\id 1JN

\h 1 JUAN
\toc1 1 JUAN
\mt JAꞌ TI SBA SCARTA TI LAJ STSꞌIBA TI JUANE, JAꞌ TI JCHOLCꞌOPE
\c 1
\s Jaꞌ scꞌopilal ti sventainoj scotol ti cuxlejale ti Jesucristoe
\p
\v 1 Jaꞌ ti stalel oye laj caꞌibetutic ti scꞌope ti hoꞌontutique. Laj quiltutic ti jsatutic. Ep vuelta laj quilbetutic ti sate. Laj jpictutic ti jcꞌobtutic. Jaꞌ ti Jesucristoe ti tal yalbucutic cꞌu xꞌelan yoꞌnton ti Jtotic Diose. Jaꞌ sventainoj scotol ti cuxlejale ti Jesucristoe.
\v 2 Laj yacꞌ sba ti qꞌuelel ti jaꞌ jꞌacꞌcuxlejale. Laj quiltutic. Hech yuꞌun chajcholboxuc avaꞌyic cꞌu xꞌelan ti jꞌacꞌcuxlejal sbatel osile, jaꞌ ti te onoꞌox xchiꞌinoj ti Jtotic Diose. Patil tal yacꞌ sba ti qꞌuelel ti jtojoltutic.
\v 3 Yuꞌun laj xa quiltutic ti hoꞌontutique, yuꞌun laj xa caꞌibetutic ti scꞌope, hech yuꞌun chajcholboxuc avaꞌyic uc yuꞌun hech jun chijcꞌotucutic ti stojol ti Diose. Yuꞌun ti hoꞌontutique jun nicꞌotutic xa ti mero melel xchiꞌuc ti Jtotic Diose xchiꞌuc ti Snichꞌone, jaꞌ ti Jesucristoe.
\v 4 Hech yuꞌun ti hech chajtsꞌibaboxuc avi to hoꞌoni yuꞌun hech más nichim noꞌox coꞌntontic jcotoltic.
\s Jaꞌ scꞌopilal ti toj yoꞌnton ti Diose, mi jutuc muꞌyuc mulil ti yoꞌnton
\p
\v 5 Chacalbeic ti scꞌop ti Jesucristoe ti cꞌu cheꞌel laj yalbuntutique. Hech laj yalbuntutic: “Ti bu oy ti luze chquevan, muꞌyuc icꞌ osil te o. Jaꞌ noꞌox hech ti Diose toj yoꞌnton stuc, mi jutuc muꞌyuc mulil ti yoꞌnton”, xchi.
\v 6 Jun cꞌotemun xchiꞌuc ti Diose, mi chijchie, mi cacꞌoj jbatic ti jsaꞌilan jmultic ti jnoptic cꞌop obi. Yacꞌo caltic ti jchꞌunojtique.
\v 7 Mi jcotoltic ti jpasilantic ti cꞌu cheꞌel chijyalbucutic ti Diose hech yuꞌun jun chijcꞌotucutic ti hoꞌucutique yuꞌun jun nijcꞌotucutic xa xchiꞌuc ti Diose. Mi oy jmul laj jtatique, ti Diose chispocbucutic cꞌuc noꞌox ti sbolil ti coꞌntontique yuꞌun laj yacꞌ ti milel yuꞌun jmultic ti Snichꞌone.
\v 8 Muc bu ti jta jmul, muꞌyuc cꞌusi chopol ti jpas, mi chijchie, ti jloꞌla jbatic obi. Hovil ti hech chcaltique.
\v 9 Ti cꞌalal ti jta ti jmultique, mi jamal chcalbetic ti Diose, jaꞌ chixchꞌaybucutic. Chispocbucutic cꞌuc noꞌox ti sbolil ti coꞌntontique. Yuꞌun laj yacꞌ ti milel yuꞌun jmultic ti Snichꞌone hech xuꞌ chiscoltaucutic ti Diose. Hech chcꞌot ti pasel ti hech onoꞌox yalojbucutic ti Diose ti chixchꞌaybucutic ti jmultique.
\v 10 Muꞌyuc bu jtaoj jmul o, mi chijchie, yuꞌun ti jcuytic ti jaꞌ tsnop cꞌop ti Diose obi. Muꞌyuc ti coꞌntontic ti scꞌop ti Diose obi yuꞌun yaloj ti Diose ti jmulavilucutique.
\c 2
\s Jaꞌ scꞌopilal ti chcꞌopoj cuꞌuntic ti stojol ti Diose ti Jesucristoe
\p
\v 1 Col jnichꞌnab, hoꞌoxuc ti achꞌunojbeic scꞌop ti Cajvaltique, yuꞌun ti hech laj jtsꞌibaboxuque yuꞌun hech mu xa me xasaꞌ amulic. Mi oy ataojic amulic, naꞌic me ti jaꞌ chcꞌopoj cuꞌuntic ti stojol ti Jtotic Diose ti Jesucristoe, jaꞌ ti toj yoꞌnton stuque.
\v 2 Jaꞌ jqꞌuexoltic laj stojbucutic jmultic cꞌalal icham ti cruz. Mu jtucticuc noꞌox jmultic laj stojbucutic. Jaꞌ laj stojbe smul scotol crixchanoetic uc.
\v 3 Yuꞌun ti jcꞌan ti jchꞌumbetic smantal ti Diose, hech ti jnaꞌtic ti yol snichꞌonucutique.
\v 4 Hoꞌon yol snichꞌonun ti Diose, mi chijchie, mi mu jcꞌan jchꞌumbetic smantale, jaꞌ ti jnoptic cꞌop. Hovil ti hech chcaltique.
\v 5 Yuꞌun mi ti jchꞌumbetic ti scꞌope, cꞌux chcaꞌitic ti Diose ti mero melel. Hech ti jnaꞌtic ti oyucutic ti stojole.
\v 6 Oyun ti stojol ti Diose, mi chijchie, hech acꞌo jpastic hech chaj cꞌu cheꞌel laj spas ti Jesucristoe.
\s Jaꞌ scꞌopilal ti tsots scꞌopilal ti chijcꞌuxubinvan
\p
\v 7 Hoꞌoxuc ti cꞌuxoxuc ti coꞌntone, maꞌuc achꞌ mantal chajtsꞌibaboxuc. Jaꞌ noꞌox chajchaꞌtꞌabesboxuc ti avoꞌntonic ti mantal ti voꞌone xa avaꞌyojique cꞌalal lic achꞌumbeic scꞌop ti Cajvaltique. Jaꞌ ti cꞌux chavaꞌi abaique.
\v 8 Jun to achꞌ mantal yuꞌun tsots scꞌopilal, hech yuꞌun chajchaꞌtꞌabesboxuc ti avoꞌntonic yan vuelta. Yuꞌun mi chijcꞌuxubinvan, chcom cuꞌuntic ti cꞌusi chopole. Jaꞌ ti jtsꞌaclitic ti Jesucristoe hech chaj cꞌu cheꞌel icꞌuxubinvane.
\v 9 Cacꞌoj jba ti jpas cꞌusi tscꞌan ti Diose mi chijchie, mi chquilintatic yan, jaꞌ mu to chcom cuꞌuntic ti cꞌusi chopole.
\v 10 Mi chijcꞌuxubinvane jaꞌ cacꞌoj jba ti jpastic ti cꞌusi tscꞌan ti Cajvaltique. Hech muꞌyuc xa ti coꞌntontic ti cꞌusi chisbolibtasucutique.
\v 11 Mi chquilintatic yan, jaꞌ mu to chcom cuꞌuntic ti cꞌusi chopole. Cacꞌoj jbatic ti jpastic ti cꞌusi chopole. Mu jnaꞌtic bu chijyicꞌucutic batel yuꞌun mu xcꞌot jsatic scoj ti mulile.
\p
\v 12 Col jnichꞌnab, hoꞌoxuc ti achꞌunojbeic scꞌop ti Cajvaltique, yuꞌun chꞌayem xa ti amulique ti sventa ti Jesucristoe, hech yuꞌun chajcꞌoponoxuc ti carta acotolic.
\v 13 Chajcꞌoponoxuc, hoꞌoxuc ti mol meꞌeloxuc xae, yuꞌun laj xa avojtiquinic ti Cristoe ti stalel oye. Chajcꞌoponoxuc uc, hoꞌoxuc ti unen vinicoxuc unen antsoxuc toe, yuꞌun scotol ora stsal avuꞌunic ti pucuje. Col jnichꞌnab, yuꞌun laj xa avojtiquinic ti Jtotic Diose hech yuꞌun laj xa jtsꞌibaboxuc avi to.
\v 14 Hoꞌoxuc ti mol meꞌeloxuc xae, yuꞌun laj xa avojtiquinic ti Cristoe ti stalel oye, hech yuꞌun laj xa jtsꞌibaboxuc avi to. Hoꞌoxuc ti unen vinicoxuc unen antsoxuc toe, yuꞌun oy xa yip avoꞌntonic hech yuꞌun laj xa jtsꞌibaboxuc avi to. Oy ti avoꞌntonic ti scꞌop ti Diose hech yuꞌun scotol ora stsal avuꞌunic ti pucuje.
\p
\v 15 Mu me jaꞌuc chbat avoꞌntonic ti cꞌutic sventa noꞌox ti balumile xchiꞌuc ti cꞌutic oy liꞌ ti balumile. Yuꞌun mi te batem coꞌntontic ti cꞌutic sventa ti balumile, mu cꞌuxuc chcaꞌitic ti Jtotic Diose.
\v 16 Ti crixchanoetique ti liꞌoyic ti balumile jaꞌ batem ti yoꞌntonic ti cꞌutic tscꞌan ti sbecꞌtalique xchiꞌuc ti cꞌutic lec chilic ti satique, xchiꞌuc ti cꞌutic tstoy sbaic yuꞌune. Jaꞌ mu scꞌan ti Jtotic Diose mi hech to ti jpastic uc hech chaj cꞌu cheꞌel ti tspasic ti crixchanoetique.
\v 17 Yuꞌun ti cꞌutic tspasic ti crixchanoetique jꞌechꞌel chlaj scꞌopilal. Hech yuꞌun hovil ti ch-icꞌvan ti ora to. Mi jaꞌ ti jpastic ti cꞌutic tscꞌan yoꞌnton ti Diose, jaꞌ chijcuxi sbatel osil.
\s Jaꞌ scꞌopilal ti yajcontra ti Cristoe
\p
\v 18 Col jnichꞌnab, jaꞌ slajebal cꞌacꞌal ti ora to. Caꞌyojbetic scꞌopilal ti chtal ti yajcontra ti Cristoe cꞌalal tsta yorail slajebal cꞌacꞌal. Ti ora to ep xa liquemic tal ti yajcontra ti Cristoe. Hech yuꞌun ti jnaꞌtic ti jaꞌ slajebal cꞌacꞌal ti ora to.
\v 19 Ti muchꞌutic yajcontra ti Cristoe ti ora to, jaꞌ ti laj jchiꞌintique. Ti ora to loqꞌuemic xa batel yuꞌun mu jtosuc coꞌntontic xchiꞌuc. Ti jtosuc coꞌntontic xchiꞌuque, jchiꞌinojtic to ti hechuque. Yuꞌun iloqꞌuic xa batel, hech chvinaj ti mu jcotolticuc jtos ti coꞌntontique.
\v 20 Ti hoꞌoxuque yuꞌun naꞌacꞌbat avichꞌic uc ti Chꞌul Espíritue ti laj stacbucutic tal ti Jesucristoe hech yuꞌun acotolic chanaꞌic xa uc ti cꞌope ti jaꞌ melele.
\v 21 Mu yuꞌunuc mu xanaꞌic ti cꞌope ti melele. Jaꞌ yuꞌun chanaꞌic hech yuꞌun chajtsꞌibaboxuc. Chanaꞌic ti mi mu xcoꞌolaj xchiꞌuc ti cꞌop ti jaꞌ melele, jaꞌ tsnopic cꞌop obi.
\v 22 Mu acꞌbiluc yabtel yuꞌun ti Diose ti Jesucristoe, mi xchiique, jaꞌ tsnopic cꞌop obi. Ti Jesucristoe maꞌuc stot ti Diose, mi xchiique, yuꞌun tscontrainic ti Cristoe.
\v 23 Maꞌuc Snichꞌon Dios ti Jesucristoe, mi xchiique, yuꞌun mu xchꞌunojbuc scꞌop ti Jesucristoe. Mu xchꞌunojbuc scꞌop uc ti Diose. Jaꞌ Snichꞌon Dios ti Jesucristoe, mi xchiique, jaꞌ xchꞌunojbeic scꞌop ti Jesucristoe. Xchꞌunojbeic scꞌop uc ti Diose.
\v 24 Hech yuꞌun ti cꞌu yepal laj avaꞌyic ti sliqueb cꞌalal lic achꞌumbeic scꞌop ti Cajvaltique, jꞌechꞌel acꞌo ti avoꞌntonic. Yuꞌun mi jꞌechꞌel cꞌotem ti avoꞌntonic ti cꞌu yepal laj avaꞌyique cꞌalal lic achꞌumbeic scꞌop ti Cajvaltique, hech jꞌechꞌel naꞌochic xa ti stojol ti Snichꞌon ti Diose xchiꞌuc uc ti stojol ti Stote.
\v 25 Yuꞌun laj yalbucutic comel ti Jesucristoe ti chijyacꞌbucutic jcuxlejaltic sbatel osile.
\p
\v 26 Hech yuꞌun laj xa calboxuc scꞌopilal ti muchꞌutic scꞌan chasloꞌlaoxuque.
\v 27 Ti Jesucristoe laj yacꞌbucutic quichꞌtic ti Chꞌul Espíritue. Jꞌechꞌel te oy ti coꞌntontic. Hech yuꞌun mu persauc oy yan jchanubtasvanej cuꞌuntic yuꞌun jaꞌ chixchanubtasucutic scotol. Melel ti scꞌope, mu jnopcꞌopuc. Hech chaj cꞌu cheꞌel laj xa xchanubtasoxuc ti Chꞌul Espíritue hech teanic ti stojol ti Jesucristoe.
\p
\v 28 Col jnichꞌnab, jꞌechꞌel teanic ti stojol ti Jesucristoe yuꞌun hech oy me stsatsal coꞌntontic cꞌalal chtale. Yuꞌun hech mu xijqꞌuexavucutic ti stojol cꞌalal chtale.
\v 29 Yuꞌun ti jnaꞌtic ti jaꞌ toj yoꞌntone, hech ti jnaꞌtic uc ti yol snichꞌonucutic ti hoꞌucutique mi toj scotol ti cꞌutic ti jpastique.
\c 3
\s Jaꞌ scꞌopilal ti yol snichꞌon Dios cꞌotemucutic xa
\p
\v 1 Avaꞌi cꞌu xꞌelan cꞌuxucutic ti yoꞌnton ti Jtotic Diose ti col jnichꞌnaboxuc, xijyutucutique. Melel ti yol snichꞌonucutique. Hech yuꞌun mu xijyojtiquinucutic ti crixchanoetique yuꞌun mu xojtiquinic ti Jtotic Diose.
\v 2 Hoꞌoxuc ti cꞌuxoxuc ti coꞌntone, yol snichꞌon Dios cꞌotemucutic xa. Mu to ti jnaꞌtic cꞌu xꞌelan chijcꞌotucutic. Jaꞌ noꞌox ti jnaꞌtic ti coꞌol chijcꞌotucutic xchiꞌuc ti Cristoe cꞌalal chtale yuꞌun ti jqꞌueltic cꞌu xꞌelan.
\v 3 Mi ti jmalatic chtal ti Cristoe, chcaqꞌuilan jbatic ti lecubtasel. Hech lec coꞌnton chijcꞌot hech chaj cꞌu cheꞌel lec yoꞌnton ti Cristoe.
\p
\v 4 Mi ti jsaꞌ jmultique, jaꞌ ti jtoy jbatic ti stojol ti Diose, ti jpꞌajbetic smantal.
\v 5 Chanaꞌic ti yuꞌun tal xcuchbucutic jmultic hech yuꞌun ital ti Cristoe. Ti stuque muꞌyuc mulil ti yoꞌnton.
\v 6 Mi oyucutic ti stojol ti Cristoe, mu xa jsaꞌ jmultic. Mi ta to jsaꞌ jmultic, mu to chcojtiquintic ti Cristoe, mu to ti jnaꞌtic hech chaj cꞌu cheꞌel tscꞌan ti yoꞌntone.
\v 7 Col jnichꞌnab, mu me muchꞌu chasloꞌlaoxuc. Mi lec ti cꞌutic ti jpastique, yuꞌun toj coꞌntontic obi hech chaj cꞌu cheꞌel toj yoꞌnton ti Cristoe.
\v 8 Mi ti jsaꞌ jmultic, oyucutic to ti scꞌob ti pucuje. Yuꞌun ti pucuje jaꞌ laj sliques ti mulile. Hech yuꞌun stalel puru mulil oy ti yoꞌnton asta ti ora to. Jaꞌ yuꞌun ti ital ti Snichꞌon ti Diose yuꞌun tal sjimbe yabtel ti pucuje.
\v 9 Mi chaꞌanemucutic xa ti stojol ti Diose, mu xa jcꞌan jsaꞌ jmultic. Yuꞌun te oy Dios ti coꞌntontic, hech yuꞌun ti mu xa jcꞌan jsaꞌ jmultique.
\v 10 Hech chvinaj mi yol snichꞌonucutic ti Diose, mi yol snichꞌonucutic ti pucuje. Yuꞌun mi mu xtun ti cꞌutic ti jpastique, mi mu cꞌuxuc chcaꞌitic scotol yantic, maꞌuc yol snichꞌonucutic ti Diose obi.
\p
\v 11 Hech chal ti scꞌop ti Diose ti laj avaꞌyic cꞌalal lic achꞌunique: Cꞌux me xavaꞌi abaic, ti xchie.
\v 12 Hech yuꞌun mu me xapasic hech chaj cꞌu cheꞌel laj spas ti Caine. Yuꞌun ti Caine oy ti scꞌob pucuj, hech yuꞌun laj smil ti yitsꞌine. Yuꞌun jaꞌ toj ti cꞌutic laj spas ti yitsꞌine.
\v 13 Quermanotac, mu me xchꞌay avoꞌntonic cꞌalal mi chayilintaoxuc ti crixchanoetique.
\v 14 Yuꞌun cꞌux chcaꞌitic ti quermanotique, hech yuꞌun ti jnaꞌtic ti comen xa cuꞌuntic yuꞌun ti chꞌayel chijbatucutique. Oyucutic xa ti sventa ti chijcuxiucutic sbatel osile. Mi mu cꞌuxuc chcaꞌitic ti quermanotique, yuꞌun oyucutic to ti sventa chꞌayel chijbat obi.
\v 15 Mi chquilintatic yan, jaꞌ jmilvanejucutic xa cꞌotemucutic obi. Chanaꞌic ti muchꞌu jmilvaneje mu yichꞌojuc xcuxlejal sventa sbatel osil.
\v 16 Hech ti jnaꞌtic ti cꞌuxucutic ti yoꞌnton ti Jesucristoe yuꞌun laj yacꞌ sba ti milel ti jventatic. Hechuc me acꞌo jpastic hech chaj cꞌu cheꞌel laj spas ti Cristoe acꞌo jcoltatic yantic manchuc mi te chijlaj ti milel yuꞌun.
\v 17 Mi oy cꞌutic oy cuꞌuntic liꞌ ti balumile, mi chquiltic ti muchꞌutic uts sbaique, mi mu jcꞌuxubintic mi jutuc, hovil chcaltic ti cꞌux ti coꞌntontic ti Diose.
\v 18 Col jnichꞌnab, mu me hoviluc chcaltic ti chijcꞌuxubinvane, mu me jnoptic cꞌop. Acꞌo vinajuc ti cabteltique ti chijcꞌuxubinvan ti mero melel.
\p
\v 19 Yuꞌun mi chijcꞌuxubinvane hech ti jnaꞌtic ti jchꞌunojtic ti mero melel. Hech yuꞌun jun coꞌntontic ti stojol ti Diose.
\v 20 Mi mu junuc coꞌntontic ti stojol ti Diose, acꞌo jnaꞌtic ti melel ti scꞌop ti Diose. Acꞌo jnaꞌtic uc ti mu scotoluc melel ti cꞌusi ti jnop ti coꞌntontique. Yuꞌun ti Diose yalojbucutic ti yol snichꞌonucutic nijcꞌot o.
\v 21 Hoꞌoxuc ti cꞌuxoxuc ti coꞌntone, mi jun coꞌntontic ti stojol ti Diose, hech mu jxiꞌtic yuꞌun ti jcꞌopontic.
\v 22 Yuꞌun ti jchꞌumbetic ti smantale, yuꞌun ti jpastic ti cꞌusi scꞌan ti yoꞌntone, hech yuꞌun chijyacꞌbucutic scotol ti cꞌutic ti jcꞌambetique.
\v 23 Hech smantal ti Diose ti acꞌo jchꞌumbetic ti scꞌop ti Snichꞌone, jaꞌ ti Jesucristoe. Hech smantal uc ti cꞌux acꞌo caꞌi jbatique.
\v 24 Yuꞌun mi ti jchꞌumbetic ti smantale, oyucutic ti stojol obi. Oy ti coꞌntontic ti Diose. Ti jnaꞌtic ti oy ti coꞌntontic ti Diose ti sventa ti Chꞌul Espíritue ti yacꞌojbucutique.
\c 4
\s Jaꞌ scꞌopilal ti muchꞌutic yichꞌojic ti Chꞌul Espíritu yuꞌun ti Diose xchiꞌuc ti muchꞌutic mu yichꞌojuc ti Chꞌul Espíritue
\p
\v 1 Hoꞌoxuc ti cꞌuxoxuc ti coꞌntone, mu me xachꞌunic cꞌuc noꞌox cꞌop chavaꞌyic. Pꞌijanic me, aꞌyic me mi chcoꞌolaj xchiꞌuc ti scꞌop ti Diose. Yuꞌun ep ti muchꞌutic liꞌ ti balumile chalic scꞌop Dios ti scuyojique.
\v 2 Hech chvinaj ti yichꞌoj ti Chꞌul Espíritue ti laj stac talel ti Diose. Mi jamal chal ti a yichꞌ sbecꞌtal liꞌ ti balumile ti Jesucristoe, mi xchie, jaꞌ yichꞌoj ti Chꞌul Espíritue ti laj stac talel ti Diose.
\v 3 Muc xtal yichꞌ sbecꞌtal liꞌ ti balumile ti Jesucristoe, mi xchie, jaꞌ mu yichꞌojuc ti Chꞌul Espíritue ti laj stac talel ti Diose. Jaꞌ jtos yoꞌntonic xchiꞌuc ti yajcontra Cristo obi. Jaꞌ avaꞌyojbeic scꞌopilal ti chtale obi. Oy xa liꞌ ti balumile.
\v 4 Col jnichꞌnab, hoꞌucutic yol snichꞌonucutic ti Diose, hech yuꞌun tsalbil xa cuꞌuntic ti muchꞌutic chalic scꞌop Dios ti scuyojique. Yuꞌun más jelaven spꞌijil ti Diose ti liꞌoy ti coꞌntontique. Jaꞌ muꞌyuc spꞌijil ti pucuje ti te oy ti yoꞌntonique.
\v 5 Ti muchꞌutic chalic scꞌop Dios ti scuyojique, jaꞌ spꞌijil noꞌox crixchanoetic. Jaꞌ noꞌox hech chaj cꞌu cheꞌel spꞌijil crixchanoetic ti smantalique. Hech yuꞌun tspasbat ti mucꞌ ti scꞌopique yuꞌun ti crixchanoetique.
\v 6 Ti hoꞌucutique yol snichꞌonucutic ti Diose. Hech yuꞌun ti muchꞌutic yol snichꞌon uc ti Diose, jaꞌ chispasbucutic ti mucꞌ jcꞌoptic. Ti muchꞌutic mu yol snichꞌonuc ti Diose mu xispasbucutic ti mucꞌ jcꞌoptic. Hech chcojtiquintic ti muchꞌutic chalic ti scꞌop Diose ti mero melel. Hech chcojtiquintic uc ti muchꞌutic chloꞌlavanique.
\s Jaꞌ scꞌopilal ti jaꞌ stalel chcꞌuxubinvan ti Diose
\p
\v 7 Hoꞌoxuc ti cꞌuxoxuc ti coꞌntone, cꞌux acꞌo caꞌi jbatic yuꞌun jaꞌ ti sventa ti Diose ti hech chijcꞌuxubinvane. Mi chijcꞌuxubinvane yuꞌun chaꞌanemucutic xa ti stojol ti Diose obi. Jaꞌ chcojtiquintic ti Diose.
\v 8 Mi mu xijcꞌuxubinvane yuꞌun mu xcojtiquintic ti Diose. Yuꞌun ti Diose jaꞌ stalel chcꞌuxubinvan.
\v 9 Ti Diose laj stac talel liꞌ ti balumile ti Snichꞌone. Jun noꞌox Snichꞌon oy ti Diose. Laj stac talel yuꞌun hech chijcuxiucutic yuꞌun. Hech laj yacꞌbucutic jnaꞌtic ti Diose ti cꞌuxucutic ti yoꞌntone.
\v 10 Avaꞌi cꞌu xꞌelan cꞌuxucutic ti yoꞌnton ti Diose. Mu yuꞌunuc hoꞌucutic jbael cꞌux laj caꞌitic ti Diose, jaꞌ jbael cꞌux laj yaꞌiucutic. Hech yuꞌun laj stac talel ti Snichꞌone. Jaꞌ jqꞌuexoltic yuꞌun laj stojbucutic jmultic ti cruz.
\v 11 Hoꞌoxuc ti cꞌuxoxuc ti coꞌntone, yuꞌun hech cꞌuxucutic ti yoꞌnton ti Diose, hech yuꞌun cꞌux acꞌo caꞌi jbatic uc.
\v 12 Manchuc mi mu quilojbeticuc sat ti Diose, mi cꞌux chcaꞌi jbatique, te oy ti coꞌntontic. Hech cꞌux chcaꞌitic ti Diose ti mero melel.
\p
\v 13 Ti sventa ti Chꞌul Espíritu ti yacꞌojbucutic ti Diose hech ti jnaꞌtic ti oyucutic ti stojol ti Diose. Ti jnaꞌtic uc ti oy ti coꞌntontic ti Diose.
\v 14 Hoꞌontutic laj quiltutic, hoꞌon rexticountutic ti laj stac talel ti Snichꞌone ti Jtotic Diose. Jaꞌ tal scolta scotol crixchanoetic.
\v 15 Mi jamal chcaltic ti jaꞌ Snichꞌon Dios ti Jesuse, oy ti coꞌntontic ti Diose obi. Hech yuꞌun oyucutic ti stojol ti Diose.
\v 16 Hech yuꞌun ti jnaꞌtic ti cꞌuxucutic ti yoꞌnton ti Diose. Ti Diose jaꞌ stalel chcꞌuxubinvan. Hech yuꞌun mi chijcꞌuxubinvane, oyucutic ti stojol ti Diose obi. Hech yuꞌun ti Diose oy ti coꞌntontic.
\v 17 Yuꞌun mi chijcꞌuxubinvan ti mero melel hech muc chijxiꞌ ti stojol ti Diose cꞌalal tsta yorail ti chichꞌbe scꞌop yuꞌun smulic scotol crixchanoetic. Yuꞌun hech coꞌntontic cꞌalal liꞌoyucutic ti balumile hech chaj cꞌu cheꞌel ti yoꞌntone.
\v 18 Mi ti jchꞌuntic ti cꞌuxucutic ti yoꞌnton ti Diose, hech yuꞌun mu xijxiꞌ. Yuꞌun ti chijxiꞌe, yuꞌun ti jnoptic mi chijyacꞌbucutic castigo ti Diose. Mi ti jchꞌuntic ti cꞌuxucutic ti yoꞌnton ti Diose ti mero melel, mu hechuc ti jnoptic. Hech yuꞌun mi oy xiꞌel ti coꞌntontique yuꞌun mu jchꞌunojticuc ti cꞌuxucutic ti yoꞌnton ti Diose.
\v 19 Jaꞌ jbael laj xcꞌuxubinucutic ti Diose, hech yuꞌun cꞌux chcaꞌitic ti Diose ti ora to.
\v 20 Cꞌux chcaꞌi ti Diose, mi chijchie, mi chquilintatic yantic, ti jnoptic cꞌop obi. Yuꞌun mi mu jcꞌuxubintic ti muchꞌutic ti liꞌ ti jqꞌuelilambetic sate, ¡bu cꞌamba cꞌuxuc chcaꞌitic ti Diose ti muꞌyuc bu jqꞌuelojbetic sate!
\v 21 Hech smantal ti laj yalbucutic comele: “Mi cꞌux chavaꞌyic ti Diose, cꞌux me xavaꞌyic uc scotol ti muchꞌutic coꞌol liꞌoyoxuc ti balumil xchiꞌuque”, xijyutucutic.
\c 5
\s Jaꞌ scꞌopilal ti jaꞌ ti sventa xchꞌunojel coꞌntontic tstsal cuꞌuntic cꞌutic oy liꞌ ti balumile
\p
\v 1 Mi jchꞌunojtic ti jaꞌ tꞌujbil yuꞌun ti Diose ti Jesucristoe ti jaꞌ Jcoltavanej cuꞌuntique, hech chaꞌanemucutic xa ti stojol ti Diose obi, hech yol snichꞌonucutic ti Diose. Liꞌ ti balumile mi cꞌux chcaꞌitic jun jchiꞌiltic, hech cꞌux chcaꞌitic uc ti xnichꞌnabe.
\v 2 Jaꞌ noꞌox hech uc mi cꞌux chcaꞌitic ti Diose, hech jchꞌunojbetic ti smantale, hech cꞌux chcaꞌitic ti muchꞌutic coꞌol yol snichꞌonucutic xchiꞌuque.
\v 3 Yuꞌun mi cꞌux chcaꞌitic ti Diose, ti jchꞌumbetic smantal. Mu vocoluc chcaꞌitic ti jchꞌumbetic ti smantale yuꞌun ti cꞌux chcaꞌitique.
\v 4 Ti hoꞌucutique yuꞌun chaꞌanemucutic xa ti stojol ti Diose, hech yuꞌun tsalbil chcꞌot cuꞌuntic scotol ti cꞌutic oy liꞌ ti balumile. Ti sventa xchꞌunojel coꞌntontic tstsal cuꞌuntic ti cꞌutic oy liꞌ ti balumile.
\v 5 Ti hoꞌucutique yuꞌun jchꞌunojtic ti jaꞌ Snichꞌon ti Diose ti Jesuse, hech yuꞌun tsalbil chcꞌot cuꞌuntic scotol ti cꞌutic oy liꞌ ti balumile.
\s Jaꞌ scꞌopilal ti chijyalbucutic scꞌopilal ti Jesucristoe ti Chꞌul Espíritue
\p
\v 6 Jaꞌ ti Snichꞌon ti Diose, jaꞌ ti Jesucristoe, ti tal yichꞌ hoꞌ liꞌ ti balumle, ti tal smal xchꞌichꞌel ti cruze. Maꞌuc noꞌox tal yichꞌ hoꞌ, jaꞌ tal smal xchꞌichꞌel ti cruz uc.
\v 7 Oy oxib ti sventa vinajel ti chijyalbucutic scꞌopilal ti Jesucristoe. Ti Jtotic Diose laj xa yal ti jaꞌ Snichꞌon ti Jesucristoe. Ti Snichꞌon ti Diose laj xa yal sba stuc ti jaꞌ Stot ti Diose. Ti Chꞌul Espíritue jaꞌ itacat yal tal yuꞌun hech chijyalbucutic uc ti jaꞌ Snichꞌon Dios ti Jesucristoe.
\v 8 Oy oxib liꞌ ti balumile ti chvinaj ti jaꞌ Snichꞌon Dios ti Jesucristoe. Cꞌalal laj yichꞌ hoꞌ ti Jesuse, ivinaj ti jaꞌ Snichꞌon Dios ti Jesuse. Cꞌalal laj smal xchꞌichꞌel ti cruz, ivinaj uc ti jaꞌ Snichꞌon Dios ti Jesuse. Jaꞌ noꞌox hech chijyalbucutic uc ti Chꞌul Espíritue ti jaꞌ Snichꞌon Dios ti Jesuse.
\v 9 Mi ti jchꞌumbetic ti scꞌop ti crixchanoetique liꞌ ti balumile, jaꞌ más echꞌem tscꞌan ti jchꞌumbetic scꞌop ti Diose. Hech yalojbucutic ti Diose ti jaꞌ Jcoltavanej cuꞌuntic ti Snichꞌone.
\v 10 Mi jchꞌunojbetic scꞌop ti Snichꞌon ti Diose, hech ti jnaꞌtic ti melel ti cꞌu cheꞌel yalojbucutic scꞌopilal ti Snichꞌone ti Diose. Mi mu jchꞌumbetic scꞌop ti Snichꞌon ti Diose, jaꞌ tsnop cꞌop ti jcuytic ti Diose yuꞌun mu jchꞌuntic ti cꞌu cheꞌel yalojbucutic scꞌopilal ti Snichꞌone ti Diose.
\v 11 Hech yalojbucutic ti Diose ti yacꞌojbucutic jcuxlejaltic sventa sbatel osil. Ti sventa ti Snichꞌone ti oy jcuxlejaltic sbatel osil.
\v 12 Mi oy ti coꞌntontic ti Snichꞌon ti Diose, hech chijcuxiucutic sbatel osil. Mi muꞌyuc ti coꞌntontic ti Snichꞌon ti Diose, hech mu xijcuxiucutic sbatel osil.
\s Jaꞌ scꞌopilal ti cꞌu cheꞌel ti jnaꞌtic ti chijcuxiucutic sbatel osile
\p
\v 13 Hech yuꞌun laj jtsꞌibaboxuc avi to, hoꞌoxuc ti achꞌunojbeic uc ti scꞌop ti Snichꞌon ti Diose, yuꞌun hech chanaꞌic ti chacuxiic sbatel osile.
\v 14 Yuꞌun jtos coꞌntontic xchiꞌuc ti Diose, hech mu xijxiꞌ cꞌalal ti jcꞌopontic. Ti jnaꞌtic ti chistsacbucutic jcꞌoptic.
\v 15 Mi ti jnaꞌtic ti chistsacbucutic jcꞌoptique, hech ti jnaꞌtic uc ti chijyacꞌbucutic tal ti cꞌutic ti jcꞌambetique.
\v 16 Mi oy quermanotic yacꞌoj sba tsaꞌ smul chavilic, mi mu yuꞌunuc jaꞌ stamoj o ti sbelal chꞌayele, jaꞌ chacꞌopombeic Dios ti stojol. Hech ta to xꞌacꞌbat xcuxlejal sbatel osil. Mi yuꞌun stamoj o ti sbelal chꞌayele, maꞌuc chacalboxuc yuꞌun chacꞌopombeic Dios ti stojol.
\v 17 Scotol ti cꞌutic chopole, jaꞌ mulil. Oy mulil ti mu yuꞌunuc jtamojtic o ti sbelal chꞌayele.
\p
\v 18 Ti hoꞌucutique ti jnaꞌtic ti yuꞌun chaꞌanemucutic xa ti stojol ti Diose hech mu xa jsaꞌ jmultic. Yuꞌun chixchabiucutic ti Snichꞌon ti Diose hech mu xuꞌ chijyilbajinucutic ti pucuje.
\p
\v 19 Ti jnaꞌtic ti oyucutic ti scꞌob ti Diose. Ti jnaꞌtic uc ti oyic ti scꞌob ti pucuje scotol ti crixchanoetique.
\p
\v 20 Ti jnaꞌtic uc ti iꞌay xa liꞌ ti balumile ti Snichꞌon ti Diose. Yuꞌun laj xa yacꞌbucutic ti spꞌijil ti coꞌntontique hech yuꞌun laj xa cojtiquintic ti mero Diose. Oyucutic ti stojol ti mero Diose yuꞌun oyucutic ti stojol ti Snichꞌone, jaꞌ ti Jesucristoe. Jaꞌ mero Dios stuc, muꞌyuc yan. Jaꞌ ti chijyacꞌbucutic jcuxlejaltic sbatel osile.
\v 21 Hech yuꞌun col jnichꞌnab, muꞌyuc cꞌu stu cuꞌuntic ti cꞌutic ti jnoptic ti jaꞌ chcoltavan ti jcuytique.