1
00:00:05,000 --> 00:00:30,140
Yesusini ˻Pulu Yemone yu ‘kongono tendepili!’ nimbe lipe mundorumu, yu pea tapú-toko moloringili mele˼ lipe ora sirimu ulu-tondolo awisili terimu yembomane kanoringi nalo ou kepe, kanoringi kinie kepe, “Yu sike Pulu Yemone lipe mundorumu yemo.” ningu naa pilieringi.

2
00:00:30,140 --> 00:01:01,480
Pulu Yemone ungu-umbu tondorumume pilipe yemboma nimbe sirimu ye Aisayane ou nirimu mele pe kamu wendo ombámonga enone aku-siku ningu naa pilieringi. Aisayane nimbendo: “Awilimu, olione nimbu sirimulu ungume nawene ‘Sike nikimili.’ nimbe piliemuye? Awilimuni yunge tondolomo nawe lipe ora sirimuye?” nirimu.

3
00:01:01,480 --> 00:01:24,220
Aisayane aku nirimu akumunge eno Yesusi molio nilimo mele ‘Sike.’ ningu tondolo-munduku pilinge aulke te naa lierimu. Aku ningu pilinge aulke te naa lierimumunge Aisayane ungu te pea nirimu, yuni bokune torumu molemo, akumu i-sipe:

4
00:01:24,220 --> 00:01:53,500
“Pulu Yemone enonga mongoma pipi sindipe, enonga konopume pipila sindilimo. Pulu Yemone nimbendo: “Nane eno tepo konde naa liembo kene eno mongone naa kanoko, konopuni mélte naa pilku, konopu alowa teko na moliona naa wangi!” nimbelie enonga mongo konopuselo aku-sipe terimu.” nirimu.

5
00:01:53,500 --> 00:02:00,940
Aisayane Yesusinge tondolomo kanopalie yuni Yesusinge aku-sipe ninderimu.

6
00:02:00,940 --> 00:02:44,040
Sike Juda ye-awili awisilini Yesusi “molio” nirimu mele ‘Kolo tokomo. Aku yemo naa molemo.’ ningu pilieringi nalo enonga ye awisilini ‘Yu aku yemo sike omba molemo.’ ningu tondolo-munduku pilieringi. Nalo eno Parisi-yema pipili kolkolie, ‘ ‘Yu sike.’ nimbu tondolo-mundupu pilimolo mele nimbu para simolo kinie Parisi-yemane Pulu Yemonga ungumu máku topo pilimolo ulkemanga ‘naa waa!’ ningu kamu makoronge.’ ningu pilkulie, ningu para naa siringi.

7
00:02:44,040 --> 00:03:02,860
Eno ‘Pulu Yemone kapi nimbé kinie papu.’ ningu naa pilku, ‘Yembomane olio kapi ninge kinie papu.’ ningu aku-siku we molko, yu ‘Sike.’ ningu tondolo-munduku pilieringi mele ningu para naa siringi.

8
00:03:02,860 --> 00:03:15,980
Yesusinge Ungumu Liku Su Silimelema Pe Kote Wendo Ombá Kinie Yunge Ungumuni Kotemo Pilipelie Enonga Ulu Telemelema Apurumbe Temanemo

9
00:03:15,980 --> 00:03:39,580
Kanu-kinie Yesusini tondolo ru nimbelie nimbendo: “Yemboma ‘Na molio nilio mele sike.’ ningu tondolo-munduku pilimele yemboma na manjiku ‘Sike’ ningu tondolo-munduku naa pilimele. Na lipe mundorumu yemo kepe ‘Sike’ ningu tondolo-munduku pilimelela.

10
00:03:39,580 --> 00:03:49,840
Yembo ‘Na sike.’ ningu tondolo-munduku pilimele yembomane na kanolemele akumu na lipe mundorumu yemo kanolemelela.

11
00:03:49,840 --> 00:04:05,840
‘Yembo tene ‘Na molio nilio mele sike.’ nimbe tondolo-mundupe pilimbe yembo te sumbulu toline naa molopili!’ nimbu na ma-koleamanga pali pa tendelimu ma-koleana orundu.

12
00:04:05,840 --> 00:04:34,740
“Nalo yembo te nanga ungumu pilipelie tenge panjipe naa temu liemo nane yu kote naa tendembo. Nane mana-yembomanga kote pilipu ‘mindili nongo molangi!’ nimbu naa orundu kanumu. ‘Eno lipu tapondopo mindili nolemela aulkena wendo lipu, na-kinie molko kondonge aulkena lipu mondombo.’ nimbo orundu.

13
00:04:34,740 --> 00:05:10,520
Yembo te na bulu sipe nanga ungume ‘Sike.’ nimbe naa pilipe limbe yembomo kotena pilipe apurumbe mélemo pelemo. Mulú-ma pora nimbé wale kinie ungu nimbu silio ungumene yu kote tendemba. Na-nanu konopuni pilipulie i ungume naa nilio. Tatane na lipe mundorumu-ne orundu yemone “Ni!” nilimo mele pilipulie niliomonga, nilio ungumene kanu yembomo kote tendemba.

14
00:05:10,520 --> 00:05:30,240
Na pilkiru, ‘Tatane “Ni!” nimu-ne nilio ungumuni yemboma alieli molko kondoko mindi punge ulu-pulumu silimo.’ nimbu piliomonga yuni “Aku-siku ningu si!” nilimo mele nimbu silio.” nirimu.