1
00:00:05,000 --> 00:00:15,240
Rõhm aꞌtõhmryyh my hamoh Sesohx te cuꞌcatehꞌ to Garehrehj ẽhntaa ny ẽhjrii. Ne cu ẽhntaa japryꞌ noꞌ to Tehbehrehj.

2
00:00:15,240 --> 00:00:31,780
Rõhm me hỳꞌtuuuuteh, ne me Sesohx cut ẽhjpa. Xỳm Sesohx te meꞌcỳjxỳꞌ cwy mampex, ne cohte to ẽhmpoo jaahyhr catehꞌ to hãjỹhr, my mecte ẽhmpoo ẽhntaa jiꞌ ny Sesohx pohpohn ne me ẽhꞌcut ẽhjpa.

3
00:00:31,780 --> 00:00:41,840
Rõhm hamoh hacot ẽhntaa ny hỳypehr ne hỹhr ne jỹh. Rõhm ẽhꞌcut mecte amjõhjẽhpix cati ji ẽhꞌcut hỳypehr ne meꞌcrẽh.

4
00:00:41,840 --> 00:00:48,520
Rõhm Me Pajẽhpixxỳ jõꞌamjõhquẽhn to: Cohte Me Hõhtỳr ẽhntaa cator xỳꞌny.

5
00:00:48,520 --> 00:01:01,080
Rõhm me hỳꞌtuuuteh ne mecte Sesohx ny coohprõn, rõhm cohte me hõmpohn to hỹhr, ne ẽhꞌprõtpi Fehrehp my: —Jõhꞌreh coh ca me ẽhmpoo japruu qui me ẽhmpoo coh?

6
00:01:01,080 --> 00:01:15,880
Ne Sesohx te Fehrehp coohcjir to hãjỹhr, max, cymy cohte Fehrehp cut hacop xỳꞌny cohte cohmy hãjỹhr, xỳm Sesohx te ryꞌmy ẽhmpoo to meꞌcohneh my harte xỳꞌny cohte amjõhto ẽhꞌhimpex.

7
00:01:15,880 --> 00:01:27,960
Rõhm Fehrehp cỹm pa, ne cohmy: —Py! Capxyh qui ca tee paamy pãw 200 dehnar, max, wỳr coh ne to meꞌcohneh my harte, xỳm me hỳꞌtuu!

8
00:01:27,960 --> 00:01:36,400
Rõhm Sesohx cut mecte amjõhjẽhpix cati jiꞌ no japryꞌ to Ãndree (Sehmãw Pit tõ ẽhntaa) te ẽhꞌprõtpi cohmy:

9
00:01:36,400 --> 00:01:45,480
—Pooreh jõhm cra ẽhntaa my sevat hyhꞌ to pãw te sẽhc ne tep xỳr pehxcroht ne no. Max, me hapyyhꞌreh ẽhncriiiire!

10
00:01:45,480 --> 00:02:01,000
Rõhm Sesohx te mecmy: —Cỹh, haner mecmy qui meꞌcrẽh! Rõhm pji ẽhntaa cỹm aꞌtoh jacut my me aꞌtohꞌ cỹm ẽhꞌcrẽh. Ne me hõhmreꞌ te peht mehr to sẽhc, ne cormy me cahỹj me, meꞌcra.

11
00:02:01,000 --> 00:02:33,240
Rõhm Sesohx te pãw cwyr, ne cohte taꞌny Me Pajẽhpixxỳ my ẽhmpex jãarẽn, ne cohte ẽhꞌcut mecte amjõhjẽhpix cati ji my pãw crẽꞌcrẽn ne cohte mecmy hõr par, my myymy mecte Sesohx cut amjõhjẽhpix cati jiꞌ te meꞌcrẽh ẽhntaa ji my hõr par. Rõhm cohte mecmy tep jõr, ne mecte meꞌcohneh my hõr par. Rõhm me cohcoh. Rõhm mecmy pãw me tep jõr to mo, rõhm me ẽhꞌcohr to ẽhꞌcrẽh, cymy myymy mecte ẽhmpoo ẽhntaa jiꞌ to harte par.

12
00:02:33,240 --> 00:02:47,020
Ne me harteꞌ par, rõhm Sesohx te ẽhꞌcut mecte amjõhjẽhpix cati ji my: —Cỹh, haner me me hõ caꞌhohr to coohprõꞌ myyny, xyhr qui ẽhmpoo ẽhꞌtõhm!

13
00:02:47,020 --> 00:03:02,420
Ne cohte mecmyn to hãjỹhr, rõhm hamoh me hõ caꞌhohr cawrỳn to ẽhjpa. Ne pom sevat hyhꞌ to pãw te sẽhc pejꞌhã, caacru rõhm mecte pãw caꞌhohr to cỳyhỳytehꞌ to doze, ne mecte to hẽhpoh par!

14
00:03:02,420 --> 00:03:25,400
Pe rõhm Sesohx te to ẽhmpoo jaahyhr catehꞌ to hãjỹhr, Me Pajẽhpixxỳꞌ te meꞌwyr ẽhꞌcohjahic ny mecte haꞌcree pex xỳꞌny, rõhm meꞌcrẽh ẽhntaa jiꞌ te taꞌny hõmpohn, ne mecte ajpẽn my: —Pom Mozez te me panquit ji my profet jãarẽn, pinny qui ca Me Pajẽhpixxỳ pjiꞌ wyr profet noꞌ cohjate ẽhntaa, taꞌmy Sesohjꞌ to my hãne!

15
00:03:25,400 --> 00:03:42,640
Ne mecte ajpẽn my hãarẽn to hãjỹhr, my ẽhꞌprõtpi mecmy me hõopaꞌheeh rat ny Sesohx xãm prỹm! My amne me praa ne mecte Sesohx proo ne mecte amjõhmy me hõopaꞌheeh rat ny hãm prỹm ẽhntaa ny cohte amjõhny me haꞌcree pex ne hamoh quẽn wyr aꞌteereh mo.