1
00:00:05,000 --> 00:00:16,840
(Pulu Yemonga ungumu. Kolomongo-kanga wane.) Ye te kuru torumu, yunge imbi LLasirasi. Yunge kolea Betani, akuna yunge kemulu Maria kinie Matatolo pea moloringi.

2
00:00:16,840 --> 00:00:35,980
Kanu ambo Mariane pe walse Ailimunge kimbuna kopongo-wele ondo-lepa ape kanjinjipelie Maria yunge penge-indimuni Ailimu yunge kimbuna kulu tonjirimu. Ambo akumunge kemulu LLasirasi kuru torumu.

3
00:00:35,980 --> 00:00:51,160
Yunge kemulutolone LLasirasi kuru torumu-na Yesusi molorumuna ungu te ningu mundukululie ningilindu: “Ailimu, nuni konopu monjilino yemo kuru tomu.” niringili.

4
00:00:51,160 --> 00:01:17,940
Yesusini aku ungumu pilipelie yu lombili andolimendo nimbendo: “LLasirasi kuru tokomomo manda naa kolomba, mólo! Pulu Yemonga tondolomo mona lepa yunge imbi ola molombamonga yu kuru tokomo. Yu kuru tokomomonga Pulu Yemonga Malonga tondolomo mona lepa imbi ola molombala.” nirimu.

5
00:01:17,940 --> 00:01:27,140
Yesusini ambo Mata kinie angenu Maria-tolo eltenga kemulu LLasirasi kinie ene paa konopu monjirimu

6
00:01:27,140 --> 00:01:34,960
nakolo LLasirasi kuru torumu pilipelie yu molorumu koleana wale talo we molorumu.

7
00:01:34,960 --> 00:01:47,060
Wale talo molopalie pe yu lombili andoli yemando nimbendo: “Olio kolea Judia-Disirikindu kelepo yando pamili!” nirimu.

8
00:01:47,060 --> 00:02:01,980
Nakolo enene ningindu: “Rapai, Juda ye-ailimene nu ou kouni toko konjingí teringi kanumu. Pe nu akuna kelko puni tekenoye?” niringi.

9
00:02:01,980 --> 00:02:24,780
Yesusini pundu topa ungu-iku topalie nimbendo: “Wale tenga ekendo kolea sumbulu topa, ekendo tangopa naa telemoye? Kolea tangolemo kinie yambo te ma-koleana pa tenjilimona pupelie aulke sumbi-sipe kanopa pupe manda a naa tolemo.

10
00:02:24,780 --> 00:02:34,640
Nakolo yambo te ipulueli pulimomo pa tenjilimu yu-kinie naa pelemomonga yu a tolemo.” nirimu.

11
00:02:34,640 --> 00:02:50,320
Aku nimbelie pe yuni altopa enendo ungu te pea nimbendo: “Olionga pulu lemo ye LLasirasi uru pelemo. Nakolo nane pupu yu topo makinjimbu.” nirimu.

12
00:02:50,320 --> 00:02:59,880
Yunge lombili andolimene ningindu: “Ailimu, yu uru pemu liemo kelepa kapola molombamo.” niringi.

13
00:02:59,880 --> 00:03:10,600
Yesusini LLasirasi kolorumumundu nirimu nakolo yunge lombili andolimene ‘Yu we uru pelemo.’ konopu leringi.

14
00:03:10,600 --> 00:03:21,200
Aku-siku konopu leringi-ne Yesusini ungu-ikumunge pulumu nimbe para sipelie nimbendo: “LLasirasi kolopa pora simu.

15
00:03:21,200 --> 00:03:41,160
Nakolo na yu-kinie naa molondumunge ulu-tondolo wendo ombá kene enene na molio nilio mele ‘Sike.’ ningu tondolo-munduku pilingímunge yu-kinie naa molondumu papu tendu. Yu lemona pamili wai!” nirimu.

16
00:03:41,160 --> 00:03:55,280
Aku nirimu pilipelie, Tomasi, yunge imbi te Didimasi, yuni lombili andoli marendo nimbendo: “Olio Yesusi yu-kinie pea kolamili pamolo!” nirimu.

17
00:03:55,280 --> 00:04:03,600
Akumunge, Yambo Kololime Lomboroko Ola Molemelemonga Ulu-Pulumu Kepe Yambo Konde Molemelemonga Ulu-Pulumu Kepe Yesusi Yu Aku Pulutolo Molemo Ungumu

18
00:04:03,600 --> 00:04:18,880
Yesusi Kola Terimu Temanemo

19
00:04:18,880 --> 00:04:29,220
Yesusi kolea-kanga Betani omba pilirimu kinie “LLasirasi óno-koleana wale kise pemu.” niringi pilirimu.

20
00:04:29,220 --> 00:04:42,140
Kolea-kanga Betani kinie kolea-aili Jerusalleme kinie paa nondopa mele lerimu, manda leli killomita yepoko mele. Nondopa lerimu-na

21
00:04:42,140 --> 00:04:51,760
Juda-yambo aisili LLasirasi kolorumu-na pilkulie Mata Maria-tolo moloringiline ene kola-ulke oringi.

22
00:04:51,760 --> 00:05:03,300
Matane Yesusi orumu pilipelie yuni ‘Aulkena kanopo limbu.’ nimbe purumu, nakolo Maria yu ulke suku we molorumu.

23
00:05:03,300 --> 00:05:14,360
Matane Yesusi kanopa lipelie yundu nimbendo: “Ailimu, nu ya pea molemelkanje nanga kemulu naa kolka.

24
00:05:14,360 --> 00:05:27,640
Nakolo na pilkiru, kinié kepe nuni Pulu Yemo-kinie mawa teni kinie nu mawa teni mélemo yuni pilipelie nu simbe.” nirimu.

25
00:05:27,640 --> 00:05:36,360
Yesusini yundu nimbendo: “Kemilie altopa lomboropa ola molomba.” nirimu.

26
00:05:36,360 --> 00:05:53,080
Matane nimbendo: “Sike, na pilio. Mulú-ma pora nimbé walemonga yamboma lomboroko ola molonge kinie LLasirasi kepe lomboropa ola molomba.” nirimu.

27
00:05:53,080 --> 00:06:15,080
Yesusini yundu nimbendo: “Yambo lomboroko ola molonge ulu-pulumu kinie konde mololi ulu-pulumu kinie aku ulutolonga pulumu na. Na molio i nikiru mele ‘Sike.’ nimbe tondolo-mundupe pilimo yambomo kolopalie konde molomba.

28
00:06:15,080 --> 00:06:38,720
Yambo konde molopa ‘Yu sike Pulu Yemone lipe mundurumu yemo.’ nimbe tondolo-mundupe pilimo yambomo paa sike kolou naa kolopa alieli konde molopa mindi pumbe. Aku nikirumu ‘Sike nikimu.’ ningu tondolo-munduku pilku molkono molo móloye?” nirimu.

29
00:06:38,720 --> 00:07:05,520
Matane Yesusindu nimbendo: “Sike, Ailimu. ‘Pulu Yemone “Olio nokopa konjimbe ye te lipu mundumbu.” nimbe mako torumu ye-nomi Kirasimu kinie Pulu Yemonga Malomo kinie, aku yemo “Ya mana ombá.” niringi ye akumu nu ongo moleno.’ nimbu tondolo-mundupu pilipu molio.” nirimu.

30
00:07:05,520 --> 00:07:09,360
Yesusini LLasirasi Óno-Koleana Topa Makinjirimu Temanemo

31
00:07:09,360 --> 00:07:29,020
Matane aku nimbelie yu yando pupelie angenu Maria kiyongo nimbe walsipe “Pea molambili oi!” nimbelie yundu nimbendo: “Ungu-Mane Sílimu omba molopalie, “Yu moliona oi!” nikimu.” nirimu kinie

32
00:07:29,020 --> 00:07:35,940
Maria pilipelie yu tamburembu ola angilipe Yesusi molorumuna purumu.

33
00:07:35,940 --> 00:07:47,900
Kola-ulke moloringine Yesusi ou naa omba, Matane yu aulkena angilipili pupe kanopa orumu akuna yu we molorumu.

34
00:07:47,900 --> 00:08:07,120
Kanu-kinie Juda-yambo kola-ulke pea moloringimene Maria tamburembu ola angilipe omba pena purumu kinie kanokolie niringimuni, ‘Yunge kemulu óno teringi koleana kola temba pukumunje.’ ningu lombili puringi.

35
00:08:07,120 --> 00:08:23,500
Maria Yesusi angilirimuna omba Yesusi kanopalie yunge kumbi-kerena omba tamalu pepalie nimbendo: “Ailimu, nu ya pea molemelkanje nanga kemulu naa kolka.” nirimu.

36
00:08:23,500 --> 00:08:37,080
Maria kinie Juda-yambo yu-kinie pea oringime kinie kola teringine kanopalie yu ene paa kondo kolopa konopu umbuni aili-tepa kolorumu.

37
00:08:37,080 --> 00:08:50,420
Yuni walsipelie nimbendo: “Yu óno tena teringiye?” nirimu. Enene pundu toko ningindu: “Ailimu, nu ongo kanoi!” niringi.

38
00:08:50,420 --> 00:08:52,780
Yesusi kola terimu.

39
00:08:52,780 --> 00:09:05,120
Aku terimu-na kanokolie Juda-yambomane ningindu: “Kaname! Ye kolomumu yu paa konopu monjilimo lepamo.” niringi.

40
00:09:05,120 --> 00:09:21,480
Nakolo marene ningindu: “Ye tenga mongo keri lerimumu manda tepa peanga tenjirimu yemo yuni i kolorumu yemondo “Naa kolopili!” manda naa nilkeye?” niringi.

41
00:09:21,480 --> 00:09:28,080
Yesusi Toko Konjingindu Langi Niringi Temanemo\f + \fr 11:45-57 \ft Boku LLuku 22:1-2. LLasirasi tongendo langi niringi temanemo 12:9-11.\f*

42
00:09:28,080 --> 00:09:46,380
Yesusi yu altopa kamelena mindili terimu pilipelie óno-koleana orumu. Aku óno-koleamo yu kou-kandemo. Yu óno teringi kou-kande kere-puluna kou aili tene pipi siku nosiringi lerimu.

43
00:09:46,380 --> 00:10:04,720
Yesusini nimbendo: “Koumu wendo liei!” nirimu. Nakolo kolorumu yemonga kemulu Matane nimbendo: “Ailimu, yu óno-koleana pepili wale kise omba pumu lkupendi paa tomba.” nirimu.

44
00:10:04,720 --> 00:10:21,420
Yesusini yundu nimbendo: “Nane nundu “Na molio mele nindu ungumu ‘Sike nimu.’ ningu tondolo-munduku pilinu liemo nuni Pulu Yemonga tondolomo kanoni.” nindu kanumu.” nirimu.

45
00:10:21,420 --> 00:10:39,820
Aku nirimu kinie enene kou akumu wendo liringi. Kanu-kinie Yesusini olando-sipe kanopalie nimbendo: “Tara, nuni na pilinumunge nane nu “Ange. Paa tenu.” nikiru.

46
00:10:39,820 --> 00:11:01,440
Nuni nanga ungumu alieli pilino, nuni pilino mele na pilio nakolo ‘Yambo ya i angilkimilimene ‘Na nuni mundurunu yemo.’ ningu piliengi!’ nimbu nane nundu “Na pilinumunge ange.” nindu.” nirimu.

47
00:11:01,440 --> 00:11:10,640
Aku nimbelie nirimumuni, tondolo walsipelie nimbendo: “LLasirasi, nu makilku wendo oi!” nirimu.

48
00:11:10,640 --> 00:11:41,020
Kanu-kinie ye kolorumu kanumu makilipe wendo orumu. Yu wendo orumu kinie yunge kimbu-kime banisini ka toko yunge kumbikeremo kepe maminiane okoko yu óno teringime wendo naa lipe we omba angilirimu-na Yesusini enendo nimbendo: “Yu okongi mulu-wambalemo wendo lieyo! Yu omba pupili!” nirimu.

49
00:11:41,020 --> 00:11:46,400


50
00:11:46,400 --> 00:12:06,660
LLasirasi kolorumu kinie Yesusini yu topa makinjirimu-na Juda-yambo kola-ulke oringimenga aisilini yuni aku terimu ulumu kanokolie ‘Yuni “molio” nilimo mele sike akumu molemo.’ ningu tondolo-munduku piliringi.

51
00:12:06,660 --> 00:12:15,920
Nakolo mare Parisi-yema Jerusalleme moloringine puku Yesusini terimu mele temane toko siringi.

52
00:12:15,920 --> 00:12:44,000
Aku ungumu pilkulie Parisime kinie Pulu Yemo popo tonjiringi ye-ailime kinie enene “Olio Judamanga kanjolloma pali maku tamili wai!” ningulie ningindu: “Olione i yemo nambe-temoloye? I yemone Pulu Yemo-kinie tapu toko molembele mele lipe ora silimo ulu-tondolo aisili telemo.” niringi.

53
00:12:44,000 --> 00:13:18,960
“Olione yu aku-sipe tepa molopili siye kolomulu liemo yambomane paa pali ‘Yuni “molio” nilimo mele sike akumu molemo.’ ningu tondolo-munduku pilkulie ˻yu lombili andonge˼ kinie Romo-gapomanomo olio-kinie ‘Opa temolo.’ konopu lelkolie ningímuni, ongo olionga Pulu Yemo popo topo kalemolo ulke-tembelemo toko tekisiku olionga yamboma toko bulu-balu siku mundungí.” niringi.

54
00:13:18,960 --> 00:13:38,700
Kanu-kinie enenga ye ‘Kayapasi’ nili ye te, yu aku poniemonga Pulu Yemo popo tonjiringi ye-aili-olandopamo molorumu, yuni nimbendo: “Ene kekelepa toko, i ulu wendo okomomonga pulumu naa pilimele.

55
00:13:38,700 --> 00:13:54,700
Yambo te yambomanga pali kolo wangopa kolonjimu liemo papu. Te kolo wangopa naa kolonjimbe kinie yamboma pali kolongi liemo kapola naa temba.” nirimu.

56
00:13:54,700 --> 00:14:33,040
Yuni aku nirimumu yuyu pilipe naa nirimu. Yu aku poniemonga Pulu Yemo popo tonjiringi ye-aili-olandopamo molorumumunge Pulu Yemone yunge konopuna sukundu ungu-umbu te tonjipe nimbe panjirimu kinie pilipelie aku-sipe walu nirimu. ˻Aku nirimu ungumunge sike pulumu naa pilirimu. ˼ Yesusi yu temba mele Kayapasini nirimumunge pulumu i-sipe: Yesusi Juda-yambomanga pali nimbe kolo-wangopa kolonjimbe.

57
00:14:33,040 --> 00:14:52,600
Nakolo Juda-yambomanga manjipe mólo! Pulu Yemonga ambolango koleamanga pali molemele akuma pea teluna lipe memba omba máku tombamonga yu enenga pea nimbe kolonjimbemondo Kayapasi yuni nirimu.

58
00:14:52,600 --> 00:15:03,540
Kanu-kinie Kayapasini kerena nirimu mele pilkulie kanjollomane Yesusi toko konjingíndu pulu monjiku langi niringi.

59
00:15:03,540 --> 00:15:29,300
Kanu-kinie Juda ye-ailimene yu toko konjingindu langi niringi pilipelie Yesusi ene moloringine yu we mona naa andorumu. Yu ene mundupe kelepa kolea ku-leline nondopa lerimu kolea-kanga Ipereme pupe, akuna yunge lombili andolime pea moloringi.

60
00:15:29,300 --> 00:16:00,280
˻Juda-yambomane ponie tenga-tenga kolea-aili Jerusalleme ongo akuna suku˼ Pulu Yemone enenga anda-kolepalime Naa Topa We Omba Purumu mele piliringi walema nondopa wendo ombá terimu kinie Juda-yambo aisili enenga pulu-koleama munduku kelko puku, Pulu Yemone ene kake tepili molonge kanomba uluma tengendo Jerusalleme olando puringi.

61
00:16:00,280 --> 00:16:29,120
Akuna pukulie Yesusi korokolie, Pulu Yemo popo toko kaloringi ulke-tembelena máku toko angilkulie anju-yando kere-pali ningulie ningindu: “Ene nambolka konopu lekemeleye? Pulu Yemone olionga anda-kolepalime Naa Topa We Omba Purumu mele pilimulúndu Pulu Yemo-kinie ulu temoloma ‘pea teamili!’ nimbe naa ombáye?” niringi.

62
00:16:29,120 --> 00:16:49,000
Nakolo Pulu Yemo popo tonjiringi ye-ailime kinie Parisi-yema kinie enene ou ningu panjikulie ningindu: “Yambo tene Yesusi tenga molomba kanopalie, ka siemili olio nimbe sipili!” niringi.