1
00:00:05,000 --> 00:00:30,140
(Pulu Yemonga ungumu. Kolomongo-kanga wane.) (Pulu Yemonga ungumu. Kolomongo-kanga wane.) ˻Yesusini yunge lombili andolimendo kelepa nimbendo:˼ “Ene konopuna umbuni tepili mini-wale munduku naa molayo! Pulu Yemone ene ‘˻Sike lipe taponjimbe˼.’ ningu tondolo-munduku piliengi! Nane ene ‘Sike ˻nokopa lipe taponjimbe˼.’ ningu tondolo-munduku piliengila!

2
00:00:30,140 --> 00:00:50,240
Nanga Taranga ulkena suluminia aisili lemo. Naa lelkanje nane enendo “Naa lemo.” nimbu, nimbu silke. Nakolo sike lemomonga nane enenga molonge koleamo pupu tepo mimi tenji-pukuru.

3
00:00:50,240 --> 00:01:05,400
We naa-la tenjimbu. Enenga molonge koleamo pupu tepo mimi tenjipulie nimbumuni, pe na molombona ‘Ene pea molamili!’ nimbu ene ombo limbu.

4
00:01:05,400 --> 00:01:11,080
Pumbu koleamonga aulkemo ene kanolemele.” nirimu.

5
00:01:11,080 --> 00:01:27,020
˻Lombili andoli ye˼ Tomasini yundu nimbendo: “Ailimu, nu puni koleamo olio naa kanolemolo. Pe kinié olio aku koleamonga aulkemo nambe-tepo kanolemoloye?” nirimu.

6
00:01:27,020 --> 00:01:45,800
Yesusini yundu nimbendo: “Na aulkemo, na sike-ungumu, na konde molko mindi pungí ulu-pulumu. Yambo te Tara molemona pumbendo na molombona mindi manda ombá. Aulke te-lupe mólo!

7
00:01:45,800 --> 00:02:00,280
Enene na pilku konjiku molemelkanje Tara pilimelka-la. Nakolo kinié nimbu sikiru kinie Tara yu pulu monjiku kanoko imbi sikimili.” nirimu.

8
00:02:00,280 --> 00:02:13,700
˻Yu lombili andoli ye˼ Pillipuni yundu nimbendo: “Ailimu, Lanie liku ora siyo! Kanopolie olione “Manda.” nimulú.” nirimu.

9
00:02:13,700 --> 00:02:37,140
Yesusini yundu nimbendo: “Pillipu, ene wale aisili na pea molemolo nakolo na Tara-mele molio naa pilimele lemo. Na kanolemelemane Tara kanolemele. Pe kinié “Tara liku ora si!” nikinu akumu nambemuna nikinuye?

10
00:02:37,140 --> 00:03:07,120
Na Taranga konopuna sukundu molopo yu-kinie tapu topo molio, yu nanga konopuna sukundu molopa na-kinie tapú-topa molemo, kanumu nane ‘Kolo topa nilimo.’ ningu pilimeleye? Ungu enendo nilioma nanga nanu konopuni pilipu naa nilio. Tara nanga konopuna sukundu molopalie nane telio uluma yuni mindi telemo.

11
00:03:07,120 --> 00:03:46,380
“Na Taranga konopuna sukundu molio, yu nanga konopuna sukundu molemo.” nikiru akumu ‘Sike nikimu.’ ningu tondolo-munduku pilieyo! Molo ungumu mindi pilkulie ‘Sike nikimu.’ ningu we naa pilíngi liemo nane ulu telioma kanokolie ‘Tarane manda telemo ulu-tondoloma mele mindi nane sike aku-sipe telemo.’ ningu kanokolie “Tara kinie na kinie ye telumu molembolo.” nikiru ‘Sike nikimu.’ ningu tondolo-munduku piliei!” ˻nirimu.˼

12
00:03:46,380 --> 00:03:55,820
Yesusini “Nane Telio Mele Maniendopa, Enene Ulu-Tondolo Olandopama Tenge.” Nirimu Temanemo

13
00:03:55,820 --> 00:04:26,340
“Nane enendo paa sike nimbu sikirumu: “Na molio nilio mele ‘Sike nikimu.’ ningu tondolo-munduku pilingí yamboma nane ulu-tondoloma telio mele aku yambomane aku-siku tengela. Nakolo nane ulu-tondolo terindumu layetolo mele terindu. Kinié Tara molemona pumbumunge enene ulu-tondolo aisili mele tenge.

14
00:04:26,340 --> 00:04:49,340
Nanga imbi lelko ˻‘Nanga ningu tenjirinumunge nu molenona ombo mawa tekero.’ ningu˼ ulu te na mawa tenge ulumu nane tembo. ‘Malone Lapanga imbi ambolopa ola linjipili!’ nimbu na aku-siku mawa tenge mele pilipulie tembo.

15
00:04:49,340 --> 00:05:02,220
Nando ulu te molo méle te nanga imbi lelko mawa tengi liemo nane mawa tenge mele pali tembo.” nikiru.” nirimu.