\id 3JN
\h 3 JUAN
\mt2 Yu Xaʼaqxtʼutunuʼ Karta yu Tsʼoqlhi ni
\mt1 Juan
\c 1
\s Ni Juan mastakʼay ni Gayo
\p
\v 1 Kitʼin, yu xaʼay kunita siya yu talhakapuʼan, va
ikmastakʼayan ni uxintʼi, Gayo, yu kilaqaj kʼatʼi. Laqsaval
ikpaxkayan.
\p
\v 2 Kintʼalaqajun yu ikpaxkayan, kitʼin ikskʼin Dios
por uxintʼi para ox kʼatsʼukʼu y jantu kʼatʼaʼanʼatʼi,
vachu va tacha ox alintʼa kun Dios la melhanuti.
\v 3 Ayaj klhiʼachantajul tejkan takilachil lati ketʼalaqauninkʼan.
Kintalaqputeʼenil ni ox vas tʼaylhipʼin la ixtin Dios,
vachu laqsaval makʼay yu najun.
\v 4 Yu apalay kixtaqniy achati va tejkan ijqasmatʼa
ni kesʼatʼan tatijuyanal makanan yu laqsaval paxtoqniy.
\p
\v 5 Kintʼalaqajun yu ikpaxkayan, ox tʼaylhipʼin la milhakapuʼati
tejkan jalaqʼaqtʼayʼuy ketʼalaqauninkʼan yu talaqchin
yu maqati machaqan mas jantu jalaqmispʼay.
\v 6 Yuʼuncha aniy talaqputeʼenil ixlapanakni Dios ni
uxintʼi ayaj japʼaxkʼanan. Chavay katʼaylhipʼi jalaqʼaqtayjun
ketʼalaqauninkʼan la ixtinkʼan chuncha tacha paxtoqniyan
kʼatʼapʼatsʼanin ni Dios.
\v 7 Ni yuʼuncha maqati tatiʼukxuntayay para kamispakal
ixtaqaʼuti Jesucristo. Jantu taskʼin ni kataʼaqtayjul
lapanakni yu jantu talhakapuʼan.
\v 8 Xlhiyucha kijnankʼan maqskʼiniy kaʼaqtayjuu. Ex
chuncha jatʼatapatsayau yu vas talaqputeʼey yu laqsaval
maqskʼiniy.
\s Jantu ox yu makal ni Diótrefes
\p
\v 9 Kitʼin klaqtsʼoqnil taun chivinti ixlapanakni Dios
yu ancha tavilanal. Pero ni Diótrefes va maqamay ay
kamakakal. Jantu kintalaqaʼiyan.
\v 10 Xlhiyucha incha kajkʼananta, kakjuntaʼiyaʼ para
kaklhixaqalal yu makay, va kiluntʼajun laqxtoqnu, kintamanuniyan
laklkanti. Jantu vamuncha yuʼ. Vachu jantu jalaqaʼiy
tejkan tachaʼan yu talhakapuʼan. Yu talaqaʼiputun jalaktanchaniy
para jantu katalaqaʼil. Ex jalaqtinaqxtuy para jantucha
chʼantaun kataval kun yu alati yu talhakapuʼan.
\p
\v 11 Kintʼalaqajun yu ikpaxkayan, jantu kalaqtsʼiʼitʼi
yu jantu lajʼoxi, va kalaqtsʼiʼitʼi vamun yu lajʼoxi.
Yu makay yu lajʼoxi, yucha tijuyal kun Dios, pero yu makay
yu jantu lajʼoxi, yucha jantukaʼ mispay ni Dios.
\s Ox yu makay ni Demetrio
\p
\v 12 Tachun tanajun ni Demetrio va ox lapanaki, si makay
tacha najun ni chivinti yu laqsaval. Mas kijnankʼan
vachu iknaunau ni Demetrio va ox makay y uxiknan kʼatsʼayatʼik
ni jantu klaklkananau.
\s Jamastakʼachoqoy
\p
\v 13 Kitʼin ayaj lhuu chivinti xajkunputunan pero jantu
iktsʼoqniputunan kun patsʼoqnu.
\v 14 Va ikpakxanʼiy niman kaklaqtsʼin ex kalakchivinanau
ukxpuʼ kun ukxpuʼ.
\p
\v 15 Oxamaktaun kʼatʼaʼul. Yu mintʼalaqaunin yu aniy
taʼalinta tamalaqachaniyan taun jamastakʼanti. Kʼalakmastʼakʼatʼi
ni ketʼalaqauninkʼan por qayntamin yu ancha taʼalinta.