\id 3JN
\h 3 Juan
\toc1 3 Juan
\mt Guijtz Ni Riojṉ Ni Bacuaa Juan
\c 1
\s Cagucuaani didxsaꞌc lo Gayo
\p
\v 1 Narä nacä te beṉgool. Caguxhaḻä guijtzre lojlu,
dad Gayo. Rinälazduxhälu saꞌcsi huililajzlu rextidx
Dios.
\p
\v 2 Sanälazälu, nanä laaca yuꞌ lastoolu loj Dios. N̲aj
rniabä lo Dios gacnäjni luj, guniidxzani yäḻnadaanlu.
\v 3 Bibalazduxhä che gubiꞌ gaii resaꞌnu, guniliireni
loä xho huililajzlu xtidx Jesucrist, xho basoobzalu xtidx
Jesucrist.
\v 4 Xheti stee diidx ni ruspaa lazä siꞌc rbaa lazä
che racbeä rusoob resaꞌnu redidxlii xten Jesucrist.
\p
\v 5 Dad Gayo, laaca cayujnlu che racnäjlu renani rililajz
xtidx Jesucrist, mase dilu gumbeereni che riäädreni lojlu.
\v 6 Aräjpreni lo resaꞌnu ni rdxagsaꞌ ree xho huinälajzlureni
näjza xho gucnäjlureni. Laaca bejnlu gucnäjlu resaꞌnu,
badeedlu xhi biquiinreni lo nejz che biriireni rolijzlu.
Siꞌcza nanab jiennu lo guiraa resaꞌnu, nalajznu rebejṉ
ni ruluii xtidx Dios.
\v 7 Ruluiireni xtidx Jesucrist saꞌcsi sanälajzreni
Jesucrist. Xhet rcaꞌdireni lo rebejṉ ni di chalilajz
xtidx Jesucrist.
\v 8 Siꞌcza nanab gacnäjnu rebejṉ ni riluii xtidx Jesucrist
neṉ garen-garen guejdx, te siꞌc jiennänu xtzuun Dios guiraa
renani ruluii xtidx Dios.
\s Di Diótrefes niujn redzunsaꞌc
\p
\v 9 Abaxhaḻä te guijtz lo rexpejṉ Jesucrist roꞌc. Niluxh
Diótrefes rlajz guinibeeni lo resaꞌnu roꞌc. Dini jiu
xtidxä.
\v 10 Niꞌcni che guidzuṉä roꞌc, narä siniä rediidxre
lo resaꞌnu roꞌc, che guidxaag saꞌnu roꞌc. Diótrefes rniyaj
narä lo resaꞌnu roꞌc. Dizani jiu resaꞌnu che rdzujṉreni
roꞌc. Dizani gusaan fiitu resaꞌnu ni riääd roꞌc, mase
rlajz chu tejtu fiireni. Luxh rlajzni gudxojnni guidxagnäjtu
rebejṉ nani ruhuii resaꞌnu ni ruluii xtidx Jesucrist.
\p
\v 11 Saꞌä ni rinälazä, naꞌc gunlu redzunguijdx, bejn
redzunsaꞌc. Nani rujn dzunsaꞌc niꞌc najc Xiꞌn Dios.
Chutis tej ni rujn redzunsaꞌc najc xpejṉ Dios. Chutis
tej ni rujn redzunguijdx, di niꞌc gumbee Dios.
\s Rniireni didxsaꞌc xcuent Demetrio
\p
\v 12 Guiraa rebejṉ ganax didxsaꞌc rniireni xcuent Demetrio,
luxh huenliisi rusoobni xtidx Jesucrist. Sigajcza narä
rniä didxsaꞌc xcuentni. Najnlu guliipac rediidx ni rniä.
\s Rudeedni xtixtios
\p
\v 13 Rlazä guiniä xhidalduxhru diidx lojlu, niluxh di
rlazä gucuaä rediidxga lo guijtzre.
\v 14 Runä xhigab di gaclaa jiädhuiä lojlu, dxejcti jieinu
diidx.
\p
\v 15 Gulecdxi lajzlu. Rexamigwlu ruxhaḻreni xtixtios
lojlu. Badeed xtixtios lo tejga rexamigwä roꞌc.