1
00:00:05,000 --> 00:00:17,940
Pe rõhm Zohdew cati jiꞌ te Me Pajẽhpixxỳ jõꞌamjõhquẽhn japryꞌ to: Cohte Me Hõhtỳr ẽhntaa cator xỳꞌwyr ryꞌmy hõhꞌnyhnreh, rõhm hamoh Sesohx Zerohzarẽj wyr mo.

2
00:00:17,940 --> 00:00:42,580
Ne ẽhjpux, ne hamoh Me Pajẽhpixxỳ jõhrcwaa wyr mo, ne ẽhjcree my hỳr. Rõhm meꞌcwy ẽhjcree cỹm ẽhꞌcrẽh ne meꞌtyx pryyhteh me, cáhnir me, tohtteh me, ẽhmpoo to vẽndii to ẽhꞌcrẽh. Rõhm meꞌcwy mecpi Hõman cati ji jõꞌpoore ẽhncwa, ne me hõꞌpoore jaꞌpanny mecmy Zohdew cati ji jõꞌpoore jõr to ẽhꞌcrẽh.

3
00:00:42,580 --> 00:01:07,680
Rõhm Sesohx te me hõmpohn, ne cohte ẽhꞌprõtpi aꞌxii to sehcot jaahyhr, ne cohte me cỹm ẽhncryhc, ne cohte ẽhꞌprõtpi me ẽhmpoo to vẽndii ẽhntaa ji me, cáhnir me, pryyhteh me, ẽhmpoo ẽhntaa ji me, me hapux to mor! Ne pom me ẽhꞌpooreꞌ to ẽhjpehꞌpan to ẽhꞌcrẽh ẽhntaa jipi me hõꞌpoore jaxwyr to mo! Ne mecpi me hõꞌmix rẽn to mo!

4
00:01:07,680 --> 00:01:18,400
Ne pom me tohttehꞌ to vẽndii to ẽhꞌcrẽh ẽhntaa ji my cohte harcwaa to: —Cỹh, hamoh me ẽhmpoo ẽhntaa jiꞌ to aajapux! Ne nee me myꞌreh Jõnxõoh jõhrcwaa to mercat ny noo cỹm!

5
00:01:18,400 --> 00:01:35,080
Ne cohte mecmyn to hãjỹhr, rõhm ẽhꞌcut mecte amjõhjẽhpix cati jiꞌ te Me Pajẽhpixxỳ jarcwaa ny ẽhꞌhuc ẽhntaa to amjõhjapac cree, pinny harcwaa ny ẽhꞌhuc te: “Ẽhꞌtyx ẽhjmy Me Pajẽhpixxỳ jõhrcwaa japii! Ne ẽhjmy ẽhjcree japii creeh noore!”

6
00:01:35,080 --> 00:01:56,460
Pe rõhm Zohdew cati ji jõopaꞌheeh ẽhntaa jiꞌ no cohmy: —Cỹh, jõhm jarcwaa cut ca me hapux to hãne? Ca Me Pajẽhpixxỳ jarcwaaꞌ cut to hãne, ne mrẽ ryꞌmy harcwaaꞌ cut to ẽhmpoo jaahyhr catehꞌ to hyh, war me ẽhmpoo ny aapohpoh ne Me Pajẽhpixxỳꞌ te aato ẽhꞌhimpex ny aajaꞌcree pex!

7
00:01:56,460 --> 00:02:09,900
Ne mecte Sesohx prỹy pex to hãjỹhr, rõhm ẽhꞌprõtpi cohte mecmy: —Cỹh, me ẽhjcỹm pa. Ca ca me Me Pajẽhpixxỳ jõhrcwaa ẽhntaa mee, wa ca awcaꞌteh ẽhncrii cỹm to acpỹyhmy ẽhjcree xãm!

8
00:02:09,900 --> 00:02:23,860
Ne cohte mecmy hãjỹhr, rõhm me cohmy: —Aapoh mecte ẽhjcree ẽhntaa to hỳmcwyr to amcroꞌ to cwarẽntaj sex, ne cormy mecte to ẽhjcree xãm, reꞌcỹm ca to acpỹyhmy awcaꞌteh ẽhncrii cỹm hãm xỳꞌny!

9
00:02:23,860 --> 00:02:30,900
Ne mecte Sesohx prỹy pex to hãjỹhr, xỳm nee Sesohx ẽhjcree to hãjỹhr noore, ne amjõhꞌto hãne.

10
00:02:30,900 --> 00:02:46,380
Cwyrjapii my mecte Sesohx coohran my acpỹyhmy cator, my ẽhꞌcut mecte amjõhjẽhpix cati jiꞌ te harcwaa ẽhntaaꞌ to hapac cree, ne meamjõhmy: “Me Pajẽhpixxỳ jarcwaa ny ẽhꞌhuc ẽhntaa me, Sesohx jarcwaa ẽhntaa ẽhncryhꞌcỹm.”

11
00:02:46,380 --> 00:03:05,300
Pe rõhm Me Pajẽhpixxỳ jõꞌamjõhquẽhn to: Cohte Me Hõhtỳr ẽhntaa cator, Zerohzarẽj cỹm, rõhm Sesohx cohreh mo, ne ẽhꞌtyx to ẽhmpoo jaahyhr cateh. Rõhm mecte hõmpoh, ne me hỳꞌtuu ne mecte harcwaa cut amjõhjẽhpix.

12
00:03:05,300 --> 00:03:13,440
Max, nee Sesohx te jõhm jarcwaaꞌ cut amjõhjẽhpix noore, xỳm cohte meꞌcohnehꞌteh jaꞌcree pex par.

13
00:03:13,440 --> 00:03:25,300
Ne nee Sesohx jõhm jaꞌcree pex xỳꞌny jõhm ny hỳꞌcoohcjir to ẽhjpaj noore, xỳm cohte meꞌcohnehꞌteh jõhjacop jaꞌcree pex par.