1 00:00:05,000 --> 00:00:14,500 Evär da ama ngangda nävät arha lat bä västämne na rha namet ma Jisas bä rhi sameng ba qa nä iarhongäkt moekt i rha mualat nä irhong dä rha su sävät irhong. 2 00:00:14,500 --> 00:00:26,680 Bä sa nga rhoqoräkt i masirhat na ama ruvek i rhat tet tat dän nagem da bä qaku anga släqyäs bä ma Jisas kä na aa mudäsaqongda ivakt iva rha äs dä soknga ma Jisas ka qoar na rha rhoqortäqyia, 3 00:00:26,680 --> 00:00:31,900 “Sokt ngän ngäni ang bä u rhet sävät anga ivärhäs i qaku anga ruvek pät a äs bä va mae vät a ngän.” 4 00:00:31,900 --> 00:00:37,800 Dä soknga sokt ta rha met mät ama mlauski sävät aosni ama ngaip äs ama ivärhäs. 5 00:00:37,800 --> 00:00:54,960 Sokt di ama rhäqäp na rha ama ruvek kärarhani i rha lu rha i rhat tet di rha räm a rha dä rha ang nasot a rha näkt arhani ama ruvek masirhat näva ama värhap ama mor ap ta mon mäni rha bä rha moe rha er ta män äkt i ma Jisas kä na aa mudäsaqongda rhat tet sae. 6 00:00:54,960 --> 00:01:10,840 Bä nga ma Jisas ka män mit pät a qoan bä qa lu ama guläñgi ama mor qi dä qa lavuqi na rha inguna rha di rha rhoqor ama sipsipkäna qärangätni i qaku angärha anga ruqa iva qät lu vät a ngät dä soknga qä nasäng i qä su rha rha ama rhäqäp nä irhong. 7 00:01:10,840 --> 00:01:16,580 Bä nga säpbängang mamär dä aa mudäsaqongda rha män gem ga dä rhi qoar na qa rhoqortäqyia, 8 00:01:16,580 --> 00:01:21,980 “Rhos täkt ama ivärhäs di sa qale läs gläius dap sa säpbängang. 9 00:01:21,980 --> 00:01:32,420 Bä nga rhoqor täkt dä mamär iva ngi rhäk na ama ruvek ivakt iva rha rhet sämät ama värhap bä särhage na ap ivakt iva rhi vodäm bät guarhong iva rha äs.” 10 00:01:32,420 --> 00:01:35,240 Dä ma Jisas ka muvät pät a rha rhoqortäqyia, 11 00:01:35,240 --> 00:01:38,060 “Aingän ngäni von da rhä guarhong iva rha äs.” 12 00:01:38,060 --> 00:01:40,000 Dä rhi qoar na qa rhoqortäqyia, 13 00:01:40,000 --> 00:01:49,780 “Bä nga rhoqoräkt dä ama rhodäm sa ama ligär iva urhi vodäm na ngät di nak kop toqor ama udiom ama handretiom na ama qunäng angät titsek! 14 00:01:49,780 --> 00:01:55,560 Nga va u rhet bä urhi vodäm sokt nä rhangät täkt pät anga bretkäna bä va urhi von da?” 15 00:01:55,560 --> 00:01:58,660 Dä ma Jisas ka snanbät sä rha rhoqortäqyia, 16 00:01:58,660 --> 00:02:01,500 “Ama mämänia ama bretkäna nga e gem ngän?” 17 00:02:01,500 --> 00:02:04,240 Näkt ka rhäk na aa mudäsaqongda rhoqortäqyia, 18 00:02:04,240 --> 00:02:06,080 “Ngän det bä ngäni ñäm.” 19 00:02:06,080 --> 00:02:12,260 Bä nga rha män bät ama rhodäm sa ama tmäs dä evär däm da bä rha qoar nä ma Jisas toqortäqyia, 20 00:02:12,260 --> 00:02:15,680 “Ama ngärhäqyet ama bretkäna näkt ama rhinämiom ama udiom.” 21 00:02:15,680 --> 00:02:25,700 Dä ma Jisas ka qoar na rha iva rha rhatmät na ama ruvek näkt pa rha rhuqun ba ama mran angät tpäs pa ama guläñap i aomni ama guläñäm sai dä aomni sai. 22 00:02:25,700 --> 00:02:36,800 Dä soknga rha muqun ba ama guläñap kärqapni i apni di ama handret na ama ruvek pä bap dap apni di ama udiom ama ruiom da ama ngärhäqyisem na ama ruvek pä bap. 23 00:02:36,800 --> 00:02:52,880 Näkt ka rha ama ngärhäqyet ama bretkäna näkt kä udiom gä rhinämiom näkt sa qa ñäm dävit säva ama usäpki näkt ka mes ama mär näkt ka vonmät na ama bretkäna näkt ka von aa mudäsaqongda ivakt iva rhi are däm ngät bä ba ama ruvek. 24 00:02:52,880 --> 00:02:56,180 Dä qosaqi qa matmät na ama rhinämiom bä ba rha moe. 25 00:02:56,180 --> 00:02:58,400 Bä rha moe rha mäs bä arhä sarem. 26 00:02:58,400 --> 00:03:05,880 Näkt ama mudäsaqongda rha rhäqäp ama urat ama ngärhäqyisem dä unbem na ngät na ama mäsdävät nävät ama bret ngä na ama rhinäm. 27 00:03:05,880 --> 00:03:17,040 Ama rhodäm sa ama gamoe iarhakt kärarhae i rha mäs iangärhäkt ama tmäs di ama ngärhäqyet ama tausengäna na rha näkt sävät ama evop ti na ama rhoes.