1 00:00:05,000 --> 00:00:25,980 Vät ama qäväläm gärqomni i ma Herot kat turäkt i ama vitnaqa na qa di nasot i ma Jisas aa nanäk kia säl a qa e mät ama värhäm ama gaini na äm ma Betlehem bät ama ngärhäktka ma Judia di nak ama mädräm da ama gamoe rha män näsäng ama qunäga aa qamäs bä sämät ma Jerusalem 2 00:00:25,980 --> 00:00:28,180 i rhi snanbät toqortäqyia, 3 00:00:28,180 --> 00:00:33,780 “Iaqäkt kärak i sa aa nanäk kia säl a qa i ama Judaqäna arha vitnaqa na qa di qa qoe nai? 4 00:00:33,780 --> 00:00:40,180 Inguna sa ut lu aa qaega rhoqoräkt i qa sek mes bä sa ut män ivakt iva urhi ansäs sagem ga.” 5 00:00:40,180 --> 00:00:48,060 Bä nga rhoqoräkt i ama vitnaqa ma Herot ka nari rhoqoräkt dä qa qä na ama Jerusalemgäna moe di qänäskänes ta masirhat. 6 00:00:48,060 --> 00:00:58,740 Bä äkt i qa västämne na ama priskäna ama moräs na rha rhi na ama Skraipkäna bä ba ama ruvek moe bä qa qyarmät na rha mamär sävät ma Krais iva aa nanäk ki säl a qa qoe. 7 00:00:58,740 --> 00:01:01,100 Dä rha qoar na qa rhoqortäqyia, 8 00:01:01,100 --> 00:01:07,560 “E ma Betlehem bät ma Judia inguna sa akni ma Ngämuqa aa vämginaqa qa säm doqoräkt toqortäqyia, 9 00:01:07,560 --> 00:01:09,620 “ ‘Bä ainge ma Betlehem 10 00:01:09,620 --> 00:01:11,280 bät ama ngärhäktka ma Juda 11 00:01:11,280 --> 00:01:13,540 di nak kaku ama gaini na nge mamär 12 00:01:13,540 --> 00:01:16,560 mänguräp ama tpäskinarha e vät ma Juda 13 00:01:16,560 --> 00:01:17,960 inguna näväm nge 14 00:01:17,960 --> 00:01:20,460 diva akni ama tpäskinaqa qa rhän 15 00:01:20,460 --> 00:01:22,420 gärak iva qät lu vät gua ruvek 16 00:01:22,420 --> 00:01:24,040 ama Israelqäna mamär.’ ” 17 00:01:24,040 --> 00:01:32,680 Nasot dä ma Herot ka rhäkne nani ama mädräm da ama gamoe ma ama up bä qa qyarmät na rha iva rhi qoar na qa i sa vuk sa ama qaega qäsnia. 18 00:01:32,680 --> 00:01:36,900 Dä qa rhäk na rha sae ma Betlehem i qä qoar na rha rhoqortäqyia, 19 00:01:36,900 --> 00:01:48,880 “Ngän det bä ngäni ñäm mamär nani ama rhoemga bä nga rhoqoräkt i sa ngän män bät a qa dä va ngän dän sagem ngo sa ama enge ivakt iva qosaqi ngo di mamär vät a ngo iva ngua rhän bä ngu ansäs sagem ga.” 20 00:01:48,880 --> 00:01:53,840 Nasot i sa rha nari ama vitnaqa aa enge dä rha met näva arha iska. 21 00:01:53,840 --> 00:02:05,020 Bä nak iaqäkt ama qaega qärak i sa qre rha lu qa i qa sek mes bä qa met pa arhä qamäs bä dängdäng i qa mair daver ama ivärhäs äkt i ama rhoemga qa e. 22 00:02:05,020 --> 00:02:13,740 Bä nga rhoqoräkt i rha lu ama qaega dä rhi qok masirhat bä arhä märmärgem di ama mor ngät mamär. 23 00:02:13,740 --> 00:02:23,840 Dä rha met säva ama vätka bä rha lu qa rhoemga i qale qa qä na aa nanäk ma Maria dä arpus na rha samäk bä rhi nänsäs sagem ga. 24 00:02:23,840 --> 00:02:37,280 Näkt nasot dä rha rharmät arhä qärhong na ama mämägän ama vit na ngät bä rha von ga rha ama vänbon na ama gol dä na ama frankinsens dä na ama mir. 25 00:02:37,280 --> 00:02:51,100 Sa evär däm da säva arha ivärhäs maräkt näva akni ama iska inguna sa rha rha ama mugem da ama masirhämgi arha ron iva qale evär däm da sae sage ma Herot. 26 00:02:51,100 --> 00:02:55,960 Rha Ang Masirhat Sävät Ama Ngärhäktka Ma Isip 27 00:02:55,960 --> 00:03:08,660 Bä nga rhoqoräkt i sa ama mädräm da ama gamoe rha met nae di nak ama ensel nage ma Engeska vuk sä qa ge ma Josep da ama masirhämgi arha ron dä qa qoar na qa rhoqortäqyia, 28 00:03:08,660 --> 00:03:21,980 “Ngia rhäranas bä ngi rha ama rhoemga qä na aa nanäk bä ngäni ang sae ma Isip näkt pa qale ngän e bä dängdäng i ngu qoar na nge inguna sa qorhäs iva ma Herot kä ñäm nani qa rhoemga ivakt iva qä veng ga.” 29 00:03:21,980 --> 00:03:29,580 Dä ma Josep ka märanas bä qa rha ama rhoemga qä na aa nanäk näp bängagi bä rha met sae ma Isip. 30 00:03:29,580 --> 00:03:34,860 Bä qale rha äkt bä dängdäng i sa ma Herot ka ñäp. 31 00:03:34,860 --> 00:03:45,080 Rhangät täkt ama lat divakt iva rhäkmamär nä iangärhäkt ma Engeska aa enge qärangätni i sa qa märhamän bät a ngät nämät aa vämginaqa rhoqortäqyia, 32 00:03:45,080 --> 00:03:49,400 “Sa ngua mes ngua emga nae nävä ma Isip.” 33 00:03:49,400 --> 00:03:53,840 Ma Herot Ka Veng Ama Rhoes 34 00:03:53,840 --> 00:04:23,560 Bä nga rhoqoräkt i sa ma Herot ka lu i sa ama mädräm da ama gamoe rha iras täm ga dä nasot dä qär qur masirhat dä qa rhäk na ama ulaqimärharhärhäkt bä rha veng ama rhoes ama gamoe moe e mät ma Betlehem bä qosaqi vät ama ngärhäktka moe namet a äm gärarhani i arhä quiaiom di ama udiom bä rhänavuk parhäm ama rhodäm gärangätni i sa qa rha ngät mamär nage ama mädräm da ama gamoe. 35 00:04:23,560 --> 00:04:32,600 Di rhoqoräkt di sa rhäkmamär na ama enge qärangätni i sa ama vämginaqa ma Jeremaia qa märhamän bät a ngät toqortäqyia, 36 00:04:32,600 --> 00:04:36,640 “Sa rha nari akni ama eguinga e ma Rama 37 00:04:36,640 --> 00:04:40,360 i na ama näknoqi dä ama muqaia masirhat. 38 00:04:40,360 --> 00:04:42,060 Ma Rasiel qit nok 39 00:04:42,060 --> 00:04:43,720 nani at toes 40 00:04:43,720 --> 00:04:45,900 dä sa qia mer tit sämbulap täm gi 41 00:04:45,900 --> 00:04:49,440 inguna ama rhoes di sa qäbäs na rha.” 42 00:04:49,440 --> 00:04:52,300 Evär Däm Da Sae Ma Nasaret 43 00:04:52,300 --> 00:05:04,260 Sokt di nga rhoqoräkt i sa ma Herot ka ñäp di nak puk sa akni ama ensel nage ma Engeska da ama masirhämgi arha ron ge ma Josep e vä ma Isip 44 00:05:04,260 --> 00:05:06,200 i qä qoar toqortäqyia, 45 00:05:06,200 --> 00:05:17,060 “Ngia rhäranas bä ngi rha ama rhoemga qä na aa nanäk bä ngän det sävät ama ngärhäktka ma Israel inguna iarhakt kärarhae i sa rha siqut iva rhi veng ama rhoemga di sa rha ñäp.” 46 00:05:17,060 --> 00:05:25,340 Bä nasot dä qa märanas i qät ta ama rhoemga qä na aa nanäk bä rha met sävät ama ngärhäktka ma Israel. 47 00:05:25,340 --> 00:05:39,680 Sokt di nga rhoqoräkt i qa nari i ma Arkelaus di qat turäkt e ma Judia i sa qa rha aa mamäk ma Herot aa släqyäs dä ma Josep kät len gä namet sae. 48 00:05:39,680 --> 00:05:47,580 Dä qa rha ama mugem da ama masirhämgi arha ron iva qale qä namet e bä äkt i qa met sävät ama ngärhäktka ma Galili. 49 00:05:47,580 --> 00:06:01,680 Bä qa met bä qat tas e mät ama värhäm ama gaini na äm gärqom i rhat tes äm i ma Nasaret ivakt iva rhäkmamär na ama enge qärangätni i sa ama vämginarha rha märhamän bät a ngät toqortäqyia, 50 00:06:01,680 --> 00:06:07,260 “Va rhat tes ka i ama Nasaretka na qa.”