1 00:00:05,000 --> 00:00:34,240 —Rõhm Zohdew cati ji jõꞌamjõhquẽhn ẽhntaa japryꞌ to: “Me Pajẽhpixxỳ jõhrcwaa mampexxỳ,” xỳm mam crẽh xỳyreꞌ to Sehr cati jiꞌ te Zohdew cati jipi Me Pajẽhpixxỳ jõhrcwaa to ẽhꞌpỹc, my aꞌtõhmryyh my Zohdew cati jiꞌ te acpỹyhmy ẽhjcree to ẽhmpex, ne me mecte to me hõꞌamjõhquẽhn ẽhntaa jaahyhr. Rõhm me hõꞌamjõhquẽhn ẽhntaa cator. Rõhm ryꞌmy cryh xwyyreꞌ cator ne cryh. 2 00:00:34,240 --> 00:00:40,120 Rõhm Sesohx Me Pajẽhpixxỳ jõhrcwaa cỹm mo, Sarohmãw jõꞌvarãn cỹm. 3 00:00:40,120 --> 00:01:05,280 Rõhm Zohdew cati jiꞌ cwyꞌ te Sesohx to ẽhjpeehxir, ne mecte ẽhꞌcoohcjir cỹm ẽhncryhc, ne me cohmy: —Tem ca ca nee tỹmne mejmy amjõhjãarẽn noore? Mejmy amjõhjãarẽ to hyh, wa me tỹmꞌne aajaꞌcree pex! Tem aapi Me Pajẽhpixxỳꞌ te Crehx cohjahic xỳꞌny amjõhto hõhjaꞌcree ẽhntaa? Qui aapi Crehx ẽhntaa, ca hẽhrỹypi mejmy amjõhjãarẽ! 4 00:01:05,280 --> 00:01:20,800 Ne mecte Sesohx coohcjir to hãjỹhr, rõhm cohte mecmy: —Aapoh ryꞌmy ẽhjte hẽhrỹypi meamy amjõhjãarẽn, ca meajỳyprỹy pex. Wa ẽhjtyx Jõnxõoh jarcwaaꞌ cut ẽhmpoo to japux to ẽhjpa, meate jaꞌcree pex xỳꞌny, 5 00:01:20,800 --> 00:01:26,380 caacru ca meajỳyprỹy pex, xỳm ca nee me jõꞌcáhnir ny aapaj noore. 6 00:01:26,380 --> 00:01:33,800 Wa ẽhjte jõꞌcáhnir jaꞌcree pex par, my jõꞌcáhnir ẽhꞌtyx ẽhjcỹm pa ne hatox cỹm ẽhjcut ẽhjpa. 7 00:01:33,800 --> 00:01:44,000 Pe wa to ẽhjhimpex my ẽhꞌtẽhr tõhm ny ẽhjpa. Qui ca nee tỹmne ẽhꞌno ẽhjpi ẽhjpehctor noore, pe qui ca nee tỹmne jõhm ẽhjpi ẽhꞌno jõhtỳr noore. 8 00:01:44,000 --> 00:01:52,780 —Meꞌcohnehꞌteh jẽhruuꞌpi Jõnxõoh hehꞌtyxteh ẽhntaa te ẽhjmy me hõr. Ne wyr qui tỹmne jõhm Jõnxõohpi meꞌno capa! 9 00:01:52,780 --> 00:01:58,920 —Wa Jõnxõoh me ẽhjpehxcroht, max, mejpehxcroht cỹm mejpehtxeht pejꞌhã. 10 00:01:58,920 --> 00:02:07,640 Ne Sesohx te mecmy hãjỹhr, rõhm ẽhꞌprõtpi mecte hẽhpiireh quẽn cawrỳn, mecte cỹm quẽn rẽn, ẽhꞌcoohran xỳꞌny. 11 00:02:07,640 --> 00:02:17,100 Rõhm Sesohx te mecmy: —Wa ẽhjte meamy Jõnxõoh jarcwaaꞌ cut ẽhmpoo pex to japux cateh. Ne ẽhmpoo ny ca me ẽhjcoohran ẽhntaa xỳꞌny? 12 00:02:17,100 --> 00:02:36,480 Rõhm mecte cohmy: —Hop, aapoh nee aate ẽhmpoo pex to aajapux cwyrjapii wa ca me aacoohran noore. Ne quit Me Pajẽhpixxỳꞌ to aate aacaacuc quin. Xỳm aajẽeh te hãjỹhrꞌ pom qui me jẽeh caacru ca aapi Me Pajẽhpixxỳꞌ ny mejmy amjõhjãarẽ, ne cymy mejmy aahixxeeh cwyrjapii wa ca meacoohra! 13 00:02:36,480 --> 00:02:46,360 Rõhm Sesohx te mecmy: —Pom mrẽ Me Pajẽhpixxỳꞌ himpexxỳꞌ ny ẽhꞌhuc te hãjỹhr: “Wa ẽhjte meamy: ‘Meate to Me Pajẽhpixxỳꞌ pyhrỳchã.’ ” 14 00:02:46,360 --> 00:03:03,860 —Hõ, ne mecte mam meaquit ji my Me Pajẽhpixxỳ jarcwaa jãarẽn to hãjỹhr, my Mozez himpexxỳꞌ ny cohte me hãarẽn to hãjỹhr pinny mecte to Me Pajẽhpixxỳꞌ pyhrỳchã, (ne ẽhꞌhuc ẽhntaa ẽhncryhꞌcỹm ne nee ẽhꞌhixxeeh noore, wỳr qui jõhm harcwaa ẽhntaa crỳ), 15 00:03:03,860 --> 00:03:17,280 caacru my Me Pajẽhpixxỳꞌ te amjõhmy ẽhjxãm, wa amne harcwaaꞌ cut meawyr tẽ, pjiꞌ wyr, ne ẽhꞌcraꞌ ny ẽhjpaꞌ ny meamy amjõhjãarẽ, ca crẽ me ajteemy ẽhjte Me Pajẽhpixxỳꞌ to ẽhjcaacuc quin ny ẽhjcrax! 16 00:03:17,280 --> 00:03:25,540 Tem wa nee Jõnxõoh jarcwaaꞌ cut ẽhmpoo to japux to ẽhjpaj noore? Pox, cỹh, ca nee me ẽhjcut amjõhjẽhpix to aapaj noo cỹm! 17 00:03:25,540 --> 00:03:44,220 Py hop, tem ca me ẽhjte Jõnxõoh jarcwaaꞌ cut ẽhmpoo to japux ny ẽhjcãmjẽhj ne ca me ẽhjcut amjõhjẽhpix capeh? Hop, nee me hãjỹhr noo cỹm, ne me ẽhmpoo ny ẽhjcut hacopre! Ca ca me ẽhmpoo ny ẽhjpohpohn to aapa ne me jaꞌcree pex, xỳm Jõnxõoh ẽhjcỹm ẽhꞌcohꞌhi wa tapanny cỹm ẽhjcohꞌhi. 18 00:03:44,220 --> 00:03:51,880 Ne Sesohx te mecmy hãjỹhr, rõhm mecte hẽhpiireh ẽhꞌproo xỳꞌny, rõhm Sesohx mecpi cator ne hamoh tẽ. 19 00:03:51,880 --> 00:04:02,120 Ne hamoh cuꞌ to Zóhdãw jẽehcjiꞌ wyr ẽhjrii, myyreh mam Zwãw cuꞌ cỹm meꞌcrỹ ẽhncoo to ẽhjpa ẽhntaaꞌ wyr my tẽ, ne cohrehꞌhã ẽhjpa. 20 00:04:02,120 --> 00:04:22,600 Rõhm me hỳꞌtuu ne me ẽhꞌwyr ẽhjpa. Ne meajpẽn my hãarẽn to ẽhjpa, ne meajpẽn my: —Ẽhncryhꞌcỹm Zwãw te nee Sesohx quẽhntee to ẽhmpoo jaahyhr catehj noore, Me Pajẽhpixxỳꞌ te me paꞌwyr ẽhꞌcohjahic ny me paate haꞌcree pex xỳꞌny, max, Zwãw te ẽhncryhꞌcỹm me paamy hãarẽn. 21 00:04:22,600 --> 00:04:30,960 Ne mecte ajpẽn my hãjỹhr, ne me hỳꞌtuu ne mecte Sesohx cut amjõhjẽhpix ne mejpa.