1
00:00:05,000 --> 00:00:25,620
Ne Sesohx te mecmy hãjỹhr, ne cohte mecmy: —Cỹh, wa ẽhjcryhꞌcỹm meamy awjãarẽ, meꞌcwyꞌ te hãjỹhrꞌ pom qui me cáhnir to hỳycoo to ẽhjpa ẽhntaa ji nee me cáhnir jõꞌcwyc jarcwaa ny ẽhncjix noore. Ne me tax rõhmpi aapeh ne meaxxwy, ne me cáhnir to hỳycoo.

2
00:00:25,620 --> 00:00:33,180
Max, wa ẽhjte hãjỹhrꞌ pom qui cáhnir jõꞌdõn. Xỳm cáhnir jõꞌdõn hatox cỹm cwyc jarcwaa ny aacji.

3
00:00:33,180 --> 00:00:52,780
Xỳm jõhm cwyc jarcwaa jamyr to ẽhꞌcrẽh ẽhntaa ẽhꞌtyx cohmy harcwaa proo rẽ, my aacji. Aacji ne hõꞌcáhnir my aaquehj, aꞌpỹyhꞌny hapryꞌ ny cohmy hỳycjir pehtxeht, my hõꞌcáhnir cỹm pa ne ẽhꞌwyr ẽhjpa, rõhm to hapux.

4
00:00:52,780 --> 00:00:59,740
To hapux ne cáhnir my ẽhꞌcrỹyreh ẽhjpa, rõhm ẽhꞌcut ẽhjpa, xỳm cáhnir te hõocree jaꞌcree pex.

5
00:00:59,740 --> 00:01:15,740
Max, qui ca ajteeꞌmy jõhm cáhnir my aaquehj, qui ca nee jõhm cỹm hapac noore, ne ca hamoh jõhmpi hõhphiꞌ to ẽhjpa, xỳm nee cáhnir te jõhm jõocree jaꞌcree pex to hãjỹhrꞌ pom qui cohte hõꞌdõn jaꞌcree pex noore.

6
00:01:15,740 --> 00:01:21,760
Ne Sesohx te mecmy hõhjãarẽn to hãjỹhr, rõhm nee mecte harcwaa par noore.

7
00:01:21,760 --> 00:01:34,960
Rõhm Sesohx te hẽhpiireh mecmy, ne mecmy: —Wa ẽhjcryhꞌcỹm meamy, wa ẽhjte hãjỹhrꞌ pom qui cáhnir jõꞌcwyc jarcwaa ẽhntaa, xỳm wỳr qui jõhm ẽhjcỳjꞌny Me Pajẽhpixxỳꞌ wyr aꞌtip.

8
00:01:34,960 --> 00:01:45,140
Rõhm mecte ẽhjxwyjrehꞌhã meato ẽhꞌhimpex to ẽhjpa ẽhntaa jiꞌ cohnehꞌ te hãjỹhrꞌ pom qui me cáhnir to hỳycoo to ẽhjpa ẽhntaa ji. Max, nee cáhnir te me cỹm hapac noore.

9
00:01:45,140 --> 00:02:00,080
—Ẽhjpi cáhnir jõꞌcwyc jarcwaa. Ca ca meano ẽhjpi harcwaa ẽhntaa ny aaxỳ wa ca meano pyhtỳ, ca ca meano aacji ne aajapux ne meano aajõ ẽhmpex cohr to aapa.

10
00:02:00,080 --> 00:02:18,220
Max, me cáhnir to hỳycoo to ẽhjpa ẽhntaa jiꞌ quinre ne me cymy cáhnir to hỳycoo ne me to ẽhꞌcoohra ne me to taxmy to ẽhjpa. Max, paꞌ wa ẽhjte cáhnir my ẽhꞌtẽhr jõr xỳꞌny tẽ, wa cáhnir to ẽhjhimpex qui mempextehꞌ ny ẽhjpa.

11
00:02:18,220 --> 00:02:26,260
—Ne xwyyre my, wa ẽhjte hãjỹhrꞌ pom qui cáhnir jõꞌdõn pexteh ẽhntaa. Xỳm wa ca jõꞌcáhnir tiitee tyh.

12
00:02:26,260 --> 00:02:50,460
Max, pom me ẽhꞌpooreꞌ ny peht cáhnir jamyr to ẽhjpa ẽhntaa ji, nee mecpi cáhnir jamyr pex cati jij noore, my nee cáhnir me hõꞌteecjij noore, cwyrjapii qui ca amne xooteh tẽ, qui ca me xootehꞌ cohpaatee cáhnir my hẽhcra ne ca hamoh me praa! Qui ca xooteh cáhnir cỹm ẽhncryhc, ne ca ẽhꞌcwyꞌ proo pe qui ca ẽhꞌcwyꞌ caꞌcõhm!

13
00:02:50,460 --> 00:03:01,860
Hõ, ne me cáhnir capehꞌ to hãne, xỳm cymy me ẽhꞌpooreꞌ ny pehtteh cáhnir jamyr ny amjõhpyhxwy ne me hamyr to ẽhjpa, ne nee mecmy cáhnir jamyr pex prỹm noore.

14
00:03:01,860 --> 00:03:11,500
—Ẽhjpiꞌhã cáhnir jamyr pex cati. Xỳm ẽhjte jõꞌcáhnir pohpohn pex, my tapanny jõꞌcáhnir te ẽhjpohpohn pex.

15
00:03:11,500 --> 00:03:25,800
Pom qui Jõnxõoh te jaꞌcree pex, wa ẽhjte tapanny Jõnxõoh cwyꞌ to, wa ẽhjte jõꞌcáhnir pohpohn pex my cohte ẽhjpohpohn pex. Pe wa ca jõꞌcáhnir cati ji ẽhntiitee tyh.

16
00:03:25,800 --> 00:03:41,880
Pe ne poone hamoh cwyc noꞌ cỹm ẽhjmy cáhnir cwy ẽhꞌcohꞌhi. Cáhnir ẽhntaa ji xwyyreꞌ te ẽhjcỹm hapac pex. Pe wa ca cwyc pehtxeht cỹm cáhnir to coohprõn pa, ne ca cáhnir cohneh jamyr catiꞌ ny ẽhjpa.

17
00:03:41,880 --> 00:03:51,800
Ne cohte hãjỹhr ẽhntaaꞌny Jõnxõoh my japii, xỳm wa ẽhjte meatiitee ẽhjtyhc xỳꞌny amjõhjaꞌcree, wa ca tyh, ne ca acpỹyhmy ẽhjtẽhr.

18
00:03:51,800 --> 00:04:14,280
Wa ca nee ẽhjte amjõhjaꞌcree noo cỹm qui ca jõhm ẽhjcoohran noore. Max, paꞌ wa ca mecmy amjõhjaꞌcree, qui ca me ẽhjcoohra. Wa ca amjõhjarcwaaꞌ cut tyh, ne ca amjõhjarcwaaꞌ cut acpỹyhmy ẽhjpa, xỳm ẽhjtyhc ne acpỹyhmy ẽhjtẽhr xỳꞌny ẽhjhehꞌtyx. Xỳm Jõnxõoh te ẽhjto ẽhꞌhimpex to hãjỹhr.

19
00:04:14,280 --> 00:04:27,780
Pe rõhm Sesohx te mecmy harcwaa to hãjỹhr, rõhm ẽhꞌprõtpi Zohdew cati jiꞌ te harcwaa ẽhntaa cut ajpẽn prỹy pex cỹm ẽhncryhc, ne meajpẽn prỹy pex!

20
00:04:27,780 --> 00:04:39,480
Ne meajpẽn my: —Aapoh ẽhmpoo carõo quin peht Sesohx to ẽhꞌhimpex to ẽhjpa, ne ẽhntocaraꞌ to peht ẽhjpa aapoh! Ẽhmpoo caxohw ca me cỹm pa?!

21
00:04:39,480 --> 00:04:59,380
Max, meꞌcwy tapanny mecmy: —Hop, aapoh qui ca ẽhmpoo carõo quin jõhm to ẽhꞌhimpex to ẽhjpa qui ca nee jõhm ẽhꞌcaacuc to hãjỹhr to ẽhjpaj noore! Jõhꞌreh qui ca ẽhmpoo carõo quin jõhm toproo tỳt qui ca jõhm ẽhjrẽht pex to hãne? Ammrẽere my! Ne mecte ajpẽn prỹy pex to hãjỹhr.