1
00:00:05,000 --> 00:00:30,660
Walse eno-kinie molopalie Yesusi yuni nimbendo: “Eno ou kolea-awili Jerusalleme munduku siye naa kolangi! Ou Tatane “Simbo.” nirimu Minimu ‘Ou opili pe pamili!’ ningu inie we nokoko molangi! Akumu nane eno ou nimbu sirindu pilieringi kanumu.

2
00:00:30,660 --> 00:00:49,320
Nane enondo ou nimbondo: “Jonone yemboma no linderimu lsingi nalo wale awisili omba naa pupili eno nanga yemboma Pulu Yemone Mini Kake Telimu simbe linge.” nirindu kanumu.” nirimu.

3
00:00:49,320 --> 00:01:18,160
Kanu-kinie Yesusi lombili andolime yu-kinie máku toko molkolie niringimuni, enone Yesusindu ningendo: “Awilimu, kinié walemonga nuni “Isirele-yemboma altoko enono molangi, Romo-gapomano manie pupili, enono gapomano liengi, na enonga ye-nomi-kingimu molopo eno nokambo!” nininje?” ningu walsiku pilieringi.

4
00:01:18,160 --> 00:01:38,680
Yuni enondo nimbendo: “Tatane ulu lupe-lupema “Tembo.” nimbe mako tolemo walema kinie mélema inge teli walema kinie enonga kongono mólo! Tatane ulume temba walema Tata yuyu akume pilipe molemo.

5
00:01:38,680 --> 00:02:19,340
Nalo eno molongena Mini Kake Telimu ombalie ‘Eno tondolo pupili molangi!’ nimbé. Kanu-kinie pe eno tondolo pupili molkolie kolea-awili Jerusalleme kinie, kolea Judia-Disiriki lemo taonoma kinie kolea kangama pali kinie, kolea Sameria-Disiriki lemo koleama pali kinie, kelko ma-koleama pali kinie yembomando enone na terindu mele kepe “Tembo.” nirindu mele kepe kanoko pilieringi mele ningu siliku punge.” nirimu.

6
00:02:19,340 --> 00:02:35,380
Yuni aku-sipe nimbe molopalie, eno kanoko molangi yu ma-koleamo mundupe siye kolopa mulúne olando purumu kinie kupe te omba yu pipi sirimu, pe altoko naa kanoringi.

7
00:02:35,380 --> 00:02:51,760
Yu ola pumbe purumu kinie eno olando-siku neme-neme ningu kanoko angilieringi kinie eno angilieringine ye talo mulumbale kake teli pakokolo tamburumbu ongo angilkululie niringilimuni,

8
00:02:51,760 --> 00:03:14,520
elone enondo ningelendo: “Kolea-Gallilli yema, eno mulúne olando-siku nambemu-ne kanoko angilkimiliye? I Yesusi, Pulu Yemone kinié mulú-koleana olando likimu yemo, yu kinié pukumu kanokomele mele pe walse aku-sipe kelepa manie ombá.” niringili.