1
00:00:05,000 --> 00:00:18,620
Mam pji ammrẽ reereh me jõhm ẽhntaa japryꞌ to: “Me Pajẽhpixxỳꞌ Caacucxỳ.” Xỳm jõhm Me Pajẽhpixxỳꞌ capeꞌny ẽhjpa, ne jõhmpi Me Pajẽhpixxỳꞌhã.

2
00:00:18,620 --> 00:00:24,400
Ne ẽhmpoo cohneh ammrẽ reereh jõhm Me Pajẽhpixxỳꞌ capeꞌny ẽhjpa.

3
00:00:24,400 --> 00:00:32,100
Rõhm Me Pajẽhpixxỳꞌ te jõhm to ẽhꞌhimpex, my jõhm te to ẽhmpoo cohneh jẽhpix, ne jõhm te to ẽhmpoo jẽhpix par.

4
00:00:32,100 --> 00:00:45,360
Ne me jõhm to Me Pajẽhpixxỳꞌ Caacucxỳ ẽhntaa ẽhꞌtyx me paato ẽhꞌhimpex coh me paꞌtẽhrꞌhã paapa. Ne cohpi amcro ne me paamy hỳꞌcooroo to ẽhjpa.

5
00:00:45,360 --> 00:00:56,600
Ne jõhmpi Me Pajẽhpixxỳꞌ Caacucxỳ ẽhntaa hỳꞌcooroo pextehꞌ caacru my me paꞌcwyꞌ te mentoprooꞌ ny ne nee me paate amcro ẽhntaa pohpohn noore.

6
00:00:56,600 --> 00:01:11,420
Cỹh, wa ca meamy Zwãw ẽhntaa jãarẽ. Xỳm Zwãw te mecmy myyreh jõhmpi amcro ẽhntaa jãarẽn xỳꞌny Me Pajẽhpixxỳꞌ te ẽhꞌcohjahic, meꞌcohnehꞌ te jõhm cut amjõhjẽhpix xỳꞌny.

7
00:01:11,420 --> 00:01:19,620
Rõhm nee Zwãw ẽhntaaꞌpi amcroj noore, ne cymy cohte mecmy jõhmpi amcro ẽhntaa jãarẽn xỳꞌny tẽ.

8
00:01:19,620 --> 00:01:29,560
Xỳm ẽhncryhꞌcỹm jõhm ẽhntaapi amcro, ne jõhm tẽ ne jõhm cator, ne jõhm te meꞌcohnehꞌteh my hỳꞌcooroo to ẽhjpa.

9
00:01:29,560 --> 00:01:40,980
Ne jõhm pjiꞌ cỹm ẽhjpa, ne jõhm te to Me Pajẽhpixxỳ jarcwaaꞌ cut pji jẽhpix, caacru coh me pjiꞌ cỹm paapa ẽhntaa jiꞌ te nee jõhm jaꞌcree pex noore.

10
00:01:40,980 --> 00:01:49,040
Jõhm ẽhꞌcji jiꞌ wyr cator, rõhm nee jõhm cji jiꞌ te jõhm ny amjõhcaxỳr noore.

11
00:01:49,040 --> 00:01:59,920
Max, hõtpi me paate taꞌny amjõhcaxỳr ne me paate harcwaa cut amjõhjẽhpix, my Me Pajẽhpixxỳꞌ te amjõhcraꞌ ny amjõhꞌcut to me paꞌcwy jẽhpix.

12
00:01:59,920 --> 00:02:18,920
Coh nee me jõhm cahỹj tohꞌ cỹm amjõhjẽhpix ne meaxxwy ne Me Pajẽhpixxỳꞌ craꞌ ny paapaj noore. Ne nee meamjõhꞌcut Me Pajẽhpixxỳꞌ craꞌ ny amjõhjẽhpix noore. Ne quit Me Pajẽhpixxỳꞌ te amjõhcraꞌ ny amjõhcut me pajẽhpix.

13
00:02:18,920 --> 00:02:41,480
Rõhm me jõhm japryꞌ to Me Pajẽhpixxỳꞌ Caacucxỳ ẽhntaa te hẽehꞌ ny amjõhjẽhpix, ne me paꞌcapeꞌny ẽhjpa. Ne ẽhncryhꞌcỹm ẽhꞌcaacuc to ẽhjpa, ne meꞌcohnehꞌtehꞌ to ẽhmpex cateh. Wa mejte ẽhmpex ny hõmpohn my ẽhmpex cateh, xỳm taꞌhã Me Pajõnxõohtehꞌ cra pehtxeht pejꞌhã.

14
00:02:41,480 --> 00:03:02,100
Pe rõhm Zwãw te mecmy jõhm ẽhntaa jãarẽn, ne cohte cyj rõhmpi mecmy: —Taꞌmy ẽhjte mam meamy hãarẽn! Pom wa meamy: “Jõhm ẽhntaa cohmamꞌhã ẽhjcator, caacru my jõhm jẽhruuꞌpi jõhm crỹ rat, xỳm wa ammrẽ reereh jõhm ẽhꞌtyx ẽhjpa ẽhntaa, taꞌ mahã!”

15
00:03:02,100 --> 00:03:11,140
Hõ, ne Zwãw te mecmy jõhm jãarẽn to hãjỹhr. Xỳm jõhm pex cateh, ne ajpẽn jaheehre me paamy ẽhmpoo to hapux.

16
00:03:11,140 --> 00:03:29,180
Rõhm Me Pajẽhpixxỳꞌ te Mozez my amjõhhimpexxỳ my hẽhcran, rõhm jõhm ẽhntaa te Mozez himpexxỳ jẽhruuꞌpi me paamy Me Pajẽhpixxỳ ẽhmpex ne ẽhncryhꞌcỹm ẽhꞌcaacuc ny hãarẽn. Ne nee jõhm noore, ne Sesohx Crehjꞌ mahã.

17
00:03:29,180 --> 00:03:41,460
Ne Sesohx Crehx ẽhntaa pehtxeht ne cohte Me Pajẽhpixxỳꞌ pohpohn, xỳm taꞌ pehtxeht ẽhꞌcraꞌ ny ẽhjpa, ne hõhm capeꞌny ẽhjpa, macnyymy cohteꞌhã me paamy hãarẽn.