1
00:00:05,000 --> 00:00:22,640
Ne jõhm te mecmy Sesohx jãarẽn to hãjỹhr, my me Sesohx cohri, xỳm pinny me hỳmcwyr noo jõꞌawcaꞌtehꞌ cỹm cohte jõhm mampex to hãjỹhr. Rõhm hamoh me Sesohx wyr praa, ne me ẽhꞌwyr hapux, ne me to xwy, ne me cohmyn quin aapoh!

2
00:00:22,640 --> 00:00:32,180
Rõhm Sesohx te mecmy: —Aapoh Jõnxõoh ẽhꞌtyx to ẽhmpoo jaahyhr to ẽhjpa, wa paxwyyreꞌ to ẽhmpoo jaahyhr to ẽhjpa.

3
00:00:32,180 --> 00:00:53,700
Ne Sesohx te Zohdew cati ji jõopaꞌheeh ẽhntaa ji my harcwaa to hãjỹhr, my ẽhꞌprõtpi mencryhc ne myymy mecmy Sesohx coohran prỹm! Xỳm pinny cohte me hỳmcwyr noo jõꞌawcaꞌtehꞌ to ẽhꞌquin ne ẽhꞌtyx amjõhto Me Pajẽhpixxỳꞌ cra ẽhntii to ẽhjpa, ne pinny cohte hãjỹhrꞌ pom qui Me Pajẽhpixxỳ.

4
00:00:53,700 --> 00:01:11,100
Rõhm Sesohx te mecmy: —Wa ẽhjcryhꞌcỹm meamy amjõhjãarẽ, pom ẽhjpi Me Pajẽhpixxỳꞌ cra ẽhntaa, wa nee amjõhꞌcut to ẽhmpoo jaahyhr noore. Max, Jõnxõohꞌ to ẽhmpoo jaahyh, wa ẽhmpoo ny hõmpoh ne cohxỳꞌ to ẽhmpoo jaahyh.

5
00:01:11,100 --> 00:01:39,540
Xỳm wa ẽhꞌcraꞌhã, cwyrjapii my Jõnxõoh my japii, my ẽhꞌtyx to ẽhmpoo jaahyh, ne ẽhjmy ẽhmpoo jaꞌcree, wa ẽhmpoo ny hõmpohn to ẽhjpa, ne to cohxỳ ẽhmpoo jaahyhr to ẽhjpa. Qui ca meacaxohw Jõnxõoh ẽhjto ẽhꞌhimpex wa ca cormy to ẽhmpoo jaahyh—pom wa ẽhjte ryꞌmy to ẽhmpoo jaahyhr ẽhntaa ji jẽhruuꞌpi wa ca to ẽhmpoo jaahyh, ca ca me ẽhmpoo ny ẽhjpohpoh, ne ca meamjõhcỹm aajapac cateh!

6
00:01:39,540 --> 00:01:53,080
—Xỳm Jõnxõoh hehꞌtyxtehꞌ te hãjỹhr ne meꞌtyhc tỳt my acpỹyhmy meꞌtẽhr ne mejpa. Pe, wa ẽhꞌcraꞌ ny cwyrjapii qui ca ẽhjmy jõhm tyhc ẽhꞌtẽhr prỹm qui ca acpỹyhmy jõhm ẽhꞌtẽhr.

7
00:01:53,080 --> 00:02:03,240
—Ne xwyyre my, qui ca nee taxmy Jõnxõoh jõhm coohcjir noore, xỳm cohte ẽhjpi ẽhꞌcraꞌ to ẽhꞌhimpex, wa ca haxỳꞌ cỹm meꞌcoohquehj,

8
00:02:03,240 --> 00:02:22,840
quir meꞌcohneh ẽhjpi ẽhꞌcraꞌ te meꞌcoohcjir ny ẽhjpohpoh, ne me tỹmꞌne Jõnxõoh cohxỳ ẽhjcỹm ẽhꞌpahỳm. Xỳm Jõnxõoh te ẽhjpi ẽhꞌcãmter cohjahic, my pom mejcỹm ẽhꞌpahỳm to ẽhjpaj noore ẽhntaa ji, nee me Jõnxõoh xwyyreꞌ cỹm ẽhꞌpahỳm to ẽhjpaj noore.

9
00:02:22,840 --> 00:02:48,120
—Wa ẽhjcryhꞌcỹm meamy amjõhjãarẽ, ca ca meano jarcwaa ny ẽhjcỹm pa, ne meano Jõnxõoh te ẽhjcohjahic ẽhntaa xwyyre jarcwaa cut amjõhjẽhpix, ne ca meano aatẽhr tõhm to aatẽhr. Pe wa ca nee meanoꞌ coohcjir ne amjõhtiitee meanoꞌ cohjahic noore. Xỳm meanoꞌ tyhc, caacru wa ẽhjte to meano tẽhr, ca meano aatyx aapa.

10
00:02:48,120 --> 00:03:05,100
—Wa ẽhjcryhꞌcỹm meamy awjãarẽ, qui ca awcaꞌtehꞌ no aꞌtwy, ne ryꞌmy awcaꞌteh jỳꞌhohc, wa ca ẽhjpi Me Pajẽhpixxỳꞌ cra ẽhntaa meꞌtyhc cati ji my aaquehj, qui ca mecte ẽhjcỹm hapac ẽhntaa ji acpỹyhmy ẽhꞌtẽhr ne meꞌtyx ẽhjpa.

11
00:03:05,100 --> 00:03:15,940
Xỳm Jõnxõoh pehtxeht mecmy meꞌtẽhr jõr to ẽhjpa. Ne cohte ẽhjpi ẽhꞌcra ẽhntaa to ẽhꞌhimpex, wa cohxỳ mecmy meꞌtẽhr jõr to ẽhjpa.

12
00:03:15,940 --> 00:03:22,560
Ne cohte ẽhjto ẽhꞌhimpex, wa ca meꞌcoohquehj, xỳm wa Meatõꞌ Cỳꞌ ny ẽhjpa.

13
00:03:22,560 --> 00:03:33,340
—Nee me jarcwaa ẽhntaa cỹm amjõhcỹm aajapac noo cỹm. Xỳm qui ca aꞌtõhmryyh wa ca me haaritxỳꞌ cỹm mexcwaa ẽhntaa jiꞌ cohneh my aaquehj, qui ca me ẽhjcỹm pa.

14
00:03:33,340 --> 00:03:46,280
Pe qui ca mecte ẽhmpoo pex to hapux to ẽhjpa ẽhntaa ji hapux ne meꞌtyx ẽhjpa. Pe qui ca mecte ẽhmpoo quin to hapux to ẽhjpa ẽhntaa ji hapux, wa ca meꞌcoohquehj ne ca amjõhtiitee mecri.

15
00:03:46,280 --> 00:04:11,280
Wa nee ẽhjhimpexxỳꞌ cut wa to ẽhmpoo jaahyhr noore. Max, Jõnxõoh himpexxỳꞌ cut wa ca meꞌcoohquehj. Pe wa ca ẽhjcryhꞌcỹm meꞌcoohquehj ne ca nee ẽhjhixny meꞌcoohcjir noore, xỳm nee ẽhjmy amjõhmy ẽhmpoo jaahyhr prỹm noore, ne ẽhꞌtyx ẽhjmy to ẽhmpoo jaahyhr prỹm te hãjỹhrꞌ pom qui Jõnxõoh te ẽhjcohjahic ẽhntaa my ẽhmpoo quẽhn ẽhntaa ji.

16
00:04:11,280 --> 00:04:18,700
—Capxyhꞌmy wa amjõhcrỹꞌ cut meamy amjõhjãarẽꞌ nyymy wa ca nee ẽhjcryhꞌcỹm meamy amjõhjãarẽn noore.

17
00:04:18,700 --> 00:04:25,600
Max, Jõnxõohꞌmy meamy jãarẽ, ne quit taꞌmy ẽhncryhꞌcỹm jãarẽ.

18
00:04:25,600 --> 00:04:32,160
My meate Zwãw coohcjir xỳꞌny ẽhꞌwyr jõhm jiꞌ cohjahic, rõhm Zwãw te ẽhncryhꞌcỹm jõhm ji my jãarẽn.

19
00:04:32,160 --> 00:04:41,540
Max, paꞌ wa nee jõhm te meamy jãarẽn xỳꞌny jõhm japrẽhp noore, ne cymy ẽhjte meacrỹꞌ cajpar xỳꞌny meamy jõhjãarẽn to hãne.

20
00:04:41,540 --> 00:04:59,160
Xỳm Zwãw te hãjỹhrꞌ pom qui rohx puc hỳꞌcooroo to ẽhꞌcohꞌhi ne ẽhꞌtyx meato ẽhꞌhimpex to ẽhjpa, my meamy ẽhꞌhimpexxỳꞌ pyhrin amjõhjacryyh pỹcreꞌ prỹm, pom coh qui me rohx puc ruumy paapa ne me ẽhꞌpuc pyhrin amjõhjacryyh to paapa.

21
00:04:59,160 --> 00:05:19,960
Ne Zwãw meamy jãarẽn to ẽhjpa. Max, hẽhruuꞌpi wa meamy amjõhjãarẽn pex to ẽhjpa. Xỳm wa ẽhjte ẽhmpoo to japux xỳꞌny Jõnxõoh te ẽhmpoo ny ẽhjto ẽhꞌhimpex ẽhntaa ji, wa ẽhmpoo to japux to ẽhjpa, car me ẽhmpoo ny ẽhjpohpoh ne me jaꞌcree pex, xỳm ẽhncryhꞌcỹm Jõnxõoh te meawyr ẽhjcohjahic.

22
00:05:19,960 --> 00:05:31,820
Pom Jõnxõoh te meawyr ẽhjcohjahic ne ẽhꞌtyx meamy jãarẽn to ẽhjpa. Nee tỹmne meanoꞌ te hõocree cỹm aajapac noore, ne nee tỹmne meanoꞌ te hõmpohn noore.

23
00:05:31,820 --> 00:05:41,180
Ne nee meanoꞌ te harcwaa to amjõhjapac cree to aapaj noore. Xỳm Jõnxõoh te meawyr ẽhjcohjahic caacru ca nee meate ẽhjcut amjõhjẽhpix noore.

24
00:05:41,180 --> 00:06:04,640
Ca ca me Me Pajẽhpixxỳ jarcwaa ny ẽhꞌhuc cahyht to aacrẽh, ne meamjõhmy: “wa ca ẽhꞌhuc ẽhntaa cut amjõhjẽhpix ne ca ẽhjtẽhr tõhm to ẽhjtẽhr,” hãne. Max, nee cohte hãjỹhr noore. Ca ca quit me ẽhꞌhuc cahyht ne me ẽhꞌhuc cỹm jaꞌcree pex, ne me ẽhjcut amjõhjẽhpix, wa ca meato ẽhjhimpex ca ca meatẽhr tõhm to meatẽhr.

25
00:06:04,640 --> 00:06:13,540
Caacru my meatẽhr tõhm to meatẽhr xỳꞌny meate ẽhjny aajỳꞌwyr capeh. Ne meate ẽhjcapeh.

26
00:06:13,540 --> 00:06:18,820
—My nee meanoꞌ te ẽhjmy ẽhjpex jãarẽn xỳꞌny wa meano japrẽhp noore my.

27
00:06:18,820 --> 00:06:25,600
Xỳm wa ẽhjte meajaꞌcree pex, ca nee meacryhꞌcỹm Me Pajẽhpixxỳꞌ to ẽhmpex to aapaj noore.

28
00:06:25,600 --> 00:06:42,560
Xỳm wa amne Jõnxõoh jarcwaaꞌ cut meato ẽhjhimpex to tẽ, caacru my nee meate ẽhjny amjõhcaxỳr noore. Capxyh qui amne jõhm amjõhjarcwaaꞌ cut meato ẽhꞌhimpex xỳꞌny tẽ, ca ca meatyx jõhm ny amjõhcapa.

29
00:06:42,560 --> 00:06:59,060
Wỳr ca ca mejcut amjõhjẽhpix! Ca meajpẽn my ajpẽn pex jãarẽn to aacrẽh ne meamy taꞌny ajpẽn par prỹm. Max, ca nee me tỹmne Me Pajẽhpixxỳꞌ te meamy meapex jãarẽn xỳꞌny me cohmy ẽhmpoo pex to aajapux to aapaj noore.

30
00:06:59,060 --> 00:07:16,560
—Tem ca meamjõhmy ẽhjte Jõnxõoh my meaquin ny meajãarẽn ny ca meamjõhmy ẽhjcãmjẽhx? Hop, pa wa ca nee meaquin ny meajãarẽn noore. Max, pom meate aahixny Mozez cut amjõhjẽhpix ẽhntaaꞌ qui ca Jõnxõoh my meaquin ny meajãarẽ!

31
00:07:16,560 --> 00:07:27,760
Capxyhꞌreh ca meacryhꞌcỹm Mozez cut amjõhjẽhpijꞌre nyymy, ca ca meatyx paxwyyreꞌ cut amjõhjẽhpix, xỳm Mozez te jãarẽn ny to ẽhꞌhuc.

32
00:07:27,760 --> 00:07:37,380
Ca nee me Mozez te to ẽhꞌhuc ẽhntaa cỹm aajapac noore, ne jõhꞌny ca ca me ẽhjcỹm aajapac ẽhntaa to?