\id 1CO
\h 1 Corintios
\toc1 1 Corintios
\mt Guijtz Ganid Ni Bacuaa Pabl Lo Guidoo Xten Guedx Corinto
\c 1
\s Bacuaa Pabl te guijtz lo guidoo xten guedx Corinto
\p
\v 1 Narä Pabl nacä apost xten Jesucrist saꞌcsi agule
Dios narä te gusuleꞌä xtiidxni. Narä näjza Sóstenes
ni najc bejtznu lo xtidx Dios rucuaanu guijtzre lojtu
\v 2 ni ahuililajz xtidx Dios, ni yuꞌ neṉ guidoo xten
guedx Corinto. Laꞌtu agule Jesucrist, abasiani lastootu
saꞌcsi ahuililajztu xtiidxni. Laꞌtu näjza guiraa rebejṉ
ni ahuililajz rextidx Jesucrist loj guideb guedxliuj,
najctu xpejṉ Dios, ni najc Dad xten guiraanu.
\v 3 Rniabnu lo Dios ni najc xtadnu näjza lo Dad Jesucrist,
gacnäjreni laꞌtu, guscuecdxireni lajztu.
\s Abaniidx Dios xhidajl dzunsaꞌc xcuent Jesucrist
\p
\v 4 Rudedätis xquixtios lo Dios xcuentu, xcuent yäḻrulaslajz
xten Dios ni cuaꞌtu xcuent Jesucrist,
\v 5 te xcuentni acuaꞌzatu guiraa dzunsaꞌc, te gusuleꞌtu
xtiidxni, näjza te gacbesaꞌctu xtiidxni;
\v 6 sigajcza con xcäḻnabaṉsaꞌctu baluiitu huililajzpactu
xtidx Dios xcuent Crist.
\v 7 Niꞌcni xhetliidi cayäädxditu loj redzunsaꞌc ni
runiidx Dios, laḻ ni ganduxh yuꞌtu cabäjztu guibisac
Jesucrist lo guedxliuj.
\v 8 Laani susutijpni lajztu dxejli ni guibisac Dad
Jesucrist loj guedxliuj, te rutliidi gac cueꞌc xhi te
quej xcuenttu.
\v 9 Rusoobpac Dios xtiidxni. Laani gurejdxni laꞌtu
te jiuꞌtu lo xnejz Xiꞌnni Jesucrist ni najc Dad xtennu,
te sanäjtuni.
\s Rliaꞌ saꞌreni neṉ guidoo
\p
\v 10 Rulidxä laꞌtu, rebetzä, xcuent Xtad Jesucristnu,
coḻyejn tejsi xhigab te naꞌc laꞌ saꞌtu, saru guibaṉnäjtu
saꞌtu, coḻyejn tejsi xhigab, coḻgaꞌp tejsi xcäriejn.
\v 11 Saꞌcsi agucbeä xcuenttu, betzä ni huililajz xtidx
Dios. Tej resaꞌ Cloé biädsaꞌn diidx loä xcuenttu, yuꞌ
yäḻrdijḻ lojtu.
\v 12 Rlazä guiniä scree lojtu saꞌcsi yuꞌreni rnii:
“Narä nacä te rexpejṉ Pabl”, näjza: “Narä nacä te rexpejṉ
Apolos”; näjza: “Narä nacä te rexpejṉ Pedr”, yuꞌzareni
rnii: “Narä nacä xpejṉ Crist.”
\v 13 ¿La rujntu xhigab nalaꞌ saꞌ Crist, ä? ¿La cuaj
Pabl lo crujz xcuent xtojḻtu, ä? o ¿La gurobnistu con
laj Pabl, ä?
\v 14 Rudedä xquixtios lo Dios dina nutiobnisä nicla
tejtu, xtebtis Crispo näjza Gayo,
\v 15 te rut naadi con laä batiobnisäreni.
\v 16 Abanaj lazä batiobnisä resaꞌ Estéfanas. Di lazä
guinaj la yuꞌ chu stee bationnisä.
\v 17 Di Crist nuxhaḻ narä te gutiobnisä. Baxhaḻni narä
te gusuleꞌä rextiidxni xcuent xho gun bejṉ te ḻaareni
lo dojḻ, xhet con didxnanduxhdi, te di gudzucaä loj dzunroduxh
ni bejn Jesucrist che gujtni lo crujz.
\s Crist najc xcäḻmilaagwr näjza xcäḻnajn Dios
\p
\v 18 Rediidx ni rniinu xcuent Jesucrist xcuent xho
gujtni lo crujz te gusḻaani rebejṉ lo dojḻ najcni te
diidx ni xhet sajcdi lo rebejṉ ni canijt saꞌcsi direni
chalilajz xtiidxni. Luxh loj rebejṉ ni rusḻaa Dios lo
dojḻ najc rediidxga xcäḻmilaagwr Dios.
\v 19 Scree caj loj rexquijtz Dios:
\q Narä sutzuḻä yäḻnasiṉ xten rebeṉnajn,
\q sudzucaäza xcäḻnadxällajz, xhigab rebejṉ ni nadxällazduxh.
\p
\v 20 ¿Con bejṉ ni nanduxh? ¿Con bejṉ ni rucuaa, ni najc
mastr? ¿Con bejṉ ni ruchagduxh diidx xcuent recos guedxliujre,
ä? ¿La et abejndi Dios najc guiraa yäḻnasiṉ xten guedxliuj
siꞌc nayäḻlajz nez loj Dios, ä?
\v 21 Niꞌcni loj xcäḻnasiṉ Dios, di rebejṉ guedxliuj
niembee Dios con xcäḻnasiṉ guedxliujre, niꞌc bichaglajz
Dios con yäḻrusuleꞌ diidx ni rniireni nayäḻlajz, con
niꞌc basḻaani lo dojḻ rebejṉ ni huililajz xtiidxni xcuent
Crist.
\p
\v 22 Rexpejṉ Israel rlajzpacreni fiireni remilaagwr;
rebejṉ griegw rguiil yäḻnanduxh.
\v 23 Niluxh nuurnu rusuleꞌnu diidx xcuent xho cuaj
Jesucrist lo crujz, niluxh loj rexpejṉ Israel najc diidxre
siꞌc te guiro ni chalaniꞌ bejṉ, luxh loj rebeṉzijt xhet
sajcdi rediidxre.
\v 24 Niluxh loj rebejṉ ni gule Dios chalilajz rediidxre,
rexpejṉ Israel sigajc loj rebeṉzijt, rediidxre najczani
yäḻmilaagwr najczani yäḻnasiṉ xten Dios.
\v 25 Saꞌcsi xcäḻnayääl xten Dios siꞌc rchalo rebejṉ
niꞌc najc nasiṉduxhru loj xcäḻnasiṉ xten rebeṉ guedxliuj;
luxh xcäḻrniaj xten Dios sacduxhruni loj guiraa xcäḻnadaan
rebeṉ guedxliuj.
\v 26 Coḻhuii laꞌtu, betzä ni ahuililajz xtidx Dios, xho
gule Dios laꞌtu, coḻyejn xhigab guxiitu najctu beṉ nasiṉ
loj rebeṉ guedxliuj, guxiiza rajptu yäḻrnibee, guxiizatu
najctu bejṉ ni agojl guigaꞌtu beṉsaꞌc.
\v 27 Niluxh agule Dios rebejṉ ni xhet nanduxhdi te
gusanxtujyni rebejṉ ni nanduxh, aguleza Dios rebejṉ ni
guxii rnibee te gusanxtujyni rebejṉ ni rnibeduxh.
\v 28 Agule Dios rebejṉ ni di guigaꞌ beṉro, näjza rebejṉ
ni rut riudi, reni rut najcdi, te gusanxtujyni rebejṉ
nani najc guiraa reniꞌc.
\v 29 Te nicla tej bejṉ digacdi guiliäꞌp lagajc xpalaꞌnni
nez loj Dios.
\v 30 Lagajc Dios abachaag laꞌtu loj Dad Jesucrist;
baxhaḻzani Jesucrist loonu te basanijni xcäriejnnu te
gaꞌpnu yäḻnasiṉ xten Dios, te guibaṉsaꞌcnu nez loj Dios,
te gacnaya lastoonu, näjza te quiixni rextojḻnu.
\v 31 Siꞌc bejn Dios te soob xtiidxni cadro caj scree:
\q Ni rlajz guinii didxro, suguiliäꞌpni xpalaꞌn dzuun ni
bejn Jesucrist.
\c 2
\s Rediidx xcuent Crist ni cuaj lo crujz
\p
\v 1 Niꞌcni cheni biädsuleꞌä xtidxlii Dios lojtu, rebetzä,
dina niädniä didxnajn lojtu, niclaza didxnagajn, xhet
siꞌcti basuleꞌä xtidx Dios xcuent Crist.
\v 2 Cheni guyuꞌä lojtu, benä xhigab dina niädniä xhi
stee diidx lojtu, biädsuleꞌätis diidx xcuent Dad Jesucrist,
ni cuaj lo crujz.
\v 3 Bidzuṉä lojtu guideb rdxagä, guideb racditä saꞌcsi
cadxebduxhä.
\v 4 Cheni basuleꞌä diidx lojtu, dina niniä didxro xten
yäḻnasiṉ xten guedxliuj, alga guniä xtiidx yäḻnasiṉ xten
Sprit Dxan xten Dios näjza xcäḻrnibee Dios,
\v 5 te di gac xcäḻrililajztu xcuent yäḻnasiṉ xten guedxliujre,
te gac xcäḻrililajztu xcuent yäḻrnibee xten Dios.
\s Rumbee bejṉ Dios xcuent ni ruluii Sprit Dxan xten Dios
\p
\v 6 Rniizanu lo saꞌnu ni aguyajl lo xtidx Dios rediidx
xten yäḻnasiṉ xten Dios, per te yäḻnasiṉ ni di gac xcäḻnasiṉdi
guedxliuj, niclaza xten reni rnibee lo guedxliujre, saꞌcsi
sidzujṉ dxej sinitlojreni.
\v 7 Niluxh che rniinu yäḻnasiṉ xten Dios, rniinu diidx
ni rut racbextebdi, xcuent xho gac guidzuṉnu cadro yuꞌ
Dios xhaguibaa. Cheni gajdli gac guedxliuj, rapcheeni
yäḻnasiṉxhigaꞌtz xtenni. Baluiinini loonu te guibaṉnäänuni
lo xcäḻrdimbichaꞌ xtenni.
\v 8 Nicla tej reni rnibee lo guedxliujre gajd gacbee
recosre niluxh paru niacbeerenini, direni nucuaa lo crujz
Dad Jesucrist nani rajp xcäḻrdimbichaduxh.
\v 9 Najcni siꞌcni caj lo rextidx Dios cadro rnii:
\q Recos ni gajdpac baloj bejṉ fii,
\q nani gajdpacza diajg bejn jiejn;
\q nani gajdpacza jiuꞌ lo xhigab bejṉ, guiraa recosga abaluchee
Dios par rebejṉ ni chanälajzni.
\m
\v 10 Niluxh abaluii Diosreni loonu con Sprit Dxan xten
Dios, saꞌcsi laani basuleꞌnireni loonu. Sprit Dxan xten
Dios racbesaꞌc guiraa rexhigab, näjza recos xhigaꞌtz
xten Dios.
\p
\v 11 Loj rebeṉ guedxliuj ¿chuniꞌc racbee rexhigab ni
rujn bejṉ? Lagajc sprit xten bejṉ ni yuꞌ neṉni racbee
xhi xhigab cayujnni. Sigajcza rut racbeedi rexhigab
xten Dios; Sprit Dxantis xten Dios racbeeni.
\v 12 Luxh nuurnu dinu nicaꞌ yäḻnajn xten guedxliuj,
alga cuaꞌnu Sprit Dxan ni siääd lo Dios te gacbeenu
rexhicos ni abasalajz Dios loonu.
\v 13 Nuurnu rniizanu xcuent recosga, xhet diidxdi ni
ruluii xcäḻnajn guedxliujre, diidxtis ni baluii Sprit
Dxan xten Dios loonu. Siꞌc ruluiinu rediidxga loj rebejṉ
ni rbäjz Sprit Dxan xten Dios neṉ lastooreni.
\p
\v 14 Niluxh reni di chalilajz xtidx Dios, direni gacbee
rexhigab xten Sprit Dxan xten Dios, saꞌcsi laareni xhigabyäältis
rchaloreni xcäḻnasiṉ Dios. Di gacdiza gabeereni rexhigabga,
saꞌcsi Sprit Dxan xten Diostis rajc ruluii lo bejṉ rexhigab
xtenni.
\v 15 Rebejṉ ni ahuililajz xtidx Dios, rulaꞌtzreni guiraꞌti
ni ruluii Sprit Dxan xten Dios lojreni. Luxh rebejṉ
ni ahuililajz rutliidi rulaꞌtzdireni.
\v 16 Saꞌcsi scree caj lo xtidx Dios: “¿Chuniꞌc agucbee
xho najc xhigab xten Dios te gac guluiini Gueb Dios,
ä?” Nicla tej bejṉ. Niluxh nuurnu rajpnu lo xcäriejnnu
xhigab xten Crist, nalajznu racbeenu rextiidxni.
\c 3
\s Reni rujn dzuun lo Dios
\p
\v 1 Rebetzä, di niajcdi niniä redidxnagajn lojtu siꞌc
ni rniä loj rebejṉ ni rajp yäḻnasiṉ xten Sprit Dxan
xten Dios, basuleꞌä ganaxtis didx guyasi lojtu, saꞌcsi
najctu beṉ guedxliuj o biuxbäz ni guxii racbeeni xcuent
Crist.
\v 2 Basuleꞌä ganax didxguyasi lojtu siꞌc rudeed bejṉ
leꞌch lo te biuxbäz lacuaa gauni bääl. Dina niniä lojtu
guiraa rextidx Dios ni nanab gacbeetu, saꞌcsi gajd gacdi
gacbeetuni, niclaza ṉaj gajd gacdi gacbeetuni,
\v 3 saꞌcsi nabaṉsijctu siꞌc nabajṉ rebeṉ guedxliuj
laḻtis runembiidtu, rdxechlajztu lo saꞌtu, ¿la ditu gacbee
nacsijctu siꞌc beṉ guedxliuj, ä? ¿La laḻtis nabajṉtu
siꞌc nabajṉ rebeṉ guedxliuj ni di gumbee xtidx Dios,
ä?
\v 4 Saꞌcsi cheni rnii tejni: “Narä nacä te xpejṉ Pabl”,
dxejcti steeni rnii: “Narä nacä te xpejṉ Apolos”, ¿la
xhet cayujnditu sigajctis ni rujn rebejṉ guedxliuj, ä?
\p
\v 5 ¿Chuniꞌc najc Pabl? ¿Chuniꞌc najc Apolos? Nuurnu
najctisnu xmos Dios ni basuleꞌ xtidx Dios lojtu te huililajztu,
luxh cade tejnu riennu dzuun ni runiidx Dios jiennu.
\v 6 Ganid basuleꞌä xtidx Dios lojtu, dxejc biääd Apolos
te gucnäjzani gucbeerutu xtidx Dios, niluxh lagajc Dios
najc ni cagusanij xcäriejntu te gacbesaꞌctu xtiidxni.
\v 7 Niꞌcni nicla ni rusulexgaa diidx, niclaza nani racnäj
racbeeru bejṉ rediidxga xhet sajcdireni; Diostis sajc
nani rusanij xcäriejn rebejṉ.
\v 8 Nuurnu najcnu siꞌc rexmos ni rujn dzuun lo yuj.
Tejsi najc nani rbeꞌc binij näjza nani rgaꞌ nis, niluxh
Dios rguijx tejganu dzuun nani riennu.
\v 9 Nuurnu najcnu siꞌc remos ni runnäj Dios dzuun.
Laꞌtu najctu siꞌc yuj cadro cayajc xtzun Dios, siꞌc te
yuꞌ ni cayunchee Dios.
\v 10 Narä nacä siꞌc te mastr albañil. Baniidx Dios
dzuun loä, gucnäjni narä te casuä reguij lo yujre, te
ṉaj steꞌca bejṉ quixh basuu yejcni. Niluxh tejga ni
chanuu gun dzuun lojga, sugaꞌpni cuidaad xho guiliäsni
padeerga.
\v 11 Saꞌcsi di gacdi gusujreni garenca cimient loj
nani najc-xgaa, ni najc Jesucrist.
\v 12 N̲aj palga guiliäs bejṉ te padeer yejc cimientga
con oor, con plaꞌt, con guij ni sacduxh, o con baräjd, guixhtriuu,
o balag biquii,
\v 13 sidzujṉ dxej sieṉ xho najc dzuun ni bejn tejga
bejṉ. Saꞌcsi siääd fis guiboo ni guluiloj dzuunga, saꞌcsi
lagajc guibooga guluiloj dzuunga, xho najcni.
\v 14 Palga yuꞌ reni bejn te yusaꞌc yejc cimientga, luxh
dini chec lo guibooga, sudeed Dios lo bejṉga ni riäjl
xcaꞌni saꞌcsi bejnni yusaꞌc.
\v 15 Niluxh palga chec ni bejnni yejc cimientga xhet
xcaꞌ dini, xcäḻnabajṉtisni di nit, luxh xtzuunni sejc.
\p
\v 16 ¿La ditu gan laꞌtu najctu xquidoo Dios, luxh neṉ
lastootu rbäjz Sprit Dxan xten Dios, ä?
\v 17 Palga yuꞌ chu gutiexhät xquidoo Dios, sunitloj
Diosni par tejpas, saꞌcsi xquidoo Dios najc dxan, luxh
laꞌtu najctu guidooga.
\p
\v 18 Nicla tejtu naꞌc gusgueetu lagajc laꞌtu. Palga
yuꞌ chu rujn xhigab nanduxhni xcuent yäḻnasiṉ xten guedxliujre,
nanabpac gacni siꞌc te bejṉ ni xhet najndi te xcaꞌni
yäḻnasiṉ xten Dios te guliipac gacni te beṉnajn, te beṉ
nasiṉ.
\v 19 Saꞌcsi yäḻnasiṉ xten guedxliuj xhet sajcdi nez
loj Dios. Lo rexquijtz Dios caj scree: “Dios rujn rgaꞌ
reni rajp yäḻnasiṉ xten guedxliuj lagajc xcuent xcäḻrusgueereni
ni rujn lagajc xcäḻnadxäḻlajzreni.”
\v 20 Steꞌca lajt caj scree: “Nanchee Dios xho najc
xhigab ni rujn rebejṉ ni rajp xcäḻnasiṉ guedxliujre,
luxh xhetliidi sajcni nez loj Dios.”
\v 21 Niꞌcni naꞌc guiliäꞌp bejṉ xpalaꞌn te bejṉ guedxliuj.
Saꞌcsi loj tejgatu abaniidx Dios guiraꞌti rexhicos najc
xtengatu,
\v 22 palga najcni Pabl, o Apolos, o Pedr, o guedxliuj,
o yäḻnabajṉ, o yäḻgujt, o recos ni yuꞌ ṉaj, o recos ni
churu gac, guiraareni najc xtentu.
\v 23 Laꞌtu najctu xten Crist, luxh Crist najc Xiꞌn Dios.
\c 4
\s Xtzuun reapost
\p
\v 1 Niꞌcni laꞌtu nanab fiitu loonu siꞌc rexmos Dad
Jesucrist ni rajp rexhigabxhigaꞌtz xten Dios te gusuleꞌnureni
lojtu.
\v 2 Mbaj pues, te bejṉ ni cahuii te dzuun nanab gusoobreni
diidx, gunreni te dzunsaꞌc.
\v 3 Niluxh guxii runä xhigab gulaꞌtztu narä, o gulaꞌtz
chutis guxhtis lo guedxliujre narä; nicla lagajc narä
dina gunduxhä xhigab xho nacä nez loj Dios.
\v 4 Entis rbedxi xcärienä, per xhet xcuent niꞌcdi sajc
guiniä xheti xtoḻä, Dad Jesucrist najc nani rulaꞌtz narä,
rhuilojni xho nacä.
\v 5 Niꞌcni laꞌtu naꞌc gucuaquijtu bejṉ che gajd guidzujṉ
dxej; coḻcuäjz jiääd Jesucrist dxejc laani sibääni lo
bianij guiralii ni nagaꞌtz lo nacäjy, luxh suluilojzani
xhi xhigab yuꞌ neṉ lastoo tejga rebejṉ, dxejc lo tejganu
sudeed Dios ni nungäjḻ xcaꞌnu.
\p
\v 6 Rebetzä, xcäḻnasaꞌctu caniä rediidxre lojtu. Caniä
xcuent Apolos näjza narä, siꞌc te yäḻruluii te fiitu
xho riennu te naꞌcza guntu recos ni xhet caj di lo rexquijtz
Dios, te naꞌcza guiliäꞌptu xpalaꞌn tejtu lo resaꞌtu, laḻ
ni cabälaztu steeni.
\v 7 Saꞌcsi ¿chuniꞌc rnii najclu beṉsaꞌcru lo steꞌca
bejṉ?, o ¿xhiniꞌc rajplu ni di Dios nuniidx lojlu? Luxh
palga cuaxliaꞌluni, ¿xhicuent lagajc luj rliäꞌplu xpalaꞌntu,
lascanu rut baniidxdi lojlu recos ni rajplu?
\p
\v 8 Rujntu xhigab rajptu xhidajl cos, naatu najctu ricwduxh,
rchalotu najctu ṟeii, dirutu guiquiin nuurnu. Malaii
gulii najcpactu ṟeii te näjzanu guinibenäjnu laꞌtu.
\v 9 Niluxh runä xhigab gule Dios reapost siꞌc rebejṉ
ni xhet sajcdi. Najcnu siꞌc rebejṉ ni gunibeereni guet.
Nez loj rebeṉ guedxliuj näjza nez loj rexangl Dios najcnu
siꞌc rebeṉ ni rdedlojtis bejṉ lojreni.
\v 10 Nuurnu najcnu beṉnayääl xcuent Crist, niluxh laꞌtu
rchalotu racbeduxhtu rextidx Crist. Nuurnu najcnu bejṉ
ni xhet nadipdi, niluxh laꞌtu najc beṉdanduxh. Rliäꞌp
rebejṉ xpalaꞌntu, niꞌc rbälazreni nuurnu.
\v 11 Cadeednu trabajwduxh ṉaj, rliaannu, riojlnu, xho
rniaj xhajbnu, rdiḻnäj rebejṉ nuurnu, luxh xheti rolijznu.
\v 12 Rdxaagnu riennu dzuun lagajc ṉaanu te guidxälnu
xhi guidaunu. Che rguereni loonu, rniabnu lo Dios xcuentreni.
Che rusacsí rebejṉ nuurnu, rientisnu huant.
\v 13 Che rniyajreni nuurnu, rulidxnäänureni didxdoo.
Rujnreni xhigab najcnu siꞌc guijxh xten guedxliujre,
ruhuiireni loonu siꞌcni xhet sajcdinu.
\p
\v 14 Dina gucuaä rediidxre te gusanxtuiyätu. Rucuaä
rediidxre te gulidxätu siꞌc rexiꞌnä ni sanälazä.
\v 15 Palga gaꞌptu tzuu miḻ bejṉ ni guluiitu rediidx
xten Crist, ruti stee xtadtu; narä gucä xtadtu, ganid
narä basuleꞌä rextidx Dios lojtu.
\v 16 Niꞌcni rulidxä laꞌtu, coḻyejn siꞌcni ruhuiitu runä.
\p
\v 17 Niꞌcni baxhaḻä Timoteu lojtu, najcni siꞌc xiꞌnä
ni sanälazä, ni rusoob diidx xcuent Crist. Laani susnajni
lajztu xho mood nabaṉä lo yäḻnabajṉ xten Jesucrist, sigajcni
ruluiä neṉ reguidoo guiraasi lajt.
\v 18 Yuꞌtu ni acayajc guyalajz, naatu pet dina guibisacä
lojtu.
\v 19 Cabäzä jiädhuiätu, palga siꞌc rlajz Dios, dxejc
sacbeä chuniꞌc najc rebejṉ ni cayajc guyalajz, fiä xhipacni
rujnreni, xhet xtiidxtisreni gacbeä.
\v 20 Saꞌcsi xcäḻrnibee Dios xhet ganaxtis xcuent diidx
najcni, näjza dzuun ni rujnreni ruluiloj xcäḻrnibee Sprit
Dxan xten Dios ni rajpreni.
\v 21 ¿Xho rlajzzatu guidzuṉä lojtu, ä? ¿La sidzuṉä siꞌc
te dad ni caꞌ te baar te quinätu o la guidzuṉnää́ yäḻrinälajz
näjza yäḻnadolajz te gulidxätu, ä?
\c 5
\s Xho nanab gunnäjtu te bejṉ ni rujn falt lo saꞌni
\p
\v 1 Agucbeä yuꞌ tejtu ni ahuililajz xtidx Dios, cuaꞌni
siꞌc chäälni te gunaa ni gujc chääl xtadni. Dee najc
te doḻduxh nani nicla reni di chalilajz xtidx Dios direni
gun.
\v 2 Luxh laꞌtu gujctu guyalajz lacuaa niac-huin lastootu;
te bejṉ nani bejn dojḻga, riäjl nibäätuni nez lojtu.
\v 3 Mase ruti narä roꞌc, lastoä suganäj laꞌtu. Alabenä
xhigab xhiniꞌc jiennäjnu bejṉga ni bejn doḻduxhga, sigajc
ni niunä paru sugaꞌä roꞌc.
\v 4 Con laj Dad Jesucrist, che abidxagsaꞌtu, luxh alastoä
suganäj laꞌtu, con xcäḻrnibee Dad Jesucrist,
\v 5 abenä xhigab guteednu bejṉga ladzṉaa beṉdxab te
ted tiejxhni trabajw, niluxh sprit xtenni ḻaani neṉ dxej
ni jiädsac Dad Jesucrist lo guedxliujre.
\p
\v 6 Di guchaag guiliäꞌptu xpalaꞌntu xcuent dzuun ni
rujntu. ¿La ditu gan te dojḻ najc siꞌc tudxeꞌn cojb
ni ruslaj, rusaguijni cojb cadro ruꞌchni, ä?
\v 7 Coḻgudzucaj cobyujxhga, te guibajṉtu te yäḻnabaṉnayacoob
siꞌc te cobya, saꞌni racchee yätxtiil ni xheti levaduur
yejcni par lanij xten pascw. Arajptu yäḻnabaṉnaya saꞌcsi
agujt Jesucrist sigajc gujt te xileꞌ lo lanij pascw
te badzucajni rextojḻnu.
\v 8 Siꞌc nanab jiennu lanij xten pascw con yätxtiil
ni xheti levaduur yejcni, nalajznu con yäḻguliipac neṉ
lastoonu, xhet yätxtiildi ni yuꞌ cobyujxhga yejcni, nalajznu
naꞌc gunlu latsiaj.
\p
\v 9 Lo stee guijtz abacuaä lojtu, naꞌc guchaagtu rebeṉ
ni runnäj cosguijdx bejṉ ni di gac chäälreni.
\v 10 Niluxh xhet caniädi xcuent rebeṉ guedxliuj ni
rujn cosguijdx con bejṉ ni di gac chäälreni, niclaza
xcuentdi rebejṉ ni rchaglaztej meel, niclaza rebejṉ ni
najc gubaan, niclaza rebejṉ ni riu rebanäjb. Paru siꞌc
gacni, nanab jiunejztu guedxliujre.
\v 11 Niluxh narä bacuaä guijtzga lojtu te naꞌc guchagsaꞌtu
te bejṉ nani rnii ahuililajzni xtidx Dios, luxh rujnruni
cosguijdx con bejṉ ni di gac chäälni, o rchaglaztejni
meel, o riuni rebanäjb, o rniyaj saꞌni, o rsiojzni, o rusgueeni
bejṉ te rcaꞌni xhi xtenni. Rniäza lojtu, nicla gaunäjtu
saꞌ bejṉga.
\v 12,13 Saꞌcsi narä di gacdi gunä yäḻguxhtis loj rebejṉ
ni gajd chalilajz xtidx Dios. Gunti Dios yälguxhtis
lojreni. Laꞌtu nungäjḻ guntu yälguxhtis loj rebejṉ ni
ahuililajz xtidx Dios. Niꞌcni coḻgudzucaj beṉdojḻga
lojtu.
\c 6
\s Naꞌc chäätu loj rebeṉdojḻ te gunreni yäḻguxhtis lojtu
\p
\v 1 Palga tejtu ni ahuililajz xtidx Dios rlajz cueꞌc xquej stee saꞌtu, ¿xhicuent chaleꞌctu xquejni loj rebeṉdojḻ te gunreni yäḻguxhtis lojtu? ¿Xhicuent ditu guiniab yäḻguxhtis loj rebejṉ ni ahuililajz xtidx Dios, ä?
\v 2 ¿La ditu gan, rebejṉ ni ahuililajz xtidx Dios sujn yäḻguxhtis lo rebeṉ guedxliuj, ä? Palga laꞌtu sujntu yäḻguxhtis lo rebeṉ guedxliuj, ¿la di gacdi guntu yäḻguxhtis lo saꞌtu lo recosbäz lacuaa chäätu loj rebeṉdojḻ te gunreni xcäḻguxhtisreni lojtu, ä?
\v 3 ¿La ditu gan sienzanu yäḻguxhtis lo rexangl Dios, ä? ¡Aticaxh jiennu yäḻguxhtis loj recos bäzeꞌ xten saꞌnu lo yäḻnabajṉre!
\v 4 Palga laꞌtu cadiḻnäj saꞌtu xcuent recos xten guedxliujre, ¿xho mood chäälu loj rebeṉdojḻ ni rut najcdi loj xquidootu, te naareni lojtu xhiniꞌc guntu, ä?
\v 5 Rniä rediidxga lojtu te guitujytu. ¿La ruti nicla tej beṉnasiṉ loj guiraatu ni sajc gun yäḻguxhtis lo resaꞌtu, ä?
\v 6 ¿Xhicuent rileꞌc te bejṉ ni rililajz xtidx Dios xquej bejtzni ni rililajzza, luxh rijreni nez loj reguxhtis ni di chalilajz xtidx Dios?
\p
\v 7 Mbaj ṉaj, guliipacni alabanijttu saꞌcsi yuꞌ yäḻrdiḻnäj saꞌtu; coḻgutijp lajztu rebejṉ ni rujn dojḻ lojtu. Maazru huen coḻgusaan sucuaꞌreni xhixtentu.
\v 8 Per dee, alga lagajc laꞌtu runnijttu loj lagajc resaꞌtu, luxh rcaꞌtu xhixten lagajc resaꞌtu.
\p
\v 9 O ¿la ditu gan rebeṉ dojḻ dipacreni jiuꞌ lo xcäḻrnibee Dios, ä? Naꞌc gusaantu gusgueereni laꞌtu; nicla te resaꞌ dee di jiuꞌ lo xcäḻrnibee Dios: guiraa reni richagtoo regunaa; guiraa reni rajṉ rebanäjb; reni resnäj bejṉ ni di gac chäälni; reniguii ni rungunaa; reni najc birääx;
\v 10 reni najc gubaan; reni rsiäblajz xhixten bejṉ; reni rsiojz; reni rniyaj; reni rusguee bejṉ te rcaꞌreni xmeel bejṉ. Nicla tej saꞌ redee di jiuꞌ lo xcäḻrnibee Dios.
\v 11 Yuꞌzatu ni gujc siꞌc galoo, niluxh ṉaj abasia Dios lastootu, ṉaj anajctu beṉnaya nez loj Dios saꞌcsi abiäḻlajz Dios xtojḻtu xcuent Jesucrist, näjza xcuent Sprit Dxan xtenni. Laꞌtu anajctu rexpejṉni.
\s Tiejxhnu najc xquidoo Dios
\p
\v 12 Guliini sajc gunä xhitis ni rlazä gunä, niluxh xhet guiraadini najc hueen par narä. Narä sajc gunä siꞌctis ni rlazä, niluxh dina gusanä guinibee nicla tej xhi cos narä.
\v 13 Guliini najc yäḻrajw par xqueꞌni, luxh xqueꞌni najc par yäḻrajw, niluxh sidzujṉ dxej sunitloj Dios guiroꞌpreni. Per tiejxhnu di gac par jiennu cosguijdx con bejṉ ni di gac chäälnu. Tiejxhnu najc par Dios, luxh Dios najcza par tiejxhnu.
\v 14 Luxh ṉaj lagajc Dios guläs Dad Jesucrist lo rebeṉgut, siliäszani nuurnu con xcäḻrnibeduxhni.
\p
\v 15 ¿La ditu gan tejgatu najc siꞌc te laꞌ tiejxh Crist saꞌcsi ahuililajztu rextiidxni, ä? Palga tiejxhnu najc xten Crist, ¿la sajc gudeednuni loj te gunadxab, ä? ¡Gurniälojlu jiennu siꞌc!
\v 16 ¿La ditu gan cheni guchaagni te gunadxab rajcni tejtis tiejxh con laani, ä? Loj rexquijtz Dios caj: “Guiroꞌpreni sajc siꞌc tejtis bejṉ.”
\v 17 Niluxh nani rudeed lastooni lo Dios anajczani tejtis con laani saꞌcsi rbäjz Sprit Dxan xten Dios neṉ lastooni.
\p
\v 18 Coḻguibicaj lo dojḻ ni rujn bejṉ con nani di gac chäälni. Xhitis stee dojḻ ni rujn bejṉ najcni lo jiaa tiejxhni, niluxh dojḻ ni runnäjni bejṉ ni di gac chäälni najc dojḻ lagajc neṉ tiejxhni.
\v 19 O ¿la ditu gacbee tiejxhtu najc xquidoo Sprit Dxan ni abaniidx Dios te cuääzni neṉ lastoonu, ä? Niꞌcni di gacdi guinibeetu lagajc laꞌtu.
\v 20 Agudijx Jesucrist xtojḻnu con xtiejnni lo crujz, niꞌcni nanab jiennu dzunsaꞌc nani guiliäꞌp xpalaꞌn Dios con tiejxhnu näjza Xpritnu.
\c 7
\s Yäḻrulijdx xcuent yäḻruchṉaa
\p
\v 1 N̲aj gudzuꞌä diidx lojtu xcuent ni gunabdiidxtu
cheni bacuaatu guijtz loä. Guliini hueen najcni naꞌc
guchṉaa te niguii.
\v 2 Niluxh saꞌcsi yuꞌ xhidajl reni richunäj chutis
gunaa, sugaꞌp tejga reniguii chäälpacni; sigajcza sugaꞌp
tejga regunaa chäälpacni.
\v 3 Nanab niguii guchaagni chäälni che rlajz chäälni,
sigajcza gunaa nanab guchaagni chäälni che ni siꞌc rlajz
chäälni.
\v 4 Di gunaa guinibee lagajc tiejxhni, saꞌcsi chäälni
rnibee tiejxhni. Sigajcza di niguii guinibee lagajc
tiejxhni, saꞌcsi chäälni rnibee tiejxhni.
\v 5 Naꞌc gusuniꞌ tejtu lo chäälni. Maazru hueen coḻjiaꞌn
diidx naꞌc guchagsaꞌtu te xchejeꞌ te cuedx-guiniabtu
lo Dios. Che luux cuedx-guiniabtu lo Dios, guchagsacsaꞌtu
te naꞌc guquiḻ beṉdxabtu chunäjtu steꞌca bejṉ.
\p
\v 6 Rniä rediidxre lojtu te ni rlajz guchṉaa sajc guchṉaani,
niluxh dina guiniä lojtu, nanabpac guchṉaatu.
\v 7 Narä rlazä maläii sajc gac guiraa bejṉ siꞌc ni
nacä. Dios abadeed loj tejga bejṉ xho mood guibajṉni.
Yuꞌreni sajc guibajṉ tej mood, yuꞌzareni sajc guibajṉ
garenca mood.
\p
\v 8 Loj rebeṉ xteb näjza loj regunabiuud rniä, hueen
najc naꞌc guchṉaareni, gacreni siꞌc narä.
\v 9 Niluxh palga di gacdi cueꞌcdxi lajzreni, suguchṉaareni.
Maazru huen guchṉaareni te naꞌc guntisreni xhigab rlajzreni
guchaagreni te niguii o te gunaa.
\p
\v 10 Loj rebejṉ ni abachṉaa, rniä rediidx ni basaꞌn
Dad Jesucrist loonu: “Naꞌc guṟoꞌn gunaa chäälni.”
\v 11 Niluxh palga guṟoꞌn te gunaa chäälni, naꞌc guchṉasacni,
o maazru hueen gusiäjḻni diidx guibisacni lo chäälni.
Sigajcza te niguii naꞌc guṟoꞌnni chäälni.
\p
\v 12 N̲aj rediidx ni guiniä najc xhigab xtenä, xhet diidxdi
ni basaꞌn Jesucrist loonu. Scree rulidxä laꞌtu. Palga
yuꞌ te niguii ni rililajz xtidx Dios, luxh chäälni di
chalilajz xtidx Dios, luxh rlajz gunaaga cuäznäjni niguiiga,
naꞌc guṟoꞌn niguiigani.
\v 13 Palga yuꞌ te gunaa ni rililajz xtidx Dios, luxh
di chäälni chalilajz xtidx Dios, niluxh rlajzni cuäznäjni
gunaaga, naꞌc guṟoꞌn gunaaga chäälni.
\v 14 Palga yuꞌ te niguii ni di chalilajz xtidx Dios,
luxh chäälni rililajz xtiidxni, palga hueen nabaṉnäj
saꞌreni, hueen najc yäḻruchṉaaga nez loj Dios. Sigajcza
palga yuꞌ te gunaa ni di chalilajz xtidx Dios luxh chäälni
rililajz xtiidxni, palga hueen nabaṉnäjsaꞌreni, hueen
najc yäḻruchṉaaga nez loj Dios. Palga dini gac siꞌc,
di Dios gunleꞌ rexiꞌnreni, per ṉaj abenleꞌ Dios rexiꞌnreni.
\v 15 Palga chääl te gunaa o chääl te niguii ni di chalilajz
xtidx Dios luxh rlajzni guiliaꞌ saꞌni con chäälni ni
ahuililajz xtidx Dios, sujiizani. Nani rililajz xtidx
Dios diruni gaꞌp por cuäznäjni chäälni ni di chalilajz
xtidx Dios, niluxh gurejdx Dios nuurnu te cuecdxini lajznu.
\v 16 Saꞌcsi ¿xho najnlu, gunaa, la susḻaa Dios chäällu
lo dojḻ xcuentlu, ä? O ¿xho najnlu, niguii, la susḻaa Dios
chäällu lo dojḻ xcuentlu, ä?
\p
\v 17 Siꞌctis ni baniidx Jesucrist lo tejganu, siꞌctis
ni gule Dios tejganu, siꞌc suguibajṉnu. Siꞌcza rulidxä
gunrenini neṉ guiraa reguidoo.
\v 18 Palga tej niguii rililajz xtidx Dios, luxh yuꞌni
bee tiejxhni, xhet najcdini. Palga stee niguii chalilajz
xtidx Dios, luxh xheti bee tiejxhni, xhet najcdizani.
Sujiaꞌnni siꞌcni najcni.
\v 19 Xhet najcdi la yuꞌni bee o xhet beedi yuꞌni. Tejtis
ni nanab gunni, gusoobni rediidx ni gunibee Dios.
\v 20 Tejgani jiaꞌn siꞌcni najcni cheni gurejdx Diosni.
\v 21 Palga najclu te mos ni guziireni te gunlu dzuun,
dxejc huililajzlu xtidx Dios, naꞌc chulu yärsiaꞌ xcuent
niꞌc. Palga sajc gudzuꞌlu meel lo xlam̲lu, badzuꞌzani
te gaclu te bejṉ ni rut rnibeedi.
\v 22 Saꞌcsi nani najc te mos ni guziireni te gunni
dzuun che huililajzni xtidx Dios, diruni gac te mos ni
bioꞌ nez loj Jesucrist, niluxh te bejṉ ni rut rnibeedi
che rililajzni xtidx Dios, anajcni mos ni guzii Dios,
najcni xmos Dios.
\v 23 Guzii Cristtu con xtiejnni, niꞌc naꞌc gusaantu
guinibee bejṉ laꞌtu te gac guntu xtzun Dios.
\v 24 Rebetzä, coḻchanuu gactu siꞌctis ni najctu che
gurejdx Dios laꞌtu, palga najctu mos ni guziireni, o te
bejṉ ni rut rnibeedi.
\p
\v 25 Redxaꞌp ni gajd guchṉaa, di Jesucrist ninibee xhiniꞌc
nanab gunreni. Gule Dios narä te gusuleꞌä xtiidxni.
N̲aj gulidxäreni saꞌcsi nanä xtidx Dios, luxh racnäjzani
narä.
\v 26 Runä xhigab hueen najc palga di reniguii guchṉaa
saꞌcsi siääd yäḻnaganduxh lo guedxliujre.
\v 27 ¿La alabachṉaalu, ä? Naꞌc guṟoꞌnlu chäällu. ¿La
alabaṟoꞌnlu chäällu, ä? Naꞌc chaxiilu chäällu.
\v 28 Palga guchṉaalu, xhet dojḻdi rujnlu. Palga guchṉaa
te dxaꞌp, dizani gun dojḻ. Niluxh reni ruchṉaa sidejdreni
trabajw lo yäḻnabajṉre. Niꞌcni rniä naꞌc guchṉaatu saꞌcsi
di rlazä tedtu trabajw.
\p
\v 29 Rebetzä, rlazä guiniä lojtu rediidxre: Guxiiru
dxej guibajṉnu lo guedxliujre, niꞌcni reni abachṉaa naꞌc
gunreni xhigab xtentis yäḻruchṉaa, te gac gunreni xtzuun
Dios.
\v 30 Luxh reni cayoon, nanab gunreni siꞌcni xhet cayoondireni;
reni rbalajzreni, nanab gunreni siꞌcni xhet cabaadi lajzreni;
reni rzii xhicos, nanab gunreni siꞌcni xhet rajpdireni;
\v 31 näjza reni rujn recos lo guedxliujre, nanab gunreni
siꞌcni dini gunni, saꞌcsi recos ni rhuiinu lo guedxliujre,
alacanitlojreni.
\p
\v 32 Narä rlazä naꞌc chutu yärsiaꞌ. Rebejṉ ni gajd
guchṉaa, riureni rextzuun Dios, näjza xho guspaareni lajz
Dios.
\v 33 Renani abachṉaa riureni recos guedxliujre te guspaani
lajz chäälni,
\v 34 tiop najc xhigabni xcuent recos nani gunni. Sigajcza
najc te gunaa ni abachṉaa con tejni gajd guchṉaa. Saꞌcsi
te gunaa ni gajd guchṉaa riuni rextzuun Dios te gacreni
gunadxan nez loj Dios con tiejxhreni näjza con lastooreni.
Niluxh regunaa ni abachṉaa riureni recos guedxliujre,
näjza xho guspaani lajz chäälreni.
\p
\v 35 Rniä rediidxre par xcäḻnasaꞌctu, xhet gudxonädi
laꞌtu, te gunrutu redzunsaꞌc, te chanälazsaꞌctu Dios.
\p
\v 36 Palga yuꞌ chu te niguii lojtu ni rujn xhigab, maazru
hueen guchṉaa xindxaꞌpni saꞌcsi acayajcni gunagool, dini
gun dojḻ, sajc gudeednini guchṉaani.
\v 37 Palga steeni dini gun xhigab siꞌc nanab gunni,
sajc gunni siꞌctis ni rlajzni palga abejnpacni xhigab
neṉ lastooni di xindxaꞌpni guchṉaa, hueenza najc siꞌc.
\v 38 Niꞌcni nani rudeed xindaꞌpni guchṉaa, hueen rujnni,
sigajcza nani dini gudeed xindxaꞌpni guchṉaa, laacaza
rujnni.
\p
\v 39 Te gunaa ni abachṉaa, rajpni por guibaṉnäjni chäälni
guideb nabajṉ chäälni. Palga guet chäälni, jianxtebni
stehuält, dxejc sajc guchṉaani chutis niguii ni rlajzni,
palga najcni tej ni ahuililajz xtidx Dios.
\v 40 Narä rchaloä maazru guibaa lajzni palga dini guchṉaa.
Siꞌc najc xhigab ni runä, luxh riliipac lazä cayacnäj
Sprit Dxan xten Dios narä.
\c 8
\s Yäḻrajw ni ruzujreni lo rebanäjb
\p
\v 1 Rniä lojtu xcuent reyäḻrajw ni ruzujreni lo rebanäjb.
Guliini guiraanu rajpnu yäḻnajn xcuent recosga. Niluxh
yäḻnajn rujn rajc bejṉ guyalajz. Luxh yäḻrinälajz saꞌni,
niꞌc rujn racnäjnu resaꞌnu.
\v 2 Palga yuꞌ chuniꞌc rujn xhigab nanduxhni, rusgueeni
lastooni saꞌcsi cayäädxru gacbeeni siꞌc ni nanab gacbeeni.
\v 3 Palga yuꞌ chu sanälajz Dios, Dios anumbee bejṉga.
\p
\v 4 Niꞌcni, xcuent reyäḻrajw ni risujreni loj rebanäjb,
anancheenu xhet sajcdi rebanäjb ni yuꞌ lo guedxliuj,
ruti stee Dios; tejtis ni najc Gueb Dios.
\v 5 Masque yuꞌ reni rniireni najc “dios” xhaguibaa
o loj guedxliuj, luxh yuꞌza xhidajl “dios” näjza xhidajl
lam̲ ni rnibee,
\v 6 per nuurnu nadonnu yuꞌ tejtis Gueb Dios, Dad nani
benchee guiraa recos, luxh lojtisni nabajṉnu. Rajpnu
tejtis Dad ni rnibee loonu, niꞌc najc Jesucrist. Xcuent
xcäḻrnibeeni guc-chee guiraa recos loj guedxliuj, luxh
nuurnu nabajṉnu xcuent Jesucrist.
\p
\v 7 Niluxh xhet guiraꞌti bejṉ najn yuꞌ tejtis Dios.
Yuꞌ rebejṉ ni ahuililajz xtidx Dios abiaꞌreni rajṉreni
rebanäjb, luxh rajwzareni reyäḻrajw lascanu guzujni loj
banäjb saꞌcsi nacäjyru xcäriejnreni, niꞌcni et laadi
riaꞌn lastooreni, rxhiṉza xcäriejnreni.
\v 8 Xhet xcuent xhi rdaudinu sajc guibaṉsaꞌcrunu lo
xnejz Dios. Xhet najcdi palga guidaunu o palga dinu
guidau.
\v 9 Coḻnatiro xhi rujntu te naꞌc guntu jiajb te bejṉ
lo dojḻ nani gajd chalilazsaꞌc xtidx Dios.
\v 10 Palga te bejṉ ni gajd chalilazsaꞌc xtidx Dios
fiini cayajwlu reyäḻrajw ni guzuj lo rebanäjb, luxh luj
najclu te beṉnajn, saꞌcsi dee gajd gacbesaꞌc rextidx
Dios, ¿la di lajzni gac nadip te näjza laani chatajwni
yäḻrajw ni guzuj lo rebanäjb?
\v 11 Niluxh luj, xhet dojḻdi cayujnlu, per bejtzlu ni
gajd chalilazsaꞌc xtidx Dios, sixijṉni, luxh najcni bejtzlu
saꞌcsi näjza par laani gujt Dad Jesucrist lo crujz.
\v 12 Siꞌcza che rujnlu dojḻ lo bejtzlu, runnajlu lajzreni
saꞌcsi gajd xcäriejnreni jiansaꞌc, luxh siꞌc cayujnzalu
dojḻ lagajc lo Crist.
\v 13 Niꞌcni, palga narä runä riabsac betzä lo dojḻ xcuent
ni rauä, hueenru dirunä gauä yäḻrajw ni gun jiajb betzä
lo dojḻ stehuält.
\c 9
\s Xhi sajc gun te apost
\p
\v 1 ¿La dina gacä te bejṉ ni rut lojdi yuꞌä? ¿La xhet
apostdi narä? Ni abahuiä lo Dad Jesucrist, abasuleꞌä
rextiidxni lojtu, niꞌc huililajztu xtiidxni. Laꞌtu najctu
xtzunä ni runä lo Dios.
\v 2 Yuꞌ reni di gumbeeni narä siꞌc te apost, niluxh
laꞌtu abiembesaꞌctu narä saꞌcsi ahuililajztu rextidx
Jesucrist ni abasuleꞌä lojtu. Niꞌc ruluiloj guliipac
nacä te apost.
\p
\v 3 Diidx ni rniä scree loj reni di chalilajz nacä
apost najc scree:
\v 4 ¿La di riäjl xcaꞌä guiraa ni runiidxtu gauä näjza
ni runiidxtu yäꞌä?
\v 5 ¿La digacdiza gapä te chälä ni ahuililajz xtidx
Dios dxejc chanää́zani sigajc rujn guiraa reapost, näjza
rebetzhuin xten Dad Jesucrist näjza Pedr?
\v 6 O ¿la xtebtis Bernabé näjza narä di gacdi cuääz
jiennu dzuun te guidaunu laḻ rusuleꞌnu xtidx Dios?
\v 7 ¿Chuniꞌc rajc soldaad luxh lagajc laani siini xhi
gauni? O ¿chuniꞌc rusuj yaguub luxh dini gau ninejxh
ni rcaj lojga, ä? O ¿chuniꞌc rajp gaii dxib, luxh dini
yä leꞌch ni rudeedreni, ä?
\v 8 Naꞌc guntu xhigab lagajc xcuentä caniä rediidxre
lojtu, saꞌcsi näj loj xleii toMoisés caj diidx xcuent
recosre.
\v 9 Loj reguijtz xten xleii toMoisés caj rediidxre:
“Naꞌc gusäḻlu guijxh roꞌ gon che cayoꞌtni yejc triuu.”
¿La guniitis Dios rediidxre saꞌcsi riuni regon, ä?
\v 10 ¡Dini gac! Xcäḻnasaꞌcnu guniini rediidxga, saꞌcsi
bejṉ ni rujn dzuun lo niaa näjza nani rusia triuu riäjḻ
gunlojni xcaꞌni te yälnasaꞌc ni rajc lo xniaani.
\v 11 Laꞌtu najctu siꞌc te yuj cadro guleꞌcnu binij
saꞌcsi basuleꞌnu rextidx Dios lojtu, ¿la rujntu xhigab
dzunro najc gacnäjtu nuurnu tudxeneꞌ, ä?
\v 12 Palga racnäjtu steꞌca bejṉ ni ruluiitu, nungäjḻru
gacnäjtu nuurnu.
\p Niluxh gajdnu guinii siꞌc lojtu saꞌcsi di rlajzdinu
guidxoonnu chalilazsaꞌctu rextidx Dios, niꞌc chotipnu
lajznu guiraa retrabajw ni cadeednu.
\v 13 Laꞌtu najntu reni rujn dzuun neṉ guidoro rajwreni
rebääl ni risaꞌnreni lo Dios, sigajcza reni rujn dzuun
lo dxan cadro risaꞌnreni xpääl reguidxaa lo Dios, näjza
laareni rajwreni rebäälga.
\v 14 Siꞌcza gunibee Dad Jesucrist loj reni gusuleꞌ
xtidx Dios, xcaꞌreni xhi gaureni lagajc loj reni rililajz
xtiidxni.
\v 15 Niluxh gajdpacna gunä siꞌc, xhetza cacaꞌädi. Dizana
gucuaä rediidxre lojtu ṉaj te guniidxtu xhi xcaꞌa. Hueenru
guetä te naꞌc gudzucaj te bejṉ yäḻrbalajz ni rapä xcuent
dzuun ni runä lo Dios.
\p
\v 16 Narä dina gapä xhicuent guiliäꞌpä xpalaꞌnä che
rusuleꞌä xtidx Dios. Saꞌcsi siꞌc nanabpac gunä, saꞌcsi
probeꞌza narä palga dina gusuleꞌä xtidx Dios.
\v 17 Palga gunä dzuunre saꞌcsi rdxaglazäpac gunäni
yuꞌ xhi guniidx Dios loä. Mase runäni con yäḻrigaan,
empac Dios agule narä te gusuleꞌä xtiidxni.
\v 18 ¿Xhiniꞌc najc xcuent ni xcaꞌä, ä? Che gusuleꞌä
xtidx Dios lo chutis bejṉ, ligaj gusuleꞌäni, te di gusuleꞌä
xtiidxni te guniidx rebejṉ xhi guniidxreni xcuent xtzunä,
mase siꞌc riäjl gunreni.
\p
\v 19 Rut xmosdi nacä, luxh lagajc narä benä xhigab gacä
siꞌc te mos te gunä gaan chalilajz xhidajl bejṉ xtidx
Dios.
\v 20 Cheni yuꞌä loj rexpejṉ Israel, runä siꞌcni rujnreni
te gunä gaan chalilajzreni rextidx Dios. Che rlazäza
guiniä loj reni nabajṉ loj xleii toMoisés, dxejc runä
siꞌc rujnreni te gunä gaan chalilajzreni rextidx Dios,
niluxh diruna guibaṉä lo leiiga.
\v 21 Stee lajt cadro rlazä gunä gaan reni di guibajṉ
lo xleii toMoisés, runä siꞌc rujnzareni, mase empac nabaṉä
lo xleii Dios saꞌcsi rusobä diidxni basaꞌn Crist.
\v 22 Cheni yuꞌä loj reni guxii rililajz xtidx Dios,
racäza siꞌc ni najcreni te gunä gaan chalilazsaꞌcreni.
Narä runä sigajc rujnreni, te siꞌc gunä gaan chalilajz
xhidajlreni xtidx Dios.
\v 23 Runä guiraꞌti xcuent xtidx Dios ni rusḻaa bejṉ
lo dojḻ, te xcaꞌzanu, narä näjza rebejṉ ni ahuililajz
xtidxä, yäḻnabajṉ par tejpas.
\p
\v 24 Anajntu che ruꞌ te lanij, che ruxuṉ reniguii, guiraareni
ruxuṉ, niluxh tejtis ni rcaꞌ ni ruzalajzreni. Coḻguxuṉza
nez lo Dios te gunzatu gaan.
\v 25 Guiraa reni rlajz guxuṉ rapdareni tiejxhreni te
gaꞌp tiejxhreni yäḻnadip, yäḻnadaan. Luxh laareni ruxuṉreni
siꞌc te gunreni gaan te cos ni di gaclaa agunitlojni.
Niluxh nuurnu ruxuṉnu te guniidx Dios loonu nani dipac
nitloj.
\v 26 Narä dina guxuṉä siꞌcni dina ganä caro chaꞌä, dizana
gucuaä siꞌc te bejṉ ni rucuanäj te balaa, o cayääztisni
lo bej.
\v 27 Niluxh narä runä rajc tiexhä siꞌc xmosä te naꞌc
gunni siꞌctis ni rlajzni, te gunni nani rlajz Dios te
di cheni abasuleꞌä xtidx Dios loj xhidajl bejṉ, gusanxtujy
tiexhä narä.
\c 10
\s Yäḻrulijdx lo xcuent rebanäjb
\p
\v 1 Rebetzä, di rlazä jiäḻlajztu ni gusajc retoxtadgoldoonu.
Gusajreni xpalaa te za gudejdzareni galäii nisdoo ni
laa Nisdo Xniaa.
\v 2 Gudejdreni xpalaa te za näjza gudejdreni galäii
nisdoo; niꞌc najc siꞌc te yäḻrobnis saꞌcsi sanajlreni
toMoisés.
\v 3 Sigajcza guiraareni gudajw tejtis yäḻrajw ni baxhaḻ
Dios xhaguibaali.
\v 4 Guiraazareni guꞌ nis ni badeed Dios, Dios bejn birii
nisga cuäꞌ te guilaj. Luxh Xprit Crist gusanäjreni cadrotis
sääreni nez lo reyubidzroga. Luxh con xcäḻrnibeeni birii
nis loj guilajga, Crist najc siꞌc guilaj ni huinäreni.
\v 5 Dios bidxechnäj xhidajlreni, niꞌc xhidajlreni gujt
nez lo reyubijdzga.
\p
\v 6 Guiraa rediidxga najc te yäḻrulijdx loonu, te naꞌc
guichaglajznu jiennu lagajc redojḻ ni bejn retoxtadgoldoonu.
\v 7 Naꞌcza gaṉtu rebanäjb siꞌc ni bejn baltireni; acaj
lo rexquijtz Dios xcuentreni: “Rebejṉ ni guyaa lajz
gurejreni te guꞌreni, gudajwreni, dxejctiru huisureni
te gusloj caguijtreni.”
\v 8 Naꞌc chunäjnu stee bejṉ di gac chäältu siꞌc bejnreni,
niꞌcni gujt gaḻbichoṉ miḻreni tejtis dxej.
\v 9 Naꞌcza gucheꞌchnu Dios con rextojḻnu siꞌc bejn
balti rebejṉga, niꞌcni gujtreni saꞌcsi gudauyaꞌ bäḻreni.
\v 10 Naꞌcza chamojm̲tu xcuent ni rujn Dios siꞌc ni bejn
rebejṉga xcuent ni bejn Dios, niꞌcni baxhaḻ Dios angl
xten yäḻgujt baguꞌt xhidajlreni.
\p
\v 11 Guiraa redee gusajc retoxtadgoldoonu te rulijdxni
nuurnu, cuajzareni lo guijtz te guluii rediidxga nuurnu
xho riäjl jiennu, nuurnu ni nabajṉnu neṉ redxej ṉaj.
\v 12 Niꞌcni chutis ni rujn xhigab nabaṉsaꞌcni nez loj
Dios, sudzuꞌtzni te di jiabsacni.
\v 13 Xheti te trabajw ni cadejdtu nani gajd ted chutis
bejṉ. Niluxh di Dios cuälaztu, dini gusaan tedrutu dzunduxh
nani digacdi guntu huant, suniidx Dios yäḻnadip yäḻnadaan
lojtu te che tedtu trabajw sidxältu xho guibicajtu lo
dzunduxhga, te gutiplajztu.
\p
\v 14 Niꞌcni rniä lojtu, rebetzä nani sanälazä, coḻbicaj
lo yäḻrajṉ xten rebanäjb.
\v 15 Rniä lojtu siꞌc lo te beṉ nasiṉ, te beṉnajn: coḻgulatzsaꞌc
rextidxä don la laaca najcreni.
\v 16 Che rdaunu xchej xten Dad Jesucrist najcni te
seen nabaṉnäänu Jesucrist. Che rdunnu neṉ coꞌp, rnaalajznu
gudijx Dad Jesucrist xtiejnni xcuent xtojḻnu lo crujz.
Che rdaunu yätxtiil, sälojni anajcnu tejtis xcuent tiejxhni
ni badeedni cuaj lo crujz xcuentnu.
\v 17 Saꞌcsi yuꞌ tejtis yätxtiil, mase najcnu xhidajl,
najcnu siꞌc tejsi tiejxh saꞌcsi tejsi yätxtiil rdaunu
che rauxchejnu xchej xten Dad Jesucrist.
\p
\v 18 ¡Bahuii xho rujn rexpejṉ Israel! Rajwreni xpääl
reguidxaa ni rileꞌcreni lo Dios lo dxan neṉ guidoo, niꞌc
najcreni tejsi con guiraa rebejṉ nani rujn sigajc rujnreni.
\v 19 ¿Xhixhniꞌc rlazä guiniä, ṉaj? ¿La caniä yuꞌ xhi
sajc gojn nani guleꞌc bejṉ lo banäjb, ä? O ¿la yuꞌ xhi
sajc banäjbga, ä?
\v 20 Xhet sajcdireni. Narä caniä lojtu dee: Recos nani
rbeꞌc rebeṉzijt lo rebanäjb, lo rebeṉdxab cabeꞌcrenini,
et lojdi Dios. Luxh narä dina rlazä gactu tejsi con
rebejṉ nani rbeꞌc lo rebeṉdxab, te di chachunäjzatu rebeṉdxab.
\v 21 Saꞌcsi digacdi yätu coꞌp ni rusnaj laaznu ni bejn
Dad Jesucrist lo crujz nägajcza coꞌp nani rudeedreni
lo rebeṉdxab. Digacdiza guidaunu xchej xten Dad Jesucrist
nägajcza xchej ni rudeedreni lo rebeṉdxab.
\v 22 O ¿la rlajznu gucheꞌchnu Dad Jesucrist, ä? ¿Xhixh
maazru nadipnu lojni, ä? ¡Gurniä lojtu!
\s Coḻyejn guiraꞌti te chäꞌp xpalaꞌn Dios
\p
\v 23 Guliicani, sajc jiennu xhitis ni rlajznu jiennu,
niluxh xhet guiraꞌti ni rlajznu jiennu najc hueen par
nuurnu. Guiraꞌti najc laaca, niluxh yuꞌ reni di gacnäj
gustioobnu lo xcäḻrililajz Dios.
\v 24 Naꞌc guntu xhigab quiiltistu lagajc xcäḻnasaꞌctu;
maazru hueen quiilzatu xcäḻnasaꞌc xpisiṉtu.
\v 25 Coḻtajw xhitis bääl ni rdoꞌ lo guii, naꞌc guiniabdiidxtu
caro siäädni te di gacnaj xcäriejntu.
\v 26 Lo xtidx Dios caj rediidxre: “Saꞌcsi guideb guedxliuj
näjza guiraa ni treꞌ lo guedxliuj najc xten Dios.”
\p
\v 27 Palga jiädgajṉ te bejṉ ni di chalilajz xtidx Dios
luj jiädtaunäjluni luxh acuäjblu chäälu, huijza, gudajw
xhitis ni cueꞌcni nez lojlu, naꞌc guiniabdiidxlu te di
gacnaj xcäriejnlu.
\v 28 Palga yuꞌ chu naa lojlu: “Dee najc bääl ni bileꞌcnu
lo rebanäjb”, naꞌc gauluni, didi gunni gunijt dadeꞌga
ni gunii siꞌc lojlu te di gacnajza xcäriejn chutis.
\v 29 Dina guiniä xcäriejnlu, didi gunnajni xcäriejn
stee dadeꞌga; mbaj ṉaj, ¿xhicuent riäjḻ gulaꞌtzreni narä
saꞌcsi rajc runä guiraꞌti porsi racnaj xcäriejn steꞌca
bejṉ, ä?
\v 30 Palga rudedä xquixtios lo Dios nani runiidx xhi
rauä, ¿xhicuent rniyajreni narä ni rauä, luxh abadedä
xquixtios lo Dios?
\v 31 Niꞌcni palga gautu, o palga yätu o xhitis ni rujntu,
coḻyujn guiraꞌti te chäꞌp xpalaꞌn Dios.
\v 32 Naꞌc gucheꞌchtu nicla rexpejṉ Israel niclaza rebeṉzijt,
niclaza rexpejṉ xquidoo Dios.
\v 33 Sigajcza runä narä, runä guiraꞌti ni ruspaa lajz
rebejṉ, dina quilä xcäḻnasaꞌcätis, alga rguilä xcäḻnasaꞌc
xhidalduxh bejṉ, te ḻaareni lo dojḻ saꞌcsi ahuililajzreni
xtidx Dios.
\c 11
\p
\v 1 Coḻyejn siꞌcni runä narä, sigajcza narä runä siꞌcni rujn Jesucrist.
\s Xho riäjl gun regunaa neṉ xquidoo Dios
\p
\v 2 Rliäꞌpä xpalaꞌntu saꞌcsi lo guiraꞌti rnaj lajztu narä, rnajza lajztu rediidx nani baluiä lojtu, sudzuꞌtztu rusoobtu rediidx sigajcni baluiäreni lojtu.
\v 3 Narä rlazä gacbeepactu Jesucrist najc nani rnibee lo niguii, dxejctiru niguii rnibee gunaa siꞌc rnibee Dios Jesucrist.
\v 4 Chutis te niguii ni yuꞌ xhumbreel yejcni laḻni cabedx-canabni lo Dios o laḻni caguluiini xtidx Dios, laani rusanxtujyni yejcni.
\v 5 Palga yuꞌ te gunaa ni dini gusäu xpäiini yejcni che cabedx-canabni loj Dios o che caniini xtidx Dios, rusanxtujyni yejcni saꞌcsi najcni sigajc najc te gunaa ni abigaj yejcni.
\v 6 Palga di te gunaa gusäu xpäiini yejcni suguigaj yejcni. Palga najcni te xtujy guigaj yejcni, sugusäuni xpäiini yejcni.
\v 7 Di guchaag gusäu te niguii yejcni saꞌcsi najcreni siꞌc xtuxh Dios, näjza xcäḻrdimbichaꞌ Dios. Niluxh regunaa najc siꞌc xcäḻrdimbichaꞌ niguii.
\v 8 Saꞌcsi di niguii nirixtiej cuäꞌ gunaa; gunaa najc ni birixtiej cuäꞌ niguii.
\v 9 Xhetza xcuent gunaadi guc-chee niguii; gunaa najc ni guc-chee xcuent niguii.
\v 10 Niꞌcni nanab jiäu yejc gunaa neṉ guidoo siꞌc te seen lo rexangl Dios yuꞌ chu rnibeereni.
\v 11 Niluxh nez lo Dios nicla niguii niclaza gunaa digacdi guibaṉ xtebreni.
\v 12 Sigajc galoo birixtiej gunaa cuäꞌ niguii, sigajcza ṉaj gunaa najc nani ruu bäz; luxh Diostis najc nani runchee guiraꞌti rebejṉ.
\p
\v 13 Coḻyejn lagajc xhigabtu ṉaj, ¿la laaca najcni cuedx-guiniab te gunaa lo Dios laḻ ni xhet niäudi yejcni, ä?
\v 14 Loj rebeṉ guedxliuj guiraa reniguii rgaj yejcreni, saꞌcsi najcni te xtjuy guigaduxh xquidxejcreni.
\v 15 Niluxh regunaa hueen najc rgaꞌ xquidxejcreni te rusäuni yejcni.
\v 16 Palga yuꞌ chu tiḻdiidx xcuent rediidx nani caniä lojtu, nanab gacbeeni siꞌctis riennu, siꞌctisza rujnreni neṉ guiraa rexquidoo Dios.
\s Xho ruxhiṉreni xchej Dad Jesucrist
\p
\v 17 Rediidxre ni cagucuaä lojtu, direni guiliäꞌp xpalaꞌntu, saꞌcsi che rdxagsaꞌtu neṉ xquidoo Dios, lacuaa laaca cuetu, xhet laadi rujntu.
\v 18 Rnixgaä dee: Abiejn diagä che reꞌtu lo xquidoo Dios, rliaꞌtu lo saꞌtu rajctu tiop cuaa; luxh riliica lazä rediidxre.
\v 19 Pet naatu nanab guntu siꞌc te gacbeetu chureniꞌc sanälajzpac Dios, chureniꞌc sajcru lo xtzuun Dios.
\v 20 Niꞌcni che rdxagsaꞌtu, dini gac te cuetu lo xmex xchej Dad Jesucrist,
\v 21 saꞌcsi che aguleꞌcreni xchej lo mex, tejga bejṉ rlajz xcaxgaa xhi gauni, dxejc yuꞌ reni agudxadoo xqueꞌreni, agusojzzareni, laḻni yuꞌ stee cuaa bejṉ calaan, gajdreni gau.
\v 22 ¿Xho mood? ¿La xheti rolijztu cadro gac gautu, yätu, ä? O ¿la rbälazlu xquidoo Dios, niꞌc rusanxtujylu rebejṉ ni xhet räjpdi, ä? ¿Xhiniꞌc guiniä lojtu ṉaj? ¿La naatu guiliäꞌpä xpalaꞌntu xcuent nani rujntu, ä? ¡Gurniälojtu guiliäꞌpä xpalaꞌntu!
\s Xchej Dad Jesucrist
\r (Mt. 26:26‑29; Mr. 14:22‑25; Lc. 22:14‑20)
\p
\v 23 Baluiloj Dad Jesucrist loä lagajc nani baluiä lojtu xcuent xho bejnni guxhijṉ che gudaunäjni rexpejṉni te xchej xten pascw, guxhijṉ ni gudoꞌni. Cuaꞌni yätxtiil,
\v 24 dxejc che abadeedni xquixtios lo Dios, gulaꞌni yätxtiilga, räjpni lojreni: “Coḻgajw, dee najc tiexhä ni gudedä guet xcuenttu. Scree guntu te guinalajztu narä.”
\v 25 Siꞌcza bennäjni coꞌp che gulujx gudajwreni, räjpni lojreni: “Ni yuꞌ neṉ coꞌpre najc siꞌc xtienä; che juꞌtreni narä, sixeꞌ xtienä xcuenttu, siꞌc te seen xten didxcoob ni gusaꞌn Dios loj rebejṉ ni aguleni. Scree guntu te guinalajztu narä.”
\v 26 Che gautu yätxtiilga, che yätu neṉ coꞌpga, ruluilosactu xhi bejn Jesucrist che gudijxni xcuent rextojḻnu lo crujz; siꞌcza coḻyujn dxejli ni guibisacni lo guedxliujre.
\s Xho riäjl gac xchej Dad Jesucrist
\p
\v 27 Niꞌcni rniä lojtu, chutis tejtu ni rajw yätxtiil, ni räꞌza coꞌp xten xchej Dad Jesucrist, palga dini gusoob xtidx Dios, rujnni dojḻ, najcni siꞌcni lagajc laani baguꞌt Jesucrist, baxheꞌzani xtiejnni.
\v 28 Niluxh sugulaꞌtz tejgatu lagajc lastooni don la yuꞌ xhi dojḻ bejnni, dxejcti sajc gauni yätxtiil, yäni coꞌp xten xchej Dad Jesucrist, saꞌcsi abaxhobdojḻni.
\v 29 Chutis bejṉ ni gau, ni yä xchej Dad Jesucrist, luxh dini gulaꞌtz lagajc lastooni xhicuent gauni, yäni xchej Dad Jesucrist, lagajc laani rujnni jiajb xcälnaj Dios yejcni.
\v 30 Niꞌcni lacti resaꞌtu racxhuu, xhet nadaanreni, luxh yuꞌzareni agujt.
\v 31 Niꞌcni nanab fiinu xho najcnu, guiniabnu lo Dios gudzucajni rextojḻnu te didi tednu trabajw.
\v 32 Niluxh che rdejdnu trabajw, rdejdnuni te naꞌc tednu trabajwduxh siꞌc ted rebeṉ guedxliuj che gacreni yäḻguxhtis xten Dios.
\p
\v 33 Niꞌcni rniä lojtu, rebetzä, che guireꞌtu te gautu xchej, coḻcuäjz resaꞌtu.
\v 34 Palga yuꞌ chu tejtu ni calaan, sugauni lagajc rolijzni, te di gun Dios yäḻguxhtis lojtu. Guiraa rexhistee cos, che jiäḻä roꞌc fiä don xho gacsaꞌcni.
\c 12
\s Dzuun ni rudeed Sprit Dxan xten Dios lo tejga ni rililajz
\p
\v 1 Rebetzä, rlazä gacbeetu xcuent dzuun ni rudeed Sprit
Dxan xten Dios lo tejganu.
\p
\v 2 Laꞌtu najntu che gajdtu chalilajz xtidx Dios, rajṉtu
chutis banäjb ni di gacbee, ni naatis bejṉ gaṉtu.
\v 3 Niꞌcni rlazä gacbeetu ṉaj, nicla tejtu ni yuꞌ Xsprit
Dxan Dios neṉ lastooni sajc guinii: “Xhet sajcdi Jesucrist.”
Luxh rut rajcdi rnii: “Jesucrist najc Dadbid baxhuaannu”,
palga di Xprit Dxan Dios cuääz neṉ lastooni.
\p
\v 4 Mbaj ṉaj. Yuꞌ xhidajl dzuun ni rudeed Dios loj
rebejṉ ni huililajz xtiidxni, niluxh tejsi najc Xsprit
Dxan Dios ni rujn dzuunga neṉ lastoo guiragajcnu.
\v 5 Yuꞌza balti cuaa dzuun nani riennu, niluxh tejsi
najc Xtadbid baxhuaannu.
\v 6 Yuꞌ xhidajl mood rajc dzuun, niluxh tejsi Dios rujn
dzuunga lastoo guiralii bejṉ.
\v 7 Tejga bejṉ ruluiloj garen-garen xtzuun Sprit Dxan
xten Dios, niluxh guiraꞌti redzuunga najc te gacnäjreni
guiraanu.
\v 8 Lo tej bejṉ rudeed Sprit Dxan yäḻnasiṉ, lo steeni
rudeed lagajc Sprit Dxanga yäḻnajn.
\v 9 Lagajcza Sprit Dxanga rudeedzani yäḻrililajzro
lo tejni, dxejc lo steeni rudeedza lagajc Sprit Dxanga
yäḻrnibee te rusiajcni yäḻracxhuu.
\v 10 Loj stee bejṉ rudeedzani yäḻrnibee te gunni milaagwr,
loj stee bejṉ rudeedni yäḻriembee te sajc guinixgaani
xcuent recos ni churu gac; lo steeni rudeedni yäḻnasiṉ
te gumbeeni chu najc Sprit guliipac, näjza chu najc sprit
ni rusguee. Lo stee bejṉ rudeedzani guiniini garen-garen
redidxsaj; loj stee bejṉ rudeedzani yäḻracbee te rajc
rniini loonu xhiniꞌc gunii bejṉ ni rnii garen-garen redidxsaj.
\v 11 Niluxh tejsi najc Sprit nani rujn guiraa redzuunre,
racnäjni rujn tejganu xtzuunni siꞌctis ni rlajzni.
\s Guiraanu najcnu te laꞌ tejsi tiejxh
\p
\v 12 Sigajc ni najc tiejxhnu tejsi, mase yuꞌ xhidajl
laꞌ xtenni, tejgareni te laꞌ tejsi tiejxh, sigajcza najc
rebejṉ nani huililajz xtidx Jesucrist.
\v 13 Guiraanu, mase najcnu rexpejṉ Israel o beṉ griegw,
mase najcnu mos o mastr, gurobnisnu con laj Sprit Dxan
che huililajznu xtidx Dios, te gujcnu siꞌc tejsi tiejxh,
luxh tejsi Sprit Dxan xten Dios biädläjz neṉ lastoonu.
\p
\v 14 Saꞌcsi tiejxhnu dini gac tejsi laꞌ, najcni balti
laꞌ.
\v 15 Paru naa niꞌnu: “Saꞌcsi dina gacä te ṉaa, niꞌcni
dina gacä te laꞌ tiejxhre.” ¿Xhixh porsi niꞌc dini gac
tlaꞌ tiejxhga, ä? ¡Gurniälojlu!
\v 16 Palga diajgnu naa: “Dina gacä te baloj, niꞌcni
dina gacä te laꞌ tiejxhre.” ¿Xhixh porsi niꞌc dini gac
tlaꞌ tiejxhga, ä? ¡Gurniälojlu!
\v 17 Palga guideb tiejxhni niajc te baloj, ¿xhi cojn
niejn diajgni? Palga guideb tiejxhni niajc te diajgni,
¿xhi cojn chuxhiꞌni?
\v 18 Mbaj ṉaj, niꞌc basoob Dios guiraa relaꞌ te guc-chee
tiejxhnu siꞌctis ni rlajzni gacni.
\v 19 Paru niajc guidebni siꞌc tejtis laꞌni, ¿xho niajcpacni
te tiejxhni dxejc?
\v 20 Niluxh ṉaj ensilaani yuꞌ xhidajl laꞌ te najcni
tejsi tiejxhni.
\p
\v 21 Te balojnu di gac gäbni lo ṉaanu: “Dina guiquinälu”,
niclaza bitiuyejcni di gac gäbni lo niꞌni: “Dina guiquinälu.”
\v 22 Chucala lapacreni rquiinru nani ruzeṉ lascanu
xhet sajcdireni.
\v 23 Luxh retlaꞌga nani rchalonu guxii sajcreni, reniꞌc
maazru sajc. Luxh reni rtuinäänu, niguii sigajc gunaa,
reniꞌc riapdarunu.
\v 24 Biätla sgaii laꞌ tiejxhnu nani rlui saruru, reniꞌc
di guiquiin gapdanuni. Niluxh abenchee Dios tiejxhnu
siꞌc, te gapdaru bejṉ retlaꞌ nani lascanu guxiiru sajc.
\v 25 Bejnni siꞌc te di chu yäḻrdijḻ lo retlaꞌ tiejxhnu,
te guiraa retlaꞌga gacnäj saꞌreni.
\v 26 Niꞌcni che et laadi yuꞌ te laꞌ tiejxhnu guidebni
ruꞌ et laadi. Sigajcza che guiliäꞌpnu xpalaꞌn te laꞌ
tiejxhnu, guideb tiejxhnu rbalajz.
\p
\v 27 Niꞌcni guiraanu najcnu siꞌc tiejxh Jesucrist.
Tejganu najc te laꞌ tiejxhni.
\v 28 Luxh abadeed Dios yäḻrnibee lo tejganu lo xquidooni
te gunnu xtzuun-xtzuunni. Ganidtoo guleni reapost; ni
ṟojpga guleni rebejṉ ni rnii xtidx Dios; ni riojṉga,
guleni rebejṉ ni ruseed; dxejcti guleni reni rujn remilagwr,
reni rusiajc beṉracxhuu, reni racnäj, reni rnii garen-garen
redidxsaj.
\v 29 Et guiraadi rexpejṉ Jesucrist najc apost. Et guiraadizareni
rniireni xtidx Dios. Et guiraadireni rajc ruseed. Et
guiraadizareni rajc rujn remilagwr.
\v 30 Et guiraadireni rajc rusiajc rebeṉracxhuu. Etza
guiraadireni rajc rnii garen-garen didxsaj, et guiraadireni
rajc rnii xhi säloj redidxsajga.
\v 31 Nanab guideb lastootu rlajztu guniidx Dios reyäḻrnibee
ni najc maazru hueen lojtu. Niluxh narä guluiä lojtu
te nezyuj ni najc hueenru loj guiraareni.
\c 13
\s Yäḻsanälajz
\p
\v 1 Palga guiniä guiraloj xtidxsaj rebejṉ, o xtidx rexangl
Dios, luxh dina chanälazä rebejṉ, rubejtis xtidxä siꞌc
te tamboor o te platii.
\v 2 Palga sajc guiniä xtidx Dios xcuent recos ni churu
gac, luxh racbesaꞌcä guiraa recos xhigaꞌtz xten Dios,
näjza guiralii yäḻnasiṉ xten guedxliujre, palga rapä
yäḻrililazduxh te gac gäpä lo redajnre, “coḻguibicaj”,
luxh rbicajreni, niluxh xhet sanälazädi rebejṉ, rut nacädi.
\v 3 Palga gudedä guiraa rexhixtenä nani rapä te gau
rebejṉ ni xhet rajpdi; palga gudedä tiexhä te checni,
luxh xhet sanälazädi rebejṉ, xliaꞌsi gunä guiraa redzuunga.
\p
\v 4 Rebejṉ ni rajp yäḻsanälajz cabäjzreni, najczareni
beṉsaꞌc, direni säblajz xhi xten saꞌreni, direni guschäꞌp
lagajc xpalaꞌnreni, direni gac guyalajz.
\v 5 Direni gun recos ni di guchaag, dini quiil xcäḻnasaꞌctisni,
dini guidxeꞌch, dini jiu redojḻ ni rujn bejṉ lojni.
\v 6 Nani rajp yäḻsanälajz dini guibalajz che rujn stee
bejṉ dojḻ, alga rbaa lajzni che laaca rujn bejṉ.
\v 7 Nani rajp yäḻsanälajz rujn huant xhitis cos, rililajzni
hueen xcuent xhitis cos, sanuutis cabäjzni, rajc rdejdni
xhitis trabajw.
\p
\v 8 Yäḻsanälajz dipacni nitloj. ¿La rniireni xtidx
Dios xcuent recos ni churu gac, ä? Sidzujn dxej sibäjz
rediidxga. ¿La rajc rnii bejṉ garen-garen redidxsaj, ä?
Sidzujṉ dxej siacdxi redidxsajga. ¿La yuꞌ yäḻnajn? Sidzujṉ
dxej sinitlojpacni.
\v 9 Saꞌcsi ṉaj guxilii racbeenu, guxilii xtidx Dios
xcuent recos ni churu gac rajc rniinu,
\v 10 niluxh che jiädsac Jesucrist ni rajp guiralii
yäḻnajn, sinitloj xcäḻnandxucnu.
\p
\v 11 Che gucä biuux, guniä siꞌc biuux, benäza xhigab
siꞌc biuux, niluxh che bidzuṉä lo yäḻbeṉgol, gunitloj
rexhigab biuux ni benä galoo.
\v 12 Saꞌcsi ṉaj rhuiinu siꞌc loj te guihuajn ni nacäjy,
luxh che guibaṉnäänu Dios xhaguibaa, suhuisaꞌcnu siꞌcni
ruhuii bejṉ che sugaꞌni loj saꞌni cahuiinini. N̲aj racbeenu
reꞌcti rec, niluxh dxejc sacbesaꞌcnu siꞌcpacni numbee
Dios nuure.
\v 13 Niluxh ṉaj riaꞌn yäḻrililajz näjza yäḻrbäzlajz,
näjza yäḻsanälajz. Lo guidxoṉ redee, sajcru yäḻrinälajz.
\c 14
\s Renani rnii rediidx
\p
\v 1 Ganiddoo coḻquiil yäḻrinälajz, coḻnabza lo Dios
te guniidxruni xhi stee dzuun, niluxh coḻyejnru te xcaꞌtu
yäḻrnibesaꞌc te gusuleꞌtu xtidx Dios.
\v 2 Che rnii te bejṉ garenca diidx ni di rebejṉ gacbee,
rniini lo Diostis, et lojdi rebejṉ, saꞌcsi rut racbeedi
xtiidxni, mase caniini cosro, cosxhigaꞌtz nani ruluii
Sprit Dxan xten Dios guiniini.
\v 3 Niluxh bejṉ ni rusuleꞌ xtidx Dios, rustioobni xcäḻrililajz
bejṉ ni rulijdxni, ruspaani lajz nani rac-huin lajzni.
\v 4 Che rnii te bejṉ garenca didxsaj ni rut racbeedi,
lastootisni rustioobni, niluxh bejṉ nani rusuleꞌ xtidx
Dios xcuent recos ni churu gac, laani rustiobruni lastoo
guiraa rebeṉguidoo.
\p
\v 5 Narä rlazä maläii rajc rnii guiraatu garen-garen
diidx, niluxh hueenru gac gusuleꞌtu xtidx Dios. Maazru
sajc nani rajc rusuleꞌ xtidx Dios loj nani rnii garenca
diidx palga di gacdi gusuleꞌni lo rebejṉ xhiniꞌc caniini.
\v 6 Mbaj ṉaj betzä, che jiälä lojtu, palga guiniä garenca
diidx lojtu, ¿xhi gacnäjni laꞌtu? Hueenru guiniliä xcuent
te cos ni abaluiloj Dios loä, o xcuent te yäḻnajn, o xcuent
te xtidx Dios, o xcuent te yäḻruluii.
\p
\v 7 Ni ruhuiinu xho najcza reinstrument ni roḻ bejṉ
siꞌc te bizej, o te harp; palga di bejṉ goḻsaꞌcreni, ¿xho
jiennu gacbeenu xhi dij cayoḻreni, ä?
\v 8 Sigajcza lo guerr, palga direni goḻ cornet dippac,
¿xho gacbeereni agojl chatijḻreni, ä?
\v 9 Sigajcza laꞌtu, palga ditu guinisaꞌc didxsaj nani
racbee bejṉ, ¿xho gunreni gacbeereni xhiniꞌc caniilu,
ä? Xliaꞌsi guiniilu, lo bejtis sää xtiidxlu.
\v 10 Yuꞌ xhidalduxh didxsaj lo guedxliuj, luxh xheti
tejni nani xheti xnejzni.
\v 11 Niluxh palga dina gacbeä didxsaj ni rniireni loä,
nacä siꞌc te beṉzijt loj nani canii loä, sigajcza sajc
nani caninäj narä.
\v 12 Niꞌcni laꞌtu ni rlajztu xcaꞌtu yäḻrnibee xten
Sprit Dxan te guntu xhi redzuun, coḻguejs, coḻnab lojni
xhidajl dzuun te gacnäjtu tioobru xcäḻrililajz rexpeṉ
guidoo.
\p
\v 13 Niꞌcni palga yuꞌ te bejṉ ni rnii garenca didxsaj,
suguiniabni loj Dios yäḻrnibee te gac gusuleꞌni diidx
ni rniini lo rebejṉ.
\v 14 Palga cuedx-guiniabä lo Dios con te didxsaj ni
dina gacbeä, lastoätis ni caläꞌp xpalaꞌn Dios, niluxh
xcärienä xhet cayacbeedini.
\v 15 ¿Xho ricajni dxejc? Siniab xspritä näjza xcärienä
lo Dios; soḻ xspritä näjza xcärienä dij.
\v 16 Palga dini gac siꞌc, xsprittislu caläꞌp xpalaꞌn
Dios con steꞌca didxsaj, niluxh bejṉ nani cacuadiajg
di gacdi gacnäjnilu guiliäꞌpni xpalaꞌn Dios, saꞌcsi dini
gacbee xhiniꞌc rniilu.
\v 17 Hueencaza caläꞌplu xpalaꞌn Dios, per stee bejṉga
dini tioob loj yäḻrililajz.
\v 18 Rudedä xquixtios lo Dios maazru rajc rniä garen-garen
diidx loj guiragajctu.
\v 19 Niluxh neṉ guidoo maazru rlazä guiniä con xcärienä
gaiitis diidx nani gacbeetu, nani guluii laꞌtu, loj tzuu
miḻ diidx nani guiniä con xspritä ni ditu gacbee.
\p
\v 20 Rebetzä, naꞌc rujntu xhigab siꞌcni rujn rebiuux,
xcuenttis cosguijdx nanab gacnayatu siꞌc biuxbäz, per
coḻyejn xhigab siꞌc te beṉgool.
\v 21 Scree caj lo xleii toMoisés: “Mase guiniä lo rebejṉ
con garenca diidx näjza xtidx beṉzijt, nicla siꞌc direni
gucuadiajg xtidxä”, naj Dad baxhuaannu.
\v 22 Niꞌcni regaren-garen didxsaj najc siꞌc te seen
lo renani gajd chalilajz xtidx Dios, et lojdi rebejṉ
ni arililajz xtidx Dios. Niluxh yäḻrusuleꞌ xtidx Dios
xcuent recos ni churu gac, niꞌc najc te seen loj renani
ahuililajz xtidx Dios, xhet lojdi renani gajd chalilajz
xtidx Dios.
\v 23 Palga reꞌtu neṉ guidoo dxejcti caniitu garen-garen
diidx ni rut racbeedi, dxejc guidzujṉ tej ni di gan xtidx
Dios, siniini guiraatu rajc yejctu.
\v 24 Palga reꞌtu neṉ guidoo, dxejcti guiraatu cagusuleꞌtu
xtidx ni baniidx Dios lojtu, che jiuꞌ tej ni di gan xtidx
Dios, sacbeeni xhiniꞌc caniitu, sacbeeni yuꞌ xtojḻni,
\v 25 sienloj rexhigab xhigaꞌtz ni yuꞌ neṉ lastooni,
dxejcti siabrlojni suzuxhijbni lo Dios, siniabni lo Dios,
siniizani guliipacni sugaꞌ Dios galäiitu.
\s Coḻyejn guiraꞌti xnez-xnejzni
\p
\v 26 ¿Xho ricajni ṉaj, betzä? Che guireꞌtu neṉ guidoo
suxcaꞌ tejgatu tebgaj te salm, te xtidx Dios ni guluiini,
te diidx ni baluiloj Dios lojni, te diidx con garenca
diidx, nägajcza te ni gusuleꞌ xhi säloj diidxga. Coḻyejn
guiraa ni rujntu te tioob xcäḻrililajz renani ahuililajz
xtidx Dios.
\v 27 Palga yuꞌ renani rnii con garenca diidx, suguinii
tioꞌp-choṉ bejṉ, niluxh tebgajreni, dxejcti sugusuleꞌ steeni
xhi säloj ni rnii tejgareni.
\v 28 Palga rut rajcdi gusuleꞌ rediidxga, naꞌc guiniireni
con garenca diidx neṉ guidoo, suguinixtebreni lo Dios.
\v 29 Siꞌcza renani rusuleꞌ diidx ni rudeed Dios lojreni,
suguinii tioꞌp-choṉ bejṉ, niluxh tebgajreni, te cuadiajg
stiop xchoṉreni donnu la laaca caniireni.
\v 30 Palga guluiloj Dios te cos loj te bejṉ ni sobgaꞌ
cacuadiajg, sucuedxisijcni, dxejcru suguiniini.
\v 31 Saꞌcsi guiraatu sajc gusuleꞌtu tebgajtu didx ni
baniidx Dios lojtu te gac guisieedtu, te tioob lastoo
guiraatu lo yäḻrililajz.
\v 32 Rudeed Sprit Dxan xten Dios yäḻnajn loj reni rusuleꞌ
diidx ni rudeed Dios lojreni te acanajnreni che riäjl
guiniireni o che riäjl cuedxireni,
\v 33 saꞌcsi Dios najc te Dios ni rujn guiraꞌti xnejz-xnejzni,
dini gun biejy, niluxh rbecdxini lastoo bejṉ neṉ guiraa
reguidoo xten rebejṉ ni ahuililajzpac xtiidxni.
\v 34 Sucuedxi regunaa neṉ reguidoo, saꞌcsi di gacdi
gusuleꞌ te gunaa xtidx Dios. Nanab gunreni siꞌc caj
lo leii gunreni, gucuadiajgreni xtidx Dios ni rusuleꞌ
reniguii lojreni.
\v 35 Palga rlajzreni gacbeerureni, suguiniabdiidxreni
loj chäälni che guibiꞌreni rolijzreni, saꞌcsi sianxtujy
gunaaga palga guiniini neṉ guidoo.
\p
\v 36 Coḻgacbee et laꞌditu guläxtiejditu rextidx Dios,
luxh etza xtebtis lojtu biäädni.
\v 37 Palga yuꞌ tejtu ni rchalo rajc rniini diidx ni
rudeed Dios lojni, o palga rchaloni abadeed Xprit Dxan
xten Dios te dzunro lojni, sugacbeepacni dee: guiraa
rediidx ni cagucuaä lojtu, rucuaäni saꞌcsi siꞌc gunibee
Jesucrist gucuaäni.
\v 38 Palga yuꞌ chu tejtu ni di chalilajz rapä xcäḻrnibee
Jesucrist, rutza jiudi xtiidxni.
\p
\v 39 Niꞌcni, rebetzä, coḻyejnru te gusuleꞌtu diidx ni
runiidx Dios lojtu, naꞌc gudxojntu renani rniiza garenca
didxsaj.
\v 40 Luxh guiraꞌti nani rujntu, coḻyensaꞌcni, xnejz-xnejzni.
\c 15
\s Gubaṉsac Jesucrist lo rebeṉgut
\p
\v 1 N̲aj rniä lojtu betzä, coḻgusnaj lajztu xtidx Dios
ni basuleꞌä lojtu, nani huililajztu, loj nani sutijptu,
\v 2 näjza coḻgusnaj lajztu diidx xcuent ni badzucaj
Dios xtojḻtu che huililajztu, palga sanuu sutijptu lojni,
te di xliaꞌsi huililajztu diidxga.
\p
\v 3 Lojtu ganiddoo basuleꞌä rediidx ni sajcru ni bisiedä,
basuleꞌä xho gujt Jesucrist lo crujz, bixeꞌ xtiejnni
te badzucajni rextojḻnu, sigajc ni caj lo xtidx Dios
gac.
\v 4 Basuleꞌäza xho bigaꞌtzni, dxejc ni rioṉ dxej guläs
Diosni, gubaṉsacni siꞌcni caj lo xtidx Dios gacni.
\v 5 Cheni gubaṉsacni, baluilojni lo Pedr, dxejctiru loj
guitzubitoꞌp rexpejṉpacni,
\v 6 dxejcti baluilojni lo gabixh gaii gayuu bejṉ ni
treꞌ tejsi lajt. Xhidajlreni nabaṉsijc, niluxh yuꞌza
reni agujt.
\v 7 Dxejcti baluilojni lo Jacoob, dxejctiru loj guiraa
reapost.
\p
\v 8 Dxejcti lultpac baluilojzani loä, luxh alagudejd
ruluilojni lo rexpejṉni dxejc.
\v 9 Narä guxiiru sacä loj guiraa reapost, niclaza nungäjḻ
cuälajreni narä apost saꞌcsi basacsíä rexpejṉ xquidoo
Dios.
\v 10 Balaslazduxh Dios narä, niꞌc narä nacä siꞌc ni
nacä ṉaj. Luxh et xliaꞌdi balaslajzni narä. Narä benäru
dzuun loj guiraareni, niluxh xhet narädi ni benä dzuun,
saꞌcsi xcäḻrulaslajz Dios cayacnäj narä.
\v 11 ¿Xhiru najcni palga naräni o palga laareni? Empac
cagusuleꞌnu xtidx Dios, luxh laꞌtu salilajztu xtiidxni.
\s Xho guibaṉsac rebeṉgut
\p
\v 12 Mbaj ṉaj, palga nuurnu cagusuleꞌnu diidx xcuent
ni gubaṉsac Crist loj rebeṉgut, ¿xhicuent yuꞌtu ni rnii,
xheti yäḻrbaṉsac loj rebeṉgut?
\v 13 Palga xheti yäḻrbaṉsac lo rebeṉgut, dxejc nicla
Crist di nibaṉsac lo rebeṉgut.
\v 14 Luxh palga di Crist nibaṉsac loj rebeṉgut, ¡xliaꞌsi
najc diidx nani basuleꞌnu! ¡Xliaꞌsiza najc xcäḻrililajztu!
\v 15 Luxh et niꞌctis. Abigaꞌnu saꞌcsi rusgueenu rniinu
baspaṉsac Dios Jesucrist loj rebeṉgut, luxh dini nuspaṉsacni
loj rebeṉgut, palga guliini di bejṉ guibaṉsac loj rebeṉgut.
\v 16 Niluxh palga di rebeṉgut chäs, niclaza Crist di
nibaṉsaꞌc lo rebeṉgut.
\v 17 Luxh palga di Jesucrist nibaṉsac loj rebeṉgut,
xhet sajcdi xcäḻrililajztu, sanuutistu loj xtojḻtu.
\v 18 Sigajcza agunijt rebeṉgut nani huililajz xtidx
Jesucrist.
\v 19 Palga ṉaj ni nabajṉtisnu loj guedxliujre cabääznu
Jesucrist, lo guiraa rebeṉ guedxliuj nuurnu najcnu rebejṉ
ni riäjl jiaduxhtej guiraa reni ruhuii loonu.
\p
\v 20 ¡Per dini gac siꞌc! Guliipacni gubaṉsac Jesucrist
loj rebeṉgut. Laani guc ganiddoo loj guiraa rebeṉgut
ni gubaṉsac, luxh laani dini niejt par tejpas.
\v 21 Sigajcni biääd yäḻgujt loonu xcuent tejtis niguii,
sigajcza biääd yäḻrbaṉsac lo rebeṉgut loonu xcuent tejtis
niguii.
\v 22 Sigajc xcuent te niguii ni laa Adán biääd yäḻgujt,
sigajcza xcuent Jesucrist biääd yäḻrbaṉsac loj rebeṉgut.
\v 23 Tejganu xcuent-xcuentnu; Jesucrist gujc ganiddoo,
dxejcti guiraa reni najc rexpejṉni che jiädsacni lo
guedxliujre, guiraareni suspaṉsacni.
\v 24 Che agujc niꞌc, dxejcti siääd dxe lult che gudedsacni
yäḻrnibee lo Dios Xtadni, che abadzujḻni guiraa reyäḻrnibee,
guiraa reyäḻguxhtis, guiraa reyäḻmilagwr.
\v 25 Nungäjḻpac guinibee Jesucrist cheni gunli Dios
gaan loj guiraa reni rdxeꞌch lojni, quixhnireni detz
niꞌni.
\v 26 Luḻt ni rdxeꞌch lojni ni gunitlojni najc yäḻgujt.
\v 27 Lo xquijtz Dios caj: “Agudixhni guiraꞌti detz
niꞌni te guinibeenireni.” Che rniini siꞌc huenliisi
gacbee bejṉ di gacdi guinibee Jesucrist Dios, saꞌcsi
Dios badeed lojni xhiniꞌc guinibeeni.
\v 28 Che acanibee Jesucrist guiraali recos, dxejcti
sudeedni guideb yäḻrnibee loj Xtadni Dios, te xtebtis
Dios guinibee guiraꞌtipac.
\p
\v 29 Palga rujntu xhigab di bejṉ guibaṉsac loj rebeṉgut,
¿xhi gun rebejṉ nani robnis xcuent rebeṉgut? Palga di
bejṉ guibaṉsac lo rebeṉgut, ¿xhicuent rutiobnisreni laꞌtu
xcuent rebeṉgut?
\p
\v 30 ¿Xhicuentza rdxunnu lo casionduxh guiraꞌti oṟ?
\v 31 Rniliä́pac lojtu, rebetzä, caläpä xpalaꞌntu xcuent
Jesucrist Xtadnu ni cayun xtzuunni lojtu. Niꞌcni guniä
lojtu, guira dxej rguiilreni narä te juꞌtreni narä.
\v 32 Palga benä xhigab siꞌc te niguii guedxliuj che
bacuanää́ reniguii ni najc siꞌc man nialajz lo guedx
Éfeso, ¿xhi gaan benä? Palga di bejṉ guibaṉsac loj rebeṉgut,
doꞌo jien siꞌc ni caj lo guijtz: “Doꞌo guidau, doꞌo guiduṉ,
saꞌcsi guixee empac sejtnu.”
\p
\v 33 Naꞌc gusaantu gusgueereni laꞌtu, palga sachaaglu
lo beṉguijdx näjza luj sajclu beṉguijdx.
\v 34 Basanij xcäriejnlu siꞌcni nanab gunlu. Bascuääz
dojḻ ni rujnlu saꞌcsi yuꞌ balti bejṉ ni dipac gumbee
Dios. Te guitujytu niꞌc rniä diidxre lojtu.
\s Xho guibaṉsac rebeṉgut
\p
\v 35 N̲aj yuꞌ reni rniabdiidx: “¿Xho rbaṉsac bejṉ loj
rebeṉgut? ¿Xhoza gac tiejxhreni?”
\v 36 ¡Chip nayäällu! Che rbeꞌclu te binij, di gäjl guiliejn
palga di xhobga guet, nalajznu, palga dini guechduu.
\v 37 Luxh che rbeꞌclu, dilu cueꞌc gäjlga siꞌcni rlajzlu
gacni, alga rbeꞌclu xhob o triuu o steꞌca binij,
\v 38 niluxh Dios rujn rliejnni, rustioobni gäjlga, lo
tejga gäjl rudeedni xpalajgni o tiejxhni, siꞌctis ni
rlajzni.
\v 39 Xhet guiraadi retiejxhreni najc tebloj. Yuꞌ bääl
xten bejṉ, yuꞌza bääl xten reguidxaa, yuꞌza bääl xten
reman xhaguibaa, yuꞌza bääl xten rebäjl.
\v 40 Sigajcza yuꞌ tiejxh rebajl xhaguibaa, tiejxh rexten
guedxliujre. Niluxh yäḻrdimbichaꞌ xten rebajl xhaguibaa
najc tej, dxejc yäḻrdimbichaꞌ guedxliuj najc steꞌca.
\v 41 Bichaꞌ xte gubijdx najc garen lo xten bäii, sigajcza
xpichaꞌ rebal xhaguibaa najc garen-garenza lo saꞌreni.
\v 42 Sigajcza yäḻrbaṉsac loj rebeṉgut; che guet bejṉ
rgaꞌtz tiejxhni luxh rujdxni, rnitlojni. Luxh che guibaṉsacni
loj rebeṉgut, garenca gac tiejxhni, diruni gudx, anabajṉni
par tejpas.
\v 43 Che rgaꞌtzni, rujn bejṉ xhigab xhetru gacnäjdi
tiejxhga, niluxh che guibaṉsacni, lacti sacru, lacti sajc
tiejxhga. Che rgaꞌtzni, xhetru sajcdi gunni, luxh che
guibaṉsacni, anadipduxhni.
\v 44 Che rgaꞌtz tiejxhnu, najcni xten guedxliujre, luxh
che chäsni najcni te tiexhcoob ni runiidx Dios. Niꞌcni
yuꞌ te tiejxhni ni siääd lo guedxliuj, yuꞌza te tiejxhni
ni siääd xhaguibaa.
\p
\v 45 Siꞌcza caj lo xtidx Dios: “Nigui galooga ni laa
Adán, bejn Dios gujcni te beṉ nabajṉ.” Niluxh Adán ni
biääd lult, Jesucrist najc Sprit ni runiidx yäḻnabaṉcoob
loonu.
\v 46 Ganid najc yäḻnabajṉ xten guedxliujre, dxejctiru
yuꞌ te yäḻnabaṉcoob xhaguibaali.
\v 47 Sigajcza niguii galooga najc beṉ guedxliujre, niluxh
ni rojp niguii ni biääd najc beṉ xhaguibaali.
\v 48 Benchee Dios Adán con yuj, najcni beṉ guedxliuj.
Xhaguibaali biääd Jesucrist, najcni beṉ xhaguibaa.
\v 49 Sigajcni najcnu siꞌc beṉ guedxliujre, sigajcza
sajcnu sigajc najc bejṉ ni yuꞌ xhaguibaa.
\p
\v 50 N̲aj guiniä rediidxre lojtu betzä, di gac ted tiejxhnu
ni najc bääl näjza rejn xhaguibaa cadro yuꞌ Dios. Tiejxhnure
nani sinitloj di gacdiza xcaꞌni stee tiejxh ni najc
par tejpas.
\v 51 ¡Coḻhuii! Rlazäza gacbeetu te didx-xhigaꞌtz; xhet
guiraadinu guet, niluxh sidxaa guiraa retiejxhnu
\v 52 teraꞌt bäzluleꞌ, siꞌc cheni rdinyaꞌ guzii, che jieḻ
lult trompeꞌt, dxejc sibaṉsac rebeṉgut, säjsreni guideb
tiexhcoobreni ni najc par tejpas. Luxh näjza tiejxhnu
sidxaa.
\v 53 Saꞌcsi tiejxhnu ni najc xten guedxliuj nanab guidxaani
te gaꞌpnu tiejxhnu ni najc xten xhaguibaa, saꞌcsi tiejxhnu
ni najc xten guedxliuj rejtni, niluxh tiejxhnu ni najc
xten xhaguibaa di gacdi guetni, najcni par tejpas.
\v 54 Niluxh che tiejxhnu ni najc xten guedxliuj abidxaa
te gaꞌpnu tiejxhnu ni najc xten xhaguibaa, näjza che
tiejxhnu ni sajc guet abidxaa te gaꞌpnu tiejxhnu ni
di gacdi guet, ni najc par tejpas, dxejc sisiojb xtidx
Dios ni caj scree: “Yäḻgujt agunitloj saꞌcsi bejn Jesucrist
gaan lojni.
\v 55 Yäḻgujt, ¿xho gac gunlu gaan ṉaj, ä? Yäḻgujt, ¿Con
xcäḻnayanlu ṉaj, ä?”
\v 56 Xcäḻnayan xten yäḻgujt najc dojḻ. Xcäḻrnibee dojḻ
najc leii.
\v 57 Niluxh rdeednu xquixtios lo Dios, nani runiidx
te yäḻrnibee loonu te jiennu gaan lo yäḻgujt xcuent
Dad Jesucrist.
\p
\v 58 Niꞌcni rebetzä ni sanälazduxhä, coḻchanuutis, coḻsudzuꞌtz
lo xtidx Dios, naꞌc guidxajgtu guntu xtzuunni, saꞌcsi
anancheetu xhet xliaꞌdi najc dzuun ni runiidx Dios riennu.
\c 16
\s Meel ni guireꞌ par rexpejṉ Dios
\p
\v 1 Xcuent meel nani guireꞌ par rebejtznu, coḻyejnni
sigajcni räpä gun rebeṉ rexquidoo Galacia.
\v 2 Casob dumingw, nalajznu ganid dxej xmaan, tejgatu
coḻcuää te meel yejc nani rujntu gaan neṉ te xmaan, coḻcucheeni,
te naꞌc gutieꞌtu meel che jiälä.
\v 3 Te che guidzuṉä, guxhaḻä meelga, näjza tiop-choṉ guijtz
chanä chutis bejṉ ni cuetu chasaꞌnni guedx Jerusalén.
\v 4 Palga laaca chaꞌaza, sajcza chänäreni narä.
\s Xhigab ni bejn Pabl chääni biaj
\p
\v 5 Guidzuṉä lojtu che agudedä reguedx Macedonia, saꞌcsi
sidedä nejzga galoo ni jiälä roꞌc.
\v 6 Dxejcti pet siannää́ laꞌtu, pet saclaä, sidedä guiraa
rebäi najl roꞌc, te gacnäjtu narä che chaꞌa cadrotis
chaꞌa.
\v 7 Saꞌcsi di rlazä jiädhuiätu te ladejtzsi, rlazä jiannää́
laꞌtu xchejpac, palga gusaan Dad Jesucrist gunä siꞌc.
\v 8 Niluxh siaꞌnä guedx Éfeso, te roꞌc tedä lanij ni
rusnaj lajz bejṉ che biääd Sprit Dxan xten Dios.
\v 9 Saꞌcsi roꞌc yuꞌ xhidajl bejṉ nani rlajz guisieed
xtidx Dios, niluxh roꞌc yuꞌza xhidajl reni rdxeꞌch loä.
\p
\v 10 Palga guidzujṉ Timoteu lojtu, saru coḻhuiini, te
naꞌc chuni yärsiaꞌ laḻ ni yunäjni laꞌtu, saꞌcsi cayujnni
xtzuun Dios sigajc runä narä.
\v 11 Naꞌc gusaantu chu tej ni cuälazni, coḻcuecdxi lajzni,
dxejc coḻgusunejzni, te jiädhuiini narä ree, saꞌcsi ree
cabääznu laani con rebejtznu.
\p
\v 12 Niluxh xcuent bejtznu Apolos, räpäza lojni niäädpacni
lojtu con rebejtznu, niluxh di rlajzpacni niäädni ṉaj.
Per siäädcani dxejtis ni gac jiäädni.
\s Rextixtios lult ni ruxhaḻni
\p
\v 13 Coḻsusiṉ, coḻsudzuꞌtz lo yäḻrililajz xten Dios,
coḻyejn dzuun siꞌc niguii, coḻyajc beṉdaan.
\v 14 Xhitis ni rujntu coḻyejnni con yäḻrinälajz.
\p
\v 15 Laꞌtu rebetzä, anajntu xcuent rexfamiḻ Estéfanas,
nani ganid huililajz xtidx Dios nez reguedx Acaya, najntu
xho racnäduxhreni rebejtznu nani huililajz xtidx Dios
roꞌc. N̲aj rniabduxhä lojtu,
\v 16 coḻgusoob xtidx rebejṉga, näjza xtidx guiraa rebejṉ
ni racnäj rexpejṉ Dios, ni rujnza xtzuun Dios.
\v 17 Rbalazä bidzujṉ Estéfanas, näjza Fortunato, näjza
Acaico, saꞌcsi laareni bejnreni par narä nani di niajcdi
niujntu saꞌcsi rutitu.
\v 18 Gulecdxireni lazä näjza lajztu, niꞌcni, ¡coḻjiu
saꞌ rebejṉga!
\p
\v 19 Rebeṉ xquidoo Dios nez reguedx Asia ruxhaḻ xtixtios
lojtu. Aquila näjza chäälni Priscila näjza rebejṉ ni
ṟeꞌ rolijzreni ruxhaḻzareni xtixtios lojtu.
\v 20 Guiraa rebejtznu ruxhaḻ xtixtios lojtu. Coḻguinii
tejgatu lo saꞌtu: “Xchan, gacnäj Dios laꞌtu.”
\p
\v 21 Narä Pabl, ruxhaḻä xtixtios lojtu, lagajc narä benä
reletrre.
\p
\v 22 Palga yuꞌ chu tejtu ni di chanälajz Dad Jesucrist,
sunitlojni. ¡Dad Jesucrist, gudaa!
\p
\v 23 Gacnäj xcäḻrulaslajz Jesucrist guiraatu.
\v 24 Yäḻrinälajz ni rapä xcuent Jesucrist suchunäjni
laꞌtu. Sugacni siꞌc.