\id HEB
\h HEBREOS
\mt2 Ni Karta yu Jalaqtsʼoqnikal ni
\mt1 Hebreos
\c 1
\s Ni Dios kintatʼachivinitan por istsʼal
\p
\v 1 Maqancha ni Dios aqlhuvaj jalaktʼachivinil kepayankʼan
kun pulhuu axtoqnuʼ yu makal. Jalaktʼachivinil por ni
lapanakni yu ixtalaqputeʼey ixchivinti.
\v 2 Pero chavaycha kintatʼachivinin por isTsʼal. Ni
Dios lakʼulal isTsʼal para ixnavin kaval tachun yu alin.
Vachuʼ junil isTsʼal ni kamakal ni lakamunukpaʼ kun
laktʼiyan.
\v 3 La ixjatsukunti ni Jesucristo ox tapulkuy y ancha
tasuy ixʼayaxtu ni Dios. Vachuʼ la ixjatsukunti ancha
tasuʼojoy tacha junita ni Dios. Ixchivinti lhitʼajun
tapʼasta y por yucha taylhaaniy tachun yu alin. Yucha
nil para kamalaqmixinikau kintalaqalhinkʼan, ex astan
taulchal laktʼiyan la ixlhijakanaj Dios yu ay junita.
\s Ni Jesucristo apalay ay junita xajantu yu ixmayulnin Dios
\p
\v 4 Jesucristo apalay ay val xajantu yu ixmayulnin
Dios. Xlhiyucha ni Dios mapaqaʼuy Jesucristo Sasʼatʼa
y chuncha masuy ni apalay ay junita.
\v 5 Ni Dios jantu aqtaun kajunil qayntaun ixmayul chuncha
tacha junil ni Jesucristo:
\q Uxintʼi va keSʼatʼa kʼatʼi.
\q Chavay ikxtaqnincha metsukunti.
\m Vachu jantu aqtaun kalhichivinil qayntaun ixmayul
tacha inchineʼ:
\q Kitʼin kajkunaʼ ixPay,
\q yucha kajunaʼ kinTsʼal.
\m
\v 6 Vachu tejkan ni Dios malaqachal aniy lakamunukpaʼ
Sasʼatʼa yu pʼunaj ixlhiʼalinta, ex naul:
\q Katatoʼoyal tachun ixmayulnin ni Dios.
\m
\v 7 La ixchivinti Dios taʼan lhichiviniy ixmayulnin,
najun:
\q Ni yuʼuncha Dios jalakmapaxay tus tacha un kataval
y vachuʼ tacha jikmi.
\q Yuʼuncha tatapatsaniy tacha ixʼoqxtamatin.
\m
\v 8 Pero yu Dios juniy ni Sasʼatʼa:
\q Ni uxintʼi, Dios kʼatʼi, ni mimpalhachimoʼon jantu aqtaun
kamiʼoyaʼ mas va tavanancha kaval.
\q Uxintʼi si vas jalhachʼimoʼonun.
\q
\v 9 Uxintʼi vamun achʼaniy yu la ox junita y xkʼaʼiy
yu talaqalhin.
\q Xlhiyucha ni miDios apalay ay lakʼulatan xajantu yu
mintʼaltanan.
\q Chuncha xtaqnitan apalay lhuu achati.
\m
\v 10 Vachu junkan Sasʼatʼa:
\q Uxintʼi Jalhachimoʼonu kʼatʼi, tejkan pʼunaj aqtaynil
ni lakamunukpaʼ va uxintʼi makʼatʼi xaputayan.
\q Vachuʼ kun mimakaʼ lakmakʼatʼi ni laktʼiyan.
\q
\v 11 Tachun yu anuʼ kamiʼoyaʼ pero uxintʼi va tacha kʼaʼalineʼecha.
\q Tachun si kapuchʼiyaʼ tacha laqchʼiti,
\q
\v 12 uxintʼi kʼasmiliyeʼe tacha aqxtaun laqchʼiti.
\q Kʼamapʼaxayeʼe kun yu laqsastʼi.
\q Pero uxintʼi jantu aqtaun tʼapʼaxay,
\q yu metsukunti jantu aqtaun kamiʼoyaʼ.
\m
\v 13 Vachuʼ Dios jantu aqtaun kajunil matichun ixmayul
chuncha tacha junil Jesús tejkan naul:
\q Kʼalhachʼimoʼoncha la kilhijakanaj,
\q tus tejkan klaqmaqalhajaʼoyaʼ tachun mintʼalaxkayan
tus kalakʼakchʼintʼamatʼi.
\m
\v 14 Yu ixmayulnin Dios tatapatsaniy tacha ixʼoqxtamatin
y va espíritus tajunita. Dios jalaqmalaqachay katamil
aqtayjunun ni lapanakni yu katalaqtaxtuyaʼ.
\c 2
\s Maqskʼiniy ox kamakau kuenta yu makal Dios para kintamalaqtaxtun
\p
\v 1 Xlhiyucha tsʼanqay apalay kamakau kuenta yu kintamalanitan,
para jantu kamakauntijlau ni lakatin taʼan alin ox jatsukunti.
\v 2 Maqancha ni ixmayulnin Dios talhiminil ni lapanakni
ixchivinti Dios y anchanu chivinti va laqsaval. Ex chuncha
ni lapanakni yu jantu kataqalasmaklhi, si talaqaʼil maqanlqajnati
yu ixtapaxtoqniy.
\v 3 Ex chuncha ni kijnankʼan, ¿tas ancha kapuqosaucha,
incha jantu makayau kuenta yu xtaʼa Dios para kintamalaqtaxtun?
Ni Jalhachimoʼonuʼ Jesucristo, yucha pʼunaj aqtayl lhichiviniy
tacha lay kalaqtaxtuu. Ni lapanakni yu taqalasmaklhi,
yuʼuncha astan kintamapasanin kijnan y kintamasunin
ni yucha va laqsaval.
\v 4 Ni Dios vachuʼ kintamasunin ni va laqsaval por
masul lajʼay axtoqnuʼ y kintaxtaqnin ni Espíritu Santo.
Va jaxtaqnil ixlapanakni tacha yucha xtaqputul.
\s Maqanlqajnal ni Jesús pero astan yu Dios ay makal
\p
\v 5 Ni Dios jantu kamaqxtaqnil ixmayulnin para katalhachimoʼonul
ni sastʼi lakamunukpaʼ yu kaʼalinaʼ astan. Klhichivinanau
ni anu lakamunukpaʼ.
\v 6 Alin la ixchivinti Dios taʼan chiviniy qayntaun
lapanaki y Dios va inchineʼ junkan:
\q ¿Valiʼiycha kilalaqtsʼinau ni kijnan yu valiʼiy lapanakni
kuntau?
\q Ni kijnan vamun sasʼatʼan lapanakni, ¿valiʼiycha pastakʼuyan
por kijnan?
\q
\v 7 Uxintʼi apalay lakatʼuniy kilamakau xajantu yu mimayulnin
\q pero lajʼay kilamakau, va tacha kilamaqxtaqniu taun
korona para kaktoʼoyakau.
\q Vachuʼ kilamaqxtaqniu lhachimoʼon para kaklhachimoʼonuu
kun tachun axtoqnuʼ yu makʼatʼi.
\q
\v 8 Tachun axtoqnuʼ yu alin si la kinchʼajakʼan lhilakʼulatʼi.
\m Va chuncha makal ni Dios, xlhiyucha jantucha alin tuʼuchun
yu jantu lay lhichimoʼoyau. Pero mas chuncha makal tus
chavaycha, jantukaʼ tasuy ni lay kalhichimoʼoo tachun
axtoqnuʼ.
\v 9 Pero laqtsʼinau ni Jesús. Yucha ayaj lakatʼuniy
makakal taun panchʼix, apalay lakatʼuniy xajantu ixmayulnin
Dios. Ni Dios kintamapaynin, xlhiyucha ni Jesús nil por
tachun ni lapanakni. Chavaycha ayaj ay xajtachal ni
Jesús para katoʼoyakal por maqanlqajnal y nil.
\p
\v 10 Tachun axtoqnuʼ yu alin va si Dios ixnavin y va
si por yucha alil. Yucha najun katapaxtoqnil laktʼiyan
tachun sasʼatʼan. Xlhiyucha malaqachal ni Jamalaqtaxtunuʼ
Jesús kamil jamaqanlqajnaʼ para jantu tuʼuchun katsʼanqal
la ixjatsukunti ni yucha.
\v 11 Ni Jesús yu kintamaqosunin kintalaqalhinkʼan y
tachun ni kijnan yu jamaqosunikau va qayntaun jaPay
lhitʼaunau. Xlhiyucha ni Jesús jantu maxanan kintajunin
ixtʼalaqaunin ali ixtʼalapanakni.
\v 12 Xlhiyucha la ixchivinti Dios taʼan tsʼoqkanta
najun inchineʼ:
\q Kaklhichivinanan tejkan kaklaktʼachivinaʼ ketʼalaqaunin.
\q Vachuʼ kaklhimilpayan y kaktoʼoyayan taʼan katataqxtoʼaʼ.
\m
\v 13 Vachuʼ najun:
\q Kitʼin kaktaylhaanaʼ lhakapuʼan ni Dios.
\m Alakataun vachuʼ tsʼoqkanta:
\q Aniy kʼalinta kun kesʼatʼan yu Dios kimaqxtaqnil.
\p
\v 14 Ni kijnan va yu jasʼatʼan y kilakatunajkʼan va
jamakanti vakax ali jakʼalnan. Xlhiyucha vachuʼ ni Jesús
lhitsukul ixlakatunaj yu vakax ali jakʼalnan tacha valiʼiy
lapanaki para lay kanil. Ex chuncha lay kamaqalhajal
ni aqmoqxnuʼ yu lhitʼajun ixtapʼasta lhinin.
\v 15 Chuncha ni lapanakni ayaj ixtatalhauniy lhinin
tus va tacha lakchʼikanta por ixtalhantikʼan pero chavaycha
ni Jesús jalakmakaul oxamaktamin.
\v 16 Yucha jantu kamil para kaʼaqtayjul ni angeles.
Va kilachil para kaʼaqtayjul ni sasʼatʼan Abraham.
\v 17 Xlhiyucha ixmaqskʼiniy kaval vachu va tacha kijnankʼan
yu ixlapanakni juntau para kintamapaynil y kaval tacha
qayntaun kura yu si vas tapatsaniy Dios. Chuncha val
para kintaxakanin kintalaqalhinkʼan.
\v 18 Ni yucha tejkan maqanlqajnal va laqtsʼintanukal
incha kamakal laqtaqal. Xlhiyucha lay kintaʼaqtayjuyan
ni kijnan tejkan maqanlqajnanau para jantu kamakau laqtaqal.
\c 3
\s Yu Jesús apalay ay xajantu ni Moisés
\p
\v 1 Ketʼalaqaunin, uxiknan yu ixnavin Dios untʼatʼik,
ni Dios va talaksakni para kʼaʼuntʼik ixlapanakni. Kʼamakʼatʼik
kuenta ni Jesús yu Dios malaqachal. Yucha yu xaʼay kuraj
yu kintajunan tacha maqskʼiniy kalhakapuʼau.
\v 2 Ni Jesús ayaj ox makaʼol ni lhitapatsa yu lhinaul
ni Dios. Vachu va chun ni Moisés makaʼol ni lhitapatsa
yu lhinaul ni Dios para ixlapanakni.
\v 3 Pero ni Jesús apalay ay junita xajantu ni Moisés
vachu va chun tacha qayntaun lapanaki yu makay aqataun
chaqaʼ apalay toʼoyakan xajantu yu chaqaʼ.
\v 4 Aqataun chaqaʼ si alin matichun yu makata pero
Dios yucha makaʼol tachun axtoqnuʼ yu alin.
\v 5 Ni Moisés ayaj ox tapatsal kun ixlapanakni ni Dios.
Va ixʼoqxtamati ixjunita y va yucha ixpaxtoqniy kalaqputeʼel
tachun yu Dios astan kanaunaʼ.
\v 6 Ni Cristo vachuʼ ox tapatsay kun ixlapanakni ni
Dios pero va Sasʼatʼa Dios junita. Kijnan va ixlapanakni
juntau incha ox lhakapuʼanau y vas taylhaʼanau y si
pakxanʼitau yu lajʼoxi.
\s Katastaknanaʼ ixlapanakni ni Dios
\p
\v 7 Xlhiyucha ni Espíritu Santo inchineʼ najun:
\q Chavaycha incha kilaqalasmakyau,
\q
\v 8 jantucha pʼays kʼamakʼatʼik melhanutkʼan.
\q Chuncha tamakal ni israelitas tejkan jantucha kataqasmaklhi
yu klhinaul, tejkan kintalaqtsʼintanul lakakʼavin.
\q
\v 9 Chuncha la maqancha mepayankʼan talaqtsʼil tachun
yu lajʼox axtoqnuʼ yu ikmakal para yuʼuncha tus cuarenta
jachʼitin.
\q Pero mas talaqtsʼil vanaj kintalaqtsʼintanul incha
kaklaqʼaqtayjul.
\q
\v 10 Xlhiyucha iktalqaunlhi kun ni anchanuʼ lapanakni,
\q va knaul: “Jantu aqtaun ox katamakal ixjalhanutkʼan.
\q Jantucha katamakal kuenta kilakatin.”
\q
\v 11 Xlhiyucha kitʼin ayaj klukujlal kun yuʼuncha y klakjunil:
\q “Jantu lay katastaknanaʼ chʼantaun kun kitʼin.”
\p
\v 12 Ketʼalaqaunin, kʼalhistʼajkʼantʼik para jantu matichun
kataylhaʼal kun yu jantu ox jatapastakʼati y jantu matichun
kamakauntijlal ni Dios yu kujta.
\v 13 Vananaj Dios talhijunan para chavaycha kʼaʼalasmaktʼik.
Xlhiyucha uxiknan tsʼanqay lhilhiy kʼalamapʼaysnitʼik
para jantu matichun kamakanukal kun talaqalhin y jantu
pʼays kaval ixjalhanuti.
\v 14 Chʼantaun juntau kun Cristo incha ox kataylhaanau
lhakapuʼanan tacha pʼunaj lhakapuʼau mas va tavanancha.
\v 15 Chavaycha kapʼastʼaktʼik yu najun ni Dios taʼan
tsʼoqkanta:
\q Chavaycha incha kilaqalasmakyau,
\q jantucha pʼays kʼamakʼatʼik melhanutkʼan tacha tamakal
ni israelitas tejkan jantucha katalaqaʼil kilhachimoʼon.
\m
\v 16 ¿Tas ayuʼuncha lapanakni yu taqasmaknil ixchivinti
ni Dios y jantu katalaqaʼil ixlhachimoʼon? Yuʼuncha
ixtajunita ni lapanakni yu jamaxtul ni Moisés xalakatʼun
Egipto.
\v 17 ¿Taʼayucha lukujlanil ni Dios tus cuarenta jachʼitin?
Va kun lapanakni yu tamakal talaqalhin. Yuʼuncha tanil
ni anchanuʼ lakakʼavin.
\v 18 ¿Tas ayuʼuncha lapanakni jalakjunil ni Dios yu
jantu lay katastaknanaʼ chʼantaun kun yucha? Va lapanakni
yu jantu kataqalasmaklhi.
\v 19 Chuncha kijnan laqtsʼinau ni jantu katalhakapuʼal.
Xlhiyucha jantu lay katatanuchal taʼan Dios lay kalakmastaknil.
\c 4
\s Lay katanutachaʼau taʼan lay kastaknau chʼantaun kun Dios
\p
\v 1 Chuncha vanaj lay katanutachaʼau taʼan lay kastaknau
chʼantaun kun Dios. Ex maqskʼiniy kamakau kuenta para
jantu katamakaul xaqayntaun ni uxiknan ex jantu lay
katanutachal.
\v 2 Ni kijnankʼan vachucha laqputeʼenikantau ni lajʼox
chivinti yu lay kapulaqtaxtuu, va aqstanchun tacha jalaqputeʼenikal
yu maqancha kintʼaʼisraelitaskʼan. Pero jantu katalhakapuʼal,
xlhiyucha para yuʼuncha jantu tuʼuchun xtapal kaval
mas taqasmaklhi ni anchanuʼ lajʼox chivinti.
\v 3 Ni kijnan yu lhakapuʼanau va yu tanuyachaʼau taʼan
lay kastaknanau chʼantaun kun Dios. Yucha naul:
\q Kitʼin klukujlal kun yu israelitas, va klakjunil
\q ni jantu lay katatanuyanta chʼantaun kun kitʼin taʼan
katastaknal.
\m Ni Dios makaʼol ixlhitapatsa vanaj tus tejkan makalcha
ni lakamunukpaʼ, ex astan jastaknalcha.
\v 4 Lakataun taʼan tsʼoqkanta la ixchivinti Dios lhichiviniy
yu laqatujunuʼ julchan, inchineʼ najun:
\q Tejkan laqatujuncha julchan val ni Dios ixmajkaniʼojotacha
tachun ixlhitapatsa ex jastaknalcha.
\m
\v 5 Alakataun najun taʼan tsʼoqkanta:
\q Yuʼuncha jantu lay katastaknanaʼ kun kitʼin.
\m
\v 6 Chuncha yu pʼunaj taqasmaklhi ni ox chivinti yu
lay kʼapʼulaqtʼaxtʼu, yuʼuncha jantu lay katatanuchal
por jantu kataqalasmaklhi. Pero chavaycha vananaj tsʼanqay
lati yu katatanuyanta taʼan katastaknanaʼ kun Dios.
\v 7 Xlhiyucha ni Dios laksaklhi taun julchan para katatanul
y yucha va chavaycha. Tapasal lhuu jachʼitin ex ni David
tsʼoqlhi y Dios kintaxaqalayan por yucha. Va naul:
\q Chavaycha incha uxiknan asmatʼatʼik yu najun ex jantu
kʼalapʼaysnitʼik melhanutkʼan.
\m
\v 8 Ni Josué jantu kalaqxtaqnil taʼan lay ox ixtastaknal
ixtʼaʼisraelitas. Xlhiyucha Dios lhichivinil ataun julchan.
\v 9 Ex chuncha vananaj xajachal taʼan lay tastaknan
ni ixlapanakni Dios.
\v 10 Yu jastaknan kun Dios yucha jastaknan la ixlhitapatsa,
vachu chun tacha Dios jastaknal la ixlhitapatsa.
\v 11 Tsʼanqay katapʼasniu para katanuchaʼau taʼan lay
kastaknau. Va jantu kaʼalil matichun yu kamakal tacha
ni anchanuʼ lapanakni yu jantu katalhakapuʼal.
\p
\v 12 Ni ixchivinti Dios yucha laqsaval kujta y vachu
lhitʼajun tapʼasta. Ni anchanu chivinti apalay kikxtuy
xajantu maqataun espada yu peʼextʼuy kikxtuy. Yucha
lay tanuy tus taʼan ixpulmanixtu la ixjatsukunti ali
ixjalhitsukunuʼ qayntaun lapanaki. Chuncha masuy incha
ox yu jalakpastaknan kun yu makaputun.
\v 13 Tachun yu makal ni Dios jantu lay tamaqsaqniy.
La ixlaqchul Dios ox laqtsʼin tachun yu makayau. Kaminaʼ
julchan tejkan kajunau valiʼiycha chuncha makau.
\s Ni Jesucristo vamun yuʼ ay kuraj
\p
\v 14 Ni Jesús, yu Sasʼatʼa Dios, yucha va xaʼay kuraj
junita para kijnan. Yucha tanuchal taʼan vil ni Dios.
Xlhiyucha maqskʼiniy kataylhaʼau lhakapuʼanan.
\v 15 Mas kintatsʼanqaniyan tapʼasta la kilhakapuʼatkʼan,
ni Jesús yu kinkurajkʼan yucha lay kintapaxkayan. Yucha
vachu laqtsʼintanukal incha lay kamakal talaqalhin vachu
chun tacha kijnan pero yucha jantu kamaqtaqalhinil.
\v 16 Xlhiyucha maqskʼiniy kataʼukstsʼuniu sin talhanti
taʼan jalhachimoʼonun ni Dios yu ox japaxkanan. Chuncha
kintamapayniyan y kintaxtaqniyan yu lajʼox tejkan kamaqskʼiniyau.
\c 5
\p
\v 1 Siya yu israelitas qayntaun valiʼiy lapanaki va
laksakkanta para xaʼay kuraj kaval. Yucha paxtoqniy
kamakal yu tamaqskʼiniy ni lapanakni para ox katataulal
kun Dios. Vachuʼ paxtoqniy kamaqxtaqlhi lapaxkan yu
jamoqslanti por yu talaqalhin.
\v 2 Yucha valiʼiy lapanaki y vachuʼ tsʼanqaniy tapʼasta.
Va aqstanchun tacha yu alati israelitas. Xlhiyucha lay
kalakmapaynil yu jantu tamalaqasiy y vachuʼ yu jantu
vas taʼukxpuʼan.
\v 3 Ni anchanuʼ kuraj tsʼanqaniy tapʼasta la ixlhakapuʼati.
Xlhiyucha vachuʼ paxtoqniy kamaqxtaqlhi ixlapaxkan por
ixtalaqalhin, vachu va tacha maqxtaqlhi por ixtalaqalhinkʼan
yu alati lapanakni.
\v 4 Jantu matichun kuraj lay laksakkan ixʼaman. Va
Dios yu lakʼulay tacha kuraj, vachu chun tacha lakʼulal
ni Aarón.
\p
\v 5 Vachu chun tapasay kun Cristo. Yucha jantu kalaksakkal
ixʼaman para kaval yu xaʼay kuraj. Va Dios yu lakʼulal,
chuncha tacha junil:
\q Uxintʼi va kesʼatʼa unitʼa, chavay ikxtaqnincha metsukunti.
\m
\v 6 Alakataun taʼan tsʼoqkanta la ixchivinti Dios vachuʼ
junil:
\q Uxintʼi unitʼa qayntaun kuraj mas va tavanancha,
\q vachu chun tacha yu Melkisedek.
\m
\v 7 Tejkan ni Cristo vananaj ixtijuyal aniy lakamunukpaʼ,
yucha pʼas skʼinil ni Dios kun qalhuti ali lhuu jatapayniti.
Tapayninil ni Dios yu lhuu tapʼasta lhitʼajun para kamalaqtaxtul
la ixlhinin. Ni Cristo ox ixtoʼoyay ni Dios, xlhiyucha
ni Dios ox qasmaklhi.
\v 8 Ni Cristo mas Sasʼatʼa Dios ixjunita pero lanil
qalasmaknaʼ ixPay tejkan makal yu lhinaul mas kun maqanlqajnati.
\v 9 Ex chuncha por lhitsukul yu ox jatsukunti yu jantu
tuʼuchun tsʼanqaniy, va yucha yu xajchal qayntaun yu
lay jalaqmalaqtaxtuy tachun yu taqalasmatʼa. Jalaqxtaqniy
jatsukunti yu jantu aqtaun kamiʼoyaʼ.
\v 10 Ni Dios lakʼulal tacha ay kuraj vachu chun tacha
ni Melkisedek.
\s Maqskʼiniy kataylhaʼau laninin ixchivinti Dios y jantu kamakauntijlau
\p
\v 11 Tachun yu aniy la alin yu klalhixaqalaputunau.
Pero ayaj lhitaʼay para kʼamalaʼasitʼik, va por jantu
malaʼasipʼutʼunatʼik.
\v 12 Uxiknan por maqancha lhakʼapʼupʼinatʼik ni Cristo
tapaxtoqniyan kʼamasutʼik ixchivinti Dios. Pero vananaj
maqskʼiniyatʼik kamasunichʼoʼokʼantʼik yu pʼunaj lanitʼik.
Va tacha jasʼatʼan untʼatʼik la milhakapuʼatkʼan, vananaj
tsʼanqay katsʼikʼitʼik y jantukaʼ lay uyatʼik yu ox
vayti.
\v 13 Yu tatsʼikʼiy, yuʼuncha vananaj tacha skʼatʼan
y chuncha jantukaʼ tamalaqasiy yu ox jatsukunti.
\v 14 Ni lhiʼuti yu laqpʼas lay taʼuy vamun yu lajʼay
lapanakni yu taʼajintacha. Yuʼuncha incha tamakay kuenta
la ixputsukukʼan lay tamispay yu ox ali yu jantu ox.
\c 6
\p
\v 1 Xlhiyucha kijnan maqskʼiniy kataylhaʼau para kalhitsukuu
yu vas jatsukunti. Kataylhaʼau laninin alati yu lhichiviniy
Cristo para laqpʼas kajuu la kilhakapuʼatkʼan. Maqancha
laniu y jantucha maqskʼiniy kalanichoqoo ni chivinti
yu najun ni maqskʼiniy kʼamakʼauntʼik lhitapatsa yu
jantu xtapal y kalhakʼapʼupʼintʼik ni Dios.
\v 2 Vachuʼ jantucha maqskʼiniy kalanichoqoo tisuncha
ixlhiʼatal kaʼaqchajʼau y vachuʼ tavanancha kʼamoqslanin
kimakakʼan qayntaun yu lhakapuʼan, yucha lanitaucha.
Vachuʼ ni chivinti yu masuy ni katakujchoqoyaʼ ni janinin,
y vachuʼ yu najun ni Dios kalakmukʼaniyaʼ jamaqanlqajnati
yu jantu aqtaun kamiʼoyaʼ. Tachun yu anuʼ lanitaucha.
\v 3 Chavaycha kataylhaaniyau laninin alati incha Dios
kintaʼaqtayjuyan.
\p
\v 4 Lati tamakauntijlay ixlhakapuʼatkʼan, ex jantucha
lay aaqtauncha katamapaxachoqol ixjatapastakʼatkʼan.
Tamalaqasil yu ox chivinti y tamispal yu kintaxtaqniyan
Dios y tamispal ixlhitapatsa ni Espíritu Santo,
\v 5 vachuʼ takʼatsal ni ayaj ox ixchivinti Dios y vachuʼ
tamispal ixtapʼasta Dios yu kaminaʼ astan.
\v 6 Incha yuʼuncha tamakauntijlay ixchivinti Dios, ex
astan jantucha lay chʼantaun katajunchoqol kun Dios.
Va tacha tamakxtukmukʼachoqoy ni Sasʼatʼa Dios laka
kurus y talaktuʼuy la ixlakaʼukxpukʼan ni lapanakni.
\p
\v 7 Yu taylhaʼan kun Dios va tacha tʼun yu laqchʼuchʼuy
xkan yu tamay. Ni anchanuʼ tʼun xtaʼa lhiʼuti para kataʼul
yu jamanavin y ni Dios najun ox kaval ni tʼun.
\v 8 Pero yu tamakauntijlay ni Dios va tacha tʼun yu
vamun jaltukun ajin kun tachun yu jantu lajʼoxi. Ex
jantu tuʼuchun xtapal kaval, ex ni Dios kamukʼaniyaʼ
laqtaqal, ex astan kalaqxavayaʼ kun jikmi.
\s Ox katʼaylhipʼintʼik para jantu tuʼuchun katatsʼanqanin yu pʼakxanʼiyatʼik
\p
\v 9 Mas chuncha klajunau, va klaʼachaniyau, va ijkʼatsayau
ni mimputsukukʼan jantu chun kaval tacha ni anchanuʼ
tʼun. Kijnan ikpakxanʼiyau ni kaxajchal yu apalay ox
la metsukuntikʼan y chuncha katasuyaʼ ni kʼalaqtʼaxtʼuyapitik.
\v 10 Ni Dios tachun axtoqnuʼ si ox makay. Yucha jantu
aqtaun kakaukyaʼ yu lajʼoxi yu makʼatʼatʼikcha. Dios
vachuʼ makay kuenta tacha jalakpʼaxkʼatʼik yu ixlapanakni
y jalaqʼaqtʼayʼutʼik por ox lhakʼapʼupʼinatʼik. Tus
chavaycha vananaj jalaqʼaqtʼayʼuyatʼik.
\v 11 Kijnan iknaunau por qayntamin si ox katʼaylhipʼintʼik
japaxkanan para jantu tuʼuchun katatsʼanqanin yu pʼakxanʼiyatʼik.
\v 12 Jantu kʼamakʼakʼantʼik malhaqnin. Maqskʼiniy kalaqtsʼiʼitʼik
ixputsukukʼan yu ox talhakapuʼan y tamaqantaulay y xlhiyucha
talaqaʼiy yu Dios naul kaxtaʼaʼ.
\s Lay lhakapuʼankan ixchivinti Dios
\p
\v 13 Tejkan ni Dios maqxtaqnil ixchivinti ni Abraham
va jurado makal. Va xʼaman lhimapasukal ixtaqaʼuti.
Jantu alin aqayntaun yu apalay ay kaval yu kalhimapasukal
chuncha tacha Dios.
\v 14 Ex chuncha naul, va junkal ni Abraham: “Kakxtaqniyan
lhuu achati y kaklalhavaniyan lhuu mepapanakni.”
\v 15 Ni Abraham pakxanil kun lhuu maqantaulati yu junil
ni Dios. Ex astan laqaʼil yu junkal.
\p
\v 16 Tejkan ni lapanakni taxtaqniy ixchivintikʼan, va
jurado tamakay. Va talhimapasuy aqayntaun yu apalay
ay kaval xajantu yuʼuncha. Ex jantucha apalay talhilakchiviniy.
\v 17 Xlhiyucha ni Dios astan, tejkan jamaqxtaqnil ixchivinti
ixpapanakni ni Abraham, va ixlakmasuniputun ni jantu
mapaxay ixjatapastakʼati. Xlhiyucha jurado makal tejkan
jamaqxtaqnil ixchivinti.
\v 18 Chuncha alin putʼuy chivinti yu jantu lay tapaxay.
Va maqxtaqnil ixchivinti y vachuʼ jurado makal. Ni Dios
jantu lay jalaklkanan. Va lakxkauyau ni Dios para kintaʼaqanixtun.
Chavaycha ixchivinti kintamalakaʼulayan incha ox lhakapuʼanau
ni laqsaval kintaxtaqniyan yu pakxanʼiyau.
\v 19 Ox pakxanʼiyau yu kintaxtaqniyan Dios y xlhiyucha
ox taylhaʼanau la ketsukuntikʼan mas va yu kalhitapasalcha.
Chuncha xajachal para saq kataulau la ketsukuntikʼan.
Yu pakxanʼiyau va laqsaval, va minachal tus ixlhipulakna
taʼan vil ni Dios. Va xlhiʼavintʼi taʼan kiltay ni laqchʼiti.
\v 20 Ni Jesús ancha tanuchal por kijnankʼan para kintamalaqltiʼanin
yu xatin. Chuncha ni Jesús yucha val xaʼay kura por
kijnan, mas va tavanancha, vachu chun tacha ni Melkisedek.
\c 7
\s Ni Melkisedek va toʼoyakal tacha ay kura
\p
\v 1 Ni Melkisedek, yucha ixjunita xaʼay jalhachimoʼonuʼ
laka putaulan Salem. Vachuʼ tapatsanil ni Dios yu vilchal
laktʼiyan, va tacha qayntaun kuraj. Ni Melkisedek kiitastukʼil
ni Abraham tejkan ixminchoqotacha taʼan jalaklhajal
laka lhilukuj ni lajʼay jalhachimoʼonun. Ancha ni Melkisedek
va naul ox katsukul ni Abraham.
\v 2 Ex ni Abraham lvaqnil laqatamin por laqakavin yu
kiilhajal laka lhilukuj. Yu ixtaqaʼuti ni Melkisedek
naunputun “ay jalhachimoʼonuʼ yu tachun ox makay”.
Yucha vachuʼ ixjunita xaʼay jalhachimoʼonuʼ laka putaulan
Salem yu naunputun “taʼoxamaktamiti”. Ex chuncha vachuʼ
naumputun va “xaʼay jalhachimoʼonuʼ taʼoxamaktamiti”.
\v 3 Ni Melkisedek jantu intachun lhichiviniy ixpay
ali ixnati ali ixjapapanakni. Vachuʼ jantu intachun
lhichiviniy tejkan tsukul ali tejkan nil. Ex ni yucha
vananaj va chun tacha yu Sasʼatʼa Dios y junita kuraj
mas va tavanancha.
\p
\v 4 Kʼamakʼatʼik kuenta ni Melkisedek, yucha ayaj ay
lapanaki ixjunita. Mas yu ay kimpaykʼan Abraham yu maqancha
ixtʼajun, yucha lvaqnil laqatamin por laqakavin yu jamaxtunil
ni jalhachimoʼonun laka lhilukuj.
\v 5 La ixlhachimoʼon ni Moisés najun, ni kuras yu tamintachal
kun Leví, yuʼuncha talhitʼajun lhachimoʼon para kataskʼinil
ni lapanakni yu laqatamin por laqakavin ixlhilhajatkʼan,
mas yuʼuncha va ixtʼalaqauninkʼan tajunita, mas yuʼuncha
vachuʼ va sasʼatʼan Abraham tajunita.
\v 6 Ni Melkisedek skʼinil yu laqatamin por laqakavin
yu ixpaxtoqniy kaxtaqlhi ni Abraham. Chuncha skʼil mas
jantu ixpapanti Leví ixjunita. Ex chuncha ni Melkisedek
naul va ox katsukul ni Abraham, chuncha tacha ixjunkantacha
katalhavayaʼ ixpapanakni.
\v 7 Tachun ni lapanakni takʼatsay ni yu najun ox katsukul,
yucha apalay ay junita xajantu yu junkan.
\v 8 Aniy siya kijnan ni lapanakni yu talaqaʼiy laqatamin
por laqakavin ni lhilhajati, yuʼuncha valiʼiy lapanakni
yu taniy. Jantu chuncha ni Melkisedek. La ixchivinti
Dios lhichiviniy tacha vananaj katsukul.
\v 9 Chavaycha ni Leví jalaqaʼiniy tachun yu taxtaʼa
ixpapanakni ni Abraham. Vachuʼ mapalnil ni Melkisedek
tejkan ni Abraham lvaqnil yu lhajal.
\v 10 Ni Leví yu ixpapanti ni Abraham va tacha ancha
ixʼalinta la ixlakatunaj ni Abraham tejkan paxtoqlhi
ni Melkisedek.
\p
\v 11 Maqancha tejkan ixtatapatsay tacha kuras yu oqxlaqtaun
yu minchal kun Leví, ni israelitas talaqaʼil ixlhachimoʼon
Moisés yu xtaqnil Dios. Pero ni lapanakni jantukaʼ ox
kun Dios kataval por ixlhitapatsakʼan ni anchanu kuras.
Xlhiyucha alinchoqol aqayntaun kura yu tacha Melkisedek
ixjunita, jantucha kaval tacha Aarón yu minchal kun Leví.
\v 12 Tejkan Dios malaqachal aputaun kura ex vachuʼ
makal aputaun jalhachimoʼon.
\v 13 Ni ixlhachimoʼon Moisés ixlhinajun yu katapatsal
tacha kura yu moqslay lapaxkan, yucha maqskʼiniy kaval
ixpapanti ni Leví. Pero yu aniy kura yu malaqachal Dios
yucha jantu kaminchal kun Leví.
\v 14 La ox kʼatsakan ni Jesucristo kiJalhachimoʼonukʼan
yucha ixpapanti ni Judá. Pero ni Moisés jantu kanaul
yu minchal kun Judá kaval tacha kura.
\p
\v 15 Chavaycha apalay ox lhikʼatsan, va minchal qayntaun
kura yu tacha Melkisedek.
\v 16 Yucha val kura pero jantu por ixpapanti Leví kaval
tacha najun ni jalhachimoʼon. Va por ixtapʼasta yu ixʼalin
la ixjatsukunti yu jantu aqtaun kamiʼoyaʼ.
\v 17 La ixchivinti Dios lhichiviniy Jesucristo, najun:
\q Uxintʼi kura kʼaʼuneʼe mas va tavanancha,
\q Ay kura kʼaʼuneʼe tacha yu Melkisedek.
\m
\v 18 Ex chuncha ni ixlhachimoʼon Moisés yu ixlhichiviniy
kuras yucha va ancha tamaktaycha, jantucha kalhitsukul
tapʼasta para kintaʼaqtayjun.
\v 19 Jantu matichun lapanaki lay ox kaval kun Dios
incha vamun por makay kuenta ixlhachimoʼon Moisés. Pero
chavaycha apalay ox yu pakxanʼitau por yu makal Jesucristo.
Ex chuncha lay talakanuniyau ni Dios.
\p
\v 20 Vachu ni Dios va jurado makal tejkan ulal ni Jesucristo
tacha kura.
\v 21 Chavay yu alati kuras yu ixlakʼulakanta maqancha,
jantu chun kachivinil Dios, ni Jesucristo va junkal ni
inchineʼ:
\q Ni Jalhachimoʼonuʼ Dios jurado makal
\q jantu kamapaxayaʼ ixjatapastakʼati,
\q va najun: “Uxintʼi kura kʼaʼuneʼe tacha Melkisedek
mas va tavanancha.”
\m
\v 22 Ex chuncha por ixlhitapatsa ni Jesús ox kʼatsayau
ni apalay ox ni chivinti yu Dios jatʼatamakaul chʼantaun
kun ixlapanakni. Jantucha tacha yu pʼunaj ixjunita.
\p
\v 23 Maqancha ni kuras ixtaniycha ex jantucha lay ixtaylhaʼan,
xlhiyucha ixmaqskʼiniy pumalhuu kuras.
\v 24 Pero yu Jesucristo yucha kurajcha junita mas va
tavanancha. Jantucha kaniyaʼ, va tacha taylhaʼantacha.
\v 25 Xlhiyucha mas va tavanancha lay jamalaqtaxtuy
ni lapanakni yu talhakapuʼan y chuncha lay talakanuniy
Dios. Mas va tavanancha yucha tʼajun y va tacha tapayninitacha
Dios por yuʼuncha.
\p
\v 26 Va chuncha maqskʼiniyau kijnankʼan qayntaun kura
yu chuncha junita. Yucha va yu ixnavincha ni Dios, jantu
kalhitsukul laqtaqal, vachu jantu talaqalhin. Jantu chʼantaun
kaval kun yu maqtaqalhinin, apalay ay junita xajantu
yu laktʼiyan.
\v 27 Maqancha qayntaun xaʼukxtin kura ixmaqskʼiniy
lhilhiy kamoqslal lapaxkan. Va pʼunaj moqslay por ixtalaqalhin
ni yucha, ex astan moqslay por ixtalaqalhinkʼan ni lapanakni.
Pero yu Jesús jantu chuncha maqskʼiniy. Yucha va aqtaun
tamaqxtaqlhi ixʼaman tacha lapaxkan.
\v 28 Yu ixlhachimoʼon Moisés yu pʼunaj xtaqlhi Dios,
yucha jalakʼulay xaʼukxtinin kuras yu valiʼiy lapanakni
tajunita, yu tatsʼanqaniy yu ox. Pero ixchivinti Dios
yu jurado makal astan yucha lakʼulay isTsʼal yu jantu
tuʼuchun tsʼanqaniy mas va tavanancha.
\c 8
\s Cristo kintamapasaniyan yu apalay ox chivinti yu Dios jatʼatamakaul ni lapanakni
\p
\v 1 Chavaycha tachun yu aniy naunputun va inchineʼ.
Alin yu xaʼay ukxtin, yucha kinkurajkʼan yu vilchal la
ixlhijakanaj yu ay Dios laktʼiyan.
\v 2 Ancha tapatsay laqa chaqaʼ taʼan laqsaval toʼoyakan
Dios. Jantu valiʼiy lapanakni yu katamakal ni anchanu
chaqaʼ, va kiJalhachimoʼonukʼan Dios yu makal.
\v 3 Qayntamin xaʼukxtin kura lakʼulakanta para kamoqslal
lapaxkan. Ex chuncha vachuʼ ni Jesucristo paxtoqniy
kamaqxtaqlhi lapaxkan.
\v 4 Chavay incha va katiʼukxuntayal ni Jesús aniy lakamunukpaʼ
jantu katapatsal tacha kuraj. Aniy yu kuras tamoqslay
lapaxkan tacha lhinajun ixlhachimoʼon Moisés.
\v 5 Chuncha ni chaqaʼ taʼan tatapatsay ni kuras kintamasuniyan
tsʼuniy tacha junita ancha laktʼiyan. Tejkan ni Moisés
va laycha ixʼaqtaynil makanaʼ ni chaqaʼ taʼan toʼoyakan
Dios, ex ni Dios lhijunil: “Ox kʼamakʼatʼi kuenta ni
va aqstanchun kʼamakʼatʼi tacha yu ikmasunin laka aspajun.”
\v 6 Chavaycha ni Jesucristo apalay ox ixlhitapatsa
xajantu yu ixtapaxtoqniy ni xaʼukxtinin kuras. Yucha
kintamapasaniyan yu apalay ox chivinti yu Dios jatʼatamakaul
ixlapanakni. Chavaycha va apalay ox yu Dios najun kamakayaʼ.
\v 7 Ixjalhachimoʼon Dios yu pʼunaj jatʼatamakaul ixlapanakni
va istsʼanqaniy tuʼuchun. Xlhiyucha chavaycha jatʼatamakaul
ixlapanakni aputaun lhachimoʼon.
\v 8 Dios naul ni lapanakni va ixtatsʼanqaniy tuʼuchun
la ixlhitapatskʼan. Va naul:
\q Ni Dios najun: Kaminaʼ julchan tejkan klaktʼatamakaunaʼ
sastʼi chivinti
\q kun kilapanakni yu tavilanal xalakatʼun Israel y vachuʼ
yu tavilanal xalakatʼun Judá.
\q
\v 9 Jantucha kunaʼ tacha yu chivinti yu maqancha klaktʼatamakaul
ixpayankʼan
\q tejkan klakmaxtuchal xalakatʼun Egipto.
\q Yuʼuncha jantu katataylhaʼal kun kilhachimoʼon.
\q Xlhiyucha jantucha kakmakal kuenta ixputsukukʼan, najun
ni Jalhachimoʼonuʼ Dios.
\q
\v 10 Ex naunchoqoy ni Jalhachimoʼonuʼ Dios:
\q Anchanu julchan klaktʼatamakaunaʼ sastʼi chivinti ni
lapanakni yu tavilanal xalakatʼun Israel para kaklaqʼaqtayjul.
\q Klakmanuniyaʼ kilhachimoʼon la ixjatapastakʼatkʼan,
\q klaqtsʼoqmukʼaniyaʼ la ixjalhanutkʼan.
\q Ex ni kitʼin ixDioskʼan kajkʼunaʼ,
\q yuʼuncha kilapanakni katajunaʼ.
\q
\v 11 Jantucha matichun kamalaniyaʼ ixtʼamachaqaʼ.
\q Jantucha kajunaʼ para kamispal ni Dios.
\q Tachun kintamispaʼoyaʼ,
\q mas yu apalay lakatʼuniy lapanaki, mas yu apalay ay
kaval.
\q
\v 12 Kakmalaqmixiniyaʼ ixlaqtaqalkʼan,
\q jantucha kakmakayaʼ kuenta ixtalaqalhinkʼan.
\m
\v 13 Chuncha ni Dios najun va sastʼi ni chivinti yu
chavaycha jatʼatamakaul ixlapanakni para kalaqʼaqtayjul.
Yucha naunputun yu ataun lhachimoʼon jantucha paxtoqniy
y yu jantucha paxtoqniy kamiʼolcha.
\c 9
\s Toʼoyakan Dios lakamunukpaʼ ali laktʼiyan
\p
\v 1 Ni chivinti yu Dios pʼunaj jatʼatamakaul ixlapanakni
yucha lhinaul tacha maqskʼiniy katʼoʼoyatʼi ni Dios.
Vachu lhinaul ixmakaka ni chaqaʼ taʼan katʼoʼoyatʼi
Dios aniy lakamunukpaʼ.
\v 2 Tamakal aqataun karpa yu pulaktʼuy ixjunita. Yu
pulaktaun taʼan putanukanachal ancha ixʼalin yu pumachʼatakan
ni maklku, vachuʼ yu mesa taʼan moqslanikan pan ni Dios.
Anchanuʼ pulaktaun ixjunkan Taʼan ixnavin Dios.
\v 3 Ex yu xlhiʼavintʼi taʼan jukʼal ni laqchʼiti yu
apulaktaun, ancha ixjunkan yu Vamun ixnavin Dios.
\v 4 Ancha ixyal ni altar yu jamakanti si oro taʼan
ixtalaqxavay pun y vachu yu xakajun yu ixlhimaqapamilkanta
oro yu masuy ni Dios va chʼantaun kun ixlapanakni. Ixpulakna
ni anchanuʼ kajun ancha ixtamaʼay laqataun xaluj yu
jamakanti oro taʼan yu ixtapumujuy maná. Vachu ni anchanuʼ
kajun ixtʼajun ixpaliki Aarón yu maqlaqapʼul. Vachu
ixtanun yu ltaʼal chiyux taʼan istsʼoqkanta ixlhachimoʼon
Dios.
\v 5 La ixʼukxni ni kajun ancha ixtayanal pumatʼuy yu
tacha lapanakni kun ixpaqachujkʼan yu ixtamasuy taʼan
ixvil ixtapʼasta Dios. Ancha ixjamalaqmixinikan ixtalaqalhinkʼan
ni lapanakni. Pero chavay jantucha maqskʼiniy iktaylhaʼal
lhichiviniʼ.
\p
\v 6 Tejkan chuncha laʼoxikal ex ni kuras lhilhiy ixtatanuy
yu pulaktaun taʼan putanukanachal. Ixtamakay yu lhinaunkal
para katatoʼoyal ni Dios.
\v 7 Pero yu xapulaktʼiyunuʼ yu apalay ixpulakna, ancha
ixtanuy vamun yu xaʼukxtin kura y vamun aqtaun laka
jachʼitin. Ixmaqskʼiniy kalhaʼal xajakʼalna ixtalhitsukutkʼan
yu ixtamoqslay para kamalaqmixinikal ixtalaqalhin ni
yucha y vachu ixtalaqalhinkʼan tachun ni lapanakni.
\v 8 Ex chuncha ni Espíritu Santo masuy ni va lakchajuy
yu pulaktʼiyunuʼ taʼan vil ni Dios. Vamun laqltiʼay
taʼan putanukanachal y jantu lay tapasakan xlhiʼavintʼi.
\v 9 Ancha taʼan putanukanachal yucha chavaycha masuy
tas tajunita ixputsukukʼan ni lapanakni. Ancha yu lapaxkan
yu moqslanikan Dios jantu lay laʼoxiy ixjatapastakʼatkʼan
ni lapanakni yu chuncha talhitoʼoyay Dios.
\v 10 Vamun paxtoqniy kilakatunajkʼan tacha yu vayti
ali yu lay oqkan y tacha maqskʼiniy kalaʼachʼaʼakʼa
y tacha kalaʼoxikʼa yu ixlhimakan milakatunaj. Vamun
ixpaxtoqniy tus kaʼalil yu sastʼi lhachimoʼon.
\p
\v 11 Ex kilachil ni Cristo tacha xaʼukxtin kura yu
lhimil ni ox putsuku. Ex al laktʼiyan y va tacha katanul
aqataun karpa yu apalay ay y apalay ox. Anchanu karpa
jantu katamakal lapanakni y jantu xanavin aniy lakamunukpaʼ
kaval.
\v 12 Cristo aqtauncha tanuchal tus yu xapulaktʼiyunuʼ
taʼan vil ni Dios. Ancha jantu katanul por kataxtul
xajakʼalna chivo o xajakʼalna sasʼatʼa vakax para lapaxkan.
Lay tanul por ixjakʼalna ni yucha. Va chuncha makal
para lay kalaqtaxtuyau y katsukuyau mas va tavanancha.
\v 13 Yu xajakʼalna ni chivos ali toros ixtalhipuxvay
ni lapanakni. Vachuʼ yu xajalkʼakʼa ni becerra yu xavakantacha
ixlhiyajuy kun xkan y ixtalhipuxvay ni lapanakni para
kalaqlaqachaʼakal y para ox kataval kun Dios.
\v 14 Incha chuncha val ex chavaycha apalay pʼays yu
ixjakʼalna ni Cristo para katalaʼoxinin mijatapastakʼatkʼan.
Kun ixtapʼasta ni Espíritu ni Cristo yucha xʼaman tamaqxtaqlhi
la ixtamakaʼ Dios y jantu tuʼuchun talaqalhin kalhitsukul.
Chuncha jantucha tapaxtoqniyan kamakʼatʼik lhitapatsa
yu lhixajachal lhinin, va tapaxtoqniyan kʼatʼapʼatsʼanitʼik
ni Dios yu kujta.
\p
\v 15 Chuncha ni Jesucristo kintamapasaniyan ni sastʼi
chivinti yu Dios jalaktʼatamakaul ixlapanakni. Ex chuncha
ni lapanakni yu Dios jalakjuntaʼita lay laqaʼiyau tachun
yu lajʼoxi yu jantu aqtaun kamiʼoyaʼ. Yucha Dios naul
kintaxtaqniyan. Ixʼalin kilaqtaqalkʼan por jantu kamakau
yu ixlhinajun ni chivinti yu pʼunaj jatʼatamakaul ixlapanakni.
Pero nil ni Cristo y xlhiyucha kintamalaqmixinin kilaqtaqalkʼan.
\p
\v 16 Tejkan pastakʼa ni kanil qayntaun lapanaki, va
tsʼoqmulay laka jalhiki taʼayucha ixnavin kunaʼ ixmaqaliti
tejkan kaniyaʼ.
\v 17 Yu tsʼoqʼulanti ni anchanuʼ laka jalhiki vamun
lhitsukuy tapʼasta tejkan niy yu tsʼoqlhi. Chavay incha
vananaj kujta ex jantukaʼ kalhitsukul tapʼasta.
\v 18 Vachu va chun ni chivinti yu Dios pʼunaj xtaqlhi,
yucha ixmaqskʼiniy kanil tuʼuchun y kataxtul ixjakʼalna
para kalhitsukul tapʼasta.
\v 19 Chuncha ni Moisés jalaqputeʼeniʼol ni lapanakni
tas lhinajun ni lhachimoʼon. Ex malhiyaul xajakʼalna
becerros ali chivos ali xkan y matsamal maqataun kʼiu
yu akchʼimukʼanta kun jachʼauti. Ex jalaklhipuxval ni
lapanakni y vachuʼ ni jalhiki taʼan tsʼoqʼulanti ni
lhachimoʼon.
\v 20 Ni Moisés lakjunil ni lapanakni: “Yu aniy jakʼalna
masuy ni Dios chʼantaun tatʼamakaunan ixchivinti kun
uxiknan.”
\p
\v 21 Ex vachu lhipuxval ni jakʼalna ni karpa taʼan
ixtatoʼoyay Dios y vachuʼ tachun ni axtoqnuʼ yu ixtamapatsay
tejkan ixtatoʼoyay Dios.
\v 22 Ni anchanuʼ lhachimoʼon lhinaul katalaʼoxil tachun
kun jakʼalna. Najun incha jantu taxtuy jakʼalna ex jantu
lay malaqmixikan ni talaqalhin.
\s Jesucristo tamaqxtaqlhi tacha lapaxkan para chuncha kalaqmixlhi talaqalhin
\p
\v 23 Ex chuncha tachun yu ixtamapatsay tejkan ixtatoʼoyay
ni Dios talaʼoxil tejkan ixtamoqslay lapaxkan. Tachun
ni anchanuʼ axtoqnuʼ vamun tamasuy tsʼuniy tas junita
laktʼiyan taʼan vil ni Dios. Xlhiyucha para katʼoʼoyatʼi
Dios laktʼiyan maqskʼiniy yu apalay ox lapaxkan.
\v 24 Ni chaqaʼ yu tamakal ni lapanakni taʼan kataputoʼoyal
Dios vamun masuy tsʼuniy tacha junita laktʼiyan. Pero
Cristo jantu katanul anchanu chaqaʼ, va tanuchal yu laktʼiyan
taʼan laqsaval vil ni Dios y ancha vil chavaycha para
kintaʼaqtayjun.
\v 25 Yu xaʼukxtin kura va si ixtanuy aqtamin laka jachʼitin
yu pulaktaun taʼan junkan Vamun ixnavin Dios. Va ixlhaʼan
jakʼalna yu jantu ixnavin, va tacha lapaxkan. Pero ni
Cristo va aqtaun tanul taʼan vil Dios para katamaqxtaqlhi.
\v 26 Incha aqlhuu katanul para katamaqxtaqlhi ex maqskʼiniy
aqlhuu kanil mas tejkan aqtaynil ni lakamunukpaʼ tus
chavaycha. Pero jantu chuncha kaval. Chavaycha tachun
va tʼajun miʼonuʼ y va aqtauncha tanuchal. Va tamaqxtaqlhi
tacha lapaxkan para chuncha kalaqmixlhi talaqalhin.
\v 27 Maqskʼiniy tachun va aqtaun kaniu, ex astan Dios
kalakmukʼaniyaʼ laqtaqal yu tapaxtoqniy.
\v 28 Vachu va chun ni Cristo va aqtaun tamaqxtaqlhi
para kanil para kalaqmixlhi ixtalaqalhinkʼan pumalhuu
lapanakni. Ex kaminchoqoyaʼ aaqtauncha, jantucha para
kalaqmixlhi talaqalhin, va kalaqmalaqtaxtuyaʼ ni lapanakni
yu tapakxanʼita.
\c 10
\p
\v 1 Ni lhachimoʼon yu Dios xtaqnil Moisés jantu kaval
yu lajʼoxi yu Dios kalaqxtaqniyaʼ ixlapanakni. Vamun
masuy tsʼuniy tas junita yu lajʼoxi yu kaʼalinaʼ astan.
Taun taun jachʼitin va lhinajun lhilhiy katamoqslal
ixlapaxkankʼan. Ex ni anchanuʼ lhachimoʼon por ixmoqslaka
lapaxkan jantu lay lajʼoxi lakmakay ni lapanakni yu
talakanuniputun Dios.
\v 2 Incha ni lapaxkan oxicha kalakmakal ni lapanakni
y kalaqmixlhicha ixtalaqalhinkʼan ex jantucha katapastaklhi
ixlaqtaqalkʼan y jantucha ixmaqskʼiniy katamaqxtaqlhi
lapaxkan.
\v 3 Pero tataylhaʼal moqslanan lapaxkan taun taun jachʼitin
y chuncha ixtapupastakʼa ixlaqtaqalkʼan.
\v 4 Yu xajakʼalna ni toros kun chivos jantu lay malaqmixiy
talaqalhin.
\p
\v 5 Xlhiyucha ni Cristo tejkan kilachil ni aniy lakamunukpaʼ
va naul, va junkal ni Dios:
\q Jantucha maqamayan kʼamoqslanikʼa lapaxkan,
\q va kʼimakʼanitʼacha ni kitʼin kilakatunaj.
\q
\v 6 Tejkan talaqxavay ixlapaxkankʼan laka jikmi por ixtalaqalhinkʼan
jantucha lhipaʼiniyan.
\q
\v 7 Ex chuncha iknaul: “Chavay, kiDios kʼatʼi, aniy kminta
para kakmakal yu uxintʼi naʼun,
\q tacha kilhitsʼoqkanta la xalibro yu lhachimoʼon.”
\m
\v 8 Chuncha pʼunaj naul: “Jantucha maqamayan tejkan
tamoqslay lapaxkan nisin tejkan talaqxavay talhitsukuti
por ixtalaqalhinkʼan.” Chuncha naul mas tachun ni anchanuʼ
lapaxkan va yu lhinajun ni lhachimoʼon.
\v 9 Ex astan najun: “Aniy ikminta para kakmakal yu
uxintʼi naʼun.” Ex chuncha ni Dios moqosuy yu maqaniyaʼ
lapaxkan y vamun laqaʼiy yu sastʼi ixlapaxkan ni Cristo.
\v 10 Chuncha ni Jesucristo makal yu lhinaul Dios. Xlhiyucha
kintamalaqmixinitan kintalaqalhinkʼan va por aqtauncha
tamaqxtaqlhi ixlakatunaj tacha taun lapaxkan.
\p
\v 11 Tachun ni kuras israelitas lhilhiy tataylhaʼan
moqslanan lapaxkan aqlhuva mas jantu lay malaqmixiy
talaqalhin.
\v 12 Pero yu Jesucristo vamun aqtauncha tamaqxtaqlhi
para kalaqmixlhi talaqalhin mas va tavanancha kaval.
Ex taulal la ixlhijakanaj Dios.
\v 13 Ancha pakxan tus kalaklhajayaʼ tachun ixtʼalaxkaynin
y kalakchʼintamaʼoyaʼ.
\v 14 Va aqtauncha tamaqxtaqlhi tacha lapaxkan y chuncha
laklaʼoxil para siempre tachun ni lapanakni yu jantucha
katalhitsukul talaqalhin.
\v 15 Ni Espíritu Santo vachu va chun kintajunan, va
najun:
\q
\v 16 Anchanu julchan klaktʼatamakaunaʼ sastʼi chivinti
ni lapanakni, najun ni Dios.
\q Klakmanuniyaʼ kilhachimoʼon la ixjalhanutkʼan,
\q klaqtsʼoqmukʼaniyaʼ la ixjatapastakʼatkʼan.
\m
\v 17 Ex naunchoqoy ni Dios,
\q Jantucha kakmakayaʼ kuenta ixtalaqalhinkʼan nisin ixlaktuʼuntikʼan.
\m
\v 18 Chuncha tejkan laqmixacha ni talaqalhin ex jantucha
maqskʼiniy kamoqslatʼi lapaxkan para kʼamalaqmixnikʼa
mintalaqalhin.
\s Kʼatʼalakʼanunin ni Dios
\p
\v 19 Xlhiyucha, ketʼalaqaunin, por ixjakʼalna ni Jesús
yu kilapaxkankʼan jantucha talhananau para katanuu tus
ixpulakna taʼan vil ni Dios.
\v 20 Jesucristo kintamalaqltiʼanin sastʼi tin para
lay katsukuyau y katapasau por yu laqchʼiti yu lhipulakapitsinti
taʼan vil ni Dios. Lay putapasayau ixlakatunaj yu tamaqxtaqlhi.
\v 21 Yucha kinkurajkʼan va yu xaʼay kura tachun ixchaqaʼ
ni Dios.
\v 22 Xlhiyucha katalakanuniu ni Dios kun laqsaval la
kelhanutikʼan y jantu katalhanau. Va laqsaval lhakapuʼanau
ni laʼoxikantacha kelhanutikʼan. Xlhiyucha jantucha
kintamukʼaniyan laqtaqal la kijatapastakʼatkʼan, va lhiʼaqchajʼautaucha
kun yu ox xkan.
\v 23 Vas kataylhaʼau tacha pʼunaj, tejkan najuu ni lhakapuʼanau
y pakxanʼitau ni Jesucristo, jantu kamakauntijlau. Dios
lay lhakapuʼanikan ni yucha kamakayaʼ laqsaval tacha
najun.
\v 24 Maqskʼiniy kamakau kuenta tas lay kalamalakpastakʼaniu
para apalay ox kalapaxkau y para kamakau yu lajʼoxi.
\v 25 Lati yu ixtalhakapuʼan jantucha tataqxtoʼa pero
kijnankʼan maqskʼiniy kataylhaʼau taqxtoqnun y kalaxtaqniu
ox jatapastakʼati. Va lakamintacha ni julchan tejkan
kaminchoqoyaʼ ni Jesucristo.
\p
\v 26 Tejkan mispayau ixchivinti Dios yu laqsaval, incha
taylhiʼuxaʼanau maqtaqalhinin ex jantucha alin aputaun
lapaxkan yu lay kintamalaqmixiniyan kintalaqalhinkʼan.
\v 27 Ex vamun alin maqanlqajnati yu talhaunikan. Ancha
tasuy ixtalqaunti ni Dios, yu tacha jikmi kaval yu kalaqmaqniʼoyaʼ
ixtʼalaxkaynin.
\v 28 La ixlhachimoʼon Moisés incha matichun kamakal
ay talaqalhin, ex incha kaʼalil qayntʼuy u qayntʼutu
yu laqsaval talhitaulay ex jantu ixtamapaynin, va ixtamaqniy.
\v 29 Incha chuncha val kun ixlhachimoʼon Moisés ex
apalay lhuu maqanlqajnati paxtoqniy qayntaun lapanaki
yu akchʼintamay Sasʼatʼa Dios. Yucha jantu makay kuenta
ixjakʼalna ni Jesucristo yu masuy tacha Dios chʼantaun
jun kun ixlapanakni. Vachuʼ malukujlay ni Espíritu Santo
yu ayaj japaxkanan.
\v 30 Mispayau ni Dios y yucha najun: “Kitʼin kimpaxtoqniy
kakmamaqanlqajnival y kitʼin kakxtaqniyaʼ yu tapaxtoqniy.”
Vachu la ixchivinti Dios najun: “Ni Jalhachimoʼonuʼ
Dios kalakmukʼaniyaʼ ixmaqanlqajnatkʼan ni lapanakni.”
\v 31 Ayaj lhitalhauniti tejkan katsʼukʼu la ixmakaʼ
ni Dios yu kujta.
\p
\v 32 Kapʼastʼakchʼoʼotʼik tejkan pʼunaj mispʼatʼik
ixchivinti Dios. Va tacha maklku la metsukuntikʼan y
ox maʼalhaʼatʼik mas ayaj lhitaʼay ixjunita kun lhuu
jamaqanlqajnati.
\v 33 Aqtamix la ixʼukxpulakapukʼan tachun ni lapanakni
ixtalaktuʼuyan y ixtalhimaqchapuyan. Vachuʼ chʼantaun
untʼik kun yu alati metʼalaqaunin yu vachu talhimaqanlqajnal.
\v 34 Jalakmapʼaynitʼik tejkan tatanul laka pachʼin.
Vachuʼ tejkan maxtʼunikʼantʼik yu minavinkʼan va ox
maʼantʼaulʼotʼik kun achati. Ixkʼatsʼayatʼik ni laktʼiyan
apalay ox yu alinachal yu minavinkʼan yu jantu kamiʼoyaʼ.
\v 35 Jantu kʼamakʼauntʼijlatʼik yu ox mispʼayatʼik,
jantu katʼalhanantʼik. Incha katʼaylhipʼinapitik ex
ox kalhaʼayapitik.
\v 36 Maqskʼiniy kamaʼantʼaulʼotʼik para kʼamakʼatʼik
tacha yu lhinajun Dios. Ex chuncha kalaʼaʼiyapitik yu
Dios naul kalaqxtaqniyaʼ ixlapanakni.
\v 37 La ixchivinti Dios najun:
\q Va tsʼuniy tsʼanqay ex kaminchoqoyaʼ yu maqskʼiniy
kamil,
\q jantucha kataqmaqayaʼ.
\q
\v 38 Yu kitʼin ox klaqtsʼin, yucha va por ixlhakapuʼati
katsukuyaʼ
\q pero incha taspʼikchoqoy ex jantucha kilhipaʼiniy.
\m
\v 39 Kijnankʼan jantu chun kajuu tacha yu tataspʼikchoqoy
y tatsʼanqay. Kijnan va lhakapuʼanau y va chuncha kapulaqtaxtuyau.
\c 11
\s Tas junita yu ox lhakapuʼati
\p
\v 1 Incha kʼalhitsʼukʼu lhakapuʼati ex ox kʼatsʼay
ni kaʼalinaʼ yu pʼakxanʼiy, mas chavaycha jantukaʼ tasuy.
\v 2 Ni Dios ox jalaqaʼil yu maqaniyaʼ lapanakni por
ixlhakapuʼatkʼan.
\v 3 Por lhakapuʼanau ixchivinti Dios va xlhiyucha malaqasiyau
ni Dios makal tachun yu alin. Ex chuncha tachun yu alinta
yucha makal mas pʼunaj jantukaʼ tuʼuchun ixʼalinta.
\p
\v 4 Ni Abel ox lhakapuʼal ni Dios y xlhiyucha moqslal
apalay ox lapaxkan xajantu yu Caín. Chuncha ni Dios
laqaʼinil ixlapaxkan Abel y laqtsʼil tacha ox lapanaki.
Ex nil pero mas nitacha va tacha vananaj kintaxaqalayan
por ixlhakapuʼati, va kintamasuniyan para kalaqtsʼiʼiu.
\v 5 Ni Enoc yucha lhakapuʼal ni Dios. Xlhiyucha lhaʼankal
kujnuʼ laktʼiyan, jantu kamispal lhinin. Ex jantucha
lay ixtemakan, va ixlhaʼantacha ni Dios. La ixchivinti
Dios najun ni Dios ox laqtsʼil tacha tiʼukxuyal.
\v 6 Incha jantu kʼalhakʼapʼupʼi ni Dios ex yucha jantu
lay ox kalaqtsʼin. Yu talakanuniputun ni Dios maqskʼiniy
kalhakapuʼal ni alinta y vachu kalhakapuʼal ni jalaqxtaqniy
yu lajʼoxi tachun yu laqsaval tapuxkajuy.
\v 7 Vachuʼ ni Noé yucha lhakapuʼal ixchivinti Dios
tejkan junil ni kalaqmixaʼ kun xkan ni lakamunukpaʼ
mas jantukaʼ ixtasuy. Va makal kuenta y makal laqataun
ay barco yu tapulaqtaxtul ixlapanakni. Ex va lakmukʼanikal
ixlaqtaqalkʼan yu alati lapanakni. Pero ni Noé lhakapuʼal,
xlhiyucha ni Dios ox laqtsʼil.
\p
\v 8 Ni Abraham yucha lhakapuʼanil ixchivinti Dios tejkan
lhijunil kataxtul la ixtʼun para kaʼal alakataun yu
ixnavin kunaʼ. Jantu ixkʼatsay toʼoxtaycha kachaanacha
tejkan taxtul la ixtʼun.
\v 9 Va lhakapuʼal ni Dios, xlhiyucha tsukuchal anchanuʼ
lakatʼun yu Dios naul ixnavin kunaʼ, mas tiʼukxuntayal
taʼan jantu machaqaʼ kaval. Va ixtaulay laka karpa y
vachuʼ Isaac ali Jacob, yu vachuʼ ixtʼunkʼan val.
\v 10 Ni Abraham va ixpakxanʼiy lakataun putaulan yu
ox makakanta kun xaputayan. Va lakataun yu Dios lhinajun
tacha maqskʼiniy kaval y va yu Dios makay.
\v 11 Ni Sara vachuʼ lhakapuʼanil ixchivinti Dios. Mas
va la xanaticha y jantucha lay kalhitsukul jasʼatʼa,
pero lhakapuʼanil yu Dios naul katapasayaʼ. Xlhiyucha
va xtaqnikal tapʼasta para kalhitsukul jasʼatʼa.
\v 12 Ex chuncha ni Abraham, mas ayaj xapaycha, va kun
yucha taminchal pumalhuu lapanakni tus tacha jastʼakun,
tus tacha yu lakstʼuniy kukuj yu alin la ixkilpaʼ lakamar,
jantu lay puteʼekan.
\p
\v 13 Tachun ni anchanuʼ lapanakni ox ixtalhakapuʼan
tejkan tanil. Jantukaʼ ixtalaqaʼiy yu Dios ixnajunta
kalaqxtaqniyaʼ. Pero ixtakʼatsay ni kaʼalinaʼ tacha
Dios naul, xlhiyucha lhiʼachantajul. Ixtanajun ni va
tapasanaʼ ixtajunita, va jantu machaqan aniy lakamunukpaʼ
kataval.
\v 14 Lapanakni yu chuncha tanajun ox tamasuy ni tapuxkajuy
alakataun putaulan taʼan mero ixtʼunkʼan kunaʼ.
\v 15 Incha katapastaklhi ni lakatʼun taʼan taminchal
ex la lay kataʼanchoqol.
\v 16 Pero ixtaʼuxaʼan alakataun putaulan taʼan apalay
ox kaval, yu alin laktʼiyan. Xlhiyucha ni Dios jantu
lhimaxanan tejkan yuʼuncha tanajun va yucha ixDioskʼan
junita. Yucha jalaqlaʼoxinitacha alakataun putaulan.
\p
\v 17 Ni Abraham lhakapuʼal ni Dios y xlhiyucha tejkan
Dios laqtsʼintanul ex makal yu lhijunkal. Va lhimil
ni Isaac va ixlhimoqslal tacha taun lapaxkan mas Dios
ixnajunta va yucha kapuʼalil pumalhuu sasʼatʼan.
\v 18 Ni Dios lhichivinil ni Isaac tejkan junil ni Abraham:
“Va por Isaac katapuʼalinaʼ tachun mesʼatʼan.”
\v 19 Ni Abraham ixkʼatsay ni Dios lay kamajkujuchoqol
ni Isaac mas kanil. Laqsaval va laycha chuncha ni Abraham
laqaʼichoqol istsʼal.
\p
\v 20 Ni Isaac va lhakapuʼal ni Dios y xlhiyucha jalaklhitapaynil
istsʼalan para lajʼoxi kataval ixjatsukuntikʼan, yuʼuncha
va ni Jacob ali Esaú.
\v 21 Ni Jacob va lhakapuʼal ni Dios. Xlhiyucha tejkan
va laycha kanil jalaklhitapaynil ni Dios por qayntamin
istsʼalan. Va taqayntatayal para katoʼoyal Dios, va putayal
ixpaliki.
\v 22 Ni José va lhakapuʼal ni Dios. Xlhiyucha tejkan
va laycha kanil va lhichivinil tejkan katataxtuchoqotachal
ni israelitas laka Egipto. Lhinaul va kalhaʼankal ixjalhukuti
para kamaknunikal la ixtʼunkʼan.
\p
\v 23 Ni Moisés tejkan tsukuchal, ex ixjapayan ixtalhakapuʼan
Dios. Xlhiyucha tamaqsaqlhi por laʼatʼutu malkuyuʼ, talaqtsʼil
ni va la kʼus ixjunita. Jantu katatalhaunil ni ay jalhachimoʼonuʼ
Egipto yu ixlhinajunta ixmaqnika istsʼalankʼan ni israelitas.
\p
\v 24 Ex ni Moisés tejkan lhikʼatsalcha, vachuʼ lhakapuʼal
ni Dios. Xlhiyucha jantu kamispaputunkal tacha ixpapanti
ni jalhachimoʼonuʼ Egipto.
\v 25 Va xtaqkal para kalhimaqchapukal kun ixlapanakni
ni Dios. Jantu kataʼachajunil taun panchʼix yu talaqalhin.
\v 26 Apalay ox lhilal kalhilaktuʼukal por Cristo yu
kamalaqachayaʼ ni Dios xajantu kalhitsukul tachun xamaqaliti
ni Egipto. Va ixpakxanʼita yu lhilhajati yu Dios kaxtaqniyaʼ.
\v 27 Va lhakapuʼal ni Dios, xlhiyucha taxtuchal xalakatʼun
Egipto. Jantu katalhaunil ixlhilukuj ni jalhachimoʼonuʼ.
Va tacha kalaqtsʼil ni Dios yu jantu laqtsʼinkan, xlhiyucha
va taylhaʼal.
\v 28 Va lhakapuʼal ni Dios, xlhiyucha makal yu xakʼatan
Paxku. Chuncha ni israelitas ixtalhipuxvay jakʼalna
xakiltalakxtuti ni ixchaqakʼan. Ex chuncha ixmayul Dios
yu lhimil lhinin jantu kalaqmaqnil istsʼalankʼan yu
saʼoqsni.
\p
\v 29 Ni israelitas yuʼuncha talhakapuʼal Dios, xlhiyucha
yu lakamar yu junkan Xlapul va xixlhicha tejkan talaqpuslhi.
Pero tejkan ixtalaqpusputun yu xatropas Egipto, ex yu
xkan aqtsaunchoqol, va taʼaqskajʼuʼol.
\p
\v 30 Aaqtaun ni israelitas talhakapuʼal Dios, xlhiyucha
taqtal yu lajʼay xaʼexni laka putaulan Jericó tejkan
tamaqachoqonul paqtujun.
\v 31 Ancha laka putaulan, yu jamaqtaqalhini xanati yu
ixjunkan Rahab, yucha lhakapuʼal Dios. Xlhiyucha ox jalaqaʼil
ixlapanakni Dios yu tamaqsaqtanul ancha la ixchaqaʼ.
Chuncha jantu kanil kun yu alati yu jantu katamakal
kuenta ixchivinti Dios.
\p
\v 32 ¿Tisuncha apalay kaknaul? Kintsʼanqaniy julchan
para kaklhichivinil Gedeón, Barak, Sansón, Jefté, David
ali Samuel kun yu ixtalaqputeʼey ixchivinti Dios maqancha.
\v 33 Yuʼuncha talhakapuʼal Dios y xlhiyucha tamaqalhajal
ixtʼunkʼan ni jalhachimoʼonun, ox talhachimoʼonul, talaqaʼil
yu Dios ixnajunta kalaqxtaqniyaʼ ixlapanakni, tamalakchaunil
ixkilnakʼan yu maqtalin.
\v 34 Tamamixil lajʼay jikmi yu laqpʼas, taqoslhi tejkan
va laycha ixlaqmaqnikal kun espada, tatapʼasnil tejkan
ixtatsʼanqaniy tapʼasta, ixtataʼayajnan tejkan ixʼalin
lhilukuj, tatixkaukyaul xatropas ixtʼalaxkayninkʼan.
\v 35 Lati xanatin, yu ixapaynin takukchoqol mas ixtanitacha.
Alati lapanakni va ayaj jalaqmamaqanlqajnivakal por
ixlhakapuʼatkʼan, jantu katamakauntijlal mas taylhaʼal
ixmaqanlqajnatkʼan, va ixtalaqaʼiputun ni jatsukunti
yu apalay ox tejkan katakujchoqoyaʼ.
\v 36 Lati jalaktuʼukal y jalaqmaqanaqkal y jalakchʼikal
kun kadena laka pachʼin.
\v 37 Lati va jalaktʼalmaqnikal kun chiyux, lati jalaktampachukʼuʼakltʼiukal,
lati jalaqmaqnikal kun espada. Lati ixtatiʼukxuntayay
y ixtamalaqchʼinin vamun kun ixtaʼan borregos ali chivos,
va payniʼincha kilpatanin, tamajkʼatsal, jalaqlhimaqchapukal.
\v 38 Ni anchanuʼ lapanakni va ayaj lajʼoxin tus jantu
tapaxtoqniy kalaktʼataulal xalapanakni ni aniy lakamunukpaʼ,
mas ixtatiʼukxuntayay lakakʼivinan, laka aspajunaxnan,
ixtatsukuy taʼan poqapaj lakatʼun.
\p
\v 39 Tachun ni anchanuʼ lapanakni ayaj ox ixtalhakapuʼan
Dios. Pero aniy lakamunukpaʼ jantu katalaqaʼil yu Dios
ixnajunta kalaqxtaqniyaʼ ixlapanakni.
\v 40 Dios ixkʼatsay ni kaʼalinaʼ yu apalay ox yu chavaycha
kintapaxtoqniyan kijnan. Chavaycha kun kijnankʼan ni
anchanuʼ lapanakni yu ixtalhakapuʼan jantu tuʼuchun
tatsʼanqaniy.
\c 12
\s Katʼiʼukxuntʼayatʼik tacha Jesucristo
\p
\v 1 Chuncha la alin lapanakni yu kintamasuniyan tas
junita ixlhakapuʼatkʼan, va tacha kintamalaqachoqoxnuyan.
Xlhiyucha kamakaunau tachun yu kintatanchaniyan la kimputsukukʼan
y kamakajuu tachun yu talaqalhin yu kintalakalhumatan.
Mas lhitaʼay, va kamaqantʼaqniʼojoocha, kataylhaʼau takyaunan
yu lakatin yu taylhaʼantau.
\v 2 Vamun kapastakvi tacha makal ni Jesús. Yucha kintamapʼulan
y kintalhachaʼan tus taʼan tamaktay yu lakatin yu puʼanau
la kilhakapuʼatkʼan. Yucha xtaqkal para kanil laka kurus
mas ayaj lhimaxan. Va ixkʼatsay ni kalhiʼachantajuyaʼ
astan y chavaycha vil la ixlhijakanaj ni Dios taʼan
lhachimoʼonun.
\p
\v 3 Kʼamakʼatʼik kuenta tacha ixjunita ni Jesús, ni
maqtaqalhinin lapanakni ayaj mamaqanlqajnival pero yucha
maqantaqniʼol. Ex chuncha jantu kalaʼalhoʼontʼik la
milhakapuʼatkʼan y jantu katachanin.
\v 4 Jantukaʼ maqnikʼanatʼik mas tamamaqanlqajnivayan
yu tamaqtaqalhinin.
\v 5 Kʼaukchʼoʼotʼatʼik la ixchivinti Dios taʼan taxaqalayan
tacha sasʼatʼan. Va najun:
\q Kesʼatʼa kʼatʼi, kʼamakʼatʼi kuenta ni ayaj xtapal tejkan
ni Dios lhimaqchapuyan para chuncha kalakpʼastʼakna.
\q Jantu kachʼanin mas laqʼaymayan.
\q
\v 6 Dios lasavalay ixjatsukunti ni lapanaki yu ox paxkay.
\q Lhimaqchapuy yu ox laqaʼiy tacha sasʼatʼa.
\m
\v 7 Maqskʼiniy katʼayaniʼotʼik tejkan Dios talhimaqchapuyan.
Dios talaqtsʼinan tacha sasʼatʼan, xlhiyucha lhitʼapʼasayatʼik
yu lhitaʼay la metsukuntikʼan. ¿Taʼayucha japay jantu
aqtaun kalaqʼaymal istsʼal?
\v 8 Dios jalaklasavalay tachun sasʼatʼan. Incha jantu
lasavalayan ex jantu laqsaval sasʼatʼa kaʼuntʼi, va tacha
aqchunaʼ kʼatʼi.
\v 9 Yu kepayankʼan aniy lakamunukpaʼ mas ixkintalaqʼaymayan
va ixtoʼoyayau. Ex apalay kaqalasmakniyau ni kimPay
Dioskʼan yu kintaxtaqniyan ketsukuntikʼan y chuncha
ox katsukuyau.
\v 10 Kepayankʼan va taun panchʼix ixkintalasavalayan
tacha yuʼuncha ox talhilal. Pero Dios kintalasavalayan
para ox kaxajchal la ketsukuntikʼan para lajʼoxi kajuu
chʼantaun kun yucha.
\v 11 Chavaycha tejkan Dios kintalasavalayan la ketsukuntikʼan
jantu achati kaval, va maqaniti. Pero chuncha pulaniyau
yu ox jatsukunti. Va lhixajachal yu ox putsuku yu oxamaktaun.
\s Jantu kamajʼantʼik ixchivinti Dios
\p
\v 12 Xlhiyucha kʼalhitsʼukʼuchʼoʼotʼik tapʼasta la
mimakakʼan ali miʼaqtsoqoqnikʼan para lay ox katʼaylhipʼintʼik.
\v 13 Vas kʼamakʼatʼik milakatinkʼan para katapʼasnichoqol
yu tatsʼanqaniy tapʼasta para lay kaltananchoqol.
\v 14 Kʼamakʼatʼik laqatapʼasta para ox kalalaqtsʼintʼik
tachun ni lapanakni. Vachuʼ katʼiʼukxuntʼayatʼik jantu
kun tuʼuchun laqtaqal. Incha alin milaqtaqal ex jantu
lay kalaqtsʼi ni Dios.
\v 15 Kʼamakʼatʼik kuenta para tachun kalaʼaʼitʼik ixjamapayninti
ni Dios. Vachuʼ jantu matichun kaxkʼayyatʼik. Incha
matichun kaxkayanal, ex pumalhuu katalaxkayl.
\v 16 Jantu matichun katʼatamal aqayntaun yu jantu ixnavin
kaval y jantu matichun kaʼakchʼintamal yu xtaʼa ni Dios.
Ni Esaú akchʼintamal yu ixpaxtoqniy tacha xajayaʼ, va
lhistʼal tsʼuniy vayti.
\v 17 Kʼatsʼayatʼik ni astan ni Esaú junil ixpay para
kaskʼinichoqol Dios. Ixnajun kalhitsukuchoqol yu ixpaxtoqnita
pero jantucha kalaqaʼikal, mas mapaxal ixjatapastakʼati,
mas skʼil kun laqpuqalhuti.
\p
\v 18 Uxiknan jantu katʼayachipitik taʼan titay ni aspajun
taʼan maqancha takilal ni israelitas. Anchanuʼ aspajun
va yu lay chʼapakan, va ixmaqtajiy kun jikmi, va ixputsʼista
y ayaj lhitalhan y ixʼalin uniyaxkan.
\v 19 Vachuʼ jantu kaʼasmaktʼik ni anchanuʼ pʼays sqol,
vachuʼ yu pʼays chivinti jantu kaʼasmaktʼik tacha maqancha
yuʼuncha taqasmaklhi. Va taskʼil para jantucha kalaklhijunil
tuʼuchun chivinti.
\v 20 Yuʼuncha jantucha lay ixtatayaniy yu ixlhinaunkanta
yu inchineʼ: “Mas va taʼayucha kachʼintal taʼan titay
ni aspajun, ex katʼalmaqnikal kun chiyux, mas kaval laqataun
talhitsukuti.”
\v 21 Va ayaj lhitalhauniti ixjunita, tus Moisés naul:
“Tus ikxkapʼiknil kun kintalhanti.”
\p
\v 22 Jantu ixpʼinatʼik ni anchanuʼ aspajun. Va tacha
kachʼipʼintʼatʼik laka aspajun yu junkan Sión taʼan
alin laka putaulan Jerusalén. Pero jantu xaputaulan
aniy lakamunukpaʼ kaval. Va yu xaputaulan laktʼiyan
taʼan vil ni Dios yu kujta. Ancha chʼipʼintʼatʼik taʼan
alin miles kun miles ixmayulnin Dios yu tataqxtoʼa kun
achati.
\v 23 Tʼaqxtʼoqtʼik kun ixlapanakni ni Dios, yu sasʼatʼan
tajunita. Ixtaqaʼutikʼan va jatsʼoqʼulakanta taʼan laka
palhachimoʼon laktʼiyan. Chʼipʼintʼatʼik taʼan vil ni
Dios yu laqlaʼoxiy ixlaqtaqalkʼan ni lapanakni. Chʼipʼintʼatʼik
taʼan alin ixlhitsukunukʼan ni lapanakni yu jantu katalhitsukul
talaqalhin.
\v 24 Chʼipʼintʼatʼikcha taʼan vil ni Jesús yu kintamapasaniyan
ni sastʼi chivinti yu Dios kintatʼamakajun. Chʼipʼintʼatʼik
taʼan alin yu jakʼalna yu lhipuxvakan para kamalaqmixinikal
talaqalhin. Yucha xtaʼa apalay ox jatsukunti xajantu
ni jakʼalna yu moqslal ni Abel.
\p
\v 25 Jantu kamajʼantʼik ixchivinti Dios yu taxaqalayan.
La maqancha ni israelitas tamajʼanil ixchivinti Moisés
yu jalaqxaqalal aniy lakamunukpaʼ. Astan jantu lay ixtaqosa
ixmaqanlqajnatkʼan. Ex laqsaval kijnan jantu lay kaqosvi
kimaqanlqajnatkʼan incha kamajʼaniyau ixchivinti Dios
yu kintaxaqalayancha laktʼiyan.
\v 26 La maqancha ni lakatʼun va xkapʼiknil tejkan chivinil
Dios. Chavaycha najun: “Tejkan chuncha kakchivinchoqoyaʼ
kaxkapʼikninaʼ ni lakamunukpaʼ y vachuʼ yu laktʼiyan.”
\v 27 Tejkan chuncha najun ni Dios va lhichiviniy ni
julchan tejkan kamaqosuyaʼ tachun yu makal yu jantu
lay tayaniy. Ex vamun kaxajtachal yu katayaniyaʼ.
\p
\v 28 Xlhiyucha kaxtaqniu lhimalaqpuchuncha ni Dios
por ukxuyanau taʼan lhachimoʼonun. Ancha jantu aqtaun
kalaklayaʼ. Ex chuncha katʼalhaunitʼik ni Dios y ox
katʼoʼoyatʼik.
\v 29 Yu kiDioskʼan va tacha jikmi yu laqxavanan.
\c 13
\s Ox kʼatʼapʼatsʼanitʼik ni Dios
\p
\v 1 Katʼaylhipʼintʼik lapaxkanan tacha tʼalaqaunin.
\v 2 Ox kʼalaʼaʼitʼik la minchaqaʼ mas kaval lapanakni
yu jantu mispʼayatʼik. Lati mas jantu ixtakʼatsay, va
ixmayulnin Dios tamaloqojnil.
\v 3 Kalakpʼastʼaktʼik yu tatanumanal laka pachʼin.
Kakʼatsʼantʼik va tacha kalaktʼachʼikʼantʼik ni uxiknan.
Vachu yu jalaqlhimaqchapukanta, va kʼakʼatsʼantʼik tacha
chʼantaun kʼaʼuntʼik.
\p
\v 4 Tachun maqskʼiniy katʼoʼoyatʼik ni lakxtuklati.
Ox katʼaylhipʼintʼik yu lakxtuklati, jantu kamaqtʼaʼalhinintʼik.
Ni Dios kalakmukʼaniyaʼ ixlaqtaqalkʼan tachun yu tatʼatamay
yu jantu ixnavinkʼan kaval.
\v 5 Jantu kaʼachʼanitʼik tumin, va katʼaʼoxamaktʼamitʼikcha
kun yu lhitʼaunatʼikcha. Ni Dios va naul: “Jantu aqtaun
klamakaunau, va si klaʼaqtayjuyau.”
\v 6 Xlhiyucha jantu talhananau, va naunau:
\q Ni Dios kintaʼaqtayjuyan,
\q jantu katalhananau.
\q Yu lapanakni jantu tuʼuchun lay kintamakaniyan.
\p
\v 7 Kalakpʼastʼaktʼik yu xalajʼaynin yu tamasunin ixchivinti
Dios. Kʼamakʼatʼik kuenta tas lhixajchal ixputsukukʼan
y katʼaylhipʼintʼik tacha ixlhakapuʼatkʼan.
\v 8 Ni Jesús jantu tapaxay, va aqstanchun mas va kutancha,
mas chavaycha, mas va tavanancha.
\v 9 Jantu kʼamakʼanukʼantʼik mas lati tamalaniputunan
aputaun jatapastakʼati yu jantu paxtoqniy. Talhinajun
tisuncha lay kaʼutʼi pero yu talhinajun jantu matichun
aqtayjuy. La ketsukuntikʼan vamun ixjamapayninti ni
Dios lay kintaʼaqtayjuyan.
\p
\v 10 Ni kilapaxkankʼan va tacha yu ixtamoqslay maqancha
yu jantu jalaqxtaqnikan lakatin para kataʼul ni yuʼuncha.
\v 11 Tejkan ixtamakay ni anchanuʼ lapaxkan yu ixtamoqslay,
ex yu xaʼukxtin kura lhaʼal xajakʼalna talhitsukuti
tus ixpulakna ni chaqaʼ taʼan ixtatoʼoyay Dios. Va para
kalaqmalaqmixinikal ixtalaqalhinkʼan. Pero ixlakatunajkʼan
ni talhitsukuti ixtaxavay ixlhimaqspaʼ ni putaulan.
\v 12 Chuncha vachuʼ ni Jesús va maqnikal ixlhimaqspaʼ
ni laka putaulan para kalaqmalaqmixinikal ixtalaqalhinkʼan
ixlapanakni por ixjakʼalna.
\v 13 Ex kijnankʼan vachuʼ maqskʼiniy kaʼau taʼan alin
ni Jesús. Jantucha katanuu la ixputsukukʼan ni lapanakni
mas kintalaktuʼuyan.
\v 14 Aniy taʼan vilanau kamiʼoyaʼ. Va lakxkauyau ataun
putaulan yu kaminakaʼ.
\v 15 Por yu makal Jesús va si ay makayau ni Dios. Ex
chuncha kalhixajchal tacha kilapaxkankʼan yu minachal
la kinkilkʼan tejkan ox lhichivinau ixtaqaʼuti.
\v 16 Kʼamakʼatʼik yu lajʼoxi y kalaʼaqtʼayʼutʼik. Chuncha
lhixajachal tacha lapaxkan yu lhipaʼiniy Dios.
\p
\v 17 Kaʼalʼasmaktʼik yu xalajʼaynin yu talhakapuʼanan
y kamakʼatʼik kuenta yu talhijunan. Yuʼuncha talhistakʼan
la metsukuntikʼan y kataxtaqniyaʼ kuenta ni Dios por
ixlhitapatsakʼan. Ex kaʼalʼasmaktʼik para lay katatapatsal
kun achati. Incha ayaj lhitaʼay para yuʼuncha ex jantu
ox lhixajachal para uxiknan.
\v 18 Kaskʼintʼik Dios por kijnankʼan. Ox ijkʼatsayau
ni jantu alin kilaqtaqalkʼan. Tachun yu ikmakayau va
ox iktiʼukxuntayaputunau.
\v 19 Ni kitʼin va klaskʼiniyau ni kaskʼintʼik Dios
para niman aaqtauncha lay klatʼataulchoqochaʼau.
\s Jalakmastakʼachoqokan ni lapanakni
\p
\v 20 Ni Dios oxamaktaun kintamakayan. Yucha majkujuchoqol
kiJalhachimoʼonukʼan Jesús tejkan ixnitacha. Ni Jesús
va la ay y kintalhistakʼan tacha ixborregos. Ixjakʼalna
masuy ni Dios chʼantaun kintatʼamakajun mas va tavanancha.
\v 21 Xlhiyucha ni Dios kataxtaqnin tachun yu lajʼoxi
yu maqskʼiniyatʼik. Ex lay kʼamakʼatʼik yu lhinajun.
Vachuʼ kamakal Dios la ketsukuntikʼan va yu kalhipaʼinil.
Chuncha kamakal por ixjatsukunti ni Jesucristo yu paxtoqniy
katoʼoyakal mas va tavanancha kaval, jantu aqtaun katamaktal.
Va chuncha kavalcha.
\p
\v 22 Klaskʼiniyau, ketʼalaqaunin, ox kʼalaʼaʼitʼik ni
chivinti yu klalhixaqalau kun yu aniy lakatʼuniy karta.
\v 23 Va iknajun kakʼatsʼatʼik ni kilaqajkʼan Timoteo
taxtuchoqotacha laka pachʼin. Incha niman kachinaʼ ex
iktʼaʼantachal tejkan klalaqʼanchoqoyau.
\p
\v 24 Kʼamastʼakʼatʼik tachun yu talhichimoʼoyan y tachun
ixlapanakni ni Dios. Vachuʼ tamastakʼayan yu aniy tavilanal
xalakatʼun Italia.
\v 25 Ni Dios katamapaynin mintachunkʼan.