1 00:00:05,000 --> 00:00:25,460 Vät ama narhoer qa ama qunäga vät ama tmäski at kunäng gärangätni i ama Judaqäna rhat tuqunän i mudu arha morta di sa rhat täs ama bretkäna qärangätni i qaku anga yis päm ngät dap toqoräkt i rhit boda ama vodämes na ama sipsipkäna ama ngärhoes bä bä ma Pasova dä ma Jisas aa mudäsaqongda rhi snanbät sä qa rhoqortäqyia, 2 00:00:25,460 --> 00:00:32,200 “Urhi lu nani a nge na ut iva u rhet sa qoe bä va urhi rhäkmu bä ba nge iva ngia äs ma Pasova angärha tmäs e?” 3 00:00:32,200 --> 00:00:37,000 Dä qa rhäk na aa mudäsaqongiom ama udiom sa ama rhodräp toqortäqyia, 4 00:00:37,000 --> 00:00:46,840 “In det bä in don sämät ama värhäm ama mor äm dä akni ama ruqa va qa rhän bät a en gärakni i qät ta ama kainaqi ama mor qi na ama rigi. 5 00:00:46,840 --> 00:00:50,260 Iaqäkt ama ruqa diva in det nasot a qa. 6 00:00:50,260 --> 00:00:56,480 Näkt pa ini qoar na ama ngärhik näva ama vätka qärakni i iaqäkt ama ruqa qat don säväm ga rhoqortäqyia, 7 00:00:56,480 --> 00:00:58,620 ‘Qamorqa qä snanbät toqortäqyia, 8 00:00:58,620 --> 00:01:07,480 ngu lu ama qäväläm bä ba ama tmända äm ngä qoe nai qärqomni i sa ngua nän dä bäm iva ngu nä gu mudäsaqongda u äs ma Pasova angärha tmäs e?’ 9 00:01:07,480 --> 00:01:16,860 Dä va qä qur a en da ama mor äm ama vätka aa qäväläm dävono ba aa vätka qärqomni i sa rha rhäkmu na äm na ama laiqa vä bäm iva nani ama tmäs. 10 00:01:16,860 --> 00:01:21,020 Dä va ini rhäkmu na aurha tmäs äkt pä iomäkt ama qäväläm.” 11 00:01:21,020 --> 00:01:29,820 Dä ma Jisas aa mudäsaqongiom in met bä in mon säva ama värhäm dä in män bät kärqärhongni i irhong doqor mai ma Jisas ka qoar na iom. 12 00:01:29,820 --> 00:01:33,000 Dä soknga in däkmu nä ma Pasova angärha tmäs. 13 00:01:33,000 --> 00:01:40,080 Bä sa nga rhoqoräkt i bängangäs dä ma Jisas ka män gä na aa mudäsaqongda ama ngärhäqyisem da udiom na rha. 14 00:01:40,080 --> 00:01:44,940 Bä nga rhoqoräkt i rhat täs nävät ama laiqa dä ma Jisas ka qoar na rha rhoqortäqyia, 15 00:01:44,940 --> 00:01:50,400 “Nguat tamän särhäm ngän na ama engäktki i akni nävät a ngän diva qä vodäm ngo bä gua ikkäna. 16 00:01:50,400 --> 00:01:52,540 Iaqäkt di ngu na qa un däs.” 17 00:01:52,540 --> 00:01:59,520 Ma Jisas ka märhamän doqoräkt dä rha nasäng i airäs ta dä asägäk asägäk kä qoar na qa rhoqortäqyia, 18 00:01:59,520 --> 00:02:01,120 “Nga aingo?” 19 00:02:01,120 --> 00:02:04,300 Dä ma Jisas ka muvät pät a rha rhoqortäqyia, 20 00:02:04,300 --> 00:02:12,180 “Iaqäkt di akni nävät a ngän ama ngärhäqyisem da udiom na ngän gärakni iva qä na ngo uni rhäk ama bret sämät ama dis. 21 00:02:12,180 --> 00:02:23,540 Ma Ruqa aa Emga diva qä ñäp toqor varhäm ama enge qärangätni i mudu sa rha säm a ngät sävät a qa sokt diva avuqi mamär ge iaqäkt kärak iva qä vodä ma Ruqa aa Emga ba aa ikkäna. 22 00:02:23,540 --> 00:02:30,060 Nak padi mai qaku aa nanäk ki nasäl a qa di vadi mai ama märäm ba qa.” 23 00:02:30,060 --> 00:02:36,300 Ma Jisas Ka Nasäng Nä Iomäkt Iva Rhat Täs Ma Engeska Aa Tmäski 24 00:02:36,300 --> 00:02:46,880 Nga rhoqoräkt i rhat täs dä sa ma Jisas ka rha ama bret näkt ka mes ama mär näkt ka vonamät na qa näkt ka von aa mudäsaqongda i qat tamän doqortäqyia, 25 00:02:46,880 --> 00:02:50,360 “Ngän dät tangät täkt i ngät di gu släqyige.” 26 00:02:50,360 --> 00:02:56,940 Näkt kosaqi qa rha ama kap na ama wain bä nga nasot i qa mes ama mär dä qa von da bä rha moe rha nakt nämät ka. 27 00:02:56,940 --> 00:02:59,760 Näkt ka qoar na rha rhoqortäqyia, 28 00:02:59,760 --> 00:03:10,020 “Rhak täkt di gu biaska qärakni i qä sämaengäktki na ama rharesbane mänguräp ma Ngämuqa qä na ama ruvek di qärak i qrir na qa ba ama rhäqäp na rha ama ruvek. 29 00:03:10,020 --> 00:03:23,100 Dä nguat tamän särhäm ngän na ama engäktki iva saqi as kaku ngu nanakt nävät ama wain angät gavam bä dängdäng bät iaqäkt ama qunäga iva ngu näkt ama iaräs na qi ama wain bä ma Ngämuqa aa Muräktpäm.” 30 00:03:23,100 --> 00:03:28,720 Ma Jisas Ka Qoar I Ma Pita Diva Qä Rhäqyas Na Qa 31 00:03:28,720 --> 00:03:36,240 Bä nga rha rhong ama mabuqi na ama ansäs bä rhäksot dä rha met na äkt bä säda ama Damgi na ama Olip at täväs.