1 00:00:05,000 --> 00:00:16,420 Bä nga nasot tärhong däkt dä ma Jisas kä na aa mudäsaqongda rha met bä sävät ama ngärhäktka ma Judia bä qale qa e qä na rha dap kä baptais pät ama ruvek. 2 00:00:16,420 --> 00:00:30,160 Näkt toqoräkt di qosaqi ma Jon di qä baptais pät ama ruvek pät ama ivärhäm ma Ainon glaqot na ama värhäm ama gaini na äm ma Salim inguna äkt di masirhat na ama reng e. 3 00:00:30,160 --> 00:00:35,060 Bä ama ruvek di rhat dän basägos ivakt iva qä baptais pät a rha. 4 00:00:35,060 --> 00:00:39,920 Rhoqoräkt di as kaku rha mu ma Jon ba ama tpäskiarharhäng. 5 00:00:39,920 --> 00:00:53,120 Näkt maos dä ama enge ngä märanas mänguräp ma Jon aa mudäsaqongda rhi na akni nävät ama Judaqäna sävät iomäkt i ama ruvek ti qumär nas parhäm arha morta arhä qärhong. 6 00:00:53,120 --> 00:00:57,180 Dä rha män ge ma Jon bä rha qoar na qa rhoqortäqyia, 7 00:00:57,180 --> 00:00:58,300 “Qamorqa, 8 00:00:58,300 --> 00:01:09,900 iaqäkt ama ruqa qärak i sa qale qa qä na nge rhage na ama rigi ma Jordan bä qärak i ngi sameng sävät a qa di nak sa qä baptais pät ama ruvek bä ama ruvek moe di rhat tet sagem ga.” 9 00:01:09,900 --> 00:01:12,340 Dä ma Jon ga muvät toqortäqyia, 10 00:01:12,340 --> 00:01:20,400 “Ama ruqa di sokt mamär iva qä rha ianiäkt kärqäni i sa ma Ngämuqa qa von ga rhäm ini näda ama usäpki arha ron. 11 00:01:20,400 --> 00:01:25,560 Näkt aingän maräkt di mamär iva ngäni sameng i sa ngua qoar toqortäqyia, 12 00:01:25,560 --> 00:01:32,540 ‘Aingo di qaku ma Krais na ngo dap aingo di sa ma Ngämuqa qa rhäk na ngo narhoer nanokt ka.’ 13 00:01:32,540 --> 00:01:40,080 “Ma Krais di qa rhoqor ama gamoeqa qärakni iva rhit bodäm na qa bä qa va rhät ama evopki. 14 00:01:40,080 --> 00:01:55,980 Dap aingo di ngo rhoqor iaqäkt ama gamoeqa aa ruaqa qärak i qät lu vät a qa qärak i sa qale qa dap kat nari ma nas bä rhäqäp ka na ama märmärgem doqoräkt i qat nari iaqäkt ama gamoeqa aa eguinga. 15 00:01:55,980 --> 00:02:01,660 Iangärhäkt ama märmärgem di nga e gem ngo bä sa rhäqäp ngo na ngät mamär. 16 00:02:01,660 --> 00:02:09,700 Bä ma Jisas di mamär iva qa rhän i ama moräs na qa dap aingo di mamär iva ngua rhän i ama gaini na ngo.” 17 00:02:09,700 --> 00:02:22,980 Iaqäkt kärak iva qa rhän na rhävuk di qa enges tävuk daver ama ruvek moe dap iaqäkt kärak i qa narhe nävät ivät di qa nämäni ama ivätki dä qat tamän doqor ama ruqa nävät ivät. 18 00:02:22,980 --> 00:02:31,440 Näkt iaqäkt kärak iva qa rhän na rhävuk näda ama usäpki arha ron di sa qa enges tävuk mamär daver ama ruvek moe. 19 00:02:31,440 --> 00:02:42,740 Bä qa di qä sameng sävät iarhongäkt kärqärhong i sa qa lu irhong dä sävät iarhongäkt kärqärhong i sa qa nari irhong sokt di qaku aung gat nanakt na aa sameng. 20 00:02:42,740 --> 00:02:53,200 Bä aung anga ruqa qärakni i sa qat tat maengäkt sa aa sameng di sa qä sämaengäktki i ma Ngämuqa di qat tamän bät ama engäktki. 21 00:02:53,200 --> 00:03:05,340 Inguna iaqäkt kärak i ma Ngämuqa sa qa rhäk na qa di qat tamän bät ma Ngämuqa aa enge inguna ma Ngämuqa qät täqäp ka masirhat na ama Qloqaqa ama Qumärqumärqa. 22 00:03:05,340 --> 00:03:11,820 Ama Ngätmamäk di aa snäng bät ama Ngärhoemga dä sa qa mu iarhongäkt moe va aa rhäkt. 23 00:03:11,820 --> 00:03:18,160 Näkt iaqäkt kärak i qat nanakt na ama Ngärhoemga di sa qa sa ama iar ama sok täm ngät. 24 00:03:18,160 --> 00:03:32,260 Dap iaqäkt kärak i qaku qat nanakt na ama Ngärhoemga diva qaku qä nalu ama iar inguna ma Ngämuqa aa uraqi ama mor qi di sa qali qi vät a qa.