\p
\v 40 Lati ni fariseos yu ancha ixtayanal tejkan taqasmaklhi
tacha naul ni Jesús ex talhisakmil, tajunil:
\p —¿Ex kijnan vachuʼ va laʼachʼixin kuntau?
\p
\v 41 Chuncha jaqaltayl ni Jesús, jalakjunil:
\p —Incha laʼachʼixin kaʼuntʼik, ex jantu tuʼuchun laqtaqal
kʼamukʼanikʼantʼik. Pero naunatʼik ox jalakʼavananatʼik.
Xlhiyucha mukʼanikʼanatʼik milaqtaqalkʼan.
\c 10
\s Qayntaun xalhistaknaʼ borregos
\p
\v 1 Chuncha ni Jesús jalakjunil:
\p —Laqsaval klajunau incha matichun lapanaki tanuy ixpulakna
laka korral pero incha jantu putanuy taʼan yal xapuerta
ex ni yucha va alhavanaʼ junita, laqatapʼasta maxtuy
yu jantu ixnavin.
\v 2 Yu putanuy taʼan yal xapuerta ex ni yucha va yu
xalhistaknaʼ borregos.
\v 3 Ancha qayntaun malaqltiʼaniy xapuerta para katanul.
Ex laktʼasaniy la ixtaqaʼutkʼan laqatamin ni borregos.
Yuʼuncha niman taqasmatʼa ixchivinti para kalakmaxtul
laka korral.
\v 4 Tejkan lakmaxtuʼojoy tachun yu ixnavin ex japʼulaycha
ni yucha. Tachun tatʼaʼan, va taqalmispay ixchivinti.
\v 5 Pero tejkan jalaktʼasaniy aqayntaun yu jantu tamispay,
ex jantu taqalasmatʼa, jantu tatʼaʼan. Jantu taqalmispay,
xlhiyucha va niman talajqosmajʼan.
\p
\v 6 Ni Jesús chuncha jalakjunil ni fariseos pero yuʼuncha
jantu katamalaqasil.
\s Ni Jesús ox jalaklhistakʼa ixlapanakni tacha ixborregos kataval
\p
\v 7 Ex aaqtaun ni Jesús jalakjunil:
\p —Laqsaval klajunau, ni kitʼin va xapuerta kunita taʼan
lay taputanuy ni borregos.
\v 8 Tachun yu pʼunaj takilachil, yuʼuncha va alhavanan
ixtajunita. Ixtaʼalhaumaxtuputun yu jantu ixnavinkʼan
kaval, pero ni borregos jantu kataqalasmaklhi.
\v 9 Ni kitʼin va xapuerta korral kunita. Taʼayuʼ yu
kaputanuyaʼ taʼan yal xapuerta, yucha kalaqtaxtuyaʼ.
Kajunaʼ tacha laqataun borrego yu lay tanuy y lay taxtuy
ni laka korral, lay temay yu kaʼuputul.
\p
\v 10 ’Yu alhavanaʼ yucha min vamun para kaʼalhavanal,
vachu para kamaqninil y para kalaktʼilhininʼol. Kitʼin
kminta va para laqsaval lay katalhitsukul yu ox jatsukunti
y para katalhaval yu achati la ixjatsukuntikʼan.
\v 11 Ni kitʼin ox xalhistaknaʼ borregos kunita. Yu
ox xalhistaknaʼ borregos, yucha maqxtaʼa ixjatsukunti
para ox katatsukul.
\v 12 Pero qayntaun oqxtamati yu mapalkan jantu ixnavin
kaval ni borregos. Xlhiyucha tejkan min yu maqtaliʼ,
ex yucha niman takyajuy. Ex yu maqtaliʼ jalakchʼapayachal
ni borregos y valiʼiy tʼikl taputaukʼay.
\v 13 Chuncha ni anchanu lapanaki jalakmakauntijlaycha.
Yucha jantu makay kuenta ni borregos, vamun yu ixlhilhajati
makay kuenta.
\p
\v 14 ’Kitʼin kunita yu laqsaval ox xalhistaknaʼ borregos.
Ox klakmispay kiborregos, vachu yuʼuncha ox kintamispay.
\v 15 Vachu chun tacha kimPay ox kimispay ni kitʼin,
kitʼin vachu ox kmispay ni yucha. Kitʼin kmaqxtaʼa ketsukunti
para ox katatsukul ni kiborregos.
\v 16 Vachu klhitʼajun alati borregos yu jantu xanavin
aniy laka korral kataval. Yuʼuncha vachu maqskʼiniy
kaklaklhimil. Kintatoʼoyayaʼ, va oqxlaqtaun kaʼalinaʼ
laka korral. Va qayntaun xalhistaknaʼ kunaʼ.
\p
\v 17 ’Kitʼin kmaqxtaʼa ketsukunti para kaknil ex astan
kaklaqaʼichoqol ketsukunti. Xlhiyucha yu kimPay ayaj
kiʼachaniy.
\v 18 Jantu matichun lay kimaxtuniy ketsukunti. Va kitʼin
kmaqxtaʼa kilaqʼaman. Kitʼin lay kmaqxtaʼa, vachuʼ lay
kaklaqaʼichoqoyaʼ. Va chuncha kilhijunil kimPay.
\p
\v 19 Tejkan chuncha taqasmaklhi ni israelitas va nimancha
tumpaj taval.
\v 20 Lati tanaul:
\p —Ni yucha ka va aqmoqxnuʼ lhitʼajun la ixjatsukunti,
vachu va lokoj. ¿Valiʼiycha makʼayatʼikcha kuenta yu
najun?
\p
\v 21 Pero yu alati tanaul:
\p —Jantu chiviniy tacha kalhitsukul aqmoqxnuʼ. Laqataun
aqmoqxnuʼ jantu lay kalakmalakavanil yu laʼachʼixin.
\s Ni israelitas talaktanchaniy yu makay ni Jesús
\p
\v 22 Ancha Jerusalén lhikʼasnin ixjunita tejkan yu
ancha machaqan va ixtatʼajun makaninin xakʼatan yu ay
lakatajtan.
\v 23 Ni Jesús va ixtijuyal la ixlhimaqspaʼ laka ay
lakatajtan taʼan ixjapuchʼanan Salomón.
\v 24 Ex ancha tamalaqachoqoxnul ni israelitas va aqtayl
talhisakmiy, va tajunil:
\p —¿Tasvanancha kilalhitaulniyau yu laqsaval? Incha va
uxintʼi ni Cristo yu lakʼulatan ni Dios chavaycha va
aqtauncha kilajuniu.
\p
\v 25 Ex jaqaltayl ni Jesús, jalakjunil:
\p —Kitʼin klajuniucha pero jantu kilalhakapuʼaniyau.
Tachun lajʼay axtoqnuʼ yu kmakay la ixtapʼasta ni kimPay
ancha ox tasuy para lay kilapumispau.
\v 26 Uxiknan jantu kiborregos kʼaʼuntʼik xlhiyucha
jantu lhakʼapʼupʼinatʼik.
\v 27 Yu kiborregos yuʼuncha kintaqalmispay. Kitʼin
vachuʼ klakmispay ni yuʼuncha, va kintatʼaʼan ni kitʼin.
\v 28 Kitʼin klaqxtaqniy jatsukunti yu jantu aqtaun
kamiʼoyaʼ. Yuʼuncha jantu aqtaun kataniyaʼ, vachu jantu
aqtaun matichun kimaxtuniyaʼ la kimakaʼ.
\v 29 Va kimPay yu kimaqxtaqnil, vamun yuʼ ay junita.
Jantu matichun lay maxtuniy la ixmakaʼ.
\v 30 Yu kimPay Dios ali kitʼin va taun kuntau.
\p
\v 31 Ex ni israelitas aaqtaun talakasakchoqol chiyux
para katalakatʼalmal.
\p
\v 32 Pero ni Jesús jalakjunil:
\p —Kun ixtapʼasta kimPay kitʼin klamasuniu lhuu axtoqnuʼ
yu lajʼay lhitapatsa. ¿Ex tisuncha yu klamasuniu yu
kilalhilakatʼalmaputunau?
\p
\v 33 Chuncha ni israelitas taqaltayl, va tajunil:
\p —Kijnan jantu klalhilakatʼalmayau por yu lajʼox lhitapatsa
yu makʼatʼi. Va klalhilakatʼalmayau por minchivinti.
Chuncha tacha naʼun ayaj tʼapʼasaniy ni Dios. Uxintʼi
valiʼiy lapanaki kʼatʼi pero makʼakʼan milaqʼaman tacha
Dios kʼaʼuntʼi.
\p
\v 34 Ni Jesús jalakjunil:
\p —La mimpalhachimoʼonkʼan ancha tsʼoqkanta yu najun
inchine: “Kitʼin klajuniu ni uxiknan va dioses untʼatʼik.”
\v 35 Yu tsʼoqmukʼakanta la ixchivinti Dios va si laqsaval.
Ancha Dios jalakjunil dioses ni anchanu lapanakni yu
jalaqmalaqachanil ixchivinti.
\v 36 Dios kilaksaklhi para kimalaqachal kakmil aniy
lakamunukpaʼ. ¿Ex valiʼiycha kilajunaucha ni kitʼin
va ktʼajun tapasaniniʼ ni Dios vamun por yu klajunau
ni kitʼin va Sasʼatʼa kunita?
\v 37 Incha kitʼin jantu kmakay ixlhitapatsa kimPay
ex jantu maqskʼiniy kilalhakapuʼaniu yu klajunau.
\v 38 Pero kitʼin aqtsʼiyaj va kmakay ixlhitapatsa ni
kimPay. Ex mas jantu kilalhakapuʼaniyau yu klajunau,
maqskʼiniy kilalhakapuʼaniu tejkan laqtsʼinatʼik ni
lhitapatsa yu kmakay. Chuncha lay ox kʼatsʼayatʼik ni
kimPay va chʼantaun junita kun kitʼin y kitʼin vachuʼ
chʼantaun kunita kun yucha.
\p
\v 39 Ex aaqtaun ixtalaqxaqamaputunchoqoy ni Jesús, pero
tamaqanqoslhi.
\p
\v 40 Ex anchoqolcha aaqtaun tus taʼan takuktachal xalaʼaxkan
Jordán taʼan Juan pʼunaj ixmaqchajʼavanan. Ex ancha
taulchalcha.
\v 41 Ancha qaynlhuvaj lapanakni ixtalaqminta ni Jesús,
va tanaul:
\p —Ni Juan yucha jantu kamasul yu lajʼay axtoqnuʼ, pero
tachun yu naul tejkan lhichivinil ni Jesús va si laqsaval
val.
\p
\v 42 Chuncha qaynlhuu lapanakni talhakapuʼal ni Jesús.
\c 11
\s Ni Lázaro nilcha
\p
\v 1 Ixʼalin qayntaun lapanaki yu ixtaqanʼay yu ixjunkan
Lázaro. Va machaqaʼ Betania ixjunita taʼan ixputaulankʼan
ixjatʼalapanakni yu junkan María ali Marta.
\v 2 Ni anchanuʼ María vachu va yuʼ yu lhilakxapanil
yu sʼejenʼe la ixchʼajaʼ ni Jalhachimoʼonuʼ Jesús ex
malakxixinil kun ixʼaji.
\v 3 Chuncha ixlaʼatʼuykʼan jatʼalapanakni tamalaqachanil
chivinti ni Jesús. Tajunil:
\p —Jalhachimoʼonuʼ, chavay ni miʼamigo taqanʼay.
\p
\v 4 Ni Jesús tejkan qasmaklhi va naul:
\p —Yu aniy taqanʼati chʼapata jantu kaʼaqxajtachal ixlhinin.
Va para kamasukal ixʼayaxtu ni Dios, vachu kiʼayaxtu
ni kitʼin yu isTsʼal kunita.
\p
\v 5 Ni Jesús ayaj ixlakpaxkay ni Marta ali ixtʼalapanaki
ali Lázaro.
\v 6 Pero vananaj taqmaqal paqtʼuy ancha taʼan ixvil
mas tajunilcha ni Lázaro taqanʼay.
\v 7 Ex astan jalakjunil yu ixjalakmalaniy:
\p —Chavay kaʼanchoqoocha aaqtaun ni Judea.
\p
\v 8 Ex yu ixjalakmalaniy tajunil:
\p —Jamalaniniʼ, jantukaʼ paqlhuu jun yu machaqan Judea
ixtalakatʼalmaputunan para katamaqnin. ¿Ex aaqtauncha
uxapʼinchʼoʼoy?
\p
\v 9 Ex jalakjunil ni Jesús:
\p —Taun julchan lhitʼajun laqakautʼuy hora. Yu tijuyal
tunkuj yucha jantu aystukkan, va lakavanan taʼan alin
xamaklku lakamunukpaʼ.
\v 10 Pero yu tijuyal lakaputsʼisniʼ yucha aystukkan,
va tsʼanqaniy maklku.
\p
\v 11 Ex astan naul:
\p —Ni kiʼamigojkʼan Lázaro chavaycha ltatay pero kteʼen
maqloʼonuʼ.
\p
\v 12 Yu ixjalakmalaniy tajunil:
\p —Jalhachimoʼonuʼ, incha valiʼiy ltatay, ex chun palay
kajunchoqoyaʼ.
\p
\v 13 Tejkan naul ni va ltatay yucha naunputun ni Lázaro
ixnitacha. Ixtʼaltanan yu ixjalakmalaniy, yuʼuncha talhilal
valiʼiy ltatati ixlhichiviniy.
\v 14 Ex ni Jesús va aaqtauncha vas jalakjunil para
katamalaqasil:
\p —Ni Lázaro yucha nitacha.
\v 15 Chavaycha kitʼin ayaj klhiʼachantajuy ni jantu
an xakvilchal. Apalay ox kaxajtachal para uxiknan para
apalay kilalhakapuʼanau. Kaʼau laqtsʼinin.
\p
\v 16 Ex ni Tomás yu ixtalhimapaqaʼuy Jachiyan va jalakjunil
ni alati ixtʼaltanan Jesús:
\p —Katʼaʼaucha ni Jesús para kanichaʼau chʼantaun kun
yucha.
\s Ni Jesús va yu jamaqloʼochoqoy janinin y yu xtaʼa jatsukunti
\p
\v 17 Tejkan chaʼalcha ni Jesús ex kʼatsal ni va paqtʼaticha
ixʼaknuy ni Lázaro.
\v 18 Ancha laka putaulan Betania, va ukstsʼuniy laka
putaulan Jerusalén, jantu kalaqchaʼal laʼatʼutu kilometro.
\v 19 Lhuvaj israelitas ixtalaqminta ni Marta ali María.
Ixtamalakaʼulaputun para jantu katamaqaninil por nil
ni Lázaro yu ixtʼalapanakkʼan.
\v 20 Tejkan Marta kʼatsal ni valaycha kachaʼal ni Jesús,
ex niman takyauʼal laqaʼiniʼ. Yu María vananaj tamakaul
ixpulakna la ixchaqaʼ.
\v 21 Ni Marta junil ni Jesús:
\p —Jalhachimoʼonuʼ, incha aniy ixtʼaʼul ex ni kintʼalapanakkʼan
ka jantu ixnil.
\v 22 Pero kitʼin ijkʼatsay ni uxintʼi, tachun yu chavaycha
kʼaskʼiniyeʼe ni Dios, yucha kamaqxtaqniyan.
\p
\v 23 Ex ni Jesús qaltayl va junil:
\p —Yu mimpʼisaqa yucha kakujchoqoyaʼ laka janinin.
\p
\v 24 Ex qaltaychoqol ni Marta, va naul:
\p —Chun, kitʼin ijkʼatsay ni kakujchoqoyaʼ ni kimpʼisaqa,
astan tejkan katakujchoqoyaʼ ni janinin, tejkan katamaktayacha
ni lakamunukpaʼ.
\p
\v 25 Ex ni Jesús junil:
\p —Va kitʼin klaqmaqloʼoy ni janinin, vachu kxtaʼa ni
jatsukunti. Ex taʼayuʼ yu kilhakapuʼal ni kitʼin mas
kanil katsukuchoqoyaʼ aaqtaun.
\v 26 Tachun yu alin ixjatsukuntikʼan, incha kintalhakapuʼan,
ex yuʼuncha jantu aqtaun kataniyaʼ. ¿Lhakʼapʼupʼin yu
aniy?
\p
\v 27 Ex ni Marta junil:
\p —Chun, Jalhachimoʼonuʼ, kitʼin klhakapuʼan ni uxintʼi
va yu Cristo kʼatʼi yu Sasʼatʼa Dios unitʼa yu ixmaqskʼiniy
kamil aniy lakamunukpaʼ.
\s Qalhun ni Jesús
\p
\v 28 Tejkan chuncha junʼol va nimancha takyauʼal juntaʼin
ixtʼalapanaki María. Ex saq junil:
\p —Ni jamalaniniʼ aniy yal, va tʼachivinputunan.
\p
\v 29 Tejkan chuncha qasmaklhi ni María va nimancha
takyauʼostaulal, va laqʼal ni Jesús.
\v 30 Ni Jesús jantukaʼ ixtanuyachal ni laka putaulan,
vananaj an ixyal taʼan Marta paxtoqlhi.
\v 31 Tejkan takyauʼostaulal ni María, y niman taxtul
la ixchaqaʼ, ex ni israelitas yu ancha ixtatʼajun malakaʼulanan,
tatʼaʼal, ixtalhilay va al qalhuʼ laka putaknun.
\p
\v 32 Tejkan chaʼal taʼan ixyal ni Jesús ex ni María
niman taʼaqtsoqoqtanil, va junil:
\p —Jalhachimoʼonuʼ, incha va aniy ixtʼaʼul ex ni kimpʼisaqa
Lázaro ka jantu ixnil.
\p
\v 33 Ex ni Jesús va laqtsʼil ayaj qalhun ni María, vachuʼ
ixtaqalhun ni israelitas yu tatʼamil, ex tus xkanil ixjalhanuti.
\p
\v 34 Ex jalhisakmil, va jalakjunil:
\p —¿Tas ancha xamaknuyatʼikcha?
\p Va tajunil:
\p —Katʼatʼi laqtsʼiniʼ, Jalhachimoʼonuʼ.
\p
\v 35 Ex qalhul ni Jesús.
\v 36 Ex ni israelitas tanaul:
\p —Kʼalaqtsʼintʼik. Ni yucha ayaj ixʼachaniy ni Lázaro.
\p
\v 37 Alati vachu tanaul:
\p —Yu aniy yucha lay malakavaniy laʼachʼix. Ka lay ixkʼuchʼul
para jantu ixnil ni Lázaro.
\s Ni Lázaro kujchoqol laka putaknun
\p
\v 38 Ni Jesús ixmaqaninijʼanta ni laka putaknun. Ni
putaknun va taun poqapaj talpa ixpumalakchaukanta laqataun
ay chiyux.
\v 39 Chuncha ni Jesús naul:
\p —Kʼamaʼosutʼikcha ni chiyux.
\p Ex ni Marta yu ixtʼalapanaki ni lijunto Lázaro niman
naul:
\p —Jalhachimoʼonuʼ, chavay ka ayaj akamincha, va paqtʼaticha
xajun tejkan nil.
\p
\v 40 Ni Jesús junil:
\p —Kitʼin kunin incha kʼalhakʼapʼupʼineʼe ex kʼalaqtsʼineʼe
ixʼayaxtu ni Dios.
\p
\v 41 Ex tamaqosul ni chiyux, ex ni Jesús talaqstʼal
laktʼiyan, va naul:
\p —KimPay Dios, kitʼin kxtaqniyan lhimalaqpuchuncha ni
uxintʼi kʼiʼalasmatʼa.
\v 42 Kitʼin ijkʼatsay ni uxintʼi va si ox kʼiʼalasmatʼa.
Va chuncha knajun para kataqasmaklhi tachun ni lapanakni
yu aniy tayanal, para katalhakapuʼal ni uxintʼi kʼimalaʼachʼatʼi
aniy lakamunukpaʼ.
\p
\v 43 Astan tejkan chuncha naul ex ayaj pʼays chivinil,
va naul:
\p —¡Lázaro, katʼaxtʼucha ni anchanu laka putaknun!
\p
\v 44 Ex ni lijunto Lázaro va tsʼalaj taxtul ni laka
putaknun. Va ox jamaqchʼinti y jachʼanchʼinti ixjunita
kun laqchʼiti. Vachuʼ ixʼukxpuʼ ox jalaqapupaqanti ixjunita.
Ex ni Jesús jalakjunil:
\p —Kʼamaqxʼoqtʼik, kachʼanxʼoqtʼik, ex kʼaxtʼaqnitʼik lakatin
kaʼal.
\s Chʼantaun tamakal ixjatapastakʼatkʼan para chuncha lay katapuchʼapachal ni Jesús
\r (Mt. 26:1-5; Mr. 14:1-2; Lc. 22:1-2)
\p
\v 45 Tejkan chuncha makal ni Jesús ayaj lhuu israelitas
yu tatʼachaʼal ni María, yuʼuncha talaqtsʼil, ex talhakapuʼal.
\v 46 Pero lati niman taʼal laqputeʼeninin ni fariseos
yu makal ni Jesús.
\v 47 Ex ni fariseos ali yu xaʼukxtinin kuras, vachu
yu xalajʼaynin jalhachimoʼonun va chʼantaun tataqxtoqlhi.
Chuncha talajunil siya yuʼuncha:
\p —¿Chavay tas kalayaucha ni kijnan? Ni anu lapanaki
tʼajun masunuʼ lhuu axtoqnuʼ yu lajʼay yu jantu aqtaun
laqtsʼinkan.
\v 48 Incha kaxtaqniyau lakatin chuncha tacha lay ex
tachun ni lapanakni si katalhakapuʼanaʼ. Ex yu talhachimoʼonun
yu machaqan Roma kataminaʼ, katalaqmaqtayaʼ yu ay kilakatajtankʼan,
vachu katalaktʼilhiyaʼ taʼakapuchun kimputaulankʼan.
\p
\v 49 Exnicha anchanuʼ jachʼitin ixʼalin qayntaun kuraj
yu ixjunkan Caifás yucha jalakjunil:
\p —Uxiknan jantu tuʼuchun kʼatsʼayatʼik.
\v 50 Jantu malaʼasiyatʼik. Apalay ox kaxajchal para
kijnan incha kanil qayntaun por yu alati lapanakni, para
jantu tachun katsʼanqau.
\p
\v 51 Ni Caifás jantu xʼaman chuncha kanaul. Yucha va
xaʼukxtin kura ixjunita ni anchanuʼ jachʼitin. Ni Dios
va xtaqnil ixchivinti para kanaul ni Jesús va maqskʼiniy
kanil por yu israelitas.
\v 52 Vachu jantu vamun por yuʼuncha kaniyaʼ. Vachuʼ
maqskʼiniy kanil por tachun ni sasʼatʼan Dios yu valiʼiy
tʼikl taputaukʼata lakamunukpaʼ.
\v 53 Exnicha ni israelitas yu ixtalhachimoʼonun va
chʼantaun taval para katamaqnil ni Jesús.
\p
\v 54 Xlhiyucha ni Jesús jantucha ixtijuyal taʼan ixtatijuyanal
ni xajalhachimoʼonun israelitas. Va taxtulcha xalakatʼun
Judea, alcha lakataun putaulan yu junkan Efraín lakakʼavinan.
Ancha tamakaulcha kun ixtʼaltanan yu ixjalakmalaniy.
\p
\v 55 Va ixtaʼukstsʼuniy ni Paxku yu ay ixkʼatankʼan
ni israelitas. Lhuvaj lapanakni ixtataxtutacha la ixputaulankʼan.
Ixtaʼantacha laka putaulan Jerusalén. Yuʼuncha pʼunaj
ixtachaʼamajʼan yu jantu ox tacha ixlhinajun la ixlhachimoʼonkʼan
para lay katatanul ni laka kʼatan.
\p
\v 56 Ancha ixtatʼajun lakxkaunan ni Jesús. Tejkan ixtatanuy
ixpulakna ni laka ay lakatajtan, si ixtalalhisakmiy siya
yuʼuncha:
\p —¿Tas lhilayatʼikcha? ¿Kaminaʼ u jantu?
\p
\v 57 Ni fariseos ali yu xaʼukxtinin kuras ixtachʼiputun
ni Jesús. Incha matichun kakʼatsal taʼan kataulal, yuʼuncha
ixtalhinajunta ni kalhitaulal para lay katachʼil.
\c 12
\s Ni Jesús lhichʼanxapakal kʼuchʼu yu ayaj sʼej ixʼakamin
\r (Mt. 26:6-13; Mr. 14:3-9)
\p
\v 1 Tejkan vananaj istsʼanqay paqchaxan para kalakachaʼal
ni xakʼatan Paxku, ex ni Jesús alcha laka putaulan Betania,
taʼan ixvil ni Lázaro yu majkujuchoqol la ixputaknun
tejkan ixnitacha.
\v 2 Ancha tamakal taun lakvayti para ixlhitoʼoyakan
ni Jesús. Ni Marta yucha ixmujuy yu ixtaʼuy. Yu Lázaro
chʼantaun ixtʼavil laka mesa ni Jesús.
\v 3 Ex ni María lhimil laʼatʼutu ciento gramos yu pʼays
sʼejenʼe yu ayaj laqlhuu xtapal ixjunita. Chuncha lhichʼanxapal
ni Jesús. Ex astan malakxixinichoqol kun ixʼaji. Tus
taʼakchun ixpulakna ni chaqaʼ la sʼej ixʼakamin.
\v 4 Ex ni Judas Iscariote, istsʼal Simón yu kamaqxtaqyaʼ
ni Jesús, ancha ixyal chʼantaun kun yu alati ixtʼaltanan
ni Jesús, va naul:
\p
\v 5 —¿Valiʼiycha jantu kastʼakal yu sʼejenʼe? Yucha
lay ixlhistʼati tacha talhajay pumatʼutu ciento oqxtamatin
por paqtamin. Ex lay ixjalaqxtʼaqnin kilpatanin.
\p
\v 6 Mas chuncha naul ni Judas yucha jantu laqsaval
ixjalakmapayniy ni kilpatanin, va alhavanaʼ ixjunita.
Ni bolsa yu ixtapumujuy tumin yu ixtaxtaʼa ni lapanakni,
va yucha ixlhitʼajun ex ancha ixʼalhaumaxtuy.
\p
\v 7 Ex ni Jesús va junil:
\p —Kʼamakʼaucha. Ni yucha aqtsʼiyaj va ixlhilkamaʼata
para kaklhilakaxapakal tejkan kakniyaʼ.
\v 8 Yu kilpatanin va tacha kaʼalinacha kun uxiknankʼan,
pero yu kitʼin jantucha maqan kaklatʼaʼalinau.
\s Talhilakchiviniy ni Lázaro
\p
\v 9 Pumalhuvaj israelitas takʼatsal ni Jesús ixvilchal
Betania. Ex taʼal laqtsʼinin pero vachu taʼal va para
katalaqtsʼil ni Lázaro yu majkujuchoqol la ixputaknun
tejkan ixnitacha.
\v 10 Ex ni xaʼukxtinin kuras vachu ixtamaqniputun ni
Lázaro.
\v 11 Va por majkujuchoqokal ni Lázaro ayaj qaynlhuucha
israelitas ixtalhakapuʼan ni Jesús, ixtatʼajun tamakauntʼaʼanan
ni xaʼukxtinin kuras.
\s Ni Jesús chaʼal Jerusalén
\r (Mt. 21:1-11; Mr. 11:1-11; Lc. 19:28-40)
\p
\v 12 Lhuu lapanakni tachaʼal ancha Jerusalén taʼan
laka kʼatan Paxku. Ataun julchan val, takʼatsal ni ancha
ixʼantacha ni Jesús.
\v 13 Chuncha talajʼexʼil xaxqoy chʼapʼa ex taʼalcha
tastukʼinin, tanaul:
\p —¡Kilamalaqtaxtuyau! ¡Katoʼoyakal yu minta la ixtaqaʼuti
ni Dios! ¡Yucha va xaJalhachimoʼonuʼ Israel!
\p
\v 14 Ni Jesús temal laqataun burro ex putaukʼalhaʼal,
chuncha tacha najun taʼan istsʼoqkanta la ixchivinti
Dios:
\q
\v 15 Jantu katʼalhanantʼik ni uxiknan yu machaqan Jerusalén
untʼatʼik.
\q Kʼalaqtsʼintʼik ni miJalhachimoʼonukʼan,
\q putaukʼalhiminta laqataun sasʼatʼa burra.
\p
\v 16 Tejkan chuncha val, ixtʼaltanan ni Jesús yu ixjalakmalaniy
jantu katamalaqasil tachun yu ixtʼajun tapasanaʼ. Astan
tejkan ni Jesús anchoqol laktʼiyan ex tapastakchoqol
yu chuncha istsʼoqkanta. Ex takʼatsal va ixlhichiviniy
ni Jesús kun tachun yu tapasal.
\p
\v 17 Ni lapanakni yu talaqtsʼil ni Jesús tejkan tʼasanil
ni Lázaro y majkujuchoqol la ixputaknun, yuʼuncha ixtalaqputeʼechoqoy
tacha yu tapasal.
\v 18 Xlhiyucha ni lapanakni niman taʼal tastukʼinin.
Takʼatsal ni ixmakata ni anchanuʼ ay axtoqnuʼ yu masul
ixtapʼasta.
\v 19 Ni fariseos ixtalajuniy siya yuʼuncha:
\p —Kʼalaqtsʼintʼik, ni kijnan jantucha tuʼuchun lay xamakayau.
Tachun ni lapanakni tatʼaʼanta.
\s Lati yu ixtachiviniy griego talakxkajuy ni Jesús
\p
\v 20 Lati lapanakni yu ixtaʼanta ni laka kʼatan ancha
Jerusalén va griegos ixtajunita.
\v 21 Yuʼuncha talaqʼal ni Felipe yu machaqaʼ laka putaulan
Betsaida xalakatʼun Galilea, va tajunil:
\p —Kijnan klaqtsʼinputunau ni Jesús.
\p
\v 22 Ex ni Felipe niman chuncha al juniniʼ ni Andrés,
ex ixlaʼatʼuykʼan chuncha taʼal makʼatsaninin ni Jesús.
\v 23 Ex chuncha ni Jesús jalakjunil:
\p —Chavay lakachilcha hora tejkan ay kakmakakanaʼ ni
kitʼin yu kval Sasʼatʼa Lapanaki.
\v 24 Kitʼin vas klajunau ni laqataun xatʼin trigo incha
jantu patajuy lakatʼun para kataknul ex jantu tuʼuchun
xtaʼa, va xʼamancha. Pero incha patajuy y taknuy ex talhavaʼan,
va xtaʼa lhuu xaʼunikan.
\v 25 Taʼayuʼ yu ayaj achaniy ixjatsukunti aniy lakamunukpaʼ,
yucha astan kamaqatsʼanqayaʼ. Pero yu maqxtaqtacha ixjatsukunti
aniy lakamunukpaʼ yucha kalhajaʼiyaʼ xajatsukunti laktʼiyan
yu jantu aqtaun kamiʼoyaʼ.
\v 26 Incha matichun kintapatsaniputun ex maqskʼiniy
kintʼaʼal. Taʼan kaktaulaʼ ni kitʼin ex yucha vachuʼ
ancha kataulaʼ. Yu kintapatsaniyaʼ yucha vachu katoʼoyakanaʼ,
ni kimPay ay kamakayaʼ.
\s Ni Jesús laqputeʼey ixlhinin
\p Ni Jesús taylhaʼal ixchivinti, va naul:
\p
\v 27 —Chavaycha aniy hora ayaj kmaqaninin, tus taʼexpatajuy
kelhanuti. ¿Suncha tsʼanqay kakskʼinil kimPay? ¿Va kakskʼinil
para kimalaqtaxtul ni aniy maqanlqajnati? Jantu, va para
yucha kminta ni aniy lakamunukpaʼ.
\v 28 KimPay kʼatʼi, ay kʼamakʼakʼa para katoʼoyakal
mintaqaʼuti.
\p Ex niman qasmakkal laqataun chivinti tus laktʼiyan,
va naul:
\p —Chavaycha kitʼin aycha kmakakanta para kintatoʼoyal
ni lapanakni. Aaqtaun kaklakmasunichoqoyaʼ kiʼayaxtu.
\p
\v 29 Ni lapanakni yu ancha ixtayanal talhilal va jamaxkan
makatʼaul. Alati ixtalhilay va qayntaun ixmayul Dios
tʼachivinil ni Jesús.
\p
\v 30 Ex ni Jesús jalakjunil:
\p —Ni aniy chivinti yu xachivinkan jantu va para kitʼin
kaval, va para uxiknankʼan.
\v 31 Chavaycha lakachincha julchan tejkan kamukʼakanaʼ
ixlaqtaqalkʼan xalapanakni lakamunukpaʼ. Chavay kalaqtinaqxtukanacha
yu xajalhachimoʼonuʼ ni aniy lakamunukpaʼ.
\v 32 Kitʼin tejkan kakmukʼakanaʼ talman aniy lakamunukpaʼ,
kaklaktʼasaniʼoyacha tachun ni lapanakni ni kintalaqmil.
\p
\v 33 Chuncha naul ni Jesús para katamalaqasil tacha
kapuniyaʼ.
\v 34 Ni lapanakni taqaltayl, tajunil:
\p —Kijnankʼan ijqasmatʼaucha ni Cristo yu kalakʼulayaʼ
Dios, yucha katsukuʼalhiyaʼ. ¿Valiʼiycha naʼuncha ni
Sasʼatʼa Lapanaki kamukʼakanaʼ talman? ¿Tasʼayucha ni
anchanuʼ yu val Sasʼatʼa Lapanaki?
\p
\v 35 Chuncha ni Jesús jajunil:
\p —Chavaycha vananaj kataulaʼ kun uxiknan ni maklku yu
mapulkuy. Pero jantucha paqlhuu tsʼanqay para kaʼal.
Chavaycha vananaj alin ni maklku xlhiyucha maqskʼiniy
katʼiʼuntʼayatʼik. Chuncha jantu vak kakʼatsʼanapitik
tejkan kaputsʼisaʼ. Yu tijuyal lakaputsʼisni yucha jantu
kʼatsay taʼan puʼan.
\v 36 Ni kitʼin yu xamaklku kunita, vananaj klatʼavilanau.
Ex kʼalhakʼapʼupʼintʼik ni maklku yu mapulkuy. Chuncha
kʼatsʼukʼuyapitik la kimaklku.
\p Tejkan chuncha naunʼol ni Jesús, va al, va jatamaqsaqnilcha
taʼan ixtayanal.
\s Ni lapanakni jantu katalhakapuʼal ni Jesús
\p
\v 37 Ni Jesús mas ixjalakmasunitacha lhuu axtoqnuʼ
yu jantu aqtaun ixtalaqtsʼin, jantu ixtalhakapuʼan.
\v 38 Va maqskʼiniy chuncha katapasal tacha tsʼoqlhi
ni Isaías yu maqancha ixlaqputeʼey ixchivinti Dios, yu
najun inchineʼ:
\q Jalhachimoʼonuʼ, ¿tasʼayucha lhakapuʼalcha yu kijnankʼan
klaqputeʼeyau?
\q ¿Maticha lay kalaqtsʼil ixtapʼasta ni Dios?
\p
\v 39 Xlhiyucha jantu lay ixtalhakapuʼan. Ni Isaías
vachu tsʼoqlhi yu najun inchineʼ:
\q
\v 40 Ni Dios jalakmakal laʼachʼixin, vachuʼ pʼays jalakmakanil
ixjalhanutkʼan
\q para jantu katalakavanal
\q y jantu katamalaqasil la ixjalhanutkʼan.
\q Vachu jantu taʼuxamin kun kitʼin para palay kaklakmakal
la ixtaqanʼatkʼan.
\m
\v 41 Tejkan chuncha tsʼoqlhi ni Isaías lhichivinil
ni Jesús, va laqtsʼil ixʼayaxtu.
\p
\v 42 Qaynlhuu lajʼay lapanakni talhakapuʼal ni Jesús,
pero jantu tsij ixtanajun. Ixtatalhauniy ni fariseos,
ixtalhilay ni va lay kalaqtinaqxtukal ni laqa chaqaʼ
taʼan ixtataqxtoʼa ni israelitas.
\v 43 Apalay ixtamaqamay lajʼay kataval kun ni lapanakni
xajantu kun Dios.
\s Ixchivinti ni Jesús mukʼaniy maqanlqajnati ni lapanakni
\p
\v 44 Ni Jesús pʼays chivinil, va naul:
\p —Yu kilhakapuʼan ni kitʼin vachu lhakapuʼan yu kimalaqachata.
\v 45 Yu kilaqtsʼin ni kitʼin vachuʼ laqtsʼin yu kimalaqachata.
\v 46 Kitʼin kminta tacha taun maklku yu mapulkuy aniy
lakamunukpaʼ para kajkamapulkunil ni lapanakni yu kintalhakapuʼan.
Ex jantucha katatamakaul lakaputsʼisni.
\v 47 Vachu yu qasmatʼa kinchivinti pero jantu makay
kuenta, yucha jantu kitʼin kmukʼaniy maqanlqajnati. Kitʼin
jantu kakmil mukʼaniniʼ maqanlqajnati ni lapanakni aniy
lakamunukpaʼ. Va kminta para kajkalaqmalaqtaxtul.
\v 48 Vachu yu jantu kilhiʼajin y jantu laqaʼiy kinchivinti
yucha alincha yu kamukʼaniyaʼ ixmaqanlqajnati. Tejkan
kamiʼoyaʼ ni lakamunukpaʼ exnicha kamukʼanikanaʼ maqanlqajnati
por ni chivinti yu kitʼin knaul.
\v 49 Kitʼin jantu kchiviniy kilaqʼaman, ni kimPay yu
kimalaqachal yucha kilhijunil yu maqskʼiniy kaknaul,
vachuʼ yu kakmasul.
\v 50 Kitʼin ox kʼatsay tachun yu kilhijuniy kakmakal
ni kimPay, yucha va para kaʼalil jatsukunti yu jantu
aqtaun kamiʼoyaʼ. Xlhiyucha tachun yu knajun va yu kimPay
kilhijuniy.
\c 13
\s Yu Jesús jalakchʼanchaʼal ni pumakautʼuy yu ixjalakmalaniy
\p
\v 1 Va laycha kachil ni Paxku yu ay ixkʼatankʼan ni
israelitas. Exnicha ni Jesús ox ixkʼatsay ni laqchaʼalcha
ixhora para kamakauntijlalcha ni aniy lakamunukpaʼ.
Ixkʼatsay ni kaʼanchoqoyacha taʼan vilchal ixPay. Yucha
ayaj ixlakʼachaniy ixlapanakni yu ixtʼatiʼukxuyanal
aniy lakamunukpaʼ, jantu aqtaun kamiʼol ixjapaxkanti.
\v 2 Va laycha kaʼaqtaynil ni vayti. Exnicha ni xaʼukxtin
aqmoqxnuʼ ixlhimanunita la ixjatapastakʼati ni Judas
Iscariote yu istsʼal Simón para kamaqxtaqlhi ni Jesús.
\v 3 Yu Jesús oxicha ixkʼatsay ni yucha va kun Dios
ixmintachal, y kaʼanchoqoyaʼ kun yucha. Vachuʼ ixkʼatsay
ni ixPay maqxtaqniʼol la ixtamakaʼ tachun yu alin para
kalhichimoʼol.
\v 4 Ex ostayal taʼan ixtatʼajun vaynin, majʼal ixlaqchʼiti
yu ixmulata y lhitampachʼikal aqxtaun toalla.
\v 5 Ex pulal taun paxutu xkan aqtayl lakchʼanchaʼay
ni pumakautʼuy yu ixjalakmalaniy. Ex jalakmachʼanxixil
kun ni toalla yu ixlhitampachʼikanta.
\v 6 Tejkan ixchʼanchaʼaputun ni Simón Pedro ex yucha
niman junil ni Jesús:
\p —¿Valiʼiycha ni uxintʼi va kitʼin kʼinchʼanchʼaʼayeʼe?
\p
\v 7 Ex ni Jesús qaltaychoqol ni Pedro, va junil:
\p —Chavaycha jantu malaʼasiy yu ktʼajun makan ni kitʼin,
pero astan ex kʼamalaʼasiyeʼe.
\p
\v 8 Ex ni Pedro naul:
\p —Kitʼin jantu aqtaun kakxtaqniyan lakatin kʼinchʼanchʼaʼatʼi.
\p Ex ni Jesús aaqtaun qaltaychoqol, va junil:
\p —Incha jantu kakchʼanchaʼayan ex jantu lay chʼantaun
kʼaʼuneʼe kun kitʼin.
\p
\v 9 Ex chuncha ni Simón Pedro junil:
\p —Jalhachimoʼonuʼ, ex jantu vamun kinchʼajaʼ kʼinchʼaʼanin.
Vachuʼ kʼinchʼaʼanin kimakaʼ ali kiʼaqtsul.
\p
\v 10 Chuncha ni Jesús aaqtaun qaltaychoqol, va junil:
\p —Taʼayuʼ yu ox laqachaʼata yucha jantu maqskʼiniy kalaqachaʼakal
taʼakchun, vamun ixchʼajaʼ. Ox junita taʼakchun la ixlakatunaj.
Uxiknan lajʼoxin untʼatʼik mas jantu mintachunkʼan.
\p
\v 11 Ni Jesús ox ixkʼatsay xaqayntaun ni yuʼuncha kamaqxtaʼaʼ,
xlhiyucha naul ni jantu tachun lajʼoxin.
\v 12 Ni Jesús tejkan jalaqchʼanchaʼaʼolcha ex ulachoqolcha
ni ixlaqchʼiti ex anchoqolcha taul ni laka mesa, chuncha
jalakjunil:
\p —¿Malaʼasiyatʼik yu xaklamakaniyau?
\v 13 Uxiknan kilajunau ni kitʼin va jamalaniniʼ kunita,
vachuʼ kilajunau jalhachimoʼonuʼ. Laqsaval ixlaqmiti
chuncha kilajuniu, va yucha kunita.
\v 14 Ni kitʼin kunita miJamalaninikʼan, vachuʼ miJalhachimoʼonukʼan
kunita. Xlhiyucha incha klachʼanchaʼau ex ni uxiknan
vachuʼ maqskʼiniy kʼalachʼanchʼaʼatʼik.
\v 15 Ni kitʼin klamasuniu va para kilalaqtsʼixtuu.
Ex vachu chun kʼamakʼatʼik tacha kmakal kitʼin.
\v 16 Ni kitʼin klajunau yu laqsaval. Qayntaun oqxtamati
yucha jantu ay kaval tacha ixʼukxtin. Vachuʼ yu jamalaqachanan
apalay ay xajantu yu malaqachakan.
\v 17 Ex chuncha incha malaʼasiyatʼik tachun yu aniy,
ex katsʼukʼuyapitik kun achati tejkan chuncha kʼamakʼayapitik.
\v 18 Pero jantu mintachunkʼan klalhichivinau. Kitʼin
ox klamispayau ni uxiknan yu klalaksaktau. Chuncha tacha
tsʼoqkanta la ixchivinti Dios maqskʼiniy chuncha katapasal,
yu najun inchineʼ: “Yu kintʼavajin chʼantaun kun kitʼin
chavay kimakay ixtʼalaxkayaʼ.”
\v 19 Chuncha klajuniu chavaycha mas jantukaʼ tapasay.
Ex tejkan chuncha katapasayaʼ lay kalhakʼapʼupʼinapitik
ni tasʼayucha kunita ni kitʼin.
\v 20 Laqsaval kitʼin klajunau, taʼayuʼ yu ox kalaqaʼiyaʼ
yu kmalaqachay ni kitʼin, yucha vachu kilaqaʼiy ni kitʼin.
Yu kilaqaʼiy ni kitʼin, yucha vachuʼ laqaʼiy ni kimPay
yu kimalaqachal.
\s Ni Jesús najun ni kamaqxtaqkanaʼ
\r (Mt. 26:20-25; Mr. 14:17-21; Lc. 22:21-23)
\p
\v 21 Tejkan chuncha naul ni Jesús ayaj pʼays jamaqaninil
la ixjalhanuti. Ex vas laklhitaulnil yu ixpastakʼa, va
naul:
\p —Kitʼin vas klajunau, xaqayntaun ni uxiknankʼan chavay
kimaqxtaqyacha.
\p
\v 22 Chuncha ixtʼaltanan yu ixjalakmalaniy aqtayl sniy
talalaqtsʼin siya yuʼuncha, pero jantu ixtakʼatsay tasʼayucha
yu ixtʼajun lhichivin.
\v 23 Ni Jesús ayaj ixʼachaniy qayntaun ni yuʼuncha
y yucha ixtʼajun vayaʼ taʼan apeʼextaun taʼan ixvil
ni Jesús.
\v 24 Ex ni Simón Pedro majkunil ni anchanu lapanaki
para kalhisakmil ni Jesús tasʼayucha yu ixtʼajun lhichivin.
\p
\v 25 Ex ni anchanuʼ lapanaki niman taʼukstsʼuninil
ni Jesús ex lhisakmil, va junil:
\p —Jalhachimoʼonuʼ, ¿tasʼayucha lhichʼiviniy ni uxintʼi?
\p
\v 26 Ni Jesús qaltayl, va junil:
\p —Kajkʼavayaʼ lakatsʼuniy ni pan. Yu kakxtaqniyaʼ, va
yucha klhichiviniy.
\p Tejkan chuncha aval ni ixpan, va xtaqnil ni Judas Iscariote
yu istsʼal Simón.
\v 27 Tejkan laqaʼil ni pan ni Judas, ex ni Satanás nimancha
laqtanul. Ex junkal, naul ni Jesús:
\p —Yu kʼamakʼayeʼe, nimancha kʼamakʼatʼi.
\p
\v 28 Yu ixtatʼajun vaynin laka mesa jantu katamalaqasil
tacha junil ni Jesús.
\v 29 Ni Judas ixpaxtoqniy kamaʼal ixtuminkʼan. Ex lati
talhilal va iskʼinikan tumin ni Judas para katalhiʼil
axtoqnuʼ para yu kʼatan o para kalaqxtaqnil kilpatanin.
\v 30 Chuncha tejkan ni Judas laqaʼil ni pan va nimancha
taxtul. Ni anchanuʼ hora ixputsʼistacha.
\s Yu saystʼi lhachimoʼon
\p
\v 31 Tejkan taxtul ni Judas ex ni Jesús naul:
\p —Chavaycha katasuyaʼ kiʼayaxtu ni kitʼin yu kval Sasʼatʼa
Lapanaki, vachuʼ la ketsukunti katasuyaʼ ixʼayaxtu ni
Dios.
\v 32 La ketsukunti ni katasuyaʼ ixʼayaxtu ni Dios, xlhiyucha
yu Dios kamasuyaʼ kiʼayaxtu kitʼin y jantucha kataqmaqayaʼ.
\v 33 Kesʼatʼan, kitʼin jantucha apalay kaktaqmaqayaʼ
kun uxiknan. Uxiknan kilalakxkauyau pero vachu chun
klajunau tacha klakjunil mintʼaʼisraelitaskʼan: uxiknan
jantu lay kapʼinapitik taʼan kitʼin kajkʼanaʼ.
\v 34 Chavaycha klalhijunau taun saystʼi putsuku. Kʼalapʼaxkʼatʼik
vachu chun tacha kitʼin klapaxkau.
\v 35 Incha lapʼaxkʼayatʼik ex tachun ni lapanakni katakʼatsayaʼ
ni va laqsaval kintʼaltanan untʼatʼik yu klamalaniyau.
\s Ni Jesús najun ni Pedro va kanaunaʼ ni jantu mispay ni yucha
\r (Mt. 26:31-35; Mr. 14:27-31; Lc. 22:31-34)
\p
\v 36 Ni Simón Pedro lhisakmil ni Jesús, va junil:
\p —Jalhachimoʼonuʼ, ¿tas ancha tʼipʼincha?
\p Ex ni Jesús qaltayl, va junil:
\p —Taʼan kitʼin kteʼen chavaycha jantu lay kʼapʼineʼe
pero astan ex chun lay kapʼineʼe.
\p
\v 37 Ex ni Pedro qaltayl, va junil:
\p —Jalhachimoʼonuʼ, ¿valiʼiycha chavay jantu lay kaktʼaʼanan?
Kitʼin kxtaqkan mas tus kakmaqxtaqlhi ketsukunti por
uxintʼi.
\p
\v 38 Ex ni Jesús junil ni Pedro:
\p —¿Laqsaval xtʼaqkʼan mas tus kʼamaqxtʼaqtʼi metsukunti
por kitʼin? Kitʼin laqsaval kunan tejkan jantukaʼ tʼasay
ni puyux uxintʼi aqtʼutu kʼanauneʼe ni jantu kʼimispʼay.
\c 14
\s Ni Jesús va xatin junita para lay kachʼipʼi kun kimPay Dioskʼan
\p
\v 1 Ni Jesús taylhaʼal ixchivinti, jalakjunil:
\p —Jantu kʼamaʼaninintʼik ni uxiknan la melhanutkʼan,
kʼalhakʼapʼupʼintʼik ni Dios, vachu kilalhakapuʼau ni
kitʼin.
\v 2 Taʼan vilchal ni kimPay ayaj lhuu jachaqan alin
taʼan lay katʼaʼul. Yu va jantu ixʼalil ex kitʼin xaklajuniu.
Kitʼin kajkʼanacha jalaqlaʼoxin taʼan lay katʼaulatʼik.
\v 3 Astan tejkan kaklaʼoxiʼoyacha taʼan katʼaulapitik
ex kakminchoqoyaʼ, kaklalhaʼanau para katʼaulatʼik chʼantaun
kun kitʼin taʼan kaktaulaʼ.
\v 4 Uxiknan mispʼayatʼik taʼan kitʼin kajkʼanaʼ, vachuʼ
mispʼayatʼik ni lakatin.
\p
\v 5 Chuncha ni Tomás junil ni Jesús:
\p —Jalhachimoʼonuʼ, kijnan jantu ijkʼatsayau taʼan uxintʼi
kapʼineʼe. ¿Tas lay kakpumispaucha ni lakatin?
\p
\v 6 Chuncha ni Jesús qaltaychoqol, va junil:
\p —Va kitʼin kunita yu ox lakatin, va kitʼin kmasuy yu
laqsaval, va kitʼin kxtaʼa yu jatsukunti. Jantu lay kachʼipʼi
taʼan vilchal kimPay Dios incha jantu kʼilaʼaʼitʼi ni
kitʼin.
\v 7 Va ixkilamispau taʼayucha ni kitʼin ex yu kimPay
vachu ixmispʼatʼik. Mas chavaycha mispʼayatʼikcha, va
tʼaunatʼikcha laqtsʼinin.
\p
\v 8 Ex ni Felipe junil:
\p —Jalhachimoʼonuʼ, kilamasuniu ni kimPay Dioskʼan, va
yucha kalhitaulacha kejalhuntkʼan.
\p
\v 9 Ex qaltaychoqol ni Jesús, va junil:
\p —Felipe, maqancha ktijuyal kun uxiknan. ¿Mas chavaycha
jantukaʼ kilamispayau? Taʼayuʼ yu kilaqtsʼin ni kitʼin,
vachu laqtsʼin kimPay. ¿Valiʼiycha kʼilhiʼuniycha kaklamasuniu
ni kimPaykʼan?
\v 10 ¿Jantu lhakʼapʼupʼin ni kitʼin va chʼantaun kunita
kun kimPay, vachu yucha chʼantaun junita kun kitʼin?
Tachun yu klajunau jantu klajunau keʼeman. Ni kimPay
yu vil chʼantaun kun kitʼin va yucha makay ixlhitapatsa
la kijatsukunti.
\v 11 Kʼalhakʼapʼupʼintʼik ni kitʼin va chʼantaun kunita
kun kimPay, yucha vachuʼ chʼantaun junita kun kitʼin.
Incha jantu lhakʼapʼupʼinatʼik, maqskʼiniy kʼamakʼatʼik
kuenta tachun yu lajʼay axtoqnuʼ yu kmakay, ex lay kʼalhakʼapʼupʼintʼik.
\v 12 Kitʼin vas klajunau, ni lapanaki yu kilhakapuʼan,
yucha vachu kamakayaʼ ixlhitapatsa tacha yu kmakay kitʼin.
Chavay kajkʼanacha taʼan vilchal kimPay, xlhiyucha yu
kilhakapuʼan kamakayaʼ apalay lajʼay axtoqnuʼ.
\v 13 Tachun yu kaskʼinapitik la kintaqaʼuti, kitʼin
kaklaxtaqniyau. Chuncha lay kakmasul ni kitʼin tas junitacha
ixʼayaxtu ni kimPay.
\s Ni Jesús najun kamalaqachayaʼ ni Espíritu Santo
\p Ni Jesús vachu naul:
\p
\v 14 —Mas va tuʼuchuncha kaval yu kilaskʼiniyau la kintaqaʼuti,
kitʼin si kakmakayaʼ.
\v 15 Incha kilaʼachaniyau ni kitʼin, ex kamakʼatʼik
tacha klhinajun.
\v 16 Kitʼin kakskʼiniyaʼ ni kimPay Dios para katamalaqachanin
aqayntaun yu lay kataʼaqtayjun, yu lay katalapʼasnin.
Chuncha lay kataulal kun uxiknan mas va tavanancha.
\v 17 Yucha ni Espíritu Santo yu masuy yu laqsaval.
Ni lapanakni yu jantu talhakapuʼan Dios, yuʼuncha jantu
katalaqaʼiyaʼ. Yuʼuncha jantu talaqtsʼin, vachu jantu
tamispay, pero uxiknan mispʼayatʼik. Yucha alinta kun
uxiknan y kaʼalinaʼ kun uxiknan mas va tavanancha.
\p
\v 18 ’Jantu kaklamakauntijlayau milaqʼamankʼan. Kaklalaqminchoqoyau.
\v 19 Ni lapanakni yu jantu kintalhakapuʼan, yuʼuncha
jantucha maqan kintalaqtsʼinaʼ. Pero uxiknan vananaj
kilalaqtsʼinau. Ktʼajun ni kitʼin, xlhiyucha ni uxiknan
lay katsʼukʼuyapitik.
\v 20 Anchanuʼ julchan ex kakʼatsʼayapitik ni va chʼantaun
kunita kun kimPay. Kakʼatsʼayapitik ni uxiknan chʼantaun
untʼatʼik kun kitʼin y kitʼin chʼantaun kunita kun uxiknan.
\v 21 Taʼayu yu mispay kinchivinti y makay yu klhinajun,
va yucha laqsaval kiʼachaniy. Yu kiʼachaniy ni kitʼin,
yucha kimPay paxkay. Kitʼin vachu kakpaxkayaʼ y kaktasuniyaʼ.
\p
\v 22 Qayntaun yu ixjunkan Judas, yu jantu Judas Iscariote
kaval, yucha junil ni Jesús:
\p —Jalhachimoʼonuʼ, ¿valiʼiycha kilatasuniyaucha ni kijnan
pero yu lapanakni yu jantu talhakapuʼanan yuʼuncha jantu?
\p
\v 23 Ex ni Jesús qaltaychoqol, va junil:
\p —Matichun lapanaki yu kiʼachaniy, yucha makay kuenta
yu knajun ni kitʼin. Vachu kimPay kaʼachaniyaʼ ni yucha.
Ex ni kimPay ali kitʼin chʼantaun kakminau taulnin kun
yucha.
\v 24 Yu jantu makay kuenta yu knajun, yucha jantu kiʼachaniy.
Ni chivinti yu klaqputeʼey yu tʼaunatʼik qasmaknan, yucha
jantu kinchivinti kaval, va ixchivinti kimPay yu kimalaqachal.
\p
\v 25 ’Chavaycha vananaj kvil kun uxiknan, xlhiyucha
klatʼaunau juninin tachun.
\v 26 Ni Espíritu Santo katamalakaʼulayan la memaqanitkʼan.
KimPay katamalaqachaniyan la kintaqaʼuti. Katamalaniyan
tachun y katamapastakniʼochoqoyan tachun yu aniy xaklajunau.
\p
\v 27 ’Kaklamakaunau oxamaktamin, kaklaxtaqniyau kiʼachati
yu oxamaktamin katamakayan. Jantu va aqstanchun kaval
tacha xaʼachati aniy lakamunukpaʼ. Jantu kʼamaʼaninintʼik
la melhanutkʼan, jantu katʼalhanantʼik.
\v 28 Chavay asmaktʼikcha ni kitʼin klajuniu chavay
kajkʼanacha ex astan kaklalaqminchoqoyau. Incha laqsaval
kilaʼachaniyau ex uxiknan ox xalhiʼachʼantʼaʼuyatʼik
tejkan kʼatsʼatʼik ni kitʼin kteʼencha taʼan vilchal
kimPay. Yucha apalay ay xajantu kitʼin.
\v 29 Chavaycha chuncha klajunau mas jantukaʼ kʼan ni
laktʼiyan. Ex tejkan chuncha katapasayaʼ lay kʼalhakʼapʼupʼinapitik.
\p
\v 30 ’Jantucha apalay kaktaqmaqayaʼ chiviniʼ kun uxiknan.
Chavay mintacha yu jalhachimoʼonuʼ aniy lakamunukpaʼ,
mas jantu kalhitsukul tapʼasta kun kitʼin.
\v 31 Va chuncha maqskʼiniy katapasal para katakʼatsal
ni lapanakni aniy lakamunukpaʼ ni laqsaval kʼachaniy
kimPay y vachu kmakay yu kilhijuniy.
\p ’Chavay kʼaʼostʼalatʼikcha, kaʼaucha.
\c 15
\s Ni Jesús najun ni maqskʼiniy katʼaylhipʼi chʼantaun kun yucha
\p
\v 1 Ni Jesús taylhaʼal ixchivinti, va naul:
\p —Kitʼin kunita ni xakʼiu uvas yu lay lhakapuʼankan.
KimPay va tacha qayntaun yu lhistakʼa ixjatachʼanati.
\v 2 Incha alin maqlakapataun kimaqlaqapʼu yu jantu
xtaʼa xaʼunikan ex yucha niman chaqxmajʼan. Incha ox
xtaʼa xaʼunikan, ex yucha valiʼiy lakamajʼan laqachaqxtuniy
yu jantu lajʼox xalaqapʼu. Chuncha laʼoxiy para apalay
lhuu kaxtaqlhi xaʼunikan.
\v 3 Uxiknan laʼoxitʼatʼikcha metsukuntikʼan por ni
chivinti yu klamasuniu.
\v 4 Katʼaylhipʼintʼik chʼantaun kun kitʼin, tacha kitʼin
chʼantaun kunita kun uxiknan. Yu maqlaqapʼu jantu lay
xtaʼa xaʼunikan ixlaqʼaman, maqskʼiniy katakilnul laka
kʼiu yu titay lakatʼun. Vachu chun tapasay kun uxiknan,
incha jantu chʼantaun kaʼuntʼik kun kitʼin ex metsukuntikʼan
jantu lay kaxtaqlhi yu lajʼoxi.
\p
\v 5 ’Kitʼin va yu xakʼiu yu titay lakatʼun, yu uxiknan
yu kilalhakapuʼanau, va xamaqlaqapʼu untʼatʼik. Incha
qayntaun taylhaʼan chʼantaun kun kitʼin y kitʼin vachuʼ
kun yucha, yucha junita tacha maqlaqapʼu yu xtaʼa lhuu
xaʼunikan. Jantu lay makʼayatʼik tuʼuchun incha jantu
chʼantaun kaʼuntʼik kun kitʼin.
\v 6 Yu jantu chʼantaun kaval kun kitʼin, yucha kalaqchaqxmajʼankanaʼ,
kapuchʼiyaʼ vachu chun tacha xamaqlaqapʼu yu laqchaqxmajʼankan.
Chʼantaun maqxtoqmakan y laqxavakan laka jikmi.
\p
\v 7 ’Incha tʼaylhipʼinatʼik chʼantaun kun kitʼin, vachu
incha kinchivinti ox taylhaʼan kun uxiknankʼan, ex kʼaskʼintʼik
yu skʼinpʼutʼunatʼik y kʼaxtʼaqnikʼanapitik.
\v 8 Incha uxiknan untʼatʼik tacha maqlaqapʼu yu xtaʼa
lajʼox xaʼunikan ex ni kimPay ox toʼoyakan. Ex uxiknan
vachuʼ lhiʼakxajyachʼipitik tacha yu laqsaval kintʼaltanan
untʼatʼik.
\v 9 Kitʼin ayaj klapaxkayau vachu chun tacha kimPay
kimpaxkay. Katʼaylhipʼintʼik kun yu japaxkanti yu kitʼin
klaxtaqniyau.
\v 10 Incha laqsaval kʼamakʼayapitik tacha klhinajun,
ex katʼaylhipʼinapitik kun yu japaxkanti yu klaxtaqniyau.
Vachu va chun kitʼin kmakay yu lhinajun kimPay y chuncha
ktaylhaʼanta kun yu japaxkanti yu kixtaqniy.
\p
\v 11 ’Kitʼin chuncha klalhixaqalayau para kaʼachʼantʼik
tacha kʼachan ni kitʼin y tus kʼalhitsʼukʼuʼotʼik tachun
ni achati.
\v 12 Yu klalhijunau kʼamakʼatʼik va yu inchineʼ: Kʼalapʼaxkʼatʼik
vachu va tacha ni kitʼin klapaxkayau.
\v 13 Yu apalay ay japaxkanti yu lay kʼamakʼatʼi va
kʼamaqxtʼaqtʼi mijatsukunti por mintʼaltanan.
\v 14 Uxiknan va kintʼaltanan untʼatʼik incha makʼayatʼik
tacha yu klalhijunau.
\v 15 Jantucha klajunau kiʼoqxtamatin. Qayntaun oqxtamati
jantu kʼatsay yu makay ixʼukxtin. Kitʼin klajunau va
kintʼaltanan, va klamasuniʼojoo tachun yu kijunil kimPay.
\v 16 Uxiknan jantu kilalaksakvi kitʼin, va kitʼin klalaksakvi
ni uxiknan. Klamalaqachayau ni kaʼuntʼik tacha maqlaqapʼu
yu xtaʼa lajʼox xaʼunikan yu jantu aqtaun kamiʼoyaʼ.
Chuncha ni kimPay kataxtaqniyan tachun yu kʼaskʼiniyapitik
la kintaqaʼuti.
\v 17 Klalhijunau yu inchineʼ: Kʼalapʼaxkʼatʼik.
\s Ni lapanakni yu taxkajiy ni Jesús vachuʼ kataxkayyaʼ yu ixjalakmalaniy
\p Ni Jesús taylhaʼal ixchivinti, va naul:
\p
\v 18 —Incha ayaj taxkayyan yu xalapanakni lakamunukpaʼ,
kapʼastʼaktʼik ni va pʼunaj kintaxkayl ni kitʼin.
\v 19 Incha uxiknan ixʼuntʼik chʼantaun kun xalapanakni
lakamunukpaʼ ex yuʼuncha ox ixtalaqtsʼin. Pero jantu
chʼantaun kaʼuntʼik kun yuʼuncha, va kitʼin klalaksakvi
para jantucha kaʼuntʼik xalapanakni lakamunukpaʼ. Xlhiyucha
ayaj taxkayyan.
\v 20 Kapʼastʼaktʼik tacha klajuntaucha: “Jantu matichun
oqxtamati ay kaval tacha ixʼukxtin.” Incha kitʼin kintaxkaylhitʼajun,
ex ni uxiknan vachu chun kataxkaylhitsukuyan. Yu taqasmatʼa
kinchivinti, yuʼuncha vachu kataqasmakniyan minchivintikʼan.
\v 21 Yu kataxkaylhitsukuyan chuncha katamakayan por
kilapanakni untʼatʼik. Jantu tamispay yu kimalaqachata.
\p
\v 22 ’Incha jantu xakmil, incha jantu xaklaqlhixaqalal
ex yuʼuncha jantu tuʼuchun laqtaqal ixtataukʼanil. Pero
chavay yuʼuncha jantu lay tanajun ni jantu kaʼalil ixlaqtaqalkʼan.
\v 23 Tachun yu kintaxkajiy vachu taxkajiy ni kimPay.
\v 24 Jantu tuʼuchun laqtaqal ixtataukʼanil incha jantu
xaklakmasunil lajʼay axtoqnuʼ yu jantu aqtaun laqtsʼinkan.
Pero mas va talaqtsʼintacha va kintaxkajiy, vachuʼ taxkajiy
ni kimPay.
\v 25 Chuncha tapasay para katapasal tacha tsʼoqkanta
la ixchivinti Dios yu najun inchineʼ: “Kintaxkajiy
ni lapanakni mas jantu tuʼuchun laqtaqal kakmakal.”
\p
\v 26 ’Kaminaʼ yu kataʼaqtayjuyan yu kamintachal kun
kimPay. Yucha ni Espíritu Santo yu masuy yu laqsaval.
Yucha kaklamalaqachaniyau kamintachal kun kimPay ex
vas kilhichivinanaʼ ni kitʼin.
\v 27 Ex ni uxiknan vachuʼ maqskʼiniy kilalhichiviniu
ni kitʼin. Va uxiknan ukxuyanantʼikcha kun kitʼin tus
tejkan kʼaqtaynil jamalaniniʼ.
\c 16
\p Ni Jesús taylhaʼal ixchivinti, va naul:
\p
\v 1 —Tachun yu aniy klalhixaqalayau para jantu kʼamakʼauntʼijlatʼik
milhakapuʼatkʼan.
\v 2 Katalaqnaqxtuyan taʼan tataqxtoʼa kintʼaʼisraelitaskʼan.
Kaminaʼ julchan tejkan lati katamaqniyan, chuncha katalhilayaʼ
ni va ox tatapatsaniy ni Dios.
\v 3 Jantu tamispay ni kimPay y jantu kintamispay ni
kitʼin, xlhiyucha chuncha katamakayaʼ.
\v 4 Chuncha klajunau, ex tejkan chuncha kʼatʼapʼasayapitik
kapʼastʼakchʼoʼoyapitik ni va pʼunaj chuncha xaklajuntaucha.
\s Yu makay ni Espíritu Santo
\p ’Jantu chuncha kaklajuniu tejkan pʼunaj xaklatʼaʼukxuyanau.
Ni kitʼin xakvil kun uxiknankʼan y jantu tuʼuchun ixtʼapʼasayatʼik.
\v 5 Chavay klaqʼanacha yu kimalaqachal, jantu matichun
ni uxiknan kilalhisakmiputunau toʼoxtaycha kteʼencha.
\v 6 Klajunau ni kteʼenchoqoycha, xlhiyucha uxiknan va
ayaj jamaʼanininatʼik.
\v 7 Kitʼin laqsaval klajunau, apalay ox kaxajtachal
para uxiknankʼan incha kajkʼalcha. Incha jantu kajkʼanaʼ
ex jantu lay katalaqminan ni Espíritu Santo yu kataʼaqtayjuyan.
Incha kajkʼanaʼ ex kaklamalaqachaniyau.
\v 8 Tejkan yucha kaminaʼ ex kalakmasuniyaʼ xalapanakni
lakamunukpaʼ ni alin ixtalaqalhinkʼan, kalakmasuniyaʼ
tacha junita yu vas jatsukunti, vachuʼ kalakmasuniyaʼ
ni Dios mukʼay laqtaqal.
\v 9 Kalakmasuniyaʼ ni alin ixtalaqalhinkʼan por jantu
kintalhakapuʼal ni kitʼin.
\v 10 Kalakmasuniyaʼ tacha junita yu vas jatsukunti.
Yucha klhitʼajun kitʼin xlhiyucha kaklaqʼanaʼ kimPay
y uxiknan jantucha kilalaqtsʼinau.
\v 11 Kalakmasuniyaʼ ni Dios mukʼay laqtaqal, xlhiyucha
ni aqmoqxnuʼ yu lhachimoʼonun ni lakamunukpaʼ yucha
mukʼanikantacha ixmaqanlqajnati.
\p
\v 12 ’Ayaj lhuu alin yu klajunputunau pero chavaycha
jantukaʼ lay malaʼasiyatʼik.
\v 13 Tejkan kaminaʼ ni Espíritu Santo yu masuy yu laqsaval,
exnicha katamasuniyan tachun yu laqsaval. Yucha jantu
kachivinanaʼ ixlaqʼaman, vamun yu kaqasmaktayaʼ. Yucha
katamasuniyan yu katapasayaʼ astan.
\v 14 Yucha kalaqaʼiyaʼ yu kakmaqxtaqniyaʼ ex katamasuniyan
ni uxiknankʼan, chuncha kintoʼoyayaʼ.
\v 15 Tachun yu lhitʼajun ni kimPay va si kinavin junita.
Xlhiyucha klajunau ni Espíritu Santo kalaqaʼiyaʼ ni
chivinti yu kitʼin kakmaqxtaqniyaʼ para katamasunin
ni uxiknankʼan.
\s Ixtʼaltanan ni Jesús katamaqaninanaʼ, ex astan katalhiʼachantajuchoqoyaʼ
\p
\v 16 ’Jantucha kaktaqmaqayaʼ, ex ni uxiknan jantucha
kilalaqtsʼinau. Pero astan ex kilalaqtsʼinchoqoyau, va
kajkʼanaʼ taʼan vilchal kimPay.
\p
\v 17 Chuncha ixtʼaltanan yu jalakmalaniy aqtayl talalhisakmiy
siya yuʼuncha, va tanaul:
\p —¿Tisuncha naunputun yu ixkintajunan? Najun ni jantucha
kataqmaqayaʼ ex jantucha kalaqtsʼinau. Vachu najun astan
kalaqtsʼinchoqoyau. ¿Suncha naunputun tejkan naul ni
kaʼanacha taʼan vilchal ixPay?
\p
\v 18 Ex tataylhaʼal lalhisakminin:
\p —¿Suncha naunputun tejkan najun jantucha kataqmaqayaʼ?
Tus jantu malaqasiyau.
\p
\v 19 Ni Jesús xtaqnil kuenta yu ixtalhisakmiputun.
Ex lakjunil:
\p —Va klajuniu ni jantucha kaktaqmaqayaʼ ex jantucha
kilalaqtsʼinau pero astan kilalaqtsʼinchoqoyau. ¿Va
yucha tʼaunatʼik lalhisakminin, valiʼiycha chuncha xaknajun?
\v 20 Laqsaval klajunau ni kʼalajʼalhunapitik, ayaj kʼamaʼaninanapitik.
Yu xalapanakni aniy lakamunukpaʼ, yuʼuncha ayaj katalhiʼachantajuyaʼ.
Pero uxiknan mas kʼamaʼaninanapitik, astan kaʼachʼanapitik.
\v 21 Tejkan qayntaun xanati kalhitsukuyaʼ sasʼatʼa
ex ayaj jamaqaninin, va lakachilcha ixjulchan para kamajkʼatsal.
Pero astan tejkan tsukuycha ni jasʼatʼa ex jantucha
pastakʼa ixjamaqanlqajnati. Va lhiʼachantajuy ni tsukulcha
qayntaun jasʼatʼa aniy lakamunukpaʼ.
\v 22 Vachu va chun ni uxiknan chavaycha kʼamaʼaninanapitik
pero astan kaklalaqtsʼinchoqoyau. Exnicha kʼalhitsʼukʼuyapitik
lhuu achati la melhanutkʼan. Jantu matichun lay katamaxtunichoqoyan
ni anuʼ achati.
\p
\v 23 ’Anchanu julchan ex jantucha tuʼuchun kilalhisakmiyau.
Laqsaval kitʼin klajunau ni uxiknan tachun yu kʼaskʼiniyapitik
ni kimPay la kintaqaʼuti yucha kataxtaqniyan.
\v 24 Chavaycha uxiknan jantukaʼ tuʼuchun skʼinatʼik
la kintaqaʼuti. Kaskʼintʼik ex kʼalaʼaʼiyapitik, chuncha
kʼalhitsʼukʼuyapitik lhuu achati.
\s Ni Jesucristo maqalhajatacha yu xalhachimoʼonuʼ ni lakamunukpaʼ
\p
\v 25 ’Chavay klalhixaqalayau tachun yu aniy kun chivinti
yu tamapastakniyan pero lhitaʼay para kamalaʼasitʼik.
Pero kaminaʼ julchan tejkan jantucha chuncha kaklalhixaqalayau,
va vas kaklajunau tacha junita kimPay.
\v 26 Anchanu julchan kʼaskʼiniyapitik kimPay la kintaqaʼuti
yu kʼamaqskʼiniyapitik. Kitʼin jantucha maqskʼiniy kaktapayniniyaʼ
por uxiknankʼan,
\v 27 va yucha taʼachaniyan. Uxiknan kilaʼachaniyau
vachu lhakʼapʼupʼintʼatʼikcha ni kitʼin va ancha kmintachal
kun Dios, xlhiyucha taʼachaniyan.
\v 28 Kminchal taʼan vilchal ni kimPay tus aniy lakamunukpaʼ.
Pero chavay kakmakaunaʼ ni aniy lakamunukpaʼ, kaklaqʼanchoqoyacha
ni yucha.
\p
\v 29 Ex ixtʼaltanan yu jalakmalaniy tajunil:
\p —Chavay chun vas kilatʼaunau xaqalanan, jantucha mapʼatsʼay
chivinti yu lhitaʼay ixmalaqasika.
\v 30 Chavay ijkʼatsayau ni uxintʼi mispʼaʼoʼoy tachun,
jantucha maqskʼiniy kʼalhisakmikʼa tuʼuchun. Xlhiyucha
klhakapuʼanau ni laqsaval va kun Dios tʼantʼachiy.
\p
\v 31 Ex ni Jesús va jalakjunil:
\p —¿Ex chavay lhakʼapʼupʼinatʼikcha?
\v 32 Va tsʼuniycha tsʼanqay para kachil ni anchanu
hora, chavaycha va chilcha tejkan uxiknan valiʼiy tʼikl
kʼapʼutʼaukʼayapitik, siya lakatamin kapʼinapitik. Ex
va keʼemancha kilamakaulayau. Pero jantu keʼeman kaktaulaʼ,
ni kimPay chʼantaun vil kun kitʼin.
\v 33 Chuncha klajunau para lay oxamaktamin katsʼukʼutʼik
tejkan chʼantaun kilatʼatʼaunau ni kitʼin. Ni xalapanakni
ni aniy lakamunukpaʼ va ayaj katamamaqanlqajnivayan.
Pero kʼaʼayajnantʼik, ni kitʼin kmaqalhajatacha ixtapʼasta
ni aniy lakamunukpaʼ.
\c 17
\s Ni Jesús skʼin Dios por yu lapanakni yu talhakapuʼan
\p
\v 1 Tejkan chuncha naunʼol ni Jesús ex talaqstʼal laktʼiyan,
va naul:
\p —Uxintʼi, kimPay kʼatʼi, chavay lakachilcha ni hora.
Ay kʼimakʼatʼi ni kitʼin mesʼatʼa para vachuʼ ay kakmakan
ni uxintʼi.
\v 2 Uxintʼi kʼilakʼulatʼacha para kaklaklhichimoʼol
tachun ni lapanakni. Ex chuncha tachun ni lapanakni
yu kʼimaqxtʼaqnin kitʼin lay kaklaqmaqxtaqnil jatsukunti
yu jantu aqtaun kamiʼoyaʼ.
\v 3 Katalhitsukuyaʼ ni jatsukunti yu jantu aqtaun kamiʼoyaʼ
incha tamispayan ni uxintʼi vamun yuʼ yu laqsaval Dios
kʼatʼi. Vachu tejkan kintamispay ni kitʼin yu Jesucristo
kunita yu kʼimalaʼachʼatʼa.
\p
\v 4 ’Kitʼin ay kmakancha ni aniy lakamunukpaʼ, chavay
kmajkaniʼolcha tachun yu uxintʼi kʼilhiʼun kakmakal.
\v 5 Chavaycha, kimPay kʼatʼi, ay kʼimakʼachʼoʼo chʼantaun
kun uxintʼi chuncha tacha pʼunaj ay xajkunita tejkan
jantukaʼ ixʼalin ni lakamunukpaʼ.
\p
\v 6 ’Ni lapanakni yu jalaksakmaxtʼu ni lakamunukpaʼ
para kʼimaqxtʼaqnin kitʼin, va yuʼuncha klakmasunitacha
tacha unitʼa ni uxintʼi. Va minavin ixtajunita pero
uxintʼi kʼimaqxtʼaqnin ni kitʼin. Yuʼuncha tamakata
kuenta ni minchivinti.
\v 7 Chavay ox takʼatsay ni va si kun uxintʼi minchal
tachun yu kʼimaqxtʼaqnin.
\v 8 Kitʼin ijkalaqputeʼenilcha ni chivinti yu uxintʼi
kʼimaqxtʼaqnin, ex yuʼuncha talaqaʼil. Ox takʼatsay va
kun uxintʼi kmintachal y talhakapuʼantacha ni va uxintʼi
kʼimalaʼachʼatʼa.
\p
\v 9 ’Kitʼin ktapayniniyan por yuʼuncha. Jantu ktapayniniyan
por yu valiʼiy lapanakni aniy lakamunukpaʼ. Va ktapayniniyan
por yu kʼimaqxtʼaqnin, yuʼuncha va minavin tajunita.
\v 10 Tachun yu kitʼin kinavin va si minavin. Vachuʼ
tachun yu minavin va si kinavin ni kitʼin. La ixjatsukuntikʼan
kilapanakni ox tasuy kiʼayaxtu.
\p
\v 11 ’Kitʼin jantucha apalay kaktaulaʼ aniy lakamunukpaʼ,
va klaqʼantachaʼancha. Pero yuʼuncha vananaj katataylhaanaʼ
aniy. KimPay kʼatʼi, vamun uxintʼi ox unitʼa, kʼalaklhistʼaktʼi
kun la ixtapʼasta mintaqaʼuti ni lapanakni yu kʼimaqxtʼaqnin.
Kalaklhistʼaktʼi para chʼantaun kataval tacha uxintʼi
ali kitʼin chʼantaun juntau.
\v 12 Tejkan kitʼin chʼantaun xaklaktʼavil aniy lakamunukpaʼ
si ox xaklaklhistakʼa kun ixtapʼasta ni mintaqaʼuti
yu kʼimaqxtʼaqnin. Jantu matichun katsʼanqal, vamun tsʼanqal
qayntaun yu aqtsʼiyaj istsʼanqatacha, va para chuncha
katapasal tacha maqancha istsʼoqkanta.
\p
\v 13 ’Chavay kaklaqʼantachaʼancha. Pero vananaj kʼalinta
aniy lakamunukpaʼ, xlhiyucha chuncha knajun tachun yu
aniy para katalhitsukuʼol yu ox achati vachu va chun
tacha klhitʼajun ni kitʼin.
\v 14 Kitʼin klakjunita minchivinti. Ixtʼalapanaknikʼan
aniy lakamunukpaʼ taxkajiy ni kilapanakni por jantucha
chʼantaun kataval kun yuʼuncha. Chuncha tacha kitʼin
jantu xalapanaki aniy lakamunukpaʼ kakval.
\v 15 Kitʼin jantu kskʼiniyan para kʼalakmaxtʼu aniy
lakamunukpaʼ. Yu kskʼiniyan va kʼalaqʼaqtʼayʼutʼi tejkan
ni aqmoqxnuʼ kalaqmamaqanlqajnivaputul.
\v 16 Jantucha chʼantaun kataval kun xalapanakni aniy
lakamunukpaʼ, chuncha tacha kitʼin jantu xalapanakni
lakamunukpaʼ kakval.
\v 17 Kʼalakmasunin minchivinti y chuncha kʼalakmakʼanin
milapanakni. Minchivinti vamun yuʼ yu laqsaval.
\v 18 Chuncha tacha uxintʼi kʼimalaʼachʼatʼi aniy lakamunukpaʼ
vachu chun ni kitʼin klaqmalaqachay para katalhixaqalal
minchivinti yu xalapanakni aniy lakamunukpaʼ.
\v 19 Va por yuʼuncha kmaqxtaqniyan ketsukunti para
vachuʼ minavin kaval ixjatsukuntikʼan.
\p
\v 20 ’Kitʼin jantu ktapayniniyan vamun por kilapanakni.
Vachu ktapayniniyan por alati yu kintalhakapuʼanaʼ astan
tejkan kataqasmakyaʼ kinchivinti yu katalaqputeʼeyaʼ
kilapanakni.
\v 21 Vachu kskʼiniyan para chʼantaun kataval. Vachu
chun tacha uxintʼi ali kitʼin chʼantaun juntau. Vachuʼ
chʼantaun kataval kun kijnan para katalhakapuʼal yu
xalapanakni aniy lakamunukpaʼ ni va uxintʼi kʼimalaʼachʼatʼa.
\v 22 Vachu chun tacha uxintʼi ay kʼimakʼatʼa ni kitʼin,
kitʼin vachuʼ lajʼay klakmakata ni yuʼuncha. Ex va chʼantaun
katajunaʼ, vachu chun tacha ni uxintʼi kun kitʼin va
laqataun juntau.
\v 23 Kitʼin chʼantaun kunita kun yuʼuncha y uxintʼi
chʼantaun unitʼa kun kitʼin. Va tacha laqataun kataval
ni yuʼuncha. Ex ni xalapanakni aniy lakamunukpaʼ lay
katakʼatsal ni va uxintʼi kʼimalaʼachʼatʼa, vachu katakʼatsal
ni uxintʼi jalakpʼaxkʼay kilapanakni vachu chun tacha
kʼimpʼaxkʼay ni kitʼin.
\p
\v 24 ’KimPay kʼatʼi, uxintʼi kʼimaqxtʼaqnin ni yuʼuncha.
Kitʼin knajun vachuʼ ancha katataulal taʼan kitʼin kaktaulanta
para lay katalaqtsʼil ni kiʼayaxtu. Uxintʼi kʼimpʼaxkʼay,
xlhiyucha ay kʼimakʼatʼa tus la maqancha mas tejkan
jantukaʼ ixʼalin ni lakamunukpaʼ.
\v 25 KimPay kʼatʼi yu vas unitʼa, ni xalapanakni aniy
lakamunukpaʼ jantu tamispayan. Pero kitʼin kmispayan
y kilapanakni takʼatsay ni uxintʼi kʼimalaʼachʼatʼa.
\v 26 Kitʼin klakmasunitacha taʼayucha ni uxintʼi, vachuʼ
tas unitʼacha. Vananaj ktaylhaʼanta jalakmasuniniʼ.
Knajun katalapaxkal vachu chun tacha uxintʼi kʼimpʼaxkʼay.
Vachu kaktsukuyaʼ la ixjalhanutkʼan.
\c 18
\s Tachʼapal ni Jesús
\r (Mt. 26:47-56; Mr. 14:43-50; Lc. 22:47-53)
\p
\v 1 Tejkan chuncha naunʼol ni Jesús ex tataxtulcha
chʼantaun kun ixtʼaltanan yu jalakmalaniy para katatakukchalcha
yu xalaqxqatij Cedrón. Ancha jalaktʼatanuchalcha ni
Jesús taʼan ixchʼankan xakʼiu olivos.
\v 2 Ni Judas yu kamaqxtaʼaʼ ni Jesús, yucha vachu ox
ixjamispanan ni ancha taʼan ixʼalin ni olivos. Ni Jesús
aqlhuvaj ixtataqxtoqtacha ancha chʼantaun kun ixtʼaltanan
yu jalakmalaniy.
\v 3 Ex ni Judas jalaktʼachaʼal oqxlaqtaun tropas. Vachuʼ
taʼal yu talhistaknan lakatajtan, va chuncha talhinaul
ni xaʼukxtinin kuras ali yu fariseos. Ixtalhaʼanta ixpamaqninkʼan
vachuʼ ixtalhaʼanta ixqaʼichikʼan ali ixmaklkukʼan.
\v 4 Ni Jesús ox ixkʼatsay tachun yu kalhitapasayaʼ,
ex taxtul y jalaklhisakmil:
\p —¿Taʼayucha lakxkʼauyatʼikcha?
\p
\v 5 Ex taqaltayl, va tajunil:
\p —Kijnan klakxkauyau Jesús yu machaqaʼ Nazaret.
\p Ex ni Jesús naul:
\p —Va kitʼin kunita.
\p Ni Judas yu ixmaqxtaʼa ni Jesús ancha ixjalaktʼayalcha
tachun yu ixjalaklhaʼanta.
\v 6 Tejkan Jesús jalakjunil: “Va kitʼin kunita”, ex
niman tatatichoqoʼal tus tataqtal lakatʼun.
\v 7 Ni Jesús aaqtaun jalaklhisakmichoqol:
\p —¿Tasʼayucha ni lakxkʼauyatʼikcha?
\p Ex yuʼuncha aaqtaun taqaltayananchoqol:
\p —Kijnan klakxkauyau va Jesús yu machaqaʼ Nazaret.
\p
\v 8 Chuncha ni Jesús aaqtaun jalakjunchoqol:
\p —Kitʼin klajuniucha ni va kitʼin kunita. Incha laqsaval
va kitʼin kilalakxkauyau ex kʼalaqxtʼaqnitʼik lakatin
kataʼal yu aniy tayanal.
\p
\v 9 Chuncha naul va para chuncha kaval tacha ixnajuntacha
ni Jesús: “KimPay kʼatʼi, tachun yu kʼimaqxtʼaqnin jantu
katsʼanqal mas va qayntaun.”
\v 10 Ex ni Simón Pedro maxtul ixʼespada yu ixlhitʼajun,
niman aqatuchaqxpʼuxlhi aqxtaun ixʼaqaxqol taʼan la
ixlhijakanaj qayntaun yu junkan Malko. Yucha va ixʼoqxtamati
ixjunita yu xaʼay kuraj.
\v 11 Ex ni Jesús junil ni Pedro:
\p —Kʼamanuchʼoʼocha miʼespada la xapaʼinaj. Yu kimPay
yucha kixtaqnil para ayaj kakmaqanlqajnal, kitʼin maqskʼiniy
kaklaqaʼil.
\s Ni Jesús talhaʼanil ni Anás
\r (Mt. 26:57-58; Mr. 14:53-54; Lc. 22:54)
\p
\v 12 Ni tropas ali ixʼukxtinkʼan, vachuʼ ni israelitas
yu xalhistaknan lakatajtan tachʼapachal ni Jesús, va
tachʼil.
\v 13 Pʼunaj talhaʼal la ixchaqaʼ qayntaun jalhachimoʼonuʼ
yu junkan Anás. Yucha va ixʼapaʼ ni Caifás yu ay kuraj
ixjunita ni anchanuʼ jachʼitin.
\v 14 Ni anchanuʼ Caifás vachu va yuʼ yu jalakjunil
ni israelitas ni apalay ox kaxajchal incha kanil qayntaun
lapanaki por tachun yu alati.
\s Ni Pedro najun ni yucha jantu mispay ni Jesús
\r (Mt. 26:69-70; Mr. 14:66-68; Lc. 22:55-57)
\p
\v 15 Ni Simón Pedro ali aqayntaun ixtʼaltanaʼ Jesús,
yuʼuncha astan ixtatʼaʼanta ni Jesús. Ni anuʼ yu tʼaʼal
ni Pedro yucha ixmispay ni ay kuraj. Yucha vas tanuchal
taʼan lhaʼankal ni Jesús la ixjapuchʼanan ixchaqaʼ ni
ay kuraj.
\v 16 Yu Pedro tamakaul ixlhimaqspaʼ laka puerta, ex
ni anchanuʼ yu ixmispay ni ay kuraj taxtul maqspaʼ.
Ex lhijunil ni jatsiʼi yu xamalaqltiʼanaʼ para kamalaqpusul
ni Pedro, ex tanulcha.
\v 17 Chuncha ni xamalaqltiʼanaʼ lhisakmil ni Pedro,
va naul:
\p —¿Jantu uxintʼi kaʼuntʼi xaqayntaun ixtʼaltanaʼ ni
anu lapanaki?
\p Ex qaltayl ni Pedro, va junil:
\p —Jantu kitʼin kakval.
\p
\v 18 Anchanuʼ julchan ayaj lhikʼasnin ixjunita. Ni
oqxtamatin ali xalhistaknan lakatajtan ixtamamata jikmi,
va ixtatʼajun sʼonun. Vachuʼ ancha ixyal ni Pedro, ixlaktʼatʼajun
sʼonuʼ.
\s Ni Anás yu ay kuraj ixjunita lhisakmiy ni Jesús
\r (Mt. 26:59-66; Mr. 14:55-64; Lc. 22:66-71)
\p
\v 19 Ni ay kuraj aqtayl lhisakmiy ni Jesús taʼayucha
ixtʼaltanan yu jalakmalaniy. Vachu lhisakmil tisuncha
chivinti ixmasuy.
\v 20 Ni Jesús junil:
\p —Kitʼin kmasuy kinchivinti la ixlakaʼukxpukʼan tachun
ni lapanakni. Vachuʼ kmasuy taʼan tataqxtoʼa yu alati
israelitas y vachuʼ yu ay lakatajtan. Jantu aqtaun kmasuy
laqatamaqsaq.
\v 21 ¿Valiʼiycha kʼilhisakmiycha ni kitʼin? Kʼalhisakmitʼi
yu kintaqalasmaklhi. Yuʼuncha katanaul yu klaqlhixaqalal,
yuʼuncha takʼatsay tachun yu knaul ni kitʼin.
\p
\v 22 Tejkan chuncha naul ni Jesús ex qayntaun tropa
yu ixjalhistaknan yu ay lakatajtan niman palaqstisal
laqataun, va junil:
\p —¿Valiʼiycha chuncha lhiʼaltʼaʼiy ni ay kuraj?
\p
\v 23 Ni Jesús junil:
\p —Incha kitʼin jantu vas kakchivinil ex kʼiʼun tisuncha
yu jantu vas kaknaul. Pero incha vas kchivinil, ¿ex valiʼiycha
ixkʼisay?
\p
\v 24 Ex ni Anás lhinaul kalhaʼankal tachʼin taʼan vil
ni Caifás yu xaʼukxtin kuraj.
\s Ni Pedro aaqtaun naunchoqoy ni yucha jantu mispay ni Jesús
\r (Mt. 26:71-75; Mr. 14:69-72; Lc. 22:58-62)
\p
\v 25 Ni Pedro vananaj ixtaylhaʼanta sʼon laka jikmi.
Lati talhisakmil, tajunil:
\p —¿Jantu uxintʼi kaʼuntʼi xaqayntaun ixtʼaltanaʼ ni
anchanuʼ lapanaki?
\p Ni Pedro jantu kalhitaulal, va naul:
\p —Jantu kitʼin kval.
\p
\v 26 Astan chivinil qayntaun ixʼoqxtamati yu ay kuraj.
Yucha ixlaqaj ixjunita yu aqatuchaqxpʼuxlhi ni Pedro.
Yucha vachuʼ lhisakmil, va junil:
\p —¿Uxintʼi klaqtsʼin chʼantaun kun yucha ancha laka
olivos?
\p
\v 27 Ni Pedro aaqtaun jantu kalhitaulal. Exnicha tʼasal
ni puyux.
\s Ni Jesús lhaʼankal laka jalhachimoʼonuʼ yu ixjunkan Pilato
\r (Mt. 27:1-2, 11-14; Mr. 15:1-5; Lc. 23:1-5)
\p
\v 28 Tejkan tamaqaxtulcha la ixchaqaʼ ni Caifás ex
ni lapanakni talhaʼalcha ni Jesús laqa ay chaqaʼ taʼan
vil ni gobernador. Va ixtʼajuncha tunkunuʼ. Yuʼuncha
jantu katatanuputunchal. Ixtalhilay incha katatanul
la ixchaqaʼ qayntaun yu jantu israelita kaval ex kataxkilival
ixjatsukuntikʼan. Ex astan jantucha lay katavayl la
ixkʼatankʼan yu Paxku, ex jantu katatanul.
\v 29 Xlhiyucha ni Pilato taxtul maqspaʼ para katʼachivinil,
ex jalakjunil:
\p —¿Tisuncha laqtaqal mukʼaniyatʼik ni aniy lapanaki?
\p
\v 30 Ex taqaltayl, va tajunil:
\p —Yu va jantu ixlhitsukul tuʼuchun laqtaqal, kijnan jantu
xaklalhiminiu.
\p
\v 31 Ex va chuncha jalakjunil ni Pilato:
\p —Kʼalhipʼintʼikcha, uxiknan kʼamukʼanitʼik laqtaqal
tacha yu lhinajun la milhachimoʼonkʼan.
\p Ex taqaltayl ni israelitas, tajunil:
\p —Kijnan yu israelitas kuntau jantu klhitsukuu lakatin
kakmaqniu qayntaun lapanaki por ixlaqtaqal.
\p
\v 32 Ex laqsaval chuncha tapasal tacha naul ni Jesús
tas kunacha tejkan kaniyaʼ.
\v 33 Ni Pilato aaqtaun tanuchoqol laqa ay chaqaʼ ex
juntaʼil ni Jesús, va lhisakmil:
\p —¿Uxintʼicha kʼatʼi yu ay ixjalhachimoʼonukʼan ni israelitas?
\p
\v 34 Ni Jesús junil:
\p —¿Va chuncha pʼastʼakʼa milaqʼaman u va chuncha tajuniy
yu alati yu kintalhichiviniy kitʼin?
\p
\v 35 Ex qaltayanal ni Pilato, va naul:
\p —¿Kilhilay ni kitʼin va israelita kunita? Tachun yu
mintʼamachaqan ali yu xaʼukxtinin kuras, va yuʼuncha
tamaqxtaqyan la kintamakaʼ. ¿Tisuncha laqtaqal makʼatʼa?
\p
\v 36 Ex qaltayanal ni Jesús:
\p —Kimpalhachimoʼon jantu aniy lakamunukpaʼ kaval. Incha
va aniy ixval ex xaklhitsukul lapanakni yu ixkintaʼaqtayjul
para jantu kintachʼapachal kintʼaʼisraelitas. Pero kimpalhachimoʼon
jantu aniy kaval.
\p
\v 37 Ex ni Pilato aaqtaun naunchoqol:
\p —Ex ni uxintʼi ka va jalhachimoʼonu kʼatʼi.
\p Ex ni Jesús qaltayl, va junil:
\p —Laqsaval yu naʼun, ni va kitʼin jalhachimoʼonuʼ kunita.
Xlhiyucha ktsukul aniy, kmil lakamunukpaʼ va para knaul
yu laqsaval. Tachun yu taʼachaniy yu laqsaval yuʼuncha
kintaqasmakniy kinchivinti.
\p
\v 38 Ex qaltaychoqol ni Pilato, va junil:
\p —¿Ex tisuncha yu laqsaval?
\s Lhinaunkan ixmaqnika ni Jesús
\r (Mt. 27:15-31; Mr. 15:6-20; Lc. 23:13-25)
\p Tejkan chuncha naul ni Pilato ex anchoqol maqspaʼ
jalaktʼachivin ni israelitas, jalakjunil:
\p —Kitʼin jantu ktemaniy tuʼuchun laqtaqal ni aniy lapanaki.
\v 39 Pero mimputsukukʼan yucha najun ni kitʼin maqskʼiniy
kakxʼoqlhi qayntaun tachʼin tejkan xakʼatan Paxku jun.
¿Naunatʼik kakxʼoqlhi ni aniy lapanaki yu junkan mijalhachimoʼonukʼan
ni uxiknan yu israelitas untʼatʼik?
\p
\v 40 Tachun tamatʼasal, tajunil:
\p —¡Jantu kaxʼoqtʼi ni anchanu lapanaki! ¡Va kaxʼoqtʼi
ni Barrabás!
\p Ni Barrabás yucha va alhavanaʼ ixjunita.
\c 19
\p
\v 1 Ex ni Pilato chʼapachal ni Jesús, lhinaul ixmaqanaqka.
\v 2 Yu tropas tamalaqxtoqlhi jaltukun, tamakal laqataun
korona. Ex tamaʼaqtanul la ixʼaqtsul, vachu taʼulanil
aqxtaun laqchʼiti yu xakolor qoteʼe tacha ixtaʼulay
jalhachimoʼonun.
\v 3 Ex tatalakanunil ni Jesús, tanaul:
\p —¡Katsukul ixlhachimoʼonukʼan ni israelitas!
\p Tachun ixtalakapusay.
\v 4 Ni Pilato aaqtaun taxtuchoqol, jalakjunil ni lapanakni:
\p —Kʼaʼasmaktʼik. Kitʼin kmaqaxtul va para kataxtaqnin
kuenta ni kitʼin jantu kaktemanil tuʼuchun laqtaqal.
\p
\v 5 Chuncha taxtulcha ni Jesús, ixʼaqtanuy ixkorona
yu jamakanti kun jaltukun, vachu ixʼulata ni anchanu
laqchʼiti yu qoteʼe. Ex naul ni Pilato:
\p —Kʼalaqtsʼintʼik ni aniy lapanaki.
\p
\v 6 Tejkan ni xaʼukxtinin kuras ali yu xajalhistaknan
lakatajtan talaqtsʼil ni Jesús, ex aqtayl pʼays tamatʼasay,
tajunil:
\p —¡Kʼamakxtʼukmukʼacha! ¡Kʼamakxtʼukmukʼacha!
\p Chuncha ni Pilato jalakjunil:
\p —Kʼalhipʼintʼikcha, kʼamakxtʼukmukʼatʼikcha uxiknan.
Kitʼin jantu tuʼuchun laqtaqal ktemaniy.
\p
\v 7 Ex tanaul ni israelitas:
\p —Kijnan la kilhachimoʼonkʼan, ancha najun yu aniy lapanaki
maqskʼiniy kanil, va por najun ni yucha Sasʼatʼa Dios
junita.
\p
\v 8 Tejkan chuncha qasmaklhi ni Pilato ex ayaj talhanal.
\v 9 Tanuchoqochalcha aaqtaun ixpulakna ni ay chaqaʼ,
va lhisakmil ni Jesús:
\p —¿Toʼoxtaycha machaqa kʼatʼi ni uxintʼi?
\p Pero yu Jesús jantu kaqaltayl.
\p
\v 10 Ex ni Pilato va junil:
\p —¿Ex jantu kʼiʼaltʼayeʼe? ¿Jantu kʼatsʼay ni kitʼin
klhitʼajun tapʼasta para kakmakajun oxamaktaun, vachu
klhitʼajun tapʼasta para kakmakxtukmukʼan?
\p
\v 11 Ex qaltayl ni Jesús, va junil:
\p —Yu mintapʼasta yu lhitʼaʼun vamun yu xtaqnin ni Dios.
Xlhiyucha apalay ay laqtaqal tataukʼaniyachal yu kimaqxtaqlhi
la mintamakaʼ.
\p
\v 12 Tejkan chuncha naul ni Jesús ex ni Pilato ayaj
ixlakxkauniy tas kamakalcha para kamakaul oxamaktaun,
pero yu israelitas pʼays tamatʼasal, tajunil:
\p —Incha kʼamakʼauneʼe oxamaktaun ex jantu kaʼuntʼi ixʼamigo
ni ay jalhachimoʼonuʼ César. Aniy lapanaki makakan tacha
ay jalhachimoʼonuʼ kaval, xlhiyucha va ixtʼalaxkayaʼ
ni César.
\p
\v 13 Tejkan chuncha qasmaklhi ni Pilato, ex lhinaulcha
kamaqaxtukkal ni Jesús. Chuncha ni Pilato taulalcha
laka siya yu palhachimoʼon yu vil taʼan ixlakmamakanta
laqxtaʼalachiyux ixlhimaqspaʼ laqa ay chaqaʼ, ancha va
junkan Gabata laka lhihebreo.
\v 14 Ni anchanu julchan va paqtauncha istsʼanqay para
xakʼatan Paxku yu ay ixkʼatankʼan ni israelitas. Tejkan
atunkujcha ixjunita ex jalakjunil ni israelitas ni Pilato:
\p —Aniy lhitʼaunatʼikcha la mintamakakʼan ni mijalhachimoʼonukʼan.
\p
\v 15 Ni yuʼuncha pʼays tamatʼasal, tajunil:
\p —¡Tsʼanqay kanil! ¡Kanilcha! ¡Kʼamakxtʼukmukʼacha!
\p Ex va chuncha jalhisakmil ni Pilato, va naul:
\p —¿Ex kitʼin kakmakxtukmukʼayaʼ ni mijalhachimoʼonukʼan?
\p Chuncha taqaltayl ni xaʼukxtinin kuras:
\p —Kijalhachimoʼonukʼan vamun ni César yu ay jalhachimoʼonuʼ.
Jantu kaklhitsukuu aqayntaun.
\p
\v 16 Ex ni Pilato maqxtaqlhicha ni Jesús para kamakxtukmukʼakalcha.
Ex talhaʼalcha.
\s Ni Jesús tamakxtukmukʼal laka kurus
\r (Mt. 27:32-44; Mr. 15:21-32; Lc. 23:26-43)
\p
\v 17 Ni Jesús taxtulcha, aqxaulhaʼalcha ixkurus taʼan
ixlhimapaqaʼukan Xajalukuti Aqtsul yu laka lhihebreo
junkan Gólgota.
\v 18 Ancha tamakxtukmukʼachal chʼantaun kun qayntʼuy
lapanakni yu lakmakxtukmukʼakanta la ixpaʼexnan, yucha
tanʼajmukʼakalcha.
\v 19 Ni Pilato jamalaqachanal kaʼankal tsʼoqmukʼaka
letras la ixʼukxna ixkurus yu najun inchineʼ: “Jesús
yu machaqaʼ Nazaret yu ay ixJalhachimoʼonukʼan ni israelitas.”
\v 20 Ayaj qaynlhuu israelitas taputeʼel ni letrero,
taʼan tamakxtukmukʼal ni Jesús jantu ixlhimaqati ixjunita
yu ay putaulan. Yu letrero istsʼoqkanta laka putʼutu
lhichivin. Istsʼoqkanta laka lhihebreo ali laka lhilatin
ali laka lhigriego.
\v 21 Xlhiyucha ni xaʼukxtinin kuras ali ni israelitas
tajunil ni Pilato:
\p —Jantu katsʼoqmukʼa “Ixjalhachimoʼonukʼan ni israelitas.”
Apalay ox katsʼoqmukʼa “Yu ixnajun va ixJalhachimoʼonukʼan
israelitas junita.”
\p
\v 22 Ni Pilato jalajqaltayl, jalakjunil:
\p —Va chuncha ktsʼoqmukʼal, ex va chuncha kavalcha.
\p
\v 23 Taval tejkan tamakxtukmukʼalcha ni Jesús ex ni
tropas tasaknil ixlaqchʼiti. Talaqlvaqnilcha siya yuʼuncha
yu pumatʼati tropas ixtajunita. Vachu tasaknil aqxtaun
ixlaqchʼiti yu jantu kalakatsʼapʼamakal, valiʼiy aqxtaun
lman laqchʼiti ixjunita.
\v 24 Ex ni tropas talajunil siya yuʼuncha:
\p —Ox kaval jantu kalajʼexvi. Kamakau taun suerte para
kakʼatsau tasʼayucha kapaxtoqniyacha.
\p Ex laqsaval chuncha tapasal tacha tsʼoqkanta la ixchivinti
Dios taʼan junkan Salmo yu najun inchine: “Talaqlvaqnil
por qayntamin kilaqchʼiti y vachu tamakal suerte por
kilaqchʼiti yu lman.” Y laqsaval chuncha tamakal ni
tropas.
\p
\v 25 Ancha taʼan ixyal ni kurus, ixtayanal pumatʼati
xanatin. Ancha ixyal ixnati ni Jesús ali ixtʼalapanaki
ixnati ali ixanati Cleofas yu junkan María, vachu ancha
ixyal ni María Magdalena.
\v 26 Ni Jesús laqtsʼil ni ixnati va chʼantaun ixtʼayal
ixtʼaltanaʼ yu ayaj ixʼachaniy. Ex junil ni ixnati:
\p —Xanati, anchanuʼ yal mintsʼal.
\p
\v 27 Astan vachu junil ixtʼaltanaʼ yu ixmalaniy:
\p —Kalaqtsʼi, anchanuʼ yal minati.
\p Ex ni anchanu laqaʼil la ixchaqaʼ.
\s Nilcha ni Jesús
\r (Mt. 27:45-56; Mr. 15:33-41; Lc. 23:44-49)
\p
\v 28 Ex astan ni Jesús tejkan tapasaʼolcha tachun yu
ixmaqskʼiniy katapasal, ixnajun kataqayntsal tacha istsʼoqkanta,
xlhiyucha naul:
\p —Ayaj kpukikxixa.
\p
\v 29 Yu tropas ixtaʼulata taun xaluj vinagre. Tamatajul
taun esponja ex taʼakatachʼimukʼal aqatataun javan yu
junkan hisopo, talhachaʼanil la ixkilna.
\v 30 Ni Jesús oqlhi ni vinagre ex naul:
\p —Chavay taqayntsaʼolcha.
\p Ex maqayntalcha ixʼaqtsul, ex nilcha.
\s Tanqalaqltoqokal ni Jesús
\p
\v 31 Anchanu julchan va tauncha julchan istsʼanqay
para kaval Paxku yu ay ixkʼatankʼan ni israelitas, vachu
yu xajulchan jastaknati yu ayaj ixtatoʼoyay ni israelitas.
Yuʼuncha jantu ixtamaqamay katamakaul laka kurus yu
ixlakatunajkʼan yu ixlakmakxtukmukʼakan. Xlhiyucha tajunil
ni Pilato para kalhinaul ixlajqatuteʼekakʼan para katanil
y kamaqosukal ixlakatunajkʼan.
\v 32 Yu tropas tejkan ancha tachaʼal, pʼunaj taqatuteʼel
qayntaun yu ixmaknajukʼal, vachu yu aqayntaun taʼan ixpaʼexna
ixjukʼal ni Jesús.
\v 33 Pero tejkan talaqʼal ni Jesús taʼan ixjukʼal ex
niman talaqtsʼil ni yucha ixnitacha. Ex jantucha kataqatuteʼel.
\v 34 Pero qayntaun tropa vananaj ltoqonil ixtankilakna
kun ixlanza, ex taxtul ixjakʼalnan kun xkan.
\p
\v 35 Yu laqsaval laqtsʼil yucha laqputeʼey tachun yu
tapasal, va ox kʼatsay y najun yu laqsaval para kʼalhakʼapʼupʼintʼik
vachuʼ.
\v 36 Tachun yu aniy tapasal para kataqayntsal yu istsʼoqkanta
la ixchivinti Dios yu najun inchineʼ: “Yucha jantu
intachun katalaqteʼeniyaʼ ixjalukuti.”
\v 37 Vachuʼ alakataun istsʼoqkanta yu najun inchineʼ:
“Katalaqtsʼinaʼ ni lapanaki yu taltoqol.”
\s Maknukal ni Jesús
\r (Mt. 27:57-61; Mr. 15:42-47; Lc. 23:50-56)
\p
\v 38 Ixʼalin qayntaun José yu machaqaʼ Arimatea yu
vachu ixtʼaʼan Jesús para kalanil, pero va laqatamaqsaq.
Ixjalaktalhauniy yu xalajʼaynin israelitas. Yucha tapayninil
ni Pilato para kaxtaqnikal lakatin incha lay kalhaʼal
ixlakatunaj ni Jesús. Ni Pilato xtaqnil lakatin ex alcha
pʼuxnuʼ ni ixlakatunaj.
\v 39 Vachuʼ chinchal ni Nicodemo, yucha va yu ixtʼachivininta
ni Jesús aqtauncha tejkan tsʼis ixjunita. Lhichil treinta
kilos yu sʼejenʼe perfume, ixlhiyal xakʼiu mirro ali
aloes.
\v 40 Ex ni José ali Nicodemo tapʼuxlhicha ixlakatunaj
ni Jesús, aqtayl tapamiliy kun laqchʼiti. Ox talhilakaxapal
ni sʼejenʼe perfume, va chuncha ixputsukukʼan ni israelitas
tejkan ixtamaknunun.
\v 41 Taʼan tamakxtukmukʼal ni Jesús ixʼalin taʼan ixchʼankanta
olivos, ancha ixʼalin laqataun putaknun yu ox saystʼi
ixjunita. Jantukaʼ matichun ixmamakan.
\v 42 Va laycha kaʼaqtaynil xajulchan jastaknati y jantu
maqati ixjunita yu putaknun. Ex ancha tamaʼalcha ixlakatunaj
ni Jesús.
\c 20
\s Kujchoqol ni Jesús
\r (Mt. 28:1-10; Mr. 16:1-8; Lc. 24:1-12)
\p
\v 1 Yu xapʼunaj julchan laka semana ni puvakuj tejkan
vanaj tsʼis ixjunita ex ni María Magdalena al laka putaknun.
Ancha laqtsʼil ni va ixmoqosukantacha ni chiyux yu ixlhimalakchaukanta.
\v 2 Ex takyaulaqʼal ni Simón Pedro ali yu aqayntaun
ixtʼaltanaʼ Jesús yu ayaj ixʼachaniy. Va lakjunil:
\p —¡Tamoqosutacha ni Jalhachimoʼonu Jesús la ixputaknun!
¡Jantu ijkʼatsayau toʼoxtaycha talhaʼanta!
\p
\v 3 Ex Pedro ali yu aqayntaun ixtʼaltanaʼ Jesús taʼal
laka putaknun.
\v 4 Tatakyauʼal pero yu aqayntaun apalay soqol xajantu
yu Pedro, yucha pʼunaj chaʼal laka putaknun.
\v 5 Ancha taqayntal, va lakavanal ixpulakna taʼan ixmal
ni laqchʼiti yu ixlhipamilkanta pero jantu katanul.
\v 6 Ex astan chaʼal ni Simón Pedro, yucha vas tanuchal
laka putaknun. Ancha laqtsʼil ni laqchʼiti yu ixmal,
\v 7 vachuʼ ni laqchʼiti yu ixlhipamilnikanta ixʼaqtsul
ni Jesús. Ni anchanuʼ laqchʼiti jantu chʼantaun katamal
kun yu alati laqchʼiti, va tumpaj ixmilmakanta.
\v 8 Ex yu aqayntaun yu pʼunaj chaʼal vachuʼ tanuchal.
Va laqtsʼil ex lhakapuʼal ni kujchoqol.
\v 9 Jantukaʼ ixtamalaqasiy tacha istsʼoqkantacha la
ixchivinti Dios ni maqskʼiniy kakujchoqol laka janinin.
\v 10 Ex ni anchanuʼ pumatʼuy yu ixjalakmalaniy Jesús
taʼanchoqol laqa chaqaʼ.
\s Ni Jesús tasunil ni María Magdalena
\r (Mr. 16:9-11)
\p
\v 11 María ixqalhunyal ixlhimaqspaʼ laka putaknun.
Tejkan ixqalhun va taqayntal, va lakavanal ixpulakna
ni putaknun.
\v 12 Ancha laqtsʼil qayntʼuy ixmayulnin Dios, ixtalhilakayanal
laqxutʼutʼu laqchʼiti, va ixtavilanal taʼan ixmamakanta
ixlakatunaj ni Jesús, qayntaun la ixlaqaʼaqtsul, yu aqayntaun
la ixlakachʼajaʼ.
\v 13 Ex tajunil:
\p —Xanati, ¿valiʼiycha alhun?
\p Ex yucha qaltayanal:
\p —Talhaʼantacha ixlakatunaj kiJalhachimoʼonuʼ y jantu
ijkʼatsay toʼoxtaycha tamamatacha.
\p
\v 14 Ex talaqaspʼiklhi, va laqtsʼil ni Jesús yu ancha
ixyal pero jantu kamispal incha va Jesús.
\p
\v 15 Ex ni Jesús va junil:
\p —Xanati, ¿valiʼiycha alhun? ¿Taʼayucha lakxkʼaʼuycha?
\p Ni María lhilal va xalhistaknaʼ ni jatachʼanati, ex
chuncha junil:
\p —Incha va uxintʼi lhipʼi ex kiʼun toʼoxtaycha mamatʼa
ex kitʼin kajkʼanaʼ iniʼ.
\p
\v 16 Ex ni Jesús junil:
\p —María.
\p Ni María talaqaspʼiklhi, va lhimapaqaʼul:
\p —¡Raboni!
\p (Yucha naunputun maestro laka lhihebreo.)
\p
\v 17 Ni Jesús va junil:
\p —Jantucha kʼinchʼapʼa, jantukaʼ kpataxtuchoqoy taʼan
vil kimPay. Kʼalaqpʼinchʼiy ketʼalaqaunin. Kʼalakʼun
ni kakpataxtuchoqoyaʼ taʼan vil kimPay yu vachuʼ mimPaykʼan,
yucha kiDios y vachuʼ miDioskʼan.
\p
\v 18 Ex ni María Magdalena jalaqʼal ixtʼaltanan ni
Jesús, va jalakjunil:
\p —¡Va klaqtsʼil ni Jalhachimoʼonu Jesús!
\p Ex jalaqputeʼeniʼol tachun yu ixjunkanta.
\s Ni Jesús jalaktasunichoqoy ixtʼaltanan yu ixjalakmalaniy
\r (Mt. 28:16-20; Mr. 16:14-18; Lc. 24:36-49)
\p
\v 19 Ni anchanu julchan yu xapʼunaj laka semana tejkan
putsʼista val, ixtaʼaqxtoqnun ixtʼaltanan Jesús yu ixjalakmalaniy.
Ixtalaqachʼinunun laqa chaqaʼ, va ixtatalhauniy yu alati
ixtʼaʼisraelitaskʼan. Ex va chinchal ni Jesús, va tayachil
taʼan ixtavilanal. Va lakjunil:
\p —Kʼatʼaʼoxamaktʼamichʼoʼotʼik.
\p
\v 20 Tejkan chuncha naul, va jalakmasunil ixmakaʼ ali
ixtankilakna. Ixtʼaltanan va ayaj talhiʼachantajul tejkan
talaqtsʼil ixJalhachimoʼonukʼan.
\v 21 Aaqtaun naunchoqol ni Jesús:
\p —Kʼatʼaʼoxamaktʼamichʼoʼotʼik. Vachu va tacha kimalaqachal
ni kimPay vachu va chun klamalaqachayau ni uxiknan.
\p
\v 22 Tejkan chuncha naul, va jalaksunul ex naul:
\p —Kʼalaʼaʼitʼik ni Espíritu Santo.
\v 23 Incha uxiknan malaqmixiniyatʼik ixtalaqalhin matichun
ex va malaqmixikantacha. Incha naunatʼik ni jantu kamalaqmixikal
ixtalaqalhin ex jantu kamalaqmixikal.
\s Ni Tomás lhakapuʼal tejkan laqtsʼil ni kujchoqol ni Jesús
\p
\v 24 Ni Tomás yu vachuʼ ixlhimapaqaʼukan Jachiyan, xaqayntaun
yu pumakautʼuy ixtʼaltanan Jesús, yucha jantu kalaktʼataulal
tejkan jalaktasunil ni Jesús.
\v 25 Yu alati ixtʼaltanan Jesús tajunil:
\p —¡Klaqtsʼiucha ni Jalhachimoʼonu Jesús!
\p Pero ni Tomás jalakjunil:
\p —Incha jantu klaqtsʼiniy taʼan ixmakxtukkanta kun klavos,
vachuʼ incha jantu kmanuy kimakaʼ taʼan ixmaqltoqokanta,
vachuʼ taʼan ixtanqalaqltoqokanta, ex jantu klhakapuʼanaʼ
ni kujchoqotacha.
\p
\v 26 Tejkan tauncha semana val ixtaʼaqxtoqnunchoqoy
ixtʼaltanan ni Jesús. Yu Tomás vachuʼ ancha ixʼalinta
kun yuʼuncha. Mas ox ixlakchajuy ni puertas, va chil
ni Jesús, tayachal taʼan ixtaʼalinta. Va naul:
\p —Kʼatʼaʼoxamaktʼamichʼoʼotʼik.
\p
\v 27 Ex naul, va junkal ni Tomás:
\p —Kʼamanutʼi aniy mimakaʼ, vachuʼ kalaqtsʼi ni kimakaʼ.
Kʼalhitʼi mimakaʼ ex kʼamanutʼi la kintankilakna. Jantucha
kʼalapʼasnitʼi mijatapastakʼatʼi, kʼalhakʼapʼupʼicha.
\p
\v 28 Ni Tomás qaltayl:
\p —¡KiJalhachimoʼonu kʼatʼi y kiDios kʼatʼi!
\p
\v 29 Ex ni Jesús va junil:
\p —¿Va chavaykaʼ xalhakʼapʼupʼin tejkan kʼilaqtsʼi? Ni
lapanakni yu kintalhakapuʼan mas jantu kintalaqtsʼin
va yuʼuncha yu laqsaval taʼachantacha.
\s Valiʼiycha tsʼoqkan ni aniy libro
\p
\v 30 Ni Jesús jalakmasunichoqol ixtʼaltanan yu jalakmalaniy
lhuu lajʼay axtoqnuʼ yu jantu katsʼoqmukʼakal aniy laka
libro.
\v 31 Pero yu aniy tsʼoqmukʼakal va para kʼalhakʼapʼupʼintʼik
ni Jesús va yu Cristo, yu Dios ixnajunta kamalaqachayaʼ,
vachuʼ yu Sasʼatʼa Dios junita. Kʼalhitsʼukʼuyapitik
yu ox jatsukunti incha chuncha kʼalhakʼapʼupʼinapitik.
\c 21
\s Ni Jesús jalaktasunichoqol pumatujun ixtʼaltanan yu ixjalakmalaniy
\p
\v 1 Astan ni Jesús aaqtauncha jalaktasunichoqol ixtʼaltanan
yu ixjalakmalaniy taʼan ixkilpaʼ lakamar yu junkan Tiberias.
Va inchineʼ val.
\v 2 Va chʼantaun ixtaʼalinta ni Simón Pedro ali Tomás
yu junkan Jachiyan ali Natanael yu machaqaʼ Kaná xalakatʼun
Galilea ali yu pumatʼuy istsʼalan Zebedeo ali apumatʼuy
yu ixjalakmalaniy ni Jesús.
\v 3 Ni Simón Pedro va jalakjunil yu alati:
\p —Kitʼin kteʼen chʼapanaʼ jatanti.
\p Ex yuʼuncha tajunil:
\p —Vachuʼ klatʼaʼanau.
\p Ex taʼal laka barco pero tus taun tatsʼisin jantu
tuʼuchun katachʼapal.
\v 4 Tejkan ixtunkumintacha ni Jesús ixyal la ixkilpaʼ
ni lakamar pero jantu katamispal incha va yucha.
\v 5 Ex va jalaklhisakmil:
\p —Tsʼalan, ¿jantukaʼ chʼapʼayatʼik tuʼuchun?
\p Yuʼuncha tanaul:
\p —Jantu.
\p
\v 6 Ex jalakjunil:
\p —Kʼatʼanʼalhutʼik minchʼoqxkʼan la ixlhijakanaj ni
barco, ex kʼachʼapʼayapitik.
\p Ex tatanqalhul ixchʼoqxkʼan pero jantucha lay ixtaxaqakutuchoqoy
por lhuu jatanti ixtanun.
\v 7 Ni ixtʼaltanaʼ Jesús yu ayaj ixʼachaniy va junil
ni Pedro:
\p —¡Va yucha ni Jalhachimoʼonuʼ!
\p Tejkan Pedro qasmaklhi ni va yu Jalhachimoʼonu Jesús,
va lhitampachʼikal ixlaqchʼiti yu ixmajʼanta ex jakʼiuklnil
lakxkan.
\v 8 Yu alati yu ixtʼaltanan ni Jesús tapuminchoqol
barco, ixtaxaqamalhaʼanta ni chʼoqxni yu aqtsamanta jatanti.
Jantu maqati ixtatʼajun la ixkilpaʼ, va tacha cien metros.
\v 9 Tejkan tapatajul ancha la ixkilpaʼ va talaqtsʼil
jayaqan. Ancha ixmal jatanti, vachuʼ ixʼalin pan.
\v 10 Ex ni Jesús jalakjunil:
\p —Kʼalhitʼantʼik ni jatanti yu xachʼapʼayatʼikkaʼ.
\p
\v 11 Ex ni Simón Pedro taukʼachoqol ni laka barco, va
xaqamaxtul ni chʼoqxni tus la ixkilpaʼ. Va ixʼaqtsamanta
kun lajʼay jatantin tus 153. Pero jantu kataʼexlhi ni chʼoqxni.
\v 12 Ni Jesús jalakjunil:
\p —Kʼavaynchʼipitik.
\p Jantu matichun ixtʼaltanan ixtapujuy kalhisakmil taʼayucha
ixjunita. Ixtakʼatsay ni va yu Jalhachimoʼonuʼ Jesús.
\v 13 Ni Jesús al iniʼ ni pan y jalaqxtaqnil. Vachuʼ
jalaqxtaqnil ni jatanti.
\p
\v 14 Yucha va yu aqtʼutunucha val tejkan Jesús jalaktasunil
ixtʼaltanan tejkan ixkujchoqotacha la ixlhinin.
\s Ni Jesús tʼachivinil ni Simón Pedro
\p
\v 15 Tejkan tavaynʼolcha ex ni Jesús lhisakmil ni Simón
Pedro:
\p —Simón, istsʼal Jonás kʼatʼi, ¿apalay kʼiʼachʼaniy xajantu
yu alati?
\p Ex Pedro qaltayl:
\p —Chun, Jalhachimoʼonuʼ. Uxintʼi kʼatsʼaycha ni va kitʼin
kʼachaniyan.
\p Ex ni Jesús junil:
\p —Kʼalaklhistʼaktʼi kilapanakni, yu va tacha lakstʼuniy
borregos tajunita.
\p
\v 16 Aaqtauncha ni Jesús lhisakmichoqol:
\p —Simón, istsʼal Jonás kʼatʼi, ¿kʼiʼachʼaniy?
\p Ex ni Pedro qaltaychoqol:
\p —Chun, Jalhachimoʼonuʼ. Uxintʼi kʼatsʼaycha ni va kitʼin
kʼachaniyan.
\p Ex ni Jesús junil:
\p —Kʼalaklhistʼaktʼi kilapanakni yu va tacha lakstʼuniy
borregos tajunita.
\p
\v 17 Ex yu aqtʼutunuʼ ni Jesús lhisakmichoqol:
\p —Simón, istsʼal Jonás kʼatʼi, ¿kʼiʼachʼaniy?
\p Ex va maqaninil ni Pedro va por aqtʼutucha ixlhisakmiy
ni Jesús incha ixʼachaniy. Ex va junil:
\p —Jalhachimoʼonuʼ, uxintʼi kʼatsʼaʼoʼoy tachun. Va kʼatsʼaycha
ni kitʼin kʼachaniyan.
\p Ex ni Jesús junil:
\p —Kʼalaklhistʼaktʼi kilapanakni yu tacha lakstʼuniy
borregos tajunita.
\v 18 Laqsaval kunan ni tejkan tsʼalkaʼ ixʼunitʼa ixmalaqchʼinikʼan
meʼeman, ixpʼin taʼan ixʼuxipʼin. Pero tejkan kʼatʼaxapʼayayeʼecha
ex kʼamakxnujkʼaneʼe, va aqayntaun kamalaqchʼiniyan.
Vachuʼ kalhaʼanan taʼan jantu kaʼuxapʼineʼe.
\p
\v 19 Chuncha naul ni Jesús para kamasul tas kapuniyaʼ
ni Pedro y chuncha ay kamakakanaʼ ni Dios. Ex ni Jesús
junil:
\p —Kʼintʼaltʼancha.
\s Ixtʼaltanaʼ Jesús yu ayaj ixʼachaniy
\p
\v 20 Ex ni Pedro talaqaspʼiklhi, va laqtsʼil yu aqayntaun
ixtʼaltanaʼ Jesús, yu ayaj ixʼachaniy. Va yucha ixtaʼukstsʼuninita
ni Jesús tejkan ixtatʼatʼajun vaynin y ixlhisakmitacha:
“Jalhachimoʼonuʼ, ¿taʼayucha yu kamaqxtaʼancha?”
\v 21 Tejkan Pedro laqtsʼil, va lhisakmil ni Jesús:
\p —Jalhachimoʼonuʼ, ¿tas kalhitapasayacha kun yucha?
\p
\v 22 Ex ni Jesús qaltayl:
\p —Incha kitʼin knajun jantu kanil tus tejkan kakminchoqol,
ex yucha jantu minkuenta kaval. Ni uxintʼi maqskʼiniy
kʼintʼaltʼancha.
\p
\v 23 Por chuncha naul ni Jesús, lati ni tʼalaqaunin
ixtanajun ni anchanu lapanaki jantu kaniyaʼ. Pero ni
Jesús jantu kanaul incha jantu kaniyaʼ, vamun naul: “Incha
kitʼin knajun jantu kanil tus tejkan kakminchoqol, ex
yucha jantu minkuenta kaval.”
\p
\v 24 Ni anchanuʼ ixtʼaltanaʼ ni Jesús, va yucha yu lhichivinil
tachun yu aniy lhitapasal y va yucha yu tsʼoqlhi. Kijnan
ijkʼatsayau ni va laqsaval yu najun.
\p
\v 25 Apalay lhuu axtoqnuʼ alin yu makal ni Jesús. Incha
katsʼoqmukʼakal tachun por laqatamin, kitʼin knajun kamaqskʼinil
aqxlhuu libros tus jantu kalhival ni lakamunukpaʼ. Va
chuncha kaval.