1
00:00:05,000 --> 00:00:10,200
Ta nuu chaꞌa ndyaa minuu mastru chito ley Ndyoo nuu ndyaa Jesús,

2
00:00:10,200 --> 00:00:11,840
ta indukundyeꞌe‑ra chii Jesús,

3
00:00:11,840 --> 00:00:12,820
ta katyi‑ra:

4
00:00:12,820 --> 00:00:13,980
—Mastru,

5
00:00:13,980 --> 00:00:17,280
¿naa chukuu saꞌí ta kutyakí ñayɨ́vɨ́ mandɨꞌɨ?

6
00:00:17,280 --> 00:00:18,640
Ta inakaꞌan Jesús,

7
00:00:18,640 --> 00:00:19,580
ta katyi‑ra:

8
00:00:19,580 --> 00:00:22,040
—¿Iso kaꞌan nuu tutu ley Ndyoo?

9
00:00:22,040 --> 00:00:24,940
¿Naa chukuu kutuñi iñun cha‑kaꞌan‑chi?

10
00:00:24,940 --> 00:00:27,800
Yukuan ta inakaꞌan mastru chito ley Ndyoo,

11
00:00:27,800 --> 00:00:28,640
ta katyi‑ra:

12
00:00:28,640 --> 00:00:33,020
—“Kuñi‑ndo chii Sutumañi‑yo Ndyoo‑ndo chiꞌin tandɨꞌɨ ama‑ndo,

13
00:00:33,020 --> 00:00:35,040
ta chiꞌin cha‑nɨɨ iñi‑ndo,

14
00:00:35,040 --> 00:00:37,500
ta chiꞌin tandɨꞌɨ tundyee iñi‑ndo,

15
00:00:37,500 --> 00:00:40,420
ta chiꞌin tandɨꞌɨ cha‑chiñituñi‑ndo,

16
00:00:40,420 --> 00:00:44,940
ta kuñi‑ndo chii ñayɨvɨ taꞌan‑ndo tañi kuꞌva kuñi‑ndo chii maa‑ndo.”

17
00:00:44,940 --> 00:00:46,280
Ta inakaꞌan Jesús,

18
00:00:46,280 --> 00:00:47,260
ta katyi‑ra:

19
00:00:47,260 --> 00:00:49,060
—Vaꞌa loko ikaꞌun.

20
00:00:49,060 --> 00:00:52,400
Saꞌa takuan ta kuañiꞌun ñayɨ́vɨ́ mandɨꞌɨ.

21
00:00:52,400 --> 00:00:56,700
Soko mastru chito ley Ndyoo kuñi‑ra saꞌa‑ra cha‑ra‑vaꞌa kuu‑ra,

22
00:00:56,700 --> 00:00:58,520
ta katyi‑ra chii Jesús:

23
00:00:58,520 --> 00:01:00,680
—¿Yoo kuvi ñayɨvɨ taꞌín?

24
00:01:00,680 --> 00:01:02,560
Yukuan ta inakaꞌan Jesús,

25
00:01:02,560 --> 00:01:03,460
ta katyi‑ra:

26
00:01:03,460 --> 00:01:05,880
—Minuu ra‑iketa ñuu Jerusalén,

27
00:01:05,880 --> 00:01:07,840
ta kuaꞌan‑ra ñuu Jericó,

28
00:01:07,840 --> 00:01:10,460
ta ityi kuaꞌan‑ra ta itaꞌan‑ra rakuaꞌyɨ,

29
00:01:10,460 --> 00:01:12,180
ta itava‑chi soo‑ra,

30
00:01:12,180 --> 00:01:14,360
ta ichaꞌa loko‑chi chii‑ra,

31
00:01:14,360 --> 00:01:16,760
ta itaꞌuvi loko‑ra isaꞌa‑chi,

32
00:01:16,760 --> 00:01:19,760
ta cha‑yatyin kúú‑ra ta isaña‑chi chii‑ra.

33
00:01:19,760 --> 00:01:23,260
Yukuan ta kuaꞌan minuu sútú suu‑ñi ityi yukuan,

34
00:01:23,260 --> 00:01:25,840
ta kuꞌva inandyeꞌe‑ra chii ra‑itaꞌuꞌvi,

35
00:01:25,840 --> 00:01:27,480
ta iyaꞌa‑ra kaxiin.

36
00:01:27,480 --> 00:01:31,560
Ta takuan tuku iyaꞌa nuu ra‑kuvi tata Leví,

37
00:01:31,560 --> 00:01:35,020
ñayɨvɨ tyindyee chii sútú veñuꞌu Jerusalén.

38
00:01:35,020 --> 00:01:37,480
Ta kuꞌva inandyeꞌe‑ra chii ra‑itaꞌuvi,

39
00:01:37,480 --> 00:01:38,860
ta iyaꞌa‑ra kaxiin.

40
00:01:38,860 --> 00:01:43,340
Yukuan ta ichaa tuku nuu ra‑ñuu Samaria nuu kandyaa ra‑itaꞌuꞌvi,

41
00:01:43,340 --> 00:01:45,240
soko kuꞌva indyeꞌe‑ra chii‑ra,

42
00:01:45,240 --> 00:01:47,520
ta ikundaꞌvi iñi‑ra chii‑ra.

43
00:01:47,520 --> 00:01:49,560
Ta ikuyatyin‑ra nuu kandyaa‑ra,

44
00:01:49,560 --> 00:01:53,940
ta isatatan‑ra nuu itaꞌuꞌvi‑ra chiꞌin asetye ta vinu,

45
00:01:53,940 --> 00:01:57,060
ta ikavanuu‑ra soo nuu itaꞌuꞌvi‑ra.

46
00:01:57,060 --> 00:02:00,280
Yukuan ta itiso‑ra chii‑ra sɨkɨ vuru‑ra,

47
00:02:00,280 --> 00:02:05,080
ta ichandyaka‑ra chii‑ra nuu veꞌe nuu kixi ñayɨvɨ tyi kuakumi‑ra chii‑ra.

48
00:02:05,080 --> 00:02:06,160
Ta cha‑kuvi inka kɨvɨ,

49
00:02:06,160 --> 00:02:09,340
ta ichaꞌa‑ra xuꞌun chii stóꞌó veꞌe,

50
00:02:09,340 --> 00:02:11,020
ta katyi‑ra chii‑ra:

51
00:02:11,020 --> 00:02:12,680
“Sakuenda chii‑ra,

52
00:02:12,680 --> 00:02:16,780
ta tatu makuchaa xuꞌun ta kuanakuꞌvé chiun nakichí.”

53
00:02:16,780 --> 00:02:21,760
Ta nuu indɨꞌɨ ikaꞌan Jesús takuan ta indukutuꞌun‑ra chii mastru chito ley Ndyoo,

54
00:02:21,760 --> 00:02:22,780
ta katyi‑ra:

55
00:02:22,780 --> 00:02:28,000
—Nduꞌuñi taꞌan ñayɨvɨ iyaꞌa nuu kandyaa ra‑itaꞌan tundoꞌo isaꞌa rakuaꞌyɨ,

56
00:02:28,000 --> 00:02:29,340
ta kaꞌan maun,

57
00:02:29,340 --> 00:02:31,580
¿yoo ra‑kuvi taꞌan ra‑yukuan?

58
00:02:31,580 --> 00:02:33,800
Ta inakaꞌan mastru chito ley Ndyoo,

59
00:02:33,800 --> 00:02:34,840
ta katyi‑ra:

60
00:02:34,840 --> 00:02:37,020
—Ra‑ikundaꞌvi iñi chii‑ra.

61
00:02:37,020 --> 00:02:38,760
Yukuan ta inakaꞌan Jesús,

62
00:02:38,760 --> 00:02:39,720
ta katyi‑ra:

63
00:02:39,720 --> 00:02:42,000
—Kuaꞌan ta saꞌun takuan.