1
00:00:05,000 --> 00:00:17,540
“ “Na kinié pumbo tekero.”

2
00:00:17,540 --> 00:00:24,380
Yesusini Pulu Yemonga Minimuni Kongono Temba Mele Nimbe Sirimu Temanemo

3
00:00:24,380 --> 00:00:36,560
nikiru nalo aku nikirumunge enonga ye tene “Nu tena pukunuye?”

4
00:00:36,560 --> 00:00:50,980
‘ “Na pumbo tekero.” nikirumunge enonga konopune sukundu meme kulupi pemu-ne pilkulie paa kondo kolkolie aku naa walsiku pilkimili.’ nimbu pilkiru.

5
00:00:50,980 --> 00:01:25,480
Nalo na pumbomonga ‘Yu pea altopo tapú-topo naa molomolo lemo.’ ningulie enone na kondo naa kolayo! Nane enondo paa sike nimbu sikirumu: “Na pumbomonga eno lipu tapondombo. Na naa pundu liemo eno Lipe Tapondopa Konopu Enge Sindelimu naa ombá. Nalo pundu liemo nane yando eno molongena yu lipu mundumbo pumbo.” nikiru.

6
00:01:25,480 --> 00:01:50,560
“Yu yando ombalie nimbémone, ulu-pulu-kerimenga perelemelemonga pulumu kinie konopune ulu-pulu-keri te naa pepa konopu sumbi-silimunge pulumu kinie kotemonga pulumu kinie nimbe sumbi-sipe, yembomane kanumenga pulume ningu pilku sundulimele mele yuni lipe ora sipe nimbé.

7
00:01:50,560 --> 00:02:09,280
Na Pulu Yemonga Malo molopo, yuni na lipe mundorumu-ne mana manie orundu mele pilkulie yembomane na liku su siringi kanu ulumu yu ulu-pulu-kerimenga pali pulumu Minimuni nimbe lipe ora sipe;

8
00:02:09,280 --> 00:02:31,420
Pulu Yemo kanopa peanga kanolemo ulu-pulu peangama lipe ora simbendo na Tata molemona pumbo altoko naa kanongemonga na ulu-pulu-keri te naa tepo, te konopune naa pepa konopu sumbi-sipe pepili molorundu molio mele lipe ora sipe;

9
00:02:31,420 --> 00:02:50,800
‘Kotemonga pulumu lipu ora siembo!’ nimbe ya ma-koleamo nokolemo ye-nomi ˻Setene˼ mongo lsimumunge Pulu Yemone koronga ‘Kote-walemo wendo ombá kinie yu kamu mindili simbo.’ nimbe panjerimu mele lipe ora simbela.

10
00:02:50,800 --> 00:02:59,960
“Nane enondo ungu nimbo awisili we pelemo, nalo kinié nilkenje eno mindili siku pilimela.

11
00:02:59,960 --> 00:03:31,620
Nalo Minimu, yu ungu-sikemanga pulumu, yu ombalie nimbemone, yuni ungu-sikema pali ‘Pilku kondangi!’ nimbe akume eno nimbe simbemo. Yuni yuyu konopuni pilimbe mele naa nimbe simbe. ˻Pulu Yemone yundu˼ ungu-umbu tondombama komuni pilipelie nimbe simbe. Ulu pe wendo ombá ulumenga ou nimbe simbela.

12
00:03:31,620 --> 00:03:47,320
Na telio mele kepe molio mele kepe nilio mele kepe aku mélemanga yuni pilipelie yando eno nimbe simbe kinie aku-sipe nanga imbimu lipe ola mundundumbe.

13
00:03:47,320 --> 00:03:59,140
Tatanga mélema pali nangamonga-kolo pilipulie nane ‘Minimuni nanga mélemanga pilipe yando eno nimbe simbe.’ nikiru.” ˻nirimu.˼

14
00:03:59,140 --> 00:04:11,400
Yesusini Yu Lombili Andolime Ou Kamelena Mindili Tepili Molkolie Pe Kelko Konopu Singemondo Nirimu Temanemo\f + \fr 16:16-24 \ft inie yakondo 7:33-34.\f*

15
00:04:11,400 --> 00:04:19,760
“Nondoko enone na naa kanonge. Pe nondoko kelko na kanonge.” nirimu.

16
00:04:19,760 --> 00:04:46,640
Yu lombili andoli mare eno-enono anjo-yando kere-pale ningulie ningendo: “Oliondo nikimumu nambolka unguri nimbelie nikimunje? “Nondoko enone na naa kanonge. Pe kelko nondoko na kanonge.” nimbe, “Na Tata molemona pumbomonga aku temba.” nikimu, nambolka unguri nimbendo nikimunje?

17
00:04:46,640 --> 00:04:58,240
Yu “nondoko” nikimumu nambolka nimbendo “nondoko” nikimunje? Olio naa pilkimulu.” ningu moloringi.

18
00:04:58,240 --> 00:05:27,120
Enone yundu ‘Walsipu piliemili kene.’ ningu konopu lieringi kinie Yesusi yuni pilipelie nirimumuni, yuni enondo nimbendo: “Eno anjo-yando kere-pale nikimili nane nindu mele eno na walsiku pilingendo nikimiliye? “Na nondoko enone na naa kanonge. Pe nondoko kelko na kanonge.” nindu kanumundu nikimiliye?

19
00:05:27,120 --> 00:05:51,720
Nane eno paa sike nimbu sikirumu: “˻Na-kinie wendo ombámonga˼ tembomonga eno kola teko kondo kolonge. Nalo we-yemboma konopu singe. Na lombili andolime eno ou kamelena mindili temba nalo kelko na kanokolie alowa teko konopu singe.” nikiru.

20
00:05:51,720 --> 00:06:19,380
“Ambore yu ambolango membá walemo nondopa wendo olemo kinie ambolangomone yu peue tolemo kinie mindili nomba perelemo. Nalo ambolangomo kanopa lipelie yu ou umbune tepili molemo mele komu sindipe yembo konde te mana molombando wendo olemo-na yu alowa tepa konopu silimo.

21
00:06:19,380 --> 00:06:57,960
Eno aku-sipela. Ambomane ambolango mengendo mindili nolemele aku-siku mele “Na eno mundupu siye kolopo pumbo.” nikirumunge eno kinié kamelena mindili tepili molemele. Nalo amborene ambolango kamu membalie kelepa konopu silimo mele nane eno kelepo kanombo kinie eno konopu singela. Kanu-kinie eno konopu siku molongemondo yemborene eno konopu naa siengi uluri manda naa tenge.

22
00:06:57,960 --> 00:07:35,080
“Kanu-kinie na pumbomonga Minimu ombá-na ungu nikirumenga pulumu pilkulie enone na unguri altoko walsei naa walsinge. Nane enondo paa sike nimbu sikirumu: “Tatando mélte molo ungu te molo ulu te ‘Mawa teamili!’ ningulie ningemone, nane enonga nimbu tendembomonga ‘Nanga yemboma molemolo.’ ningu mawa tenge kinie Tatane mawa teko walsinge mélema eno simbemo.” nikiru.

23
00:07:35,080 --> 00:07:48,800
Ou enone nanga imbi leko mélte mawa naa teringi. Mawa teame! Pe eno konopu paa manda singendo linge.” ˻nirimu.˼

24
00:07:48,800 --> 00:07:59,700
‘Yesusi Yu Pulu Yemo Pea Paa Sike Molopalie Mana Manie Orumu.’ Ningu Tondolo-Munduku Pilieringi Temane Te

25
00:07:59,700 --> 00:08:19,320
“Na lombili andolime, nane eno ungume nimbu simbondo taki-teki ungu-iko mindi tolio. Nalo pe walse nane enondo aku-sipu naa nimbo. Nanga Tatane ulu telemoma nane sumbi-sipu nimbu simbo.

26
00:08:19,320 --> 00:08:31,200
Aku walemonga nanga imbi leko mawa tenge. Kanu-kinie ‘Nane Tata enonga nimbu mawa tendembo.’ ni naa nikiru,

27
00:08:31,200 --> 00:08:52,500
mólo! Enone na konopu mondoko, na Pulu Yemo-kinie molopololie ya mana orundu enone ‘Sike aku terimu.’ ningu tondolo-munduku pilimele-na Tatane eno konopu mondolemomonga eno enono yu mawa tenge mele yuyu pilimbe.

28
00:08:52,500 --> 00:09:04,980
Ou Tata molorumune molopo mana manie orundu. Pe kinié kelepo mana mundupu siye kolopo Tata molemona pumbo.” nirimu.

29
00:09:04,980 --> 00:09:15,960
Yu lombili andolimene ningendo: “A, kinié ungu-iko naa toko sumbi-siku mindi nikinumu olio pilipemolo.

30
00:09:15,960 --> 00:09:37,400
Nu ulume pali pilku konginjilino. Mélte naa pilinomo yembo tene nu nimbe simbe mele manda mólo! Olio aku-sipu pilipulie ‘Nu Pulu Yemo pea molkololie mana orunu.’ nimbu tondolo-mundupu pilkimulu.” niringi.

31
00:09:37,400 --> 00:09:53,740
Enone aku niringi kinie pilipelie Yesusini enondo nimbendo: “Na Pulu Yemo pea molopololie mana orundu enone kinié ‘Sike aku terimu.’ ningu kamu pilkimilinje?

32
00:09:53,740 --> 00:10:25,420
Pilieme! Wale te wendo ombá, mólo, kanu walemo koronga wendo omu lemo, kanu walemonga yembo-lupemane eno toko bulu-balu singe. Kanu-kinie ‘Na-nanu molambo!’ ningu na munduku siye kolko enono yu-mele-mele enonga ulkendo pungemo. Nalo Tata pea tapú-topo molembolo-na na-nanu naa molio, mólo!

33
00:10:25,420 --> 00:11:04,640
“Eno ‘Na tondolo-munduku pilkulie konopu waengo siku molangi!’ nimbu kinié ipulueli eno-kinie molopolie i ungume nane enondo nimbu sikirumu. Ma-koleana eno umbune tepa mongo awisili ola olemo. Nalo mana-yemboma enge nilimele akumu laye pange telimu, na paa ola, na paa enge nilio. Aku telio kene pilkulie enonga konopukundu tondolo pupili molangi!” nirimu.