1
00:00:05,000 --> 00:00:08,880
Näkt kosaqi ma Jisas ka qoar na rha rhoqortäqyia,

2
00:00:08,880 --> 00:00:17,440
“Aingo di ama qaulige na ama wain ama engäktki nä ige dap gu mamäk di iaqäkt kärak i qät lu vät ama qauligleng nävät ama etki.

3
00:00:17,440 --> 00:00:31,380
Sa qät dodäkt sa ama ngärhäqyitnäk moe nae nämäni ngo qärqitnäkni i qaku itnäk ngärhit sa anga gavam dap sa qä qumär vät ama ngärhäqyitnäk moe qärqitnäkni i itnäk ngärhit sa ama gavam ivakt iva itnäk ngärhit sa masirhat.

4
00:00:31,380 --> 00:00:37,540
Bä aingän di sa ama qumärqumärta na ngän inguna nävät gua enge qärangätni i sa ngua märhamän särhäm ngän na ngät.

5
00:00:37,540 --> 00:00:42,820
“Näkt kale ngän basägos mäni ngo dä sa va qale ngo vasägos mäni ngän.

6
00:00:42,820 --> 00:00:53,100
Inguna qaku anga ngärhäqyit ngä nasa anga gavam gop äkt mavängam gre i qali lit mät släqyäs dap koki mamär iva qali lit pasägos mäni ama qaulige.

7
00:00:53,100 --> 00:00:59,500
Bä äkt i qaku mamär vät a ngän iva ngäni sa anga gavam gre i qaku qale ngän basägos mäni ngo.

8
00:00:59,500 --> 00:01:03,980
Aingo di ama qaulige na ngo dap aingän di ama ngärhäqyitnäk na ngän.

9
00:01:03,980 --> 00:01:17,000
Näkt ngakt bä qale anga ruqa vasägos mäni ngo bä ngo di qale ngo mäni qa dä sa va qät sa ama gavam masirhat inguna ngakt bä qaku qale ngän mäni ngo diva qaku mamär iva ngä namualat nä guani.

10
00:01:17,000 --> 00:01:33,160
Ngakt bä aung anga ruqa di qaku qale qa vasägos mäni ngo di qa rhoqor ama ngärhäqyit kärqitni i sa rha rhon na it bä qek dä bit näkt sa iatnäqäkt ama ngärhäqyitnäk toqoräkt di rhat tat mä itnäk bä rhit don nä itnäk sämät ama mudam bä itnäk ngät dang.

11
00:01:33,160 --> 00:01:44,780
“Dap ngakt bä qale ngän basägos mäni ngo dä gua enge di qale ngät gem ngän basägos dä mamär iva ngäni nän da agini qärqäni i nani a ngän nä ini dä sa va ma Ngämuqa qa rhualat nä ini.

12
00:01:44,780 --> 00:01:54,820
Va ngänit bon gu mamäk ta ama murhämeska qre i ngänit sa ama gavam masirhat bä rhoqor täkt di ngänir qur ama ruvek i ngän di gu mudäsaqongda na ngän.

13
00:01:54,820 --> 00:02:00,740
Qoki rhoqor ama Ngätmamäk i aa snäng bät a ngo dä qosaqi ngo di gua snäng bät a ngän.

14
00:02:00,740 --> 00:02:04,200
Sa rhäkt diva qale ngän basägos mäni gu lavuqi.

15
00:02:04,200 --> 00:02:14,400
Näkt ngakt bä ngän det parhäm gua enge diva qale ngän basägos mäni gu lavuqi nak kop toqor ngo i nguat tet parhäm gu mamäk aa enge dä sa qale ngo vasägos mäni aa lavuqi.

16
00:02:14,400 --> 00:02:22,060
Bä sa ngua qoar na ngän nä rhärhong däkt divakt iva gu märmärgem diva qale ngät gem ngän bä va ngän di märmär gem ngän masirhat.

17
00:02:22,060 --> 00:02:28,180
“Näkt ngu qoar na ngän iva angäna snäng bät a ne i qoki rhoqor ngo i gua snäng bät a ngän.

18
00:02:28,180 --> 00:02:34,960
Ama ruqa aa lavuqi di ama enges ki masirhat mamär qrekt i qät boda aa iar iva bä ba aa ruavek.

19
00:02:34,960 --> 00:02:39,400
Bä aingän di gua ruavek na ngän gre i ngän det parhäm gua enge.

20
00:02:39,400 --> 00:02:48,900
“Näkt sa va qaku ngu natmes ngän i ama latta na ngän gärarhani i qale rha vä gua rem inguna ama latka rhoqoräkt di qaku qat dräm aa morqa aa qärhong.

21
00:02:48,900 --> 00:02:57,780
Dap sa ngua mes ngän i gua ruavek na ngän inguna iarhongäkt moekt nage gu mamäk kärqärhong i ngua räm irhong di sa ngua muqunäga vät a ngän sä irhong.

22
00:02:57,780 --> 00:03:09,320
Bä qaku ngän narmeng däm ngo dap aingo ngua armeng däm ngän näkt ngua muqunän bät a ngän ivakt iva ngän det bä ngänit sa ama gavam bä va iangärhäkt ama gavam diva qale ngät mas.

23
00:03:09,320 --> 00:03:15,900
Bä nga rhoqoräkt dä ama Ngätmamäk pa qä von ngän da agini qärqäni i ngäni nän däm ini nävät gu ngärhipki.

24
00:03:15,900 --> 00:03:21,220
Näkt tangät täk gua enge bä ba ngän divakt iva angäna snäng bät a ne.”