\id 2TI
\h 2 TIMOTEO
\mt2 Yu Xaʼaqxtʼiyunuʼ Karta yu Tsʼoqnil Pablo ni
\mt1 Timoteo
\c 1
\s Ni Pablo mastakʼay yu Timoteo
\p
\v 1 Yu kitʼin kPablo, ixtamalaqachan Jesucristo kunita
va por chuncha naul ni Dios. Va ixnajunta kalaqxtaqniyaʼ
jatsukunti ni lapanakni yu chʼantaun tajunita kun Cristo
Jesús.
\v 2 Aniy iktsʼoqniyan uxintʼi, Timoteo, va kʼachaniyan
tacha kesʼatʼa kʼatʼi. Kamapaynin y kapaxkan y oxamaktaun
kamakan kimPaykʼan Dios kun Cristo Jesús kiJalhachimoʼonukʼan.
\p
\v 3 Por uxintʼi ikxtaqniy lhimalaqpuchuncha ni Dios.
Va yucha iktapatsaniy vachu va tacha ixtapatsaniy yu
maqaniyaʼ kepayankʼan. Ox ijkʼatsan por ni kilhitapatsa
yu ikmakay. Va si ikpastakʼan ni uxintʼi tejkan ikskʼin
Dios tsʼis tunkuj.
\v 4 Ikpastakʼa tejkan ikmakajun ni uxintʼi, va ixtʼaʼun
qalhun. Xlhiyucha ayaj klaqʼuxanchoqoyan para lay kaklhiʼachantajul.
\v 5 Va ikpastakchoqoy ni ox lhakʼapʼupʼin, tacha pʼunaj
lhakapuʼal yu mintʼaku Loida ali minati Eunice. Ox ijkʼatsay
ni uxintʼi vachu va chun lhakʼapʼupʼin.
\p
\v 6 Xlhiyucha ikxtaqniyan taun jatapastakʼati, va ijkunan
ni ox kamakʼatʼi ni lhitapatsa yu Dios lhilakʼulayan.
Yucha xtaqnin tejkan ikmoqslanin kimakaʼ.
\v 7 Ni Dios kintaxtaqnin ixʼEspíritu, jantu para katalhanau,
va para kintaxtaqnin tapʼasta y para kapaxkanau y para
ox kalhistakvicha ketsukuntikʼan.
\v 8 Xlhiyucha jantu maqskʼiniy kʼalhimaxan ni chivinti
yu lhichiviniy kiJalhachimoʼonukʼan. Vachu jantu kʼalhimaxan
por kitʼin yu klhichʼikanta por yucha. Mas va lhitaʼay
kaval, iknajun kʼintʼatʼapʼatsʼatʼi la ixlaqputeʼeka
ni ox chivinti kun yu tapʼasta yu xtaʼa ni Dios.
\v 9 Yucha kintamalaqtaxtun y kintajuntaʼitan para ox
katiʼukxuntayau tacha ixlapanakni. Chuncha kintamakan
jantu por kilhitapatsakʼan, va por chuncha makaputul
tejkan jantukaʼ aqtaynil ni lakamunukpaʼ. Chuncha kintamapayniyan
por yu makal Cristo Jesús.
\v 10 Ni anchanu jamapayninti tasul tejkan kilachil
kiJamalaqtaxtunukʼan Jesucristo. Yucha mamiʼonil ixtapʼasta
ni lhinin y mapulkunil ni sastʼi jatsukunti yu jantu
aqtaun kamiʼoyaʼ. Yucha va ni jatsukunti yu lhitsukukan
por ixqasmakka ni ox chivinti.
\p
\v 11 Va por ixlaqputeʼeka ni anchanu chivinti ni kitʼin
klhilakʼulakal y ikmalaqachakal para kaklakmalanil lapanakni
yu jantu israelitas kataval.
\v 12 Va xlhiyucha chavaycha klhimaqanlqajnan, pero jantu
klhimaxanan. Va ikmispay yu klhakapuʼan y ijkʼatsay
ni yucha lay ox lhistakʼa ketsukunti yu ikmaqxtaqnita
tus kachil anchanu julchan.
\p
\v 13 Katʼaylhipʼi jamalaniniʼ yu laqsaval, tacha kitʼin
kunan. Kʼamalanin kun jalhakapuʼati ali japaxkanti yu
minchal kun Cristo Jesús.
\v 14 Ox kʼalhistʼaktʼi ni lhitapatsa yu maqxtʼaqnikʼa
kun ixʼaqtayjunti ni Espíritu Santo yu alin kun kijnan.
\p
\v 15 Uxintʼi kʼatsʼaycha ni kintamakajun ni Figelo
y Hermógenes kun tachun yu alati kintʼaltanan yu machaqan
Asia.
\v 16 Va kamapaynil ni Jalhachimoʼonu Dios ixlapanakni
ni Onesíforo. Yucha aqlhuva kimaʼayajnil y jantu ixlhimaxanan
por ikchʼikanta.
\v 17 Tejkan ixvil aniy laka putaulan Roma, va laqatapʼasta
kilakxkaul tus kintemal.
\v 18 Kamapaynil ni Onesíforo ni Jalhachimoʼonuʼ ni
anchanu julchan. Uxintʼi ox kʼatsʼay ni ayaj ox tapatsal
ancha laka putaulan Éfeso.
\c 2
\s Kʼatʼapʼasnitʼi kun ixjamapayninti ni Cristo Jesús
\p
\v 1 Chavay ni uxintʼi, kesʼatʼa kʼatʼi, kʼatʼapʼasnitʼi
kun ixjamapayninti ni Cristo Jesús.
\v 2 Ni chivinti yu asmaktʼi vachuʼ taqasmaklhi alati
tejkan kitʼin kunin, va yucha kamalanichʼoʼo alati yu
laqsaval katataylhaʼal. Ex yuʼuncha vachu lay katamalanichoqol
alati lapanakni.
\v 3 Uxintʼi katʼayanin mimaqanlqajnati tacha yu ox
ixtropa Cristo Jesús.
\v 4 Jantu matichun ox tropa kapastakchoqol para kamakal
ataun lhitapatsa yu tacha tamakay yu valiʼiy lapanakni.
Va makaputun ixlhitapatsa tacha yu kalhipaʼinil ixʼukxtin
yu xtaqnita ixputropa.
\v 5 Vachu qayntaun yu qamanan laqa qamanti jantu lay
lhajay incha jantu vas qamanan.
\v 6 Vachu yu pʼays tapatsay laka kuxtu, va yucha paxtoqniy
pʼunaj kalaqaʼil yu jaxqanti.
\v 7 Kapʼastʼaktʼi yu tacha kunan, ex ni Dios kaxtaqniyan
tachun jatapastakʼati yu maqskʼiniy.
\p
\v 8 Kapʼastʼaktʼi ni Jesucristo yu ixpapanti David
ixjunita, yucha va kujchoqol tejkan ixnita. Chuncha najun
ni ox chivinti yu klaqputeʼey
\v 9 y va yucha klhimaqanlqajnan. Va tus iklhichʼikanta
tacha qayntaun maqtaqalhini lapanaki kakval pero ixchivinti
Dios jantu tachʼin kaval.
\v 10 Xlhiyucha ox iktayaniʼojoy por ixlapanakni Dios
yu jalaksakta. Ex ni Cristo Jesús vachu kajamalaqtaxtuyaʼ
para lay ox katatsukul mas va tavanancha.
\q
\v 11 Ni inchine ayaj laqsaval:
\q Incha tʼanitaucha ni yucha ex vachu katʼatiʼukxuntayayau.
\q
\v 12 Incha tʼamaqanlqajnanau ex vachu katʼalhachimoʼonunau.
\q Incha naunau jantu mispayau, ex yucha kanaunaʼ jantu
kintamispayan.
\q
\v 13 Mas jantu ox taylhaʼanau la kilhakapuʼatkʼan pero
yucha va tacha oxicha taylhaʼan.
\q Dios jantu aqtaun taspʼikchoqoy.
\s Kʼamakʼatʼi laqatapʼasta para jantu kʼalhimaxan milhitapatsa
\p
\v 14 Kalakmapʼastʼaknichʼoʼo ni lapanakni y la ixlakaʼukxpu
ni Dios, va kalakʼun laqatapʼasta ni jantu katalalhilakatsakʼamal
por ixchivintikʼan. Yucha jantu tuʼuchun xtapal kaval,
xajachal vamun para katalaktʼilhil ixlhakapuʼatkʼan
yu taqasmatʼa.
\v 15 Kʼamakʼatʼi laqatapʼasta para ox kalaqtsʼin ni
Dios, tacha qayntaun tapatsan yu jantu lhimaxanan ixlhitapatsa,
yu ox masuy ixchivinti Dios yu laqsaval.
\v 16 Kamakʼauntʼijlacha axtoqnu chivinti yu jantu laqsaval
kaval. Yu chuncha tachiviniy apalay talhitanuy talaqalhin.
\v 17 Va tacha taun tsʼitsʼi yu laqpuʼayʼan va chuncha
lhixajachal ixchivintikʼan. Va chuncha tamakay ni Himeneo
ali Fileto.
\v 18 Yuʼuncha va tamakauntijlal yu laqsaval. Tanajun
tapasatacha ni julchan tejkan takujchoqoy ni janinin.
Xlhiyucha tamamakauntijlay ixlhakapuʼatkʼan lati lapanakni.
\v 19 Ixchivinti Dios va tacha xaputayan chaqaʼ yu pʼays
tayay taʼan inchine tsʼoqkanta: “Ni Jalhachimoʼonu
jalakmispay yu ixlapanakni.” Vachu najun: “Tachun
yu tanajun ixJalhachimoʼonuʼ ni Jesucristo, yuʼuncha
maqskʼiniy katamakaunʼol tachun jalaktuʼunti.”
\p
\v 20 Aqataun chaqaʼ yu ay, ancha jantu vamun alin puvay
yu jamakanti oro ali plata. Vachu alin puvay yu jamakanti
kʼiu ali tʼun. Lati vamun mapatsakan tejkan makakan
yu ox lakvayti, yu alati va lhilhiy mapatsakan.
\v 21 Incha matichun yu xakaʼojotacha ixtalaqalhin, yucha
lhixajachal tacha yu ox puvaynkan, yu tumpaj maʼakanta
por ixʼoxixtu para kamapatsal ixʼukxtin. Yucha listujcha
para lay kalhimapatsal mas va tisuncha lajʼoxi lhitapatsa.
\p
\v 22 Kʼamakʼauntʼijlacha yu talaqalhin yu tamakaputun
yu tsʼalankaʼ. Vas kʼatʼiʼukxuntʼay, ox kʼalhakʼapʼupʼi,
ox kʼapʼaxkʼan. Va oxamaktaun kʼatsʼukʼu kun tachun
yu ox tajunita la ixjalhanutkʼan yu ay tamakay ni Jalhachimoʼonuʼ.
\v 23 Jantu kamakʼatʼi kuenta yu lakchivinti yu jantu
kalhitsukul jatapastakʼati y yu jantu xtapal kaval.
Uxintʼi kʼatsʼay ni lhixajachal lhilukuj.
\v 24 Yu ixʼoqxtamati ni Jalhachimoʼonuʼ, yucha jantu
maqskʼiniy kamakal lhilukuj. Va maqskʼiniy qalʼox kaval
kun tachun ni lapanakni y maqskʼiniy lay ox kamalanil
kun maqantaulati.
\v 25 Maqskʼiniy kalakmalanil laka laksniy ni lapanakni
yu talaktanchay yu ox chivinti. Ka va lay ni Dios kamakayaʼ
para katamapaxal ixjatapastakʼatkʼan y para katamispal
yu laqsaval.
\v 26 Ex chuncha lay katapuqoslhi la isqapa ni aqmoqxnuʼ
taʼan ixjalakchʼiʼulata para katamakal yu yucha najun.
\c 3
\s Tacha katajunaʼ ni lapanakni tejkan va laycha kaminchoqol ni Cristo
\p
\v 1 Vachu maqskʼiniy kakʼatsʼatʼi ni tejkan xaputamaktanacha
kunaʼ, ex la lhitaʼay kunaʼ.
\v 2 Kaʼalinaʼ lapanakni yu vamun ixʼamankʼan kajapaxkakanaʼ,
vamun tumin kataʼachaniyaʼ, lajʼay kalakmakakanaʼ, lajʼay
katakʼatsanaʼ, katalaktuʼununaʼ, jantu kataqalasmatʼaʼ
ixpayankʼan, jantu katalhipaxkalaqtsʼinaʼ yu lajʼoxi,
va si katamaqtaqalhininaʼ.
\v 3 Jantu katamapaynininaʼ, katalaxkayyaʼ, katakiltayananaʼ,
jantu lay katalakataulaʼ, katamamaqanlqajnivayaʼ yu alati,
kataxkayyaʼ yu lajʼoxi.
\v 4 Kataʼakchʼintamayaʼ ixʼamigoskʼan, jantu katamakayaʼ
kuenta ixlaqtaqalkʼan, lajʼay katakʼatsanaʼ, vamun kataʼachaniyaʼ
yu axtoqnuʼ yu tamakaputun, jantu yu Dios.
\v 5 Katatasuyaʼ tacha katatoʼoyal ni Dios pero katalaktanchayaʼ
ixtapʼasta. Lapanakni yu chuncha tajunita, kʼalakmakʼaucha.
\p
\v 6 Vamun tamakay kuenta katatanul laqa chaqan para
katamakanul xanatin yu jantu katalhitsukul tapʼasta
para katanaul ni jantu. Ni anchanu xanatin jantu ox
takʼatsan por ixtalaqalhinkʼan pero va ayaj tamaqamay
katamakal pulhuu talaqalhin.
\v 7 Mas va tavanancha, si talaniy axtoqnuʼ pero jantu
aqtaun lay tamispay yu laqsaval.
\v 8 Ni anchanu xapaynin, yuʼuncha vachu va tacha Jannes
y Jambres yu taʼakchʼintamal ni Moisés. Va taʼakchʼintamay
yu laqsaval. Jantu vas kaval ixjatapastakʼatkʼan y jantu
laqsaval kaval ixlhakapuʼatkʼan.
\v 9 Pero jantu tuʼuchun katamakayaʼ, va katamispayaʼ
tachun ni lapanakni ixlhitontojkʼan vachu va tacha tapasal
kun Jannes ali Jambres.
\s Ni chivinti yu Pablo lhijuniy Timoteo
\p
\v 10 Pero uxintʼi ox kʼimispʼaniy ni kitʼin tacha ikmalaninin
y tacha ikmasuy ni putsuku y yu ikmakaputun. Vachu kʼimispʼaniy
kilhakapuʼati ali kimaqantaulati ali kejapaxkanti vachuʼ
tacha ox iktayaniy yu lhitaʼay.
\v 11 Vachu mispʼay tacha ixkintamamaqanlqajnivay y
tacha ikmajkʼatsay y vachu yu tacha klhitapasal laka
Antiokía ali Ikonio kun Listra, tachun anchanu maqanlqajnati,
pero ni Jalhachimoʼonu Dios kimalaqtaxtul.
\v 12 Vachu tachun ni lapanakni yu tatoʼoyaputun Dios
la ixjatsukuntikʼan chʼantaun kun Cristo Jesús, yuʼuncha
katamajkʼatsayaʼ.
\v 13 Yu jalaktuʼunun lapanakni yu tamakanunun, yuʼuncha
apalay katatapʼasniyaʼ makanan yu jantu ox, katataylhaanaʼ
jamakanunun y vachuʼ kalakmakanukanaʼ.
\p
\v 14 Pero uxintʼi ox kʼatʼaylhipʼi kun yu lanitʼacha.
Mispʼaycha taʼayucha masunin, xlhiyucha kʼatsʼay ni va
laqsaval.
\v 15 Tus tejkan lakatʼuniykaʼ ixʼunitʼa uxintʼi mispʼatʼicha
tacha tsʼoqkanta la ixchivinti Dios. Ixchivinti lay
malakpastakniyan para kʼapʼulaqtʼaxtʼu por kalhakʼapʼupʼi
ni Cristo Jesús.
\v 16 Tachun yu ancha tsʼoqkanta va minchal kun Dios
y aqtayjuyan para lay kʼalakmalanin y para kʼalakmakʼatsʼanitʼi
ixlaqtaqalkʼan y para kaxaʼalatʼi tejkan jantu ox tamakay
y para kʼalakmasunin tacha ox katijuntayal.
\v 17 Ex chuncha jantu katsʼanqanil tuʼuchun ni ixlapanaki
Dios, va kalhitsukul tachun yu maqskʼiniy para lay kamakal
tachun yu lajʼoxi.
\c 4
\p
\v 1 Ni Jesucristo kaminchoqoyaʼ tacha Jalhachimoʼonuʼ
para kapuxkaulaqtsʼil ni janinin ali yu jakujnun. Chavay
la ixlhakaʼukxpuʼ kimPay Dioskʼan ali Jesucristo klhijunan
kamakʼatʼi ni inchine.
\v 2 Kalaqpʼutʼeʼe ixchivinti Dios y katʼaylhipʼi mas
kaxtʼaqnikʼa lakatin o jantu. Kalachʼivivatʼi ni lapanakni,
kʼalakmakʼatsʼanitʼi ixlaqtaqalkʼan, va kun maqantaulati
kʼalaqxtʼaqnin ox jatapastakʼati tejkan jalakmalaniy.
\v 3 Kaminaʼ julchan tejkan ni lapanakni jantucha kataqasmakputunaʼ
yu laqsaval yu masuyau. Katalakxkauyaʼ lapanakni yu
lay katamasul vamun yu kataqasmakputunaʼ.
\v 4 Katamakauntijlayaʼ ni chivinti yu laqsaval yu taqasmaktacha.
Katalaqaʼiyaʼ tachun chivinti yu jantu laqsaval kaval.
\v 5 Pero uxintʼi kʼalhistʼakʼalhikʼa meʼeman kun ox
jatapastakʼati. Kʼamaʼantʼaqnin jamaqanlqajnati, katʼaylhipʼi
laqputeʼenin ni ox chivinti, kʼamakʼaʼo ni lhitapatsa
yu maqxtʼaqnikʼa.
\p
\v 6 Chavaycha ni kitʼin va ikmaqxtaqkantacha tacha
taun lapaxkan. Va lakamintacha ni julchan tejkan kakniyaʼ.
\v 7 Ox ikmajkaniʼol yu ixkimpaxtoqniy lakalhilukuj,
va ikmajkanil kintakyauti y jantu kaktsʼanqal, jantu
kakmakauntijlal kilhakapuʼati.
\v 8 Chavaycha ikmaʼanikanta kilhilhajati por ox xaktiʼukxuntayay.
Ni Jalhachimoʼonu Jesús yu si ox makay, va yucha kixtaqniyaʼ
ni anchanu julchan tejkan kapuxkaulaqtsʼinaʼ. Jantu
vamun kixtaqniyaʼ ni kitʼin, va kalaqxtaqniyaʼ ixlhilhajatikʼan
tachun ni lapanakni yu kun achati tapakxanʼita para
kaminchoqol.
\s Ni Pablo skʼiniy aqtayjunti ni Timoteo
\p
\v 9 Kʼamakʼatʼi laqatapʼasta para niman kʼilaqtʼatʼi.
\v 10 Va kimakauntijlal ni Demas, va ayaj ixʼachaniy
xaʼaxtoqnuʼ aniy lakamunukpaʼ y va antacha laka putaulan
Tesalónica. Vachuʼ ni Crescente antacha Galacia. Vachuʼ
ni Tito antacha Dalmacia.
\v 11 Vamun Lucas kintʼavil. Kapiti iniʼ ni Marcos y
kʼilhitʼaniyeʼe. Yucha lay kiʼaqtayjuyaʼ la kilhitapatsa.
\v 12 Chavay ikmalaqachal Tíkiko laka putaulan Éfeso.
\v 13 Tejkan uxintʼi kʼatʼantʼachiy kalhitʼaneʼe ni
kinkutun yu ancha ikmakaumal la ixchaqaʼ Karpo laka
putaulan Troas. Vachuʼ kʼalhitʼa ni libros y apalay
maqskʼiniy kʼalhitʼa yu kijalhikixna.
\p
\v 14 Ni Alejandro yu tapatsay kun tsasnati va ayaj
kimaqanchapul. Ni kiJalhachimoʼonukʼan kamapalniyaʼ
por yu kimakanil.
\v 15 Uxintʼi vachuʼ kʼalhistʼajkʼa kun yucha, va ayaj
kintalhikiltsʼakʼastukni kinchivintikʼan.
\p
\v 16 Tejkan pʼunaj kʼaqanixtukal laka juez jantu matichun
kiʼaqtayjul, tachun kintamakauntijlaʼol. Va jantu kalakmakanil
kuenta ni Dios por yu tamakal.
\v 17 Pero ni Jalhachimoʼonuʼ Jesús ixʼalinta kun kitʼin
y kixtaqnil tapʼasta para lay kaklaqputeʼeʼol ni ox
chivinti y para kataqasmakʼol tachun yu jantu israelitas
kataval. Va chuncha va tacha kimalaqtaxtul la ixkilna
ni maqtaliʼ.
\v 18 Ni Jalhachimoʼonu Jesús kimalaqtaxtuyaʼ va tichichuncha
laqtaqal kintamakaniputul. Va kimaʼayaʼ para kaktsukuchal
taʼan jalhachimoʼonun laktʼiyan. Vamun yuʼ ay kamakakal
mas va tavanancha kaval, jantu aqtaun katamaktal. Va
chuncha kavalcha.
\s Ni Pablo lakmastakʼay yu ancha tavilanal
\p
\v 19 Kʼamastʼakʼatʼi Prisca ali Akila ali yu tavilanal
la ixchaqaʼ Onesíforo.
\v 20 Erasto tamakaul laka putaulan Corinto. Ni Trófimo
yucha ikmakaul taqanʼan laka putaulan Mileto.
\v 21 Kʼamakʼatʼi laqatapʼasta para kʼatʼatʼi tejkan
jantukaʼ lhikʼasniy jun. Tamastakʼayan Eubulo ali Pudente
ali Lino ali Claudia y tachun yu ketʼalaqauninkʼan.
\v 22 Ni Jalhachimoʼonu Jesucristo kaʼalil la metsukunti.
Vachuʼ ni Dios katamapaynin mintachunkʼan. Chuncha kavalcha.