\id 2PE

\h 2 PEDRO
\toc1 2 PEDRO
\mt JAꞌ TI XCHIBAL SCARTA TI PEDROE TI LAJ STSꞌIBAE
\c 1
\s Hech lic scꞌopon ti carta ti quermanotique ti Pedroe
\p
\v 1 Hoꞌon Simon Pedroun. Hoꞌon yabatun ti Jesucristoe, hoꞌon ti jcholcꞌopun yuꞌune. Chajcꞌoponoxuc ti carta, hoꞌoxuc ti coꞌol jchꞌunojbetic ti scꞌop ti Jesuse yuꞌun coꞌol laj xa xcꞌuxubinucutic ti Dios cuꞌuntique xchiꞌuc ti Jcoltavanej cuꞌuntique, jaꞌ ti Jesucristoe.
\v 2 Yuꞌun yacꞌoj sba más chavojtiquinic ti Diose xchiꞌuc ti Cajvaltic Jesuse, hech yuꞌun yacꞌoj sba chayacꞌboxuc yutsil avoꞌntonic xchiꞌuc jun avoꞌntonic ti jujunoxuque.
\s Jaꞌ scꞌopilal colemoxuc xa yuꞌun ti Diose pero oy to cꞌusi scꞌan ta to xapasic, xchi
\p
\v 3 Yuꞌun jelaven yutsil yoꞌnton ti Diose, hech yuꞌun laj xa yacꞌ sba ti ojtiquinel ti jtojoltic, laj xa yicꞌucutic ti stojol. Yuꞌun jelaven spꞌijil ti Diose, hech yuꞌun laj xa yacꞌbucutic spꞌijil coꞌntontic xchiꞌuc yutsil coꞌntontic yuꞌun hech xuꞌ cuꞌuntic ti jpastic scotol lequil abtel.
\v 4 Yuꞌun jelaven spꞌijil ti Diose, yuꞌun jelaven yutsil yoꞌnton, hech yuꞌun chijyacꞌbucutic scotol ti yan bendición ti laj yal ti chijyacꞌbucutique. Jun noꞌox yutsil ti bendición ti yacꞌoj sba chijyaqꞌuilambucutique. Jaꞌ hech ti bendición ti chijyacꞌbucutique, jaꞌ ti mu xijyacꞌucutic chisbolibtasucutic ti cꞌutic muliletic liꞌ ti balumile xchiꞌuc ti sbicꞌtal coꞌntontique. Laj xa yacꞌ coꞌntonimbetic ti yoꞌntone yuꞌun oy xa yutsil coꞌntontic.
\v 5 Hech yuꞌun ti hoꞌoxuque, jaꞌ lec ti chavaqꞌuic persa. Yuꞌun oy xa xchꞌunojel avoꞌntonic, jaꞌ xapasilanic ti cꞌusi leque. Maꞌuc noꞌox chapasilanic ti cꞌusi leque, jaꞌ xacꞌanic uc ti más chanaꞌic cꞌusi tscꞌan ti Diose ti chapasique.
\v 6 Yuꞌun mi más chanaꞌic cꞌusi tscꞌan ti Diose ti chapasique, hech más chapajes abaic xchiꞌuc ti avoꞌntonique. Mi más chapajes abaic xchiꞌuc ti avoꞌntonique, hech más ch-an yip avoꞌntonic. Mi más iꞌan yip ti avoꞌntonique, hech jtos avoꞌnton chacꞌot xchiꞌuc ti Diose.
\v 7 Mi jtos avoꞌnton chacꞌot xchiꞌuc ti Diose, hech cꞌux chavaꞌi ti avermanotaque, hech chacꞌuxubinvan ti mero melel.
\p
\v 8 Mi hech ti avoꞌntonique, mi jaꞌ te oy ti avoꞌntonique, mu hoviluc ti laj xa avojtiquinic ti Cajvaltic Jesucristoe. Mu hoviluc ti achꞌunojique. Lec chatunic yuꞌun.
\v 9 Ti muchꞌu mu hechuc ti yoꞌntone jaꞌ hech chaj cꞌu cheꞌel maꞌsat mu xil. O jaꞌ hech chaj cꞌu cheꞌel ti muchꞌu jaꞌ noꞌox chil ti bu nopole, mu xil batel ti bu nom toe. Chꞌayem ti yoꞌnton ti ichꞌaybat xa scotol smul yuꞌun ti Cajvaltique.
\v 10 Hech yuꞌun, quermanotac, hech acꞌo huꞌuc avuꞌunic hech chaj cꞌu cheꞌel natꞌujat xa yuꞌun ti Diose, hech chaꞌicꞌatic ti stojol. Yuꞌun mi hech chapasique, hech mu xchibaj avoꞌntonic.
\v 11 Hech nichim noꞌox yoꞌnton chayicꞌoxuc ochel ti bu tspas mantal ti Cajvaltic Jesucristoe, jaꞌ ti Jcoltavanej cuꞌuntique. Jaꞌ sventa sbatel osil.
\p
\v 12 Hech yuꞌun manchuc mi chanaꞌic xa, manchuc mi cꞌotem xa ti avoꞌntonic ti scꞌop ti Diose ti jaꞌ melele ti avaꞌyojic xae, scotol cꞌacꞌal hech tscꞌan ti chajtaqꞌuioxuque. Hech jnopoj ti ti jpase.
\v 13 Yuꞌun scꞌan ti hech chacaqꞌuilambot anaꞌic ti jayib xa cꞌacꞌal liꞌ cuxulun xchiꞌuc avi jbecꞌtal liꞌto.
\v 14 Ti jnaꞌ ti poꞌot xa ti jcomes avi jbecꞌtal liꞌto. Yuꞌun hech yalojbun xa ti Cajvaltic Jesucristoe.
\v 15 Hech ti jtsꞌiba to comel yuꞌun hech xuꞌ chaqꞌuelic cꞌalal chamenun xae.
\s Jaꞌ scꞌopilal laj jqꞌuelbetutic squeval ti Cajvaltique, xchi
\p
\v 16 Yuꞌun ti laj xa calboxuc avaꞌyic cꞌu xꞌelan spꞌijil ti Cajvaltic Jesucristoe, cꞌu xꞌelan chchaꞌtal xchiꞌuc squeval, mu yuꞌunuc loꞌil noꞌox ti jchꞌunojtutique, mu yuꞌunuc lajemuntutic ti loꞌlael. Jtuctutic laj jqꞌueltutic ti jsatutic ti tsots yabtel yichꞌoje.
\v 17 Yuꞌun cꞌalal ti hech iꞌacꞌbat squeval yuꞌun ti Jtotic Diose, cꞌalal ti hech iꞌacꞌat ti pasel ti mucꞌ yuꞌune, hech iꞌalbat scꞌopilal yuꞌun ti Jtotic Diose, jaꞌ ti jelaven yutsil ti squeval stuque. Hech laj yal: “Jaꞌ Jnichꞌon liꞌto, ti lum cꞌux ti coꞌntone. Nichim noꞌox coꞌnton yuꞌun”, xchi. Jaꞌ scꞌopilal ti Jesuse.
\v 18 Hoꞌontutic laj caꞌitutic ti hech icꞌopoj tal cꞌalal ti vinajel ti Diose yuꞌun te jchiꞌinojtutic ti Jesuse te ti vits. Jaꞌ yichꞌoj bendición ti vits lume.
\p
\v 19 Hech laj jnaꞌtutic ti melel ti scꞌop ti jꞌalcꞌopetic yuꞌun ti Diose ti quichꞌojtique, jaꞌ ti scꞌopilal ti Cajvaltique ti laj yalique. Hech chaj cꞌu cheꞌel oy stu cuꞌuntic ti cꞌoqꞌue yuꞌun hech chcꞌot jsatic, bal chcaꞌitic chcꞌot jsatic asta mi ilocꞌ tal ti mucꞌta cꞌanale, asta cꞌalal tsacub ti osile. Jaꞌ noꞌox hech oy stu cuꞌuntic ti scꞌop ti jꞌalcꞌopetic yuꞌun ti Diose. Bal chcaꞌitic chistojobtasucutic asta mi ital xchiꞌuc squeval ti Cajvaltique, asta ba jchiꞌintic sbatel osil o. Hech yuꞌun jaꞌ tscꞌan ti chavacꞌ ti avoꞌntonic ti scꞌope yuꞌun oy stu cuꞌuntic.
\v 20 Jaꞌ tsots scꞌopilal ti chanaꞌic ti mu stacꞌ ti cꞌuc noꞌox sjam ti jloqꞌuesbetic ti scꞌop ti Diose ti laj yal ti jꞌalcꞌopetic yuꞌun ti Diose ti tsꞌibabil ti sun ti Diose.
\v 21 Mu yuꞌunuc hech noꞌox laj scꞌan ti yoꞌntonique ti hech icꞌopojic ti jꞌalcꞌopetic yuꞌun ti Diose ti liꞌ ti balumil ti voꞌonee. Yuꞌun iventaimbat yoꞌntonic yuꞌun ti Chꞌul Espíritue, hech scꞌop Dios laj yalic.
\c 2
\s Jaꞌ scꞌopilal nopbilal jchanubtasvanejetic
\p
\v 1 Ti voꞌone cꞌalal liꞌ ti balumil ti antiguo jtotique oy ilic uc nopbilal jꞌalcꞌopetic te ti yolilalic. Jaꞌ noꞌox hech ti ora to uc chlic uc nopbilal jchanubtasvanejetic te ti avolilalic. Tsyanejesbeic sjam ti scꞌop ti Diose. Mucul chlic yaqꞌuic ti aꞌyel. Tstenic ti yoꞌntonic ti Cajvaltique ti jaꞌ imanatic yuꞌune. Ti muchꞌutic hech yoꞌntonique tscꞌan stuquic yaꞌyel ti ora chtal ti scastigoique.
\v 2 Hech yuꞌun ti quermanotique ep chba xchiꞌinic. Coꞌol chba spasic hech chaj cꞌu cheꞌel tspasique, jaꞌ noꞌox tspasic ti cꞌusi tscꞌan ti sbecꞌtalique. Jaꞌ ti sventaic ti hech chopol chbat scꞌopilal ti scꞌop ti Cajvaltique.
\v 3 Jaꞌ noꞌox tscꞌan ti chasmonoxuc ti chasloꞌlaoxuque, jaꞌ noꞌox tscꞌan tsta staqꞌuinic. Hech chapajem scꞌopilalic ti ch-acꞌbat stojic. Tsta yorail ti chichꞌic castigo.
\p
\v 4 Yuꞌun ti Diose muc spasbe perdón ti chꞌul abatetic ti laj sta smulique. Jaꞌ laj sten ochel ti cꞌatimbac. Te xa oyic ti icꞌ osil. Mu xuꞌ chcolic loqꞌuel. Te tsmalaic tsta yorail chchapambat scꞌopilal yuꞌun smulic.
\v 5 Jaꞌ noꞌox hech uc ti antiguoetic ti voꞌone ti cꞌalal mu to chtal ti nojelal hoꞌe muc spasbatic perdón yuꞌun ti Diose. Ti muchꞌutic baquel jmulaviletic jaꞌ icham ti nojelal hoꞌ. Jaꞌ noꞌox stuc icoltaat yuꞌun ti Diose ti Noee xchiꞌuc ti hucvoꞌic ti te xchiꞌinoje. Stuc noꞌox ti Noee ti laj xcholbe yaꞌyic ti crixchanoetique ti tscꞌan ti Diose ti toj ti cꞌusi ti jpastique.
\v 6 Jaꞌ noꞌox hech uc ti muchꞌutic nacajtic ti jteclum Sodomae xchiꞌuc ti jteclum Gomorrae, muc spasbatic perdón yuꞌun ti Diose. Jaꞌ ichicꞌatic ti cꞌocꞌ yuꞌun ti Diose scoj ti smulique. Jaꞌ señail ti persa chichꞌic castigo ti muchꞌutic mu xiꞌic ti Diose.
\v 7 Jaꞌ noꞌox laj scolta loqꞌuel ti Lote ti Diose yuꞌun toj ti viniquil ti Lote. Ti Lote ep laj yichꞌ mul yuꞌun ti cꞌutic chopol tspasic ti muchꞌutic baquel jmulaviletic te ti bu nacajtic xchiꞌuque.
\v 8 Yuꞌun toj ti viniquil ti Lote, hech yuꞌun scotol cꞌacꞌal vocol icuch yuꞌun ti cꞌutic laj yil xchiꞌuc ti cꞌutic laj yaꞌi ti tspasic ti crixchanoetic ti te coꞌol nacal xchiꞌuque.
\v 9 Hech ti Cajvaltique tscolta ti muchꞌutic toj ti viniquile yuꞌun hech mu sujat ti mulil. Jaꞌ noꞌox hech uc tsten ochel ti cꞌatimbac ti muchꞌutic mu tojuc ti yoꞌntonique yuꞌun te chcꞌot smalaic tsta yorail ti chchapambat scꞌopilal yuꞌun smulic.
\p
\v 10 Jaꞌ más ep chichꞌic castigo ti muchꞌutic batem ti yoꞌntonic tspasic ti cꞌusi chopol tscꞌan ti yoꞌntonique yuꞌun mu scꞌan xchꞌumbeic smantal ti Diose. Mu xiꞌic ti Diose, tstoy sbaic ti stojol. Mu xiꞌic yuꞌun tspecꞌtsambeic scꞌopilal ti chꞌul abatetique ti oy squevalique.
\v 11 Jaꞌuc ti chꞌul abatetique ti tsots yabtelique ti jelaven spꞌijil yichꞌojique, muc un tsticꞌbeic smul ti stojol ti Diose ti crixchanoetic ti hech tstoy sbaique.
\p
\v 12 Ti nopbilal jchanubtasvanejetique jaꞌ hech chaj cꞌu cheꞌel ti chonetic ti chꞌiem ti balumile ti muꞌyuc srazonique ti jaꞌ noꞌox chchꞌumbe smantal sbecꞌtal, ti jaꞌ noꞌox stu tstsacat chmilat. Jaꞌ hech uc ti nopbilal jchanubtasvanejetique ti tspecꞌtsambeic scꞌopilal scotol ti cꞌutic mu snaꞌique ti mu xojtiquine, hech chꞌayel chbatic.
\v 13 Ta onoꞌox chba yichꞌic vocol yuꞌun ti laj yacꞌbeic yichꞌ vocol ti muchꞌutic laj sloꞌlaique. Mu xqꞌuexavic cꞌuc noꞌox ora tsaꞌ smulic manchuc mi cꞌacꞌaltic. Te to chtal xchiꞌinoxuc ti veꞌel. Pero yuꞌun chopol ti yoꞌntonique, boliben ti yoꞌntonique, ch-och achamelic yuꞌun, yuꞌun oy muchꞌu tsoc yuꞌun ti te chtal ti atojolique. Yuꞌun jaꞌ noꞌox chacꞌ ti qꞌuelel ti lec chavil abaic xchiꞌuc. Muc un lecuc ti yoꞌntonique.
\p
\v 14 Puru cꞌupinej ants tspasic. Scotol ora tsaꞌ smulic xchiꞌuc satic. Chchibajesbe yoꞌntonic ti quermanotic ti mu to oyuc yip yoꞌntonique. Nopen chaꞌyic chbicꞌtaj yoꞌntonic. Jꞌechꞌel mu xtun ch-ilatic yuꞌun ti Diose.
\v 15 Comen yuꞌunic ti toj bee, chꞌayemic ti be. Jaꞌ stamojbeic sbe ti Balaame jaꞌ ti snichꞌon ti Beore, jaꞌ ti ibicꞌtaj yoꞌnton yuꞌun ti taqꞌuin yuꞌun ti hech yepal ch-acꞌbate mi tspas ti cꞌusi chopole.
\v 16 Muc spas ti cꞌusi snopoje yuꞌun ipajesat yuꞌun ti smulae ti icꞌopoje. Ti mulaetique stalel mu xcꞌopojic. Ti smula ti Balaame jaꞌ icꞌopoj hech chaj cꞌu cheꞌel crixchano hech ipaj ti Balaame. Hech muc xba spas ti cꞌusi chopol snopoj ti yoꞌntone.
\p
\v 17 Ti nopbilal jchanubtasvanejetique jaꞌ hech chaj cꞌu cheꞌel ti sat hoꞌ ti muꞌyuc cꞌusi ti jtatic te yuꞌun ulem. Jaꞌ hech chaj cꞌu cheꞌel ti toc ti chnetꞌat batel yuꞌun ti iqꞌue yuꞌun hech mu xacꞌ hoꞌ. Jaꞌ noꞌox hech uc ti nopbilal jchanubtasvanejetique hovil ti jchꞌumbetic ti scꞌope yuꞌun muꞌyuc cꞌusi ti jtatic mi jutuc. Chapambil xa yoꞌ bu chcꞌotique. Jaꞌ sbatel osil te ibat o. Puru icꞌ osil ti bu chcꞌotique.
\v 18 Tstoy sbaic xchiꞌuc ti scꞌopique. Hovil ti cꞌusi chalique, muꞌyuc stu. Jaꞌ chalbe scꞌopilal scotol ti cꞌusi tscꞌan ti sbecꞌtalique yuꞌun acꞌo bicꞌtajuc yoꞌntonic ti quermanotic ti jaꞌto noꞌox yacꞌoj sba tscomesic ti cꞌutic muliletic ti laj spas onoꞌox ti voꞌone tal xchiꞌuc ti yan xchiꞌiltaque.
\v 19 “Jaꞌ lec ti libre oyucutic hech xuꞌ ti jpastic scotol ti cꞌusi tscꞌan ti coꞌntontique”, xutic ti quermanotique. Ti jchanubtasvanejetique ti hech chalique, jaꞌ oyic ti mozoil yuꞌun mulil. Yuꞌun ti bu chistsalucutic ti mulile, jaꞌ smozoucutic chijcꞌot o.
\v 20 Ti muchꞌutic icom xa yuꞌunic ti muliletic liꞌ ti balumile yuꞌun laj xa yojtiquin ti Cajvaltic Jesucristoe, jaꞌ ti Jcoltavanej cuꞌuntique, mi chchaꞌbicꞌtaj yoꞌntonic yan vuelta yuꞌun mulil, mi jaꞌ itsalvan ti mulile, echꞌem to chbolibic ti jyalel.
\v 21 Jaꞌ lec ti manchuc laj yojtiquinic ti toj bee. Jaꞌ vocol mi yojtiquinojic ti toj bee, ti patil chchaꞌsutic batel hech tscomesic ti lequil mantaletique.
\v 22 Hech chcꞌot ti pasel yuꞌunic hech chaj cꞌu cheꞌel chcaltique: “Ti tsꞌiꞌe chchaꞌloꞌ yan vuelta ti xee”, xijchi. “Ti meꞌchitome ti chichꞌ poquele, jaꞌ chba chchaꞌbalantas sba ti achꞌel”, xijchi.
\c 3
\s Jaꞌ scꞌopilal ti tsta yorail ti chchapavan ti Cajvaltique
\p
\v 1 Hoꞌoxuc ti ep cꞌuxoxuc ti coꞌntone, jaꞌ xchibal xa vuelta chajcꞌoponoxuc ti carta xchiꞌuc avi to. Ti jun carta ti laj jpasboxuque xchiꞌuc avi to, coꞌol laj jchaꞌtꞌabesboxuc ti avoꞌntonic hech chaj cꞌu cheꞌel achꞌunojique. Yuꞌun lecuben xa ti avoꞌntonique, hech yuꞌun jaꞌ xa noꞌox chajchaꞌtꞌabesboxuc ti avoꞌntonic.
\v 2 Yuꞌun ti jcꞌan ti chanaꞌilambeic scꞌop ti jꞌalcꞌopetic yuꞌun ti Diose ti voꞌonee hech laj yalique. Xchiꞌuc ti scꞌop ti Cajvaltique, jaꞌ ti Jcoltavanej cuꞌuntique, ti laj calboxuque, hoꞌontutic ti jcholcꞌopuntutic yuꞌune.
\p
\v 3 Jaꞌ tsots scꞌopilal ti chanaꞌic primero ti cꞌalal tsta yorail slajebal cꞌacꞌal chtal jlabanvanejetic. Nojem ti yoꞌntonic sbicꞌtal yoꞌntonic.
\v 4 Hech chtal yalbucutic: “Laj yal comel ti Jesuse ti tsut tale. Hovil ti hech laj yale, mu xtal. Icham xa ti jtot jmeꞌtique. Qꞌuelavil, coꞌol noꞌox hech chaj cꞌu cheꞌel ti ilic ti balumil. Jaꞌ noꞌox hech asta ti ora to. Muꞌyuc cꞌusi chcꞌot ti pasel”, oy chtal yutucutic.
\v 5-6 Yuꞌun ti hech chalique, yutsil yoꞌnton ti mu xa scꞌan stꞌabesic ti yabtel ti Diose ti voꞌone. Jaꞌ smantal ti Diose ti imeltsaj ti vinajele ti balumile ti voꞌone. Ti balumile ilocꞌ tal ti yut hoꞌ. Hech ibat ti xoconxocon ti balumile ti hoꞌe. Hech imeltsaj. Ti patil inoj ti hoꞌ yan vuelta, hech icham scotol ti crixchanoetique ti liꞌ ti balumile. Jaꞌ yabtel Dios lume.
\v 7 Jaꞌ smantal uc ti tsta yorail ti chchicꞌat ti cꞌocꞌ avi vinajel balumil liꞌto. Jaꞌ yorail uc ch-ichꞌbat scꞌop yuꞌun smulic ti muchꞌutic muꞌyuc Dios ti yoꞌntonique. Jaꞌ yorail chtupꞌic o.
\v 8 Hoꞌoxuc ti cꞌuxoxuc ti coꞌntone, naꞌic me, mu me xchꞌay ti avoꞌntonic ti jpꞌel liꞌto. Ti jmil habile ti jun cꞌacꞌale muꞌyuc scꞌopilal chaꞌi ti Cajvaltique.
\v 9 Oy muchꞌutic hech tsnopic ti mu xcꞌot scꞌop ti Cajvaltique. Chcꞌot scꞌop ti Cajvaltique. Jaꞌ noꞌox hal tsmala yuꞌun mu scꞌan mi chchꞌay junuc. Jaꞌ tscꞌan ti acꞌo sutes yoꞌntonic yuꞌun smulic scotol ti crixchanoetique. Hech yuꞌun ti mu to chtal ti Cajvaltique.
\p
\v 10 Tsta yorail ti chchapavan ti Cajvaltique. Hech chac cꞌu cheꞌel mu jnaꞌtic cꞌusi ora chtal jꞌelecꞌ ti acꞌubaltic, jaꞌ noꞌox hech mu jnaꞌtic cꞌusi ora chcꞌot ti pasel. Mi laj sta yoraile, xvochlej xcꞌavlej noꞌox ti vinajele hech noꞌox tstsac chꞌay batel. Ti cꞌutic chquevan chquiltique, chcꞌacꞌ, chlilij yal tal scotol. Ti balumile xchiꞌuc scotol ti cꞌusi liꞌ pasbile chcꞌacꞌ.
\p
\v 11 Yuꞌun jꞌechꞌel chjinat scotol ti cꞌutic chvinaj ti qꞌuelel ti ora to, hech yuꞌun nopic me lec cꞌusi lec chapasic ti ora to. Jaꞌ tscꞌan ti toj chapas abaic. Jaꞌ tscꞌan ti chaxiꞌic ti Diose.
\v 12 Jaꞌ tscꞌan ti nichim noꞌox avoꞌntonic chamalaic ti yorail chchapavan ti Diose. Jaꞌ ti yorail cꞌalal chcꞌacꞌ ti vinajele hech chjin yal tal. Ch-ul ti cꞌocꞌ scotol ti cꞌutic chquevan chquiltique.
\v 13 Yuꞌun ti hoꞌucutique ti jmalatic achꞌ vinajel xchiꞌuc achꞌ balumil yoꞌ bu puru utsilal. Hech yalojbucutic ti Diose.
\p
\v 14 Hech yuꞌun hoꞌoxuc ti cꞌuxoxuc ti coꞌntone, yuꞌun chamalaic ti hech chcꞌot ti pasele, toyoluc me avoꞌntonic yuꞌun hech muꞌyuc mulil ti avoꞌntonic, mi jutuc mu bolibenuc avoꞌntonic cꞌalal chcꞌo avaꞌan abaic ti stojol. Hech lec chayiloxuc.
\v 15 Naꞌic me ti scꞌan ti chijcolucutique ti Cajvaltique, hech yuꞌun ti hal chismalaucutique. Hech laj yalboxuc comel uc ti carta ti quermanotic Pabloe jaꞌ ti cꞌux ti coꞌntontique, jaꞌ ti iꞌacꞌbat spꞌijil yuꞌun ti Diose.
\v 16 Hech chal ti scotol scarta. Yuꞌun oy ti cartaetic yuꞌune ti vocol ti aꞌibel sjam hech yuꞌun ti muchꞌutic mu chanubtasbiluc xchiꞌuc ti muchꞌutic muꞌyuc yip ti yoꞌntonique, jaꞌ tsyanejesbeic sjam hech chaj cꞌu cheꞌel tsyanejesbeic sjam ti yan scꞌop Diose. Jaꞌ sventa chꞌayel ti hech tspasique.
\p
\v 17 Hoꞌoxuc ti cꞌuxoxuc ti coꞌntone laj xa avaꞌyic. Hech yuꞌun chabio me abaic. Mu me xachꞌayic ti be, mu me xachꞌumbeic scꞌop ti muchꞌutic mu xtojob yuꞌunique yuꞌun muꞌyuc Dios ti yoꞌntonic. Mu me specꞌtsaj avoꞌntonic.
\v 18 Ti hoꞌoxuque acꞌo epajuc yutsil avoꞌntonic. Echꞌem to ojtiquino ti Cajvaltic Jesucristoe, jaꞌ ti Jcoltavanej cuꞌuntique. Jelavenuc me yutsil scꞌopilal ti ora to xchiꞌuc sbatel osil.