1
00:00:05,000 --> 00:00:17,540
“ “Na kinié pumbu tekero.”

2
00:00:17,540 --> 00:00:24,380
Yesusini Pulu Yemonga Minimuni Kongono Temba Mele Nimbe Sirimu Temanemo

3
00:00:24,380 --> 00:00:36,560
nikiru nakolo aku nikirumunge enenga ye tene “Nu tena pukunuye?”

4
00:00:36,560 --> 00:00:50,980
‘ “Na pumbu tekero.” nikirumunge enenga konopuna sukundu meme kulupi pemu-na pilkulie paa kondo kolkolie aku naa walsiku pilkimili.’ nimbu pilkiru.

5
00:00:50,980 --> 00:01:25,480
Nakolo na pumbumunge ‘Yu pea altopo tapú-topo naa molomolo lemo.’ ningulie enene na kondo naa kolayo! Nane enendo paa sike nimbu sikirumu: “Na pumbumunge ene lipu taponjimbu. Na naa pundu liemo ene Lipe Taponjipe Konopu Enge-Sinjilimu naa ombá. Nakolo pundu liemo nane yando ene molongena yu lipu mundumbu pumbu.” nikiru.

6
00:01:25,480 --> 00:01:50,560
“Yu yando ombalie nimbémone, ulu-pulu-kerimenga perelemelemonga pulumu kinie konopuna ulu-pulu keri te naa pepa konopu sumbi-silimunge pulumu kinie kotemonga pulumu kinie nimbe sumbi-sipe, yambomane kanumanga puluma ningu pilku sundulimele mele yuni lipe ora sipe nimbé.

7
00:01:50,560 --> 00:02:09,280
Na Pulu Yemonga Malo molopo, yuni na lipe mundurumu-na mana manie orundu mele pilkulie yambomane na liku su siringi kanu ulumu yu ulu-pulu-kerimenga pali pulumu Minimuni nimbe lipe ora sipe;

8
00:02:09,280 --> 00:02:31,420
Pulu Yemo kanopa peanga kanolemo ulu-pulu peangama lipe ora simbendo na Tara molemona pumbu altoko naa kanongemonga na ulu-pulu-keri te naa tepo, te konopuna naa pepa konopu sumbi-sipe pepili molorundu molio mele lipe ora sipe;

9
00:02:31,420 --> 00:02:50,800
‘Kotemonga pulumu lipu ora siembo!’ nimbe ya ma-koleamo nokolemo ye-nomi ˻Setene˼ mongo lirimumunge Pulu Yemone koronga ‘Kote-walemo wendo ombá kinie yu kamu mindili simbu.’ nimbe panjirimu mele lipe ora simbela.

10
00:02:50,800 --> 00:02:59,960
“Nane enendo ungu nimbú aisili we pelemo, nakolo kinié nilkenje ene mindili siku pilimelka.

11
00:02:59,960 --> 00:03:31,620
Nakolo Minimu, yu ungu-sikemanga pulumu, yu ombalie nimbemone, yuni ungu-sikema pali ‘Pilku konjengi!’ nimbe akuma ene nimbe simbemo. Yuni yuyu konopuni pilimbe mele naa nimbe simbe. ˻Pulu Yemone yundu˼ ungu-umbu tonjimbema komuni pilipelie nimbe simbe. Ulu pe wendo ombá ulumanga ou nimbe simbela.

12
00:03:31,620 --> 00:03:47,320
Na telio mele kepe molio mele kepe nilio mele kepe aku mélemanga yuni pilipelie yando ene nimbe simbe kinie aku-sipe nanga imbimu ambolopa ola linjimbe.

13
00:03:47,320 --> 00:03:59,140
Taranga mélema pali nangamonga-kolo pilipulie nane ‘Minimuni nanga mélemanga pilipe yando ene nimbe simbe.’ nikiru.” ˻nirimu.˼

14
00:03:59,140 --> 00:04:11,400
Yesusini Yu Lombili Andolime Ou Kamelena Mindili Tepili Molkolie Pe Kelko Konopu Singímundu Nirimu Temanemo\f + \fr 16:16-24 \ft inie yakondo 7:33-34.\f*

15
00:04:11,400 --> 00:04:19,760
“Nondoko enene na naa kanonge. Pe nondoko kelko na kanonge.” nirimu.

16
00:04:19,760 --> 00:04:46,640
Yu lombili andoli mare ene-eneno anju-yando kere-pali ningulie ningindu: “Oliondo nikimumu nambolka unguri nimbelie nikimunje? “Nondoko enene na naa kanonge. Pe kelko nondoko na kanonge.” nimbe, “Na Tara molemona pumbumunge aku temba.” nikimu, nambolka unguri nimbendo nikimunje?

17
00:04:46,640 --> 00:04:58,240
Yu “nondoko” nikimumu nambolka nimbendo “nondoko” nikimunje? Olio naa pilkimulu.” ningu moloringi.

18
00:04:58,240 --> 00:05:27,120
Enene yundu ‘Walsipu piliemili kene.’ ningu konopu leringi kinie Yesusi yuni pilipelie nirimumuni, yuni enendo nimbendo: “Ene anju-yando kere-pali nikimili nane nindu mele ene na walsiku pilingindu nikimiliye? “Na nondoko enene na naa kanonge. Pe nondoko kelko na kanonge.” nindu kanumundu nikimiliye?

19
00:05:27,120 --> 00:05:51,720
Nane ene paa sike nimbu sikirumu: “˻Na-kinie wendo ombámonga˼ ene kola teko kondo kolonge. Nakolo we-yamboma konopu singí. Na lombili andolime ene ou kamelena mindili temba nakolo kelko na kanokolie alowa teko konopu singí.” nikiru.

20
00:05:51,720 --> 00:06:19,380
“Ambore yu ambolango membá walemo nondopa wendo olemo kinie ambolangomone yu peue tolemo kinie mindili nomba perelemo. Nakolo ambolangomo kanopa lipelie yu ou umbuni tepili molemo mele komu sipe yambo konde te mana molombando wendo olemo-na yu alowa tepa konopu silimo.

21
00:06:19,380 --> 00:06:57,960
Ene aku-sipela. Ambomane ambolango mengendo mindili nolemele aku-siku mele “Na ene mundupu kelepo pumbu.” nikirumunge ene kinié kamelena mindili tepili molemele. Nakolo amborene ambolango kamu membalie kelepa konopu silimo mele nane ene kelepo kanombo kinie ene konopu singíla. Kanu-kinie ene konopu siku molongemondo yamborene ene konopu naa siengi uluri manda naa tenge.

22
00:06:57,960 --> 00:07:35,080
“Kanu-kinie na pumbumunge Minimu ombá-na ungu nikirumanga pulumu pilkulie enene na unguri altoko walsi naa walsingí. Nane enendo paa sike nimbu sikirumu: “Tarando mélte molo ungu te molo ulu te ‘Mawa teamili!’ ningulie ningímuni, nane enenga nimbu tenjimbumunge ‘Nanga yamboma molemolo.’ ningu mawa tenge kinie Tarane mawa teko walsingí melema ene simbemo.” nikiru.

23
00:07:35,080 --> 00:07:48,800
Ou enene nanga imbi lelko mélte mawa naa teringi. Mawa teame! Pe ene konopu paa manda singíndu lingí.” ˻nirimu.˼

24
00:07:48,800 --> 00:07:59,700
‘Yesusi Yu Pulu Yemo Pea Paa Sike Molopalie Mana Manie Orumu.’ Ningu Tondolo-Munduku Piliringi Temane Te

25
00:07:59,700 --> 00:08:19,320
“Na lombili andolime, nane ene unguma nimbu simbundu taki-taki ungu-iku mindi tolio. Nakolo pe walse nane enendo aku-sipu naa nimbú. Nanga Tarane ulu telemoma nane sumbi-sipu nimbu simbu.

26
00:08:19,320 --> 00:08:31,200
Aku walemonga nanga imbi lelko mawa tenge. Kanu-kinie ‘Nane Tara enenga nimbu mawa tenjimbu.’ ni naa nikiru,

27
00:08:31,200 --> 00:08:52,500
mólo! Enene na konopu monjiku, na Pulu Yemo-kinie molopololie ya mana orundu enene ‘Sike aku terimu.’ ningu tondolo-munduku pilimele-na Tarane ene konopu monjilimomonga ene-eneno yu mawa tenge mele yuyu pilimbe.

28
00:08:52,500 --> 00:09:04,980
Ou Tara molorumuna molopo mana manie orundu. Pe kinié kelepo mana mundupu kelepo Tara molemona pumbu.” nirimu.

29
00:09:04,980 --> 00:09:15,960
Yu lombili andolimene ningindu: “A, kinié ungu-iku naa toko sumbi-siku mindi nikinumu olio pilipemolo.

30
00:09:15,960 --> 00:09:37,400
Nu uluma pali pilku konginjilino. Mélte naa pilinomo yambo tene nu nimbe simbe mele manda mólo! Olio aku-sipu pilipulie ‘Nu Pulu Yemo pea molkololie mana orunu.’ nimbu tondolo-mundupu pilkimulu.” niringi.

31
00:09:37,400 --> 00:09:53,740
Enene aku niringi kinie pilipelie Yesusini enendo nimbendo: “Na Pulu Yemo pea molopololie mana orundu enene kinié ‘Sike aku terimu.’ ningu kamu pilkimilinje?

32
00:09:53,740 --> 00:10:25,420
Pilieme! Wale te wendo ombá, mólo, kanu walemo koronga wendo omu lemo, kanu walemonga yambo-lupemane ene toko bulu-balu singí. Kanu-kinie ‘Na-nanu molambo!’ ningu na munduku kelko eneno yu-mele-mele enenga ulkendo pungímu. Nakolo Tara pea tapú-topo molembolo-na na-nanu naa molio, mólo!

33
00:10:25,420 --> 00:11:04,640
“Ene ‘Na tondolo-munduku pilkulie konopu wayongo siku molangi!’ nimbu kinié ipulueli ene-kinie molopolie i unguma nane enendo nimbu sikirumu. Ma-koleana ene umbuni tepa mongo aisili ola olemo. Nakolo mana-yamboma enge nilimele akumu laye pange telimu, na paa ola, na paa enge nilio. Aku telio kene pilkulie enenga konopukundu tondolo pupili molangi!” nirimu.