\id 2JN
\h 2 JUAN
\toc1 2 JUAN
\mt JAꞌ TI XCHIBAL SCARTA TI LAJ STSꞌIBA TI JUANE, JAꞌ TI JCHOLCꞌOPE
\c 1
\s Jaꞌ scꞌopilal cꞌuxoxuc ti coꞌnton yuꞌun coꞌol jchꞌunojtic ti cꞌop ti jaꞌ melele, xchi
\p
\v 1 Hoꞌot ti tꞌujbilot yuꞌun ti Diose chajcꞌoponot ti carta xchiꞌuc avalabtac, hoꞌon ti ancianoune. Cꞌuxoxuc ti coꞌnton xchiꞌuc ti avalabtaque yuꞌun coꞌol jchꞌunojtic ti cꞌope ti jaꞌ melele. Mu jtucuc noꞌox ti cꞌuxoxuc ti coꞌntone. Jaꞌ cꞌuxoxuc ti yoꞌntonic uc scotol ti muchꞌutic xchꞌunojic ti cꞌope ti jaꞌ melele.
\v 2 Cꞌuxoxuc ti coꞌntontutic yuꞌun oy ti coꞌntontic ti cꞌop ti jaꞌ melele. Sbatel osil oy ti coꞌntontic.
\v 3 Mi ti jchꞌuntic ti cꞌop ti jaꞌ melele, mi chijcꞌuxubinvane, hech yuꞌun chijyacꞌbucutic bendición ti Jtotic Diose xchiꞌuc ti Jesucristoe, jaꞌ ti Snichꞌon ti Jtotic Diose. Chixcꞌuxubinucutic, jaꞌ chijyacꞌbucutic jun coꞌntontic ti jujunucutique.
\p
\v 4 Nichim noꞌox coꞌnton laj xa caꞌi ti oy spasojic ti mucꞌ ti cꞌop ti jaꞌ melele ti avalabtaque. Lec oy yuꞌun hech tscꞌan ti Jtotic Diose.
\v 5 Ti ora to chajtꞌabesbot ti avoꞌnton ti smantal ti Diose ti laj avaꞌyic ti cꞌalal lic achꞌumbeic scꞌop ti Diose. Jaꞌ noꞌox chajchaꞌalbot yan vuelta, quermano, ti cꞌux me xavaꞌi abaique.
\v 6 Yuꞌun mi chijcꞌuxubinvane, ti jpastic ti mucꞌ ti smantal ti Diose. Jaꞌ smantal ti scotol ora acꞌo cꞌuxubinvanucutique hech chaj cꞌu cheꞌel laj avaꞌyic ti cꞌalal lic achꞌumbeic scꞌop ti Diose.
\s Jaꞌ scꞌopilal ti oy ep jloꞌlavanejetic liꞌ ti balumile
\p
\v 7 Yuꞌun oy ep jloꞌlavanejetic yacꞌoj sba chanavic liꞌ ti balumile ti ora to. Mu xchꞌunic ti tal yichꞌ sbecꞌtal liꞌ ti balumile ti Jesucristoe. Ti muchꞌutic hech chalique jaꞌ jloꞌlavanej obi. Jaꞌ yajcontra Cristo obi.
\v 8 Hech yuꞌun chabio me abaic, hech mu xalajic ti loꞌlael. Yuꞌun mi nalajic ti loꞌlaele, hovil ti niꞌabtejtutic te ti atojolique yuꞌun mu xcꞌot avichꞌ amotonic. Mi mu xachꞌunic ti loꞌlaele, hech chcꞌot avichꞌ amotonic hech chaj cꞌu cheꞌel yaloj ti Diose ti chijyacꞌbucutique.
\p
\v 9 Scotol ti muchꞌu chjelavique ti mu jꞌechꞌeluc chacꞌ ti yoꞌnton ti smantal ti Cristoe, muꞌyuc ti stojol ti Diose obi. Ti muchꞌu jꞌechꞌel chacꞌ ti yoꞌnton ti smantal ti Cristoe, oy ti stojol ti Jtotic Diose, oy ti stojol ti Snichꞌon uque.
\v 10 Mi oy chtal scꞌoponot ti muchꞌutic ti jchanubtasvanej scuyoj sbaique ti mu xchꞌunic ti Cristoe, mu me xavicꞌ ochel ti ana, mu me xaloꞌlaj xchiꞌuc.
\v 11 Yuꞌun mi chavicꞌ ochel ti ana, mi chaloꞌlaj xchiꞌuc, jun to chanupimbe ti scꞌope ti cꞌu cheꞌel xchꞌunoje. Mu stacꞌ chijloꞌlaj xchiꞌuc yuꞌun chopol ti yabtele.
\s Jaꞌ scꞌopilal jcꞌan chtal jqꞌuelot, xchi
\p
\v 12 Oy to ep yan ti jcꞌan chacalbot. Muc chajtsꞌibabot ti carta. Jaꞌto mi nitale chacalbot. Yuꞌun jcꞌan chtal jqꞌuelot. Mi laj jcꞌopon jbatique, hech nichim noꞌox coꞌntontic.
\p
\v 13 Chabanucot la xal ti yalabtac ti avixe, ti tꞌujbilic uc yuꞌun ti Diose.