\id 2PE
\h 2 PEDRO
\mt2 Yu Xaʼaqxtʼiyunuʼ Karta yu Tsʼoqlhi ni
\mt1 Pedro
\c 1
\s Ni Pedro jamastakʼay yu talhakapuʼan Jesucristo
\p
\v 1 Kitʼin kSimón Pedro, ixʼoqxtamati Jesucristo y vachuʼ
ixtamalaqachan kunita. Klatsʼoqniyau ni uxiknan yu lhakʼapʼupʼinatʼik
yu ayaj xtapal, vachu va chun tacha kijnan. Chuncha val
porke Jesucristo yu kiDioskʼan y kiJamalaqtaxtunukʼan
va si ox makay axtoqnuʼ.
\v 2 Ayaj katamapaynin ni Dios y oxamaktaun katamakan
por mispʼayatʼik ni Dios ali Jesús kiJalhachimoʼonukʼan.
\s Tas kataputsukul ixlapanakni Jesucristo
\p
\v 3 Kun ixtapʼasta ni Dios kintaxtaqnin tachun yu maqskʼiniyau
la ketsukuntikʼan para lay katoʼoyau. Chuncha val por
mispau ni Dios yu kintajuntaʼin por ayaj ox junita.
\v 4 Por ixʼoxixtu kintajunin ni kintamakaniyan yu lajʼay
axtoqnuʼ yu ayaj xtapal para chuncha mimputsukukʼan
kaval tacha ixputsuku ni Dios. Ex chuncha lay kalajʼosmajʼantʼik
axtoqnuʼ yu mamiʼoniy metsukuntikʼan, axtoqnuʼ yu alin
lakamunukpaʼ por ayaj talakanajun katamakal.
\v 5 Xlhiyucha jantu vamun lhakʼapʼupʼinatʼik, vachuʼ
kʼatʼapʼasnitʼik para ox katʼiʼukxuntʼayatʼik. Ox katʼiʼukxuntʼayatʼik
kun jatapastakʼati.
\v 6 Kʼalhitsʼukʼutʼik jatapastakʼati, vachuʼ ox kʼalhistʼakkʼantʼik.
Ox kalhistʼakkʼantʼik kun maqantaulati. Kʼamaʼantʼaulatʼik,
vachuʼ katʼoʼoyatʼik ni Dios.
\v 7 Katʼoʼoyatʼik ni Dios y vachuʼ kʼalamapʼaynitʼik
tacha tʼalaqaunin. Kʼalamapʼaynitʼik kun japaxkanti.
\p
\v 8 Incha tachun yu aniy alin la metsukuntikʼan y apalay
talhavay ex jantu valiʼiy kunaʼ metsukuntikʼan. Vachu
kaxajtachal yu ox por mispʼayatʼik Jesucristo kiJalhachimoʼonukʼan.
\v 9 Pero taʼayuʼ yu jantu chun katijuntayal, yucha lhiʼakxajachal
tacha taun laʼachʼix yu jantu maqati lakachaʼan. Va
lajkaukmajʼan ni ixmalaqmixinikantacha ixtalaqalhin
yu pʼunaj ixmakay.
\v 10 Xlhiyucha, ketʼalaqaunin, kʼatʼapʼasnitʼik para
chuncha kʼaʼukxuntʼayatʼik. Ex lay kakʼatsʼatʼik ni
tajuntaʼitan y talaksaktan ni Dios. Incha chuncha makʼayatʼik
ex jantu aqtaun kʼamakʼauntʼijlayapitik.
\v 11 Ex chuncha ayaj ox laqa achati kalaʼaʼikʼanapitik
taʼan jantu aqtaun miʼojoy ixjalhachimoʼon Jesucristo,
yucha kiJalhachimoʼonukʼan y kiJamalaqtaxtunukʼan.
\p
\v 12 Xlhiyucha klataylhaanau mapastakninin tachun yu
aniy mas kʼatsʼayatʼikcha y tʼaylhipʼinatʼik kun ni
chivinti yu laqsaval, yu lanitʼik.
\v 13 Kitʼin klhilay tejkan vananaj iktʼajun va kimpaxtoqniy
kaklamapastaknichoqoo ni aniy.
\v 14 Ijkʼatsay niman kakniyaʼ. Va chuncha kijunil kiJalhachimoʼonukʼan
Jesucristo.
\v 15 Kakmakayaʼ laqatapʼasta para lay kapʼastʼakʼalhitʼik
yu aniy tejkan kakniyaʼ.
\s Yu talaqtsʼil ixʼayaxtu ni Jesucristo
\p
\v 16 Klamasuniu ixtapʼasta ni Jesucristo, vachu klamasuniu
va kaminchoqoyaʼ. Jantu valiʼiy kuentos kaval yu lajkʼus
jamakanti. Kijnan va laqsaval klaqtsʼiu ixʼayaxtu la
kintalakavantikʼan.
\v 17 Klaqtsʼiu tejkan kimPay Dioskʼan ay makal, tus
tʼoqx ixlakatunkujunta. Va qasmakkal taun chivinti yu
minchal kun yu ox ayaxtu ni Dios, va naunkal: “Yucha
yu aniy ni kesʼatʼa yu kʼachaniy, va klhiʼachantajuy
por yucha.”
\v 18 Kijnankʼan ijqasmakvi ni anchanu chivinti yu minchal
tus laktʼiyan. Va chʼantaun xaktayanau ni laka aspajun
taʼan ixʼalinta Dios.
\p
\v 19 Chuncha apalay kʼatsayau ni laqsaval chuncha val
ixchivintikʼan yu maqancha ixtalaqputeʼey ixchivinti
Dios. Yucha maqskʼiniy kamakʼatʼik kuenta, va tacha taun
maklku yu mapulkuy laka putsʼisniʼ tus katunkulcha.
Kʼalhiʼachʼantʼaʼutʼik tacha katasul la melhanutkʼan
yu ay jastʼaku yu xajachil puvakuj.
\v 20 Pʼunaj maqskʼiniy ox kakʼatsʼatʼik ni jantu matichun
lay kanaul ixʼaman yu naunputun ixchivinti Dios yu maqancha
tsʼoqkanta.
\v 21 Ixchivinti Dios yu ixlaqputeʼekan maqancha jantu
kaminchal kun yu valiʼiy lapanaki. Lapanakni yu vamun
Dios ixtatapatsaniy, yuʼuncha ixtalaqputeʼey yu ixlakmasuniy
ni Espíritu Santo.
\c 2
\s Yu tamasuy jalaklkanti
\r (Judas 4-13)
\p
\v 1 Maqancha xalapanakni Israel ixtaʼalin lati lapanakni
yu jantu vas ixtalaqputeʼey ixchivinti Dios. Vachu chun
kaʼalinaʼ lati kun uxiknan yu jantu vas katamalaniyan.
Katamanuniyan chivinti yu katalaktʼilhiyan. Katamakauntijlayaʼ
ni Jesús yu jalaqmalaqtaxtul y chuncha katapaxtoqniyan
para tsʼalaj kalaʼaʼitʼik maqanlqajnati.
\v 2 Katamakayaʼ axtoqnuʼ yu jantu lajʼoxi, ex lati katalaqtsʼiʼiyaʼ
makanan tacha yuʼuncha. Ex alati lapanakni katalaktuʼuyaʼ
yu laqsaval ox tin.
\v 3 Por ixʼakchaʼatkʼan katamaxtuniyan mintuminkʼan
tejkan katamasuniyan chivinti yu jalaklkanti. Tus la
maqancha, yuʼuncha jalhipakxaʼikanta maqanlqajnati y
chavay jantu kataqmaqayaʼ.
\p
\v 4 Dios jantu kamalaqmixinil ni ixmayulnin yu maqancha
tamaqtaqalhinil. Va jalaklhilhaʼal tus laqnin taʼan
jalakmakaul tachʼinin laka putsʼisniʼ. Va naul ni ancha
katataulal tus tejkan kalakmukʼaniyaʼ ixmaqanlqajnatkʼan.
\v 5 Vachu jantu kamalaqmixinil ni lapanakni yu maqancha
ixʼalin lakamunukpaʼ. Va malaqachal xkan tus aqlamaʼol
ni lakamunukpaʼ, tatsʼanqaʼol yu jantu ixtatoʼoyay Dios.
Maxajnichal vamun Noé yu Dios ox ixlaqtsʼin kun pumatujun
alati lapanakni.
\v 6 Vachuʼ jalakmukʼanil ixlaqtaqalkʼan ni lapanakni
yu ixtavilanal laka putaulan Gomorra kun Sodoma. Ixputaulankʼan
jalaqxavaʼol tus lkʼakʼa val para katamakal kuenta yu
alati lapanakni yu jantu tatoʼoyay Dios.
\v 7 Dios vachuʼ maxajnichal ni Lot, va ox ixlaqtsʼin.
Lot ayaj lhitamaqanchapul ixtalaqalhinkʼan ni anchanu
laktuʼunun lapanakni.
\v 8 Ni Lot va ox lapanaki. Tus ayaj ixkaniy la ixjalhanuti
por lhilhiy ixjalaqtsʼin y ixqasmatʼa ni axtoqnuʼ yu
ixtamakay.
\v 9 Ex ni lapanakni yu chuncha tatoʼoyay Dios, ni Dios
kʼatsay tacha japuʼaqtayjuy tejkan la lhitaʼay la ixjatsukuntikʼan.
Vachu ni lapanakni yu tamaqtaqalhinin, jalaklhitʼajun
kun maqanlqajnati tus tejkan kalakachanaʼ ni julchan
tejkan kalakmukʼaniyaʼ ixlaqtaqalkʼan.
\p
\v 10 Apalay pʼas kalaqmamaqanlqajnivayaʼ ni lapanakni
yu ayaj tamakay yu tamakaputun la ixlakatunajkʼan. Vachuʼ
talaktuʼuy yu talhitʼajun lhachimoʼon. Yuʼuncha va taʼayajnan,
vachuʼ lajʼay takʼatsan. Jantu tatalhanan ni katalaktanchanil
yu talhitʼajun tapʼasta laktʼiyan.
\v 11 Pero yu ixmayulnin Dios, mas ayaj talhitʼajun tapʼasta
ali lhachimoʼon, jantu tachivintanuniy ni Dios para kalakmukʼanil
ixlaqtaqalkʼan yu alati.
\p
\v 12 Pero ni anchanu valiʼiy lapanakni, yuʼuncha talhichiviniy
axtoqnuʼ yu jantu tamalaqasiy. Va laktontos talhitsukuti
yu tatsʼanqaniy jatapastakʼati. Va tatsukul para kalakchʼapakal
y kalaqmaqnikal y vachu va chun tacha talhitsukuti kataniyaʼ.
\p
\v 13 Kalaklhimapalkanaʼ maqanlqajnati tacha ixlhilhajatkʼan
yu tamaqtaqalhinin. Ayaj talhiʼachantajuy ixmakaka axtoqnuʼ
laqtaqal mas kaval laka tunkunaʼ. Vachu taʼan makʼayatʼik
milakvaytikʼan, ancha tamakay axtoqnuʼ lhitamaxanin yu
tamaqamay. Va chʼantaun tavajin kun uxiknan.
\v 14 La ixlakavantikʼan vamun tapastakʼa katatʼatamal
yu jantu ixnavinkʼan kaval, jantu tamakajun ixtalaqalhinkʼan.
Tamakanuy lapanakni yu jantukaʼ ox talhakapuʼan para
katamakal laqtaqal. Yuʼuncha ayaj talhitʼajun akchaʼati.
Tataukʼaniyachal maqanlqajnati.
\v 15 Tamakauntijlal yu vas tin, tapatanul la ixtin ni
Balaam yu istsʼal Bosor. Yucha maqamal kapulhajal tumin
por yu laqtaqal
\v 16 pero ox laqʼaymakal. Yu ixburro, mas jantu lay
ixchiviniy, va chivinil tacha chiviniy lapanaki. Va laqʼaymal
para jantu kamakal tacha qayntaun lokoj yu Balaam.
\p
\v 17 Ni anchanu lapanakni jantu matichun lay taʼaqtayjuy,
va tacha lakxkan yu xixta. Va tacha taputsʼi yu sunlhaʼan
ni un pero jantu tamay xkan. Tapaxtoqniy kalaklhaʼankal
taʼan tʼalaj putsʼista mas va tavanancha.
\v 18 Pʼays tachiviniy kun lajʼay chivinti yu jantu
tuʼuchun xtapal kaval. Talakmakanuy lapanakni yu va
aniykaʼ talajqosmajʼanta yu talaqalhin. Tapumakanuy
axtoqnuʼ yu tanajun katamakal la ixlakatunajkʼan.
\v 19 Tanajun ni lay kʼamakʼatʼi yu kʼamakʼapʼutʼu pero
jantu laqsaval kaval. Yuʼuncha va xaʼoqxtamatin yu talaqalhin.
Mas va taʼayucha kaval, va si alin yu laklhichimoʼoy
la ixjatsukuntikʼan.
\v 20 Tamispal ni Jesucristo kiJalhachimoʼonukʼan yu
kintamalaqtaxtun. Chuncha talajqosmajʼal xatalaqalhin
aniy lakamunukpaʼ, ex astan tamakauntijlachoqol. Yu talaqalhin
junchoqol tacha ixʼukxtinkʼan. Chavay apalay lhitaʼay
para yuʼuncha xajantu tejkan jantukaʼ ixtamispay Jesucristo.
\v 21 Apalay ox ixval incha jantu aqtaun ixtamispal
yu lakatin yu Dios ox laqtsʼin. Va ixlaqlaqputeʼenikantacha
yu lhinajun Dios pero astan tamakauntijlachoqol.
\v 22 Kun yuʼuncha laqsaval chuncha val ni chivinti
yu najun: “Laqataun xʼoy anchoqoy unaʼ ixpatʼati. Laqataun
pʼax, incha ox kapʼaxatʼi, anchoqoy pʼaxni laqa pulʼamun.”
\c 3
\s Kaminchoqoyaʼ ni Jesucristo
\p
\v 1 Uxiknankʼan yu klapaxkayau, aqtauncha klatsʼoqniu
y chavaycha aaqtauncha klatsʼoqnichoqoyau. Va klaxtaqniyau
jatapastakʼati, para ox kapʼastʼakchʼoʼotʼik
\v 2 yu ixtanajun ni lapanakni yu maqancha ixtalaqputeʼey
ixchivinti Dios. Vachu kapʼastʼakchʼoʼotʼik yu lhinaul
ni Jesucristo yu kiJalhachimoʼonukʼan y kiJamalaqtaxtunukʼan.
Yucha tajunchoqon ni lapanakni yu jalaqmalaqachal.
\p
\v 3 Pʼunaj maqskʼiniy kakʼatsʼatʼik tejkan va laycha
kamiʼol ni lakamunukpaʼ, kaʼalinaʼ lapanakni yu katamakayaʼ
yu yuʼuncha tamakaputun. Katalaktanchayaʼ yu ox chivinti.
\v 4 Katanaunaʼ: “Yucha naul ni kaminchoqoyaʼ pero,
¿tisuncha tapasaycha? Jantu aqtaun minchoqoy. Kepayankʼan
tanitacha y tus va maqancha tejkan aqtaynil ni lakamunukpaʼ
va tacha taylhaʼantacha.”
\v 5 Pero yuʼuncha jantu tamakaputun kuenta yu inchineʼ.
La maqancha ni lakamunukpaʼ kun laktʼiyan va ixchivinti
Dios puʼalil. Ni lakatʼun va xajchal xlhiʼakpuʼ ni xkan,
va xkan putsukuy yu alin lakatʼun.
\v 6 Va xkan pulaqmixlhi ni anchanu lakamunukpaʼ tejkan
aqlamaʼol lakatʼun.
\v 7 Vachu kun anchanuʼ ixchivinti Dios, ni laktʼiyan
ali lakamunukpaʼ yu chavaycha alin va lhilkamaʼakanta
para katalaqmixlhi. Katalaqmixaʼ kun jikmi tejkan kalaqchaanaʼ
ni anchanu julchan. Ex kalakmukʼanikanaʼ ixlaqtaqalkʼan
ni lapanakni kun ixmaqanlqajnatkʼan.
\p
\v 8 Uxiknan yu klapaxkayau, jantu kakʼauktʼik yu aniy.
Ni Jalhachimoʼonuʼ Dios makay taun julchan va tacha
taun mil jachʼitin y taun mil jachʼitin va tacha paqtaun
makay.
\v 9 Ni Jalhachimoʼonu Dios jantu taqmaqay para kamakal
yu naul kamakayaʼ, mas lati talhilay chun taqmaqay. Yucha
jantu najun matichun katsʼanqal, xlhiyucha va maqantʼaqniy
kun kijnan. Va najun tachun katamapaxal ixjatapastakʼatkʼan.
\p
\v 10 Jantu matichun kʼatsay tavanancha kaminchoqoyaʼ
ni Jalhachimoʼonuʼ, vachu chun tacha jantu matichun kʼatsay
tavanancha kaminaʼ qayntaun alhavanaʼ laka putsʼisniʼ.
Ni laktʼiyan va tus pʼays qolun kamakatʼaunaʼ ex kamiʼoyaʼ.
Tapuchux kalaqxauʼoyaʼ. Ni lakatʼun kun tachun yu ancha
lakmakakanta kalaqmixaʼ kun jikmi.
\v 11 Ex chuncha tachun kalaqmixʼoyaʼ, xlhiyucha uxiknan
ayaj maqskʼiniy katʼiʼukxuntʼayatʼik tacha ixlapanakni
Dios yu ox tatoʼoyay.
\v 12 Kapʼakxanʼitʼik ni julchan tejkan kaminchoqoyaʼ
Dios. Kalhilaqltʼapʼatsʼatʼik para apalay tsʼalaj kamil.
Anchanuʼ julchan ni laktʼiyan kalaqmixaʼ kun jikmi.
Pʼays katsʼasaʼ, tus tachun axtoqnuʼ kalaqxtʼajʼoyaʼ.
\v 13 Pero kijnan kʼatsayau yu Dios naul kamakayaʼ.
Xlhiyucha pakxanʼitau taun sastʼi laktʼiyan kun sastʼi
lakamunukpaʼ. Ancha kaʼalinaʼ vamun yu Dios ox laqtsʼin.
\p
\v 14 Xlhiyucha, ni uxiknan yu klapaxkayau yu pʼakxanʼiyatʼik
ni anchanu julchan, katʼamaqxtʼaqtʼik ni jantu kʼalhitsʼukʼutʼik
talaqalhin. Jantu kaʼalil milaqtaqalkʼan para oxamaktaun
katʼiʼukxuntʼayatʼik anchanuʼ julchan.
\v 15 Kʼamakʼatʼik kuenta ni kiJalhachimoʼonukʼan maqantaulay
para lay kʼalaqtʼaxtʼutʼik. Ni Pablo kintʼalaqajunkʼan
yu paxkayau, yucha vachu va chuncha tatsʼoqnin kun ixjatapastakʼati
yu xtaqnil Dios.
\v 16 Chuncha najun kun tachun ixkartas yu tsʼoqlhi.
Ancha xantaʼan alin chivinti yu lhitaʼay para kʼamalaʼasitʼi.
Alin lapanakni yu jantu ox talakpastaknan y jantukaʼ
ox talhakapuʼan. Yuʼuncha jantu vas tamasuchoqoy yu
tsʼoqlhi ni Pablo, vachu jantu vas tamasuy yu alati ixchivinti
Dios. Chuncha tamaxajniyachal ixmaqanlqajnatkʼan.
\p
\v 17 Ni uxiknan yu klapaxkayau, va kʼatsʼayatʼikcha
tachun yu aniy. Xlhiyucha kʼalhistʼakkʼantʼik para jantu
katamakanun kun ixchivintikʼan ni lapanakni yu jantu
tatalhauniy ixlhachimoʼon Dios. Jantu kʼalhitʼamakʼauntʼik
taʼan ox alintʼatʼik kun Dios.
\v 18 Katʼaylhipʼintʼik la ixjapaxkanti kiJalhachimoʼonukʼan
y kiJamalaqtaxtunukʼan Jesucristo. Katʼaylhipʼintʼik
mispanan ni yucha. Yucha ay kamakakal mas va chavaycha
y mas va tavanancha. Chuncha kavalcha.