\id 1JN
\h 1 Juan
\toc1 1 Juan
\mt Guijtz Ganid Ni Bacuaa Juan
\c 1
\s Xtidx Dios ni runiidx yäḻnabajṉ par tejpas loonu
\p
\v 1 Galooli che gajd Dios gun guedxliuj, agac nabajṉ
Jesucrist. Niluxh narä bahuiä loj Jesucrist, biejn diagä
rediidx ni guniini loä, gunazä ṉaani. Laani najc Diidx
ni runiidx yäḻnabajṉ par tejpas loonu.
\v 2 Baluilojni loonu; reapost bahuiinu lojni. Niꞌcni
rniä lojtu, nabajṉ Jesucrist par tejpas. Rniliä́pac nabaṉnäj
Jesucrist Dios. Baluii Dios Jesucrist loonu.
\v 3 Caniä stehuält lojtu, bahuiinu lojni. Biejn diajgnu
rediidx ni guniini loonu. Xhigab xtennu najc tejtis
con Dios, näjza Jesucrist Xiꞌn Dios. Niꞌcni cagusuleꞌä
rediidxga lojtu, te tejtis xhigab jiennäänu resaꞌnu.
\v 4 Cagucuaä rediidxre lojtu te guibalazduxhtu.
\s Dios najc Bajl
\p
\v 5 N̲aj cagusuleꞌä rediidx nani baluii Jesucrist loonu.
Dios najc bajl. Guiraa redzuun ni rujnni, ganax dzunsaꞌcni.
Xhet yäḻnacäjydi yuꞌ lo Dios.
\v 6 Palga chutis tejnu naa, tejtis najc xhigabnu con
Dios, niluxh riennu redzunguijdx, rniinu didx-xhii, runijtnu
dinu chasanäj xtidx Dios.
\v 7 Palga nabajṉnu lo bianij siꞌcni nabajṉ Dios lo
bianij, tejtis xhigab riennu con resaꞌnu. Dxejc rusiaza
xtiejn Jesucrist Xiꞌn Dios lastoonu che riennu dojḻ.
\p
\v 8 Palga naanu xheti xtojḻnu, rusgueenu lagajc nuunu,
luxh dinu gaꞌp xtidx Dios neṉ lastoonu.
\v 9 Palga guicäjpnu lo Dios guiraa redojḻ ni cayennu,
siäḻlajzni xtojḻnu, sudzucajni rextojḻnu, saꞌcsi laaca
rujnni luxh gulii najc rextiidxni.
\v 10 Palga guinuunu dinu niujn dojḻ, rniinu najc Dios
siꞌc te bejṉ ni rnii didx-xhii saꞌcsi anaj Dios yuꞌ xtojḻnu,
luxh dizanu gaꞌp xtidx Dios neṉ lastoonu.
\c 2
\s Racnäj Jesucrist nuunu nez loj Dios
\p
\v 1 Guejbtu, resaꞌä nani huililajz xtidx Dios, cagucuaä
rediidxre lojtu lo guijtz te naꞌc guntu dojḻ. Niluxh
palga jiennu dojḻ, racnäj Jesucrist nuunu, rniini xcuentnu
lo Dios, saꞌcsi xheti xtojḻni.
\v 2 Gujt Jesucrist xcuentnu lo crujz. Gudijxni rextojḻnu
lo crujz. Luxh et rextojḻtisnu gudijxni. Gudijxni rextojḻ
guiraa rebejṉ ni ṟeꞌ lo guideb guedxliuj.
\p
\v 3 Palga rusoobnu rextidx Dios, huenliisi rluii riembeenu
Dios.
\v 4 Cheni rnii te bejṉ, “narä rumbeäni”, niluxh dini
gusoob rextiidxni, rusgueeni resabejṉni. Di lajzni nilii
xtidx Dios.
\v 5 Palga rusoobnu xtidx Dios, guliipac rinälaaznu Dios,
niꞌc najnnu nabaṉnäjnuni.
\v 6 Cheni rniinu nabaṉnäjnu Jesucrist, nanabpac guibaṉsaꞌcnu
siꞌc gubajṉ Jesucrist lo guedxliuj.
\s Redidxcoob
\p
\v 7 Guejbtu resaꞌä, xhet didxcoobdi ni cagucuaä lojtu.
Cagucuaä lagajc diidx ni najntu galooli che huililajzlitu
rextidx Dios, nalajznu rediidx nani biejn diajgtu galooli.
\v 8 Niluxh najcza rediidxre didxcoob loonu, saꞌcsi che
huililajznu rextiidxni gusloj dirunu guibajṉ lo yäḻnacäjy.
Baluii Jesucrist redidxcoobga loonu. Guliipac najc Dios
siꞌc bajl. Dini guibajṉ lo nacäjy.
\p
\v 9 Palga chutis tejnu rnii, “nabaṉä lo nianij xten
Dios”, niluxh rdxeꞌchni lo resaꞌni, lo yäḻnacäjy yuꞌni.
\v 10 Chutis tejnu ni rinälajz saꞌni, nabajṉni lo bianij
xten Dios, rujnni dzunsaꞌc, dizani guichaglajz gunni dojḻ.
\v 11 Niluxh palga rdxeꞌchnu lo resaꞌnu, nabajṉnu lo
yäḻnacäjy saꞌcsi riennu dojḻ, sasaanu lo yäḻnacäjy. Nicla
gacbeenu canejz chonnu, saꞌcsi ruscäjy beṉdxab balojnu.
\p
\v 12 Cagucuaä rediidxre lo guejbtu, resaꞌä ni rililajz,
saꞌcsi abadzucaj Dios rextojḻnu, saꞌcsi lo crujz gudijx
Jesucrist rextojḻnu.
\v 13 Cagucuaä rediidxre lo guejbtu, redad beṉgool, saꞌcsi
huililajztu rextidx Jesucrist, najntu laani nabajṉni
galooli näjza par tejpas. Cagucuaä rediidxre lojtu, rebiꞌn
saꞌcsi dirutu jiu xtidx beṉdxab.
\p Cagucuaä rediidxre lojtu rexiꞌnä, saꞌcsi rumbeetu Dios.
\v 14 Abacuaä rediidxre lo guejbtu, redad beṉgool, saꞌcsi
numbeetu Jesucrist nani nabajṉ galooli näjza par tejpas.
Abacuaä rediidxre lojtu rebiꞌn, saꞌcsi sudzuꞌtztu, saꞌcsi
yuchee xtidx Dios neṉ lastootu, dirutu jiu xtidx beṉdxab.
\p
\v 15 Naꞌc guichaglajztu guntu renani rujn rebejṉ nani
di chalilajz xtidx Jesucrist; naꞌcza chanälaztejtu xhixtentu
ni rajptu lo guedxliuj. Palga rinälaztejnu rexhixtenni
ni raꞌpnu lo guedxliuj, dxejc dinu chanälajz Dios.
\v 16 Rebeṉ guedxliuj ni di chalilajz xtidx Dios rchaglajzreni
rujnreni redzunguijdxre: rujnreni dzunguijdx nani rchaglajz
tiejxhreni; rujnreni dzunguijdx nani rchaglajz balojreni,
näjza lagajc laareni rliäꞌpreni xpalaꞌnreni. Niluxh
guiraa reniꞌc najc dzun guedxliuj, xhet dzuundi ni gunibee
Dios gac.
\v 17 Luxh rnitlojpac guedxliuj. Sinitlojza guiraa reni
rchaglajz rujn rebeṉ guedxliuj ni di chalilajz xtidx
Dios. Niluxh palga gusoobtisnu xtidx Xtadnu Dios, sibaṉnäjnuni
par tejpas.
\s Didx gulii näjza didx-xhii
\p
\v 18 Guejbtu resaꞌä ni rililajz xtidx Dios, asiäddzuṉgajxh
dxej che guluiloj niguii nani rdxeꞌch loj Jesucrist.
Abiejn diajgtu siääd niguiiga. N̲aj yuꞌ xhidajl reniguii
nani rdxechlajz lo Crist. Niꞌc alaracbeenu asiäddzuṉgajxh
dxejga che guluiloj niguiiga.
\v 19 Yuꞌ xhidajl rebejṉ ni rdxechlajz lo Jesucrist.
Biriireni lo resaꞌnu. Direni nililajz xtidx Jesucrist.
Palga nililajzreni xtidx Jesucrist siꞌc huililaaznu
nuure xtidx Jesucrist, direni nirii lo resaꞌnu. Biriireni
lo resaꞌnu, niꞌc racbeenu direni gac xpejṉ Jesucrist.
\p
\v 20 Gule Dios Jesucrist. Jesucristre baniidx Sprit
Dxan xten Dios loonu te gacbeenu xhiniꞌc najc redidxliipac.
\v 21 Et saꞌcsi ditu gan xhi diidx najc didx gulii bacuaä
rediidxga lojtu. Saꞌcsi najntu xhi diidx najc didx guliipac,
niꞌc bacuaäni, te gutijp lajztu. Palga rucuaä rediidx
ni najc gulii, anajntu dina gusgueä laꞌtu.
\p
\v 22 Chutis ni naa di Jesús gac Crist Xiꞌn Dios, xhet
guliidi rextiidxni. Renani rnii di Jesucrist gac Xiꞌn
Dios rdxechlajzni lo Jesucrist. Di reniꞌc nililajz xtidx
Dios.
\v 23 Chutis reni rnii di Jesucrist gac Xiꞌn Dios, di
reniꞌc gumbee xtadnu Dios. Niluxh renani rnii Jesucrist
najc Xiꞌn Dios, huililajzreni xtidx Dios, numbeezareni
Dios.
\p
\v 24 Coḻgusoob rediidx ni biejn diajgtu galooli che
huililajztu rextidx Dios. Palga rusoobtu rediidxga, nabaṉnäjtu
Dios näj xiꞌnni Jesucrist.
\v 25 Abiaꞌn Jesucrist diidx guniidxni yäḻnabaṉcoob
loonu. N̲aj araꞌpnu yäḻnabajṉre, raꞌpnuni par tejpas.
\p
\v 26 Abacuaä rediidxre lojtu xcuent rebejṉ ni rlajz
chalilajztu rediidx ni xhet guliidi.
\v 27 Baxhaḻ Jesucrist Sprit Dxan xten Dios loonu. Rbäjzni
neṉ lastoonu. Dinu guiquiin chu stee bejṉ guluii loonu
xhi diidx najc gulii, saꞌcsi lagajc Sprit Dxan xten Dios
ruluii xtiidxni loonu. N̲aj ruluiini laꞌtu guiraa ni
najc gulii, dini gusguee laꞌtu. Coḻguibaṉnäj Jesucrist;
coḻgusoob xtidx Jesucrist siꞌcni ruluii Sprit Dxan xten
Dios lojtu.
\p
\v 28 N̲aj guejbtu resaꞌä, coḻguibaṉnäj Jesucrist, te che
jiädsacni lo guedxliuj sisiutzuꞌtznu nejz lojni, dinu
guitujy nejz lojni.
\v 29 Anajntu laaca najc Dios. Anajntu renani rusoob
xtidx Dios sasanäjreni Dios, niꞌc najcreni xiꞌn Dios.
\c 3
\s Rexiꞌn Dios
\p
\v 1 Bahuii xho huinälazduxh Dios nuure, niꞌc anaj Dios
nuure najcnu rexiꞌnni. Luxh gulii najcnu rexiꞌn Dios.
Rebeṉ guedxliuj ni di chalilajz xtidx Dios, direni gumbee
nuure, rexiꞌn Dios, saꞌcsi dizareni gumbee Dios ni najc
xtadnu.
\v 2 Resaꞌä ni rinälazä, nuunu riolilaaznu rextidx Dios,
niꞌcni najcnu rexiꞌn Dios. Dinu gacbee xho gacnu niluxh
che guibisac Jesucrist loonu, suhuiinu lojni siꞌc ni
najcni, saꞌcsi suchaani nuure te gacnu siꞌc ni najcni
laani.
\v 3 Che rnaj laaznu sidzujṉ dxej gac tejganu siꞌc ni
najc Jesucrist, dxejc rbaṉsaꞌcnu siꞌc ni gubajṉ Jesucrist
lo guedxliuj.
\p
\v 4 Di rebejṉ ni rujn dojḻ gusoob leii xten Dios. Che
riennu dojḻ, runijtnu lo leii xten Dios.
\v 5 Racbeenu Jesucrist biääd lo guedxliuj, gujcni niguii
te gujc badzucajni rextojḻnu. Laani dini niujn dojḻ.
\v 6 Che sasanäjnu Jesucrist, dinu gac beṉguijdx. Di
bejṉ nani rujn dojḻ chalilajz xtidx Jesucrist, dizani
gumbeeni.
\v 7 Resaꞌä, naꞌc chalilajztu didx-xhii ni rnii bejṉ lojtu,
che rniireni cayujntu dojḻ. Rebejṉ ni rujn laaca, najczareni
siꞌc najc Jesucrist.
\v 8 Rebejṉ nani rujn dojḻ najc xiꞌn beṉdxab. Galodooli
rujn beṉdxab dojḻ. Niꞌcni biääd Jesucrist Xiꞌn Dios
lo guedxliuj te gudzucajni redojḻ nani rujn bejṉ xcuent
beṉdxab.
\p
\v 9 Rebejṉ nani najc xiꞌn Dios direni guichaglajz gunreni
dojḻ, saꞌcsi abachaa Dios xcäriejnreni, saꞌcsi rbäjz Dios
neṉ lastooreni. Direni gun dojḻ, saꞌcsi najcreni xiꞌn
Dios.
\v 10 Siꞌc riembeenu rebejṉ ni najc xiꞌn Dios, näjza
rebejṉ ni najc rexiꞌn beṉdxab. Chutis tejni di gun dzunsaꞌc,
ni dini chanälajz resaꞌreni, dini gac xiꞌn Dios.
\s Nungäjl chanälajznu resaꞌnu
\p
\v 11 Lagajc rediidxre biejn diajgtu galooli che huililajztu
rextidx Dios: coḻchanälajz resaꞌtu.
\v 12 Xhet siꞌcdi toCain nani gujc xiꞌn beṉdxab. Bejnni
dojḻ, baguꞌtni bejtzni. ¿Xhicuent baguꞌtnini? Baguꞌtnini
saꞌcsi bejn bejtzni ganax dzunsaꞌc, luxh toCain bejn
dzunguijdx.
\v 13 Naꞌc guidxelojtu che guidxechlajz rebejṉ lojtu.
\v 14 Racbeenu dirunu sa lo xnezyuj yäḻgujt, saꞌcsi dinu
guidxechlajz loj resaꞌnu. Rajpnu yäḻnabajṉ par tejpas
saꞌcsi rionälaaznu resaꞌnu. Chutis tej ni di chanälajz
resaꞌreni canzaj lo xnezyuj yäḻgujt, saꞌcsi rdxechlajzreni
lo saꞌreni.
\v 15 Chutis ni rdxechlajz lo resaꞌni, najcni nejz lo
Dios siꞌc ni abaguꞌtni te bejṉ. Najnnu che ruguꞌt te
niguii te bejṉ dini gaꞌp yäḻnabajṉ par tejpas.
\v 16 Racbeenu rinälajz Jesucrist nuunu, saꞌcsi gujtni
lacuaa nuunu lo crujz. Sigajcza nungäjḻ gacnäjnu resaꞌnu,
mase guetnu lacuaa guetreni.
\v 17 Chutis tejnu ni rajp xhidajl xhixtenni, luxh dini
gacnäj nicla tejnu ni xhet rajpdi, di bejṉga chanälajz
Dios.
\v 18 Guejbtu resaꞌä, naꞌc chanälaaznu resaꞌnu con rextiidxtisnu,
naꞌc guiniitisnu rionälaaznu resaꞌnu. Palga rionälaazpacnu
resaꞌnu, sacnäjnu resaꞌnu.
\s Sisiutzuꞌtznu nez loj Dios
\p
\v 19,20 Palga rionälaaznu resaꞌnu, nancheenu najcnu rexiꞌn
Dios. Palga jiajbnu xhigab dinu gac beṉsaꞌc, dizanu gac
xiꞌn Dios, nanab jiunu rextiidxtis Dios, naꞌc jiunu rexhigabnu.
Dios najn rexhigabga. Niluxh Dios anaj: renani rinälaaz
resaꞌreni, reniꞌc najc rexiꞌnni.
\v 21 Rniä lo guejbtu nani rinälazä, palga lagajc lastoonu
rnii loonu, “cagusooblu xtidx Dios”, sisiutijp lastoonu
che rbedx-rniabnu lo Dios.
\v 22 Xhitis ni rniabnu lo Dios, runiidxni loonu saꞌcsi
rusoobnu xtiidxni, riennu redzuun ni ruspaa lajz Dios.
\v 23 Dee najc rediidx ni gunibee Dios gusoobnu: chalilaaznu
xtidx Dios, diidx ni rnii xho gujt Jesucrist lacuaa nuunu,
chonälaazzanu resaꞌnu siꞌcni gunibee Dios.
\v 24 Palga rusoobnu guiraa nani gunibeeni, nabaṉnäjnuni,
siꞌcza nabaṉnäjni nuunu. Nancheenu nabaṉnäj Dios nuunu,
saꞌcsi baniidxni Sprit Dxan xtenni te cuääz neṉ lastoonu.
\c 4
\s Scree gacbeenu xhi didx najc guliipac
\p
\v 1 Guejbtu renani rinälazä, naꞌc chalilajztu rextidx
chutis bejṉ nani naa, “rniä rextidx Dios lojtu”. Ganiddoo
coḻgulaꞌtz rextiidxni te gacbeetu don chu xtidx caniini,
saꞌcsi xhidajl bejṉ sinii lojtu, “nuunu rniinu rextidx
Dios”, niluxh caniisireni siꞌc.
\v 2 Scree gacbeenu xhi diidx najc guliipac. Guiraa
rebejṉ nani guinii “Jesucrist, Xiꞌn Dios, ni biääd lo
guedxliuj siꞌc niguii”, reniꞌc cayacnäj Sprit Dxan xten
Dios, reniꞌc canii xtidx Dios.
\v 3 Guiraa rebejṉ nani di guinii biääd Jesucrist Xiꞌn
Dios siꞌc niguii, xhet xtidx Diosdi rniireni. Reniꞌc
rdxeꞌchreni loj Jesucrist. Abiejn diajgtu siääd te niguii
ni rdxechduxh loj Jesucrist, luxh ṉaj abidzujṉ rextzuun
niguiiga lo guedxliuj.
\p
\v 4 Guejbtu resaꞌä, najcnu rexiꞌn Dios. N̲aj abiennu
gaan lo rebejṉ ni rdxeꞌch lo Jesucrist saꞌcsi Dios ni
rbäjz neṉ lastoonu abejnni gaan lo beṉdxab ni nabajṉ
lo guedxliuj.
\v 5 Rebejṉ ni rnii xhet guliidi xtidx Dios, rililajztisreni
rediidx ni najc xten guedxliuj. Xhidalduxh rebejṉ ni
ṟeꞌ lo guedxliuj riu rediidx ni xhet guliidi.
\v 6 Nuunu najcnu xiꞌn Dios. Rebejṉ nani riembee Dios
riu xtiidxnu. Rebejṉ nani di gac xiꞌn Dios direni jiu
xtiidxnu. Scree gacbeenu chu rebejṉ rnii didxliipac.
Scree gacbeezanu chu rebejṉ rnii diidx ni xhet guliidi.
\s Rinälajz Dios rebejṉ
\p
\v 7 Rniä lo guejbtu nani rinälazä, nanab chanälaaznu
resaꞌnu, renani huililajz xtidx Dios, saꞌcsi Dios racnäj
nuunu te chanälaaznu resaꞌnu. Palga rinälaaznu resaꞌnu,
dxejc najcnu rexiꞌn Dios, luxh gulii riembeenu Dios.
\v 8 Palga chutis tejnu di chanälajz resaꞌni, dizani
gumbee Dios, saꞌcsi lagajc Dios racnäj chanälaaznu Dios,
racnäjzani chanälaaznu resaꞌnu.
\v 9 Abasuleꞌ Dios loonu lacti rinälajzni nuunu. Yuꞌ
tejtis Xiꞌn Dios. Abaxhaḻni Xiꞌnni lo guedxliuj te gudijxni
rextojḻnu lo crujz te siꞌc guibaṉnäjnuni par tejpas.
\v 10 Siꞌc racbeenu rinälajzpac Dios nuunu. Galoo dinu
ninälajz Dios. Niluxh Dios huinälajz nuunu, niꞌc baxhaḻni
Xiꞌnni lo guedxliuj te gudijxni xtojḻnu lo crujz.
\p
\v 11 Rniä lo guejbtu nani rinälazä, siꞌcni rinälajz
Dios nuunu, sigajcza rlajzni chanälaaznu resaꞌnu.
\v 12 Nicla tej bejṉ gajd fii lo Dios. Niluxh palga
chanälaaznu resaꞌnu, Dios nabajṉ neṉ lastoonu, dxejc gulii
rinälaazpacnu Dios.
\v 13 Nancheenu nabaṉnäjnu Dios, sigajcza nabaṉnäjpac
Dios nuunu, saꞌcsi abaxhaḻni Sprit Dxan xtenni cuääz
neṉ lastoonu.
\v 14 Narä näjza reapost abahuiinu loj Jesucrist. Caniä
lojtu abaxhaḻ Xtadnu Dios Xiꞌnni lo guedxliuj te gusḻaani
rebejṉ lo xtojḻreni.
\v 15 Chutis tejnu ni rnii “Jesucrist najc Xiꞌn Dios”,
nabaṉnäjni Dios, nabaṉnäjza Dios bejṉga.
\p
\v 16 Racbeenu, rililaazzanu rinälajz Dios nuure. Guliduxh
rinälajz Dios nuunu. Palga rinälaaznu Dios, nabaṉnäjnu
Dios, nabaṉnäjza Dios nuunu.
\v 17 N̲aj sanälaaznu Dios siꞌcni rlajzni luxh palga
chanälaaznuni guidebtis ni guibajṉnu, dinu guidxejb che
guidzujṉ dxej ni gun Jesucrist yäḻguxhtis lo guedxliuj.
Dinu guidxejb saꞌcsi guideb nabajṉnu lo guedxliuj, nabaṉnäjnu
Dios siꞌc nabaṉnäj Jesucrist Dios.
\v 18 Palga rinälazsaꞌcnu Dios, dinu guidxejb, palga rinälajzpacnu
di gacdi guidxeebnu. Palga guliipacnu rinälaaznu Dios,
xhetliidi rdxejbdinu. Nani rdxejb, rdejdni trabajw, gajd
bejṉga chanälazsaꞌc Dios.
\p
\v 19 Rinälaaznu Dios saꞌcsi ganiddoo Dios huinälajz
nuunu.
\v 20 Palga chutis tejnu naa “rinälazä Dios” niluxh
rdxechlajzni lo resaꞌnu, xhet guliidi xtiidxni. Palga
dinu chanälajz saꞌnu nani cahuiinu, xhixh sajc chanälaazzanu
Dios nani gajdnu fii.
\v 21 Agunibee Dios, nani rinälajz Dios chanälajzni resaꞌni
sigajc rinälajzni Dios.
\c 5
\s Riennu gaan lo guiraa redoḻguijdx lo guedxliuj
\p
\v 1 Chutis ni rililajz Jesús najc Crist nani baxhaḻ
Dios, niꞌc najc Xiꞌn Dios. Palga rinälaaznu Xtadnu Dios,
sigajcza sinälaaznu renani najc Xiꞌn Dios.
\v 2 Palga rinälaaznu Dios, palga rusoobzanu xtiidxni,
dxejc najnnu rinälaaznu resaꞌnu nani najc Xiꞌn Dios.
\v 3 Niꞌcni, palga rinälaaznu Dios, susoobnu xtiidxni.
Luxh dinu guichalo nagajn gusoobnu xtiidxni.
\v 4 Chutis tejnu ni najc xiꞌn Dios, riennu gaan lo redojḻ
ni ṟeꞌ lo guedxliuj. Riennu gaan lo redojḻ lo guedxliujre
saꞌcsi huililaaznu xtidx Jesucrist.
\v 5 ¿Chuniꞌc cayujn gaan lo redojḻ lo guedxliuj, ä?
Renani rililajz najc Jesucrist, Xiꞌn Dios, reniꞌc rujn
gaan lo redojḻ lo guedxliujre.
\s Rediidx ni baluii Dios loonu xcuent Jesucrist
\p
\v 6 Biääd Jesucrist lo guedxliujre. Birobnis Jesucrist,
baxheꞌzani xtiejnni lo crujz. Xhet ganaxdi te guirobnisni
biäädni, näjza te guxheꞌni xtiejnni lo crujz che biäädni.
Sprit Dxan xten Dios canii rediidxre. Guliipac rextiidxni.
\v 7 Yuꞌ choṉ ni baluiloj xhaguibaa. Rniireni xcuent
Jesucrist tejsi diidx. Tejni najc Dios, steeni najc nani
laa Diidx, steeni najc Sprit Dxan xten Dios.
\v 8 Sigajcza yuꞌ choṉ ni baluiloj lo guedxliuj. Rniireni
xcuent Jesucrist tejsi diidx. Tejni najc Sprit Dxan
xten Dios. Steeni najc che birobnis Jesucrist, steeni
najc che baxheꞌ Jesucrist xtiejnni lo crujz che gujtni.
\v 9 Palga rililaaznu xtidx rebejṉ ni rbäjz lo guedxliuj,
nungäjḻ chalilaazrunu xtidx Dios. Rediidx nani rnii
jioṉ reni baluiloj tejsi diidx najcreni con nani rnii
Dios xcuent Jesucrist Xiꞌn Dios.
\v 10 Palga rililaaznu xtidx Jesucrist Xiꞌn Dios, rnii
Dios xcuent Jesucrist neṉ lastoonu. Chutis tejnu ni
di chalilajz xtidx Dios, rujnni najc Dios siꞌc tej ni
rusguee saꞌcsi dini chalilajz xtidx Dios ni rniini xcuent
Jesucrist.
\v 11 Scree najc rediidx ni rnii Dios. Abaniidx Dios
loonu yäḻnabajṉ par tejpas. Yäḻnabajṉga biädnä Xiꞌnni,
Jesucrist.
\v 12 Palga nabaṉnäjnu Xiꞌnni, rajpnu yäḻnabajṉ par tejpas.
Palga dinu guibaṉnäj Xiꞌnni, dinu gaꞌp yäḻnabajṉ par
tejpas.
\s Xtixtios con diidx ni rulijdx
\p
\v 13 Abacuaä rediidxre lojtu ni rililajz rextidx Jesucrist
te gacbeepactu rajptu yäḻnabajṉ par tejpas.
\p
\v 14 Niꞌcni dinu guidxejb che guiniinu lo Dios, saꞌcsi
riu Dios xtiidxnu palga tejsi najc xhigabnu con Dios
che rniabnu lojni.
\v 15 Luxh palga najnnu riu Dios nuunu che rniinu lojni,
sigajcza najnnu suniidxni nani rniabnu lojni.
\p
\v 16 Palga tejnu fii tej resaꞌnu cayujn dojḻ, niluxh
riuruni xtidx Dios, nuunu rajpnu por guiniabnu lo Dios
xcuent laani, te gudeed Dios yäḻnabajṉ lojni. Niluxh
yuꞌ te doḻroduxh. Chutis te bejṉ ni gun dojḻga, di Dios
gudeed lo bejṉga yäḻnabajṉ par tejpas. Dizana guiniä
guiniabtu lo Dios xcuent bejṉ ni rujn doḻroga.
\v 17 Guiraa redzunguijdx nani rujn rebejṉ najc dojḻ.
Niluxh yuꞌ redojḻ nani di gun gunijt bejṉ lo Dios par
tejpas palga jiu bejṉ xtidx Dios.
\p
\v 18 Racbeenu guiraanu nani najc xiꞌn Dios di rlaaznu
jiennu dojḻ. Racnäj Jesucrist nuunu te di beṉdxab gun
gaan nuunu, te dizanu gusoob xtidx beṉdxab.
\p
\v 19 Nancheenu nuure najcnu xiꞌn Dios, niluxh guiraa
rebejṉ nani riutis rextzun guedxliuj cagusoobreni xtidx
beṉdxab.
\p
\v 20 Najnnu biääd Jesucrist Xiꞌn Dios lo guedxliuj.
Baluiini nuunu rextidx Dios te jiembeenu Dios, nani najcpac
Dios gulii. Nabaṉnäjnu Dios ni najc gulii, saꞌcsi nabaṉnäjnu
Jesucrist. Laani najc Dios ni najc gulii. Caguniidxni
loonu yäḻnabajṉ par tejpas.
\v 21 Resaꞌä, naꞌc guzuxhijbtu lo rebanäjb ni xhet guliidi.
Sugacni siꞌc.