\id 1CO Western Tzutujil [tzt] NT (Guatemala) -2009 bd. 
\h 1 CORINTIOS 
\toc1 1 Corintios 
\toc2 1 Co
\mt 1 CORINTIOS
\c 1
\s 
\p
\v 1 Anin ja rin Pablo in apóstol rxin ja Jesucristo jariꞌ samaj Dios yoyon chwe. Anin wachbil ja kachꞌalal Sóstenes nkatzꞌibaj jawaꞌ carta riꞌ
\v 2 in nkatakel ewqꞌuin wachꞌalal ja rix iglesia ja rixcꞌo chipan ja tinamit Corinto. Ja Dios arjaꞌ ixrpartiꞌin chi neban ja rsamaj pro xa rmal ja xa jun ebanon ruqꞌuin ja Cristo Jesús ja tok rbanon queriꞌ chewe. Arjaꞌ ixrchaꞌon chi ixocnak ix tinamit rxin in ma eyon ta ixix ja rbanon queriꞌ chewe, queriꞌ rbanon chique chakajaꞌ canojel ja winak ja nquinataj rubiꞌ ja kajaw Jesucristo xa nak ta chi tinamital ecꞌo wiꞌ. Ja Jesucristo arjaꞌ cajaw ejeꞌeꞌ in kajaw ajoj chakajaꞌ.
\v 3 Ja rutzil ja nsipaj ja Dios chake rachbil ja quicotemal xin Dios ja tariꞌ xtecochij más tre ja katataꞌ Dios in tre ja kajaw Jesucristo.
\s * * * * * * * * * *
\p
\v 4 Anin ni nmaltioxij wiꞌ tre ja katataꞌ Dios rmal ja rutzil ja recochin tre jariꞌ yatajnak chewe pro xa rmal ja xa jun ebanon ruqꞌuin ja Cristo Jesús tok yatajnak chewe.
\v 5 Caniꞌ tre ja rtzobal Dios janila yatajnak chewe chi neyaꞌ rbixic in janila chꞌobtajnak emwal chakajaꞌ jariꞌ caniꞌ jun nimlaj mebaꞌil yatajnak chewe pro xa rmal ja xa jun ebanon ruqꞌuin ja Jesucristo tok yatajnak chewe.
\v 6 Ja Dios arjaꞌ samajnak pa tak ecꞌaslemal jariꞌ xyabej eseguro chi ni katzij wiꞌ nojel ja kabij ajoj chewe tre nak rbanic ja Cristo.
\v 7 Queriꞌ ebanon, mta falta chewe tre ja nkacochij jeꞌe tre ja rEspíritu Santo in kas nixquicoti chi raybexic ja kajaw Jesucristo ja tok xtipi chic jutij.
\v 8 Ja Dios arjaꞌ ni mta wiꞌ ja maquita xtiqꞌuejeꞌ ewqꞌuin maquita xtuyaꞌ chewe chi cow nixpeꞌi. Queriꞌ nuban chewe utzcꞌa chi majun nak ta xquixchapbexi ja tok xtipi chic jutij ja kajaw Jesucristo.
\v 9 Como ja Dios arjaꞌ ni mta wiꞌ ja maquita xtuban cumplir ja rtzujun chewe, arjaꞌ xixsiqꞌuini in xbij chewe chi ix rachbil chic ja Ralcꞌwal jariꞌ ja kajaw Jesucristo.
\s * * * * * * * * * *
\p
\v 10 Pro camic wachꞌalal anin congana nban recomendar chewe chi xta jun neban. Pa rubiꞌ ja kajaw Jesucristo nbij chewe ewanojelal chi xta jun neban, maxta caꞌiꞌ oxiꞌ grupo teban. Pro ja kas nwajoꞌ chewe chi xta jun nechꞌob in xta jun nel wiꞌ ja nechomij jeꞌe.
\v 11 Queriꞌ nbij chewe wachꞌalal como anin xurkaj rbixic wqꞌuin chi cꞌo chꞌaꞌoj neban chibil tak ewiꞌ. Ja recꞌo pa rochoch ja kachꞌalal Cloé ejeꞌeꞌ xeꞌurbin chwe.
\v 12 Bix chwe chi xa división neban como jun nbij: —Anin in xin Pablo, neꞌe, in jun chic nbij: —Mni, anin in xin Apolos, neꞌe, in npi chic jun nbij: —Mni, anin in xin Cefas,\f Cefas tibij tzij Pedro.\f* neꞌe, in npi chic jun nbij: —Mni, anin in xin Cristo, neꞌe.
\v 13 Queriꞌ takaꞌan ja rbixic xurkaj wqꞌuin pro ¿la e oxiꞌ quijiꞌ laꞌan ja Cristo nechꞌob ixix? ¿La anin on xinri̱p chwach cruz pan ecuenta chewiꞌ? ¿La pa nubiꞌ laꞌan anin ixbanon bautizar chewiꞌ? Jariꞌ ma queriꞌ ta wachꞌalal.
\v 14 Maltiox chi Dios chi ma anin ta xinbano bautizar ewxin, xa e caꞌiꞌ chewe ja xenuban bautizar, jun, ja kachꞌalal Crispo in jun chic ja kachꞌalal Gayo.
\v 15 Maltiox chi Dios ja ma xixnuban ta bautizar como anin ni majun ngana cꞌo ta jun xtibin ta chwe chi pa nubiꞌ anin ja tok xixban bautizar.
\v 16 In chakajaꞌ xenuban bautizar ja recꞌo pa rochoch ja kachꞌalal Estéfanas xarwariꞌ maturkaj chwe ja wi cꞌa ecꞌo na más chewe ja xenuban bautizar.
\v 17 Maltiox chi Dios como ja Cristo arjaꞌ xinrutakel cuqꞌuin winak pro ma rmal ta chi nenuban bautizar pro jariꞌ xinrutakel cuqꞌuin utzcꞌa chi nenyaꞌaꞌ rbixic chique ja utzlaj tzij xin Jesucristo ja nucꞌut chikawach nak rbanic ja totajem xin Dios. In chakajaꞌ ma nimak tak tzij ta ncojon ta chi rbixic ja utzlaj tzij. Ja wixta xa juleꞌ nimak tak tzij ncoj chi rbixic maquita nchꞌobtaj ariꞌ cumal ja winak ja nbij chique, maquita nchꞌobtaj ariꞌ cumal chi ja rcamic ja Cristo chwach cruz congana jun nimlaj poder rcꞌamonto chake ja rok winak.
\s * * * * * * * * * *
\p
\v 18 Ecꞌo cꞌa winak masqui bien nkachꞌob chiquewach nak rbanic ja rcamic ja Cristo chwach cruz pro ejeꞌeꞌ xa pa tzꞌanem nquecoj wiꞌ. Ejeꞌeꞌ riꞌ winak ja cucꞌan ja bey ja xa nerucꞌamel chipan ja nimlaj rpokonal. Pro ja chake ajoj ja kucꞌan ja bey ja nokrucꞌamel chipan ja totajem xin Dios bien chꞌobtajnak kumal chi ja rcamic ja Cristo chwach cruz jariꞌ cꞌamyonto ja nimlaj poder xin Dios chi katoꞌic.
\v 19 Caniꞌ tzꞌibtal can chipan ja rtzobal Dios quewaꞌ nbij ja Dios riꞌ: —Ja winak ja congana cotak, anin can nsach na ja nimak tak naꞌoj ja nquiyabej quekꞌij in nyoj na quinaꞌoj chakajaꞌ ja congana jakal quewiꞌ. Queriꞌ ja tzꞌibtal can.
\v 20 Camic ¿bar cꞌa ecꞌo wariꞌ ja winak ja congana cotak? ¿Bar cꞌa ecꞌo wariꞌ ja maestro ja congana kajnak pa quewiꞌ ja ley xin Dios? ¿Bar cꞌa ecꞌo wariꞌ ja chꞌaꞌonelaꞌ ja re rxin awaꞌ tiempo riꞌ? Jariꞌ ni ma ecꞌo ta chwach ja Dios. Pro ja rbanon ja Dios arjaꞌ xa pa tzꞌanem xucoj wiꞌ ja nimak tak naꞌoj quixin winak ja xa xin rwachꞌulew.
\v 21 Queriꞌ xuban ja Dios, congana xucoj ja rnaꞌoj como arjaꞌ ni rchominto wiꞌ chi mta moda xtawotakij ta nak rbanic ja Dios ja xta anaꞌoj atat ayon xtacoj chi rotakixic. Rmalcꞌariꞌ tok xuyaꞌ ajoj chake chi nkayaꞌ rbixic ja Jesucristo chique ja winak in tok nkayaꞌ rbixic chique jariꞌ nertobej ja nyukeꞌ quecꞌuꞌx ruqꞌuin pro ja cꞌa winak ja matiyukeꞌ quecꞌuꞌx ruqꞌuin ejeꞌeꞌ xa pa tzꞌanem nquecoj wiꞌ.
\v 22 Como ja raj Israel ja tok nayaꞌ rbixic ja Jesucristo chique, ejeꞌeꞌ ni nquicꞌutuj wiꞌ jun milagro chawe ja nacꞌutbej chiquewach ja wi katzij ja nabij chique. In chakajaꞌ ja raj Grecia xa jaꞌ nqueyaꞌ quixquin tre ja nimak tak naꞌoj quixin winak ja xa xin rwachꞌulew.
\v 23 Pro ja cꞌa rajoj nkayaꞌ rbixic ja Cristo pro jun Cristo ja camsax chwach cruz. Pro ja tok nkabij chi camsax chwach cruz ja Cristo jariꞌ xa ofensa rcꞌamonto chique ja raj Israel in chakajaꞌ ja ma e aj Israel ta xa pa tzꞌanem nquecoj wiꞌ.
\v 24 Pro ja chake ajoj ja rokchaꞌon rmal ja Dios wi ok aj Israel owi ma ok aj Israel ta bien kotak chi ja Cristo ja camsax chwach cruz ruqꞌuin arjaꞌ nkawil wiꞌ ja poder xin Dios in ruqꞌuin arjaꞌ nkawil wiꞌ chakajaꞌ ja naꞌoj xin Dios.
\v 25 Queriꞌ nbij chewe como ja tok nkayaꞌ rbixic ja Cristo chi camsax chwach cruz masqui xa pa tzꞌanem nco̱j wiꞌ cumal ja winak pro ja rcamic chwach cruz jariꞌ nucoj ja Dios ja nokrtobej chipan ja kil kamac. Pro ja quinaꞌoj winak jariꞌ ni maticowin wiꞌ xkorutoꞌ ta chipan ja kil kamac. Ja rcamic ja Cristo chwach cruz masqui nbix tre chi mta poder rcꞌamonto pro majun winak xtikꞌiꞌo ta ja rpoder.
\p
\v 26 Queriꞌ nbij chewe wachꞌalal como bien turkaj chewe chi ixix xewil ja totajem xin Dios masqui xa ix tak sencillo. Xa ma e jaruꞌ ta chewe ja kas ta e preparado netzꞌa̱t cumal winak in xa ma e jaruꞌ ta chewe chakajaꞌ ja kas ta nimak quekꞌij in chakajaꞌ xa ma e jaruꞌ ta chewe ja re calcꞌwal nimak tak winak.
\v 27 Pro quewaꞌ xuban ja Dios riꞌ, ja winak ja nbix chique chi xa e nacnak tak winak waweꞌ chwachꞌulew ejeꞌeꞌ riꞌ ja xeruchaꞌ chi xeꞌoc rtinamit. Queriꞌ xuban jariꞌ xyabej queqꞌuix ja winak ja congana cotak. Arjaꞌ xeruchaꞌ ja ma nimak ta quekꞌij rxin ja rwachꞌulew jariꞌ xyabej queqꞌuix ja congana nimak quekꞌij.
\v 28 Arjaꞌ xeruchaꞌ ja winak ja ma e calcꞌwal ta nimak tak winak, juleꞌ winak ja ni ma e vale ta chiquewach cach tak winak, banon na chique ni ma ecꞌo ta. Queriꞌ xuban ja Dios jariꞌ xerkajsbej ja winak ja congana nimak quekꞌij, xuban chique ni ma ecꞌo ta.
\v 29 Queriꞌ xuban chique utzcꞌa chi majun winak cꞌo ta nak ta ja xtiyabej kaj ta rukꞌij ruyon chwach ja Dios.
\v 30 Dios cꞌa yoyon chewe nojelal. Arjaꞌ yoyon chewe jun cꞌacꞌa cꞌaslemal pro xa rmal ja Cristo Jesús chewiꞌ tok ryaꞌon chewe. Arjaꞌ takoto rxin ja Cristo chi katoꞌic in xa rmal ja Cristo ja tok yatajnak chake ja naꞌoj xin Dios in xa rmal ja Cristo chakajaꞌ tok Dios nokrucꞌul in nuban chake caniꞌ mta kil kamac in xa rmal ja Cristo chakajaꞌ tok kꞌij kꞌij noc más chꞌajchꞌoj ja kanma in xa rmal ja Cristo chakajaꞌ tok ma ok preso chi ta pa rukꞌaꞌ ja il mac in noketotaj na chijutij.
\v 31 Como Dios yoyon chake nojelal chewiꞌ tok nbij chewe, maxta cꞌo jun tuyaꞌ kaj rukꞌij ruyon, mejor rukꞌij ja kajaw Dios tiyaꞌaꞌ como queriꞌ tzꞌibtal can chipan ja rtzobal Dios.
\c 2 
\s * * * * * * * * * * 
\p 
\v 1 Ja cꞌa ranin wachꞌalal tok xinekaj ewqꞌuin xinyaꞌ rbixic chewe ja utzlaj tzij xin Dios ja ncꞌutu chikawach nak rbanic ja Jesucristo pro ma nimak tak tzij ta xincoj chi rbixic in ma nimak tak naꞌoj ta quixin winak xincoj ta chakajaꞌ. 
\v 2 Como anin tok majaꞌn quinbe ewqꞌuin bien xinchꞌob kaj pa wanma chi tok xquinekaj ewqꞌuin solo Jesucristo ja nenyaꞌaꞌ rbixic chewe pro jun Cristo ja camsax chwach cruz. 
\v 3 Ja cꞌa tok xinqꞌuejeꞌ checojol bien xurkaj chwe chi anin xin way xin yaꞌ, congana nxben wiꞌ como ja samaj congana al xinnaꞌ. 
\v 4 Bien turkaj chewe janiꞌ ja ntzobal ja tok xinyaꞌ rbixic ja rtzobal Dios chewe. Ma xinbij ta juleꞌ nimak tak tzij chewe ja xixnbochibej ta, ma xincoj ta nimak tak naꞌoj quixin winak. Pro ja tok xintzijon ewqꞌuin bien xetzꞌat chi congana samaji ja rEspíritu Santo, congana samaji ja poder xin Dios in triꞌ xetzꞌat wiꞌ chi ni katzij wiꞌ ja xinbij chewe. 
\v 5 Queriꞌ nrajoꞌ ja Dios utzcꞌa chi bien ntiqueꞌe ja yukulbal ecꞌuꞌx ruqꞌuin ja Jesucristo pro ma rmal ta nimak tak naꞌoj quixin winak tok ntiqueꞌe, rumac ja poder xin Dios ja xetzꞌat. 
\s * * * * * * * * * * 
\p 
\v 6 Cꞌo nacꞌa ja nimak tak naꞌoj ja nkachꞌob chiquewach ja kachꞌalal ja bien tiquili ja yukulbal quecꞌuꞌx ruqꞌuin ja Jesucristo pro jariꞌ ma nimak tak naꞌoj ta ja xa xin rwachꞌulew in nixtacꞌa nimak tak naꞌoj ta chakajaꞌ quixin nimak tak winak ja nebano mandar waweꞌ chwachꞌulew, juleꞌ winak ja xa nekajsax na rmal ja Dios. 
\v 7 Pro ja nimak tak naꞌoj ja nkachꞌob chiquewach ja kachꞌalal jariꞌ naꞌoj xin Dios, juleꞌ naꞌoj ja ma kꞌalasan ta nabey, awatal chiquewach winak. Jawaꞌ nimak tak naꞌoj riꞌ ni rchꞌobonto chi wiꞌ ja Dios ja tok majaꞌn titzꞌucarsaj ja rwachꞌulew, ni rchominto chi wiꞌ chi nuyaꞌ na chake chi nkucꞌaj na jun cꞌaslemal ja congana nim rukꞌij ja caniꞌ rcꞌaslemal arjaꞌ. 
\v 8 Pro jawaꞌ nimak tak naꞌoj xin Dios riꞌ ma xchꞌobtaj ta cumal ja kꞌetol tak tzij ja nebano mandar waweꞌ chwachꞌulew, ni majun chique chꞌobtaj ta rmal. Ja cꞌa wixta chꞌobtaj cumal maquita cꞌa querip ariꞌ chwach cruz ja kajaw Jesucristo ja ni rxin wiꞌ chi cꞌaslemal xin Dios rcꞌan. 
\v 9 Pro ja cꞌa queban, queriꞌ ja caniꞌ tzꞌibtal can chipan ja rtzobal Dios, quewaꞌ nbij riꞌ: —Ja Dios cꞌoli ja rchominto ja nuyaꞌ na chique ja winak ja neꞌajoꞌn rxin pro jariꞌ ni majun winak rtzꞌaton ta ruqꞌuin ta rwach in nixtacꞌa rcꞌaxan ta ruqꞌuin ta rxquin in nixtacꞌa chꞌobtajnak ta rmal pa ranma chakajaꞌ, neꞌe. 
\v 10 Pro jariꞌ rkꞌalasan chic chikawach ajoj ja Dios, tokoriꞌ xkꞌalasaj ja tok xutakto ja rEspíritu Santo kuqꞌuin chi jaꞌ Espíritu Santo nchꞌobo chikawach. Queriꞌ nbij chewe como ja rEspíritu Santo arjaꞌ ni majun ja maquita nekaj wiꞌ ja rpensar, bien rotak nojel ja nuchꞌob kaj ja Dios ja rawatal chiquewach winak. 
\v 11 Mchita jun nak chi ta otakyon ja nuchꞌob kaj ja Dios, xa ruyon ja rEspíritu Santo otakyon. In caniꞌ chake ajoj chakajaꞌ ja rok winak, mta jun kach winak otakyon ta ja nkachꞌob kaj pa tak kanma pro xa kayon kaj ajoj kotak. 
\v 12 Ja cꞌa rajoj yatajnak chake ja rEspíritu Santo ja takto rmal ja Dios pro jariꞌ Espíritu xin Dios, ma xin rwachꞌulew ta. Jariꞌ Espíritu Santo arjaꞌ takto kuqꞌuin rmal ja Dios utzcꞌa chi arjaꞌ nurchꞌoboꞌ chikawach nak rbanic nojel ja kacochin tre ja Dios ja ni rchominto wiꞌ ojer chi nuyaꞌ chake. 
\v 13 Ja nchꞌo̱b chikawach rmal ja rEspíritu Santo jariꞌ nkachꞌob chic ajoj chiquewach juleꞌ chic xarwariꞌ ja tzij ja nkacoj chi rchꞌobic chiquewach ma ja ta juleꞌ nimak tak tzij ja cꞌutun ta chikawach cumal winak pro ja tzij nkacoj jariꞌ ja cꞌutun chikawach rmal ja rEspíritu Santo. Queriꞌ cꞌa nkaban, ja tijonem ja nya̱ꞌ chake rmal ja rEspíritu Santo jariꞌ nkachꞌob chiquewach juleꞌ chic winak pro juleꞌ winak ja neyoꞌ lugar tre ja rEspíritu Santo chi arjaꞌ nbano mandar pa tak canma. 
\p 
\v 14 Pro ja winak ja matiqueyaꞌ lugar tre ja rEspíritu Santo chi arjaꞌ nbano mandar pa tak canma ejeꞌeꞌ xa nquechꞌaꞌ ja ncꞌu̱t jeꞌe chiquewach rmal ja Espíritu Santo. Nquechꞌaꞌ como xa pa tzꞌanem nquecoj wiꞌ. In ni mta wiꞌ moda ja xtichꞌobtaj ta cumal nak rbanic como jariꞌ macatcowini nachꞌob ja maquita cꞌoli ja rEspíritu Santo nucꞌan awxin chi rchꞌobic. 
\v 15 Pro ja tok nkayaꞌ lugar tre ja rEspíritu Santo chi arjaꞌ nbano mandar pa tak kanma jariꞌ bien nchꞌobtaj kumal nojel ja ncꞌu̱t jeꞌe chikawach rmal pro ja winak ja matiqueyaꞌ lugar tre ejeꞌeꞌ ni majun chique xticowin ta xtuchꞌob ta janiꞌ ja kanaꞌoj ajoj. 
\v 16 Queriꞌ rbanic caniꞌ tzꞌibtal can chipan ja rtzobal Dios, quewaꞌ nbij riꞌ: —Ni majun winak xticowin ta xtirotakij ta janiꞌ rnaꞌoj ja Dios ja xta ruyon kaj, ni majun winak xticowin ta xtuyaꞌ ta jun paxbanem tre ja Dios. Queriꞌ ja tzꞌibtal can. Pro ja rajoj ocnak rnaꞌoj ja Cristo chake chewiꞌ tok matichꞌobtaj cumal ja juleꞌ chic winak janiꞌ ja kanaꞌoj. 
\c 3
\s * * * * * * * * * * 
\p 
\v 1 Ja cꞌa ranin wachꞌalal ma xumaj ta ja xinyaꞌ ta chewe ja tijonem ja caniꞌ nya̱ꞌ chique ja winak ja neyoꞌ lugar tre ja rEspíritu Santo chi arjaꞌ nbano mandar pa tak canma. Pro ja tijonem ja xinyaꞌ na chewe jariꞌ ja caniꞌ nya̱ꞌ chique ja winak ja xa quivoluntad ejeꞌeꞌ nqueban kaj queyon, xinyaꞌ chewe ja caniꞌ nya̱ꞌ chique ja winak ja xa ma cow ta ja yukulbal quecꞌuꞌx ruqꞌuin ja Cristo. 
\v 2 Ja tijonem xinyaꞌ chewe jariꞌ xa sencillo. Caniꞌ chique ja tak yaquiꞌaꞌ ejeꞌeꞌ xa tzꞌum nya̱ꞌ chique, ma way ta. Ma xinyaꞌ ta chewe ja tijonem ja más na nuyaꞌ ewachokꞌakꞌ como ixix xa matichꞌobtaj emwal triꞌ in ni takaꞌan ma chꞌobtajnak ta wiꞌ emwal camic chakajaꞌ. 
\v 3 Ma chꞌobtajnak ta como niquirwariꞌ emajon rbanic camic, xa evoluntad ixix neban kaj eyon. Como ixix solo aquiakarem, solo chꞌaꞌoj in solo división cꞌo checojol ¿la ma ja ta cꞌariꞌ ncꞌutuwi nechꞌob ixix chi xa evoluntad ixix neban kaj eyon, la ma ja ta cꞌariꞌ ncꞌutuwi nechꞌob ixix chi xa ix junan cuqꞌuin ja winak ja mta Espíritu Santo pa tak canma? 
\v 4 Como jun nbij: —Anin in xin Pablo, neꞌe, in jun chic nbij: —Mni, anin in xin Apolos, neꞌe. Ja tok xa queriꞌ neban ¿la ma ja ta cꞌariꞌ ncꞌutuwi chi xa ix junan cuqꞌuin winak ja mta Espíritu Santo pa tak canma? 
\p 
\v 5 ¿Nak cꞌa ocnak wiꞌ ja rApolos nechꞌob ixix in nak cꞌa inocnak wiꞌ anin chakajaꞌ? Ajoj xa ok moso rxin ja kajaw Jesucristo. Ja cꞌa tok yukeꞌ ecꞌuꞌx ruqꞌuin ja Jesucristo kumal jariꞌ Dios banowi, ma ajoj ta. Ajoj xa rbanic kaban ja samaj ja xuyaꞌ chake ja Dios chi ok caꞌiꞌ. 
\v 6 Ixix ix caniꞌ jun tijcoꞌm rxin ja Dios, arjaꞌ nyoꞌ chewe chi nixqꞌuiyi no ja xinban anin caniꞌ xintic ja tijcoꞌm in ja xuban ja rApolos caniꞌ xyaꞌaj. 
\v 7 Queriꞌ rbanic wachꞌalal, ma ja ta nim rukꞌij ja nticowi ja tijcoꞌm nixtacꞌa nim ta rukꞌij chakajaꞌ ja nyaꞌan rxin pro xa ruyon ja Dios ja nim rukꞌij como arjaꞌ nyowi ja rqꞌuiybal. 
\v 8 Ja nticowi ja tijcoꞌm rachbil ja nyaꞌan rxin xa e junan chi e caꞌiꞌ, e moso, janiꞌ ja samaj nqueban chi e caꞌiꞌ jariꞌ ja rtojbalil nyataj na chique chi e caꞌiꞌ chakajaꞌ. 
\v 9 Queriꞌ nbij chewe como ja Dios arjaꞌ yoyon chake nojel awaꞌ wariꞌ, arjaꞌ yoyon chake chi nkachbilaj kiꞌ chi rbanic ja rsamaj, arjaꞌ yoyon chewe chi ixocnak ix caniꞌ rtijcoꞌm in chakajaꞌ arjaꞌ yoyon chewe chi ixocnak ix caniꞌ rochoch. 
\v 10 Ja cꞌa ranin xinoc in caniꞌ jun banol jay ja paꞌl trij jun samaj pro jun banol jay ja bien nchꞌobtaj rmal nak ja nrajoꞌ ja samaj. Pro xa rmal ja samaj xincochij tre ja Dios tok xincowini xinban ja samaj. Ja samaj xincochij tre ja Dios jariꞌ xincoj chi rtiquic ja rsimientoꞌil ja jay. Ecꞌo na juleꞌ chic ja rajsamajelaꞌ, ejeꞌeꞌ quimajon etijoxic jariꞌ nqueban caniꞌ quimajon rcojic juleꞌ material chi rbanic ja jay rxin Dios ja nqueyaꞌ parwiꞌ ja rsimientoꞌil. Pro kas tiquibanaꞌ cuenta chiquijujunal nak xtiquecoj parwiꞌ. 
\v 11 Como ja simientoꞌil jariꞌ tiquil chic, jariꞌ Jesucristo, majun nak ta xticowin ta xtutic chi ta jun rsimientoꞌil ja jay rxin Dios ja junwiꞌ chi ta. 
\v 12-13 Ja cꞌa rajsamajelaꞌ ejeꞌeꞌ nerilaꞌ na jun kꞌij tok bien nkꞌalajin na janiꞌ ja material ja quicojon parwiꞌ ja rsimientoꞌil ja jay chiquijujunal. Wi congana buena ja material quicojon parwiꞌ caniꞌ tre oro, caniꞌ tre plata in caniꞌ tre abaj ja nraproti ja nimak rjil owi ma kas ta buena ja quicojon parwiꞌ caniꞌ tre cheꞌ, caniꞌ tre qꞌuim in caniꞌ tre patzꞌam xarwariꞌ bien nkꞌalajin na como ja nimlaj kꞌij xin juicio jariꞌ nkꞌalasani. Ja samaj quibanon chiquijujunal jariꞌ nkꞌaxax na pa kꞌakꞌ in chipan ja kꞌakꞌ ncꞌambajax wiꞌ ja wi nucochꞌ owi xa nqꞌuis chipan ja kꞌakꞌ. 
\v 14 Ja rajsamajelaꞌ wi xtucochꞌ ja kꞌakꞌ ja material ja quicojon parwiꞌ ja rsimientoꞌil ja jay jariꞌ cꞌo jun rtojbalil nyataj na chique. 
\v 15 Ja cꞌa wi ma xtucochꞌ ta ja kꞌakꞌ ja quisamaj, wi xa ncꞌati jariꞌ xa nquitzꞌilaꞌ ja samaj ja quibanon pro ja rejeꞌeꞌ netotaji xarwariꞌ caniꞌ cꞌo jun kꞌakꞌ nekꞌax na chipan. 
\p 
\v 16 Ja cꞌa rixix ¿la ma ewotak ta cꞌa chi ix templo rxin ja Dios? ¿La ma ewotak ta cꞌa chi ja rEspíritu Santo rbanon tre ja rewanma caniꞌ rochoch? 
\v 17 Ja wi xa nayoj ja rochoch Dios queriꞌ cꞌa nuban ja Dios chawe atat chakajaꞌ, arjaꞌ nuyoj ja racꞌaslemal. Como ja rochoch ja Dios más kꞌaxnak chi na nim rukꞌij. Kas turkaj chewe chi ixix cꞌariꞌ ja rix rochoch ja Dios. 
\p 
\v 18 Maxta teban kaj engañar ewiꞌ eyon. Ja wi cꞌo jun chewe wi nuchꞌob kaj chi congana nimak tak naꞌoj xin rwachꞌulew rotak, mejor ja nuban, tibanaꞌ como caniꞌ jun ti nacnic. Quirtariꞌ nuban utzcꞌa chi xtiyataj tre ja naꞌoj xin Dios. 
\v 19 Queriꞌ nbij chewe como ja nimak tak naꞌoj ja xa xin rwachꞌulew jariꞌ xa pa tzꞌanem nco̱j wiꞌ rmal ja Dios. Caniꞌ tzꞌibtal can chipan ja rtzobal Dios quewaꞌ nbij riꞌ: —Ja Dios arjaꞌ xa caniꞌ pa trampa neruyaꞌ wiꞌ ja winak ja congana cotak como ja nimak tak naꞌoj nquecoj xa noc caniꞌ jun trampa ja nchapo quixin, neꞌe. 
\v 20 In cꞌo chic jun tzꞌibtal can quewaꞌ nbij riꞌ: —Ja kajaw Dios arjaꞌ bien rotak chi ni majun rsamaj ja nimak tak naꞌoj quixin winak ja xa xin rwachꞌulew, queriꞌ tzꞌibtal can. 
\v 21-22 Queriꞌ cꞌa rbanic wachꞌalal in rmalariꞌ nbij chewe, maxta cꞌo jun chewe ja xta ruqꞌuin jun winak tucoj wiꞌ riꞌ in xta rmalariꞌ xtumaj ta ryaꞌic kaj rukꞌij ruyon. Maxta wqꞌuin anin tecoj wiꞌ ewiꞌ nixtacꞌa ruqꞌuin ta ja rApolos in nixtacꞌa ruqꞌuin ta ja Cefas como ajoj cꞌol ekꞌaꞌ chake ewanojelal, ok ewxin. Ni majun nak ta ja winakarsanto jeꞌe rmal ja Dios ja maquita ewxin ja maquita cꞌoli rcꞌamonto chewe caniꞌ tre ja caj in rwachꞌulew, caniꞌ tre ja newil jeꞌe chipan ja recꞌaslemal, caniꞌ tre ja camíc, caniꞌ tre ja majtajnak rbanic jeꞌe chipan ja tiempo ja rokcꞌo wi riꞌ in caniꞌ tre ja majaꞌn tibantaji chakajaꞌ. Ni majun nak ta ja maquita ewxin ja maquita cꞌoli rcꞌamonto chewe chi etoꞌic. 
\v 23 Pro ja cꞌa rixix ix rxin Cristo. Ja cꞌa Cristo arjaꞌ rxin Dios. 
\c 4
\s * * * * * * * * * * 
\p 
\v 1 Ja cꞌa rajoj wachꞌalal kas ta xtichꞌobtaj emwal chi xa ok tak moso rxin ja Cristo in yaꞌon chi kakul chi nkayaꞌ rbixic ja utzlaj tzij xin Dios ja ma kꞌalasan ta nabey. 
\v 2 In tre jun achi tok cꞌoli yaꞌon chi rukul rmal ja rpatrón jariꞌ congana rjawaxic tre chi ni nuban wiꞌ cumplir ja nbix tre rmal ja rpatrón chi nuban. 
\v 3-4 Pro ja kajaw Jesucristo xa ruyon arjaꞌ cꞌo rukꞌaꞌ tre chi nbij pon wi nbanon cumplir owi mani. Pro wi ixix nixbin pon chi ma nbanon ta cumplir in chakajaꞌ xa nak ta chi winakil ja rocnak kꞌetol tzij waweꞌ chwachꞌulew wi arjaꞌ nbin pon chi ma nbanon ta cumplir jariꞌ ma kas ta ninoclaꞌ il chwach. In nixtacꞌa anin ta chakajaꞌ cꞌo ta nukꞌaꞌ tre chi xtinbij pon ta wi nbanon cumplir owi mani. Masqui anin nnaꞌ kaj camic chi mta ja ma utz ta nbanon pro matibij tzij ariꞌ chi mta, maxla cꞌoli pro xa mta nnaben. Pro xa ruyon ja kajaw Jesucristo ja cꞌo rukꞌaꞌ chwe chi nukꞌet tzij chwij. 
\v 5 Ja cꞌa tok xtipi chic jutij ja kajaw Jesucristo jariꞌ tiempo xin kꞌetoj tzij rmalcꞌariꞌ nbij chewe chi ma tekꞌetlaꞌ pon chi ta tzij ixix trij jun winak. Ja cꞌa tok xtipeti ja kajaw Jesucristo arjaꞌ nlasaj na pa sakil nojel ja rawatali, arjaꞌ nkꞌalasaj na chakajaꞌ nojel ja nkachꞌob kaj pa tak kanma. Ja cꞌa tok xtikꞌalastaj rmal cꞌacꞌariꞌ ja Dios arjaꞌ xtibin chake chikajujunal wi utz kabanon owi mani. 
\p 
\v 6 Nojel awaꞌ xinbij chewe riꞌ wachꞌalal jun ejemplo cꞌawaꞌ chewe. Anin xincoj wiꞌ chipan ja rejemplo in xincoj ja rApolos chipan chakajaꞌ, ja kas ngana anin cꞌo ta rcꞌamonto chewe. Xinchꞌob chewach chi anin wachbil ja rApolos xa ok moso rxin ja Jesucristo. Jariꞌ xinchꞌob chewach utzcꞌa chi newotakij ja ncꞌu̱t chikawach rmal ja rtzobal Dios chi ma winak ta ja neyaꞌ quekꞌij. Ja kas nwajoꞌ anin, ni ta majun chewe congana ta nim xtunaꞌ kaj xtibij ta tre jun kachꞌalal: —Anin más na buena ja nmaestro ja bar ncojon wiꞌ wiꞌ pro ja rawxin atat ma kas ta buena, xticheꞌ ta. 
\v 7 Ja cꞌa wi cꞌo jun nunaꞌ kaj chi congana nim pro ¿nak cꞌa bin tre chi arjaꞌ más nim rukꞌij chiquewach ja juleꞌ chic kachꞌalal? ¿La ma Dios ta cꞌa sipan tre nojelal ja cꞌo ruqꞌuin? Ja wi xa rcochin tre ja Dios ¿nak cꞌa tre tok nyabej kaj rukꞌij ruyon, nak cꞌa tre tok nuban tre caniꞌ xa ma sipan ta? 
\p 
\v 8 ¿La ixnojnak chi cꞌa ixix tre ja rtzobal Dios, la mchita cꞌa ncꞌatzin chewe? ¿La cꞌo chi cꞌa ewqꞌuin ixix nojel ja mebaꞌil xin Dios? ¿La ixocnak chi cꞌa ixix ix rey nabey chikawach ajoj chipan ja gobierno xin Dios? Congana ta buena ariꞌ ja wixta ixocnak chic ix rey como jariꞌ ajoj jun ta cꞌariꞌ okocnak chic rey ewqꞌuin chakajaꞌ. 
\v 9 Congana ta buena ja queriꞌ como ja rajoj camic congana majtajnak rbanic pokon chake cumal winak. Ja nchꞌob anin ja Dios arjaꞌ ryaꞌon lugar chique ja winak chi quibanon chake ja rok apóstol ni ma ok vale ta, quibanon chake caniꞌ kꞌeton chic tzij chakij chi nokcamsaxi. Queriꞌ nbij chewe como mta ja maquita kꞌalajinnak wiꞌ ja rpokonal katijon, bien kꞌalaj chiquewach winak in bien kꞌalaj chiquewach ángel chakajaꞌ. 
\v 10 Ajoj tok nkayaꞌ rbixic ja Cristo chique ja winak xa ok nacnak tak winak nokcheꞌxi cumal no ixix nenaꞌ kaj chi congana ewotak chic nojelal tre nak rbanic ja Cristo. Ajoj ma kas ta ok fuerte no ixix congana ix fuerte nenaꞌ kaj. Ixix congana nixban respetar no ajoj xa itzel noktzꞌati. 
\v 11 Ja cꞌa rpokonal cꞌa majtajnak na chakij camic caniꞌ tre waꞌal chakichiꞌ in caniꞌ tre katziak kas tak lawuloꞌ chic chakij. Cꞌo jeꞌe noc kꞌaꞌ chakij in mta kochoch ja ni ta kaxin wiꞌ. 
\v 12 Congana nokcosi, noksamaj ruqꞌuin kakꞌaꞌ. Ja tok noktzꞌuji tok nokyokꞌi cumal winak ja cꞌa nkaban, utzil xin Dios nkacꞌutuj pa quewiꞌ. Ja tok nba̱n pokon chake nkacochꞌ, matikayaꞌ rjil rcꞌaxel. 
\v 13 Ecꞌoli nebin chake chi xa ok itzel tak winak pro ajoj nkachꞌob chiquewach pan utzlaj tzij. Ja banon chake cumal ja winak waweꞌ chwachꞌulew xa ok caniꞌ kꞌayis ja nel pa mes, xa ok caniꞌ nakun ja xa tzꞌil nchꞌakixel in niquirwariꞌ majtajnak rbanic chake camic. 
\p 
\v 14 Nojel awaꞌ xintzꞌibaj chewe riꞌ ma rmal ta chi qꞌuixbal xtenaꞌ ta rmal, ma queriꞌ ta. Pro nojel awaꞌ wariꞌ jun paxbanem chewe, nbanon chewe ix caniꞌ chakꞌlaj tak walcꞌwal. 
\v 15 Ix walcꞌwal como anin xinyoꞌ rbixic chewe ja utzlaj tzij xin Cristo Jesús in rmalariꞌ tok xa jun ebanon ruqꞌuin camic. Masqui e lajuj mil maestro xquewinakari ja nechꞌobo chewach nak rbanic ja Cristo pro ni xa nuyon wiꞌ anin inocnak etataꞌ chwach ja Dios. 
\v 16 Como anin in etataꞌ rmalcꞌariꞌ tok congana nban recomendar chewe chi necꞌam ja rejemplo ja nmajon ryaꞌic chewach. 
\v 17 Queriꞌ nwajoꞌ chewe in xcꞌa rmalariꞌ tok xintakel ewqꞌuin ja Timoteo. Ja cꞌa Timoteo arjaꞌ caniꞌ chakꞌlaj walcꞌwal, arjaꞌ ni nuban wiꞌ cumplir ja najoꞌx tre rmal ja kajaw Jesucristo chi nuban. Xintakel ewqꞌuin utzcꞌa chi arjaꞌ nernataj chewe janiꞌ ja rejemplo ja nyaꞌ anin chiquewach ja kachꞌalal ja tok nchꞌob chiquewach nak rbanic ja Cristo. Jariꞌ ejemplo ja nyaꞌ anin chiquewach ja riglesia pro chiquewach canojelal xa nak ta chi tinamital ecꞌo wiꞌ. 
\v 18 Pro ecꞌoli checojol, ejeꞌeꞌ congana e nimak nquenaꞌ kaj in quewaꞌ nquibij riꞌ: —Ja Pablo xa nxbej riꞌ npeti kuqꞌuin, necheꞌe. 
\v 19 Pro anin can ninbe ewqꞌuin chanim wi xtiyaꞌ lugar chwe rmal ja kajaw Dios chi ninbe. Ja cꞌa tok xquinekaj ewqꞌuin bien ntzꞌat na nak quibanic ja juleꞌ winak ja kas e nimak nquenaꞌ kaj. Nixtacꞌa xtinyaꞌ ta jutzꞌit caso tre ja juleꞌ tzij nquibij ja ni majun poder rcꞌan pro bien ntzꞌat na ja wi cꞌoli ja poder xin Dios cuqꞌuin owi mani. 
\v 20 Queriꞌ nbij chewe como ja tok nsamaji ja gobierno xin Dios pan acꞌaslemal jariꞌ ma chaka ta nabij juleꞌ tzij pro cꞌoli ja poder xin Dios awqꞌuin. 
\v 21 Ja cꞌa camic ewqꞌuin ixix cꞌo wiꞌ nak nban chewe ja tok xquinekaj ewqꞌuin, wi pa chꞌolinem nintzijon ewqꞌuin in nixnuban castigar owi nechomij pon ewiꞌ utzcꞌa kas lokꞌ nkanaꞌ kiꞌ in pa quiꞌil noktzijoni. 
\c 5 
\s * * * * * * * * * * 
\p 
\v 1 Cꞌo takaꞌan jun itzelal bantajnak checojol elnak rbixic como cꞌo jun chewe xucꞌam ja rteꞌbal. Jariꞌ congana itzel na, xnaꞌ xa ma queriꞌ ta nqueban ja winak ja ma cotak ta rwach ja Dios. 
\v 2 Pro ixix takaꞌan cꞌa emajon na ryaꞌic ekꞌij pro ja kas yatal chewij bis okꞌej ta xeban, xewasajel ta ja rachi checojol ja banowi ja ritzelal. 
\v 3 Como anin nchꞌobon chic nak rjawaxic chi nba̱n tre ja rachi. Masqui anin ma incꞌo ta ewqꞌuin pro ja respíritu wxin jariꞌ cꞌol ewqꞌuin. 
\v 4 Anin xinban caniꞌ incꞌol ewqꞌuin in pa rubiꞌ ja kajaw Jesucristo xinkꞌet tzij trij ja rachi ja banowi ja ritzelal. Quewaꞌ neban riꞌ, ja tok emolon chic jutij ewiꞌ ewachbil ja respíritu wxin in tok cꞌoli ja poder rxin ja kajaw Jesucristo checojol 
\v 5 tokocꞌariꞌ xtewasajel checojol ja rachi, xtoc pa rukꞌaꞌ ja Satanás in ja cꞌa rcuerpo xtutij na rpokonal pa rukꞌaꞌ ja Satanás. Queriꞌ ta cꞌa neban tre utzcꞌa chi ja respíritu rxin jariꞌ matitzꞌiloxi pro ntotaji tokoriꞌ tok xterilaꞌ ja nimlaj kꞌij ja tok xtipi chic jutij ja kajaw Jesús. 
\p 
\v 6 Pro ma rubey ta ja rebanon ja xa neyaꞌ nojoj ekꞌij eyon pro cꞌol itzelal bantajnak checojol. ¿La ma ewotak ta cꞌa chi ja ritzelal queriꞌ nuban ja caniꞌ nuban ja levadura? Como ja levadura masqui xa tutzꞌit pro nbe pa nim, npaxij riꞌ chipan ja kꞌor nojelal. 
\v 7 Ma teban chi ta más ja ritzelal ja rebanonto ojer utzcꞌa chi bien kꞌalaj chi cꞌacꞌa chic ja recꞌaslemal, ix caniꞌ juleꞌ kꞌor cꞌacꞌa ja ni majun levadura ruqꞌuin. In ni katzij wiꞌ chi cꞌo jun cꞌacꞌa cꞌaslemal yatajnak chewe rmal ja Cristo pro jun cꞌaslemal ja ni majun itzelal rcꞌan. Queriꞌ nbij chewe como ja Cristo arjaꞌ camsaxi rmal ja kil kamac, ban tre caniꞌ nba̱n chique ja tak carnelo ja neꞌoc sacrificio ja necamsax parwiꞌ altar pa tak nmakꞌij pascua. 
\v 8 Rmalcꞌariꞌ nbij chewe, kawasajel jutzꞌit ja ritzel tak naꞌoj ja kucꞌan ojer rachbil nojel ja kaban ja xa itzelal rcꞌamonto. Ni ta katzij wiꞌ jutzꞌit nojel ja nkabij in nojel ja nkaban, nojel ta kacꞌuꞌx nojel ta kanma nkaban. 
\p 
\v 9 Turkaj chewe ja jun chic carta ja ntakon chic ewqꞌuin, cꞌoli xintzꞌibaj chipan quewariꞌ: —Ma queꞌewachbilaj ta achiꞌiꞌ ja nqueban ja il mac cuqꞌuin ixokiꞌ, xincheꞌ chewe. 
\v 10 Pro tok xinbij queriꞌ chewe ma ja ta xinbij chewe chi maqueꞌekꞌijlaꞌ ja rebanol itzelal ja ma e kachꞌalal ta. Como ja waweꞌ chipan ja rwachꞌulew riꞌ ni newil wiꞌ ewiꞌ cuqꞌuin winak ja ma quiniman ta ja Jesucristo ja nqueban ja il mac owi cuqꞌuin winak ja chaka benak chi yarin quinakun winak neꞌoclaꞌ wiꞌ il owi cuqꞌuin ja ralakꞌomaꞌ owi cuqꞌuin ja nexuqueꞌ chwach rachbal jun winak owi chwach rachbal jun nakun. Ja wi newajoꞌ owi mani puersa newil ewiꞌ cuqꞌuin. Ja cꞌa wi mta egana newil ewiꞌ cuqꞌuin rjawaxic cꞌariꞌ chi nixel ta chipan awaꞌ rwachꞌulew riꞌ. 
\v 11 Pro ja xintzꞌibaj chipan ja carta quewaꞌ rbanic riꞌ, ma queꞌewachbilaj ta ja rachiꞌiꞌ ja nebini chi e kachꞌalal pro nqueban ja il mac cuqꞌuin ixokiꞌ owi chaka benak chi nquiyarij quinakun winak owi nexuqueꞌ chwach rachbal jun winak owi chwach rachbal jun nakun owi xa pokonlaj tak tzij netzijoni owi xa e kꞌabarelaꞌ owi xa e alakꞌomaꞌ. Ja kachꞌalal ja nebano queriꞌ nixtacꞌa nixwaꞌ ta cuqꞌuin. 
\v 12 Ja cꞌa winak ja ma e kachꞌalal ta jariꞌ mta nukꞌaꞌ chique xtinkꞌet ta tzij chiquij. Pro ja kachꞌalal ja recꞌo checojol ¿la ma chi ekul ta cꞌa ixix ecꞌo wiꞌ chi neꞌechomij ja tok cꞌoli ja ritzelal nqueban? 
\v 13 Pro ja ma e kachꞌalal ta jariꞌ Dios nchomin ariꞌ. Ja cꞌa rixix camic tewasajel cꞌa checojol ja rachi ja banowi ja ritzelal. 
\c 6 
\s * * * * * * * * * * 
\p 
\v 1 Ja tok cꞌo jun chewe ja tok cꞌoli banon tre rmal jun kachꞌalal in ntiꞌon tre ¿nak tre tok ma qꞌuixbal ta nunaꞌ neryaꞌaꞌ parte pa kꞌetbaltzij chiquewach winak ja ma cotak ta rwach ja Dios? ¿Nak tre tok ma cuqꞌuin ta kachꞌalal nbe wiꞌ chi ejeꞌeꞌ nechomini? 
\v 2 ¿La ma ewotak ta cꞌa chi ajoj ja yukul kacꞌuꞌx ruqꞌuin ja Jesucristo nyataj na chake chi nokoqui ok kꞌetol tak tzij pa quewiꞌ ja winak waweꞌ chwachꞌulew? Ja cꞌa wi nyataj chewe chi nixoqui ix kꞌetol tak tzij pa quewiꞌ ja winak waweꞌ chwachꞌulew ¿nak cꞌa tre tok ma quixcowini nechomij ja tak problema ja nwinakar checojol? 
\v 3 ¿La ma ewotak ta cꞌa chi nyataj na chake chakajaꞌ chi nokoqui ok kꞌetol tak tzij pa quewiꞌ ángel? Ja wi queriꞌ rbanic ¿nak moda tok ma xkocowin ta nkachomij ja nkawil jeꞌe chipan ja kacꞌaslemal waweꞌ chwachꞌulew? 
\v 4 Rmalcꞌariꞌ nbij chewe, ja tok cꞌo jeꞌe problema checojol in nrajoꞌ rchomarsaxic ¿nak cꞌa tre tok nixbe cuqꞌuin ja kꞌetol tak tzij ja ma quiniman ta ja Jesucristo? 
\v 5 Queriꞌ nbij chewe utzcꞌa chi qꞌuixbal ta nenaꞌ jutzꞌit rmal ja rebanon. ¿La ni mta wiꞌ jun checojol ja ncowini nerchomij ja kachꞌalal ja tok cꞌo quiproblema? 
\v 6 Pro ja neban ixix, jun kachꞌalal neryaꞌaꞌ parte trij jun chic kachꞌalal in cꞌuluto ja neryaꞌaꞌ wiꞌ parte chiquewach winak ja ma quiniman ta ja Jesucristo. 
\p 
\v 7 Inso chakajaꞌ ja tok neyaꞌ parte chibil tak ewiꞌ jariꞌ xa nixmeloj chewij tre ja recꞌaslemal. Ja tok cꞌoli nba̱n chewe in tok cꞌoli nalakꞌax chewe ¿nak tre tok matecochꞌ kaj chwach ja neyaꞌ parte? 
\v 8 Pro mni, na xa ixix nixbanowi ja ritzelal in ixix nixbanowi ja ralakꞌ in cꞌuluto ni chique kachꞌalal neban wiꞌ. 
\p 
\v 9 ¿La ma ewotak ta cꞌa chi ja winak ja re banol tak itzelal ejeꞌeꞌ matiyataj chique ja herencia chi neꞌoc chipan ja gobierno xin Dios? Maxta quixban engañar, ja herencia rxin ja gobierno xin Dios jariꞌ ni matiyataj wiꞌ chique achiꞌiꞌ in ixokiꞌ ja nqueban ja il mac nixtacꞌa xtiyataj ta chique ja nexuqueꞌ chwach rachbal jun winak owi chwach rachbal jun nakun nixtacꞌa chique ta ja nqueban rij tak quewiꞌ ja quixjayilal owi ja cachajilal nixtacꞌa chique ta ja rachiꞌiꞌ ja xa cach tak achiꞌiꞌ nequiyarij 
\v 10 nixtacꞌa chique ta ja ralakꞌomaꞌ nixtacꞌa chique ta ja winak ja chaka benak chi nquiyarij quinakun winak nixtacꞌa chique ta ja kꞌabarelaꞌ nixtacꞌa chique ta ja winak ja xa pokonlaj tak tzij netzijoni in nixtacꞌa chique ta ja nequechap winak chi nquilakꞌajel quinakun. 
\v 11 In ecꞌoli chewe ja re quitakariꞌ nabey ja caniꞌ cꞌa xinbij kaj. Pro ja camic chꞌachꞌojirsan chic ja rewanma, camic ixpartiꞌin chic chi neban ja samaj xin Dios in camic ixcꞌulun chic rmal ja Dios, arjaꞌ rbanon chic chewe caniꞌ mta ewil emac ebanon. Pro xa rmal ja xa jun ebanon ruqꞌuin ja kajaw Jesucristo chewiꞌ tok banon queriꞌ chewe in rmal chakajaꞌ ja samaji pa tak ewanma ja rEspíritu Santo ja takonto rmal ja katataꞌ Dios. 
\s * * * * * * * * * * 
\p 
\v 12 Ni katzij wiꞌ chi cꞌo nukꞌaꞌ tre nojelal pro xarwariꞌ wi pa tak rubey ncoj wiꞌ como cꞌo jeꞌe ja mta utzil rcꞌamonto. Cꞌo nukꞌaꞌ tre nojelal pro ni majun ngana xtibe ta nucꞌuꞌx ruqꞌuin jun nakun ja wi ma pa rubey ta ncoj wiꞌ in xquinoc ta pa rukꞌaꞌ arjaꞌ, jariꞌ ma can ta. 
\v 13 Ja tre kaway ni ja wiꞌ rsamaj chi nnojsaj kapan in tre kapan chakajaꞌ ni ja wiꞌ rsamaj chi nsamajij ja way ja nkatij pro jariꞌ nerilaꞌ na jun kꞌij tok mchita way mchita kapan como ja Dios nuqꞌuis na chi caꞌiꞌ. Pro ja tre kacuerpo ma ja ta rsamaj ja xkoꞌoc ta cuqꞌuin ixokiꞌ ja wi ma kixjayilal ta, jariꞌ ma rubey ta. Pro ja rsamaj ja kacuerpo jariꞌ chi noqui jun samajbal rxin ja kajaw Jesucristo in chakajaꞌ ja kajaw Jesucristo arjaꞌ nuban cuenta ja kacuerpo. 
\v 14 Ja Dios arjaꞌ xuyic ja kajaw Jesucristo chipan ja camíc in nokruyic na ajoj chipan chakajaꞌ. Arjaꞌ nucoj na ja poder ja cꞌo ruqꞌuin in nokcꞌastaj rmal. 
\v 15 ¿La ma ewotak ta cꞌa chi ja recuerpo ixix jariꞌ ocnak miembro jeꞌe rxin ja rcuerpo ja Cristo? ¿La rubey ta cꞌariꞌ nechꞌob ixix newasajel jeꞌe miembro rxin ja rcuerpo ja Cristo in necoj chic ruqꞌuin ja rcuerpo jun itzel ixok? Ja queriꞌ congana itzel na. 
\v 16 ¿La ma ewotak ta cꞌa chi ja tok natoc ruqꞌuin jun itzel ixok jariꞌ xa jun cuerpo naban ruqꞌuin? Queriꞌ nbij chewe como cꞌoli tzꞌibtal can chipan ja rtzobal Dios quewaꞌ nbij riꞌ: —Ja jun cꞌulaj winak xa jun cuerpo nqueban, neꞌe. 
\v 17 Pro ja tok xa jun naban ruqꞌuin ja kajaw Jesucristo jariꞌ xa jun espíritu naban ruqꞌuin. 
\v 18 Ja natoc ruqꞌuin jun ixok ja ma awixjayil ta jariꞌ ma teyaꞌ ta ewiꞌ ixix tre, quixanmaj chwach. Ja tok naban jeꞌe ja ritzelal ma ni ta tre ja racuerpo naban wiꞌ itzel pro ja tok natoc ruqꞌuin jun ixok ja ma awixjayil ta jariꞌ ni tre ja racuerpo naban wiꞌ itzel. 
\v 19 ¿La ma ewotak ta cꞌa chi ja recuerpo jariꞌ ocnak rochoch ja rEspíritu Santo in ja rEspíritu Santo arjaꞌ xa jun rbanon ewqꞌuin? ¿La ma ewotak ta cꞌa chi Dios yoyon chewe chi queriꞌ ebanon in mta ekꞌaꞌ ixix tre ja recuerpo? 
\v 20 Queriꞌ nbij chewe como ja Dios arjaꞌ cꞌoli xutoj ja xixrlokꞌbej. Como ix rxin chic ja Dios rmalcꞌariꞌ nbij chewe, ja ta neban tre ja recuerpo xtoc ta yaꞌbal rukꞌij ja Dios in queriꞌ ta cꞌa neban tre ja respíritu ewxin chakajaꞌ como rxin Dios chi caꞌiꞌ. 
\c 7 
\s * * * * * * * * * * 
\p 
\v 1 Ja cꞌa camic noktzijon chic tre ja xecꞌwaxaj chwe chipan ja carta ja xetak wqꞌuin. Ja chwe anin, jun achi wi ni mta wiꞌ rxjayil ncanoj jariꞌ utz, mta nuban. 
\v 2 Pro como congana benak pa nim ja nemacun achiꞌiꞌ cuqꞌuin ixokiꞌ mejor ja neban, ja rix achiꞌiꞌ queꞌecanoj jujun ewixjayilal in queriꞌ chewe ixix ja rix ixokiꞌ chakajaꞌ, queꞌecanoj jujun ewachajilal. 
\v 3 Jun achi arjaꞌ yatal trij chi nuyaꞌ rgana ja rxjayil in queriꞌ tre jun ixok chakajaꞌ yatal trij chi nuyaꞌ rgana ja rchajil. 
\v 4 Ja rixok mta moda maquita xtuyaꞌ rcuerpo tre ja rchajil como ja rachi cꞌo rukꞌaꞌ tre rcuerpo ja rxjayil. In queriꞌ tre ja rachi chakajaꞌ mta moda maquita xtuyaꞌ rcuerpo tre ja rxjayil como ja rixok cꞌo rukꞌaꞌ tre rcuerpo ja rchajil. 
\v 5 Ja rixok maxta tibij tre rchajil chi ma can ta in ja rachi maxta tibij tre rxjayil chi ma can ta chakajaꞌ. Pro wi cꞌo jeꞌe ja junan nquechꞌob chi mta nqueban, wi nquipartiꞌij jun tiempo quiꞌ chi solo oración nqueban jariꞌ utz. Xar maxta chijutij tiqueban queriꞌ, chaka jalal matiquecochꞌ in netakchiꞌix rmal ja Satanás. 
\p 
\v 6 Ja cꞌa xinbij chewe riꞌ ewqꞌuin cꞌo wiꞌ wi neban owi mani, jawaꞌ ma jun mandamiento ta. 
\v 7 Pro ja ngana anin yatajnak chi ta na chique canojel ja rachiꞌiꞌ ja caniꞌ yatajnak anin chwe. Pro ja Dios cꞌoli ryaꞌon chake chikajujunal, junwiꞌ yatajnak tre jun in junwiꞌ chic yatajnak chic tre jun. 
\p 
\v 8 Ja cꞌa rixix ja ma ixcꞌulan ta in ixix chakajaꞌ ja recamnak chic ja rewachajilal quewaꞌ nbij chewe riꞌ, ja wi neban ixix ja caniꞌ nbanon anin, wi matecanoj jun ewachbil jariꞌ utz. 
\v 9 Pro wi matecochꞌ mejor quixcꞌuleꞌe. Queriꞌ nbij chewe como ma utz ta ja tok lawuloꞌ naban rmal ja chaka benak chi nayarij rwach jun ixok owi jun achi. 
\p 
\v 10 Ja cꞌa rixix ja rixcꞌulani cꞌoli xtinbij chewe camic pro jawaꞌ jun mandamiento yaꞌon can rmal ja kajaw Jesucristo, quewaꞌ nbij riꞌ: —Ja rix ixokiꞌ maxta queꞌejach can ja rewachajilal. 
\v 11 Ja cꞌa wi xqueꞌejach can quixqꞌuejeꞌ cꞌa chi queriꞌ, maxta quixcꞌuleꞌ chic jutij, owi nechomij chic jutij ewiꞌ cuqꞌuin jariꞌ utz. In chakajaꞌ ja rix achiꞌiꞌ maxta queꞌejach can ja rewixjayilal. Queriꞌ nbij ja mandamiento ja ryaꞌon can ja kajaw Jesucristo. 
\p 
\v 12 In chakajaꞌ cꞌoli xtinbij chewe ixix kachꞌalal ja recꞌamon jun ixok ja ma rniman ta ja kajaw Jesucristo pro jawaꞌ ja xtinbij chewe riꞌ mta bin can tre rmal ja kajaw Jesucristo. Quewaꞌ nbij chewe riꞌ, ja wi conforme ja rixok chi nqꞌuejeꞌ ewqꞌuin maxta tejach can. 
\v 13 In queriꞌ chewe ixix chakajaꞌ kachꞌalal ja recꞌamon jun achi ja ma rniman ta ja Jesucristo, ja wi conforme ja rachi chi nqꞌuejeꞌ ewqꞌuin maxta tejach can chakajaꞌ. 
\v 14 Queriꞌ nbij chewe como e xin Dios ja rewachajilal ja ma quiniman ta ja Jesucristo. Como ixix eniman ja Jesucristo in como xa jun quibanon ja rewachajilal ewqꞌuin xa chewiꞌ tok e xin Dios. In queriꞌ cꞌa chewe ixix chakajaꞌ kachꞌalal achiꞌiꞌ, e xin Dios ja rewixjayilal ja ma quiniman ta ja Jesucristo pro xa rumac ja xa jun quibanon ewqꞌuin tok banon queriꞌ chique. Ja cꞌa wixta ma e xin Dios ta ja cꞌa rewalcꞌwal e junan ta cꞌariꞌ cuqꞌuin calcꞌwal winak ja ma cotak ta rwach ja Dios. Pro ja rewalcꞌwal ixix ejeꞌeꞌ e xin Dios, epartiꞌin. 
\v 15 Pro xa nak ta chewe kachꞌalal wi achi owi ixok wi nrajoꞌ ja rawachbil natrujach can in wi ma rniman ta ja Jesucristo tayaꞌaꞌ lugar tre chi nbe. Ja cꞌa wi natrujach can jariꞌ ma atximon chi ta ruqꞌuin. Como ja Dios arjaꞌ nrajoꞌ chake chi quiꞌil nokqꞌuejeꞌe in rmalariꞌ tok xokrsiqꞌuij, ma rmal ta chi nkaban sícꞌ chꞌaꞌoj. 
\v 16 Kachꞌalal ixokiꞌ ¿la ewotak cꞌa chi nixcowini neꞌechꞌec ja rewachbil chi nquewil ja totajem xin Dios? In ixix chakajaꞌ kachꞌalal achiꞌiꞌ ¿la ewotak cꞌa chi nixcowini neꞌechꞌec ja rewachbil chi nquewil ja totajem xin Dios? 
\p 
\v 17 Xarwariꞌ nbij chewe chejujunal, ja yatajnak chewe rmal ja kajaw Jesucristo quixqꞌuejeꞌ conforme ruqꞌuin. Ja rixocnak wiꞌ tok xixsiqꞌuix rmal ja Dios quixqꞌuejeꞌ conforme ruqꞌuin chakajaꞌ. Ja cꞌa xinbij chewe riꞌ jariꞌ nbij chique canojel ja kachꞌalal xa nak ta chi iglesiaꞌal ecꞌo wiꞌ. 
\v 18 Ja tok xatsiqꞌuix rmal ja Dios wi atbanon chic circuncidar triꞌ maxta tayoj ja rawetal chi atbanon circuncidar. Nowi ma atbanon ta circuncidar triꞌ maxta catban chic circuncidar. 
\v 19 Ma ja ta vale ja natban circuncidar in ma ja ta vale chakajaꞌ ja macatban circuncidar pro ja más vale jariꞌ tok nanimaj nojel ja nbij ja Dios chawe chi naban. 
\v 20 Ja rixocnak wiꞌ ja tok xixsiqꞌuix rmal ja Dios quixqꞌuejeꞌ conforme ruqꞌuin, queriꞌ nbij chewe chejujunal. 
\v 21 Ja tok xatsiqꞌuix rmal ja Dios ja wi at esclavo atocnak wiꞌ pa rukꞌaꞌ ja rapatrón chꞌenchilaꞌ, ma catoclaꞌ ta il tre. Pro wi ntzujux chawe chi natel libre pa rukꞌaꞌ ja rapatrón mejor catel cꞌa pa rukꞌaꞌ. 
\v 22 Ja wi at esclavo tok xatsiqꞌuix rmal ja Dios in tok xanimaj ja kajaw Jesucristo chꞌenchilaꞌ como atwasanel chic libre pa rukꞌaꞌ ja il mac, at rxin chic ja kajaw Jesucristo. Ja cꞌa wi ma at esclavo ta tok xatsiqꞌuix rmal ja Dios pro kas turkaj chawe chi at esclavo chic rxin ja Cristo chi arjaꞌ nbano mandar awxin. 
\v 23 Ja Dios cꞌoli xutoj ja xixrlokꞌbej, pa rukꞌaꞌ chic ixcꞌo wiꞌ, maxta teyaꞌ ewiꞌ pa quekꞌaꞌ winak chi xquixqueban ta mandar chi rbanic ja ma rvoluntad ta arjaꞌ. 
\v 24 Queriꞌ cꞌa nbij chewe wachꞌalal chejujunal, ja rixocnak wiꞌ ja tok xixsiqꞌuix rmal ja Dios quixqꞌuejeꞌ conforme ruqꞌuin in turkaj chewe chi Dios cꞌol ewqꞌuin. 
\p 
\v 25 Ja cꞌa rixix ja ni mta wiꞌ ewachbil ecanon cꞌoli xtinbij chic chewe riꞌ. Ja xtinbij chewe riꞌ mta bin can tre rmal ja kajaw Jesucristo pro jun paxbanem nyaꞌ anin chewe. Xarwariꞌ, yatal chewe chi nyukeꞌ ecꞌuꞌx ruqꞌuin ja paxbanem nyaꞌ chewe pro xa rmal ja yatajnak chwe rmal ja kajaw Jesucristo tok nbij queriꞌ chewe como arjaꞌ xpokonaj nwach, xuyaꞌ chwe chi inocnak apóstol rxin. 
\v 26 Rmalcꞌariꞌ nbij chewe, ja rixocnak wiꞌ camic quixqꞌuejeꞌ conforme ruqꞌuin. Queriꞌ nbij chewe como cꞌo jun cꞌayewalaj tiempo penak chikawach. 
\v 27 Caniꞌ nbin chic chique ja kachꞌalal ja cꞌo quixjayilal maxta tiquechꞌob chi nequeyaꞌ can. Ja cꞌa wi mta awixjayil maxta tachꞌob chi nacanoj. 
\v 28 Pro ja wi natcꞌuleꞌe jariꞌ ma xajan ta in queriꞌ cꞌa tre jun xtan chakajaꞌ, ma xajan ta ja wi ncꞌuleꞌe. Xar nbij chewe, wi nixcꞌuleꞌe cꞌo jeꞌe rpokonal newil na chipan ja recꞌaslemal rmal in ja ngana anin maquita nixkꞌax chipan awaꞌ rpokonal riꞌ. 
\p 
\v 29 Bien tecꞌwaxaj ja xtinbij chewe riꞌ wachꞌalal, xa patali ja tiempo ja yatajnak chake in congana nban recomendar chewe chi maxta cꞌoli nak ta xtikꞌilo ta ewxin chi rbanic cumplir xa nak ta nrajoꞌ ja Dios chewe chi neban. Ja wi cꞌol awixjayil maxta tibe acꞌuꞌx ruqꞌuin in rmaltariꞌ maquita naban cumplir ja nrajoꞌ ja Dios chawe chi naban. 
\v 30 Owi bis okꞌej amajon maxta rmal ja bis okꞌej maquita naban cumplir. Owi quicotemal amajon maxta rmal ja quicotemal maquita naban cumplir. Ja cꞌa tok cꞌo jeꞌe nalokꞌ maxta tibe acꞌuꞌx ruqꞌuin in rmaltariꞌ maquita naban cumplir. 
\v 31 Maxta congana tibe ecꞌuꞌx ruqꞌuin nakun jeꞌe waweꞌ chwachꞌulew in rmaltariꞌ maquita neban cumplir xa nak ta nrajoꞌ ja Dios chewe chi neban. Queriꞌ nbij chewe como jawaꞌ rwachꞌulew riꞌ xa rmajon kꞌaxem. 
\p 
\v 32 Ja cꞌa nwajoꞌ chewe, maquita cꞌo rjawaxic chewe chi nebisoj ja xin rwachꞌulew. Tacꞌa jun achi wi mta rxjayil xa jaꞌ nbisoj ja xin kajaw Jesucristo in quewaꞌ nuchꞌob kaj pa ranma riꞌ: —Anin nwajoꞌ nyaꞌ rgana ja wajaw Jesucristo xa nak ta nrajoꞌ chwe chi nban, neꞌe. 
\v 33 Pro wi cꞌo rxjayil jariꞌ cꞌo rjawaxic tre chi nbisoj ja xin rwachꞌulew chakajaꞌ, rjawaxic tre chi nuchꞌob nak rgana ja rxjayil tre chi nuban. 
\v 34 In queriꞌ cꞌa chique chakajaꞌ ja rixokiꞌ, ja cꞌo rchajil junwiꞌ nbisoj in junwiꞌ na nbisoj ja mta rchajil rcanon. Jun ixok wi mta rchajil xa jaꞌ nbisoj ja xin kajaw Jesucristo in quewaꞌ nuchꞌob kaj pa ranma riꞌ: —Anin nwajoꞌ npartiꞌij wiꞌ chi solo ja xin Dios nbisoj pro ni chi in jun, neꞌe. Pro wi cꞌo rchajil jariꞌ cꞌo rjawaxic tre chi nbisoj ja xin rwachꞌulew chakajaꞌ, rjawaxic tre chi nuchꞌob nak rgana ja rchajil tre chi nuban. 
\p 
\v 35 Ja cꞌa xinbij chewe riꞌ ma wxin ta nwajoꞌ chewe, ma puersa ta nban chewe chi maquixcꞌuleꞌe. Pro ja kas nwajoꞌ chewe chi utz nixeli, ja kas ngana anin ni ta ja wiꞌ ja kajaw Jesucristo nechꞌob in ma junwiꞌ chi ta nbe wiꞌ epensar. 
\p 
\v 36 Pro jun tatixel wi nuchꞌob chi ma rubey ta ja maquita nuyaꞌ ja rmeꞌal pa cꞌulbic, wi nutzꞌat chi xa nrajiꞌx más ja rmeꞌal in wi nutzꞌat chi rjawaxic chi nuyaꞌ pa cꞌulbic jariꞌ tibanaꞌ janiꞌ rchꞌobon, tiyaꞌaꞌ lugar tre ja rmeꞌal chi necꞌuleꞌ ruqꞌuin ja ralaꞌ, jariꞌ ma xajan ta ja nuban. 
\v 37 Pro jun tatixel wi bien rotak chi mta nuban ja maquita nuyaꞌ ja rmeꞌal pa cꞌulbic, wi nutzꞌat chi ma rjawaxic ta chi nuyaꞌ in wi cꞌo rukꞌaꞌ tre chi nuyaꞌ owi mani in wi bien rchꞌobon kaj pa ranma chi mejor ja ni maticanoj wiꞌ rchajil ja rmeꞌal jariꞌ utz ja nuban. 
\v 38 Queriꞌ cꞌa rbanic, jun tatixel wi nuyaꞌ ja rmeꞌal pa cꞌulbic jariꞌ utz ja nuban in chakajaꞌ wi matuyaꞌ ja rmeꞌal pa cꞌulbic jariꞌ más na utz ja nuban. 
\p 
\v 39 Jun kachꞌalal ixok arjaꞌ chapon rmal ja ley xin Dios chi matiquejach quiꞌ ruqꞌuin ja rchajil jaruꞌ pa tiempo ncꞌaseꞌe ja rchajil. Pro ja wi ncami ja rchajil jariꞌ libre chic ja kachꞌalal chi ncꞌuleꞌ chic jutij xa nak ta cꞌo rgana nucꞌam pro xarwariꞌ wi yukul rucꞌuꞌx ja rachi ruqꞌuin ja kajaw Jesucristo. 
\v 40 Pro ja chwe anin más na quiꞌil tre ja wi maticꞌuleꞌ chic in ja nchꞌob anin chi inucꞌan rmal ja rEspíritu Santo chakajaꞌ. 
\c 8 
\s * * * * * * * * * * 
\p 
\v 1 Ja cꞌa camic wachꞌalal nwajoꞌ noktzijon ewqꞌuin tre ja tiꞌij ja noc sacrificio chwach rachbal jun winak owi chwach rachbal jun nakun. Caniꞌ nebij: —Jariꞌ kotak chic kanojel, nixcheꞌe. Pro ja tok congana ewotak jariꞌ ma cꞌayew ta ja kas ix nimak nenaꞌ kaj rmal pro ja tok newajoꞌ ewiꞌ jariꞌ cꞌo qꞌuiyem rcꞌamonto chibil tak ewiꞌ tre ja yukulbal ecꞌuꞌx ruqꞌuin ja Jesucristo. 
\v 2 Ja wi cꞌoli awotak in wi kas nim nanaꞌ kaj rmal jariꞌ majaꞌn tawotakij chi mta noc wiꞌ ja rawotak ja wi ma rachbil ta ja rajoben riꞌil. 
\v 3 Pro ja wi nawajoꞌ ja Dios jariꞌ natruban reconocer ja Dios chi at rxin. 
\p 
\v 4 Ja cꞌa tre ja tiꞌoj tiꞌij ja ntzujux chwach rachbal jun winak owi chwach rachbal jun nakun quewaꞌ nbij chewe riꞌ. Bien kotak chi ja rachbal jun winak owi rachbal jun nakun waweꞌ chwachꞌulew arjaꞌ ma dios ta, ni majun rcꞌaslemal, bien kotak chi xa jun ja Dios, mchita jun. 
\v 5 Masqui ja winak nquibij chi e qꞌuiy ja dios ja recꞌo chicaj in chwach ja rwachꞌulew pro ajoj kotak chi xa jun ja Dios. Congana e qꞌuiy ja nbix chique chi: —Ixix ix kadios, necheꞌxi, in e qꞌuiy chakajaꞌ ja nbix chique chi: —Ixix ix kajaw, necheꞌxi. 
\v 6 Pro ja cꞌa rajoj bien kotak chi xa jun ja Dios, arjaꞌ Tatixel, ruqꞌuin arjaꞌ winakarnakto wiꞌ nojelal ja winakarsanto jeꞌe, arjaꞌ winakarsyon kaxin utzcꞌa chi nokoc ok yaꞌbal rukꞌij. In bien kotak chakajaꞌ chi xa jun ja kajaw jariꞌ Jesucristo, arjaꞌ cojon rmal ja Dios chi rwinakarsaxic nojelal ja winakarsanto jeꞌe in rmal arjaꞌ tok cꞌo jun cꞌacꞌa cꞌaslemal yatajnak chic chake. 
\p 
\v 7 Ixix nebij chi: —Jariꞌ kotak chic, nixcheꞌe, pro ecꞌoli ja kachꞌalal ja majaꞌn ticotakij como ecꞌo jujun ja nquechꞌob chi cꞌoli rcꞌaslemal ja rachbal jun winak owi rachbal jun nakun. Ejeꞌeꞌ ni cꞌamonnakto wiꞌ chique chi queriꞌ nquechꞌob. Ja cꞌa wi chaka jalal quetiꞌ juleꞌ tiꞌij ja tzujun chwach rachbal jun winak owi chwach rachbal jun nakun ja nquechꞌob ejeꞌeꞌ chi junwiꞌ chi na dios ja queyaꞌ rukꞌij in numaj tiꞌonem ja canma rmal. Ja canma como majaꞌn ticowir chipan ja rtzobal Dios chewiꞌ tok ntiꞌoni. 
\v 8 Ja cꞌa nkatiꞌ waweꞌ chwachꞌulew ma ja tariꞌ ntoꞌo kaxin ja tok xkoꞌekaji chwach ja Dios. Ja wi nkatiꞌ ja tiꞌij jariꞌ ni majun utzil rcꞌamonto tre ja kanma in wi matikatiꞌ ni majun itzel rcꞌamonto tre ja kanma chakajaꞌ. 
\v 9 Xarwariꞌ tebanaꞌ cuenta, masqui ix libre chi netiꞌ ja tiꞌij ja tzujun chwach rachbal jun winak owi chwach rachbal jun nakun pro maxta xa rumac ja rix libre tok xqueyojtaji ja kachꞌalal ja cꞌa nquechꞌob na chi maxla xajan ntiꞌi. Maxta cꞌoli nak ta teban ja xqueꞌetakchibej ta chi nquetiꞌ. 
\v 10 Tacꞌa atat, wi attzꞌubul chipan jun templo ja bar ntzujux wiꞌ sacrificio chwach rachbal jun winak in wi amajon rtiꞌic ja tiꞌij ja rocnak sacrificio, in wi cꞌo jun kachꞌalal natrutzꞌat chi amajon rtiꞌic maxla arjaꞌ numaj chic rtiꞌic chakajaꞌ pro xa amwal atat como arjaꞌ rotak chi congana awotak. Pro xa caꞌiꞌ rucꞌuꞌx tok nutiꞌ in numaj tiꞌonem ja ranma rmal. 
\v 11 Queriꞌ cꞌa nuban, xcꞌa rmal ja congana awotak atat xa chewiꞌ tok nyojtaji ranma ja kachꞌalal ja majaꞌn ticowiri, amac atat tok nyojtaji ja kachꞌalal pro makanaꞌ maquita cami ja Cristo pa rcuenta. 
\v 12 Ja cꞌa tok neban queriꞌ chique ja kachꞌalal jariꞌ il mac ja neban, xa nesoc ja canma pro makanaꞌ cowirnak chi ta cꞌa ja canma. Ja tok neban queriꞌ chique ja kachꞌalal jariꞌ ni chi Cristo neban wiꞌ chakajaꞌ. 
\v 13 Rmalcꞌariꞌ nbij chewe chi anin in conforme ruqꞌuin ja ni mchita wiꞌ tiꞌij xtintij ta chwach ja xtiyojtaji ranma jun wachꞌalal mwal. Ja wachꞌalal wi cꞌo jun comida nuchꞌob chi xajan nutiꞌ jariꞌ mta moda xtintakchiꞌij ta chi rtiꞌic. 
\c 9 
\s * * * * * * * * * * 
\p 
\v 1 Pro ¿la ma in libre ta cꞌa anin chakajaꞌ? ¿La ma in apóstol ta cꞌa? ¿La ma ntzꞌaton ta cꞌa rwach ja kajaw Jesucristo? Ja cꞌa rixix ¿la ma rmal ta cꞌa ja samaj yatajnak chwe rmal ja kajaw Jesucristo tok xa jun ebanon chic ruqꞌuin? 
\v 2 Masqui ecꞌoli ja nebini chi ma in apóstol ta pro ja chewe ixix bien ewotak chi in apóstol. Ewotak como ixix mismo ixocnak retal chi in apóstol, ix retal como xenimaj ja kajaw Jesucristo ja tok xinyaꞌ rbixic chewe. 
\v 3 Ja cꞌariꞌ ntobej wiꞌ chiquewach ja winak ja nebini chi ma in apóstol ta. 
\p 
\v 4 Ja camic ¿la mta cꞌa kakꞌaꞌ ajoj chewe chi noketzuk ja tok nkaban ja samaj xin Dios checojol? 
\v 5 In jun chic ¿la mta kakꞌaꞌ tre chakajaꞌ chi nekacanoj jujun kachꞌalal ixokiꞌ chi neꞌoc kixjayilal in nekacꞌamel ja tok nekayaꞌaꞌ rbixic ja rtzobal Dios caniꞌ quibanon ja juleꞌ chic apóstol in caniꞌ quibanon ja rchꞌalal ja kajaw Jesucristo in caniꞌ rbanon ja Cefas? 
\v 6 Owi maxla xa nuyon anin wachbil Bernabé ja mta kakꞌaꞌ tre chi noketzuk. ¿La xa kayon ajoj ja kas puersa noksamaj ruqꞌuin kakꞌaꞌ chi nkatzukbej kiꞌ nechꞌob ixix? 
\v 7 Pro ¿la cꞌo ta cꞌa jun soldado benak pa zona ja maquita xtitzuki in xta arjaꞌ xtutzuk ta riꞌ ruyon? ¿La cꞌo ta cꞌa jun ajticolaꞌ xtutic ta rtijcoꞌm in maquita xtutij jalal rwach ja rtijcoꞌm tok xtelto? ¿La cꞌo ta cꞌa jun yukꞌul tak chicop in maquita xtiyataj jalal leche quixin tre? 
\v 8 ¿La xcꞌa nnaꞌoj anin nuyon ja cꞌa xinbij kaj chewe riꞌ nechꞌob ixix? ¿La ma queriꞌ ta cꞌa nbij ja ley xin Dios chakajaꞌ? 
\v 9 Queriꞌ caniꞌ nbij ja ley xin Dios ja tzꞌibtal can rmal ja Moisés quewariꞌ: —Ja wacax tok quimajon rchꞌayic ja trigo maxta tacoj quibozal, neꞌe. Pro ¿la cumal wacax tok xuyaꞌ ja jun ley riꞌ ja Dios 
\v 10 owi la kumal ajoj? Ni kumal wiꞌ ajoj tok xuyaꞌ como jun ajchonlaꞌ tok nuban chenoj xa nak ta chi chenojal arjaꞌ ni yatal wiꞌ tre chi nquicoti chi raybexic nak kꞌij xtiyataj jalal ja cosecha tre. 
\v 11 In queriꞌ cꞌa chake ajoj chakajaꞌ, wi cꞌoli ja rtzobal Dios katicon pa tak ewanma ¿la ma yatal ta cꞌa chewe ariꞌ chi neyaꞌ jalal chake ja cꞌol ewqꞌuin ja nkatzukbej kiꞌ? 
\v 12 Ja wi cꞌo quekꞌaꞌ juleꞌ chic chewe chi neyaꞌ jalal chique ja nquitzukbej quiꞌ pior cꞌa chake ajoj. Pro masqui cꞌo kakꞌaꞌ chewe pro ni mta wiꞌ kacꞌutuj ta chewe ja tok cꞌo rjawaxic chake. Pro ja kabanon, kacochꞌon kawach chipan nojelal. Ja chake ajoj más na utz nkacochꞌ nojelal chwach ja xta rmal tzuku riꞌil xtiwinakar ta jun problema in rmal ta cꞌariꞌ ja problema maquita xtibe más pa nim rbixic ja utzlaj tzij xin Jesucristo. 
\v 13 Pro jun chic nbij chewe riꞌ ¿la ma ewotak ta cꞌa chi ja raj Israel ja nesamaj chipan ja nimlaj templo ejeꞌeꞌ nquetzuk quiꞌ tre ja sacrificio jeꞌe ja noc chipan ja templo ja ntzujux chwach ja Dios? Caniꞌ chique sacerdote ja necojo sacrificio parwiꞌ ja raltar ejeꞌeꞌ cꞌo jalal ja sacrificio nyataj chique ja nquitzukbej quiꞌ. 
\v 14 In queriꞌ cꞌa chakajaꞌ ja rbin can ja kajaw Jesucristo chake ja nkayaꞌ rbixic ja utzlaj tzij ja rcꞌamonto. Como arjaꞌ xbij chi ja neyoꞌ rbixic ja utzlaj tzij jariꞌ mismo samaj nquitzukbej quiꞌ. 
\p 
\v 15 Pro masqui cꞌo nukꞌaꞌ tre nojelal ja xinbij chewe riꞌ pro ni ma ncꞌutun ta wiꞌ chewe ja ntzukbej wiꞌ in masqui nnataj chewe chipan awaꞌ jun carta riꞌ pro ma ja ta nwajoꞌ chewe chi neyaꞌ chic chwe. Como anin kas ninquicoti nbij chique ja winak chi matincꞌutuj ja cꞌo nukꞌaꞌ tre ja ntzukbej wiꞌ, jariꞌ wqꞌuin anin cꞌo wiꞌ in más na utz ja nincami chwach ja xtiwasax chwe awaꞌ jun nimlaj quicotemal riꞌ. 
\v 16 Pro ma wqꞌuin ta anin cꞌo wiꞌ ja tok nyaꞌ rbixic ja utzlaj tzij xin Jesucristo, jariꞌ ni chi nukul wiꞌ cꞌo wiꞌ wi nwajoꞌ owi mani, in tok nyaꞌ rbixic jariꞌ ni majun nak ta xtinbij ta chique winak ja xtinyaꞌ ta jutzꞌit nukꞌij rmal. Ja cꞌa wi matinyaꞌ rbixic ja utzlaj tzij xin Jesucristo jariꞌ congana lawuloꞌ chwe. 
\v 17 Como jawaꞌ samaj riꞌ ma wqꞌuin ta anin cꞌo wiꞌ wi nban owi matinban pro puersa nban na como yaꞌon chi nukul rmal ja Dios. Ja wixta xa jun samaj ja xa tzujun chwe jariꞌ cꞌo ta cꞌa nukꞌij nto̱j ariꞌ. 
\v 18 Pro jawaꞌ samaj riꞌ cꞌoli ja rtojbalil jariꞌ ja nimlaj quicotemal nnaꞌ kaj rumac ja ni majun pwok ncꞌam chique winak ja tok nyaꞌ rbixic ja utzlaj tzij xin Jesucristo chique. Masqui cꞌo nukꞌaꞌ tre chi ncꞌutuj ja ntzukbej wiꞌ tok nyaꞌ rbixic ja utzlaj tzij pro ni matincꞌutuj wiꞌ. 
\p 
\v 19 Queriꞌ cꞌa nbanon como ja kas ngana anin congana ta winak xquenuchꞌec chi nyukeꞌ quecꞌuꞌx ruqꞌuin ja Jesucristo. Masqui in libre pa quekꞌaꞌ ja winak xa nak ta chi winakil pro nuyon njachon wiꞌ pa quekꞌaꞌ pro ni pa quekꞌaꞌ canojelal utzcꞌa chi e qꞌuiy xquenuchꞌec chique. 
\v 20 Ja tok xinqꞌuejeꞌ chiquicojol ja wach tak aj Israel ma xenuban ta despreciar pro ja nqueban ejeꞌeꞌ queriꞌ xinban anin cuqꞌuin chakajaꞌ utzcꞌa chi nenuchꞌec. Ja cꞌa tok xinqꞌuejeꞌ chiquicojol ja recꞌo pa rukꞌaꞌ ja ley xin Dios ja tzꞌibtal can rmal ja Moisés ma xenuban ta despreciar pro ja nqueban ejeꞌeꞌ queriꞌ xinban anin cuqꞌuin chakajaꞌ masqui ma incꞌo chi ta pa rukꞌaꞌ ja ley. Queriꞌ xinban utzcꞌa chi nenuchꞌec. 
\v 21 Ja cꞌa tok xinqꞌuejeꞌ chiquicojol ja winak ja ma cotak ta ja ley xin Dios ma xenuban ta despreciar pro ja nqueban ejeꞌeꞌ queriꞌ xinban anin cuqꞌuin chakajaꞌ. Pro matibij tzij ariꞌ chi ni mta wiꞌ ley xinnimaj xinmestaj ta ja Dios, ma queriꞌ ta, como incꞌo pa rukꞌaꞌ ja ley xin Cristo. Queriꞌ cꞌa xinban ja caniꞌ nqueban ejeꞌeꞌ utzcꞌa chi nenuchꞌec. 
\v 22 Ja cꞌa tok xinqꞌuejeꞌ chiquicojol ja ma cow ta quewiꞌ canma ma xenuban ta despreciar pro ja nqueban ejeꞌeꞌ queriꞌ xinban anin cuqꞌuin chakajaꞌ utzcꞌa chi nenuchꞌec. Queriꞌ cꞌa nbanon chique canojel ja winak xa nak ta chi winakil, ma xenuban ta despreciar pro ja nqueban ejeꞌeꞌ queriꞌ xinban anin cuqꞌuin chakajaꞌ. Xa nak ta rjawaxic chi nban chiquicojol ja winak chi quitoꞌic ni ja wiꞌ nbanon utzcꞌa chi ecꞌoli chique nquewil ja totajem xin Dios mwal. 
\v 23 Ja kas ngana anin xtibe ta más pa nim rbixic ja utzlaj tzij xin Jesucristo chewiꞌ tok nmajon rbanic nojel awaꞌ samaj riꞌ. Queriꞌ nbanon utzcꞌa chi anin jun xquinquicot chipan ja rutzil ja rcꞌamonto ja utzlaj tzij xin Jesucristo chake. 
\p 
\v 24 Jun ejemplo nyaꞌ chewe riꞌ. Juleꞌ deportista tok nquepaj quiꞌ tre jun cꞌamcꞌoj anim ixix bien ewotak chi xa jun chique nchꞌecowi ja premio masqui canojel nquicꞌamcꞌaꞌ canim. In queriꞌ ta cꞌa neban ixix chakajaꞌ, congana tetijaꞌ ekꞌij chi rchꞌaquic ja premio xin Dios. 
\v 25 Mta jun deportista ja maquita nucoj riꞌ ruyon pa chꞌaꞌoj chi rcochꞌic nojelal ja tok ntijoj pon riꞌ tre ja tzꞌanem. Queriꞌ nqueban ja deportista utzcꞌa chi ejeꞌeꞌ nechꞌocmaji ja tok cꞌo jun tzꞌanem nbani pro ja premio nquechꞌec jariꞌ xa cꞌo qꞌuisic trij. Pro ja premio ja xtikachꞌec ajoj jariꞌ ni mta wiꞌ qꞌuisic trij. 
\v 26 Rmalcꞌariꞌ tok congana ncojon wiꞌ pa chꞌaꞌoj chi rchꞌaquic ja premio xin Dios in mta ariꞌ ja maquita ntzꞌelwachin pon ja bar xquinekaj wiꞌ. 
\v 27 Congana cow nchapon kaj wiꞌ nuyon, matinyaꞌ lugar tre ja ncuerpo xquinruban ta mandar nak cꞌo rgana nuban pro ja nbanon, anin ninbano mandar rxin. Congana lawuloꞌ ariꞌ ja wi anin nyaꞌ rbixic chique juleꞌ chic nak rjawaxic chi nqueban chi rchꞌaquic ja premio pro wi matinchꞌec anin. 
\c 10 
\s * * * * * * * * * * 
\p 
\v 1 Queriꞌ nbij chewe wachꞌalal como bien turkaj chewe nak queban ja katiꞌt kamamaꞌ ojer ja tok xeꞌelto pan Egipto. Mta jun chique ja maquita chajixi maquita waraxi chuxeꞌ ja sutzꞌ ja takto rmal ja Dios chi cucꞌaxic. Xekꞌax chipan ja mar in xetoꞌi pro ni canojelal. 
\v 2 Quejach quiꞌ pa rukꞌaꞌ ja Moisés pro ni canojelal chi arjaꞌ nucꞌan quixin, jariꞌ queban caniꞌ xeba̱n bautizar chipan ja sutzꞌ in chipan ja mar chakajaꞌ. 
\v 3 Quetij ja way xin Dios pro ni canojelal in xa jun rwach quetij. 
\v 4 Quetij ja yaꞌ xin Dios pro ni canojelal in xa jun rwach quetij chakajaꞌ. Como cꞌoli yaꞌ quetij ja pan abaj xelto wiꞌ in ja rabaj jariꞌ retal chi ja Cristo ni tran wiꞌ chiquij ja tok xekꞌax pa tak lugar jeꞌe. 
\v 5 Pro masqui yataj chique canojelal chi quetzꞌat ja nimak tak milagro ja cꞌa xinbij kaj chewe riꞌ pro xa e jun caꞌiꞌ chique ja ma xpi ta ryewal ja Dios chiquij. Queriꞌ nbij chewe como xa e jun caꞌiꞌ chique ja ma xqꞌuejeꞌ can ta quibakil chipan ja lugar ja chakijlaj ulew. 
\p 
\v 6 Ja cꞌa camic wachꞌalal nojel awaꞌ ja bantaj chique ja cꞌa xinbij kaj chewe riꞌ jariꞌ ocnak jun ejemplo chake, nokrxibej utzcꞌa chi matikayarij ajoj ja banoj itzelal ja caniꞌ queban ejeꞌeꞌ. 
\v 7 Maxta cꞌo rachbal jun winak owi rachbal jun nakun xteyaꞌ ta rukꞌij ja caniꞌ queban juleꞌ chique. Como ejeꞌeꞌ cꞌo jun nmakꞌij quecꞌul yaꞌbal rukꞌij rachbal jun wacax caniꞌ tzꞌibtal can quewariꞌ: —Ja winak xetzꞌabeꞌe in quemaj rbanic jun nimlaj waꞌim. Xeyictaji in quemaj rbanic jun itzel tzꞌanem. Jariꞌ quicꞌulbej rukꞌij ja rachbal wacax, neꞌe. 
\v 8 Maxta komacun cuqꞌuin ixokiꞌ ja caniꞌ queban juleꞌ chique. Como xuban jutij ecꞌoli chique queban ja il mac cuqꞌuin ixokiꞌ in e veintitrés mil ja xecam rmal pro jariꞌ mismo kꞌij xecami. 
\v 9 In jun chic, maxta kas kꞌalawachili tikamaj rcꞌambajaxic janiꞌ rpaciencia ja kajaw Dios xtikaban ta ja ma utz ta xtikabij ta chi mta nuban chake ja caniꞌ queban juleꞌ chique. Como xuban jutij ecꞌoli chique xetiꞌ cumal cumatz in xecami pro rumac ja xajutij quimajon rcꞌambajaxic rpaciencia ja kajaw Dios tok ban queriꞌ chique. 
\v 10 In jun chic, maxta temaj wixwotem xtechꞌaꞌ ta tre ja Dios ja nuban chewe ja caniꞌ queban juleꞌ chique ejeꞌeꞌ. Como xuban jutij ecꞌoli chique peti jun banol camíc xeꞌurcamsaj pro rumac ja wixwotem nqueban ja tok ban queriꞌ chique. 
\p 
\v 11 Nojel awaꞌ ja cꞌa xinbij kaj chewe riꞌ bantaji chijujunal utzcꞌa chi noc ejemplo chique ja winak chi nerxibej in tzꞌibtal can utzcꞌa chi noc jun paxbanem chake ajoj ja rokcꞌo chipan ja qꞌuisbal rxin nojel ja tiempo ja chominto jeꞌe rmal ja Dios. 
\v 12 Rmalcꞌariꞌ nbij chewe, ja wi congana cow ixpaꞌli nenaꞌ kaj kas tebanaꞌ cuenta, matzij quixkaj ixix chakajaꞌ. 
\v 13 Ja cꞌa rixix mta jun prueba ewilon chipan ja recꞌaslemal ja maquita ecꞌoli winak ekꞌaxnak chic chipan. Ja cꞌa Dios arjaꞌ matuyaꞌ lugar tre chi npi jun prueba chewij ja maquita nixcowini necochꞌ como arjaꞌ ni nuban wiꞌ cumplir ja rtzujun chake. Ja cꞌa wi xquixrcꞌambajaj chipan jun prueba pro nuyaꞌ na chewe chakajaꞌ nak ncꞌatzin chewe chi netoꞌ ewiꞌ chipan utzcꞌa chi nixcowini necochꞌ. 
\p 
\v 14 Rmalcꞌariꞌ chakꞌlaj wachꞌalal ja tok nbij chewe, majutij teyaꞌ rukꞌij rachbal jun winak owi rachbal jun nakun. 
\v 15 Ixix cꞌol enaꞌoj, bien cꞌa techꞌoboꞌ rij rwach ja xtinbij chewe riꞌ. 
\v 16 Ja tok nkanataj rcamic ja Cristo cꞌo jun vaso vino nkamaltioxij tre ja Dios in nkatij. Ja tok nkatij ¿la ma jun ta cꞌariꞌ nkaban ruqꞌuin ja Cristo nechꞌob ixix? como ja vino jariꞌ rquiqꞌuel. In chakajaꞌ cꞌoli ja caxlanway nkawechꞌ in nkatij. Ja tok nkatij ¿la ma jun ta cꞌariꞌ nkaban ruqꞌuin ja Cristo nechꞌob ixix chakajaꞌ? como ja caxlanway jariꞌ rcuerpo. 
\v 17 Como xa jun mismo caxlanway ja nkatij rmalcꞌariꞌ tok xa jun cuerpo kabanon masqui ok qꞌuiy. Queriꞌ rbanic como kanojel xa jun mismo caxlanway ja nkatij. 
\p 
\v 18 In tewasaj enaꞌoj trij chakajaꞌ ja nqueban ja tinamit Israel, ejeꞌeꞌ tok nquetiꞌ ja sacrificio jeꞌe ja ntzujux parwiꞌ ja raltar ¿la ma jun ta cꞌariꞌ nqueban ruqꞌuin ja Dios ja rajaw ja raltar nechꞌob ixix? 
\v 19 Camic maxla ecꞌoli chewe quewaꞌ quimajon rchꞌobic riꞌ: —Pro ¿nak cꞌa rbanic ja nbij chic ja Pablo leꞌ, la cꞌol ek rcꞌaslemal ja rachbal jun winak owi rachbal jun nakun? In chakajaꞌ ja tiꞌij ja noc sacrificio chwach rachbal jun winak owi chwach rachbal jun nakun ¿la cꞌol ek rcꞌamonto, la junwiꞌ na chwach xa nak ta chi tiꞌijal? maxla necheꞌ kaj. 
\v 20 Pro ma ja ta nbij chewe. Ja nbij chewe quewaꞌ rbanic riꞌ, ja winak ja ma cotak ta rwach ja Dios ejeꞌeꞌ tok cꞌo jeꞌe sacrificio nquitzujuj chwach rachbal jun winak owi chwach rachbal jun nakun jariꞌ chique demonio nquitzujuj wiꞌ in ma tre ta ja Dios. Ja cꞌa rixix ni majun ngana xta jun xteban ta cuqꞌuin demonio. 
\v 21 Ni majun moda xtetij ta ja vino rxin ja kajaw Jesucristo xteban ta jun ruqꞌuin in xtetij chi ta cꞌa ja vino quixin demonio xteban chi ta jun cuqꞌuin. Ni majun moda xtetij ta ja cꞌo chwach ja mesa rxin ja kajaw Jesucristo in xtetij chi ta cꞌa ja cꞌo chwach ja mesa quixin demonio. 
\v 22 Owi ¿la utz on nechꞌob ixix ja xta jun xtikaban cuqꞌuin demonio in xtiyictaj ryewal ja kajaw Jesucristo chakij rmal? ¿La más ta cꞌa kachokꞌakꞌ ajoj chwach arjaꞌ chi xkochꞌojin ta ruqꞌuin chewiꞌ? 
\s * * * * * * * * * * 
\p 
\v 23 Ni katzij wiꞌ chi cꞌo nukꞌaꞌ tre nojelal pro xarwariꞌ wi pa tak rubey ncoj wiꞌ como cꞌo jeꞌe ja mta utzil rꞌcamonto. Cꞌo nukꞌaꞌ tre nojelal pro cꞌo jeꞌe ja mta qꞌuiyem rcꞌamonto chake chibil tak kiꞌ tre ja yukulbal kacꞌuꞌx ruqꞌuin ja Jesucristo. 
\v 24 Maxta cꞌo jun chewe xta jaꞌ nuchꞌob ja cꞌo rcꞌamonto tre arjaꞌ ruyon pro ja nuban, tichꞌoboꞌ cꞌa ja cꞌo rcꞌamonto chique ja juleꞌ chic rachbil. 
\p 
\v 25 Ja cꞌa tre tiꞌij ja ncꞌayix pa cꞌaybal wi newajoꞌ netiꞌ tetiꞌaꞌ, mta nuban wi netiꞌ xa nak ta chi tiꞌijal pro xarwariꞌ maxta tecꞌwaxaj razón wi ocnak sacrificio ja tiꞌij chwach rachbal jun winak owi rachbal jun nakun, maxta quewaꞌ techꞌob kaj riꞌ: —Maxla xajan ntiꞌi jawaꞌ tiꞌij riꞌ, maxta quixcheꞌ kaj. 
\v 26 Utz ja wi netiꞌ como rxin ja kajaw Dios ja rwachꞌulew in rxin arjaꞌ chakajaꞌ nojelal ja cꞌo chwach ja rwachꞌulew. 
\p 
\v 27 Ja cꞌa tre jun winak ja ma rotak ta rwach ja Dios wi nixruban invitar chi nixewaꞌ ruqꞌuin in wi cꞌol egana nixbe jix. Ja cꞌa tok emajon waꞌim ruqꞌuin utz wi netiꞌ xa nak ta nucoj chewach, mta nuban pro xarwariꞌ ja tok nucoj chewach maxta tecꞌwaxaj razón wi ocnak sacrificio chwach rachbal jun winak owi chwach rachbal jun nakun, maxta quewaꞌ techꞌob kaj pa tak ewanma riꞌ: —Maxla xajan ntiꞌi jawaꞌ wariꞌ, maxta quixcheꞌ kaj. 
\v 28 Pro wi chaka jalal cꞌo jun nbin chewe: —Jalaꞌ natiꞌ leꞌ ocnak sacrificio chwach rachbal jun winak, wi neꞌ chewe, mejor ma tetiꞌ ta cꞌa. Como ja ranma arjaꞌ nbini chi xajan wi netiꞌ xa chewiꞌ tok nbij anin chewe chi ma tetiꞌ ta. Como ja rwachꞌulew rxin ja kajaw Dios in rxin arjaꞌ chakajaꞌ nojel ja cꞌo chwach ja rwachꞌulew. 
\v 29 Pro xcꞌa rumac ja nbij ja ranma arjaꞌ tok anin nbij chewe chi matetiꞌ in ma rumac ta ja nbij ja rewanma ixix. Queriꞌ nbij chewe como ni ma xajan ta wiꞌ wi nkatiꞌ, libre ja kanma in ma rubey ta cꞌo ta jun xtibij ta chake chi xajan. 
\v 30 Ja cꞌa wi nkamaltioxij tre ja Dios ja nkatiꞌ ma rubey ta cꞌariꞌ ja xta itzel nbix chake tok nkatiꞌ como nkamaltioxij tre. 
\p 
\v 31 Queriꞌ cꞌa rbanic wachꞌalal, ja tok cꞌoli waꞌim neban owi xa nak ta ja neban xarwariꞌ cꞌo ta rcꞌamonto tre ja xtiyabex rukꞌij ja Dios rmal. 
\v 32 Maxta cꞌoli teban ja xta ofensa rcꞌamonto chique winak, nixtacꞌa chique ta ja ma e kachꞌalal ta chi aj Israel chi ma aj Israel ta in nixtacꞌa chique ta chakajaꞌ ja kach tak ralcꞌwal Dios. 
\v 33 Caniꞌ nbanon anin chique winak xa nak ta chi winakil, ni mta wiꞌ nban chiquewach ja xa ofensa rcꞌamonto chique. Ma ja ta nchꞌob ja xa ruyon chwe anin cꞌoli rcꞌamonto pro ja cꞌoli rcꞌamonto chique ja juleꞌ chic jariꞌ nmajon rchꞌobic utzcꞌa chi ejeꞌeꞌ nquewil ja totajem xin Dios. 
\c 11 
\p 
\v 1 Ja caniꞌ nbanon anin chique winak wachꞌalal queriꞌ ta cꞌa neban ixix chique chakajaꞌ, tecꞌamaꞌ ja rejemplo wxin como anin chakajaꞌ ncꞌamon ja rejemplo rxin ja Cristo. 
\s * * * * * * * * * * 
\p 
\v 2 Ja cꞌa camic wachꞌalal, anin congana ninquicot chewij ja ni ninurkaj wiꞌ chewe ja tok cꞌoli xa nak ta ja neban, ninquicot chewij rmal ja remajon rnimaxic ja tijonem ja nyaꞌon can chewe. 
\v 3 Pro cꞌoli nwajoꞌ nchꞌob chewach riꞌ, ja cajaw canojel ja rachiꞌiꞌ jariꞌ ja Cristo, ja rajaw ja rixok jariꞌ ja rachi in ja rajaw ja Cristo jariꞌ ja Dios. 
\v 4 Jun achi tok arjaꞌ rmajon banoj oración owi rmajon ryaꞌic rbixic ja kꞌalasan chwach rmal ja Dios in wi cꞌoli ja rbotzben rwiꞌ jariꞌ xa ruqꞌuix ja rajaw nuyaꞌ. 
\v 5 Ja cꞌa tre jun ixok tok arjaꞌ rmajon banoj oración owi rmajon ryaꞌic rbixic ja kꞌalasan chwach rmal ja Dios in wi mta rbotzben rwiꞌ jariꞌ xa ruqꞌuix ja rajaw nuyaꞌ. Ja wi queriꞌ nuban ja rixok jariꞌ junan ruqꞌuin ja caniꞌ nsocaxel ja rsamal rwiꞌ pro ni nojelal. 
\v 6 Queriꞌ nbij chewe como ja rixok wi mta rgana nubotz rwiꞌ mejor tikupijel cꞌa ja rsamal rwiꞌ. Nowi xa qꞌuixbal tre jun ixok wi nkupixel ja rsamal rwiꞌ owi nsocaxel chi nojelal mejor ja nuban tibotzoꞌ cꞌa rwiꞌ. 
\v 7 Ja cꞌa rachi ma rubey ta ja wi nubotz rwiꞌ como arjaꞌ imagen rxin Dios in ruqꞌuin arjaꞌ natzꞌat wiꞌ chi congana nim rukꞌij ja Dios. Pro ja rixok ruqꞌuin arjaꞌ natzꞌat wiꞌ chi congana nim rukꞌij ja rachi. 
\v 8 Queriꞌ nbij chewe como ja tok kas tzꞌucarsaxi ja nabey achi ma ruqꞌuin ta ixok pi wiꞌ pro ja tok kas tzꞌucarsaxi ja rixok ruqꞌuin achi pi wiꞌ. 
\v 9 In jun chic, ja rachi ma rmal ta ja rixok tok tzꞌucarsaxi, ja tok tzꞌucarsaxi ja rixok jariꞌ rmal ja rachi tok tzꞌucarsaxi. 
\v 10 Rmalcꞌariꞌ tok nbij chewe chi jun ixok arjaꞌ yatal trij chi nubotz rwiꞌ como jariꞌ retal chi cꞌo rajaw paꞌl trij. Ja tok nubotz rwiꞌ jariꞌ utz nquetzꞌat ja ángel. 
\v 11 Pro ja kaniman ja kajaw Jesucristo xa ok junan chi achi chi ixok chake. Ja rachi ncꞌatzin ixok tre in ja rixok ncꞌatzin achi tre. 
\v 12 Queriꞌ nbij chewe como ja tok tzꞌucarsaxi ja nabey ixok ruqꞌuin achi pi wiꞌ in ja cꞌa camic tok nokalaxi ja rok achiꞌiꞌ ruqꞌuin ixok nokpi wiꞌ. Xarwariꞌ ni majun ja maquita ruqꞌuin Dios npi wiꞌ. 
\p 
\v 13 Techꞌoboꞌ kaj chi utz eyon, jun ixok ¿la yatal trij nechꞌob ixix chi nuban oración ruqꞌuin ja Dios ja wi ma rbotzon ta rwiꞌ? 
\v 14 Ixix bien ewotak chi jun achi ni rxin wiꞌ chi ma nimak ta ja rsamal rwiꞌ nowi nuyaꞌ lugar tre chi nimak neli caniꞌ jun ixok jariꞌ xa qꞌuixbal tre. 
\v 15 Pro jun ixok ni rxin wiꞌ chi nimak ja rsamal rwiꞌ jariꞌ caniꞌ jun adorno rwekben riꞌ. Como arjaꞌ yatajnak tre chi nimak ja rsamal rwiꞌ ocnak botzbal rwiꞌ. 
\v 16 Ja cꞌa wi cꞌo jun chewe ja ma conforme ta ruqꞌuin ja cꞌa xinbij kaj chewe riꞌ, wi solo nuchꞌaꞌ, tirotakij cꞌa chi ja wachbil xa junan nkachꞌob cuqꞌuin trewaꞌ wariꞌ in queriꞌ nkachꞌob cuqꞌuin ja juleꞌ chic iglesia chakajaꞌ xa bar ta triꞌ nquemol wiꞌ quiꞌ pa rubiꞌ ja Dios. 
\s * * * * * * * * * * 
\p 
\v 17 Pro anin maquinquicot chewij ja xtinbij chic chewe riꞌ wachꞌalal como ja tok nemol ewiꞌ mta qꞌuiyem rcꞌamonto tre ja yukulbal ecꞌuꞌx ruqꞌuin ja Jesucristo pro ja moloj riꞌil neban, na xa más na lawuloꞌ nixel rmal. 
\v 18 Como ecꞌoli nebin chwe chi ma jun ta neban ja tok nemol ewiꞌ chi rnataxic ja Jesucristo, jariꞌ xa división ja nixtajini neban. Jariꞌ ja nchꞌaꞌ chewe nabey. Anin matinnimaj nojel ja rewil nbixi pro can nnimaj ja bin chwe chi ma jun ta ebanon. 
\v 19 Nnimaj como cꞌo jeꞌe división nbantaj na checojol utzcꞌa chi nixcꞌambajaxi utzcꞌa chi bien nkꞌalajin na echinatak chewe ja kas katzij chi ncajoꞌ ja Dios. 
\v 20 Ja cꞌa tok nixekaj chipan ja lugar ja bar nemol wiꞌ ewiꞌ chi rbanic ja cena rxin ja kajaw Jesucristo ¿la katzij cꞌa chi rxin arjaꞌ ja cena neban nechꞌob ixix? Jariꞌ ma rxin ta ja neban. 
\v 21 Queriꞌ nbij chewe como ja tok nerilaꞌ ja hora xin waꞌim nemajlaꞌ rtijic eyon ja rewxin chejujunal, matewaybej na ewiꞌ in tok nqꞌuiswani ecꞌoli tak mebaꞌiꞌ chewe mta quixin neyaꞌ, ni nkꞌakꞌan wiꞌ quepan in ecꞌoli chewe xa nekꞌabari. 
\v 22 Ja cꞌa wi xa queriꞌ neban ¿nak tre tok ma pa tak ewochoch ta nixwaꞌ wiꞌ? ¿La mta laꞌan ewochoch chewiꞌ? Owi maxla xa itzel chic neꞌetzꞌat ja kachꞌalal ja re tinamit xin Dios tok neban queriꞌ, maxla xa egana neban chique ja tak mebaꞌiꞌ caniꞌ ma ecꞌo ta. Ja camic ¿nak nbij chewe nechꞌob ixix, la ninquicot chewij ja neban queriꞌ? Jariꞌ ma can ta. 
\p 
\v 23 Queriꞌ nbij chewe wachꞌalal como ma queriꞌ ta neban tre ja caniꞌ xincꞌut chewach. Como ja kꞌalasax chinwach anin rmal ja kajaw Jesús jariꞌ ja xincꞌut chic chewach ixix in quewaꞌ rbanic riꞌ. Ja kajaw Jesús jariꞌ akꞌaꞌ tok xajalal majaꞌn tijach pa quekꞌaꞌ ja winak ja xetzelan rxin, arjaꞌ xucꞌam ja caxlanway in xmaltioxij tre ja Dios. 
\v 24 Cꞌacꞌariꞌ xuwechꞌ ja caxlanway in quewaꞌ xbij chique ja rapóstol riꞌ: —Jawaꞌ caxlanway ja xinwechꞌ riꞌ jawaꞌ ncuerpo anin como ja xtiban tre ja ncuerpo caniꞌ nwechꞌi, nincamsax na pan ecuenta. Camic tecꞌamaꞌ in tetijaꞌ in nijawawaꞌ xtenatbej wxin, neꞌe. 
\v 25 Queriꞌ xuban chic tre ja jun vaso vino chakajaꞌ, ja tok colbetaji waꞌim rmal xucꞌam in quewaꞌ xbij chic chique riꞌ: —Ja vino ja cꞌo chipan ja vaso riꞌ jawaꞌ nquiqꞌuel ocnak rseguro ja cꞌacꞌa chominem ja rchomin ja Dios. Ja tok xtetij xa nak ta chi tiempoꞌal xtetij wiꞌ jeꞌe nijawawaꞌ xtenatbej wxin chakajaꞌ, neꞌe. 
\v 26 Queriꞌ cꞌa ja kas mero rbanic, jawaꞌ caxlanway riꞌ rachbil ja riyaꞌl uva tok xtetij xa nak ta chi tiempoꞌal xtetij wiꞌ jeꞌe jariꞌ caniꞌ neyaꞌ rbixic ja rcamic ja kajaw Jesucristo in cꞌa tokoriꞌ netanbaꞌ rtijic ja tok xtipi chic jutij. 
\p 
\v 27 Rmalcꞌariꞌ nbij chewe, xa nak ta xtitijowi ja caxlanway, xa nak ta xtitijowi ja vino ja nkanatbej rcamic ja kajaw Jesucristo in wi xa ma chꞌobol ta nuban tre rtijic jariꞌ xajan ja nuban, xa itzel nuban tre rcuerpo ja kajaw Jesucristo rachbil rquiqꞌuel. 
\v 28 Pro mejor ja neban, tecꞌambajaj kaj ja rewanma eyon janiꞌ ebanon chejujunal, cꞌa tokocꞌariꞌ utz netij ja caxlanway rachbil ja vino. 
\v 29 Queriꞌ nbij chewe como xa nak ta xtitijowi jawaꞌ caxlanway riꞌ rachbil ja vino in wi xa ma chꞌobol ta nuban tre rtijic jariꞌ xa castigo xin Dios nsiqꞌuij trij, xa matichꞌobtaj rmal nak ja kas mero rbanic ja cuerpo rxin ja kajaw Jesucristo. 
\v 30 Como xa ma chꞌobol ta neban tre rtijic ja cena rxin ja kajaw Jesucristo xa chewiꞌ tok e qꞌuiy chewe ja ma kas ta cꞌo quichokꞌakꞌ, xa e yawaꞌiꞌ in xa chewiꞌ chakajaꞌ tok e qꞌuiy chewe ja xecami. 
\v 31 Pro ja cꞌa wi ajoj mismo nkacꞌambajaj kaj ja kanma kayon in wi nkachomij ja ma utz ta kabanon jariꞌ mta ja castigo xin Dios xtipi ta chakij. 
\v 32 Pro ja tok cꞌoli ja castigo xin Dios npi chakij jariꞌ katijoxic nbani utzcꞌa chi makotakel chijutij chipan ja nimlaj rpokonal ja bar xquetakel wiꞌ ja winak ja xa ruqꞌuin rwachꞌulew yukul wiꞌ quecꞌuꞌx. 
\p 
\v 33 Queriꞌ cꞌa rbanic wachꞌalal in rmalariꞌ tok nbij chewe, ja tok nemol ewiꞌ chi rbanic ja waꞌim tewaybej na ewiꞌ, junan ta nixoqui pa waꞌim. 
\v 34 Ja cꞌa wi cꞌo jun chewe congana nkꞌakꞌan rupan in matucochꞌ mejor tiwaꞌel pa rochoch. Quirtariꞌ neban jutzꞌit utzcꞌa chi mta castigo xin Dios nesiqꞌuij chewij ja tok nemol ewiꞌ. Ja cꞌa tre ja juleꞌ chic razón ja xecꞌwaxaj chwe cꞌa tokoriꞌ xtinchomij ja tok xquinekaj ewqꞌuin. 
\c 12 
\s * * * * * * * * * * 
\p 
\v 1 Ja cꞌa camic wachꞌalal noktzijon jurata ewqꞌuin tre ja nkacochij jeꞌe tre ja rEspíritu Santo chi nokcowini nkabanbej ja samaj xin Dios, mta ngana ja maquita nchꞌobtaj emwal nak rbanic. 
\p 
\v 2 Ixix bien ewotak chi ja nabey chaka bar ta triꞌ xixcꞌamarel wiꞌ chipan juleꞌ tijonem ja ma tijonem xin Dios ta, xa cachbal winak xa rachbal nakun jeꞌe xeyaꞌ quekꞌij. Xeyaꞌ quekꞌij pro nixtacꞌa netzijon ta jutzꞌit. 
\v 3 Rmalcꞌariꞌ ja tok anin nchꞌob na chewach camic nak rbanic ja rEspíritu Santo. Ja tok cꞌo jun winak rmajon tzij xa nak ta chi winakil ja wi Espíritu Santo ucꞌayon rxin chi rbixic ja tzij arjaꞌ mta moda itzel ta xtitzijon ta tre ja Jesús. In chakajaꞌ ni majun winak xticowin ta xtibij ta tre ja Jesús chi arjaꞌ rajaw nojelal, xticheꞌ ta tre, ja wi maquita cꞌoli ja rEspíritu Santo ucꞌayon rxin chi rbixic. 
\p 
\v 4 Pro qꞌuiy rwach ja nkacochij jeꞌe tre ja rEspíritu Santo chi nokcowini nkabanbej ja samaj xin Dios pro xarwariꞌ xa jun mismo Espíritu Santo nsipan chake chi nojelal. 
\v 5 In qꞌuiy rwach chakajaꞌ ja samaj xin Dios pro xa jun mismo kajaw Jesucristo ja ncojo kaxin chi rbanic ja samaj. 
\v 6 In qꞌuiy rwach chakajaꞌ ja poder nkacoj chi rbanic ja samaj xin Dios pro xa jun mismo Dios ja nyoꞌ chake ja poder kanojelal xa nak ta chi poderal. 
\v 7 Pro cꞌoli nyataj chake rmal ja rEspíritu Santo chikajujunal chi nokcowini nkakꞌalasbej ja samaj ja nuban ja rEspíritu Santo chikacojol. Pro jariꞌ nyataj chake utzcꞌa chi nkatobej kiꞌ chibil tak kiꞌ. 
\v 8 Queriꞌ cꞌa rbanic como ecꞌo juleꞌ chake ja nyataj chique rmal ja rEspíritu Santo chi necowini nqueyaꞌ rbixic janiꞌ rnaꞌoj ja Dios. In ecꞌo cꞌa juleꞌ chic ja nyataj chique chi necowini nqueyaꞌ jun tijonem ja ncꞌu̱t chiquewach rmal ja mismo Espíritu Santo. 
\v 9 In ecꞌo na juleꞌ chic ja nyataj chique rmal ja mismo Espíritu Santo chi congana nim ja yukulbal quecꞌuꞌx ruqꞌuin ja Dios. Ecꞌo na juleꞌ chic ja nyataj chique rmal ja mismo Espíritu Santo chi necowini nequitzursaj winak tre yobilal jeꞌe. 
\v 10 Ecꞌo na juleꞌ chic ja nyataj chique chi necowini nqueban milagro, in juleꞌ chic nyataj chique chi cꞌo jeꞌe nkꞌalasax chiquewach rmal ja Dios chi nqueyaꞌ rbixic, in juleꞌ chic ja nyataj chique chi necowini nquechꞌob nak chi espirituꞌal cꞌayon quixin ja winak tok netzijoni, la Espíritu Santo owi ma Espíritu Santo ta. Ecꞌo na juleꞌ chic ja nyataj chique chi necowini netzijon chipan juleꞌ tzobal masqui ma cotakin ta ja tzobal in juleꞌ chic ja nyataj chique chi necowini nquikꞌaxaj ja tzij ja nbix chipan ja juleꞌ chic tzobal. 
\v 11 Pro xarwariꞌ, xa jun mismo Espíritu Santo ja nyoꞌ chake nojel awaꞌ samaj xin Dios ja cꞌa xinbij kaj chewe riꞌ, arjaꞌ nuyaꞌ kasamaj chikajujunal ja cꞌo rgana nuyaꞌ chake. 
\s * * * * * * * * * * 
\p 
\v 12 Caniꞌ rbanic ja racuerpo qꞌuiy rwach rcꞌan como cꞌo rukꞌaꞌ, cꞌo rkan, cꞌo parwach pro xa jun cuerpo rbanon. Nojel ja rcꞌan ja racuerpo masqui qꞌuiy rwach pro xa jun cuerpo rbanon. In queriꞌ cꞌa rbanic ja Cristo chakajaꞌ, masqui ok qꞌuiy ja yukul kacꞌuꞌx ruqꞌuin pro xa jun kabanon ruqꞌuin. 
\v 13 Queriꞌ nbij chewe como xa jun mismo Espíritu Santo xokbanbex bautizar kanojelal, xa jun cuerpo ban chake chi ok aj Israel chi ma ok aj Israel ta, chi ok esclavo chi ok libre, xa jun mismo Espíritu Santo ja xoc pa tak kanma chi nimlaj kanojelal. 
\p 
\v 14 Queriꞌ rbanic como jun cuerpo ma jun miembro ta rcꞌan, qꞌuiy rwach ja rcꞌan. 
\v 15 Tacꞌa ja rawakan xtibij ta chawe: —Anin como ma yatajnak ta chwe chi inocnak ta kꞌabaj chewiꞌ tok ni majun ngana xtinban ta jun ruqꞌuin ja racuerpo, xticheꞌ ta chawe, masqui queriꞌ nbij pro ni jun wiꞌ rbanon ja rawakan ruqꞌuin ja racuerpo. 
\v 16 In chakajaꞌ ja rawxquin xtibij ta chawe: —Anin como ma yatajnak ta chwe chi inocnak ta pawachaj chewiꞌ tok ni majun ngana xtinban ta jun ruqꞌuin ja racuerpo, xticheꞌ ta chawe, masqui queriꞌ nbij pro ni jun wiꞌ rbanon ja rawxquin ruqꞌuin ja racuerpo. 
\v 17 Ja racuerpo wixta pawachaj chi jun jariꞌ maticowin cꞌa ncꞌaxaj ariꞌ ja nbixi, o wixta xquinaj chi jun jariꞌ maticowin cꞌa nunaꞌ rxulaꞌ nakun ariꞌ chakajaꞌ. 
\v 18 Pro ja kas mero rbanic ja kacuerpo, ja Dios arjaꞌ chomini bar xucoj wiꞌ ja kakꞌaꞌ, bar xucoj wiꞌ ja kakan rachbil ja juleꞌ chic miembro rxin ja kacuerpo, arjaꞌ chaꞌowi bar xucoj wiꞌ chijujunal. 
\v 19 Ja racuerpo wixta pawachaj chi jun jariꞌ ma cuerpo ta cꞌariꞌ. 
\v 20 Pro ja kas mero rbanic, qꞌuiy miembro rcꞌan ja racuerpo pro xa ni jun cuerpo wiꞌ rbanon. 
\v 21 Ja panawach mta moda xtibij ta tre ja rakꞌaꞌ: —Atat ni majun asamaj chwe, xticheꞌ ta tre. In chakajaꞌ ja rawíꞌ mta moda xtibij ta tre ja rawakan: —Atat ni majun asamaj chwe, xticheꞌ ta tre chakajaꞌ. 
\v 22 Pro ja kas mero rbanic, cꞌo na juleꞌ miembro rxin ja kacuerpo ja ma kas ta cꞌo rchokꞌakꞌ nokcheꞌ tre, pro congana ncꞌatzin tre ja kacuerpo. 
\v 23 In cꞌo na juleꞌ miembro rxin ja kacuerpo ja ma nimak ta rukꞌij chwach ja kapalaj owi pakawach ja nkachꞌob ajoj pro jariꞌ miembro lokꞌ nkanaꞌ in nkawek. In juleꞌ chic ja ni ma yatal ta wiꞌ tre ja maquita nweki pro jariꞌ más chi na nkaban cuenta. 
\v 24 Jariꞌ más chi na nkayaꞌ pa cuenta chwach ja juleꞌ chic ja ma rjawaxic ta tre chi nweki. Pro ja Dios arjaꞌ bien rbanon rbanic ja kacuerpo, bien rchomin utzcꞌa chi más chi na lokꞌ xtinaꞌi ja juleꞌ miembro ja ma kas ta nimak rukꞌij ntzꞌati. 
\v 25 Queriꞌ rbanon utzcꞌa chi ja kacuerpo mta división nuban pro ja cꞌa nuban, ja kakꞌaꞌ rachbil kakan rachbil ja juleꞌ chic miembro rxin ja kacuerpo xa jun nuban in lokꞌ nunaꞌ riꞌ chibil tak riꞌ. 
\v 26 Queriꞌ cꞌa rbanic, tok cꞌo jun miembro rxin ja kacuerpo ntiꞌoni ntiꞌon cꞌariꞌ chi jun ja kacuerpo, ja cꞌa tok cꞌo jun miembro rxin ja kacuerpo nya̱ꞌ rukꞌij nquicot cꞌariꞌ chi jun ja kacuerpo chakajaꞌ. 
\p 
\v 27 Ja cꞌa rixix ix cuerpo rxin ja Cristo, ix miembro chejujunal rxin ja rcuerpo. 
\v 28 Ja Dios arjaꞌ qꞌuiy rwach ja samaj xuyaꞌ chake ja nkamol kiꞌ pa rubiꞌ ja Cristo. Nabey xeruchaꞌ ja xeꞌoc apóstol, pa rucab xeruchaꞌ ja xeꞌoc profeta, pa rox xeruchaꞌ ja xeꞌoc maestro. Cꞌacꞌariꞌ xeruchaꞌ ja xeꞌoc banol milagro, cꞌacꞌariꞌ xuyaꞌ quisamaj juleꞌ chic caniꞌ chique ja nequitzursaj yawaꞌiꞌ in chique ja nequetoꞌ ja cꞌo rjawaxic chique in chique ja neꞌucꞌan quixin ja kachꞌalal in chique ja netzijon chipan juleꞌ tzobal ja ma cotakin ta. 
\v 29 Ma canojel ta eꞌocnak ta apóstol, ma canojel ta eꞌocnak ta profeta, ma canojel ta eꞌocnak ta maestro, ma canojel ta eꞌocnak ta banol milagro. 
\v 30 Ma canojel ta yatajnak ta chique chi nequitzursaj yawaꞌiꞌ, ma canojel ta yatajnak ta chique chi netzijon chipan juleꞌ tzobal, ma canojel ta yatajnak ta chique chi nquikꞌaxaj ja tzij ja nbix chipan ja juleꞌ tzobal. 
\v 31 Pro ja samaj ja cꞌo más qꞌuiyem rcꞌamonto tre quicꞌaslemal ja kachꞌalal ni ta ja wariꞌ netij ekꞌij chi rcochixic. Xarwariꞌ cꞌo jun bey nchꞌob chewach camic riꞌ pro jun bey ja congana nim rukꞌij, mchita jun bey nkꞌiꞌo ta rxin, jariꞌ bey awcꞌan ja tok cꞌoli ja rajoben riꞌil xin Dios nsamaji pan acꞌaslemal. 
\c 13 
\s * * * * * * * * * * 
\p 
\v 1 Anin wixta ni ta majun tzobal ja maquita nincowini nintzijon chipan, wi tzobal quixin winak owi tzobal quixin ángel chakajaꞌ pro wi mta ja rajoben riꞌil xin Dios nsamaji pa ncꞌaslemal jariꞌ xa junan ninel ruqꞌuin jun chꞌichꞌ tok nkꞌomaxi ja xa mta rcꞌamonto rukul ncꞌaxaxi. 
\v 2 In jun chic, wixta yatajnak chwe chi inocnak jun profeta pro jun profeta ja ni ta majun ja maquita kꞌalasan chwach ja wawan chiquewach winak rmal ja Dios, jun profeta ja ni ta majun ja maquita rotak pro wi mta ja rajoben riꞌil xin Dios nsamaji pa ncꞌaslemal jariꞌ ni majun inocnak wiꞌ. Ja wixta majun falta tre ja yukulbal nucꞌuꞌx ruqꞌuin ja Dios in rmaltariꞌ xtinbij ta tre jun jayuꞌ chi nkꞌax cha jun lugar chic in xquinrnimaj ta pro wi mta ja rajoben riꞌil xin Dios nsamaji pa ncꞌaslemal jariꞌ ni majun inocnak wiꞌ chakajaꞌ. 
\v 3 In jun chic, masqui xtinjach ta ja mebaꞌil ja cꞌo wqꞌuin chique ja tak mebaꞌiꞌ chi nquitzukbej quiꞌ, pro ni nojelal, pro wi mta ja rajoben riꞌil xin Dios nsamaji pa ncꞌaslemal jariꞌ ni majun nak ta rcꞌamonto chwe. Masqui xtinyaꞌ ta wiꞌ pa camíc chi xtiporox ta ja ncuerpo pro wi mta ja rajoben riꞌil xin Dios nsamaji pa ncꞌaslemal jariꞌ ni majun nak ta rcꞌamonto chwe chakajaꞌ. 
\p 
\v 4 Ja cꞌa tok cꞌoli ja rajoben riꞌil xin Dios nsamaji pan acꞌaslemal jariꞌ cꞌayew chi npit awayewal chiquij winak pro ja naban chique, solo utzil. Ja tok cꞌoli ja rajoben riꞌil xin Dios nsamaji pan acꞌaslemal jariꞌ mta moda xtiquiakir ta ja rawanma chiquij winak in nixtacꞌa xtayaꞌ ta akꞌij chiquewach in nixtacꞌa xtanaꞌ kaj ta chakajaꞌ chi congana at nim. 
\v 5 Ja tok cꞌoli ja rajoben riꞌil xin Dios nsamaji pan acꞌaslemal jariꞌ mta moda ja xta nij agana wiꞌ xtaban ta jeꞌe ja xa junwiꞌ xtiquenaꞌ winak amwal in nixtacꞌa xtaban ta ja xa ruyon chawe atat cꞌoli rcꞌamonto in nixtacꞌa chaka cꞌoli mani xtaban ta awayewal in nixtacꞌa xtacꞌol ta pan awanma chakajaꞌ ja ma utz ta nba̱n chawe cumal winak pro jariꞌ namestaj. 
\v 6 Ja tok cꞌoli ja rajoben riꞌil xin Dios nsamaji pan acꞌaslemal in wi cꞌo jun winak nkaj pa ril jariꞌ mta moda xcatquicot ta trij pro ja wi nsamaji ja utzlaj tzij xin Jesucristo chipan ja rcꞌaslemal jariꞌ natquicot trij. 
\v 7 Ja tok cꞌoli ja rajoben riꞌil xin Dios nsamaji pan acꞌaslemal jariꞌ ni majun nak ta ja maquita nacochꞌ in ni mta wiꞌ ja maquita yukul acꞌuꞌx ruqꞌuin ja Jesucristo in ni mta wiꞌ ja maquita awayben nojelal ja rtzujun chake ja Dios in ni mta wiꞌ chakajaꞌ ja maquita cow natpeꞌe chwach nojelal xa nak ta npi chawij. 
\p 
\v 8 Ja rajoben riꞌil xin Dios ni mta wiꞌ ja xtocꞌo ta rukꞌij. Pro ja yatajnak jeꞌe chake chi nokcowini nkaban jariꞌ xa nocꞌo rukꞌij, caniꞌ tre ja nayaꞌ rbixic ja kꞌalasan jeꞌe chawach rmal ja Dios in caniꞌ tre ja nattzijon chipan juleꞌ tzobal ja ma awotakin ta in caniꞌ tre ja nayaꞌ jun tijonem ja ncꞌu̱t chawach rmal ja rEspíritu Santo. 
\v 9 Ja wi nkayaꞌ ja tijonem ja ncꞌu̱t chikawach rmal ja rEspíritu Santo pro xarwariꞌ ni cꞌo wiꞌ ja ma kotak ta, owi ok profeta xin Dios pro xarwariꞌ ni cꞌo wiꞌ ja ma kꞌalasan ta chikawach chakajaꞌ. 
\v 10 Xa chewiꞌ tok nbij chewe chi xa nocꞌo rukꞌij ja samaj ja yatajnak chake, tokoriꞌ xtocꞌo rukꞌij ja tok xtipi chic jutij ja Jesucristo xturkꞌalasaj na chikawach nojelal ja majaꞌn tikotakij pro ni majun ja maquita nurkꞌalasaj chikawach triꞌ. 
\v 11 Tacꞌa anin tok cꞌa in tacꞌal na, ja caniꞌ netzijoni tak acꞌalaꞌ queriꞌ cꞌa xintzijon anin chakajaꞌ. Ja caniꞌ nquenaꞌ kaj ja tak acꞌalaꞌ queriꞌ xinnaꞌ kaj anin chakajaꞌ. Ja caniꞌ quinaꞌoj tak acꞌalaꞌ queriꞌ nnaꞌoj anin triꞌ chakajaꞌ. Pro jariꞌ xa xocꞌo rukꞌij como xinoc achi, qꞌuejeꞌ can ja caniꞌ rbanic jun tacꞌal. 
\v 12 In queriꞌ cꞌa chake ajoj camic, cꞌo jeꞌe ja xin Dios kotak pro xarwariꞌ ma claro ta chikawach nojelal, caniꞌ tre tok natzꞌat awach chipan jun chꞌichꞌ ja ma bien ta claro natcaꞌy chipan. Pro ja tok xtucꞌul riꞌ kawach ruqꞌuin ja Jesucristo jariꞌ ni claro chic chikawach triꞌ. Ja camic masqui wotak janiꞌ rnaꞌoj ja Dios pro cꞌa cꞌo na ja ma kas ta claro chinwach nak rbanic. Pro ja tok xtipi chic jutij ja Jesucristo jariꞌ ni claro chic chinwach triꞌ pro ni nojelal, caniꞌ tre ja Dios camic arjaꞌ ni bien claro chwach janiꞌ ja nnaꞌoj anin pro ni nojelal. 
\v 13 Queriꞌ cꞌa rbanic wachꞌalal, cꞌoli ja ni mta wiꞌ ja xtocꞌo ta rukꞌij, jun, ja yukulbal kacꞌuꞌx ruqꞌuin ja Dios, in jun chic, ja nkaybej más ja rutzil xin Dios, in jun chic, ja rajoben riꞌil xin Dios. Jawaꞌ roxiꞌ riꞌ ja cꞌa xinbij kaj chewe jariꞌ ni matocꞌo wiꞌ rukꞌij pro ja rajoben riꞌil xin Dios jariꞌ ja más na nim rukꞌij tre ja roxiꞌ. 
\c 14 
\s * * * * * * * * * * 
\p 
\v 1 Ja rajoben riꞌil xin Dios ni ta ja wariꞌ nixoclaꞌ il tre chi nsamaji pan ecꞌaslemal in tetijaꞌ ekꞌij chakajaꞌ chi rcochixic ja samaj ja nyataj jeꞌe chake rmal ja rEspíritu Santo. Pro ja kas nwajoꞌ chewe wachꞌalal, cꞌo jun tre ja samaj ja más chi ta na xteyarij, jariꞌ chi nyataj chewe chi nixcowini neyaꞌ rbixic chibil tak ewiꞌ ja nkꞌalasax jeꞌe chewach rmal ja Dios. 
\v 2 Ja cꞌa tok nattzijon chipan jun chic tzobal ja ma awotakin ta jariꞌ ma cuqꞌuin winak ta nattzijon wiꞌ, ruqꞌuin Dios ja nattzijon wiꞌ. Ma cuqꞌuin winak ta como ja winak maquecowini nquechꞌob ja nabij. Ja nabij, Espíritu Santo ucꞌayon awxin chi rbixic pro ja necꞌaxan awxin xa awatal chiquewach. 
\v 3 Pro ja cꞌa tok nayaꞌ rbixic ja kꞌalasan chawach rmal ja Dios jariꞌ cuqꞌuin winak nattzijon wiꞌ. Ja necꞌaxan awxin necowini nquechꞌob ja nabij in cꞌo qꞌuiyem rcꞌamonto tre ja quicꞌaslemal, paxbanem rcꞌamonto chique in nyukbax quecꞌuꞌx rmal. 
\v 4 Ja tok nattzijon chipan jun chic tzobal ja ma awotakin ta jariꞌ mta qꞌuiyem rcꞌamonto chique ja juleꞌ chic, xa ayon atat natqꞌuiy kaj rmal pro ja cꞌa tok nayaꞌ rbixic ja kꞌalasan chawach rmal ja Dios jariꞌ cꞌo qꞌuiyem rcꞌamonto chique ja riglesia. 
\p 
\v 5 Anin cꞌo ngana xtiyataj ta chewe ewanojel chi nixcowini nixtzijon ta chipan juleꞌ chic tzobal ja ma ewotakin ta pro ja más chi na ngana xtiyataj chewe ewanojel chi nixcowini neyaꞌ ta rbixic ja nkꞌalasax jeꞌe chewach rmal ja Dios. Más na nim rukꞌij ja nayaꞌ rbixic ja nkꞌalasax jeꞌe chawach rmal ja Dios chwach ja nattzijon chipan jun chic tzobal ja ma awotakin ta. Owi natcowini nakꞌaxaj ja tzij ja nabij chipan ja jun chic tzobal, wi cꞌo qꞌuiyem rcꞌamonto chique ja riglesia jariꞌ más na nim rukꞌij chakajaꞌ. 
\v 6 Tacꞌa anin xquinekaj ta ewqꞌuin in wi xa chipan jun chic tzobal nintzijon wiꞌ ewqꞌuin jariꞌ ni majun nak ta rcꞌamonto chewe. Pro wi cꞌoli ja kꞌalasan chinwach rmal ja Dios in wi xtinyaꞌ rbixic chewach, owi cꞌo jun tijonem xin Dios wotakin in nixntijoj tre jariꞌ cꞌoli rcꞌamonto chewe. 
\p 
\v 7 Tacꞌa juleꞌ nakun chakajaꞌ ja cꞌo rukul, caniꞌ tre jun guitarra owiꞌ caniꞌ tre jun flauta, pro wixta xa junan ja rukul ncꞌaxaxi ja jujun tak nota rcꞌan maquita cꞌa nokcowin ariꞌ nkachꞌob nak la chi bixal nba̱n chipan. 
\v 8 Tacꞌa chakajaꞌ jun trompeta xtixulax ta chi quisiqꞌuixic juleꞌ soldado chi nequibanaꞌ ja chꞌaꞌoj pro wi xa ma claro ta ja nbij ja trompeta mta cꞌa moda ariꞌ ja soldado xtiquichomlaꞌ ta quiꞌ chi nequibanaꞌ ja chꞌaꞌoj. 
\v 9 In queriꞌ cꞌa chewe ixix chakajaꞌ, ja wi noqui ja rewakꞌ chi rbixic juleꞌ tzij ja xa ma claro ta chiquewach ja necꞌaxan ewxin mta cꞌa moda ariꞌ xticotakij ta ja nebij chique. Como ja tzij nelto pan echiꞌ xa nqꞌuis kaj chi queriꞌ, matekaj pa quixquin. 
\v 10 Jaruꞌ la kas rwach jeꞌe ja tzobal ja ntzijoxi waweꞌ chwachꞌulew in cꞌo chꞌobtajic trij chijujunal. 
\v 11 Ja cꞌa wi matichꞌobtaj mwal ja tzij ja nbix chwe xcꞌa junan ariꞌ ruqꞌuin ja caniꞌ ma kach aj tinamit ta kiꞌ ruqꞌuin ja ntzijon wqꞌuin. 
\v 12 In queriꞌ cꞌa chewe ixix chakajaꞌ. Ja cꞌa camic, como congana newajoꞌ necochij ja nyataj jeꞌe chake rmal ja rEspíritu Santo chewiꞌ tok nbij chewe, tetijaꞌ ekꞌij chi rbanic ja cꞌo qꞌuiyem rcꞌamonpi tre ja quicꞌaslemal ja kachꞌalal ja riglesia, pro ni ta congana xqueqꞌuiy ta emwal. 
\p 
\v 13 Rmalcꞌariꞌ nbij chewe, ja wi cꞌo jun chewe ja yatajnak tre chi ncowini ntzijon chipan jun chic tzobal ja ma rotakin ta tibanaꞌ orar, ticꞌutuj cꞌa tre ja Dios chi arjaꞌ nuyaꞌ tre chakajaꞌ chi ncowini nkꞌaxaj ja tzij nbij utzcꞌa chi nchꞌobtaj cumal ja necꞌaxan rxin. 
\v 14 Quirtacꞌariꞌ nuban jutzꞌit como anin tok wi cꞌo jun oración nmajon rbanic chipan jun chic tzobal ja ma wotakin ta jariꞌ nsamaji ja respíritu wxin chi rbanic ja roración pro matisamaji ja nnaꞌoj in ja cꞌa roración ni majun nak ta rcꞌamonto chique ja necꞌaxan wxin. 
\v 15 Ja wi queriꞌ rbanic ¿nak nban cꞌa? Quewaꞌ rubey riꞌ chi nban. Ja tok wi cꞌo jun oración nmajon rbanic, anin xtincoj ja respíritu wxin chi rbanic ja roración in xtincoj ja nnaꞌoj chi rbanic chakajaꞌ. In tok wi cꞌo jun bix nmajon rbixaxic xtincoj ja respíritu wxin chi rbixaxic in xtincoj ja nnaꞌoj chi rbixaxic chakajaꞌ. 
\v 16 Ja cꞌa tok wi cꞌoli namaltioxij tre ja Dios pro wi xa ruyon ja respíritu awxin xtacoj chi rmaltioxixic tre jariꞌ mta moda: —Amén, xquecheꞌ ta ja kachꞌalal ja ma yatajnak ta chique chi nquechꞌob ja nbij ja respíritu awxin. Mta moda como ejeꞌeꞌ matichꞌobtaj cumal nak la namaltioxij tre ja Dios. 
\v 17 Atat masqui nojel acꞌuꞌx nojel awanma namaltioxij tre pro mta qꞌuiyem rcꞌamonto tre ja quicꞌaslemal ja juleꞌ chic ja matichꞌobtaj cumal como nak la ja namaltioxij tre. 
\v 18 Anin nmaltioxij tre ja Dios ja ryaꞌon chwe chi más na nincowini nintzijon chipan juleꞌ chic tzobal chewach ixix. 
\v 19 Pro xarwariꞌ, ja tok kamolon kiꞌ ja rok iglesia jariꞌ más na utz ja xa jun caꞌiꞌ tzij xtinbij ja xtincoj nnaꞌoj chi nentijobej ja necꞌaxan wxin chwach ja maxcoꞌ chi tzij xtinbij chipan jun chic tzobal ja xa matichꞌobtaj cumal. 
\p 
\v 20 Wachꞌalal, ma teban chi ta más ja caniꞌ xa junan enaꞌoj cuqꞌuin ja tak acꞌalaꞌ. Ja cꞌa tre ja banoj itzelal jariꞌ utz wi nixoqui ix caniꞌ tak yaquiꞌaꞌ pro ja tre ja renaꞌoj jariꞌ kas ta xtitzꞌakati chi utz. 
\v 21 Ja cꞌa rtzobal Dios cꞌoli tzꞌibtal can chipan ja rbin can ja Dios quewariꞌ: —Anin ecꞌo juleꞌ winak ja ma e aj Israel ta xquenutakel cuqꞌuin ja raj Israel chi netzijon cuqꞌuin pro chipan juleꞌ tzobal ja junwiꞌ chi na xquetzijon wiꞌ cuqꞌuin. Pro masqui queriꞌ xtinban chique ja raj Israel pro ni ma xtiqueyaꞌ ta wiꞌ quixquin tre ja xtinbij chique, neꞌe ja kajaw Dios. 
\v 22 Triꞌ cꞌa nkatzꞌat wiꞌ chi ja tok noqui ja juleꞌ chic tzobal ja matichꞌobtaji jariꞌ noc retal pro jun retal ja noc chiquewach ja maquenimani, ma chiquewach ta ja nenimani. Pro ja tok cꞌo jeꞌe ja nchꞌo̱b chikawach ja nkꞌalasax rmal ja Dios jariꞌ quixin ja nenimani, ma quixin ta ja maquenimani. 
\v 23 Ja cꞌa wi emolon ewiꞌ ewanojel ja rix iglesia in wi nixtajini nixtzijoni ewanojel chipan juleꞌ chic tzobal, ja cꞌa wi ecꞌo juleꞌ winak neꞌoc checojol ja ma cotak ta nak rbanic ja tok nattzijon chipan juleꞌ chic tzobal ja ma awotakin ta owi neꞌoc juleꞌ winak ja ma quiniman ta ja Jesucristo ¿la matiquibij cꞌariꞌ chewe chi xa ixchꞌujarnak? 
\v 24 Pro ja cꞌa wi ewanojel emajon rbixic juleꞌ tzij ja nchꞌobtaji ja nkꞌalasax jeꞌe chewach rmal ja Dios in wi cꞌo jun noc checojol ja ma rniman ta ja Jesucristo owi noc jun ja ma rotak ta nak rbanic ja tok nattzijon chipan juleꞌ chic tzobal jariꞌ nkaj pa rwiꞌ ja nixtajini nebij. Xtumaj cꞌa tiꞌonem ja ranma rmal ja ril rumac rbanon pro rumac ja tzij ja nixtajini nebij ewanojel tok nuban queriꞌ. Ja tzij nebij ewanojel jariꞌ nsamaji chi rkꞌalasaxic janiꞌ rcꞌaslemal. 
\v 25 Ja rwawan jeꞌe pa ranma jariꞌ nkꞌalasaxi, nel pa sak. Queriꞌ cꞌa xtuban, cꞌacꞌariꞌ xtixuqueꞌe in xtumaj ryaꞌic rukꞌij ja Dios in quewaꞌ xtibij chewe riꞌ: —Ni katzij wiꞌ chi Dios cꞌo checojol, xticheꞌe. 
\p 
\v 26 ¿Nak cꞌa ja kas mero rubey wachꞌalal? Ja tok nemol ewiꞌ cꞌoli ja yatajnak chewe chejujunal chi nixcowini neban. Ecꞌoli ja cꞌo jun salmo nquejach, ecꞌoli ja cꞌo jun tijonem nqueyaꞌ, ecꞌoli ja cꞌo jun chic tzobal netzijon chipan, ecꞌoli ja cꞌoli kꞌalasan chiquewach rmal ja Dios chi nqueyaꞌ rbixic in ecꞌoli ja nyataj chique chi necowini nquikꞌaxaj ja tzij ja nbix chipan jun chic tzobal. Pro xarwariꞌ, xa nak ta ja neban cꞌo ta qꞌuiyem rcꞌamonto tre quicꞌaslemal ja necꞌaxan ewxin. 
\v 27 Ja wi ecꞌoli ncajoꞌ netzijon chipan juleꞌ chic tzobal xa e caꞌiꞌ quetzijon chique owi e oxiꞌ pro xa xarariꞌ, in maxta junlic quetzijoni pro nquejal na quiꞌ. In chakajaꞌ ni rjawaxic wiꞌ chi cꞌo jun ja nkꞌaxani ja tzij ja nbix chipan ja juleꞌ chic tzobal. 
\v 28 Nowi mta jun ja ncowini nkꞌaxaj ja tzij mejor ni ta majun chique xquetzijon ta chipan jun chic tzobal chiquewach ja kachꞌalal ja quimolon quiꞌ. Cꞌa tokoriꞌ quetzijon chipan ja tok xa queyon chic ja tok xa ruqꞌuin chic Dios ja netzijon wiꞌ. 
\v 29 Ja cꞌa profeta e caꞌiꞌ owi e oxiꞌ quetzijon chique. Ja cꞌa juleꞌ chic tiquichꞌoboꞌ rij rwach ja nquibij ja profeta, la xin Dios ja nquibij owi mani. 
\v 30 Ja wi cꞌo jun profeta rmajon tzij in wi cꞌo chic jun tzꞌubul triꞌ ja cꞌoli nkꞌalasax chwach rmal ja Dios maxta titzijon más ja rmajon tzij, tiyaꞌaꞌ lugar tre ja jun chic chi ntzijoni. 
\v 31 Queriꞌ nbij chewe como nixcowini nejal ewiꞌ ewanojel chi rbixic ja kꞌalasan jeꞌe chewach rmal ja Dios. Quirtariꞌ neban jutzꞌit utzcꞌa chi cꞌoli newotakij pro nij ewanojelal utzcꞌa chi cꞌoli paxbanem rcꞌamonto chewe ewanojelal chakajaꞌ. 
\v 32 Ja cꞌa profeta ejeꞌeꞌ necowini nquekꞌil kaj quiꞌ queyon utzcꞌa chi ma junlic ta netzijoni utzcꞌa chi maquesachi ja necꞌaxan quixin. 
\v 33 Necowini nqueban como ja Dios arjaꞌ jun Dios ja mta moda cꞌo ta xtuyaꞌ ta chique ja xta sachonem rcꞌamonto pro nij utzil wiꞌ rcꞌamonto nojel ja nuban. 
\p Ja chipan ja juleꞌ chic iglesia ja tok quimolon quiꞌ ja rtinamit Dios jariꞌ maquetzijoni ja rixokiꞌ. 
\v 34 Quirtacꞌariꞌ nqueban ja rixokiꞌ ja recꞌo checojol ixix chakajaꞌ, ja tok emolon ewiꞌ maxta quetzijoni. Queriꞌ nbij chewe como ma yatal ta chiquij xquetzijon ta pro ja yatal chiquij jariꞌ quequinimaj ja quichajilal ja caniꞌ nbij ja ley xin Dios. 
\v 35 Ja cꞌa wi cꞌo jeꞌe ja matichꞌobtaj cumal in wi ncajoꞌ nquicꞌaxaj razón mejor chique quichajilal tiquicꞌaxaj wiꞌ pa tak cochoch. Queriꞌ nbij chewe como xa ma utz ta ntzꞌati jun ixok ntzijon pa tak servicio. 
\p 
\v 36 Bien cꞌa turkaj chewe chi ma ewqꞌuin ta ixix winakarsanto wiꞌ ja rtzobal Dios in nixtacꞌa eyon ta ixix ja cꞌo rtzobal Dios ewqꞌuin chakajaꞌ. 
\v 37 Ja cꞌa wi cꞌo jun chewe wi nuchꞌob chi arjaꞌ ocnak profeta owi nuchꞌob chi cꞌoli rcochin tre ja rEspíritu Santo jariꞌ yatal trij chi nuban reconocer nak rbanic ja nmajon rchꞌobic chewach camic chi jariꞌ jun mandamiento rxin ja kajaw Jesucristo. 
\v 38 Nowi mta rgana nuban reconocer chi queriꞌ rbanic jariꞌ matiban reconocer arjaꞌ chakajaꞌ. 
\p 
\v 39 Queriꞌ cꞌa rbanic wachꞌalal, congana rjawaxic chi neyaꞌ rbixic ja nkꞌalasax jeꞌe chewach rmal ja Dios, ja ta riꞌ netij ekꞌij chi rbanic. In jun chic nbij chewe riꞌ, maxta ma teyaꞌ ta lugar chique ja kachꞌalal chi netzijon chipan juleꞌ chic tzobal. 
\v 40 Xarwariꞌ pa tak rubey tecojoꞌ wiꞌ nojelal ja neban in maquita cꞌoli nak ta xteban ja xta sachonem rcꞌamonto. 
\c 15 
\s * * * * * * * * * * 
\p 
\v 1 Ja cꞌa camic wachꞌalal, anin nwajoꞌ nchꞌob chic jutij chewach nak rbanic ja utzlaj tzij xin Jesucristo. Xinyaꞌ rbixic chewe nabey in xenimaj. Xa rmalawaꞌ utzlaj tzij riꞌ tok cow nixpeꞌi 
\v 2 in xa rmal arjaꞌ chakajaꞌ tok newil ja totajem xin Dios. Nixtotaji ja wi ma xteyaꞌ can ta ja utzlaj tzij xin Jesucristo ja xinchꞌob chewach owi maxla chaka queriꞌ tok xenimaj, maxla xa ma chꞌobol ta ja xeban. 
\p 
\v 3 Ja xinchꞌob chewach nabey jariꞌ ja kꞌalasan chic jeꞌe chinwach anin in quewaꞌ rbanic riꞌ. Cami ja Cristo pro rmal kil kamac ja tok cami in ni tzꞌibtal can wiꞌ ojer chipan ja rtzobal Dios chi arjaꞌ ncam na pa kacuenta. 
\v 4 Ja cꞌa tok camstaji cꞌacꞌariꞌ xemuki. Ja cꞌa chi rox kꞌij cꞌastaj rwach chiquicojol camnakiꞌ. In ni tzꞌibtal can wiꞌ ojer chakajaꞌ chipan ja rtzobal Dios chi nmu̱k na in ncꞌastaj na rwach chi rox kꞌij. 
\v 5 Ja cꞌa tok cꞌastaji cꞌacꞌariꞌ xucꞌut riꞌ chwach ja Cefas. In xuban chi cꞌa jutij xucꞌut riꞌ chiquewach ja rapóstol chi e cablajuj. 
\v 6 In xuban jutij más e joꞌoꞌ ciento ja kachꞌalal xucꞌut chic riꞌ chiquewach. Ejeꞌeꞌ riꞌ kachꞌalal xa e jujun ja recamnak chique pro ja juleꞌ chic cꞌa ecꞌas na camic. 
\v 7 Xuban chic jutij xucꞌut riꞌ chwach ja Jacobo in xuban chi cꞌa jutij xucꞌut riꞌ chiquewach ja rapóstol pro ni chiquewach canojelal. 
\v 8 Ja cꞌa pa rqꞌuisbal xucꞌut na riꞌ chinwach anin chakajaꞌ masqui ja ranin kas tzel nbanonto. 
\v 9 Ja cꞌa ranin kas in lawuloꞌ chiquewach ja juleꞌ chic apóstol, ja nnaꞌ kaj anin ma yatal ta chwe chi inocnak apóstol. In lawuloꞌ como congana pokon xinban chique ja riglesia ja rtinamit Dios. 
\v 10 Pro ja Dios arjaꞌ xsipaj ja rutzil chwe in xa rmal ja rutzil xin Dios tok inocnak apóstol camic. In ma chaka ta queriꞌ xincochij ja rutzil tre pro congana samaji pa ncꞌaslemal. Más chi na samaj xin Dios xinban chiquewach ja juleꞌ chic pro ma anin ta xinsamaji nuyon, ja rutzil ja xincochij tre ja Dios jariꞌ ja samaji pa ncꞌaslemal. 
\v 11 Ja cꞌa wi anin xinbanowi ja samaj owi ejeꞌeꞌ ja xebanowi pro xarwariꞌ xa junan ja utzlaj tzij xin Jesucristo ja nkayaꞌ rbixic in ni ja wiꞌ ja utzlaj tzij xenimaj ixix chakajaꞌ. 
\s * * * * * * * * * * 
\p 
\v 12 Ja cꞌa wi nkayaꞌ rbixic ja Cristo chi cꞌastajnak rwach chiquicojol camnakiꞌ ¿nak cꞌa tre tok ecꞌoli chewe ja nebini chi: —Mta moda xticꞌastaj ta quewach ja camnakiꞌ, necheꞌe? 
\v 13 Ja cꞌa wixta mta moda xticꞌastaj quewach ja camnakiꞌ maquita cꞌastajnak rwach ariꞌ ja Cristo chakajaꞌ. 
\v 14 Ja cꞌa Cristo wixta maquita cꞌastajnak rwach ni ta majun noc wariꞌ ja utzlaj tzij ja noktajini nkayaꞌ rbixic in ni ta majun noc wariꞌ chakajaꞌ ja nyukeꞌ ecꞌuꞌx ruqꞌuin. 
\v 15 Xta cꞌa tzij nkatzꞌak ariꞌ trij ja Dios wixta ma cꞌastajnak ta rwach ja Cristo como ajoj nkabij chi Dios xucꞌas chiquicojol camnakiꞌ. Pro maquita katzij ariꞌ chi Dios xucꞌas chiquicojol camnakiꞌ ja wixta katzij chi maticꞌastaj quewach ja camnakiꞌ. 
\v 16 Queriꞌ nbij chewe como wixta katzij chi maticꞌastaj quewach ja camnakiꞌ maquita cꞌastajnak rwach ariꞌ ja Cristo chakajaꞌ. 
\v 17 Ja cꞌa wixta maquita cꞌastajnak rwach ja Cristo ni ta majun noc wariꞌ ja yukulbal ecꞌuꞌx ruqꞌuin, ni ta cꞌa maquita cuyun wariꞌ ja rewil emac 
\v 18 in ni ta xebe wariꞌ pa kꞌakꞌ chakajaꞌ ja camnakiꞌ ja yukul quecꞌuꞌx ruqꞌuin ja Cristo tok xecami. 
\v 19 Ja cꞌa tok xkocami wixta mchita nkaybej chi ta na triꞌ, wixta maquita xtibantaj chic cumplir ja tzujun chake rmal ja xa jun kabanon ruqꞌuin ja Cristo ni ta congana ok tak pena ariꞌ, más ta na ok tak pena ariꞌ chiquewach canojel ja juleꞌ chic winak, xta kaban kaj engañar kiꞌ ariꞌ. 
\p 
\v 20 Pro ja Cristo jariꞌ cꞌastajnak chic rwach. Ja tok cꞌastaj rwach jariꞌ caniꞌ jun tijcoꞌm chꞌupi nabey rwach pro cꞌa cꞌo na ja majaꞌn tikꞌenari, cꞌa nchꞌup na, ejeꞌeꞌ riꞌ ja camnakiꞌ ja caniꞌ waram quibanon. 
\v 21 Caniꞌ tre ja camíc ruqꞌuin jun achi winakarto wiꞌ in queriꞌ cꞌa tre ja ncꞌastaj quewach camnakiꞌ ruqꞌuin jun achi winakarto wiꞌ chakajaꞌ. 
\v 22 Queriꞌ nbij chewe como rumac ja rAdán tok nokcami kanojelal in queriꞌ cꞌa tre ja Cristo chakajaꞌ, rumac arjaꞌ tok ncꞌastaj na kawach kanojelal. 
\v 23 Pro xarwariꞌ, cꞌo jun tiempo ja cꞌastaj wiꞌ rwach ja Cristo in cꞌo chic jun tiempo ja ncꞌastaj wiꞌ kawach ajoj. Ja cꞌa Cristo arjaꞌ ocnak caniꞌ nabey rwach jun tijcoꞌm chꞌupi in ja cꞌa rajoj ja rokcꞌo pa rcuenta cꞌa ncꞌastaj na kawach tokoriꞌ ja tok xtipi chic jutij arjaꞌ. 
\v 24 Cꞌacꞌariꞌ xterilaꞌ ja qꞌuisbal kꞌij. Ja cꞌa tok xterilaꞌ riꞌ kꞌij ni majun kꞌetbaltzij, ni majun poder ja maquita kajsan chic triꞌ rmal ja Cristo. Ni majun gobierno ja maquita ocnak chic pa rukꞌaꞌ triꞌ in cꞌa tokoriꞌ xtujach chic ja rgobierno pa rukꞌaꞌ ja Dios ja Tatixel. 
\v 25 Queriꞌ cꞌa rbanic como ni rjawaxic wiꞌ chi nqꞌuejeꞌe ja gobierno pa rukꞌaꞌ jaruꞌ pa tiempo ecꞌo rcꞌulel ja majaꞌn querkajsaj. Ja cꞌa tok erkajsan chic pro ni canojelal cꞌa tokoriꞌ xtujach ja rgobierno pa rukꞌaꞌ ja Tatixel. 
\v 26 Ja qꞌuisbal rcꞌulel jariꞌ ja camíc in arjaꞌ nkajsaj na chakajaꞌ ja camíc. 
\v 27 Queriꞌ cꞌa rbanic como ja Tatixel quewaꞌ xbij tre riꞌ: —Ni majun nak ta ja maquita ncoj pan akꞌaꞌ, neꞌ tre. Pro matibij tzij ariꞌ chi noqui ja Tatixel pa rukꞌaꞌ chakajaꞌ, jariꞌ bien kꞌalaj como jaꞌ Tatixel ncojowi nojelal pa rukꞌaꞌ. 
\v 28 Ja cꞌa Ralcꞌwalaxel tok cojon chic pa rukꞌaꞌ nojelal arjaꞌ xtujach chic riꞌ pa rukꞌaꞌ ja Tatixel. Queriꞌ cꞌa xtuban utzcꞌa chi ni ruyon chi wiꞌ ja Dios xtibano chic mandar triꞌ in majun nak chi ta ja maquita xtiniman chic rxin. 
\p 
\v 29 Pro wi maticꞌastaj quewach ja camnakiꞌ nak la nquechꞌob ja winak ja neba̱n bautizar pa quiqꞌuexwach camnakiꞌ. Ja cꞌa wi maticꞌastaj quewach ja camnakiꞌ ¿nak cꞌa tre tok ecꞌoli ja neba̱n bautizar pa quiqꞌuexwach? 
\v 30 In ajoj chakajaꞌ ni mta wiꞌ ja maquita kayaꞌon kiꞌ pa rcꞌayewal pro ¿nak ta cꞌa noc wariꞌ ja wixta mta cꞌastajic chakij ja tok xkocami? 
\v 31 Anin kꞌij kꞌij nij incꞌo wiꞌ chwach ja camíc. Ni katzij wiꞌ wachꞌalal chi queriꞌ nbanon. Caniꞌ ewotak wachꞌalal chi congana ninquicot emwal rumac ja xa jun ebanon ruqꞌuin ja kajaw Jesucristo, bien cꞌa tewotakij chakajaꞌ chi anin nij incꞌo wiꞌ chwach ja camíc nojel tak kꞌij. 
\v 32 Ja cꞌa wixta xa junan nnaꞌoj anin cuqꞌuin ja winak ja matiquinimaj chi ncꞌastaj na quewach ja camnakiꞌ ¿nak ta cꞌa noc wariꞌ chwe ja tok xintij pokon pa quekꞌaꞌ juleꞌ winak waweꞌ pa Efeso pro juleꞌ winak ja xa e caniꞌ itzel tak chicop? Ja cꞌa wixta maquita ncꞌastaj quewach ja camnakiꞌ cꞌo ta cꞌa quirazón ariꞌ ja winak ja nebini chi: —Ja kaway rachbil kayaꞌ xta jariꞌ nokoclaꞌ il tre in xa xarariꞌ como ja chwak cabij xa nokcami, necheꞌe. 
\v 33 Pro maxta quixban engañar ixix como masqui utz ja ranaꞌoj atat pro wi xa neꞌawachbilaj juleꞌ winak ja ma utz ta quinaꞌoj jariꞌ nyojtaji ja ranaꞌoj atat cumal chakajaꞌ. 
\v 34 Ma quixsach ta na más pro ja neban, quixcꞌascꞌoti como ni yatal wiꞌ chewij chi nixcꞌascꞌoti. Majutij xquixmacun chi ta xqueꞌenimaj chi ta ja juleꞌ winak ja recꞌo checojol ja nebin chewe chi maticꞌastaj quewach ja camnakiꞌ. Ja cꞌa rejeꞌeꞌ ni ma cotak ta wiꞌ janiꞌ rnaꞌoj ja Dios. Qꞌuixbal ta nenaꞌ jutzꞌit rmal ja nmajon rbixic chewe. 
\s * * * * * * * * * * 
\p 
\v 35 Pro anin wotak chi ecꞌoli xtiquechꞌaꞌ na chwe ja nmajon rbixic chewe riꞌ: —Pro ¿nak cꞌa rbanic ja tok necꞌastaji ja camnakiꞌ in janiꞌ cꞌariꞌ chakajaꞌ ja quicuerpo tok necꞌastaji? xquecheꞌ na chwe. 
\v 36 Pro jariꞌ winak xa ma e chꞌobol ta. Bien mpeꞌ tewasaj enaꞌoj trij jun chirwach ijaꞌtz, ja wi matamuk pa tokꞌulew mta cꞌa nelto ariꞌ. 
\v 37 In chakajaꞌ, junwiꞌ na wiꞌ cuerpo rcꞌan ja tok natic pa tokꞌulew in junwiꞌ chi na wiꞌ cuerpo rcꞌan ja tok nelto, wi ijaꞌtz xin trigo natic owi xa nak ta chi ijaꞌtzil. 
\v 38 Pro Dios yoyon ja rcuerpo ja rchominto ojer. Junwiꞌ na rcuerpo nuyaꞌ tre ja jujun rwach ijaꞌtz chijujunal, wi trigo owi ixim owi xa nak ta chi ijaꞌtzil. 
\v 39 Ma junan ta kacuerpo ja rok winak ruqꞌuin quicuerpo chicop. Junwiꞌ ja kacuerpo ajoj in junwiꞌ chi na quicuerpo quiej wacax in junwiꞌ chi na quicuerpo chꞌuꞌ in junwiꞌ chi na quicuerpo tzꞌiquin. 
\v 40 Cꞌo jeꞌe cuerpo xin chilaꞌ chicaj in cꞌo jeꞌe cuerpo xin waweꞌ chwachꞌulew. Congana banon rbanic chi caꞌiꞌ pro junwiꞌ ncaꞌyi ja xin chilaꞌ chicaj in junwiꞌ chi na ncaꞌyi ja xin waweꞌ chwachꞌulew. 
\v 41 Junwiꞌ ruchꞌaꞌ ja kꞌij in junwiꞌ chi na ruchꞌaꞌ ja icꞌ in junwiꞌ chi na quechꞌaꞌ ja chꞌumil pro xnaꞌ ma junan ta quechꞌaꞌ ja chꞌumil chiquijujunal. 
\v 42 In queriꞌ cꞌa tre chakajaꞌ ja tok ncꞌastaj quewach ja camnakiꞌ. Ja cuerpo kucꞌan waweꞌ chwachꞌulew jariꞌ nmu̱k pa tokꞌulew in xa nakꞌayi. Pro ja cꞌa tok xtiyictaji ja kacuerpo chipan ja camíc jariꞌ mchita akꞌayic trij. 
\v 43 Ja waweꞌ chwachꞌulew congana lawuloꞌ ja kacuerpo pro ja tok xtiyictaj chipan ja camíc jariꞌ congana chic banon rbanic triꞌ. Ja waweꞌ chwachꞌulew xa ma kas ta cꞌo rchokꞌakꞌ ja kacuerpo pro ja tok xtiyictaj chipan ja camíc xa janiꞌ benak pa nim ja rchokꞌakꞌ triꞌ. 
\v 44 Ja cuerpo kucꞌan waweꞌ chwachꞌulew ni rxin wiꞌ kacꞌaslemal waweꞌ chwachꞌulew pro ja cꞌa tok xtiyictaj chipan ja camíc jariꞌ rxin chic jun cꞌacꞌa cꞌaslemal chilaꞌ chicaj. Como cꞌo jun cuerpo rxin ja kacꞌaslemal waweꞌ chwachꞌulew cꞌo chi cꞌa jun cuerpo ariꞌ chakajaꞌ rxin ja kacꞌaslemal chilaꞌ chicaj. 
\v 45 Caniꞌ tzꞌibtal can chipan ja rtzobal Dios quewaꞌ nbij riꞌ: —Ja tok winakarsaxi ja nabey achi rbinaꞌan Adán arjaꞌ yataj tre jun cꞌaslemal xin waweꞌ chwachꞌulew, neꞌe. Ja cꞌa tok peti ja Cristo ja qꞌuisbal Adán nokcheꞌ tre, arjaꞌ yataj tre chi ncowini nuyaꞌ cꞌaslemal pro jun cꞌacꞌa cꞌaslemal xin chilaꞌ chicaj. 
\v 46 Pro ma ja ta ja cꞌaslemal ja xin chilaꞌ chicaj nyataj chake nabey pro ja xin waweꞌ chwachꞌulew jariꞌ nyataj chake nabey. Ja xin chilaꞌ chicaj jariꞌ cꞌa después na. 
\v 47 Ja rAdán arjaꞌ waweꞌ chwachꞌulew winakarto wiꞌ, ulew ocnak in ruqꞌuin arjaꞌ winakarnakto wiꞌ ja nabey cꞌaslemal ja xin waweꞌ chwachꞌulew. Ja kajaw Jesucristo arjaꞌ chilaꞌ chicaj pi wiꞌ in ruqꞌuin arjaꞌ winakarnakto wiꞌ ja jun chic cꞌaslemal cꞌacꞌa ja xin chilaꞌ chicaj. 
\v 48 Ulew ocnak ja rAdán in ulew okocnak ja rok winak chakajaꞌ in queriꞌ kabanic ajoj ja caniꞌ rbanic arjaꞌ. Ja cꞌa Jesucristo arjaꞌ xin chilaꞌ chicaj in kanojel ja rok xin chilaꞌ chicaj queriꞌ kabanic ja caniꞌ rbanic arjaꞌ. 
\v 49 Caniꞌ kabanonto, yatajnakto jun cuerpo chake ja caniꞌ rcuerpo ja rAdán ja rulew ocnak in nerilaꞌ na jun kꞌij chakajaꞌ tok nyataj na chake jun cuerpo ja caniꞌ rcuerpo ja Jesucristo ja xin chilaꞌ chicaj. 
\p 
\v 50 Ja nmajon rbixic chewe wachꞌalal quewaꞌ rbanic riꞌ, ja cuerpo ja yatajnak chake waweꞌ chwachꞌulew jariꞌ mta moda xtoc ta chilaꞌ chicaj. Ja tok xtiyataj chake ja herencia chi nokeqꞌuejeꞌ chijutij chipan ja gobierno xin Dios mta moda xtikucꞌaj chi ta jawaꞌ cuerpo riꞌ. Ja xa cꞌol akꞌayic trij jariꞌ mta moda xtiyataj ta tre chi xtiqꞌuejeꞌ ta chilaꞌ chicaj como ja chilaꞌ ni majun nak ta ja xtakꞌay ta triꞌ. 
\v 51 Bien tecꞌwaxaj ja xtinbij chic chewe riꞌ. Cꞌoli ja xtinbij chewe camic ja rawatali nabey pro ja camic kꞌalasan chic in quewaꞌ rbanic riꞌ. Ecꞌoli chake ja ma xquecam ta pro xarwariꞌ ni majun chake ja maquita nqꞌuextaj na ja rcuerpo. 
\v 52 Pro ni majun rubiꞌ nbixi tok xtiqꞌuextaji, caniꞌ tok nayup kaj jutzꞌit awach xa queriꞌ tiempo nrajoꞌ chi nqꞌuextaji. Ja tok xticꞌaxax rukul ja qꞌuisbal trompeta xin Dios tokocꞌariꞌ xtiqꞌuextaji. Queriꞌ cꞌa rbanic como cꞌoli ja trompeta xin Dios ncꞌaxax na rukul cꞌacꞌariꞌ xticꞌastaj quewach ja camnakiꞌ in mchita akꞌayic chiquij triꞌ. Ja cꞌa ecꞌas na chake ejeꞌeꞌ xtiqꞌuextaji ja quicuerpo chakajaꞌ. 
\v 53 Queriꞌ cꞌa rbanic como jawaꞌ cuerpo riꞌ ja xa cꞌol akꞌayic ja xa cꞌo camíc trij ni rjawaxic wiꞌ chi nqꞌuextaj na, ni rjawaxic wiꞌ chi nyataj na jun chake ja mta akꞌayic mta camíc trij. 
\v 54 Ja tok xtiqꞌuextaji jawaꞌ cuerpo riꞌ ja xa cꞌol akꞌayic ja xa cꞌo camíc trij in tok kucꞌan chic ja jun chic cuerpo ja mta akꞌayic ja mta camíc trij tokocꞌariꞌ xtibantaj cumplir jawaꞌ jun tzij ja tzꞌibtal can chipan ja rtzobal Dios riꞌ: —Ja camíc mchita, ba la xoc wiꞌ. 
\v 55 Ja camíc ni mta wiꞌ jutij ja xkoruchꞌec chi ta, ni mta wiꞌ jutij ja xtuban chi ta chake caniꞌ nuban jun itzel cumatz tok nokrutiꞌ in nokcam rmal. Queriꞌ ja tzꞌibtal can. 
\v 56 Caniꞌ tre ja cumatz cꞌo rtiꞌobal in queriꞌ cꞌa tre ja camíc cꞌo rtiꞌobal chakajaꞌ. Ja rtiꞌobal ja camíc jariꞌ ja il mac in ja ley xin Dios jariꞌ nyoꞌ rchokꞌakꞌ ja il mac. 
\v 57 Pro maltiox tre ja Dios como arjaꞌ nuyaꞌ chake chi ajoj nokchꞌocmaji pro xa rmal ja kajaw Jesucristo tok nokchꞌocmaji. 
\p 
\v 58 Como ajoj nokchꞌocmaji wachꞌalal rmalcꞌariꞌ nbij chewe, quixtiqueꞌe chi utz, cow ta nixpeꞌe jutzꞌit in ni ta netij wiꞌ ekꞌij chi rbanic ja samaj rxin ja kajaw Jesucristo. Quirtariꞌ neban jutzꞌit como bien ewotak chi ja tok xa jun neban ruqꞌuin ja kajaw Jesucristo chi rbanic ja samaj jariꞌ cꞌoli rcꞌamonto, ma chaka ta queriꞌ. 
\c 16
\s * * * * * * * * * * 
\p 
\v 1 Camic noktzijon jurata ewqꞌuin tre ja rayuda ja kamajon rmolic quixin ja kachꞌalal ja cꞌo rjawaxic chique. Ja caniꞌ xinbij chique ja kachꞌalal ja recꞌo pa tak iglesia ja recꞌo pa rcuenta Galacia queriꞌ ta cꞌa neban ixix chakajaꞌ, quewaꞌ rbanic riꞌ. 
\v 2 Ja pa tak domingo tepartiꞌij jun ayuda chejujunal janiꞌ nixcowini neyaꞌ in tecꞌoloꞌ. Queriꞌ ta cꞌa neban utzcꞌa chi tok xquinekaj ewqꞌuin cꞌo chic ja rayuda, ma cꞌa rmolic ta nbani. 
\v 3 Ja cꞌa tok xquinekaj ewqꞌuin quewaꞌ nkaban riꞌ. Ja rixix neꞌechaꞌ juleꞌ ewachbil. Ja cꞌa ranin nenutakel pa Jerusalén chi nequijachaꞌ ja rewayuda in ixix neyaꞌel juleꞌ carta chique ja necojo quixin ja tok xqueꞌekaji. 
\v 4 Ja cꞌa wi rjawaxic chi ninbe anin chakajaꞌ nenwachbilajel cꞌariꞌ. 
\p 
\v 5 Anin nixenkꞌijlaꞌ na pro ninkꞌax na chipan ja departamento Macedonia nabey como ja nchꞌobon camic chi triꞌ ninkꞌax wiꞌ. 
\v 6 Pro ja rixix maxla ninqꞌuejeꞌ na jun tiempo ewqꞌuin, maxla xtocꞌo na rtiempo tew nabey in cꞌa tokoriꞌ xquinel chic jutij ewqꞌuin. Ja cꞌa tok xquinel ewqꞌuin nixcowini ninetoꞌel tre ja nviaje xa bar ta triꞌ xquinbe chi wiꞌ. 
\v 7 Ja camic ma ja ta nwajoꞌ ja xta pan alnak nixenkꞌijlaꞌ can pro ja kas ngana anin nineqꞌuejeꞌ na jun tiempo ewqꞌuin ja wi queriꞌ rvoluntad ja kajaw Jesucristo. 
\v 8 Pro ja camic ninqꞌuejeꞌ na más pa Efeso in cꞌa tokoriꞌ xtinmajel ja nviaje ja tok xtocꞌowi ja nmakꞌij Pentecostés. 
\v 9 Pro maquineli camic como ja Dios cꞌo jun nimlaj samaj rjakon chinwach waweꞌ pro jun samaj ja congana qꞌuiy rcꞌamonto. In jun chic, como jawaꞌ samaj riꞌ e qꞌuiy ja rcꞌulel chewiꞌ tok maquinel waweꞌ camic. 
\p 
\v 10 Ja cꞌa wi xtekaji ja Timoteo ewqꞌuin kas quiꞌil rcꞌulic tebanaꞌ, maxta tunaꞌ riꞌ emwal. Quirtariꞌ neban jutzꞌit tre como samaj rxin ja kajaw Jesucristo ja nuban, xa junan ja kasamaj chi ok caꞌiꞌ ruqꞌuin. 
\v 11 Rmalcꞌariꞌ nbij chewe, maxta cꞌo jun chewe tuban tre ja ni mta. Pro ja neban, kas quiꞌil rjachic tebanaꞌto in tetoꞌoꞌto tre ja rviaje como anin wayben waweꞌ e rachbil ja juleꞌ chic kachꞌalal. 
\p 
\v 12 Ja kachꞌalal Apolos congana xinban animar chi nbe ewqꞌuin nixerkꞌijlaꞌ: —Queꞌawachbilajel ja juleꞌ kachꞌalal ja nebe pa Corinto, xincheꞌ tre, pro arjaꞌ xbij chwe: —Ni maquincowin wiꞌ xquinbe ta cuqꞌuin camic xarwariꞌ nak kꞌij xtitzur mwal can ninbe cuqꞌuin. Queriꞌ xbij chwe. 
\s * * * * * * * * * * 
\p 
\v 13 Ja cꞌa rixix ni ta xquixcꞌascꞌot wiꞌ, ni ta xtitiqueꞌ wiꞌ chi utz ja yukulbal ecꞌuꞌx ruqꞌuin ja Jesucristo, ni ta cow wiꞌ xquixpeꞌe chwach ja ritzelal, ni ta xtecoj wiꞌ rchokꞌakꞌ ja Dios pa tak ecꞌaslemal. 
\v 14 Ni ta necoj wiꞌ ja rajoben riꞌil xin Dios chi rbanic xa nak ta ja neban jeꞌe. 
\p 
\v 15 Anin kas nban recomendar chewe wachꞌalal chi congana ta neban respetar ja kachꞌalal Estéfanas. Bien ewotak chi arjaꞌ e rachbil ja rfamilia kas quinimaj ja Jesucristo nabey chewach ewanojel ja rixcꞌo chipan ja departamento Acaya. Bien ewotak chi ejeꞌeꞌ xajutij quimajon quitoꞌic ja kachꞌalal ja tok cꞌo rjawaxic chique. 
\v 16 In ixix chakajaꞌ kas nban recomendar chewe chi congana ta neꞌenimaj ja kachꞌalal ja re quitakariꞌ. In queriꞌ ta cꞌa neban chique canojel ja netoꞌo quixin ja kachꞌalal in nquetij quekꞌij chi rbanic ja samaj xin Dios. 
\v 17 Anin congana ninquicoti ja xeꞌurkaji ja rEstéfanas wqꞌuin e rachbil ja Fortunato in Acaico. Ninquicoti como ejeꞌeꞌ tok xeꞌurkaji jariꞌ caniꞌ ixix jun ixcꞌo wqꞌuin nnaꞌ kaj. 
\v 18 Como anin congana nxucꞌuxuꞌi ja wanma cumal in wotak chi nxucꞌuxuꞌi ja rewanma ixix cumal chakajaꞌ. Lokꞌ queꞌenaꞌaꞌ ja kachꞌalal ja re quitakariꞌ. 
\p 
\v 19 Ja kachꞌalal ja recꞌo pa tak iglesia chipan ja departamento Asia ejeꞌeꞌ nquetakel rutzil ewach. Ja rAquila rachbil Priscila ejeꞌeꞌ pa rubiꞌ ja kajaw Jesucristo congana nquetakel rutzil ewach in queriꞌ nqueban chakajaꞌ ja riglesia ja nquemol quiꞌ pa cochoch. 
\v 20 Canojel ja kachꞌalal nquetakel rutzil ewach. Ja cꞌa rixix teyaꞌaꞌ rutzil ewach chakajaꞌ chibil tak ewiꞌ pro ruqꞌuin ta ja rajoben riꞌil xin Dios. 
\p 
\v 21 Ja cꞌa camic anin ja rin Pablo ntakel rutzil ewach pro jariꞌ anin nintzꞌibanel ruqꞌuin nukꞌaꞌ. 
\p 
\v 22 Ja wi cꞌo jun ma lokꞌ ta xtunaꞌ ja kajaw Jesucristo jariꞌ yatal tre chi xa itzel ntzꞌa̱t rmal ja Dios. Ja cꞌa kajaw Jesucristo arjaꞌ npi chi na jutij. 
\p 
\v 23 Ja rutzil ja nkacochij tre ja kajaw Jesucristo xtiqꞌuejeꞌ ta ewqꞌuin. 
\v 24 Anin nixwajoꞌ ewanojelal pro rumac ja xa jun kabanon ewqꞌuin ruqꞌuin ja Jesucristo tok nixwajoꞌ. Amén.