1
00:00:05,000 --> 00:01:03,640
˻Pulu Yemo popo tondoringi ye-awili-olandopa Kayapasi kinie Juda-yembomanga kanjollo-yema pali kinie enone Kayapasinge ulkena Yesusi kote tendeko pilku pora sikulie, ˼ Judamanga ye-awilime Kayapasi munduku siye kolko eno nokorumu Romo-gapomano yemonga ulkena Yesusi mengo puringi. Kolea tangomba muni lierimu kinie akune mengo puringi. Mengo pukulie eno Juda-yembomanga ungu-mane te perimumu pilkulie ‘Olio Romo-yembo tenga ulkena pumolo kinie kalaro-mele molomba kene Pulu Yemone olionga anda-kolepalime Naa Topa We Omba Purumu mele pilimolo walemonga kongi-sipisipi walo manda naa nomolo.’ ningu pilkulie eno ulkena sukundu naa puringi.

2
00:01:03,640 --> 00:01:22,580
Eno pena ulke-kerepulune angilieringi kulu kanopalie eno angilieringine Romo-gapomano ye-nomi Paillate pena omba enondo walsipelie nimbendo: “Eno i yemo ulu nambe-emu-ne kote tendekemeleye?” nirimu.

3
00:01:22,580 --> 00:01:33,620
Enone topondoko ningendo: “Yu mongo naa lilkenje nu molonune naa membo ombo silimela.” niringi.

4
00:01:33,620 --> 00:02:08,460
Paillatene nimbendo: “Yu yando mengo pukulie eno-enono enonga ungu-mane pelemomane nilimo mele pilkulie yu kote tendeko umbune singe mele enono pilku sie!” nirimu. Juda-˻yembomanga awili˼mene ningendo: “Aku teamili mangali Romo-gapomanomone olio ungu-mane sipelie nimbendo: “Eno we-yembomane yembo toko kondou naa kondaa!” nilimo kanumu.” niringi.

5
00:02:08,460 --> 00:02:47,580
Aku niringimunge Yesusini yu kolomba mele ou nimbe sirimu aku-sipe sike kolombando eno yuni nirimu mele naa pilkulie we enono pilkulie “Yu kolopili!” ningu yu Paillate molorumune mengo oringi. Yesusini “ ‘Na kolambo!’ ningu unjo-perana uku toko panjinge.” ou nirimu mele Romo-gapomanomone mindi mongo lsingi yemboma aku-sipe topa kondorumu, Juda-yembomane aku-siku manda naa teringi.

6
00:02:47,580 --> 00:03:06,800
Juda ye-awilimene niringi mele pilipelie, Paillate altopa ulke-awilimunge sukundu pupe Yesusindu “Ou!” nimbelie yundu walsipelie nimbendo: “Nu Juda-yembomanga ye-nomi-kingimu molenoye?” nirimu.

7
00:03:06,800 --> 00:03:23,640
Yesusini topondopa walsipelie nimbendo: “Nuni nunu pilkulie aku ungumu nikinunje molo nando yembo-lupemane nu ningu singi-ne pilkulie akumu nikinuye?” nirimu.

8
00:03:23,640 --> 00:03:46,880
Paillatene topondopa nimbendo: “Na ‘Juda-yere.’ ningu pilkulie aku-siku walsikinuye? Nunge yemboma kinie nunge Pulu Yemo popo tondoli ye-awilime kinie akumene nu na molondune mengo ongi. Nu nambe-enu-ne liku mengo ongiye?” nirimu.

9
00:03:46,880 --> 00:04:14,840
Yesusini nimbendo: “Na ya mana ye-nomi-kingimu molopo mana yemboma nokombo mele mólo! Sike mana ye-nomi-kingimu molkanje nanga yembo-talapemane na “Juda-yembomane ka naa siengi!” ningu opa telemela. Nalo na mana ye-nomi-kingimu mólo!” nirimu.

10
00:04:14,840 --> 00:04:52,600
Paillatene nimbendo: “Aku liemo nu paa sike ye-nomi-kingi te lepamo. Sike nikiruye?” nirimu. Yesusini topondopa nimbendo: “Sike! Pulu Yemone ‘Na kingimu molopili meaa!’ nirimu kulu meringila. ‘Yemboma ungu-sikema piliengi!’ nimbu mana orundula. Yembo ‘ungu-sikema’ waka kolkolie ‘piliemili!’ nilimele yembomane na pilimele.” nirimu.

11
00:04:52,600 --> 00:05:21,760
Paillatene ˻ungu-taka tondopalie˼ nimbendo: “Ungu-sike te pelemoye? Te naa pelemo.” nirimu. Aku nimbelie yu altopa Juda-yema angilieringine penando pupelie nimbendo: “Yu mindili simbomonga mongo te limumu naa pilkiru. Yuni ulu te tepa naa kenjemu.” nirimu.

12
00:05:21,760 --> 00:05:31,800
Romo-Gapomano Ye Paillatene Yesusinge Kote Kamu Pilipelie “Kolopili!” Nirimu Temanemo\f + \fr 18:39–19:17 \ft Temanemo Boku Mateyu 27:20-26, Boku Mako 15:6-20, Boku LLuku 23:18-25.\f*

13
00:05:31,800 --> 00:06:33,700
Paillatene ˻Yesusi uluri naa tepa kenjerimu konopu lepalie ‘Naa kolopili!’ nimbe pilipelie˼ Juda-yembomando nimbendo: “Eno kinie na kinie telemolo ulu-pulu pelemomo pilipulie teambo! Ponie tenga-tenga, eno Juda-yembomane enonga anda-kolepali kolea Isipi moloringi kinie Pulu Yemone eno Naa Topa We Omba Purumu mele pilingendo langi noringi walema wendo olemo kinie enone ka-ulkena perimu ye te imbi leko ‘Wendo liku mundou!’ ningu mawa telemele kinie nane kanu yemo wendo lipu eno silio. Akumunge, kinié kanu walemo wendo okomomonga ‘Juda-yembomanga ye-nomi-kingimu wendo lipu eno siembo!’ konopu lekemeleye?” nirimu.

14
00:06:33,700 --> 00:06:53,000
Nalo enone anjo tondolo-mundukulie ningendo: “Aku yemo paa mólo! Barapasi wendo liku si!” niringi. (Barapasi yu Romo-gapomano-kinie opa terimumunge ka siringi yemo.)