1
00:00:05,000 --> 00:00:15,300
Rõhm Zerohzarẽj cati jiꞌ cwyꞌ te ajpẽn my: —Mrẽ jõhm reht my me pajõopaꞌheeh cati ji ẽhꞌcoohran prỹm creeh?

2
00:00:15,300 --> 00:00:25,720
Pom mrẽ hẽhrỹypi ẽhꞌcaacuc, my nee me to jõhmy noore! Py hop, tem me pajõopaꞌheeh cati ji ẽhncryhꞌcỹm cohpi Me Pajẽhpixxỳꞌ te Crehx cohjahic xỳꞌny amjõhto hõhjaꞌcree ẽhntaa ny ẽhꞌcãmjẽhx?

3
00:00:25,720 --> 00:00:34,260
Me paate haꞌcree pejꞌmy, tax rõhmpi ẽhꞌtẽm ẽhntaa ny, max, Crehx ẽhntaa, coh ca nee me tax rõhm ẽhꞌtẽm ny haꞌcree pex noore.

4
00:00:34,260 --> 00:01:01,360
Ne mecte ajpẽn my Sesohx jãarẽn to hãjỹhr, rõhm Sesohx Me Pajẽhpixxỳ jõhrcwaa cỹm jỹh, ne me to ẽhꞌhimpex to jỹh, ne cohte cyj rõhmpi mecmy: —Meate ẽhjpohpohn pexteh, ne tax rõhm ẽhjtẽm ẽhntaa ny meate jaꞌcree pex. Max, wa nee amjõhjarcwaaꞌ cut ẽhjtẽm noore. Xỳm pom cohte ẽhjcohjahic ẽhntaa ẽhncryhꞌcỹm ẽhꞌcaacuc, my nee meate hõmpohn pex noore.

5
00:01:01,360 --> 00:01:07,020
Paꞌ wa ẽhjte hõmpohn, xỳm cohteꞌhã ẽhjcohjahic, wa amne ẽhꞌpẽhn tẽ.

6
00:01:07,020 --> 00:01:19,440
Ne Sesohx te mecmy hãjỹhr, rõhm meꞌprõtpi ẽhꞌproo xỳꞌny. Caacru my nee jõhm te ẽhꞌproo noore, xỳm nee cormy mecte ẽhꞌproo xỳꞌny awcaꞌteh jỳꞌhohc noore.

7
00:01:19,440 --> 00:01:41,100
Rõhm meꞌcohꞌhi ẽhntaa jiꞌ cwyꞌ te Sesohx cut amjõhjẽhpix, ne mecte ajpẽn my: —Sesohx ẽhntaapiimy Crehx! Xỳm cohte to ẽhmpoo jaahyhr cateh! Py hop, tem qui ca pehja mrẽ cormy Crehx ẽhntaa tẽ, ne ca Sesohx jẽhruuꞌpi to ẽhmpoo jaahyhr cateh? Wỳr qui jõhm hẽhruuꞌpi ẽhmpoo to hapux!

8
00:01:41,100 --> 00:02:00,600
Ne me catehꞌ te Sesohx ny ajpẽn prỹy pex to hãjỹhr, rõhm Farehzew cati ji jõhpar. My saséhdot cati ji jõopaꞌheeh ẽhntaa ji me, Farehzew cati jiꞌ te Sesohx proo xỳꞌny ẽhꞌwyr me hỳmcwyr cati jiꞌ cohjahic, rõhm hamoh me ẽhꞌwyr praa.

9
00:02:00,600 --> 00:02:11,160
Rõhm Sesohx te meꞌcohꞌhi ẽhntaa ji my: —Wa ca cormy meacapeꞌny ẽhjpaꞌ pỹc, ne hamoh acpỹyhmy ca cohte ẽhjcohjahic ẽhntaa wyr tẽ.

10
00:02:11,160 --> 00:02:19,800
Ca ca me japi praa, ne nee me ẽhjny aaxãm noore. Wa ca taxmy hamoh tẽ, ca ca nee me ẽhjcut aapraa noore.

11
00:02:19,800 --> 00:02:40,120
Ne Sesohx te mecmy hãjỹhr, rõhm Zohdew cati ji jõopaꞌheeh ẽhntaa jiꞌ te ajpẽn my: —Jõhꞌcỹm qui ca hamoh tẽ, coh ca nee me ẽhꞌcut pampraa noore? Tem qui ca hamoh Grec cati ji jõꞌpjiꞌ cỹm me paꞌcji jiꞌ caꞌcõhm ẽhntaa jiꞌ wyr tẽ, ne Grec cati jiꞌ to ẽhꞌhimpex to ẽhjpa?

12
00:02:40,120 --> 00:02:59,800
Ẽhmpoo to my aapoh ẽhꞌcaacuc? Pinny coh ca me hapi, ne nee me taꞌny paaxãm noore. Ne pinny qui ca taxmy hamoh tẽ, coh ca nee me ẽhꞌcut pampraa noore? Ne mecte ajpẽn my hãjỹhr, ne me tee Sesohx jarcwaa jaꞌcree quit.

13
00:02:59,800 --> 00:03:21,240
Rõhm aꞌtõhmryyh rõhm mecte amjõhquẽhn ẽhntaa to amjõhcaprỹy xỳꞌny awcaꞌteh jỳꞌhohc. Ne me hõꞌamjõhquẽhn jẽhcohwxỳ jõꞌawcaꞌteh ẽhntaa pexteh, pinny. Rõhm Sesohx xãm, ne cohte mecmy: —Cỹh, me ẽhjcỹm pa. Qui meano my cur, ca amne meano ẽhjwyr tẽ, ne meano ẽhjcõ!

14
00:03:21,240 --> 00:03:38,280
Xỳm ryꞌmy ẽhꞌhuc cỹm Me Pajẽhpixxỳꞌ te harcwaa to hãjỹhr, ca ca meano ẽhjcut amjõhjẽhpix, qui ca meanoꞌ pẽhnꞌhã cuntoo puc hỳꞌtuu ne hapux. Cuntoo puc ẽhntaa to ca me ẽhjcõ ne meatẽhr tõhm ny aapa.

15
00:03:38,280 --> 00:04:01,940
Pinny Carõo Pex to my Sesohx te ẽhꞌcaacuc to hãjỹhr. Xỳm pinny qui ca Carõo Pex ẽhꞌcut mecte amjõhjẽhpix cati jiꞌ to ẽhꞌhimpex cỹm ẽhncryhc, ne me to ẽhꞌhimpex to ẽhjpa. Max, nee cormy Carõo Pex te me to ẽhꞌhimpex cỹm ẽhncryhc noore, xỳm nee cormy Sesohx tyhc my Me Pajẽhpixxỳꞌ te to acpỹyhmy ẽhꞌtẽhr ne cohte to ẽhmpex noore.

16
00:04:01,940 --> 00:04:13,960
Rõhm meꞌcohꞌhi ẽhntaa jiꞌ cwyꞌ te ajpẽn my: —Ẽhncryhꞌcỹm jõhm te Me Pajẽhpixxỳꞌ te profet noꞌ cohjahic xỳꞌny to hõhjaꞌcree ẽhntaa, taꞌmy Sesohx!

17
00:04:13,960 --> 00:04:28,160
Ne meꞌcwy ajpẽn my: —Cohpi Me Pajẽhpixxỳꞌ te Crehx cohjahic xỳꞌny amjõhto hõhjaꞌcree ẽhntaa mahã! Max, meꞌcwy ajpẽn my: —Tem crẽ pjiꞌ to Garehrehj pẽhnꞌhã Crehx ẽhntaa tẽ?

18
00:04:28,160 --> 00:04:43,960
Hop, qui ca pinny Crehx ẽhntaa Davẽeh tỳmxwy cati jiꞌ ny. Ne ca cohpi crẽhꞌ to Berẽej cati jiꞌ cwy, myyreh Davẽeh crẽhꞌ cỹm ẽhjpa ẽhntaa. Tem Me Pajẽhpixxỳꞌ te ẽhꞌhuc cỹm harcwaa to hãjỹhr noore?

19
00:04:43,960 --> 00:04:48,600
Ne mecte Sesohx ny ajpẽn prỹy pex to hãjỹhr.

20
00:04:48,600 --> 00:04:53,920
Rõhm meꞌcwy my Sesohx proo prỹm, caacru rõhm nee jõhm te ẽhꞌproo noore.

21
00:04:53,920 --> 00:05:14,560
Pe rõhm Farehzew cati ji me, saséhdot cati ji jõopaꞌheeh ẽhntaa jiꞌ te Sesohx proo xỳꞌny cohmy me hỳmcwyr cati jiꞌ cohjahic, rõhm nee mecte ẽhꞌproo noore, ne me hatohj ne me praa. Ne mencjix, rõhm mecmy: —Mrẽ me ẽhꞌprooꞌre?!

22
00:05:14,560 --> 00:05:21,660
Rõhm mecte mecmy: —Aapoh tỹmne jõhm te ẽhꞌcaacuc to hãjỹhrꞌ pom qui Sesohx noore!

23
00:05:21,660 --> 00:05:31,040
Ne mecte mecmy hãjỹhr, rõhm Farehzew cati jiꞌ te mecmy: —Tem crẽ cohte me caxwyyre my ẽhꞌhixxeeh, my meate cỹm aajapac?!

24
00:05:31,040 --> 00:05:41,960
Jõhꞌreh my ry mejpi Farehzew cati ji me, paꞌheeh cati jiꞌ te tỹmne harcwaa cut amjõhjẽhpix? Aapoh nee mejnoꞌ te harcwaa cut amjõhjẽhpix noore!

25
00:05:41,960 --> 00:05:52,920
Max, pom me catehꞌ te nee Mozez himpexxỳ jaꞌcree pex noore ẽhntaa ji, qui ca Me Pajẽhpixxỳ amjõhtiitee mecri ne ca me to taxmy!

26
00:05:52,920 --> 00:06:00,920
Rõhm paꞌheeh cati jiꞌ no japryꞌ to Nehcodẽm ẽhntaa, myyreh awcapỳt cỹm Sesohx wyr mo ẽhntaa, cohte ẽhꞌprõtpi mecmy:

27
00:06:00,920 --> 00:06:21,720
—Tem crẽ me paate amjõhjẽhpixxỳꞌ te hãjỹhr? Tem coh ca me jõhm te ẽhmpoo quin to hapux ny jõhm coohcjir xwyjrehꞌhã jõhm to jõhmy? Mrẽ coh me ẽhmpoo ny Sesohx coohquehj, qui me paamy amjõhjãarẽ, ne qui jõhm ji me paamy ẽhmpoo quin ny hãarẽ, coh ca me haꞌcree pex ne ca me cormy haxỳ.

28
00:06:21,720 --> 00:06:37,520
Ne Nehcodẽm te mecmy harcwaa to hãjỹhr, rõhm mecte tapanreꞌny cohmy: —Tem ca crẽ caxwyyre Garehrehj cati jiꞌ ny? Haner Me Pajẽhpixxỳ jarcwaa ny ẽhꞌhuc pohpoh, xỳm nee tỹmne pjiꞌ to Garehrehj cỹm profet noꞌ cator noore!

29
00:06:37,520 --> 00:06:47,160
Ne mecte ajpẽn my hãjỹhr, ne mecte ajpẽn my harcwaa my hẽhcran, ne mejpeehcrỳn, ne hamoh me hõhrcwaa wyr ẽhjpa.