1
00:00:05,000 --> 00:00:18,400
“We-mana-yambomane ene na lombili andolime-kinie konopu keri panjingí kanokolie ‘Ou na-kinie konopu keri panjiringi.’ konopu lelko molangi!

2
00:00:18,400 --> 00:00:48,360
Ene we-yamboma-kinie konopu teluna pupili molemelkanje we-yambomane ‘ene olionga yamboma’ ningu konopu monjilimelka. Nakolo ene we-yamboma-kinie ene manga-umbu telumu mólo! ‘Ene ma-koleana uluma munduku kelko nanga yamboma molangi!’ nimbu mako torundumunge we-yambomane ene-kinie konopu keri panjilimele.

3
00:00:48,360 --> 00:01:25,440
“Nane ene nimbu sirindu unguma konopuni pilku molangi! Nane ou enendo nimbundu: “Kongono tenjili yambo tene yunge nokoli yemo ‘Maniendopa molemo. Na yunge olandopamo molio.’ manda naa nimbé.” nirindu kanumu. Akumunge na mindili liku silimele mele ene kepe aku-siku mindili liku singí. Nanga ungumu pilku liku ténge panjilimele yambomane enenga ungumu pilku liku ténge panjingíla.

4
00:01:25,440 --> 00:01:37,820
We-yambomane na lipe mundurumu yemo pilku imbi naa sikulie, ene nanga imbi lelko kongono tenjingímunge ene mindili liku singí.

5
00:01:37,820 --> 00:02:08,540
Na ˻Pulu Yemone lipe mundurumu-na˼ yamboma molemelena ombo ungu te naa nilkenje ˻na liku ai naa siku, bulu silimele mele naa telemelkamonga˼ ulu-pulu keri telemelemonga mongo naa liku mindili naa nolemelka. Nakolo ˻na sike orundu, ungu nilio mele pilimelemonga˼ “Ulu-pulu-keri telemolo mele naa pilimolo.” manda naa ningí.

6
00:02:08,540 --> 00:02:15,980
Yambo te na-kinie konopu keri panjilimó yambomone Tara-kinie kepe konopu keri panjilimóla.

7
00:02:15,980 --> 00:02:42,100
Kongono lupe-lupema, ou yambo tene ulu-tondoloma naa terimu mele nane enenga suku singine ombo naa telkanje enene na liku bulu siku ulu-pulu-keri telemele mele naa telemelka. Nakolo ulu-tondolo terinduma kanokolie kepe Tara olto-kinie konopu keri panjilimele.

8
00:02:42,100 --> 00:03:01,600
Nakolo enenga ungu-mane te Pulu Yemonga bokuna molemo mele wendo ombámonga aku tekemele. Bokuna ungu te molemo mele i-sipe: “Ene na-kinie konopu keri we panjilimele.” nimbe bokuna molemo.” ˻nirimu.˼

9
00:03:01,600 --> 00:03:06,420
Pulu Yemonga Minimu Omba Tembamonga Ungu Te

10
00:03:06,420 --> 00:03:33,060
“Ene Lipe Taponjipe Konopu Enge Sinjilimu Tara pea molembelena pupulie lipu mundumbu akumu ombalie nimbemone, nanga ulu telio mele ene nimbe simbemo. Aku Lipe Taponjipe Konopu Enge-Sinjilimu yu Ungu-Sikema Lipe Ora Sili Minimu, yu Tara molemona molopalie olemo Minimu.

11
00:03:33,060 --> 00:03:53,660
Nakolo Minimu yuni manjipe nanga mélemando naa nimbe simbe. Ene na pea ou pulu monjipu molorumulu mele kinié yandopa molemolomonga ene kepe nanga ungu anju ningu sili yema molemelela.” ˻nirimu.˼

12
00:03:53,660 --> 00:04:06,140
(Pulu Yemonga ungumu. Kolomongo-kanga wane.) ˻Yesusini ungu te pea yu lombili andolimendo nimbendo:˼ “ ‘Enene na munduku kelko lou naa leangi!’ nimbu i unguma ou nikiru.

13
00:04:06,140 --> 00:04:26,820
Yamboma máku toko Pulu Yemonga ungumu pilimele ulkena yemane ene “Sukundu naa wai!” ningu makoronge. Yambomane ‘Pulu Yemonga kongonomo tenjemili!’ ningu ene nanga lombili andolime toko konjingí walemo sike wendo ombála.

14
00:04:26,820 --> 00:04:35,340
Tara kinie olto pili naa pilimelemonga yambomane ene-kinie aku-siku teko kenjingí.

15
00:04:35,340 --> 00:05:08,540
“Nakolo ‘Aku uluma tenge walemo wendo ombá kinie enene ‘A! Yambomane olio i-siku tenge walemo Yesusini “pe wendo ombá” nimbe ou lepi-lepi torumu walemo ya sike i wendo okomo lepamo.’ ningu pilku molangi!’ nimbulie pe ombá ene mindili nonge mele, kinié ou lepi-lepi topo nikiru. Na ene pea ou molorumulu-na ene nimbu naa sirindu.