\id 2TH

\h 2 TESALONICENSES
\toc1 2 TESALONICENSES
\mt JAꞌ TI XCHIBAL SCARTA TI QUERMANOTIC TE TI TESALONICAE
\mt2 ti itsꞌibabat yuꞌun ti Pabloe
\c 1
\s Ti Pabloe hech lic scꞌopon ti carta ti quermanotic te ti Tesalonicae
\p
\v 1 Hoꞌon Pabloun xchiꞌuc ti chaꞌvoꞌ quermanotic, jaꞌ ti Silase xchiꞌuc ti Timoteoe, oxvoꞌuntutic ti chajcꞌoponoxuc ti cartae, hoꞌoxuc ti te nacaloxuc ti jteclum Tesalonicae ti naꞌicꞌatic xa tal ti stojol ti Jtotic Diose xchiꞌuc ti Cajvaltic Jesucristoe.
\v 2 Acꞌo yacꞌboxuc bendición ti Jtotic Diose xchiꞌuc ti Cajvaltic Jesucristoe. Acꞌo yacꞌbot jun avoꞌntonic ti jujunoxuque.
\s Jaꞌ scꞌopilal ti cꞌalal chtal ti Cristoe, ti Diose chacꞌbe castigo ti muchꞌutic mu xchꞌumbat ti scꞌope
\p
\v 3 Quermanotac, tscꞌan ti hocol aval chcututic ti Diose yuꞌun ti iꞌepaj xa ti xchꞌunojel avoꞌntonique, yuꞌun ti más chacꞌuxubin abaic ti acotolique. Jaꞌ lec ti hech ti jpastutic scotol cꞌacꞌal.
\v 4 Yuꞌun ti hech avoꞌntonique, hech yuꞌun nichim noꞌox coꞌntontutic chcalbetutic acꞌopilalic scotol ti jchꞌunojeletique ti buc noꞌox oyique. Chcalbetutic ti jun avoꞌntonic chachꞌumbeic ti scꞌop ti Diose hech yuꞌun chcuch avuꞌunic ti ilbajinele xchiꞌuc ti vocole ti chavichꞌique.
\v 5 Yuꞌun chcuch avuꞌunic ti vocole, hech yuꞌun ti Diose chayacꞌoxuc chaꞌochic ti bu tspas mantal. Yuꞌun toj chchapanvan ti Diose. Yuꞌun yacꞌoj sba chaspasoxuc ti mantal ti Diose, hech yuꞌun chavichꞌic ilbajinel ti ora to.
\p
\v 6 Yuꞌun toj chchapanvan ti Diose, hech yuꞌun cꞌalal chyal tal ti vinajel ti Cajvaltic Jesucristoe chtal yacꞌbe yichꞌ vocol ti muchꞌutic chayacꞌboxuc avichꞌic vocol ti ora to.
\v 7 Ti hoꞌoxuque ti yacꞌoj sba chavichꞌic vocol ti ora to xchiꞌuc ti hoꞌontutic uc, inel xa cuꞌuntic ti jcux xa coꞌntontic ti cꞌalal chyal tal ti vinajel ti Cajvaltic Jesucristoe. Chchiꞌin yal tal ti chꞌul abatetique.
\v 8 Hech chaj cꞌu cheꞌel cꞌocꞌ ti tsots chtile, ep yip xchiꞌuc squeval chyal tal ti Cajvaltique. Chtal yacꞌbe castigo ti muchꞌutic mu scꞌan xchꞌunic ti bu oy ti Diose, jaꞌ ti muchꞌutic mu scꞌan xchꞌunic ti lequil achꞌ cꞌope, jaꞌ ti scꞌopilal ti Cajvaltic Jesucristoe.
\v 9-10 Jaꞌ ti castigo ti ch-acꞌbatique, jaꞌ ti chꞌayel chbatic sbatel osile. Hech mu sqꞌuelbeic sat ti Cajvaltique, mu sqꞌuelbeic ti spꞌijile xchiꞌuc ti yutsile cꞌalal chtal ti Cajvaltique. Jaꞌ chtal yuꞌun ti jpastic ti mucꞌ hoꞌucutic ti laj xa yicꞌucutic ti stojole. Hech jun noꞌox yutsil chcꞌot scꞌopilal cuꞌuntic jcotoltic ti jchꞌunojbetic ti scꞌope. Hoꞌoxuc acꞌopilalic uc yuꞌun laj xa achꞌunic ti scꞌop ti Diose ti laj jcholboxuque.
\p
\v 11 Hech yuꞌun scotol cꞌacꞌal ti jcꞌopontutic Dios ti atojolic yuꞌun lec acꞌo yiloxuc ti Dios cuꞌuntique, hoꞌoxuc ti laj xa yicꞌoxuc ti stojole. Ti jcꞌambe vocol uc yuꞌun acꞌo scoltaoxuc, hech chuꞌ avuꞌunic ti toj avoꞌntonic chacꞌotic hech chaj cꞌu cheꞌel chacꞌanic. Hech chuꞌ avuꞌunic uc scotol lequil abtel ti chacꞌan chapasic yuꞌun ti achꞌunojique.
\v 12 Hech jun noꞌox yutsil chcꞌot scꞌopilal avuꞌunic ti Cajvaltic Jesucristoe. Hech jun noꞌox yutsil chcꞌot acꞌopilalic uc yuꞌun ti oy yutsil yoꞌnton avuꞌunic ti Dios cuꞌuntique xchiꞌuc ti Cajvaltic Jesucristoe.
\c 2
\s Jaꞌ scꞌopilal ti tsta yorail chvinaj ti jun vinic ti puru mulil ti yoꞌntone
\p
\v 1 Ti ora to, quermanotac, chacalbeic vocol. Ti jnaꞌtic ti chtal ti Cajvaltic Jesucristoe. Ti jnaꞌtic uc ti te chcꞌot jtsob jbatic ti stojol.
\v 2 Mi oy chavaꞌyic ti chiyalbun jcꞌopilaltutic ti laj caltutic ti sventa ti Diose ti tscuyique ti ista xa yorail chtal ti Cajvaltique ti xichitutic tscuyique, mu me xachꞌunic. Mi oy chavaꞌyic ti chiyalbuntutic jcꞌopilaltutic ti hoꞌontutic laj jtac tal cꞌop mi carta, ti hoꞌontutique ti hech laj jtac talel ti tscuyique, mu me xchꞌay avoꞌntonic yuꞌun ti hech chalique. Mu me xaxiꞌic.
\v 3 Pꞌijanic me, mu me xalajic ti loꞌlael. Yuꞌun chcꞌot yorail ti chlajic ti loꞌlael ep ti quermanotique, hech mu xa xchꞌumbeic scꞌop ti Diose. Patil chlic jun vinic puru mulil ti yoꞌnton, jaꞌ ti scꞌopilal ti chꞌayel chbate. Jaꞌto mi icꞌot xa ti pasel scotol lume, jaꞌto chtal ti Cajvaltique.
\v 4 Ti vinic ti puru mulil ti yoꞌntone chal ti mu diosuc scotol ti cꞌutic chchꞌunic ti crixchanoetique ti scuyojic ti Diose. Dios tscuy sba stuc, hech yuꞌun te chba nacluc te ti yut templo yuꞌun ti Diose. Hech chal: “Hoꞌon Diosun”, xchi.
\p
\v 5 Naꞌic me ti hech laj calboxuc avaꞌyic cꞌalal te jchiꞌinojoxuc to.
\v 6 Chanaꞌic ti oy muchꞌu chpajesvan ti ora to hech yuꞌun mu to xuꞌ chlic ti vinic ti puru mulil ti yoꞌntone. Jaꞌto mi laj sta yorail, jaꞌto chlic acꞌatuc ti qꞌuelel.
\v 7-8 Ti ora to mucul ch-abtej ti pucuje ti chisujucutic ti mulile, hech yuꞌun ti mu jcꞌantic pasel ti mantal yuꞌun ti Diose. Jaꞌto mi ilaj yabtel ti muchꞌu chispajesucutique yuꞌun mu jsaꞌtic jmultic, jaꞌto ch-acꞌat ti qꞌuelel ti vinic ti puru mulil ti yoꞌntone. Ta yutsil chmilat yuꞌun ti scꞌop noꞌox ti Cajvaltic Jesuse cꞌalal chtale. Ta yutsil chjinat yuꞌun ti squeval noꞌox ti Cajvaltique cꞌalal chtale.
\v 9 Jaꞌ smantal ti Satanase ti chtal ti vinic ti chcale ti muꞌyuc Dios ti yoꞌntone. Jelaven spꞌijil xuꞌ tspas scotol señailetic xchiꞌuc jchop o abteletic. Pero jaꞌ noꞌox chloꞌlavan.
\v 10 Toyol yoꞌnton chloꞌlavan hech chlajic ti loꞌlael scotol ti muchꞌutic chꞌayel chbatique. Jaꞌ chꞌayel chbatic yuꞌun mu scꞌan xchꞌunic ti scꞌop ti Diose ti jaꞌ melele, hech yuꞌun mu xuꞌ chcolic.
\v 11 Hech yuꞌun ti Diose chacꞌbe xchꞌun ti melel ti cꞌusi mu meleluque. Jaꞌ chchꞌunic ti puru nopcꞌope.
\v 12 Hech chcꞌot ichꞌbatuc scꞌopic yuꞌun smulic scotol ti muchꞌutic muc xchꞌunic ti scꞌop ti Diose ti jaꞌ melele, ti muchꞌutic yutsil yoꞌnton laj saꞌ smulique.
\s Jaꞌ scꞌopilal tꞌujbiloxuc yuꞌun ti Diose yuꞌun chacolic sbatel osil, xchi
\p
\v 13 Quermanotac, ti cꞌuxoxuc ti yoꞌnton ti Cajvaltique, jaꞌ tscꞌan ti scotol cꞌacꞌal hocol aval chcututic ti Diose yuꞌun hoꞌoxuc primero laj stꞌujoxuc te ti Tesalonicae yuꞌun chacolic. Yuꞌun ti ilecub xa ti avoꞌntonique ti sventa ti Chꞌul Espíritue, yuꞌun ti achꞌunojic ti scꞌop ti Diose ti jaꞌ melele, hech yuꞌun chacolic.
\v 14 Hech yuꞌun cꞌalal laj jcholboxuc avaꞌyic ti lequil achꞌ cꞌope, ti Diose laj yicꞌoxuc ti stojol, laj yacꞌboxuc ti yutsil avoꞌntonique hech chaj cꞌu cheꞌel ti yutsil yoꞌnton ti Cajvaltic Jesucristoe.
\p
\v 15 Hech yuꞌun, quermanotac, junuc me avoꞌntonic ti stojol. Jꞌechꞌel acꞌo ti avoꞌntonic ti cꞌusi calojboxuque xchiꞌuc ti cꞌusi laj xa jtsꞌibaboxuque.
\v 16-17 Ep cꞌuxucutic ti yoꞌnton ti Jtotic Dios cuꞌuntique. Ep yutsil yoꞌnton cuꞌuntic, hech yuꞌun yacꞌojbucutic smucꞌul coꞌntontic sventa sbatel osil. Yacꞌojbucutic jnaꞌtic ti chijcolucutic sbatel osil. Hech yuꞌun ti jcꞌambetutic vocol ti Jtotic Diose xchiꞌuc ti Cajvaltic Jesucristoe yuꞌun acꞌo smucꞌubtasboxuc avoꞌntonic, acꞌo stsatsubtasboxuc avoꞌntonic hech puru lequil cꞌop chavalic, hech puru lequil abtel chapasic.
\c 3
\s Jaꞌ scꞌopilal cꞌopombun me Dios ti jtojoltutic, xchi
\p
\v 1 Hech yuꞌun jaꞌ slajeben xa chacalbeic avi to, quermanotac. Cꞌopombun me Dios ti jtojoltutic yuꞌun acꞌo xchꞌunic ti ora ti scꞌop ti Cajvaltique ti muchꞌutic chaꞌyique yuꞌun acꞌo spasic ti mucꞌ hech chaj cꞌu cheꞌel ti laj xa apasic ti mucꞌ ti hoꞌoxuque.
\v 2 Chacꞌopon Dios uc yuꞌun mu me xispajesuntutic ti muchꞌutic muꞌyuc srazonique, ti chopol yoꞌntonique. Yuꞌun mu scotoluc crixchanoetic chchꞌunic.
\v 3 Ti Cajvaltique yuꞌun jun yoꞌnton ti jtojoltic, hech yuꞌun chastsatsubtasboxuc avoꞌntonic. Chaxchabioxuc hech mu xastsaloxuc ti pucuje.
\v 4 Ti jnaꞌtutic ti chascoltaoxuc ti Cajvaltique hech yuꞌun ti chuꞌ avuꞌunic chapasic ti ora to ti cꞌu cheꞌel laj calboxuc comele. Ti jnaꞌtutic uc ti chachꞌunic ti cꞌusi yan chacalboxuque.
\v 5 Ti jcꞌambetutic vocol ti Cajvaltique yuꞌun acꞌo abtejuc ti avoꞌntonic yuꞌun hech chanaꞌic ti chaxcꞌuxubinoxuc ti Diose, yuꞌun hech mu xlaj yip avoꞌntonic hech chaj cꞌu cheꞌel muc xlaj yip yoꞌnton ti Cristoe.
\s Jaꞌ scꞌopilal ti persa chijꞌabtejucutic jcotoltic
\p
\v 6 Quermanotac, ti sventa ti Cajvaltic Jesucristoe hech chajpasoxuc ti mantal. Mu me xacꞌuxubin ti quermanotic ti muchꞌu mu xꞌabteje, yuꞌun mu xchꞌun hech chaj cꞌu cheꞌel laj calboxuque.
\v 7 Yuꞌun xanaꞌic ti hech laj jchanubtasoxuc yuꞌun laj cacꞌboxuc avilic ti chaꞌabtejique. Yuꞌun mu chꞌajucuntutic cꞌalal te jchiꞌinojoxuque.
\v 8 Mu yuꞌunuc laj jcꞌamboxuc ti jveꞌeltutique. Ti cꞌacꞌal ti acꞌubal tsots niꞌabtejtutic yuꞌun muc jcꞌan chacacꞌboxuc avocolic, mi junuc.
\v 9 Mu yuꞌunuc mu xuꞌ chquichꞌtutic macꞌlinel avuꞌunic. Xuꞌ, pero jaꞌ noꞌox laj jpastutic yuꞌun laj jcꞌan chacacꞌboxuc avilic ti jaꞌ lec ti chaꞌabtejique ti hoꞌoxuque.
\v 10 Yuꞌun ti cꞌalal te to jchiꞌinojoxuc to, hech laj calboxuc: “Ti muchꞌu mu scꞌan ch-abteje, jaꞌ lec mu me xveꞌ”, xichitutic.
\v 11 Yuꞌun oy laj caꞌiboxuc acꞌopilalic chaꞌvoꞌ oxvoꞌoxuc ti chꞌajoxuque, ti mu xacꞌan xaꞌabtejique, ti jaꞌ noꞌox batem ti avoꞌntonic chaticꞌ abaic ti cꞌop ti bu mu aventauque.
\v 12 Scotol ti muchꞌutic hech yoꞌntonique, hech ti jpastutic ti mantal ti stojol ti Cajvaltic Jesucristoe. Hech ti jtaqꞌuitutic ti mu xtun mi jaꞌ noꞌox te chbat yoꞌntonic yuꞌun ti cꞌope. Acꞌo abtejuc yuꞌun hech ch-an yuꞌunic ti cꞌusi chtun yuꞌunique.
\p
\v 13 Quermanotac, mu me xlaj avoꞌntonic yuꞌun chapasic ti cꞌusi leque.
\v 14 Mi oy muchꞌu mu scꞌan chixchꞌumbun jcꞌoptutic ti laj jtsꞌibaboxuc ti cartae, qꞌuelic me. Ti muchꞌu hech tspase, mu me xachiꞌinic yuꞌun hech acꞌo qꞌuexavuc.
\v 15 Mu yuꞌunuc chcal ti chacontrainique. Jaꞌ lec ti chataqꞌuiique yuꞌun avermano abaic xchiꞌuc.
\s Jaꞌ scꞌopilal ti laj scꞌambe bendición ti stojolic
\p
\v 16 Jaꞌ ti Cajvaltique ti chijyacꞌbucutic jun coꞌntontique. Hech yuꞌun acꞌo yacꞌboxuc jun avoꞌntonic scotol cꞌacꞌal. Hech jun avoꞌntonic mi chtal vocol, mi chtal ilbajinel. Acꞌo xchiꞌinoxuc ti Cajvaltique acotolic.
\p
\v 17 Hoꞌon ti Pabloune, jaꞌ jtuc ti jtsꞌiba ti slajeb ti cartae, hech chvinaj ti hoꞌon jcartae. Hech ti jpasilan ti scotol ti cartae ti hoꞌon cuꞌune.
\v 18 Acotolic acꞌo yacꞌboxuc bendición ti Cajvaltic Jesucristoe.