\id 3JN
\h 3 JUAN
\toc1 3 JUAN
\mt1 LI'I JA' YOXLIQUIL XA SVUN JUAN TI YAJ'APOXTOL JESUSE 
\c 1
\p
\v 1 Vo'on yajchanubtasvanejicon ti much'utic xch'unojic li sc'op Rioxe, chajc'opon tal ta vun, Gayo. Jc'anojot yu'un co'ol jch'unojtic li sc'op Rioxe.
\p
\v 2 Vo'ot ti jc'anojote, chajc'oponbe Riox yo' xapas o li c'usitic leque, yo' lec o apat axocone chac c'u cha'al lec avo'one.
\v 3 Ti jayvo' jchi'iltactic ta xch'unel li sc'op Rioxe ti i'ech'ic tal ta anae, yul yalbecon ti ja' chapas c'usi yaloj ti Rioxe. Ximuyubaj xa tajmec ti c'alal ica'ie. 
\v 4 Mu c'usi ti más ximuyubaj oe, ja' no'ox ti c'alal chca'ibe sc'oplalic ti ja' tspasic ti c'usitic yaloj Riox ti much'utic xch'unojique, yu'un co'ol xchi'uc jch'amaltac chca'i.
\s Ja' li' yaloj ti lec c'usitic ispas ti Gayoe
\p
\v 5 Vo'ot ti jc'anojote, lec ti ja' chach'un ti c'usi chayalbe ti Rioxe. Yu'un chavotes ta ana li jchi'iltactic ta xch'unel li sc'op Rioxe ti nom liquemic tale ti mu xavojtiquine.
\v 6 Ti jayvo' i'ech'ic tal ta anae, yul yalboticotic ti c'u x'elan ac'uxubine. Lec ti chavac'be c'usi chtun yu'unic ta bee yu'un ja' chalic a'yuc li sc'op Rioxe. 
\v 7 Ti chanavique, ja' yo' xvinaj o li sc'op Rioxe. Ma'uc tsc'anbeic c'usi chtun yu'unic ti much'utic mu to ta xch'unique.
\v 8 Más lec vo'otic ac'u jcoltatic ti much'utic chalic a'yuc li sc'op Rioxe, yo' co'olco'ol ta jcolta o jbatic ta yalel a'yuque.
\s Ja' li' yaloj ti mu x'ich'van ta muc' ti Diótrefese 
\p
\v 9 Ijts'ibabe xa svun scotol li jchi'iltactic ta xch'unel li sc'op Rioxe ti li' achi'uque. Pero li Diótrefese mu xixch'unbe yu'un ja' tsc'an chaspasic ta mantal.
\v 10 Yech'o un mi liyule, ta jac'be c'u yu'un ti mu xiyich'oticotic ta muq'ue, c'u yu'un ti chislo'iltaoticotique. Pero ma'uc no'ox ti mu xiyich'oticotic ta muq'ue, mu xotes ta sna noxtoc ti much'utic chalic a'yuc li sc'op Rioxe ti li' ch-ech'ique. Ti much'utic lec yo'onique ti ta x'otesvanic ta snaique, ta spajes. Mi mu xch'unique, ta snuts o loq'uel ta templo.
\s Ja' li' yaloj ti lec yo'on ti Demétrioe
\p
\v 11 Vo'ot ti jc'anojote, ti much'utic chopol li c'usitic tspasique, mu me xachanbe. Ja' xachanbe li much'utic lec li c'usitic tspasique. Ti much'utic lec li c'usitic tspasique, ja' xch'amaltac Riox. Yan ti much'utic chopol li c'usitic tspasique, yu'un mu to chich'ic ta muc' ti Rioxe.
\p
\v 12 Li Demétrioe chal scotolic ti lec yo'one yu'un lec li c'usitic tspase. Li vo'oticotic uque quilojticotic ti lec yo'one. Ana'ojic ti yech li c'usi chcalticotique. 
\s Ja' li' yaloj ti i'albat chabanuc ti Gayoe
\p
\v 13 Ep to c'usi chacalbe pero mu jc'an xajts'ibabe tal ta vun.
\v 14 Yu'un chtal jvula'anot ta ora mi iyu' cu'une. Mi liyule, tey xilo'ilajotic.
\p
\v 15 Junuc me avo'on, mu me c'usi xal avo'on. Chabanicot la xalic li jchi'iltactic ta xch'unel li sc'op Rioxe ti xayojtiquinique. Xavalbe chabanuc scotol li jchi'iltactic ta xch'unel li sc'op Rioxe ti xcojtiquinique.