\id PHM
\h Filemón
\toc1 Filemón
\mt Te Guijtz Lo Filemón
\c 1
\s Rucuaa Pabl guijtz lo Filemón
\p
\v 1 Narä, Pabl, yuꞌä neṉ latzguiib saꞌcsi rniä xtidx
Dad Jesucrist. Narä näjza bejtznu Timoteu cagucuaanu
guijtzre lojlu, Filemón, ni sanälazduxhnu saꞌcsi najclu
saꞌnu lo xtzun Dios.
\v 2 Rucuaazanu guijtzre lo Apia, bisiajnnu lo yäḻrililajz,
näj lo Arquipo ni racnäj nuurnu lo dzuunre, näjza loj
rebeṉguidoo ni rchagsaꞌ rolijzlu.
\v 3 Dios Xtadnu näj Dad Jesucrist gacnäj laꞌtu, guscuedxireni
lajztu.
\s Xcäḻsanälajz näj xcäḻrililajz Filemón
\p
\v 4 Rudedä xquixtios lo Dios xcuent luj che rniä lo
Dios.
\v 5 Abiejn diagä xcuent yäḻrinälajz näj yäḻrililajz
ni rajplu lo Dad Jesucrist, näjza reni yuꞌ lo Dios.
\v 6 Rniabä lo Dios tioobru xcäḻrililajzlu laḻ ni rusuleꞌluni,
te gacbesaꞌcreni xcuent guiraa reyäḻnasaꞌc ni rajplu,
ni runiidx Dad Jesucrist lojlu.
\v 7 Lacti rbalazduxhä, rbedxi lazä saꞌcsi sanälajzlu
resaꞌnu näjza saꞌcsi luj, betzä, agulecdxilu lastoo reni
rililajz.
\s Pabl rniabni lo Filemón xcasacni Onésimo
\p
\v 8 Mase rapä xcäḻrnibee Jesucrist sajc guiniä gunlu
xhitis ni riäjḻ gunlu,
\v 9 rniabä lojlu gunlu te dzunsaꞌc saꞌcsi narä nacä
Pabl ni rinälajzlu, nacä beṉgool, yuꞌä latzguiib xcuent
Dad Jesucrist.
\v 10 Canabä xcuent Onésimo ni najc siꞌc xiꞌnä, saꞌcsi
huililajzni xtidx Dios ni basuleꞌä lojni ṉaj ni yuꞌä
latzguiib.
\p
\v 11 Galoo, dini niajc beṉsaꞌc lojlu, niluxh ṉaj sacnäduxhni
guiroꞌpnu.
\v 12 Ruxhaḻsacäni lojlu, te xcasacluni stehuält siꞌc
ni najräni xcaꞌlu, saꞌcsi siädnäni lojlu ascanu lagajc
lastoä.
\v 13 Narä rlazä niannäjni narä xcuentlu, te niacnäjni
narä ṉaj ni yuꞌä latzguiib saꞌcsi basuleꞌä xtidx Dios.
\v 14 Niluxh di rlazä niunä siꞌc palga luj dilu xcäjb
gacni siꞌc. Dina guinia gacnäjpaclu narä siꞌc gojn.
Narä rlazä gunluni saꞌcsi rlajzpaclu gacni siꞌc.
\v 15 Pet gubicaj Onésimo lojlu tioꞌp-choṉ dxejsi. Niluxh
ṉaj xcaꞌluni te chuni lojlu par tejpas.
\v 16 N̲aj xhetru siꞌcdi te mos chuni lojlu. N̲aj sajcruni
loj te mos. N̲aj najcni siꞌc te betzbiidlu ni sanälajzlu.
Narä sanälazduxhäni, niluxh luj riäjḻ chanälajzruluni,
xhet siꞌc chutis te bejṉ, alga siꞌc te bejtzlu lo Dad
Jesucrist.
\p
\v 17 Näj palga rumbeelu narä siꞌc te saꞌlu, cuaꞌni sigajc
narä.
\v 18 Palga yuꞌ xhi bejnni lojlu o palga yuꞌ xhi nazääbni
lojlu, basaꞌnni lo xcuentä.
\v 19 Lagajc narä, Pabl abacuaä guijtzre con ṉaä con
xleträ, narä siguixäni. (Te naꞌc guiniä nazääbzalu lagajc
luj loä.)
\v 20 Betzä, benḻaa hueenre narä siꞌc te ni sanälajz
Dios te guspaalu lazä nez loj Dad Jesucrist.
\p
\v 21 Bacuaä guijtzre lojlu saꞌcsi nancheä susooblu
xtidxä, sujnzalu maazdi loj ni rniabä lojlu.
\v 22 Sigajcza basuchee te lajt cadro jiaꞌnä, saꞌcsi
cabäzä gudzuꞌ Dios ni gunabtu lojni, gusaan Dios jiädhuiä
laꞌtu.
\s Ruxhaḻni xtixtios lojni
\p
\v 23 Epafras ruxhaḻ xtixtios lojlu. Laani yunäjni narä
latzguiib, saꞌcsi guniizani xtidx Jesucrist.
\v 24 Marcw, Aristarco, Demas, näj Lucas, ni racnäj narä
lo dzuunre, ruxhaḻzareni xtixtios lojlu.
\p
\v 25 Dad Jesucrist gacnäj laꞌtu. Sugacni siꞌc.