1
00:00:05,000 --> 00:00:11,640
Rõhm Sesohx te cohreh amjõhto awcaꞌtehꞌ to ẽhjpehxcroht, ne hamoh pjiꞌ to Garehrehj wyr mo.

2
00:00:11,640 --> 00:00:21,500
My ryꞌmy Sesohx te ẽhꞌcut mecte amjõhjẽhpix cati ji my: —Pom mecpi profet ẽhntaa ji, nee meꞌcwyꞌ cati ji me cỹm hapac noore!

3
00:00:21,500 --> 00:00:45,660
Rõhm hamoh me pjiꞌ to Garehrehj wyr ẽhjpa ne mejpux. Rõhm Garehrehj cati jiꞌ te Sesohx ny amjõhcaxỳr, xỳm Sesohx te Zerohzarẽj cỹm to ẽhmpoo jaahyhr cateh ẽhntaa jiꞌ ny mecte hõmpohn, me hõꞌamjõhquẽhn ny. Xỳm hamoh me hõꞌamjõhquẽhn pohpohn to Zerohzarẽj wyr mejpa, ne mecte cohreh ẽhmpoo ny hõmpohn.

4
00:00:45,660 --> 00:01:04,440
Rõhm hẽhpiireh hamoh Sesohx crẽhꞌ to Canaa ẽhntaa wyr mo, Garehrehj cỹm. Myyreh cohte cuꞌ to vẽeh cacu jẽhpix ẽhntaareh. Ne crẽh my hỳr, rõhm me hõopaꞌheeh no ẽhntaa mo, my cohpi ẽhꞌcraꞌ cỳjxỳ, crẽhꞌ to Cafáhna-õoh cỹm.

5
00:01:04,440 --> 00:01:20,620
Rõhm me hõopaꞌheeh no ẽhntaa te Zohdehj pẽhn Sesohx pux ny hãarẽn par, ne hamoh ẽhꞌwyr mo, ne ẽhꞌwyr cator, ne cohte amjõhjõꞌcrẽhꞌ wyr hator, qui tẽ ne cohmy ẽhꞌcraꞌ tỳt qui ẽhmpex, xỳm pinny ryꞌmy ẽhꞌcraꞌ tyhc xỳꞌny.

6
00:01:20,620 --> 00:01:29,220
Rõhm Sesohx te cỹm hapac, ne cohmy: —Wa ca to ẽhmpoo jaahyhr catehj noore, ca ca nee me ẽhjcut amjõhjẽhpix noore.

7
00:01:29,220 --> 00:01:37,520
Rõhm ẽhꞌprõtpi me hõopaꞌheeh no ẽhntaa te Sesohx my: —Coh, to hyh, xyhr qui ẽhjpi ẽhjcra tyh!

8
00:01:37,520 --> 00:01:51,520
Rõhm ẽhꞌprõtpi Sesohx te jõhm my: —Cỹh, hamoh tẽ, xỳm ryꞌmy aacra ẽhmpex! Ne cohte me hõopaꞌheeh no ẽhntaa my hãjỹhr, my nee jõhm Sesohx jarcwaa prỹy pex noore, ne hamoh ryꞌmy tẽ.

9
00:01:51,520 --> 00:02:02,660
Ne cormy hamoh mo, pryyh ny, rõhm amne me hỳmcwyr cati ji cohnyymy praa, ne mecte ẽhꞌcajpar, ne mecte cohmy: —Ryꞌmy aacra ẽhmpex, qui ca nee ẽhꞌtyhc noore!

10
00:02:02,660 --> 00:02:15,500
Rõhm me hõopaꞌheeh no ẽhntaa te mecmy: —Or jõhꞌcỹm my acpỹyhmy ẽhjcra ẽhmpex? Rõhm me cohmy: —Ẽhꞌnoꞌny, pyht wyr my, cryhꞌ te cohmy hẽhcran.

11
00:02:15,500 --> 00:02:35,000
Ne mecte cohmy ẽhꞌcra jãarẽn to hãjỹhr, my amjõhcỹm hapac to xa, ne mecmy: —Py! Or ẽhntaaꞌcỹm Sesohx te ẽhjmy: “Ryꞌmy aacra ẽhmpex.” Ne cohte mecmy Sesohx jãarẽn to hãjỹhr, ne cohte ẽhꞌprõtpi ẽhꞌcwyꞌ cati jiꞌ cohneh me, mecte Sesohx cut amjõhjẽhpix.

12
00:02:35,000 --> 00:02:55,920
Ne Sesohx te to ẽhmpoo jaahyhr catehꞌ to hãjỹhr, Me Pajẽhpixxỳꞌ te ẽhꞌcohjahic ny mecte haꞌcree pex xỳꞌny. Xỳm Zohdehj pẽhn tẽ, ne cohte cuꞌ to vẽeh cacu jẽhpix, ne hapõhꞌny cohte jõhm cra mampex to hãjỹhr.