1
00:00:05,000 --> 00:00:43,720
Hõ, ne cohte taꞌny hãjỹhr, rõhm ẽhꞌprõtpi me hỳꞌtuu ne mecte Sesohx cut amjõhjẽhpix, Zwãw jẽhruuꞌpi. Rõhm mencjix tohw crỹ ẽhncoo. Max, nee Sesohx te jõhm crỹ ẽhncoo noore, ne ẽhꞌcut mecte amjõhjẽhpix cati jiꞌ te meꞌcwy ẽhncjix tohw cati jiꞌ crỹ ẽhncoo. Rõhm jõhm jiꞌ te Farehzew cati ji my: —Mecte Sesohx cut amjõhjẽhpix cati ji jỳꞌtuu, Zwãw jẽhruuꞌpi, my meꞌcrỹ ẽhncoo! Ne mecte Farehzew cati ji my hãjỹhr. Rõhm Sesohx jõhpar,

2
00:00:43,720 --> 00:00:49,720
ne hamoh pjiꞌ to Zohdehj ẽhntaapi cator, ne acpỹyhmy pjiꞌ to Garehrehj wyr mo.

3
00:00:49,720 --> 00:00:54,180
Ne hatox cỹm pjiꞌ to Samarehj cajpohw mo.

4
00:00:54,180 --> 00:01:03,260
Ne crẽhꞌ to Sehcaa ẽhntaa wyr cator. Mam Zacoo teꞌcãmter Zohzee my pji jõr ẽhntaa pehꞌpooꞌ cỹm.

5
00:01:03,260 --> 00:01:17,920
Rõhm cohreh Zacoo te to cu my pux jẽhpix my ẽhꞌcohꞌhiꞌ tõhm to ẽhꞌcohꞌhi. Rõhm Sesohx mo, ne mor cohriitee hẽhrot, ne pux wyr cator, ne cuꞌ capeꞌny jỹh, mij tehj ny.

6
00:01:17,920 --> 00:01:38,940
Rõhm ẽhꞌcut mecte amjõhjẽhpix cati ji hamoh me crẽhꞌ wyr praa, mecte amjõhmy me hõ japruuu xỳꞌny. My Sesohx me haprẽhp jỹh. Rõhm ẽhꞌprõtpi amne Samarehj cwyj ẽhntaa amjõhmy hacjin to mo. Rõhm Sesohx te cohmy harcwaa men, ne cohmy: —Cỹh, to ẽhjmy cuꞌ cwy, wa to ẽhjcõ!

7
00:01:38,940 --> 00:01:56,980
Ne cohte Samarehj cwyj my hãjỹhr, my cohte cohmy: —Pom mrẽ aapi Zohdew cati ji pehtreꞌ cỹm ne ẽhjpi Samarehj cwyj, caacru ca cuꞌ ny ẽhjwy? (Xỳm pinny nee Zohdew cati ji Samarehj cati ji my harcwaa rẽn to ẽhjpaj noore my).

8
00:01:56,980 --> 00:02:18,640
Macnyymy Samarehj cwyj te Sesohx prỹy pex to hãjỹhr, rõhm cohmy: —Capxyh ca jaꞌcree pejꞌ nyymy, ne pom Me Pajẽhpixxỳꞌ te aamy cu jõr prỹm ẽhntaa, capxyh ca ca cu jaꞌcree pex, ca ca cuꞌ ny ẽhjwy wa ca aamy cu hõ. Cu ẽhntaa, ca ca cuꞌ to ẽhjcõ ne aatẽhr tõhm to aatẽhr.

9
00:02:18,640 --> 00:02:38,380
Ne Sesohx te Samarehj cwyj my hãjỹhr, my cohmy: —Ẽhmpoo to ca ca quit amjõhmy cu ẽhntaa jacji? Xỳm ca aajõhꞌcỹm mo, ne nee aate amjõhmy hacjin xỳꞌny ẽhmpoo pyhr noore. Ne pux cree ryyhteh ne caxwãaꞌ my cu. Jõhꞌny ca ca ẽhjmy cu ẽhntaa jõr to?

10
00:02:38,380 --> 00:02:57,380
Py hop, tem ca Zacoo ẽhntaa jẽhruuꞌpi to ẽhmpoo jaahyh? Me panquit Zacoo te to amjõhmy pux ẽhntaa jẽhpix, ne cuꞌ to ẽhꞌcõm to ẽhjpa, ne to ẽhꞌcra me hõꞌcreht cõm to ẽhjpa, ne cohte me paamy cu my hẽhcran. Tem ca crẽ hẽhruuꞌpi to ẽhmpoo jaahyh?

11
00:02:57,380 --> 00:03:06,780
Ne Samarehj cwyj te Sesohx my hãjỹhr my cohte cohmy: —Ca meapa ne me cu ẽhntaa to ẽhjcõ, my acpỹyhmyymy meamy cur.

12
00:03:06,780 --> 00:03:21,800
Max, pom wa aamy cu jõr prỹm ẽhntaa, ca ca cuꞌ to ẽhjcõ, qui ca nee hẽhpiireh aamy cur noore ca. Qui ca cu ẽhntaa aacỹm ẽhꞌtortot, ca ca me cuꞌ to ẽhjcõ ne ca meatẽhr tõhm to meatẽhr.

13
00:03:21,800 --> 00:03:36,800
Ne Sesohx te Samarehj cwyj my hãjỹhr, my ẽhꞌprõtpi cohmy: —Cỹh, to ẽhjmy cu ẽhntaa cwy, war to ẽhjcõ, qui nee hẽhpiireh ẽhjmy cur noo cỹm, wa nee myꞌreh amjõhmy hacjin xỳꞌny amne pux cree ẽhntaa wyr ẽhjpaj nooꞌ cỹm!

14
00:03:36,800 --> 00:03:41,860
Rõhm Sesohx te cohmy: —Cỹh, hamoh tẽ ne aapjin japruu!

15
00:03:41,860 --> 00:03:51,880
Rõhm cohmy: —Aapoh ẽhjpjin ammrẽere! Rõhm Sesohx te cohmy: —Hỹh, ca aacryhꞌcỹm aapjin ammrẽereꞌ ny amjõhjãarẽ!

16
00:03:51,880 --> 00:04:01,140
Xỳm ryꞌmy aapjiꞌ te sẽhc, ne pom ca ẽhntaaꞌcỹm jõhm me aajẽhcwaa ẽhntaa, nee aapjin noore my, ca aacryhꞌcỹm ẽhjmy amjõhjãarẽ!

17
00:04:01,140 --> 00:04:08,460
Pe rõhm Samarehj cwyj te Sesohx my: —Aapi profet ny ẽhjte ryꞌmy aacatỳt.

18
00:04:08,460 --> 00:04:27,120
Max, pom quẽn ẽhntaa cỹm mejquit jiꞌ te coohprõn ne mecte Me Pajẽhpixxỳ my ẽhmpex jãarẽn to ẽhꞌcohꞌhi, caacru ca meapi Zohdew cati ji quẽn tiitee mejmy, ne pinny Zerohzarẽj cỹm me paate cohmy ẽhmpex jãarẽnxỳ ẽhntaa, taꞌ pehtxeht!

19
00:04:27,120 --> 00:04:38,240
Rõhm Sesohx te cohmy: —Cỹh ẽhjcỹm pa. Qui ca aꞌtõhmryyh, ca ca nee me quẽn ẽhntaa me, Zerohzarẽj cỹm Jõnxõoh my ẽhmpex jãarẽn to aacohꞌhij noore, myꞌreh.

20
00:04:38,240 --> 00:04:57,240
Ca meahixny ẽhmpoo cut amjõhjẽhpix to aapa, ne nee meate ẽhmpoo jaꞌcree pex noore. Max, pom mejpi Zohdew cati ji, wa mejcryhꞌcỹm Me Pajẽhpixxỳꞌ cut amjõhjẽhpix to ẽhjpa, ne mejte haꞌcree pexteh. Xỳm Zohdew cati jiꞌ pẽhnꞌhã meacrỹꞌ cajparxỳ ẽhntaa cator.

21
00:04:57,240 --> 00:05:19,400
Max, qui ca awcaꞌtehꞌ no aꞌtwy—ne ryꞌmy awcaꞌteh jỳꞌhohc—qui ca Carõo Pex meꞌcwyꞌ to ẽhꞌhimpex qui ca meꞌcwy ẽhncryhꞌcỹm meamjõhcaxwãaꞌmy amjõhcỹm Jõnxõoh my ẽhmpex jãarẽn to ẽhjpa. Xỳm Jõnxõoh my taꞌny ẽhꞌprỹm, qui mencryhꞌcỹm meamjõhcaxwãaꞌmy amjõhcỹm cohmy ẽhmpex jãarẽn to ẽhjpa.

22
00:05:19,400 --> 00:05:29,860
Xỳm Me Pajẽhpixxỳꞌ carõo pehtteh, cwyrjapii my cohmy taꞌny ẽhꞌprỹm, qui mencryhꞌcỹm meamjõhcaxwãaꞌmy amjõhcỹm cohmy ẽhmpex jãarẽn to ẽhjpa.

23
00:05:29,860 --> 00:05:49,540
Pe ne Sesohx te Samarehj cwyj my hãjỹhr, my cohmy: —Hỹh, wa ẽhjte haꞌcree pex, pom Me Pajẽhpixxỳꞌ te me panquit ji my me paꞌpyhtỳr catiꞌ to hõhjaꞌcree ẽhntaa—hapryꞌ noꞌ to Crehx ẽhntaa—qui ca amne tẽ, ne ca ẽhmpoo cohnehꞌ ny me paato ẽhꞌhimpex!

24
00:05:49,540 --> 00:05:59,020
Ne cohte Sesohx my hãjỹhr, rõhm cohte cohmy: —Pom wa aamy ẽhjcaacuc ẽhntaa paꞌmy ẽhjpi Crehx, pom wa paꞌhã!

25
00:05:59,020 --> 00:06:27,520
Ne Sesohx te Samarehj cwyj my hãjỹhr, rõhm ẽhꞌprõtpi amne ẽhꞌcut mecte amjõhjẽhpix cati ji pux, ne mecte hõmpohn, ne meamjõhmy: “Py, pom mrẽ Sesohx jõhm cahỹj my ẽhꞌcaacuc!” Ne mecte amjõhcỹm hapac to hãjỹhr, caacru rõhm nee meꞌnoꞌ te cohmy: “Ẽhmpoo ny ca ẽhꞌcoohquehj?” hãjỹhr noore, ne nee jõhm te cohmy: “Ẽhmpoo caxohw ca cohmy aacaacuc?” hãjỹhr noore.

26
00:06:27,520 --> 00:06:32,820
Rõhm ẽhꞌprõtpi Samarehj cwyj te hõꞌpot my hẽhcran, ne hamoh crẽhꞌ wyr tẽ, ne cohte meꞌcwy my:

27
00:06:32,820 --> 00:06:48,760
—Cỹh, amne me praa to hyh, ne me jõhm ẽhntaa pohpohꞌ myyny! Xỳm ẽhjte ẽhmpoo to japux ẽhntaa jiꞌ cohnehꞌ ny cohte hatox cỹm ẽhjmy jãarẽn par. Tanny cohpi Crehjꞌhã, pom Me Pajẽhpixxỳꞌ te ẽhꞌcohjahic xỳꞌny amjõhto hõhjaꞌcree ẽhntaa.

28
00:06:48,760 --> 00:06:55,360
Rõhm mecte Samarehj cwyj jarcwaa ẽhntaa ny cỹm hapac, ne hamoh me ẽhꞌcut Sesohx pohpohn to praa.

29
00:06:55,360 --> 00:07:02,120
My Sesohx cut mecte amjõhjẽhpix cati jiꞌ te cohmy ne me cohmy: —Cỹh, Mejto Aahimpex Cati, haner ẽhmpoo cohꞌ myyny!

30
00:07:02,120 --> 00:07:13,000
Rõhm cohte mecmy: —Hop, pom ẽhjmy jõ ẽhntaa hẽhcwaa, ca nee meate jõ ẽhntaa jaꞌcree pex noore!

31
00:07:13,000 --> 00:07:20,720
Rõhm ẽhꞌcut mecte amjõhjẽhpix cati jiꞌ te cỹm hapac, ne meajpẽn my: —Jõhm te my cohmy ẽhmpoo jõr ẽhntaa?

32
00:07:20,720 --> 00:07:35,400
Rõhm Sesohx te mecmy: —Cỹh, me ẽhjcỹm pa. Xỳm nee ẽhjmy ẽhmpoo to prỹm noore, ne pom Jõnxõoh te ẽhjcohjahic ẽhntaa my ẽhmpoo quẽhn ẽhntaa ji—ẽhꞌtyx ẽhjmy ẽhmpoo to japux prỹm.

33
00:07:35,400 --> 00:08:09,960
Ne xwyyre my, ca meajpẽn my: “Qui ca pyhtry cwat qui ca ẽhmpoo ẽhntep, coh ca me ẽhmpoo coh.” Max, nee cohte hãjỹhr noore my. Haner me pohr pohpoh, xỳm ryꞌmy ẽhmpoo ẽhntep to mo. Pe ne Sesohx te mecmy hãjỹhr. Xỳm pinny ryꞌmy meꞌcwyꞌ te ẽhꞌcut amjõhjẽhpix xỳꞌwyr amcro jỳꞌtip ne mecte hãjỹhrꞌ pom qui aaruj jẽhrin xỳꞌny ryꞌmy amcro jỳꞌtip. Pinny qui ca jõhm mecmy Sesohx jãarẽ, qui ca me ryꞌmy ẽhꞌcut amjõhjẽhpix. My cohte hẽhpiireh mecmy:

34
00:08:09,960 --> 00:08:36,460
—Ne mecte ẽhmpoo jẽhrin cati ji, qui ca Me Pajẽhpixxỳ mecmy amhõ, ne ca me to ẽhꞌhimpex qui meꞌtẽhr tõhm to meꞌtẽhr. Ne mecte me harcwaa cut ẽhjcut amjõhjẽhpix ẽhntaa jiꞌ te hãjỹhrꞌ pom qui me ẽhmpoo jẽhri ẽhntaa ji. Cwyrjapii qui ca mecte ẽhmpoo jẽhrin cati ji hacryyh, max, qui ca mecte ẽhmpoo hyhꞌ cree cati ji xwyyre hacryyh. Qui ca meꞌcohneh hacryyh.

35
00:08:36,460 --> 00:08:45,040
Hõ, cwyrjapii my jõhm te ẽhncryhꞌcỹm harcwaa to: “Reht ji ẽhmpoo hyhꞌ cree, ne reht ji ẽhmpoo hyh jẽhri.”

36
00:08:45,040 --> 00:09:01,760
Ẽhntaa jẽehcjiꞌ cwyꞌ to, wa ẽhjte meacohjahic, meate ẽhmpoo hyh jẽhrin xỳꞌny. Ne nee meate ẽhmpoo hyh ẽhntaa cree noore, ne jõhm te ẽhmpoo hyhꞌ cree, ca me ẽhmpoo hyh jẽhri. Ne Sesohx te me to ẽhꞌhimpex to hãjỹhr.

37
00:09:01,760 --> 00:09:27,060
Pe rõhm Samarehj cwyj ẽhntaa mecmy amjõhny Sesohx jarcwaa jãarẽ, xỳm mecmy: “Sesohx ẽhntaa hatox cỹm cohte ẽhjmy ẽhmpoo quin to ẽhjte japux to ẽhjpa ẽhntaa ny ẽhmpoo cohnehꞌ ny cohte ẽhjmy jãarẽn par.” Pe rõhm meꞌprõtpi meꞌcwyꞌ te Samarehj cwyj ẽhntaa jarcwaa ny cỹm hapac ne meꞌcwyꞌ te ryꞌmy Sesohx cut amjõhjẽhpix.

38
00:09:27,060 --> 00:09:41,080
Ne Samarehj cati ji Sesohx wyr ẽhjpa, ne meꞌwyr hapux, ne me hato, qui me capeꞌny aꞌtwy. Rõhm cohte me taꞌny amjõhcaxỳr, ne cohte me capeꞌny cohreh amjõhto awcaꞌtehꞌ to ẽhjpehxcroht.

39
00:09:41,080 --> 00:09:45,880
Rõhm myymy Samarehj cati ji jỳꞌtuu ne mecte Sesohx cut amjõhjẽhpix.

40
00:09:45,880 --> 00:10:08,840
Ne mecte ẽhꞌprõtpi Samarehj cwyj ẽhntaa my: —Cỹh, aate mejmy Sesohx jãarẽn cwyrjapii wa mejte ẽhꞌcut amjõhjẽhpix. Max, ẽhntaaꞌcỹm wa mejte aacohxỳꞌ cỹm japac, ne mejte aacohxỳ haꞌcree pex, xỳm ẽhncryhꞌcỹm cohpi Crehx, ne ẽhꞌtyx crẽhꞌ cohnehꞌ cỹm me paꞌcohnehꞌtehꞌ crỹꞌ cajpar xỳꞌny tẽ.