1
00:00:05,000 --> 00:00:18,400
“We-mana-yembomane eno na lombili andolime-kinie konopu keri panjinge kanokolie ‘Ou na-kinie konopu keri panjeringi.’ konopu leko molangi!

2
00:00:18,400 --> 00:00:48,360
Eno we-yemboma-kinie konopu telune pupili molemelanje we-yembomane ‘eno olionga yemboma’ ningu konopu mondolemela. Nalo eno we-yemboma-kinie eno manga-umbu telumu mólo! ‘Eno ma-koleana ulume munduku siye kolko nanga yemboma molangi!’ nimbu mako torundumunge we-yembomane eno-kinie konopu keri panjilimele.

3
00:00:48,360 --> 00:01:25,440
“Nane eno nimbu sirindu ungume konopuni pilku molangi! Nane ou enondo nimbondo: “Kongono tendeli yembo tene yunge nokoli yemo ‘Maniendopa molemo. Na yunge olandopamo molio.’ manda naa nimbé.” nirindu kanumu. Akumunge na mindili liku silimele mele eno kepe aku-siku mindili liku singe. Nanga ungumu pilku liku ténge panjilimele yembomane enonga ungumu pilku liku ténge panjingela.

4
00:01:25,440 --> 00:01:37,820
We-yembomane na lipe mundorumu yemo pilku imbi naa sikulie, eno nanga imbi leko kongono tendengemonga eno mindili liku singe.

5
00:01:37,820 --> 00:02:08,540
Na ˻Pulu Yemone lipe mundorumu-ne˼ yemboma molemelena ombo ungu te naa nilkenje ˻na liku awi naa siku, bulu silimele mele naa telemelamonga˼ ulu-pulu-keri telemelemonga mongo naa liku mindili naa nolemela. Nalo ˻na sike orundu, ungu nilio mele pilimelemonga˼ “Ulu-pulu-keri telemolo mele naa pilimolo.” manda naa ninge.

6
00:02:08,540 --> 00:02:15,980
Yembo te na-kinie konopu keri panjilimó yembomone Tata-kinie kepe konopu keri panjilimóla.

7
00:02:15,980 --> 00:02:42,100
Kongono lupe-lupema, ou yembo tene ulu-tondoloma naa terimu mele nane enonga suku-singine ombo naa telkanje enone na liku bulu siku ulu-pulu-keri telemele mele naa telemela. Nalo ulu-tondolo terindume kanokolie kepe Tata olto-kinie konopu keri panjilimele.

8
00:02:42,100 --> 00:03:01,600
Nalo enonga ungu-mane te Pulu Yemonga bokune molemo mele wendo ombámonga aku tekemele. Bokune ungu te molemo mele i-sipe: “Eno na-kinie konopu keri we panjilimele.” nimbe bokune molemo.” ˻nirimu.˼

9
00:03:01,600 --> 00:03:06,420
Pulu Yemonga Minimu Omba Tembamonga Ungu Te

10
00:03:06,420 --> 00:03:33,060
“Eno Lipe Tapondopa Konopu Enge Sindelimu Tata pea molembelena pupulie lipu mundumbo akumu ombalie nimbemone, nanga ulu telio mele eno nimbe simbemo. Aku Lipe Tapondopa Konopu Enge Sindelimu yu Ungu-Sikema Lipe Ora Sili Minimu, yu Tata molemona molopalie olemo Minimu.

11
00:03:33,060 --> 00:03:53,660
Nalo Minimu yuni manjipe nanga mélemando naa nimbe simbe. Eno na pea ou pulu polopo molorumulu mele kinié yandopa molemolomonga eno kepe nanga ungu anjo ningu sili yema molemelela.” ˻nirimu.˼

12
00:03:53,660 --> 00:04:06,140
(Pulu Yemonga ungumu. Kolomongo-kanga wane.) ˻Yesusini ungu te pea yu lombili andolimendo nimbendo:˼ “ ‘Enone na munduku siye-kolko lou naa leangi!’ nimbu i ungume ou nikiru.

13
00:04:06,140 --> 00:04:26,820
Yemboma máku toko Pulu Yemonga ungumu pilimele ulkena yemane eno “Sukundu naa waa!” ningu makoronge. Yembomane ‘Pulu Yemonga kongonomo tendamili!’ ningu eno nanga lombili andolime toko kondonge walemo sike wendo ombála.

14
00:04:26,820 --> 00:04:35,340
Tata kinie olto pilie naa pilimelemonga yembomane eno-kinie aku-siku teko kenjinge.

15
00:04:35,340 --> 00:05:08,540
“Nalo ‘Aku ulume tenge walemo wendo ombá kinie enone ‘A! Yembomane olio i-siku tenge walemo Yesusini “pe wendo ombá” nimbe ou liepi-liepi torumu walemo ya sike i wendo okomo lepamo.’ ningu pilku molangi!’ nimbulie pe ombá eno mindili nonge mele, kinié ou liepi-liepi topo nikiru. Na eno pea ou molorumulu kulu eno nimbu naa sirindu.